Search
日本語
日本語
COVID-19及び国際郵便業務の中断により、
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。

キリスト教信仰に関するFAQ

主題2: 御霊

2-5. ایس ویلے پاک رُوح کیہ کم کردااے ؟

ایس ویلے پاک رُوح خُدا دے کلام نال بوہت کھول کے سچی تعلیم نوں جھوٹی تعلیم توں  وکھ کرن دا کم کردااے ۔اوہ رُوحاں دے اگے جیہڑیاں ایس پریشان دے دناں وچ بدکاری دے سبب مردیاں  پئیاں نیں ،اوہناں نوں بچاؤن لئی پانی تے رُوح دی خوشخبری دی منادی کردااے ،جیہڑی خُداوند نے سانوں دتی اے ۔
سانوں پتہ ہونا چاہی دااے پئی سارے جگ وچ اَج مسیحیت وچ کم کرنے والے بوہت سارے جھوٹے نبی ہیگے نیں ۔ بھاویں اوہ اپنے دلاں وچ پاپ رکھدے نیں ،اوہ فیر وی غلط کم کردے پئے نیں: مطلب اے اوپریاں بولیاں بولنا ،جھوٹے اوّلے کم کرنا تے رویا ویکھنا ۔ ایس زمانے دی پریشان رُوحاں لئی پاک رُوح،  ”مدد کرن والا   “ جگ نوں پاپ تے راستبازی تے عدالت لئی قصوروارٹھہراؤندااے (یوحنا ۱۶ : ۸)۔
سب توں پہلاں ،سچیائی دا رُوح انسانی پیڑھی نوں پاپ لئی قصوروار ٹھہراؤندااے ۔ پاپ خُدا دے اَگے پانی تے رُوح دی خوشخبری اُتے ایمان نہ لیاؤنا اے جیہڑی خُدا نے سانوں دتی اے ۔ اوہ اوہناں نوں قصوروار ٹھہراؤندااے جیہڑے یوحنا اصطباغی کولوں یسوع دے بپتسمہ تے اوہدے صلیبی لہو دی سوہنی خوشخبری اُتے ایمان نئیں لیاؤندے نیں ،اوہناں نوں خبردار کردااے پئی اوہ دوزخ دا لیکھ رکھن والے پاپی نیں۔
اوہ خُدا دی راستبازی دی وی گواہی دیندا اے ۔ ایتھے خُدا دی راستبازی دا مطلب ایہہ ہیگا اے پئی خُدا نے یسوع نوں جگ دے سارے پاپاں نوں چُکن لئی اک بندے دی شکل وچ ایس جگ وچ گھلیا ۔ اوہ لوکاں د ی جیہڑے یسوع اُتے ایمان رکھدے نیں ،پانی تے رُوح دی خوشخبری اُتے ایمان رکھن دے راہیں پاپ توں معافی پاؤن وچ مدد کردااے ۔ اوہ ایس توں وی خبردار کردا اے پئی اوہ جیہڑے خُدا دی مرضی جان دے ہویاں سچی خوشخبری نوں نئیں من دے ،بعد وچ اپنے پاپاں دی سزاپاؤن گے ۔
شروع وچ، جدوں خُدا نے اپنے کلام نال دنیا نوں بنایا ، پاک رُوح نے اوہدے نال کم کیتا تے بعد وچ انسانی پیڑھی دے سکھنے تے پریشان دلاں اُتے پانی تے رُوح دی خوشخبری دی روشنی پاؤن لئی سچیائی دا نُور چمکیا (پیدائش ۱:۲ ۔ ۳)۔ایس طرحاں پاک رُوح اَج دے دناں دی پریشان رُوحاں اُتے اوہناں دے پاپاں دے بارے وچ ، خُدا دی راستبازی تے اوہناں دے پاپاں دی سزا اُتے روشنی پاؤندااے ۔