Search
日本語
日本語
COVID-19及び国際郵便業務の中断により、
「無料の本のサービス」を一時的に停止しております。
この状況を考慮して、現時点では無料の本を郵送することはできません。
この全国的流行がすぐに終わり、郵便業務が再開されることを祈ります。

キリスト教信仰に関するFAQ

主題4: 図書の読者からのよくある質問

4-4. تُسیں آکھیا ، یسوع نے سچ مُچ جگ دے سارےپاپاں نوں چُک لیا جدوں اوھنے یوحنا دے راھیں بپتسمہ لیا سی ۔ فیر ، ایہدا مطلب ایہہ ہیگا اے پئی اوہ اپنی ساری خدمت والی حیاتی وچکار ہر ویلے پاپی بن گیا ، کیہ ایہہ نئیں ہیگا؟

جگ دے سارےپاپ یسوع اُتے اوھدے بپتسمے دے راھیں لدے گئے سَن ۔ پر ایہدا مطلب ایہہ نئیں ھیگا پئی اوہ پاپی بن گیا۔ پاپاں نوں اوھدی رُوح وچ نئیں ، سگوں صرف اوھدے بدن وچ پایا گیا سی ۔ یسوع نوں اک بندے دے بدن وچ دھرتی اُتےگھلیا گیا ۔ ایہدا مطلب ایہہ ہیگا اے پئی اوھنے بندے دا بدن پا لیا جد پئی اوہ خدا ہیگا اے۔ ایس لئی اوہ صرف خدا دے وانگر ای اپنے بدن اُتے جگ دے پاپاں نوں  جردا اے۔
یسعیاہ 53: 6 نوں ویکھو، "خداوند نے ساڈے ساریاں دی بدکرداری اوھدے اُتےلد دتی۔" ایس لئی سارے پاپ سچ مُچ یسوع اُتے اوھدے بپتسمے راھیں لدے گئے سَن ۔ رومیوں 8: 3 وی ایہہ آکھدا اے ، " ایس لئی پئی جیہڑی گلّ جِسم دی کمزوری دے سببّوں شریعت توں نا ہو سکی۔ خُدا اپنے ای پُتر نُوں گُناہی جِسم دی صُورت وِچ تے گُناہ دی قُربانی لئی گھل کے جِسم وِچ گُناہ دی سزا دا حُکم کِیتا۔"
یسوع نے اپنے بپتسمے راھیں دُنیا دے سارے پاپاں نوں  جریا تے اوھناں نوں سولی تیک پہنچا دتا۔ اپنی دھرتی اُتے خدمت دے وچکار ، سولی اُتے مرن توں پہلوں اوہ پاپ جر دا پیا سی ۔ ایس لئی بائبل فرماؤندی اے ، " تَد یِسُوع اوہناں دے نال گتسمنی ناں اِک جگہ وِچ آیا تے اپنے شاگِرداں نُوں آکھیا تُسی ایتھے بَہو جِنّاں چِر مَیں اوتھے جا کے دُعا منگاں۔ تے پطرس تے زبدی دے دوہاں پُتراں نُوں نال لے کے اوہ دُکھی تے بُہت غمگِین ہون لگّا۔ تَد اوہ اوہناں نُوں آکھن لگّا میرا جی بُہت دُکھی اے مرن دے درجہ تِیکر۔ تُسی ایتھے ٹھیرو تے میرے نال جاگدے رہو۔ تے تھوڑا اگّے وَدّھ کے مُنھ پرنے ڈِگّ پیا۔ تے دُعا منگدیاں ہویاں ایہہ آکھیا اَے میرے باپ جیکر ہو سکے تے ایہہ پیالہ مَیتھوں ٹل جائے۔ تے وی نا جیویں مَیں چاہناں آں پر جیویں تُوں چاہنا ایں۔"(متی 26: 36-39)۔
فلپیوں 2: 6-8 وچ لکھیا اے ، " اوہ بھانویں خُدا دی صُورت وِچ سی۔ پر اوہنے خُدا دے برابر ہون نُوں اپنے قبضے وِچ رکھن دی شے نا جانیا۔ سگوں اپنے آپ نُوں خالی کر دِتّا۔ تے ٹہلئے دی صُورت مَل لئی۔ تے بندیاں وانگر ہو گیا۔ تے اِنسانی شکل وِچ ظاہر ہو کے اپنے آپ نُوں نِیویاں کر دِتّا تے ایتھوں تِیکر تابعدار ہویا پئی مَوت سگوں صلِیب دی مَوت جَھل لئی۔"
باپ دی مرضی نوں پوریاں کرن لئی یسوع نوں سولی اُتے مرنا پیا بھاویں ایہہ بوہت دُکھ بھریا سی ۔ یسوع نوں سولی چاھڑیا گیا ایہدا سبب ایہہ سی پئی جد اوھنے یوحنا بپتسمہ دین والے  دے راھیں بپتسمہ لیا سی تاں اوھنے جگ دے سارے پاپاں نوں جریا۔ ایس لئی اوھنے آکھیا ، "پُورا ہویا" جدوں اوہ سولی اُتے مر گیا (یوحنا 19: 30)۔ یسوع دا بپتسمہ تے اوھدی سولی اک دوجے دے بوہت نیڑے دا تعلق رکھدے نیں۔ ایہہ دونویں کامل نجات بناؤندے نیں۔
ایس لئی یسوع دا بپتسمہ صرف اک نشان نئیں اے ، جویں بوہتے لوک اِنج آکھہدے نیں، سگوں مکتی وانگر اے۔