Wegens COVID-19 en verstoring van de internationale postdienst hebben
wij onze 'Gratis Boekendienst' tijdelijk opgeschort.
wij onze 'Gratis Boekendienst' tijdelijk opgeschort.
In het licht van deze situatie kunnen we u de boeken momenteel niet opsturen.
Bid dat deze pandemie spoedig zal eindigen en dat de postdienst wordt hervat.
Bid dat deze pandemie spoedig zal eindigen en dat de postdienst wordt hervat.
مضمون 11: خیمۂ اِجتماع
[11-28] پانی تےرُوح دی خوشخبری لئی لاٹُو <خروج ۲۵:۳۱-۴۰>
>خروج ۲۵:۳۱-۴۰>
”تے تُوں کھرے سونے دا اِک دِیوادان بناویں۔ا وہ دِیوادان تے اوہدا پاواہ تے ڈنڈی سارے گھڑ کے بنائے جان تے اوہدیاں پیالیاں تےلاٹُو تے اوہدے پُھل سارےاِکوای ٹوٹے دے بنے ہون۔تے اوہدیاں دوآں پاسیوں چھے ٹہنیاں باہر نُوں نِکلدیاں ہون۔ تِن ٹہنیاں دِیوادان دے اِک پاسیوں نِکلن تے تِن دُوجے پاسیوں۔اِک ٹہنی وِچ بادام دے پُھل دی شکل دیاں تِن پِیالیاں۔ اِک لاٹُو تے اِک پُھل ہوئےتے دُوجی ٹہنی وِچ وی بادام دے پُھل دی شکل دیاں تِن پِیالیاں اِک لاٹُو تے اِک پُھل ہوئے۔ ایسے طرح دِیوادان دیاں چھیاں ٹہنیاں وِچ ایہہ سارا لگیا ہوئے۔تےآپ دِیوادان وِچ بادام دے پُھل دی شکل دیاں چار پِیالیاں اپنے اپنے لاٹُو تےپُھل سمیت ہون۔تےدو ٹہنیاں ہیٹھاں اِک لاٹُو۔ سارے اِکوای ٹُوٹے دے ہون تے فیر دوٹہنیاں ہیٹھاں اِک لاٹُو۔ سارے اِکوای ٹُوٹے دے ہون تے فیر دوٹہنیاں ہیٹھاں اِک لاٹُو۔ سارے اِکوای ٹُوٹے دے ہون ۔ دِیوادان دیاں چھےای باہر نُوں نِکلیاں ہُوئیاں ٹہنیاں اِنج ای ہون۔یعنی لاٹُو تےٹہنیاں تےدِیوادان سارے اِکوای ٹُوٹے دے بنے ہون۔ا یہہ سارے دا سارا کھرے سونے دے اِکوای ٹوٹے نال گھڑ کے بنایا جائے۔تے تُوں اوہدے لئی ست دِیوے بناویں۔ا یہوا ی دِیوےبالے جان تاں پئی دِیوادان دے اَگے رَوشنی ہوئے۔تے اوہدے گُلگِیر تے گُلدان کھرے سونے دے ہون۔دِیوادانتےایہہ سارےبھانڈے اِک قنطارکھرے سونے دے بنے ہون۔تےویکھ تُوں ایہناں نُوں ٹھیک ایہنا ں دے نمونے مُطابِق جیہڑا تینوں پہاڑ اُتےوکھایا گیا اے بناویں۔ “
ایہہ حوالہ خیمۂ اِجتماع دے دِیوادان دی وضاحت کردا اے ۔ اَج مَیں ایہدے لاٹُوآں ، پھُلاں تے دِیویاں دے رُوحانی مطلب دی وضاحت کرنا چاؤہندا اے ۔ خُدا نے موسیٰ نوں حکم دِتا پئی اوہ سب توں پہلوں سونے دے اِک ٹوٹے وچوں دِیوے دی ڈنڈی بنائے ۔ ایس لئی ڈنڈی نوں پہلوں گھڑیا گیا ، تے فیر ایس ڈنڈی وچوں ٹہنیاں کڈھیاں گئیاں ۔ دِیوادان دیاں دوآں پاسیاں وچوں تِن ٹہنیاں نکلدیاں سن ، ہر ٹہنی اُتے بادام دیاں پھُلاں دی شکل دیاں تِن پیالیاں بنائیاں گئیاں سن تے فیر لاٹُو تے پھُل بنائے گئے سن ۔ ایسے طرح ٹہنیاں دے اُتے ست دیوے رکھے گئے سن ۔ فیر ایہناں ست دِیویاں نوں روشن کرن لئی ایہناں وچ تیل پایا گیا ۔ ایس طرح دِیوادان نے پاک تھاں دے اندر والے حصے تے ایہدیاں ساریاں بھانڈیاں نوں وی چمک نال چمکیلا کر دتا ۔
میرے تے تہاڈے لئی ساڈا خُداوند ، اسمانی بادشاہی دا بادشاہ ، اِک نِکے بندے دی شکل وچ ایس زمین اُتے آیا ۔ تے ایس زمین اُتے یِسُوعؔ نے مکتی دے کم پورے کیتے جیہڑےاسمانی تےلال رنگ دے دھاگے وِچ ظاہر ہوئے ۔ مکتی دے ایہہ کم یِسُوعؔ مسیح دے راہیں پورے ہوئے جیہڑا ایس زمین اُتے پیدا ہویا، تے یوحنا بپتسمہ دین والے کولوں ۳۰ ورہیاں دی عمر وچ یردن دے دریا وچ بپتسمہ لیا ، تے فیر سولی اُتے سزا جری سی ۔ ”ایسے طرح “ہتھاں دے رکھے جان دی شکل وچ بپتسمہ لے کے ، یِسُوعؔ نے ساریاں لوکاں دیاں ساریاں پاپاں نوں اپنے اُتے چُک لیا ( متی ۳ : ۱۵)۔ ایس لئی پئی یِسُوعؔ ، جیہڑا اِک بندہ بن گیا سی ، بپتسمہ لے کے ساریاں لوکاں دیاں ساریاں پاپاں نوں اپنے اُتے چُک لیا ، اوہ سولی چڑھیا تے اوہدا لہو وگایا گیا ، تے ایس طرح اسمانی تےلال رنگ دے دھاگےوچ ظاہر ہون والی مکتی دیاں اپنیاں کماں نوں پورا کیتا ۔ ایہہ اوہ سچیائی اے جیہدے اُتے خُدا دی کلیسیا اپنی نِیہ رکھدی اے ۔
ساڈا خُداوند کلیسیا دا لاٹُو بن گیا اے ۔ خُدا تہاڈے تے میرے لئی مکتی دی نِیہ بن گیا جنہاں نیں پاپاں دی معافی پائی اے ۔ سو ، تُسی تے مَیں خُدا دی کلیسیا دا حصہ بن گئے آں ایہہ ایمان رکھ کے پئی خُداوند سانوں اسمانی ،ارغوانی تےلال رنگ دے دھاگے وچ ظاہر ہون والے اپنے مکتی دیاں کماں نال ساڈیاں ساریاں پاپاں توں مکتی دے چُکیا اے ۔ پانی تےرُوح دی خوشخبری دے راہیں ، اسی خُدا دے فضل دے کپڑے پا چُکے آں ۔ ایہو ای سبب ہیگا اے پئی اکھر ”کلیسیا“ نوں یونانی وچ ”έκκλησία“ (Ekklesia) آکھیا جاندا اے،جیہدا مطلب اے،”پاپ بھرے جگ وچوں سدے گئے لوکاں دی بھیِڑ۔“
جنہے ایس جگ دیاں لوکاں نوں پاپاں تو مکتی دے کے ایہناں توں بچن دے لائق بنایا اوہ کوئی ہور
نئیں سگوں یِسُوعؔ مسیح اے ۔ اوہ خُداوند اے جیہڑا پانی تے رُوح دی خوشخبری دے راہیں آیا تے ساریاں پاپاں دیاں غلطیاں نوں دھو چُکیا اے ۔ خُداونددے بپتسمے تے لہو وگاؤن اُتے ایمان رکھ کے ، اسی پاپ توں مکتی پا چُکے آں تے کامل طریقے نال راستباز بن گئے آں ۔ ایہہ پئی خُداوندنے سانوں راستبازبنایا ایس سچیائی اُتے ساڈے ایمان نال پورا ہویا سی پئی اوہ ایس زمین اُتے آیا تے اسمانی تےارغوانی رنگ دے دھاگے وچ ظاہر ہون والیاں مکتی دیاں ساریاں کماں نوں پورا کیتا ۔ ایہہ اوہ ایمان اے جیہڑا اسمانی ،ارغوانی تےلال رنگ دے دھاگےوچ ظاہر ہوندا اے ۔
یوحنا دے راہیں بپتسمہ لین لئی جد یِسُوعؔ ایس زمین اُتے آیا ، تاں اوہنے ساڈیاں ساریاں پاپاں نوں چُک لیا (متی ۳ : ۱۳ ۔ ۱۷)۔ ایہہ اوہ سچیائی تے ایمان اے جیہڑا اسمانی،ارغوانی تےلال رنگ دے دھاگے وچ ظاہر ہوندا اے ۔ ایس لئی پئی یِسُوعؔ نوں یوحنا بپتسمہ دین والے دے راہیں بپتسمہ لین دے بعدوں سولی اُتے جگ دیاں پاپاں لئی سزا دتی گئی سی ،اوہنے ساڈیاں پاپاں نوں سدا لئی مُکا دِتا اے ۔ دوجیاں اکھراں وچ ، یِسُوعؔ ، جنہے ساڈیاں ساریاں پاپاں نوں موہڈادِتا ، سانوں ساریاں پاپاں توں مکتی دے چُکیا اے ۔ ایس طرح ، اسمانی،ارغوانی تےلال رنگ دے دھاگے وچ ظاہر ہون والیاں اپنی مکتی دیاں کماں نال ،خُداوند نے سانوں سارے جگ دیاں ساریاں پاپاں توں بچایا اے ۔ سچی مکتی دے ایمان دااصل مطلب ایہہ ہیگا اے پئی اسی ایس سچیائی نوں ٹھیک طریقے نال جانیے تے ایس اُتے یقین رکھیے ۔
ایس لئی پئی اسی ایمان دے راہیں اپنیاں ساریاں پاپاں توں مکتی پا چُکے آں، پاپ توں مکتی خُدا دا انعام اے ۔ ایس طرح، ساڈی مکتی یِسُوعؔ مسیح وچ جگ نوں بناؤن توں پہلوں ، اوہدے بپتسمہ وچ جیہڑا اوہنے لیا سی تے سولی والے لہو وچ رچائی گئی سی ۔ ایس سیارے دے بنن توں وی پہلو ں ، تے آدم تے حوا ،ساریاں لوکاں دے سانجھے پیو دادے ، دے بناؤن توں وی پہلوں ، خُدا با پ نے یِسُوعؔ مسیح وچ پانی تے رُوح دی خوشخبری دے نال ، پاپیاں دا اوہناں دیاں بدکاریاں توں مکتی دین دا ارادہ بنایا سی؛ تے جد ویلا آیا ، اوہ بپتسمہ لین تے اپنا لہو وگاؤن دے راہیں ایہنوں پورا کرن لئی ایس زمین اُتے آیا ۔ ساڈا خُدا جنہے ساریاں لوکاں نوں پیدا کیتا اوہنے ساریاں لوکاں دے پاپاں د ی معافی نوں پورا کردِتا جویں پئی اوہنے اوہناں نال وعدہ کیتا سی ۔ خُدا دیاں وعدیاں دا ایہہ پورا ہونا یِسُوعؔ مسیح دے یوحنا دے راہیں بپتسمہ لین تے اوہدا لہو وگاؤن نال ہویا ۔ تے اوہناں ساریاں لوکاں نوں جیہڑے ایس اُتے ایمان رکھدے نیں ، خُدا نے مکتی دا انعام دِتا اے جیہڑا اوہناں نوں ساری جگ دیاں ساریاں پاپاں توں مکتی دیندا اے تے اوہناں نوں اوہناں دیاں پاپاں دی معافی تے سدا دی زندگی پاؤن دی اجازت دیندا اے ۔ جیہڑے لوک ایس سچیائی اُتے ایمان رکھدے نیں اوہناں نوں خُدا اپنیاں لوکاں وانگر کامل طریقےنال بچا چُکیا اے ۔ ایہہ سچیائی مکتی دی سچیائی اے جیہڑی اسمانی، ارغوانی تےلال رنگ دے دھاگےوچ نازل ہوئی اے ۔
پانی تے رُوح دی خوشخبری دِیوادان دی ڈنڈی اے
یِسُوعؔ مکتی دا سنگ بنیاد بن گیا اے ، جیہڑا ساریاں لوکاں دی مکتی لئی ضروری نِیہ دا پتھر اے ۔ پانی تے رُوح دی خوشخبری نال ، یِسُوعؔ نے کامل کیتا تے ساڈے لئی مکتی دی نِیہ بن گیا ۔ خُدا دا دِیوادان بادام دے پھُل دی شکل دیاں پیالیاں ، لاٹُو تے پھُل رکھدا سی ۔ تے ایہہ اِک ڈنڈی رکھدا سی ۔ یِسُوعؔ مسیح مکتی دا پھُل وی بن گیا اے ۔ جے یِسُوعؔ مسیح دی مکتی دی سچیائی پھُل اے ۔ تاں فیر لاٹُو کون ہو سکدا اے ؟ بِناشک ، اوہ خُدا دےخادم تے اوہ سارے لوک نیں جیہڑے پاپاں دی معافی پا چُکے نیں ۔ دوجیاں اکھراں وچ ، پھُل یِسُوعؔ مسیح اے تے اسی لاٹُو آں جیہڑے پھُلاں نوں مکمل کھِڑن وچ مدد دیندے نیں ۔
سانوں ساڈیاں پاپاں توں بچاؤن دے بعد، ساڈا خُداوند سانوں ساریاں نوں خوشخبری دے لاٹُو بنا چُکیااے ۔ کیہ تُسی ایس سچیائی نوں جان دے او تے ایس اُتے ایمان رکھدے او ؟ ساڈے پادری ، ایلڈر،تے بھرا بھیناں سارے لاٹُو نیں ۔ اوہ جیہڑا پاپاں دی معافی پا چُکیا اے اوہ لاٹُو اے ۔ خُداوند نے ساریاں توں پہلوں اسمانی، ارغوانی تےلال رنگ دے دھاگے نال مکتی دی ڈنڈی رکھی ۔ ایہدے بعدوں اوہنے سانوں پہلوں پانی تے رُوح دی خوشخبری نال بچایا تے سانوں لاٹُو بنایا جیہڑے خوشخبری دیاں پھُلاں نوں سہارا دیندے نیں تاں پئی ایہہ کھِڑ سکن۔ صرف جد اسی سارے لاٹُو بن جائیے فیر ای پاپی اپنیاں پاپاں توں بچ سکدے نیں ۔فرق صرف سائز وچ اے ، ایس لئی پئی کُجھ لاٹُووڈے ہو سکدے نیں جد پئی دوجے نِکے ، پر سچیائی پئی اسی سارے خوشخبری لئی لاٹُوآں بدل دی نئیں اے ۔
ایس لئی پئی شیطان سدا خُدا دے خلاف کھلوتا رہندا اے ، اوہ سانوں پانی تے رُوح دی خوشخبری اُتے ایمان رکھن توں روکن دی کوشش کردا اے تاں پئی اسی سارے اپنیاں پاپاں توں چھُٹ نا جائیے۔ پر جویں طوفان دے لنگھن دے بعدوں فنا ہوئی پیلی وچ وی پھُل کھِڑدے نیں، ہر پاپی مکتی دی خوشخبری ، یعنی پانی تے رُوح دی خوشخبری سُن کے پاپ توں مکتی پا سکدا اے ۔ خُداوند گواچیاں ہویاں لوکاں نوں پاپ توں بچاؤنا چاؤہندا اے ۔ دوجیاں اکھراں وچ ، اوہ پانی تے رُوح دی سچیائی نوں ایس سارے جگ وچ ودھاؤنا چاؤہندا اے ۔ سو، خُدا دی کلیسیا وی ایسے مقصد لئی کم کردی اے ۔
جد خادم اپنے آپ نوں اپنیاں اپنیاں گرجیاں دے لاٹُو مَن کے اپنیاں گرجیاں دی خدمت نئیں کردے تاں ایہو جیہے گرجے خورے ای مکتی دا کوئی پھل لیا سکن ۔ سو ، جے کوئی خادم صرف اپنی جماعت دے راہیں خدمت کرنا چاؤہندا اے ، تاں اوہ سوہنی خوشخبری دا حامی ہون دے بجائے صرف آپ خوشخبری دے راہ وچ روڑہ اے ۔
شیطان کیوں سب توں پہلوں آیا ایہدا سبب ایہہ ہیگا اے پئی اوہ ساڈی زندگی اُتے ڈاکہ مارے تے سانوں مار دیوے ۔ پر ساڈا خُداوند اپنیاں بھیڈاں نوں لمی عمردین لئی آیا سی (یوحنا ۱۰ : ۱۰) تے اوہ اپنے کول موجود ہرشے نوں چھڈ کے اوہناں نوں بچا چُکیا اے ۔ جے کوئی شے پانی تے رُوح دی خوشخبری نوں ودھاؤن لئی فائدہ مند اے ، تاں سانوں اِنج کرن وچ جھکنا نئیں چاہی دا ، بھاویں ایہہ کِنی ای اوکھی وکھالی کیوں نا دیندی ہوئے ۔ ایہو جیہی سوچ سانوں خوشخبری دے لاٹُو بنا دیندی اے ۔ ایتھوں تیکر پئی پادریاں لئی وی خوشخبری دی خدمت لئی نِکیاں کم کرن والیاں وانگر کم کرنا جائز اے ، تے ایہو ای سبب ہیگا اے پئی ساڈے پادری اصل وچ بلدے سورج ہیٹھاں کم کردے پئے نیں ۔ جے بلدے سورج ہیٹھاں وی ایہناں دے لاٹُو دا کم کرن نال اِک وی رُوح نوں بچایا جا سکدا اے ، تاں اوہ اپنی ساری زندگی لئی ایہہ کم کرن گے ۔ خادم اوہ نیں جنہاں کول ایس طرح دا ایمان اے جیہڑا اوہناں نوں خُدا دی خوشخبری دے پھُل نوں کھڑاؤن لئی کُجھ وی کرن لئی تیار کردا اے ۔ تہانوں ایہہ سمجھن دی لوڑ ہیگی اے پئی پانی تے رُوح دی خوشخبری دے اِک پھُل نوں کھِڑن لئی صرف کِنی محنت تے قربانی دی ضرورت اے ۔ ایہہ سچیائی پئی تُسی تے مَیں پاپاں دی معافی پاؤن دے لائق ہو گئے آں ایس سچیائی دا سبب ایمان دے پیو دادے وی سن جیہڑے پاک کلام دی راکھی لئی شہید ہوئے سن ۔
خیمۂ اِجتماع وچ ست دیوے سن جنہاں وچ خُدا دا مہنگا تیل لُدیا گیا سی ۔ پانی تے رُوح دی خوشخبری اُتے ساڈے ایمان نال ، اسی ایس مہنگےتیل نوں لین تے ایہدا سواد لین دے لائق ہو گئے آں، تے خُدا دے فضل نال ، اسی وی خوشخبری دے لاٹُو بن گئے آں ۔ جد اسی خوشخبری دی خدمت کردے آں ، تاں سانوں احساس ہوندا اے پئی کرن لئی بوہت سارے کم نیں ۔ اِک کم توں دوجے کم تیکر، ایہدا کوئی مُکنا نئیں ہیگا جیہڑا کرن دی ضرورت اے ۔ ساڈی خوشخبری دیاں کتابا ں نوں چھاپن ، خادماں لئی کلام دی منادی کرن ، دُعا کرن ، تے اپنیاں بھراواں تے بھیناں دی اگوائی لئی ، تے بھراواں تے بھیناں لئی خُداوند دی خدمت کرن لئی جائز چندیاں دا لینا —ایہہ سارے کم لاٹُوآں دے کم نوں پوراکرن لئی ہونے چاہی دے نیں جیہڑے خوشخبری دی خدمت کردے نیں ۔ مَیں آس رکھدا ہاں پئی تُسی ایس سچیائی نوں کد ی نئیں بھُلاؤ گے پئی خُدا سانوں راستبازاں نوں ایہناں لاٹُوآں وانگر ورتدا پیا اےجیہڑےپانی تے رُوح دی خوشخبری دے پھُل نون کھِڑن دے لائق بناؤندے نیں ۔
نویں ایمانداراں دی چنگی ویکھ بھال کرنا وی خُدا دا کم ا ے
خُدا دی کلیسیا وچ سب توں سوہنے پر نال ای سب توں بوہتے ڈراؤنے اوہ جوان بھرا تے بھیناں نیں جیہڑے تھوڑا چر پہلوں ای پاپاں دی معافی پا چُکے نیں ۔ ایہناں دے اگے ، ایتھوں تیکر پئی پادریاں نوں عاجز بننا چاہی دا اے تے اوہناں نوں اپنی رُوحانی سمجھ دے معیار ول دھیان کرنا چاہی دا اے ۔ کیوں ؟ ایس لئی پئی بھاویں اوہناں نوں پاپاں دی معافی مل گئی اے، پر اوہناں دی سزا دا معیار ہُن وی اوہناں دے بدن مطابق اے ۔ سو، ایمان دے آگُو جیہڑے پہلوں ایمان لیائے نیں ، ضروری ہیگا اے پئی اوہ لاٹُو بن جان جیہڑے ایہناں جوان ایمانداراں دی خدمت کرن جیہڑے اوہناں دے پِچھے ٹُردے پئے نیں ۔ اوہناں نوں لازمی نویں ایمانداراں دی خدمت کرنی چاہی دی اے تاں پئی جد ایہہ نویں ایماندار اپنے ایمان وچ ودھ جان ، تاں اوہناں نوں پتہ لگ جائے پئی جد اوہ حالے ایمان وچ گھٹ ای سن تاں اوہناں دی کِنج ویکھ بھال کیتی گئی سی ۔اوہ ایس مہربانی لئی شکر گزار ہون گے جیہڑی اوہناں اُتے کیتی گئی سی ،تے اپنے ایمان نال اوہ ایس مہربانی نوں کلیسیا وچ آؤن والیاں نویاں پاک لوکاں نوں وی واپس موڑن گے ۔
پر، تہانوں ایہناں نال شرطوں بِناں طریقے نال مہربانی نال پیش نئیں آؤنا چاہی دا۔ کسے دے نال بِنا شرطوں طریقے نال صرف بدنی طریقے نال مہربان ہون دا ضروری طریقے نال ایہہ مطلب نئیں ہیگا پئی ایس بندے دا دل ودھے گا تے ترقی کرے گا ۔ لوکاں نوں رُوحانی فائدے ول لَے جان دا طریقہ ایہہ ہیگا اے پئی اوہ ایمان دے راہیں خُدا دی مرضی مطابق زندگی گزارن دی اگوائی پاؤن ۔ جے اسی اکھاں بند کرکے صرف بدن وچ چنگے آں ، تاں اوہناں دی مدد کرن توں بوہت دُریڈے ، ایہہ اصل وچ اوہناں نوں وگاڑ سکدا اے۔ کیہ تہانوں پتہ اے پئی کُجھ بھرا بھیناں گرجا کیوں چھڈ دیندے نیں ؟اوہ ایس لئی چھڈ دیندے نیں ایس لئی پئی اوہناں نیں ایمان دے راہیں رُوحانی پاسے جان بارے اگوائی نئیں پائی سی ۔ جویں دِیوادان نوں کھرے سونے دے اِک ٹوٹے وچوں گھڑ کے بنایا گیا سی ، ایسے طرح جیہڑےدِیوادان تے لاٹُو بن گئے نیں ، اوہناں نوں چاہی دا اے پئی او ہ اپنیاں بدنی خیالاں تے اپنی راستبازی دا انکار کرن ، تے اوہناں نوں اپنیاں دلاں نوں گھڑنا چاہی دا اے تے خُدا دی مرضی مطابق ایہناں نوں آکھے لاؤنا چاہی دا اے ۔ اوہناں نوں لازمی خُدا دے کلیسیا دے کم کرن والے بننا چاہی دا اے تے خُدادے اگے ٹھیک طریقے نال آکھامنن لئی اپنے آپ نوں کُٹنا چاہی دا اے۔
لوکاں دے بھلیائی دے کم کرن والے بوہتی واری سوچدے نیں پئی اوہ لوکاں دی ٹھیک مدد کویں کرسکدے نیں ۔ ٹھیک کم کرن دا طریقہ کیہ اے ؟ منگن والیاں نوں پیسے دینا ، یا اوہناں دے آپ ای اپنے پَلیوں خرچے کرن وچ مدد کرنا ؟ بوہتی واری ، بوہت سارے لوک صرف پیسے تے کھانا اوہناں دے حوالے کر دیندے نیں ۔ پر جیہڑے لوکاں نال بھلیائی دے کماں بارے کُجھ جان دے نیں اوہ کدی وی صرف پیسے نئیں دیندے ۔ اوہ ایہدی بجائے ایس طرح دی مدد کردے نیں جیہدے نال ضرورت منداں وچ حوصلہ افزائی تے اَزادی پیدا ہوندی اے تاں پئی اوہ اپنیاں زندگیاں اَزادی نال گزارن دے لائق ہو سکن ۔ ایہو ای اوہ شے اے جیہڑ ی سچ مُچ اوہناں دی مدد کردی اے ۔ سو ، دوجیاں دی مدد کرن لئی وی کُجھ بوہت تکنیکی گُناں دی ضرورت ہوندی اے ۔
ایسے طرح ، ایہہ شے جنہوں خوشخبری دی منادی دی خدمت آکھیا جاندا اے ، وی خُدا دا انعام اے ، ایس لئی پئی ایہدے لئی کسے نوں خُدا دے کلام نال رُوحاں نوں پانی دین تے اوہناں دی خدمت کرن دی ضرورت اے تاں پئی اوہناں دے بدن تے رُوحاں ساریاں رَل کے ودھن۔ خادماں نوں ، دوجیاں اکھراں وچ ، رُوحاں دی اگوائی کرنی چاہی دی اے تے اوہناں دی خُداوند ول اگوائی کرنی چاہی دی اے، تے اوہناں نوں بدنی معاملیاں وچ وی اوہناں دی اگوائی کرنی چاہی دی اےتاں پئی اوہ اپنیاں ایمان والیاں زندگیاں وچ کامیاب ہو سکن ۔ خادماں نوں سدا جاگ دیاں رہنا چاہی دا اے ۔ نویں سریوں جمن والیاں وانگر ساڈی ایمان والی زندگی ہر دن تے بوہت ساریاں وکھ وکھ شعبیاں تے ویلیاں وچ لاٹُو والے کم نوں پورا کرن دے بارے وچ اے ۔ ساڈافرض ایہہ ہیگا اے پئی اسی خُداوند کول جان توں پہلوں اپنی ساری
زندگی نوں خوشخبری دے لاٹُو وانگر گزارئیے ۔
سانوں بچاؤن دے بعدوں ، ساڈے خُدا نے سانوں لاٹُو بنایا اے تے سانوں ٹھیک کم دِتے نیں تاں پئی اسی خوشخبری دے پھُل نوں کامل طریقے نال کھڑاؤن دی خدمت کر سکیے۔ ایس جگ دے لوک جیہڑے نویں سریوں نئین جمے امیر ، بناؤٹی ، گھمنڈی تے ہر ویلے کوشش کردے نیں پئی دوجے ایماندار اوہناں دی خدمت کرن ۔ پر جیہڑیاں خادماں نوں خُدا نے نویں سریوں جمن والی کلیسیا وچ خادماں وانگر مقرر کیتا اے اوہ اوہدی مرضی نوں بوہت چنگے طریقے نال جان دے نیں تے اوہدے کم لئی وفادار نیں جیہڑے اوہنا ں نوں خوشخبری دے لاٹُو وانگر حوالے کیتا گیا اے ۔ خادماں لئی ایہناں لاٹُوآں دے کم نوں بوہت چنگے طریقے نال کردے رہنا بوہت ضروری اے ۔ ساڈے خُداوندنے فرمایا ، ’’ دینا لین نالوں مُبارک اے‘‘(اعمال ۲۰ :۳۵)۔ایہہ صرف فرضی خیال نئیں ہیگا ، سگوں ایہہ ایمان تے اصلی زندگی دا ودھیا طریقہ اے ۔ دین والے اصل وچ لین والیاں توں بوہتے برکت والے نیں۔ کیہ تُسی آپ ایہدا تجربہ کیتا اے؟
مَیں تہانوں اِک کہانی سُناؤندا ہاں ۔ اِک جوڑے دے گھر وڈیری عمر وچ نیانا جمیا ، دُعا کیتی پئی ایہہ نیانا وڈا ہو کے ساریاں نوں چنگا لگے ۔ جویں پئی اوہناں نیں دُعا کیتی سی ، نیاناسچ مُچ ہرویلے لاڈ پیار وچ وڈا ہویا ۔ پر جویں جویں ویلا لنگھدا گیا ، اوہناں نوں پتہ لگیا پئی اوہناں دا نیانا، جیہدے بارے وچ اوہناں دا خیال سی پئی صرف اوہدے لاڈ ویکھے جان گے ،ایہدی بجائے اوہ اپنے مطلب دا سکا بن دا پیا سی جنہوں اپنے علاوہ کسے ہور دی کوئی فکر نئیں سی ۔ اوہناں نیں حالے تیکر جیہڑا کُجھ کِیتا سی اوہ نیانے لئی بالکل وی فائدے مند نئیں سی ۔ جویں پئی اوہ ہر ویلے لیندا رہیا ، اوہنوں صرف ایہوای پتہ سی پئی کویں لینا اے ، دینا نئیں جانیا ، تے ایس شے نے اوہنوں لالچ تے خود غرضی نال بھریا نیانا بنا دِتا ۔ ایہدے بعدوں بُڈھیاں ماپیاں نیں اپنے نیانے دے بارےایہو جیہا بندہ بنن لئی فیر دُعا کیتی جیہڑا دوجیاں نال محبت کرنا جان دا ہوئے ۔
دینا لین توں بوہتا چنگا اے ۔ خُدا وند دی خدمت کرن ویلے کِناں سواد آؤندا اے ؟ ایہہ سکون دیندا اے ؟ جد مَیں سوچدا ہاں پئی جد کدی مَیں ایمان دےنال خوشخبری دی خدمت کردا ہاں تاں اِک بندہ پاپاں دی معافی پاؤن لئی آؤندا اے ، تاں مَیں صرف خوش تے سکون وچ ہو سکدا ہاں ۔ راستباز ایماندار بوہت ساریاں لوکاں تیکر خوشخبری ودھاؤن دی تمنا رکھدے نیں ۔ خُدا دی کلیسیا وچ ، خوشخبری دیاں لاٹُوآں دا کم بوہت خاص ا ے ۔ تہانوں تے مینوں ایہہ سمجھنا چاہی دا اے پئی خُدا نے سانوں کیہڑیاں کیہڑیاں تھاواں اُتے لاٹُوآں وانگر رکھیا اے ۔ تے لاٹُوآں دیاں ایہناں کماں اُتے، سانوں لازمی اپنے کم نوں سچے دلوں نبھاؤنا چاہی دا اے ۔ میرا ایمان اے پئی جد اسی خوشخبری دی خدمت اپنی بدنی گُن تے فخر نا ل نئیں کردے ، سگوں خُدا اُتے اپنے ایمان دےر اہیں کردے آں ، تاں اوہ مکتی دے پھُل نوں پوری طریقے نال کھِڑائے گا ۔ ایہہ اودوں ہوندا اے جد اسی خوشخبری دے لاٹُو بن جاندے آں پئی خوشخبری دے پھُل کھِڑدے نیں ، تے ایہناں پھُلاں دے راہیں ای بوہت ساریاں لوکاں نوں برکت مِلدی اے ۔
کلیسیا دِیوادان اے جیہڑی ایس جگ نوں مکتی دےچانن نال چمکاؤندی اے
اِکو تھاں اُتے اکٹھے ہو کے ، راستباز لوک خوشخبری دا دِیوادان بن جاندے نیں تے ایس جگ نوں چانن کردے نیں ۔ راستبازپانی تے رُوح دی خوشخبری دا چانن چمکاؤندے نیں ۔زندگی جیہڑی دِیوادان وانگر ہنیرے بھرے جگ نوں سچیائی دے بوہتے چانن نال چمکاؤندی اے—ایہہ ساڈیاں زندگیاں نیں ۔ایہہ اودوں ہوندا اے جد راستبازلوک جنہاں نیں پاپاں دی معافی پائی اے خوشخبری دےلاٹُو بن جاندے نیں پئی ایمان دے پھُل ایس جگ وچ ٹھیک طریقے نال کھِڑدے نیں ، تے ایہہ اودوں ہوندا اے جد سارے جگ وچ پانی تے رُوح دی خوشخبری دی گواہی دِتی جاندی اے ۔ ایہناں لاٹُوآں دے بِناں ، نا کدی پھُل ہوسکدے نیں نا کوئی دِیوا۔دِیوادان دےڈنڈی وچ بادام دے پھُل دی شکل دیاں چار پیالیاں سن جنہاں وچوں ہر اِک لاٹُو تے پھُل رکھدی سی ۔ ایہہ اودوں ہوندا اے جد اسی ایہو جیہے لاٹُو بن جاندے آں تے ایس کم نوں پورا کردے آں جیہڑا ساڈے وچوں ہر کسے دے حوالے کیتا گیا اے پئی خُدادی کلیسیا ہرتھاں ودھ سکدی اے تے بوہت ساریاں لوکاں نوں اوہناں دیاں پاپاں توں بچایا جا سکدا اے ۔ جد اسی دِیوادان نوں ویکھدے آں ، تاں اسی ویکھدے آں پئی اِک لاٹُو اُتے اِک ہورلاٹُوسی ، تے پئی ایس لاٹُودے اُتے ڈنڈی دے نال نال اِک ہورلاٹُووی سی ۔ ایسے طرح ، تہاڈی خوشخبری دی خدمت کرن نال ، ہُن تیکر خوشخبری دے پھُل کھِڑ گئے نیں، تے ایس سارے جگ وچ خوشخبری دی منادی کیتی جائے گی ۔ تُسی تے مَیں ایہہ لاٹُو آں ۔ پانی تے رُوح دی خوشخبری سُنن توں لے کے اَج تیکر ایس خوشخبری نوں سارے جگ وچ ودھاؤن تیکر ، اسی لاٹُو وانگر بے گنت کم کیتے نیں ۔ ایس طرح تُسی اپنیاں پاپاں دی معافی پا سکدے او تے ایہنوں دوجیاں تیکر وی اَپڑا سکدے او ۔
اسی ایہناں لاٹُوآں وانگر اپنے کم نوں کرن لئی وکھ وکھ کم کیتے نیں ۔ مثال طور اُتے ، اسی ایہہ گرجا دو ورہے پہلوں اپنیاں شاگرداں نوں سکھان تے رُوح وچ اکلےرہن لئی بنایا سی ۔ ایس تِناں منزلاں والے گھر نوں بناؤن وچ سانوں تقریباً اِک مہینہ لگیا۔ جد اسی ایس گھر نوں ایمان نال بنایا ، تاں اسی سوچیا ، ”ساڈے بھرا تے بھیناں ایس تھاں اُتے رُوحانیت وچ وکھریاں ہو کے بہن لئی آؤن گے ، تے بوہت سارے گواچے ہوئے لوک ساڈی خوشخبری دیاں کلاساں وچ آؤن گے ، کلام سُنن گے ، تے پاپاں توں معافی پاؤن گے۔“ایس گھر نوں بناؤن وچکار بھاویں اسی بوہت اوکھے ویلے ویکھے ، پر اسی ایس سوچ نوں سدا اپنے ذہن وچ رکھدے ، ایہو جیہاں اوکھیاں ویلیاں وچ ہمت نئیں ہاردے تےآس رکھ کے کم کردے رہے ۔ ایس طرح شاگردی سکھاؤن والا گھر بنایا گیا ،تے ایس طرح اسی ایس گرم تے سکون دین والی تھاں اُتےبھگتی کرن دے لائق ہوئے ۔ ایہہ وی اوہناں لوکاں دے سببوں ہویا سی جنہاں نے ہر لاٹُو والا کم کیتا ۔ ایس لئی تُسی تے مَیں لاٹُو بن گئے آں پئی ہُن اسی ایس ٹھنڈے موسم وچ وی گرم جوشی نال وڈیائی کر سکدے آں ۔ جے کوئی لاٹُونا ہوندا تاں ایہہ سوکھے حال کدی اگے نا آؤندے ۔ ایس گرجے نوں بناؤن توں پہلوں ، ایہہ تھاں صرف اِک اُجڑیاجنگل سی ۔ جے اسی خُدا دا کلام سُنن لئی ایہو جیہی بے سوادی تھاں اُتے اکٹھے ہوندے ، تاں کیہ تُسی آؤنا پسند کروں گے ؟ وڈیائی لئی بوہت ٹھنڈ اے ، تُسی خورے گھر واپس چلے گئے ہوووگے ۔
ایہدا سبب ایہہ ہیگا اے پئی لاٹُو اپنی تھاں اُتے ہیگے نیں پئی اسی نا صرف اَج تیکرخوشخبری دے پھُل نوں کھِڑاؤن دے لائق ہوئے آں ، سگوں اسی آؤن والے زمانے وچ وی اِنج کردے رہواں گے ۔ اِک مشہور کورین نظم اے جیہدا عنوان اے ، ”گُلِ داؤدی کول“تے ایہہ آکھدی اے ،
”اِک گُلِ داؤدی دے کھِڑن لئی ،
بلبل بہار دے موسم اَگے اِنج ا ی روندی رہی ہوئے گی۔
اِک گُلِ داؤدی دے کھِڑن لئی ،
سنگھنیاں بدلاں وچ گرج ایسے طرح لمکدی رہی ہوئے گی۔ ۔ ۔“
اصل وچ ، خُدا دے بوہت سارے خادم تے بوہت سارے پاک لوکاں دے لاٹُو خوشخبری دے رُکھ اُتے رکھے گئے نیں ۔ پانی تے رُوح دی خوشخبری نوں ودھاؤن لئی ، ایہو جیہاں لاٹُوآں دے کم نوں پورا کرن والے بندیاں نیں دن رات بوہت محنت کیتی اے ۔ تےایہناں لاٹُوآں دے ہیٹھاں ، ہور خُداوند نے بادام دیاں پھُلاں دی شکل دیاں پیالیاں رکھیاں نیں تاں پئی اسی لاٹُوآں دے ایس کم نوں ہو ر وی ودھیا طریقے نال نبھا سکیے۔ تے خُدا نے اپنے ویلے اُتے ساڈے اُتے اپنا فضل وی کیتا اے ، سانوں ست دِیویاں لئی تیل دِتا اے ۔ ایہہ جان دیاں ہویاں پئی اسی اپنی طاقت نال کُجھ نئیں کر سکدے ،ساڈے خُداوند نے سانوں کلیسیا دے راہیں اپنے فضل دا بانا پوایا اے ، تاں پئی اسی خوشخبری دی خدمت کرن والے لاٹُو دے کم نوں پورا کرن دے لائق ہو سکیے ۔ ایس لئی تہانون ایہہ سمجھنا چاہی دا اے پئی ایہہ لاٹُو بنن دا مطلب ایہہ نئیں ہیگا پئی اسی صرف اپنی طاقت نال خوشخبری ودھا سکدے آں ۔ سگوں ، ایہہ صرف خُدا دے فضل نال ہیگا اے پئی سانوں ساریاں نوں ایہہ لاٹُوبنن دی عزت مِلی اے ۔
اوہ لوک جیہڑے ہُن پاپاں دی معافی پا چُکے نیں تے اوہ جیہڑے کُجھ چر پہلوں پا چکے نیں اوہ سارے اِکو ای لاٹُو نیں جیہڑے خوشخبری دی خدمت لئی نیں ۔ ایہناں دے رُوحانی معیاراں دے فرق دے باوجود ایہناں ساریاں دے اِکو جیہے ہون دا سبب ایہہ ہیگا اے پئی ایہہ سارےلاٹُواکھواؤندے نیں ۔ ساڈے وچوں ہر کوئی بِنا کسے اعتراض دے اِک لاٹُواے ۔ دوجیاں کماں نوں کرن دی کوشش نا کردیاں ہویاں صرف رُوحانی طریقے نال کلام دی منادی کرنا ای ٹھیک رُوحانی زندگی دا ناں نئیں ہیگا ۔ جیہڑے سچ مُچ رُوحانی نیں اوہ کُجھ وی کر سکدے نیں جے ایس توں خوشخبری نوں فائدہ اَپڑے ۔ ”میرے گرجے دی پوزیشن ایہہ ہیگی اے ، تے ایس لئی مَیں صرف ایہہ کم کردا ہاں ۔ سو ہُن تہانوں پاپاں دی معافی مِل گئی اے ، تاں تہانوں دوجے کم کرنے چاہی دے نیں جد پئی مَیں صرف اپنے کم کردا ہاں؟ “ایہہ ٹھیک نئیں ہیگا ۔ جد خوشخبری دی خدمت دی گل ہوندی اے ، تاں کوئی وی کسے توں ودھیا یا گھٹیا نئیں ہیگا ۔ سانوں ساریاں نوں لازمی رَل کے اکٹھیاں ہوناں چاہی دا اے تے صرف خوشخبری دے ودھن دے کھِڑن لئی کھاد بننا چاہی دا اے۔
نویں سریوں جمن والے پاک لوک بدن دے پِچھے کویں چل سکدے نیں ؟
”مَیں ہُن بوہت خوش آں پئی میرے پاپ معاف ہو گئے نیں تے مَیں بے پاپ بن گیا ہاں ۔ پر جے مَیں امیر ہو جاواں تاں مینوں بوہتی خوشی ہوئے گی ۔ کیہ ایہہ چنگا نئیں ہوئے گا جے مَیں اخیریں عیش و عشرت وچ رہواں ؟کیہ ہُن کوئی ہیگا اے جیہڑا بدنی طریقے نال کامیاب ہونا چاؤہندا اے پئی اوہدے رُوحانی مسئلے حل ہو گئے نیں ؟ جد مَیں پہلی واری خُداوند نال مِلیا ، ایہہ محسوس نئیں کیتا پئی اوہنے مینوں بچایا تاں پئی مَیں خوشخبری لئی اِک کامل لاٹُوبن جاواں گا ، مَیں سوچیا پئی مَیں کاروبار وچ پَے کے تے کُجھ پیسہ کما کے ایس کم نوں پورا کراں گا ۔ مَیں سوچیا پئی مَیں ہر دن گرجے جاواں گا ، سنڈے سکول وچ پڑھاواں گا ،پانی تے رُوح دی خوشخبری نیانیاں تیکر اَپڑاواں گا ، اِ ک نِکا جیہا کاروبا چلاواں گا تے دیہاڑی وچ صرف کُجھ گھنٹے کم کراں گا ، اپنی ہر دن دی کمائی گرجے نوں اپنے چندے وانگر دیواں گا ، تے ایس طرح پیسیاں نال خدمت کر کے گرجا لاؤن وچ مدد کراں گا ۔ لازمی مَیں ایہہ وی سوچیا پئی مَیں اپنے کاروبار وچ گزاریاں کُجھ گھنٹیاں توں علاوہ باقی ویلا خُداوند لئی گزاراں گا ۔ پر ایس توں ہٹ کے پئی میرے خیال کیہ سن ۔ جد مَیں خُداوند کولوں پُچھیا پئی مینوں لاٹُو وانگر کیہ کم کرنا چاہی دا اے ، تاں اوہ نئیں چاؤہندا سی پئی مَیں ایہنوں پیسے کما کے پورا کراں۔
اوس ویلے میرے خیال غلط سن ۔ خُداوند نے مینوں اِنج کرن دی اجازت نئیں دتی ۔ سوہُن مَیں پانی تے رُوح دی خوشخبری نوں ودھاؤن لئی اپنے آپ نوں کامل طریقے نال اپنی منسٹری لئی ناویں لاؤن نال اِک ٹھیک لاٹُو وانگر اپنے کم نوں پورا کردا پیا ہاں ۔ جیہڑا کُجھ خُدا نوں پسند اے ، سانوں لازمی اوہ سارا کرنا چاہی دا اے ۔ جے اوہ سانوں پہاڑ نوں ہٹاؤن لئی آکھدا اے تاں سانوں لازمی ایہنوں ہٹادینا چاہی دا اے ۔ جے ایس پہاڑ نوں ہٹاؤن نال بے گنت لوک بچ جاندے نیں تاں، اسی ایس توں ودھ کے کرن لئی تیار آں ۔ ایتھوں تیکر پئی جے کوئی وی کم بے یقینی نال اوکھا تے بے پرواہ لگدا اے ، جے خُدا سانوں ایمان نال کرن لئی آکھے ، تے جے ایہہ رُوحانی طریقے نال فائدے والا اے ، تاں سانوں یقین اے پئی ایہہ پورا ہوئے گا ۔ کدالیاں نال پہاڑ نوں اُکھیڑن نال ساڈیاں شروع کرنا ماڑا ہو سکدا اے ، پر ویلا آؤن اُتے ، اسی پہاڑ نوں بارود نال اُڈا دیاں گے تے بلڈوزر نال ملبہ ہٹا دیاں گے ۔ فیر پہاڑ غائب ہوجائے گا ۔ ایس لئی پئی اسی اپنےبندیاں دے بنائے ہویاں خیالاں پِچھے نئیں چلدے سگوں صرف خُداوند دی مرضی اُتے چلدے آں ، دوجیاں اکھراں وچ ،اسی سدا ایمان دے راہیں خُدا دی خوشخبری لئی لاٹُودے کم نوں پورا کردے آں ۔ ایس طرح اسی اوہدےلاٹُو وانگر اپنے کم نوں پورا کر دے آں ۔
خُداوند نے سانوں اپنی کلیسیا دے اندر رکھیا اے تاں پئی اسی خوشخبری نوں ودھاؤن لئی لاٹُو بن جائیے ۔ جتھے سانوں لاٹُو وانگر رکھیا جاندا اے اوہ اکلا فرق اے ،تےجد گل خوشخبری دے ودھاؤن دی ہوندی اے ، تاں بالکل کوئی ایہو جیہی تھاں نئیں ہیگی جیہڑی کسے دوجے توں بوہتی یاگھٹ ضروری ہوئے ۔ جے اسی ترتیب دی درجہ بندی کرنی اے ، تاں پہلا پِچھلے دی خدمت کرے گا ، جویں پئی خُداوند یِسُوعؔ نے آکھیا ، ’’ جے کوئی پہلا ہونا چاہے تے اوہ سبھناں توں پِچّھلا۔ تے ساریاں دا کاماں ہوئے‘‘(مرقس ۹:۳۵)۔کیہ ایہہ سچ نئیں ہیگا پئی جد خُداوندسانوں لاٹُو دے کم نوں پورا کرن لئی بلا چُکیا اے ، تاں اوہ چاؤہندا اے پئی اسی نا آکڑئیے تے نا ای شیخی مارئیے ؟ جد اسی لاٹُو دے کم نوں چنگی طرح کردے آں ، تاں ساڈے خُداوند دے حیران کرن والے کم ظاہر ہوندے نیں ، جویں دِیوادان اُتے ست دِیویاں دے چانن نے پاک تھاں نوں چمکا دِتا ۔
ایہہ اَج دے پاک کلام دے حوالے وچ لکھیا اے ، ” تے اوہدے گُلگِیر تے گُلدان کھرے سونے دے ہون۔دِیوادانتےایہہ سارےبھانڈے اِک قنطارکھرے سونے دے بنے ہون۔تےویکھ تُوں ایہناں نُوں ٹھیک ایہنا ں دے نمونے مُطابِق جیہڑا تینوں پہاڑ اُتےوکھایا گیا اے بناویں “ (خروج ۲۵:۳۸-۴۰)۔ دِیوادان دیاں بھانڈیاں وچوں ایہدے گُلگیِر وی سن ۔ ایہناں وچ تیل پایا گیا تے دِیویاں وچ بتیاں رکھیاں گئیاں سن جیہڑے دِیوادان دے اُتے ٹِکے ہوئے سن ۔ بتیاں دے بلن نال ای چمکاں اُٹھدیاں سن تے ایہناں چمکاں نوں چُکن لئی گُلگیِر نوں ورتیا جاندا سی ۔ ایہہ گُلگیِر وی سونے دے بنے ہوئے سن ۔ کاہن بل دی ہوئی بتی نوں ایس گُلگیِرنال چھِلدا تے گُلدان وچ رکھ دیندا ۔ ایس طرح دے بھانڈے پاک تھاں اُتے بوہت واری ورتے جاندے سن۔
جد اسی اپنیاں پاپاں دی معافی پاؤن دے بعد لاٹُو دا کم کردے ہوندے آں تاں ایہو جیہے ویلے وی آ سکدے نیں جد ساڈے دل صرف اِکو ای کم وچ اپنے آپ نوں بوہت چوکھا مصروف کرن نال سخت ہو جاندے نیں ۔ ایس لئی کدی کدی اِنج وی ہوندا اے جد اسی اپنے حوالے کیتے گئے کماں نوں عادت نال یا کچے دلوں کردے آں ۔ اوس ویلے خُدا دیاں خادماں نوں دِیویاں دی بتی بدل دین دی ضرورت اے ۔ جویں سڑیاں ہویاں بتیاں نوں چھِل دِتا جاندا سی ، خُدا دے خادم واری واری ایہناں کماں نوں بدل کے ساڈیاں دلاں نوں نویاں کردے نیں جیہڑے ساڈے حوالے کیتے گئے نیں ۔ ساڈا خُداوند ساڈیاں دلاں دی سواہ نوں ہٹاؤندا اے تاں پئی اسی اپنیاں نویاں دلاں نال خوشخبری دی خدمت کردے رہن دے لائق ہو سکیے ۔ جویں پئی لکھیا اے،” پرانیاں شیواں جاندِیاں رہیاں۔ ویکھو اوہ نَوِیاں ہوگِئیاں“(۲- کرنتھیوں ۵:۱۷)۔ایہدے راہیں، کم کرن والے اِک واری فیر اپنیاں نویاں دلاں نال خوشخبری دی خدمت کرن لئی آؤندے نیں ۔
کیہ تہانوں یاد اے پئی پاک تھاں اُتے کھرے سونے توں علاوہ کُجھ نئیں سی ؟ ایمان دے راہیں اِک وفادار لاٹُو بنن لئی ، تہانوں خُداونددیاں نویاں کماں نوں ہر ویلے لبھنا چاہی دااے ۔ فیر ای اسی سدا ایمان نال جی سکدے آں ۔ سانوں لازمی اَج وی ایمان نال جینا چاہی دااے ، تے کل وی ایمان دے نال جینا چاہی دا اے ۔ ایمان نال ، اسی ہر دن لاٹُو دے نویں کم کردے آں ۔ اسی خُدا دی خوشخبری دے کم کرن والیاں نوں گُلگیِر نال بتی توں ساری سواہ نوں ہٹاؤنا چاہی دا اے ، دِیویاں نوں سنبھالنا چاہی دا اے ، تےاوہناں نوں چھیتی نال بلن دینا چاہی دااے تے اوہناں دے چانن نوں کدی بُجھاؤنا نئیں چاہی دا ۔
پاک تھاں دا اندر والا حصہ ودھیا اے ۔ خُداوند نےراستباز لوکاں نوں خُدادی کلیسیاوچ بلایا تے جمع کیتا تاں پئی اوہ دِیوادان بن جان جیہڑا پاپاں دی معافی دی خوشخبری ودھاؤندا اے ۔ ایس وچ ، خُدانے آگُو رکھے نیں ، اوہنے ساریاں راستبازاں نوں اپنے انعام دِتے نیں جیہڑے اوہناں نوں خوشخبری دی خدمت کرن دے لائق بناؤندے نیں ، تے اوہنے سانوں بلایا اے تاں پئی اسی خوشخبری دیاں پھُلاں نوں کھِڑاؤن والے لاٹُو بن کے خُداوند دی خدمت کر سکیے ، اوس مقام توں جیہڑا ساڈے وچوں ہر کسے دے حوالے کیتا گیا اے ۔ ایس طرح خُدا نے سانوں سارے جگ وچ ساریاں پاپیاں تیکر خوشخبری ودھاؤن دی اجازت دِتی اے ۔ ایہو ای “ekklesia,” خُدا دی کلیسیا اے ۔ اسی، دوجیاں اکھراں وچ، خُدا دی کلیسیادے لوک آں جتھے بلائے گئے تے مکتی پاؤن والے رَل کے اکٹھے ہوندے نیں ۔ ساڈے خُدا نے سانوں ساڈیاں ساریاں پاپاں تے بدکاریاں توں مکتی دے کے تے سانوں جگ توں باہر بلا کے پاپ توں بچایا اے۔ ساڈے خُداوند دی مکتی دے راہیں ، خُدا نے سانوں یِسُوعؔ اُتے ایمان رکھن دے راہیں بچایا اے، تے اوہنے ایہہ کلیسیا بنائی اے تاں پئی اسی سارے رَل کے خوشخبری دی خدمت کر سکیے ۔ ایہو ای سچیائی اے جنہے پاک لوکاں دے اکٹھے ہون نوں بنایا اے ۔
کلیسیا دے ہون داسبب پانی تے رُوح دی خوشخبری نوں چمکاؤنا اے
اِک قنطار سونے دے اِک ٹوٹے نوں گھڑ کے دِیوادان بناؤن دے سبب خُدا دی کلیسیا نوں اِک تھاں اکٹھیاں کرنا تے خوشخبری دیاں پھُلاں نوں کھِڑاؤنا اے ۔ ایہہ دِیوادان خُدا دی کلیسیا دی نشانی وکھاؤندا اے ، تے ایہہ ساری ہنیرے نوں چانن کرن لئی وجود رکھدا اے ۔ کلیسیادے وجود دا ایہو ای مقصد اے ۔ کلیسیا سب توں پہلوں نویں سریوں جمن لئی ساڈی خدمت کرن لئی لاٹُو بن گئی اے ۔تے ہُن ساڈی واری اے ۔ تُسی تے مَیں ، تے اسی سارے جیہڑے پاپاں دی معافی پا چُکے آں ، ایہناں نوں ایہہ لاٹُو بننا چاہی دا اے ، تے سانوں ساریاں نوں اپنیاں کماں نوں لاٹُو تے کھاد وانگر کردیاں رہنا چاہی دا اے تاں پئی خوشخبری دے پھُل ٹھیک طریقے نال کھِڑ سکن۔ سانوں ساریاں راستبازاں تے ساری خُدا دی کلیسیا نوں دِیوادان دا کم کرنا چاہی دا اے جیہڑا سارے جگ وچ خوشخبری دا چانن ودھاؤندا اے تے خُداوند دی خدمت کردا اے ۔
اسی کوئی نواں فرقہ بناؤن دی کوشش نئیں کردے پئے ۔ جے سانوں اپنے فرقے بارے ضروری دسنا اے ، تاں ایہہ یِسُوعؔ دا فرقہ اے ۔ اسی راستبازآں جنہاں نوں خُداوند دی خدمت لئی بلایا گیا اے ۔ جد اسی دِیوادان دےلاٹُو بن جاندے آں تےخُداوند دی خدمت کردے آں ، تاں سانوں احساس ہوندا اے پئی اوہ ساڈیاں ساریاں لوڑاں نوں وی لاٹوآں وانگر پورا کردا اے ۔ بھاویں اسی اپنیاں لوڑاں نوں پورا کرن لئی کوئی خاص کوشش نئیں کردے ، پر خُدا آپ ساڈیاں ساریاں لوڑاں نوں بوہت چوکھا پورا کردا اے ۔ سارا کُجھ ویلے سِر دِتا جاندا اے جویں پئی خُداوند نے آکھیا ،” پہلاں اوہدی بادشاہی تے سچیائی نُوں لَبّھو۔ تَد ایہہ سارِیاں شیواں وی تُہانوں دِتّیاں جان گِیاں“(متی ۶:۳۳)۔خُداوندراستباز لوکاں نوں ہر شے دیندا اے جیہدی اوہناں نوں ضرورت اے ، جیہڑے خوشخبری دی خدمت کردے نیں ۔ جد لاٹُو والا کم کرن والیاں بندیاں نوں اوکھے ویلے وچوں لنگھنا پیندا اے ، تاں خُداونداوہناں نوں طاقت دیندا اے ، ایہہ آکھدیاں ہویاں ، ”خُوش رہو! مَیں ہر ویلے تہاڈے نال ہاں ۔“جد لاٹُو وچ ایمان نئیں ہوندا ، تاں اوہ اوہناں نوں ایمان دیندا اے ،ایہہ آکھدیاں ہویاں ، ”پکا ایمان رکھو ! تُسی میرے راہیں اوہ سارا کُجھ کر سکدے اوجیہڑا تہانوں تگڑیاں کردا اے۔“تے خُداوند اوہناں اُتے اپنا فضل وی کردا اے ۔ فیر خُداوند ایس مسئلےنوں حل کردیاں ہویاں آکھدا اے ، ”میرے لاٹُو تہانوں سچ مُچ ایہدی ضرورت اے۔مَیں تہاڈے لئی ایس مسئلے نوں حل کر دیاں گا ۔“سانوں اپنیاں سچیاں کماں لئی لاٹُووانگر ورتن لئی ، خُدا سانوں راستبازاں نوں برکت دیندا اے جیہڑے لاٹُو بن گئے آں ۔
جیہڑا کُجھ وی اسی راستبازکردے آں ، سانوں لازمی ایہنوں خوشخبری دے کھِڑن لئی لاٹُووانگر خدمت کرن لئی کرنا چاہی دا اے ۔ ساڈیاں پڑھائی کرن والیاں نوں وی لازمی چاہی دا اے پئی اوہ اپنی سکول والی زندگی نوں خوشخبری دے لاٹُو وانگر ایمانداری نال گزارن ۔ ساڈے ایمانداراں لئی اپنیاں کماں دیاں تھاواں اُتے اپنی روٹی کماؤن لئی، اوہناں نوں وی لازمی خوشخبری دے لاٹُو وانگر اِنج کرنا چاہی دا اے ۔ اسی جو کُجھ وی کرئیے ، سانوں ساریاں نوں خُداونددی خوشخبری دا لاٹُو بنن لئی کرنا چاہی دا اے ۔ سانوں ساریاں راستبازاں نوں لازمی خوشخبری دے لاٹُودے کم نوں کرن لئی قائم رہنا چاہی دا اے، تے سچیائی ایہو اے پئی کویں سانوں سچ مُچ اپنےایمان وچ جینا چاہی دا اے ۔ خوشخبری دیاں پُھلاں دے کھِڑن لئی لاٹُو بوہت خاص نیں ۔
تہانوں لازمی چیتا رکھنا چاہی دا اے پئی اسی آپ ای پھُل نئیں ہیگے ۔ خوشخبری دا پھُل یِسُوعؔ اے ۔ اصلی چانن وی یِسُوعؔ ای اے ۔ اسی جیہڑا سارا کُجھ کرنا اے اوہ صرف ایہہ ہیگا پئی اوہدے اسمانی، ارغوانی تےلال رنگ دے دھاگےتےمہین اُنے ہوئے کتان وچ ظاہرہون والی مکتی دی سچیائی اُتےایمان رکھ کے ایمان دے نال سارے جگ وچ ایس یِسُوعؔ مسیح دی منادی کرنی اے ۔ ۱- کرنتھیوں ۱۰:۳۱ وِچ لکھیااے، ” سو تُسی کھاؤ یا پِیو جو کُجھ کرو سبھ کُجھ خُدا دے جلال لئی کرو۔ “ساڈیاں زندگیاں دا مقصد لاٹُو دے کم نوں وفاداری نال پورا کردیاں ہویاں ایس خوشخبری نوں ودھاؤنا اے ۔
جوانی وچ لوکاں نوں سب توں بوہتی فکر اوہناں دے آؤن والے ویلے دی ہوندی اے ۔اوہ سوچدے نیں ، ”میری آؤن والی زندگی کیہو جیہی ہوئے گی ؟ مینوں پیار کرن والا کِتھے ہیگا اے تےمیرا ہون والاجیون ساتھی کیہ کردا پیا اے ؟“میرےآؤن والے ویلے دا جیون ساتھی کِتھے ہیگا اے؟ اوہ خُدا دی کلیسیا وچ ہیگا اے ، تے اوہ کوئی ہورنئیں سگوں یِسُوعؔ مسیح اے ۔ فیر اوہ کیہ کردا اے ؟ اوہ چانن چمکاؤندا اے ۔اوہ پانی تے رُوح دی خوشخبری دا چانن اے ۔ اوہ خُداونداے، تے تُسی سارے مسیح دی ووہٹی او ۔ خُداوندتہانوں اپنی کلیسیا وچ آؤن لئی آکھدا پیا اے ، ایہہ آکھدیاں ہویاں پئی اوہ تہانوں کلام دے راہیں اپنی کلیسیا وچ ایتھے مِلے گا ۔ خُداوندآکھدا پیا اے پئی اوہ تہانوں اوس ویلے مِلے گا جد تُسی سچے دلوں اوس سچیائی اُتے ایما ن رکھدیاں ہویاں جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہوندی اے خُدا اگے دُعا کروگے ۔ اوہنے تہانوں دسیا اے پئی جد تُسی اوس اُتے ایمان رکھدے او تاں اوہ تہاڈے کول آئے گا تے تہانوں مِلے گا ۔
راستباز لوکاں نوں اپنے خیالاں وچ ہر ویلے جاگدے رہنا چاہی دا اے ۔ جد تُسی اپنیاں دلاں نوں پانی تے رُوح دی خوشخبری نال بھر دیندے او ، تاں پاک رُوح تہانوں ہر دن جاگدا رکھے گا ۔ راستبازاں نیں صرف ایناں کرنا اے پئی پانی تے رُوح دی خوشخبری ودھاؤن لئی پاک رُوح دی اگوائی مطابق اپنی زندگی بسر کرنی اے ۔جد اسی اِنج کردےآ ں ، تاں اسی آپ رُوحانی خیالاں نال بدنی خیالاں نوں محسوس کر سکدے آں تے فرق کڈھ سکدے آں ۔
تُسی خورے اِک گنڈے دا بوہتیاں تہواں والا چھِلکا لایا ہوئے ۔ پہلوں تاں باہرلا پِنڈا نظر آؤندا اے ، تے جد تُسی ایہنوں چھِلدے او ، تاں فیر اِک ہور تہہ وکھالی دیندی اے ، جیہڑی کُجھ حد تیکر ہری وکھالی دیندی اے ۔ جد تُسی ایس ہرے رنگ دی تہہ نوں چھِلدے او ، تاں اِک چِٹی اندر والی تہہ ساہمنے آؤندی اے ۔ جد تُسی ایہنوں چھِلدے او ، تاں اِک ہو ر چِٹی اندر والی تہہ نظر آؤندی اے ، جیہڑی پہلوں والی تہہ وانگر سی ۔ سارا گنڈا اِک دے بعدوں دوجیاں چِٹیاں تہواں نال بنیا ہوندا اے ۔ جد ایہدا چھِلکا لاہ کے ایہدی چِٹی اندروالی تہہ ساہمنے آؤندی اے تاں ویلا لنگھن دے نال ایہہ وکھالی دین والی تہہ کھٹے رنگ دی ہو جاندی اے۔پر جد ایس تہہ نوں چھِل دتا جاندا اے تاں اندر والی چِٹی تہہ اِک واری فیر وکھالی دیندی اے ۔ کُجھ ویلے دے بعدوں ، ایہہ اندر والی تہہ اِک واری فیر باہر والی تہہ بن جاندی اے ، تے ایس لئی تہانوں اِک صاف تہہ لین لئی ایہنوں دوجی واری چھِلنا پیندا اے ۔
ساڈا بدن گنڈے دیاں ایہناں تہواں وانگر اے ، تے ایس لئی سانوں ہر دن اپنیاں بدنی خیالاں نوں چھِلنا چاہی دا اے۔ ہُن تُسی سوچ سکدے او ، ”مَیں اپنے آپ دا انکار کیتا سی جد مَیں مکتی یافتہ ہویا سا ں ، پر کیہ مینوں پاپاں دی معافی پاؤن دے بعدوں وی ہر واری اپنے آپ دا انکار کرنا چاہی دا اے ؟ کیہ تہانوں کوئی اندازہ ہیگا اے پئی مَیں پِچھلے ورہے کنی واری اپنے آپ دا انکار کیتا سی ؟ میرے دل نوں نواؤنا بوہت اوکھا سی ، تے ہُن مینوں ایہہ دوبارہ کرنا پوے گا ؟ ایہہ بوہت اوکھا اے!“پر ، بھراؤتے بھینو ، ایہہ تہاڈے لئی ٹھیک اے پئی تُسی ایس طرح دے اپنے بدنی خیالاں نوں کڈھ دئیو۔ خُداوندسانوں دسدا پیا اے پئی ایہہ اِک اصولی معاملہ اے تے ساڈے لئی بدن دے بارے اپنیاں خیالاں نوں اوسےطرح چھِلن دا ٹھیک طریقہ اے جویں اسی گنڈے دی کھل نوں چھِلدے آں ۔
ساڈاخُداوند لکھے ہوئے کلام دے راہیں ساڈے نال مِلنا چاؤہندا اے ۔اوہ ساڈے نال چڑھاوے دیاں روٹیاں دی میز اُتے ، دِیوادان اُتے ، بخور دی قربانگاہ اُتے تے سرپوش دے اگے مِلنا چاؤہندا اے ۔ مَیں ایتھے جو آکھدا پیا ہاں اوہ ایہہ نئیں ہیگا پئی تہانوں اپنے آپ دا انکار کرن تے ایمان دا وکھالا کر ن بارے مجبور کیتاجانا چاہی دا اے جد پئی اصل وچ تہاڈے کول ایہہ ایمان نئیں ہیگا ، سگوں ایہہ ہیگا اے پئی تہانوں اپنے سچے دلوں ایمان نال اپنے آپ دا انکار کرنا چاہی دا اے ۔ کیہ تُسی ہُن سمجھ سکدے او ؟ خُداوندصرف ایہہ تجویز نئیں کردا پیا پئی تہاڈے لئی چنگا ہوئے گا پئی تُسی اپنے آپ دا انکار کر دئیو، سگوں اوہ آکھدا پیا اے پئی تہانوں اِنج کرنا چاہی دا اے ۔ جد تُسی اپنیاں دلاں وچ ایہہ گل کھُرچ کے لکھ لووو پئی تہانوں لازمی اپنے آپ داانکار کرنا اے تاں خود انکاری آپ ای ہو جاندی اے ۔ ایہہ تہاڈے احساس کیتیوں بِنا ں آپ ای ہو جاندا اے ، ”ہائے ، تاں مَیں اِنج اپنے آپ دا انکار کر سکدا ہاں ۔ “پرجے مُڈھلے اصول نا سکھائے جاندےتےلوکاں نوں صرف اپنی مرضی نوں نواؤن بارے مجبور کیتا جاندا تاں اوہناں لئی نا صرف ایہہ پورا کرنا اوکھا ہوندا ، سگوں اوہ اپنا ایمان وی گوا لیندے نیں ۔
جد اسی اپنیاں دلاں نوں آکھا منن بارے وس وچ رکھاں گے تاں خُداوندخوش ہوندا اے ۔تے جے ایہہ خُداوند نوں خوش کردا اے تاں ، سانوں لازمی اپنیاں بدنی خیالاں نوں آکھامنن وچ لیاؤنا چاہی دا اے ۔ بِنا شک ، کُجھ شیواں ایہو جیہاں ہوندیاں نیں جیہڑیاں ساڈے وسوں باہر لگدیاں نیں ، پر فیر وی اسی ایہناں نوں پورا کرن دی بوہت کوشش کردے آں ۔ کیہ اِنج نئیں ہیگا ؟ ایس لئی پئی خُداوندنے سانوں بچایا تے اپنے کامے بنایا ، ایہو جیہی کوئی شے نئیں ہیگی جیہڑی اسی نئیں کر سکدے ، جویں پئی پَولُس رسول نے فرمایا، ’’ جیہڑا مَینُوں طاقت دیندا اے اوہدے سببّوں مَیں سبھ کُجھ کر سکنا آں‘‘(فلپیوں ۴:۱۳)۔ایس توں علاوہ ، جد خوشخبری دیاں پھُلاں دے کھِڑن دی گل ہوندی اے ،بھاویں اسی سب توں نِکے لاٹُو بن جائیے ، اوہ پھُل فیر وی ودھیا اے ۔فیر کیہ اے جو اسی نئیں کرسکدے ؟ جدخُداوندخوشخبری دے پھُل کھِڑائے گا تے لوکاں نوں بچائے گا جے اسی سارے لاٹُوآں وچوں نِکے وی بن جاواں گے ، تاں کیہ اسی اوہدا لاٹُونئیں ہوسکدے ؟ لازمی اسی ہو سکدے آں ۔
سانوں اپنیاں دلاں وچ اپنے ایمان نوں وی چھیتی نال مننا چاہی دا اے ۔ سانوں صرف اِنج کرنا اے پئی ٹھیک نوں ٹھیک مننا اے ، ایہہ آکھدیاں ہویاں ، ”آہو ، ایہہ ٹھیک اے ،“تے غلط نوں غلط من دیاں ہویاں ، ایہہ آکھدیاں ہویاں ، ”نئیں ، میرے خیال غلط سن۔ مَیں غلط ساں۔“ایس توں علاوہ کوئی وی خُداوند پِچھے نئیں چلد ا پیا ، اپنے آپ دا انکار کردا پیا اے تے اپنی مرضی نوں نواؤندا پیا اے ۔ جد اسی ایس طرح اپنیاں بدنی تمناواں نوں ہیٹھاں رکھدے آں ، تاں ساڈا خُداوندسانوں بدل دیندااے۔پر ،اسی اپنے آپ نوں اپنے طریقے نال بدل نئیں سکدے ۔ رُوحانی بندہ بننا کوئی ایہو جیہی شے نئیں اے جیہڑی ساڈیاں اپنیاں کوششاں نال مِل سکے ۔ سانوں جو کرنا اے اوہ ایہہ ہیگا اے پئی اسی خُدا دے کلام دے اگے اپنے آپ اُتے دھیان کرئیے پئی کیہ اسی ٹھیک آں یا غلط، تے جے اسی غلط آں ، تاں سانوں صرف ایہہ کرنا اے پئی اپنےنفس نوں مننا اے جویں پئی ایہہ ہیگا اے ، ایہہ آکھدیاں ہویاں ، ”آہو،خُداوند! صرف تُسی ای ٹھیک او تےمَیں ای غلط آں ۔ “ اِنج کردیاں ای ساڈیاں دلاں دا ہنیرا مُک جاندا اے ۔ فیر خُداوند سانوں آکھدا اے ، ”تہاڈے جیہاں لوکاں لئی ،مَیں تہاڈے سارے پاپ مُکا دِتے نیں ۔ مَیں تُہانوں چانن وچ بدل دِتا اے ۔“ساڈا خُداوندسانوں آکھدا پیا اے ، ’’ تے جِنہاں گلّاں نُوں جِھڑکیا جاندا اے اوہ سارِیاں چانن وِچ اُگھڑدیاں نیں ایس لئی پئی جیہڑی شے اُگھیڑی جاندی اے اوہ چانن اے “ (افسیوں ۵:۱۳)۔
ساڈے لئی اپنی مرضی نال کرن لئی کُجھ نئیں ہیگا ۔ سانوں صرف ایناں کرنا اے پئی ایمان نال پاک تھاں اُتے رہنا اے ۔ جد اسی ایس طرح ایمان دے نال پاک تھاں اُتے رہندے آں ، تاں خُداوندساڈے وچ کم کردا اے ۔ سانوں ہور وی بوہتے عزت والے لاٹُو بناؤن لئی ، خُدا سانوں ہو ر وی بوہتے فضل تے ہوربوہتیاں نعمتاں دیندا اے ۔ایس لئی پئی خُدا سچ مُچ پانی تے رُوح دی خوشخبری ساڈے راہیں ودھاؤنا چاؤہندا اے ، اوہ بچ نئیں سکدا سگوں سانوں ہور برکتاں دیندا اے ۔ مَیں آس رکھداہاں پئی تُسی سارے ایس سچیائی اُتے ایمان رکھوگے ۔ مَیں آس رکھدا ہاں پئی تُسی خُدا دے سارے کلام اُتے ایمان رکھدے او ۔ کیہ تُسی ایمان رکھدے او ؟ جد وی ایہہ سوال پُچھیا جائے گا جے تُسی ”آہو “وچ جواب دئیو گے تاں تہاڈا ایمان ودھے گا ۔ ایمان دا دائرہ ایہو جیہا ا ے پئی اپنے آپ توں کوئی کُجھ وی نئیں سِکھ سکدا ۔
خادم لاٹُو نیں ،تے ایسے طرح ساڈے سارے بھرا بھیناں نیں ۔ ”تُسی اِک کوہجےلاٹُواو۔پر مَیں اِک سوہنا لاٹُوآں۔ “ مینوں پتہ ا ے پئی سچ مُچ تہاڈے وچوں کوئی وی ایس طرح نئیں سوچدا ، پر جد تہاڈے اُتے ایس طرح دے خیال چڑھ جاندے نیں ، تاں تہانوں لازمی ایہہ سمجھ کے پرت جانا چاہی دا اے پئی تُسی خُدا دی مرضی دے خلاف پُٹھے پاسے جاندے پئے او ۔ لاٹُو نوں انعام لئی بے مقصد حُسن دے مقابلے وچ دوجیاں پاک لوکاں نال مقابلہ کرن دا کیہ فائدہ؟ اس نال کوئی فرق نئیں پیندا پئی کُجھ لاٹُوکِنے ای چنگے لگدے ہون ، کیہ ایہناں وچوں کوئی وی سچ مُچ پھُل نالوں بوہتا سوہنا ہو سکدا اے ؟ جے لاٹُو پھُل نالوں بوہتا اثر رکھدا اے ، تاں پھُل صرف اِک نکما تے کوہجاپھُل ہو جائے گا ۔ جویں کندھ بناؤن لئی دوآں نِکیاں تے وڈیاں اِٹاں دی لوڑ ہوندی اے ، بھاویں چنگیاں ہون یا بھیڑیاں ، ایسے طرح ساڈے ساریاں دی لاٹُو وانگر جیہڑے خُداوند دی خوشخبری دیاں پھُلاں نوں کھِڑاؤندے نیں، لوڑ ہوندی اے ۔
سو، اسی اپنے گھمنڈ وچ اِک دوجے نوں رَدّ نا کرئیے ۔آؤ ایہدی بجائے اسی اِک دوجے دا خیال رکھیے ، ایہہ سمجھدیاں ہویاں پئی اسی سارے مہنگے آں ۔ ہر کوئی مہنگا اے ۔ ساریاں دی ضرورت اے ۔ جویں پئی خُدا نے مُوسیٰ نوں حکم دتا پئی کھرے سونے دے اِک قنطار نوں گھڑ کے دِیوادان بنائے، مکتی دی شریعت نال اوہنے سانوں راستباز بنا دِتا تے پانی تے رُوح دی خوشخبری دی خدمت کرن والے لاٹُو بنا دِتا ۔ایس لئی خُدا اپنی خوشخبری ساڈے راہیں ودھا کے خوش اے ۔ ایتھوں تیکر پئی ہُن وی ، خُدا اپنی کلیسیا دے راہیں ساریاں لوکاں تیکر پانی تے رُوح دی خوشخبری ودھاؤندا پیا اے ۔ تے ایس خوشخبری دے وادھے تے ایہدیاں لاٹُوآں دے راہیں ، خُدا اپنی سچیائی دی محبت نال سارے جگ نوں چانن کرنا چاؤہندا اے ۔
ہیلیلویاہ!
Copyright © 2021 by The New Life Mission