Wegens COVID-19 en verstoring van de internationale postdienst hebben
wij onze 'Gratis Boekendienst' tijdelijk opgeschort.
wij onze 'Gratis Boekendienst' tijdelijk opgeschort.
In het licht van deze situatie kunnen we u de boeken momenteel niet opsturen.
Bid dat deze pandemie spoedig zal eindigen en dat de postdienst wordt hervat.
Bid dat deze pandemie spoedig zal eindigen en dat de postdienst wordt hervat.
مضمون 9: رومیوں (رومیوں دی کتاب اُتے تفسیر)
[8-7 باب] خُداوند دی دوبارہ آمد تے ہزار ورھیاں دی بادشاہی <رومیوں ۸: ۱۸ ۔۲۵>
>رومیوں ۸: ۱۸ ۔۲۵<
”ایس لئی پئی میری دانائی وچ ایس دھرتی دے دُکھ پیڑ ایس لائق نئیں پئی اوہ جلال دے برابر ہو سکن جیہڑا ساڈے اُتے ظاہر ہون والا اے ۔ایس لئی پئی ساری مخلوق بوھت تمنا نال خُدا دے پُتراں دے ظاہر ہون دی راہ ویکھدی اے ۔ ایس لئی پئی ساری مخلوق جھوٹ دے ہتھاں وچ دے دتی گئی سی ۔ نہ اپنی خوشی نال سگوں اوہدے سبب جنہے اوہنوں ایس آس اُتے جھوٹ دے ہتھاں وچ دے دتا پئی ساری مخلوق وی بربادی دی قید توں چھُٹ کے خُدا دے پُتراں دے جلال دی آزادی وچ جاوے گی ۔ ایس لئی پئی سانوں پتہ اے پئی ساری مخلوق رَل کے حالے تیک ہاڑے پاؤندی اے تے بچہ جمن دی پیڑ وچ تڑفدی اے ۔ تے نہ صرف اوہو ای سگوں اسیں وی جنہاں نوں رُوح دے پہلے پھل ملے نیں آپ اپنے بدن وچ ہاڑے پاؤندے آں تے لے کے پالے ہوئے ہون مطلب اے اپنے بدن دی مکتی داراہ ویکھدے آں۔ ایس لئی سانوں آس دے راہیں مکتی ملی پر جیہڑی شے دی آس اے جدوں اوہ دِسدی اے تاں فیر آس کاہدی ؟ ایس لئی پئی جیہڑی شے کوئی ویکھدا پیا اے ۔ اوہدی آس کیہ کرے گا ؟ پر جیہڑی شے نئیں دِسدی جے اسیں اوہدی آس رکھیے تاں صبر نال اوہدا راہ ویکھدے آں۔ “
اوہ جیہڑے راستباز نیں خُدا دی راستبازی اُتے ایمان رکھن دے راہیں اسمانی جلال پا چُکے نیں۔ ایس سبب توں اوہ یسوع دی پانی تے رُوح دی خوشخبری نال ساریاں لوکاں نوں اسمانی جلال دے لیڑے پواؤن لئی دُکھ جردے نیں۔ ایماندار اپنے آپ نوں خُدا دی راستبازی دی خوشخبری کرن لئی ناویں لاؤندے نیں تے دھرتی اُتے دکھ جردے نیں ایس لئی پئی مسیح دے دکھاں وچ رَلنا جلالی تے راستبازی اے۔
کیہ خُدا لئی دکھ جرنا ساڈے لئی عزت دے لائق نئیں اے ، جیہدی اسیں دلوں عزت تے وڈیائی کردے آں ؟ ایہہ سچ ہیگا اے ؛ ایہہ اک جلالی دکھ اے ۔ ایس لئی پئی اوہ جیہڑے خُدا دی راستبازی اُتے ایمان رکھدے نیں ۔ اوہدی راستبازی لئی دُکھ جردے نیں ۔ ہُن تُسیں کیہدے لئی دکھ جردے پئے او ؟ کیہ تُسیں جگ لئی تے اپنے بدن لئی دکھ جردے پئے او ؟ جگ دے دکھ جرنا تہاڈی جان لئی کس فائدے دا ہووے گا ؟ خُدا دی راستبازی لئی دکھ جرو تے اوہدے اُتے ایمان رکھو۔ فیر خُدا دا جلال تہاڈے اُتے ہووے گا ۔
مالکی جیہدے نال اسیں آؤن والے دناں وچ برکت پاواں گے
آؤ اسیں مالکی بارے وچ سوچئے جیہڑی سانوں ملے گی ۔ مالکی جیہڑی اسیں اسمان اُتے پاواں گے نویں اسمان تے نویں دھرتی اُتے یسوع نال بادشاہی کرن دا پھل اے ۔ جلال جیہڑا اسیں ہزارورھیاں دی بادشاہی تے خُدا دی سدا دی بادشاہی وچ پاواں گے ایناں وڈا اے پئی مِنیا نئیں جا سکدا ۔ صرف نویں سریوں جمے ہوئے ایماندار اپنے آپ جان سکدے نیں تے ایہہ جلال پاؤن گے جیہڑا اوہناں نوں اُڈیکدا اے ۔
بے اندازہ جلال
”ایس لئی پئی میری دانائی وچ ایس دھرتی دے دُکھ پیڑ ایس لائق نئیں پئی اوہ جلال دے برابر ہو سکن جیہڑا ساڈے اُتے ظاہر ہون والا اے ۔“(رومیوں۸ : ۱۸)۔
اج دے ویلے دیاں اوہناں دکھاں دے جیہڑے ایمانداراں نے پائے جلال دے مقابلےوچ ، پولُس نے آکھیا پئی اوہناں دا جلال اوہناں دے اج دے دکھاں توں بوھت چوکھا ودھ جاوے گا ۔ ایہہ بالکل سچ اے ؛ جلال جیہڑا سانوں اُڈیکدا اے دکھاں توں بوھت چوکھا سچ مُچ وڈا اے جیہڑے ہُن اسیں جردے آں ۔
مخلوق دی بوھت خاص آس
” ایس لئی پئی ساری مخلوق بوھت تمنا نال خُدا دے پُتراں دے ظاہر ہون دی راہ ویکھدی اے ۔ ایس لئی پئی ساری مخلوق جھوٹ دے ہتھاں وچ دے دتا گیا سی ۔ نہ اپنی خوشی نال سگوں اوہدے سبب جنہے اوہنوں ایس آس اُتے جھوٹ دے ہتھاں وچ دے دتا پئی ساری مخلوق وی بربادی دی قید توں چھُٹ کے خُدا دے پُتراں دے جلال دی آزادی وچ جاوے گی ۔ “(رومیوں ۸ : ۱۹ ۔ ۲۱)۔
خُدا دی ساری مخلوق پاپ توں ، بد ی توں چھُٹ جان دی تمناکردی اے ۔ چھٹ جان لئی ، خُدا دی بادشای نوں لازمی طور اُتے ایس دھرتی اُتے آباد ہونا چاہی دا اے ، ایہہ ساری مخلوق وی خُدا دے پُتراں تے ہزار ورھیاں دی بادشاہی دے مالک ہون دی اُڈیک رکھدی اے۔ ایس طرحاں ساری مخلوق اوس دیہاڑے نوں اُڈیکدی اےجدوں خدا دے پُتر اوہدے نال خُدا دے جلال دے لیڑے پا کے ، خُدا د ی آؤن والی بادشاہی لئی ، بادشاہی کرن گے ۔
اپنے بدن دی مکتی نوں اُڈیکنا
”ایس لئی پئی سانوں پتہ اے پئی ساری مخلوق رَل کے حالے تیک ہاڑے پاؤندی اے تے بچہ جمن دی پیڑ وچ تڑفدی اے ۔ تے نہ صرف اوہو ای سگوں اسیں وی جنہاں نوں رُوح دے پھل ملے نیں آپ اپنے بدن وچ ہاڑے پاؤندے آں تے لے کے پالے ہوئے ہون مطلب اے اپنے بدن دی مکتی داراہ ویکھدے آں۔ ایس لئی سانوں آس دے راہیں مکتی ملی پر جیہڑی شے دی آس اے جدوں اوہ دِسدی اے تاں فیر آس کاہدی ؟ ایس لئی پئی جیہڑی شے کوئی ویکھدا پیا اے ۔ اوہدی آس کیہ کرے گا ؟ پر جیہڑی شے نئیں دِسدی جے اسیں اوہدی آس رکھیے تاں صبر نال اوہدا راہ ویکھدے آں۔ “(رومیوں ۸ : ۲۲ ۔۲۵)۔
اوہ جیہڑے خُدا دی خوشخبری اُتے ایمان رکھدے نیں اپنے پاپاں توں مکتی پا گئے نیں ۔ اوہ خُدا
دی بادشاہی دا ، اوس دیہاڑے دا جدوں ایہہ آوےگا، اپنے سارے دکھاں دے راہیں صبرنال اُڈیکدے نیں ۔ اوہ جیہڑے خوشخبری لئی چتے پیر دکھ جردے نیں ، تے ، دکھاں دے راہیں ، خُدا دی بادشاہی لئی اوہناں دی آس ایتھوں تیک پئی بوھت چوکھی ہو جاندی اے ۔ ایہہ اوہناں لئی صرف قدرتی گل اے ۔ اوہ ایس طرحاں دی آس دی اُڈیک نئیں رکھدے جیہڑی بدنی اکھاں دے راہیں ویکھی جاندی اے ، سگوں ایہدی تھاں اُتے ، خُدا دی بادشاہی جیہڑی ویکھی نئیں جا سکدی تے اپنے آپ دی تبدیلی نوں اُڈیکدے نیں ۔
لوک تے اج دے جگ دیاں ساریاں دوجیاں شیواں نہ دسے جان والی تھکی ہوئی حیاتی بسر کردے نیں ۔ جویں جویں ویلالنگھدا جاندا اے ، جگ بدلدا جاندا اے ، تے جویں جویں ٹیکنالوجی تے تہذیب ودھدی اے ، لوکاں دی آؤن والے دناں دی آس اوہناں دے دلاں وچ ودھدی جاندی اے ۔ اوہ آؤن والے دناں وچ دھرتی اُتے بہشت ویکھن دی آس رکھدے نیں تے حالے تیک بے سکون، پریشان تے آس مند ہو جاندے نیں ، حیران ہوندیاں ہویاں کاہدے لئی ایہہ کم ، ساری ترقی دے ہوندیاں ہویاں لما ہوندا جاندا اے ۔کمپیوٹر ، گڈیا ں تے دوجی ٹیکنالوجی تے سائنسی ترقی ہوندی پئی اے ، پر ایہہ بوھتے توں بوھتا لوکاں دا ہاسا سُنن لئی اوکھا ہو گیا اے ۔
کیہ لوکاں دے آؤن والے دناں دی کوئی آس ہیگی اے ؟ جواب اک بے نصیبی دی نہ ہیگی اے ۔ مکاشفہ دی کتاب دے مطابق ، ایسےطرحاں سائنس داناں دے خیال دے مطابق ، پانی دے گھاٹے دے سبب بربادیاں ، اوزون دی تہہ دی بربادی ، خشک سالی ، جنگلاں دی اگ جیہڑی بوھتے لوکاں نوں تریہہ تے گرمی نال مرن ول لے جاوے گی ، سانوں اُڈیکدی اے ۔ کیہ تُسیں اپنے دل وچ ایناں ساریاں بربادیاں نوں سانوں اُڈیکدے ہویاں محسوس کر سکدے او؟
کیہ اسیں سوہنے جگ وچ رہندے پئے آں ؟ ایہہ کئی طریقیاں نال سوہنی نظر آسکدی اے ۔ کیہ اے جیہڑا پیسیاں نال نئیں خریدیا جا سکدا ؟ پر سانوں ستھرے پانی تے صحت مند ماحول دی لوڑ اے ۔ پر اوزون دی تہہ برباد کرن والیاں روشنائیاں نوں ماحول وچ تریڑاں پاؤن دی اجازت دیندے ہوئیاں ، جد پئی الٹروائلٹ روشنائیاں بوٹیاں نوں سکھاؤن دے سبب بن دے ہوئیاں تے لوکاں دے دلاں نوں سخت کردے ہوئیاں برباد ہوندی پئی اے ۔ لوک بوھتی چھیتی پریشان ہوندے نیں ، ”ایس جگ نال کیہ ہووے گا ؟ “ پر جگ دے لوکاں دی تھاں اُتے ، اسیں نویں سریوں جمے ہوئے ایماندار ایمان رکھدے
آں اسیں پہلےجیوں اُٹھن وچ حصہ لواں گے تے ہزار ورھے تیک یسوع دےنال بادشاہی کراں گے ۔
پاک کتاب سانوں دسدی اے پئی خُداوند آپ اُچی آواز ، نیڑے والے فرشتے دی آواز تے خدا دے نرسنگے نال اسمان اُتوں فیر اُتر آوےگا (۱ ۔ تھسلنیکیوں ۴: ۱۶)۔ سوال ایہہ ہیگا اے ، ” کدوں“ اوہ آؤندا پیا اے ۔ ساڈے خُداوند نے وعدہ کیتا پئی اوہ اوہناں نوں لین لئی آوے گا جیہڑے پانی ، لہو تے رُوح دی خوش خبری اُتے ایمان رکھدے نیں ، تے ایس طرحاں اوس دیہاڑے دی اُڈیک رکھدے پئے آں ۔
اوہ جیہڑے نویں سریوں جمے نیں ایس خوشخبری اُتے ایمان رکھدے نیں ، ” میرے پاپ یسوع اُتے لدے گئے جدوں اوہنے بپتسمہ لیا ، تے میَں خُداوند اُتے مکتی وانگر ایمان رکھدا ہاں جنہے میرے پاپاں لئی دکھ جرے ۔ “ خُدا نےسانوں اپنے اکلےکارے پُتر ، یسوع مسیح دے راہیں مکتی دتی اے ۔ اوہ فیر اپنے لوکاں نوں جواؤن لئی تے اوہناں نوں ایس دھرتی اُتے ہزار ورھیاں دی بادشاہی کرن دی اجازت دین لئی آؤندا پیا اے ۔ پاک کتاب تصویراں والی پہیلی وانگر اے جیہڑی لازمی طور اُتے اوہدے پڑھن والیاں لئی اکٹھی ٹھیک جوڑی جانی چاہی دی اے ۔
جدوں یسوع پہلوں دھرتی اُتے آیا سی ، اوہ پاپیاں نوں توبہ لئی بلاؤن لئی آیا ۔ اوہنے اپنے بپتسمے دے راہیں اپنے بدن اُتے اوہناں دے پاپاں نوں چُک لیا تے لہو دے راہیں جیہڑا اوہنے سولی اُتے وگایا اوہناں لئی مر گیا ۔ جدوں خُداوند جیہڑا اسمان اُتے رہندا اے ، فیر آوے گا، اوہ اوہناں ساریاں نوں اپنے نال ہزار ورھیاں تیک بادشاہی کرن لئی جواوے گا جیہڑے خُدا دی راستبازی اُتے ایمان رکھدے نیں ۔
ھزار ورہیاں دی بادشاہی
اوہ جیہڑے سچ مُچ ایس جگ وچ دوجیاں نال محبت کردے نیں ، خُدا دے پُتر نیں ۔ اوہ اکلے لوک نیں جیہڑے ہر گواچی ہوئی جان نوں اوہنوں مسیح لئی جتن لئی خُدا دی راستبازی دی خوشخبری دی منادی کردے نیں ۔ کیہ ایس جگ دے لوک خُدا دے پُتراں نوں کوئی پھل دیندے نیں ؟ نئیں ۔ فیر کون پھل دیندا اے ؟ جدوں یسوع فیر آوے گا ، اوہ اوہناں نوں جواء کے پھل دیوے گا جیہڑے نویں سریوں جمے نیں تے اوہناں نوں ہزار ورھیاں لئی بادشاہی کرن دی اجازت دیوے گا ۔
ہزار ورھیاں دی بادشاہی ساڈےلئی، مطلب اے ، نویں سریوں جمے ہوئے ایمانداراں لئی اے ۔ ایتھوں تیک پئی جویں اج دے لوک بےآسے ہوندے رہندے نیں ، جدوں ساڈا خُداوند فیر آوے گا ، اسیں اک نویں جگ وچ جیوندے رہواں گے ۔ اوتھے ، خُداسانوں اوہدے نال بادشاہی کرن دی اجازت دیوے گا تے اسیں خوشی نال رہواں گے تے خوش حیاتیاں جنہے چِر تیک اسیں چاؤھندے آں بسرکراں گے ۔
پولُس نے رومیوں ۸ : ۲۳ وچ آکھیا ، ” تے نہ صرف اوہو ای سگوں اسیں وی جنہاں نوں رُوح دےپہلے پھل ملے نیں آپ اپنے بدن وچ ہاڑے پاؤندے آں تے لے کے پالے ہوئے ہون مطلب اے اپنے بدن دی مکتی داراہ ویکھدے آں۔“ کیہ تُسیں اوس دیہاڑے نوں اُڈیکدے پئے او ؟ ایتھوں تیک پئی اسیں جیہڑے رُوح دے پہلے پھل رکھدے آں ، اپنے دل وچ ہاڑے پاؤندے آں ، بوھت چوکھی اپنے بدناں دی مکتی دی اُڈیک رکھدے پئے آں ۔ خُدا نے آکھیا پئی اوہ سانوں جواوے گا ، ساڈے بدناں نوں بدلے گا ، تے سانوں اپنے نال جیوندے رہن دی اجازت دیوے گا ۔اسیں ، جیہڑے راستبازاں وانگر نویں سریوں جم پئے آں ، ہُن آس رکھدے تے پاک رُوح دے راہیں اوہدے دوجی واری آؤن دی اُڈیک رکھدے آں ۔
اسیں اپنے دل وچ ہاڑے پاؤندے آں ۔ نویں سریوں جمے ہوئے ایماندار جان دے نیں پئی ایس جگ نوں کیہ ہون والا اے ۔ آؤن والے دناں دے بارے نجومی جو کُجھ دسدے نیں ، اوہدا کوئی مطلب نئیں ہیگا اے ۔ نویں سریوں جمے ہوئے ایماندار خاص کر جان دے نیں پئی آؤن والے دناں وچ کیہ واقع ہووے گا ۔ ایتھوں تیک پئی جے جگ بدل جاوے جویں اسیں ٹھیک پیشن گوئی کیتی ، تاں وی ہن کوئی ساڈا اعتبارنئیں کرے گا ۔ پر اوہ جیہڑے خُدا دے لکھے ہوئے کلام اُتے ایمان رکھدے نیں ، صرف شیخی توں اڈ اُڈیکدے نیں ۔ ایتھوں تیک پئی جے دوجے لوک جیہڑے خُدا دے کلام نوں نئیں پچھان دے ، اوہ ایناں نوں حقیر اکھاں نال ویکھدے نیں ، تاں اوہ آس نال جیوندے نیں۔
ایس لئی ، اوہ جیہڑے ایمان نئیں رکھدے ، اوہناں نوں لازمی طور اُتے اپنیاں حیاتیاں مک جان توں پہلوں مکتی پاؤنی چاہی دی اے ۔ اوہناں نوں لازمی طور اُتے ایمان رکھنا چاہی دا اے پئی یسوع نے اپنے بپتسمے دے راہیں اوہناں دے پاپ چُک لَے تے سولی اُتے ساڈے لئی موت جری ۔ صرف اودوں اوہ خُدا دی بادشاہی وچ جان دے لائق ہون گے ، جدوں اخیری دیہاڑا آوے گا ۔ فیر سانوں پھل ملے گا تے
اسیں سدا دی حیاتی پاؤن لئی اوہدی بادشاہی وچ جاواں گے ۔
کیہ تُسیں اُداسے ہوئے جے ؟ کیہ تُسیں پریشان جے ؟ یاں ، کیہ تُسیں اپنی حیاتی ولوں سکون وچ جے ؟ سانوں لازمی طور اُتے اپنے مرن توں پہلوں بوھت چنگے طریقے نال جاننا تے ایمان رکھنا چاہی دا اے پئی کویں یسوع ساڈا مکتی داتا بن گیا ۔ سانوں لازمی طور اُتے اسمان لئی اپنیاں حیاتیاں نو ں وی تیار رکھنا چاہی دا اے ۔ ایہہ جگ سب کُجھ نئیں اے ؛ ایس سچیائی نوں جان دے ہویاں ، سانوں لازمی طور اُتے اسمان اُتے جیوندے رہن لئی تیار ہونا چاہی دا اے ۔ایہہ ہے سیانے لوک کویں کردے نیں؟ کیہ تُسیں ہر دیہاڑے خوش حیاتی بسر کردے او ؟ جے اِنج اے، تُسیں بے عقلے بندے جے ۔ دوجے پاسے ، اوہ جیہڑےچنگیاں شیواں دی آس رکھدے نیں ، اوہ نیں ، مطلب اے ، اسمانی ملک دی، تے اپنے سفنیاں نال اوہدے وچ جان دے راہیں سچ بناؤن دی تیاری کردے نیں ، سیانے نیں، جیہڑے سچ مُچ چٹان اُتے اپنا گھر بناؤندے نیں ۔
ہزار ورھیاں دی بادشاہی وچ
خُدا نے سانوں اپنے آپ وانگر بنایا تے اوہنے چاہیا پئی اسیں اوہدے نال سدا جیوندے رہیے ۔ ایس سبب توں خُداوند ایس دھرتی اُتے آیا، اپنا بپتسمہ لیا ، سانوں ساڈے سارے پاپاں توں بچاؤن لئی اپنا لہو وگایا ۔ اوہ جیہڑے خُدا دی راستبازی اُتے ایمان رکھدے نیں، خُداوند نال جیوندےرہندے نیں تے خُداوند اوہناں نوں اوہدا پھل دیوے گا ۔ ساڈا خُداوند ساڈیاں اکھیاں دے اتھرو پوہنج دیوے گا تے سانوں ساریاں دکھاں تے اکلے رہن دا پھل دیوے گا جیہڑے اسیں دکھی ہوکے جریا اے ۔
خُدا ساریاں شیواں نوں نویاں کرے گا ۔ اوہ اک نویں جگ نوں آؤن دی اجازت دیوے گا، جتھے اک دُدھ پیندا بچہ سپ دے مورے وچ اپنا ہتھ پا سکدا اے تے اوہنوں ڈنگ نئیں وجے گا (یسعیاہ ۱۱ : ۸)۔سانوں لازمی طور اُتے ایمان رکھنا چاہی دا اے تے بوھت چوکھی اُڈیک رکھنی چاہی دی اے جیہڑی ویکھی نئیں جاسکدی، مطلب اے صبر نال اوس دیہاڑے دی آس رکھنی چاہی دی اے ۔ جے اسیں آکھدے آں پئی اسیں اوہدی اُڈیک رکھدے آں جیہڑا دِسداپیا اے ، تاں اسیں بے عقلے آں ۔ دوجے پاسے ، جے اسیں اوہدی اڈیک رکھدے آں جیہڑا نئیں ویکھیا تے خُدا دے کلام اُتے ایمان رکھدے آں ، فیر اسیں سیانے آں ۔ اپنی مکتی دے بعدوں ، اسیں جلال نوں اُڈیکدے آں ، جیہڑا بھاویں ساڈیاں اکھیاں نیں نئیں ویکھیا ، پر لازمی آؤن والا اے ۔
خُدا آپ ساڈے توں بوھتا ہاڑے پاؤندااے جناں پئی اسیں ہاڑے پاؤندے آں پر فیر وی ساڈے توں اُڈیک کراؤندااے ۔ اسیں بوھت چوکھی اپنے بدن دے رُوحانی بدناں وچ بدل جان دا تے بادشاہی کرن دی اُڈیک رکھدے پئے آں جدوں ساڈا ویلا آوے گا ۔ پاک رُوح جیہڑا ساڈے وچ وسیا ہویا اے ، کیہ آکھدا اے ؟ اوہ سانوں کاہدے لئی اُڈیک وچ رکھدااے ؟ اوہ سانوں ہزار ورھیاں دی بادشاہی لئی اُڈیک کراؤندااے ۔ خُداوند ساڈے بدناں نوں نویاں کرن تے ساڈے نال جیوندے رہن لئی اُڈیکدا پیا اے ۔ اسیں خُدا نال مل کے ہزار ورھیاں تیک بادشاہی کر ن لئی وی اُڈیکدے پئے آں ۔
ہیلیلویاہ ! اسیں اپنے خُدا دا شکرکردے آں۔
مسیحی اپنی اسمانی آس نال جیوندے نیں تے اپنی آس لئی یقین نال بھرے نیں ۔ ایہہ یقین ساڈے اپنے جوش والے خیالاں اُتے نیہ نئیں رکھدا ، سگوں خُدا دے کلام اُتے نیہ رکھدا اے ، جیہڑا جھوٹ نئیں بولدا ۔
Copyright © 2021 by The New Life Mission