Wegens COVID-19 en verstoring van de internationale postdienst hebben
wij onze 'Gratis Boekendienst' tijdelijk opgeschort.
wij onze 'Gratis Boekendienst' tijdelijk opgeschort.
In het licht van deze situatie kunnen we u de boeken momenteel niet opsturen.
Bid dat deze pandemie spoedig zal eindigen en dat de postdienst wordt hervat.
Bid dat deze pandemie spoedig zal eindigen en dat de postdienst wordt hervat.
Onderwerp 2: De Heilige Geest
2-1. میَں یسوع اُتے ایمان رکھدا ہاں ، میَں سوچدا ہاں پئی میَں پاپاں توں معافی پا لئی اے ۔ میَں ایہہ وی ایمان رکھدا ہاں پئی پاک رُوح میرے اندر رہندااے ۔مینوں پتہ اے پئی کوئی بندہ جنہے مکتی پا لئی اے خُدا دا پاک بندہ اے ۔بڑی واری میَں بھُل جاندا ہاں تے پاپ کرداہاں ، پاک رُوح خُدا نال میرے میل جول نوں ،مینوں قصور وار ٹھہراؤن تے مینوں اپنے پاپاں دا اقرار کرن لئی مینوں مدد دین دے راہیں مطلب اے ایہناں توں معافی پاؤن لئی نویاں وانگر کھڑیاں کردااے ۔میَں سکھیا پئی جے میَں اِنج نہ کیتا خُدامینوں سزادیوےگا ۔کیہ ایہہ اصل وچ سچ ہیگا اے پئی پاک رُوح ساڈے اندر تھوڑی دیر لئی وی نئیں ٹھہردا ،جدوں تیک اسیں اپنے پاپاں دا اقرار نئیں کردے تے اوہناں توں معافی نئیں پاؤندے ؟
ایہہ مکمل صورت ِ حال نئیں ہیگی اے۔ پاک رُوح دی بھرپوری ساڈی ایس گل اُتے نئیں مُک دی ،پئی کیہ اسیں کُجھ نیکی دے کم کردے آں یاں نئیں ۔ دوجے اکھراں وچ ، ایہہ ساڈی مرضی یاں دل دیاں آساں اُتے نئیں ہیگی ۔ فیر ایہہ کویں پائی جا سکدی اے ؟ پاک رُوح کسے بندے وچ نئیں رہندا ،جدوں تیک اوہ اپنے پاپاں داقرار نئیں کرداتےاوہناں توں معافی نئیں پاؤندا؛ ایہدی تھاں اُتے پاک رُوح کسے بندے اندر ہمیشہ لئی رہندااے ،جدوں اوہ پانی تے رُوح دی خوشخبری اُتے ایمان رکھ کے پاپاں توں معافی پاؤندا اے۔ پاک رُوح کسے بندےوچ نئیں رہ سکدا جیہڑا حالے تیک پاپ دا ماسہ جنہاں وی پرچھانواں رکھدااے ۔
فیر وی ، بوہتے لوک سوچدے نیں پئی پاک رُوح اوہناں وچ رہندااے ،صرف جدوں اوہ اپنے
پاپاں دا اقرار کردے نیں ،معافی پاؤندے نیں ،تے جے اوہ اِنج نئیں کردے ، اوہ اوہناں وچ نئیں رہوے گا ۔ایہہ بالکل غلط گل ہیگی اے ۔پاک کتاب آکھدی اے پئی اوہ رسولاں اُتے پنتی کوست والے دن اُتریا سی ۔ پر سانوں ذہن وچ رکھن دی لوڑ ہیگی اے پئی اوہناں نیں پاک رُوح دی بھرپوری اپنی دعاواں نال نئیں پائی سی سگوں ،ایس لئی پئی اوہ پانی تے رُوح دی خوشخبری اُتے ایمان لیا کے اپنے پاپاں توں معافی پا چُکے سَن۔
پاک رُوح خُدا دا رُوح ہیگا اے ،تے اوہ راستباز اُتے آؤندااے جیہڑا اپنے پاپاں دی معافی پا کے پا ک ہو چُکیااے ۔ پاک کتاب دے اَکھر ”پاک “ دا کیہ مطلب ہیگااے ، ایہہ ہیگااے پئی ”پاپاں توں وکھ ہونا۔ “ اینوں اپنے پاپاں دا اقرار کرن تے معافی پاکے لینا، جدوں کدی تسیں کوئی پاپ کردے او ، خُدا دی نگاہ وچ مکمل معافی نئیں ہیگی اے ۔کویں کوئی ایہہ آکھن دی ہمت کردااے پئی اوہ خُدا دے اگے غلطی ، قصورتوں اَڈ اپنے سارے پاپاں دا اقرار کرسکدااے ؟
صرف اوہ جیہڑے ایمان رکھدے نیں پئی یسوع نے یوحنا کولوں بپتسمہ لیا تے سولی اُتے اپنا لہو روڑیا ،ساڈی مکتی لئی ،خُدا دے منصوبے مطابق ،خُدا توں اک نعمت وانگر پاک رُوح دی بھرپوری دے نال نال اپنے پاپاں توں مکمل معافی پاؤندے نیں ۔ فیر وی ، کیہ وجہ ہیگی اے پئی بوہتے لوک اپنے ہتھ پیرمارکے پاک رُوح پاؤن دی ہمت کردے نیں ،پر اوہناں نیں سچے دل نال اپنے پاپاں توں معافی نئیں پائی اے ۔
اصل پاک رُوح لوکاں اُتے اقرار کرن نال نئیں آؤندا ۔اوہ اوہناں اُتے اپنے آپ آؤندااے ،صرف جدوں اوہ پانی تے رُوح دی خوشخبری اُتے ایمان رکھ کے اپنے سارے پاپاں توں معافی پاؤندے نیں ۔ ایہہ خُدا دے اگے پاک رُوح دی بھرپوری پاؤن دے بارے وچ ایمان لئی اک بوہت لوڑی دی شے ہیگی اے ۔
پاک رُوح ساڈے ولوں کسے طرحاں دی ہمت یاں کوئی کم کرن نال ،ساڈے اُتے نئیں اُتردا اے۔ اوہ صرف اوس بندے اُتے اُتردااے جیہدے پاپ پانی تے رُوح دی خوشخبری اُتے ایمان رکھن نال سارے دے سارے معاف ہو جاندے نیں ۔ اسیں ایہہ ایمان رکھ کے اپنے سارے پاپاں توں معافی پاؤندے آں پئی یسوع نے گھٹوگھٹ ۲۰۰۰ورہے پہلاں یردن دے دریا اُتے یوحنا کولوں بپتسمہ لے کے جگ دے پاپاں نوں اپنے اُتے چُکیا سی ۔پاک رُوح اوس بندے وچ رہ سکدا اے جیہڑا ایس طرحاں دا ایمان وکھاؤندااے ۔
اوہ اوس بندے وچ نئیں رہ سکدا جیہڑا اپنے وچ پاپ رکھدااے۔ ایہہ سچیائی اے ۔ جے کوئی
بندہ جدوں وی اوہ پاپ کردااے ، اوہدا اقرار کردے ہویاں پاک رُوح دی بھرپوری منگدااے مطلب اے سچی خوشخبری اُتے ایمان رکھن دی تھاں اُتے ، اوہ کدی پاک رُوح پا نئیں سکدا اے ۔ ایتھے صرف ایہہ وکھالی دیندااے پئی اوہ حالے تیک اپنے دل وچ پاپ رکھدااے ۔ بھاویں اوہ یسوع اُتے ایمان رکھدااے
شیطان اوہ ہیگااے جیہڑا ساڈی ڈانٹ پھٹکار کردااے رومیوں ۸:۱ وچ ، ایہہ لکھیا ہویااے ، ” ایس لئی ہُن جیہڑے مسیح یسوع وچ نیں اوہناں اُتے سزا دا حکم نئیں ہیگااے ۔کیوں جے حیاتی دے رُوح دی شریعت نے مسیح یسوع وچ مینوں پاپ تے موت دی شریعت توں چھُڈایا اے۔“
ایتھوں تیک پئی بھاویں کوئی پاپ دی معافی تے پاک رُوح دی بھرپوری پاؤن دا دعویٰ کردااے ، بھاویں اوہ پانی تے رُوح دی خوشخبری اُتے ایمان رکھ کے سارے پاپاں توں معافی نئیں پا چُکیا اے ،اوہدے دل وچ پاپ رہندااے ۔ایس لئی تہانوں پاک رُوح دی بھرپوری پاؤن دے بارے وچ پانی تے رُوح دی خوشخبری دی سچی تعلیم نوں جاننا چاہی دااے ۔ جے تسیں پانی تے رُوح دی خوشخبری بارے بوہتا کھُل کھلا کے سکھنا چاؤہندے او ،اسیں تہانوں پول سی ۔جونگ دی پہلی کتاب ، کیہ تُسیں سچی مُچی پانی تے رُوح دے راہیں نویں سِریوں جم پئے او؟ نوں پڑھن لئی بوہتا بوہتا آکھدے آں۔
Copyright © 2021 by The New Life Mission