Search
Nederlands
Nederlands
Wegens COVID-19 en verstoring van de internationale postdienst hebben
wij onze 'Gratis Boekendienst' tijdelijk opgeschort.
In het licht van deze situatie kunnen we u de boeken momenteel niet opsturen.
Bid dat deze pandemie spoedig zal eindigen en dat de postdienst wordt hervat.

FAQ over het Christelijke Geloof

Onderwerp 4 : Veelgestelde vragen van de lezers van onze boeken

4-10. ایہدا کیہ مطلب اے " ایس لئی جے سچیائی نُوں پچھانن دے پِچّھے اسی جان کے گُناہ کریئے " ؟ (عبرانیوں 10: 26)

ایتھے تہاڈے دسے ھوئے حوالے دی تشریح اے۔
عبرانیوں 10: 26-27 وچ آکھیا گیا اے ، " ایس لئی جے سچیائی نُوں پچھانن دے پِچّھے اسی جان کے گُناہ کریئے متاں گُناہاں دے بدلے کوئی ہور قُربانی باقی نئیں رہندی۔ سگوں عدالت دی ڈران والی تے اجیہی مُچّی ہوئی اَگ دی اوڈِیک۔ جیہڑی وَیرِیاں نُوں کھا چھڈے گی۔"
ھُن تُسیں سچیائی دی تعلیم ، مطلب اے، پانی تے رُوح دی خوشخبری اُتے پکا ایمان رکھ  سکدے او۔
 فیر ، ایہدا کیہ مطلب اے " جان کے گُناہ کریئے؟ "
سانوں ایہہ جاننا چاہی دا اے پئی پاپ دیاں دو قِسماں وچ درجہ بندی کیتی جاسکدی اے: "اوہ پاپ جیہڑا موت دا سبب نئیں بن دا " تے " پاپ جیہڑا موت دا سبب بن دا اے" (1۔ یوحنا 5: 16)۔ اسیں ھر دیہاڑے پاپ کردے آں ۔ ایہہ اوہ "پاپ ای جیہڑا موت دا سبب نئیں بن دا " تے خُداوند پہلوں ای اوھناں ساریاں پاپاں نوں مکا چُکیا اے۔
پر " پاپ جیہڑا موت دا سبب بن دا اے " رُوح دے خلاف کُفر دا پاپ اے۔
" ایس لئی مَیں تُہانوں آکھنا آں پئی ہر اِک گُناہ تے کُفر بندیاں نُوں بخشیا جائے گا پر اوہ کُفر جیہڑا رُوح دے حق وِچ ہوئے بخشیا نا جائے گا۔" (متی 12: 31)۔ پاک رُوح ایہدی گواہی دیندا اے پئی یسوع ای اصلی مکتی داتا اے ، تے اوہ نویں سریوں جمن  والےپاک لوکاں دے راھیں پانی تے رُوح دی خوشخبری دی گواہی دیندا اے ۔
خاص گل  ایہہ ھیگی اے پئی جے کوئی ایہدی ساری گل سُنن دے بعد اصلی خوشخبری توں مکردا اے تاں، فیر اوہ بندہ پاک رُوح  دے خلاف کُفر دا پاپ کردا پیا اے۔ بے نصیبی نال ، کجھ لوک ایہوجیہے نیں جیہڑے خوشخبری توں بھٹک جاندے نیں جدوں اوھ خوشخبری دے سبب کسے پریشانی وچ پھس جاندے نیں ۔
جے کوئی خوشخبری نوں جان دیاں پچھان دیاں اوھدے ولوں مُکردا اے بھاویں اوھنوں پتہ اے پئی ایہہ سچی اے ، تاں کیہ خدا دے راھیں ایہو جیہے بندے نوں ایس طرحاں دے پاپ توں معاف کیتا جاسکدا اے؟ خدا ایہو جیہے پاپ کرن دے بعد واضح طور اُتے ھمیش دی سزا دا اعلان کردا اے۔