Search
Pусский
Pусский
Из-за COVID-19 и перебоев в работе международной почтовой
службы мы временно приостановили нашу услугу «Бесплатные печатные книги».
В сложившейся ситуации мы сейчас не можем отправлять вам книги по почте.
Молитесь, чтобы эта пандемия скоро закончилась и работа почтовой службы возобновилась.

Проповеди

مضمون 9: رومیوں (رومیوں دی کتاب اُتے تفسیر)

[8-11 باب] ہمیش دی محبت <رومیوں ۸: ۳۱ ۔۳۴>

>رومیوں ۸: ۳۱ ۔۳۴<
”ایس لئی اسیں ایہناں گلاں بارے کیہ آکھئےجے خُدا ساڈے ول اے تاں کیہڑا ساڈا ویری  اے ؟ جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ خُدا دے بندیاں اُتے کیہڑا مقدمہ کرے گا؟ خُدا اوہ ہیگا اے جیہڑا ایہناں نوں راستباز بناؤندا اے ۔ کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “
 
 
جے خُدا پہلوں ای یسوع مسیح وچ سانوں اپنی راستبازی نال ایتھوں تیک پئی بناؤن توں پہلوں کجن دا فیصلہ کر چُکیا سی ، فیر کوئی اوہنوں چھیڑن دے لائق نئیں ہووےگا ۔ خُدا دی راستبازی اُتے ایمان رکھن دے راہیں تے دلیلاں دی خُدائی تعلیم دے راہیں نئیں ، اوہ جیہڑے اصلی طور اُتے بے پاپ بن گئے نیں خُدا دے اصلی پُتر نیں ۔
ایسے طرحاں ، سارے دینی لوک ٹھیک نئیں ہیگے ۔ اج کل کُجھ لوک یسوع اُتے ایمان رکھن دے سبب صرف دُکھڑے جردے نیں ، پر اوہناں وچوں بوھتے جیہڑے خُدا دی سچی راستبازی نوں جان دے نیں ، ستائے گئے نیں ۔ پر، اوہ لوک جیہڑے اوہدی راستبازی اُتے ایمان رکھن دے سبب خُدا دے پُتر بن گئے کدی خُدا توں وکھ نئیں ہو سکدے ۔ جدوں خُدا نے سانوں اپنی راستبازی دی خوشخبری دتی ، کیہڑا اوہدے خلاف ہو سکدااے ؟
 
 

خُدا نے سانوں ہر شے انعام وانگر دتی اے

 
” جنہے اپنے پُتر ولوں ای ڈِھل نہ کیتی سگوں ساڈے ساریاں لئی اوہنوں پھڑوادتا اوہ اوہدے نال ہور شیواں وی سانوں کویں نہ دیوے گا؟ “(رومیوں ۸ : ۳۲)۔
ایس لئی پئی اوہ جیہڑے اوہدے پُتر اُتےایمان رکھن دے راہیں خُدا دی راستبازی پا چُکے نیں ، اوہناں نوں خُدا نے ہر شے —  اسمانی بادشاہی ، خُدا دے پُتر بنن دیاں  سہولتاں ، اوہدے کلام نوں سمجھن دا فضل ، راستبازی دے کم کرن والے وانگر جیوندے رہن دے لائق ہون دی برکت تے ہمیش دی حیاتی دی برکت انعام وانگر دتی  ۔
خُدا نے سانوں اپنے پُتر بناؤن دے سلسلے وچ اپنا پُتر دتا ۔ اوہ سانوں ہور کیہ نئیں دیوےگا؟ خُدانےاو ہناں نوں  اسمان تے دھرتی دیاں ساریاں برکتاں دتیاں نیں جیہڑے اوہدی راستبازی دے راہیں سچا ایمان پاؤندے نیں ۔ ایماندار تے خُدا دے خادم اوہدی راستبازی دے سبب اوہدی سدا وڈیائی کردے نیں ۔
 
 

کیہڑا خُدا دے چُنے جان دے خلاف گلہ کرےگا ؟

 
” خُدا دے بندیاں اُتے کیہڑا مقدمہ کرے گا؟ خُدا اوہ ہیگا اے جیہڑا ایہناں نوں راستباز بناؤندا اے ۔ کیہڑا اے جیہڑا جرم وار بناوے گا ؟ مسیح یسوع اوہ ہیگا اے جیہڑامرگیا سگوں مویاں وچوں جیوں وی اُٹھیا تے خُدا دے سجے پاسے ہیگا اے تے ساڈی حمایت وی کردااے ۔ “(رومیوں ۸ :۳۳۔۳۴)۔
کوئی وی خُدا دے لوکاں دے خلاف گلہ نئیں کر سکدا جنہاں نوں خُدا یسوع مسیح وچ اپنی راستبازی نال چُن چُکیا اے، ایس لئی پئی یسوع ، خُدا دی راستبازی نال ،اوہناں نوں پاپ توں چھڈا چُکیااے ۔ لوک جیہڑے یسوع مسیح دے راہیں خُدا دی راستبازی اُتے ایمان رکھدےنیں اپنے دلاں وچ کوئی پاپ نئیں رکھدے ۔ ایہہ خُدا دے سبب اے ، کوئی ہور نئیں   اے،   جنہے   اوہناں نوں  بے   پاپ   بنایا جیہڑے
اوہدی  راستبازی اُتے ایمان رکھدے نیں ۔
خُدا دا پُتر ، یسوع مسیح ، انسانی بدن وچ جگ وچ آیا ، یوحنا بپتسمہ دین والے کولوں بپتسمہ لیا،جگ دے سارے پاپاں دا بھار اپنے آپ اُتے چُک لیا ، سولی اُتے مر گیا تے تیجے دیہاڑے مویاں وچوں جیوں اُٹھیا تے اوہناں دا خُداوند بن گیا جیہڑے ایمان رکھدے نیں ۔
ایس سبب توں اسیں ایہہ نئیں آکھ سکدے پئی اوہ ، جیہڑے خُدا دی راستبازی اُتے ایمان رکھن دے راہیں راستباز بن گئے ، پاپی تے بدکارنیں ۔ایتھوں تیک پئی ہُن ، خُدا اوہناں نوں جان دا اے جیہڑے اوہدی راست بازی اُتے ایمان رکھدے نیں ۔ ایس ثبوت دے طور اُتے ، پاک رُوح اوہناں دے دلاں وچ وسدااے ۔ ایہو ای سبب ہیگا اے پئی ، کوئی خُدا دی راستبازی نوں یاں اوہ جنہاں دے پاپ اوہدی راستبازی اُتے ایمان رکھن دے سبب معاف کیتے گئے نیں ، وگاڑ نئیں سکدا ۔
خُدا دی راستبازی یسوع مسیح دے بپتسمے ، سولی اُتے اوہدا لہو وگاؤن تے اوہدی موت تے جیوں اُٹھن دے راہیں ظاہر ہوئی ۔ یسوع مسیح ، خُدا دی ساری راستبازی پوری کرن دے بعد وں، ساڈے مکتی داتا تے حمایت کرن والے وانگر خُدا دے سجے ہتھ اُتے بیٹھا ہویا اے ۔