The New Life Mission

بائبل دیاں اصطلاحاں

بولی

بائبل دیاں کُجھ اصطلاحاں اُتے خاص وضاحت

- پانی تے رُوح دی خوشخبری نال جُڑیاں ھویاں

  • 1. فدیہ

    تاوان دی ادائیگی دے بدلے وِچ ملکیت یاں کِسے شخص نُوں چھُڈانا ۔ قیمت یامطالباتی پیسیاں دی ادائیگی یاں کِسے اجیہی رہائی لئی ادا کیتی جان والی رقم۔ عام طورتے رہائی نُوں مثبت طورتے پیش کرن لئی وَرتیا گیا (مثلاً؛خروج ۲۱:۳۰؛ ’ کُل قیمت ‘ ؛ گنتی ۳۵:۳۱۔ ۳۲،یسعیاہ ۴۳:۳، ’ فدیہ ‘ )۔نویں عہد نامہ وِچ، متی ۲۰:۲۸تے مرقس ۱۰:۴۵ وچ فدیے نوں ” قیمت دی ادائیگی “ دےطورتے بیان کردے نیں۔

  • 2. کفّارہ دینا،کفّارہ

    اِنسانی پیِڑھی دے سارے پاپاں نُوں یسوُع اُتے لدن دی رسم ۔پُرانے عہد نامہ وِچ کفارے توں مُراد قربانی دے ڈنگر دے سِراُتے ہتھ رکھن دے سبب پاپ نُوں اوہدے اُتے لد نا سی ۔ نویں عہد نامہ وِچ ،ایہدے توں مُراد یسوُع دا، یوحنا اصطباغی کولوں بپتسمہ لینا اے۔  عبرانی تے یونانی زبان وِچ ایس اَکھر توں مُراد یسوُع مسیِح اُتے پاپ دا لدیا جانا اے تاں پئی پاپی خُدادے نال ٹھیک تعلق وِچ شریک ہوسکن ۔نواں عہدنامہ کفارے دی قربانی نُوں یعنی: یسوُع دے بپتسمہ تے اوہدی صلیبی موت نُوں بڑی چنگی طرحاں واضح کردااے۔
     پُرانے عہد نامہ وچ:پُرانے عہد نامہ وِچ اَکھر    کفّارہ‘   گھٹوگھٹ ۱۰۰ واری وَرتیا گیا اے تے ایہنوں ہمیشہ (مثلاً؛احبار ۲۳:۲۷،۲۵:۹،گنتی۵: ۸) عبرانی اَکھر ’ کپھر ‘ دے طورتے بیان کیتا گیا (عام طورتے  ’ کفّارہ دین دے طور‘ تے لِکھیا جاندا اے)۔ کفّارہ اِک عبرانی زبان دے اَکھر داترجمہ اے جیہڑا زندہ بکرے دے سِراُتے ہتھ دھرکےپاپاں نُوں اوہدے اُتے لدن تے اوہدے  بنی اِسرائیل  دِیاں
    ساریاں بدکاریاں دا اِقرار کرن وَل اِشارہ کردا اے (احبار۱۶:۲۰)۔
    نویں عہد نامہ وِچ : کفّارہ دا تعلق اِرامی اَکھر   ‘ KPRنال جوڑیا گیا  اے  جیہدے  توں  مُراد ڈھکنا اے ۔ نویں عہد نامہ وِچ ایہدے توں مُراد یسوُع دی مکتی دا بپتسمہ اے۔ یسوُع ایس دُنیا وِچ آیاتے اوہنے ساری اِنسانی ذات دی مکتی نُوں توڑ تیکر اَپڑان لئی ۳۰ورہے دی عمر وِچ بپتسمہ لیا ۔

  • 3. کلام ِ مقدّس دے مطابق کفّارہ

    (الف ) پُرانے عہد نامہ وِچ عام طورتے کفّارہ اِک ڈنگر دی قربانی دے راہیں دِتاجانداسی (مثلاًخروج ۳۰ :۱۰،احبار ۱:۳۔۵،۴ :۲۰۔۲۱ ،۱۶:۶۔۲۲)۔
    (ب) نویں عہدنامہ وِچ ، پُرانے عہد نامہ دے کفّارے دی قربانی دے خیال نُوں بنیادی طورتےقائم رکھیا گیا ،پر ساری اِنسانی پیِڑھی دی مخلصی صِرف یسوُع مسیِح ،خُدا دے پُتر ،دا بدن قربان کرن دے راہیں پوری ہو سکدی سی ۔پولُس رسول نے آکھیا پئی یسوُع مسیِح ساڈے پاپاں دی خاطر مویا(۱۔کرنتھیوں ۱۵:۳)۔
    کفّارے دااَکھر صِرف موروثی پاپ دی قیمت اداکرن لئی مسیِح دی موت دے حوالے نال وَرتیا نہیں گیا ،سگوں اِنسان ذات دےسارے پاپ دُورکرن لئی وَرتیاگیا۔ بپتسمہ دے بعد جیہدے راہیں اِنسان دے پاپ یسوُع اُتے منتقل ہوگئے (متی ۳:۱۵)،اوہنے صلیب اُتے خون وگان دے سبب اِنسانی پیِڑھی نُوں رہا کیتا(احبار ۱:۱۔۵،یوحنا ۱۹:۳۰)۔
    پولُس رسول ۲۔کرنتھیوں ۵:۱۴وِچ  واضح  کر  دا   اے،   ’   اِک   سب   دے   واسطے   مویا، ‘  فیر ، ہیٹھلی ۲۱ ویں آیت وِچ ،اوہنے بیان کیتا،’  ساڈی خاطر ‘تے فیر گلتیوں ۳:۱۳ وِچ ،  ’ ساڈے    لئی لعنتی بنیا۔ ‘ نویں عہد نامہ وِچ صِرف چند آیتاں نیں جیہڑیاں یسوُع نُوں قربانی دے طور تے بیان کردیاں نیں(مثلاًافسیوں ۵:۲):یوحنا ۱:۲۹،۳۶ (  ’ برّہ ‘ — یوحنا بپتسمہ دین والا ) تے ۱۔کرنتھیوں ۵:۷ (  ’ ساڈافسح  ‘ —  پولُس رسوُل  )۔
    پر،پولُس رسوُل نے خاص طورتےبیان کیتا پئی یردن وِچ یسوُع دا بپتسمہ دُنیادےسارے پاپاں دا کفّارہ سی ۔اوہ رومیوں چھ باب وِچ بیان کردااےپئی یسوُع دے یوحنا اصطباغی  کولوں  بپتسمہ لین  دے سبب
    ساری دُنیا دے سارےپاپ اوہدے اُتے منتقل ہوگئے ۔
    اوہ ہور بیان کردااےپئی یسوُع دی مصلُوبیّت پاپ دی سزاتے تلافی سی ،تے  ایہہ  پئی  کفّارے
    دی قربانی سارے اِنساناں دی جاناں واسطے چڑھائی گئی سی ۔
    یسوُع دی موت خُدادے منصوبہ دا ظہورسی ، جیہڑا پُرانے عہد نامہ وِچ کفّارےدی قربانی وَل اِک پُر اثر اشارہ اے۔پُرانے عہد نامہ وِچ ہتھ رکھنا تے نویں عہد نامہ وِچ یسوُع دا بپتسمہ خُدادی شریعت وِچ تال میل رکھدےنیں (یسعیاہ ۵۳:۱۰،متی ۳:۱۳۔۱۷، عبرانیوں ۷:۱۔۱۰ ،۱۸،۱۔پطرس ۳:۲۱)۔
    نواں عہد نامہ بپتسمہ تے یسوُع دی موت تے ای ختم نئیں ہوجاندا،سگوں ہوردَسدا اےپئی مکتی دی تکمیل ساڈے مسیِح وِچ بپتسمہ لینا اے،جیہڑا ساڈی پرانی انسانیت نُوں اوہدے نال مرن دے قابل کردااے ۔ (رومیوں ۶:۳۔۷،گلتیوں ۲:۱۹۔۲۰)۔
    ایہہ سانوں دَسدااے پئی یسوُع مسیِح نے دُنیا دے سارے پاپ چُکن لئی یوحنااصطباغی کولوں  بپتسمہ لیا، تے نتیجے وِچ،اوہنوں مصلُوب کردِتا گیا۔ یسوُع مسیِح نے، اپنے بپتسمہ تے خون دے راہیں،نہ صرف دُنیا دےپاپاں نُوں دھوتا ،سگوں اِنسانی پیڑھی دی تھاں اُتے خُود سزاتےتکلیف جھلن دے راہیں سانُوں ابلیس دی قوت توں وی چھُڈایا تے سانُوں خُدا دی قُدرت وِچ پِچھاں موڑدِتا ۔
    ایویں ، یسوُع دی مکتی نے پاپ دی اوکھل نُوں حل کر دِتاجیہڑی اِنسان نُوں خُدا دے نیڑے جان توں روکے ہوئی سی ۔ ایس تاریخی واقعے نے خُداتے انسان دے درمیان صلح تے ایکتائی ، مکتی ، خوشی (رومیوں ۵: ۱۱)،حیاتی (رومیوں ۵:۱۷۔۱۸)،تےمکتی (متی ۳:۱۵، یوحنا۱:۲۹،عبرانیوں ۱۰:۱۔۲۰،افسیوں ۱:۷،کلسیوں
    ۱:۱۴)،اوسے ویلے بخشدے ہویاں ،بحال کردِتے۔

  • 4. یوم ِ کفّارہ

    عبرانی زبان وِچ ،ایس نظریے دا مطلب ’  ڈھکنا ، ‘ یاں فیر ’ میل  ملاپ کرن ‘ دادن اے ۔ یہودیاں لئی  سب توں بوہتا خاص دِن یومِ کفارہ سی جیہڑا ستویں مہینے دی دسویں تاریخ نُوں ہونداسی  (احبار ۲۳:۲۷،۲۵:۹)۔اَسیں احبار ۱۶باب وِچ ویکھ سکدے آں پئی بے شک سردارکاہن وی اوس دِن دِیاں خاص رسماں دے اَڈ پاک ترین مقام وِچ داخل نئیں ہو سکداسی ۔
    پاک ترین مقام نُوں وی بذات ِ خُود ایسے طرحاں کفارے دی لوڑ سی جِویں بنی اِسرائیل  نوں سی؛
    ایس لئی ،سردارکاہن نُوں قربانی چڑھانی پیندی سی تاں پئی قربانی دے ڈنگر دے سِر اُتے ہتھ رکھن دے سبب اوہدے اُتے پاپ لدسکے۔بنی اِسرائیل یومِ کفارہ اُتے خُدا دی پاکیزگی تے اپنے پاپاں دے متعلق سوچ دے سَن ۔
    اوس ویلے ،زیادہ توں زیادہ پندرہ قربانیاں سَن (چھڈے جان والے بکرے نُوں شامل کرکے،بارہ سوختنی قربانیاں تے تِن کفارے دی قربانیاں) خُدادے حضُور پیش کیتیاں جاندیاں سَن(احبار ۱۶:۵۔۲۹،گنتی ۲۹:۷۔۱۱)۔جے اَسیں ’ دُوجے برّے‘ نُوں جیہدا ذِکرگنتی ۲۸ :۸ وِچ اے، شامل کرئیے ،تے کُل مِلا کے تیرہ سوختنی قربانیاں تے چار کفارے دیاں قربانیاں بن دیاں نیں۔
    بنی اِسرائیل ستویں مہینے دی دسویں تاریخ نُوں اپنے سالانہ پاپاں دا کفارہ دیندے ہوندے سَن ۔ ایہہ خیال کیتا جاندا اےپئی ،پوری دُنیا لئی یومِ کفّارہ اوہ دِن اے جد یسوُع نے یوحنا اصطباغی کولوں بپتسمہ  لیا۔ ایہہ ایس ساری اِنسانی پیِڑھی لئی اصل وِچ یومِ کفّارہ سی ، ایہہ اوہ دِن سی جد خُدا نے دُنیا دے سارے پاپ دھودِتے (متی ۳:۱۳۔۱۷)۔ایہہ اوہ  یومِ کفّارہ سی جیہدے وِچ خُدا نے ” ایسے طرحاں۔ ۔ ۔ ساری راستبازی نُوں پوراکیتا۔“

  • 5. کفّارے دی قربانی

    پُرانے عہد نامہ وِچ: بالکل دُوجی قربانیاں وانگرسارے اِسرائیلیاں لئی خیمہء اجتماع وچ پاک کرن لئی قربانیاں چڑھائیاں جاندیاں سَن۔ سردار کاہن خُودنُوں دھونداتے رسماں اداکرن لئی عام ویس پاؤن دی بجائے کتانی ویس پانداتے اپنے تے اپنے گھرانے لئی اِک جوان وَچھا خطادی قربانی لئی تے اِک بھیڈوسوختنی قربانی لئی  چُن دا سی (احبار۱۶:۳۔۴)۔سردار کاہن اپنے لوکاں دے سالانہ پاپ لدن لئی قربانی دے ڈنگراں دے سِراں اُتے ہتھ رکھداسی ۔
    ہتھ رکھنا یومِ کفّارہ دا اِک خاص اَنگ سی ۔ جے ایویں نہ کیتا جاندا ،تے قربانی  مکمل نئیں ہو سکدی سی ، ایس لئی پئی ہتھ رکھن دے اَڈ پاپ دے کفّارہ دی تکمیل نئیں ہوسکدی سی ، ایویں اِسرائیل دے سالانہ پاپاں نُوں پاپ دی قربانی دے ڈنگر اُتے لد دِتا جاندا سی ۔
    احبار۱۶:۲۱وِچ،”تےہارون اپنے دونویں ہتھ اوس زندہ بکرے دے سِر اُتے رکھ  کے اوہدے اُتےبنی اِسرائیل دِیاں ساریاں بدکاریاں تے اوہناں دے سبھے پاپاں تے خطاواں دا اِقرار کرےتے اوہنا ں نُوں اوس بکرے دے سِر اُتے دھر کے اوہنوں کِسے شخص دے ہتھ جیہڑا ایس کم لئی تیارہووے بیابان وِچ بھجوادیوے۔“
    اوہ دوبکرے خطادی قربانی دے طورتے،تے اِک بھیڈولوکاں وَلوں سوختنی قربانی دے طورتے لیندا سی (احبار۱۶:۵)۔فیر،اوہ خیمہ ءاجتماع دےبوہےاُتے خُداوند دے حضُور دوبکرےپیش کرداتےاوہناں وِچوں اِک نوں ، ’ خُداوند لئی ‘ تے دُوجے نُوں ’ چھڈے جان لئی ‘  چُنن واسطے چِٹھیاں پانداسی ۔
      اِک بکرے نُوں خطادی قربانی لئی خُدادےحضُورقربان کردِتا جاندا،تے چھڈے ہوئے بکرے نُوں  خُدا دے حضُور زندہ پیش کیتا جانداتاں پئی اوہ اِسرائیل دے سالانہ پاپ دا کفّارہ دیوے، تے فیر اوہنوں بیابان وِچ چھڈ دِتا جاندا(احبار ۱۶:۷۔۱۰) ۔
    اِسرائیل دے پاپ سردار کاہن دے  ہتھ رکھن  دے  راہیں  چھڈے  ہوئے  بکرے  اُتے  لد
    دِتے جاندے سَن۔فیر،چھڈے ہوئے بکرے نُوں جیہڑا اپنے اُتے اِسرائیل دے سارے پاپ چُک لیندا سی ، بیابان وِچ چھڈ دِتاجانداسی تاں پئی خُداتے اِنسان دے وِچکار فیر ملاپ کرالوے۔ ایویں اِسرائیل دے سالانہ پاپ دُور کردِتے جاندے سَن۔
    نویں عہد نامہ وِچ: بالکل ایسے طرحاں نویں عہد نامہ وِچ یسوُع مسیِح نے یوحنا اصطباغی کولوں بپتسمہ لیا(پُرانے عہد نامہ وِچ ہتھاں دا رکھیا جانا)تے قربانی دےبرّہ دے طورتے دُنیا دے سارے پاپ چُک لئے تاں پئی خُدا دی مکتی پوری کرے(احبار ۲۰:۲۲، متی۳:۱۵،یوحنا ۱:۲۹،۳۶)۔
    پُرانے عہد نامہ وِچ ،چِٹھیاں پاؤن توں پہلاں ،ہارون اپنے لئی تےاپنے گھرانہ لئی خطادی قربانی دے طورتے جوان وَچھا ذبح کرداسی  (احبار ۱۶:۱۱) فیر ،اوہ اَگ نال بَلدےہوئے کوئیلیاں نال بھرے ہوئے خُداوند دے حضُور وِچوں قربان گاہ وِچوں راحت انگیز بخوردی خوشبو نال بھریا ہویا، بخوردان اپنے ہتھاں وِچ لیندا، تے اوہنوں پردے دے پِچھے لے جانداسی ۔ فیر اوہ خُداوند دے حضُور بخور نُوں اَگ وِچ پاؤندا تاں پئی بخور دا بَدل رحمگاہ اُتے چھا جاوے ۔اوہ وَچھے دا کُجھ خون  وی  اپنے  نال  لے  جاندا تے اپنی
    اُنگل نال اوہنوں ست واری رحمگاہ دے اُتے تےسامنے چھِڑک داسی(احبار ۱۶:۱۲۔۱۹)۔
    یومِ کفّارہ اُتے ، ہارون دے قربانی دے ڈنگر  دے سِر اُتے  ہتھ  رکھنا  چھڈیا نئیں  جاسکدا سی ۔
    ہارون بکرے دے سِر اُتے ہتھ رکھداتے اِسرائیل دے سارے پاپاں تے بدکاریاں نُوں اوہدے سِر اُتے لد دینداسی ۔ فیر ،کوئی مناسب شخص بکرے نُوں بیابان وِچ لے جاندا تے اوتھے اوہنوں چھڈ دینداسی ۔ چھڈیاہویابکرااِسرائیل دے پاپاں نُوں چُک کے بیابان وِچ پھردارہندا تے آخر وِچ ایہناں پاپاں دی خاطر مرجانداسی ۔ایہہ پُرانے عہد نامہ وِچ کفّارے دی سب توں خاص قربانی سی ۔
    نویں عہد نامہ وِچ وی اِنج ای ہویا سوائے،یسوُع مسیِح دے راہیں چھڈیاہویا بکرابدل دِتا گیا ، جِنھے اپنے بپتسمہ دے راہیں اپنے آپ اُتےدُنیادےسارےپاپاں نُوں چُک لیا، تے ساڈے سب لئی خو ن وگایا تے صلیب اُتے مرگیا ۔
    ایویں ہُن ، اَسمانی سردارکاہن ، یسوُع مسیِح ،دےبپتسمہ تے مصلُوبیّت دے اَڈسارے پاپاں توں مکتی حاصل نئیں ہوسکدی ۔ ایہہ، پانی تے رُوح نال نویں پیدائش حاصل کرن دی مکتی دی تکمیل اے ۔

  • 6. ہتھاں دا رکھنا ، تخصیص

    ایہہ پُرانے عہد نامہ وِچ پاپ دی قربانی اُتے خُداوَلوں بخشیاگیا پاپ لدن دا عمل سی (احبار ۴:۲۹ ،۱۶:۲۱)۔پُرانے عہد نامہ دے دَوروِچ، خُدا نے لوکاں نُوں اِجازت دِتی پئی اوہ خیمہ ء اجتماع دے اندر قربانی دے ڈنگر دے سِراُتے ہتھ رکھن دے راہیں اپنے پاپاں دا کفّارہ دین۔ ایویں نویں عہد نامہ وِچ یسوُع دے آن والے بپتسمہ نُوں ظاہرکرنا سی ۔

  • 7. بپتسمہ

    بپتسمہ دا مطلب دھویا جانا دفن ہونا(غوطہ لینا)تے رُوحانی معنے وِچ، ہتھ رکھن دے راہیں پاپ منتقل کرنا ایں، جِویں پئی پُرانے عہد نامہ دے دِناں وِچ کیتا جاندا سی۔
     نویں عہد نامہ وِچ،یوحنا اصطباغی دے راہیں یسوُع دا بپتسمہ دُنیا دے سارے پاپاں نُوں دھون لئی سی ۔  ’  یسوع دے بپتسمہ‘   وِچ  اِنسان  ذات  دے سارے  پاپاں  نُوں  چُکن ، یعنی   دُنیا دے  پاپاں  
    نُوں دھون دا مطلب پایا جاندااے۔
    یسوُع نے  یوحنا اصطباغی کولوں ،جیہڑااِنسان ذات دا نمائندہ ، تے ہارون دی پیِڑھی دا سردارکاہن
    سی، بپتسمہ لیا ،تے اَپنےآپ اُتے ساری دُنیادےپاپ چُک لئے ۔ ایہہ اوہدے  بپتسمہ دا مقصدسی ۔
    لفظ ’ بپتسمہ ‘ دا رُوحانی معنے ’ منتقل کرنا ، دفن کرنا ‘ اے ۔ ایویں ، ” یسوُع دے  بپتسمہ“ دامطلب ایہہ ہے پئی سارے  پاپ یسوُع اُتے لددِتے گئے ، تے اوہنے ساڈی تھاں اُتے سزاجَری ۔ اِنسان ذات نُوں بچان لئی ، یسوُع نُوں ساڈے پاپ چُکن تے اوہناں دی خاطر جان دینی پئی سی ۔
    ایویں اوہدی موت تُہاڈی ،میری، تے ساری دُنیادے پاپیاں دی موت   اے،  تے  اوہدا   مویاں
    وِچوں جی اُٹھنا سارے اِنساناں دا مویاں وِچوں جی اُٹھنا ایں ۔ اوہدی قربانی پاپیاں دی مکتی اے، تے اوہدا  بپتسمہ سارے انساناں دے سارےپاپ دھوئے جان دی اصل گواہی اے ۔  
    پاک کلام سانُوں دَسدا اے، ”تےاوسے پانی دا مشابہ یعنی  بپتسمہ ہُن تُہانوں بچاؤند اے۔ “ (۱۔پطرس۳:۲۱ )۔یسوُع دا  بپتسمہ اِنسانی پیِڑھی دے سارے پاپ دھون دے راہیں سانُوں بچان دا ٹھیک عملی طریقہ اے۔

  • 8. پاپ

    ہر شَے جیہڑی خُدادے مخالف اے،پاپ اے۔ایہہ سارے پاپاں نُوں بیان کردااے۔ جِنھاں وِچ موروثی پاپ تے بدکاریاں شامل نیں جیہڑیاں اَسیں اپنی ساری حیاتیاں وِچ کردے آں ۔
    عبرانی زبان وِچ پاپ لئی اَکھر ‘αμαρτία (hamartia)’ اے۔تے ایہدی فعلی حالت  ہیمر ٹینو‘  ((hamartano اے  جیہدا مطلب  ’ نشان توں ہٹ جانا ‘ اے۔ ایس طرحاں ، سب توں وڈے پاپاں وِچوں اِک پاپ یسوُع اُتے غلط ایمان رکھنا ایں ، ایویں مکتی حاصل کرن دی صلاحیت وِچ کمی ہونا اے۔ سچیائی نُوں نہ جاننا تے ایہدےاُ تے ایمان نہ لیاکے نافرمانی دا پاپ کرنا،خُدادی بے عزتی کرنااے۔
    جے اَسیں سچی مُچی خُدادے حضُور اجیہا پاپ نئیں کرنا چاہندے،تےسانُوں ٹھیک طورتے خُدا دے کلام نُوں سمجھنا تےچنگی طرحاں اوس سچیائی نُوں جاننا چاہی دااے پئی یسوُع ساڈا مکتی داتابن چُکیااے ۔
    سانُوں خُدادے کلام دے راہیں یسوُع دے بپتسمہ تے اوہدی صلیب اُتے ایمان لیانا چاہی دااے۔خُدا دے کلام نُوں قبول نہ کرنا، سچیائی توں پھرنا، جھوٹیاں گلاں اُ تے ایمان رکھنا، پاپ اے۔
    پاک کلام سانُوں دَسدااے پئی سب توں وڈا پاپ ،  ’ پاپ جیہڑا موت وَل لے جانداے ‘ (۱۔یوحنا ۵:۱۶)،ایس گل اُ تے ایمان نہ لیا نااے پئی خُدا دےنے دُنیادے سارے پاپ دھودِتے۔سانُوں یسوُع دی پیدائش ،بپتسمہ دے راہیں پاپ دُور کرن ، تےساڈی خاطر صلیب اُتے اپنے خون دے نال سانُوں حیاتی دین اُتے ایمان رکھناچاہی دا اے ۔ جے اِک شخص  لِکھے ہوئے کلام اُتے ایمان نئیں رکھدا پئی یسوُع نے بپتسمہ لیا،تے اوہ صلیب اُتے مویا،تے سانُوں سارےپاپاں توں رہا کرن لئی مویاں وِچوں جی اُٹھیا،تے اوہ پاپ کردااے۔

  • 9. توبہ

    جدخُدا توں دُور جان والا شخص اپنے پاپاں دااِقرار کرداتے اوہناں دے دھوئے جان لئی یسوُع دا شکرکرداتےواپس  خُداکول آجاندااے تے ایہنوں توبہ آکھیا جاندااے ۔
    اَسیں سب پاپ دابھنڈارآں ۔ سچی توبہ تھلے لِکھی سچیائی دااِقرار کرن وِچ اے :یعنی اَسیں خُدا دے حضُور پاپی آں،ایہہ پئی اَسیں اپنی ساری جندڑی پاپ کرن توں باز نئیں رہ سکدے سگوں اَپنی ساری حیاتی پاپ کردے آں تے مرن توں بعدوں اَسیں دوزخ وِچ جاواں گےیعنی سانُوں ایہہ ایمان رکھدے ہویاں یسوُع نُوں اَپنے مکتی داتا دے طورتے قبول کرنا اے پئی اوہ ایس دُنیا وِچ ساڈے ورگے پاپیاں نُوں بچان لئی آیا، تے ایہہ پئی اوہنے سارے پاپ (اپنے بپتسمہ دے راہیں)چُک لئے،اوہ مرگیا تے سانُوں بچان لئی مویاں وِچوں جی اُٹھیا۔ سچی توبہ اپنی سوچاں توں خالی ہوناتے خُداوَل پَرتنااے(اعمال ۲:۳۸)۔
    توبہ ایہہ ہے پئی اَپنے پاپاں دااِقرار کرکےخُدادے کلام وَل پَرتیا جائے ، تے اپنے پورے دِل نال پانی تے خون دی مکتی نُوں قبول کیتا جاوے(۱۔یوحنا ۵:۶)۔
    سچی توبہ ایہہ ہے پئی خُود نُوں مکمل طورتے پاپی قبول کیتا جائے تے خُدادے پُتر یسوُع  اُتے  اپنے
    مکتی داتادےطورتے ایمان لیانداجائے ۔ جِنھے سا نُوں ساڈے سارے پاپاں توں مکتی بخشی ۔ مکتی حاصل کرن تے پاپاں توں پاک ہون لئی ، سانُوں اپنے عملاں دے راہیں پاک ہون دی کوشش نُوں بندکرنا چاہی دااے تےایہہ اِقرار کرنا چاہی دااے پئی اَسیں خُدا تے اوہدی شریعت دے سامنے مکمل طورتے پاپی آں ۔ تے ایہدے بعد اَسیں اوہدی مکتی دی سچیائی ،پانی تے رُوح  دی  خوشخبری  نُوں ،  جیہڑی  یسوُع  نے سانُوں اپنے بپتسمہ تے خون نال بخشی، قبول کرنی چاہی دی اے۔
    اِک پاپی نُوں اپنےسارے خیالاں تے مرضی نُوں چھڈنا اے تے مکمل طورتے یسوُع کول پِچھاں آنا اے ۔ جد اوہ ایمان لیاوےگا پئی یسوُع دا بپتسمہ ساڈے پاپاں نُوں چُکن لئی سی تے اوہ مکتی پاوےگا ۔
    دُوجے اَکھراں وِچ ،یسوُع دابپتسمہ ،اوہدی مصلُوبیّت،تے اوہدا مُردیاں وِچوں جی اُُٹھنا ، خُدا دی راستبازی نُوں ، یعنی ،اوہدی سارے پاپیاں دی مکتی نُوں پورا کرچُکے نیں۔ یسوُع جِسم وِچ آیا، اوہنے ساڈے سارے پاپاں نُوں دھو ن لئی بپتسمہ لیاتےصلیب اُتے جان قربان کیتی ۔ ایہناں ساریاں  گلاں اُتے مکمل ایمان تےیقین  رکھنا اے پئی یسوُع اوہناں سارے  لوکاں دامکتی داتابنن لئی مویاں وِچوں جی اُٹھیاجیہڑے اوہدے اُتے ایمان رکھدے نیں ایہو سچی توبہ تے اَصل ایمان ایں۔

  • 10. مکتی

    مسیحیت وِچ مکتی دا مطلب، ’ پاپ دی طاقت یاں سزاتوں رہائی ‘ اے۔اَسیں مکتی حاصل  کردے آں جد اَسیں قبول کردےآں پئی اَسیں اپنے پاپاں دے سبب دوزخ وِچ جان توں بچ نہیں سکدے تے ایمان رکھدے آں پئی یسوُع نے اپنی  پیدائش ،بپتسمہ تے صلیب اُتے خون وگان دے سبب سانُوں ساڈے سارے پاپاں توں رہا کیتا۔
    جیہڑے لوک یسوُع دی مکتی ،بپتسمہ تے یسوُع دےخون اُتے ایمان لیان دے سبب بے پاپ بن جاندے نیں اوہ    ’  مکتی  یافتہ ،نویں سِرے توں پیدا ہوئے ،تے راستباز ‘  اَکھواندے نیں ۔
    اَسیں ’ مکتی ‘  دا اَکھراوہناں لوکاں لئی وَرت سکدے آں جِنھاں نُوں اوہناں دے سارے پاپاں توں ،جِنھاں وِچ موروثی تے روزمرّہ دے پاپ وی شامل نیں، یسوُع اُتے ایمان لیان دےراہیں مکتی بخشی گئی اے۔ جِس طرحاں ڈُب دا شخص بچ جاندااوسے طرحاں جیہڑا دُنیا دے  پاپ  وِچ  ڈُب رہیا اے
    یسوُع اُتے اپنے مکتی داتادےطورتےایمان لیان، اوہدے بپتسمہ تے خون ، یعنی رُوحانی  سچیائی دے کلام اُتے ایمان لیان دے راہیں بچ سکدا اے۔

  • 11. نویں سِرے توں پیداہونا

    ایہدامطلب  ’ دُوجی واری پیدا ہونا  ‘ اے ۔ اِک پاپی اوس ویلے نویں پیدائش حاصل کرداتے راستباز بن جاندااے جدوں اوہنوں یسوُع دے بپتسمہ تے صلیب اُتے ایمان لیان دے  راہیں رُوحانی طورتے مکتی مِلدی اے ۔
    اَسیں یسوُع دے بپتسمہ تے خون اُتے ایمان لیان دے سبب رُوحانی طورتے نویں پیدائش حاصل کر سکدے آں ۔نویں سرےتوں پیداہون والے اوہ لوک نیں جیہڑے اپنے سارے پاپاں توں پاک ہوچُکے نیں تے ”تےدُوجی واری اَڈ پاپ دے نجات لئی اوہناں نُوں وکھالی دیوے گا جیہڑے اوہدی راہ ویکھدے نیں۔“ (عبرانیوں ۹:۲۸)۔

  • 12. پاپاں دی معافی

    ایہہ خاص نظریہ پاپاں دی معافی دےطورتے وی جانیاں جاندااے ۔ پاپ معاف ہوندے نیں جد اَسیں پانی تے رُوح دی خوشخبری دے سبب اِکو ای واری تے ہمیشہ لئی سارے پاپاں توں پاک ہوجاندے آں ۔ پانی تے رُوح دی خوشخبری اُتے ایمان دی سچیائیاں دے اِک سلسلے اُتے ایمان رکھنااے: یعنی یسوُع مسیِح دی الوُہیّت ،خُدادے پُتر دے جِسم لین ، ساڈی سب دی مکتی لئی اوہدا بپتسمہ تے مصلُوبیّت ، تے اوہداجی اُٹھنا ۔
    یسوُع نے سانُوں جیہڑی مکتی بخشی اوہدے بپتسمہ تے  خون  اُتے  ایمان  لیان  دے سبب اے۔
    جِویں پئی پُرانے عہدنامہ وِچ پیشن گوئی کیتی گئی سی،یسوُع نے خُود لوکاں نوں پاپ توں رہائی بخشی ۔پاک کلام وِچ مکتی یسوُع دے بپتسمہ تے اوہدے خون اُتے ایمان رکھن دے سبب پاپاں نُوں دُور کرن وَل اِشارہ کردی اے۔ سارے پاپ یسوُع اُتے لددِتے گئے ،ایس لئی اِنسان ذات دے دِلاں وِچ ہُن کوئی ہور پاپ باقی نہیں اے۔
    اَسیں صرف اوس ویلے خُود نُوں مکتی یافتہ تے راستباز آکھ سکدے آں جد یسوُع دے بپتسمہ اُتے ایمان دے راہیں ساڈے سارے پاپ اوہدے اُتے منتقل ہوجان۔

  • 13. یسوُع مسیِح

    یسوع:  ’ مکتی داتا جس نے سارے لوکاں نُوں اوہناں دے پاپاں تے پاپ دی سزا توں رہائی بخشی ‘  یسوُع دا مطلب مکتی داتا اے،اجیہا شخص جیہڑاسارے لوکاں نُوں اوہناں دے پاپاں توں مکتی دے چُکیااے۔
    مسیح:  ’ ممسوح۔‘   خدمت دے مرتبیاں اُتے تِن قِسم دے لوک ہوندے سَن جِنہاں نُوں خُدا دے ساہمنے مقرر ہونا پینداسی:بادشاہ نبی تے کاہن۔ یسوُع نے ایہناں ساریاں خدمتاں نُوں پوراکیتا۔
    یسوُع دے کول ایہہ ساریاں خدمتاں سَن ۔ یسوُع نے ایہناں تِنّاں خدمتاں نُوں پوریاں کیتا ۔ سانُوں بادشاہ،نبی تے کاہن دے طورتےیسوُع اُتے ایمان لیانا چاہی دااےجِنہے سانُوں مخلصی تے مکتی دِتی ۔ ایس لئی ، اَسیں اوہنوں ’ یسوُع مسیِح ‘ پکاردے آں۔ اوہ اَسمانی سردارکاہن سی جِنہے اپنے بپتسمہ تے خون دے راہیں سانُوں دُنیا دے سارے پاپاں توں مکتی بخشی ۔
    ہُن اوہ اوہناں ساریاں دا بادشاہ اے جیہڑے اوہدے اُتے ایمان رکھدے نیں۔ جدوں اوہدے
    حضُور آ ندے آں تے اوہ سانُوں ساڈے پاپاں دا احساس بخشدااے ۔ اوہنے سانُوں دَسیا پئی اَسیں اپنے پیودادیاں دے دَور توں ای پاپی سی؛یعنی پاپیاں دی نسل دے طورتے،اَسیں پاپی پیدا ہوئے ساں تے نتیجہ وِچ اَسیں خُدا دی عدالت دے تھلے سی ۔
    اوہنے سانُوں ایہہ وی سکھایا پئی اوہنے اپنے بپتسمہ تے خون دے سبب سانُوں ساڈے سارے پاپاں توں پاک کیتا ۔اوہنے ایہہ سارے کم ساڈے پاپیاں دی خاطر کیتے۔

  • 14. خُدادی شریعت:دس حکم

    روز مرّہ حیاتی دے بارے خُدا دی شریعت وِچ حکماں دیاں ۶۱۳شِقاں موجود نیں ۔ پر اوہناں دا خلاصہ دس حکم نیں،جیہڑے سانُوں خُدادےسامنے قائم رکھنے نیں۔ایہناں وِچ  حکم تے ممانعتاں موجودنیں مثلاً  ” ایہہ کرو “تے ”  اوہ نہ کرو۔“ ایہہ حیاتی لنگھان دے آگو اَصوُل نیں، تے سانُوں خُدا دے حکم بخشے گئےنیں تاں پئی اَسیں اپنے پاپاں نوں جان سکئیے۔خُدادے لِکھے ہوئے حکماں دے راہیں ،اَسیں جان سکدے آں پئی اَسیں کس قدر خُدادی نافرمانی کردے آں(رومیوں ۳:۱۹۔۲۰)۔
    خُداداسانُوں اپنے حکم دین دا ایہہ مقصد سی پئی اَسیں اپنے پاپاں نُوں جانیے ۔ اَسیں اوس دے سارے حکماں اُتے کدی وی عمل نئیں کر سکدے ، ایویں ، سانُوں یسوُع اُتے ایمان لیان تے پہلاں ایس سچیائی نُوں قبول کرنا چاہیدا اے پئی اَسیں پاپی آں ۔ اَسیں سارے پاپی آں تے خُدانُوں پتہ اے پئی اَسیں کدی وی اوہدی  شریعت دے مطابق حیاتی نئیں لنگھاسکدے ۔ ایس لئی اوہ ایس دُنیا وِچ اِنسان بن کے آیا تے بپتسمہ لیا تے صلیب اُتے سزانُوں جھلیا۔ اوہدے حکماں دے مطابق زندہ رہن دی کوشش کرنا آپ مہُارے ہون  داپاپ اے ۔ سانُوں اِنج نئیں کرنا چاہیدا ۔
    شریعت سانُوں وکھاندی اے پئی خُدا کس قدر کامل تے پاک اے جد پئی اَسیں اِنسان ذات سچی مُچی بڑے کمزور آں۔ دُوجے اَکھراں وِچ، خُدا دی پاکیزگی تے کاملّیت اوہدی شریعت وِچ ظاہرہوندی اے۔

  • 15. دریائے یردن جِتھے یسوُع نے بپتسمہ لیا

    دریائےیردن تیزی نال وگداہویا بحیرہء مُردار وِچ ڈگدااے۔ بحیرہء مُرداردی سطح، سمندر دی سطح نالوں گھٹوگھٹ چار سو میٹرتھلے ہے۔ ایس لئی بحیرہء مُردار داپانی کِسے ہور پاسے نئیں وگ سکدا؛ایہہ بحیرہء مُرداروِچ ای قید اے۔
    بحیرہء مُرداردا لُون دُوجے عام سمندراں نالوں دس گُنا بوہتا اے تے کوئی ساہ لین والی شَے اوتھے جیوندی نئیں رکھ سکدی ۔ ایویں ایہہ بحیرہء مُرداراَکھواندااے۔ یسوُع نے یوحنا اصطباغی کولوں موت دے دریا (دریائے یردن) وِچ بپتسمہ لیا۔ ایہہ ایس گل نُوں پیش کردا اے پئی سارے اِنسان ذات ، سوائے اوہناں دے جِنھاں دے دِل پاپ دے اَڈ نیں ،آخر وِچ اپنے پاپاں دی ابدی ہلاکت داسامنا کرن گے۔
    ایویں ، دریائے یردن پاپاں نُوں دھون دادریااے یعنی اجیہا  دریا  جِتھے  پاپی  مر جاندے  نیں۔ مختصر، ایہہ مکتی دا دریا اے جِتھے اِنسان دے سارے پاپاں نُوں اوہدے بپتسمہ دے راہیں ، یعنی یسوُع  اُتے
    منتقل کرن دے راہیں دُورکردِتا گیا سی ۔