เนื่องจากสถานการณ์ของ โควิด-19 และการหยุึดชะงักของบริการไปรษรีย์ระหว่างประเทศ
ราจึงได้ระงับ 'บริการหนังสือฟรี' ป็นการชั่วคราว ในสถานการณ์เช่นนี้ราไม่สามารถส่งหนังสือทางไปรษณีย์ถึงคุณได้ในตอนนี้
ขอให้โรคระบาดนี้หมดไปในร็ววัน และปิดบริการไปรษณีย์อีกครั้ง
ขอให้โรคระบาดนี้หมดไปในร็ววัน และปิดบริการไปรษณีย์อีกครั้ง
เรื่องที่ 1 : การเกิดใหม่โดยน้ำและพระวิญญาณ
1-5. کیہ اَسیں مسیحی ہُن تیکر پاپی ہوسکدے آں؟
بالکل نئیں ۔پولُس رسوُل نیں ۱۔تیمتھیس ۱:۱۵ وِچ آکھیا پئی ” پاپیاںوِچوں سب توں وڈا میَں آں۔“ اوہ یسوُع نال ملن توں پہلے دےدِناں نُوں یادکررہیاسی ۔ اَج مسیِحی طبقیاں وِچ ، بوہت سارے لوک سوچ دے نیں پئی اوہ بے شک یسوُع اُتے ایمان رکھن توں بعد وی پاپی ای نیں ۔پرایہہ سچ نہیں اے۔
اَسیں سب یسوُع اُتے ایمان لیا ن توں پہلے پاپی ہوندے آں ۔پر اِک واری اوس دے کلام دے مطابق یسوُع مسیِح اُتے صحیح ایمان رکھن دے بعدوں ، اَسیں فوراًراستبازبن جاندے آں۔ پولُس رسوُل نیں یسوُع نُوں جانن توں پہلے دے ویلے نُوں یاد کیتا تے اِقرار کیتا پئی اوہ سب توں وڈاپاپی سی ۔
پولُس رسوُل دی ملاقات ، جدوں اوہ ساؤل اَکھوانداسی ، دمشق دی راہ اُتے یسوُع نال ہوئی تے اوس نیں جانیا پئی یسوُع اوہدا مکتی داتا سی ، تے اوس نے ایمان رکھیا تے یسوُع دی شکر گزاری کیتی ۔فیر ، باقی ساری حیاتی وِچ ، اوس نےگواہی دِتی پئی خُدا دی راستبازی یسوُع دا بپتسمہ ، دُنیا دے سارے پاپاں نُوں دُور کرچُکیاسی تے اوس نُوں دُنیا داپاپ مٹان لئی مرنا پیا۔
دُوجے اَکھراں وِچ، اوہ خُدا دا خادم بن گیا جِنہے پانی تے رُوح دی خوشخبری دی منادی کیتی ۔ فیر
وی ، بوہت سارے مسیِحی ہُن وی سوچ دے نیں پئی پولُس رسوُل بے شک یسوُع دے نال ملاقات کرن دے بعدوں وی پاپی سی ۔ اوہ مسیِحی پاپیاں دے خیالاں دے نال ایس حوالے نُوں غلط سمجھدے نیں ،جیہڑے ہُن تیک نویں سِرے توں پیدا نئیں ہوئے ۔
پر،سچ ایہہ ہے پئی اوہ یسوُع نال ملن توں بعدہور پاپی نئیں رہیا ،سگوں اوہ اجیہا شخص بن چُکیا سی جیہڑا کِسے ویلے ،جدوں وی چاہے یسوُع نُوں مِل سکداسی ۔ اوس نیں مکتی دی خوشخبری ،یعنی بپتسمہ تے یسوُع دے خون دی خلاصی دی منادی کرن لئی اپنی باقی حیاتی وقف کر دِتی ۔ ایتھوں تائیں پئی اوس دے مرن دے بعدوں ، بائبل مقدّس وِچ ساڈے کول اوہدے خطوط موجود نیں، گواہی دیندے ہوئے پئی پانی تے رُوح دے خوشخبری پہلی کلیسیا توں ای سچی خوشخبری سی ۔ ایویں ،۱۔تیمتھیس ۱:۱۵ وِچ پولُس رسوُل دااِقرار اوہدے پُرانے دِناں دی یادگاری تے ایسے ای طرحاں خُداوند لئی شکرگزاری سی ۔
کیہ اوہ یسوُع اُتے ایمان رکھن توں بعد پاپی سی ؟نہیں۔ اوہ نویں سِرے توں پیدا ہون توں پہلے پاپی سی۔ پرجِس لمحے اوہ یسوُع اُتے مکتی داتادےطورتےایمان لے آیا تےاوسے لمحے اوہنے جان لیا پئی یسوُع دے بپتسمہ دے سبب دُنیا داپاپ اوہدے اُتے لددِتاگیا سی ، ایسے لمحے جد اوس نے یسوُع دے صلیبی فدیہ دے خون اُ تے ایمان رکھیا اوہ راستباز بن گیا سی ۔
اوہدے خُود نُوں سب توں وڈا پاپی آکھن دی وجہ ایہہ سی پئی اوہ اوس ویلے نُوں یادکررہیا سی جدوں اوس نیں یسوُع دے منن والیاں نُوں ستایا تے فیر ،اوہنوں بالکل نا اُمید پاپی نُوں بچان لئی خُدادی شکرگزاری کیتی ۔
کون ایں جیہڑا اوہنوں ہُن وی پاپی آکھ سکدااے؟کون کِسے شخص نُوں پاپی آکھ سکدا اے جے اوہ یسوُع دے بپتسمہ تے خون اُتے اپنی مکتی دے طورتے ایمان رکھن دے راہیں راستباز بن گیا اے؟ صِرف اوہ لوک ایویں آکھ سکدے نیں جیہڑے یسوُع دی مکتی دی سچیائی توں بے خبرے نیں ۔
پولُس رسوُل یسوُع دے راہیں مِلن والی مکتی اُتے ایمان لیان دے سبب راستباز بن گیا تے اوس ویلے توں اَگانہہ ، خُدا دے خادم دے طورتےاوس نے ہرکِسے تیک ، یسوُع مسیِح ،خُدا دے پُتر اُتے مکتی داتادےطورتےایمان رکھن دے راہیں راستباز ٹھہرن دی خوشخبری دی منادی کیتی ۔ تد توں اَگانہہ ، پولُس رسوُل پاپی نئیں سی سگوں خداداراستباز خادم سی ،یعنی اِک سچا خادم سی جِنہے ساری دُنیا دے پاپیاں تیک خوشخبری دی منادی کیتی ۔
کیہ اِک پاپی دُوجیاں نُوں منادی دے سکدااے؟اِنج کم نئیں چل سکدا۔ اِک شخص دُوجیاں
تیک کِس طرحاں منادی کرسکدا اے جیہڑی اوہ خُود ای نہیں رکھدا!جدوں اوہ خُود نئیں بچیا،تے اوہ شخص دُوجیاں نُوں کِویں بچاوے گا !
جے اِک ڈُبدا ہویا شخص، لاگے ای دُوجے ڈُبدے ہوئے شخص نُوں بچان دی کوشش کرے، تے اوہ دونویں پانی دے تھلے ڈُب جان گے۔ اِک پاپی کِس طرحاں دُوجیاں نُوں بچا سکدا اے ؟ اوہ صِرف اوہناں نُوں اپنے نال دوزخ دیا ڈونگھائیاں وِچ لے جاوے گا۔ اِک بیمار شخص کِس طرحاں دُوجے بیمار شخص نُوں کامیابی نال بچاسکدا اے؟ اِک ابلس توں دھوکہ کھان والا شخص کِس طرحاں دُوجیاں نُوں بچا سکدا اے؟
پولُس رسوُل پاپی سی ، پرجدوں اوہ یسوُع دے بپتسمہ تے خون اُتے ایمان لے آیا، تے اوہ راستباز بن گیا تے اوہنے پاپاں توں مکتی حاصل کرلئی ۔ ایسے لئی اوہ خُدا دا خادم بن گیا سی تے دُنیا دے پاپیاں تیک خوشخبری دی منادی کرسکداسی ۔ اوس نیں خُدا دی راستبازی نال بوہت سارے پاپیاں نُوں چھُڈایا۔ اوہ خُودہُن اَگانہہ ہورپاپی نئیں سی ۔
اوس نیں نویں پیدائش حاصل کیتی تے شریعت دی راستبازی وِچ نئیں سگوں خُدا دی راستبازی وِچ حیاتی بسرکیتی ۔اوہ خُدادی راستبازی دا خادم تے مبشر بن گیا،تےاوس نے خُدا لئی بے شمار جاناں جِتیاں ۔ اوہ اپنی ذاتی مرضی یاں شریعت دی راستبازی دامناد نئیں ، سگوں خُدا دی راستبازی دامنادسی۔
کیہ اوہ آخر وِچ پاپی سی ؟ بالکل نئیں ۔اوہ راستبازسی ۔ راستبازشخص دے طورتے،اوہ خُدا دی سچیائی دا رسوُل بن گیا ۔اوہنوں پاپی نہ آکھو،ایس لئی پئی ایہہ خُدا دی بے عزتی ہووے گی تے نال ای نال سچیائی دی بالکل غلط تشریح ہووے گی ۔ اوہ راستبازسی ۔ سانُوں کِسےہورطرحاں سوچن دے راہیں اوس دی تے یسوُع دی بے عزتی نئیں کرنی چاہی دی۔
جے اَسیں آکھیے پئی یسوُع نُوں ملن توں بعدوی اوہ پاپی سی ، تے ایہہ یسوُع نُوں جھوٹیاں ٹھہرانا
اے۔ یسوُع نے اوہنوں راستبازٹھہرایا،تے ایہہ یسوُع ای سی جِنہے اوہنوں اپنی راستبازی داخادم بنایا۔
Copyright © 2021 by The New Life Mission