کیا آپ واقعی پانی اور روح سے اَز سرِ نَو پیدا ہوئے ہیں؟

2017ءمیں پول سی جونگ کی یہ کتاب ” کیا آپ واقعی پانی اور روح سے اَز سرِ نَو پیدا ہوئےہیں؟“ پڑھنے سے پہلے مَیں ایک بیکار زندگی بسر کر رہا تھا۔ مَیں ہر روز گُناہ کرنے کے بعد بہت شرمندہ ہوتا اور خُدا سے میرے اِس گُناہ کو معاف کرنے کی التجا کرتا، لیکن اگلے ہی دن مَیں پھر ایک اَور گُناہ سرزد کرتا۔ یہ ہے سب میری زندگی کیا تھی: خالی،ماندہ،افسردہ اور قابلِ ترس۔
اِس کتاب کو پڑھنے کے بعد ، سب سے پہلے مجھے میرے گُناہوں کا علم ہوا، مَیں نے یہ جانا کہ یہ میری سوچ سے بھی کہیں زیادہ سنگین اور بڑے تھے۔لہٰذا، مجھے جب میری بیماری (گُناہ) کا احساس ہو گیا تو مجھے ایک کامل طبیب (یِسُوع) کی ضرورت تھی۔
مَیں نے اِس کتاب کو پڑھنے کہ وسیلہ سے جانا کہ طبیب (یِسُوع) آج سے 2000ء سال پہلے مجسم ہو کر اِس دُنیا میں آیا، اور اُس نے ۳۰ سال کی عمر میں یوحنا اصطباغی سے بپتسمہ لے کر دریائے یردن پر میری تمام تر بیماریوں (گُناہوں) کو اُٹھا لیا۔ آخری زمینی سردار کاہن یوحنا اصطباغی نے ہاتھوں کے رکھے جانے کی صورت میں پوری دُنیا کے تمام گُناہوں کو آسمانی سردار کاہن یِسُوع پر منتقل کر دیا۔ یِسُوع میرے تمام تر گُناہوں (حال+ماضی+مستقبل) کو اُٹھا کر صلیب پر لے گیا، اور اپنے خون کے ساتھ میرے اِن تمام گُناہوں کی قیمت ادا کر دی۔ اب مَیں اپنی بیماری سے شفا چکا ہوں۔ سب جو مجھے کرنا ہے فقط جاننا اور اِس پر ایمان رکھنا ہے جو طبیب (یِسُوع) مجھے شفا دینے کے لیے کر چکا ہے۔
مجھے میرے گُناہوں سے بچانے کے لیے مَیں خُدا کا شکر ادا کرتا ہوں۔

یہ کتاب اِس بات پر زور دیتی ہے کہ کیا آپ واقعی پانی اور رُوح کی خوشخبری کے وسیلہ سے نئے سرے سے پیدا ہوئے ہیں کیونکہ یہ ہماری زندگی میں زیرِ بحث سب سے اہم موضوع ہے کہ کیا ہم واقعی اپنے گُناہوں سے نجات پا چکے ہیں یا ہم کسی نہ کسی طرح ایمان رکھتے ہوئے صرف ایک توہم پرستی کی زندگی گزار رہے ہیں۔ یِسُوع مسیح کے بپتسمہ کے وسیلہ سے ، کہ ہم یِسُوع اور اُس کے احکام کی پیروی کرتے ہوئے اپنے تمام گُناہوں سے بچائے گئے ہیں ۔ جب آپ اِس کتاب کامطالعہ کریں گے، تو آپ سمجھ جائیں گے اور سچائی آپ پر آشکار ہو جائے گی کہ یِسُوع اپنے مقدس باپ کے بھیجے ہوئے محافظ کے طور پر اپنا کام کیسے سرانجام دیتا ہے۔وہ اِس زمین پر مجسم ہوا ، اور وہ بیت لحم میں داؤد کے گھرانے میں پیدا ہوا اور اِنسانی جسم میں ابن آدم کے طور پر وہ ہمارے لیے ایک ابدی قربانی بن گیا جس طرح پرانے عہد نامے میں ابرہام، اضحاق اور یعقوب خُدا کے لیے اپنی قربانیاں گذارنتے تھے ۔ جیسا کہ جب آپ احبار کی کتاب پڑھتے ہیں تو آپ کو احساس ہوتا ہے کہ گُناہوں کے کفارے کے لیے بہت سی مختلف قربانیاں ہیں تاکہ آپ یہ سمجھنے میں غلطی نہ کریں کہ یِسُوع یہاں نہ صرف ہمیں سکھانے کے لیے ہے، بلکہ وہ خُدا کا برّہ بھی بن گیا ہے۔ جو کوئی اُس پر ایمان رکھتا ہے وہ فنا نہیں ہوگا، بلکہ اُس کی خوشخبری پر ایمان رکھ کر ہمیشہ کی زندگی حاصل کرے گا، کہ اُس نے یروشلیم کے شہر میں 2000ءسال پہلے منادی کی اور اِسے پھیلایا، اور یہی وہ خوشخبری ہے کہ اُس نے یوحنا اِصطباغی کے وسیلہ سے پانی کا بپتسمہ لیا ۔ دریائے یردن پر، اِس لیے اُس نے ہمارے تمام گُناہوں کو ایک ہی بار ہمیشہ کے لیے مٹا دیا، اِس لیے یِسُوع مسیح کے علاوہ، ہمیں ہمارے گُناہوں سے چھڑانے کے لیے مزید کسی قربانی کی ضرورت نہیں ہے ۔ اُس نے صلیب پر اپنا خون بہایا اور اُس نے ہمارے گُناہوں کی ساری قیمت ادا کر دی اور تیسرے دن جی اُٹھا۔ وہ اپنی قبر میں سے جی اُٹھا اور اپنے باپ کے داہنے ہاتھ پر بیٹھا ہوا ہے۔ میرے پیارے ساتھیو، ہماری سلسلہ وار اُردو کتابوں میں سے پہلی کتاب کو ڈاؤن لوڈ کرنا اور پڑھنا مت بھولئیے گا تاکہ آپ سمجھ سکیں کہ خُدا ہم سے کتنی محبت کرتا ہے،اور یہ کہ یِسُوع ہی خُدا ہے۔ پس ہمیں اُس پر اور اُس کی راستبازی پر ایمان رکھنا چاہیے، اور اپنی ذاتی راستبازی پر فخر نہیں کرنا چاہئے، اور نہ ہی اپنے نیک اعمال پر فخر کرنا چاہیےکہ ہم اچھے ہیں۔ ہمیں صرف خُدا پر اپنے ایمان کو ظاہر کرنا ہے جو ہم اُس کے بیٹے یِسُوع مسیح پر ایمان رکھتے ہیں جیسا کہ اُس نے پانی کا بپتسمہ لینے اور صلیب پر اپنا خون بہانے کے ساتھ اپنے فرائض سرانجام دیے، اور اُس نے اپنے جسم کو زندہ کِیا، لہٰذا ہم اِس ایمان کے ساتھ زندہ رہتے ہیں کہ وہ ایک ہی بار ہماری قربانی بن گیا۔ہم، تمام بنی نوع اِنسان، اِس خوشخبری کے لیے خُدا کا شکر ادا کرتے ہیں جو یِسُوع 2000ءسال پہلے ہمارے لیے لایا تھا اور جو کوئی بھی ایمان رکھتا ہے وہ ہمارے خُداوند یِسُوع مسیح کے نام پر ہمیشہ کی زندگی پائے گا۔ خُداوند آپ کی اُس کی بادشاہی میں داخل ہونے میں رہنمائی کرے اور آپ اپنے اور اپنے خاندان کے لیے اُس کی ابدی نجات حاصل کریں۔ شکریہ

یہ کتاب جس کا عنوان " کیا آپ واقعی پانی اور رُوح سے اَز سرِ نَو پیدا ہوئے ہیں؟"اِس نے میری زندگی بدل دی۔ اِس کتاب سے ہم سب سے پہلے اپنوں گناہوں کے علم کے بارے میں سیکھتے ہیں۔ یہ کہ ہر ایک انسان نے گناہ کِیا اور وہ اپنے گناہ کی وجہ سے جہنم میں جانے کا مقدر رکھتےہیں، کیونکہ خُدا کی عدلت راست ہے۔ لیکن ، اُس نے ہمیں ہماری عدالت سے بچانے کے لئے ہماری ساری بدکرداریوں کو اپنے بیٹے پر لاد دیا۔ کلام مجسم ہوکر اِس دُنیا میں آگیا۔ ہمارے خُداوند یسوع نے سب سے پہلے یوحنا اِصطباغی سے بپتسمہ لیا، اور اُس نے یوحنا کی معرفت ہاتھوں کے رکھے جانے کے ذریعےجوکہ پرانے عہد نامہ کا مشابہ ہے ہمارے تمام تر(ماضی،حال اور مستقبل)کے گناہوں کو اپنے کندھوں پر اُٹھا لیا۔ پھر اِن گناہوں کی قیمت ادا کرنے کے لیے اپنا خون بہایا جوکہ پرانے عہد نامہ میں بے عیب قربانی کے خون بہانے کے مشابہ ہے۔ ہمارے خُداوند نے ہمارے تمام گناہوں کو پانی ، خون اور روح کی خوشخبری کے ذریعے معاف کر دیا ۔ اب ہم گنہگار نہیں ہیں بلکہ راستباز ہیں۔ ہیلیلویاہ!

کیا آپ واقعی پانی اور رُوح سے اَز سرِ نَو پیدا ہوئے ہیں؟
آپ سب کو سلام میرا نام اسٹیفن بینجمن ہے، مَیں بینٹ فرد کینڈا سے ہوں ۔آج مَیں آپ کو ہماری مشن کی پہلی کتاب ،” کیا آپ واقعی پانی اور رُوح سے ازِسر نو پیدا ہو ئے ہیں؟ “ کے بارے میں بتانا چاہتا ہوں، جسے ریورنڈ پول سی جونگ نے تحریر کِیا ہے جو نہ صرف اِس کتاب کے مصنف ہیں بلکہ وہ دی نیو لائف مشن کے بانی بھی ہیں ۔ یہ انتہائی خوب صورت اور خُدا کے کلام کی بے انتہا سچائیوں سے بھر پور ہے ۔
اِس عنوان کا بنیادی مضمون "پانی اور رُوح سے نئےسرےسے پیدا ہونا ہے۔" یہ اِس مضمون پر قوتِ تخلیق رکھتا ہے۔ دوسرے لفظوں میں ، یہ کتاب واضح طور پر بتاتی ہے کہ بائبل کے مطابق ہُوبہو، نئے سرے سے پیدا ہونا کیا ہے اور پانی اور رُوح سے نئے سرے سے پیدا ہونے کا طریقہ کیا ہے۔ پانی یردن میں یِسُوع کے بپتسمہ کی علامت ہے اور بائبل بتاتی ہے کہ ہمارے تمام گُناہ یِسُوع پر اُس وقت منتقل ہوگئے تھے جب اُس نے یوحنا بپتسمہ دینے والے سے بپتسمہ لیا تھا۔ یوحنا تمام بنی نوع انسان کا نمائندہ اور سردار کاہن ہارون کی نسل میں سے تھا۔ ہارون قربانی کے بکرے کے سر پر اپنے ہاتھوں کو رکھتا اور بنی اسرائیل کے تمام سالانہ گُناہوں کو کفارہ کے دن اُس پر منتقل کر دیتا تھا۔ یہ آنے والی اچھی چیزوں کا عکس ہے۔ یِسُوع کا بپتسمہ ہاتھوں کے رکھے جانا کا مشابہ ہے۔
یِسُوع نے یردن پر ہاتھوں کے رکھے جانے کی صورت میں بپتسمہ لیا تھا۔ چنانچہ اُس نے اپنے بپتسمہ کے ذریعہ دُنیا کے تمام گُناہوں کو مٹا دیا اور گُناہوں کی قیمت ادا کرنے کے لئے مصلوب ہوا تھا۔ لیکن زیادہ تر مسیحی نہیں جانتے کہ یِسُوع نے دریائے یردن میں یوحنا اِصطباغی سے کیوں بپتسمہ لیا تھا۔ یِسُوع کا بپتسمہ اِس کتاب کا معنی خیز، اور پانی اور رُوح کی خوشخبری کا ناگزیر حصہ ہے۔ ہم صرف یِسُوع کے بپتسمہ اور اُس کی صلیب پر ایمان رکھنے سے ہی نئے سرے سے پیدا ہوسکتے ہیں۔
جب آپ اِس کتاب کو پڑھیں گے تو یہ کتاب آپ کی اَور زیادہ تفصیل کے ساتھ یہ سمجھنے میں مدد کر ے گی کہ کیسے ہمارے خُداوند نے اِس دُنیا کی پیدائش سے پیشتر ’دیکھو یہ خُدا کا برّہ دُنیا کا گُناہ اُٹھا لئے جاتا ہے ‘ کا منصوبہ ترتیب دیا تھا، کیسے یِسُوع دریائے یردن پر بپتسمہ لینے سے ہم نسل ِ انسانی کو گُناہوں کو اُٹھا لے جائے گا جیساکہ عبرانیوں باب ۱۰ میں لکھا ہے کہ” اُسی مرضی کے سبب سے ہم یِسُوع مسِیح کے جِسم کے ایک ہی بار قُربان ہونے کے وسِیلہ سے پاک کِئے گئے ہیں۔“ یہ اُس کا فضل ہے ، یہ اُسکی محبت ہے یعنی یہ اُسکی لامحدود محبت ہے، یہ اُس کی بے انتہا چاہت ہے کہ اُس نے ہمیں ہمارے تمام گُناہوں سے ، ہماری تمام تکلیفوں سے ، ہماری تمام تقسیروں سے ، ہماری تمام بیماریوں سے ، ہمارے تمام روگوں سے آزاد کرنے کے لیے یوحنا اِصطباغی سے بپتسمہ لیا جس کے بعد آسمان کُھل گیا اور یہ آواز آئی ، یہ میرا پیارا بیٹا ہے جس سے مَیں خوش ہوں ۔ اور خُداوند یِسُوع نے ایسی مبارک خوشخبری ہم سب تک پہنچائی جس میں یہ کہا گیا کہ دیکھو یہ خُدا کا برّہ ہے جو دُنیا کا گُناہ اُٹھا لئے جاتا ہے ۔ میرے ساتھیو اور کتاب مقدس کے پڑھنے والو! آپ اِس کتاب کو ضرور پڑھیں تاکہ آپ خُدا کے بھید کو سمجھ سکیں ۔ اُسکی سچائی کو جان سکیں کہ اُسکی محبت کتنی عظیم ہے اور اُس نے خون بہاکر ہماری جان کو مخلصی دی ۔
یہ کتاب انتہائی سادہ لفظوں میں لکھی گئی ہے ۔ مَیں اُمید کرتا ہوں کہ آپ اِس کتاب کو پڑھنے کے بعد خُدا کے آسمانی بھیدوں کو سمجھنا شروع کر دیں گے، رُوح القدس آپکی راہنمائی کر ے گا اور آپ کو تمام جھوٹ ، فریب اور بدعتی خیالات سے آزاد کر ے گا ،آپکی رُوح کو ترقی بخشے گا اور آپ ازسرنو پیدا ہو کر آسمان کی بادشاہی کے لئے خود کو تیار کر یں گے ۔ کیونکہ جیساکہ لکھا ہے جب تک کو ئی پانی اور رُوح کے وسیلہ سے ازسرنو پیدا نہیں ہو تا ہے وہ آسمان کی بادشاہی میں داخل نہیں ہو سکتا ۔ آمین