សៀវភៅបោះពុម្ព សៀវភៅជាសម្លេង
និងសៀវភៅអេឡិចត្រូនិកដែលឥតគិតថ្លៃ

ប្រធានបទចម្បងរបស់សៀវភៅនេះគឺ «បានកើតជាថ្មី ដោយទឹក និងព្រះវិញ្ញាណ»។ ប្រធានបទនេះ ហាក់ដូចជាប្លែកបន្តិច។ សៀវភៅនេះ ប្រាប់យើងយ៉ាងច្បាស់លាស់អំពីអត្ថន័យនៃការបានកើតជាថ្មី និងរបៀបបានកើតជាថ្មីដោយទឹក និងព្រះវិញ្ញាណ ដែលស្របតាមព្រះគម្ពីរ។ ទឹក គឺជានិមិត្តរូបនៃបុណ្យជ្រមុជ ដែលព្រះយេស៊ូវបានទទួលពីលោកយ៉ូហាន-បាទ្ទីស នៅឯទន្លេយ័រដាន់។ លោកយ៉ូហាន-បាទ្ទីស គឺជាអ្នកតំណាងនៃមនុស្សជាតិ ហើយជាពូជពង្សរបស់សម្តេចសង្ឃអើរ៉ុន។ នៅថ្ងៃធួននឹងបាប អើរ៉ុន បានដាក់ដៃរបស់គាត់នៅលើក្បាលរបស់ពពែដែលត្រូវបំបរបង់ ហើយផ្ទេរអំពើបាបប្រចាំឆ្នាំរបស់ជនជាតិអ៊ីស្រាអែលទៅលើវា។ នេះគឺជាស្រមោលនៃការល្អដែលនឹងត្រូវមកដល់។ បុណ្យជ្រមុជរបស់ព្រះយេស៊ូវ គឺជាគំរូពីការដាក់ដៃលើនេះ។ ព្រះយេស៊ូវ បានទទួលបុណ្យជ្រមុជ តាមរបៀបដាក់ដៃលើ នៅឯទន្លេយ័រដាន់។ ដូច្នេះ ទ្រង់បានដោះអំពើបាបទាំងអស់របស់លោកិយនេះចេញ តាមរយៈបុណ្យជ្រមុជ ហើយបានជាប់ឆ្កាង ដើម្បីសងថ្លៃឈ្នួលនៃអំពើបាបទាំងអស់។ ទោះបីជាយ៉ាងណា គ្រីស្ទបរិស័ទភាគច្រើន មិនដឹងពីមូលហេតុ ដែលព្រះយេស៊ូវបានទទួលបុណ្យជ្រមុជពីលោក យ៉ូហាន-បាទ្ទីស នៅឯទន្លេយ័រដាន់ទេ។ បុណ្យជ្រមុជរបស់ព្រះយេស៊ូវ គឺជាពាក្យគន្លឹះនៅក្នុងសៀវភៅនេះ ហើយជាផ្នែកចាំបាច់នៃដំណឹងល្អអំពីទឹក និងព្រះវិញ្ញាណ។ ដូច្នេះ យើងអាចបានកើតជាថ្មីបាន លុះត្រាតែយើងមានជំនឿលើបុណ្យជ្រមុជ និងឈើឆ្កាងរបស់ព្រះយេស៊ូវ។

ចូរត្រឡប់មកឯដំណឹងល្អអំពីទឹក និងព្រះវិញ្ញាណវិញ។ ទេវសាស្ត្រ និងគោលលទ្ធិទាំងឡាយមិនអាចសង្រ្គោះយើងបានឡើយ។ ទោះបីជាយ៉ាងណា មនុស្សជាច្រើននៅតែដើរតាមទេវសាស្ត្រ និងគោលលទ្ធិទាំងនោះ ហើយជាលទ្ធផល ពួកគេមិនទាន់បានកើតជាថ្មីនៅឡើយទេ។ សៀវភៅនេះប្រាប់យើងយ៉ាងច្បាស់លាស់អំពីកំហុសទាំងឡាយ ដែលទេវសាស្ត្រ និងគោលលទ្ធិបានបង្កើតឡើង និងរបៀបត្រឹមត្រូវបំផុតក្នុងការជឿលើព្រះយេស៊ូវ។

នៅក្នុងជំនឿគ្រីស្ទបរិស័ទនៅសព្វថ្ងៃនេះ បញ្ហាដែលមានការពិភាក្សាជាច្រើន គឺ «សេចក្តីសង្រ្គោះចេញពីបាប» និង «ការគង់សណ្ឋិតរបស់ព្រះវិញ្ញាណបរិសុទ្ធ»។ ទោះបីជាយ៉ាងណា មនុស្សតែមួយចំនួនតូចប៉ុណ្ណោះ ដែលមានការយល់ដឹងអំពីគំនិតទាំងពីរនេះ ទោះបើវាគឺជាគំនិតសំខាន់បំផុតពីរ នៅក្នុងជំនឿគ្រីស្ទបរិស័ទក៏ ដោយ។ អ្វីដែលកាន់តែអាក្រក់នោះ យើងមិនអាចស្វែងរកបានការនិពន្ធតាមព្រះគម្ពីរណាមួយ ដែលបង្រៀនយើងយ៉ាងច្បាស់លាស់អំពីបញ្ហាទាំងពីរនេះឡើយ។ មានអ្នកនិពន្ធគ្រីស្ទបរិស័ទជាច្រើនលើកតម្កើងអំណោយទានរបស់ព្រះវិញ្ញាណបរិសុទ្ធ និងជីវិតដែលពេញដោយព្រះវិញ្ញាណ។ ប៉ុន្តែពួកគេមិនហ៊ានដោះស្រាយសំណួរមូលដ្ឋានគ្រឹះថា «តើអ្នកជឿម្នាក់ពិតជាអាចទទួលបានព្រះវិញ្ញាណបានដោយរបៀបណា?» ឡើយ។ ហេតុអ្វី? សេចក្តីពិតដ៏គួរឲ្យភ្ញាក់ផ្អើលគឺថា ពួកគេមិនអាចសរសេរអំពីបញ្ហានេះយ៉ាងលម្អិតឡើយ ពីព្រោះពួកគេមិនមានការយល់ដឹងច្បាស់លាស់ឡើយ។ ដូចដែលហោរាហូសេបានប្រកាសថា «ជនជាតិរបស់ខ្ញុំត្រូវបានវិនាស ដោយព្រោះពួកគេខ្វះការយល់ដឹង» នៅសព្វថ្ងៃនេះ គ្រីស្ទបរិស័ទមិនតិចទេ ដែលបានធ្លាក់ទៅក្នុងជឿស៊ប់បែបសាសនា ដោយសង្ឃឹមថា ពួកគេនឹងទទួលបានព្រះវិញ្ញាណបរិសុទ្ធ។ ពួកគេជឿថា ពួកគេនឹងទទួលបានព្រះវិញ្ញាណបរិសុទ្ធ នៅពេលពួកគេឈានទៅដល់ភាពរំភើបញាប់ញ័រ និងភាពរំជើបរំជួលខ្លាំង។ ប៉ុន្តែជំនឿរបស់ពួកគេបែបនេះ គឺគ្រាន់តែបន្ថយគ្រីស្ទបរិស័ទមកត្រឹមជាសាម៉ាន់និយមយ៉ាងរាក់កំផែលប៉ុណ្ណោះ ហើយជំនឿស៊ប់បែបសាសនានេះចេញមកពីសាតាំង។
អ្នកនិពន្ធ លោកគ្រូ Paul C. Jong ហ៊ានប្រកាសសេចក្តីពិត។ ទ្រង់ពិភាក្សាអំពីប្រធានបទសំខាន់ៗយ៉ាងលម្អិត ដែលអ្នកនិពន្ធភាគច្រើនបានគេចចេញ អស់រយៈពេលជាយូរមកហើយ។ ជាដំបូង គាត់ផ្តល់និយមន័យនៃ «ការបានកើតជាថ្មី» និង «ការគង់សណ្ឋិតរបស់ព្រះវិញ្ញាណបរិសុទ្ធ» ហើយពន្យល់ពីទំនាក់ទំនងចាំបាច់រវាងទស្សនៈសំខាន់ទាំងពីរនេះ។ បន្ទាប់មក គាត់ពិពណ៌នាយ៉ាងលម្អិតអំពីព្រះវិញ្ញាណបរិសុទ្ធ ចាប់ពី «របៀបស្គាល់វិញ្ញាណ» ដល់ «ផ្លូវទៅឯជីវិតដែលពេញដោយព្រះវិញ្ញាណ»។ សម្រាប់ពត៌មានបន្ថែម អ្នកនិពន្ធណែនាំឲ្យអ្នកពិនិត្យមើលខ្លឹមសារនៃសៀវភៅនេះ ដែលមាននៅលើគេហទំព័រនេះ។

តើយើងអាចស្វែងរកឃើញសេចក្តីពិត ដែលត្រូវបានលាក់បាំងនៅក្នុងរោងឧបោសថដោយរបៀបណា? លុះត្រាតែស្គាល់ដំណឹងល្អអំពីទឹក និងព្រះវិញ្ញាណ ដែលជាខ្លឹមសារពិតប្រាកដនៃរោងឧបោសថ ទើបយើងអាចដឹង និងយល់យ៉ាងត្រឹមត្រូវអំពីចម្លើយសម្រាប់សំណួរនេះបាន។
តាមពិត អំបោះខ្លូតទេសវេញយ៉ាងខ្មាញ់ ពណ៌ផ្ទៃមេឃ ពណ៌ស្វាយ និងពណ៌ក្រហម ដែលមាននៅក្នុងទ្វារចូលទៅទីលានរោងឧបោសថ បង្ហាញប្រាប់យើងអំពីព្រះរាជកិច្ចរបស់ព្រះយេស៊ូវគ្រីស្ទ នៅសម័យព្រះគម្ពីរសញ្ញាថ្មី ដែលបានសង្រ្គោះមនុស្សជាតិ។ តាមរបៀបនេះ ព្រះបន្ទូលអំពីរោងឧបោសថនៅក្នុងព្រះគម្ពីរសញ្ញាចាស់ និងព្រះគម្ពីរសញ្ញាថ្មីទាក់ទងគ្នាទៅវិញទៅមកយ៉ាងជិតស្និទ្ធ ដូចជាអំបោះខ្លូតទេសវេញយ៉ាងខ្មាញ់។ ប៉ុន្តែគួរឲ្យសោកស្តាយ សេចក្តីពិតនេះត្រូវបានលាក់បាំង អស់រយៈពេលជាយូរ ពីអ្នកស្វែងរកសេចក្តីពិតនៅក្នុងជំនឿគ្រីស្ទបរិស័ទ។
បន្ទាប់ពីបានយាងមកផែនដីនេះ ព្រះយេស៊ូវគ្រីស្ទទទួលបុណ្យជ្រមុជពីលោកយ៉ូហាន ហើយបង្ហូរព្រះលោហិតទ្រង់នៅលើឈើឆ្កាង។ បើសិនមិនយល់ ហើយមិនជឿតាមដំណឹងល្អអំពីទឹក និងព្រះវិញ្ញាណទេ យើងមិនអាចស្វែងរកឃើញសេចក្តីពិត ដែលត្រូវបានបើកសម្តែងនៅក្នុងរោងឧបោសថបានឡើយ។ ឥឡូវនេះ យើងត្រូវតែរៀនពីសេចក្តីពិតនៃរោងឧបោសថ ហើយជឿតាម។ យើងទាំងអស់គ្នាត្រូវដឹង និងជឿតាមសេចក្តីពិត ដែលមាននៅក្នុងអំបោះខ្លូតទេសវេញយ៉ាងខ្មាញ់ ពណ៌ផ្ទៃមេឃ ពណ៌ស្វាយ និងពណ៌ក្រហមនៃទ្វារចូលទៅទីលានរោងឧបោសថ។