Search

БЕЗПЛАТНИ ЕЛЕКТРОННИ КНИГИ И АУДИОКНИГИ

Исус Христос и Йоан Кръстител

Mадийски 21

E'bu ruvika vi YESU 'a idele vua YOANA ni BATISIMU hwe'di ria idele driba nzele Ofu Loso Isu ri 'ia ri 'i.

Rev. Paul C. Jong | ISBN 9788928200306 | Страници 349

Изтеглете електронни книги и аудиокниги БЕЗПЛАТНО

Изберете предпочитания от вас формат на файла и изтеглете безопасно на вашето мобилно устройство, компютър или таблет, за да четете и слушате колекциите от проповеди по всяко време и навсякъде. Всички електронни книги и аудиокниги са напълно безплатни.

Можете да слушате аудиокнигата чрез плейъра по-долу. 🔻
Притежавайте печатна книга
Купете печатна книга в Amazon
Lejo Rusidi ri ‘a Drile ‘i
 
Idoka 
1. Kole duba nyini vua nyigeni e’bu Yoana ni Batisimu hwe’di ridri rii au (Maruko 1:1-2) 
2. Yoana ni Batisimu hwe’di ri ide e’bu kpe ni kuru (Mateo 11:1-14) 
3. Yoana ni Batisimu hwe’di rii, emu vudri dia leti anda dri si (Mateo 17:1-13) 
4. Anyindre dri e’bu Yoana ni Batisimu hwe’di ria idele rini! (Luka 1:17-23) 
5. Anyiba anzokiru e’ku Rubanga dri si (Yoana 1:1-14) 
6. Ini Tiluza Eri Rubanga dri ri ‘Batia E’bu ni Ote Ya? (Yoana 1:30-36) 
7. Kole duba Yesu kesu batisimu ra a’dusi? (Yoana 3:22-36) 
8. Anyica Ofu Loso Loku rii au ta anda Yesu ‘a idele ri tro (Mateo 3:1-17) 
9. E’bu Yoana ni Batisimu hwe’di ria idele ruvidi Ofu Loso ama enzi ni jedi ri tro ri ‘i (Mateo 21:32) 
10. Yesu emu enzi amadri ri dure (Mateo 3:13-17) 
11. “Nyindre, Ma ma’di ma Ofu ni ji’di ri ze nya andraga” (Maruko 1:1-5) 
12. Anyiba igeniki Yesu ni ondi kendre Yoana ni Batisimu hwe’di ria igenikaa ri ani (Luka 1:1-17) 
 
Ofu Udi ri ido Ofu Loso Isu risi, nai, Ofu Loso Mateo a sile rii, Ofu Loso Maruko a sile rii, Ofu Loso Luka a sile rii, vua Ofu Loso Yoana a sile ri `i. Ofu Loso Isu dii cidru etede vua onze ta driba e`bu Yoana ni batisimu hwe`di ridri ri idri. Ra laka rii a`dusi e`bu Yoana ni batisimu hwe`di ria idele rii okpo rere. Amani e`bu Yoana ni batisimu hwe`di ridri ria ehwi ni erika ako, ama ce ani ta e`bu Yesu Kristo dri ri idri ote ni kpe.
Jodiniri, anyiba oziki ama amangasi, "E`bu Yoana ni batisimu hwe`di ria idele driba nzele Ofu Loso Isu di `ia ria konyi ni nza ya?" Ana Yoana ni batisimu hwe`di ri itedere rii, Yesu isa ojo, "Jo anya`i ra, Yoana ni ondo Elia ni eya di ri `i" (Mateo 11:14). Diani disi, Yoana ni batisimu hwe`di rii ma`di tile vudri dia ovi tema risi e`bu tema ri idele ri `i. A`dusi Yesu isa ojo, "Engajo o`du Yoana ni batisimu hwe`di ria eyajo risi eca ndi endru `ba ka Opi Bu dri afu okposi, vua `ba afukaa okposi ri kipaa ni" (Mateo 11:12). Tadii ce ni a`dusi Yoana ni batisimu hwe`di rii oti vudri di a, saa ana batisimu hwejo Yesu Kristo ni risi enzi cidru vudri dia ri ifuru Yesu niru. Diani di oba Yesu odu enzi cidru `ba cidru a idele vudri dia rii pi. Ta diani dia rideka si, Opi oba `ba e`bu Yoana ni batisimu hwe`di ridri ri igenika e`bu Yesu dri ri tro ri `bati ka ruje enzi cidru aia idele ri ia si tau pelere. Dii le`jo jole enzi ako kusa ego aaru iyo ni driba nzele Ofu Loso Mateo a sile 11:12-14 ga ri `i.
Nyigeni ofu loso eyidri vua Endri dri rii ofu loso loku ri `i ni ra ya? Jo nyigeni ra, karuni ini ta e`bu Yoana ni batisimu hwe`di ridri ri idri e`bu Yesu dri ri tro ote. Ki, Kristo `ba amgbu e`bu Yoana ni batisimu hwe`di ridri ria ehwi ni erika ku ri `bati le, oniki ta anda Ofu Loso eyidri vua Endri dri ri idri ku, disi kaki aia lidri a`i dri ri olu ru aidri ria lekaa ri ani. Tee oniki ta ku sa, `ba ai na ani na `bati ole lini esuka e`bu Yoana ni batisimu hwe`di ridri driba nzele Ofu Loso Isu ri i`a ri idri ku. Diani disi, tee Kristo `ba amgbu cekaa ai oni Yesu ni ote riisa oga ki e`bu Yoana ni batisimu hwe`di ridri rii mgbe. Diani disi, mesu `ba geni baka tanijo e`bu Yoana dri ri idri ani gaadru. Diani di oba, `ba igeni baka lini ani diani di idri rii tesa `ba kondrea kendre lali ani. A`dusi obaki bi e`bu Yoana ni batisimu hwe`di ridri ri idri ku tee jo koceki ai oni ta e`bu Yesu dri ri idri ote sa `i.
Още

Книги като тази

The New Life Mission

Участвайте в нашата анкета

Как научихте за нас?