Поради COVID-19 и прекъсването на международните пощенски услуги,
временно спрели сме служението на безплатни печатни книги.
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.
Молете се скоро тази пандемия да приключи и пощенските услуги да се възобновят.
مضمون 11: خیمۂ اِجتماع
[11-29] وڈے کاہن دے بانے وچ لُکیا رُوحانی مطلب <خروج ۲۸:۱-۴۳>
>خروج ۲۸:۱-۴۳>
”تے تُوں بنی اِسرائیل وِچوں ہارُونؔ نُوں جیہڑا تیرا بھرااے تے اوہدےنال اوہدے پُتراں نُوں اپنے نیڑے کر لویں تاں پئی ہارُونؔ تے اوہدے پُتر۔ ندبؔ تے اَبیہوؔ تےالعیزرؔ تے اِتمرؔ کہانت دے کم اُتےہو کے میری خِدمت کرن۔ تے تُوں اپنے بھرا ہارُونؔ لئی عِزّت تےسِنگھارلئی پاک بانا بنا دیویں۔ تےتُوں اوہناں ساریاں صاف دل لوکاں نوں جِنہاں نُوں مَیں سیانے بنایااے آکھ پئی اوہ ہارُونؔ لئی بانے بناؤن تاں پئی اوہ پاک ہو کے میرے لئی کاہِن دی خِدمت نُوں پُورا کرے۔تے جیہڑابانےاوہ بناؤن گے ایہہ نیں یعنی سِینہ بند تےافُودتےجُبّہ تے چونہہ خانیاں دا کُرتاتےپگ تےلک بنھ۔ اوہ تیرے بھرا ہارُونؔ تے اوہدیاں پُتراں لئی ایہہ پاک بانے بناؤن تاں پئی ا وہ میرے لئی کاہِن دی خِدمت نُوں پورا کرن۔تےاوہ سونا تےاسمانی تے ارغوانی تےلال رنگ دے کپڑےتےمہین کتان لین۔تےا وہ افُود سونے تے آسمانی تےارغوانی تےلال رنگ دیاں کپڑیاں تےمہین وٹے ہُوئے کتان دا بناؤن جیہڑا کِسے کاری گراُستاد دے ہتھ دا کم ہوئے۔تےا وہ ایس طرح جوڑیا جائے پئی اوہدے دونویں موہڈیاں دے سِرے آپووِچ مِلا دِتے جان۔تے اوہدے اُتے جیہڑا کارِیگری نال اُنیا ہویا پٹکا اوہنوں بنھن لئی ہو ئےگا اوس اُتے افُود وانگر کم ہوئےتےا وہ اوسے کپڑے دا ہوئےتے سونے تےاسمانی تے ارغوانی تے لال رنگ دیاں کپڑیاں تےمہین وٹے ہوئے کتان دا اُنیا ہویا ہوئے۔تے تُوں دو سُلیمانی پتّھر لے کے اوہناں اُتے اِسرائیلؔ دیاں پُتراں دے ناں چھاپیں۔اوہناں وِچوں چھےدے ناں تاں اِک پتّھر اُتےتے باقیاں دے چھےناں دُوجے پتّھر اُتے اوہناں دےجمن دی ترتِیب مُطابِق ہون۔تُوں پتّھراُتے لکھائی کرن والےنُوں لا کےانگشتری دی شکل وانگر اِسرائیلؔ دیاں پُتراں دے ناں اوہناں دونواں پتّھراں اُتےچھپوا کے اوہناں نُوں سونے دیاں خانیاں وِچ جڑاویں۔تے دونواں پتّھراں نُوں افُود دیاں دونواں موہڈیاں اُتے لاویں تاں پئی ایہہ پتّھر اِسرائیلؔ دیاں پُتراں دی یادگاری لئی ہون تے ہارُونؔ اوہناں دے ناں خُداوند دےاَگے اپنیاں دونوآں موہڈیاں اُتے یادگاری لئی لائی رکھے۔تے تُوں سونے دے خانے بناویں۔تےکھرے سونے دیاں دو سنگلیاں ڈوری وانگرگُندیاں ہوئیاں بناویں تے ایہناں گُندیاں ہوئیاں سنگلیاں نُوں خانیاں وِچ جڑ دیویں۔تےانصاف دا سِینہ بنھ کِسےکاری گر اُستادتوں بنواویں تے افُود وانگر سونے تے اسمانی تے ارغوانی تےلال رنگ دیاں کپڑیاں تےمہین وٹے ہوئے کتان دا بنواویں۔اوہ چَونہہ نکراتے دوہرا ہوئے۔ اوہدی لمان اِک بالِشت تے چَوڑائی وی اِک ای بالِشت ہوئے۔تےچونہہ قطاراں وِچ اوس اُتے مہنگےپتھرجڑیں۔ پہلی قطار وِچ یاقوتِ سُرخ تے پُکھراج تے گوہرِ شب چراغ ہوئے۔دُوجی قطار وِچ زمُرّدتے نِیلم تے ہِیرا۔ترِیجی قطار وِچ لشم تے یشم تے یاقُوت۔چَوتھی قطاروِچ فِیروزہ تے سنگِ سُلیمانی تے زبرجد۔ایہہ سارے سونے دیاں خانیاں وِچ جڑے جان۔ایہہ مہنگےپتھر اِسرائیلؔ دیاں پُتراں دیاں ناواں مُطابِق گنتی وِچ باراں ہون تے انگشتری دی شکل وانگرایہہ ناں جیہڑے باراں قبیلیاں دے ناں ہون گے اوہناں اُتےچھاپےجان۔تے تُوں سِینہ بنھ اُتے ڈوری وانگر گُندیاں ہوئیاں کھرے سونے دیاں دو سنگلیاں لاویں۔تےسِینہ بنھ لئی سونےدےدو حصّے بناکےاوہناں نُوں سِینہ بنھ دیاں دوآں سِریاں اُتے لاویں۔تے سونے دیاں دوآں گُندیاں ہُوئیاں سنگلیاں نُوں اُوہناں دوآں حِصیاں وِچ جیہڑے سِینہ بنھ دیاں دوآں سِریاں اُتے ہون گے لا دیویں۔تے دوآں گُندیاں ہوئیاں سنگلیاں دیاں باقی دوآں سِریاں نُوں دوآں پتّھراں دیاں خانیاں وِچ جڑ کےاوہناں نُوں افُود دیاں دوآں موہڈیاں اُتےاَگلےپاسے لا دیویں۔تےسونے دے ہور دو حِصّے بنا کےاوہناں نُوں سِینہ بنھ دیاں دوآں سِریاں دے اوس حاشیے وِچ لاویں جیہڑاافُوددےاندرلےپاسےہیگااے۔فیر سونے دے دو حِصّے ہور بنا کے اوہناں نُوں افُود دیاں دوآں موہڈیاں دے ہیٹھاں اوہدے اگلے حِصّےوِچ لاویں جِتھے افُود جوڑیا جائے گا تاں پئی ا وہ افُوددے کارِیگری نال بنے ہوئے پٹکےدے اُتے رہوے۔تےا وہ سِینہ بنھ نُوں لے کے اوہدیاں حِصیاں نُوں اِک نِیلے فِیتےنال بنھ دین تاں پئی ایہہ سِینہ بنھ افُود دے کارِیگری نال بنے ہوئے پٹکے دے اُتےوی رہوے تےافُود توں وی وکھ نا ہوئے۔تے ہارُونؔ اِسرائیلؔ دیاں پُتراں دے ناں انصاف دے سِینہ بنھ اُتے اپنے سِینےاُتے پاک تھاں وِچ جان ویلے خُداوند دے اَگےلائی رکھن تاں پئی سدا اوہناں دی یادگاری ہویا کرے۔تے تُوں انصاف دے سِینہ بنھ وِچ اُورِیمؔ تے تُمیّمؔ نُوں رکھیں تے جد ہارُونؔ خُداونددے اَگےجائے تاں ایہہ اوہدے دِل دے اُتے ہون۔ایس طرح ہارُون ؔبنی اِسرائیل دے فَیصلے نُوں اپنے دِل دے اُتے خُداوند دےاَگےسدالائی رکھے گا۔تےتُوں افُود دا جُبّہ سارااسمانی رنگ دا بناویں۔تے اوہدا گلاوِچ ای ہوئےتے زِرہ دے گلےوانگر اوہدے گلےدےآلےدوالے بنی ہُوئی گوٹ ہوئے تاں پئی اوہ پاٹ ناجائے۔تےاوہدے دامن دے گھیر وِچ چارےپاسےاسمانی، ارغوانی تےلال رنگ دے انار بناویں تے اوہناں وچکار چارےپاسےسونے دیاں گھنٹیاں لاویں۔یعنی جُبّہ دے دامن دے پُورے گھیروِچ اِک سونے دی گھنٹی ہوئےتے اوہدے بعدانار۔ فیر اِک سونے دی گھنٹی ہوئےتے اوہدے بعد انار۔ایس جُبّہ نُوں ہارُونؔ خِدمت دے ویلے پایا کرے تاں پئی جد جداوہ پاک تھاں دے اندر خُداوند دے اَگے جائے یا اوتھوں نِکلے تاں اوہدی اَواز سُنائی دیوے تاں اِنج نا ہوئےپئی اوہ مَر جائے۔تےتُوں کھرےسونے دا اِک پتّر بنا کے اوس اُتےانگشتری دی شکل وانگرا یہہ چھاپیں خُداوند لئی مقدس۔تے اوہنوں نِیلے فِیتے نال بنھنا تاں پئی اوہ پگ اُتے یعنی پگ دے اَگلے حِصّےاُتے ہوئے۔تےا یہہ ہارُونؔ دے مَتھے اُتے رہوےتاں پئی جو کُجھ بنی اِسرائیل اپنیاں پاک ہدیاں دے راہیں مُقدّس ٹھہراؤن اوہناں مُقدّس ٹھہرائیاں ہُوئیاں شیواں دی بدی ہارُونؔ چُکے تےایہہ اوہدے مَتھے اُتے سدا رہوے تاں پئی اوہ خُداوند دے اگےمقبُول ہون۔تے کُرتامہین کتان دا بنیا ہوئےتے چونہہ خانیاں دا ہو ئےتےپگ وی مہین کتان ای دی بناویں تےاِک لک بنھ بناویں جِیہدےاُتےوَل بُوٹے کڈھے ہون۔تےہارُونؔ دیاں پُتراں لئی کُرتے بناویں تے عِزّت تےسِنگھاردے واسطےاوہناں لئی لک بنھ تےپگاں بناویں ۔تے تُوں ا یہہ سارا کُجھ اپنے بھرا ہارُونؔ تےاُوہدے نال اوہدیاں پُتراں نُوں پواویں تے اوہناں نُوں مَسح تےمخصُوص تےپاک کریں تاں پئی ا وہ سارے میرے لئی کاہِن دی خِدمت کرن۔تےتُو ں اوہناں لئی کتان دے پجامے بنا دیویں تاں پئی اوہناں دا بدن کجیا رہوے۔ ایہہ لک توں لَے کے پٹ تیکر دے ہون۔تےہارُونؔ تے اوہدے پُتر جد جد خَیمہ اِجتماع وِچ جان یا خِدمت کرن لئی پاک تھاں دے اندر قُربان گاہ دے نیڑے جان اوہناں نُوں پایا کرن تاں اِنج نا ہوئے پئی پاپی ٹھہرن تے مَر جان۔ا یہہ رِیت اوہدے تے اوہدی نسل لئی سدا رہوے گی۔“
وڈےکاہن دا بانا
اَج اسی وڈے کاہن دے بانے وچ لُکے ہوئے رُوحانی مطلب نوں ویکھاں گے ۔ ایہہ بانے ہارون تے اوہدیاں پُترانوں پوائے جانے سن ۔ وڈے کاہن دے بانے دے راہیں اسی ایمان نال خُدا دے ایس
منصوبے نوں پچھاناں گے جنہے سانوں پاپ توں بچایا اے ۔
خُدا نے مُوسیٰ نوں حکم دتا پئی اوہ اپنے بھرا ہارون تے ہارون دیاں پُتراں نوں مخصوص کرے تاں پئی اوہ کاہناں وانگر خُدا دی خدمت کرن ۔ تے خُدا نے مُوسیٰ نوں ایہہ وی حکم دتا پئی اوہ اوہناں دے بانے اوس نمونے مطابق بنائے جیہڑا اوہنے اوہنوں وکھایا سی ۔
آیت ۴ وِچ، خُدا نے فرمایا، ” تے جیہڑابانےاوہ بناؤن گے ایہہ نیں یعنی سِینہ بند تےافُودتےجُبّہ تے چونہہ خانیاں دا کُرتاتےپگ تےلک بنھ۔ اوہ تیرے بھرا ہارُونؔ تے اوہدیاں پُتراں لئی ایہہ پاک بانے بناؤن تاں پئی ا وہ میرے لئی کاہِن دی خِدمت نُوں پورا کرن۔ “
سب توں پہلوں، وڈے کاہن نوں اپنے ننگ نوں کجن لئی کُرتا یا پجاما پاؤنا پیندا سی ۔ ایہہ بانے مہین کتان دے دھاگے نال بنائے گئے سن تاں پئی وَا چنگی طرح پھرے تے ایس سببوں اوہنوں بوہت چوکھا مُڑہکا آؤن توں روکیا جائے ۔ ایہدا رُوحانی مطلب ایہہ ہیگا اے پئی وڈا کاہن اپنیاں بدنی کوششاں نوں اِک پاسے رکھ دیوے ، تے صرف ایس ایمان تے فضل دے مطابق خُدا دی خدمت کرے جیہڑا اوہ اوہنوں پہلوں ای دے چُکیا سی ۔ خُدا دی مرضی ، دوجیاں اکھراں وچ ،اوسے ویلے پوری ہوئے گی جدوڈا کاہن اپنیاں خیالاں تے بدنی عقیدت نوں اِک پاسے رکھ کے صرف خُدا ولوں بنائے گئے قربانی دے نظام مطابق ایمان نال فدیہ دی قربانی پیش کرے ۔ ایسے ارادے نال خُدا نے وڈے کاہن دے کُرتے تے پجامے نوں ایہو جیہا بنایا تے ایہناں نوں اوہنوں پوایا ۔
ایس بانے اُتے خُدا نے فیر وڈےکاہن نوں اسمانی رنگ دا جُبّہ پوایا ۔تے اسمانی رنگ دے جُبّہ اُتے اوہنے اپنا افود پوایا تے فیر سینہ بنھ بنھیا ۔ وڈے کاہن دے سینے اُتے بنھیا ہویا سینہ بنھ اِک موٹے کپڑے نال بنایاگیا سی جیہڑادوہرا سی تے کاری گر اُستادتوں بنیا تے سونےاسمانی ، ارغوانی تےلال رنگ دے دھاگے تےمہین وٹے ہوئے کتان نال بنیا ہویا سی تے ایہدی لمان تے چوڑائی دونویں ای اِک بالِشت سی ۔ ایس سینہ بنھ اُتے باراں مہنگے پتھر جڑے گئے سن تے ایہناں مہنگیاں پتھراں اُتے اسرائیلیاں دے باراں قبیلیاں دے ناں چھاپے گئے سن ۔
ایہدے بعد اوہ مہین وٹے ہوئے کتان نال بنی ہوئی پگ پاؤندا سی ۔ تے کھرے سونے دے پتّر نوں ، جیہدے اُتے ”خُداوند لئی مقدس“دے اکھر چھاپے سن ، پگ دے اَگلے حصے اُتے اسمانی رنگ دے
فیتےنال بنھ دا ۔ ایہہ بانا ، پگ تے سونے دے پتّر دیاں خاص تے نِکیاں وضاحتاں نیں جیہڑا وڈا کاہن پاؤندا سی ۔
وڈے کاہن دا بوہتا بانا سونے اسمانی، ارغوانی تےلال رنگ دے دھاگےتےمہین وٹے ہوئے کتان نال بنیا ہویا سی ۔ تے ایسے طرح وڈےکاہن دا سینہ بنھ سی ۔ ایس سینہ بنھ اُتے باراں مہنگے پتھر جڑے ہوئے سن تے ایہناں پتھراں اُتے اسرائیلیاں دے باراں قبیلیاں دے ناں چھاپے سن ۔
وڈےکاہن دی ذمہ داری وچ ہیٹھاں لکھیاں ہویاں شیواں ہیگیاں سن: اوہنوں اسرائیلیاں وچوں اوہناں دے قربانی دے پشُو لینے پیندے سن، اوہناں دے نمائندےوانگر اوہناں دیاں پاپاں نوں قربانیاں اُتے اوہناں دے سِر اُتے اپنیاں ہتھاں دے رکھے جان دے راہیں لددا، تے اوہناں نوں ماردا ، تے ایہناں قربانی دیاں پشُوآں دا لہو خُدا نوں پیش کردا سی ۔ دوجیاں اکھراں وچ ، وڈے کاہن نے خُدا دی شریعت دے مطابق قربانی دے کے اپنیاں لوکاں دیاں پاپاں نوں معاف کرن دی خدمت پوری کیتی ۔ اسرائیلیاں ولوں ، وڈا کاہن اپنےہتھ خُدا دے اگے قربانی دے پشُو دے سِر اُتے رکھدا ، ایہدا گل وڈ کے ایہدا لہو کڈھدا ، تے ایس لہو نوں سوختنی قربانی دی قربان گاہ دیاں سِنگاں اُتے لاؤندا ۔ ایہدے بعد اوہ ایہدے لہو نوں بوہتی پاک تھاں اُتے لے جاندا تے ایہنوں سرپوش اُتے تے ایہدے اگے تراؤنکدا ۔ فیر قربانیاں دے مُردہ گوشت نوں تنبُو دے باہر لجایا جاندا تاں پئی سارے دا سارا ساڑ دِتا جائے(احبار ۱۶:۳-۲۸)۔ایس طرح وڈا کاہن قربانی چڑھاؤندا سی ۔ ایس طرح ، خُدا نوں خوش کرن والی قربانی چاھڑ کے ، وڈا کاہن خُدا دے غصے نوں مکاؤن لئی اپنا کم پورا کردا ۔ وڈا کاہن، دوجیاں اکھراں وچ ، اپنیاں لوکاں تے خُدا دے وچکار شفاعت کرن والے دا کم کردا سی ۔
ایس طرح ، یِسُوعؔ مسیح اسمانی بادشاہی دا وڈا کاہن ، خُدا تے لوکاں وچکار شفاعت کرن والا بن گیا ۔ یوحنا بپتسمہ دین والے کولوں اپنا بپتسمہ لے کے جیہدے راہیں اوہنے لوکاں دیاں پاپاں نوں اپنے بدن اُتے چُک لیا سی تے سولی اُتے اپنے بدن نوں قربان کر کے ، مسیحا نے ساریاں لوکاں نوں پاپ تے موت توں مکتی دتی ۔ پرانے عہد نامے دے زمانے وچ ، ایہہ وڈا کاہن سی جیہڑا قربانی دیندا سی جیہڑی اوہدیاں لوکاں دیاں پاپاں نوں معاف کردی سی ، پر نویں عہد نامے دے زمانے وچ ، ایہہ مسیحا سی جیہڑا یِسُوعؔ دے ناں نال آیا تے ساریاں لوکاں دیاں ساریاں پاپاں نوں مکاؤن لئی سدا دےوڈے کاہن دی خدمت نوں پورا کیتا ۔ (عبرانیوں، باب ۷-۹)۔
تےنویں عہد نامے دے ایس زمانے وچ ، خُدا نے وڈے کاہن دی خدمت اوہناں راستبازاں نوں دِتی اے جیہڑےاسمانی، ارغوانی تےلال رنگ دے دھاگے وچ لُکی سچائی نال اپنیاں ساریاں پاپاں نوں دھوچُکے نیں ۔ ایہو ای سبب ہیگا اے پئی وڈے کاہن دی پگ اُتے سونے دے پتّر اُتےانگشتری دی شکل وانگر ایہہ چھاپیا سی ، ”خُداوند لئی مقدس“ایس طرح ، وڈے کاہن دے بانے صاف طریقے نال خوشخبری نوں تفصیل نال ظاہر کردے نیں جیہڑی ساریاں لوکاں دیاں ساریاں پاپاں نوں دھو دیندی اے ۔
وڈاےکاہن دا بانا اسمانی دھاگے نال اُنیا گیاسی۔ سب توں ودھ کے ، ایہہ اسمانی رنگ دے بانے دا تعلق یِسُوعؔ دے بپتسمے نال اے ۔ جویں پئی وڈا کاہن اسمانی، ارغوانی تےلال رنگ دےدھاگے دے نال نال سونے دے دھاگے نال اُنے ہوئے بانے پاؤندا سی ، اوہدے بانےودہیاسن تے چار رنگ صاف طریقے نال نظر آؤندے سن ۔ اسمانی رنگ دے جُبّہ دے دامن دے گھیروچ ، انار اُنے ہوئے سن ، جنہاں دے آلے دوالے سونی دیاں گھنٹیاں لگیاں ہویاں سن ۔ مرکزی حوالے وچ آیت ۳۳ آکھدی اے، ’’ تےاوہدے دامن دے گھیر وِچ چارےپاسےاسمانی، ارغوانی تےلال رنگ دے انار بناویں تے اوہناں وچکار چارےپاسےسونے دیاں گھنٹیاں لاویں۔‘‘ایس لئی جدوڈا کاہن خیمۂ اِجتماع وچ جاندا تے اپنیاں لوکاں لئی قربانی پیش کردا تاں گھنٹیاں دی اَوازسُن کے باہر کھلوتے اسرائیلی جانن گے پئی اوہ قربانی دیندا پیا اے ۔
ایہہ سارےپانی تے رُوح دی خوشخبری دے نویں عہد نامے دی سچیائی نال میل جول رکھدے نیں ، تے اوہ اِک دوجے نال مِلدے نیں ۔وڈے کاہن نے جو کُجھ کیتا اوہ لوکاں دیاں پاپاں نوں صاف کردا پیاسی ، تے ایہہ سانوں خُدا دی مرضی دا احساس دِلاؤن لئی سی پئی اوہ اوہنوں ایہو جیہے بانے پوائے تے ایس کم نوں پوراکرے ۔ نویں عہد نامے دے زمانے وِچ ، خُدا دے لوک جیہڑے اَج دے کاہن نیں دوجیاں نوں اوہناں دیاں پاپاں توں پاک کرن لئی کیہ کردے نیں؟ ایس کم نوں کرن لئی ، اوہناں نوں پہلوں اسمانی، ارغوانی تےلال رنگ دے دھاگے دے بھیت وچ ظاہر ہونے والی پانی تے رُوح دی خوشخبری اُتے ایمان رکھ کے اپنیاں پاپاں دی معافی پاؤنی چاہی دی اے ۔ ایس طرح ، وڈے کاہن دے بانے سانوں صاف طریقے نال خوشخبری وکھاؤندے نیں جیہڑی ساڈیاں ساریاں پاپاں نوں صرف کر دیندی اے ۔
تے دوجی گل ایہہ پئی ایس موجودہ زمانے وچ ، سانوں راستبازاں نوں اپنی کہانت دیاں کماں نوں کرنا اے تاں پئی لوکاں دیاں دلاں نوں اوہناں دیاں پاپاں توں پاک کیتا جائے تے اوہناں نوں پاکیزگی دِتی جائے۔ ایہو ای سبب ہیگا اے پئی وڈےکاہن دے کُرتے لئی اِک سونے دا پتّر بنایاگیا سی تے ایس پتّر اُتے انگشتری دی شکل وانگر ”خُداوندلئی مقدس “ چھاپیا گیا سی ۔
ایہہ سونے دا پتّر جیہدے اُتے انگشتری دی شکل وانگر ”خُداوندلئی مقدس “ چھاپیا گیا سی ، ایہہ اوس پگ نال نیلے فیتے نال بنھیا ہویا سی جنہوں وڈاکاہن اپنے سِر اُتے پاؤندا سی ۔ لوک پہلی نظر وچ وڈےکاہن نوں پچھان سکدے سن ؛ اوہدے سِر نوں ویکھدیاں ہویاں، اوہ سونے دے پتّرتے نیلےفیتے دے نال نال اسمانی، ارغوانی ،لال سونے دے دھاگےتےمہین وٹے ہوئے کتان نال بنے ودھیا باہرلے بانے نوں صاف طریقے نال ویکھ سکدے سن ۔ ایہہ سانوں وکھاؤندا اے پئی وڈاکاہن سدا اسمانی، ارغوانی تےلال رنگ دے دھاگےنال پاپ نوں صاف کرن دا کم کردا سی ۔
سانوں خُدا دیاں خادماں دے سچے انصاف دا آکھا مننا چاہی دا اے
وڈےکاہن نوں پاک تھاں اُتے جان دے ویلے اپنے دل وچ انصاف دے سینہ بنداُتے اسرائیل دیاں پُتراں دے ناں رکھنے پیندے سن ۔ ایسے طرح سانوں جگ دیاں اوہناں پاپیاں دیاں رُوحاں نوں وی اپنیاں دلاں وچ رکھنا چاہی دا جیہڑیاں خُدا نوں پاؤن دی کوشش کردیاں نیں ،تے سانوں لازمی اوہناں لئی دُعا کرنی چاہی دی اے ۔خُدا نے مُوسیٰ نوں ایہہ وی آکھیا پئی اوہ دو مہنگے پتھر، جنہاں نوں اُورِیمؔ تےتُمیّمؔ آکھدے نیں ، اوہدے سینہ بند وچ رکھے جیہڑا وڈاکاہن پاؤندا سی ۔ اَج دے کلام دی آیت ۳۰ آکھدی اے، ” تے تُوں انصاف دے سِینہ بنھ وِچ اُورِیمؔ تے تُمیّمؔ نُوں رکھیں تے جد ہارُونؔ خُداونددے اَگےجائے تاں ایہہ اوہدے دِل دے اُتے ہون۔ایس طرح ہارُون ؔبنی اِسرائیل دے فَیصلے نُوں اپنے دِل دے اُتے خُداوند دےاَگےسدالائی رکھے گا۔ “
اُورِیمؔ تے تُمیّمؔ دیاں ایہناں مہنگیاں پتھراں دا اکھر والا مطلب اے ”چانن تے کاملیت۔“دوجیاں اکھراں وچ ، خُدانے وڈے کاہن نوں اِک چانن والا دل دِتا سی تا ں پئی اوہ اسرائیلیاں دا انصاف ٹھیک طریقے نال تے سچیائی نال کر سکے۔ خُدا نے وڈے کاہن نوں اختیار تے دانائی دِتی سی تاں پئی اوہ اپنیاں لوکاں دیاں زندگیاں وچ ٹھیک تے غلط دا فیصلہ کر سکے ۔ تے وڈے کاہن دا کم سی پئی اوہ فیصلہ کرے پئی اسرائیلیاں دیاں رُوحانی زندگیاں وچ کیہ ٹھیک تے کیہ غلط اے ۔
ایس زمانے وچ وی ، خُدا ہر خادم نوں اِکو جیہی سیانف دیندا اے تاں پئی اوہ فیصلہ کر سکے پئی کیہ ٹھیک اے تے کیہ غلط اے تے ایہہ وی پتہ کر سکے پئی کیہ کوئی بندہ پاپاں دی معافی پاچُکیا اے یا نئیں ۔ خُدا دی دِتی ہوئی سیانف وچ ، اوہدے بندے سچا انصاف کردے نیں پئی سچی خوشخبری کیہ اے ، پاپ دی اصل معافی کیہ اے ، خُدا دیاں نیانیاں دے زندہ رہن دا ٹھیک طریقہ کیہ اے ، تے کیہ کوئی نویں سریوں جمیا اے یا نئیں ۔سو، خُدا دیاں ساریاں لوکاں نوں ایس انصاف تے قیادت داآکھا مننا سی ۔ اوہناں نیں سمجھنا سی پئی خُدا دیاں خادماں دے سچے انصاف نوں قبول کرن توں مکرنا ،خُدا دی مرضی نوں قبول کرن توں مکرن دے برابر اے ۔ سو ، اسرائیلیاں نوں اَج دیاں وڈیاں کاہناں وانگر خُدا دیاں خادماں دے انصاف اَگےسِر نواؤنا پیندا ۔
ایسے طرح، ایس موجودہ زمانے وچ ، خُدا نے اپنیاں خادماں نوں ”ٹھیک تے غلط“دافیصلہ کرن دا کم دِتا اے ۔ ایس طرح،سانوں اوہدی کلیسیا دیاں آگُوآں دیاں کماں دی عزت کرنا چاہی دا اے تے اپنیاں دلاں نوں اوہناں دیاں کماں توں خوش رکھنا چاہی دا اے ۔ سانوں ایہہ سمجھنا چاہی دا اے پئی ساڈے لئی صرف ایہو ای ٹھیک اے پئی اسی اپنے سچے دلوں ایما ن نال اوہناں دیاں ٹھیک فیصلیاں تے قیادت نوں منیے۔سانوں صرف ایہہ نئیں سوچنا چاہی دا ، ”اوہ اِنج صرف ایس لئی کردا پیا اے پئی اوہنوں اِک وڈے کاہن وانگر کم دِتا گیا اے ، پر اوہ اخیر وچ ساڈے وانگر ای اے ۔“ کُجھ لوک سوچ سکدے نیں ، ”مینوں اپنے پادری دے کم پسند نئیں ہیگے !اوہ بندہ بوہت بے ترس اے ؛اوہدا فیصلہ وی ظالم ہوئے گا ۔ ایس لئی بھاویں مَیں ایس خوشخبری اُتے ایمان رکھدا ہاں جیہدی اوہ منادی کردا پیا اے ، پر مَیں اوہناں فیصلیاں نوں نئیں من سکدا جیہڑے اوہ اپنے سوچن دیاں طریقیاں نال کردا اے ۔ میرا اوس توں وکھرامقصد وی ہو سکدا اے ۔“ لوک وڈیاں کاہناں نوں اپنی دلی سوچ نال ویکھ کے غلط نتیجیاں اُتے اَپڑ سکدے نیں ۔ پر ایہو جیہے غلط فیصلے توں باز رہنا چاہی دا اے ۔
سانوں خُدا دیاں خادماں دا آکھنا مننا چاہی دا اےجیہڑے اسمانی، ارغوانی تےلال رنگ دے دھاگے نوں مکتی وانگر من دے نیں ، جویں پئی اسی خُدا دا آکھا من دے آں ۔ کیوں ؟ ایس لئی پئی اوہناں دافیصلہ اوہناں دیاں اپنیاں خیالاں نال نئیں ہوندا سگوں اوہناں دے ایمان دے مطابق ہوندا اے جیہڑا خُدا نوں خوش کردا اے ۔ وکھریاں اکھراں وچ ، ایس لئی پئی اَج دیاں وڈیاں کاہناں داانصاف خُدا دے چانن تے سچیائی وچ کیتا جاندا اے ، ایس لئی ایہہ خُدا داانصاف تے اوہدا فیصلہ اے ۔ جے اوہناں دے فیصلے اوہناں دیاں اپنیاں نِکیاں خیالاں نا ل بِنا کسے غلط طاقت توں کیتے جاندے نیں ، پر صرف تے صرف خُدا دے کلام دے مطابق کیتے جاندے نیں تے پانی تے رُوح دی خوشخبری اُتے اوہناں دے ایمان دے مطابق کیتے جاندے نیں ، تاں جیہڑا فیصلہ اوہ کردے نیں اوہ ٹھیک اے ۔ جے ایہو جیہے فیصلے خُدا دے کلام تے اوہدی مرضی توں نئیں مکردے ، تاں سانوں ایمان رکھنا چاہی دا اے پئی اوہناں دے فیصلے خُدا دے فیصلے نیں ۔
ایس طرح ، وڈے کاہن دا دفتر لوکاں لئی بوہت خاص اے ۔ ایس موجودہ زمانے وچ جویں پئی پرانے عہدنامے دے زمانے وچ سی ، خُدا دیاں لوکاں دی اگوائی کرن والا کوئی ہور نئیں سگوں وڈا کاہن اے ۔ اسرائیل وچ ، وڈے کاہن توں علاوہ کوئی دوجا بادشاہ نئیں سی جیہڑا قوم دی اگوائی کر سکدا سی ۔ ایس لئی پئی اسرائیل دا سیاسی نظام اصل وچ خُدائی راج سی ، ایس لئی ایہدی ساری آبادی وڈیاں کاہناں دیاں فیصلیاں اُتے عمل کردی سی ۔ ہُن رُوحانی معاملیاں وچ وی ، خُدا دیاں لوکاں نوں لازمی اوہناں خادماں دی اگوائی اُتے ایمان رکھنا چاہی دا اے جنہاں نوں خُدا نے کلیسیا وچ خُدا دے کلام وانگر مقرر کیتا اے تے ایہدے پِچھے چلنا چاہی دا اے ۔ تے وڈیاں کاہناں نوں ہر شے دا فیصلہ خُدا دی مرضی مطابق کرنا چاہی دا اے ، ایہہ سارا کُجھ اوہدے کلام تے اوہدی لمی سوچ مطابق اے۔
وڈے کاہن دے بانے سانوں سچ مُچ بوہت سارے سبق دیندے نیں ۔ سانوں سب توں پہلوں اسمانی، ارغوانی تےلال رنگ دے دھاگے تے سونے دے دھاگے دا رُوحانی مطلب جاننا چاہی دا اے جیہڑےاوہناں نوں بناؤن لئی ورتے گئے سن۔ اسی اسمانی، ارغوانی تےلال رنگ دے دھاگے دی سچیائی نوں پہلوں ا ی جان گئے آں ۔ وڈے کاہن دے بارے دے راہیں وی ، خُدا سانوں دس چُکیا اے پئی اسمانی، ارغوانی تےلال رنگ دے دھاگے وچ لُکی ہوئی سچیائی تے اوس اُتے ایمان رکھن وا لا ایمان کِناں ضروری تے خاص اے ۔ ایہہ دھاگے ضروری کچامال نیں جیہڑے لوکاں دیاں پاپاں دی معافی نوں ظاہر کردے نیں۔ پئی خُدا وند ایس زمین اُتے آیا ، بپتسمہ لیا تے اپنا لہو وگایا ایہہ ظاہر کردا اے پئی صرف پانی تےرُوح دی خوشخبری ای سارے جگ وچ ہر کسے دیاں پاپاں نوں معاف کردی اے ۔ جویں پئی اسمانی، ارغوانی تےلال رنگ دے دھاگے نے سانوں سکھایا اے پئی پانی تے رُوح دی خوشخبری اوہ سچیائی اے جیہڑی سانوں ساڈا کامل فدیہ دیندی اے ، سانوں ساریاں نوں لازمی ایہدے مطلب دی ٹھیک تعلیم تیکر اَپڑنا چاہی دا اے ۔ جے اسی سچ مُچ ایہنوں ٹھیک طریقے نال جان دے آں تے ایس اُتے ایمان رکھدے آں ، تاں اسی سدا لئی اپنیاں پاپاں توں پاک ہو جاواں گے تے سدا دی زندگی پاواں گے ۔ سو، سانوں اوہ ایمان رکھنا چاہی دا اے جیہڑا پانی ، لہو تے رُوح دی خوشخبری نال پوری ہون والی ایس بوہت صاف سچیائی اُتے یقین رکھدا اے ۔
سانوں اسمانی، ارغوانی تےلال رنگ دے دھاگے اُتے اپنے ایمان دی راکھی کرنی چاہی دی اے
جے ساڈے کول اسمانی، ارغوانی تےلال رنگ دے دھاگے دے بارے ٹھیک طریقے نال اینی سچی تعلیم تے نا ڈوکو ڈولے کھان والا ایمان نئیں ہیگا ، تاں اسی سچی خوشخبری دی راکھی نئیں کرسکدے تے ایس توں وی بھیڑی گل ایہہ ہیگی اے پئی ایہہ خوشخبری ایتھوں تیکرپئی خراب وی ہو سکدی اے ۔ ایس جگ دے دین ویلے دے نال نال اپنے آپ نوں بدل سکدے نیں ۔ پر وڈے کاہن دے بانے دے رنگاں دے راہیں ، خُدا نے سانوں اسمانی، ارغوانی تےلال رنگ دے دھاگے دی بالکل نا بدلن والی سچیائی وکھائی اے ۔ وڈے کاہن دے بانے راہیں ، خیمۂ اِجتماع دے اندر ہون والے ساریاں بھانڈیاں دے راہیں ، تے خیمۂ اِجتماع وِچ دِتے جان والے قربانی دے نمونے دے راہیں ، خُدا ساڈے لئی اپنی محبت تے منصوبیاں دا کامل اظہار کردا پیا اے ۔ ایس طرح ، سانوں لازمی ایس سدا قیم رہن والی سچیائی اُتے اپنے ایمان دی پکیائی نال راکھی کرنی چاہی دی اے جیہڑی ساڈے کول اسمانی، ارغوانی تےلال رنگ دے دھاگے دی خوشخبری وانگر آئی اے ۔ ویلا لنگھن دے باوجود جیہڑی شے کدی نئیں بدلنی چاہی دی اوہ ہیگا اے پانی تے رُوح دی خوشخبری اُتے ساڈا ایمان ۔ ایہہ ایمان اوہ اے جیہڑا اسمانی، ارغوانی تےلال رنگ دے دھاگےوچ ظاہر ہون والی سدا دی مکتی اُتے یقین رکھدا اے ۔
اسی سچ مُچ اسمانی، ارغوانی تےلال رنگ دے دھاگے دی ایس خوشخبری نوں کویں بدلن دے سکدے آں جیہدے اُتے اسی ایمان رکھدے آں ؟ جے خُدا سانوں دسدا اے پئی اوہنے اسمانی، ارغوانی تےلال رنگ دے دھاگے دی خوشخبری دے راہیں سانوں پاپ توں بچایا اے ، تاں ایہہ سچ اے ۔ پرانے عہد نامے وچ ، خُدا نے پاپیاں دیاں خطاواں نوں ہتھاں دے رکھے جان نال تے لہو وگاؤن دوآں نال مُکا دِتا ، تے اَج ، ایس زمانے وچ وی ،اوہنے ساڈے لئی پاپ دی کامل معافی نوں اوہدے بپتسمے نال جیہڑا یِسُوعؔ نے یوحنا بپتسمہ دین والے کولوں لیا سی (متی ۳:۱۵) تے سولی اُتے اوہدی موت نال پودا کر دِتا اے ۔پانی تے رُوح دی خوشخبری نال ، خُدا نے سارے جگ دیاں ساریاں پاپیاں دیاں خطاواں نوں مُکا دِتا اے ۔
ایہہ کِناں سکون بھریا اے ! سونا پاک کلام وچ ، ”ایمان“نوں ظاہر کردا اے۔ سو، وڈے کاہن دے بانے لئی اسمانی، ارغوانی تےلال رنگ دے دھاگے نال سونے دے دھاگے دا ورتا پانی تے رُوح دی خوشخبری اُتے ساڈے ایمان دی لوڑ ول اشارہ کردا اے ۔ ایس لئی پئی خُدا اوہ طریقہ قیم کرچُکیا اے جیہڑا ساڈیاں ساریاں پاپاں نوں مُکا دیندا اے تے ایہنوں تبدیل کرن دی اجازت نئیں دیندا ، ایتھوں تیکر پئی جد اسی کئی واری اوکھیاں ویلیاں وچوں لنگھدے آں ، فیر وی اسی سکون وچ آں ۔ ایہہ اسمانی، ارغوانی تےلال رنگ دے دھاگے وچ ظاہر ہون والی سچیائی دے سببوں وی اے جیہڑی خُدا سانوں وکھا چُکیا اے ۔
وڈے کاہن دا لک بنھ
وڈے کاہن دے بانے وچ اِک لک بنھ سی ۔ ایہہ پٹکا جنہوں وڈا کاہن اپنے افُود اُتے پاؤندا سی ایہہ وی سونےاسمانی، ارغوانی تےلال رنگ دے دھاگےتے مہین وٹے ہوئے کتان نال بنیا ہویا سی ۔ افُود دی پٹی طاقت دی نشانی اے ۔ جویں پاک کلام فرماؤندا اے ، ’’سو سچیائی دی پیٹی لک بَنّھ کےتے راست بازی دا بکتر پا کے،‘‘ (افسیوں ۶:۱۴)۔وڈے کاہن دا لک بنھ ایس طاقت بارے دسدا اے جیہڑی خوشخبری دی سچیائی اُتے ایمان نال آوندی اے ۔ ایہہ سانوں دوجیاں اکھراں وچ دسدا اے پئی جیہڑا ایمان اسمانی، ارغوانی تےلال رنگ دے دھاگےتے مہین وٹے ہوئے کتان دی سچیائی اُتے یقین رکھدا اے اوہ سانوں اپنیاں ساریاں پاپاں توں بچاؤن دے لائق بناؤندا اے ۔ سو، جیہڑا کُجھ ایتھے اسمانی، ارغوانی تےلال رنگ دے دھاگےتے مہین وٹے ہوئے کتان وچ ظاہر ہوندا اے ایہدے علاوہ دوجیاں نقلی خُوشخبریاں اُتے ایمان رکھنا بالکل فضول اے ۔
جیہڑے لوک بدن وچ ماڑے نیں اوہ خُداوند ولوں دِتی گئی پانی تے رُوح دی خوشخبری اُتے ایمان رکھ کے اپنیاں ساریاں پاپاں توں کامل طریقے نال دُھل سکدے نیں ، ایس لئی پئی جگ دے سارے پاپ ، پاپ دی معافی دی سچیائی دے راہیں یِسُوعؔ مسیح دے حوالے کیتے گئے سن جیہڑی خُدا ولوں پوری ہوئی(متی ۳:۱۵؛ احبار ۱۶:۱-۲۲)۔ سو، جیہڑے لوک ایہہ ایمان رکھدے نیں پئی اسمانی، ارغوانی تےلال رنگ دے دھاگے وچ ظاہر ہون والے یِسُوعؔ دیاں کماں نیں اوہناں نوں بچایا اے، اوہ پُر سکون ہو سکدے نیں ، بھاویں اوہناں دا بدن تے ارادے دی پُختگی ماڑی ای کیوں نا ہوئے ۔ جد اسی پانی تے رُوح دی خوشخبری وچ وسدے آں جیہڑی یِسُوعؔ مسیح اسمان دے وڈے کاہن نے سانوں دِتی اے تاں فیر کون سانوں مسیح دی محبت توں وکھ کرے گا ؟ اوہدی کامل مکتی ساڈی اوس ویلے ہو سکدی اے جد اسی اسمانی، ارغوانی تےلال رنگ دے دھاگےتے مہین وٹے ہوئے کتان وچ ظاہر ہون والی سچیائی اُتے ایمان رکھدے آں ۔
کاہناں لئی اپنی کہانت دے کم کرن لئی ، اوہناں نوں لازمی خیمۂ اِجتماع وچ وکھائے گئے قربانی دے نظام توں علاوہ کسے دوجے بندے دیا ں بنایاں ہویاں عقیدیاں پچھے نئیں چلنا چاہی دا ۔ ایسے طرح ، خُدا دیاں اَج دےخادماں نوں وکھ وکھ خوشخبریاں نوں جیہڑیاں اصل خوشخبری توں ہٹ جاندیاں نیں، گواچیاں ہویاں لوکاں وچ جڑ ڈوہنگی کرن دی اجازت نئیں دینی چاہی دی اے (گلتیوں ۱ : ۶ ، ۹)۔ اوہ لوک جیہڑے ایہو جیہاں نقلی خوشخبریاں دی منادی کردے نیں ، بھاویں اوہ اپنے خُطبے کِنے ای چنگے طریقے نال دیندے ہون ، گواچیاں لوکاں دی کوئی مدد نئیں کرسکدے ایس لئی پئی اوہ خیمۂ اِجتماع وچ ظاہر ہون والی پانی تے رُوح دی خوشخبری دے بارے وچ خُدا دی ٹھیک گواہی نئیں دیندے۔ اوہ فریبی تے جھوٹے اُستاد نیں ۔ جد یِسُوعؔ مسیح اُتے اسمان دے وڈے کاہن اُتے اپنے مکتی داتا وانگر ایمان رکھن دی گل ہوندی اے ، تاں اسی خیمۂ اِجتماع وِچ ظاہر ہون والے قربانی دے نظام دے ہتھاں دے رکھے جان تے لہو وگاؤن نوں منن وچ ناکام نئیں ہو سکدے ۔ سانوں لازمی ایہہ سمجھنا چاہی دا اے پئی ایس جگ وچ بوہت ساریاں نقلی خوش خبریاں نیں ۔ ایہدے علاوہ ، ایس گل نال کوئی فرق نئیں پیندا اے پئی خوشخبری دی منادی کیہڑا کردا پیا اے ، جے کوئی خُدا دے کلام والی پانی تے رُوح دی خوشخبری دی سچیائی دی منادی کردا پیا اے ، فیر سانوں لازمی سُننا تے ایمان رکھنا چاہی دا اے ۔
اَج دی مسیحیت دے بوہت ساریاں مسئلیاں دا سبب ایہہ ہیگا اے پئی بوہت سارے رُوحانی فریبی ایہہ دعویٰ کردے پئے نیں پئی اوہ پانی تے رُوح دی خوشخبری نوں نا جان دیاں ہویاں وی اپنی کہانت دیاں کماں نوں چنگے طریقے نال کردے پئے نیں ۔ خُدا دے اگے سچا کاہن بنن دا پہلا کم پانی تے رُوح دی خوشخبری اُتے ایمان رکھنا اے ۔ صرف اوہو ای لوک جیہڑے ایہہ ایمان رکھدے نیں خُدا نوں سچی قربانی پیش کر سکدے نیں ۔ ایس طرح ، اوہ لوک جیہڑے پانی تے رُوح دی خوشخبری نوں جان دے نیں تے ایس اُتے ایمان رکھدے نیں اوہ سارے سچی محبت کرن دے لائق ہو سکدے نیں ۔ تہاڈے خیال وچ خُدا دی کلیسیا کیہدے لئی ہیگی اے ؟ مَیں تہانوں آکھ سکدا ہاں پئی خُدا دی کلیسیاپانی تے رُوح دی خوشخبری پاپیاں تیکر ودھاؤن لئی ہیگی اے ۔
جد اسی پاک کلام وچ گھلی ہوئی اسمانی، ارغوانی تےلال رنگ دے دھاگے دی سچیائی اُتے سچے دلوں ایمان رکھدے آں ، تاں اسی اپنے پاپ توں بچ جاواں گے تے بے پاپ بن جاواں گے ۔ پانی تے رُوح دی خوش خبری اُتے ایمان رکھ کے ، ساڈیاں دلاں وچ سچا سکون آ جاندا اے ، تے ایس لئی پئی اسی ایس امن وچ رہندے آں ، اسی کدی وی خُدا توں وکھ نئیں ہو سکدے ۔ اسی کامل خوشخبری اُتے ایمان رکھدے آں ، ایمان نال زندگی گزاردے آں ،تے فیر اسی خُداوند دی بادشاہی وچ جاواں گے تے ایس وچ زندگی بسر کراں گے ۔ ساڈے خُداوند نے ساڈی امن ول اگوائی کیتی اے ، تے جگ دیاں ساریاں لوکاں نوں خُدا ول لَے جان نال ، جویں وڈے کاہن دی پگ دے اَگلے حصے اُتے سونے دے پتّر اُتے انگشتری دی شکل وانگر ایہہ چھاپیا سی ،” خُداوند لئی مقدس“اوہ اوہناں نوں پاپاں دی معافی دے اصل چانن نال چمکاؤندا اے ۔ ایس لئی خُدا نے سانوں ایہو جیہے کم دِتے نیں جیہڑے اوہناں نوں اوہناں دیاں پاپاں دی معافی پاؤن دے وی لائق بناؤندے نیں ۔ خُدا نے ساڈے وچوں جیہڑے لوک اسمانی، ارغوانی تےلال رنگ دے دھاگے د ی خوش خبری اُتے ایمان رکھدے نیں اوہناں نوں پرانے عہد نامے دیاں کاہناں دے اوہو ای کم دِتے نیں ۔
اسی خُدا دے بوہت شکرگزار آں پئی اوہنے سانوں اپنی سچیائی دے کامل چانن وچ ایہو جیہے مہنگے کم کرن دی اجازت دِتی ۔ جد مَیں پہلی واری خُدا ولوں ایہہ خوشخبری دا کلام سُنیا تاں مَیں خوشی ہیٹھ نپیا گیا ۔ تے جد مَیں پاک کلام پڑھدا پیا سا ں ،تاں ایہہ خوشخبری بوہت صاف طریقے نال سامنے آئی ۔ ایہدے بعدوں میریاں رُوحانی اکھاں کھل گئیاں ، تےمیرے اندر موجود پاک رُوح نے مینوں خُدا دا کلام تفصیل نال سکھایا ۔ مینوں پتہ لگیا پئی پاک کلام دے سارے حوالے صاف طریقے نال گواہی دیندے نیں پئی پانی تے رُوح دی خوشخبری ای اِکو سچی خوشخبری اے جیہڑی خُدا نے سانوں دِتی اے ۔ پُرانے عہد نامے دے زمانے وچ ، ایہہ خوشخبری اسمانی، ارغوانی تےلال رنگ دے دھاگے وانگر ظاہر ہوئی سی ۔ نویں عہد نامے دے زمانے وچ وی ، ساریاں رسولاں تے پاک کلام دیاں لکھاریاں سانوں دسیا پئی یِسُوعؔ نے بپتسمہ لیا سی تے سانوں پاپ توں کامل طریقے نال بچاؤن لئی اپنا لہو وگایاسی ۔ ساڈے لئی مکتی دے کُرتے پاؤن لئی ، سانوں لازمی پانی تے رُوح دی خوشخبری اُتے ایمان رکھنا چاہی دا اے ؛ ایہہ ساڈی توبہ دیاں دُعاواں کرن نال نئیں اے پئی اسی خُداوند توں پاپ دی معافی پا سکدے آں ۔ پانی تے رُوح دی خوشخبری اِکو سچی تے کامل خوشخبری اے ۔
وڈے کاہن نوں اوہ بانا پاؤنا پیندا سی جیہڑا خُدا دے حکم دے مطابق جان بُجھ کے بنایاگیا سی ۔ جے وڈا کاہن، ٹھنڈی وَاتوں پریشان ہو کے ایہہ سمجھدا پئی خُدا نے اوہدے لئی جیہڑا کُرتا بنایا اے ایہنوں پاؤن دی کوئی لوڑ نئیں ہیگی تے ایہدی بجائے من مرضی نال دوجا موٹا کُرتا پا لیندا ، تاں اوہنوں چھیتی نال ما ر دِتا جاندا ۔ جے وڈا کاہن صرف مہین وٹے ہوئے کتان دا کُرتا پا کے بوہتی پاک تھاں اُتے جاندا تاں وی اوہ ماریا جاندا ۔ اوہنوں اسمانی رنگ دا جُبّہ تے افُود پاؤنا پیندا سی جیہڑے سونے ، اسمانی، ارغوانی تےلال رنگ دے دھاگے نال اُنے ہوئے سن ۔
جد اسی بالکل اوسے طریقے اُتے چلدے آں جویں خُدا نے منصوبہ بنایا اے ، تاں خُداوند ساڈے اگے چلدا اے ، ساڈی اگوائی کردا اے ،تے ساڈی زندگی دے ہر کم وچ کم کردا اے ۔ خُدا نے ساڈے لئی مسیحا گھلن دا منصوبہ بنایا سی تے اوہ ایہہ منصوبہ وی ساڈے اُتے ظاہر کر چُکیا اے ۔ جے اسی پانی تے رُوح دی خوشخبری اُتے ایمان رکھدے آں تے خُدا دے منصوبے اُتے عمل کردے آں ، تاں اوہ ساڈیاں زندگیاں وچ کم کرے گا ۔ ایہو ای سبب اے پئی ایہہ ساڈے ولوں کُجھ چنگیاں کماں دے راہیں نئیں اے پئی اسی پاپ دی معافی پا سکدے آں ، سگوں ایہہ خُدا دے مکتی دے منصوبے اُتے ایمان رکھن نال اے جیہڑی پئی وڈے کاہن دے بانے لئی ورتے جان والے سونے ،اسمانی، ارغوانی تےلال رنگ دے دھاگےوچ ظاہر ہوندی اے پئی سانوں لازمی اپنیاں پاپاں دی معافی پاؤنی چاہی دی اے ۔
اسی خُدا دے کاہناں نوں جو کرنا اے اوہ ایہہ ہیگا اے پئی خُدا نے ساڈے لئی جیہڑا منصوبہ بنایا اے اوس اُتے ایمان رکھنا تے اوہدے مطابق عمل کرنا اے ۔ ایہو ای اصل ایمان اے ۔ ہر طرح دے نِکے وڈے منصوبے بنا کے خُدا دی خدمت کرنا خُدا اُتے ٹھیک ایمان نئیں ہیگا ۔ جدپانی تے رُوح دی خوشخبری نوں باہردے مُلک ودھاؤن دیاں ساڈیاں کوششاں دی گل ہوندی اے ، تاں ایہہ وی ساڈے اپنے بندیاں دے بنائے منصوبیاں تے ارادیاں دے راہیں کُجھ خاص کرن نال پورا نئیں ہوندا ، سگوں ایہہ اوہدی مدد نال پورا ہوندااے جیہڑی اوہدیاں لوکاں نوں اوہناں دے ایمان دے راہیں دِتی جاندی اے ۔ ایہہ خُدا دی مرضی اے ۔ جد اسی ایمان دے نال کوئی کم کردے آں ، تاں باقی دا خیال رکھنا خُدا دے حوالے ہوندا اے۔ جد اسی خُدا دی مرضی نوں جان دے آں تے پانی تے رُوح دی خوشخبری نوں ودھاؤندے آں ، تاں خُدا اوہناں لوکاں دیاں دِلاں نوں بدلدا اے جیہڑے ساڈیاں کتاباں پڑھدے نیں ، اوہناں نوں اوہناں دی بیداری وچ لیاؤندا اے ،اوہناں نوں پانی تے رُوح دی ایس خوشخبری اُتے یقین دِلا ؤندا اے، تے اوہناں دیاں غلط خیالاں نوں ٹھیک کردا اے تاں پئی اوہ ایمان رکھ سکن ۔ تے اوہ وی ، بدلے وچ ، پانی تے رُوح دی خوشخبری نوں ودھاؤن لئی آؤندے نیں ۔
پانی تے رُوح دی خوشخبری نوں ودھاؤن لئی ، سانوں پہلوں ایس اُتے سچے دلوں ایمان رکھناپیندا اے
مَیں آکھیا پئی سچی خوشخبری نوں ودھاؤنا سانوں کسے نا کسے طرح کُجھ کیتیاں حاصل نئیں ہوندا اے سگوں ایہہ فیر ای حاصل ہوندا اے جد اسی خُدا دی مرضی دے نال رَ ل کے ایمان دے نال اوہدی خدمت کردے آں ۔ ایہہ ساڈیاں اپنیاں کوششاں تے لگن نال نئیں اے پئی رُوحاں بدل دیاں نیں ، سگوں ایہہ فیر ہوندا اے جد اسی خُدا دی مرضی نوں اوہدیاں کماں تے پانی تے رُوح دی خوشخبری اُتے ایمان رکھ کے لبھدے آں پئی خُدا دی لمی سوچ پوری ہوندی اے۔ ایہہ ایمان نال اے پئی سانوں لازمی پانی تے رُوح دی خوشخبری دی خدمت کرنی چاہی دی اے ۔ ایس موجودہ زمانے وچ وی ، سانوں پُرانے عہد نامے دے زمانے وانگر ایمان دی ضرورت اے ۔ ہُن ایس زمانے وچ ، پہلوں وانگر خُدا دیاں پُتراں نوں اسمانی، ارغوانی تےلال رنگ دے دھاگے دا ایمان ودھاؤناچاہی دا اے ۔
سانوں لال رنگ دے دھاگے دے نال نال ارغوانی رنگ دے دھاگے اُتے وی ایمان رکھنا چاہی دا اے تے ایہنوں ودھاؤنا چاہی دا اے ، پر سانوں لازمی پہلوں ایہہ جاننا چاہی دا اے پئی اسمانی دھاگے وچ کیہ ظاہر ہوندا اے — یعنی بپتسمہ جیہڑا یِسُوعؔ مسیح نے لیا سی ۔ جد اسی اسمانی دھاگے دی سچیائی نوں گواچے ہویاں لوکاں تیکر ودھاؤندے آں ، تاں اسی ویکھدے آں پئی اوہ سچیائی دی ساری تصویر نوں بوہت سوکھا سمجھ سکدے نیں تے ایس اُتے پکے یقین نال ایمان رکھدے نیں ۔ کیوں ؟ ایہہ ایس لئی ہیگا اے پئی یِسُوعؔ مسیح نےبپتسمہ لےکے ساریاں لوکاں دیاں پاپاں نوں اپنے پِنڈے اُتے چُک لیا سی ۔ جد لوک ، یِسُوعؔ دےبپتسمے اُتے ایمان رکھ کے ، جان دے نیں پئی یِسُوعؔ نے اوہناں دیاں ساریاں پاپاں نوں دھو دِتا اے ، تاں اوہ ضروری طریقے نال ایس گل نوں منن لئی آؤندے نیں پئی اوہ سولی اُتے وی اوہناں دیاں ساریاں پاپاں دا مُل ادا کرن لئی مویا ۔ دوجیاں اکھراں وچ ، لوک لال تے ارغوانی رنگ دے دھاگے اُتے صرف اوس ویلے ایمان رکھن لئی آؤندے نیں جد اوہ بپتسمے دے بھیت نوں جان دے تے ایس اُتے ایمان رکھدے نیں جیہڑا اسمانی دھاگے دے خاص مالک، یسو ع مسیحا ، نے یوحنا بپتسمہ دین والے کولوں لیا سی ۔ اوہ ٹھیک طریقے نال احساس کردے نیں ، ”واہ“ اوہنے بپتسمہ لے کے ساڈیاں ساریاں پاپاں نوں چُک لیا ۔ یِسُوعؔ مسیح اصلی خُدا تے ساریاں لوکاں دا مکتی داتا اے ۔ ایہو ای سچیائی اے !“
بوہت ساریاں لوکاں نوں، ارغوانی رنگ دے دھاگے دے ایمان دا ، ایہہ پئی یِسُوعؔ آپ خُدا اے ، بعد وچ احساس ہوندا اے ۔ جیہڑے ویلے توں اسی یِسُوعؔ اُتے مکتی داتا وانگر ایمان رکھنا شروع کیتا ، اسی اقرار کردے ساں ، ”یِسُوعؔ اپنی مرضی دا مالک خُدا اے۔“ پر ایہہ صرف ذہنی خیال سی ۔ایہہ بعدوچ ای سی جد اسی اپنیاں دلاں وچ ایہو جیہا پکا ایمان رکھن لئی آئے ۔ جد اسی یِسُوعؔ دے بپتسمے اُتے تے لہو اُتے ایمان رکھ کے پاپ دی معافی پاؤندے آں ، فیر اسی ایہو جیہا ایمان رکھن لئی آؤندے آں پئی یِسُوعؔ آپ خُدا اے ، اوہ زندہ اے جیہڑا ساڈی مدد کردا اے تے ساڈیاں زندگیاں وچ کم کردا اے، تے یِسُوعؔ اُتے ساڈا ایمان ہولی ہولی ودھدا جاندا اے ۔ ایس طرح ، لوکاں نوں پاپ دی معافی پاؤن لئی ، اوہنوں نوں خُدا ولوں مقرر کیتے ہوئے اسمانی، ارغوانی تےلال رنگ دے دھاگے دی خوشخبری اُتے ایمان رکھنا چاہی دا اے ۔
اَج دیاں کاہناں نوں کیہ خدمت کرنی چاہی دی اے ؟
وڈیاں کاہناں نیں خیمۂ اِجتماع وچ کیہ کیتا؟ اوہناں نیں قربانی دے نظام دے راہیں کیہ ظاہر کیتا ؟ اوہناں نیں سچیائی نوں ظاہر کیتا پئی مسیحا اسمانی، ارغوانی تےلال رنگ دے دھاگے نال ساڈیاں ساریاں پاپاں نوں مُکا دیوے گا ۔ خُدا دیاں خادماں نوں ایس زمانے وچ وی اپنے کم تے خدمت وچ کامیاب ہونا چاہی دا اے ۔ اوہ پانی تے رُوح دی خوشخبری نال لوکاں دیاں پاپاں نوں مُکاؤندے پئے نیں ۔
بے گنتی لوک خوشخبری دی اپنی لکھائی نوں نویں شکل دین دی کوشش کردے نیں ۔ ایہو جیہی خوشخبری نا تاں پاک کلام دے مطابق ٹھیک ہو سکدی اے تے نا ای کسے نوں بچا سکدی اے ۔ اوہ ایتھوں تے اوتھوں بندیاں دی بنایاں ہویاں عقیدیاں نوں لین تے ایہناں نوں رَلا کے جوڑن دے کاری گر نیں ۔ پر پانی تے رُوح دی خوشخبری ایہو جیہی شے نئیں اے جیہڑی وکھ وکھ مسیحی عقیدیاں نوں رَلا کے جوڑ کے بنائی گئی ہوئے ۔
ایہہ پانی تے رُوح دی خوشخبری اُتے ایمان رکھن نال اے پئی لوک بِنا کسے ناکامی دے پاپ دی معافی پاؤندے نیں ۔ کلام ، دوجیاں اکھراں وچ ، مکتی دا اِکو معیار اے ۔ لوکاں دیاں پاپاں نوں دھونا صرف خُدا دے مقرر کیتے ہوئے معیار دے مطابق مِل دا اے ۔ ایہہ معیار پانی تے رُوح دی خوشخبری اے۔ مکتی دی سچی خوشخبری توں باہر کوئی اپنیاں پاپاں توں معافی تے پاکیزگی پا نئیں سکدا ۔ خُدا دے اگے ساریاں پاپاں توں دُھل جانا تے پاکیزگی پاؤنا صرف یِسُوعؔ اُتے ایمان رکھن نال ای سوکھا اے جیہڑا یردن دے دریا دے بپتسمے دے راہیں آیا سی تے مکتی داتا وانگر سولی والے لہو نال آیا سی ۔ لوکاں نوں اوہناں دیاں ساریاں پاپاں توں معافی پاؤن لئی ،اوہناں نوں یِسُوعؔ مسیح اُتے ایمان رکھنا ہوئے گا جیہڑا اسمانی، ارغوانی تےلال رنگ دے دھاگے نال بالکل ایسے طرح مکتی داتا وانگر آیا سی ۔اوہناں لئی پاپاں دی معافی پاؤن دے علاوہ کوئی راہ نئیں ہیگا ۔
تے خُدا دے خادم جیہڑے اوہدے کاہن بن گئے نیں اوہناں نوں اوس سچی خوشخبری اُتے ایمان رکھنا چاہی دا اے جیہڑی اوہ سونے ،اسمانی، ارغوانی تےلال رنگ دے دھاگے نال بنی اے جیہڑے وڈے کاہن دے بانے لئی ورتے جاندے نیں ۔ جے اوہ ایس سچیائی اُتے ایمان نئیں رکھدے تا ں فیر اوہ اوہدے خادم ہون دے حقدار نئیں ہوسکدے ۔ اوہ صرف جگ دے دین پرست نیں ۔ جگ دیاں بے گنت دیناں وچوں ، اوہ صرف یِسُوعؔ دے ناں نوں لے کے اپنے اپنے بنائے ہویاں دیناں دی خدمت کرد ے پئے نیں ۔ خُدا دے سچے خادماں نوں لازمی اوہ ایما ن رکھنا چاہی دا اے جیہڑا یِسُوعؔ مسیح اُتے یقین رکھدا اے جیہڑا پانی ، لہو تے رُوح دے راہیں مکتی داتا وانگر آیا سی ۔ سو، اوہناں نوں اپنے ٹھیک ایمان نوں صاف طریقے نال ظاہر کرن تے خُدا دی سچیائی دے چانن نوں صاف طریقے نال چمکاؤن لئی اوہدے بپتسمے دی گواہی دینی چاہی دی اے ۔ اِنج کرن والے صرف خُدا دے خادم تے اوہدے اگے مکتی پاؤن والے نیں ۔
اوہ لوک جیہڑے یِسُوعؔ دے بپتسمے ، اوہدی سولی،یا ایس سچیائی نوں چھڈ دیندے نیں پئی اوہ آپ خُدا اے ، تے اوہ لوک جیہڑے بِنا ایمان دے خیالی طریقے نال ایس طرح دی تعلیم دی منادی کردے نیں ، اوہ شیطان دے خادم نیں جنہاں دا خُدا نال کوئی میل جول نئیں ہیگا ۔
اَج ، ایس جگ وچ بے گنت صرف ناں دے ”مناد“نیں ۔ اوہ دعویٰ کردے نیں پئی جیہڑا وی یِسُوعؔ اُتے ایمان رکھدا اے اوہ ایما ن دے راہیں اپنیاں ساریاں پاپاں توں پاک ہو سکدا اے ، تے ایس طرح بےپاپ بن سکدا اے ۔ پہلاں تاں مَیں سوچیا پئی اوہ وی اسمانی، ارغوانی تےلال رنگ دے دھاگے دی سچیائی دی منادی کردے پئے نیں ، پر ویلا لنگھن دے نال مینوں احساس ہویا پئی اِنج نئیں ہیگا۔ اوہ پانی تے رُوح دی خوشخبری دی منادی نئیں کردے پئے ،تے ایہہ سوچدے تے ایمان رکھدے نیں پئی اوہناں دیاں اپنیاں خیالاں نال بنائے گئے عقیدے اصل خوشخبری سن ۔ بھاویں اوہ اپنے آپ نوں ”مناد“ آکھدے نیں ، پر اوہ صرف اپنی مطلب پرسی تے زمینی فلاح و بہبود پِچھے چلدے نیں ، جیہدا اِکو مقصد اپنیاں تمناواں نوں پورا کرنا اے ۔
ایس زمین اُتےہُن وی بوہت سارے صرف ناں دے پادری ہیگے نیں ۔ پر اوہ ایس سچی خوشخبری نوں قبول کرن توں کیوں مکردے نیں جیہڑی اوہناں نوں سچ مُچ پاک بنن دے لائق بنا سکدی اے ؟ بنیاد پرستاں دا آپ ای کلام اُتے اپنے اعتماد وچ فخر اے ۔ پر سچیائی ایہہ ہیگی اے پئی ایہو جیہے لوک وی اصل وچ پرانیاں رِیتاں نوں پسند نئیں کردے ۔ جد کلام صاف طریقے نال پانی تے رُوح دی خوشخبری نوں ظاہر کردا اے ، تاں اوہ اپنے ایمان نال یِسُوعؔ دے بپتسمے نوں کیوں چھڈ دیندے نیں ؟ یاد رکھو پئی ندب تے ابیہو اوس ویلے مرگئے جد اوہناں نیں خُداوند خُدادے اگے اُتلی اَگ چاھڑی سی ۔ جد ایہناں کاہناں نیں ایس طریقے دے مطابق قربانی نئیں چاھڑی جیہڑا خُدا نے اوہناں لئی مقرر کیتا سی ، تاں خُدا ولوں اَگ نکلی تے اوہناں نوں ساڑ کے فنا کر دِتا (گنتی ۲۶ : ۶۱)۔
وڈے کاہن نوں جانوں مار دِتا جاندا سی جے اوہنے ایتھوں تیکر پئی اپنا کُرتا وی نا پایا جویں خُدا نے مقرر کیتا سی (آیت ۴۳)۔ ایس تو ں کوئی فرق نئیں پیندا ا ے پئی پاپی کِنی ای اوکھیائی نال اپنیاں قربانی دیاں پشُوآں دا لہو خیمۂ اِجتماع وچ لیاؤندے نیں ، ایہدا کوئی مطلب نئیں جد تیکر پئی اوہ سب توں پہلوں پشُوآں دیاں سِراں اُتے اپنے ہتھ نا رکھن ۔ ایس ایمان دے بِنا جیہڑا ہتھاں دے رکھے جان اُتے یقین رکھدا اے ، جیہدے راہیں اوہناں نیں اپنیاں پاپاں دااقرار کیتا سی تے ایہناں نوں اپنیاں قربانیاں اُتے لدیا سی، اوہناں دا ایمان نکما اے ، بھاویں اوہ اوہدے لہو اُتے کِناں ای ایمان رکھدے ہون ۔ ایس توں کوئی فرق نئیں پیندا پئی وڈے کاہن کنی ای واری لہو لیاؤندے ، پڑداچُک کے ، بوہتی پاک تھاں اُتے جاندے ، تے ایہدے سرپوش اُتے لہو تراؤنکدے ، جے اوہ خُدا ولوں مقرر کیتے گئے ”اسمانی “رنگ دے کُرتے پا کے اندر نئیں آؤندے ،تاں فیر اوہ موت دی سزا پاؤن گے ۔ سو، ساریاں فرقہ پرستاں نوں چاہی دا اے پئی اوہ اپنے ایمان دیاں پُرانیاں طریقیاں نوں چھڈ دین تے سچی خوشخبری ول پرت آؤن جیہڑی اوہناں نوں ”چانن تے کاملیت“ یعنی ’’ اُورِیمؔ تے تُمیّمؔ ‘‘(خروج ۲۸ : ۳۰) ول لَے جا سکدی اے ۔
خُدا اوہناں لوکاں توں خوش ہوندا اے جیہڑے ، ادھورے ہون دے باوجود اوہدے کلام تے اوہدی مرضی اُتے ایمان رکھدے نیں ۔ ایسے لئی خُدا نے سانوں بلایا اے جیہڑےپانی تے رُوح دی خوشخبری اُتے ایمان رکھدے آں۔تے خُدانے پانی تے رُوح دی خوشخبری ساڈے حوالے کیتی اے ۔جد اسی آپو وچ اکٹھے ہوندے آں تے ایمان دے راہیں خوشخبری ودھاؤندے آں ،تا ں خُدا سانوں سدا ودھیا کم کرن دی اجازت دیندا اے ۔
ساڈا یقین اے پئی خُدا دی لمی سوچ چھیتی نال پوری ہو جائے گی ۔ سچ مُچ ، اسی خُدا دے اگے سچ مُچ خوش آں۔ ساڈے بدن وچ ، ساڈے وچ بوہت ساریاں غلطیاں نیں ۔ مینوں لگدا اے پئی مَیں سب توں بھیڑا آں۔ جے مَیں تہاڈے اگے سچے دلوں اپنے آپ دا اعتراف کراں تاں میرے بندے ہون وچ بوہت ساریاں کمیاں دے سبب میرا مُکھ لال ہوجائے گا ۔ میریاں کمیاں تھوڑیاں نئیں ہیگیاں ۔ جویں جویں ویلا لنگھدا اے ،مَیں جِنی بوہتی خوشخبری دی خدمت کردا آں، اوناں ای مینوں احساس ہوندا اے پئی مَیں خُدا دےاگے صرف کِناں ادھورا ہاں ۔ تے اپنے نال دیاں کم کرن والیاں نوں ویکھ کے ، مَیں ویکھدا ہاں پئی اوہ وی میرے وانگر ادھورے نیں ، پر خُدا دے فضل نال اسی سارے ہُن وی خوشخبری دی خدمت کردے پئے آں ۔ خُدا سانوں یقین دِلواؤندا اے پئی اوہ ساڈے وچ کم کردا اے ، تاں پئی اسی خُدا دی خوشخبری تے اوہدیاں منصوبیاں اُتے ایمان رکھ کے اوہدی خدمت کرئیےتے اوہدے پِچھلے چلیے ۔
ایہہ ساڈے راہیں ای اے ، جیہڑے ادھورے آں ، پئی ساڈے خُداوند نوں جلال مِلدا اے ۔ جِناں بوہتا اسی ادھورے ہوندے آں ،اُونی ای بوہتی پانی تے رُوح دی خوشخبری ساڈیاں دلاں وِچ چمکدی اے —ایسے سببوں خُدا نوں جلال مِلدا اے ۔ جد اسی اپنے آپ نوں بے قصور من دے آں تاں بوہتا گھمنڈ کرن والے بن دے جاندے آں ، فیر خُدا بے سکونی محسوس کرن لگدا اے ۔ ایہہ خُدا دی مرضی اے جیہڑا ساڈے ورگیاں ، ادھوریاں لوکاں دے راہیں وڈیائی کراؤنا چاؤہندا اے ۔
تُسی تے مَیں بوہت ادھورےآں ۔ اسی صرف کِنے ادھورے آں؟ ساری وضاحت توں اُچیرے ! پر ، ہر کوئی اپنیاں کمیاں نوں وکھ وکھ طریقیاں نال محسوس کردا اے ، جویں سمندر یا دریا دی ڈوہنگھیائی واش بیسن توں فرق ہوندی اے ۔ جیہڑے لوک سچ مُچ جان دے نیں پئی اوہ حدوں چوکھے ادھورے نیں اوہ خُداوند نال بوہتی محبت کردے نیں ، ایس لئی پئی اوہ جان دے نیں پئی اوہ خُداونددے بوہت چوکھے قرض خور سن۔ جیہڑے لوک اپنیاں کمیاں نوں چنگی طرح جان دے نیں تے ایمان رکھدے نیں پئی اوہناں دے بوہت چوکھے قرض معاف ہو گئے نیں اوہ خُداوند نال بوہتی محبت کرن دے حقدار نیں ۔ ایہو ای سبب اے پئی اوہ خُداوند دی خوشخبری نوں بوہت محبت کردے نیں ، ایس اُتے بوہت چوکھا فخر کردے نیں تے ایس توں وی بوہت ایہدے پِچھے چلدے نیں ۔ پر جیہڑے لوک اپنیاں کمیاں نوں نئیں جان دے اوہ خُداوند نال گھٹ محبت کردے نیں ، ایس لئی پئی اوہ سمجھدے نیں جیہڑے قرضے ادا کیتے گئے نیں اوہ بوہت گھٹ سن تے ایہہ پئی خُداوند صرف اینے نِکے قرض معاف کرنے لئی اوہناں توں بوہت چوکھا چاؤہندا اے ۔
فیر ایہہ لوک جیہڑے اپنیاں کمیاں دے بارے بوہت گھٹ جان دے نیں اوہناں نوں ایہہ کویں احساس ہو سکدا اے پئی اوہناں دیاں کمیاں اصل وچ کِنیاں وڈیاں نیں ؟ ایہہ اوہناں اُتے دھکے نال نئیں کیتا جا سکدا ۔ پر جویں پئی اوہ ایہہ ایمان رکھدیاں ہویاں خوشخبری دی خدمت کردے نیں پئی ایہہ اوہناں لئی خُدا دی مرضی اے پئی ایہدی خدمت کرن بھاویں اوہ ادھورے نیں ، اوہناں دیاں کمیاں ویلے دے نال نال بوہتیاں ظاہر ہون گئیاں ، تے جنے بوہتے اوہ ظاہر ہون گے ، اوہناں دی خُدا نال محبت اونی ای چوکھی ہوندی جائے گی ۔
صرف خیالاں وچ ای اپنیاں کمیاں نوں جاننا ساڈے لئی کوئی فائدہ نئیں ۔ اسی اپنیاں کمیاں نوں پچھان سکدے آں جداصل وچ خوشخبری دی خدمت کرن دی کوشش کردیاں ہویاں ساڈے اُتےاوکھا ویلا آجاندا اے۔ ایہو ای سبب ہیگا اے پئی اسی جِنی بوہتی خُداوند دی خدمت کردے آں ،اوہ ساڈے لئی اوناں ای مہنگا بن دا جاندا اے ۔ ایہ خُداوند دے سببوں ہیگا اے پئی اسی نڈر ہوسکدے آں، تے اوسے دے سببوں اسی جلال پاؤندے آں ۔ اسی ایمان نال زندگی گزار سکدے آں تے خُداوند دے سببوں برکت والیاں کماں لئی اپنے آپ نوں وقف کر سکدے آں ۔ جے خُداوند نا ہوندا تاں مَیں تے تُسی کُجھ وی نا ہوندے ۔
یوحنا بپتسمہ دین والے نےآ کھیا، ’’ ضرُور اے پئی اوہ وَدھے تے مَیں گھٹاں‘‘(یوحنا ۳ : ۳۰)۔خُدا نے سانوں پاپ دی معافی تے ایس خوشخبری دی خدمت دے برکتاں والے ویلے دِتے نیں ۔ ساڈا وجود صرف خوشخبری ودھاؤن دے ہتھیاراں وانگر ورتے جان لئی اے ، تے اِکلاخُداوندای جلال لین والا اے ۔ سچ اے پئی خُداوند سانوں ایس طرح دیاں ہتھیاراں وانگر ورتدا اے آپ اِک ایہو جیہی شے اے جیہدے لئی بوہت شکر گزار ہاں ۔
اسی خُدا دا سچے دلوں شکر ادا کردے آں پئی اوہنے سانوں وڈے کاہن دے کم کرن دی ایہہ نعمت دِتی ۔ یِسُوعؔ ساڈے لئی اسمانی وڈا کاہن تے وڈا ایالی اے ۔ اوہدے خادم نِکے ایالی نیں۔ تُسی تے مَیں نِکے ایالی بن گئے آں جیہڑے ایہدے پِچھے چلدے نیں جیہڑا وڈے ایالی نے ساڈے لئی کیتا اے ۔ تہانوں تے مینوں لازمی خُدا دے کلام اُتے بالکل اوسے طرح ایمان رکھنا چاہی دا اے جویں پئی ایہہ ہیگا اے ، کلام دے مطابق عمل کرنا چاہی دا اےجویں پئی ایہہ ہیگا اے ، تے ایہدے پِچھے چلنا چاہی دا اے جویں پئی ایہہ لکھیا اے ،سانوں بالکل ایسے طرح خدمت کرنی چاہی دی اے جویں خُداوند کر چُکیا اے ۔ سانوں بالکل اوہدی نقل کرنی چاہی دی اے جویں پئی خُداوند کر چُکیا اے ، ایس اُتے ایمان رکھناتے ایہدے مطابق اوہدے پِچھے چلنا چاہی دا اے ۔ سانوں جو کُجھ کرنا چاہی دا اے اوہ ایہہ ہیگا اے پئی اسی ایمان رکھیے تے ایس اُتےعمل کرئیے جویں پئی اوہنے سانوں حکم دتا اے تے ساڈے لئی منصوبہ بنایا اے ، تےپانی تے رُوح دی خوشخبری نوں ودھاؤنا اے ۔ خُدا دے اگے ٹھیک ایمان ایہہ ہیگا اے پئی اوہدے کلام نوں ایہدی پاکیزگی وچ قبول کیتا جائے تے ایس اُتے ایمان رکھ کے پانی تے رُوح دی خوشخبری دی منادی کیتی جائے ۔
اسی اپنے خُداوند دا سچے دلوں شکر ادا کردےآں جیہڑاساڈا اپنا وڈا کاہن بن گیا اے۔
Copyright © 2021 by The New Life Mission