Поради COVID-19 и прекъсването на международните пощенски услуги,
временно спрели сме служението на безплатни печатни книги.
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.
Молете се скоро тази пандемия да приключи и пощенските услуги да се възобновят.
مضمون 9: رومیوں (رومیوں دی کتاب اُتے تفسیر)
[6-1 باب] رومیوں ۶باب دا تعارف
لازمی ہیگا اے پئی اسیں یسوع دے بپتسمے دےبھیت نوں پچھانیے
کیہ تسیں یسوع دے بپتسمے دے مکاشفے نوں جیہڑا اوہنے یوحنا کولوں لیا ، جان دے تے ایمان لیاؤندے او؟ میَں تہانوں ایہدے بارے رومیوں ۶:۱ ۔ ۴ دے راہیں دسنا چاہواں گا ، ” ایس لئی اسیں کیہ آکھیے ؟ کیہ پاپ کردے رہیے تاں پئی فضل بوہتا ہووے ؟ بالکل نئیں ۔اسیں جیہڑے پاپ ولوں مر گئے کیوں اوہدے وچ آؤن والے دناں وچ حیاتی بسر کرئیے ؟ کیہ تہانوں نئیں پتہ پئی اسیں جنیاں نیں مسیح یسوع وچ رَلن دا بپتسمہ لیا تاں اوہدی موت وچ رَلن دا بپتسمہ لیا ؟ ایس لئی موت وچ رَلن دے بپتسمے دے راہیں اسیں اوہدے نال دفن ہوئے جویں مسیح باپ دے جلال دے راہیں مویاں وچوں جوایا گیا اوسے طرحاں اسیں وی نویں حیاتی وچ چلیے۔ “
ایس کلام نوں سمجھن لئی تے سچائی نوں جانن لئی لازمی ہیگا اے پئی ، سب توں پہلاں اسیں پولُس دے ایمان نوں جیہڑا گلتیوں ۳ : ۲۷ وچ وکھایا گیا اے ، اوہدے بارے سوچیے تے بالکل اوسے طرحاں دا ایمان رکھیے جویں پئی اوہدا ہیگا سی ۔ اوہ فرماؤندااے ، ” تے تسیں سارے جنیاں نیں مسیح وچ رَلن دا بپتسمہ لیا مسیح نوں لیڑیاں وانگر پالیا۔ “ ایس ٹوٹے دا کیہ مطلب ہیگا اے ؟ ہُن اسیں ایناں اَکھراں نوں متی ۳ : ۱۳ ۔ ۱۷ دے کلام دے راہیں سمجھ سکدے آں ۔
پولُس کولوں پُچھیا گیا اسیں خُدا دی راستباز ی اُتے ایمان لیاؤن دے راہیں ہمیش لئی پاپاں توں معافی پا چُکے آں ،تاں فیر سانوں پاپاں کردے رہنا چاہی دا اے ۔ پولُس دا جواب سی ، نئیں ،تے ایہہ جواب اوہناں دا وی ہیگا اے جیہڑے سچے دلوں خُدا دی راستبازی اُتے ایمان لیاؤندے نیں ۔ ایہدا مطلب ایہہ نئیں ہیگا پئی راستباز بدن راہیں کدی پاپ نئیں کردا ۔ ایہہ سچ نئیں ہیگا اے ۔
ایہدا مطلب ایہہ وی نئیں ہیگا پئی ساڈےپاپ معاف ہو گئے نیں ، ایس لئی سانوں ہور پاپ کرن لئی ارادے بناؤنے چاہی دے نیں ۔ راستباز شروع توں ای اوہدی موت وچ رَلن دا بپتسمہ لَے چُکیا اے ۔ کویں اوہ جیہڑے اوہدی راستبازی اُتے ایمان لیا چُکے نیں پاپ وچ رہن گے ؟ ایہہ کدی وی سچ نئیں ہو سکدا ۔ پولُس رسول گلتیوں ۳ : ۲۷ وچ بولدا اے ، ” تے تسیں سارے جنیاں نیں مسیح وچ رَلن دا بپتسمہ لیا مسیح نوں لیڑیاں وانگر پالیا۔ “
دوجے اَکھراں وچ ، یسوع نے ساڈے سارے پاپ بپتسمے دے راہیں اپنے اُتے چُک لَے تے سولی اُتے مر گیا تاں پئی جیہڑا اوہدے اُتے ایمان لیاوے ایمان دے راہیں ”مسیح دے بپتسمے “ وچ رَل سکے ۔ ایس لئی ساڈے کول ایس طرحاں دا ایمان ہونا چاہی دااے۔
لازمی ہیگا اے پئی اسیں یسوع دے بپتسمے دے ایمان نال بھرے ہوئیے
لازمی ہیگا اے پئی ساڈے کول یسوع دے بپتسمے تے اوہدی موت نال جُڑیا ہویا ایمان ہووے ۔ بائبل وچ دسیا گیا اے ، ” تے تسیں سارے جنیاں نیں مسیح وچ رَلن دا بپتسمہ لیا مسیح نوں لیڑیاں وانگر پالیا۔ “ ایس ٹوٹے دا مطلب ہیگا اے پئی جدوں یسوع نے یردن اُتے یوحنا کولوں بپتسمہ لیا ، تاں اوہنے اِکو ای وار ساڈے سارے پاپاں نوں چُک لیا ۔ایہدا مطلب ایہہ وی ہیگا اے پئی یسوع دی صلیبی موت ساڈے سارے پاپاں دا فدیہ ہیگی سی ایس لئی اوہنےبپتسمے دے راہیں ساڈے سارے پاپاں نوں اپنے اُتے لَے چُکیا سی ۔ایس سچیائی دی سوچ تے ایہدے اُتے ایمان لیاؤنا ، ایہوجیہا ایمان ہیگا اے جیہڑا سانوں ساڈے خداوند یسوع نال جوڑ دا اے ۔
اسیں اپنی بدیاں دے سبب خُدا دی راستبازی توں بوہت دُور ہوگئے ساں ۔کیہ تہانوں پتہ ہیگا اے پئی جدوں یسوع نے یوحنا کولوں بپتسمہ لیا تاں اوہنے ساڈے سارے پاپاں تے غلطیاں نوں اپنے اُتے چُک لیا سی ؟ یسو ع نے اپنے بپتسمے دے راہیں اِکو ای وار ساڈے سارے پاپ چُک لَے سَن تے پاپاں دا مُل اُتارن لئی سولی اُتے جان دے دتی ۔اسیں اوہ لوک ہیگے آں جیہڑے کُجھ نئیں کردے سگوں اپنی ساری حیاتی خُدا دے اگے کوئی نہ کوئی پاپ کردے رہندے آں ۔ ایس لئی ، سانوں مسیح وچ رَلن دا ایہو جیہا بپتسمہ لینا چاہی دا اے ،جیہدی نیہ یسوع مسیح دے بپتسمے تے صلیبی لہو اُتے ہووے ۔ صرف اوس ویلے ای اسیں مسیح وچ اکٹھے ہوواں گے جے اسیں ایمان لیاؤندے آں پئی یسوع نے خُدا دی راستبازی نوں اپنے بپتسمے راہیں پورا کیتا اے ۔
کنہے باپ دی مرضی ، اوہدی راستبازی نوں پورا کیتا ؟ ایہہ یسوع مسیح خود آپ ای ہیگا سی ۔ یسوع
نے اِکو ای وار خُدا دی راستبازی نوں پورا کر دتا ۔ صرف یسوع ای اپنے بپتسمے دے راہیں جیہڑا اوہنے یوحنا کولوں لیا ، ساڈے سارے پاپاں نوں چُک کے اپنی موت دے راہیں ساڈے پاپاں دا مُل اُتارن دے لائق بنیا ۔ جے اسیں مسیح وچ اکٹھے ہونا چاؤہندے آں تاں سانوں اوہدے بپتسمے اُتے ایمان لیاؤنا چاہی دااے پئی اوہنے اِکو ای وار ساڈے سارے پاپاں نوں چُک لیا سی ۔
سانوں اپنے خُداوند نال جُڑنا تے ایمان لیاؤنا چاہی دا اے ،ایس لئی پئی اوہ اپنے بپتسمے دے راہیں ساڈا ہمیشگی دا مکتی داتا بن گیا ۔ ہُن تہاڈے کول ایہو ای راہ ہیگا اے پئی تسیں ایس سچ نوں قبول کردے او یاں نئیں ۔ تسیں اوہدے بپتسمے تے صلیبی لہو اُتے ایمان لیا کے خُدا دے پُتر بنوگے یاں ایس سچ نوں نِند کے دوزخ دی ہمیش دی بربادی وچ مرنا چاہووگے ،ایہہ سب کُجھ ہُن تہاڈے اُتے مُکد ااے ۔ یسوع نے بپتسمہ لیا ،تاں پئی ساڈے سارے پاپاں نوں دُور سُٹ دیوے (متی ۳ : ۱۳ ۔ ۱۵)۔
جے اسیں متی ۳ : ۱۵ نوں پڑھدے آں تاں اسیں ویکھدے آں ، ” ایسے طرحاں “ دا مطلب خُدا دی راستبازی نوں پورا کرنا ایں ،دے طور اُتے ورتیا گیا اے ۔ یونانی وچ ایہہ جملہ ” ایسے طرحاں “ ” ہو ۔ٹاس گار “ (hoo – tos gar) ہیگا اے ، جیہدا مطلب ، ’ ایسے راہ توں ‘ ، ’سب تو ں ودھیا ‘ یاں ’ایس توں ہٹ کے ہور کوئی راہ نئیں ہیگا ‘ ایہہ دسدااے پئی اوہدا بپتسمہ ای پاپاں نوں مکاؤن دا یقینی راہ ہیگا سی ۔ ایہہ اکھر ثابت کردے نیں پئی یسوع نے سارے لوکاں دے سارے پاپاں نوں یوحنا کولوں بپتسمہ لَے کے اوہناں اُتے دوبارہ نہ آؤن توں ، چُک لیا سی ۔
جدوں یسوع نے بپتسمہ لیا تاں ساڈے پاپ اوہدے اُتے لدے گئے سَن ۔ سانوں رومیوں۶ : ۵ ۔۱۱ دی سچیائی اُتے ایمان لیاؤنا چاہی دا اے پئی یسوع نے بپتسمہ لیا ، تاں پئی ایہدے نال ساڈے پاپ مکائے جا سکن تے اوہ سولی اُتے مر گیا ، تاں پئی اِنج کرکے انسانی پیڑھی نوں بچا لوے ۔
جدوں اسیں کسے کولوں کُجھ اُدھار شے لیندے آں ، تاں سانوں ایس قرض اُتارنا پیندااے ۔ ایسے طریقے نال ، سانوں پتہ ہونا چاہی دا اے پئی کیہڑے طریقے نال تے کنی بوہتا مُل ساڈے خُداوند نے ساڈے پاپاں لئی ، اوہناں نوں ساڈے توں وکھ کرن لئی اُتاریا اے ۔
جدوں یسوع نے بپتسمہ لیا ،اوہنے ساڈے سارے پاپ جیہڑے اسیں پہلاں کیتے سَن ، نوں چُک لیا ، جدوں توں اسیں جمے ساں ، ۱۰ ورہے دی عمر تیک فیر ۱۰ توں ۲۰ ، ۳۰ ، ۴۰ ، ۵۰ ، ۶۰ ،۷۰ ،۸۰ ،۹۰ ،تے اوہ پاپ جیہڑے اسیں اخیری ساہ تیک کردے آں ۔اوہنے ساڈے سارے پاپاں نوں اپنے بپتسمے دے راہیں چُک لیا تے اوہناں دا مُل اُتاریا ۔ یسوع نے ساڈی بدیاں نوں جیہڑیاں اسیں جاندے ہوئیاں یاں نہ جان دے ہوئیاں کیتیاں ، دونواں نوں اِکو ای وار چُک لیا ۔ یسوع نے ساڈے پاپاں نوں دھون لئی بپتسمہ لیا تے اوہنے سولی اُتے جان دے کے پاپاں دا مُل اُتاریا ۔ ایہو ای اوہ خوشخبری ہیگی اے جیہڑی پانی تے رُوح دی سچیائی نال بھری ہوئی اے تے جیہڑ ی پاک کتاب وچ لکھی ہوئی اے ۔
اسیں بوہتے مسیحیاں نوں ویکھدے آں جیہڑے پاکیزگی دی تعلیم نوں قائم رکھن دی بوہت ہمت تے حامی بھردے نیں تے یسوع نوں اپنا مکتی داتا منن لئی بوہت ہتھ پیر ماردے نیں،ایس لئی پئی اوہ ”بپتسمہ“ دے بھیت نوں جیہدے بارے پولُس آکھدااے ، نئیں سمجھدے ۔ جے یسوع دھرتی اُتے نہ آؤنداتے یوحنا کولوں ، ”بپتسمہ“ نہ لیندا تاں لوکاں دے پاپ ہمیشہ ہمیشہ لئی قائم رہندے ۔ ایس لئی ،سانوں ایہو جیہاں جھوٹیاں تعلیماں اُتے ایمان نئیں رکھنا چاہی دا اے جیہڑیاں ایہو جیہیاں تعلیماں دیندیاں نیں پئی ساڈے بدن تے دل ویلا لنگھن دے نال نال پاک ہو سکدے نیں ۔
ایس دھرتی اُتے پکی سچیائی صرف ایہو ای ہیگی اے پئی یسوع نے بپتسمہ لیا تے ساڈے سارے پاپاں نوں مکا دتا سی ۔ پانی تے رُوح دی خوشخبری اُتے یقین رکھو جیہڑی ساڈی مدد کردی اے پئی ساریاں جھوٹیاں تعلیماں اُتے فتح پائیے تے اوہناں ساریاں نوں جیہڑے ایمان رکھدے نیں جِت دیندی اے ۔ ایس لئی ، سانوں ایس خوشخبری اُتے ایمان رکھنا چاہی دا اے ۔ کئی مسیحی نویں سریوں نہ جمن دے سبب دوزخ وچ جان گے ایس لئی پئی اوہناں نیں اپنے آپ نوں یسوع دے بپتسمے نال نئیں جوڑیا اے ۔
کیہ تسیں کدی نیزے نال وِہنے ہوئے دل دی فوٹو ویکھی اے ؟ ایہہ خُدا دی قربان ہونی والی محبت ہیگی اے ۔خُدا ساڈے نال بوہت محبت کردااے ایس لئی اوہنے سانوں پانی تے رُوح دی خوشخبری دے راہیں ساڈے سارے پاپاں توں مکتی دتی اے ۔ ”ایس لئی خُدا نے جگ نال اینی محبت رکھی پئی اوہنے اپنا اکلا پُتر دے دتا ، تاں پئی جیہڑا وی اوہدے اُتے ایمان لیاوے برباد نہ ہووے سگوں ہمیش دی حیاتی پاوے۔“ (یوحنا ۳:۱۶)۔
تہانوں یسوع دی اوس محبت نوں جیہڑی اوہنے بپتسمہ لَے کے تے سولی اُتے لہو وگاؤن دے راہیں ،تہاڈے نال کیتی ، مننا چاہی دا اے ۔ لازمی ہیگا اے پئی ساڈے دل خُدا دی راستبازی نال جُڑ جان ۔ مسیح دی راستبازی نال جُڑی ہوئی اک ایمان نال بھری ہوئی جندڑی ای اک سوہنی جندڑی ہیگی اے ۔ پولُس رومیوں ۶ باب وچ فیصلہ کردے ہوئیاں آکھدا اے پئی سانوں خُدا دی راست بازی نال ایمان دے راہیں جُڑ کے رہنا چاہی دا اے ۔
کیہ اسیں، رومیوں دےخط ۷ : ۲۵ وچ جیہڑاپولُس نے بولیا اے ، نوں پسند کردے آں ، ایس
لئی پئی میَں اپنی عقل نال تاں خُدا دی شریعت دا ، پر بدن ولوں پاپ دی شریعت دی غلامی وچ ہیگا واں۔ کیہ تسیں ایہنوں پسند کردے او ؟ آہو ،اسیں کردے آں ۔ ایہو ای سبب ہیگا اے پئی پولُس ہمیشہ سانوں اپنے دلاں نوں خُدا دی راستبازی نال جوڑن دی ہدایت کردا اے ۔ جے اسیں خُداوند دی راستبازی نال اپنے آپ نوں نئیں جوڑاں گے تاں فیر کیہ ہووےگا؟ فیر اسیں کامل طور اُتے برباد ہوجاواں گے ۔
جنہاں نیں اپنےآپ نوں خُدا دی راستبازی نال جوڑ لیا اے اوہ اوہدی کلیسیا نال اپنی حیاتی بسر کردے نیں ۔ جے تسیں خُدا دی راستبازی اُتے ایمان رکھدے او ، تاں لازمی ہیگا اے پئی تسیں اوہدی کلیسیا تے اوہدے خادماں نال اکٹھے ہو جاوو۔ بدن ہمیشہ پاپ دی شریعت دی خدمت کرن دی ہمت کردا اے ، ایس لئی لازمی ہیگا اے پئی اسیں ایمان وچ جیوندے رہیے تے جندڑی دی شریعت بارے گھڑی مُڑی دھیان کرئیے ۔ جے اسیں ایہنوں اپنے ذہن وچ رکھیے تے ہر روز خُدا دی راستبازی دے بارے جگالی مطلب اے پکا دھیان کرئیے ،تاں اسیں اوہدے نال جُڑ جانواں گے ۔ ایہو ای سبب ہیگا اے پئی پاک بائبل وچ جیہڑے پسُو جگالی کردے نیں ،اوہ پاک ہیگے نیں (احبار ۱۱ : ۲ ۔۳ )۔
خُدا دی راستبازی نال جُڑئیے ۔ کیہ تسیں اک نویں تے چوکھی ساری طاقت محسوس کردے او یاں نئیں ؟ ہُن خُدا دی راستبازی نال جُڑن دی ہمت کرو! اسیں تہانوں آکھدے آں پئی تہاڈے دل یسوع دے بپتسمے نال جُڑ گئے نیں ۔فیر کیہ پاپ حالے تیک تہاڈے دلاں وچ ہیگا اے یاں نئیں ؟— نئیں پاپ ہُن ساڈے وچ نئیں ہیگا اے — ہُن یسو ع مسیح ساڈے لئی سولی اُتے مرگیا اے ۔ اپنے دل وچ اوہدے اُتے ایمان رکھو ۔ کیہ تسیں ایس سچیائی نوں وی اپنے دل وچ رکھ چُکے او؟ فیر ، اسیں مُردے ہیگے آں یاں نئیں ؟ — اسیں مُردے ہیگے آں — تے کیہ مسیح مویاں وچوں جیوں اُٹھیا اے ؟ — آہو — فیر ،اسیں وی مویاں وچوں جیوندے کیتے گئے آں۔جدوں اسیں مسیح نال اپنے دلاں نوں جوڑ لیندےآں ،تاں ساڈے پاپ دُھل جاندے نیں؛ اسیں مسیح وچ اوہدے نال سولی اُتے مر گئے تے اوہدے جیوں اُٹھن دے راہیں اسیں وی مویاں وچوں جیوں اُٹھے تے جیوندے آں ۔
پر ،جے اسیں مسیح وچ نئیں جُڑے تاں کیہ ہووے گا ؟ ” تسیں کہیدے بارے گل کردے پئے او ؟ اوہ آہو ، تسیں یسوع دے بپتسمے بارے گل کردے پئے او ، تہاڈا مطلب ہیگااے ، پُرانے عہد نامے وچ ایہہ قربانی اُتے ہتھ رکھن دا طریقہ ہیگا سی، تے نویں عہد نامے وچ ایہہ یسوع دا اوہ بپتسمہ ہیگا اے جیہڑا اوہنے یوحنا کولوں لیا سی ۔ ہو سکدا اے پئی ایہہ ٹھیک ہووے ! پر ایہدے وچ کیہڑی خاص گل ہیگی اے پئی ہر کوئی ایہدے بارے خُوا مخواہ پریشان ہونداپھرے ۔ “
جیہڑے اوہدے بپتسمے اُتے زبانی ایمان رکھدے نیں ، اوہناں دا ایمان سچا نئیں ہیگا اے ، اِنج اوہ اخیر وچ یسوع نوں چھڈ دیندے نیں ۔ سوچاں والا ایمان ، جیہڑا سکولی بچے سکول وچ اپنے اُستاداں کولوں سکھدے نیں ، صرف شیواں بارے علم ہیگا اے ،تے خُدا دی راستبازی پاؤن لئی کُجھ نئیں ہیگا اے ۔ پر ایتھے پڑھن والے ایہو جیہے ہیگے نیں جیہڑے سچ مُچ اپنے اُستاداں دی عزت کردے تے اپنے اُستاداں دی اَگوائی دے چنگے کماں نوں سکھن دی ہمت کردے نیں ۔ سانوں خُدا دے کلام نوں صرف علم جانن لئی نئیں مننا چاہی دا اے سگوں اوہدے وچوں چنگے کم ، محبت ، ترس تے نیکی دے کماں لئی اوہنوں اپنے دل وچ پکیاں کر کے جماؤنا چاہی دا اے ۔ سانوں صرف علم سکھن دی آس نوں چھڈ دینا چاہی دااے ،جدوں اسیں خُدا دے کلام نوں سکھدے آں ۔
اوہناں دی عقل جیہڑے ساڈے خُداوند دے کلام نال پہلوں ای بوہت پکیائی نال جُڑے ہوئے نیں ،اوہ خُداوند دی خدمت کرن وچ پیراں دے پکے ہیگے نیں تے ایہو جیہاں دی اوہدے نال چنگی دوستی ہیگی اے ، تے اوہ بوہت اوکھے ویلے وچ کسے وی طریقے نال ایہدے توں وکھ نئیں ہوندے ۔ اوہ صرف بوہتی عزت پاؤن لئی بوہت ویکھ جاکھ کے چل دے نیں ۔ پر جنہاں نیں حالےتیک اپنے دلاں نوں اوہدے نال نئیں جوڑیا ، نکی نکی پریشان وچ وی ڈانواں ڈول ہو جاندے نیں ۔
لازمی ہیگا اے پئی اسیں اپنا ایمان خُدا دی راستبازی نال جوڑئیے ۔ لازمی ہیگا اے پئی اسیں اپنے دلاں نوں ایس جگ دیاں نکیاں جیہاں پریشانیاں توں گھبرا کے ایس ایمان نوں چھڈن دین توں روکیے ۔ جنہاں نیں اپنے دلاں نوں مسیح وچ اکٹھیاں کیتااوہ سارے یسوع دے بپتسمے وچ رَل کے ، اوہدی موت وچ رَل گئے نیں تے اپنے پاپاں توں مکتی پاؤن لئی فیر اوہدے نال جیوں اُٹھے نیں ۔ اسیں ایس بے دین جگ دے لوک نئیں ہیگے آں ، ایس لئی سانوں لازمی ایمان لیاؤنا چاہی دا اے ،سانوں اوہنوں خوش کرن لئی اوہدی راستبازی نال جُڑنا چاہی دا اے ، جیہڑا سانوں اوہدی راستبازی دے خادم آکھ کے بلاؤندااے ۔
جے تسیں خُدا دی راستبازی نال جُڑ جاوو ، تاں تہاڈا دل سکون تے خوشی نال بھر جاوے گا ،ایس لئی پئی خُدا دی طاقت ساڈی ہوجاوے گی ۔اسیں بوہت عزت نال اک مبارک حیاتی بسر کر سکدے آں ،ایس لئی پئی خُدا اپنیاں حدوں دونیاں برکتاں تے خُدائی طاقت سانوں دیندا اے ۔
آؤ اپنے دلاں نوں خُدا دی راستبازی نال جوڑئیے ۔فیر تسیں ایس لائق ہوووگے پئی خُدا دے خادماں نال اِک مُٹھ ہو سکو، میرے وانگر ، اوہدے کلام اُتے پکے ایمان دے راہیں اکٹھیاں دوستی دے سبب بوہت ودھیا طریقے نال اوہدی خدمت کر سکو۔بھاویں تہاڈا ایمان سرہوں دے دانے توں و ی نکا
ہیگا اے ، تاں وی خُدا وند نے تہاڈے پاپاں نوں مکا دتا اے ۔ اوہدے نال جُڑے رہوو، خاص کر اوہدے بپتسمے نال ، بھاویں تسیں ماڑے ہیگے او ، تاں وی ۔
اسیں خُدا دا اوس ایمان لئی شکر ادا کردے آں جیہڑا سانوں خُداوند وچ یسوع دے بپتسمے تے صلیبی لہو دے راہیں جوڑدا اے ۔ سانوں خُداوند دے نال اپنے دلاں نوں ایسے ویلے توں ، جدوں اسیں خُداوند نال ملے آں ، اج دے دن توں ای جوڑ لینا چاہی دا اے ۔ اسیں اپنے آپ وچ ماڑے ہیگے آں ، ایس لئی سانوں خُدا نال جُڑنا چاہی دا اے ۔ کیہ تسیں اپنے دل نوں یسوع دی راستبازی نال جنہوں اوہنے پورا کیتا جوڑن دا ایمان رکھ چُکے او ؟ کیہ تسیں یسوع دے بپتسمے نال جوڑن والے ایمان نوں پالیا اے ؟ لازمی ہیگا اے پئی تسیں اوس ایمان نوں پائیےجنہےسانوں یسوع دے بپتسمے تے لہو وگاؤن نال جوڑیا اے ۔ اوہ جیہڑے ایہو جیہا ایمان نئیں رکھدے اوہ مکتی پاؤن توں رہ جان گے تے بے ایمانی دے حیاتی بسرکرن گے ۔ ایس لئی ، خُدا دی راستبازی تہاڈی حیاتی لئی بوہت لوڑی دی اے ۔
خُداوند نال جُڑنا پاپاں توں معافی تے خُدا دی راستبازی دی اوہناں نعمتاں نوں لیاؤندی اے جیہدے راہیں اسیں خُدا دے پُتر بن سکدے آں ۔ میری ایہہ بوہت چوکھی آس ہیگی اے پئی خُدا دی راستبازی تہاڈے ہوجاوے ۔یسوع مسیح تہاڈا ایمان دا خُداوند تے خُدا دی راستبازی ہیگا اے ۔ ایمان لیاوو!تے خُدا دی راستبازی پاوو۔ فیر ،خُدا دیاں برکتاں تہاڈے نال ہون گئیاں ۔
سانوں خُدا نوں صرف اپنے ہدیے ای نئیں دینے چاہی دے
کئی مسیحی خُدا دی راستبازی اُتے ایمان نئیں لیاؤندے تے صرف اوہدی وڈیائی کردے نیں ، ” ♫اے خُدا جیہڑا میرا ہیگا اے اوہنوں لَے کے توں اپنا بنا لَے ،♪میرا تھوڑا جیہا ہدیہ ، میری حیاتی ، میری قربانی ، ♫بھاویں ایہہ تھوڑا ہیگا اے ، میَں اپنا سب کُجھ تینوں دے دیواں ، میرے بادشاہ ۔♪ میرے خُداوند میَں صرف تیرے لئی جیوندا رہواں گا ! ♫ اے ،پاک رُوح اَگ وانگر اُتر آ۔“ سانوں اِنج دے مسیحی نئیں بننا ہیگا اے ۔ اوہ ہر دن خُدا دی وڈیائی تے اوہدے اَگے اپنے ہدیے لیاؤندے نیں ، ایس لئی خُدا نوں اوہناں لئی کُجھ کرن دا ویلا نئیں ملدا ۔
بندہ بوہت عقیدت نال خُدا نوں پریشان کردا پیا اے ۔ خُداوند ساڈے انھے واہ چڑھاویاں
توں تنگ آگیا اے ۔ اوہ خُدا نوں ایس گل دا زور لاؤندے نیں پئی اوہناں دی ، ” بدنی “ راستبازی نوں قبول کرے ۔ اوہ بوہتا بوہتا خُدا دے اگے روندے نیں ، ” اے خُدا !ساڈے چڑھاویاں نوں قبول کر !“ ایہو جیہے لوک جدو ں اوہ اپنے گھر دی صفائی ستھرائی ، چھتاں دی صفائی ایتھوں تیک پئی کھان پین ویلے وی خُداوند نوں ایسے گل لئی پکاردے رہندے نیں ۔ ایہہ بوہت دل دکھاؤن والی گل ہیگی اے پئی بوہتے مسیحی یسوع نوں صرف ایہو ای آکھدے نیں پئی اوہناں دے بدنی چڑھاویاں نوں قبول کرے ،ایتھوں تیک پئی اوہ خُدا دی راستبازی نوں نہ جان دے نیں تے نہ ایہدے اُتے یقین کردے نیں ۔ سانوں اپنے چڑھاویاں نوں اک پاسے کر کے خُدا دی اوس راستبازی نوں قبول کرنا چاہی دا اے ،جیہڑی یسوع دے بپتسمے تے صلیبی لہو وچ ہیگی اے ۔
ساڈے بدنی ہدیے خُدا دے اگے ککھ دے نئیں ہیگے ۔ پر لوک فیر وی خُدا دے اگے دعا کردے نیں پئی اوہ اوہناں دے چڑھاویاں نوں قبول کرے تے بدلے وچ اوہناں دے پاپاں نوں معاف کرے ۔ ایہہ ایناں ای کم عقل ہیگا اے جناں کسے گندے تے غریب بھکاری نے اپنا سارا سامان ارب پتی نوں دے دتا تے بیکار تے گندے چڑھاوے دے مُل وچ وڈی حویلی وچ رہن لئی آکھیا ۔ خُدا نئیں چاؤہنداپئی اسیں اپنی ای راستبازی اُتے فخر کرئیے ۔ خُداچاؤہندااے پئی اسیں یسوع دے بپتسمے تے صلیبی لہو اُتے ایمان لیائیے ۔
مسیحیت ایس جگ وچ لوکاں دے بنائے ہوئے دین وانگر نئیں ہیگی اے ۔ مسیحیت دوجے جگ دے دین جویں پئی بُدھ مت وانگر نئیں ہیگی اے ،جنہوں اپنے آپ نوں خالص بناؤن لئی لگاتا ر دعاتے سجدیاں دی لوڑ ہیگی اے ۔ سانوں ایہو جیہا ایمان نئیں رکھنا چاہی دا : جگ دے دین بناؤن والیاں وانگر برکتاں پاؤن لئی دعاواں تے سجدے کرنا ۔ سانوں اوہدے کولوں برکت پاؤن لئی ہدیے تے درخواستاں دی تھاں اُتے خُدا دی راستبازی نوں جانن تے قبول کرن دی لوڑ ہیگی اے ،ایس لئی اوہ آپ ایہہ نعمتاں سانوں ایمان راہیں دینا چاؤہندااے ۔
جدوں اسیں یسوع دے یوحنا کولوں بپتسمہ لین تے اوہدے صلیبی لہو اُتے ایمان رکھیے تاں اسیں پاپاں توں مکتی پا لواں گے ۔ یسوع نے جگ دے پاپاں نوں چُک کے لَے جان لئی بپتسمہ لیا تاں پئی اِکو ای وار ہمیشہ لئی پاپاں نوں مکا دیوے ۔ ایس لئی ،اوہنوں اپنے بپتسمہ تے صلیبی موت نوں دُہران دی لوڑنئیں ہیگی اے ۔
عبرانیوں ۱۰ : ۱۸ دسدااے ، ” تے جدوں اوہناں دی معافی ہوگئی اے تا ں فیر
پاپ دی قربانی نئیں رہی ۔“ یسوع نے اِکو ای وار ساڈے پاپاں نوں اپنے اُتے چُک لیا تے خُدا دی راستبازی نوں پورا کیتا ۔ہُن ساڈا بپتسمہ تے مسیح دے لہو اُتے ایمان، خُدا نال ساڈے میل جول نوں ودھاؤندا اے ۔
پولُس ایس اُتے گل کردااے ، ” ایس لئی پاپ تہاڈے برباد ہون والے بدن وچ بادشاہی نہ کرے پئی تسیں اوہدی آساں دے پچھے چلو ۔“ (رومیوں ۶:۱۲)۔ اسیں یسوع مسیح نال حکومت کراں گے ، جیہڑا ساڈا خُداوند تے بادشاہواں دا بادشاہ ہیگا اے ۔ پاپ دی ہُن تہاڈے اُتے کوئی حکومت نئیں ہیگی اے ۔اوہ ویلا جدوں پاپ نے ساڈے اُتے حکومت کیتی سی ، لنگھ گیا اے ۔ سانوں پاپی ، لالچ یاں اپنی آساں پچھے نئیں چلنا چاہی دا ۔ اسیں ایناں ساریاں شیواں اُتے پوری طاقت نال فتح پا سکدے آں ،ایس لئی پئی خُدا نے سانوں اپنی کامل راستبازی دتی اے ۔
اپنے دل تے بدن خُدا دی راستبازی دے ہتھیار بنن لئی پیش کر دیوو
” تے اپنے ہڈھ پیر بدی دے ہتھیار بنن لئی پاپ دے حوالے نہ کرو سگوں اپنے آپ نوں مویاں وچوں جیونداجان کےخُدا دے حوالے کرو تے اپنے ہڈ ھ پیر راستبازی دے ہتھیار بنن لئی خُدا دے حوالے کرو۔ “(رومیوں ۶:۱۳)۔
پولُس پاپ دا مقابلہ کرن لئی تِن اکٹھے اصول دسدااے ۔ پہلاں تاں ایہہ پئی ، سانوں اپنے فناہ ہون والے بدن دیاں آساں پچھے نئیں لگنا چاہی دا ۔ سانوں ایناں آساں نوں چھڈ دینا چاہی دا اے ۔ جیہڑیاں اسیں پچھلی حیاتی وچ پاؤن دی ہمت کردے رہے آں ۔ دوجا ، سانوں اپنے ہڈھ پیر بدی دے ہتھیار بنن لئی پاپ دے حوالے نئیں کرنے چاہی دے ۔لازمی ہیگا اے پئی اسیں اپنے ہتھیاراں مطلب اے اپنی چنگیاں کماں نوں بدی دے ہتھیا روانگر ورتے جان توں روکیے ۔ تیجا ، سانوں اپنے ہڈ ھ پیر خُدا دی راستبازی دے ہتھیا ر بنن لئی خُدا دے حوالے کرنے چاہی دے نیں ۔
یسوع اُتے ایمان لیاؤن توں پہلاں ، اسیں اپنے ہتھ ، پیر ،مونہہ تے اکھاں پاپ دے حوالے کیتے ہوئے سَن ۔ اسیں پاپ دے ہتھیار بنے رہے تے جتھے ایہنے سانوں لَے جانا چاہیا اسیں ایہدے پچھے ٹُر پئے ۔ پر لازمی ہیگا اے پئی ہُن اسیں اپنے ہڈاں پیراں نوں بدی دے ہتھیار بنن توں روکیے ۔ سانوں پاپ نوں کسے مقابلہ کرن توں بغیر ای سوکھے طریقے نال اپنے اُتے حکومت نئیں کرن دینی چاہی دی اے ۔ جدوں ساڈے اُتے پاپ دا اوکھا ویلا آوے ، تاں سانوں نال بول کے آکھنا چاہی دا اے ، ” اے گناہ ،یسوع نے تینوں برباد کر دتا اے ۔ “تے لازمی ہیگا پئی اسیں اقرار کرئیے پئی خُدا ساڈے سارے بدن دا مالک ہیگا اے ۔
زندگی نوں ایمان وچ بسرکرن لئی ، سانوں جو کُجھ کرنا چاہی دا اے تے جو کُجھ نئیں کرنا چاہی دا ،دونواں شیواں نوں اپنے ذہن وچ رکھنا چاہی دا اے ۔ لازمی ہیگا اے پئی اسیں اپنے ہڈھ پیر پاپ دے حوالے نئیں ، سگوں خُدا دے حوالے کرئیے ۔ جو کُجھ سانوں کرنا چاہی دا اے تے جو کُجھ نئیں کرنا چاہی دا،ایہہ گل بوہت خاص ہیگی اے ۔ جے اسیں خُدا دے حوالے کُجھ نئیں کردے ، تاں ایہدا مطلب اپنےآپ ایہہ ہووے گا پئی اسیں اپنے ہتھاں پیراں نوں پاپ دے حوالے کردے پئے آں ۔جویں پئی ، جے اسیں اپنا ویلا خُدا دے حوالے کر دیندے آں ، تاں پاپ دے حوالے کرن لئی ساڈے کول ویلا نئیں ہووے گا ۔ لازمی ہیگا اے پئی اسیں پاپ نال ویر تے خُدا دے خنوادے نال میل جول رکھیے ۔
خورے اسیں اتفاق نال ایہہ آکھیے ، ” میرے کول پاپ نوں ہراؤن لئی طاقت نئیں ہیگی اے ۔“ پرپولُس رومیوں ۶ : ۱۴ وچ سانوں دسدااے پئی سانوں بالکل ای اِنج نئیں سوچنا چاہی دا ، ” ایس لئی پاپ دی تہاڈے اُتے کوئی حکومت نہ ہووے گی ایس لئی پئی تسیں شریعت ہیٹھاں نئیں سگوں فضل ہیٹھاں ہیگے او۔ “ جے اسیں حالے تیک پاپ دی غلامی وچ ہیگے آں ، تاں ایہہ گل پکی ہیگی اے پئی اسیں دوبارہ پاپ کرئیے ۔ پر جے اسیں خُدا دے فضل ہیٹھاں ہیگے آں ،تافیر ایہہ سانوں سنبھالے گا تے فتح دیوے گا ۔ ایس طرحاں زبور دا لکھاری دعا کردااے ، ” اپنے کلام وچ میری اَگوائی کر ۔ کوئی بدکاری میرے اُتے حکومت نہ کرے۔“ (زبور ۱۱۹:۱۳۳)۔
جدو ں تیک اسیں دھرتی اُتے ہیگے آں، پاپ سانوں اپنے راہواں اُتے لبھدا رہوے گا ۔ ایتھوں تیک پئی ساڈے ایس اقرار دے بعد وی پئی اسیں مسیح وچ موت دا مزہ چکھ لیا اے ، پاپ ساڈے اُتے حکومت کرن لئی سانوں ہراؤن دی ہمت کردا رہوے گا ۔ جے اسیں شریعت دے ہیٹھاں رہ کے اپنے آپ وچ راستباز بنن دی ہمت کردے آں ،تاں فیر اسیں پاپ دی غلامی توں چھُٹ نئیں سکدے ۔ پر سانوں اپنی عقل نال ایس کلام نوں سہنا اے پئی اسیں خُدا دی راستبازی اُتے ایمان لیاچُکے آں ۔ ایس لئی ، پاپ ساڈے اُتے حکومت نئیں بنا سکدا ۔ سانوں ایہہ جانن تے دوجیاں نوں دسن دی لوڑی ہیگی اے ۔
لازمی ہیگا اے پئی سارے خُدا دی راستبازی اُتے ایمان لیاؤن تے اپنے مونہوں ایہہ اقرار کرن
، ” ایس لئی راستبازی لئی ایمان لیاؤنا دلوں ہوندااے تے مکتی لئی اقرار مونہوں کیتا جاندا اے۔“ (رومیوں۱۰:۱۰)۔خُدا دی راستبازی اُتے دلو ں ایمان لیاؤنا تے اپنے مونہوں ایہدا اقرار کرنا ، اصل وچ بوہت خاص ہیگا اے ۔
ایس لئی ، پاپ جدوں وی کدی ساڈے اُتے بادشاہی کرن دی ہمت کرے — ہر ویلے غصہ ساڈے ذہناں اُتے فتح پاؤن لئی زور لاوے ، ہر واری نفس پرستی ، شہوت پرستی سانوں وگاڑن دا چارا کرے ،ساڈی حیاتیاں نوں چنگے بناؤن لئی لوبھ سانوں دوجیاں نوں دھوکہ دین لئی ، گلاں وچ لا کے سانوں پرکھے ، نفرت تے مندی سوچ ودھاوے ، ساڑ دل نوں پھساؤن دی ہمت کرے ، — تاں سانوں اِنج رولا پاؤنا اے پئی ، ” یسوع اینا ں سارے پاپاں نوں چُک کے لَے گیا اے !“ لازمی ہیگا اے پئی اسیں ایمان نال بلائیے ، ” اے پاپ !توں میرے اُتے بادشاہی نئیں کر سکدا ۔ خُدا اپنی راستبازی دے سبب ، مینوں میرے سارے پاپاں ، بربادی ، لعنت تے شیطان توں مکتی دے چُکیا اے ۔ “
ایس جملے ، ” اسیں خُدا وچ جیوندے آں “ دا مطلب ہیگا اے پئی اسیں راستبازی وچ جیوندے آں ایس لئی پئی اسیں اوہدی راستبازی اُتے ایمان لیاؤندے آں ۔ خُدا دی راستبازی اوہناں نوں جیہڑے یسوع دے بپتسمہ تے لہو اُتے ایمان لیاؤندے نیں، کامل بناؤندی اے۔ ایہو ای سبب ہیگا اے پئی اسیں پاپ ولوں مردے تے خُدا دی راستبازی وچ جیوندے کیتے جاندے آں ۔ اسیں خُدا دی راستبازی دے راہیں رُوحانی طریقے نال مویاں وچوں جیوں اُٹھے ساں ۔ ایس اقرار تے پچھان توں ودھ کے ہور کُجھ وی نئیں ہیگا اے ۔
پولُس نے آکھیا پئی جتھے پاپ بوہتا ہویا اوتھے فضل اوہدے توں وی بوہت چوکھا ہویا اے (رومیوں ۵:۲۰)۔ایس لئی لوکاں نیں اینوں غلط سمجھیا تےآکھیا پئی پاپ کردے رہنا چاہی دا اے ،تاں پئی فضل بوہتا ہو سکے ۔ پر پولُس نے اوہناں نوں غلط ثابت کیتا ۔ اوہدے بپتسمے تے لہو اُتے ایمان لیاؤن دے بعد وی بوہت سارے کم حالے باقی پیے نیں ۔ جگ دے پاپاں نیں سانوں گھیرا پایااے تے ساڈے دلاں اُتے بادشاہی کرن دا ٹِل لاؤن گے ۔
پر،جدوں کدی وی اِنج ہووے ، اسیں خُدا دی راستبازی اُتے بھروسہ رکھ سکدے تے اپنی کمی یاں بے یقینی اُتے ایمان دے راہیں فتح پا سکدے آں ۔ اسیں خُدا دے اوس پُتر وانگر رہ سکدے آں ، جیہدے توں اوہ بوہت خوش ہیگا اے ۔ ایس طرحاں دے ایمان نال ،اسیں پاپ ولوں مرن تے خُدا لئی جیوندے رہن دے لائق ہیگے ساں ۔ اسیں اپنی حیاتی دے باقی دیہاڑے ایس ایمان وچ تے خُدا دی راستبازی دی منادی وچ بسر کر سکدے آں تے اوہدی بادشاہی وچ ہمیشہ رہواں گے ،اک واری جدوں اسیں اوتھے اپڑاں گے ۔
رومیوں ۶:۲۳فرماؤندااے، ”ایس لئی پئی پاپ دا پھل موت ہیگی اے پر خُدا دی نعمت ساڈے خُداوند مسیح یسوع وچ ہمیش دی حیاتی ہیگی اے “ آمین ۔ جنہاں نیں مسیح نوں اپنا مکتی داتا منن دا اقرار کیتا اوہ اوہدے بپتسمے دی طاقت تے سولی والی سزا دے اثر اُتے ایمان لیاؤندے نیں ۔ آمین ۔
ہیلیلویاہ ! خُداوند دی وڈیائی ہووے !
Copyright © 2021 by The New Life Mission