Поради COVID-19 и прекъсването на международните пощенски услуги,
временно спрели сме служението на безплатни печатни книги.
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.
Молете се скоро тази пандемия да приключи и пощенските услуги да се възобновят.
مضمون 9: رومیوں (رومیوں دی کتاب اُتے تفسیر)
[14 باب] اک دوجے نوں نہ جانچو
رومیوں ۱۴ : ۱ دسدااے ،”ماڑے ایمان والے نوں اپنے وچ رلا تاں لوو پر شک شُبہے دیاں بحثاں لئی نئیں۔ “
پولُس نے روم دے پاک لوکاں نوں اک دوجے دے ایمان نوں نہ پرکھن یاں کیڑے کڈھن توں خبردار کیتا ، اوسے ویلے ،ایس لئی پئی اوتھے دونویں اوہ جیہڑے بوہت وفادارسن تے اوہ جیہڑے روم دی کلیسیا وچ اینے وفادار نئیں سن ہیگے سن ، اوہ اک دوجے دے ایمان وچوں کیڑے کڈھدے سن ۔ جے ایہہ تہاڈے نال ہووے، تاں تہانوں لازمی طور اُتے اک دوجے دے ایمان دی قدر کرنی چاہی دی اے تے خُدا دے خادماں دے خلاف ہر طرحاں دیاں کیڑے کڈھن والیاں مثالاں نوں مکاؤنا چاہی دا اے ۔ اپنے خادماں اُچیاں نوں کرنا تے ودھاؤنا ، خُدا دا کم ہیگا اے ،ساڈا نئیں ۔
ایتھوں تیک پئی خُدا دی کلیسیاوچ ، بوہت سارے مسئلے ایمانداراں وچ ہوندے نیں ۔ جے اسیں اوہناں دے ایمان ول دھیان کردے آں ، سانوں ایمان دیاں ساریاں قِسماں مل سکدیاں نیں ۔
کئی اپنی مکتی توں پہلوں شریعت دے قیدی سن تے ایس طرحاں ، اوہ حالے تیک اپنے پُرانے شرعی ایمان دی کرتوت رکھدے نیں۔
کئی مسیحی چُنے ہوئےکھانیاں نوں بوہت اہمیت دیندے نیں ۔ مثال دے طور اُتے ، ایہو جیہے لوک ایمان رکھدے نیں پئی اوہناں نوں لازمی طور اُتے سُور دا ماس نئیں کھانا چاہی دا ۔ دوجے ایمان رکھ سکدے نیں پئی اوہناں نوں کسے وی حالاں وچ ہوندیاں ہویاں لازمی طور اُتے سبت نوں پاک رکھنا چاہی دا اے ۔ پر سانوں لازمی طور اُتے ایناں فرقاں نوں خُدا دی راستبازی اُتے اپنے ایمان نال حل کرنا چاہی دا اے تے اک دوجے وچوں ایہو جیہے نکے معاملیاں دے سبب کیڑےنئیں کڈھنے چاہی دے ۔ ایہہ پولُس دی اوس گل دا خلاصہ اے ، جیہڑی اوہ کردا پیا سی ۔
پولُس باب ۱۴ وچ سکھاؤندا اے پئی سانوں اپنے نال رل کے کم کرن والے ایمانداراں دیاں کمیاں بارے کیڑے نئیں کڈھنے چاہی دے جے اوہ خُدا دی راستبازی اُتے ایمان رکھدے نیں ۔ کاہدے لئی نئیں ؟ بھاویں ماڑے ہیگے نیں ، تاں وی اوہ خُدا دی راستبازی اُتے ایمان رکھدے نیں ۔
پاک کتاب اوہناں دی قدرکردی اے جیہڑے خُدا دی راستبازی اُتے ایمان رکھن دے راہیں خُدا دے خاص لوکاں وانگر اپنے پاپاں توں چھڈائے گئے نیں ۔ جد پئی اوہ جیہڑے اک دوجے دیاں اکھاں وچ ادھورا پن ویکھ سکدے نیں ، خُدا نے ایس لئی اوہناں نوں دوجے ایمانداراں دے ایمان وچوں کیڑے نہ کڈھن دا حکم دتا اے ۔ ایس لئی پئی اوہ بھاویں بدن وچ ادھورے ہو سکدے نیں ، اوہ فیر وی ایمان رکھن دے راہیں خُدا دے پُتر بن گئے نیں ۔
ہر کسے دا ایمان اک دوجے توں فرق ا ے
آیتاں ۲ ۔ ۳ دسدیاں نیں ، ”اک دا یقین ہیگا اے پئی ہر شے کھانا جائز اے تے ماڑے ایمان والا ساگ پتے ای کھاندااے ۔ کھان والا اوہنوں جیہڑا نئیں کھاندا گیا گواتا نہ سمجھے تے جیہڑا نئیں کھاندا اوہ کھان والے اُتے توہمت نہ لاوے ایس لئی پئی خُدا نے اوہنوں پسند کر لیا اے ۔ “
خُدا دی راستبازی اُتے ایمان رکھن تے اوہدے پچھے چلن وچ ، خُدا دے خادماں وچکار فرق ہو سکدا اے ۔ مکتی اُتے ایمان اکو جیہا اے ، پر ایمان دی مقدار اوہدے کلام دے مطابق فرق ہو سکدی اے ۔
جے کوئی خُدا دی راستبازی دی خوشخبری اُتے ایمان رکھن دے راہیں نویں سریوں جمن توں پہلوں شرعی رہ چُکیا سی ، اوہنوں خُدا دی راستبازی اُتے پکا ایمان رکھن دے راہیں اپنی دلی راستبازی نوں چھڈن لئی ویلے دی لوڑ ہووے گی ۔ ایہہ لوک سبت نوں پاک منن بارے بوہت چوکھا شوق رکھدے نیں ، پر تہانوں اوہناں اُتے اُنگل نئیں چُکنی چاہی دے ، ایس لئی پئی ، اوہ وی خُدا دی راستبازی اُتے ایمان رکھدے نیں ۔
خُدا اوہناں دے ایمان توں خوش ہیگا اے جیہڑے اوہدی راستبازی نوں جان دے تے ایمان رکھدے نیں ۔ اوہنے اوہناں نوں اپنے لوک بنا لیا اے ۔ ایس لئی اوہ جیہڑے سچ مُچ خُدا دی راستبازی اُتے ایمان رکھدے نیں اوہناں نوں خُدا دی راستبازی نال اپنے نال دے ایمانداراں نوں ،اوہناں دے ایمان دے گھاٹے اُتے اُنگل چُکن توں ہٹ کے ،خوراک دین دی ہر سوکھی کوشش کرنی چاہی دی اے ۔
سانوں لازمی طور اُتے خُدا دے خادماں نوں نئیں جانچنا چاہی دا
آیت ۴ آکھدی اے ، ” تُوں کون ہونداایں جیہڑا دوجے دے نوکر اُتے توہمت لاؤندااے؟ اوہدا قائم رہنا یاں ڈِگ پینا اوہدے مالک دے سبب ای اے سگوں اوہ قائم ای کیتا جاوے گا ایس لئی پئی خُداوند اوہنوں قائم رکھن دی طاقت رکھدا اے ۔ “
سانوں لازمی طور اُتے خُدا دے خادماں نوں تے اوہناں دے ایمان نوں وی مننا چاہی دا اے ، جنہاں نوں خُدا نے پسند کیتا اے ۔ کیہ تُسیں جد پئی اپنی مسیحی حیاتیاں بسر کردے ہویاں خُدا دے خادماں اُتے توہمت لاؤندے تے اوہناں نوں جانچدے او ؟ فیر خُدا ایتھوں تیک پئی تہاڈے ایمان اُتے بوہتی توہمت لاوے گا ۔ جے تسیں اوہناں دے ایمان اُتے توہمت لاؤندے او، جنہاں نوں خُدا پسند کردا اے صرف ایس لئی پئی تُسیں اوہناں نوں پسندنئیں کردے ، تُسیں اپنے آپ نوں خُدا دی عدالت دی کُرسی اُتے بٹھاؤندے پئے او ،تے اوہدے خادماں نوں جانچدے پئے او ۔ ایہہ ٹھیک نئیں ہیگا ۔ سگوں ، تہانوں شکرگزاری نال پسند کرنا چاہی دا اے پئی ایتھوں تیک خُدا دےاوہناں خادماں نوں جنہاں نوں تُسیں نِند دے او ، تے خُدا دی راستبازی نوں اُچیاں کردے ہویاں اوہناں دی اگوائی دی تعمیل کرو ۔
خُدا نوں لازمی طور اُتے ساڈا ایمان پسند کرنا چاہی دا اے ۔ سانوں کھرا ایمان رکھنا چاہی دا اے جیہڑا خُدا دی پسند تے انعام نوں پوراکردااے ۔ ایس لئی پئی خُدا سانوں یسوع مسیح لئی اپنیاں حیاتیاں اوہدے نانویں لاؤن دی اجازت دے چُکیا اے ، اسیں اوہدی راستبازی لئی اوہدا شکر کردے آں ۔ سانوں لازمی طور اُتے اوہناں نوں پسند کرنا چاہی دا اے جنہاں نوں خُدا پسند کردا اے ، تے اوہناں نوں نِندنا چاہی دا اے جنہاں نوں خُدا نِنددا اے ۔ میَں آس رکھدا ہاں پئی تُسیں اپنی دلی راستبازی نوں اُچیاں کرن دی تھاں اُتے ، اوہدی راستبازی اُتے ایمان رکھن دے راہیں خُدا نوں جلال دیوو گے ۔ میَں آس رکھدا ہاں پئی خُدا تہاڈا ایمان پسندے کرے گا ۔ فیر تُسیں وی اوہدی راستبازی اُتے اپنے ایمان رکھن دے سبب اُچے کیتے جاوو گے ۔
جے اوہ وی خُدا دی راستبازی اُتے ایمان رکھن ۔۔۔
” کوئی تاں اک دیہاڑے نوں دوجے توں ودھیا جان دا اے تے کوئی ساریاں دیہاڑیاں نوں اکو جیہا جان دا اے ۔ہر کوئی اپنے دل وچ پکا یقین رکھے ۔ جیہڑ ا کسے دیہاڑے نوں من دا اے اوہ خُداوند لئی من دا اے تے جیہڑا کھاندااے اوہ خُداوند لئی کھاندااے ایس لئی پئی اوہ خُدا دا شکر کردا اے تے جیہڑا نئیں کھاندا اوہ وی خُداوند لئی نئیں کھاندا تے خُدا دا شکر کردااے ۔ “ (رومیوں ۱۴: ۵ ۔ ۶)۔
یہودیاں وچکار اوہ ہیگے سن جیہڑے مسیح اُتے پانی تے رُوح دی خوشخبری دے مالک ساڈے خُداوند اُتے ایمان رکھن دے راہیں مکتی یافتہ ہوئے سن ۔ اوہناں وچوں بوہت چوکھے ، بھاویں اوہ یسوع اُتے ایمان رکھدے سن، حالے تیک شریعت دے قیدی سن ۔ پر اوہ پہلوں ای خُدا دی راستبازی دے خادم سن ایس لئی پئی جو کجھ وی اوہناں نیں شریعت نوں قائم رکھن لئی کیتا ، اوہ اوہناں نیں خُدا دی راستبازی نوں ودھاؤن لئی کیتا ۔
ایس لئی پولُس نے آکھیا ، ” جیہڑے لوک شریعت دے ہیٹھاں ہیگے نیں اوہناں لئی میَں شریعت دے ہیٹھاں ہویا تاں پئی شریعت دے ہیٹھاں لگیاں نوں کھچ لیاواں ۔ بھاویں آپ شریعت دے ہیٹھاں نئیں ساں۔بے شرع لوکاں لئی بے شرع بنیا تاں پئی بے شرع لوکاں نوں کھچ لیاواں(بھاویں خُدا دے اگے بے شرع نئیں ساں سگوں مسیح دی شریعت دے ہیٹھاں ساں) “(۱ ۔کرنتھیوں ۹:۲۰ ۔ ۲۱)۔
سانوں لازمی طور اُتے نہ اوہناں ولوں دھیان ہٹاؤنا چاہی دا اے نہ اوہناں دا ایمان رد کرنا چاہی دا اے جیہڑے خُدا دی راستبازی اُتے ایمان رکھدے نیں ۔ جے اوہ خُدا دی راستبازی اُتے ایمان رکھدے تے اوہدی سیوا کردے نیں، سانوں لازمی طور اُتے اوہناں نوں خُدا دے خادماں وانگر مننا چاہی دا اے ۔
راستباز لوک خُداوند لئی جیوندے رہن گے
آیتاں ۷۔ ۹ دسدیاں نیں ، ”ایس لئی پئی ساڈے وچوں نہ کوئی اپنے لئی جیوندااے نہ کوئی اپنے لئی مردا اے ۔جے اسیں جیوندے آں تاں خُداوند لئی جیوندے آں تے جے مردے آں تاں خُداوند لئی مردے آں ، ایس لئی اسیں جیوئیے یاں مرئیے خُداوند دے ای آں ۔ ایس لئی پئی مسیح ایس لئی مویا تے جی اُٹھیا پئی مویاں تے جیوندیاں دونواں دا خُداوندہووے۔ “
اسیں مسیح نال جیوندے آں تے اوہدے نال مردے آں ایس لئی پئی اسیں اپنے سارے پاپاں توں مکتی پائی اے تے خوشخبری وچ وکھائی گئی خُدا دی راستبازی اُتے ایمان رکھن دے راہیں نویاں حیاتیاں پا چُکے آں ۔ ساریاں پُرانیاں شیواں مسیح وچ مک گئیاں نیں ،تے اسیں نویں مخلوق بن گئے آں ۔ خُدا دی راست بازی اُتے سچ مُچ ایمان رکھن دا سبب سچیائی نوں جاننا تے ایمان رکھنا اے پئی تُسیں مسیح دے ہیگے او ۔ ایس طرحاں ، اوہ جیہڑے خُدا دی راستبازی اُتے ایمان رکھدے نیں ، اوہناں نوں جگ نال ہور کوئی کم نئیں ہیگا تے ایہدی تھاں تے اوہ خُدا دے خادم بن گئے نیں ۔
جے تُسیں خُدادے خادم بن جاندے او ، تُسیں اوہنوں بوہت اُچیاں کروگے ، اوہدے نال محبت کروگے ، اوہدے جلال لئی جیوندے رہووگے ،تے تُسیں ایس طریقے نال اپنی حیاتیاں بسر کرن دی اجازت دین لئی اوہدے شکر گزار ہووگے ۔
کیہ تُسیں سچ مُچ مسیح نال رشتہ رکھدے او ؟ اوہ جیہڑے پانی تے رُوح دی خوشخبری اُتے ایمان رکھدے نیں ، مسیح نال سولی اُتے مر گئے نیں تے اوہد ے نال حیاتی وچ واپس لیائے گئے سن ۔ بھاویں اسیں جیوندے آں یاں مردے آں،اسیں خُدا دی راستبازی دے راہیں مسیح نال رشتہ رکھدے آں۔ خُداوند مکتی یافتہ دا مالک بن گیا اے ۔
سانوں اپنے نال دے ایمانداراں نوں نئیں جانچنا چاہی دا
آیتاں ۱۰ : ۱۲ وچ اِنج لکھیا ہویا اے ،”پر تُوں اپنے بھرا اُتے کاہدے لئی توہمت لاؤند اایں ؟یاں تُوں وی کاہدے لئی اپنے بھرا نوں گیاگواتا سمجھدا ایں ؟ اسیں تاں سارے خُدا دے انصاف دے تخت دے اگے کھلوواں گے ۔ ایس لئی لکھیا اے پئی خُداوند فرماؤندااے مینوں اپنی حیاتی دی سونہہ ساریاں دے گوڈے میرے اگے نیویں ہون گے تے ہر جیبھ خُدا دا اقرار کرے گی ۔ ایس لئی ساڈے وچوں ہر کوئی خُدا نوں اپنا حساب دیوےگا۔ “
ایس لئی پئی مسیح ساڈا خُدا جیوندااے ، اسیں اک دیہاڑے اوہدے اگے متھاں ٹیکاں گے تے ہر شے دا اقرار کراں گے ۔ ایس لئی سانوں لازمی طور اُتے عدالت دی کُرسی اُتے نئیں بہناں چاہی دا تے اپنے بھراواں تے بھیناں نوں نئیں جانچنا چاہی دا ، سگوں پاکیزگی نال خُدا دے اگے کھلوئیے ۔ اوہدی کلیسیا وچ اک دوجے نوں جانچن تے توہمت لاؤن توں بوہتا خُدادی مرضی لئی جیوندے رہنا بوہت چوکھا خاص ہیگا اے ۔ جے اسیں اپنے بھراواں تے بھیناں دیاں کمیاں نوں جانچدے تے توہمت لاؤندے آں ، اسیں اپنی دلی کمیاں لئی خُدادے اگے جانچے جاواں گے ۔ ایس لئی سانوں لازمی طور اُتے سوچنا چاہی دا اے پئی رَل کے اوہدی کلیسیا وچ ، خُدا دی مرضی لئی جیوندے رہنا کناں چنگا اے ۔
کھرا ایمان نال دے ایمانداراں نوں سکون دیندا اے تے خُدا دی راستبازی پچھے چلاؤندااے ۔یاد رکھو پئی جھوٹا ایمان خُدا دی راستبازی نوں چھڈ دیوے گا تے صرف اپنی دلی راستبازی بناؤندااے ۔ تہاڈے بارے وچ کیہ خیال اے ؟ کیہ تُسیں ایمان نال خُدا دی راستبازی پچھے چلدے پئے او ؟ یاں کیہ تُسیں اپنی دلی تے بدنی راستبازی پچھے چلدے پئے او ؟
سانوں لازمی طور اُتے دوجیاں دے ایمان دی تعریف کرنی چاہی دا اے
آیتاں ۱۳ ۔ ۱۴ ،” ایس لئی آؤن والے دناں وچ اسیں اک دوجے اُتے توہمت نہ
لائیے سگوں تُسیں ایہو ای پک کرلووپئی کوئی اپنے بھرا دے اگے اوہ شے نہ رکھے جیہڑی اوہدے ٹھوکر کھان یاں ڈگن دا سبب ہووے ۔ مینوں پتہ ہیگا اے سگوں خُداوند یسوع وچ میرا یقین ہیگا اے پئی کوئی شے اپنے آپ حرام نئیں پر جیہڑا اوہنوں حرام سمجھدا اے اوہدے لئی حرام اے۔ “
ایس لئی پئی اوہناں وچکار ایمان دی مقدار وچ فرق ہیگا اے جیہڑے خُدا دی راستبازی اُتے ایمان رکھدے نیں ، سانوں اک دوجے دی تعریف کرن دے راہیں اک دوجے دے ایمان نوں ودھاؤن لئی کم کرنا چاہی دا اے ۔ ایہہ خُدا دی راستبازی اُتے ایمان رکھن والیاں نوں ترقی دیندااے ۔ جے اسیں سچ مُچ خُدا تے اوہدی راستبازی لئی جیوندے آں ، اسیں سارے اوہدے لوک ہیگے آں ۔
جے تُسیں ایہو جیہے مسیحی اوجیہڑے خُدا دی راستبازی اُتے ایمان رکھدے نیں ، تُسیں خُدا دے کلام اُتے اپنے ایمان نال ہر کم کر سکدے او ۔ جے تُسیں نئیں کر سکدے ، تاں ایہدا مطلب ہیگا اے پئی تُسیں خُدا دی راستبازی دے نال اپنی دلی راستبازی پچھے چلدے پئے او ۔ خُدا دی راستبازی وچ اپنی دلی راستبازی پچھے چلنا جگ پچھے چلن تے غلط ایمان رکھن وانگر اے ۔
اوہ جیہڑے اپنی دلی راستبازی لبھدے نیں، بھاویں مکتی یافتہ نیں خُدا دی راستبازی اُتے ایمان رکھن دے راہیں خُدا دے ویریاں وانگر جیوندے پئے نیں ۔ خُدا اوہناں توں چاؤہندااے جیہڑے اوہدی راستبازی اُتے ایمان رکھن دے راہیں مکتی یافتہ ہیگے نیں پئی اپنیاں ساریاں حیاتیاں وچ اوہدی راستبازی پچھے چلدے رہن ۔
محبت نال چلو
آیتاں ۱۵ ۔ ۱۸ آکھدیاں نیں ، ”جے تیرا بھرا تیرے کھان نال دکھی ہوندااے تاں فیر تُوں محبت دے طریقے اُتے نئیں چلدا ۔ جیہڑے بندے لئی مسیح مویا اوہنوں توں اپنے کھانےنال برباد نہ کر ۔انج تہاڈی نیکی دی بدنامی نہ ہووے ۔ ایس لئی پئی خُدا دی بادشاہی کھان پین اُتے نئیں سگوں راستبازی تے میل جول تے اوس خوشی اُتے قائم ہیگی اے جیہڑی پاک رُوح ولوں ہوندی اے ۔ تے جیہڑا کوئی ایس طریقے نال مسیح دی سیوا کردا اے اوہ خُدا دا پسند کیتا ہویا تے بندیاں نوں چنگا لگدااے ۔ “
اوہ جیہڑے خُدا دی راستبازی اُتے ایمان رکھن دے راہیں مکتی یافتہ ہوگئے نیں تے اوہنوں ودھاؤن لئی جیوندے نیں کھان لئی اوہدے لوکاں نوں بے عزت نئیں کردے ۔ اسیں کئی واری ونڈن تے محبت وچ میل جول رکھن لئی کھانا لیاؤندے آں ۔ پر پولُس سانوں غریب بھراواں تے بھیناں نوں کڈھن دے خلاف خبردار کردا پیا اے تے صرف امیراں دے وچکار ونڈنا ، ایس لئی پئی ایہہ ساڈے نال دے مسیحیاں نوں ٹھیڈا لوا سکدا اے ۔
برکتاں جیہڑیاں خُدا نے اوہناں اُتے ورسائیاں نیں جیہڑے اوہدی راستبازی اُتے ایمان رکھدے نیں سانوں خُدا دی راستبازی دے پچھے چلن دی اجازت دیندیاں پئیاں نیں ، پانی تے رُوح دی خوشخبری دے راہیں دتا گیا ساڈا دلی سکون تے رَل کے خُداوند دی سیوا دے لائق ہونا ، اک دوجے نال خوشی وچ ونڈنا جیہڑی اوہنے سانوں دتی اے ۔ اوہ جیہڑے امیرہیگے نیں اوہناں نوں ایس لئی احساس کرنا چاہی دا اے پئی اوہناں دی ساری امیری خُداولوں ہیگی اے ،تے اوہناں نوں دوجیاں نال خوشخبری دی سیوا کرن تے رَل کے خُدا دی راستبازی دے پچھے چلن لئی ونڈنا چاہی دا ۔ خُدا اوہناں توں خوش ہیگا اے تے محبت کردا اے جیہڑے ایہو جیہاں حیاتیاں بسر کردے نیں ۔
دوجیاں دی ترقی لبھو
آیتاں ۱۹ : ۲۱ آکھدیاں نیں ، ” ایس لئی اسیں اوہناں گلاں دے طالب رہیے جنہاں نال میل ملاپ تے ساریاں دی ترقی ہووے ۔ کھان لئی خُدا دے کم نوں نہ وگاڑ۔ ہر شے پاک تاں ہیگی اے پر اوس بندے لئی بھیڑی اے جنہوں اوہدے کھان نال ٹھیدا لگدااے ۔ ایہو ای چنگا اے پئی تُوں نہ گوشت کھاویں نہ مَے پیویں ۔ نہ ہور کُجھ ایس طرحاں داکریں جیہدے سبب توں تیرا بھرا ٹھیڈا کھاوے۔ “
پہلے ویلیاں وچ، ایہو جیہے پُرانے شہراں وچ روم تے کرنتھس وچ، لوک کھانا ویچدے سن جیہڑا
اک واری بُتاں دی قربانی وانگر چڑھایا جاندا سی ۔ خُدا دی راستبازی اُتے ایمان رکھن والے کئی ایماندار ایہو جیہے گوشت نوں مُل لیندے تے اوہنوں کھاندے سن ۔ فیر، نال دے ایمانداراں وچوں کئی جیہڑے خُدا دی کلیسیا وچ گھٹ ایمان والے سن ، اوہناں نیں سوچیا پئی ایہو جیہا گوشت کھانا پاپ سی ۔ ایس لئی پولُس نے آکھیا ، ”کھان لئی خُدا دے کم نوں نہ وگاڑ۔“(آیت ۲۰)۔
اِنج ای مَے اُتے لاگُو ہونداسی ۔ کئی ایماندار سن جیہڑے پین دے بارے وچ بوہتی فکر نئیں کردے سن ۔ پرپولُس نے نصیحت کیتی پئی جے ایہو جیہے روّیاں نال اوہناں دے نال دے ایمانداراں دا ایمان گھٹ کرنا سی ، اوہناں لئی اپنے نال دے ایمانداراں نوں اپنے پین نال پھٹ لاؤن نوں روکنا ای چنگا ہووے گا۔ اِنج ساڈے وچکار وی ہوندااے ۔ ایس لئی سانوں لازمی طور اُتے اپنیاں مسیحی حیاتیاں ایس طریقے نال بسر کرنیاں چاہی دیاں نیں جیہڑیاں دوجیاں دی عزت کردیاں نیں تے خُدا دی راستبازی لبھدیاں نیں ۔ اج کل کھان دے ورتن بارے معاملے اُٹھ سکدے نیں جویں پیو دادیاں نال ہوئے ۔ تے اوہناں لئی جیہڑے ایمان وچ گھٹ نیں ، ایس طرحاں دا کھانا نہ کھانا ای چنگا اے ۔
خُدا دی راستبازی اُتے ایمان رکھو
آیت ۲۲۔۲۳ دسدی اے ، ” جیہڑا تیرا یقین اے اوہ خُدا دی نگاہ وچ تیرے ای دل وچ رہوے۔ مبارک اوہ ہیگا اے جیہڑا ایس شے دے سبب توں جنہوں اوہ جائز سمجھدااے اپنے آپ نوں قصوروار نئیں بناؤندا ۔پر جیہڑا وی کسے شے وچ شک رکھدااے جے اوہنوں کھاوے تاں قصوروار بن دا اے۔ایس لئی پئی اوہ یقین نال نئیں کھاندا تے جو کجھ وی یقین نال نئیں اوہ پاپ ہیگا اے ۔ “
اوہ جیہڑےخُدا دی راستبازی اُتے ایمان رکھدے نیں ایہو جیہے لوک نیں جیہڑے ٹھیک ایمان رکھدے نیں ۔ خُدا دی راستبازی اُتے ایمان خُدا دا دتا ہویا ایمان اے جیہڑے ساڈے سارے پاپاں نوں مکاؤندا اے ۔ ایس لئی مسیحیاں نوں لازمی طور اُتے خُدا دی راستبازی اُتے ایمان رکھنا چاہی دا اے تے اوہدی راستبازی اُتے اپنے ایمان دا پورا یقین رکھنا چاہی دا اے ۔
پاک کتاب سانوں دسدی اے پئی اوہدی راستبازی اُتے ایمان رکھیوں اڈ خُدا پچھے چلنا پاپ اے ۔ کوئی وی کم جیہڑاایمان توں اڈ کیتا گیا ہووے پاپ اے ۔ ایس گل نوں جاننا پئی ہر کم خُدا دی راستبازی اُتے ایمان رکھن توں اڈ کیتا گیا سی پاپ اے ، سانوں لازمی طور اُتے اوہدی راستبازی اُتے بوہتا ایمان رکھنا چاہی دا اے ۔
پاک کتاب آکھدی اے ، ” پر جیہڑا وی کسے شے وچ شک رکھدااے جے اوہنوں کھاوے تاں قصوروار بن دا ۔ “ہر شے پاک اے جے تُسیں خُدا دی راستبازی اُتے ایمان رکھ کے کھاندے او، ایس لئی پئی خُدا نے ہر رُکھ تے پسُو نوں پیدا کیتا ۔
سانوں لازمی طور اُتے سمجھنا چاہی دا اے پئی ساڈے لئی خُدا دی راستبازی نوں جاننا تے اوہدے اُتے ایمان رکھنا صرف بوہت خاص اے ۔ سانوں لازمی طور اُتے اپنے نال نویں سریوں جمے ہوئے ایمانداراں دی وی تعریف کرنا چاہی دا اے تے اوہناں دے ایمان دی عزت کرنی چاہی دی اے ۔
Copyright © 2021 by The New Life Mission