Поради COVID-19 и прекъсването на международните пощенски услуги,
временно спрели сме служението на безплатни печатни книги.
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.
Молете се скоро тази пандемия да приключи и пощенските услуги да се възобновят.
Тема 2: Светият Дух
-
2-1. በኢየሱስ አምናለሁ፤ ፍጹም የሆነ የሐጢያት ስርየትም እንተቀበልሁ አስባለሁ፡፡ መንፈስ ቅዱስ በውስጤ እንዳለም አምናለሁ፡፡ የዳነ ሰው የእግዚአብሄር መቅደስ እንደሆነ አምናለሁ፡፡ ሁልጊዜ በተሳሳትሁና ሐጢያትን ባደረግሁ ጊዜም በውስጤ ያለው መንፈስ እኔን በመክሰስና ይቅርታን ለማግኘትም ሐጢያቴን እንድናዘዝ በማገዝ ከእግዚአብሄር ጋር ያለኝን ግንኙነት በአዲስ መልክ ይመልሳል፡፡ ይህንን ካላደረግሁ እግዚአብሄር እንደሚቀጣኝ ተማርሁ፡፡ ሐጢያቶቻችንን ካልተናዘዝንና ለእነርሱም ይቅርታን ካላገኘን መንፈስ ቅዱስ ለጊዜው በውስጣችን የማይኖር መሆኑ በእርግጥም እውነት ነውን?
-
2-2. እርሱ ወይም እርስዋ በውሃውና በመንፈሱ ወንጌል ቢያምኑ መንፈስ ቅዱስ ሁሌም ዳግም በተወለደው ግለሰብ ውስጥ ይኖራል ወይስ መንፈስ ቅዱስ በእነርሱ ዙሪያ እያንዣበበ እርዳታን በሚጠይቁበት ጊዜ ሁ ወደ እነርሱ ይገባል?
-
2-3. ወላጆቼ ከመጋባታቸውም በፊት እንኳን ዳግም የተወለዱ ክርስቲያኖች እንደነበሩ ሙጭጭ አሉ፡፡ በተጨማሪም እኔም ከውልደቴ ጀምሮ ሐይማኖታዊ ሕይወትን መርቻለሁ፡፡ መንፈስ ቅዱስ ከተወለድሁበት ጊዜ ጀምሮ በውስጤ እንደነበር አሰብሁ፡፡ ሆኖም ስለ ዘለቄታዊው መንፈስ ቅዱስ መጽሐፍ ቅዱሳዊ እውቀት ስላልነበረኝ በጣም ግራ ተጋባሁ፡፡ መንፈስ ቅዱስ በእርግጥ በአንድ ግለሰብ ላይ የሚመጣው ከውሃና ከመንፈስ ዳግም ሲወለድ ብቻ ነውን?
-
2-4. መንፈስ ቅዱስ በየቀኑ እንደሚናገረን አስባለሁ፡፡ በጥንቷ ቤተክርስስቲያን ዘመንም እንኳን የኢየሱስ ደቀ መዛሙርት ብዙ ተዓምራቶችን አደረጉ፡፡ በዚያን ዘመን የሰራው መንፈስ ቅዱስ ዛሬም በተመሳሳይ መንገድ እንደሚሰራ አስባለሁ፡፡ ስለዚህ ብዙ የእግዚአብሄር ሰዎች በኢየሱስ ስም ተአምራቶችን ያደርጋሉ፡፡ ለምሳሌ አጋንንቶችን ያስወጣሉ፤ ወይም በሽታዎችን ይፈውሳሉ፤ ሰዎችን ወደ ኢየሱስ በመመለስ ላይ ያነጣጠሩ ሌሎች ሥራዎችን ይሰራሉ፡፡ እነዚህ ሥራዎች የተሰሩት በመንፈስ ቅዱስ አማካይነት እንደሆነ አስባለሁ፡፡ ይህ እውነት ካልሆነ በጥንቷ ቤተክርስቲያን ዘመን በብርቱ በሰራው መንፈስ ቅዱስና ዛሬ ተአምራቶችን በሚያደርገው መንፈስ ቅዱስ መካከል ያለው ልዩነት ምንድነው? እግዚአብሄር ትናንት ዛሬም ለዘላለምም ሁሌም ያው አይደለምን?
-
2-5. መንፈስ ቅዱስ በዚህ ዘመን የሚሰራው ምንድነው?
-
2-6. በልሳን መናገር ለዘለቄታዊው መንፈስ ቅዱስ መኖር ማረጋገጫ አይደለምን? እንዲህ ካልሆነ መንፈስ ቅዱስ በውስጣችን መኖሩን በምን እናውቃለን?
-
2-7. የኢየሱስ ደቀ መዛሙርት መንፈስ ቅዱስን የተቀበሉት በሐጢያት ይቅርታ አማካይነት ከሐጢያቶቻቸው ስለዳኑ ነው ወይስ ይህ የሐጢያት ይቅርታን በማይመለከት ሁኔታ የተነጠለ ልምምድ ነበር?
-
2-8. የመንፈስ ቅዱስን ጥምቀት መቀበል ማለት ምን ማለት ነው?
-
2-9. መንፈስ ቅዱስ በብሉይና በአዲስ ኪዳናት ውስጥ እንዴት የተለያየ ሆኖ ይገለጣል?
-
2-10. ሐኪሙ የጨጓራ ካንሰር እንዳለብኝ ከነገረኝ በኋላ ብዙ የሐዘን ቀኖችን አሳለፍሁ፡፡ አንድ ቀን አንድ ክርስቲያን የሆነ ጓደኛዬ ጎበኘኝና በእርሱ ቤተክርስቲያን ውስጥ የሚደረገውን የመነቃቃት ስብሰባ የሚካፈል ማንኛውም ሰው ከማንኛውም አይነት በሽታ እንደሚፈወስ ነገረኝ፡፡ በዚያን ጊዜ በእግዚአብሄር መኖር ለማላምነው ለእኔ በሽታ በእግዚአብሄር ሐይል የመፈወሱ ነገር ለማመን የሚከብድ ነበር፡፡ በስብሰባው የመጨረሻው ቀን የእጆችን መጫን ለመቀበል ሁሉም ሰው ወደ አገልጋዩ ቀረበ፡፡ እጆቹን በእኔ ላይ በጫነብኝ ጊዜ አንዳንድ የማይስተዋሉ ቃሎችን እንድደጋግም ነገረኝና በኢየሱስ ክርስቶስ የፈውስ ሐይል አምን እንደሆነ ጠየቀኝ፡፡ በልቤ በትክክል ባላምንም ደነገጥሁና አዎ ብዬ መለስሁ፡፡ በዚያው ቅጽበት ልክ እንደ ኤሌክትሪክ ያለ ሙቀት በውስጥ ሲፈስስ ተሰማኝ፡፡ መላው ሰውነቴ ሲንቀጠቀጥ ይሰማኛል፡፡ ካንሰሬም እንደተፈወሰ ታወቀኝ፡፡ እዚያው እያለሁ በጌታ ለማመን ወሰንሁ፤ ከዚያ በኋላ ታላቅ ሐሴትና ሰላም በልቤ ውስጥ ገባ፡፡ አዲስ ሕይወትም ጀመርሁ፡፡ ራሴንም ለወንጌል ስርጭት ቀደስሁ፡፡ መንፈስ ቅዱስ እነዚህን ነገሮች ሁሉ እንዳደረገ አስባለሁ፤ እርሱ በውስጤ እንደሚኖርም አምናለሁ፡፡ አንተም ስለ መንፈስ ቅዱስ በዚህ መንገድ አታስብምን?
Copyright © 2021 by The New Life Mission