Search
Български
Български
Поради COVID-19 и прекъсването на международните пощенски услуги,
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.

ЧЗВ за Християнската Вяра

Тема 1: Новорождението от водата и Духа

1-26. کیہ تُسیں میرے لئی پانی تے رُوح دی خوشخبری دی وضاحت کرسکدے او؟

جے اَسیں کدائیں اپنی سوئی گنوادِتی اے،تے اَسیں اوہنوں اوسے تھاں اُتے لبھن دی کوشش کراں گے جِتھے اوہ ساڈے کولوں گواچی سی ۔ پر،اوہنوں گھر دے اندر ایویں ایس بنیاد تے لبھن دی کوشش کرنا بوہت بیوقوفی دی گل لگدی اے پئی اندر چانن اے۔میَں اَج دِیاں کلیسیاواں وِچ کُجھ اجیہے بیوقوف لوکاں نُوں ویکھدا آں ۔بھاویں اوہ ایمانداراں دے بپتسمہ دے بارے بائبل مقدّس دے نہ ختم ہون والیاں  بحثاں وِچ پئے ہوئےنیں ،تے پراوہ اَپنے آپ توں کدی ایس خاص سوال دے بارے نہیں پُچھدے، ”  کیوں یسوُع نے یوحنا اصطباغی کولوں بپتسمہ لیا سی ؟ “ ایس رویّے دے سامنے ،اَج دے مسیِحی طبقیاں وِچ بوہت سارے فِرقے تے تنظیِماں بن دِیاں جاندیاں نیں ۔
اوہناں نہ ختم ہون والیاں بحثاں نُوں ختم کرن لئی سانُوں ایس ویران تھاں  وِچوں خُود نُوں  باہر
کڈھنا چاہی دااے تے او س تھاں واپس جانا چاہی دا اےجِتھے ساڈی سوئی گواچی سی ۔ جے اَسیں ایمانداری نال سچیائی نُوں پاؤنا چاہندے آں تے سانُوں روائتی گلاں نُوں چھڈنا چاہی دااے ایس لئی پئی اَسیں اوہنوں مذہب دے دائرے وِچ لبھ نئیں سکدے ۔ رسوُلاں نے کیوں یسوُع مسیِح دے بپتسمہ اُتے بوہت زیادہ زوردِتا؟ایہہ پانی تے رُوح دی خوشخبری  دا بھیت اے جیہڑا اوہناں نے یسوُع کولوں حاصل کیتا ،پوری دُنیا وِچ اوہدی منادی کیتی ۔
یسوُع نے فرمایا، ” میَں تینوں سچ آکھدا آں جد تیکر کوئی بشر پانی تے رُوح دے نال نویں سِرے توں پیدا نہ ہووے ،اوہ خُدا دی بادشاہی وِچ داخل نئیں ہوسکدا۔“ (یوحنا۳:۵)۔ کلامِ مقدّس سانُوں دسدااے پئی یسوُع سانُوں ساڈے سارے پاپاں توں بچان لئی پانی تے خون دے راہیں آیا(۱۔یوحنا۵:۶)۔خون توں مُراد صلیب اُتے اوہدی موت اے ۔ فیر تُہاڈے نیڑے ’پانی‘ توں کیہ مُراداے ؟ یسوُع نے کیوں یوحنا اصطباغی کولوں بپتسمہ لیا؟ اوہنےکیوں اعلانیہ طورتے اپنے بپتسمہ دے ویلے بالکل اپنے بپتسمہ توں پہلے آکھیا، ” ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا مناسب  اے۔ “ (متی ۳:۱۵)۔
میَں سچے دِل نال اُمید کرداآں پئی تُسیں پانی تے رُوح دی خوشخبری نُوں سمجھو تے ایمان رکھو ، خاص طورتے یسوُع دے بپتسمہ نُوں سمجھو۔ ایتھے پانی تے رُوح دی خوشخبری اُتے کُجھ مختصر وضاحتاں نیں جیہڑیاں اوہنے اپنے چیلیاں نُوں دِتیاں۔ رسوُلاں نے خوشخبری دی منادی کردے ہویاں یسوُع دے بپتسمہ اُتے سب توں بوہتا زوردِتا ۔ پولُس رسوُل نے آکھیا ،  ” ایس  لئی  میَں تُہانوں سب توں پہلاں اوہو گل پہنچادِتی جیہڑی میرے تیک اَپڑی سی پئی مسیِح کتاب  ِ مقدّس دے  مطابق  ساڈے  پاپاں لئی مویا۔تے دفن ہویا تے تیجے دِن کتاب ِ مقدّس دے مطابق جی اُٹھیا۔“ (۱۔کرنتھیوں ۱۵:۳۔۴)۔
ایہدےتو ں کیہ مُراد اے ،  ” مسیِح کتاب ِ مقدّس دے مطابق ساڈے پاپاں لئی مویا؟  “ ایہدامطلب اےپئی اوہدی موت نے پُرانے عہد نامہ وِچ خُدادےبخشے ہوئے طریقے دے مطابق ساڈےپاپاں دا کفّارہ دِتا ۔ اوہ پُرانے عہد نامہ دے مکاشفہ تے اپنے عہد دے مطابق ساڈے لئی مویا۔ عبرانیوں ۱۰:۱ وِچ لِکھیا اے ، ” کیوں جے شریعت جیہدے وِچ آن والیاں چنگیاں شیَواں داپرچھاواں ایں ۔“ آؤ احبار ۱:۳۔۵وِچ خاص قربانی اُتے غور کریے۔ اِک پاپی نُوں اپنے پاپاں دے کفّارے لئی سوختنی قربانی چڑھاندے ہویاں تِن شرطاں پوریاں کرنیاں چاہی دِیاں نیں۔
۱)اوہنوں بے عیب قربانی چڑھانی پیندی (احبار ۱:۳)
۲)اوہنوں قربانی دے سِر اُتے اپنے ہتھ رکھنے پیندے سن(احبار ۱:۴)۔ایتھے سانُوں ، خُدادی شریعت نُوں واضح کرنا چاہی دا اے :قربانی دے پسُو دے سِر اُتےاپنے ہتھ رکھنا اپنے پاپ اوہدے اُتے لدنا خُدا دی شریعت سی ۔
۳)اوہ اپنے پاپ دا کفّارہ دین لئی اوہنوں ذبح کردا(احبار ۱:۵)۔
یومِ کفّارہ اُتے ہارون اپنے دونویں ہتھ زندہ بکرے دے سِر اُتے رکھداتےاوہدے اُتے بنی اِسرائیل دِیاں ساریاں بدکاریاں تےخطاواں دااِقرار کردا ،یعنی جیہڑیاں اوہناں دے سارے پاپاں دے بارے سَن ۔ تے اوہناں دے سارے پاپاں نُوں بکرے دے سر اُتے لد دیندا (احبار ۱۶:۲۱)۔اوس ویلے ، ہارون اِسرائیل دانمائندہ سی۔ اوہ کَلّا بکرے دے سِراُتے اپنے ہتھ رکھداسی، پربنی اِسرائیل دے (گھٹوگھٹ۲۰ توں ۳۰لکھ) لوکاں دے سالانہ پاپ اوہدے اُتے لد دینداسی ۔ پُرانے عہد نامہ دی قربانی آن والیا ں چنگیاں شیَواں دا پرچھاواں سی ۔ یسوُع سانُوں کلام دے مطابق مقدّس کرن لئی خُود خُدا دی مرضی دے مطابق قربان ہوگیا ۔
سب توں پہلاں، یسوُع خُدادے بے عیب برّے دے طورتے اِنساناں وانگر جِسم وِچ آیا۔ اوہ خُدا دا کَلّاکاراپُتر اے تے  ” اوہدے جلال داپرچھاواں  اے “ (عبرانیوں ۱:۳)۔ اوہ پہلاں  دے  دستور وانگر، ساری اِنسانی پیِڑھی دے پاپ دی قربانی چڑھان لئی مناسب اے۔
دُوجی گل، یسوُع نے یردن وِچ یوحنا اصطباغی  کولوں  بپتسمہ  لیا۔ ”ہتھ  رکھن“ دی  صورت  وِچ بپتسمہ دِتا جاندااے تے یوحنا اصطباغی ہارون دی پیِڑھی وِچوں تے ساری اِنسان ذات دا نمائندہ اے ۔ جد یوحنا نے یسوُع مسیِح دے سر اُتے اپنے ہتھ رکھے تے خُداوند دی شریعت دے مطابق دُنیا دے سارے پاپ اوہدے تے لد دِتے گئے ۔جِنہوں خُدا نے مقرر کیتا سی ۔یسوُع نےیوحنا نُوں آکھیا ، ” ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا مناسب اے۔“تے اوہنے اوہنوں بپتسمہ دِتا ۔بالآخر ساڈے سارے پاپ اوہدے تے لد دِتے ۔یوحنا یسوُع نُوں بپتسمہ دین دے اگلے دِن خوشی نا ل چِلّایا، ” ویکھو! ایہہ خُدا دا برّہ اے جیہڑا دُنیا دا پاپ چُکی لے جاندا اے۔ “ (یوحنا۱:۲۹)۔ 
تیجی گل، یسوُع نے ایہہ آکھ کے صلیب اُتے ساڈے پاپاں دی معافی لئی اپنی جان قربان کردِتی ،پئی  ” تمام ہویا! “ (یوحنا ۱۹:۳۰)اوہ سانُوں خُدا دے حضُور راستباز ٹھہران لئی مویاں وِچوں دُوبارہ جی اُٹھیا۔یاد رکھو پاپ دی قربانی پاپ دی معافی لئی چڑھائی جاندی سی ۔اِک پاپی نُوں قربانی دے پسُو نُوں ذبح کرن توں پہلاں اوہدے سِرتے اپناہتھ رکھنا پیندا سَن ۔دُوجے لفظاں وِچ ،جے اوہ اِک وی گل تے عمل کرنا بھُل جاندا،قربانی دے پسُو دے سِر اُتے اپناہتھ نہ رکھدا،تے اوہ شریعت اُتے عمل نہ کرن دی وجہ توں رہائی حاصل نئیں کرسکدا سی ۔ جے اِک مسیِحی یسوُع دے بپتسمہ دے معنے توں ناواقف اے ، تے اجیہے شخص دے دِل وِچ لازمی طورتے پاپ موجود نیں تے اوہ ایویں اپنے ایمان دے سبب کدی  مکتی حاصل نئیں کر سکدا ۔
بوہت سارے مسیحی لوک صِرف یسوُع دی خدمت دے اَدھے حصے نُوں جان دے نیں ۔یوحنا رسوُل اپنے پہلے خط وِچ خوشخبری نُوں واضح کردااے :  ” ایہوای اے جیہڑا پانی تے خون دے راہیں آیا سی یعنی یسوُع مسیِح۔اوہ نہ صِرف پانی دے راہیں سگوں پانی تے خون دونواں دے راہیں آیا سی ۔تے جیہڑا گواہی دیندااے اوہ رُوح اے کیوں جے رُوح سچیائی اے۔ “ (۱۔یوحنا ۵:۶)۔بائبل مقدّس وِچ اجیہے بوہت سارے بیان پائے جاندے نیں جیہڑے ثابت کردے نیں پئی ساڈی مکتی لئی اوہدا بپتسمہ اوہدے راستبازی دے کم نُوں پورا کرن وِچ کِنّاں ضروری اے ۔ سارے مسیِحیاں نُوں پانی  تے  رُوح  دی  خوشخبری  وَل پَرتنا چاہی دا اے۔