Поради COVID-19 и прекъсването на международните пощенски услуги,
временно спрели сме служението на безплатни печатни книги.
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.
Молете се скоро тази пандемия да приключи и пощенските услуги да се възобновят.
Тема 3: Откровение
3-11. تُسیں آکھدے او پئی یسوع پاک لوکاں نوں چُکن لئی واپس آئے گا ، تے یعنی اوہ ایس زمین اُتے ایسے طرح ہر مجدون دی جنگ لڑن لئی اُترےگا ۔ کیہ تُسیں اوس ویلے آکھدے پئے او پئی خُداوند ایس زمین زمین اُتےدو واری اُترے گا ؟ ایہناں دو گلاں وچکار کیہ فرق اے ؟
یسوع دا پاک لوکاں نوں وَا وِچ چُکن لئی اسمانوں اُترنا تے اوہدا ہر مجدون دی جنگ نال ابلیس دی عدالت کرن دے سببوں زمین اُتے پرت آنا ، اک دوجے توں وکھرے نیں ۔
جد وڈے دکھ جرن دے پہلے ساڈھے تِن ورہے مک جان گے ، تاں مُخالفِ مسیح دے نکلن نال پاک لوکاں دی شہادت دےتھوڑے چر پِچھوں ، خُداونداسمانوں اُتر آئے گا ۔ ایس ویلے، پاک لوک جیہڑے اپنیاں قبراں وچ سوں گئے سن تے پاک لوک جیہڑے دکھ جرن وچوں بچ گئے نیں پشُو دا ٹھپہ لوان توں بغیر تے اپنے ایمان دی راکھی کرن دے راہیں جیوں اُٹھن گے تے اسمان ول چُکے جان گے ، تے وَا وِچ خُداوند نال ملن گے ۔ ایس ویلے توں اگانہہ ، پاک لوک سدا خُداوندنال رہن گے ۔ ایس ویلے خُداوند زمین اُتے نئیں اُترے گا ۔کیوں؟ ایس لئی پئی ست پیالیاں دیاں آفتاں جیہڑیاں شیطان تے مُخالفِ مسیح دی عدالت کرن گئیاں ایس زمین اُتے آؤن لئی حالے تیکر باقی نیں ۔
پولُس رسول نے سانوں ۱۔تھِسّلُنیکیوں۴: ۱۷وچ، اِنج دسیا ” فیر اسیں جیہڑے جیوندے باقی ہوواں گے ۔اوہناں دے نال بدلاں اُتے چُکے جاواں گے تاں جو وَا وِچ خُداونددی اگّوالی کرئیے ۔تے ایس طرح سداخُداونددے نال رہاں گے۔ “ پاک لوک جیہڑے مُخالفِ مسیح دے خلاف لڑے سن تے اپنے ایمان دی راکھی کردیاں ہویاں شہید ہوئے سن پہلی قیامت وچ شامل ہون گے ، وَا وِچ خُداوندنال ملن گے، یعنی ایس زمین اُتے نئیں ملن گے ، تے لیلے دےاسمانی ویاہ دے میل وچ شامل ہون گے ، جیہڑا اوہناں دا لاڑا بن گیا اے ۔
ایہدے پِچھوں ، خُدا اپنے فرشتیاں نوں خُدا دے غصے نال بھریاں ہویا ں ست پیالیاں دیاں آفتاں نوں ، جنہاں دی اوہ صبر نال دنیا بناؤن دے شروع توں اڈیک رکھ چُکیا سی، یعنی مخالفِ مسیح ، تے اوہدیاں چیلیاں تے ایس دنیا دے سارے پاپیاں اُتے جیہڑے حالےتیکر ایس زمین اُتے باقی ہون گے ڈوہلن دا حکم دیوے گا ۔ایس لئی دنیا ڈاہڈیاں بھاریاں آفتاں نوں جرے گی جنہاں دے جھٹکے پہلوں کدی نئیں ویکھے گئے سن ۔ پاک لوک جیہڑے وَا وِچ خُداوندنال ملن گے ہُن خُداونددی وَا وِچ وڈیائی کرن گے ایس لئی پئی ست پیالیاں دیاں آفتاں ایس زمین اُتے ڈوہلیاں جان گئیاں ۔
اپنے جیوں اُٹھن تے چُکے جان وچ خُداونددے راہیں حصہ لین پِچھوں ، اوہ شیشے دے سمندر وچ جیہڑا اگ نال ملیا ہویا اے راست عدالت دی وڈیائی لئی کھلون گے جیہڑی خُدا ایس زمین اُتے لیائے گا ۔ ایس لئی ، پاک لوک جیہڑے شہید ہوئے سن تے پہلی قیامت تے جیوں اُٹھن وچ شامل ہوئے سن یعنی خُداوند دی قدرت دے راہیں نا مکن والے طریقے نال ، مکتی جیہڑی اوہ اوہناں نوں دے چُکیا اے ، تے مخالفِ مسیح تے اوہدے چیلیاں دےانصاف لئی ، اوہدی ہر تھاں موجود ، قادرِ مطلق قدرت دے راہیں
جیہڑی لیائی گئی اے ، خُداوند دی وڈیائی کرن گے ۔
جویں ای فرشتے ست پیالیاں نوں پھڑیاں ہویاں پیالیاں وچوں اک اک نوں لُد دے نیں ، ایس زمین اُتے ہر کوئی بھیڑے طریقے نال تنگی وچ، گند تے پلیت چم رساں دیاں آفتاں توں لَے کے ؛ سمندر دے لہو بنن دی آفت؛ سورج دے سیک نال جھلسن دی آفت؛تے ہنیرے تے پیڑ دی آفت وچ پھسے گا ۔ جد چھیواں فرشتہ وڈے فرات دے دریااُتے اپنا پیالہ ڈوہلے گا ، ایہدا پانی ، چڑھدیوں بادشاہاں لئی راہ تیار کردے ہویاں ، سک جائے گا ۔ اک وڈا کال ، سارے لوکاں اُتے بوہت وڈا دکھ گھلدے ہویاں ایس آفت توں ساری زمین نوں برباد کرے گا ۔ تے بدرُوحاں بے وس ہو جان گئیاں ،لوکاں دے دلاں نوں مخالفِ مسیح تے جھوٹھے نبی دے راہیں پھسلان گئیاں ۔
فیر، شیطاناں دیاں روحاں زمین دے بادشاہاں نوں جنگ کرن لئی پھُسلان گئیاں تےاوہناں نوں اک تھاں اُتے جیہڑی ہر مجدون اکھواؤندی اے قادرِ مطلق خُدا دے خلاف جنگ کرن لئی اکٹھیاں کرن گئیاں ۔ ایس لئی پئی ایتھے شیطان تے خُدا وچکار اخیری جنگ لڑی جائے گی ۔ پر ایس لئی پئی یسوع قادرِ مطلق خُدا اے ، اوہ وَا نال اک چٹے گھوڑے اُتے بیٹھیاں ہویاں اپنی فوج نال ہیٹھاں اُترےگا ، شیطان اُتے فتح پائے گا ،تے پشُو نوں اگ تے گندھک نال بلن والی جھیل وچ سُٹے گا (مُکاشفہ۱۹ :۱۱۔۲۱)۔ ایس لئی پئی یسوع مسیح ہُن پرت کے آؤن والے خُداوند وانگر حتمی اختیار رکھدا اے ، اوہ ایس زمین اُتے دنیا دی عدالت کرن تے پشُو نوں برباد کرن لئی ظاہر ہوئے گا۔
ایسے طرح ، سانوں لازمی سوچنا چاہی دا اے پئی جد یسوع مسیح پاک لوکاں دے چُکے جان دے ویلے اُتے اسمانوں اُترے گا، اوہ ایس زمین اُتے نئیں اُترے گا ، سگوں ایہدی بجائے اوہ وَا وِچ پاک لوکاں نوں اپنے تھاں اُتے چُکن ، اوہناں نوں وَا وِچ اوس نال ملن دی اجازت دین تے اسمانی ویاہ دے میل وچ جان دی اجازت دین لئی آئے گا ۔ جدخُداوندایس زمین اُتے واپس آئے گا ، اوہ ایہو جیہا شیطان تے اوہدی فوج اُتے جیہڑی خُدا دے خلاف کھلوتی اے ، ہر مجدون دی جنگ دے سببوں اپنے اختیار دے کلام دے نال ، ابلیس نوں اگ تے گندھک دی جھیل وچ سُٹن ،تے اوہدے سارے باقی بچن والے چیلیاں نوں مارن یعنی فتح پاؤن لئی کرے گا ۔ ایہہ خُداوند دی دوبارہ واپسی اے ۔ سانوں ٹھیک تعلیم تے ایمان دی ضرورت اے جیہڑا خُداونددے وَا وِچ اُترن تے زمین اُتے اوہدے پرت کے آؤن وچکار فرق کر سکدا اے ۔
پر بوہت سارے لوک سوچدے نیں پئی خُداوند ایس زمین اُتے نا کھلون والا اُتار کرے گا جد چُکیا جانا واقع ہوئے گا ۔ ایہہ اصل وچ غلط اے ۔ جد چُکیا جانا واقع ہوئے گا ، خُداوندزمین اُتے نئیں ، سگوں وَا وِچ آئے گا۔ دوجے اکھراں وچ ، اوہ اُتاں چُکے گاتے وَا وِچ پاک لوکاں نوں ملے گا ۔
ایسے طرح ،تہانوں لازمی اپنے آپ نوں ایس خیال توں وکھ رکھناچاہی دا اے پئی خُداوند چُکے جان دے ویلے اُتے ایس زمین اُتے دوبارہ آئے گا ، تے ایہدی بجائے ، لکھے ہوئے کلام بارے سوچو پئی پاک لوکاں دا چُکیا جانا تدواقع ہوئے گا جد ستواں فرشتہ اپنی تُرہی پھوکے گا ۔
Copyright © 2021 by The New Life Mission