Search
Български
Български
Поради COVID-19 и прекъсването на международните пощенски услуги,
временно спрели сме служението на безплатни печатни книги.
Поради тази ситуация понастоящем не можем да Ви изпратим книгите.
Молете се скоро тази пандемия да приключи и пощенските услуги да се възобновят.

ЧЗВ за Християнската Вяра

Тема 4: Често задавани въпроси от читателите на нашите книги

4-2. تُسیں لکھیا اے، "جدوں اسیں اپنے دل وچ پانی تے رُوح دی خوشخبری اُتے ایمان رکھدے آں تاں اسیں کامل طور اُتے بے پاپ ہو سکدے آں۔" پر ، بائبل آکھدی اے ، " جے اسی آکھیئے پئی ساڈے وِچ گُناہ نئیں تے اسی اپنے آپ نُوں دھوکھا دینے آں تے ساڈے وِچ سچیائی نئیں۔ جے اپنے گُناہ مَن لَئے تے اوہ ساڈے گُناہ مُعاف کرن۔ تے سانُوں ساری بُریائی توں پاک کرن وِچ سَچّا تے نیائِیں اے۔ جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں۔"(1 یوحنا1: 8-10)۔ تُسیں ایس حوالے دی تشریح کویں کردے او؟ کیہ ایس حوالے دا مطلب ایہہ نہیں ہیگاے پئی اسیں مرن ویلے تیک پاپی آں ، تے سانوں اپنے پاپاں توں معافی لئی ہر روز توبہ دیاں دعاواں کرنیاں چاہی دیاں نیں ؟

1 یوحنا 1: 8-10 دسدا اے پئی  ، " جے اسی آکھیئے پئی ساڈے وِچ گُناہ نئیں تے اسی اپنے آپ نُوں دھوکھا دینے آں تے ساڈے وِچ سچیائی نئیں۔ جے اپنے گُناہ مَن لَئے تے اوہ ساڈے گُناہ مُعاف کرن۔ تے سانُوں ساری بُریائی توں پاک کرن وِچ سَچّا تے نیائِیں اے۔ جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں۔"
" جے اسی آکھیئے پئی ساڈے وِچ گُناہ نئیں،" دا ایہہ مطلب ہیگا اے پئی "جے اسیں ایہہ نئیں من دے پئی اسیں  پاپی جمے آں تےشریعت دے اگے اپنی ساری حیاتی پاپ کرن توں ھٹ کے کُجھ  نئیں کر سکدے ۔" جویں پئی  سانوں پتہ اے ساریاں نوں اپنے پاپ دا اقرار کرنا چاہی دا اے۔ پر ، اِیہدا مطلب ایہہ نہیں ہیگاپئی  سانوں ہر دیہاڑے اوھناں پاپاں توں معاف پاؤن لئی اپنے ھر دیہاڑے دے پاپاں دا اقرار کرنا چاہی دا اے ، سگوں ایہدا مطلب ایہہ ہیگا اے پئی سانوں اقرار کرنا چاہی دا اے پئی اسیں یسوع اتےایمان رکھیوں اَڈ اپنے آپ  پاپ توں  بچن وچ  بوھت ماڑے آں۔ ایس لئی، جے کوئی ایہہ آکھے پئی  اوہ بے پاپ اے ایتھوں تیک پئی  جے اوہ اپنے دل وچ  پاپ دے نال ھنیرے وچ اے ، تے سچیائی اوھدے وچ نئیں اے۔   
" جے اپنے گُناہ مَن لَئے" دا مطلب اے " جے اسیں ایہہ اِقرار کردے آں پئی اسیں اپنے جمن ویلے توں  لے کے مرن دیہاڑے تیک سدا پاپ کردے آں ، تے ایہہ پئی اسیں پاپ کیتیوں اڈ نئیں رہ سکدے ایتھوں تیک پئی جے اسیں پاپ توں بچنا چاہندے آں۔" ایہدا مطلب ایہہ نئیں ہیگا پئی اسیں جدوں وی پاپ کریےسانوں توبہ کرنی پوے گی تے خُداوند توں معافی منگنی پوے گی۔ خداوند نے اپنے بپتسمےتے صلیب نال دُنیا دے سارے پاپ نوں گھٹوگھٹ  000‚2ء ورھے پہلاں ای مکا دتا سی۔ ایس لئی سانوں ساریاں نوں ھُنے ایہہ مننا چاھی دا اے پئی اسیں اپنے آپ ککھ نئیں کرسکدے سگوں اوس توں اڈ پاپی بن دے آں ، تےایہہ پئی اوھدی خوشخبری نے ساڈے سارے پاپاں نوں اکو ای وار مکا دتا اے۔
" جے آکھئے پئی اساں گُناہ نئیں کِیتا۔ تے اوہنوں جُھوٹھا بنانے آں۔ تے اوہدا کلام ساڈے وِچ نئیں" دا مطلب ھیٹاں لکھیا اے۔ شریعت سانوں پاپ دا علم سکھاؤندی اے تے ساڈے پاپاں نوں ظاہر کردی اے جیہڑے ساڈے دلاں وچ لُکے ھوئے نیں۔ ایس لئی سانوں اِقرار کرنا پوے گا پئی اسیں شریعت دے اگے پاپ کیتا اے۔ پر ، جیہڑے لوک شریعت نوں  نئیں من دے اوہ اِقرار نئیں کرن  گے پئی اوھناں نے پاپ کیتا اے۔ شریعت سانوں ساڈے پاپاں دا اِقرار کراؤندی تے ساڈی یسوع مسیح تیک اَگوائی کردی اے جنہے اپنے بپتسمے تے صلیب دے راھیں جگ دے سارے پاپاں نوں دھویا۔