En raison du COVID-19 et l'interruption du service postal international,
nous avonssuspendutemporairementnotre "service gratuit de livres imprimés".
nous avonssuspendutemporairementnotre "service gratuit de livres imprimés".
Au vu de cette situation, nous ne sommes pas en mesure de vous envoyer les livres actuellement.
Priez que cette pandémie cesse rapidement et que le service postal reprenne.
Priez que cette pandémie cesse rapidement et que le service postal reprenne.
مضمون 11: خیمۂ اِجتماع
[11-2] ساڈا خُدا وند جِنہےساڈے لئی دُکھ جریا <یسعیاہ ۵۲:۱۳۔۱۵،۵۳:۱۔۹>
>یسعیاہ ۵۲:۱۳۔۱۵،۵۳:۱۔۹<
” ویکھو میرا خادِم اُچا ہو ئےگا۔اوہ عزت والا تے ودھیرا تے بوہت اُچیرا ہوئے گا ۔ جویں بھتیرے تینوں ویکھ کے حیران ہوگئے (اوہدامکھڑاہر اک بندے توں وڈا تے اوہدا بدن لوکاں توں بوہتا وگڑ گیا سی) ۔اوسے طرح او ہ بوہتیاں قوماں نوں پاک کرے گا ۔تےبادشاہ اوہدے اگے چپ کرن گے ایس لئی پئی جیہڑا کجھ اوہناں نوں آکھیا نا گیا سی اوہ ویکھن گے تے جیہڑا کجھ اوہناں نے نا سنیا سی اوہ سمجھن گے۔“
”ساڈاپیغام سن کے کیہڑا ایمان لیایا ؟ تے خُداوند دا ہتھ کیہدے اُتے ظاہر ہویا ؟ پر اوہ اوہدے اگے گُلی وانگر تے سُکی زمین توں جڑ وانگر پھُٹ پیا اے ۔ نا اوہدا کوئی مونہہ متھااے نا سوہنا پن تے جد اسیں اوس اُتے دھیان کریے تاں کجھ حُسن تے جمال نئیں پئی اسیں تمنا کریے ۔ اوہ بندیاں وچوں گھٹیا تے رد ّ کیتا ہویا۔ دُکھی بندہ تےدُکھ دا جانو سی ۔ لوک اوس توں بھاویں لُکے سن اوہنوں گھٹیا جانیا گیا تے اسیں اوہدی کجھ قدر ناجانی ۔ تاں وی اوہنے ساڈیاں تنگیاں نوں چُک لیا تے ساڈے دُکھاں نوں جریا ۔پر اسیں اوہنوں خُدا دا ماریاکُٹیا تے ستایا ہویا سمجھیا۔ بھاویں اوہ ساڈیاں غلطیاں دے واسطے زخمی کیتا گیا تے ساڈی بدکاری دے سبب پھیہاگیا ۔ ساڈی ای بھلیائی لئی اوس اُتے سیاست ہوئی تاں پئی اوہدے کُٹ کھان نال اسیں شفا پائیے ۔ اسیں سارے بھیڈاں وانگر وچھڑ گئے ۔ ساڈے وچوں ہر کوئی اپنے راہ ول مُڑیا پر خُداوند نے ساڈے ساریاں دی بدی اوس اُتے لدی ۔ اوہ ستایا گیا تاں وی اوہنے جریا تے مونہہ نا کھولیا ۔ جویں لیلا ذبح کرن لئی لَے جاندے نیں تے جویں بھیڈ اپنے وال کترن والیاں اگے مونہہ بنھی رکھدی اے اوسے طرح اوس چپ وٹی ۔ اوہ ظلم کر کے تے توہمت لا کے اوہنوں لَے گئے پر اوس زمانے دے لوکاں وچوں کِنہے سوچیاپئی اوہ جیوندیاں دی زمین وچوں وڈ سُٹیا گیا ؟ میریاں لوکاں دیاں غلطیاں دے سبب اوہنوں مار پئی ۔ اوہدی قبر وی شریراں وچکار ناپی گئی تے اوہ اپنی موت وچ مالداراں نال مریا اتھوں تیک پئی اوہنے کسے طرح دا دَھرو نا کیتا تے اوہدے جیبھ اُتے کوئی فریب نئیں سی ۔ “
خوشخبری ہُن ساری دُنیا وچ ودھدی پئی اے
ایہہ زمانہ بنا شک مکن پاسے مونہہ کردا پیا اے ۔ سیاست تو ں لَے کے معاشیات تیک ، ہر شے مکن پاسے بھجدی پئی اے ۔ خاص کر کے ، جنگ دی وڈی وَا اُڈدی پئی اے ،جویں وڈیاں طاقتاں ہُن تیک باقی دُنیا اُتے اپنے ٹہور تے دابے نوں ودھاؤن دی کوشش کردیاں نیں ۔ میرے اپنے گھر دے نیڑے ای ،شمالی کوریانے تھوڑا چر پہلوں ای ، سارے بین الاقوامی لوکاں وچ اک وڈی تبدیلی دا سبب بندے ہویاں ، اعلان کیتا پئی او نیوکلیائی ہتھیار بناؤندا پیاسی ۔ بحران نال دبی دُنیا دے اک ایہو جیہے زمانے وچ ، مَیں صرف آس رکھ سکدا ہاں پئی ایہناں جھگڑیاں وچ رَلیا ہر کوئی دانائی نال ، عقل دے گھاٹے نال نئیں ، اپنے ساریا ں معاملیاں نوں حل کرن دے لائق ہوئے گا،تے اک دوجے نال شرطاں لئی آئے گا تاں پئی سارے رَل کےخوشحال ہو سکن ۔
سانوں لازمی ہر روز دعا منگنی چاہی دی اے ،تاں پئی خُدا سانوں ہن تیک خوشخبری نوں ودھاؤن لئی بوہتا تے ہور ویلا دیوے ۔ ایس سببوں نئیں پئی مَیں مرن توں ڈردا ہاں ۔ایہہ ایس سببوں ہیگا اے حالے تیک او ملک ہیگے نیں جتھے حالے تیک کھری خوشخبری دی منادی نئیں کیتی گئی اے تے ایہو جیہے ملک وی ہیگے نیں جتھے اصل خوشخبری ہُن کِھڑن والی اے ۔ میری تمنا اصل خوشخبری نوں ایتھوں تیک پئی بوہت ودھاندے رہن دی اے ، جد ایہہ ودھدی تے کھلردی پئی اے ،ایس لئی پئی خوشخبری فیر وی ہور چوکھی اگانہہ منادی کیتےجان دی ضرورت رکھدی اے ۔
بنا شک ، خُدا ساریاں شیواں نوں رَل کے ودھیا کم کرن لئی بناؤندا اے پر مَیں جِہدے بارے فکرکر دا ہاں اوہ ایہہ آ پئی لوک بوہت بےعقلےہو سکدے نیں ۔ اصل وچ لوک ہیگے نیں جیہڑے دوجیاں دی زندگی نوں دابا لاؤندے نیں ایتھوں تیک پئی جویں اوہ کجھ سوچدے ای نہیں کدوں تے کویں اوہ اپنی موت داسامناکرن گے ؛ اوہناں وچوں کئی ایتھوں تیک پئی ہر کسے نوں قتل کرن دی پوری کوشش کر دے نیں ۔
مَیں یقین رکھداں ہاں پئی خُدا لازمی دُنیا دے سارے آگوآں دے دلاں اُتے راج کردا اے تے مَیں ایہہ وی یقین رکھدا ہاں پئی اوہ سانوں سکون دیوے گا ۔
ایس زمانے وچ ، اسرائیل دے لوک حالے تیک اوہناں نال وعدہ کیتے گئے مسیحا نوں اڈیکدے پئے نیں ۔ اوہناں نوں لازمی سوچنا چاہی دا اے پئی اوہناں دا مسیحا یِسُوعؔ توں علاوہ کوئی دوجا نئیں ہیگا ۔ اوہناں نوں لازمی یِسُوعؔ نوں مسیحا وانگر پچھاننا چاہی دا اے جیہدے لئی اوہ اڈیکدے پئے نیں تے ایسے طرح اوس اُتے ایمان رکھنا چاہی دا اے ۔اوہ ویلا دُور نئیں ، خوشخبری جیہڑی ساڈے خُداوند نوں خوش کردی اے بوہت چھیتی اسرائیل وچ جاوے گی ، ایسے طرح دوجیاں ملکاں وچ جتھے حالے تیک خوشخبری دا پھاٹک کھولیا نئیں گیا ۔ اصل وچ خوشخبری ساری دُنیا وچ اینی چنگی طرح ودھائی جاندی اے پئی ایہہ ایس اخیری زمانے وچ کامل طریقے نال ودھدی پئی اے ۔
مینوں دسیا گیا اے پئی بنگلہ دیش وچ اک خُدا دے کلام دی سیمنری اپنے پڑھن والیاں لئی اوہناں نوں ڈگریاں لین واسطے ساڈی انگریزی دیاں کتاباں نوں خاص کر کے پڑھن لئی مقرر کرچکی اے ۔ پہلی واری پانی تے روح دی خوشخبری نوں جانن دے بعد ،ایس سیمنری وچ سارے پڑھن والے ، ایتھو ں تیک پئی حیران ہون لئی اک ویلا رکھن توں پہلوں ہُن اپنے پاپاں توں معافی پاؤن گے ۔
ایسے طرح ، مَیں سب توں پہلوں تمنا کردا ہاں پئی دُنیا دے سارے خُدائی تعلیم دے ماہرپانی تے روح دی خوش خبری نوں جانن تے ایمان رکھن دے راہیں پاپ توں معافی پاؤن گے ۔ تے ساڈے وچوں اوہ جیہڑے اوہناں توں پہلوں پاپ توں معافی پا چُکے نیں اوہناں نوں لازمی ایہدےاِنج ای ہون لئی ہمیش دی دعا منگنی چاہی دی اے ۔ ناصرف سانوں لازمی دعا منگنی چاہی دی اے سگوں سانوں لازمی اپنیاں زندگیاں ایمان دےراہیں وی گزارنیاں چاہی دیاں نیں ۔
مسیحا ایس زمین اُتے یسعیاہ دی نبوت دے تقریباً ۷۰۰ء ورہیاں بعد آیا
یسعیاہ اک نبی سی جیہڑا یِسُوعؔ مسیح دی پیدا ئش توں تقریباً۷۰۰ء ورہے پہلوں ایس زمین اُتے رہندا سی ۔ بھاویں اوہنے اصل وچ ۷۰۰ء ورہے پہلوں یِسُوعؔ مسیح دے آؤن دی پیشن گوئی کیتی ، ایس لئی پئی اوہ مسیحا دے بارے بوہت ساریاں گلاں جان دا سی ، یسعیاہ نے ساریاں گلاں بارے پیشن گوئی کیتی کویں مسیحا آئے گا تے کویں اوہ اپنا مکتی دا کم کرے گا ، جویں جے اوہ اپنیاں اکھیاں نال مسیح نوں ویکھ چُکیا سی ۔ یسعیاہ ۵۲:۱۳ تے پورے ۵۳ تے ۵۴ باباں وچ ، یسعیاہ نے تفصیل نال پیشن گوئی جاری رکھی ، مسیحا کویں لوکاں نوں بچائے گا ۔ ایہہ سوکھی جیہی حیران کرن والی گل اے پئی اوہنے اینے ٹھیک طریقے نال پیشن گوئی کیتی سی پئی یِسُوعؔ مسیح بنا شک ایس زمین اُتے آئے گا ، اپنے بپتسمے نال سارے پاپاں نوں چکے گا ، سولی اُتے اپنا لہو وگائے گاتے اِنج ساریاں لئی مکتی لیائے گا ۔ تے۷۰۰ء ورہے لنگھن دے بعد جد پئی یسعیاہ دی پیشن گوئی کیتی گئی سی ، یسو ع مسیح اصل وچ ایس زمین اُتے آیا تے اپنے سارے کم بالکل اوسے طرح پورے کیتے جویں یسعیاہ نے پیشن گوئی کیتی سی ۔
یسعیاہ نے پیشن گوئی کیتی پئی مسیحا ایس زمین اُتے آئے گا تے دانائی نال کم کرے گا ۔ جویں یسعیاہ ۵۲:۱۳وچ پیشن گوئی کیتی گئی ، ” ویکھو میرا خادِم اُچا ہو ئےگا۔اوہ عزت والا تے ودھیرا تے بوہت اُچیرا ہوئے گا ۔“ ایس لئی پئی یِسُوعؔ مسیح بندیاں وانگر ایس زمین اُتے آیا تے اصل وچ اپنے بپتسمے نال اپنے آپ اُتے دُنیا دے سارے پاپاں نوں چُک لیا ،اوہ سولی اُتے اپنی زندگی دےسکیا ، تے اِنج سارے لوکاں دے سارے پاپاں دی سزا نوں جریا ۔ بالکل جویں یسعیاہ پیشنگوئی کر چُکیا سی ہر شے بنا شک عزت نال پیش کیتی گئی ۔ یِسُوعؔ مسیح دے سبب ، سارے لوکاں دے سارے پاپ بنا شک غائب گئے نیں ، وڈیرے طریقے نال پیش آگئے نیں ، تے اوہدا ناں اصل وچ بوہت اُچیرا ، ودھیا تے وڈیرا تے بوہت شان والا ہو گیا اے ، ساری ایس مطابق پہلوں ای پیشن گوئی کیتی گئی سی ۔ یسعیاہ مسیح دے بارےجیہڑی پیشنگوئی کر چُکیا سی اصل وچ سچ مُچ ہو گئی ۔
ایس لئی ، جد ساڈا خُداوند ایس زمین اُتے آیا ، اسرائیل دے لوکاں نیں اوہنوں ٹھیک طریقے نال نا پچھانیا ۔ ایتھوں تیک پئی ساڈا خُداوند ایس زمین اُتے آیا تے سچ مُچ دُنیادے پاپاں نوں اسرائیلیاں دے نال رَلا کے چُک لیا ، سولی اُتے مرگیا ، تے فیر مویاں وچوں جیوں اُٹھیا ، اسرائیل دے لوکاں نیں ایتھوں تیک پئی مسیحا دے بپتسمے اُتے ایمان نا رکھیا ، نا ای اوہدے لہو اُتے ۔اصل وچ ، اسرائیلیاں نیں نا پچھانیا پئی ایہہ مسیحا پہلوں ای اوہناں دی قوم وچ پیدا ہو چُکیا سی ،تے پئی اپنے بپتسمے تے سولی نال اوہ نا صرف اسرائیلیاں دے پاپاں دی فکر کر چُکیا سی ، سگوں سارے لوکاں دے پاپاں دی وی ۔ اوہناں نیں نا سوچیا پئی ایہہ یِسُوعؔ مسیح اصل وچ خُدا دا پُتر ، تے اسرائیل دے لوکاں دا اصلی مسیحا سی ۔ اسرائیلیاں نوں ہُن لازمی ٹھیک طریقے نال سوچنا چاہی دا اے پئی یِسُوعؔ بِناشک مسیحا اے جنہوں اوہ ایناں بوہت ورہیاں توں اڈیکدے پئے نیں ۔
یِسُوعؔ دے دُکھ دُنیا دے پاپاں نوں مکاؤن لئی سن
جد یِسُوعؔ ایس زمین اُتے آیا ،اوہنے اصل وچ بوہت ذلیل ہوندیاں ہویاں بوہت چوکھا دُکھ جریا ۔ جویں یسعیاہ ۵۳ وچ وکھایا گیابِنا شک مسیحا دُکھی بندہ ہوندا ہویا نظر آیا ۔ ساڈے اینے چوکھے پاپاں نوں چُکن دے سبب ، اوہنے بوہت دُکھ جریا— اینا ں چوکھا پئی پاک کتاب سانوں دسدی اے پئی اسیں ایتھوں تیک پئی لُک گئے ، جویں ، ساڈے مکھ اوس توں ہٹ گئے ۔
پر کئیاں نیں اصل وچ یِسُوعؔ نوں مسیحا وانگر پچھانیا ۔ ایس لئی پئی اوہ اپنے زمانے دے لوکاں توں ایناں بوہتا بے عزت کیتا گیا سی ، بوہت سارے اوہنوں پچھانن تے یِسُوعؔ مسیح مسیحا اُتے مکتی داتا وانگر ایمان رکھن وچ ناکام ہو گئے ۔ ساڈا خُداوند بِنا شک ایس زمین اُتے باپ دا آکھا منن لئی آیا تاں پئی لوکاں نوں دُنیا دے پاپاں توں بچاؤن دے اپنے کم نوں پورا کرے ، تے ایہہ کم کرن لئی ، اصل وچ اوس اُتے بوہت چوکھا ظلم ہویا ۔ اوس لئی ایہہ بوہت نئیں سی پئی اوہ اپنی ایس بنائی ہوئی دُنیا وچ اک بندے دےروپ وچ آئے ، جنہوں اوہ آپ اپنے آپ وانگر بنا چُکیا سی ، سگوں اوہ ایتھوں تیک پئی ذلیل تے خوار ، چھیڈاں کران والا ، ماریاکُٹیا تے مظلوم سی ، اینا چوکھا پئی پاک کلام سانوں دسدااے پئی اسیں اوس توں اپنے مکھ لکالَئے ، ایس لئی پئی ایہہ جرن توں بوہت چوکھا سی ۔ ایس زمین اُتے مسیحا وانگر عزت پاؤن توں بوہت دُریڈے ، اوہدے نال اِنج کیتا گیا تے ظلم کیتا گیا جویں اوہ کملا سی ، جیہدے بے عزت ہون نوں لکھ کے دسنا شروع نئیں کیتا جا سکدا ۔ جویں اسیں اپنے مُکھ موڑ لیندے آں جد اسیں کسے نوں بوہت بے عزت تے مندے حال وچ ویکھدے آں ، مسیحا اپنے بنائے ہوئے لوکاں اگے لتاڑیا گیا ، ایناں چوکھا پئی اوس ویلے اسرائیلیاں نے اپنے مکھ اوس توں لکا لَئے ۔
جد یِسُوعؔ ایس زمین اُتے آیا ، اوہ کِنج دسدا سی ؟ جد یِسُوعؔ ایس زمین اُتے آیا، اوہ اصل وچ اک کولے بوٹے وانگر سی ، جویں سُکی زمین وچوں اک جڑ ہوئے ۔ دوجے اکھراں وچ ، اوہدے باہروں نظر آؤن بارے بولن لئی کجھ بوہت نئیں سی ۔اصل وچ ، ایتھوں تیک پئی جد اسیں اپنے خُداوند دا اپنے آپ نال مقابلہ کردے آں ، اوتھے تھوڑا سی جیہڑا سوہنا یا ایس مسیحا وچ پُرکشش سی ۔ ساڈے مسیحا دی باہرلی ظاہریت اِنج دی سی پئی اصل وچ کوئی شے فخر کرن دے لائق نئیں سی ۔
جد مسیحا ایس زمین اُتے آیا ، اوہدی ظاہریت وچ بِنا شک کوئی سوہنا پن نئیں سی جیہدی اسیں تمنا کرئیے یا اوہدی عزت کرئیے ۔ پرایس ظاہریت توں علاوہ ، ساڈے مسیحا وانگر ، اوہ رُتبے نال پیش آیا ، قربانی دے نظام دے مطابق اپنے پِنڈے اُتے ساڈے سارے پاپاں نوں لین لئی یوحنا کولوں ہتھاں دے رکھے جان نوں قبول کیتا ، سولی اُتے مویا تے اپنا لہو وگایا ،فیر مویاں وچوں جیوں اُٹھیا تے اِنج سانوں ساڈے سارے پاپاں توں بچا لیا ۔ایس لئی پئی ایس مسیحانے یوحنا کولوں اصل وچ بپتسمہ لین دے سبب اپنے آپ اُتے ساڈے سارے پاپاں نوں چُک لیا ، اوہ ساڈے لئی سولی اُتے چڑھ سکدا تے اپنا لہو وگا سکدا سی ۔
جویں یسعیاہ۵۳:۳ آکھدا اے، ”اوہ بندیاں وچوں گھٹیا تے ردّ کیتا ہویا۔ دُکھی بندہ تےدُکھ دا جانو سی ۔ لوک اوس توں بھاویں لُکے سن اوہنوں گھٹیا جانیا گیا تے اسیں اوہدی کجھ قدر ناجانی ۔ “ ایس لئی پئی ساڈے مسیحا نیں ایس زمین اُتے آؤنا سی تے ہتھاں دے رکھواؤن تے اپنے لہو وگاؤن دے راہیں دُنیا دے سارے پاپاں نوں مکاؤنا سی ، اوہنوں اصل وچ اسرائیل دے لوکاں تے رومی سپاہیاں ولوں ایسے طریقے نال دبایا جانا سی ۔
مسیحا اُتے ظلم دی پیشن گوئی تقریباً ۷۰۰ء ورہے پہلوں کیتی گئی سی
یعنی اصل وچ مسیحا نے زمین اُتے آؤنا، یوحنا کولوں بپتسمہ لینا ، سولی اُتے اپنا لہو وگاؤنا ، تے فیر مویاں وچوں جیوں اُٹھنا سی، ایہہ پہلوں ای یسعیاہ نبی ولوں مسیح دے جمن توں تقریباً ۷۰۰ء ورہے پہلوں پیشن گوئی کیتی گئی سی ۔ جویں یسعیاہ نبی مسیح دی آمد بارے پیشن گوئی کر چُکیا سی ، یِسُوعؔ مسیح بِنا شک ایس زمین اُتے آیا بالکل جویں پیشن گوئی کیتی گئی سی ۔ ایس لئی ،مسیحا سادہ عام لوکاں وانگر اک چرنی وچ اک کواری توں جمیا ،یوحنا بپتسمہ دین والے کولوں اپنا بپتسمہ لَے کے دُنیا دے پاپاں نوں چُک لیا ، سولی اُتے چڑھ گیا ،جتھے اوہنے اپنا لہو وگایا تے ساڈی مکتی لئی مریا ، تے فیر تِناں دناں پِچھوں مویاں وچوں جیوں اُٹھیا۔
بالکل جویں قربانی دے پشُو دے سر اُتے ہتھاں نوں رکھیا جاندا سی تے ایہدا لہو فدیہ دیہاڑے وگایا جاندا سی (احبار ۱۶)، جد ایس طرح ورہے دے پاپاں دا فدیہ دتا جاندا سی ، یِسُوعؔ نے بِنا شک اپنا بپتسمہ لین دے نال دُنیا دے سارے پاپاں نوں چُک لیاتےاپنا لہو وگایاتےسولی اُتے مرگیا، ایہہ سارا پیشنگوئی دے حقیقی کلام دے مطابق اے۔اپنے بپتسمےدےنال دُنیا دے سارے پاپاں نوں جرن دے بعد ، یِسُوعؔ نے اصل وچ اپنی لوکاں وچ منادی کرن وچکار دکھاں دے تِن ورہیاں نوں جریا ۔ سبب کیوں یِسُوعؔ یعنی مسیحا سولی اُتے مریا سی ایہہ ہیگا اے ایس لئی پئی ، یوحنا بپتسمہ دین والے کولوں اپنے بپتسمے نال ، دُنیا دے سارے پاپ اوس اُتے لدے گئے سن ،تے ایہہ ایس لئی وی ہیگا اے تاں پئی اوہ ایس طرح نیواں تے ردّ کیتا ہویا ،تنگ کیتا ہویا سی تے ہر کسے کولوں دُکھ جریا۔
اصل وچ ، لوکاں نے ناصرف انکار کیتا پئی یِسُوعؔ مسیحا سی ، سگوں کئی یہودیاں تے رومیاں نیں نفرت وی کیتی تے بوہت چوکھا یِسُوعؔ نوں ستایا ۔ اوہ اوہناں دے ولوں بوہت نفرت کیتا گیا تے ردّ کیتا گیا سی ۔
یِسُوعؔ نے اصل وچ یردن دے دریااُتے یوحنا بپتسمہ کولوں اپنا بپتسمہ لین دے راہیں اکو ای واری سارے لوکاں دےسارے پاپاں نوں چک لیا تے فیر اوہنے سولی اُتے اپنا لہو وگایا ۔ مسیحا نے یوحنا کولوں بپتسمہ لیا تے اپنے باپ دا آکھا منن لئی سولی اُتے اپنا لہووگایا ۔ سولی اُتے اوہنوں ننگیاں کر کے اوہدے کپڑے لاہ لَئے گئے تے اوس اُتے تھُکیا گیا ۔ او س ویلے سارے آلے دوالے دے لوکاں نیں یِسُوعؔ نوں چھیڈاں کیتیاں ، تے اوہنوں توہمت لاؤندے ہویاں ، ”جے توں سچ مُچ خُدا دا پُتر ایں ، فیر ، ہیٹھاں اُتر آ تے اپنے آپ نوں بچا!“
جد یِسُوعؔ نے اپنے بپتسمے نال اپنی عام زندگی شروع کیتی ، اوہنوں اصل وچ لوکاں ولوں لائے گئے بوہت سارے دکھاں وچوں لنگھنا سی ۔ بھاویں یِسُوعؔ مسیح سارے لوکاں لئی اپنے بپتسمے نال دُنیا دے پاپاں نوں اصل وچ موہڈا دے چُکیا سی ، اوس زمانے دے لوک ایہنوں سمجھ نئیں سکدے سن ، یِسُوعؔ کولوں نفرت کیتی ، جیہڑا اوہناں دا اپنا مسیحا بن کے آیا ، اوہنوں لگاتار ستایا ، اوہنوں بوہت دکھ دتے ، بھیڑا چنگا آکھیا تے اوہدی بے عزتی کیتی ۔ اصل وچ ، یِسُوعؔ یعنی مسیحا کولوں اینی بوہتی نفرت کیتی گئی پئی پاک کتاب سانوں دسدی اے پئی اوس نال جد پئی ایس زمین اُتے اک کیڑے وانگر رویہ رکھیا گیا ۔
بِنا شک تسیں کجھ سوچ نئیں سکدے کنی بوہتی فریسیاں نیں یِسُوعؔ کولوں نفرت کیتی ۔ ایہہ فریسی مسیحا نوں اکلا نئیں چھڈ سکدے سن ، جیہڑا اوہناں دی اگوائی تے مقبولیت نوں دابے لاؤن والا نظر آؤندا سی ۔ سو اوہناں نیں مسیحا کولوں نفرت کیتی ، سدا اوس وچوں غلطیاں لبھدے ہویاں تے اوہدے خلاف اپنے حملیاں دیاں ساریاں قِسماں نوں ازماؤن لئی ناجھکے ،اوہناں دیاں ترکیباں ناکام ہو گئیاں ۔ مسیحا ہر قِسم دی ذلالت تے بھیڑے چنگے توں نفرت تے بدی نال بھریاں ہویاں دا نشانہ سی ۔ ایسے طرح یسعیاہ پیشن گوئی کیتی سی صرف کِنج مسیحا لتاڑیا جائے گا۔ ایس لئی اسیں تصدیق کر سکدے آں ، یسعیاہ نبی دیاں تفصیلی پیشین گوئیاں توں جیہڑیاں مسیحا دے آؤن توں ۷۰۰ء ورہےپہلوں کیتیاں گئیاں سن ، صرف کِنج دا سلوک یِسُوعؔ ایس دُنیا وچ پائے گا ۔
کیہ لوکاں نیں یِسُوعؔ مسیح یعنی مسیحا اُتے ایمان رکھیا جیہڑا پانی تے لہو د ے راہیں آیا ؟
پر ایس ظلم توں ہٹ ، یِسُوعؔ یعنی مسیحا نے چُپ کیتے کم کیتا تے اپنے کماں نوں پورا کیتا ۔ ہن اسرائیلی دےلوکاں تے ساری دُنیاوچوں ہر کسے نوں لازمی سوچنا چاہی دا اے تے ایمان رکھنا چاہی دا اے پئی ایہہ مسیحا یِسُوعؔ مسیح اے ۔ اسرائیلیاں دے پاپاں تے ساری دُنیا وچوں ہر کسے دے پاپاں نوں مکاؤن لئی ، مسیحا نے بِنا شک ہتھ رکھے جان دی شکل وچ بپتسمہ لیا، حقیقت وچ مصلوب ہویا،تے ایس طرحاں اخیر تیک اپنا سارا ظُلم تے تشدد جریا—تےانج کرن نال، اوہ اپنیاں خدمتاں نال ایمانداراں نوں اوہناں دے سارے پاپاں توں کامل طریقے نال بچا چُکیا اے، تے ایہناں ایمانداراں دے ایمان نوں کامل طریقے نال منظور کر چُکیا اے ۔ سچیائی نال پئی مسیحا اپنی حلیمی دی شکل وچ ایس زمین اُتے آیا ، تے سچیائی نال پئی اوہنے بپتسمہ لیا ، سولی اُتے مریا تے ہر کسے دے پاپاں نوں مکاؤن لئی فیر مویاں وچوں جیوں اُٹھیا ، اوہ جنہاں نیں اوس اُتے ایمان رکھیا تھوڑے جیہے سن ۔ ساڈے زندہ رہن لئی ، سانوں لازمی ایمان رکھنا چاہی دا اے پئی یِسُوعؔ بِنا شک ساڈا سچا مکتی داتا تے مسیحا اے ، یعنی اوہ صرف اسرائیلیاں لئی مسیحا نئیں ہیگا ، سگوں سارے لوکاں لئی وی اے ۔
بھاویں یِسُوعؔ نے اصل وچ اپنے بپتسمے نال ساڈے اپنے پاپاں نوں چُک لیا تے ساڈے اپنے دکھاں ، ساڈیاں اپنیاں بیماریاں تے ساڈیاں اپنیاں لعنتاں نوں جریا ، کئی لوک سوچ سکدے نیں ، ”اوہنے اینے بوہتے ظلم تے پیڑاں نوں جرن لئی کیہڑا پاپ کیتا سی ؟“پر اصل وچ ، یِسُوعؔ خُدا دا بے پاپ پُتر اے ۔ ساڈے سارے پاپ چُکن دے راہیں ، مسیحا نے فدیہ وانگر دکھاں ، ساڈے تھاں اُتے ، ساریاں ،لعنتاں ،غماں تے ساڈے پاپاں دے ظلم تے پیڑاں نوں جریا ۔ سارے ظلم تے پیڑاں دے راہیں جنہاں نوں یِسُوعؔ نے ایس زمین اُتے آ کے اپنی ساری زندگی دے ۳۳ ورہیاں وچ جریا ، اوہ سانوں ساڈے سارےپاپاں توں بچا چکیا اے ۔
فیر واپس ، یسعیاہ نبی ولوں بولیا گیا خُدا دا کلام سُن دے ہویاں ، کیہ زمانے دے لوکاں نیں یِسُوعؔ مسیح یعنی مسیحا اُتے ایمان رکھیا جیہڑا پانی تے رُوح دے راہیں آیا سی ؟ کنہے ایس پانی تے روح دی خوشخبری اُتے ایمان رکھیا جیہدی ہُن اسیں منادی کردے پئے آں ؟ ایتھو ں تیک پئی بوہت سارےلوک ہیگے نیں جیہڑے پانی تے روح دی خوشخبری وچ کوئی دلچسپی نئیں رکھدے ، بھاویں اوہ یِسُوعؔ اُتے ایمان رکھن دا دعویٰ کردے نیں ۔
ایتھے ، خاص حوالے وچ ، یسعیاہ نبی ہُن پیشن گوئی کردا پیا اے پئی خُدا دا پُتر ایس زمین اُتے آئے گا ، دانائی نال کم کرے گا ، ساڈے سارے پاپاں نوں چُک لوے گا ، اوہناں لئی دکھ جرے گا تے اِنج سانوں بچائے گا ۔ پر بوہتیاں سچیائی نوں قبول نئیں کیتا جیہڑی اوس مکمل کیتی ۔ پر میرا پکا یقین اے پئی ہُن توں ، ساریاں قوماں دے سارے لوک یِسُوعؔ مسیح نوں اپنے مکتی داتا وانگر پچھانن گے تے ایہنوں اُچیر ا تے ودھیا منن گے ۔ کیہ تسیں ہن سوچدے او پئی یِسُوعؔ یعنی مسیحا اسرائیل دے لوکاں دے پاپاں دے سبب ، تہاڈے تے میرے پاپاں دے سبب ، تے سارے لوکاں دے پاپاں دے سبب ستایا گیا ؟ یسعیاہ نبی نے ، جیہڑا چاؤہندا سی پئی تسیں اوہنوں جانو تے ایس اُتے ایمان رکھو ، اِنج ایس طریقے نال مسیحا دی خدمت دی پیشین گوئی کیتی سی ۔
مسیحا سکی زمین وچوں پھُٹن والی جڑ وانگر سی
ایس لئی اِنج یسعیاہ نبی نے یِسُوعؔ مسیح یعنی مسیحا دے آؤن دی پیشن گوئی کیتی ، یعنی جد اوہ ایس زمین اُتے آئے گا ، اوہ ایہو جیہی ترس کرن دے لائق شکل وچ آئےگا ۔ یسعیاہ نے آکھیا پئی مسیحا ”پر اوہ اوہدے اگے گُلی وانگر تے سُکی زمین توں جڑ وانگر پھُٹ پیا اے ۔ “(یسعیاہؔ ۵۳:۲)۔جد یِسُوعؔ مسیح اک بندے وانگر ایس زمین اُتے آیا ، اوہ کوئی ایہو جیہا نئیں سی جنہوں لوک اصل وچ کسے تمنا کرن دے لائق شے وانگر ویکھدے ۔ اوہ بھرویں بدن ، لما تے چنگے نین نقش دا ، یعنی آرنلڈ شوارزنیگر یا سلویسٹر سٹالون وانگر نئیں سی ۔ اصل وچ ، اوہ ایناں گھٹیا سی پئی جے اسیں اوس ول ویکھدے ، اسیں اصل وچ اوس لئی افسوس محسوس کردے ، ترس کھاندے تے اوہدے نال ہمدردی وکھاندے ۔پر، اوہدا کلام اک دونواں پاسیوں چیرن والی تِکھی تلوار وانگر سی ۔
یِسُوعؔ یعنی مسیحا صرف جویں نظر آؤندا سی صرف گھٹیا نظر آؤن والا نئیں سی سگوں اوہ پیسے دھیلیاں ولوں وی غریب سی ۔ یوسف ، اوہدا جسمانی پئو ، صرف اک ترکھان سی۔ اک خنوادہ جِہدیاں ضرورتاں ا ک ترکھان دے راہیں پوریاں کیتیاں جاندیاں سن ، فیر جویں ہُن اے ، چنگی طرح نئیں سن ، یعنی چنگے طریقے نال زندہ رہن توں بوہت دُور ۔ صرف چوکھی محنت نال ترکھان بوہت تنگ ہوکے گزاراکر سکدے سن ۔
نہ مسیحا ، ایس زمین اُتے آؤن دے بعد ، کسے سکول وچ گیا ۔ تے اِنج فریسیاں نیں ایہدے اُتےاوس دا مذاق کرن دی کوشش کیتی پر او ہ اِنج نا کر سکے ایس لئی پئی ایہہ صرف ظاہر ہویا پئی یِسُوعؔ مسیح بِنا شک خُدا دا پُتر سی ۔ یِسُوعؔ نے کدی وی ایتھوں تیک پئی گملی ایل دے سکول وچ پیر نئیں رکھیا ، اوس زمانے دا یہودیاں دا بوہت مشہور سکول ، جتھے شریعت دے بوہت وڈے عالماں وچوں اک ، گملی ایل ، شریعت دی تعلیم دیندا پیا سی ۔ایس سکول وچ ، سکھن والے شریعت دے وڈے استاداں کولوں سکھ سکدے سن ، ناصرف ایس دُنیا دے علم وچ ، سگوں شریعت وچ آپ سکھے ہوئے سن ۔ پر یِسُوعؔ نے کسے ایہو جیہے سکول وچ تعلیم نئیں لَئی سی ۔ کوئی ثبوت نئیں ہیگا پئی اوہ کسے سکول وچ گیا سی ۔ پر ایہدے باوجود ، پُرانے عہد نامے دی شریعت دے بارے کجھ نئیں سی جیہدا مسیحا نوں نئیں پتہ سی تے جتھے پُرانے عہد نامے نے مسیحا دے بارے تعلیم دتی ، اوہ ایتھوں تیک پئی بوہت چوکھا سکھیا ہویاسی تے ہر کسے توں بوہت چوکھا ایمان رکھدا سی ۔ کجھ موجودہ نئیں سی جیہڑا اوہنے آکھیا جیہڑا کدی وی غیر شرعی یا خُدا دی شریعت توں وکھرا سی ۔
کیوں مسیحا نوں ایناں مظلوم ، بے عزت تے گھٹیا تے ردّ کیتا ہویا ہونا پیا ؟
اسرائیل دے لوکاں لئی اصل وچ سچا مسیحا بنن واسطے ، تے اوہناں دے سارے پاپاں توں اوہناں نوں بچاؤن تے اوہناں نوں خُد ادےلوک بنان لئی ، ساڈا مسیحا ایس زمین اُتے آیا تے اپنی مرضی نال اپنے سارے دکھ ، بے عزتی ، مذاق ٹھٹھے تے لعنتاں میہنیاں نوں قبول کیتا ۔ دکھ تے نفرت جِہدے وچوں مسیحااصل وچ اسرائیل دے لوکاں لئی لنگھیا بوہت قربانی وانگر تے دکھ بھری سی ۔ ظلم تے مار جیہڑی مسیحا نے ساڈے بدلے کھاہدی اک ایہو جیہی وڈی تکلیف سی پئی اسیں اوس توں اپنے مونہہ پھیر لَئے ۔ ایس لئی پئی یِسُوعؔ مسیحا سی جیہڑا سانوں ساڈے پاپاں تے سزا توں بچائے گا ، اوہنے بِنا شک ہر طرح دے لوکاں دے اگے کسے تفصیل توں بوہتا ظلم تے کُٹ مار تے بے عزت ہون دے راہیں سانوں ساڈے پاپاں توں چھڈالیا ۔ ایس طرح یِسُوعؔ ایس زمین اُتے ستا یا گیا سی ۔
ایس لئی پئی یِسُوعؔ یعنی مسیحا اینے بھیڑے طریقے نال ستایا گیا تے بے عزت کیتا گیا سی ، اوس زمانے دے لوک اوہدے ایس نظارے نوں ویکھ نہ سکے ۔ سانوں لازمی کدی نئیں بھلنا چاہی دا پئی بھاویں یِسُوعؔ تہاڈا تےمیرا مسیحا بن کے ، بِنا شک ، سارے لوکاں دا مسیحا بن کے آیا ، ایس مسیحا نوں اپنے کردار تے کماں نوں پورا کرن تے کامل کرن لئی اوہ بھیڑی طرح ستایا گیا ، تے اِنج ہو کے اوہ سانوں ساڈے پاپاں تے پاپ دی سزا توں چھڈا چُکیا اے ۔
ایتھوں تیک پئی جویں مسیحا نوں سولی اُتے چاہڑیا گیا اوہنوں چھیڈاں کرن توں نہ ہٹے :”تُوں اوس توں ہیٹھاں کیوں نئیں آؤندا ؟جے توں سچ مُچ خُدا دا پُتر ایں ،فیر ہُنے سولی اُتے ہیٹھاں اُتر آ۔ تُوں کویں خُدا دا پُتر ہو سکدا ایں ؟ جے تُوں سچ مُچ خُدا دا اوہ پُتر ایں ، فیر ہیٹھاں اُتر پَوتے اپنے اگے لمکے ہوئے ڈاکو نوں بچا لَے ؛ پر بوہتا چنگا اے ، ہیٹھاں اُتر پَویں تے اپنے آپ نوں بچا لَے !“اوہ اوہنوں چھیڈاں کردے رہے :”ہائے، آہو ، تُوں ایس پتھرنوں روٹی کیوں نئیں بناؤندا ؟ جے تُوں خُدا دا پُتر ایں ، سانوں ثابت کردے ! سانوں ثابت کر وکھا تاں پئی اسیں ایمان لیا سکیے ۔ جے تُوں ایتھوں تیک پئی اِنج نئیں کر سکدا ، تُوں کویں دا مسیحا ایں ؟ کِناں ترس کھان دے لائق !“
لوکاں نیں اِنج مسیحا نوں بے عزت کیتا ، اوہنوں بھیڑا چنگا آکھیا تے اوہنوں حدوں بوہتیاں چھیڈاں کیتیاں ۔اوہناں نیں اوہدے کپڑے لاہ کے اوہنوں ننگیاں کیتا، اوہدے مُکھ اُتے چنڈاں ماریاں ،تے اوہدے اُتے تھُکیا، مسیح نے بوہت چوکھیاں چھیڈاں ،بے عزتی تے ذلالت جری ، جویں دی پہلوں کدی نئیں ویکھی گئی سی تے نا ای فیر کدی ویکھی جائے گی ۔ اوہنوں سولی دی سزا دے کے لعنتی وی ٹھہرایا گیا ، اک سزا جیہڑی اوس زمانے دے بوہت بھیڑی قِسم دے مُجرماں نوں دتی جاندی سی ۔ ساڈے مسیحا نے سپاہیاں توں کوڑے کھاہدے ، اوہنوں دونویں ہتھاں تے پیرا ں اُتے کِل ٹھوک کے سولی اُتے ٹنگیا گیاتے سارا لہو وگایا گیا جیہڑا اوہدے بدن وچ ہیگا سی ۔
یِسُوعؔ نے اصل وچ ساری ایہو جیہی نفرت ، پیِڑ تے ظلم تے کُٹ مار نوں جریا ،یعنی ساڈے لئی ، اِنج اوہ مسیحا بن کےاپنی خدمت نوں پورا کر سکدا سی ۔ سولی اُتے مر کے ، اوہنے ساڈے سارے پاپ ساڈیاں ساریاں لعنتاں ، ساڈے سارے روگ تے ساڈے پاپ دی ساری سزا جری ۔ اوہنے ساڈی تھاں اُتے ساراظلم تے کُٹ مار نوں جریا جیہڑی تُسیں تے مَیں جرن دے حقدار ساں ، تے ساڈے بدلے اوہنے ایتھوں تیک پئی اپنے آپ نوں دے دتا ۔ ایہہ مسیحا ہُن ساڈے وچوں اوہناں لئی مکتی داتا بن گیا اے جیہڑے ایمان رکھدے نیں پئی یِسُوعؔ بِنا شک ساڈا مکتی داتا اے ۔ اوہ دلوں ساڈا مسیحا بن گیا اے ۔ اوہ اپنے باپ دی مرضی مطابق ایس زمین اُتے آیا ، تے ساڈے بدلے ساڈے پاپاں تے پاپ دی سزا نوں سولی اُتے چُک لیا ،تے فیر مویاں وچوں جیوں اُٹھیا—ایہہ سارا کجھ سانوں بچاؤن لئی سی !
میرے بھراؤ تے بھینو ، کیہ تسیں سوچدے او ایہناں سارے اوپریاں اگے یِسُوعؔ لئی ایہہ سارے دکھ تے بے عزتی نوں جرنا کوئی سوکھا کم سی ؟ جے اسیں اوہدی تھاں اُتے ہوندے ، جے ایہہ اسیں ہوندے جیہڑی ایس ساری نفرت نوں جردے ، کپڑے لاہ کے ننگیاں ہون دا ، بے عزت ہون دا ، دکھ دا ، سولی اُتے مرن دا ، نا صرف ساڈے اپنے خنوادے ، یاں خصماں یا زنانیاں اگے ، یا ایتھوں تیک پئی ساڈے رشتے داراں ، سگوں ساڈے جانی دُشمناں دے اگے ،اسیں مرن توں پہلوں کملے ہو گئے ہوندے ! مسیح سولی اُتے مویا ، تاں پئی ہر بندہ اوہدی بے عزتی ویکھ سکے ، کسے اوہلے کھُنج وچ نئیں ، سگوں اُچیائی اُتے ، تاں پئی سارے طعنے دے سکن تے اوس اُتے تھُک سکن ۔
ایتھوں تیک پئی بوہتیاں تکلیفاں ، غم تے مشکلاں اوہدے سولی اُتے چڑھن توں پہلوں مسیحا اُتے آئیاں ۔ سولی اُتے یِسُوعؔ نوں کِل ٹھوکن توں پہلوں ، لوکاں نیں پکا یقین کر لیا پئی اوہ ہر طرح دے دکھاں وچوں لنگھے۔ اوہ بھیِڑ اگے لیانداگیا تے اوہناں اگے دکھ جرے ، اوس اُتے تھُکیا گیا ، تے اوہدے مکھڑے اُتے ایتھوں تیک پئی وڈے کاہن دے اک کامے نے چنڈ ماری ۔ اوس اُتے تھُکیا گیا ! لوکاں نیں اوہدے مکھڑے اُتے چنڈاں ماریاں ، اوہنوں کوڑے مارے ، تے اوہنوں پتھرمارے ! یِسُوعؔ یعنی ایہناں ساریاں دکھاں تے کُٹاں ماراں وچوں ساڈے سبب توں ہٹ کے کسے دوجے لئی نئیں لنگھیا ۔
پاک کتاب سانوں دسدی اے پئی اوہنے کِنج ساڈے بدلے ظلم تے کُٹاں ماراں جریاں ، اِنج آکھدے ہویاں ، ” اوہ ساڈیاں غلطیاں دے واسطے زخمی کیتا گیا تے تے ساڈی بدکاری دے سبب پھیہاگیا ۔ “(یسعیاہ ۵۳:۵)۔مسیحا ایہو جیہے دکھاں وچوں لنگھیاں ایس طرح اوہ ساریاں لوکاں نوں اسرائیلیاں نوں نال رَلاؤندیاں ہویاں اوہناں دے پاپاں تے اوہناں دے پاپاں دی سزا توں چھڈا سکدا سی ۔ ایس مسیحا نے یوحنا کولوں بپتسمہ لَے کے دُنیا دے پاپاں تے پاپ دی سزا دی فکر کیتی ، تے اپنے ذاتی لوکاں ،رومی سپاہیاں تے دوجیاں قوماں دے بوہت چوکھاں لوکاں دا دکھ جرن دے راہیں مسیحا بن کے اپنی خدمت پوری کیتی ۔
خُدا نے پیشنگوئی کیتی پئی مسیحا ایہناں لوکاں نوں بچائے گا جیہڑے اپنےسارے پاپاں نال اوہدے خلاف کھلوتے ہوئے سن— بِنا شک ،سارے لوکاں ولوں کدی وی کیتے گئے سارے پاپاں توں —تےبالکل جویں ایہہ پیشنگوئی کیتی گئی سی ، یِسُوعؔ مسیح بِنا شک ایہہ مسیحا بن کے ایس زمین اُتے آیا ، اصل وچ اوہنے ایہہ سارے دکھ تےپیڑاں نوں جریا تے تہانوں تے مینوں ساڈےپاپاں تے ساڈے پاپاں دی سزا توں اپنا مہنگا لہو وگا کے بچایا ۔
یعنی اسیں مسیحا اُتے ایمان رکھ کے پاپ تے پاپ دی سزا توں بچائے گئے آں اصل وچ ایہہ قربانی دا مُل اُتاریوں بغیر نئیں ملیا ۔ ایس لئی یِسُوعؔ مسیح ایس زمین اُتےآیا تے ایہو جیہے سارے دکھ تے تنگیاں نوں جریا یعنی اسیں ہُن بے پاپ بن سکدے آں ، تے ایہہ ایس سببوں اے پئی ایس مسیحا نےساڈے سارے پاپاں دی سزا نوں جریا جیہڑی اسیں ، صرف اپنے سچے دلوں ایمان رکھن دےراہیں ، مکتی دا انعام تے پاپ توں معافی پا سکدے آں تے خُدا دے پُتر بن سکدے آں ۔ ایہہ ساڈے مسیحا دے سبب ہیگا اے پئی اسیں اینے خوش لوک بن سکدے آں ۔
سانوں لازمی مسیحا دا شکر ادا کرنا چاہی دا اے پئی اوہنے سانوں ایہہ خوشی دتی تے سانوں اپنیاں برکتاں دتیاں ۔ مکتی جیہڑی مسیحا نے سانوں دتی اے صرف ساڈے ایمان دے راہیں سانوں ملی ، بھاویں اسیں اوہنوں اپنی بدنی کوئی قربانی نئیں دتی اے ، اوہنے آپ خُدا دے اگے اپنی اَنمُلی قربانی دتی ۔ سانوں لازمی ایمان رکھنا چاہی دا اے پئی خُدا اپنے آپ بِنا شک سانوں ایہہ سارا دکھ تے پیِڑ جرن دے سبب بچا چُکیا اے تے سانوں لازمی ایس لئی اوہدا شکریہ ادا کرنا چاہی دا اے ۔
سُن، اَے اسرائیل،پرت آؤتے یِسُوعؔ مسیح اُتےایمان رکھو
اسرائیل دے لوکاں نوں لازمی ہُن توبہ کرنی چاہی دی اے تے یِسُوعؔ اُتے یعنی مسیحااُتے مکتی داتا وانگر ایمان رکھنا چاہی دا اے ۔ ایتھوں تیک پئی ہُن ایس اخیری ویلے تیک ، اسرائیلی فیروی نئیں پچھان دے پئی اوہناں دا مسیحا پہلوں ای آگیا اے ۔بالکل جویں ایہناں ساریاں دی یسعیاہ نبی ولوں پیشنگوئی کیتی گئی سی پئی مسیحا ، خُدا دا خادم ، ایس زمین اُتے آئے گا ، تے بالکل جویں پیشنگوئی دا ایہہ کلام سانوں پہلوں دسدا اے پئی ایہہ مسیحا ، ایس زمین اُتے آؤندے ہویاں ، سارے لوکاں دے پاپاں نوں اپنے بپتسمے نال لین تے سولی اُتے مرن دے سبب سانوں ساریاں نوں بچائے گا ، یِسُوعؔ مسیح بِنا شک اپنی مکتی دے سارے کماں نوں پورا کر چُکیا اے ۔ اسرائیل دے لوکاں نوں لازمی ہُن پرتنا چاہی دا اے تے ایس سچیائی نوں جاننا تے ایمان رکھناچاہی دا اے ۔ اوہناں نوں لازمی پاپ دا اعتراف کرناچاہی دا اے جیہڑا اوہناں دے اپنے لوکاں نیں یِسُوعؔ نوں سولی اُتے مارن دے سبب کیتاسی ۔ تے او ہناں نوں لازمی اپنے جمن توں پاپ دا سوکھے طریقے نال اک ڈھیر ہون لئی اپنے سارے کماں نوں پچھاننا چاہی دا اے تے ہُن ایس مسیحا اُتےایمان رکھن دے راہیں اوہناں نوں لازمی اپنے سارے پاپاں تے پاپ دی سزا توں مکتی یافتہ ہونا چاہی دا اے ۔
ہُن کوئی دُوجامسیحا نئیں ہیگا اے۔ایس لئی پئی یِسُوعؔ مسیح پہلوں ای مسیحا بن کے آیا ، کوئی دُوجامسیحا نئیں ہیگا اے ۔ کویں کوئی دُوجامسیحا اصل وچ ہو سکدا اے ؟ کویں کوئی دُوجامکتی داتا ہو سکدا اے ؟ جد اسرائیل دے لوک ایتھوں تیک پئی آؤن والے زمانے وچ بوہتیاں مشکلاں وچوں لنگھن گے ، کیہ اوہ آس رکھن گے پئی کسے طرح دا ہالی ووڈ ایکشن ہیرو ، سُپر مین وانگر ظاہر ہوئے گا تے اوہناں دا مسیحا بن جائے گا ؟
ایتھوں تیک پئی ہُن توں، اسرائیلیاں نوں یِسُوعؔ مسیح نوں اوہناں دے مسیحا وانگر پچھاننا چاہی دا اے ۔ اوہناں نوں لازمی ایمان رکھنا چاہی دا اے یِسُوعؔ مسیح بِنا شک اوہناں دا اپنا سچا مسیحا اے ۔ اوہناں دا مسیحا پہلوں ای ۲۰۰۰ء ورہے پہلوں ایس زمین اُتے آچُکیا سی ، تے اوہناں دے پاپ چُکن لئی تے اوہناں نوں ابرہام دے سکے پُتر بناؤن لئی اوہنے بپتسمہ لیا ، بالکل جویں اوہناں نوں ختنے کراؤنے پیندے سن ، تےسولی اُتے مویا ، سارا کُجھ اِنج پئی اوہ روحانی ختنہ لین گے ۔ مسیحا اسرائیل دے لوکاں دا یوحنا کولوں اپنا بپتسمہ لے کے اوہناں دے پاپاں نوں چُکن دے سبب ، سولی نوں چُکن تے لتاڑے جان لئی اپنا لہو وگاؤن تے فیر مویاں وچوں جیوں اُٹھن دے راہیں سچا مکتی داتا بن گیا ۔
اسرائیلیاں نوں لازمی مسیحا اُتے اپنے ایمان رکھن لئی توبہ کرنی چاہی دی اے ۔ اوہناں نوں لازمی یِسُوعؔ مسیح اُتے اپنے مکتی داتا وانگر ایمان رکھنا چاہی دا اے ۔ ہُن جیہڑا سارے اسرائیل دے لوکاں لئی پورا ہون لئی باقی اے یِسُوعؔ مسیح اُتے مکتی داتا وانگر ایمان رکھنا اے۔ اوہناں نوں لازمی سوچنا چاہی دا اے پئی یسعیا ہ ولوں پہلوں دسیا گیا مسیحا بالکل ایہو ای یِسُوعؔ مسیح اے ۔اوہناں نوں لازمی سوچنا تے ایمان رکھنا چاہی دا اے پئی ایہہ پہلوں دسیا گیا آپ ای یِسُوعؔ توں علاوہ کوئی دُوجا نئیں ہیگا ۔ پُرانے عہد نامے دیاں پیشنگوئیاں ساریاں یِسُوعؔ مسیح دے راہیں پوریاں ہو گئیاں نیں ، یعنی بوہت نِکے خط نوں نا چھڈدیاں ہویاں نا ای بوہت نِکے واقعے نوں ۔ خاص حوالے وچ ایہہ وی آکھیا گیا اے پئی بوہت ساریاں قوماں پاک کیتیاں جان گئیاں ۔
یسعیاہ۵۲: ۱۴۔۱۵دسدا اے ،” جویں بھتیرے تینوں ویکھ کے حیران ہوگئے (اوہدامکھڑاہر اک بندے توں وڈا تے اوہدا بدن لوکاں توں بوہتا وگڑ گیا سی)۔اوسے طرح او ہ بوہتیاں قوماں نوں پاک کرے گا ۔ تےبادشاہ اوہدے اگے چپ کرن گے ایس لئی پئی جیہڑا کجھ اوہناں نوں آکھیا نا گیا سی اوہ ویکھن گے تے جیہڑا کجھ اوہناں نے نا سنیا سی اوہ سمجھن گے۔“
ایس زمین اُتے آؤن دے بعدیِسُوعؔ مسیح نے دکھ جرے جیہڑے اوس توں بوہت چوکھے سن جیہڑے ایس دُنیا دے کسے مُجرم نوں موت دی سزا دیندے نیں ۔ اوہنے ایس دُنیا دے کسے وی مُجرم توں بوہتے اپنے آپ اُتے پیِڑاں تے دکھاں نوں جرن دے سبب ، سارے لوکاں نوں اپنے خاص لوک بناؤن دےسلسلے وچ قربانی دتی ۔ اوہ اپنے لوکاں نوں بچا چُکیا اے جیہڑے اوس اُتے ایمان رکھ کے پاپ توں معافی پاؤن گے ۔ایہہ ہے کنج اوہ اوہناں نوں بچا چُکیا اے ۔
لوک حیران کرن والی مکتی دیاں خبراں سُنن گے ، جیہڑیاں اوہناں نیں نئیں سُنیاں سن نا ای پہلوں ویکھیاں سن ۔ اوہ سارا کُجھ جیہڑا ایتھوں تیک پئی اوہنا ں نئیں سُنیا اے پئی یِسُوعؔ مسیح مسیحا سی بِنا شک ایہنوں سُنن گے تے اخیری ایس اُتے ایمان رکھن گے ۔
یِسُوعؔ مسیحا اے، جیہڑا اک واری آیا تےفیر آئے گا
اج ، ہُن اسیں اخیری زمانے تیک پوہنچدے پئے آں ۔ ایہہ اک موت تے دکھ جرن دا زمانہ ہوئے گا ۔ پر اوہ جیہڑے مسیحا اُتے ایمان رکھدے نیں اصل وچ موت توں بے ڈر نیں ۔ ایس توں ہٹ کے ، اوہ ایتھوں تیک پئی اسمانی خوشی تے اپنے جیوں اُٹھن دی بوہت اڈیک رکھدے پئے نیں جیہڑی اوہناں دے مرن دے بعد آئے گی ۔ یعنی ہنیرا دُنیا اُتے چھاندا پیا اے دا مطلب نئیں ہیگا اے پئی اسیں راستباز وی ہنیرے وچ آں ۔ جد ایہہ خوشخبری لازمی ساری ودھائی جاندی اے مسیحا اصل وچ واپس آئے گا ۔
یِسُوعؔ مسیح ساڈا مسیحا ایس دُنیا وچ خُدا دے لیلے وانگر ،قربانی دے پشُو وانگر آیا ، تے اپنے بدن لئی یوحنا کولوں بپتسمہ لیا تے ایہنوں سولی اُتے چاھڑیا ۔ اپنے وال کُترن والے دے اگے اک بھیڈ وانگر ، یِسُوعؔ یعنی مسیحا نے چُپ کیتے ساڈے پاپ چُک لَے ، سولی اُتے ساڈی اپنی پاپ دی سزا جر کے ڈاہڈے دُکھ جرے ، تِناں دناں پچھوں فیر مویاں وچوں جیوں اُٹھیا تے اِنج اوہناں ساریاں لئی جیہڑے ایمان رکھدے نیں کامل مکتی داتا بن گیا ۔
صرف تھوڑیاں نوں پتہ اے پئی یِسُوعؔ مسیح اوس ویلے مسیحا سی ۔ تھوڑے جیہے ہیگے سن جِنہاں نوں پتہ سی پئی یِسُوعؔ مسیح ۲۰۰۰ء ورہے پہلوں ایس دُنیا وچ چُپ کیتے پیدا ہون ، اپنے بپتسمے دے بعد تِناں ورہیاں لئی بادشاہی دی خوشخبری دی گواہی دین ، سولی اُتے مرن تے فیر مویاں وچوں جیوں اُٹھن دے سبب ساڈا مکتی داتا بن گیا ۔ تھوڑے جیہے نیں جِنہاں نیں لبھیا تے خُدا اُتے ایمان رکھیا ، گواہی دتی پئی ساڈا خُداوند سچا مسیحا اے جِنہے چُپ کیتیاں اپنے سارے کماں نوں پورا کیتا ۔
خُدا دے اوہ خادم ساری دُنیا وچ خوشخبری نوں ودھاؤندے نیں پئی مسیحانے ایس زمین اُتے آؤن تے دکھ تے کُٹاں ماراں جرن دے راہیں سانوں ساڈے پاپاں توں بچایا اے ۔ اصل وچ ، خُدا اپنے آپ ، کتاباں چھاپن دے گُناں نوں ترقی کرن دی اجازت دین دے راہیں دُنیا دی تاریخ نوں ہلان دے راہیں ، تے قوماں نوں جیہڑیاں ایس خوشخبری دی منادی کردیاں نیں پکا تے دولت مند بناؤن دے راہیں پانی تے روح دی خوشخبری نوں ودھاؤندا پیا اے ۔
” یِسُوعؔ مسیحا اے۔ یِسُوعؔ مسیحا اے ۔ یِسُوعؔ مسیحا اے! جے تسیں اپنے مسیحا وانگر یِسُوعؔ اُتے ایمان رکھدے او ، تسیں مکتی یافتہ ہوووگے ۔ یِسُوعؔ خُدا دا پُتر اے ۔ یِسُوعؔ خالق اے جنہے ساری دُنیا نوں بنایا ۔ اوہ خُدا اے ۔ اوہ مسیحا ساڈا مکتی داتا ہے ۔ “خُدا دےخادماں نیں لوکاں تیک پئی یِسُوعؔ مسیحا اےتے اوہدے بپتسمے بارے وی، سولی اُتے اوہدی موت ، تے اوہدے جیوں اُٹھن دی منادی کرن نوں جاری رکھیا ۔
اسرائیل دے کُجھ جوان احساس کرچکےسن پئی ۲۰۰۰ء ورہے پہلوں ، اک جوان بندہ جِہدا ناں یِسُوع ؔسی ایس زمین اُتے آیا تے پئی جد اوہ ۳۰ ورہیاں دا ہوگیا، اوہنے یوحنا کولوں بپتسمہ لین دے راہیں سارے لوکاں دے پاپاں نوں چُک لیا ۔ اوس ویلے ، صرف یِسُوعؔ دے اپنے شاگرد جان دے سن پئی اوہ مسیحا سی تے ایس گل دا صرف تھوڑے جیہے بندیاں نوں پتہ سی جیہڑے اصل وچ خُدا کولوں ڈردے سن —باقی سارے ایس سچیائی توں بے خبررہے ۔ سارے رَلا کے ، اسرائیل دی ایس قوم وچوں صرف تقریباً ۵۰۰ پاک لوک سن (۱۔کرنتھیوں ۱۵:۶)جِنہاں نوں پتہ سی پئی مسیحا سولی تیکر دُنیا دے پاپاں نوں لَے گیا ، یعنی اوہ ایس اُتے مویا ، تے پئی اوہ فیر مویاں وچوں جیوں اُٹھیا ۔ دوجے سارے کوئی اِنج نئیں سوچدے سن ۔
یِسُوعؔ مسیح دی موت تےاوہدے جیوں اُٹھن دے ۵۰ویں دیہاڑے ، پاک روح اصل وچ اوہدے چلیاں اُتے اُتریا ۔ جد یِسُوعؔ دے چیلے اُتلے گھر وچ دعا کردے پئے سن ،پاک روح بِنا شک اوہناں اُتے اُتریا ، اوہناں نوں پرائیاں بولیاں وچ بولن دے لائق کردے ہویاں تے گواہی دیندے ہویاں پئی یِسُوعؔ مسیح مسیحا اے ۔ فیر ، اوہدے چیلیاں نیں ، موت کولوں نا ڈردے ہویاں ، دلیری نال گواہی دتی ، ”یِسُوعؔ مسیحا اے ۔ مسیحا ساڈا مکتی داتا اے ۔ جیوں اُٹھیا یِسُوعؔ ساڈا مسیحا اے ۔“ ایس لئی بوہت سارے لوک اوس ویلے ایمان لیاؤن لئی آئے ۔
یِسُوعؔ یعنی مسیحا دے راہیں ، خُدا نے بِنا شک تہانوں تے مینوں ساڈے سارے پاپاں تے پاپ دی لعنت کولوں بچایا اے ۔ ایس لئی پئی ایس طرح سانوں ساڈے پاپاں تے سزا توں بچاؤن لئی اینے ڈاہڈے دکھاں تے پیِڑاں نوں جریا ، سانوں خاص کر کے لازمی اوہدے اُتے ایمان رکھنا چاہی دا اے ؛ اوہ سارے جیہڑے ایمان نئیں رکھدے اوہناں نوں لازمی توبہ کرنی چاہی دی اے ، پرتنا چاہی دا اے تے ایمان وی لیاؤنا چاہی دا اے ؛ تے سانوں ساریاں نوں لازمی ایمان نال ایہہ سچیائی ودھاؤنی چاہی دی اے ۔
اصل وچ ، اسرائیل دے لوک ہُن اک بوہت خطرناک صورت ِ حال توں ڈردے نیں ۔ ایس لئی اوہناں نوں لازمی خیمۂ اِجتماع دے ایس کلام نوں سننا چاہی دا اے جیہڑا خُدانے اصل وچ اوہناں نوں سُنا یا سی ۔ ہُن اسیں وی اخیری زمانے وچ جاندے پئے آں ۔ خیمۂ اِجتماع دے قربانی دے نظام وچ وکھائی گئی پانی تے رُوح دی خوشخبری اصل وچ لازمی اسرائیل دے لوکاں لئی اپنا راہ بنائے گی ۔ اوہ وی ایمان لیاؤن لئی آؤن گے پئی یِسُوعؔ مسیح بِنا شک مسیحا اے جِہدے بارے خُدا نے اوہناں نوں فرمایا سی ۔
خُدا اسرائیل دے لوکاں نوں پہلوں ای قربانی دے نظام بارے دس چُکیا سی، تے اوہناں نیں ایس اُتے ایمان رکھیا ۔ اصل وچ ، اوہ ہُن وی خیمۂ اِجتماع دے قربانی دے ایس نظام دے مطابق خُدا نوں قربانیاں پیش کرن دی تمنا رکھدے نیں ۔ اسرائیلیاں وچکار ہُن تیک کئی پُرانیاں گلاں نوں پسند کرن والے ہیگے نیں جیہڑے جنگل وچ رہندے نیں ۔ ایتھوں تیک پئی ہُن، ایہہ لوک ایس طریقے نال قربانیاں پیش کردے ہویاں جنگل وچ زندہ رہندے نیں ۔ دوجے اکھراں وچ اوہ ایس قِسم دیاں قربانیاں پیش کردے پئے نیں جیہڑیاں پہلوں اک واری خیمۂ اِجتماع وچ پیش کیتیاں جاندیاں سن ۔ خورے اوہ ہارون دی اولاد نیں ۔ اپنے خنوادیاں دی رسم نوں قائم رکھن لئی ، اوہ شہراں دی بجائےجنگل وچ زندہ رہندے پئے نیں ۔ بھاویں اوہ اسرائیلی نیں ، اوہ اک خفیہ قبیلے وانگر زندہ رہندے نیں ، یعنی عام لوکاں توں وکھرے ۔ ایناں لوکاں لئی وی ، سانوں لازمی اصل وچ خیمۂ اِجتماع دے کلام دی منادی کرنی چاہی دی اے پئی مسیحا پہلوں ای ساڈے کول آگیا اے تے ساڈے ایمان دے مطابق سانوں بچا چُکیا اے ۔
سانوں لازمی یِسُوعؔ دا ایس زمین اُتے آؤن لئی ، اِنج دُکھ تے کُٹاں ماراں جرن لئی ، تے ساڈی تھاں سزا جرن لئی شکر ادا کرنا چاہی دا اے ، سارا تہانوں تے مینوں ساڈے مکتی داتا وانگر ، ساڈے پاپاں تے پاپ دی لعنت توں بچاؤن دے بارے وچ اے ۔
”ایس لئی پئی عِشق موت وانگر ڈاہڈا اےتے غیر ت دوزخ وانگر بے ترس اے“
یعنی اسیں اصل وچ اپنے سارے پاپاں توں تے پاپ دے سزا توں بچائے گئے آں اک اتفاقیہ سبب نال نئیں ملیا سی ، جویں پئی بھاویں ایہہ اک اچانک میل دے مِلن نال ملیا ہوئے ۔ ساڈی مکتی کسے طرح دالفظاں دا سلسلہ نئیں اے جیہڑے سانوں دسدے رہندے نیں پئی سانوں اوہناں نوں ۲۰ لوکاں توں بوہتیاں تیک، اگے پوہنچانا اے نئیں تاں اسیں فناہ ہو جاواں گے ۔ نا ای پاپاں دی معافی دی ساڈی مکتی اوہناں بوہتیاں ونڈے جان والے اشتہاراں وچوں اک وانگر اے جیہڑے اک نال دوجا پیزا مفت دین دا کاروبار کردے نیں ، جتھے اسیں ارام نال اک فون کر سکدے آں تے اپنے دل دی ریِجھ مطابق اپنا ٹِہڈ بھر سکدے آں ۔
اصل وچ ، ساڈی مکتی ساڈے کول خُدا دے اپنے پُتر نوں گھلن دے راہیں ، اوسے اُتے ساڈے سارے پاپاں نوں لدن دے راہیں ،تے اوہدے دکھاں نوں جرن تے اوہدے ساڈے ایہناں سارے پاپاں لئی پیِڑاں سہن تے ماراں کھان دے راہیں ملی اے ۔ ایس لئی تہانوں تے مینوں سچے دلوں اوس اُتے ایمان رکھنا تے اوہدا شکر ادا کرنا چاہی دا اے ۔ ایہہ جان کے پئی کویں سانوں مکتی ملی ، کویں ساڈے وچوں کوئی کدی ایہنوں اک پاٹے ہوئے جُتیاں دے جوڑے وانگر سُٹ سکدا سی ، اُتلے گھر وچ بیٹھے ہوئے ، اوہنوں کُجھ بے فائدہ ٹُٹے ہوئے ہتھیار وانگر رکھ سکدا سی ، تے ایہنوں ردّ کر سکدا سی جویں جے ایہہ کوئی دوجی شے ہونی سی ؟
کیہ تہاڈے وچکار کوئی ہیگا اے جیہڑا خُدا دی کلیسیا وچ رَلدا پیا اے ، فیر وی پا پ تو ں معافی نئیں پا چُکیا ؟ کیہ کوئی ہیگا اے جیہڑا اصل وچ حالے تیک پانی تے روح دی خوشخبری اُتے ایمان نئیں لیا چُکیااے ؟ جے بِنا شک ایہو جیہے لوک ہیگے نیں ، اوہناں ساریاں نوں لازمی توبہ کرنی تے ایس توں پہلوں پئی بوہت کویلا ہوجائے مسیحا اُتے ایمان رکھنا چاہی دا اے ۔ جے تسیں گواچ جاندے او تے پکا یقین نئیں ہیگا کیہڑے راہ ٹُرنا اے ، تاں صرف سارا اپنے سچے دلوں سچیائی دے کلام اُتے ایمان رکھو ۔ اوہ جیہڑے ایمان نئیں رکھدے خُدا دے پُتر دی ایس محبت نوں رد ّکردے پئے نیں ، محبت جِہدے نال اوہناں دی اپنے آپ توں علاوہ کسے دوجے لئی نئیں اوہ ایناں سارے دکھاں وچوں لنگھن دے راہیں اوہناں نوں بچا چُکیا اے ۔
اوہ جیہڑے اوہدی محبت دی قدر نوں گھٹ جان دے نیں تے ایہنوں ردّ کردے نیں لعنتاں لین گے ۔پاک کتاب سانوں دسدی اے ،”ایس لئی پئی عِشق موت وانگر ڈاہڈا اے تے غیرت دوزخ وانگر بے ترس اے“(غزلُ الغزلات ۸:۶)۔خُدا دی محبت اینی پکی تے وڈی اے پئی ایہہ اوہناں لوکاں اُتے بوہت دُکھاں پیِڑاں بھری سزا لیاؤندی اے جیہڑے ایہنوں اخیر تیک ردّ کردے نیں ۔ دوجے اکھراں وچ ایہہ سانوں دسدی اے پئی جے کوئی اصل وچ جد پئی پاپی رہندے ہویاں مرجاندا اے ، اوہ بِنا شک قبر وانگر دوزخ دی بےترس پیِڑ نوں جرے گا ۔ نفرت قبر وانگر ظالم اے ۔ جد مسیحا تہانوں اینی محبت کر چُکیا اے ، جد اوہنے اِنج بپتسمہ لیا ، اپنے آپ دا لہو وگایا، تے ہر طرح دادکھ تے پیڑ جری ، سارا کُجھ صرف تہانوں بچاؤن لئی ، جے تُسیں ایس محبت اُتے ایمان نئیں رکھدے تے ایہنوں ردّ کردے او ، تسیں لازمی ایس ظالم پیِڑ دا دکھ جرو گے ۔ ایہہ جہنم توں علاوہ کوئی دوجا نئیں ہیگا ۔
اِنج خُدا نے فرمایا ، ”تے جیویں بندیاں نوں اک وار مرنا ہوندااے تے مگروں عدالت ہوندی اے۔“ (عبرانیوں ۹:۲۷)۔جد اسیں مردے آں ، ساڈا بدن مُک سکدا اے ، پر خُدا دے اگے ، ایہہ ساڈا مُکنا نئیں ہیگا ۔ اوہناں اُتے ظلم نوں لتاڑن لئی جیہڑے خُدا دی محبت نوں ردّ کردے نیں ، خُدا اوہناں نوں ہمیش لئی زندہ رہن تے کدی نہ مرن دے لائق بنا چُکیا اے ، تے بِناشک اوہناں اُتے بےترس دکھ لیائے گا ۔ دوجے اکھراں وچ ، اوہ اوہناں نوں سدا لئی بلدی ہوئی اگ وچ سچ مُچ سُٹے گا ، تے اوہناں نوں سب ایس پیِڑ وچ لگاتار ، بغیر مُکیوں تے سدالئی تے ہمیش لئی دکھ وچ سُٹے گا ۔ ایہہ ظالم دکھ خُدا دی ظالم نفرت توں علاوہ کوئی دوجے نہیں ہیگے ۔ کیہ تسیں سوچدے او خُدا کدی اپنے آپ اک ایہو جیہی شےگھلن دے لائق نئیں ہوئے گا ۔ کدی نا بھُلو پئی خُدا لئی کوئی کم اوکھا نئیں ہیگا !
ساڈے لئی خُدا دی وڈی تے حدوں چوکھی محبت ، ساڈے بدلے اوہدے اپنے آپ اُتے دکھ جرن دے راہیں ، سانوں ساڈیاں سا ریاں لعنتاں ، ساڈے سارے پاپاں ، تے ساڈیاں ساریاں سزاواں توں بچا چُکی اے ۔ کیہ تہاڈے سارے مسئلیاں نوں حل کر سکدی اے ایہہ مسیحا دی محبت اے ۔ بِنا شک کُجھ نئیں ہیگا اے جیہڑا مسیحا دی محبت تو ں بوہت وڈا اے ۔ ایس مسیحا اُتے ایمان دے بغیر ، خُدا دی محبت ساڈی نئیں ہو سکدی ۔ ایہہ محبت صرف سانوں اوس خُدا دے راہیں دتی جاندی اے ، اکو اک جیہڑا ساڈا مسیحا بن گیا اے تے ایہہ اوہدا باپ اے جیہڑا اوہنوں ساڈے کول گھل چُکیا اے ۔ قادرِ مُطلق خُدائے ثالوث ساڈے نال ایس طرح محبت کر چُکیا اے ، تے ایس طرحاں سانوں ساڈے پاپاں تے سزا توں بچا چُکیا اے ۔ ایس لئی سانوں لازمی مسیحا اُتے ایمان رکھنا چاہی دا اے ، ایس لئی سانوں لازمی اوہدا شکر ادا کرنا چاہی دا اے ، ایس لئی سانوں لازمی اوہنوں جلال دینا چاہی دا اے تے ایس لئی سانوں لازمی ایس مسیحا اُتے ایمان رکھ کے سکون نال رہناچاہی دا اے ۔
ایہہ کِنی شکر گزار ی اے پئی مسیحا سانوں پانی تے روح دی خوشخبری دے چُکیا اے؟ جے کوئی نئیں جان دا ایہہ محبت کِنی اَنمُلی اے ، کویں ایہہ کدی ایس دُنیا وچ کسے وی دوجی شے نال بدلی نئیں جا سکدی ، اوہ لازمی بوہت جاہل تے عقلوں گھٹ لوکاں وانگر ہوئے گا ۔ بوہت خطرناک دُکھاں تے مسئلیاں وچوں ساڈا خُداوند ساڈے واسطے لنگھیا؟ ایس لئی اسیں اوہدی محبت لئی اینے شکرگزار آں ، بھاویں اسیں تھوڑے آں ، اسیں ساریاں تیک اپنی باقی طاقت دی ایس محبت نوں اوہناں تیک جیہڑے ایہنوں نئیں جان دے ودھاؤن لئی وقف کردے آں ۔
خُدا دے ایہو جیہے کم کرن لئی سانوں لازمی مصیبتاں تے دکھ وی جرنے چاہی دے نیں ۔ اسیں صرف اپنے آپ لئی خوشحالی نوں نئیں لبھ سکدے ۔ جے اسیں بِنا شک قربانی دی اوہدی محبت پاؤن تے ایہدے کپڑے پاؤن دے راہیں مکتی یافتہ گئے آں ، سانوں لازمی ایس محبت نوں دوجیاں نال وی ونڈنا چاہی دا اے ۔ بالکل جویں یِسُوعؔ مسیح نے ساڈے پاپاں نوں مکاؤن لئی اپنے سارے دکھاں نوں جریا ، نا بدنی محبت نال ،سگوں اپنی دلی محبت نال ،سانوں وی لازمی ایمان نال اوہدے کم کرنے چاہی دے نیں ، دلوں خوش ہو کے مصیبتاں ، دبا، نفرت ، تکلیف تے ذلالت نوں قبول کردے ہویاں ، جے ایہناں دا مطلب اے پئی دوجے وی اپنے پاپاں توں معافی پاؤن گے ۔ سانوں لازمی محبت دے ناں وچ ایہو جیہی نفرت دادکھ جرنا چاہی دا اے ۔ جے تسیں تے مَیں سچ مُچ پاپ توں معافی پا چُکے آں ، فیر مَیں ایمان رکھدا ہاں پئی ایہو جیہی محبت بِنا شک ساڈے دلاں وچ ہوندی اے ۔
تے نویں سریوں جمے ہوئے ، جیہڑے سچ مُچ جان دے نیں اوہ پہلوں کون سن تے یِسُوعؔ دی مکتی دی محبت کِنی وڈی تے تگڑی اے ، پھل پیدا کردے نیں ۔ مکتی یافتہ رُکھ نیں جیہڑے مکتی دے پھل پیدا کردے نیں ، ”کیوں جو رُکھ اپنے پھل توں ای پچھانیا جاندا اے “ (متی ۱۲:۳۳)۔تہاڈے مکتی یافتہ ہون توں پہلوں ،تسیں کامل طریقے نال اپنے پاپاں وچ غرق سو ،تے اِنج ایتھوں تیک پئی تسیں گِلہ نئیں کر سکدے سو جے تسیں بِنا شک دوزخ وچ سُٹ دتے جاندے ۔ پر تسیں ایمان رکھیا پئی خُدا اک بندے دے جثے وچ ایس زمین اُتے آؤن تے تہاڈے بدلے دکھ جرن دے راہیں تہاڈا مکتی داتا بن گیا اے ، تے پئی تہاڈی تھاں اُتے پیِڑ جرن دے راہیں اوہ تہانوں تہاڈے پاپاں تے سزا توں بچا چُکیا اے ۔ ایس طرح ایمان رکھن دے راہیں تسیں مکتی یافتہ ہو گئے او ۔ جے تسیں بِنا شک ایہہ محبت پا چُکے او فیر تہانوں تے مینوں لازمی ایمان رکھنا چاہی دا اے جیہڑے دوجیاں لئی زندہ رہن دی تمنا رکھدے نیں ۔
جے کوئی بندہ ایہو جیہا دل نئیں رکھدا ، فیر اوہ پاپ توں معافی نئیں پا چُکیا ۔ بالکل ٹھیک ، ایہہ بندہ صرف پاپ توں معافی پاؤن دا فریب کردا پیا اے ۔
بالکل جویں مسیح نے اپنے دکھاں نوں جریا تے سانوں ساڈے سارے پاپاں تے سزا توں بچا چُکیا اے ایس لئی پئی اوہنے ساڈے نال محبت رکھی اے ، جے اسیں بِنا شک ایس محبت اُتے ایمان رکھن دے راہیں مکتی یافتہ ہو گئے آں ، فیر ایہہ محبت ساڈے اپنے دلاں وچ وی ہوندی اے ۔ کیوں ؟ ایس لئی پئی ہُن مسیح ساڈے دلاں وچ رہندا اے ۔جویں اوہ ساڈے بدلے ستایاگیا تے ساڈے نال محبت کرچُکیا اے ، سانوں وی لازمی دوجیاں لئی تے اوہناں بدلے دکھ جرن لئی زندہ رہنا چاہی دا اے ۔ ایس لئی پئی ساڈے وچوں اوہ جیہڑے پاپ توں معافی پا چُکے نیں اپنے دلاں وچ کوئی ہور پاپ باقی نئیں رکھدے ، ساڈے دل سارے ، یِسُوعؔ مسیح دے دل وانگر بن کے بدل گئے نیں ۔
مَیں یِسُوعؔ مسیح دا ایس زمین اُتے آؤن لئی ، بپتسمہ لین تے سولی اُتے اپنا لہو وگاؤن لئی ، ساڈے بدلے اپنے سارے دکھ قبول کرن لئی ، تے اِنج ساڈا مسیحا بنن لئی جیہڑاسانوں ساڈے سارے پاپاں توں چھڈا چُکیا اے ،شکر ادا کردا ہاں ۔
Copyright © 2021 by The New Life Mission