En raison du COVID-19 et l'interruption du service postal international,
nous avonssuspendutemporairementnotre "service gratuit de livres imprimés".
nous avonssuspendutemporairementnotre "service gratuit de livres imprimés".
Au vu de cette situation, nous ne sommes pas en mesure de vous envoyer les livres actuellement.
Priez que cette pandémie cesse rapidement et que le service postal reprenne.
Priez que cette pandémie cesse rapidement et que le service postal reprenne.
مضمون 8: پاک رُوح
[8-7] سوہنی خوشخبری جیہڑی پاک رُوح نوں تہاڈے دل وچ رہن دیندی اے <یسعیاہ ۹:۶ ۔ ۷>
>یسعیاہ ۹:۶ ۔ ۷>
” ایس لئی ساڈے لئی اک مُنڈا جمیا تے سانوں اک پُتر بخشیا گیا تے بادشاہی اوہدے موہڈیاں اُتے ہووے گی تے اوہدا ناں اوّلا وکیل ،قدرت والا خُدا ،ہمیشگی دا باپ ،صلح دا شہزادہ ہووے گا ۔ اوہدی بادشاہی دا ودھنا تے صلاح دا ختم ہونا ،کدی نہ ہووےگا۔ اوہ داؤد دے راج تے اوہدی مالکی اُتے ،اَج توں ہمیش تیکر حکم چلاوے گا تے انصاف کرکے تے سچیائی نال اوہنوں قائم رکھے گا ۔فوجاں والے رب دی غیرت اِنج کرےگی۔ “
ایمانداراں وچ کیہڑی شے پاک رُوح نوں رہن دیندی اے ؟
پانی تے رُوح دی سوہنی خوشخبری
پاک رُوح پاؤن لئی ،سانوں پانی تے رُوح دی خوشخبری اُتے ایمان رکھن دی لوڑ ہیگی اے۔ ساڈے خُداوند نوں اوّلا ،وکیل تےقدرت والا خُدا،دے ناں توں سدیا جاندااے ۔ساڈے خُداوند نے اپنے آپ نو ں اَسمانی راہ وانگر دسیا اے ۔ یسوع مسیح نےہر کسے نوں سوہنی خوشخبری دا تحفہ لین بارے آکھیا ۔
فیر وی ،ایس جگ وچ ، بوہتے لوکیں ہیگے نیں جیہڑے حالے تیک ہنیرے وچ رہندے نیں ۔ اوہ ایس ہنیرے توں بچن دی ہمت کردے نیں پر کیوں جے اوہناں نوں سوہنی خوشخبری دا پتہ نئیں ہیگا ، اوہ کدی اپنے پاپاں توں بچ نئیں سکدے ۔ ایہدی تھاں اُتے اوہ نقلی خُدا ئی تعلیم اُتے اپنے عقیدے وچ سُک سڑ جاندے نیں ۔ اوہدے بدلے ، اوہناں لئی جیہڑے سچ نوں لبھدے نیں ،اوہناں نوں سوہنی خوشخبری ملے گی تے باقی حیاتیاں خُدا دیاں برکتاں نال بھریاں ہوئیاں بسر کرن گے ۔ میَں ایمان رکھدا ہاں ،ایہہ خُدا دی خاص برکت ہیگی اے جیہڑی مینوں ،اوہناں نوں سوہنی خوشخبری نوں لبھن تے اوہناں نوں اوہناں دے پاپاں توں دھون لئی مدد دیندی اے ۔
ایس لئی پاپ توں چھُٹکارا اوکھا ہوندااے ،جے ایہہ اوہدی برکت نہ ہوندی ۔ جے اسیں خُدا وند نوں ملے آں تے پاک رُوح پا لیا اے فیر اسیں بوہت زیادہ برکت پائی اے ۔ افسوس ہوندااے ، پئی بوہتے لوکاں نوں پتہ نئیں ہیگا پئی خُدا دی برکت ایس سوہنی خوشخبری اُتے ایمان لیایاں ملدی اے ۔
خُدا دی برکت سوہنی خوشخبری اُتے ایمان دا نتیجہ ہیگی اے ،جیہڑی سانوں یسوع مسیح ،اوہدے اَکلّے پُتر ،راہیں ملی سی ۔ یسوع اَکلّا ہیگا اے جیہڑا سانوں جگ دے پاپاں توں بچاؤندااے تے سانوں اپنے فضل نال برکت دیندااے ۔ کوئی دوجا سانوں پاپاں توں نئیں بچا سکدا یاں ساڈے دلاں وچوں پاپاں نوں مکا نئیں سکدا ۔ کیہڑا اِنج کر سکدا اے پئی اپنے آپ نوں ، اپنے پاپاں توں تے ہمیشہ دی موت دی پیڑ توں بچاسکداسی ؟
خُدا سانوں دسدااے ، ” ایہو جیہی راہ وی ہیگی اے جیہڑی بندے نوں سدھی لگدی اے ، پر اوہدے مکن اُتے موت دیاں راہواں ہیگیاں نیں۔ “ (امثال ۱۶:۲۵)۔ لوکیں اپنے دلی دین بناؤندے نیں تے اپنے آپ نوں بربادی تے موت ول لَے جاندے نیں ۔بوہتے دین گھمنڈ کردے نیں پئی اوہ راستبازی دی گل کردے نیں تے لوکاں نوں اوہناں دے پاپاں توں بچاؤن لئی اپنے دلی راہ وکھاؤندے نیں پر ایہہ صرف پانی تے رُوح دی خوشخبری ہیگی اے ،جیہڑی ساڈے خُداوندنے سانوں دِتی ، جیہڑی سانوں ساڈے سارے پاپاں توں بچا سکدی اے ۔ صرف یسوع مکتی داتا ہیگااے ،جیہڑ پاپیاں نوں اوہناں دے پاپاں توں بچا سکدااے۔
یوحنا۱۴:۶ وچ، ساڈے خُداوند نے آکھیا، ” یسوع نے اوہنوں آکھیا پئی راہ تے سچ تے حیاتی میَں ہیگا واں ۔کوئی میتھوں اَڈ باپ دے کول نئیں آؤندا۔ “ اوہنے اوہناں دی موت دی راہ اُتے اوہناں لئی اپنا بدن تے لہو دِتا ۔اوہنے اپنے آپ دےبارے سچی حیاتی دی راہ وانگردسیا ۔ خُدا آکھدااے جے کوئی بندہ یسوع دی سوہنی خوشخبری اُتے ایمان نئیں رکھدا ،اوہ اسماں دی بادشاہی وچ جا نئیں سکدا ۔
سانوں لازمی طور اُتے پانی تے رُوح دی خوشخبری اُتے ایمان رکھنا چاہی دا اے،اپنے پاپاں توں معاف ہونا چاہی دا اےتے اسمان دی بادشاہی وچ جان دے بارے وچ ایمان رکھنا چاہی دا اے، پئی اوہ ساڈا مکتی داتا ہیگااے ۔
اک واری پُرانے اِسرائیل وچ !
”تےیہوداہ دا بادشاہ آخز بن یُوتام بن عزیاہ دے دناں وچ اِنج ہویا پئی رضین ارام دے بادشاہ تے فقح بن رملیا ہ اِسرائیل دےبادشاہ نے یروشلیم اُتے حملہ کیتا پراوہدے اُتے فتح نہ پا سکے۔“ (یسعیاہ ۷:۱)۔
اِسرائیل اصل وچ اک قوم ہیگی سی ۔ فیر وی ، اِسرائیل جنوب تے شمال وچ ونڈیاگیا ۔ خُدا دی ہیکل جنوب دے یہوداہ دے یروشلیم وچ ہیگی سی ، جتھے رحبعام ،سلیمان بادشاہ دا پُتر ، بادشاہی کرداسی ۔ بعد وچ ، یُربعام ، جیہڑاسلیمان دے نوکراں وچوں اک سی ، اوہنے شمال وچ دوجی قوم بنائی تے ایس طرحاں اوہدی ونڈ پَے گئی ۔ اوس ویلے توں ،خُدا اُتوں ایمان مک گیا ۔ ایمان مکن دے سبب اج کل پُٹھے دین بن گئے نیں ۔ ایس طرحاں یربعام پُٹھیاں دیناں دا پیو بن گیا ۔ اوہنے خُدا دی شریعت وچ گھاٹا وادا کیتا ،کیوں جے اوہنوں اپنی بادشاہی قائم رکھن دی لوڑی ہیگی سی تے ایس لئی ، پُٹھیاں دیناں دا پیو بن گیا ۔ اوہنے اِسرائیل دی شمالی بادشاہی وچ ، اپنے لوکاں لئی اک وکھرا دین بنایا تے اوہنے ایتھوں تیک پئی یہوداہ دی جنوبی بادشاہی اُتے حملہ کرن دی ہمت کیتی ۔ گھٹوگھٹ ۲۰۰ ورہے لنگھ گئے سَن ۔ پر دو بادشاہواں وچکار دشمنیاں نہ مکیاں ۔
فیر وی ، خُدا نے یسعیاہ دے راہیں کلام کیتا ، ” کیوں جے ارام تے افرائیم تے رملیاہ دا پُتر تیرے خلاف مشورہ کرکے آکھدے نیں ۔پئی آؤ اسیں یہوداہ اُتے حملہ کریے تے اوہنوں تنگ کریے تے اپنے لئی اوہدے وچ جھگڑا بنائیے تے طابیل دے پُتر نوں اوہدے وچکار بادشاہ بنائیے ۔ ایس لئی خُداوند خُدا فرماؤندااے پئی ایہہ قائم نئیں رہوے گا سگوں اِنج ہو ای نئیں سکدا ۔کیوں جے ارام دے بادشاہ دے رہن والا شہردمشق ای ہووےگا تے دمشق دا سردار رِضین تے ۶۵ ورہیاں دے اندر افرائیم اِنج وڈ یا جاوے گا پئی قوم نہ رہوے گا ۔اِفرائیم دے وی بادشاہ دے رہن داشہر سامریہ ای ہووے گا تے سامریہ دا سردار رملیاہ داپُتر ۔ جے تسیں ایمان نہ لیاوو گے تے لازمی طور اُتے تسیں قائم نہ رہووگے ۔ “(یسعیاہ ۷:۵ ۔ ۹)۔
اوس ویلے ،خُدا نے آخز بادشاہ لئی یسعیا ہ راہیں پیشن گوئی کیتی ،پر بادشاہ اوہدے اُتے کوئی ایمان نئیں رکھداسی ۔آخز صرف پریشان سی پئی اوہ ایتھوں تیک پئی اِرام دی فوج دے خلاف کھلوتے رہن دے لائق نئیں ہووےگا ، پر اک دوجے نال میل جو ل وچ ارام تے اِسرائیل دے حملے بارے سُن کے، اوہ ڈر
نال کمب اُٹھیا ۔پر خُدا دا خادم ، یسعیاہ ،آیا تے اوہنوں دسیا ، ” ۶۵ ورہیاں توں کھٹ وچ،شمالی اِسرائیل ٹُٹ جاوے گا۔ تے بھیڑی چال جیہڑی دو بادشاہواں چلی سی کدی سچ ثابت نئیں ہووےگی “
خُدا دے خادم نے آخز بادشاہ نو ں خُدا کولوں اک نشانی منگن لئی آکھیا ، ” خُداوند اپنے خُدا کولوں کوئی نشانی منگ بھاویں ہیٹھاں پاتال وچ ،بھاویں اُتاں اُچیائی اُتے ۔“ (یسعیاہ ۷:۱۱)۔” فیر خُدا نے آکھیا ،اَے داؤد دے خنوادے ہُن سُنو !کیہ تہاڈا بندے نوں پریشان کرنا کوئی سوکھی گل ہیگی اے پئی میرے خُدا نوں وی پریشان کروگے ؟ پر خُداوند آپ تہانوں اک نشانی بخشے گا ۔ ویکھو اک کواری امیدنال ہووے گی تے پُتر پیدا ہووے گا تے اوہ اوہدا ناں عمانوایل رکھے گی ۔“ (یسعیاہ ۷:۱۳ ۔ ۱۴)۔ ایہہ اوہدی پیشن گوئی ہیگی سی : پئی اوہ اپنے لوکاں نوں اوہناں دے پاپاں توں بچاوےگا ۔
کیہڑاخُدا دا ویری اے ؟
بندیاں دا ویری پاپ ہیگااے تے پاپ شیطان توں شروع ہوندااے ۔تے کون ساڈے پاپاں توں مکتی دین والا ہیگااے ۔مکتی داتا یسوع مسیح ، خُدا دے پُتر توں ہٹ کے کوئی دوجا نئیں ہیگااے ۔ بندہ بدن وچ ہوندیاں ہویاں ماڑا ہیگااے تے ایس لئی بچ نئیں سکدا سگوں پاپ کردااے ۔اوہ شیطان دی بادشاہی ہیٹھاں ہیگااے ۔بوہتے لوک حالے تیک جادوگراں کول جاندے نیں تے اپنیاں جندڑیاں بالکل اوسے طرحاں بسرکرن دی ہمت کردے نیں جویں ایہہ جھوٹے نبی اوہناں نوں ہدایت دیندے نیں ۔ایہہ کھُلا ثبوت ہیگا اے پئی اوہ شیطان دی بادشاہی ہیٹھاں ہیگے نیں۔
خُداوند نے یسعیاہ نوں ، ایہہ آکھدیاں ہویاں مکتی دا ثبوت دتا پئی اک کواری اک پُتر نوں جمے گی تے اوہدا ناں عمانوایل رکھے گی ۔ یسوع نوں بندے دے پاپی بدن وانگر گھلنا ،ایہہ خُدادا ارادہ ہیگا سی تے اوہدے راہیں پاپیاں نوںشیطان دے ظلم توں بچانا سی ۔پیشن گوئی دے وانگر ، یسوع اک کواری توں انساناں وانگر پیدا ہوکے ایس جگ وچ آیا ۔
جے یسوع ساڈے کول نہ آؤندا ،اسیں حالے تیک شیطان دی بادشاہی ہیٹھاں جیوندے ہوندے ۔پر یسوع ایس جگ وچ آیا تے یوحنا کولوں بپتسمہ لیا تے سانوں سوہنی خوشخبری دین دے بارے
وچ سولی اُتے مرگیا جیہڑی سارے پاپیاں نوں اوہناں دے پاپاں توں بچاوے گی ۔ ایس لئی،بوہتے لوکاں نیں سوہنی خوشخبری اُتے ایمان رکھیا ، پاپاں توں معافی پائی تے خُدا دے پُتر بن گئے ۔
بھاویں اج کل، بوہت سارے خُدائی تعلیم دے ماہر بحث کردے نیں ،کیہ یسوع مسیح خُدا ہیگا اے یاں بندہ ۔اپنے آپ نوں وڈے اکھواؤن والے خُدائی تعلیم دےماہر آکھدے نیں ، ” یسوع خُدا ہیگااے ، “ پرکئی نویں خُدائی تعلیم دےماہر بحث کردے ہوئے خیال وگاڑ لیندے نیں پئی یسوع یوسف دا ناجائزپُتر سی ۔ ایہہ بڑا ای دُکھ بھریا دعویٰ ہیگااے !
کئی نویں خُدائی تعلیم دےماہر آکھدے نیں پئی اوہ ایمان نئیں رکھ سکدے پئی یسوع پانی اُتے چلن دی قدرت رکھدا سی ۔اوہ آکھدے نیں ، ” یسوع اصل وچ دھرتی اَسمان دے میل والی تھاں اُتے اک ہیٹھاں والی پہاڑی اُتے ٹُریاتے اوہدے چیلیاں نیں ،اوہنوں دُوروں ویکھ کے سوچیا پئی اوہ پانی اُتے ٹُرداپیا سی ۔“ اج دے دَناں دے خُدائی تعلیم دے فلاسفر جیہڑے نویں خُدائی تعلیم دے سکولاں توں سکھے ہوئے نیں ،سارے خُدائی تعلیم دےچنگے بندے نئیں ہیگے ۔اوہناں وچوں بوہتے صرف ایمان رکھن لئی چُن دے نیں پئی پاک کتاب وچوں کیہ سمجھ سکدے نیں ۔
اک ہور مثال دین لئی ، پاک کتاب آکھدی اے پئی یسوع نے ۲ مچھیاں تے ۵ روٹیاں نال ۵ ہزار لوکاں ناں رجھایا ۔پر اوہ ایس معجزے بارے پکا شک رکھدے نیں ۔ اوہ ایہنوں ہیٹھاں دسیاں گئیاں خاص گلاں وچ کھولدےنیں ۔ ” لوک یسوع پِچھے چلدے پئے سَن تے بھکے مردے پئے سَن ۔ ایس لئی یسوع نےاپنے چیلیاں نوں سارا بچیا ہویا کھانا اکٹھاکرن لئی آکھیا ۔فیر اک بچے نے اپنی من مرضی نال اوہنوں اپنا کھانا دتا ،تے سارے دوجے وڈیاں نوں ہتھ لگا تے اپنا کھانا کڈھ کے کھاہدا۔ایس طرحاں اوہناں دے سارا کھانا اکٹھا کرن تے کھان بعد وں ، ۱۲ ٹوکریاں بچ گئیاں سَن ۔ “ ایس طرحاں دے خُدائی تعلیم دے ماہر سدھے طریقے نا ل خُدا دے کلام نوں اپنی گھٹ سُدھ بُدھ نال وگاڑن دی ہمت کردے نیں ۔
خُدا دی سچیائی اُتے ایمان رکھنا سدھے طریقے نال سوہنی خوشخبری اُتے ایمان رکھنا ہیگااے ، جیہڑی خُدا نے دتی ۔ ایمان دا مطلب کسے شے اُتے ایمان رکھنا نئیں ہیگااے ،صرف ایس لئی پئی ایہدی سمجھ آسکدی اے سگوں کسے دوجی شے اُتے ایمان رکھن وچ ناکام ہونا اے ایس لئی پئی ایہہ نئیں ہوندی ۔ کیہ سانوں ایہدی سمجھ آؤندی اے یاں نئیں ۔ سانوں لازمی اوہدے اُتے یقین کرنا چاہی دااے تے اوہدے کلام نوں مننا چاہی دا اےجویں اوہ لکھیا ہویا اے ۔
ایہہ سچ ہیگا اے پئی یسوع بندیاں وانگر ساڈے کول آیا ،جیہدا مطلب ایہہ ہیگااے پئی اوہ سانوں ساڈے سارے پاپاں توں بچاؤن لئی گھلیا گیا سی ۔یسوع، جیہڑا خُدا ہیگااے ،سانوں بچاؤن لئی ایس دھرتی اُتے آیا ۔یسعیاہ نے پیشن گوئی کیتی سی پئی اوہ ساڈے کول بندیاں وانگر ،اک کواری توں پیدا ہو کے آوےگا ۔
پیدائش ۳ : ۱۵ وچ،خُداوند خُدا نے سپ نوں آکھیا ،”تے میَں تیرے تے عورت دے وچکار تے تیری نسل تے عورت دی نسل وچکار ویر پاواں گا ۔اوہ تیرے سر نوں پھیوے گا تے تُوں اوہدی اَڈی اُتے وڈیں گا ۔“ایہدا مطلب ہیگا اے پئی خُدایسوع نوں ، اک بندے وانگر بدن وچ ، انسانی پیڑھی نوں اوہناں دے پاپاں توں بچاؤن لئی ساڈا مکتی بن کے ،گھلن دا ارادہ کرچُکیا سی ۔
پاک کتاب وچ ، ایہہ لکھیا ہویا اے ، ” اے موت تیری جِت کِتھے رہی ؟ اے موت تیرا ڈنگ کِتھے رہیا ؟ موت داڈنگ پاپ ہیگااے تے پاپ دا زور شریعت ہیگی اے۔ “ (۱ ۔ کرنتھیوں ۱۵ : ۵۵ ۔ ۵۶)۔موت دا ڈنگ پاپ ہیگااے ۔ جدوں اک بندہ پاپ کردااے ،موت اوہنوں اپنے نوکر بناؤندی اے ۔ پر ساڈے خُداوند نے وعدہ کیتا ، ”زنانی دی اولاد تیراسر پھیوے گی ۔ “ ایہدا مطلب ہیگا اے پئی یسوع پاپ دا ڈنگ برباد کرے گا جیہڑاشیطان نے بنایا سی ۔
یسوع ایس جگ وچ آیا ،جگ دے سارے پاپاں نوں چُکن لئی اوہنے بپتسمہ لیا تے سولی اُتے مریا تے اوہناں لئی دُکھڑے جرے ۔ اوہنے اوہناں ساریاں نوں اوہناں دے پاپاں توں چھڈایا جیہڑے سوہنی خوشخبری اُتے ایمان رکھدے نیں۔ جدوں آدم تے حوا نے پاپ کیتا ،خُدا نے انسانی پیڑھی نوں شیطان دی بادشاہی توں بچاؤن لئی ہاں کیتی ۔ نویں جگ وچ ،خُدا دے ویری اوہ ہیگے نیں جیہڑے سوہنی خوشخبری اُتے ایمان نئیں رکھدے ۔
کاہدے لئی یسوع ایس جگ وچ جمیا سی ؟
خُدا نے سانوں ساڈے پاپاں توں بچاؤن لئی شریعت تے سوہنی خوشخبری دتی ۔ خُدا دی شریعت دے ہیٹھاں ،لوک اوہدے اگے پاپی بن گئے ۔ ایسے طرحاں ، شریعت دِتی گئی سی تاں پئی لوکا ں نوں اپنے پاپاں دا پتہ لگے ۔ جدوں لوک پاپ دے تے آپ شریعت دے نوکر بن گئے ، ساڈا خُداوند ایس
جگ وچ شریعت دیاں راستباز شرطاں نوں پوریاں کرن لئی آیا ۔
یسوع شریعت ہیٹھاں جمیا سی ۔ا وہ شریعت والے دناں وچ جمیا سی ۔سبب ایہہ سی پئی لوکاں نوں شریعت دی لوڑ ہیگی سی ،اوہ ایہہ ہیگی سی پئی اوہناں نوں اپنے پاپاں توں ، معافی پاؤن لئی تعلیم دی لوڑسی ۔ لوک اپنے لیڑیاں نوں دھو کے صاف ستھرے کردے نیں ،جدوں اوہناں نوں پتہ لگدا اے پئی اوہ گندے ہیگے نیں ۔ ایسے طرحاں ، اپنے پاپاں نوں پچھانن لئی ،لوکاں نو ں خُدا دی شریعت بارے پتہ ہونا چاہی دا اے۔جے کوئی شریعت نہ ہوندی ، پاپاں دی کوئی سمجھ نہ آؤندی ۔ تے یسوع نوں ایس جگ وچ آؤنا نہ پیندا۔
جے تسیں خُدا دی شریعت نوں جان دے او ،فیر اوہنوں مِل سکدے او ۔اسیں شریعت نوں جان دے ساں تے ایس لئی اسیں اپنے پاپاں نوں جانن دے لائق ہیگے ساں ۔ صرف ساڈے پاپ نوں جانن دےبعد یسوع مسیح ساڈے کول ایمان رکھن نال سوہنی خوشخبری لیایا ۔ جے خُدا سانوں شریعت نہ دیندا ، فیر اسیں پاپی نئیں ہوسکدے ساں تے ساڈے لئی سزا نئیں ہووے گی ۔ ایس طرح خدا نے سانوں شریعت دتی تے سارے پاپیاں نوں اوہناں دے پاپاں توں بچاؤن لئی سانوں سوہنی خوشخبری دتی ۔
شریعت جنہوں لازمی طور اُتے خالق تے اوہدی مخلوق وچکار ہونا چاہی دااے ،خُدا دی مکتی دی شریعت ہیگی اے ۔ ایہہ محبت دی شریعت ہیگی اے ۔ خُدا نے بندے نوں دسیا ، ” پر چنگے تے مندےدی پچھان دے رُکھ دا کد ی نہ کھاویں۔ “(پیدائش ۲:۱۷)۔ ایہہ شریعت سی جیہڑی خُدا نے سانوں دتی ،تے شریعت محبت دی بنیاد بن گئی جیہدے نال خُدا نے سانوں ساریاں نوں ساڈے پاپاں توں چھُڈایا ۔ مکتی دی شریعت اپنی بنیاد ساڈے پاپاں دی معافی اُتے رکھدی سی ۔خُداسانوں دَسدااے پئی اوہ سانوں بناؤن والا ہیگااے تے ہر شے اوہدی مرضی مطابق بنی اے ۔ ایہدا مطلب ایہہ ہیگا اے پئی خُدا خاص ہستی ہیگی اے تے لوکاں نوں مکتی دی شریعت اُتے ایمان رکھنا چاہی دااےجیہڑی سوہنی خوشخبری نال پوری ہوئی سی ۔
قدرت والا خُدا بڑا خاص چنگاہیگا اے ۔ ایس جگ نال خُدا دی محبت نے اوہنوں اپنے اَِکو اِک پُتر نوں وار دین لئی تیار کیِتا ،جیہڑا سارے پاپیاں دا مکتی داتا بن گیا ۔جے خُدا نے سانوں بنا کے سانوں ساڈے پاپاں توں بچاؤن لئی سوہنی خوشخبری نہ دِتی ہوندی ، اسیں اوہدا گِلا کردے۔پر خُداسانوں برباد ہون توں بچاؤنا چاہنداسی تے ایس لئی اوہنےمکتی دی شریعت بنائی ۔ شریعت دے سبب ،اسیں اپنے پاپاں نوں جان سکدے ساں تے اوہناں اُتے جھاتی مار کے ،یسوع دی سوہنی خوشخبری اُتے ایمان رکھنا شروع کردےآں۔ جدوں اسیں خُدا دے کلام دا نقصان کردے آں ۔ اسیں شریعت دے اگے پاپیاں وانگر وکھالی دیندے آں ،تے اخیریں اسیں پاپی خُدا دے اَگے پاپ دی معافی لئی اوہدافضل منگن لئی گوڈے ٹیکدے آں۔
یسوع اک زنانی توں جمیا تےایس جگ اُتے انسانی پیڑھی نوں پاپ توں بچاؤن لئی آیا ۔ یسوع اک بندے وانگر ایس جگ وچ ساڈے لئی خُدا دا ارادہ پورا کرن لئی آیا ۔ اسیں اوہد ی سوہنی خوشخبری اُتے ایمان رکھدے آں ۔ ایس لئی ،اسیں خُداوند دی وڈیائی کردے آں۔
کئی لوکیں گِلا کردے نیں ، ” کاہدے لئی خُدا نے مینوں ایناں ماڑابنایا پئی میَں بڑا سوکھا پاپ وچ ڈِگ پیا تے اپنی بدکاریاں دے سبب اینے بوہتے دُکھ جرے نیں ؟ “پر خُدا دی ایہہ مرضی نئیں ہے پئی اسیں دُکھ جریے ۔ اوہنے سانوں دُکھ جرن دِتے ایس لئی پئی اسیں یسوع دے خوشخبری بارے شک کیتا سی ۔ خُدا نے سانوں دونویں دُکھ تے سوہنی خوشخبری دتی تاں پئی اسیں اوہدے پُتراں وانگر اوہو ای کم کریے ۔ایہہ اوہدی مرضی ہیگی سی ۔
پربدرُوحاں آکھدیاں نیں، ” نہ !نہ ! خُدا اک بادشاہ ہیگااے ! اگانہہ ودھو تے جیوندے رہوو جویں تہاڈی مرضی ہیگی اے ۔ اپنی مرضی دے مالک بنو ! اپنی ہمت نال اپنے لیکھ بناؤ ! “بدرُوحاں خُدااُتے بندیاں نوں ایمان لیاؤن توں وی روکن دی ہمت کردیاں نیں ۔پر جنہاں دے مرضی خُدا توں وکھ رہنا ایں ،مکتی لئی اوہدی مرضی اَگے روڑا نیں ۔ یسوع ایس جگ وچ آیا تے اوہناں نوں جیہڑے شیطان دی مرضی دے ہیٹھاں ہیگے نیں ، اوہناں دے پاپاں توں بچاؤن لئی اوہناں نوں بلاؤندااے ۔ سانوں خُدا توں وکھ نئیں رہنا چاہی دا اے۔
بندہ پاپی جم دا اے ،جیہدا نصیب دوزخ وچ جانااے
ایس دھرتی اُتے کوئی ایہو جیہا سچ نئیں ہیگا ،جیہڑا جھوٹ وچ نہ بدلے ۔پر یسوع دی سوہنی خوشخبری نہ بدلن والا سچ ہیگااے ۔ ایس لئی ،لوک ایس سچیائی اُتے قائم رہ سکدے نیں تے شیطانی جال توں چھُٹ سکدے نیں ۔انسانی پیڑھی نوں آدم تے حوا دا پاپ اوہناں دی اولاد ہون توں مِلیا تے مسیح دے وچکار آؤن توں اَڈ دوزخ دی دی اَگ وچ سٹیا جانا سی ۔ ایہدی تھاں اُتے ، اوہدے جان دین دا شکر ہووے ،مطلب اے، بندے نے مرضی نال خُدا دا پُتر بنن دی برکت پائی ۔ ” پر دُکھ دے ماریاں دی بے نصیبی مک جاوےگی ۔ “ (یسعیاہ ۹:۱)۔ خُدا نے ایس جگ وچ اپنے پُتر نوں گھلیا تے اوہناں نوں جلال دتا جیہڑے سوہنی مکتی اُتے ایمان رکھدے نیں ۔
” جیہڑے لوک ہنیرے وچ ٹُردے سَن اوہناں نے بڑی روشنی ویکھی ۔ جیہڑے موت دے ہنیریاں دے ملک وچ رہندے سَن اوہناں اُتے نُور چمیکیا۔ “(یسعیاہ ۹:۲)۔اَج ایہہ کلام تہاڈے اُتے تے میرے اُتے سچ ثابت ہویا اے ۔ سوہنی خوشخبری اُتے ایمان رکھ کے ،اسیں ہمیش دی حیاتی دی برکت پائی اے ،جیہڑی سانوں ایس دھرتی اُتے نئیں مِل سکدی ۔ یسوع مسیح نے انسانی پیڑھی نوں جگ دے سارے پاپاں توں بچایا تے اوہناں نوں جیہڑے سوہنی خوشخبری اُتے ایمان رکھدے نیں ، اوہنے ہمیش دی حیاتی تے اَسمانی بادشاہی دِتی ۔
اوہنے اوہناں اُتے خوشخبری دی سوہنی روشنی پائی جیہڑے بے آسے سَن
بندہ دُھند وانگ ،تھوڑے چِر لئی ایس دھرتی اُتے رہندااے جیہڑا بڑی چھیتی غائب ہو جاندا اے ۔اوہدی جندڑی ورہیاں والے بوٹیاں تے گھاہ ورگی اے ۔ گھاہ سال دے وچکار صرف تھوڑے مہینیاں لئی اپنی جندڑی دی طاقت وچ رہندی اے تے خُدا دے طریقے مطابق غائب ہو جاندی اے ۔ ساڈیاں جندڑیاں وچ سب کُجھ بے فائدہ ہیگااے اِنج ای بے مقصد جویں ایہہ گھاہ اے ۔ پر خُدا نے ساڈیاں بُجھیاں حیاتیاں لئی سوہنی خوشخبری دتی تے اپنی راستبازی نال ، سانوں اپنے پُتر بنایا ۔ ایہہ بڑا حیران کرن والا فضل ہیگااے !ساڈیاں بے مقصد جندڑیاں ہمیش دیاں حیاتیاں بن گئیاں خُدا دی محبت لئی شکر ہووے تے اسیں اوہدے پُتر بنن دے حق نال وی برکت پائی اے ۔
ایتھے اک حیاتی دا اقرار ہیگااے جنہے سوہنی خوشخبری اُتے ایمان رکھ کے خُدا دے فضل نال برکت پائی اے ۔
” میَں اک ایہو جیہے خنوادے وچ جمیا ساں جیہڑا خُدا اُتے ایمان نئیں رکھداسی ۔ایس لئی ،میَں اینوں سوہنیاں جان دیاں ہویاں جوان ہویا کیوں جے میری ماں اپنے اَگے پانی دے اک پیالے نال ہر سویرے میرا خنوادے دی خیر تے برکت لئی اَسمان تے دھرتی دے دیوتیاں اگے دعا منگدی سی ۔ جویں جویں میَں جوان ہونداپیاساں ،مینوں اپنی قدروقیمت یاں اپنے ہون دے بارے وچ نئیں پتہ سی ، جنہے مینوں ایمان رکھن دے لائق کیتا پئی اصل معاملہ ایہہ نئیں ہیگا سی کیہ میَں جیوندارہواں یاں مرجانواں ۔ کیوں جے اپنی قدروقیمت توں بے خبر ہیگا ساں ،میَں اکلّا رہیا ۔
ایس طرح دی جندڑی نے مینوں تھکا دتا تے اِنج میَں چھیتی نال ویاہ کر لیا ۔ میری وہائی وری جندڑی اک چنگی جندڑی ہیگا سی ۔ مینوں کسے شےدی آس نئیں ہیگی سی ،ایس لئی میَں چُپ چپیتی تے سکون بھری جندڑی گزارداساں ۔ فیر میرا اک نیانا ہویا تے اوس ویلے مینوں پتہ لگا پئی میرے وچ محبت وکھالی دین لگی ۔ میرے اندر میریاں خودغرضی آساں کھُلن لگ پئیاں پر مینوں اوہنا ں دے گواچن دا نقصان وی ہویا جیہڑے میرے بوہت نیڑے ہیگے سَن ۔
اِنج، میَں خُدا نوں لبھن لگ پیا ۔ میَں ماڑا تے نکمہ ساں تے ایس لئی ،اک خاص بندے دی میرے پیاریاں دی رکھوالی لئی لوڑ ہیگی سی ۔ ایس لئی میَں گرجے جانا شروع کیتا پر میرا ایمان میری ماں دے ایمان توں کُجھ وکھراسی جویں اوہ پانی دے پیالے اَگے دعامنگدی سی — میری دعا صرف سمجھوں باہر شک شُبہے تے آساں والی سی ۔
اک واری میَں اپنے علاقے دے گرجے وچ ہوندیا ں ہوئیاں چھوٹیاں عبادتاں وچوں اک وچ گیا تے جدوں میَں دعا منگدا پیا ساں ،میری اکھاں وچوں ہنجو ڈگن لگ پئے ۔میَں پریشان ہوگیا تے اپنے رون نوں روکن دی ہمت کیتی ،پرہنجو ڈِگدے رہے ۔ میرے آل دوالے دے لوکاں نے میرے سِر اُتے اپنے ہتھ رکھے تے مینوں پاک رُوح پاؤن دی مبارک دِتی ۔پر میَں حیران ساں ۔ میَں ایتھوں تیک خُدا دے کلام نوں جان دا نئیں ساں تے اوہدے اُتے میرا ایمان صرف گول مول ہیگا سی ۔ ایس لئی مینوں یقین نئیں سی پئی ایہہ پاک رُوح دی طاقت سی ۔
اوہ گرجا جتھے میَں جاندا ساں پینتی کاسٹل -کیرز میٹک موومنٹ دے نال مِلیا ہویا سی ،تے بوہتے لوکیں میرے ورگے تجربے رکھدے سَن تے گھٹوگھٹ ہر کوئی اوپریاں بولیا ں بولداسی ۔اک دیہاڑے مینوں اک جگراتے دی عبادت وچ دعوت دتی گئی جنہوں اک پادری کراؤنداسی جیہدے بارے لوک آکھدے سَن پئی اوہ پاک رُوح نال بھریاہویا اے ۔پادری نے بڑے لوکاں نوں گرجے وچ اکٹھیاں کیتا تے آکھیا اوہ کسے دے وڈے پھوڑے نوں چنگا کرے گا جویں پئی ایہہ اوہدے رُوحانی ہون دے سبب اوہدے ہتھ وس سی ۔ فیر وی ، میَں سوچیا وڈا پھوڑا اک روگ سی جیہڑا بڑے سوکھے طریقے نال ہسپتالاں وچوں چنگا ہو نداسی ، ایس لئی میرے دل وچ اک ریجھ آئی پئی کویں اوہنوں پاک رُوح ملیا سی ۔پر پادری دا اوہنوں چنگیاں کرن لئی اپنی ہمت وچ کامیاب ہون اُتے پتہ لگن دے بعد ،اوہ شیخی مارن لگا پئی اوہ پیشن گوئی کر سکدا سی پئی کویں اک ہائی سکول دا پڑھن والا اپنے یونیورسٹی دے داخلے دے امتحان وچ کامیاب ہووے گا یاں نئیں ۔بڑیاں لوکاں نے اوہدے کماں نوں چنگیاں جانیاں جویں پئی اوہ کوئی خُدا ہیگاسی ۔
پر میَں اوہنوں سمجھ نہ سکیا ۔تے میَں آکھ نہ سکیا پئی جیہڑی طاقت پادری کول سی ،اوہ پاک رُوح ولوں سی ۔اوہدے پھوڑے نوں چنگیاں کرنا یاں کسے دے امتحان وچ کامیابی دی پیشن گوئی کرنا ،میَں اینوں کوئی خاص کم نئیں سمجھداساں ،ایس لئی میَں اوہدے وکھالے دے معجزیاں نوں ، پاک رُوح دے کم نئیں جان دا ساں ۔
طاقت تے خُدا دی محبت جیہڑی میرے ذہن وچ ہیگی سی ،ایہدے توں وکھ ہیگی سی جو کُجھ میَں ویکھیا سی ۔ ایس وجہ توں ،میَں اوس گرجے جانا چھڈ دتا تے اوہناں لوکاں توں بچیا جیہڑے پادری دے کماں اُتے ایمان رکھدے سَن ۔ اوہدے بعدوں ، میَں اک چُپ چپیتےگرجے وچ جان لگ پیا ، جنہوں میں چُنیا ایس لئی پئی میرا ایمان سی پئی ایہہ خُدا دے کلام نال بوہتا تعلق رکھداسی ۔ میَں شریعت دے بارے وچ تے ایہدے راہیں سکھیا پئی میَں ڈاہڈا پاپی ہیگا ساں ۔ خُدا میرے خوف دا سبب بن گیا تے میَں سکھیا پئی میَں اوہدے اَگے عزت دے لائق وکھالی نئیں دینداساں تے اوہدا پاک رُوح میرے ولوں دھیان ہٹاؤندا،مینوں دِسیا ۔
یسعیاہ ۵۹:۱ ۔ ۲ وچ اِنج لکھیا ہویا اے ، ” ویکھو خُداوند دا ہتھ نکا نئیں ہوگیا پئی بچا نہ سکے تے اوہ کنوں بولا نئیں پئی سُن نہ سکے ۔ سگوں تہاڈی بدکاری نے تہاڈے تے تہاڈے خُدا دے وچکار کندھ کردتی اے تے تہاڈے پاپاں نے اوہنوں تہاڈے توں اوہلے کیتا ،اِنج پئی اوہ نئیں سُن دا ۔ “ میرا خیال کُجھ ٹھیک لگداسی ۔ اوہدا پُتر بننا تے پاک رُوح پاؤنا ، میرے لئی ایہہ بڑا اوکھا ہیگا سی ،ایس لئی پئی ہر کم جیہڑا میَں کیتا یاں سوچیا ،پاپ نال بھریا ہویا سی ۔
میَں خُدا توں ڈریاتے بڑی باقاعدگی نال توبہ دیاں دعاواں خُداوند اَگے کیتیاں ۔ کسے نے مینوں اِنج کرن لئی نئیں آکھیا سی ،پرمیَں خُدا دے اَگے اوہدی عزت کردیاں ہویاں کھلونا چاؤہنداساں ۔ ایس لئی پئی میَں پاپی ساں ، میَں جوش نال ایتھوں تیک پئی بوہتیاں توبہ دیاں دعاواں کیتیاں ۔ پر ایہہ دعاواں میرے پاپ نہ دھو سکیاں ۔ سب کُجھ جو میَں کیتا ،میَں اپنے خیال تے اپنا اندر خُدا نوں وکھا یا سی ،ایس لئی میرے پاپ فیر وی میرے اندر ہیگے سَن ۔ اوس ویلے توں ،میَں خُدا نال گِلا کرنا شروع کیتا ۔ میَں اوہدے اَگے کامل بننا چاؤہنداساں ،پر ٹھیک طریقے نال کامل نئیں ہو سکدا ساں ، ایس لئی میرے گِلے تے پاپ
اکٹھے ہوگئے ۔
ایس دینی پریشانی دے دِناں وچ ، میرے پیو نوں فالج ہو گیا ۔ اوہ مرن توں پہلاں اپریشن دیاں کمریاں تے ہسپتال دے بستریاں اُتے ۴۰ دیہاڑیاں لئی دُکھ سہندا رہیا ۔ پر میَں اک واری وی اپنے پیو لئی دُعا نہ منگ سکیا ۔میَں اک پاپی ساں ، ایس لئی میَں سوچیا پئی جے میَں اپنے پیو لئی دعا منگی،اوہدیاں پیڑاں ہور ودھ جان گئیاں ۔ میَں اپنے ایمان دے گھاٹے اُتے پریشان ساں تے میَں خُدا دے پِچھے چلن دی آس رکھداساں پر نہ کر سکیا ، ایس لئی میَں گِلا کردارہیا تے اخیریں اوہدے توں دُور ہوگیا ۔ ایس طرحاں میری دینی جندڑی مُک گئی ۔ میَں سوچیا جے میَں اوہدے اُتے ایمان رکھداساں ، اوہدا رُوح میرے وچ رہوے گا تے مینوں سکون ملے گا ،پر اِنج نہ ہویا ۔اوہدے بعد میری جندڑی ایتھوں تیک پئی بوہت بے مقصد بن گئی تے میَں ڈر تے غم وچ جیوندارہیا ۔
پر خُدا نے مینوں نہ چھڈیا ۔ اوہنے مینوں اک ایماندار نال ملایا جیہڑا خُدا دے کلام توں سچ مُچ پاک رُوح پا چُکیا سی ۔ مینوں اوس بندے نےسکھایا پئی یسوع نے یوحنا کولوں بپتسمہ لے کے ساڈے پاپاں نوں چُکیا سی تے اوہنے سولی اُتے اوہناں دی سزا جری سی ۔ایس لئی ، ایس جگ دے سارے پاپ ،جنہاں وچ میرے وی پاکے ، مطلب اے ، سارے معاف ہوگئے سَن ۔ جدوں میَں ایہہ سُنیا تے ایہنوں سمجھیا ، مینوں پتہ لگیا پئی میرے سارے پاپ دھودِتے گئے سَن ۔ خُدا نے میرے پاپاں توں معافی دین وچ میری مدد کیتی تے مینوں پاک رُوح دی برکت دتی تے مینوں سکون بھری حیاتی دِتی ۔ اوہنے چُپ کیتیاں میری اَگوائی کیتی ،مینوں چنگے ماڑے دی اک کھُل کھلا کے سُدھ بُدھ دتی تے مینوں ایس جگ دیاں اَزمائشاں اُتے فتح پاؤن دی طاقت دِتی ۔ اوہنے میری دُعاواں دا جواب دتا تے میری اک ٹھیک تے عزت والی حیاتی بسر کرن وچ مدد کیتی ۔ میَں خُدا دا سچ مُچ شکر ادا کردا ہاں پئی اوہنے مینوں پاک رُوح دِتا۔ “
ساڈے وچوں ہر کوئی خُدا دے فضل دی برکت پاؤندااے تے پاک رُوح پاون دے لائق ہیگا اے ۔ میَں خُدا دا شکر ادا کردا ہاں پئی اوہنےسانوں اپنی سوہنی خوشخبری دتی ۔خُدا نے راستباز نوں ایہو جیہی خوشی دی برکت دتی ۔ راستبازاں دے دل خوشیاں بھرےنیں ۔ خُداوند نے سانوں ہمیش دی خوشی دتی ۔ سانوں پتہ اے خُدا دی مکتی ، محبت تے فضل بڑے خاص ہیگے نیں تے اسیں اوہناں لئی اوہدا شکر ادا کردے آں ۔ خُداوند نے سانوں اَسمان دی سوہنی خوشخبری د ی خوشی دتی اے ۔ ایہہ ایہو جیہی شے ہیگی اے جیہڑی پیسیاں نال خریدی نئیں جاسکدی ۔ خُدا نے ساڈے کول پاک رُوح گھلیا تے ایسے طرحاں سانوں خوش تے تگڑے بناؤن لئی سوہنی خوشخبری دتی ۔ سوہنی خوشخبری اوہ ہیگی اے جیہڑی ساڈی حیاتیاں نوں برکت دیندی اے ۔خُدا نے سانوں سوہنی خوشخبری دتی تے اوہ خوش ہیگا اے پئی راستباز لوک اک برکت والی حیاتی دے مزے لیندے نیں ۔
جویں ایہہ لوقا وچ بیان کیتا گیا اے ،مریم نے آکھیا، ” ایس لئی پئی جیہڑی گل خُدا ولوں ہیگی اے اوہ کدی بے اثر نہ ہووے گی ۔مریم نےآکھیا ویکھ میَں خُداوند دی بندی ہیگی آں ۔ میرے لئی تیرے بول مطابق ہووے۔ “ (لوقا ۱:۳۷ ۔ ۳۸)۔ جیہڑے ویلےمریم نے خُدا دے سوہنے بولاں اُتے ایمان رکھیا ، جویں اوہدے فرشتے ولوں بولے گئے سَن ،یسوع پیٹ وچ پَے گیا ۔ ایسے طرحاں ،اپنے ایمان نال ،راستباز اپنے دلاں وچ سوہنی خوشخبری نوں پیدا کردے نیں ۔
” ایس لئی پئی تُوں اوہناں دیاں پنڈاں دے بھار تے اوہناں دے موہڈیاں دے لکڑ تے اوہناں اُتے ظلم کرن والےدے سوٹے نوں اِنج توڑیا اے ،جویں مدیان دے دیہاڑے وچ کیتا سی ۔ “ (یسعیا ہ ۹:۴ )۔ شیطان سارے دُکھ ، بیماریاں ، تے تنگیاں ساڈی جندڑیاں وچ پیدا کردااے سگوں اسیں اوہدے اُتے فتح پاؤن توں بوہت ماڑے ہیگے آں ۔ پر خُدا ساڈے نال محبت کردا اے تے ایس طرحاں اوہ شیطان نال لڑیا تے اوہنوں ہرایا ۔
”ایس لئی ساڈے لئی اک مُنڈا جمیا تے سانوں اک پُتر بخشیا گیا تے بادشاہی اوہدے موہڈیاں اُتے ہووے گی تے اوہدا ناں اوّلا وکیل ،قدرت والا خُدا ،ہمیشگی دا باپ ،صلح دا شہزادہ ہووے گا ۔ اوہدی بادشاہی دا ودھنا تے صلاح دا ختم ہونا ،کدی نہ ہووےگا۔ اوہ داؤد دے راج تے اوہدی مالکی اُتے ،اَج توں ہمیش تیکر حکم چلاوے گا تے انصاف کرکے تے سچیائی نال اوہنوں قائم رکھے گا ۔فوجاں والے رب دی غیرت اِنج کرےگی۔ “ (یسعیاہ ۹:۶ ۔ ۷)۔
خُدا نے سانوں سوہنی خوشخبری نال جیہڑی یسوع لیایا اپنے پُتراں وانگر جلال دین دا وعدہ کیتا ۔ اوہنے اپنے وعدے مطابق شیطان نوں ہرایا تے سانوں شیطان دے ہتھوں چھڈایا ۔
خُداوند دھرتی اُتے آیا تے اپنے ہتھ نال پاپ دے سارے ہنیرے نوں مکاؤن دا وعدہ کیتا ۔ ایس لئی اسیں وی اپنے خُداوند نوں اوّلا وکیل آکھدے آں ۔ اوہنے ساڈے لئی بوہت اوّلے کم کیتے نیں ۔ خُدا دا بندے دے پُتر وانگر ایس جگ وچ آؤن دا فیصلہ بڑا اوّلا ہیگا سی ۔ ” ہن خُدا وند آکھدا اے آؤ اسیں رل کے ثابت کرئیے ۔بھاویں تہاڈے پاپ بوہتے لال رنگ دے ہوں اوہ برف وانگر چٹے ہو جان گے تے بھانویں او ہ لال رنگ دے ہون تے فیر وی اُنّ وانگر سُتھرے ہون گے ۔ “ (یسعیاہ ۱:۱۸)۔
خُداوند سانوں ساڈے پاپ توں بچاؤن دا وعدہ کیتا تے سانوں ہمیش دی معافی دیندااے ۔ یسوع
بارے اوّلے وکیل وانگر دسیا جاندااے تے ایس طرحاں اوہنے ساڈے لئی معجزانہ کم کیتے نیں ۔ ” اوہدا ناں اوّلا وکیل ،قدرت والا خُدا ۔۔۔۔۔ ہووےگا ۔“ خُدا نے ساڈے وکیل وانگر ، سوہنی خوشخبری نال ساڈی مکتی دا منصوبہ بنایا تے سانوں ساڈے پاپاں توں ہمیش لئی بچاؤن واسطے اپنا منصوبہ پورا کیتا ۔
خُدا دی کم عقلی بندیاں توں بوہتی سیانی اے ۔یوحنا کولوں یسوع نوں بپتسمہ دلوانا تے ساڈے سارے پاپاں توں سانوں بچاؤن لئی سولی اُتے مرنا ایہہ اوہدی دانائی ہیگی سی ۔ ایہہ بوہت اوّلا کم ہیگااے جیہڑا اوہنے ساڈے لئی کیتا ،پر ایہہ محبت دی شریعت ہیگی اے پئی سانوں ساڈے پاپاں توں بچایا ۔ محبت دی شریعت سچی خوشخبری ہیگی اے جیہڑی ساڈی پانی تے لہو نال پاک رُوح پاؤن وچ اَگوائی کردی اے ۔
خُداوند یسعیاہ۵۳ : ۱۰ وچ آکھدااے ، ” پر خُداوند دی مرضی ہیگی سی پئی اوہنوں پھیہ دیوے ۔ اوہنے اوہنوں دُکھی کیتا۔ “ یسوع نے اپنے آپ نوں خُدا دی مرضی پوری کرن لئی قربان کیتا ۔ خُدا نے اپنے پُتر ،یسوع مسیح اُتے ،جگ دے سارے پاپاں نوں لد دتا تے اوہ جگ لئی سزا دُکھ جرن تے سولی اُتے مرن دتا ۔ ایہہ سوہنی خوشخبری ہیگی اے جنہے انسانی پیڑھی نوں اوہناں دے پاپاں توں اِکو ای وار تے ہمیش لئی بچایا ۔ مسیح نے ساڈے لئی اپنی جان قربان کر دتی ، پاپ دا مُل اُتاریا تے سانوں مکتی دی برکت دتی ۔
خُدا دا قربانی دا طریقہ (بندوبست)
یسوع نے یوحنا کولوں بپتسمہ لَے کے کِنے پاپاں نوں چُکیا؟
ماضی ، حال تے مستقبل دے ، شروع دیہاڑے توں لَے کے اِخیری دیہاڑے تیک دے سارے پاپاں نوں
پاک کتاب قربانی بارے دسدی اے ،جیہڑی اک واری اک دیہاڑے دے پاپاں دی معافی ہوندی سی ۔ اک پاپی نوں اک بے قصور پسوُ لیاؤنا پینداسی تے اپنے پاپاں نوں پسوُ دے سِر اُتے لدن لئی اوہدے اُتے اپنے ہتھ رکھے پیندے سَن ۔فیر اوس چڑھاوے نوں قربان کرنا پیندا سی تے اوہدا لہو کاہن
نوں دینا پینداسی ۔تے کاہن پسوُ دے لہو وچوں کُجھ لیندا سی تے سوختنی قربانی دی قربان گاہ دے سِنگاں اُتے ایہنوں لاؤندا سی تے باقی قربان گاہ دی بنیاد اُتے ڈوہل دینداسی ۔
ایس طریقے نال ، اوہ اک دیہاڑے دے پاپاں توں معاف ہو سکدا سی ۔ ہتھ رکھنا اک پاپی لئی چڑھاوے اُتے اپنے پاپاں نوں لدن دا طریقہ سی ۔ اوہ جیہڑے قربانی دے طریقے مطابق اپنی قربانیاں چڑھاؤندے سَن اپنے پاپاں توں معافی پاؤندے سَن ۔ قربانی دا ایہہ طریقہ اک رستہ سی جیہدے نال اسیں یسوع مسیح دے سارے پاپ چُکن توں پہلاں دے دناں وچ اپنے پاپاں لئی فدیہ دتا سی ۔
خُدانے فدیہ دیہاڑا وی مقرر کیتا سی تاں پئی اِسرائیل دے لوک پورے ورہے دے دناں وچ کیتے گئے پاپاں لئی فدیہ دے سکن ۔ ایہہ قربانی ساتویں مہینے دی دسویں تاریخ نوں ہوندی سی ۔ خُدا نے ہارون نوں ، وڈا کاہن مقرر کیتا ، اوہدے وانگر جیہڑا سارے اِسرائیلیاں دے پورے ورہے دے پاپاں نوں بکرے اُتے لدداسی ۔ ایہہ رسم خُدا دے منصوبے مطابق پوری کیتی جاندی سی ۔ پاپاں دی معافی اوہدی دانائی تے انسانی پیڑھی نال محبت توں ملی سی ۔ ایہہ اوہدے ہتھ وس ہیگی اے ۔
” سوختنی قربانی دی قربان گاہ دے سِنگ “ ” اعمال دی کتاب “ (مکاشفہ ۲۰:۱۲) دے بارے دسدے نیں ۔ جتھے انسانی پیڑھی دے پاپ لکھے جاندے نیں ۔کاہن پاپ دے چڑھاوے دا لہو سوختنی قربانی دی قربان گاہ دے سنگاں اُتے لاؤنداسی اعمال دی کتاب وچ لکھے ہوئے نانواں تے اوہناں دی بدکاریاں نوں مکاؤن دا سبب ہیگاسی ۔ لہو سارے بدن دی جان ہیگااے ۔ قربانی اِسرائیلیاں دے پاپاں نوں چُک لیندی سی تے بکرا پاپ دا مُل اُتارن لئی چڑھایا جاندا سی ۔خُدا اوہناں دے پاپاں دی سزا جرن واسطے اوہناں کولوں قربانی دا اک پسوُ قربان کراؤنداسی ۔ ایہہ ساڈے لئی اوہدی دانائی تے محبت دی اک نشانی ہیگا سی ۔
یسوع مسیح ایس جگ وچ خُدا دی مرضی نوں پوریاں کرن لئی پاپ دے چڑھاوے وانگر آیا ۔ یسوع نے اپنے آپ دی قربانی نال جگ دے پاپاں نوں چُک لیا ۔ جےاسیں ایس وعدے دے اَکھراں ول ویکھدے آں ،سانوں پتہ لگدااے ، ” پر خُداوند دی مرضی ہیگی سی پئی اوہنوں پھیہ دیوے ؛اوہنے اوہنوں دُکھی کیتا۔ “ یاں ” اوہنے جگ دے پاپاں نوں چُک لیا۔ “
”ایس لئی ساڈے لئی اک مُنڈا جمیا تے سانوں اک پُتر بخشیا گیا تے بادشاہی اوہدے موہڈیاں اُتے ہووے گی تے اوہدا ناں اوّلا وکیل ،قدرت والا خُدا ،ہمیشگی دا باپ ،صلح دا شہزادہ ہووے گا ۔ اوہدی بادشاہی دا ودھنا تے صلاح دا ختم ہونا ،کدی نہ ہووےگا۔ اوہ داؤد دے
راج تے اوہدی مالکی اُتے ،اَج توں ہمیش تیکر حکم چلاوے گا تے انصاف کرکے تے سچیائی نال اوہنوں قائم رکھے گا ۔فوجاں والے رب دی غیرت اِنج کرےگی۔ “ (یسعیاہ ۹ :۶ ۔ ۷)۔
اوّلا تے حیران کرن والا وعدہ ایہہ ہیگا سی پئی یسوع نے خُدادی مرضی پوری کیتی تے سارے ایمانداراں دے جگ دے پاپاں نوں چُک کے سلامتی بخشی اے ۔ خُدا دا وعدہ محبت دا اک وعدہ سی ،جیہدے نال اوہنے ساری انسانی پیڑھی تیک سلامتی لیاؤن دا منصوبہ بنایا ۔ خُدا نے جیہڑا ساڈے نال وعدہ کیتا سی ،اوہنے اِنج اوہ پورا کیتا اے ۔
متی ۱:۱۸ آکھدااے ، ” ہن یسوع مسیح دی پیدائش اِنج ہوئی پئی جدوں اوہدی ماں مریم دی منگنی یوسف نال ہوگئی تے اوہناں دے اکٹھے ہون توں پہلاں اوہ پاک رُوح دی طاقت نال امید نال ہو گئی ۔ “ ” یسوع “ دا مطلب ہیگااے ، مکتی داتا ،اوہ اکّلا جیہڑ اپنے لوکاں نوں اوہناں دے پاپاں توں چھُڈاوے گا ۔ ” مسیح “ دا مطلب ہیگااے بادشاہ ، مسح کیتا ہویا بادشاہ ۔ یسوع بے پاپ ہیگاسی ، تے اوہ ساڈا بادشاہ تے مکتی داتا ہیگااے جیہڑا اپنے لوکاں نوں پاپاں توں بچاؤن لئی اک کواری وچوں جمیا سی ۔
” اوہ پُتر جمےگی تے تُوں اوہداں ناں یسوع رکھیں ایس لئی پئی اوہو ای اپنے لوکاں نوں اوہناں دے پاپاں توں مکتی دیوے گا ۔ ایہہ سب کُجھ ایس لئی ہویا پئی جیہڑی گل خُداوند نے نبی راہیں آکھی سی اوہ پوری ہووے۔ “ (متی ۱:۲۱ ۔ ۲۲)۔
یسوع نے اپنے بپتسمے نال اپنے آپ اُتے جگ دے سارےپاپاں نوں چُک لیا
متی ۳:۱۳ ۔ ۱۶وچ اِنج لکھیا ہویا اے ، ” اوس ویلےیسوع گلیل توں یردن دے کنارے یوحنا کول اوہدے توں بپتسمہ لین آیا ۔ پریوحنا ایہہ آکھ کے اوہنوں منع کرن لگا پئی میَں آپ تیرے کولوں بپتسمہ لین دا محتاج آں تے تُوں میرے کول آیا ایں ؟ یسوع نے جواب وچ اوہنوں آکھیا ہُن توں ہون ای دے ایس لئی پئی ساڈے لئی اِنج ای ساری راستبازی پوری کرنا چنگا اے ۔اِنج اوہنے ہون دتا ۔ تے یسوع بپتسمہ لے کے فی الفور پانی کولوں اُتے گیا تے ویکھو اوہدے لئی اَسمان کھُل گیا تے اوہنے خُدا دے رُوح نوں کبوتر وانگر اُتردیاں تے اپنے اُتے آؤندیاں ویکھیا۔ “
یوحنا اصطباغی ایس حوالے وچ ظاہر ہوندا اے ۔ کاہدے لئی یسوع نے یوحنا کولوں بپتسمہ لینا
سی ؟ یسوع نے جگ دے سارے پاپاں نوں چُکن لئی بپتسمہ لینا سی ، تے اوہناں ساریاں نوں خُدا دی مرضی مطابق چُکنا سی ۔
” تے بادشاہی اوہدے موہڈیاں اُتے ہووے گی “ (یسعیاہ ۹:۶)۔ ایتھے ” بادشاہی “ دا مطلب ایہہ ہیگااے پئی یسوع اکّلا ہیگااے جیہڑا اَسمان دے مالک وانگر ،جگ دا بادشاہ ہوکے حکومت تے قوت رکھدااے ۔ ایہہ طاقت صرف یسوع مسیح کول ہیگی اے ۔ یسوع نے انسانی پیڑھی دے سارے پاپاں نوں چُکن لئی حیران کرن والا کم کیتا ۔ ایہہ حیران کرن والا کم ،یوحنا کولوں بپتسمہ لینا سی ۔ یسوع دا اِنج آکھنا ” ایس لئی پئی ساڈے لئی اِنج ای ساری راستبازی پوری کرنا چنگا اے ۔“ دا کیہ مطلب سی ، ایہہ ہیگا سی پئی جگ دے سارے پاپاں نوں چُکنا ٹھیک تے چنگا ہیگا سی ۔
رومیوں ۱:۱۷ آکھدااے ، ” ایس لئی پئی اوہدےوچ خُدا دی راستباز ی ایمان نال تے ایمان لئی وکھالی دیندی اے ۔“ خُدا دی راستباز ی خوشخبری وچ وکھالی دیندی اے ۔کیہ پانی تے رُوح دی کھری خوشخبری سچ مُچ خُدا دی راستباز ی وکھاؤندی اے ؟آہو ! کھری خوشخبری ایہہ ہیگی اے پئی یسوع نے اپنے بپتسمہ تے سولی اُتے مرکے جگ دے سارے پاپاں نوں چُک لیا ۔ پانی تے رُوح دی خوشخبری سوہنی خوشخبری ہیگی اے جیہدے وچ خُدا دی راستباز ی وکھالی دیندی اے ۔ یسوع نے کویں جگ دے پاپاں نوں چُکیا ؟ اوہنے جگ دے سارے پاپاں نُوں چُکیا جدوں یوحنا نے اوہنوں یردن دے دریا اُتے بپتسمہ دتا ۔
” سا ری راستباز ی “ یونانی وچ “πᾶσαν δικαιοσύνην (pasan dikaiosune)” اے۔ایہدا مطلب ہیگا اے پئی یسوع نے وڈے انصاف نال تے حیران کرن والے طریقے نال انسانی پیڑھی دے سارے پاپاں نوں چُک لیا ۔ ایہدا مطلب ہیگا اے پئی یسوع دا سارے جگ دے پاپاں نوں دھونا ،بوہت خاص انصاف تے چنگا کم ہیگاسی۔ یسوع نوں جگ دے پاپاں نوں مکاؤن لئی یوحنا کولوں بپتسمہ لیناسی ۔
خُدا نوں پتہ ہیگا سی پئی یسوع دابپتسمہ انسانی پیڑھی لئی سلامتی لیاؤن بارے وچ خاص تے لوڑی دا سی ۔ یسوع ساڈا مکتی داتا نئیں بن سکدا سی ، جے اوہ یوحنا کولوں بپتسمہ نہ لیندا تے سولی اُتےاپنا لہو نہ روڑہدا ۔ یسوع نے جگ دے سارے پاپاں نوں چُکن لئی پاپ دی قربانی وانگر کم کیتا ۔
خُدا یسعیاہ۵۳ : ۶ وچ آکھدا اے ،”اسیں سارے بھیڈاں وانگر گواچ گئے ۔ساڈے وچوں ہر کوئی اپنی راہ نوں مُڑیا پر خُداوند نے ساڈی ساریاں دی بدکاری اوہدے اُتے لدی ۔“ یسوع نوں
خُدا دی مرضی پوری کرن لئی جگ دے سارے پاپاں نوں اپنے اُتے لینا سی ۔ ایہو ای سبب ہیگا اے پئی یسوع اک بندے دے بدن وچ ،پاپ دی قربانی بن کے آیا تے یوحنا کولوں بپتسمہ لیا ۔
یسوع نے انسانی پیڑھی دے پاپاں نوں اپنے اُتے لیا تے اوہناں لئی دُکھ جرے ایس لئی اوہنے خُدا دے منصوبے نوں پوریاں کرنا سی ، تے اوہدی ہمیشہ لئی قائم رہن والی محبت نوں وکھاؤنا سی ۔ جدوں یسوع اپنے بپتسمے بعدوں پانیوں باہر نکلیا ، خُدا نے آکھیا ، ” ایہہ میرا سوہنا پُتر ہیگا اے جیہدے توں میَں خوش ہیگا واں ۔ “ (متی ۳:۱۷)۔
ساڈے لئی اک مُنڈا جمیا گیا
” ایس لئی ساڈے لئی اک مُنڈا جمیا تے سانوں اک پُتر بخشیا گیا تے بادشاہی اوہدے موہڈیاں اُتے ہووے گی تے اوہدا ناں اوّلا وکیل ،قدرت والا خُدا ،ہمیشگی دا باپ ،صلح دا شہزادہ ہووے گا ۔“ (یسعیاہ ۹:۶)۔یسوع خُدا دا پُتر ہیگااے ۔ یسوع پیدا کرن والا خُدا ہیگا اے ،جنہے سارے جگ نوں بنایا ۔اوہ صرف قدرت والے خُدا دا پُتر ای نئیں ،اوہ بناؤن والا تے صلح دا راجا وی اے ۔ یسوع خُدا ہیگا اے جنہے انسانی پیڑھی نوں خوشی دتی اے ۔
یسوع سچا خُدا ہیگااے ۔ اوہنے ساڈے سارے پاپاں نوں چُک لیاتے سانوں صحیح سلامت رکھیا ۔ کیہ ایس جگ وچ پاپ ہیگا اے؟ نئیں ،کوئی پاپ نئیں ہیگا ۔ اسیں یقین نال آکھ سکدے آں پئی کوئی پاپ نئیں ہیگا،ایس لئی پئی اسیں سوہنی خوشخبری اُتے ایمان رکھدے آں ، جیہڑی آکھدی اے پئی یسوع نے اپنے بپتسمے تے صلیبی لہو نال جگ دے سارے پاپاں نوں دھو دتا ۔یسوع ساڈے نال کوئی جھوٹ نئیں بولدا ۔ یسوع نے اپنے بپتسمےتے لہو نال پاپ دا مُل اُتاریا اے ۔ اوہنے ہر کسے نوں جنہے اوہدے اُتے ایمان رکھیا ، اوہدا پُتر بنایا تے سانوں ساریاں نوں صحیح سلامتی دتی ۔ اوہنے سانوں ہمیشگی اُتے ایمان رکھن نال اوہدے پاک کیتے گئے پُتراں وانگر جیوندے رہن دے لائق بنایا ۔میَں خُداوند دی وڈیائی کرداہاں تے اوہدا شکر اداکرداہاں ۔
ویکھو ! ایہہ خُدا دا میمنا اے جیہڑا جگ داپاپ چُک کے لَے جاندااے!
یوحنا ۱:۲۹ آکھدااے ، ” دوجے دیہاڑے اوہنے یسوع نوں اپنے ول آندیاں ویکھ کے آکھیا ویکھو ! ایہہ خُدا دا میمنا اے جیہڑا جگ داپاپ چُک کے لَے جاندااے! “یسوع مسیح فیر اوس دیہاڑے بعدوں جدوں اوہنے اپنے بپتسمے راہیں جگ دے سارے پاپاں نوں چُک لیا ،یوحنا اصطباغی نوں نظر آیا ۔ یوحنا اصطباغی نے ایہہ آکھدیاں ہویاں یسوع دی گواہی دتی ، ” ویکھو ! ایہہ خُدا دا میمنا اے جیہڑا جگ داپاپ چُک کے لَے جاندااے! “ اوہنے فیر یوحنا ۱: ۳۵ ۔ ۳۶ وچ گواہی دتی ، ”دوجے دیہاڑے فیر یوحنا تے اوہدے چیلیاں وچوں دوبندے کھلوتے سَن ۔اوہنے یسوع ول جیہڑا جانداپیا سی ، ویکھ کے آکھیا ،ویکھو ایہہ خُدا دا میمنا ہیگااے !“
یسوع مسیحا ہیگا سی جیہڑا خُدا دا میمنا بن کے آیا ، بالکل جویں پُرانے عہد نامے وچ وعدہ کیتا گیا سی ۔ مسیحا یسوع مسیح ساڈے کول اوّلا وکیل تے قدرت والا خُدا بن کے آیا ،تے سانوں ساڈے سارے پاپاں توں بچاؤن لئی ،اوہنے بپتسمہ لیا ۔ ساڈے لئی اک مُنڈا جمیا گیا ۔ اوہنے یوحنا کولوں اپنے بپتسمے نال جگ دے سارے پاپاں نوں اپنے اُتے لیا ، پاپ دا مُل اُتاریا ، تے صلح دا راجہ بن گیا ، جیہڑا سانوں صحیح سلامت رکھدا تے ساڈے سارے پاپ معاف کردااے ” ویکھو ! ایہہ خُدا دا میمنا اے جیہڑا جگ داپاپ چُک کے لَے جاندااے! “
لوک اک واری فیر وچارے ہیگے سَن سگوں اوہنا ں نے اپنے پاپاں لئی مرنا سی ۔انسانی پیڑھی اپنے پاپ کرن دے عادت دےسبب بےگنت پاپ کردے تے اخیریں دوزخ دے لعنتی ہون دے لیکھ رکھدے سَن ۔اوہناں نیں وچاریاں جندڑیاں بسر کیتیاں ؛ایتھوں تیک پئی اپنی کمزوریاں دے سبب اوہناں وچوں کسے اک نے وی نہ خُدا دی بادشاہی دا خواب ویکھیا تے اوہناں وچوں اک وی نہ اوتھے جا سکیا ۔ یسوع مسیح نے ، جیہڑا ساڈا خُدا ہیگااے ،ساڈے سارے پاپ اپنے اُتے چُکے جدوں اوہنے یردن دے دریااُتے یوحنا کولوں بپتسمہ لیا تے اوہناں دیاں بدکاریا ں دا دُکھ جر کے سولی اُتے مریاسی ۔ اپنے مرن ویلے ، مسیح نے آکھیا ، ” سارا کم مُک گیا “ (یوحنا ۱۹:۳۰)۔ ایہہ سچ لئی اوہدی گواہی ہیگی سی پئی یسوع نے ساری انسانی پیڑھی نوں اوہناں دے پاپاں تے موت توں بچا لیا تے اوہنے لازمی طور اُتے ہر کسےنوں چھُڈا لیا جیہڑا سوہنی خوشخبری اُتے ایمان رکھداسی ۔
” ویکھو ! ایہہ خُدا دا میمنا اے جیہڑا جگ داپاپ چُک کے لَے جاندااے! “ کیہ تہانوں پتہ ہیگا اے جگ دے سارے پاپ کِتھے ہیگے نیں ؟ کیہ اوہ یسوع مسیح دے بدن اُتے نئیں ہیگے ؟ سارے پاپ تے قصور کِتھے ہیگے نیں جیہڑے سانوں ایس جگ وچ پریشان کردے نیں ؟ اوہ سارے یسوع مسیح اُتے لدے گئے سَن ۔ ساڈے سارے پاپ کِتھے ہیگے نیں ؟ اوہ اوس اکلّے دے بدن اُتے ہیگے نیں ، جیہدے موہڈے اُتے ، بادشاہی ہیگی اے ؛اوہ قدرت والے خُدا دے بدن اُتے ہیگے نیں ۔
جمن توں لَے کے مرن تک دے سارے پاپ !
اسیں اپنی ساری جندڑیاں وچ پاپ کردےآں ۔ اسیں اپنے جمن دیہاڑے توں لَے کے جدوں تیک اسیں وی (۲۰) ورہیاں دے ہو جاندے آں ،ساڈے کولوں پاپ ہوندے نیں ۔ وی (ورہیاں ) تیک کیتے گئے اوہ سارے پاپ کِتھے ہیگے نیں ؟ اوہ یسوع مسیح دے بدن اُتے لدے گئے سَن ۔اوہ پاپ جیہڑے اسیں ۲۱ تے ۴۰ ورہیاں دے عمر وچکار کیتے ،اوہ وی یسوع اُتے لد دتے گئے سَن ۔ایہدا کوئی مطلب نئیں ہیگا پئی کوئی بندہ کِنے ورہے جیوندا رہندااے ، جیہڑے پاپ اوہنے اپنے جمن دیہاڑے توں لَے کے مرن دیہاڑے تیک کیتے ،یسوع مسیح اُتے لدے گئے سَن ۔سارے پاپ جیہڑے انسانی پیڑھی نے کیتے ،آدم تو لَے کے ایس دھرتی اُتے آخری بندے تیک ، یسوع اُتے لدے گئے سَن ۔ ایتھوں تیک پئی ساڈے بچیاں تے پوتیاں دے پاپ وی پہلوں ای یسوع اُتے لدے گئے سَن ۔سارے پاپ اوس ویلے یسوع اُتے لدے گئے سَن جدوں اوہنے بپتسمہ لیا سی ۔
کیہ حالے تیک جگ وچ پاپ ہیگے نیں؟ نئیں ۔ اک وی باقی نئیں رہیا ۔ ایس جگ وچ کوئی پاپ باقی نئیں ہیگا اے ،ایس لئی پئی اسیں سوہنی خوشخبری اُتے ایمان رکھدے آں جیہڑی یسوع نے سانوں دتی اے ۔ کیہ تسیں اپنے دل وچ پاپ رکھدے او ؟ نئیں ۔آمین ! اسیں سوہنی خوشخبری اُتے ایمان رکھدے آں ،جیہڑی آکھدی اے، یسوع مسیح نے سانوں ساڈے سارے پاپاں توں بچا لیا اے ۔ ساڈے لئی ایہہ اوّلا کم کرن لئی ،اسیں قدرت والے یسوع دی وڈیائی کردے آں ۔
یسوع نے ساڈے لئی ساڈیاں گواچیاں رُوحاں نوں سواریا ۔ہُن اسیں سوہنی خوشخبری اُتے ایمان رکھدے آں ایس طرحاں اسیں خُدا وچ حیاتی بسر کرن دے لائق ہیگے آں ۔ ایتھوں تیک پئی اوہ لوک جیہڑے خُدا دے ویری ہیگے سَن – پاپی جیہڑے وچارے ہیگے سَن ،سگوں ہنیرے جنگلاں وچ پھسے سَن –ہُن سوہنی خوشخبری اُتے ایمان لیاکے اپنے پاپاں توں مکتی پاسکدے نیں ۔
سوہنی خوشخبری سانوں سکھاؤندی اے پئی خُداوند نے ساڈے سارے پاپاں نوں دھوکے ستھریاں کر دتا اے ،جدوں اوہنے یوحنا کولوں بپتسمہ لیا ،سولی اُتے مریا تے جی اُٹھیا ۔ اسیں یسوع دی خوشخبری اُتے ایمان رکھد ےہوئیاں خُدا دے پاک پُتر بن گئے آں ۔ یسوع نے اپنے بدن نوں ساڈے پاپاں لئی قربان ہون لئی پیش کیتا ۔ اوس قدرت والے خُدا دے پُتر نے ،جنہے کدی ایس جگ وچ اِک اکّلا پاپ وی نہ کیتا ،سارے جگ دے پاپاں نوں چُک لیا تے ہر کسے نوں بچا لیا جنہے وی اوس اُتے ایمان رکھیا ۔ یسعیاہ ۵۳:۵ آکھدااے ، ” ایتھوں تیک پئی او ہنےساڈیاں قصوراں دے سبب پھٹ کھاہدے تے ساڈی بدکاری دے سبب اوہنوں پھیا گیا ۔ “
یسوع نے جگ دے سارے پاپاں نوں ،دونواں نوں ،نسلی پاپاں تے ہر دیہاڑے دے پاپاں ،اکٹھیاں نوں چُک لیا تے اک وی اکّلا پاپ باقی نہ چھڈیا ۔ اوہنے سولی اُتے اپنی موت نال پاپ دا مُل اُتاریا تے ایس طرحاں سانوں ساڈے سارے پاپاں توں بچالیا ۔یسوع نے ایس سوہنی خوشخبری نال جگ دے سارے پاپاں نوں دھو دتا ۔ اسیں یسوع ولوں نویں حیاتی پائی اے ۔ اوہ جیہڑے ایس سوہنی خوشخبری اُتے ایمان رکھدے نیں ،اگانہہ ہور رُوح وچ مُردہ نئیں ہیگے ۔ ہُن سانوں نویں تے ہمیش دی حیاتی مل گئی اے ،ایس لئی پئی یسوع نے ساڈے پاپ دا سارا مُل اُتار دِتا اے ۔ اسیں یسوع مسیح دی سوہنی خوشخبری اُتے ایمان لیا کے خُدا دے پُتر بن گئے آں ۔
کیہ تہاڈا ایمان ہیگا اے پئی یسوع مسیح خُدا دا پُتر ہیگااے ؟ کیہ تہاڈا ایہہ وی ایمان ہیگا اے پئی اوہ تہاڈا مکتی داتا ہیگا اے ؟ میَں ایمان رکھدا ہاں یسوع مسیح ساڈے لئی حیاتی ہیگااے ۔ سانوں اوہدے ولوں نویں حیاتی ملی اے ۔ اسیں اپنے پاپاں تے قصوراں دے سبب مرن دا لیکھ رکھدے ساں ۔ پریسوع نے اپنے بپتسمے تے سولی اُتے اپنی موت نال پاپ دا مُل اُتاریا اے ۔ اوہنے سانوں ساڈی پاپ دی غلامی ،موت دے ہتھوں تے شیطان دیاں جالاں توں بچا لیا اے ۔
خُداوند خُدا ہیگا اے جنہے سانوں ساڈے پاپاں توں بچا لیا تے ہر کسے دا مکتی داتا بن گیا اے ، جیہڑا یسوع اُتے ایمان رکھدااے ۔ جدوں اسیں عبرانیوں ۱۰ :۱۰ ۔ ۱۲ ، ۱۴ تے ۱۸ نوں ویکھدے آں ، سانوں پتہ لگدااے پئی خُداوند نے سانوں پاک کیتا تاں پئی پاپاں دی معافی پاؤن لئی ہور کوئی لوڑ نہ ہووے ۔ اسیں یسوع اُتے ایمان رکھن نال خُداوند دی بادشاہی وچ جا ندے آں ۔ اسیں اپنے پاپاں تے قصوراں دے سبب موت دا لیکھ رکھدے ساں ،پر ہُن اسیں بہشت وچ جان تے یسوع دے بپتسمے تے لہو اُتے ایمان رکھن نال ہمیش دی حیاتی دا مزہ لین دے لائق ہیگے آں۔
” چنگا چرواہا (گڈریا)بھیڈاں لئی اپنی جان دیندااے ۔ “ (یوحنا ۱۰ ۔ ۱۱)۔ساڈاخُداوند سانوں جگ دے پاپاں توں بچاؤن لئی ایس جگ وچ اپنے بپتسمے ،سولی اُتے اپنی موت تے جی اُٹھن نال آیا ۔ اوہ اوہناں نوں پاک رُوح دی بھرپوری وی دیندااے جیہڑے ایس سچ اُتے ایمان رکھن نال اپنے پاپاں دی معافی پا چُکے نیں ۔ یا خُداوند ، تیرا شکر ہووے ۔ تیری خوشخبری سوہنی خوشخبری ہیگی اے ،جیہڑی ایمانداراں نوں پاک رُوح دی بھرپوری دے سکدی اے ۔ہیلیلویاہ ! میَں خُداوند دی وڈیائی کرداہاں ۔
Copyright © 2021 by The New Life Mission