En raison du COVID-19 et l'interruption du service postal international,
nous avonssuspendutemporairementnotre "service gratuit de livres imprimés".
nous avonssuspendutemporairementnotre "service gratuit de livres imprimés".
Au vu de cette situation, nous ne sommes pas en mesure de vous envoyer les livres actuellement.
Priez que cette pandémie cesse rapidement et que le service postal reprenne.
Priez que cette pandémie cesse rapidement et que le service postal reprenne.
مضمون 10: مُکاشفہ(مُکاشفہ دی کتاب اُتے تفسیر)
[4-1باب] یسوع ول ویکھو جیہڑا خُدا دے تخت اُتے بیٹھا اے (مُکاشفہ۴:۱- ۱۱)
)مُکاشفہ۴:۱- ۱۱)
”ایہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی اسمان وِچ اِک بُوہا کُھلیا ہویا اے۔ تے جِہنُوں مَیں پہلاں تُرہی دی اواز وانگر اپنے نال گلّاں کر دیاں سُنیا سی اوہ ای آکھدا اے پئی ایتھے اُتّے آجا مَیں تینُوں اوہ گلّاں وکھاواں گا جیہڑیاں ایہناں گلّاں دے پِچّھوں ضرُور ہون گِیاں۔جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔تے جیہڑا اوہدے اُتّے بَیٹھا ہویا اے اوہ یشب تے عقِیق پتّھر وانگر معلُوم ہوندا اے۔ تے اوس تخت دے آلے دوالے زمُرّد وانگر اِک اسمانی پینگھ معلُوم ہوندی اے۔تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔تے اوس تخت وِچوں چمکن تے کڑکن والے بدّل تے اَوازاں پئیاں نِکلدیاں نیں۔ تے اوس تخت دے سامھنے اَگ دِیاں سَتّ بتیاں پئیاں بلدیاں نیں ایہہ خُدا دِیاں سَتّ رُوحاں نیں۔تے اوس تخت دے سامھنے شیشے دا سمُندر بلّور وانگر اے۔تے تخت وِچ تے آلے دوالے چار جاندار نیں جِنہاں دِیاں اگّے پِچّھے اَکھّیاں نیں۔پہلا جاندار شیر وانگر اے تے دُوجا جاندار وَچّھے وانگر تے ترِیجے جاندار دا مُنھ بندے وانگر اے تے چوتھا جاندار اُڈ دے ہوئے عُقاب وانگر اے۔ایہناں چَوہاں جانداراں دے چھ چھ پَر تے چَونہہ پاسے تے اندر اَکھّیاں ای اَکھّیاں نیں۔ تے دِنے راتِیں آرام نئیں کر دے۔ تے ایہو آکھدے رہندے نیں۔ پئی قُدُّوس قُدُّوس قُدُّوس خُداوند خُدا قادرِ مُطلق جیہڑا ہے سی تے جیہڑا ہے تے جیہڑا آؤن والا اے۔تے جد اوہ جاندار اوہدی وڈیائی تے عِزّت تے شُکر گُزاری کرن گے جیہڑا تخت اُتّے بَیٹھا اے تے ہمیشہ تِیکر زِندہ رہے گا۔تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔اَے ساڈے خُداوند تے خُدا تُوہی وڈیائی تے عِزّت تے قُدرت دے لائق ایں۔ کیوں جو تُوہی سارِیاں شیواں پَیدا کِیتیاں تے اوہ تیری ای مرضی نال سن تے پَیدا ہویاں۔“
تشریح
آیت۱:”ایہناں گلّاں دے پِچّھوں مَیں دھیان کِیتا۔ تے کِیہ ویکھنا آں پئی اسمان وِچ اِک بُوہا کُھلیا ہویا اے۔ تے جِہنُوں مَیں پہلاں تُرہی دی اواز وانگر اپنے نال گلّاں کر دیاں سُنیا سی اوہ ای آکھدا اے پئی ایتھے اُتّے آجا مَیں تینُوں اوہ گلّاں وکھاواں گا جیہڑیاں ایہناں گلّاں دے پِچّھوں ضرُور ہون گِیاں۔“
اسمان دا بوہا ایس توں پہلوں بند سی۔ پر ایہہ بوہا سارےداساراکُھل گیا جد یسوع نے ایس دھرتی اُتے آ کے پاپیاں نوں اوہناں دے پاپاں توں مکتی دتی ،مطلب اے یوحنا دے راہیں بپتسمہ لیا ، سولی اُتے مرگیا ، تے فیر مویاں وچوں جیوں اُٹھیا ۔ اپنے فرشتیاں دے راہیں، خُدا نے یوحنارسول اُتے ظاہر کیتا پئی اخیری دناں وچ جگ وچ کیہ ہون والا اے ۔
آیت۲:”جھٹ پَٹ مَیں رُوح وِچ آگیا تے کِیہ ویکھنا آں پئی اسمان دے وِچ اِک تخت ڈَٹّھا ہویا اے۔ تے اوس تخت اُتّے کوئی بَیٹھا ہویا اے۔“
اسمان دے کھلے بوہے وچوں ، یوحنا نے ویکھیا پئی اسمان اُتے اک ہور تخت تیا رکیتا گیا سی ، تے جیہڑا اوہدے اُتے بیٹھا سی اوہ یسوع مسیح سی ۔ تخت دے چارے پاسے چار جنور،۲۴ بزرگ تے خُدا دیاں ست رُوحاں سن ۔
خُداوند نے جگ دے پاپیاں نوں پاپاں توں بچان دے اپنے کم نوں پورا کرن لئی باپ تو خُدا دا تخت لیا سی ۔ ایس دھرتی اُتے رہندے ہوئیاں ، خُداوند نے یوحنا بپتسمہ دین والے کولوں بپتسمہ لے کے اپنے اُتے جگ دے سارے پاپاں نوں چُک لیا ، تے سولی اُتے مرن تے مویاں وچوں جیوں اُٹھن دے راہیں ساریاں پاپیاں نوں اوہناں دے پاپاں توں مکتی دتی ۔ ایس طرح خُدا باپ نے اپنے پُتر لئی اسمان اُتے
ایس تخت دی اجازت دتی ۔
یسوع نوں کسے حد تیکر حد بندی دے گھیرے وچ ویکھن دا شوق پایا جاندا اے ، اوہنوں خُدا دا پُتر تے مکتی داتا منیا جاندااے ، پر ایس توں بوہتا نئیں ۔ پر یسوع مسیح ہُن خُدا دےتخت اُتے خود مختار بادشاہ وانگر بن کے بیٹھا اے جیہڑا اسمان اُتے بادشاہی کردا اے ۔
لازمی طور اُتے ایہدا مطلب ایہہ نئیں ہیگا پئی ،یسوع نے اپنے تخت لئی باپ دے خلاف مزحمت کیتی ۔ خُدا باپ دا تخت وی اوتھے ہیگا اے ۔ اوہنے اپنے پُتر لئی اسمان اُتے اک ہور تخت دی اجازت دتی ، اوہنوں اسمان دا بادشاہ مقرر کرن تے خُدا دے خلاف کھلون والے سارے لوکاں دے جج وانگر اوہنوں قیم کرن لئی تاج پوایا ۔ باپ نے یسوع مسیح نوں اسمان تے دھرتی اتے خُداوانگر سب توں بوہتا اُچا کیتا ۔ یسوع مسیح ہُن خُدا اے ، اوہ باپ دے برابر اے ۔ ایس لئی سانوں یسوع دی وڈیائی کرنی چاہی دی اے تے اوہدی بھگتی کرنی چاہی دی اے ، جیہڑا ساڈا مکتی داتا تے خُدا اے ۔
آیت۳:”تے جیہڑا اوہدے اُتّے بَیٹھا ہویا اے اوہ یشب تے عقِیق پتّھر وانگر معلُوم ہوندا اے۔ تے اوس تخت دے آلے دوالے زمُرّد وانگر اِک اسمانی پینگھ معلُوم ہوندی اے۔“
ایہہ آیت نویں تخت اُتے بیٹھے خُدا دے جلال بارے دسدی اے ۔
آیت ۴:”تے اوس تخت دے آلے دوالے چوّی تخت تے اوہناں تختاں اُتّے چوّی بزُرگ چِٹّے کپڑے پا کے بَیٹھے ہوئے نیں۔ تے اوہناں دے سِراں اُتّے سونے دے تاج نیں۔“
یسوع مسیح دے تخت دے آلے دوالے خُدا نے اپنے سیوا کرن والیاں نوں بٹھایا ۔ ایہہ ایتھے دسدااے پئی خُدا دا تخت ۲۴ ہور تختاں دے گھیرے وچ سی ، تے ایہہ پئی ایہناں تختاں اُتے ۲۴بزرگ بیٹھے سن جنہاں دے سراں اُتے سونے دے تاج سن ۔ ایہناں بزرگاں لئی ۲۴تختاں اُتے بیٹھنا خُدا دی بوہت وڈی برکت سی ۔ ایہہ بزرگ اوہ نیں جنہاں نیں ، ایس دھرتی اُتے رہندے ہویاں خُداوند دی بادشاہی لئی محنت کیتی سی تے شہید ہوئے سن ۔ ایہہ کلام سانوں دسدا اے پئی اسمان دی بادشاہی ہُن ساڈے خُداوند خُدادی بادشاہی بن گئی اے ، جیہڑی ہمیش لئی اوہدے بادشاہی دے دناں وچ اے ۔
آیت ۵:”تے اوس تخت وِچوں چمکن تے کڑکن والے بدّل تے اَوازاں پئیاں نِکلدیاں نیں۔ تے اوس تخت دے سامھنے اَگ دِیاں سَتّ بتیاں پئیاں بلدیاں نیں ایہہ خُدا دِیاں سَتّ رُوحاں نیں۔“
خُدا اوہ اے جیہڑا جگ بناؤندااے تے سارے لوکاں اُتے راج کردا اے ۔
آیت ۶:”تے اوس تخت دے سامھنے شیشے دا سمُندر بلّور وانگر اے۔تے تخت وِچ تے آلے دوالے چار جاندار نیں جِنہاں دِیاں اگّے پِچّھے اَکھّیاں نیں۔“
چار جاندار، ۲۴ بزرگاں نال ، خُدادی بادشاہی دے سیوا کرن والے نیں ۔ اوہ سدا خُدا دی مرضی دے طالب ہوندے نیں تے اوہدی پاکیزگی تے جلال دی تعریف کردے نیں ۔ تے اوہو ای نیں جیہڑے تابعداری نال خُدا دی مرضی نوں لاگُو کردے نیں ۔
آیت ۷:”پہلا جاندار شیر وانگر اے تے دُوجا جاندار وَچّھے وانگر تے ترِیجے جاندار دا مُنھ بندے وانگر اے تے چوتھا جاندار اُڈ دے ہوئے عُقاب وانگر اے۔“
چارے جاندا ر خُدا دے سیوا کرن والے نیں جیہڑے ہر کسے نوں دتے گئے وکھ وکھ کم لئی خاص کیتے گئے سن ، اوہ اوہدے سارے ارادیاں دی وفاداری نال سیوا کردے نیں ۔
آیت ۸:”ایہناں چَوہاں جانداراں دے چھ چھ پَر تے چَونہہ پاسے تے اندر اَکھّیاں ای اَکھّیاں نیں۔ تے دِنے راتِیں آرام نئیں کر دے۔ تے ایہو آکھدے رہندے نیں۔ پئی قُدُّوس قُدُّوس قُدُّوس خُداوند خُدا قادرِ مُطلق جیہڑا ہے سی تے جیہڑا ہے تے جیہڑا آؤن والا اے۔“
جویں خُدا نئیں سوندا ، چارے جاندار وی سدا اوہدے ولوں جاگدے رہندے نیں ، اوہدے جلال تے پاکیزگی لئی بغیر ناغے دے اوہدی وڈیائی کردے رہندے نیں ۔ اوہ خُدا دی پاکیزگی دی وڈیائی کردے نیں جیہڑا لیلا تے اوہدی قادرِ مطلق قدرت بن گیا ۔ اوہ خُدا دی وڈیائی کردے نیں جویں پئی جیہڑا ہیگا سی ، تے جیہڑا ہیگا اے تے جیہڑا آؤن والا اے ۔ جیہدی اوہناں ولوں وڈیائی کیتی جاندی اے اوہ خُدا باپ تے یسوع مسیح اے ، جیہڑا خُدا اے ۔
آیت ۹:”تے جد اوہ جاندار اوہدی وڈیائی تے عِزّت تے شُکر گُزاری کرن گے جیہڑا تخت اُتّے بَیٹھا اے تے ہمیشہ تِیکر زِندہ رہے گا۔“
خُدا دے سیوا کرن والے ایس طرح عزت جلال دیندے نیں تے اوہد شکر ادا کردے نیں جیہڑا ہمیش لئی تخت اُتے بیٹھا اے ۔
آیت ۱۰:”تے اوہ چوّی بزُرگ اوہدے سامھنے جیہڑا تخت اُتّے بَیٹھا ہویا اے ڈِگّ پَین گے تے اوہنوں سجدہ کرن گے جیہڑا ہمیشہ تِیکر زِندہ رہے گا۔ تے اپنے تاج ایہہ آکھ کے اوس تخت دے سامھنے دھر دین گے۔ پئی۔“
جدوں چارے جاندار خُدا دی وڈیائی کردے پئے سن تاں ، ۲۴ تختاں اُتے بیٹھے بزرگاں نیں وی اپنے تاج خُدا دے اگے رکھ دتے تے اوہدی وڈیائی کیتی ، ”اے ساڈے خُداوند تُو ای وڈیائی تے عزت تے قدرت دے لائق ایں ۔ “
آیت۱۱:”اَے ساڈے خُداوند تے خُدا تُوہی وڈیائی تے عِزّت تے قُدرت دے لائق ایں۔ کیوں جو تُوہی سارِیاں شیواں پَیدا کِیتیاں تے اوہ تیری ای مرضی نال سن تے پَیدا ہویاں۔“
۲۴ بزرگاں نیں خُدا دی جیہڑی وڈیائی کیتی سی اوہ ایہناں دے ایمان توں ملی پئی خُدا ای ساری وڈیائی ، عزت تے قدرت پاؤن دے لائق اے ، ایس لئی پئی اوہنے ساریاں شیواں پیدا کیتیاں تے سارا کجھ اوسے دے راہیں قیم ہیگا اے ۔
Copyright © 2021 by The New Life Mission