Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.
Berdoalah agar pandemi ini segera berakhir dan dimulainya kembali layanan pos.
مضمون 11: خیمۂ اِجتماع
[11-11] اسی کھِسکن والے نئیں پئی اپنے گناہاں دے سببوں ناس ہوئیے <یوحنا ۱۳:۱۔۱۱>
> یوحنا ۱۳:۱۔۱۱ <
” عِیدِ فسح توں پہلاں جد یِسُوع ایہہ جان لیا پئی میری گھڑی آ پجی اے پئی دُنیا توں باپ کول جاواں اوہ اوہناں اپنیاں لوکاں نُوں جیہڑے دُنیا وِچ سن جیویں پیار کر دا سی اخِیر تِیکر پیار کر دا رہیا۔ تے جد ابلیس شمعُون دے پُتر یہُوداہ اِسکریُوتی دے دِل وِچ ایہہ پایا سی پئی اوہ اوہنوں پھڑا دیوے۔ تے رات دی روٹی کھاندیاں ہویاں یِسُوع ایہہ جان کے پئی باپ نیں سبھ کُجھ میرے ہتّھ وِچ دِتّا تے مَیں خُدا ولّوں آیا تے خُدا کول جاناں آں۔ کھانے توں اُٹھیا تے اپنے کپڑے لاہے تَد رُومال لے کے لکّ نال بنھیا۔ تے فیر بھانڈے وِچ پانی پا کے شاگِرداں دے پَیر دھون لگّا۔ تے اوس رُومال نال جیہڑا لکّ دوالے بَدّھا ہویا سی پُونجھن لگّا۔ سو اوہ شمعُون پطرس تِیکر آیا۔ اوہ اوہنوں آکھن لگّا اَے خُداوند تُوں میرے پَیر دھونا ایں؟ یِسُوع اوہنوں جواب دِتّا۔ جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا۔ پطرس اوہنوں آکھیا تُوں میرے پَیر کَدے نا دھوئیں گا۔ یِسُوع اوہنوں جواب دِتّا جے مَیں تینُوں نا دھوواں تاں میرے نال تیرا کوئی حِصّہ نئیں اے۔ شمعُون پطرس اوہنوں آکھیا اَے خُداوند تَد نِرے میرے پَیر ای نئیں پر ہتّھ تے سِر وی دھو دے۔ یِسُوع اوہنوں آکھیا اوہ جِس نہا لیا اے اوہنوں بِناں پَیر دھون دے ہور کُجھ لوڑ نئیں۔ پر بالکل پاک اے۔ تے تُسی صاف ہو پر سارے نئیں۔ کیوں جو اوہ اپنے پھڑاں والے نُوں جان دا سی۔ تَدے اوس آکھیا پئی تُسی سارے پاک نئیں ہو۔“
پاک کتاب دا سارا کلام جھوٹھیاں اُستاداں لئی اک بھیت اے جیہڑے حالے نویں سریوں نئیں جمے ۔ ایس لئی اوہ خُدا دے کلام دی اپنے دلی طریقے نال انسانی خیالاں نال تشریح کرن دی کوشش کردے نیں ۔ ایتھوں تیکر پئی ، اوہ آپ تسلی وچ نئیں ہیگے پئی اوہ کیہ سکھاؤندے پئے نیں ۔ نتیجے طور اُتے ، ایتھوں تیکر پئی یِسُوعؔ اُ تے ایمان رکھن والیاں وچو ں وی بوہت سارے لوک ایہو جیہے نئیں ہیگے جیہڑے اپنی مکتی دا پکا یقین رکھدے نیں ۔
اِنج دی صورت ِ حال کیوں اے ؟ ایس لئی پئی اوہ کہندے نیں پئی اوہ یِسُوعؔ اُتےایمان رکھدے نیں ایتھوں تیکر پئی بھاویں اوہ پانی تےرُوح دی خوشخبری نوں صاف طریقے نال نئیں جان دے ۔ ایہو جیہے مسیحی سوچدے نیں پئی اوہ برباد نئیں ہون گے ایس لئی پئی اوہ یِسُوعؔ تےایمان رکھدے نیں ۔ پر اوہناں نوں احساس کرن دی لوڑ اے پئی جد پاک کلام دی اکھ دے نقطے نال ویکھیا جائے ، اوہناں دے لئی ایہہ اِکو کامل سچیائی اے پئی برباد ہو جان جد تیکر پئی اوہ پانی تے رُوح نال نویں سریوں نا جمن ۔
بوہتیاں لوکاں وچ ایہہ سوچن دا پکا ایمان اے پئی بھاویں اوہ سچیائی نوں نئیں جان دے ، ایس لئی پئی اوہ انھے وا یِسُوعؔ اُتےایمان رکھدے نیں ، اوہ گھٹوگھٹ برباد نئیں ہون گے ۔ پر ، جویں پئی اوہ خُدا دے کلام نوں ٹھیک طریقے نال نئیں سمجھدے ، ایس لئی اوہ کلام وچوں ایہہ نئیں سمجھ سکدے پئی اوہ اصل وچ غلط ایمان رکھدے پئے نیں ، ایتھوں تیکر پئی اوہ ٹھیک طریقے نال مکتی یافتہ نئیں ہوئے ۔
ایس لئی جے لوک پاک کتاب دے کلام دی اکھراں مطابق تشریح کردے نیں تے اپنے دلوں بنائے خیالاں نال بنائے اپنے دلی خُدائی نظریے بناؤندے نیں ، فیر ایہو جیہے لوک ، بھاویں جے اوہ یِسُوعؔ اُتے ایمان رکھدے نیں ، پاپ توں معافی پا نئیں سکدے تے اخیریں دوزخ وچ اپنیاں پاپاں دے سببوں مک جان گے ۔ ایسے طرح ، پاک کتاب ایہو جیہی شے نئیں ہیگی جیہڑی اپنے دلی طریقے نال سمجھائی جائے ، سگوں سانوں لازمی سچیائی دے کلام نال اپنے نویں سریوں جمے ہوئے پاک لوکاں دے راہیں اپنی ذاتی سمجھ تیکر لیاؤن لئی خُدا دی اُڈیک رکھنی چاہی دی اے ۔ سانوں لازمی ایہہ وی سمجھنا چاہی دا اے پئی خُدا دے سارے کلام دی وضاحت پانی تےرُوح دی خوشخبری وچ ہوندی اے ۔
یِسُوعؔ نے فرمایا ، ” جے کوئی پانی تے رُوح تُھوں نا جمّے اوہ خُدا دی بادشاہی وِچ وڑ نئیں سکدا۔“ (یوحنا ۳:۵)۔ اوہ جیہڑےجان دے تے ایس حوالے اُتے ٹھیک طریقے نال ایمان رکھدے نیں اوہ لازمی ساریاں پاپاں توں چُھٹ سکدے نیں تے اسمانی بادشاہی وچ جا سکدے نیں ۔ یِسُوعؔ نے فرمایا پئی صرف اوہ جنہاں دے دل پانی تےرُوح دی خوشخبری اُتے ایمان رکھ کے پاپ توں پاک ہو گئے نیں اسمان اُتے جا سکدے نیں ۔ پر جے لوک خُداوند ولوں دتی گئی پانی تےرُوح دی خوشخبری نوں —یعنی ، خیمۂ اجتماع دے اسمانی ،ارغوانی تے لال دھاگے تے مہین وٹے ہوئے کتان وچ وکھائے گئے سچ نوں سمجھیوں اڈ ایمان رکھدے نیں — فیر اوہ اپنیاں پاپاں دے سببوں برباد ہو جان گے ۔
صرف بوہت چوکھی خطرے والی گل ہوئےگی جے سانوں اپنیاں پاپاں دے سببوں برباد ہونا سی ایتھوں تیکر پئی بھاویں اسی یِسُوعؔ اُتے ایمان رکھدے ساں ؟ ایہہ سوچ کے مینوں دلی پریشانی ہوندی اے پئی بھاویں ہُن ایس دُنیا وچ بوہت سارے لوک نیں جیہڑے یِسُوعؔ اُتےاپنے مکتی داتا وانگر ایمان رکھدے نیں ،اوہناں وچوں بوہت سارے یقین نال جواب نئیں سکدے سکدے جد پُچھیا جائے کیہ اوہ سچ مُچ تسلی رکھدے نیں پئی اوہ اپنیاں ساریاں پاپاں توں مکتی یافتہ ہوگئے نیں ۔ ایہہ کہنا کوئی غلط نئیں ہیگا پئی ساریاں پاپیاں نوں ، ایس توں علاوہ کیہ اوہ یِسُوعؔ اُ تےایمان رکھن دا اقرار کردے نیں یا نئیں ، اپنیاں پاپاں دے سببوں برباد ہونا اے ۔ کنے سارے لوک سچ مُچ برباد ہو جان گے ایتھوں تیکر پئی بھاویں اوہ یِسُوعؔ اُتے ایمان رکھدے نیں ؟
متی ۷ سانوں دسدا اے پئی بھاویں بوہت سارے لوک جیہڑے خُداوند اُتے ایمان رکھدے نیں یِسُوعؔ نوں آکھن گے پئی اوہناں نیں نبُوّت کیتی ، بدرُوحاں نوں کڈھیا ، تے اوہدے ناں نال بوہت سارے معجزے کیتے ، اوہ فیر وی اوہدے ولوں چھڈ دتے جان گے ۔ یِسُوعؔ نے کہیا پئی اوہ ایہو جیہے لوکاں دے اگے اعلان کرے گا ، ” مَیں کدی تُہانوں نئیں جانیا۔ اَے شریعت توڑن والیو مَیتھوں دُراڈے ہو جاؤ۔“(متی ۷:۲۳)۔ ساڈے خُداوند نے آکھیا پئی ہر کوئی جیہڑا اوہدا ناں پکاردا اے اسمانی بادشاہی وچ نا وڑے گا ۔ ایسے طرح، خُدا اوہناں نوں جھڑکے گا جیہڑےپانی تےرُوح دی خوشخبری نوں غلط سمجھ چُکے نیں ۔
پر بوہت سارے لوک ایتھوں تیکر پئی احساس نئیں کردے پئی اوی غلط سمجھ چُکے نیں تے یِسُوعؔ اُ تے غلط ایمان رکھ چُکے نیں ، ایہہ اِنج دی صورت ِ حال اے جیہڑی ساڈے خُداوند لئی بوہت افسوسناک اے ۔ بوہت سارے لوک ہیگے نیں جیہڑے ، سچیائی نوں نئیں جان دے پئی خُداوند اصل وچ اوہناں نوں اوہناں دے کچے ایمان دے سبب جھڑکدا پیا اے ، اوہ اپنی جان دی بربادی ول ودھدے پئے نیں ۔
ایہو ای سبب اے پئی ساڈے دل اج دے صرف ناں دے مسیحیاں لئی روندے نیں ۔اوہ یِسُوعؔ اُتے صرف کچا ایمان رکھدے نیں ، حالے تیکر صاف تے پاک کلام دے مطابق پکی گل تیکر اَپڑن دے لائق نئیں ہیگے پئی پانی تےرُوح دی سچی خوشخبری کیہ اے ۔ ایہہ ہے کیوں ایہہ ایہو جیہا خاص تے ساڈے لئی چھیتی والا کم اے پئی اوہناں ساریاں تیکر پانی تےرُوح دی خوشخبری دی منادی کرئیے ۔
ساڈے ساریاں لئی ایہنوں جاننا تے پانی تےرُوح دی خوشخبری دی سچیائی اُتے ایمان رکھنا بوہت ضروری اے ۔ فیر ، کویں اسی پانی تےرُوح دی خوشخبری دی سچیائی نوں جان سکدے آں ؟ بِنا شک ، اسی پانی تےرُوح دی خوشخبری والے خُدا دے کلام دیاں تعلیماں سُن کے جان سکدے آں ۔ سانوں سچ مُچ لازمی جاننا تے سچی خوشخبری اُتے ایمان رکھنا چاہی دا اے تے خُدا کولوں ا وہدے پاک لوک اکھواؤنا چاہی دا اے۔ ایہہ اِنج کرن دے راہیں ہیگا اے پئی اسی ایمان نال خُدا دی بادشاہی وچ وڑ سکدے آں ، ایمان رکھ کے پاپ توں معافی پا سکدے آں تے ایمان رکھ کے ای اوہدے پُتر بن سکدے آں ۔
ایس لئی پئی مسیحیت ایمان دے راہیں ملی ہوئی مکتی بارے گل کردی اے ۔ دُنیا دے دین بندے دے اپنے چنگیاں کماں دی قدر کردے نیں ۔ پر اصل سچیائی سانوں دسدی اے پئی مکتی خُدا دا انعام اے ، بندے دیاں چنگیاں کماں نال نئیں ، تاں پئی کوئی گھمنڈ نا کرے (افسیوں ۲:۸۔۹)۔ اصل مسیحیت صرف پانی تےرُوح دی خوشخبری نوں جانن تے ایس اُتے ایمان رکھن دے راہیں پاپ توں مکتی پاؤن تے اسمان اُتے جان دا راہ دسدی اے ۔
یوحنا باب۱۳ توں اج دا خاص حوالہ پانی تےرُوح دی خوشخبری دے بارے وچ وی اے ۔ ایہہ جاندیاں ہویاں پئی اوہدےسولی اُتے مرن دا ویلا نیڑے آگیا سی ، یِسُوعؔ نے اپنیاں چیلیاں دے پیر دھونے چاہے ۔ ایہہ فسح دی عید توں بالکل پہلوں سی ۔ فسح دی عیدیہودیاں لئی بوہت خاص اے ۔ ایس لئی پئی ایہہ اوہ دن سی جد بنی اسرائیل مصروں نکلے تے اپنی غلامی توں چُھٹے سن ۔ ایہہ یہودیاں لئی اک وڈا دیہار بن گیا سی ۔ سو اسرائیلی پرانے عہد نامے دی فسح دی عید نوں یاد کردے تے ایہدی یاد وچ رَل کے فسح دی عید دیاں ریِتاں کر کے ایہنوں مناؤندے سن ۔
رات دی روٹی کھان دے ویلے ، یِسُوعؔ نے اپنیاں چیلیاں نوں اکٹھیاں کیتا تے اوہناں نوں اک بوہت خاص گل دسنی چاہی ۔ آپ سولی اُتے مرن توں پہلوں اپنیاں چیلیاں دے پیر دھو کے ، اوہ اوہناں نوں سچیائی سکھاؤنا چاؤہندا سی پئی اوہنے اوہناں دے ہر دن دیاں پاپاں نوں دھو دتا سی ۔ فسح دی عیددے آؤن نال ، یِسُوعؔ نوں پتہ سی پئی اوہ فسح دے لیلےوانگر پھڑوایا جائے گا ، سولی اُتے چڑھے گا ، مرے گا ، تے فیر مویاں وچوں جیوں اُٹھے گا ۔ سویِسُوعؔ اپنیاں چیلیاں نوں سکھاؤنا چاؤہندا سی پئی قربانی دے لیلے وانگر ، اوہ ایتھوں تیکر پئی اوہناں دے ہر دن دیاں پاپاں نوں دھو چُکیا اے ۔ وکھ طریقے نال ویکھدیاں ہویاں ، اوہنے چیلیاں دے پیَر سولی اُتے مرن توں پہلوں اوہناں نوں اک بوہت خاص تعلیم سکھاؤن لئی دھوئے سن ۔
کِس سببوں خُداوند نے پطرس دے پیَر دھوئے
آؤ اسی ویکھیے یِسُوعؔ نے کیہ آکھیا جد اوہنے چیلیاں دے پیر دھونے چاہے تے پطرس نے انکار کیتا : ” جے مَیں تینُوں نا دھوواں تاں میرے نال تیرا کوئی حِصّہ نئیں اے “(یوحنا ۱۳:۸)۔ کناں پریشانی والا تے خطرے والا ایہہ حکم اے ؟ پر یِسُوعؔ سچ مُچ اپنیاں چیلیاں نوں ایہہ سکھاؤنا چاؤہندا سی کِنج دا ایمان اوہناں دیاں اصلی پاپاں نوں دھون لئی لوڑی دا سی ، تے ایہہ دونواں اوہدیاں چیلیاں تے آپ اوہدے لئی بوہت خاص سی پئی اوہنوں سولی اُتے مرن توں پہلوں اوہناں دے پیر دھونے چاہی دے سن۔
ایس لئی یِسُوعؔ کھانے توں اُٹھیا ، اپنے کپڑے اک پاسے رکھے ، اک روما ل لیا تے اپنے لک نال بنھیا ، فیر اک بھانڈے وچ پانی پایا تے چیلیاں دے پیر دھون لگیا ۔ فیر شمعون پطرس دی واری آئی ، پر پطرس نے انکار کیتا ۔ اوہنے یِسُوعؔ نوں آکھیا ،” اَے خُداوند تُوں میرے پَیر دھونا ایں؟ “ پطرس حیران سی پئی یِسُوعؔ اوہدے پیر دھونا چاؤہندا سی ۔ ایس لئی پئی اوہ یِسُوعؔ اُتے ایمان رکھدا سی تے اوہدی خُدا دے پُتر وانگر خدمت کردا سی ، ایس لئی اوہدے لئی ایہو جیہے ہاسے کھیڈ نوں قبول کرنا اوکھا سی۔ایہو ای سبب اے پئی پطرس نے پُچھیا کویں خُداوند اوہدے پیر دھو سکدا سی ،ایہہ سوچدیاں ہویاں پئی جے کسے نوں پیر دھونے چاہی دے نیں ،تاں آپ پطرس نوں خُداوند دے پیر دھونے چاہی دے نیں ، تے ایہہ پئی جائز نئیں سی نا ای اوہدے لئی خُداوند نوں اپنے پیر دھون دی اجازت دینا ادب دے مطابق سی ۔ سو جسمانی طور نال ایس سببوں دھکا لگن دے بعد ، پطرس نے آکھیا ، ” اَے خُداوند تُوں میرے پَیر دھونا ایں؟ “تے اپنے پیر دھواؤن توں انکار کیتا ۔
فیر یِسُوعؔ نے آیت ۷ وچ آکھیا ، ” جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا۔ “ ایہدا مطلب سی ، ” تُوں ہُن نئیں سمجھدا کیوں مَیں ایہہ کردا پیا ہاں ۔ پر سولی اُتے میرے مرن ، مویاں وچوں جی اُٹھن تے اسمان اُتے جان دے بعد ،فیر تُوں سبب دا احساس کریں گا کیوں مَیں تیرے پیر دھوتے۔“ تے فیر یِسُوعؔ نے زوردے کے آکھیا ، ” جے مَیں تینُوں نا دھوواں تاں میرے نال تیرا کوئی حِصّہ نئیں اے۔ “ جد تیکر یِسُوعؔ پطرس دے پیر نا دھوندا پطرس تے یِسُوعؔ دا اک دوجے نال کوئی تعلق واسطہ نئیں سی ۔ یِسُوعؔ نال میل جول نا رکھن دا مطلب اوہدے نال کوئی تعلق نا رکھنا سی تے ا ِنج پطرس کول کوئی بہانا نئیں سی سگوں یِسُوعؔ دے اگے اپنیاں پیراں نوں رکھ دینا سی ۔فیر یِسُوعؔ نے پطرس دے پیر بھانڈے وچ رکھے ،اوہناں نوں دھوتا ، تے فیر اوہدے پیر رومال نال صاف کیتے ۔
جد خُداوند نے پطرس نوں آکھیا ، ” جے مَیں تینُوں نا دھوواں تاں میرے نال تیرا کوئی حِصّہ نئیں اے۔ “ پطرس نوں ایہہ گل دل اُتے لگی تے آکھیا ، ” فیر مینوں بھاویں بوہتا دھو ،تاں پئی مَیں تیرے نال شامل ہو سکاں ۔ میرے ہتھ ،میرا سِر تے میرے سارے بدن نوں دھو! ۔ “ ایہہ سُن کے ، فیر یِسُوعؔ نے آکھیا ، ” جس نہا لیا اے اوہنوں بِنا ں پیَر دھون دے ہور کُجھ لوڑ نئیں ۔ اوہ بالکل پاک اے ۔ تُسی بالکل صاف او، پر سارے نئیں۔ “
یِسُوعؔ نے بوہتی واری ایس گل نوں ظاہر کیتا جیہڑی لوکاں نوں گھڑی مُڑی گُنجل وچ پاؤندی تے پریشان کردی سی ۔ یِسُوعؔ نے جو فرمایا ایہنوں نا سمجھن والے ، لوک غلط سمجھن ، غلط ایمان رکھن تے کُجھ اچرج کم کرن ول دھیان کردے نیں ؟ اوہ لوک جیہڑے پانی تےرُوح دی خوشخبری اُتے ایمان نا رکھن دے سببوں پاپ توں معافی نئیں پا چُکے ٹھیک ٹھیک نئیں سمجھ سکدے یِسُوعؔ نے ایتھے پطرس نوں کیہ فرمایا سی ۔ کیوں ؟ ایس لئی پئی اوہ جنہاں نوں پاک رُوح نئیں ملیا خُدا دے کلام دا ٹھیک مطلب نئیں سمجھ سکدے ۔
نا ای صرف ہر کوئی پاک کلام وچ وکھائی گئی سچیائی دا احساس کر سکدا اے ، بھاویں اوہ اچرج دُنیادیاں کماں نال اک بوہت سیانا بندہ اے ۔ جد پئی ایہو جیہے لوک صاف طریقے نال خُدا دے کلام نوں ایہدے اکھراں دی سمجھ مطابق سمجھدے نیں ۔ جد تیکر اوہ پانی تےرُوح دی سچیائی نوں نئیں جان دے ، اوہ ساریاں گُنجلاں نوں اکو واری حل نئیں کرسکدے تے ایہہ پتہ نئیں لا سکدے پئی کِس قِسم دے ایمان نال اوہ اپنیاں ہردن دیاں پاپاں نوں دھو سکدے نیں کوئی معنی نئیں رکھدا اوہ کنی بوہتی کوشش کردے نیں ۔
خُداوند نے فرمایا ، ” جِس نہا لیا اے اوہنوں بِناں پَیر دھون دے ہور کُجھ لوڑ نئیں۔ پر بالکل پاک اے۔ تے تُسی صاف ہو پر سارے نئیں“ (یوحنا ۱۳:۱۰)۔ایہہ حوالہ اج بوہت ساریاں مسیحیاں دی سمجھ مطابق بوہت اوکھا حوالہ اے ، ایس لئی پئی اوہ ایس حوالے نال اپنے آپ نوں تسلی نئیں دے سکدے پئی کیہ اوہ پہلوں ای اپنیاں ساریاں ہر دن دیاں پاپاں توں معاف ہو گئےنیں یا نئیں ۔ اصل وچ اوہ ایس حوالے نوں توبہ دیاں دعاواں دے خُدائی نظریے دی نیہ وانگر پھڑدے نیں ، جیہڑا پئی مسیحیت وچ صرف ناں دے پُرانے عقیدے دیاں خُدائی تعلیماں وچوں اک اے۔
اوہ ایس حوالے دی اِنج تشریح کردے نیں : ”اک واری اسی یِسُوعؔ اُتے اپنے مکتی داتا وانگر ایمان رکھدے آں ، فیر اسی اپنیاں پاپاں توں نسلی پاپ ملا کے معاف ہو جاندے نیں ۔ پر ، ایس لئی پئی ہر دن پاپ نا کرن توں بوہت ادھورے نیں ، تے اِنج فیر پاپی بن جاندے نیں ، سانوں خُدا توں ایس ہر دن دیاں پاپاں توں مکتی پاؤن لئی معافی منگن دی لوڑ اے ۔ اِنج کر کے ، اسی اپنیاں پاپاں توں پاک ہو سکدے آں تے اوہدے نال اپنا میل جول فیر بحال کر سکدے آں ۔“
احمقو ، کیہ تُسیں سچ مُچ توبہ دیاں دعاواں کرکے اپنیاں ہر دن دیاں پاپاں توں پاک ہو سکدے او ؟ اوہناں پاپاں دے بارے کیہ خیال اے جنہاں دی تُسیں اپنی بے پرواہی دے سبب معافی منگن وچ ناکام ہو سکدے او ؟ فیر کویں ایہہ پاپ معاف ہو سکدے نیں ؟
کلیسیا ، خُدا دا بدن ، اصل وچ اوہناں لوکاں دا جھُنڈ اے جیہڑے ساڈے خُداوندولوں دتی گئی پانی تےرُوح دی خوشخبری اُتے ایمان رکھدے نیں ۔ ایس لئی جد یِسُوعؔ نے آکھیا پئی بدن سارے دا سارا پاک اے ، پر سارے دے سارے چیلے پاک نئیں ہیگے ، تاں اوہنے ایہہ گل یہوداہ دے بارے آکھی سی جیہڑا اوس اُتے ایمان نئیں رکھدا سی ۔ ایہہ ایس لئی سی ایس لئی پئی اوہنوں پتہ سی پئی یہوداہ اوہدے اُتے ایمان نئیں رکھدا سی یعنی اوہنے آکھیا ، ”تُسیں سارے دے سارے پاک نئیں۔“
سانوں لازمی ایمان رکھنا چاہی دا اے پئی خُداوند ساڈے سارے پاپ پانی تےرُوح دی خوشخبری،یعنی پاک کلام دی خاص سچیائی نال اکو ای واری دھو چُکیا اے ۔ سو جے اسی کلام دیاں خاص گلاں جانن وچ ناکام ہو جاندے آں تے اپنے دلی طریقے نال خُدا دے کلام نوں سمجھن دی کوشش کردے آں ، اسی وڈیاں وڈیاں غلطیاں کر سکدے آں ۔ ایتھوں تیکر پئی ہُن ، بوہت سارے لوک ،وڈیاں وڈیاں غلطیاں کر کے ، اپنا سارا کُجھ چھڈ دے پئے نیں تے ایتھوں تیکر پئی شہید ہوندے پئے نیں جدپئی اوہ یِسُوعؔ اُتے ٹھیک طریقے نال ایمان نئیں رکھدے ، پر اخیروچ ، اُکا پُکا اپنیاں پاپاں دے سببوں تباہ تے برباد ہوجان گے ۔
یِسُوعؔ دا ساڈے پیر دھون دا سبب
کیوں پطرس صرف یِسُوعؔ نال کُجھ میل رکھ سکدا سی جے یِسُوعؔ اوہدے پیر دھوندا؟ ایہدا سبب ایہہ سی پئی یِسُوعؔ پطرس دا اصلی مکتی داتا صرف اوسے صورت وچ بن سکدا سی جد اوہ اوہدی ساری زندگی دیاں ساریاں پاپاں نوں مکادیندا ۔ یِسُوعؔ ایس زمین اُتے آیا ، بپتسمہ دے راہیں لوکاں دیاں پاپاں نوں چُک لیا جیہڑا اوہنے یوحنا کولوں لیا ،سولی اُتے مرگیا ، مویاں وچوں جی اُٹھیا ، تے اِنج پطرس دیاں پاپاں تے اپنیاں ساریاں چیلیاں دیاں پاپاں نوں اکو ای واری سدا لئی دھو دتا ۔ یِسُوعؔ ایس سچیائی نوں اوہناں دیاں دلاں اُتے پکیاں کرنا چاؤہندا سی ۔ پر ایس لئی چیلیاں نیں اوس کولوں اپنے پیر دھواؤن نوں صرف اک اخلاقی معاملے وانگر سمجھیا سی ، ایس لئی ، اوہناں نوں سبب دا نئیں پتہ سی پئی یِسُوعؔ نے کیوں اوہناں دے پیر دھوتے۔
اوہناں نے ایہہ سمجھنا سی پئی نا صرف اوہناں دے موجودہ پاپ سگوں آؤن والیاں زمانیاں دے پاپ وی جیہڑے اوہناں نیں بعدوں کرنے سن اوہناں نوں رُوحانی طریقے نال مارن لئی ڈراؤن گے ۔ سو اوہناں نیں احساس کرنا سی پئی بھاویں پاپ جیہڑے او ہ آؤن والیاں زمانیاں وچ کرن گے ، پہلوں ا ی ایمان دے راہیں یِسُوعؔ اُتے لدے گئے سن ۔ ایس لئی پئی پطرس یِسُوعؔ نال حصے دار نئیں سی ،جد تیکر ایہہ صورت ِحال نئیں سی ، پطرس نوں یِسُوعؔ دے اوہدے ایسے طرح دوجیاں چیلیاں دے پیر دھون دے وڈے سبق دا احساس کرن دی لوڑ سی ۔ یِسُوعؔ نے پطرس نوں ایہہ سچیائی سکھاؤنی سی پئی بپتسمہ لین دے راہیں ، اوہ اوہدیاں خامیاں تے کمیاں دے سببوں پطرس کولوں ہویا ”ہر اک تے ہر کوئی پاپ“دھو چُکیا اے ۔ ایہو ای سبب اے پئی یِسُوعؔ نے پطرس دے پیر دھونے سن تے پطرس نوں یِسُوعؔ کولوں اپنے پیر دھواؤنے سن ۔ پطرس یِسُوعؔ نال صرف اوسے ویلے حصے دا ر ہو سکدا سی جے اوہ ایمان رکھدا پئی اوہدیاں کمیاں تے خامیاں دے سببوں اوہدی زندگی وچ اوہدے کولوں ہوئے سارے پاپ اکو ای واری دُھل گئے سن جد یِسُوعؔ نے یوحنا کولوں بپتسمہ لیا سی ۔
اسی خُدا دا کلام سن کے پانی تے رُوح دی سچیائی نوں سمجھ سکدے آں ۔ ایہہ پانی تےرُوح دی خوشخبری دے کلام نوں جانن تے ایمان رکھن دے راہیں ہیگا اے جیہڑی ساڈے ساریاں پاپاں نوں مکا چُکی اے پئی اسی اپنے ساریاں ہر دن دیاں پاپاں توں وی پاک ہو سکدے آں ۔ یِسُوعؔ نے فرمایا ، ” جس نہا لیا اے اوہنوں بِنا ں پیَر دھون دے ہور کُجھ لوڑ نئیں ۔ “ایس لئی پئی یِسُوعؔ پہلوں ای ساڈیاں ساریاں پاپاں نوں دھو چُکیا اے تے سانوں پاک کر دتا ، اوہ جیہڑے ایس اُتے ایمان رکھدے نیں اوہ لوک نیں جیہڑے اپنیاں ساریاں پاپاں دی معافی پا چُکے نیں ۔
یِسُوعؔ مسیح اصل وچ ساریاں پاپاں نوں یردن دے دریا اُتے بپتسمہ لین تے ساڈیاں ساریاں پاپاں نوں چُکن دے راہیں دھو چُکیا اے ۔ تے سولی اُتے جان ، سولی اُتے چڑھن ، اپنا لہو وگاؤن ، مرن تےفیر مویاں وچوں جی اُٹھن دے راہیں ، اوہ ساڈا سدا دا مکتی داتا بن گیا اے ۔ بپتسمے نال جیہڑا اوہنے لیا تے صلیبی لہو نال ، خُداوند ساڈا کامل مکتی داتا بن گیا اے ۔ ایسے طرح ، پانی تےرُوح دی خوشخبری دے راہیں ،ساڈا خُداوند اوہناں ساریاں نوں جیہڑے اوس اُتے ایمان رکھدے نیں ایمان دے راہیں اکو ای واری سدا لئی اوہناں نوں ساریاں پاپاں توں دُھلن دے لائق کر چُکیا اے ۔
اوہ جیہڑے ایس سچیائی نوں جان تے ایس اُتے ایمان رکھدے نیں کامل طریقے نال اپنیاں ہر دن دیاں پاپاں توں وی مکتی یافتہ ہوسکدے نیں ۔ خُدا دی اکھ نال ویکھیا جائے تاں ، ایہہ سچ اے پئی سارے لوک یِسُوعؔ دے راستباز کم دے راہیں ساریاں پاپاں توں دُھل گئے نیں ۔ اپنیاں ساریاں پاپاں توں سچ مُچ دُھلن لئی سانوں سارا جیہڑا کرنا اے پانی تےرُوح دی خوشخبری اُتے ایمان رکھ کے مفت ایس فضل نوں پاؤنا اے ۔ کیہ ایہہ صورت ِ حال نئیں ہیگی ؟ بِنا شک ہیگی اے ! اپنے او س ایمان نال جیہڑا ایس سچیائی اُتے ایمان رکھدا اے ، اسی اوہ بن گئے آں جیہڑے پہلوں ای نہا چُکے آں ۔
یِسُوعؔ نے کہیا پئی اوہ جیہڑے اِنج نہا چُکے نیں اوہناں نوں صرف اپنے پیر دھون دی لوڑ اے ، ایس لئی پئی بھاویں اسی اپنے آپ وچ ہر دن پاپ کردے آں ، یِسُوعؔ نے پہلوں ای ساریاں پاپ چُک لئے جد اوہنے بپتسمہ لیا تے کامل طریقے نال سانوں بچا چُکیا اے ۔ بپتسمہ لے کے ، یِسُوعؔ ساڈی زندگی دے ساریاں پاپاں نوں دھو چُکیا اے ، تے ایہہ ساڈے ولوں ہر دن ایس گل دا پک کرن نال اے پئی اسی اپنیاں ہر دن دیاں پاپاں دا مکا کرسکدے آں ۔
ایہہ حوالہ سانوں ایہو ای دسدا پیا اے ۔ سچیائی ایہہ ہیگی اے پئی بھاویں اوہ جیہڑے پانی تےرُوح دی خوشخبری اُتے ایمان رکھ کے پاپ توں معافی پا چُکے نیں — یعنی ، یِسُوعؔ نے بپتسمہ لے کے جیہڑا اوہنے یوحنا کولوں لیا ساریاں پاپاں نوں قبول کیتا ،جد پئی دُنیا دے پاپ موھڈے اُتے چُک کے سولی اُتے مر گیا ، تے فیر مویاں وچوں جی اُٹھیا—حالے تیکر اپنیاں زندگیاں جد پئی پاپ کردیاں ہویاں گزاردے نیں ، ایس لئی پئی اوہ وی بدن رکھدے نیں ۔ پر ، خُدا نے پہلوں ای ایتھوں تیکر پئی ساریاں ہر دن دیاں پاپاں نوں چُک لیا جیہڑے لوک ہردن یِسُوعؔ اُتے ایمان رکھن دے بعد کردے نیں ، ایس لئی پئی اوہ اپنی مرضی دا مالک اے ۔
زمانیاں توں اُچا ، مُڈھ توں لے کے سدا تیکر ،خُدا اِکو ای واری ایہہ کم پورا کر چُکیا اے جیہڑا لوکاں دیاں ساریاں پاپاں نوں مکا چُکیا اے ۔ ایس طرح ، یِسُوعؔ نے بپتسمہ لین دے بعد ، یوحنا دے راہیں ساڈے ساری عمر دیاں ساریاں پاپاں نوں قبول کیتا ، جد پئی ایہناں ساریاں نوں چُک کے سولی اُتے مرگیا ، فیر مویاں وچوں جی اُٹھیا تے اِنج ساڈیاں ساریاں پاپاں نوں دھو چُکیا اے ۔ پر ایہدے باوجود ، اسی کویں ایمان رکھدے آں؟ ایس سچیائی اُتے ایمان رکھن دے باوجود ، اسی ہر دن حالے وی پاپاں تے اپنیاں کمیاں دے سببوں دکھ جردے آں جیہڑے اسی اپنیاں زندگیاں وچ کردے آں ۔
ایہو ای سبب اے پئی سانوں ہر دن لازمی فیر ، اپنے ایمان نال ، ایس سچیائی دی تصدیق کرنی چاہی دی اے پئی یِسُوعؔ نے ایہناں ساریاں پاپاں نوں چُک لیا جیہڑے اسی ایس زمین اُتے چلدیاں ہویاں اپنی ساری زندگی کردے آں ، بپتسمہ لے کے ، یِسُوعؔ اِکو ای واری تے سدا لئی دُنیادیاں پاپاں نوں دھو چُکیا اے ، پر سانوں لازمی ہر دن ، ویلے کویلے اپنے ایمان نال ایس سچیائی دی تصدیق کرنی چاہی دی اے ۔
ایس طرح ، پطرس نوں ، ایمان دے راہیں یِسُوعؔ نال رَل کے رہن لئی،یادرکھنا سی پئی یِسُوعؔ نے اوہدے پیر دھوئے سن ، ساڈے لئی اوہدی مکتی وچ رہن دے واسطے ، سانوں وی لازمی ہر دن سچیائی دی تصدیق کرنی چاہی دی اے پئی اوہ پہلوں ای اپنے بپتسمے تے صلیبی لہو نال ساڈیاں ساریاں پاپاں نوں مکا چُکیا اے ۔ پر اوہ جیہڑے ایس سچیائی اُتے ایمان نئیں رکھدے سدا تیکر اپنیاں پاپاں وچوں کسے اک توں نئیں دُھل سکدے ۔ اوہ جیہڑے پانی تےرُوح دی خوشخبری اُتے ایمان نا رکھن دے راہیں اپنیاں ساریاں پاپاں توں دُھل نئیں چُکے اوہ لوک نیں جیہڑے یِسُوعؔ نال حصہ نئیں رکھدے ۔ بھاویں اوہ ہر دن لگاتار اپنیاں پاپاں نوں دھون دی کوشش کردے نیں ، اوہناں دے پاپ نئیں دُھلدے ، ایس لئی پئی جنہاں پاپاں نوں اوہ توبہ دیاں دعاواں کرن دے راہیں دھون دی کوشش کردے نیں اینے ہولے پاپ نئیں ہیگے ۔ ہر پاپ دے بعد خُدا دی خطرناک سزا ہوندی اے ۔
ایس طرح ، اوہ جیہڑے پانی تےرُوح دی خوشخبری اُتے ایمان رکھ کے اپنیاں پاپاں نوں دھون دی بجائے اپنیاں توبہ دیاں دعاواں نال اپنیاں پاپاں نوں دھون دی کوشش کردے نیں ، اوہ تجربہ کرن گے تے محسوس کرن گے پئی اک پیسے دے مُل برابر اوہناں دے پاپ نئیں دُھلے ۔ کیہ اسی ہر دن ایہو جیہاں توبہ دیاں دعاواں منگ کے اپنیاں پاپاں توں دُھل سکدے آں ؟ بھاویں جے اسی آپ ای ایمان رکھدے آں پئی اسی اپنیاں توبہ دیاں دعاواں نال اپنیاں پاپاں نوں دھو چُکے آں ، ایہہ پاپ اصل وچ فیر وی اپنے سارے وجود وچ قیم رہندے نیں ۔
صرف اوہ جیہڑے پانی تےرُوح دی خوشخبری اُتے ایمان رکھ کے اپنے سارے بدن وچ نہا چُکے نیں اوہ اپنیاں زندگیاں گزاردیاں ہویاں اپنے پیر دھلواؤن دے لائق نیں ، تے صرف اوہو ای فضل دے کپڑے پائے ہوئے نیں جیہڑا اوہناں نوں ہر دن ایمان نال اوہناں دیاں پاپاں نوں دھون دے لائق کردا اے تے اِنج اپنی پاکیزگی سدا تیکر قیم رکھدے نیں۔
بپتسمہ لین دے راہیں ،یِسُوعؔ نے اکو ای واری سدا لئی ساڈے سارے ہردن دیاں پاپاں نوں چُک لیا ۔ ایس لئی اسی ایمان رکھدے آں پئی اپنے بپتسمے نال ، یِسُوعؔ نے ایہناں ساریاں پاپاں نوں وی چُک لیا جیہڑے اسی اپنیاں زندگیاں گزاردیاں ہویاں اپنیاں کمیاں دے سببوں کردے آں ، تے ایہہ پئی اوہنے اوہناں دی ساری لعنت وی جری ۔ دوجیاں اکھراں وچ ، یِسُوعؔ نے سانوں دسیا پئی اپنے آپ دیاں کماں وچ پھس کے ڈِگ کے ٹھیڈا کھان یا مرن جیہی کوئی شے نئیں ہونی چاہی دی ۔
یِسُوعؔ دے چیلیاں دے پیر دھون دے بعد ، سارا جیہڑا ہُن اوہدے لئی باقی سی سولی اُتے مرنا ، فیر مویاں وچوں جی اُٹھنا تے اسمان اُتے چڑھنا سی ۔ یِسُوعؔ ہُن ہور چیلیاں ول نئیں ہوئے گا ، سگوں لکھے ہوئے کلام دے مطابق ، اوہ خُدا باپ دے تخت دے سجے ہتھ اُتے ہوئے گا ۔ تے اوہ فیر واپس آئے گا ۔
پرجے یِسُوعؔ اپنیاں چیلیاں نوں ایہدے بارے سکھائیوں اڈ سولی اُتے مر جاندا ، تاں کویں اوہ ایس زمین اُتے باقی رہ سکدے سن تے پانی تےرُوح دی خوشخبری دی منادی کر سکدے سن ؟ یِسُوعؔ دے چیلے ہردن پاپ کردیاں ہویاں زندہ رہندے ، ایس لئی پئی اوہ ماڑے تے ادھورے سن تے نئیں جان دے سن کیہ کرنا اے جد اوہناں نیں سڑنا ، لالچ یانفرت دا پاپ کیتا ، اوہ ایمان دے راہیں زندہ رہن دے لائق نئیں رہ چُکے ہوندے ۔ فیر اوہ کویں دوجیاں تیکر خوشخبری ودھا سکدے سن ؟ اوہ اِنج نئیں کر سکدے سن ۔ ایہو ای سبب اے پئی یِسُوعؔ نوں لازمی طریقے نال اپنیاں چیلیاں نوں دسنا سی پئی اوہ پہلوں ای ایہناں ساریاں پاپاں نوں دھو چُکا اے تے ایس لئی اوہنے اوہناں دے پیر دھوتے ۔
خیمۂ اِجتماع وچ ظاہر ہوئی پاپ توں مکتی وانگر
جد اسی خیمۂ اِجتماع دے برانڈے دے پھاٹک نوں کھولدے تے اندر جاندے آں ، اسی ساریاں توں پہلوں سوختنی قربانی دی قربانگاہ تےپِتل دا حوض ویکھدے آں ۔ پہلاسبق جیہڑا خیمۂ اِجتماع ساڈیاں ایمان دیاں زندگیاں لئی دیندا اے ایہہ ہیگا اے جے اسی خُدا دے اگے پاپ کردے آں ، تاں پاپ دی سزا سانوں اُڈیکدی اے ۔ ساڈیاں ایمان دیاں زندگیاں ، جویں سوختنی قربانی دی قربانگاہ دے راہیں وی ظاہر کیتا گیا ، خاص کر کے پاپ دی سزا تے موت نال شروع ہوندیاں نیں ۔ سانوں اپنیاں پاپاں دے سببوں خُدا دے اگے لعنتی ٹھہرنا اے ، پر خُداوند ایس زمین اُتے ساڈیاں پاپاں نوں چُکن لئی آیا ۔
جویں پُرانے عہد نامے دا قربانی دا پشُو ہتھاں دے رکھے جان نال پاپیاں دیاں بدکاریاں نوں قبول کردا ، اوہدا لہو وگایا جاندا تے اوہ مر جاندا تےاوہدا ماس سوختنی قربانی دی قربانگاہ اُتے رکھیا جاندا تے اگ نال ساڑیا جاندا سی ، اِنج اگ دی سزا جر کے پاپیاں دیاں بدکاریاں دے سببوں لعنتی ٹھہردا سی ، ایسے طرح ساڈے لئی ایہو ای کُجھ یِسُوعؔ نے کیتا ۔ ساڈی موت دی بجائے ، یِسُوعؔ نے یوحنا کولوں ہتھ رکھوائے ، اپنا لہو وگایا تے سولی اُتے مر گیا ، تے اِنج اپنے آپ مر کے ساڈیاں پاپاں دا مُل اُتاریا ۔
اسی ہر دن پاپ کردے آں ، تے اسی اپنے مرن دے دن تیکر پاپ کردے رہواں گے ۔ تُسی تے مَیں اوہ لوک ساں جیہڑے بچ نیں سکدے ساں سگوں اپنیاں پاپاں دے سببوں مرنا سی ۔ پر ساڈے ورگیاں لوکاں نوں ساڈیاں پاپاں تے سزا توں بچاؤن لئی ، خُداوند نے اسمانی جلال والا تخت چھڈ دتا تے ایس زمین اُتے آیا ، یوحنا کولوں بپتسمہ لے کے اپنے آپ اُتے ساڈیاں پاپاں نوں چُک لیا ، سولی اُتے اپنے آپ نوں دے دتا ، سولی اُتے مریا ، تے اپنا مہنگا لہو وگایا ، مویاں وچوں جی اُٹھیا ، تے اِنج ساڈا اصلی مکتی داتا بن گیا اے ۔ موت دی شریعت دا احساس کرنا تے پچھاننا ، یعنی سانوں لازمی لعنتی ٹھہرنا تے اپنیاں پاپاں دے سببوں مرنا چاہی دا اے ، ایمان دا مُڈھلا نقطہ اے ۔
صرف اوہ جیہڑے جان دے تے ایمان رکھدے نیں پئی اوہناں نوں لازمی اپنیاں پاپاں لئی مرنا چاہی دا اے اوہ لوک بن سکدے نیں جیہڑے پاپ دے دھون دا غسل لے سکدے نیں تے ایمان دے راہیں یِسُوعؔ اُتے اپنیاں ساریاں پاپاں نوں لدن دے راہیں پاپ توں معافی پا سکدے نیں ۔ اصلی ایمان ایہو جیہے عقیدے توں شروع ہوندا اے ۔ تے اسی جیہڑے ایس عقیدے توں شروع کر چُکے آں اپنے ایمان دی تصدیق کر کے کامل بن گئے آں پئی یِسُوعؔ مسیح ساریاں پاپاں نوں مکا چُکیا اے جیہڑے اسی ہردن کردے آں تے ایتھوں تیکر پئی اوہناں پاپاں نوں دھو دتا جیہڑے اسی حالے آؤن والے زمانے وچ کرنے نیں ۔
ایتھوں تیکر پئی خیمۂ اِجتماع وچ وکھائے گئے وڈے کاہن تے اوہدے پُتر ہر صبح تے شام نوں اپنی سوختنی قربانی چڑھاؤندے سن ۔ اوہ باقاعدگی نال اپنے قربانی دے پشُو لیاؤندے ، اوہدے سِر اُتے اپنے ہتھ رکھدے ، اوہناں دا لہو وگاؤندے ، تے ایہنوں خُدا اگے پیش کردے سن ۔ ایہو ای سبب اے پئی خیمۂ اِجتماع وچ کوئی کرسی نئیں سی ۔ دوجیاں اکھراں وچ ، اوہ ہر ویلے قربانیاں چڑھاؤندے رہندے سن یعنی اوہناں کول بیٹھن تے ساہ لین دا کوئی ویلا نئیں سی۔ ایسے طرح ، اسی ایہو جیہے لوک ساں جنہاں نیں لگاتار پاپ کیتا تے اوہناں پاپاں دے سببوں اوہدی سزا توں بچ نئیں سکدے ساں ، پر یِسُوعؔ مسیح اپنے بپتسمے نال جیہڑا اوہنے لیا تے اپنا لہو وگاؤن نال سانوں ساڈیاں ساریاں پاپاں توں کامل طریقے نال بچا چُکیا اے ۔
سانوں لازمی ایمان رکھن دے سببوں اپنے ایمان نوں شروع کرنا چاہی دا اے پئی اسی بچ نئیں سکدے سگوں سدا اپنیاں پاپاں دے سببوں مر سکدے آں ۔ ساڈے ورگیاں لوکاں لئی ، یِسُوعؔ ایس زمین اُتے آیا تے بپتسمہ لے کے اکو ای واری سدا لئی ساڈیاں پاپاں نوں چُک لیا ۔ اپنے بپتسمے نال ساڈیاں پاپاں نوں چُکن دے بعد ، فیر یِسُوعؔ مسیح ساریاں پاپاں نوں سولی اُتے لے گیا تے اپنی زندگی دے کے اپنا لہو وگاکے ایہناں پاپاں دا مُل اُتاریا ۔ تے فیر مویاں وچوں جی اُٹھ کے ، اوہ ساڈا سدا دا مکتی داتا بن گیا اے ۔
رومیوں ۶:۲۳ دسدااے ، ” کیوں جو گُناہ دی مزدُوری مَوت اے۔ پر خُدا دی بخشِش ساڈے خُداوند یِسُوعؔ مسِیح وِچ ہمیشہ دی زِندگی اے۔“ اسی سچ مُچ ایہو جیہے لوک ساں جنہاں نیں اپنیاں پاپاں لئی مرنا سی ، پر یِسُوعؔ مسیح سانوں کامل طریقے نال بچا چُکیا اے ۔ دوجیاں اکھراں وچ ،بپتسمہ لین ، سولی اُتے مرن ، تے فیر مویاں وچوں جی اُٹھن دے راہیں ،ساڈا خُداوند سانوں پاپ توں معافی تے سدا دی زندگی دے چُکیا اے ۔ کیہ تُسی ایس اُتے ایمان رکھدے او ؟ ایتھوں ا ی ایمان دا شروع ہوندا اے ۔
کسے وی ویلے ، کیہ تُسی نئیں سوچدے ، ” مَیں ہُن یِسُوعؔ پِچھے نئیں چل سکدا ایس لئی پئی مَیں بوہت ادھورا ہاں ؟“ کیہ تُسی خورے ایہہ سوچدے او پئی تُسی بوہت نکمے تے بوہت بدنی جے ، تے ایسے طرح ایتھوں تیکر پئی تُسیں پانی تےرُوح دی خوشخبری اُتے ایمان رکھدے او ، تہاڈے لئی اگانہہ ودھنا بوہت اوکھا اے ؟ ایہو ای او ہ ایمان اے جیہڑا بربادی ول موڑدا اے ۔
آؤ اسی عبرانیوں ۱۰:۳۶۔۳۹ ول دھیان کردے آں: ” کیوں جو تُہانوں صبر کرن دی لوڑ اے۔ تاں جو خُدا دی مرضی پُوری کر کے وعدہ کِیتی ہوئی شے لے لوؤ۔ تے ہُن بُہت ای تھوڑا چِر باقی اے۔ پئی آؤن والا آوے گاتے چِر نا لائے گا۔ پر میرا سَچّا بندہ اِیمان نال جِیوندا رہے گاتے جے اوہ پِچھّاں ہٹےتے میرا دِل اوہدے نال راضی نئیں رہندا۔پر اسی ناس ہون لئی پِچھّاں کھِسکن والے نئیں سگوں اوہناں وِچوں آں جیہڑے جان بچان لئی اِیمان لیاؤندے نیں۔ “ ایہہ آکھیا گیا اے پئی اسی اوہ لوک نئیں آں جیہڑے ناس ہون لئی پِچھاں کھِسکدے نیں ۔ اوہ جیہڑے ایس سچیائی اُتے ایمان رکھدے نیں بوہت چوکھے دکھ جردے ، ظلم سہندے ، تے بوہت چوکھیاں مشکلاں وچ پھسدے نیں ۔ پر اسمانی مالکی ، جیہڑی سدا تیکر نئیں مک دی ، سانوں اُڈیکدی پئی اے ۔ اسمان اُتے موجود ساریاں شیواں سانوں یعنی اپنیاں مالکاں نوں اُڈیکدیاں پئیاں نیں ۔
عبرانیوں ۱۰:۳۴۔۳۵ آکھدااے، ” تے تُساں قیدِیاں دا ورد کِیتا تے اپنے مال دا لُٹیا جانا وی خُوشی نال سہہ لیا۔ ایہہ جان کے پئی ساڈے کول ایدوں چنگی ملکیّت اے جیہڑی اوڑک تِیکر رہے گی۔ ایس لئی اپنی دلیری نُوں نا چھڈو جِہدا بڑا اَجر اے۔ “ ایہہ ٹھیک اے ۔تہاڈے لئی تے میرے لئی جیہڑے پانی تے رُوح دی خوشخبری اُتے ایمان رکھدے آں ، اسمانی سدا دی ملکیت سانوں اُڈیکدی اے ۔ خُدا اوہناں نوں اسمان اپنی مالکی دے انعام وانگر دے چُکیا اے جیہڑے پاپ توں معافی پا چُکے نیں ۔
ایہو ای سبب اے پئی اوہنے سانوں اپنے وعدےتوں ساڈا یقین نا گواؤن لئی فرمایا۔ ایہہ جان دیاں ہویاں پئی سانوں اپنے ایمان لئی وڈا اجر ملے گا ، سانوں لازمی ناس ہون لئی پِچھاں نئیں کھسکنا چاہی دا ، سگوں سانوں لازمی اپنے ایمان نوں ایتھوں تیکر پئی بوہت تگڑا بناؤنا چاہی دا اے تے اپنے بھروسے نوں نئیں چھڈنا چاہی دا اے۔سانوں لازمی ایمان رکھناچاہی دا اےجیہڑے پانی تےرُوح دی خوشخبری اُتے ، اصلی سچیائی اُتے ایمان رکھدا اے ، اخیر تیکر اپنی رُوحانی جنگ لڑنی چاہی دی اے، لوک بچاؤنے چاہی دے نیں تے فتح پاؤنی چاہی دی اے ۔
سانوں پاک لوکاں نوں لازمی ایہہ ایمان رکھنا چاہی دا اے جیہڑاپانی تے رُوح دی خوشخبری اُتے ایمان رکھدااے۔سانوں لازمی ایہہ ایمان رکھنا چاہی دا اے، پئی بھاویں اسی بوہت ماڑے آں یعنی اسی ہر دن پاپ کردے آں جنے چر تیکر اسی ایس زمین اُتے زندگی گزاردے آں ، خُداوند فیر وی یوحنا کولوں بپتسمہ لین تے ساڈے بدلے سولی اُتے اپنا لہو وگاکے سانوں کامل طریقے نال بچا چُکیا اے ۔ ایہہ ایس ایمان دے راہیں ہیگا اے پئی اسی وڈا بھروسہ رکھ سکدے آں تے دُنیا دے مکن تیکر سچیائی نال اپنیاں زندگیاں گزار سکدےآں ۔ سانوں لازمی ایمان دے راہیں خُدا دے اگے آؤنا چاہی دا اے، ایس سچی خوشخبری نال ایمان دوڑ دوڑنی چاہی دی اے ، خوشخبری نوں ودھاؤنا چاہی دا اے تے خوشخبری دی خدمت کردیاں ہویاں اپنیاں زندگیاں گزارنیاں چاہی دیاں نیں ۔ ایہو ای سبب اے پئی پاک کلام سانوں دسدا اے ، ” کیوں جو تُہانوں صبر کرن دی لوڑ اے۔ تاں جو خُدا دی مرضی پُوری کر کے وعدہ کِیتی ہوئی شے لے لوؤ۔ “ (عبرانیوں ۱۰:۳۶)۔
” پر میرا سَچّا بندہ اِیمان نال جِیوندا رہے گاتے جے اوہ پِچھّاں ہٹےتے میرا دِل اوہدے نال راضی نئیں رہندا۔ پر اسی ناس ہون لئی پِچھّاں کھِسکن والے نئیں سگوں اوہناں وِچوں آں جیہڑے جان بچان لئی اِیمان لیاؤندے نیں “ (عبرانیوں ۱۰:۳۸۔۳۹)۔اسی جیہڑےپانی تےرُوح دی خوشخبری اُتے ایمان رکھ کے زندہ رہندے آں ، اوہ لوک آں جیہڑے دوجیاں نوں وی ساریاں پاپاں توں بچا سکدے آں ۔ جد ایہہ صورت ِ حال اے ، تاں ایس ایمان دے باوجود جیہڑا دوجیاں نوں ساریاں پاپاں توں بچا سکدا اے ، اسی کویں ناس ہون لئی پِچھاں کھِسک سکدے آں؟ جے اسی پانی تےرُوح دی خوشخبری ول دھیان نئیں کراں گے ، تاں ساڈا ایمان ڈِگ پوے گا تے اسی بالکل مرن لئی موت دی دلدل وچ پھس کے مک جاواں گے ۔ پاپ توں معافی پاؤن دے بعد ،ہُن ساڈا کم خُدا دی مرضی اُتے چلدیاں ہویاں اپنے ایمان نال دوڑ نوں جاری رکھنا اے ، اپنیاں دلی کمیاں وچ نئیں پھسنا اے ، جتھے اسی آں اوتھے ای کھلوتے نئیں رہنا تے مردیاں ہویاں مک نئیں جانا اے ۔
اسی جیہڑے پانی تےرُوح دی خوشخبری اُتے ایمان رکھدے آں اوہناں وچوں نئیں آں جیہڑے ناس ہون لئی پِچھاں کھِسکدے نیں۔ اسی اوہ لوک آں جیہڑے ایس طرح دا ایمان رکھدے آں جیہڑے دوجیاں لوکاں دیاں جاناں نوں وی بچاندا اے ۔ جد اسی ایہو جیہے لوک آں ، کویں اسی پِچھاں مُڑ سکدے آں تے اپنیاں کمیاں دے سببوں مر سکدے آں ؟ اسی کدی اِنج نئیں کر سکدے ۔ اوہ جیہڑے پانی تےرُوح دی خوشخبری اُتےرکھدے نیں کدی ایہو جیہے لوک نئیں ہیگے جیہڑے ناس ہون لئی پِچھاں کھِسکدے نیں ۔ کوئی معنی نئیں رکھدا تُسیں تے مَیں کنے ادھورے ہوسکدے آں ، اسی راستباز ہیگے آں جیہڑےپانی تےرُوح دی خوشخبری اُتے وڈا کامل ایمان رکھ کے اپنیاں ایمان دیاں زندگیاں گزار دے آں ۔
تہانوں تے مینوں لازمی ایس بارے سوچنا چاہی دا اے کتھوں ساڈا ایمان شروع ہویا، تے ناس ہون توں باہر آئیے تے ایمان رکھ کے زندہ رہیے ۔ بنیادی طور اُتے ، اسی ایہو جیہے لوک ساں جیہڑے بچ نئیں سکدے ساں سگوں اپنیاں پاپاں دے سببوں مرنا سی ، پر پانی تےرُوح دی خوشخبری اُتے ایمان رکھ کے ، یعنی خوشخبری جیہدے راہیں ساڈاخُداوند تہانوں تے مینوں ساریاں پاپاں توں بچا چُکیا اے ، اسی اپنی سدا دی مکتی پا چُکے آں ۔
دوجیاں اکھراں وچ ، کیوں جو،اسی سوفیصد اپنیاں ساریاں کمیاں ، خامیاں ، سکھناپن تے بدکاری نوں کامل طریقے نال من کے اپنے ایمان نوں شروع کیتا سی ، جد اسی ، پاپ توں معافی پاؤن دے بعد ،ایس زمین اُتے جد پئی پاپ کردیاں ہویاں چلدے آں ، اسی فتح نئیں پا سکاں گے جد تیکر اسی پانی تےرُوح دی خوشخبری اُتے ایمان رکھ کے یِسُوعؔ مسیح اُتے اپنیاں ساریاں پاپاں نوں نئیں لد دے تے اوہدے بپتسمے اُتے ایمان رکھ کے اوہناں نوں نئیں دھوندے ۔ ایس لئی سانوں یقینی طوراُتے پتہ ہونا چاہی دا اے پئی اسی اوہناں وچوں نئیں ہیگے جیہڑے ناس ہون لئی پِچھاں کھِسکدے آں ، تے سچ مُچ ایمان رکھ کے اپنیاں زندگیاں گزاردے آں ۔
کئی واری ، اپنے دلی حالاں تے واقعیاں وچ پھس کے ، اسی بوہت ساریاں ازمائشاں تے مشکلاں وچ ڈِگ سکدے آں، تے ماڑے ہون دے سبب ساڈی ایمان دیاں زندگیاں وی ٹُٹ بھج سکدیاں نیں ، تے اگانہہ ودھن توں رہ سکدیاں نیں ۔ پر اسی مرنا نئیں اے ۔ ایہہ پطرس نوں ایہہ سکھان لئی سی پئی اوہنے اوہنوں آکھیا ، ” جے مَیں تینُوں نا دھوواں تاں میرے نال تیرا کوئی حِصّہ نئیں اے۔ “ یِسُوعؔ نے پطرس دیاں ساریاں پاپاں نوں صاف کر دتا ۔ بالکل جویں خُداوند نے بپتسمہ لیا تے پطرس توں اوہدی ساری زندگی وچ کیتیاں ہویاں ساریاں پاپاں نوں چُک لیا ، سولی اُتے مرگیا ، مویاں وچوں جی اُٹھیا تے اِنج اوہنوں بچا لیا ، ایسے طرح خُداوند تہانوں تے مینوں وی ساڈیاں ساریاں پاپاں تے سزا توں بچا چُکیا اے ۔
جد تیکر اوہ اِنج نئیں کر چُکیا سی ، کویں تُسیں تے مَیں یِسُوعؔ نال کوئی میل جول رکھ سکدے ساں ؟ جے ایہہ پانی تےرُوح دی خوشخبری نا ہوندی تاں ، کویں اسی اپنیاں ساریاں پاپاں توں مکتی یافتہ ہوسکدے تے دوجیاں دی وی مکتی پاؤن وچ اگوائی کر سکدے ساں ؟ جے پانی تےرُوح دی خوشخبری نا ہوندی تاں اسی ایہدے وچوں کُجھ وی نئیں کر سکدے ساں ۔ ایہہ سچیائی اوہو ای جیہڑی یِسُوعؔ پطرس نوں سکھانا چاہندا سی ۔
تُسیں تے مَیں ایس تعلیم نوں سُن چکے تے سمجھ چُکے آں ، پر اسی اصل وچ کیہو جیہے آں ؟ کیہ اسی اپنیاں کمیاں دے سببوں بوہتی واری اپنیاں رُوحاں وچ پریشان نئیں ہوندے ؟ فیر کیہ اسی اپنیاں دلی کمیاں وچ ڈِگدے آں یا نئیں ؟ ایس لئی پئی اسی ویکھدے آں پئی اسی بوہت ادھورے تے ماڑے آں ، اسی سوکھے جیہے اپنے آپ نوں چنگیاں جانن وچ پھسدے رہندے آں ۔ تُسیں اپنے آپ نال گل کر سکدے او ، ” کویں مَیں اخیرتیکر یِسُوعؔ پچھے چل سکدا ہاں ؟ ایسے ویلے اوہدے پچھے چلن نوں چھڈنا میرے لئی چنگا ہوئے گا ! میرا پکا یقین اے خُداوند وی میرے لئی اوہدی کلیسیا نوں چھڈنا چنگا سمجھدا اے۔“جے ایہہ بپتسمہ دی خوشخبری نا ہوندی جیہڑا یِسُوعؔ نے لیا ، تاں اِنج اسی سدا دے ناس وچ ڈِگ کے مک گئے ہوندے ۔
سچیائی اُتے ایمان رکھو پئی ، جویں پئی تُہاڈے تے میرے کول بنیادی طور اُتے اپنیاں پاپاں دے سببوں مرن توں علاوہ کوئی چارہ نئیں سی ، ساڈا خُداوندپہلوں ای سانوں ساڈیاں پاپاں توں تے سزا توں چھڈا چُکیا اے ۔ بھاویں جے ساڈا بدن بوہت ماڑا اے تے اسی بچ نئیں سکدے سگوں بھاویں معافی پاؤن دے بعد فیر پاپ کردے آں ، سانوں فیر وی لازمی یِسُوعؔ دی کامل تے سدا دی مکتی نوں مننا چاہی دا اے جیہڑی اوہدے بپتسمے تے اوہدے لہو وگاؤن نال کامل ہوئی ۔
تہانوں تے مینوں لازمی اپنے ایمان دا اقرار کرنا چاہی دا اے ،”بنیادی طور اُتے بولدیاں ہویاں ، مَیں بچ نئیں سکدا سگوں اپنیاں پاپاں دے سببوں مراں گا ۔ ایہہ ٹھیک اے ۔پر کیہ خُداوند میرے لئی ایس زمین اُتے نئیں آیا تے بپتسمہ لےکے میریاں ساریاں پاپاں نوں نئیں چُکیا؟ کیہ یِسُوعؔ نے میریاں ساریاں پاپاں نوں جیہڑے اوہدے اُتے بپتسمے دے راہیں لدے گئے سن قبول نئیں کیتا ؟ تے کیہ اوہ سولی اُتے نئیں مویا؟ کیہ اوہ فیر مویاں وچوں نئیں جی اُٹھیا تے کیہ اوہ حالے تیکر زندہ نئیں اے ؟ ایس لئی پئی میرے پاپ یِسُوعؔ مسیح اُتے لدے گئے سن ، کوئی معنی نئیں رکھدا مَیں کناں ادھورا ہاں ، تے کوئی معنی نئیں رکھدا کنیاں میریاں کمیاں ظاہر ہوندیاں نیں ، مَیں فیر وی بے پاپ آں۔ ایس لئی مَیں اوہناں وچوں نئیں ہیگا جیہڑے ناس ہون لئی پِچھاں کھِسکدے تے مردے نیں ۔ “اِنج ایس طریقے نال ایمان رکھ کے ، سانوں لازمی اپنیاں کمیاں اک پاسے سُٹنیاں چاہی دیاں نیں ۔
بھاویں جے اسی کل فیر ماڑے ہوندے آں ، اوس بپتسمے اُتے ایمان رکھ کے جیہڑا یِسُوعؔ نےپانی تےرُوح دی خوشخبری وچ لیا ، اسی سدا اپنیاں کمیاں اک پاسے سُٹ سکدے آں۔ اپنے ایمان نال ، سانوں لازمی رُوحانی موت تے لعنتاں نوں اک پاسے سُٹ دینا چاہی دا اے جیہڑیاں سانوں ساڈیاں کمیاں توں ملدیاں نیں ۔
سانوں ایس سچیائی اُتے ایناں چوکھا جناں اسی کر سکدے آں ایہہ کہندیاں ہویاں دھیان کرنا اے ، ”خُداوندمینوں بچا چُکیا اے ، ایس لئی پئی میرے سارے پاپ خُداونداُتے لدے گئے سن ، کیہ مَیں فیر وی پاپ رکھدا ہاں ؟ لازمی مَیں نئیں رکھدا! “ اِنج ایمان رکھن کے ، اسی اپنیاں کمیاں تے پاپ سُٹ سکدے آں ، اک واری فیر پانی تےرُوح دی خوشخبری دی تصدیق کر سکدے آں ، تے سچیائی نوں من سکدے آں پئی اسی ایمان رکھ کے کامل طریقے نال مکتی یافتہ ہو گئے آں ۔ ایہہ ہے کویں اسی ہر دن خُدا ول نس سکدے آں ۔
سارے پاک مُک گئے جد یِسُوعؔ نے بپتسمہ لیا
بھراؤ تے بھینو ، ایہہ کلام کناں خاص سی جیہڑا یِسُوعؔ نے پطرس تے اپنیاں چیلیاں نوں فرمایا ؟ اوہنے ایتھوں تیکر پئی اپنی موت دے بعد اوہنا ں نوں پانی تےرُوح دی خوشخبری اُتے پکیاں ہو کے ڈٹ کے رہن دےسلسلےوچ اوہناں دے پیر دھوتے ، خاص کر کے جد اوہ پنیاں کمیاں وچ پھس جان گے ۔ جے یِسُوعؔ ، پطرس تے دوجیاں چیلیاں دے پیر نا دھو چُکیا ہوندا ، تاں چیلیاں نال کیہ ہو چُکیا ہوندا جد یِسُوعؔ سولی اُتے مرگیا ، تِناں دناں بعد مویاں وچوں جی اُٹھیا ، تےخُدا دی بادشاہی وچ چلا گیا ؟ کویں چیلے اپنیاں کمیاں نوں حل کر چُکے ہوندے جد اوہ ظاہر ہوندیاں ؟ اوہناں نیں ایمان رکھ کے اوہناں نوں حل کرنا سی جیہڑا بپتسمے اُتے ایمان رکھدا اے یعنی جیہڑا یِسُوعؔ نے لیا ، تے جے اوہناں اِنج ایمان نا رکھیا ہوندا ، فیر اوہناں لئی اپنیاں کمیاں نوں حل کرنا اوکھا ہو گیا ہوندا ۔
سانوں لازمی ایمان رکھ کے اپنیاں کمیاں تے ہردن دیاں پاپاں دا مسئلہ حل کرنا چاہی دا اے جیہڑا اسمانی ،ارغوانی تے لال دھاگے تے مہین وٹے ہوئے کتان وچ وکھائیاں گئیاں ،یِسُوعؔ دیاں خدمتاں دی سچیائی نوں جان دا تے ایمان رکھدا اے ۔ جے یِسُوعؔ اپنیاں چیلیاں نوں بپتسمے دے طاقت بارے نا سکھا چُکیا ہوندا جیہڑے اوہنے لیا ، تاں اوہدے چیلے وی پریشان ہو گئے ہوندے تے اوہ رُوحانی طریقے نال مر جاندے ۔ اوہ خوشخبری لئی اپنی ساری زندگیاں ایس ناویں لاؤن دا ایمان رکھن دی طاقت ، دوجیاں لوکاں نوں بچاؤن لئی اپنیاں زندگیاں ایس ناویں لاؤن دی طاقت نا پا چُکے ہوندے ، تے اخیریں ، بھاویں شہید ہون، تے اِنج ای اخیریں اوہ اپنے ایمان دی راکھی کرن وچ ناکام ہو گئے ہوندے تے مایوس ہوجاندے ۔
پر زبانی ریِت مطابق جیہڑی سانوں دتی گئی ، ایہہ آکھیا جاندا اے پئی یِسُوعؔ دیاں ساریاں باراں چیلیاں نیں خوشخبری دی منادی کیتی تے اوہ سارے شہید ہو گئے ۔ یِسُوعؔ دیاں باراں چیلیاں وچوں جیہڑا چیلا سب توں بوہت شکی سی ، اوہدا ناں توما سی ۔ پر ایتھوں تیکر پئی توما رسول وی ہندوستان گیا تے اوتھے ای شہید ہوگیا ۔
فیر ،ایہہ ایمان کتھے سی جنہے یِسُوعؔ دیاں ساریاں چیلیاں نوں شہید ہون دے لائق کیتا ؟ ایہہ ایمان اک بھروسے نال بھریا ہویا سی ،پئی یِسُوعؔ نے بپتسمہ لے کےاوہناں دیاں ساریاں عمراں دے ساریاں پاپاں نوں چُک لیا ،پئی اوہ کامل طریقے نال پاک بن گئے سن ایس لئی پئی اوہناں دے سارے پاپ یِسُوعؔ اُتے لدے گئے سن ، تے ایہہ پئی اوہ کامل طریقے نال خُدا دے اپنے پُتر بن گئے سن تے بادشاہی مالکی وچ لین گے — ایہہ خاص کر کے ایس لئی سی ایس لئی پئی اوہ ایہہ ایمان رکھدے سن یعنی اوہ ایس زمین اُتے پانی تےرُوح دی خوشخبری ودھا سکدے سن تے خُدا کول جا سکدے سن جد اوہنے اوہناں نوں بلایا ۔ دوجیاں اکھراں وچ ، اسی سارے وی ایسے ایمان نال شہید ہو سکدے آں جد خُدا اِنج چاہندا اے ۔
جدپطرس نے وڈے کاہن دے ویہڑے وچ تِن واری یِسُوعؔ دا نکار کیتا ،تا ں اوہنوں ہوروی بوہت چوکھا احساس ہویا پئی یِسُوعؔ دا کیہ مطلب سی جد اوہنے اوہنوں آکھیا سی ، ” جےمَیں تینوں نا دھوواں تاں میرے نال تیرا کوئی حصہ نئیں اے۔ “ یِسُوعؔ دے اسمان اُتے جان دے بعدپطرس تےیِسُوعؔ دیاں دوجیاں چیلیاں نوں ایہہ احساس ہویا پئی یِسُوعؔ نے اوہناں دے پیر کیوں دھوئے، تے وڈے کامل بھروسے نال ایمان رکھیا تے پانی تےرُوح دی خوشخبری دی منادی کیتی ۔
اج دے مسیحی ، جے اوہ یِسُوعؔ دے بپتسمے وچ موجودایس سچیائی نوں نئیں جان دے ، تاں اوہناں لئی ایمان دیاں زندگیاں گزارنیاں وی اوکھیاں ہو جان گئیاں تے اخیریں اوہدے اُتے ایمان رکھنا چھڈ دین گے ۔ جے اسی اپنیاں دلی کمیاں نا ل بنھے ہوئے آں ، تاں ساڈے ضمیر ایس مسئلے نوں حل کرن دے نکمے پن دے سبب گندے ہو جان گے ، تے ساڈیاں گندیاں ضمیراں دے سبب ، اسی ہور گرجے آن دے لائق نئیں ہوواں گے ۔ ایہہ اوہدی کلیسیا دے ہر اک تے ہر کسے بندے لئی ، ایتھوں تیکر پئی ساڈیاں نیانیاں لئی وی سچیائی اے ۔
بھراؤ تے بھینو، جے تُسیں پاپ وچ بنھے ہوندے تاں ، کیہ تُسیں خُدا دی وڈیائی کرن دے لائق ہوووگے؟ اج بھاویں اوہ جیہڑے نویں سریوں نئیں جمے گرجے جاندے نیں ، اپنیاں پاپاں دے سببوں توبہ دیاں دعاواں منگدے نیں ، تے خُدا دی وڈیائی کردے نیں ، تے اوہ اِنج کردے نیں ایس لئی پئی اوہ یِسُوعؔ اُتے صرف دین وانگر ایمان رکھدے نیں ۔
پر اوہناں لوکاں لئی جیہڑے پانی تےرُوح دی خوشخبری اُتے ایمان رکھدے نیں ، جے اوہ محسوس کردے نیں پئی اوہناں دیاں جاناں اپنیاں کمیاں تے اوہناں وچ پھسن دے سببوں پاپ ر کھدیاں نیں ، تاں اوہ خُدا دے اگے نئیں آسکدے تے اوہدی وڈیائی نئیں کر سکدے ۔ ایہو جیہاں ویلیاں وچ ، سانوں لازمی بپتسمہ دی قدرت اُتے ایمان رکھ کے اپنیاں جاناں نوں پاک کرنا چاہی دا اے جیہڑا یِسُوعؔ نے لیا ، ایہہ ایمان رکھ کے پئی یِسُوعؔ نے اپنے بپتسمے نال ساڈیاں ساریاں پاپاں نوں قبول کیتا ۔
اوہ صرف ناں دےمسیحی جیہڑے پانی تےرُوح دی خوشخبری دی سچیائی نوں نئیں جان دے ، اوہ ایمان دا راہ وی نئیں جان دے تے اِنج اوہ اپنیاں توبہ دیاں دعاواں نال اپنیاں پاپاں توں معاف ہون دی انھے وا کوشش کردے نیں ۔ بالکل جویں اوہ جیہڑے دُنیادیاں دیناں نوں من دے نیں انھے وا اپنیاں دیوتیاں دی تانگ کردیاں ہویاں منت سماجت کردے نیں ،” مَیں تیری منت کردا ہاں ، مہربانی کر کے میریاں پاپاں نوں معاف کردے تے مینوں تے میرے خنوادے نوں برکت دے ۔ مَیں کُجھ وی کراں گا ؛ مَیں تینوں بوہتا ہدیہ دیواں گا ، مَیں چنگے کم کراں گا ؛ مہربانی کر کے میریاں پاپاں نوں معاف کردے ۔“ایہو جیہے ناں دے مسیحی صرف اپنے آپ دے بنائے ہوئے اک دین نوں من دے پئے نیں ۔
یِسُوعؔ نےپطرس نوں آکھیا،” جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا ۔ جےمَیں تینوں نا دھوواں تاں میرے نال تیرا کوئی حصہ نئیں اے۔ “جے یِسُوعؔ دے چیلے ایہدے بعد بھاویں ایس کلام وچ لُکی ہوئی سچیائی دا احساس نئیں کرچُکے سن ، تاں اوہ یِسُوعؔ ولوں دتی گئی پانی تےرُوح دی ایس خوشخبری نال نویں سریوں نئیں جم سکدے سن تے اوہ کم نئیں کر سکدے سن جنہے ایتھوں تیکر پئی دوجیاں نوں پاپ توں بچایا ۔ جے یِسُوعؔ ، جد پئی پطرس دے پیر دھوندیاں ہویاں ، اوس وچ بپتسمے دی طاقت نال جیہڑ ا اوہنے لیا کامل مکتی دا مکمل ایمان پکا نئیں کر چُکیا ہوندا ، تاں پطرس شہید ہون تے خُدا دی کلیسیا دے آگُو وانگر اپنا کم کرن دے لائق نا ہوندا ۔
جے ایہہ پانی تےرُوح دی خوشخبری دی سچیائی نا ہوندی تاں اسی خُدا دے اگے آؤن تے اپنے پاپ دے سببوں،یعنی پاپاں دے سببوں جیہڑے اسی کردے رہندے آں اوہدے اگے ایمان دی وڈیائی پیش کرن دے لائق نا ہوئے ہوندے ۔ اوہ لوک جیہڑے خاص کر کے پانی تےرُوح دی خوشخبری اُتے ایمان رکھ کے اپنیاں پاپاں توں معاف ہو گئے نیں اوہدی کلیسیا وچ آسکدے نیں ۔ تےاوہ جتھے کدھرے وی ہون ایمان رکھ کے اپنیاں پاپاں نوں دھون دے لائق نیں ۔ جویں پئی خُداوند نے فرمایا پئی اوہناں نوں جنہاں دے سارے بدن پاک نیں صرف اپنے پیر دھون دی لوڑ اے ، جد کدی اسی اپنی کمی دے سببوں پاپ کردے آں ، سانوں لازمی یاد رکھنا تے ایمان رکھناچاہی دا اے پئی ساڈے اِنج دے پاپ وی یِسُوعؔ اُتے لدے گئے سن جد اوہنے بپتسمہ لیا سی ۔
ساڈے پاپ یِسُوعؔ اُتے لدے گئے سن جد یِسُوعؔ نےبپتسمہ لیا سی (متی ۳:۱۵)۔ جے اوہ پاپ جیہڑے ساڈیاں دلاں وچ سن یِسُوعؔ اُتے لدے گئے سن ، تاں کیہ اسی پاپ رکھدے آں یانئیں ؟ اسی کوئی پاپ نئیں رکھدے ۔ ایس لئی پئی ساڈے پاپ اوہدے بپتسمہ نال اکو ای واری سدا لئی یِسُوعؔ اُتے لدے گئے سن ، اسی صاف ہو گئے آں ایس لئی پئی ساڈے پاپ ایمان رکھن نال مکائے گئے ، تے ایس لئی پئی اسی پاک آں ، بھاویں اسی کنے ای ادھورے کیوں نا ہوئیے ،اسی فیر وی خُد ا دے اگے کاہن آں ۔ ایہو ای سبب اے پئی اوہ جیہڑے پانی تے رُوح دی سچیائی دی خوشخبری اُتے ایمان رکھدے نیں بوہت چھیتی نال اپنی کمی توں باہر آ سکدے نیں تے ایمان رکھ کے خُدا کول جا سکدے نیں، ایمان رکھ کے اوہدے کم کر سکدے نیں ، مکتی لئی اوہدا شکر ادا کر سکدے نیں جیہڑ ی اوہ اوہناں نوں دے چُکیا اے ، اوہدی وڈیائی کر سکدے نیں جیہڑی اوہنوں جلال دیندی اے، تے دوجیاں تیکر پانی تےرُوح دی خوشخبری وی ودھا سکدے نیں۔
” جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا۔“ کیہ تُسیں ایس سچیائی نوں جان دے سو جد تہانوں پہلی واری اپنے پاپ توں معافی ملی سی ؟ تُسیں خورے نئیں جان دے سو ۔ پر ، اسی سارے ایس تعلیم نوں سُن چُکے آں تے ایہنوں جان دے آں ۔ بھاویں تُسیں تے مَیں ہردن پاپ کردے آں تے ساڈیاں کمیاں ظاہر ہوندیاں نیں ، بالکل جویں یِسُوعؔ نے پطرس دے پیر دھوئے سن ، ایسے طرح اوہ ہر دن ساڈے پیر وی دھو چُکیا اے ۔
شروع وچ ، اسی خوش ہوئے جد اسی پہلی واری ایمان رکھیا پئی پاپ جیہڑے بوہت پہلوں توں ساڈیاں دلاں وچ سن تے اوہ پاپ جیہڑے اسی ہُنے ای کیتے سن اوہ سارے یِسُوعؔ اُتے لدے گئے سن ، پر اسی ویکھیا اے کویں ساڈیاں کمیاں ظاہر ہوندیاں نیں تے کویں اسی بھاویں پاپ توں معافی پاؤن دے بعد اپنیاں کمیاں وچ پھسے ہوئے آں ۔ ایہو جیہیاں ویلیاں وچ ، ایہہ جان تے ایمان رکھ کے پئی یِسُوعؔ نے اپنے بپتسمے نال ایہو جیہاں پاپاں نوں وی چُک لیا پئی اسی اصل وچ اوہ سارے پاپ اوہدے اُتے لد سکدے آں جیہڑے اسی آؤن والے زمانے وچ کراں گے ۔
فیرکیہ راستباز ایس سببوں ازادی نال پاپ کردے نیں؟ اوہ اِنج کدی نئیں کردے ۔ رومیوں ۱:۱۷فرماندااے، ” راست باز اِیمان توں جِیوے گا۔“ کُجھ لوک پانی تےرُوح دی خوشخبری دے خلاف کھلو چُکے سن ، تے بے ڈھنگ ایہہ کہندے پئے سن ، ” اسی بُریائی کیوں نا کرئیے پئی بھلیائی نکلے؟ ‘‘ (رومیوں ۳:۸)۔ کیہ نویں سریوں جمے ہوئے لوک پاپ توں معافی پاؤن دے بعد چوکھی ازادی نال پاپ کر سکدے نیں ؟ بالکل ای نئیں !
بھراؤ تے بھینو ، جد اسی پانی تےرُوح دی خوشخبری اُتے ایمان رکھدیاں ہویاں سوچدے آں ،پئی اسی پاپ رکھدے آں یا نئیں ؟ بِنا شک اسی نئیں رکھدے ! ہور بھاویں جے اسی کمیاں رکھدے آں ، کیہ اسی ایمان دےراہیں ادھورے یا کامل آں ؟ اسی کامل آں ۔ جد یِسُوعؔ نے سانوں دسیا پئی ساڈے سارے بدن پاک نیں، اوہدا مطلب ایہہ سی پئی اپنے بپتسمہ ، لہو تے جی اُٹھن نال ، اوہ سانوں کامل طریقے نال صاف کر چُکیا اے ۔
اسی، وی یِسُوعؔ اُتے ایمان رکھن دے بعدوں پانی تےرُوح دی خوشخبری دی طاقت نوں جانیا ۔ ایس طرح ، سانوں لازمی ہر دن اپنیاں زندگیاں اُتے پانی تےرُوح دی خوشخبری دی ایس قُدرت نوں لاگُو کرنا چاہی دا اے ۔ جویں ای اسی ہر دن ایس ایمان نوں لاگُو کردے آں ، اسی خورے بعدوچ ایس توں تھک جائیے ، ایہہ سوچدیاں ہویاں پئی سانوں ایہہ کم کدوں تیکر کرنا اے ۔ پر ، ایسے ویلے اُتے ، کتھے اک واری فیر سانوں لازمی پرتنا چاہی دا اے ؟ سانوں ایمان رکھ کے خُداوندول لازمی پرتنا چاہی دا اے پئی بھاویں اسی بنیادی طور اُتے اپنیاں پاپاں دے سبب صرف مر سکدے ساں ، خُداوند اپنے بپتسمہ نال ساڈیاں پاپاں نوں چُکن ، سولی اُتے مرن ، تے فیر مویاں وچوں جی اُٹھن نال سانوں ساڈیاں ساریاں پاپاں توں بچا چُکیا اے ۔
چیتا رکھو پئی کاہناں نوں ہر دن خیمۂ اِجتماع دے برانڈے وچ سوختنی قربانیاں چڑھاؤنیاں پیندیاں سن تے اپنیاں ہتھاں تے پیراں نوں ہر ویلے جد اوہ ایہدے کولوں لنگھدے پِتل دے حوض وچ دھونا پیندا سی۔ اوہناں وانگر ، سانوں وی لازمی خُداوند دی پہلی محبت دے بارے سوچنا چاہی دا اے تے اپنے ایمان نال ایس اُتے غوروفکر کرنا چاہی دا اے ۔ اسی بچ نئیں سکدے ساں سگوں بنیادی طور اُتے مر جاندے ،پرخُداوندنےساڈےپاپاں نوں چُک لیا تے اوہناں نوں دھو دِتا،تےسولی اُتے ساڈے پاپاں دے لئی لعنتی بنن دے راہیں، اوہ پاپ دی سزا نوں ایہدے اخیریں انجام تیکر اپڑا چکیا اے۔ ایس طرح ، خُداونددےبپتسمےتے لہو نال ، اوہ سانوں ساڈیاں ساریاں پاپاں تے سزا توں کامل طریقے نال بچا چُکیا اے۔
ہر دن ، سانوں لازمی اپنیاں دلاں وچ ایس محبت نوں نقش کرنا چاہی دا اے جیہڑی سانوں کامل طریقےنال بچا چُکی اے ، جیہڑے بچ نئیں سکدے ساں سگوں صرف مر جاندے ، تے سانوں ایس ایمان نال خُدا دے اگے حاضر ہونا چاہی دا اے جیہڑا ایس گل اُتے بھروسہ رکھدا اے ۔ساڈے کول مرن توں علاوہ کوئی چارہ نئیں سی ، پر خُداونددے سببوں ، اسی کامل طریقے نال مکتی یافتہ ہوئے تے خُدا دے کامل ، راستباز پُتر بن گئےآں ۔ جد خُداوندسانوں اِنج دا ایمان دے چُکیا اے ، تاں کیہ سانوں ایہو ای ایمان اپنے کول سدا نئیں رکھنا چاہی دا اے ؟
اسی اوہ مسافرآں جیہڑے ایس زمین اُتے صرف تھوڑے چر لئی زندہ رہندے آں تے فیر چلے جاندے آں ۔ اکھر ” مسافر “ دا مطلب سفر کرن والے نیں ۔ مسافر دا مطلب اوہ لوک نیں جیہڑے اک تھاں توں دوجی تھاں جاندے نیں ۔ اسی اوہ مسافر آں جیہڑے اک تھاں تھوڑے چر لئی رُکدے آں تے فیر اوتھوں اپنا مقصد پورا کر کے دوجی تھاں چلے جاندے آں ۔ اسی اوہ مسافر آں جنہاں نیں صرف تھوڑے چر لئی ایس دُنیا وچ زندہ رہن دے بعدوں اسمانی بادشاہی ول واپس پرتنا اے ۔ جد اسی ایس زمین توں گزرن تے اسمانی بادشاہی وچ جان لئی مسافراں وانگر اپنی زندگی بسر کردے پئے آں ،تاں ایہو جیہے ویلے وی آؤندے نیں جد اسی ایہنوں چھڈنا تے زمین اُتے ڈِگنا چاؤہندے آں ۔ ایہو جیہے ویلے وی آؤن گے جد تُسیں ، دونویں بدنی طریقے نال تے رُوحانی طریقے نال ہیٹھاں ڈِگنا وی چاہو گے ۔ ایہو جیہے ویلے آسکدے نیں ایس لئی پئی جد تُسیں آپ ای کامل جے ، تہاڈے حال بوہتے چنگے نئیں ہیگے ، یا جد تہاڈے حال ٹھیک نیں ، پر تہاڈیاں بدنی بھیڑیاں سوچاں ودھدیاں رہندیاں نیں ۔
سانوں جیہڑے اِنج دے آں ، ساڈا خُداوند کلام دے چُکیا اے جیہڑا ساڈے لئی بوہت لوڑی دا اے ۔ ” جو کُجھ مَیں کرنا آں اجے تُوں نئیں جان دا پر میرے مگروں تُوں سمجھیں گا۔“ آہو جی ، ہُن اسی جان دے آں ۔ جویں اسی اپنیاں زندگیاں مسافراں وانگر بسر کردے آں ، جد کدی ساڈیاں بوہت ساریاں کمیاں ظاہر ہوندیاں نیں ، تے جد کدی اسی اپنیاں کمیاں وچ پھس جاندے آں تے اپنیاں کماں وچ پھس جاندے آں ،تاں سانوں لازمی چیتا رکھنا چاہی دا اے پئی اسی یِسُوعؔ دے بپتسمہ تے صلیبی لہو اُتے ایمان رکھ کے کامل طریقے نال پاپ توں معافی پا چُکے جیہڑ ا ایہناں شیواں نوں وی مکا چُکیا اے ۔ پانی تےرُوح دی خوشخبری اُتے ایمان رکھ کے اسی کامل طریقے نال پاپ توں معافی پا چُکے آں ۔
جد اسی خیمۂ اِجتماع نوں ویکھدے آں ، تاں سانوں پتہ لگدا اے پئی ایہہ کناں واضح اے ۔ جویں سوختنی قربانی دی قربانگاہ وچ وی ظاہر ہوندا اے پئی پاپ دا پھل موت اے ۔ ایس لئی پئی اسی ہر دن پاپ کردے آں ، سانوں اپنیاں ایہناں پاپاں دے سببوں ہردن سزا ملنی تے موت حوالے کیتیاں جانا سی ۔ سوختنی قربانی دی قربانگاہ وچ سچیائی ظاہر کیتی گئی اے پئی یِسُوعؔ مسیح قربانی دے لیلے وانگر آیا ، ہتھاں دے رکھے جان نوں قبول کیتا تے ساڈے بدلے مر گیا ۔ سوختنی قربانی دی قربانگاہ وچوں لنگھ کے ، پِتل دا حوض نظر آؤندا اے ، جتھے اسی اپنیاں پاپاں نوں صاف کرن لئی پانی تےرُوح دی خوشخبری بارے غوروخوض کردے آں جیہڑے اسی ہر دن کردے آں ۔ پانی تےرُوح دی ایہہ خوشخبری کامل سچیائی اے جیہڑی سانوں ساڈیاں پئو دادیاں پاپاں تے ہر دن دیاں پاپاں توں بچا چُکی اے ۔
خُدا دا انعام کیہ اے جیہڑا ساڈے خُداوند یِسُوعؔ مسیح وچ اے ؟ کیہ ایہہ پاپ توں معافی تے سدا دی زندگی نئیں ہیگی ؟ خُداوند سانوں کامل طریقے نال بچا چُکیا اے ۔ اوہ سانوں کامل طریقے نال جنہاں نیں کسے وی ویلے اپنیاں پاپاں دے سببوں مرنا سی مکتی دے چُکیا اے ۔ اوہ سارے پاپ جیہڑے اسی اپنی ساری زندگی دے وچ کردے آں پانی تے لہو اُتے ساڈے ایمان نال ، تے کلام نال پاک ہو گئے نیں ، یعنی خُداوند ایتھوں تیکر پئی ساڈے پیر دھو چُکیا اے ۔ایس لئی پئی خُداوند نے ساڈیاں ساریاں پاپاں نوں چُک لیا جد اوہنے بپتسمہ لیا تےسارے پاپ جیہڑے اسی اپنی ساری عمر وچ کردے آں اوس اُتے لدے گئے ،یِسُوعؔ مسیح ، ساڈیاں پاپاں نوں چُک کے ، اوہناں دی سولی اُتے سزا دا حقدار بنیا تے مرگیا ، مویاں وچوں جی اُٹھیا ،تے اِنج ساڈا کامل مکتی داتا بن گیا اے ۔ ایس لئی جد اسی کامل طریقے نال ایس یِسُوعؔ مسیح اُتے ایمان رکھدے آں تاں اسی کامل بن جاندے آں ۔ تے بھاویں ساڈا بدن ادھورا ہو سکدا اے ، جویں پئی اسی پکا ایمان رکھدے آں ، اسی رُوحانی طریقے نال برکت والیاں زندگیاں بسر کراں گے تے خُدا دی سدا دی بادشاہی وچ وڑاں گے ۔
کیہ تُسیں حالے پطرس وانگر نئیں جے ؟
بالکل جویں یِسُوعؔ ، پطرس دے پیر دھو چُکیا سی ، کیہ اوہ تہاڈے پیر وی نئیں دھو چُکیا؟ ایہہ ٹھیک اے پئی یِسُوعؔ ای ہر دن ساڈے پیر دھو چُکیا اے ۔ ایہو ای سبب اے یِسُوعؔ نے بپتسمہ لے کے ساڈیاں ساریاں پاپاں نوں چُک لیا ، تے ایہناں پاپاں لئی ، اوہ ساڈے بدلے سولی اُتے مر گیا ۔ تے اوہ فیر تِناں دناں بعدوں مویاں وچوں جی اُٹھیا ۔ ایس طرح ، اپنے بپتسمے ، سولی اُتے اپنے لہو ، تے اپنے جی اُٹھن نال ، یِسُوعؔ ساڈا کامل مکتی داتا بن گیا اے ۔ اسی ایسے یِسُوعؔ مسیح اُتے کامل طریقے نال ایمان رکھدے آں ۔
ایہہ ایمان رکھ کے پئی اسی کامل طریقے نال خُدا دی وڈیائی کردے آں ، تے ایہہ ایمان دے راہیں ہیگا اے پئی اسی کامل طریقے نال اوہدے کم کردے آں ۔ ساڈے کم چنگے نئیں ہو سکدے ۔ایہہ ساڈا ایمان اے جیہڑا سانوں کامل بناؤندا اے ۔ ایس لئی سانوں لازمی پانی تےرُوح دی خوشخبری اُتے ایمان رکھ کے یِسُوعؔ دیاں چیلیاں وانگر زندہ رہنا چاہی دا اے ۔ اسی ایمان وچ ناس ہون توں پِچھاں کھسکن والے لوکاں وچوں نئیں ہیگے ۔بھاویں اسی ادھورے ہو سکدے آں، اسی ایمان رکھ کے دوڑ سکدے آں ، تے سانوں اصل وچ ایمان رکھ کے ہو ر وی بوہتا نسنا چاہی دا اے ۔ ”راستباز ایمان توں جیوے گا۔“ ” تُسی پہلاں اوہدی بادشاہی تے سچیائی نُوں لبّھو ۔“ایس سچیائی مطابق پئی اسی ایمان رکھ کے راست بنے آں ، تے اِنج ایہو جیہے لوک آں جیہڑے دوجیاں لوکاں دیاں جاناں بچاؤندےآں ، جے اسی دوجیاں نوں بچاؤن دے خُدا دے دتے گئے مقصد لئی اپنے آپ نوں وقف نئیں کردے ، تاں اسی ناس تے مایوسی دی دلدل وچ پھس جاواں گے تے اپنیاں پاپاں وچ مردیاں ہویاں مک جاواں گے ۔
بےپاپ اوہدے راستباز کم کردیاں ہویاں خوش ہوندےنیں ۔ اوہ خُدا دی خوشخبری ودھا کے خوش ہوندے نیں جیہڑی دوجیاں دیاں جاناں بچاؤندی اے ۔ پر پاپی جیہڑا ٹھیک اے اوہ کر ن وچ خوش نئیں ہوندے ۔ اوہناں لوکاں لئی جیہڑے پاپ توں معافی پا چُکے نیں ، اوہ کرنا جیہڑا ٹھیک اے اوہناں دی رُوحانی روٹی بن جاندا اے ۔ ساری دُنیا وچ خوشخبری ودھاؤنا ٹھیک کم اے جیہڑا دوجیاں دیاں جاناں بچاؤندا اے ، پر نال ای ، ایہہ ساڈی اپنی زندگی دی روٹی وی اے ۔ ٹھیک کم کر کے ، ساڈے دل رُوح نال بھر جاندے نیں ، تے نویاں طاقتاں ساڈے وچ ودھدیاں نیں ۔ جویں جویں ساڈیاں رُوحاں ودھدیاں تے پکیاں ہوندیاں نیں اسی بوہتے دلیر بن جاندے آں ۔ ایس لئی ابرہام وانگر زندہ رہن ، خُدا کولوں برکت پاؤن تے دوجیاں وچ ایہناں برکتاں نوں ونڈن لئی ، سانوں لازمی راستبازی نال محبت کرنی چاہی دی اے ،جیہڑی ٹھیک اے اوہدے نال محبت کرنی چاہی دی اے، تے خوشخبری نوں ودھاؤن وچ محبت کرنی چاہی دی اے ۔ بھاویں اسی ماڑے آں ، جدتیکر اسی ایہہ راستباز کم کردے نئیں رہندے ، ساڈیاں جاناں مرجان گئیاں۔اسی راستباز لازمی رُوحانی طریقے نال مر جاواں گے جے اسی اوہدی راستبازمرضی لئی کم کرنا چھڈ دیندے آں ۔ ایسے لئی یِسُوعؔ نے فرمایا ، ” دھنّ نیں اوہ جیہڑے راستبازی دے بُھکھے تے تریہائے نیں کیوں جو اوہ رجائے جان گے۔“ (متی ۵:۶)۔
یِسُوعؔ نے ایہہ وی فرمایا ، ” دھنّ نیں اوہ جیہڑے دِل دے صاف نیں کیوں جو اوہ خُدا نُوں ویکھن گے۔ “ (متی۵:۸)۔ اوہ جیہڑے پاپ توں معافی پا چُکے نیں تے ایمان رکھدے نیں پئی خُداوند کامل طریقے نال ساڈیاں ساریاں پاپاں نوں دھو چُکیا اے خُدا نوں ویکھن گے ۔ تے اوہ خُدا اُتے ایمان رکھن ، اوہدے پِچھے چلن ، تے ساری دُنیاوچ اسمانی برکتاں نوں ودھاؤن لئی آؤندے نیں ۔
اسی ایمان رکھ کے کامل بن گئے آں۔ اسی بچ نئیں سکدے ساں سگوں اپنیاں پاپاں وچ مر جاندے ، پر خُداوند ایس زمین اُتے آیا ، بپتسمہ لیا ، تے ساڈے بدلے سولی اُتے مر گیا ، تے اِنج سانوں کامل طریقے نال بچا چُکیا اے ۔ ایہہ سچیائی اے ، تے اسمانی بادشاہی دا راہ اے۔ ایہدی سمجھ رکھنا ایمان دے راہ دی سمجھ رکھنا اے ۔ ایہدے علاوہ کوئی دوجا راہ نئیں ہیگا ۔ اسی اپنیاں چنگیاں کماں نال اسمان اُتے جا نئیں سکدے ۔ خُداوند نے ساڈے لئی جو کُجھ کیتا اے اوہنوں سمجھ کے تے ایمان رکھ کے ای اسی اسمان اُتے جا سکدے آں۔
اکٹھیاں کر کے ، جے اسی لوکاں نوں دو قِسماں وچ ونڈئیے ، تاں اوہ لوک و ی نیں جیہڑے سچیائی لئی ورتے جاندے نیں ، تے اوہ لوک وی نیں جیہڑے بُریائی لئی ورتے جاندے نیں ۔ لوک جیہڑے بُریائی لئی ورتے جاندے نیں اوہ اوہ لوک نئیں جیہڑے ٹھیک طریقے نال پاپ توں معافی پا چُکے نیں ۔ خُداوند ساڈے لئی جو کُجھ کر چُکیا اے ایس اُتے ایمان رکھ کے ، اسی راستبازی دے ہتھیار بن گئے آ ں ، پر اوہ جیہڑے پاپ توں معافی پا نئیں چُکے حالے تیکر بچ نئیں سکدے سگوں ، اپنی ذاتی مرضی توں ہٹ کے، شیطان دے ہتھیار وانگر قیم نیں ۔
ایس ویلے ، مَیں تہانوں یقین نال کہندا ہاں پئی خُداوندسانوں اپنی کامل مکتی ، کامل ایمان تےکامل پاپ توں معافی دے چُکیا اے ۔ کیہ تہاڈے چنگے کم ادھورے نیں بھاویں جد تُسیں ایس خوشخبری اُتے ایمان رکھدے اوتے کسے وی ویلے ، کیہ تہاڈے دل ایہدے توں پِچھاں ہٹ گئے نیں ؟اِنج ہون دی کوئی لوڑ نئیں ، ایس لئی پئی راستبازایمان رکھ کےجیوندا رہ سکدا اے ۔ کیہ خُداوند نے ، جیہڑے سوکھے طریقے نال ساڈیاں غلطیاں تے کمیاں توں انجان نئیں ہو سکدا ، پہلاں ای اپنے بپتسمےنال ایہناں ساریاں شیواں نوں نئیں چُکیا؟
آؤ مینوں تہانوں اک روز دی زندگی دی مثال دین دی اجازت دیو پئی اسی کنے ادھورے آں ۔ اسی بوہتی واری رَل کے فٹ بال کھیڈدے آں ۔ جد میری ٹیم مشکل وچ ہوندی ، جد گیند چھیتی نال ساڈے گول پوسٹ ول آؤندی سی ، تاں مَیں بوہتی واری ایہنوں دُور سُٹ دیندا یا اپنیاں ہتھاں نال پھڑ لینا ساں ۔ کیہ مَیں گولچی ساں ؟ بالکل نئیں ۔ مَیں صرف جِتنا چاؤہندا ساں ۔ ایہو جیہی صورت ِ حال وچ اسی سارے ، خادم ، پاک لوک تے خُدا دے کم کرن والے جِتن د ی ہر سوکھی کوشش کرن وچ اِکو جیہے آں ۔ تُسیں ہمدرد ہون نوں بھُل سکدے او ؛ جِتن لئی ، اسی کھیڈدیاں ہویاں ہر طرح دے پُٹھے کم کردے آں ۔ ایہہ کھیڈ اینی چوکھی ہمت نال کھیڈیا جاندا اے پئی ہر کوئی صرف جِتن لئی ہر سوکھا کم کردا اے ، ایتھوں تیکر پئی ایہو جیہی کوئی دوجی کھیڈ نئیں ہیگی جیہڑی فٹ بال توں بوہتی چنگی انسانی رویے دے ننگ، اصلی ذاتی تصویر نوں ظاہر کردی ہوئے ۔ جے ساڈی ٹیم مشکل وچ اے ، تاں اسی بھیڑیاں کرتُوتاں کرن ، چالاں چلن تے ا پنے طریقیاں اُتے چلن توں پِچھاں نئیں ہٹ دے ۔
ایہہ ساریاں شیواں، ساڈے لئی جائز نیں ، پر جے دوجی ٹیم ساڈے نال غلط کردی اے ، تاں اسی توہمت لاؤندے آں تے ریفری نوں پیلا کارڈجاری کرن لئی آکھدے آں ، پر ایتھوں تیکر پئی ریفری دے فیصلے دا وی کوئی اثر ہون دی آس نئیں رکھی جا سکدی ۔ایہہ اوہو ای جیہڑے اسی سچ مُچ آں ۔ اسی سدا اوہو ای چاؤہندے آں جو ساڈے لئی ، ساڈی ٹیم لئی تے ساڈے اپنے آپ لئی فائدہ مند ہوئے ، تے اسی صرف اوہو ای چاوہندے آں جیہڑا سانوں فائدہ دیندا اے ۔فیر وی خُدا ساڈے جیہاں لوکاں نوں مکتی دے چُکیا اے ۔ بھاویں اسی ہُن تیکر عیباں بھرے ہوئے آں تے بدکاری نال بھرے آں ، جتھوں تیکر ساڈے ایمان دا تعلق اے ، اسی اوہ لوک بن گئے آں جیہڑے بے عیب نویں سریوں جم پئے آں ۔
خُداوندسانوں کامل طریقے نال ساڈیاں ساریاں پاپاں توں بچا چُکیا اے ۔ ایہو ای سبب اے پئی اسی خُداوند نوں مکتی دا خُدا ، تے مکتی دے خُدا نوں خُداوندوانگر پکاردے آں ۔ خُداوندساڈی مکتی دا خُدا اے ۔ پطرس نے اقرار کیتا ، ” تُوں تے مسیح ایں زِندہ خُدا دا پُتر “ (متی ۱۶:۱۶)۔ تے خُداوند نے اوہدے مبارک ایمان نوں خُدا ولوں دتے گئے ایمان وانگر منظور کیتا ۔ ایتھے اکھر مسیح دا مطلب اوہ اے جنہےاپنے آپ اُتے ساڈیاں پاپاں نوں چُک لیا تے اوہناں ساریاں نوں مکا دتا ۔ یِسُوعؔ مسیح زندہ خُدا دا پُتر اے ۔ خُدا دے پُتر تے ساڈے مکتی داتا وانگر ، اوہ سانوں کامل طریقے نال بچا چُکیا اے ۔سو ، اپنیاں دلاں وچ ایس لئی نڈر ہو جاؤ، بھاویں تُسیں خوشخبری دی خدمت لئی بوہت ادھورے تے ماڑے محسوس کردے او ۔
تہاڈیاں جاناں ، دلاں ، تے بدناں نوں پِچھاں نئیں کھسکنا چاہی دا تے نیونا نئیں چاہی دا ؛ ایہدی بجائے ، اوہناں نوں ایمان رکھ کے ٹھیک کرو تے دلیر بنو تے راستبازی دے وڈے لوک بن جاؤ جیہڑا خُدا ولوں دتا گیا ایمان دُور دُریڈے ودھاؤندے پئے آں۔ میرے ول ویکھو ۔ مَیں اپنے بدن وچ وکھاؤن لئی کُجھ نئیں رکھدا ، پر کیہ مَیں ساری دُنیا وچ خوشخبری نئیں ودھاؤندا پیا؟ کیہ تُسیں وی اِنج ای نئیں جے ؟ ایہہ بالکل نا سوچو پئی اوہ جیہڑے کوئی کمی نا رکھن والے وکھالے طور اُتے نظر آؤندے نیں سچ مُچ کسے وی کمیاں توں پاک نیں ۔ پاپی صرف فریبی نیں ۔ فریبی ،وی اُنج دے ای انسان نیں جویں تُسیں او تے ایس طرح کویں اوہناں دا بدن ایناں چنگا ، عزت والا تے پاک ہو سکدا اے ؟ جیہڑی شے سدا ای ادھوری اےاوہ انسانی پیڑھی دا بدن اے ۔ تہانوں سمجھنا پوے گا پئی اوہ جیہڑے پرہیز گاری وکھاؤندے پئے نیں ، خاص کر کے مسیحی فرقیاں وچ ، اوہ صرف اپنے فریب تے دھوکہ دین والی عادت وکھاؤندے پئے نیں ۔
ساڈا خُدا سانوں کامل طریقے نال بچا چُکیا اے ۔ ایس لئی ، اسی اپنے ایمان رکھ کے پانی تےرُوح دی خوش خبری دی خدمت کر سکدے آں جیہڑی سانوں کامل بنا چُکی اے ، تے خُدا دی ایس پکی راستبازی نال طاقت دے چُکی اے ۔ اسی خُدا دا شکر ادا کردے آں پئی اوہنے سانوں ایمان دے راہیں مکتی یافتہ ہون دے لائق بنایا ، یعنی مکتی دی ایس سچیائی دے راہیں جیہدا اوہ ایتھوں تیکر پئی دُنیا دے بناؤن توں پہلوں منصوبہ بنا چُکیا اے ۔ تہاڈے سارے پاپ پہلوں ای دُھل گئے سن جد یِسُوعؔ نے بپتسمہ لیاتے سولی اُتے اپنا لہو وگایا ۔ مَیں آس رکھدا ہاں پئی تُسیں سارے ایس سچیائی اتے ایمان رکھدے او ۔
Copyright © 2021 by The New Life Mission