Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.
Berdoalah agar pandemi ini segera berakhir dan dimulainya kembali layanan pos.
مضمون 8: پاک رُوح
[8-9] یسوع دے بپتسمے دی خوشخبری جنہے سانوں پاک بنا دِتا <افسیوں ۲: ۱۴ ۔ ۲۲>
>افسیوں ۲: ۱۴ ۔ ۲۲>
” کیوں جے اوہو ای ساڈی صلح ہیگی اے جنہے دونواں نوں اک کر دتا تے وکھریاں کرن والی کندھ نوں جیہڑی وچکار سی ڈھا دتا ۔ ایس لئی اوہنے اپنے بدن نال ویر مطلب اے اوہ شریعت جیہدے حکم پابندیاں وانگر سَن ،مکادتی تاں پئی دونواں توں اپنے آپ وچ اک بندہ پیدا کرکے صلح کرادیوے ۔ تے سولی اُتے ویر نوں مکاکے تے اوہدے سبب نال دونواں نوں اک بدن بنا کے خُدا نال ملاوے ۔تے اوہنے آن کے تہانوں جیہڑے دُور سو، تے اوہناں نوں جیہڑےنیڑے سَن دونواں نوں صلح دی خوشخبری دتی ۔کیوں جے اوسے دے وسیلے نال ساڈی دونواں دی اکو ای رُوح وچ باپ دے کول پوہنچ ہوندی اے ۔ ایس لئی ہُن تسیں پردیسی تے مسافر نئیں ہیگے سگوں پاک لوکاں دے ای ملک دے تے خُدا دے خنوادے دے ہوگئے ۔ تے رسولاں تے نبیاں دی بنیاد اُتےجیہدی نکر دے سرے دا پتھرآپ مسیح یسوع اے ،بنائے گئے جے ۔اوسے وچ ہر اک گھر رَل مَل کے خُداوند وچ اک پاک گرجا بن دا جاندااے ، تے تسیں وی اوہدے وچ اکٹھے بنائے جاندے جے ،تاں پئی رُوح وچ خُدا دے رہن دی تھاں بنو ۔ “
غریبی دے سبب لَے کے پالی نیانی
خُدا کولوں بندے نوں کِنھے وکھ کیتا اے ؟
اوہدے پاپ نے وکھ کیتا اے ۔
کوریا دی جنگ مکی نوں ادھی صدی ہوگئی اے ۔پر ایس جنگ نے کوریادے لوکاں وچکار وڈے
وڈے پھٹ لا چھڈےنیں۔ کوریا دی جنگ دے نتیجے وچ بڑے گھبرو نیانے اوپریاں مُلکاں وچ لَے کے پالے گئے ۔بھانویں اقوامِ متحدہ دیاں فوجاں کوریا وچ آئیاں تے اوس ویلے ساڈی بوہت مدد کیتی ، پربوہتے نیانے سپاہیاں دے جان دے بعد یتیم چھڈ دِتے گئے سَن ۔
اقوامِ متحدہ دے بوہتے فوجی جنہاں دیاں گھروالیاں تے نیانے سَن ،اوہناں نیں اپنے پِچھے جدوں اوہ گھر واپس مُڑے خنوادیاں نوں چھڈیا۔ ایناں نیانیاں وچوں بوہت سارے فیر وی اوہناں دیاں ماواں ولوں یتیم خانیاں وچ چھڈے گئے تے فیر اوپریاں مُلکاں وچ لَے ہون لئی گھلے گئے ۔ ایہہ اصل وچ بڑے لیکھاں دی گل سی پئی ایہہ گھبرو پالن والے ماپے پا سکن تے اوہناں دی چنگی پال سانبھ ہو سکے ۔
ایناں لَے کے پا لیاں نیانیاں نے سوچیا پئی اوہ اپنے ماپیاں تے اپنے گواہنڈھیاں توں جدوں توں اوہ سیانے ہوئے سَن، بالکل وکھ دِسدے سَن تے اوہناں نیں سکھیا پئی اوہ اک دُور دریڈے ملک جیہدا ناں کوریا اے توں لَے کے پالے گئے سَن ۔’ کیوں میرے ماپیاں نیں مینوں چھڈ دِتا ؟ کیہ تاں اوہناں مینوں ایس ملک وچ گھلیا کیوں جے اوہ میرے توں نفرت کردے سَن ؟‘ اپنے سیانے ذہناں نال ،ایناں نیانیاں نوں کوئی سمجھ نئیں آوندی سی پئی کیہ ہویا سی ؟
اوہناں وچ اپنے ماپیاں لئی بےسکونی تے نفرت اوہناں نال ملن دی اک آس نال لگاتا ر ودھنی شروع ہو گئی ۔ ’ مینوں حیرانی ہوندی اے میرے ماپے کِنج دے دِسدے نیں ؟ اوہ مینوں کویں چھڈ سکدے سَن ؟ کیہ اوہناں نیں اِنج کیتا ،تاں پئی اوہ میتھوں نفرت کردےسَن ؟ نئیں ،لگدا اے ایہدا کوئی سبب ہیگاسی ۔‘ لگدااے اوہ بڑیاں پُٹھیاں سوچاں سوچدے سَن تے کئی وار ایتھوں تیک پئی حدوں دونی نفرت محسوس کیتی ۔ تے دوجیاں ویلیاں اُتے اوہناں توں اِنج ای ایہدے بارے وچ ہور سوچ کے حل نہ نکلیا ۔ ایتھوں تیک پئی اوہناں نوں ایہدا پتہ لگن توں پہلاں ،ویلا لنگھ گیا سی تے نیانے وڈے ہوکے گھبرو ہوگئے سَن ۔ اوہناں دے ویاہ ہوئے ، نیانے ہوئے تے اپنے خنوادے بنائے ۔
میَں اپنے علاقے دے ٹی وی نیٹ ورک دے اک پروگرام توں ایناں نیانیاں نوں چنگیاں جانن لگا ۔ ایس پروگرام وچ ، اک ٹی وی دی رپورٹ دین والے نے اک زنانی دا انٹرویو کیتا جیہڑی ہُن جرمنی وچ رہندی اے مطلب اے جیہڑی لَے کے پالی گئی سی ۔ ایہہ زنانی اوس ویلے اپنے ویہویں ورہے وچ سی تے خُدا ئی تعلیم پڑھدی پئی سی ۔ پہلاں تے ، اوس زنانی نیں رپورٹ کرن والیاں نال ملن توں کنی کتراؤن دی ہمت کیتی ،ایس لئی پئی اوہ کسے دوجے نوں پتہ نئیں لواؤنا چاہندی سی پئی اوہ لَے کے پالی گئی سی ۔ رپورٹ دین والے نے اوہنوں سمجھاؤن لئی اوہدا دھیان اپنے ول لیا پئی انٹرویو دین نال باہردے مُلکاں وچ نیانیاں
دی ویکھ بھال دے کم نوں پکیاں کرن وچ مدد کرےگا ۔اوہ زنانی من گئی ۔
رپورٹ کرن والے دے سوالاں وچوں اک ایہہ سی ، ” تسیں کیہ آکھوگے جے اپنے اصلی ماپیاں نوں ملو ؟ تسیں کیہدے بارےوچ سب توں بوہتے بے سکون جے ؟ “ اوس زنانی نے جواب دتا ، ” میَں ایس گل نوں سمجھ نئیں سکدی اوہناں نیں کیوں مینوں پالن لئی دتا سی ۔ میَں اوہناں توں پُچھنا چاؤہندی آں پئی کیہ اوہ میتھوں نفرت کردے سن ؟ “ اوہنوں جمن والی ماں نے ٹی وی اُتے اوہدا انٹرویو ویکھیا ، نشرکرن والے اسٹیشن نال گل کیتی تے آکھیا پئی اوہ اپنی دھی نوں ملنا چاؤہندی سی ۔ ایس طرحاں او ہ دونویں مل پئیاں ۔
ماں بوہت چھیتی ہوائی اَڈے اُتے پوہنچ گئی تے اپنی دھی دے آؤن دی اُڈیک رکھی ۔ جدوں گھبرو زنانی باہر دے راہوں دِسی ۔ اوہدی ماں صرف اوتھے کھلو سکی تے رو سکی ۔
ایہہ دو لوک کدی آمنے سامنے نئیں ملے سَن ۔پہلی وار ماں نے اپنی گھبرو دھی نوں ویکھیا جدوں اوہ ٹی وی اُتے آئی سی ۔ بھاویں اوہ وکھریاں بولیاں بولدی سی ، اوہ اپنے دلاں نال گل کر سکدیاں سَن تے بڑے جوش نال ویہندیاں ہویاں اوہناں نیں اک دوجی نال گل بات کیتی ۔ اوہناں نیں اک دوجی دے مکھڑے نوں ہتھ لایا جد پئی ماں نے معافی منگی جو کُجھ اوہنے کیتا سی ۔ اوہ سب کُجھ جیہڑا اوہنے کیتا رونا تے دُہرانا سی پئی اوہ بڑی غمگین سی ۔
ماں اپنی دھی نوں گھر لیائی تے اوہناں اکٹھیاں نیں کھانا کھاہدا،بناں شک دھی صرف جرمنی بولی تے ماں صرف کورین بولی بولدی سی ۔ ایس لئی اوہ بولی ولوں اک دوجی نال گل بات نہ کر سکیاں ۔پر کسے طرحاں اصل وچ پئی اوہ ماں تے دھی سَن اپنے آپ نوں سمجھن دے لائق بنن دی اجازت دتی ۔ اوہ بڑی بِن بولیوں گل بات کردیاں سَن تے اشاریاں نال اک دوجی دے مکھ نوں ہتھ لا کے اپنیاں اکھاں تے دلاں نال گل کر کے اپنے آپ نوں اک دوجی اُتے کھولدیاں سَن ۔
ویلے لنگھن بعد اوہ جرمنی واپس چلی گئی ،دھی نوں پتہ سی پئی ماں جنہے اوہنوں جمیا سی اوہنوں محبت کردی سی ۔اوہو ای رپورٹ کرن والا جنہے پہلاں انٹرویو کیتا سی اک وار فیر اوہدے جان توں پہلاں اوہنوں ملیا ۔ ” مینوں ایہہ آکھن دی لوڑ نئیں ہیگی سی کیوں میری ماں مینوں پالن لئی دے گئی سی ۔ میری ماں ایتھوں تیک پئی ہُن وی غریب ہیگی اے ۔ ایس ملک وچ دولت مند اینے امیر ہیگے نیں پئی اوہ باہر دے ملکاں دیاں کاراں چلاؤندے نیں ،پر میری ماں حالے تیک غریبی وچ حیاتی لنگھاؤندی پئی سی ۔ “ اوہنے اپنی گل چالو رکھی ، ” بھانویں میَں اپنی ماں نوں ایہہ سوال نئیں کیتا ،تے اوہدے توں کوئی جواب نئیں پُچھیا ،مینوں پتہ سی پئی اوہنے مینوں غریبی توں بچاؤن لئی دُور گھلیا سی ۔مینوں اوہدے توں اوہو ای سوال پُچھن دی لوڑ نئیں ہیگی ایس لئی پئی سارا شک تے نفرت مک گئے نیں ۔ “
لوک اپنے دلاں وچ پاپاں دے سبب خُدا توں اَڈ ہوگئے نیں
اسیں کاہدے لئی خُدا توں اَڈ ہو جاندے آں تے کاہدے لئی اسیں اوہدے نیڑے نئیں آسکدے ؟ اوہ زنانی جیہڑی پال سانبھ لئی دتی گئی سی ،نے سکھیا پئی اوہنوں جمن والی ماں نے اوہنوں غریبی توں بچاؤن لئی دُور گھلیا سی ۔ کیہ ایہو ای خُدا دے بارے وچ وی سچ ہیگااے ؟ خُدا نے سانوں اپنی شکل اُتے پیدا کیتا ۔ سانوں اوہدے توں کون وکھ کرسکداسی ؟جواب ایہہ ہیگا اے پئی شیطان نے بندے نوں پاپ کرن لئی پُٹھے پاس لایا تے پاپ نے اوہنوں خُداتوں اَڈ کر دتا ۔
اصل وچ خُدا نے بندے نوں اپنی شکل اُتے بنایا سی تے لاڈ نال اپنی بنائی شے نال محبت کرداسی ۔ بندے خُدا دی محبت لئی اک شے وانگر بنائے گئے سَن تے دوجیاں شیواں نالوں بوہتا رُتبہ رکھدے سَن ۔ فیر وی ، اک ڈِگے ہوئے فرشتے جیہدا ناں شیطان اے ، اوہنے بندے نوں خُدا توں اَڈ کرن دا کم کیتا ۔ شیطان نے بندے نوں خُدا دے کلا م اُتے ایمان نہ لیاؤن لئی آہرے لایا ، تے اوہنوں نیکی بدی دی پچھان دے رُکھ دا پھل کھان دا لالچ دتا ۔
ایس طرحاں بندہ اپنے پاپ دے سبب خُداتوں وکھ ہوگیا ۔ بندہ خُدا دا آکھا نہ منن والا سی ۔ بندے نے حیاتی دے رُکھ دا پھل نئیں کھاہدا جیہڑا ہمیش دی حیاتی دیندااے تے جیہدی خُدا نے اوہنوں اجازت دتی ،سگوں ایہدی تھاں اُتے ہٹکے ہوئے پھل نوں کھاہدا جنہے اوہنوں نیکی بدی دی پچھان کرائی ۔ ایہہ بندے دا خُدا توں اَڈ ہون دا نتیجہ سی ۔
پہلی خُدادی محبت دا نشان ،بندے نے آکھا نہ منیا تے اپنی من مرضی دے سبب اوہدے توں اَڈ ہوگیا ۔ پاپ دے سبب جیہڑا اوہدے دل وچ رہن لئی آیا ، انسان اخیریں خُدا توں دُور ہوگیا ۔ ایہدے بعد، بندہ اک لمے چِر لئی خُدا توں اَڈ رہیا تے گلہ کیتا ، ” کاہدے لئی خُدا نے سانوں بناؤن دے بعدوں چھڈ دِتا؟ اوہنے کاہدے لئی سانوں پاپ کرن دی اجازت دتی ؟ اوہ کاہدے لئی سانوں ماڑے بناؤن دے بعد دوزخ وچ گھل دااے ؟ ایہہ چنگا ہوندا جے اوہ سانوں پہلاں والی ای تھاں اُتے نہ بناؤندا ۔ “ اسیں بوہتیاں سوالاں نال ، ایسے طرحاں ساڈے نویں سریوں جمن توں پہلاں بے سکونی ، شک تے نفرت نال رہندے آں ۔
جدوں میَں ٹی وی پروگرام وچ اوہ لَے کے پالی ہوئی زنانی نوں ویکھیا ۔ مینوں پتہ لگا پئی بندے تے خُدا وچکار تعلق اُنج داای اے جویں اوہ اپنی اصل ماں نال تعلق رکھدی سی ۔ کوئی دکھ دتا جانا ، پُٹھی سوچ ،لعنت یاں کسے طرحاں دا پاپ ،کسے طرحاں دے وی حالات دے سبب بندے نوں خُدا تو ں اَڈ کرسکداسی ۔ مینوں ایہہ وی پتہ لگیا پئی بھاویں خُدا تے بندے دےوچکار تعلق محبت دی بنیاد اُتے ہیگااے ، فیر وہ سوچ خراب ہو سکدی سی ۔
بالکل جویں ماں نفرت توں اَڈ اپنی دھی نوں گھل چُکی سی ۔ ایسے طرحاں خُدا بندے نال نفرت دے سبب نئیں سگوں پاپ دے سبب اپنے آپ توں وکھ کیتا ۔ بندے توں نفرت کرن دی خُدا کول کوئی سبب نئیں ہیگااے تے بندے کول خُدا دے نفرت کرن دا وی کوئی سبب نئیں ہیگااے ۔ اسیں اک دوجے نال محبت کردے ہاں ۔انسان خُدا توں وکھ ایس لئی ہویا کیوں جے اوہ شیطان دی چال وچ پھس کے اک پاپی بن گیا سی ۔
خُداسانوں یسوع راہیں قبول کر چُکیا اے
” پر تسیں جیہڑے پہلوں دُور سو ہُن مسیح یسوع وچ مسیح دے لہو دے سبب نیڑے ہوگئے او ۔ کیوں جے اوہو ای ساڈی صلح اے جنہے دونواں نوں اک کر لیا تے نکھیڑے دی کندھ جیہڑی وچکار سی ڈھادتی ۔ ایس لئی اوہنے اپنے بدن نال ویر مطلب اے اوہ شریعت جیہدے حکم پابندیاں وانگر سَن ،مکادتی ۔ “(افسیوں ۲ : ۱۳۔ ۱۵)۔خُداوند نے یوحنا کولوں بپتسمہ لیا تے پابندیا ں دی شریعت نوں مکاؤن دے سلسلے وچ جگ دے سارے پاپاں نوں چُک لیا ۔فیر اوہنے بندے نوں اوہدے پاپاں توں بچاؤن دے سلسلے وچ سولی اُتے اپنا لہو وگایا تے اوہنوں خُدا کولوں قبول کیتے جان دی اجازت دیندااے ۔ خُدا ہُن اوہناں نوں قبول کر چُکیا اے جیہڑے اوہدے راہیں پاک ہوئے سَن ۔
کیہ تسیں کدی پانی توں اَڈ کسے جگ بارے سوچ سکدے او؟ بوہتا چِر نئیں ہویا ، میَں اِنچن (Inchon)شہر وچ پاک کتاب دی عبادت وچ شامل ہویا ،کوریادیاں بوہت وڈیاں بندرگاہاں وچوں اک جتھے نل دے پانی نے کُجھ دیہاڑے اوس ویلے کم نہ کیتا تےمیَں سوچیا پئی ، ’ لوک پانی دے اَڈ جیوندے نئیں رہ سکدے۔‘
جے خُدا ایس جگ نوں اک مہینے لئی پانی ناں دیوے ، تے بدبو ، گندگی تے جان کڈھن والی تریہہ دے سبب شہرا ں وچ جیوندے رہنا اوکھا ہووے گا۔ سانوں پانی دی قدر تے قیمت نوں جاننا چاہی دااے ، جیہڑا خُدا نے سانوں دتا اے ۔ بالکل جویں پانی انسانی پیڑھی لئی اک خاص لوڑ اے، بپتسمہ جیہڑا یسوع نے دریائے یردن اُتے یوحنا کولوں لیا ،ایسے طرحاں بوہت لوڑی دا ہیگااے۔
جے یسوع ایس جگ وچ یوحنا کولوں بپتسمہ لین لئی نہ آیا ہوندا،فیر کویں یسوع اُتے ایمان رکھن والے پاپاں دی معافی پا سکدے سَن بالکل جویں لوک پانی دے اَڈ جیوندے نئیں رہ سکدے ،ایس جگ وچ ہر بندہ اپنے پاپاں نال مرجانداجے یوحنا نے یسوع نوں بپتسمہ نہ دتا ہوندا۔
فیر وی ، کیوں جے یسوع دے بپتسمے نے ساڈے سارے پاپاں نوں چُک لیا ،سانوں ہُن ایس تعلیم اُتے یقین ہیگا اے پئی ساڈے دل پاک ہوگئے نیں تے اسیں مکتی نال برکت والے ہوگئے آں ۔ یسوع دا بپتسمہ ساڈے ایمان لئی پریشانی دا سبب ہیگااے ۔ اگانہہ ہور ،اوہدا بپتسمہ پاک رُوح دی بھرپوری پاؤن لئی ساڈے لئی بوہت لوڑی دااے ۔
پطرس ، یسوع دے چلیاں وچوں اک نےآکھیا ،” تے اوسے پانی وانگر وی مطلب اے بپتسمہ یسوع مسیح دے جی اُٹھن نال ہُن تہانوں بچاؤندااے ۔ “(۱ ۔ پطرس ۳:۲۱)۔ پطرس آکھدا اے پئی یسوع نے یوحنا اصطباغی کولوں بپتسمہ لیا تے سانوں ساڈے پاپاں توں بچاؤن دے سلسلے وچ اپنا لہو روڑیا ۔ یسوع دا بپتسمہ ، جنہے جگ دے سارے پاپاں نوں دھوتا ، کھری خوشخبری اے۔
ہُن آؤ اسیں پِتل دے حوض بارے خروج ۳۰ : ۱۷ ۔ ۲۱ وچ لکھے ہوئے حوالے اُتے دھیان کریے۔ ” فیر خُداوند نے موسیٰ نوں آکھیا ،تُوں دھون لئی پِتل دا اک حوض تے پِتل دی ای اوہدی کرسی بناویں تے اوہنوں اکٹھیاں ہون دے تنبُو تے قربان گاہ دے وچکار رکھ کے اوہدے وچ پانی بھردیویں ۔ تے ہارون تے اوہدے پُتر اپنے ہتھ پیر اوہدے نال دھویاکرن ۔ اکٹھیاں ہون دے تنبُو وچ جاندیاں ہویاں پانی نال دھو لیا کرن تاں پئی مرنہ جان یاں جدوں اوہ قربان گاہ دے نیڑے خدمت کرن لئی مطلب اے خُداوند لئی سوختنی قربانی چڑھاؤن لئی آؤن ۔ تے اپنے اپنے ہتھ پیر دھو لین تاں پئی مر نہ جان ۔ ایہہ اوہدے تے اوہدی نسل لئی اک پیڑھی توں دوجی پیڑھی لئی ہمیشہ دی رسم ہووے۔ “
اکٹھیاں ہون دے تنبُو وچ پِتل دا اک حوض سی ،جیہڑا اکٹھیاں ہون دے تنبُو تے قربان گاہ دے وچکار رکھیا ہویا سی ،تے جیہدےوچ دھون لئی پانی سی ۔ جے اکٹھیاں ہون دے تنبُو وچ ایہہ حوض نہ ہوندا، تے قربانیاں چڑھاؤندیاں ہویاں کاہن کِنے گندے ہوندے ۔
کِنا بوہتا لہو تے گند کاہناں نوں ناپاک کردا جیہڑے لوکاں لئی اینی ساریاں ہر دیہاڑے قربانیاں چڑھاؤہندے سن تے پاپاں دی قربانیاں اُتے اپنے ہتھ رکھدے سَن تے فیر اوہناں نوں ذبح کردے سَن ؟ جے اکٹھیاں ہون دے تنبُو وچ حوض نہ ہوندا ،کاہن بڑے گندے رہندے ۔
خُدا نے اوہناں لئی حوض تیار کیتا تاں پئی اوہ ستھرے ہتھاں نال خُدا دے نیڑے آسکن ۔ پاپیاں نے اپنے پاپاں نوں پاپ دی قربانیاں د ے سر اُتے اپنے ہتھ رکھ کے اُتار دتا ،تے فیر کاہناں نیں اوہناں دی تھاں اُتے خُدادے اگے اوہناں نوں قربان کیتا ۔ خُدا نے پِتل دے حوض نوں بنایا تاں پئی لوک پاک مقام وچ جا سکن ، تے ایس طرحاں اوہ پانی نال دھو سکن ، تاں پئی اوہ مرنہ جان ۔ایتھوں تیک پئی اک کاہن پاک تھاں وچ جد پئی اک پسوُ دے لہو نال لِبڑ کے جانئیں سکدا سی ۔ایس طرحاں کاہن لوکاں لئی قربانیاں چڑھاؤن دے بعد خُدا دے نیڑے آؤن بارے حوض دے پانی نال ساری گندگی دھوندے سَن ۔
یسوع دے بپتسمے نے جگ دے سارے پاپاں نوں دھو دتا
دریائے یردن اُتے یوحنا کولوں یسوع دے بپتسمے نال ،جگ دے سارے پاپ اوہدے اُتے لدے گئے سَن ۔تے اوہدے پانی وچ مکمل غوطے نے اوہدی موت نوں وکھایا تے اوہدے پانی وچوں نکلن نے اوہدے جی اُٹھن نوں وکھایا ۔ دوجے اَکھراں وچ ، یسوع نے جگ دے سارے پاپ چکن لئی یوحنا کولوں بپتسمہ لیا ، پاپ دا مُل اُتاریا تے سولی اُتے مرگیا ۔ اوہدی موت ساڈے پاپاں دا مُل اُتارن لئی سی تے اوہدے جی اُٹھن نے سانوں ہمیش دی حیاتی دتی ۔
جے اسیں ایمان نئیں رکھدے پئی یسوع نے اپنے بپتسمےنال ساڈے سارے پاپاں نُوں چُک لیا ، ساڈے دل پاپ نال بھرے ہوئے رہن گے ۔ ایس طرحاں اسیں کویں بڑے سوکھے خُدا کول آسکدے آں؟ پاپاں دی معافی دی خوشخبری کسے فرقے دی خُدا ئی تعلیم نئیں ہیگی سگوں خُدا دا سچ ہیگااے۔
دوجے اَکھراں وچ، اسیں مکمل تعلیم دے اَڈ اپنے ایمان توں اَگوائی نئیں پا سکدے ، اسیں جگ
اُتے حاوی نئیں ہو سکدے جے اسیں سچ مُچ پرواہ نئیں کردے پئی کاہدے لئی یسوع نے یوحنا کولوں بپتسمہ لیا سی ۔بالکل جویں سارے جیوندے جانداراں نوں اپنی حیاتیاں بچاؤن لئی پانی دی لوڑ ہیگی اے، سانوں ایمان نال جیوندے رہن تے اَسمان دی بادشاہی وچ جان لئی پاپاں دی معافی یسوع دے بپتسمے دے پانی دی لوڑ ہیگی اے ۔ یسوع دا بپتسمہ لینا ، سولی اُتے مرنا تے جی اُٹھنا سانوں ساڈےپاپاں توں بچاؤن لئی سی ۔ ایہہ پانی تے رُوح دی خوشخبری اے ، جیہدے اُتے سانوں بڑے یقین نال سانوں پورے دل نال ایمان رکھنا چاہی دااے ۔
بھاویں یسوع سولی اُتے مرن لئی چڑھیا سی ، اوہنے ایہہ سزا پاؤن لئی کوئی جرم نئیں کیتا سی ۔اوہ ساڈے پاپا ں نوں دھون لئی ایس جگ وچ آیا ،۳۰ ورہیاں دی عمر وچ بپتسمہ لیا ، تے ۳۳ ورہیاں دی عمروچ سولی اُتے مرن نال ساڈا مکتی داتا بن گیا ۔ خُدا انسانی پیڑھی نوں اپنے پُتر بناؤنا چاؤہنداسی ،ایہہ سب کُجھ جان دیاں ہویا ں وی پئی اسیں کِنے ماڑے تے پاپی ساں ۔ ایس لئی یسوع نے بپتسمہ لیا سی ۔ خُدا نے سانوں اکو ای ویلے پاپاں دی معافی تے پاک رُوح دا تحفہ دتا ۔
” جدوں تیک کوئی بندہ پانی تے رُوح نال نہ جمے اوہ خُد ادی بادشاہی وچ جا نئیں سکدا۔ “ (یوحنا ۳:۳ ۔ ۵)۔تہانوں جاننا تے ایمان رکھنا چاہی دااے پئی یسوع نے ساڈے سارے پاپاں نوں چکن لئی بپتسمہ لیا سی ۔ بھاویں کوئی نویں سریوں جمیا مسیحی ہیگااے ،جے اوہ سچیائی ول دھیان نئیں دیندا پئی یسوع نےاپنے بپتسمےنال جگ دے سارے پاپاں نوں چک لیا سی ،اوہدا دل بڑی چھیتی گندہ ہو جاوے گا ۔ کیوں جے اسیں بدن والے بندے آں ، اسیں ایتھوں تیک پئی ہردیہاڑے حیاتی وچ پاپ نال گندے ہون دے لائق آں۔ ایس لئی اسیں ہمیشہ ایمان نال ، یسوع دے بپتسمے،اوہدے لہو تے اوہدے جی اُٹھن اُتے دھیان کرکے جیوندے آں ۔ ایہہ ایمان سانوں قائم رکھدااے جدوں تیک اسیں اَسمان دی بادشاہی وچ چلے نئیں جاندے ۔
بپتسمہ لینا تے ساڈے پاپاں لئی مرنا، یسوع ایہدے توں اڈکوئی چناؤ نئیں رکھدا سی ، ایسے طرحاں سانوں بڑے یقین نال ایمان رکھنا چاہی دااے پئی اِنج کرن نال اوہ ساڈے کول آیا مکتی لیایا سی ۔ جگ دے سارے پاپاں توں چھڈائے جان لئی ایس سوہنی خوشخبری اُتے ایمان رکھن توں اَڈ سانوں کوئی ہورکم نئیں کرنا چاہی دااے ۔
اسیں خُداوند دا شکر اداکردے آں ،جنہے سانوں پانی تے رُوح دی خوشخبری دتی ۔ بوہت وڈا تحفہ جیہڑا خُدا نے سانوں دتا ،اپنے کلے کارے پُتر نوں ،سانوں ساڈے سارے پاپاں توں بچاؤن لئی اوہدے
بپتسمہ تے لہو راہیں گھلنا سی ۔
اسیں اپنے دلاں وچ پاپ رکھدے ساں ،جیہدے سبب اسیں خُدا دے نیڑے نہ آسکے تے اوہدے توں وکھ ہو کے جیوندے رہن لئی مجبور ساں ۔ یسوع نےجگ دے سارے پاپاں نوں چکن لئی یوحنا کولوں بپتسمہ لیا تے اوس کندھ نوں جیہڑی خُدا تے بندے نوں وکھ کردی سی ، ڈھاؤن لئی سولی اُتے مرگیا ۔ خُدا تے بندے دے وچکارمیل اوہدے بپتسمہ تے لہو نال کھلیاسی ۔ اسیں ایناں تحفیاں لئی اوہدا شکر اداکردے آں ۔ بدنی ماپیاں دی محبت اپنے نیانے لئی بوہت وڈی اے ، پر ایہہ خُدا د ی محبت دے اگے کوئی میل جوڑ نئیں رکھدی ۔ جیہدے راہیں یسوع نے سانوں پاپیاں نوں بچالیا۔
یسوع دا بپتسمہ تے لہو دونویں بڑے خاص ہیگے نیں ۔ جے ایس جگ وچ کوئی پانی نہ ہوندا ،کیہ کوئی شے جیوندی رہ سکدی سی ؟ یسوع دے بپتسمے دے اَڈ ،کوئی بندہ اپنے دل وچ پاپ توں اَڈ نئیں ہووے گا ۔ جے یسوع بپتسمہ نہ لیندا ،تے جے اوہ سولی اُتے مریا نہ ہوندا،کسے نوں پاپاں توں معافی نہ ملدی ۔خوش نصیبی نال ، یسوع نے بپتسمہ لیا تے ساڈے لئی کامل فدیہ بنیا ۔ بھاویں اسیں ماڑے تے خطاواں بھرے آں۔ اسیں اوہدے بپتسمہ تے اوہدے صلیبی لہو اُتے ایمان رکھن نال پاک رُوح پا سکدے آں ۔
اوہ لوک جیہڑے یسوع مسیح دے بپتسمےتے صلیبی موت اُتے ایمان رکھدے نیں ،خُدا دے نیڑے آسکدے نیں ،دعامنگ سکدے نیں تے اوہدی وڈیائی کر سکدے آں ۔ ہُن اسیں خُداوند دی وڈیائی کرن تے اوہدی عبادت کرن دے لائق ہیگے آں ،ایس لئی پئی اسیں اوہدے پُتر بن گئے آں ۔ایہہ خُدا دافضل تے برکت اے ۔ یسوع دے بپتسمےتے اوہدےصلیبی لہو دی خوشخبری سچ مُچ حیران کردی اے ۔ اسیں سارے ایس سوہنی خوشخبری اُتے ایمان لیاؤن نال مکتی تے پاک رُوح دی بھرپوری پا سکدے آں ۔
Copyright © 2021 by The New Life Mission