Search
Indonesia
Indonesia
Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.

Khotbah-Khotbah

مضمون 9: رومیوں (رومیوں دی کتاب اُتے تفسیر)

[10-2 باب] اصل ایمان سُنن نال پیدا ہوندااے <رومیوں۱۰: ۱۶ ۔۲۱>

>رومیوں۱۰: ۱۶ ۔۲۱<
”پر ساریاں نیں ایس خوشخبری ول کن نہ کیتا ۔ ایس لئی یسعیاہ آکھدا اے پئی خُداوند ساڈے پیغام دا کنے یقین کیتا اے ؟ ایس پئی ایمان سُنن نال پیدا ہوندااے تے سُننامسیح دے کلام وچوں ۔ پر میَں آکھداہاں کیہ اوہناں نیں نئیں سُنیا ؟ بنا شک سُنیا ایس لئی لکھیا اے پئی اوہناں دی آواز سارے جگ اُتے  تے اوہناں دیاں گلاں جگ دے کناریاں تیک اپڑن ۔ فیر میَں آکھدا ہاں کیہ اسرائیل واقف نئیں سی ؟ پہلاں تاں موسیٰ آکھدااے پئی  میَں اوہناں توں تہانوں غیرت دلواواں گا جیہڑے قوم ای نئیں ۔اک کملی قوم توں تہانوں غصہ دلواواں گا ۔فیر یسعیاہ بوہت بہادر ہوکے ایہہ آکھدا اے پئی جنہاں نیں مینوں نئیں لبھیا اوہناں نیں مینوں پا لیا ۔ جنہاں نیں مینوں نئیں پوچھیا اوہناں اُتے میَں ظاہر ہوگیا ۔ پراسرائیل دے بارے ایہہ آکھدا اے پئی میَں سارےدیہاڑےاک نافرمان تے حجتی قوم ول اپنے ہتھ ودھائی رکھے ۔ “
 
 
آیت ۱۷ آکھدی اے ، ” ایس پئی ایمان سُنن نال پیدا ہوندااے تے سُننامسیح دے کلام وچوں ۔ “ کتھوں ایمان جیہڑا اک بندے نوں اوہدے سارے پاپاں توں چھڈاؤندا اے ملداے اے ؟ کھراایمان خُدا دا کلام سُنن دے راہیں ملدااے ۔
میَں اوس کلام دے راہیں خُدا دی راستبازی دی خوشخبری دی گواہی دینا جاری رکھاں گا ۔ آؤ اسیں رومیوں ۳ : ۱۰ ۔ ۲۰ اُتے دھیان کرن دے راہیں شروع کریے :
”ایس لئی لکھیا اے پئی ،کوئی راستباز نئیں  ۔ اک وی نئیں۔کوئی سیانا نئیں ۔کوئی خُدا دا طالب نئیں ۔سارے راہوں بھٹکے نیں ۔سارے نکمے ہیگے نیں ۔ کوئی بھلیائی کرن والا نئیں ۔اک وی نئیں۔اوہناں دا سنگھ کھلی ہوئی قبراے ۔ اوہناں نیں اپنیاں جیبھاں نال دھوکہ دتا ۔ اوہناں دے  بُلاں وچ سپاں دی وِس اے ۔ اوہناں دا مونہہ لعنت تے کوڑ نال بھریاہویااے ۔ اوہناں دے  پیر لہو وگاؤن لئی چھیتی ٹُر دے نیں ۔ اوہناں دیاں راہواں وچ بربادی تے مندے حال نیں ۔ تے اوہ سلامتی دے راہ توں جانوں نہ ہوئے ۔ اوہناں دیاں اکھاں وچ خُدا دا  ڈر نئیں ۔ ہُن اسیں جان دے آں پئی شریعت جیہڑا کجھ آکھدی اے اوہناں نوں آکھدی اے جیہڑے  شریعت  ہیٹھاں نیں تاں پئی ہر اک دا مونہہ بند ہو جاوے تے سارا جگ خُدا دے اگے سزادے لائق بن جاوے ۔ ایس لئی پئی شریعت  دے کماں نال کوئی بندہ اوہدے اگے راستباز نئیں بنےگا ۔ ایس لئی پئی شریعت  دے راہیں تاں پاپ دی پچھان ای ہوندی اے ۔ “
سانوں ایہناں حوالیاں نوں کِویں مکتی پاؤن لئی سمجھنا تے ایمان لیاؤنا چاہی دا اے ؟ بالکل شروع توں ، نہ راستباز سن نہ ای  اوہ جنہاں نیں خُدا نوں لبھیا ، سگوں سارے پاپی سن ۔ اوہناں دے سنگھ کھلیاں قبراں سن؛ اوہناں دیاں جیبھاں زہر والے سپاں دے ڈنگ وانگر ، دھوکے بازی ،لعنت تے کوڑ نال بھریاں ہویاں سن ۔ اوہناں دے پیر لہو وگاؤن لئی چھیتی چلدے سن ۔ اوہ سلامتی دی راہ نوں نئیں جان دے سن ، یاں اپنیاں اکھاں وچ خُدا دا ڈر نئیں رکھدے سن تے صرف اپنے آپ دیاں بربادیاں تےمندے حال دے راہ اُتے چلدے سن ۔ ہر کوئی خُدا دی راستبازی نوں جانن تے ایمان رکھن توں پہلوں پاپی ہیگا سی ، تے اوہ طریقہ جیہدے توں اوہناں نوں پتہ لگیا پئی اوہ خُدا دے اگے پاپی سن ، شریعت دے راہیں سی ۔ کِویں اسیں شریعت توں اڈ ، اپنے پاپاں نوں جان سکدے ساں ؟ کِویں اسیں خُدا نوں جان سکدے ساں ؟ کیہ اسیں کدی خُدا دا ڈر رکھیا ۔ رومیوں ۳ : ۱۸آکھدا اے ، ”اوہناں دیاں اکھاں وچ خُدا دا ڈر نئیں۔“ کیہ ساڈیاں بدنی اکھاں نیں اوہنوں کدی ویکھیا؟ اسیں خورےخُدا دے ہون دے بارے وچ تھوڑے جیہے خبردار ہوسکدے آں ، پر اسیں نہ اوہنوں تکیا نہ ای اوس توں ڈرے ۔ فیر ، کویں ، سانوں پتہ لگیا پئی اسیں پاپی ساں ؟ اسیں اوہدے لکھے ہوئے کلام نوں سُنن دے راہیں خُدا دے ہون دی پچھان تیک اپڑے۔ ایس لئی پئی سُننا خُدا دے کلام توں ملدا اے ۔
سانوں پتہ ہیگا اے پئی خُدا نے جگ نوں پیدا کیتا ایس لئی پئی خُدا دے کلام وچ اِنج لکھیا ہویا اے ، ” خُدا نے شروع وچ دھرتی تے اسمان نوں بنایا ۔ “(پیدائش ۱ : ۱)۔ایہہ خُدا دا کلام سُنن دے راہیں ہیگا اے پئی اسیں پچھان تیک اپڑے  تے اوہدے ہون اُتے ایمان رکھدے آں ، تے ایمان رکھنا مطلب اے پئی اوہ سارے جگ نوں بناؤن والا اے ۔ جے ایہہ  خُدا دے کلام دے سبب نہ ہوندا ، کوئی ایتھے  نہ ہوندا جیہڑا اوہنوں جان دا ، نہ ای اوہد اڈر رکھدا ۔ نہ ای اسیں خُدا دے کلام توں اڈ اپنے پاپاں   نوں جان سکدے ساں —  اک وی بندہ نئیں ۔
دوجے اکھراں وچ ، اسیں خاص کر کے خُدا توں انجان ، فضول شیواں دی بھگتی کردے ہویاں ، تے اپنے  دلی پاپاں توں انجان ساں ۔ پر خُدا نے سانوں شریعت دتی ، تے ایہہ پئی کویں اسیں خُدا دے اگے اپنے پاپاں دی پچھان تیک اپڑے ۔ ایہہ شریعت دے اوہدے کلام نوں سنن دے راہیں سی  جیہدے وچ ۱۰ حکم تے شریعت دیاں ۶۱۳تفصیلی شہادتاں نیں مطلب اے اسیں اپنیاں کمیاں تے پاپاں دی پچھان تیک اپڑے ۔  
کوئی وی بندہ ایتھوں تیک پئی شریعت دے کلام دے اڈ اپنے پاپاں نوں نئیں جان سکدا ۔ سلاخاں دے پچھے لگ بھگ ہر مجرم دعویٰ کردااے پئی اوہنوں نئیں پتہ پئی اوہدا قصور کیہ سی یاں کاہدے لئی اوہ جیل دتا گیا سی ۔ اوہناں وچوں بوہتے بےقصور ہون دا دعویٰ کردے نیں ؛ مطلب اے ایہہ اوہ غلطی نال تے بے انصافی نال قیدکیتے گئے سَن ۔ خُدا دی شریعت نوں جانیوں اڈ ، اسیں اپنے دلی پاپاں نوں ایہہ آکھدے ہویاں نئیں جان سکدے ،  ” میَں سدا ایس طریقےنال عمل کیتا اے ۔ ہر کوئی اِنج کردااے ۔ کویں ایہہ پاپ ہو سکدا اے ؟  “
خُدا دی شریعت ویکھن تے سُنن نال صرف اسیں اپنے پاپاں دا احساس کیتا اے ۔ سانوں پتہ لگیا اے پئی ساڈی دوجیاں بُتاں دی بھگتی ، ساڈا خُدا دے نام نوں بے فائدہ لینا، ساڈی سبت نوں منن دی ناکامی ، ساڈا لہو ، ساڈی زناکاری ، ساڈی چوری ،ساڈا جھوٹ ، ساڈا سڑنا ،ساڈی خُدا دے کلام دے مطابق جیون وچ ناکامی ، ایہہ سارے مختصر پاپ دے عمل نیں ایس لئی پئی خُدا دی شریعت اِنج آکھدی اے ۔ ایہہ ہےپئی کویں اسیں شریعت دے کلام دے راہیں احساس کیتا اے تے پچھانیا اے پئی اسیں خُدا دے اگے پاپی ساں ۔ ایس شریعت توں پہلوں ، اسیں ایتھوں تیک پئی اپنے دلی پاپاں نوں نئیں جان دے ساں ۔
ایہہ احساس کرن دے بعد وں پئی اسیں پاپی آں ، فیر ،سانوں، خدا دے اگے کیہ کرنا چاہی دا اے ؟ سانوں پچھن دی لوڑ اے ساڈے پاپ کویں معاف ہوسکدے نیں ۔ ایہہ خُدا دا کلام سُنن دے راہیں ہیگا اے پئی اسیں اپنے پاپاں نوں جان دے آں تے مکتی لئی اپنی ضرورت دا احساس کردے آں ۔ بالکل جویں بُھکے نوں کھان دی لوڑ ہوندی اے ، اوہ جنہاں نوں پتہ اے پئی اوہناں نیں خُدا دی شریعت توڑی اے تے اوہناں نوں پتہ اے پئی اوہ ڈاہڈے پاپی ہیگے نیں اوہ اپنی مکتی دی لوڑ محسوس کردے نیں ۔ ایس طریقے نال اسیں خُدانوں لبھن تے پچھانن لئی ، یسوع مسیح دے راہیں اوہدی راستبازی اُتے ایمان رکھن دی لوڑ محسوس کردے آں ، جنہوں اوہنے ساڈے لئی گھلیا ۔ جویں ”ایمان سُنن نال پیدا ہوندااے “ اسیں خُدا دا کلام سُنن دے راہیں اپنے پاپاں نوں جان دے آں ۔
 
 

ہُن سانوں پتہ ہیگا اے پئی اسیں پاپی ہیگے آں ۔ فیر  سانوں اپنے پاپاں توں چھُٹن لئی کیہ کرنا چاہی دا اے ؟

 
اوہدے کلام اُتے ایمان رکھن نال مکتی ملدی اے جیہڑا ساڈے دلاں دے مرکز وچ وسداے ، بالکل جویں اسیں خُدا دا کلام سُنن تے سکھن دے راہیں اپنے پاپاں دا اقرار کردے آں ۔ جویں رومیوں ۳ : ۲۱ ۔ ۲۲آکھدااے ، ”پر ہُن شریعت توں اڈ خُدا دی اک راستبازی ظاہر ہوئی اےجیہدی گواہی شریعت تے نبیاں توں ملدی اے مطلب اے خُدا دی اوہ راستبازی جیہڑی یسوع مسیح اُتے ایمان لیاؤن نال سارے ایمان لیاؤن والیاں نوں ملدی اے ۔“
سانوں اپنی شریعت دین دےراہیں ،خُدا نے سانوں جانن دی اجازت دتی پئی اسیں اوہدے اگے پاپی ساں ، جویں اسیں اوہدے کلام دے مطابق جیون وچ ناکام ہوگئے آں۔ نتیجے طور اُتے سانوں دو لوڑاں ہیگیاں نیں : اسیں شریعت دے راہیں جیونا چاؤہندے آں ، پر اوسے ویلے اسیں مایوسی نال ، پاپ توں اپنی مکتی لبھدے آں ۔ پر ایس لئی پئی ”پرہُن شریعت توں اڈ خُدا دی اک راستبازی ظاہر ہوئی اے“اوہ جنہاں نیں اپنے پاپاں توں مکتی پاؤنی اے اوہناں نوں لازمی طور اُتے شریعت اُتے نئیں سگوں خُدا دی ایس راست بازی اُتے اپنے ایمان دےراہیں مکتی پاؤنی چاہی دی اے ۔ سانوں پتہ ہیگا اے پئی ایہہ مکتی خُدا دی شریعت نوں منن نال نئیں ملدی سگوں خُدا دے راہیں دتی گئی مکتی اُتے ایمان رکھن نال ملدی اے ، مطلب اے خُدا دی اصل راستبازی اُتے جنہے سانوں یسوع مسیح دے راہیں بچایا اے ۔
فیر ، خُدا دی ایہہ راستبازی تے اوہدی مکتی کیہ اے؟ ایہہ دونویں پرانے تے نویں عہدنامیاں وچ دسی گئی، پانی تے رُوح دی خوشخبری اے ۔ پانی تے رُوح دی خوشخبری پُرانے عہدنامے وچ قربانی دے بندوبست اُتے ایمان دے راہیں مکتی وانگر ظاہر ہوندی اے ، تے نویں عہد نامے وچ یسوع دے بپتسمےتے اوہدی سولی اُتے ایمان وانگر ظاہر ہوندی اے ۔ رومیوں ۳ : ۲۱ ۔ ۲۲آکھدااے ، ”جیہدی گواہی شریعت تے نبیاں وچوں ملدی اے ۔ مطلب اے خُدادی اوہ راستبازی جیہڑی یسوع اُتے ایمان لیاؤن نال سارے ایمان لیاؤن والیاں نوں ملدی اے ۔“
فیر اسیں کویں  خُدا دی راستبازی پا سکدے آں ؟ اسیں خُدا دی راستبازی نوں جانن دے راہیں پا سکدے آں، جیہدی خُدا دے کلام دے راہیں شریعت تے نبیاں ولوں گواہی دتی گئی ، پئی یسوع خُدا تے ساڈا مکتی داتا اے ، تے اوہدے اُتے اپنےایمان دے راہیں اپنے سارے پاپاں توں مکتی یافتہ ہون وچ مکتی اے ۔
دوجے اکھراں وچ ، اسیں اوہدی کلام اُتے ایمان رکھن د ے راہیں خُدا دی راستبازی پاؤندے آں ، جیہدی پُرانے عہدنامے دی شریعت تے نبیاں دے راہیں گواہی دتی گئی اے ۔ مطلب اے شریعت تے نبیاں نیں خُدا دے کلام دی گواہی دتی ، ایہہ عبرانیوں تے رومیوں دے بالکل پہلے باباں توں وی ظاہر ہوندااے ۔
مطلب اے یسوع سانوں چھڈاؤن لئی آیا ، ایہہ ساڈے نال خُدا دی وعدہ کیتی ہوئی مکتی اے ۔ ایہہ وعدہ پاپیاں نوں بچاؤن دا اے ، جیہڑے شریعت دے ہیٹھاں تے اپنی بربادی دے حقدار سَن ، خُدا ایہنوں ہزاراں ورہے پہلوں بنا چُکیا سی ۔ اوہنے کئی وار ایس وعدے نوں دہرایا تے ظاہر کیتا پئی صرف کویں اوہ اپنے بوہتیاں خادماں دےراہیں اوہنوں قائم رکھن دا ارادہ رکھدااے جیہڑےساڈے توں پہلوں آئے سَن ۔
آؤ اسیں مثال وانگر اک حوالہ ویکھیے ۔احبار ۱۶ : ۲۱ آکھدااے ، ”تے ہارون اپنے دونویں ہتھ اوس جیوندے بکرے دے سر اُتے رکھ کے اوہدے اُتے اسرائیلیاں دیاں ساریاں بدیاں تے اوہناں دے سارے پاپاں تے غلطیاں دا اقرار کرےتے اوہناں نوں اوس بکرے دے سر اُتے رکھ کے کسے بندے دے ہتھ جیہڑا ایس کم لئی تیار ہووے جنگل وچ گھل دیوے ۔“رومیوں ۳ : ۲۱ ۔ ۲۲دے حوالے دے مطابق ، مطلب اے خُدا دی راستبازی دی شریعت تے نبیاں نیں گواہی دتی ، ایہدا مطلب ہیگا اے پئی یسوع دی کامل مکتی پرانے عہد نامے دے اکٹھیاں ہون دے تنبو دیاں قربانیاں دے راہیں تے ایہو جیہے نبیاں مثال طور اُتے یسعیاہ ، حزقی ایل ، یرمیاہ تے دانی ایل دے راہیں ظاہر ہوئی سی ۔
دوجے اکھراں وچ ، خُدا پہلوں ای پُرانے عہد نامے دے کلام دے راہیں ظاہر کر چُکیا سی ، بالکل کویں اوہ اپنی مکتی دا وعدہ قائم رکھے گا  ۔مطلب اے اوہ اِنج یسوع مسیح نوں گھلن دے راہیں کرےگا ، اپنے بپتسمے نال جگ دے سارے پاپاں نوں اوہدے چُکن دے بعدوں ، ساڈی تھاں اُتے سولی اُتے مرن تے ایس طرحاں ذاتی بدن نال ساڈے سارے پاپاں دا مُل اُتارن دے بعد ایہہ سارا خُدا دی راستبازی دے راہیں ساڈی پاپ توں مکتی لئی اے ۔ ایس طرحاں ساڈی مکتی شریعت دے راہیں نئیں اے ، سگوں خُدا دی راست بازی اُتے ساڈے ایمان دے راہیں اے ، مطلب اے یسوع مسیح دے اپنے آپ دے راہیں ، جویں دونواں شریعت تے نبیاں نے گواہی دتی ۔
خُدا سانوں دسدااے پئی اسیں اوہدی راستبازی اُتے ایمان رکھن دے راہیں اپنے پاپاں توں مکتی یافتہ ہوندے آں ، جیہڑی یسوع دے راہیں پوری ہوئی اے ۔ ساڈا ایمان خُدا داکلام ، مطلب اے یسوع مسیح دا کلام سُنن دے راہیں ودھدااے ۔ کویں اسیں جان سکدے آں تے ایمان رکھ سکدے آں پئی یسوع ساڈا مکتی داتا اے ؟ اپنے خادماں لئی دسیا گیا خُدا دا کلام سُنن دے راہیں اسیں جان دے تے ایمان رکھدے آں پئی یسوع ساڈا مکتی داتااے ، مطلب اے اوہ اپنے ارادے دے مطابق بچاؤن دا وعدہ کر چُکیا سی تے مطلب اے  یسوع سانوں ایس وعدے تے ارادے دے مطابق بچاؤن لئی آیا ۔ جویں دانی ایل ۹ : ۲۴ وچ لکھیا ہویا اے ، ” تیرے لوکاں تے تیرے پاک شہر لئی ستّر ہفتے مقررکیتے گئے پئی غلطی تے پاپ مکائے جان۔ بدیا ں دا فدیہ دتا جاوے ۔ہمیش دی راستبازی قائم ہووے ۔ رویا تے نبُوّت اُتے مہر ہووے تے بوہتی پاک تھاں مسح کیتی جاوے۔  “
 
 

خُدا ساڈے لوکاں لئی ستّر ہفتے مقررکرچُکیا اے

 
اسیں دانی ایل دی کتاب وچوں اُتلے حوالے نوں جاری رکھاں گے ۔ ایہہ حوالہ جیہڑادسدااے پئی بابل دےسبب اسرائیل دا ڈگنا اے ، جدوں خُدا نے مقرر کیتا پئی اسرائیلی اپنی بُت پرستی دے سبب ، بابل وچ قیدیاں وانگر لجائے جان گے تے اوتھے ستّر ہفتیاں لئی نوکراں وانگر جیون گے ۔ جویں خُدا نے تیار کیتا سی ، اسرائیل اُتے حملہ ہویا تے بابل نے اوہدے اُتے فتح پائی تے بربادی نوں روکن دے لائق نئیں سی ، حملہ کرن والیاں دے اگے ہتھیار سُٹدیاں ہویاں اوہ مُک گئے ، جنہاں نیں بوہت ساریاں اسرائیلیاں نوں قیدیاں وانگر لَے لیا تے اپنے نوکر بنا لیا ۔ قید ہون والے سیانیاں  لوکاں وچوں  ، دانی ایل وی سی ، جنہوں بابل دے بادشاہ نے اپنا مشیربنا یا سی ۔
ایس لئی خُدا نے اوہناں دے پاپاں لئی ایس طریقے نال اسرائیلیاں نوں سزا دتی ، پر ایس لئی پئی اوہ ترس کھان والا سی ، اوہنے اپنا عذاب ہمیش نہ رکھیا ، سگوں ایہدی تھاں اُتے اوہناں نوں ستّر ہفتیاں وچ چھڈاؤن دا ارادہ بنایا ۔ 
جدوں دانی ایل نے ،اپنے لوکاں دی تھاں اُتے ، تے خُدا دے اگے توبہ کر کے اوہدے فضل تے مکتی دی دعا منگی ۔ خُدا نے اک فرشتہ گھلیا جنہے اُتلاحوالہ بولیا ، ” تیرے لوکاں تے تیرے پاک شہر لئی ستّر ہفتے مقررکیتے گئے پئی غلطی تے پاپ مکائے جان۔ بدیا ں دا فدیہ دتا جاوے ۔ہمیش دی راستبازی قائم ہووے ۔ رویا تے نبُوّت اُتے مہر ہووے تے بوہتی پاک تھاں مسح کیتی جاوے۔  “ ایہہ حوالہ دانی ایل نال خدادا وعدہ اے پئی اوہ ستّر ہفتیاں وچ اپنے لوکاں دے سارے پاپاں نوں معاف کرےگا جدوں اوہناں دیاں غلطیاں مُک گئیاں ۔ایہہ ساڈے اُتے یسوع مسیح دے راہیں خُدا دی وعدہ کیتی گئی مکتی نوں وی ظاہر کردا اے ۔
ایس لئی پئی اسرائیلیاں نے بوہت سارے پاپ کیتے ، خُدا نے اوہناں نوں سزا دینی سی ،تے قید دے ستّر ہفتیاں دے مُل وچ ، خُدا نے اوہناں دے سارے لنگھے ویلے دے پاپاں نوں معاف کیتا۔ جدوں غلطیاں معاف ہوندیاں نیں تے پاپ مُک جاندے نیں ، اسرائیلیاں دے سارے پاپ ہور نئیں ہون گے ۔ جدوں بدکاری نال دوبارہ میل جول ہوندا اے ، سدادی راستبازی لیائی جاندی اے ، تے رویا تے نبُوّت اُتے مہر کیتی جاندی اے،دانیال نال بولیا گیا خُدا دا سارا کلام پورا ہوجاوےگا ۔ قید دے ستّر ہفتیاں دے راہیں ، ایہہ سارے گواہی دین لئی آؤن گے تے ستّرویں ہفتے اُتے ، اسرائیلی اپنے ملک نوں پرت جان گے ۔
ایس لئی خُدا نے اپنے فرشتے دے راہیں دانی ایل نوں ایہہ دسیا ۔ ایہہ وعدہ اسرائیلیاں نال کیتا گیا اک وعدہ سی ، پرایہہ خاص رُوحانی اہمیت وی رکھدااے ۔ بالکل جویں خُدا نے اسرائیل دے لوکاں تے اوہناں دے پاک شہر لئی ستّر ہفتے مقرر کیتے ، خُدا ساڈے ساریاں لئی جیہڑے اوہدے اُتے ایمان رکھدے آں ساڈا اسمانی پاک شہر ، تے ساڈے خُدا دی بادشاہی نوں تیار کر چُکیا اے ۔
رومیوں وچ ، ایہہ آکھیا گیا اے ، ”پر ہُن شریعت توں اڈ خُدا دی  اک  راستبازی  ظاہر
ہوئی اے جیہدی گواہی شریعت تے نبیاں نیں دتی اے ۔ مطلب اے خُدا دی اوہ راستبازی جیہڑی یسوع مسیح اُتے ایمان لیاؤن نال سارے ایمان لیاؤن والیاں نوں ملدی اے ۔ “ جدوں یسوع ایس دھرتی اُتے آیا ، بپتسمہ لیا تے سولی اُتے مرگیا ، ساڈیاں ساریاں غلطیاں مک گئیاں ۔ ساڈے پاپ مک گئے ، سدادی راستبازی ظاہر ہوئی ،تے رویا تے نبُوّت اُتے مہر کیتی گئی ۔ دانی دی کتاب دا حوالہ ایتھے مُک دااے ، ”بوہتی پاک تھاں مسح کیتی جاوے۔“ایہداکیہ مطلب اے ؟ بلندوبالا مسح یسوع مسیح توں ہٹ کے کسے دوجے بارے گل نئیں کردا ، جیہڑا ایس دھرتی اُتے مسح ہوکے آیا ۔
مسح ہون دا کیہ مطلب اے ؟ مطلب اے یسوع بادشاہ ، خُدادی بادشاہی دے وڈے کاہن تے نبی دے تِناں رُتبیاں اُتے راج کرےگا ۔ ساڈے بادشاہ ، وڈے کاہن تے نبی وانگر ، یسوع نے سانوں ساڈے سارے پاپاں توں چھڈاؤن لئی خُدا دی مرضی پوری کیتی ۔ بالکل جویں فرشتے نے نبُوّت کیتی جیہڑا دانی ایل نال بولیا ، یسوع مسیح نے اپنے آپ اُتے ساڈے سارے پاپاں نوں چُک لیا تے ایس دھرتی اُتے آؤن تے بپتسمہ لین دے راہیں ساڈی تھاں اُتے ساڈی سزا نوں جریا۔
”ایمان سُنن نال پیدا ہوندااے ۔ “ فیر ،کویں ، اسیں خُدا دی راستبازی دی ایہہ خوشخبری سُن سکدے تے ایہدے اُتے ایمان رکھ سکدے آں؟ کویں اسیں ایمان رکھ سکدے آں پئی یسوع مسیح ساڈا مکتی داتا اے ؟ اسیں پُرانے تے نویں عہد نامے وچ دسے گئے خُدا دے کلام دے راہیں مطلب اے خُدا دے نبیاں تے اوہدے خادماں دے راہیں بولے گئے اکھراں دے راہیں سُن سکدے تے ایمان رکھ سکدے آں ۔ ایس سبب توں پولُس نے آکھیا پئی ایمان سُنن نال پیدا ہوندااے تے ایہہ ایمان مسیح دا کلام سُنن نال پیدا ہوندااے ۔
پُرانے عہد نامے دے نبی ، مثال طور اُتے دانی ایل تے یسعیاہ ، یسوع مسیح دے آؤن دے بارے وچ پیشن گوئی کر چُکے سَن ۔ خاص کر کے یسعیاہ نے پیشن گوئی کیتی ، ”تاں وی اوہنے ساڈیاں تکلیفاں چُک لئیاں تے ساڈے دُکھا ں نوں سہاریا ۔“تے  ”جویں میمنا جنہوں ذبح کرن لئی لَے جاندے نیں تے جویں بھیڈ وال مُنن والے دے اگے جیبھ نئیں کھولدی اوسے طرحاں اوہ چُپ کیتا رہیا۔ “ (یسعیاہ ۵۳ : ۴ ، ۷)۔
یسعیاہ دے دناں وچ کنے ایمان رکھیا سی پئی یسوع مسیح ایس دھرتی اُتے آؤن لئی کواری وچوں جمےگا، دوجے عام لوکاں وچوں ہر کسے طرحاں ، ۳۳ ورہے تیک جیوندا رہوےگا ، بپتسمہ لوےگا ، سولی اُتے مرےگا تے تیجے دیہاڑے مویاں وچوں جیوں اُُٹھےگا؟ پریسعیاہ نے یسوع دے آؤن توں لگ بھگ ست سو ورہے پہلوں ویکھیا تے پیشین گوئی کیتی ، مطلب اے ایہہ ساریاں شیواں ہون گئیاں ۔ اوہنے سچیائی دی گواہی دتی پئی یسوع ساڈے غماں تے ساڈے سارے پاپاں نوں چُک لوےگا ۔
ایس لئی پولُس نے جدوں رومیوں داخط لکھیا چوکھا سارا پُرانے عہدنامے دا کلام وضاحت کرن لئی ورتیا پئی کویں خُدا دے خادماں نیں گواہی دتی ، کویں یسوع ایس دھرتی اُتے آؤن ، ساڈے سارے پاپ چُکن تے سانوں خُدا دی راستبازی نال بچاؤن دے راہیں ساڈا مکتی داتا بن گیا ۔
 
 

ایس لئی پئی ساریاں نیں پاپ کیتا اے

 
رومیوں ۳ : ۲۳۔۲۴آکھدااے ، ”ایس لئی پئی ساریاں نیں پاپ کیتا تے خُدا دے جلال توں سکھنے نیں ۔ پر اوہدے فضل دے سبب اوس مکتی دے راہیں جیہڑی مسیح یسوع وچ اے مفت راستباز بنائے جاندے نیں ۔ “ ایس لئی پئی اسیں پاپ وچ جمے ساں تے خُدا دے خلاف ساریاں نیں پاپ کیتا اے ، اسیں اوہدے جلال تے اوہدی بادشاہی دے اگے ہولے پَے گئے آں ۔ پر اسیں یسوع مسیح وچ مکتی پاؤن دے راہیں خُدا دے فضل دے سبب مفت راستباز بنائے گئے ساں ۔ ساڈی راستبازی مُل توں اڈ مفت سی  اسیں اپنے پاپاں دا مُل نئیں اُتاریا ایس لئی پئی یسوع نے ساڈے سارے پاپ چُک لَے تے سولی اُتے اپنی ذاتی حیاتی نال ایہہ مُل اُتاریا ، ساڈے وچوں اوہناں ساریاں نوں چھڈاؤن  لئی جیہڑے اوہدی سُنن گے تے اوہدے اُتے ایمان رکھن گے ۔
سارے پاپاں توں مکتی دے ایمان دے راہیں ساڈا کیہ مطلب اے ؟ ساڈا مطلب سوکھے طریقے نال خُدا دی راستبازی اُتے ایمان اے۔ خُدا دی راستبازی اُتےایمان رکھن نوں  کماں نال کوئی واسطہ نئیں ، سگوں ہر شے سانوں دلوں کرنی چاہی دی اے ۔ اسیں اپنے خُداوند دا کلام سُنن دے راہیں راستباز بن سکدےآں تے ایہدے اُتے اپنے دلاں نال ایمان رکھدے آں ۔ سانوں پاپاں توں بچاؤن لئی ،ساڈا خُداوند ایس دھرتی اُتے آیا ، خُدا دا میمنا بن گیا ، جنہے یوحنا بپتسمہ دین والے کولوں بپتسمہ لین دے راہیں جگ دے سارے پاپاں نوں چُک لیا ، تے سولی اُتے مر گیا ۔تیجے دیہاڑے ،اوہ   مویاں   وچوں جیوں   اُٹھیا ،
تے ہُن خُداباپ دے سجے ہتھ اُتے بیٹھا ہویا اے ۔
یسوع نے اپنے آپ اُتے جگ دے سارے پاپاں نوں چُک لیا ، اپنی ذاتی حیاتی نال ساڈے پاپاں دی سزا دا مُل اُتاریا ،تے مویاں وچوں جیوں اُٹھیا ؛ ایہہ سب کجھ سانوں ساڈی اپنی ذاتی یقینی موت توں بچاؤن لئی سی۔ اسیں اوہدے اُتے ایمان رکھن دے راہیں مکتی یافتہ ہوندے آں ۔ ساڈی مکتی ایمان نال     ملدی  اے،تے ساڈا ایمان خدا دا لکھیا ہویا کلام سُنن نال پیدا ہوندااے، تے ساڈا سُننا مسیح دے کلام توں ملدا اے ۔
” ایمان سُنن نال پیدا ہوندااے۔ “اسیں اپنے دل نال ایمان رکھدے آں ۔ ساڈے دل علم لئی نیں ، جد پئی ساڈے بدن کماں لئی نیں تے ایہہ ساڈے دلاں وچ ہیگا اے پئی اسیں ایمان رکھدے آں ۔ فیر ، کیہ سانوں اپنے دلاں وچ ایمان رکھنا چاہی دا اے ، تے کویں ؟ خُدا دا کلام سُنن دے راہیں ، اسیں اوہدی خوشخبری سُن سکدے آں ، تے اوہدی خوشخبری سُنن دے راہیں اسیں ایمان رکھ سکدے آں ،تے ایمان رکھن دے راہیں اسیں مکتی یافتہ ہوسکدے آں ۔ جدوں اسیں ایمان رکھدے آں ، اسیں خُدا دے کلام دے راہیں ایمان رکھدے آں —  ایس لئی پئی اسیں خُدا دے لکھے ہوئے کلام اُتے ایمان رکھدے آں جیہڑا دعویٰ کردااے پئی مسیح نے اپنے بپتسمے نال ساڈے سارے پاپاں نوں چُک لیا ،اوہناں نوں لَے گیا ،سولی اُتے مرگیا تے فیر مویاں وچوں جیوں اُٹھیا ۔
خُدا دے کلام اُتے ایمان رکھنا اوہدی راستبازی اُتے ایمان رکھنااے ، ایس لئی ، خُدا دا کلام سُنن دےاڈ ایمان برباد تے بے فائدہ اے ۔ ایہوجیہے دعوے — مطلب اے خُدا کسے دے سُفنیاں دے راہیں ظاہر ہویا سی تے ایہہ کیتا سی —  سارے جھوٹ نیں ۔
اسیں ایمان تے صرف ایمان دے راہیں مکتی یافتہ ہوندے آں ، آؤ اسیں اک واری ہور رومیوں ۳ : ۲۴ ۔ ۲۶پڑھیے : ”پر اوہدے فضل دے سبب اوس مکتی دے راہیں جیہڑی مسیح یسوع وچ اے مفت راستباز  بنائے جاندے آں ۔ اوہنوں خُدا نےاوہد ے لہو دے سبب اک ایہو جیہا فدیہ بنایا جیہڑا ایمان  لیاؤن نال فائدہ مند ہووے تاں پئی جیہڑے پاپ پہلوں ہوگئے سَن تے جنہاں توں خُدا نے صبر کر کے طرح دتی سی اوہناں دے بارے وچ اوہ اپنی راستبازی وکھاوے ۔ سگوں ایسے ویلے اوہدی راستبازی ظاہر ہووے تاں پئی اوہ آپ وی انصاف کرن والا رہوے تے جیہڑا یسوع اُتے ایمان لیاوے اوہنوں وی راستباز بناؤن والا ہووے ۔  “ آمین ۔ ساڈا خُداوند ساڈے پاپاں لئی فدیہ بن گیا ۔ ساڈے پاپاں دے سبب ، اسیں خُدا دے ویری بن گئے ، پر یسوع نے خُدا نال ساڈا رشتہ اپنے بپتسمے ، موت تے جیوں اُٹھن نال ساڈے پاپاں لئی فدیہ بنن دے راہیں فیر قائم کیتا ۔
رومیوں ۳ : ۲۵ ۔ ۲۶دے وچکار ایہہ حوالہ اے ، ” اوہنوں خُدا نےاوہد ے لہو دے سبب اک ایہو جیہا فدیہ بنایا جیہڑا ایمان  لیاؤن نال فائدہ مند ہووے تاں پئی جیہڑے پاپ پہلوں ہوگئے سَن تے جنہاں توں خُدا نے صبر کر کے طرح دتی سی اوہناں دے بارے وچ اوہ اپنی راستبازی وکھاوے ۔ “ ایہہ حوالہ سانوں دسدااے پئی خُدا اک لمے چِر تیک صبر نال اُڈیک چُکیا سی ، تے مطلب اے اُڈیکے گا جدوں تیک قیامت دادیہاڑا نئیں آجاندا ۔ اوہ جیہڑے یسوع مسیح اتے ایمان رکھدےنیں ، اوہ جیہڑے پانی تے لہو دے سبب مکتی اُتے ایمان رکھدےنیں ، اوہ جیہڑے پُتر دی مکتی اُتے ، جیہڑا خُدا باپ دے اگے فدیہ بن گیا ایمان رکھدےنیں۔ اوہناں دے سارے پاپ خُدا اک پاسے سُٹ دا اے ۔ ’ پاپا ں نوں اک پاسے سُٹن‘ دا مطلب اے پئی خُدا اوہناں دے پاپاں نوں اک پاسے سُٹ چُکیااے جیہڑے سُن دے تے خُدا دے کلام  تے اوہدی خوشخبری اُتے ایمان رکھدےنیں، مطلب اے اصل لوک جیہڑے یسوع دے بپتسمے تے اوہدے صلیبی لہو اُتے ایمان رکھدےنیں ۔
اسیں خورے اپنی حیاتیاں وچ ویلے کویلے راہوں بھٹک سکدے آں، پر ایہہ ساڈے بدناں تے دلاں دے ماڑے ہون دے سبب  توں اے تے جنے چِر تیک اسیں یسوع دی مکتی توں مُکردے نئیں ، خُدا ایناں سارے پاپاں نوں پاپ وانگر نئیں ویکھے گا ۔ دوجے اکھراں وچ ، خُدا اوہناں دے پاپاں ول نئیں ویکھدا جیہڑے اپنے دلاں وچ یسوع مسیح دے پانی تے لہو اُتے ایمان رکھن دے راہیں مکتی یافتہ نیں ، سگوں اوہناں نوں اک پاسے سُٹ دااے ۔
فیر ، خُدا ، کیوں ساڈے پاپاں نوں اک پاسے سُٹ دا اے ؟ کویں اوہ ایہو جیہے پاپاں نوں اک پاسے سُٹ سکدا اے ، جدوں اوہ پاک تے سچا خُدا اے ؟ ایس لئی پئی مسیح ایس جگ وچ آیا تے بپتسمہ لیا ۔ ایس لئی پئی یسوع نے اپنے بپتسمے تے سولی اُتے مرن نال جگ دے سارے پاپاں نوں مکا دتا مطلب اے خُدا ساڈے پچھلیاں پاپاں نوں پچھے چھڈ دیندااے ۔ کیہ پچھلے پاپ صرف ساڈے نسلی پاپ بارے دسدے نیں ؟ نئیں ، اوہ نئیں دسدے ، ایس لئی پئی جدوں اوہ خورے ساڈے نسلی پاپ وانگر نظر آ سکدے نیں ، ساڈے شروع توں رہن والے خُدا باپ لئی ہر شے بیتے ہوئے ویلے وچ اے ۔
ہمیشگی دے نقطے مطابق، ایس جگ دا ویلا سدا بیتے ویلے وانگر دِسدااے ۔ ایہہ جگ اپنا شروع تے اخیر رکھدا اے ، پر خُدا ہمیشہ لئی اے ، تے ایس طرحاں جدوں اسیں اوہدے ویلے دی ا پنے جگ دے ویلے نال برابری کردے آں ، جگ دے سارے پاپ اوہدے اگے بیتے ہوئے ویلے وچ کیتے ہوئے پاپاں وانگر وکھالی دیندے نیں۔”جیہڑے پاپ پہلوں کیتے گئے سَن تے جنہاں توں خُدا نے صبر کر کے طرح دتی سی اوہناں دے بارے وچ اوہ اپنی راستبازی ظاہر کرے ۔ “ایس لئی خُدا ساڈے پاپاں نوں نئیں ویکھدا ۔ اِنج نئیں اے کیوں جے اوہ ساڈے پاپاں نوں ویکھن والیاں اکھاں نئیں رکھدا ، سگوں اوہ اوہناں نوں نئیں ویکھدا ایس لئی پئی اوہداپُتر یسوع مسیح ساڈے پاپاں دا مُل اُتا ر چُکیا اے ۔ ایس لئی پئی مسیح دے بپتسمے ، تے سولی اُتے مرن نے ساڈے پاپاں نوں مکایا اے ، اسیں اصل وچ خُدا دے اگے بے پاپ لوکاں وانگر ظاہر ہوندے آں ۔
کویں خُدا ساڈے پاپاں نوں ویکھ سکدا اے ، جدوں یسوع مسیح نے جنہےخُدا دی راستبازی نوں پورا کیتا اے اوہناں ساریاں نوں چھڈایا اے جیہڑے اوہدے اُتے ایمان رکھدے نیں ، مطلب اے پہلوں ای اوہناں نوں ساڈے کولوں لَے لیا سی ؟ ایس طرحاں خُدا پاپاں نوں اک پاسے سُٹن دے راہیں ہُن اپنی راستبازی ثابت کردااے جیہڑے اسیں پہلوں کیتے سَن ، مطلب اے اوہ پاپ جنہاں دا پہلوں ای یسوع مسیح دے راہیں مُل اُتاریا گیااے ۔ 
خُدا دی راستبازی اُتے ایمان مسیح دے کلام دے راہیں ملدا اے ایس لئی پئی مسیح دا کلام اپنے آپ خُدا دی اصل راستبازی وچ ہیگا اے ۔ اپنی راستبازی ثابت کرن دے راہیں ، خُدا نے نہ صرف اپنی راستبازی وکھائی ، سگوں اوہناں دی راستبازی وی جیہڑے یسوع مسیح اُتے ایمان رکھدے نیں ۔ خُدا نے سانوں ساڈے سارے پاپاں توں چھڈایا ، تے اسیں ،وی ، اپنے دلاں وچ ایمان رکھدے آں پئی یسوع ساڈے سارے پاپاں نوں  چُکیا اے ۔ ایس لئی اسیں ایس طرحاں بے پاپ تے ایس طرحاں راستباز بن گئے آں ، جدوں اسیں مسیح دی اوہو ای راستبازی پائی اے(گلتیوں ۳ : ۲۷)۔ ایس لئی  پئی دونویں خُدا تے اسیں راستبازآں ، اکٹھے اسیں سارے خنوادہ ہیگے آں، تے تُسیں تے میَں اوہدے پُتر ہیگے آں ۔ کیہ تُسیں سوہنی خوشخبری  اُتے ایمان رکھدے او؟
کیہ ایہدا مطلب ہیگا اے پئی اسیں اپنا کُجھ ذاتی رکھدے آں جیہدے اُتے اسیں فخر کرسکدے آں؟ بنا شک نئیں! ساڈے کول فخر کرن لئی کیہ ہیگااے جدوں اصل وچ ، ساڈی مکتی صرف مسیح دا کلام سُنن تے ایمان رکھن دے راہیں سوکھی ہیگی اے ؟ کیہ اسیں اپنے چنگے کماں دے سبب مکتی یافتہ ہوئے ساں ؟ فخر کرن لئی کیہ ہیگا اے ؟ ککھ نئیں ! کیہ تُسیں مکتی یافتہ ہوئے ایس لئی پئی تُسیں صبح سویرے دیاں کلیسیائی عبادتاں وچ گئے سو؟ کیہ تُسیں مکتی یافتہ ہوئے ایس لئی پئی تُسیں کدی اتواردی کلیسیائی عبادت نئیں چھڈی ؟ کیہ تُسیں مکتی یافتہ ہوئے ایس لئی پئی تُسیں دہ یکیاں دین دا وعدہ پورا کیتا سی ؟ بنا شک نئیں ۔
ایہہ سارے چنگے کم نیں ، تے چنگے کماں اُتے یاں چنگیاں کماں نال بھریاایمان غلط ایمان اے ۔ اسیں اپنےدلاں وچ صرف خُدا دی راستبازی اُتے ایمان رکھن دے راہیں اپنے پاپاں توں مکتی یافتہ ہوئے ساں ۔ ایمان سُنن نال پیدا ہوندا اے ،مکتی مسیح دے کلام اُتے ایمان نال ملدی اے۔
یسوع اُتے ایمان رکھن دے بعد وں، توبہ دیاں دعاواں دے راہیں پاپاں توں معافی پاؤن دی ہمت کرنی ، وی اک جھوٹا ایمان اے ، ایس لئی پئی کھراایمان خُدا دی راستبازی اُتے صرف ایمان د ے راہیں ملدا اے ، شریعت دے کماں دے راہیں نئیں ، جویں خُدا دا کلام آکھدااے ، ”ایس لئی پئی فخر کتھے گیا ؟ ایہدی گنجائش ای نئیں ۔ کیہڑی شریعت دے سبب؟ کیہ کماں دی شریعت نال ؟ نئیں سگوں ایمان دی شریعت نال ۔ ایس لئی اسیں نتیجہ کڈھدے آں پئی بندہ شریعت دے کماں توں اڈ ایمان دے سبب راستباز بن دا اے ۔ کیہ خُدا صرف یہودیاں داای اے ؟ اوپریاں قوماں دا نئیں؟ بنا شک اوپریاں قوماں دا وی اے ۔ “
دونواں اسرائیلیاں تے اوپریاں قوماں لئی ، مکتی اپنے دلوں سُنن تے ایمان رکھن نال ملدی اے پئی یسوع مسیح اوہناں نوں  اپنے پانی تے لہو دے نال بچاچکیا اے ۔ اسیں اپنے پاپاں توں مکتی یافتہ ہوندے آں جدوں اسیں خُدا دی راستبازی اُتے ایمان رکھدے آں ۔ جدوں اسیں ایس راستبازی اُتے ایمان رکھدےآں ، جیہڑی یسوع مسیح اے ، اسیں اپنے پاپاں توں مکتی یافتہ ہوندے آں ۔ خُدا ساڈا باپ بن جاندا اے تے اسیں اوہدے پُتر بن جاندے آں ۔ ایہہ خُدا دی راستبازی اُتے ایمان دے راہیں مسیح دے کلام نوں سُنن تے ایمان رکھن دے راہیں مکتی اے ۔ ساڈا ایمان خُدا دی راستبازی اُتے ایمان دے راہیں ملدا اے ۔
ساڈی مکتی مسیح دے کلام اُتے  ساڈے ایمان توں ملدی ای ۔فیر ، کیہ تُسیں ، ایمان رکھدے او پئی مسیح تہاڈے مکتی داتا وانگر ایس دھرتی اُتے آیا ، مطلب اے اپنے بپتسمے نال ، اوہنے خُدا دے اگے فدیہ وانگر جگ دے سارے پاپاں نوں چُک لیا ،تے مطلب اے اوہ سولی اُتے مرگیا ، تیجے دیہاڑے مویاں وچوں جیوں اُٹھیا تے خُدا باپ دے سجے ہتھ بیٹھا ہویا اے ؟ کیہ تُسیں سچ مُچ ایس مکتی اُتے ، ساڈے خُداوند یسوع مسیح دے ایس فدیہ اُتے ایمان رکھدے او؟
بوہتے لوک ہیگے نیں جیہڑے خُدا نوں اپنے سفنیاں وچ وکھالی دین لئی منگدے نیں، جیہڑے آکھدے نیں پئی اوہ ایمان رکھن گے پئی جے او ہ صرف اوہنوں اپنی بدنی اکھیاں نال اک واری ویکھ سکن ۔ کئی ایتھوں تیک پئی یسوع نوں اپنے سفنیاں وچ ویکھن دا  دعویٰ کردے نیں  ، مطلب اے اوہنے اوہناں نوں ایہو جیہے تے ایہو جیہے کم کرن لئی آکھیا ۔ ایتھے گرجا بناوو ، اوتھے دعادے گھر بناوووغیرہ ، پر کئی واری کوئی شے جیہڑی پیسے منگدی اے تے ایہو جیہے جھوٹیاں دعویاں دے راہیں دھوکہ کھاندی پئی اے ، بوہت سارے باغی تے راہوں بھٹک جاندے نیں ۔ ایس مسیحی دُنیا وچ بوہت سارے دکھی واقعے ہیگے نیں ۔ تہانوں لازمی طور اُتے احساس کرنا چاہی دا اے پئی سارے ساڈے خُداوند دے کم نئیں ہیگے، سگوں خاص کر کے شیطانی کم ہیگے نیں۔
جے کسے ویلے ،تسیں یسوع نوں اپنے سُفنے وچ ویکھدے او، ایہدے بارے بوہتا نہ سوچو ۔ سفنے تاں صرف سفنے نیں ۔ یسوع ایہو جیہا نئیں ہیگا اےجیہڑا تہاڈے اگے ایہو جیہے کماں وچ وکھالی دیوے گا – ورنہ ، پاک کتاب دی کوئی لوڑنئیں ہووےگی ۔ جے یسوع ایتھوں تیک پئی  بھاویں اک واری  ساڈے اگے وکھالی دیندااے ، فیر سانوں لازمی طور اُتے پاک کتاب بند کرنی چاہی دی اے ۔ ایس لئی پئی اوہدی ہوربوہتی لوڑ نئیں ہیگی اے ۔ پر ایہہ مسیح دے مکتی دے کم اُتے بربادکرن والا اثر کرےگا ۔
جے اسیں پاک کتاب توں اڈ یسوع اُتے ایمان رکھناسی ، اوہنوں ساریاں دے اگے ظاہر ہونا ہووےگا ۔ پر اوہنوں کوئی لوڑ نئیں ہیگی اے، ایس لئی پئی ساڈا خُدا پہلوں ای مکتی دیاں ساریاں شرطاں پوریاں کر چُکیا اے ۔ ایس لئی پئی ایمان مسیح دے کلام نوں سُنن تے ایمان رکھن نال ملدا اے ۔ فیر کیہ سارے لوک ، یسوع مسیح دا کلام سُن چُکے نیں ؟ اوہ خورے یسوع مسیح دا نام سُن چُکے نیں ، پر اوہناں وچوں ساریاں نیں کھری خوشخبری نئیں سُنی۔ ایس لئی پولُس نے پُچھیا، ”تے منادی کرن والے دے اڈ کویں سُنن؟ “
ایس لئی سانوں لازمی طور اُتے ایس خوشخبری دی منادی کرنی چاہی دی اے جیہڑی خُدا دی راستبازی وچ ہیگی اے ۔ پر کیہدے نال تے کویں ؟ کیہڑے طریقے نال یاں کویں خوشخبری دی منادی کیتی جاندی اے خاص نئیں اے؛ خوشخبری نوں ودھاؤن دے سارے طریقے ،بولے گئے اکھراں دے راہیں یاں چھاپیاں گئیاں کتاباں ، ورتیاں جانیاں چاہی دیاں نیں ۔ایمان سُنن نال پیدا ہوندااے تے سُننا مسیح دے کلا م توں ۔ چھاپیاں گئیاں کتاباں توں خوشخبری دی منادی کرن والے ، وی ، پڑھن والیاں دے کھرے ایمان لئی اگوائی کر سکدے نیں ۔ طریقہ توں ہٹ کے ، تہانوں لازمی یاد رکھنا چاہی دا اے پئی ایمان صرف سُنن نال پیدا ہوندااے، تے سُننا صرف خوشخبری دی منادی کرن دے راہیں سوکھا اے ۔
جے تُسیں سچ مُچ اپنے دل وچ خُدا دے کلام اُتے ایمان رکھدے او ، فیر تہانوں پتہ لگے گا پئی تُسیں اک کھرے مسیحی ہیگے او ۔ میَں آس رکھدا تے دعامنگداہاں پئی تُسیں ایہنوں جانو؛ مطلب تُسیں اپنے پاپاں توں مکتی پائی اے ۔ میَں ایہہ وی آس رکھدا تے دعامنگداہاں پئی تُسیں پیار نال پانی تے رُوح دے کلام نوں قائم رکھو گے ۔ فیر آؤ اسیں رومیوں ۱۰ : ۱۷ رَل کے پڑھن دے راہیں اپنی گل بات دا نتیجہ کڈھیے ۔
”پس ایمان سُنن نال پیدا ہوندااے تے سُننا مسیح دے کلا م توں ۔ “ آمین۔اوہ جیہڑے اپنے دلاں وچ خُدا دے ایس لکھے ہوئے کلام نوں سُنن دے راہیں ایمان رکھدے نیں اوہ نیں جیہڑے کھرا ایمان رکھدے نیں ۔ کیہ تُسیں ایہہ کھرا ایمان رکھدے او ؟ ساڈا خُداوند سانوں ساڈے سارے پاپاں توں چھڈا چُکیا اے ۔
اسیں بوہت شکرگزار تے خوش ہیگے آں پئی خُداوند نے ساڈے سارے پاپاں نوں مکا دتا اے ! خوشخبری دے اڈ ، لوک سدا بے حوصلہ ہوندے نیں، پر صرف سُنن دے راہیں پئی  یسوع نے اپنے بپتسمے نال ساڈے سارے پاپاں نوں چُک لیا ، ساڈے دل خوشی نال بھر سکدے نیں تے ساڈا ایمان ودھنا شروع ہو سکدا اے ۔
میَں خُداوند دا سانوں بچاؤن لئی شکر ادا کردا ہاں ۔