Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.
Berdoalah agar pandemi ini segera berakhir dan dimulainya kembali layanan pos.
مضمون 3: پانی تے رُوح دی خوشخبری
[3-6] اصل رُوحانی ختنہ <خروج ۱۲: ۴۳ ۔۴۹>
>خروج ۱۲: ۴۳ ۔۴۹>
” فیر خُداوند نے موسیٰ تے ہارون نوں آکھیا پئی فسح دی رِیت ایہہ ہیگی اے پئی کوئی اوپرا اوہنوں نہ کھاوے ۔پر جے کوئی بندہ کسے دا مُل خریدیا نوکر ہووے تے تُوں اوہداختنہ کر دتا ہووے تو اوہ اوہنوں کھاوے ۔پر اوپرا ،تے دیہاڈی دار اوہنوں نہ کھاوے ۔تے اوہنوں اِک ای مکان وچ کھان یعنی اوہدا بھورا وی گوشت توں مکان توں باہر نہ لے جاویں تے نہ تسیں اوہدی کوئی ہڈی توڑنا ۔اِسرائیل دی ساری ٹولی ایہدے اُتے عمل کرے۔ تے جے کوئی اوپرا ،تیرے نال رہندا ہووے تے خُداوند دی فسح نُوں مننا چاہندا ہووے تےاوہدے کول جنے وی بندے نیں سارے اپنا ختنہ کراؤن ۔فیر اوہ کول آکے فسح کرے۔ایس طرحاں اوہ اِنج دا سمجھیا جاوے گا جویں اوہ اوسے ملک وِچ جمیااے پرکوئی ختنے تو ں اَڈ بندہ اوہنوں نہ کھاوے ۔ دیسی تے اوس اوپرے لئی جیہڑا تُہاڈے کول رہندا ہووے اِکو ای شریعت ہووےگی ۔“
پُرانے عہد نامے وچ خُدا دے پُتر بنن لئی اِسرائیلیاں لئی ضروری شرط کیہ ہیگی سی؟
اوہناں نوں ختنہ کروانا سی۔
خُدا دا کلام دونویں پُرانےعہد نامےتےنویں عہد نامے وچ خاص ہیگا اے تے ساڈے وچوں اوہناں اُتے جیہڑے خُدا اُتے ایمان رکھدے نیں ،بڑے مُل دا اے ۔ ایس ایتھوں تیک پئی اوہناں اَکھراں دے اک جملے داوی گھاٹا نئیں کر سکدے کیوں جے خُدا دا کلام حیاتی دا اکلا م ہیگا اے۔
اج دا حوالہ سانُوں دَسدا پئی کوئی وی جیہڑا فسح مناؤنا چاہندا اے ،اوہنے پہلے ختنہ کروانا چاہی دااے ۔ سانوں وجہ دے بارے وچ سوچنا چاہی دااے ،خُدا سانوں کیوں ایہہ دَسدا اے ۔ جدوں تیک کسے دا ختنہ نہ ہووے ،اوہ فسح نہیں منا سکدا ۔
جے اسیں یسوع اُتے ایمان رکھدے آں ،سانوں ایہہ آکھا دین لئی خُدا دے مقصد نوں جاننا
چاہی دااے ۔ ختنہ کسے بندے دی کھلڑی نُوں وڈنا اے ۔ کیوں خُدا نے ابرہام تے اوہدی پیڑھی نُوں ختنہ کراؤن لئی آکھیا ؟ وجہ ایہہ ہیگی اے پئی اوہنے وعدہ کیتا پئی صرف اوہ جیہڑے اپنے پاپاں نُوں ” وڈدے “ نیں ،اوہدے لوک بنن گے ۔
ایہو ای وجہ اے پئی اوہ پُرانے عہدنامے وچ اِسرائیل دے لوکاں نوں ختنہ کراؤن لئی آکھدااے ۔ خُدا دے لوک بنن لئی ، اِسرائیل دے لوکاں نُوں ختنہ کراؤنا پیندا سی ۔ایہہ اوہدا پاکیزگی دے بنیادی حق لئی ،حکم سی تے اوہ اوہناں دا خُدا بن گیا ،جنہاں نے ختنہ دے راہیں اپنے ایمان دے نال اپنے پاپاں نُوں وِکھ کیتا سی ۔ اگانہہ ہور ، نئے عہد نامے وچ اوہ اوہناں دا اخُدا بن دا اے جیہڑے ایمان دے نال پاپ نُوں وڈدے نیں۔
فسح
فسح کیہ سی ؟
ایہہ اِسرائیلیاں لئی مصر توں نکلن دی یادگاری تے خُدا دی شکرگزاری دین دا دن سی ۔
اِسرائیل دے لوکاں لئی بڑا خاص دن پاک دن فسح سی ۔ ایہہ مصر توں نکلن دی یادگاری تے خُدا دی شکرگزاری دا دن سی ، جتھے اِسرائیلی ۴۰۰ ورہیاں تیک نوکراں وانگر رہ چُکے سن ۔ خُدا فرعون دےپتھر دل نوں ہلاؤن لئی ۱۰ آفتاں گھل چُکیا سی۔ ایہہ ایس طریقے دے راہیں ہویا سی پئی اوہنے اِسرائیل دے لوکاں دی مصر توں باہر کڈھن تے کنعان دی دھرتی وَل اَگوائی کیتی سی ۔
اِسرائیل دے لوک ، پہلے بچے دی موت ، مطلب اے ، اخیری آفت توں ،چڑھاوے دے میمنے دے لہو تے ختنہ دے راہیں بچ گئے سن۔ ایس لئی ، خُدا نے اوہناں نُوں اوہناں دیاں ساریاں پیڑھیاں تیک اپنے فضل دی اک یاد گاری دے وانگر فسح مناؤن داحکم دِتا ۔
فسح مناؤن دے سلسلے وِچ اِسرائیلیاں نیں کیہ کرنا سی ؟
فسح مناؤن دے سلسلے وِچ اِسرائیلیاں نیں کیہ کرنا سی ؟
اوہنا ں نیں ختنہ کراؤنا سی ۔
سانُوں سمجھنا اے پئی رُوحانی طور اُتے فسح مناؤن دے سلسلے وِچ ،سانوں اپنے دلاں دا ختنہ کراؤنا اے۔ ایتھوں تیک پئی اِسرائیل دے لوکاں نُوں فسح مناؤن لئی ختنہ کراؤنا پینداسی ۔
خروج ۱۲ : ۴۳ ۔ ۴۹ وچ لکھیا ہویا اے ،” فسح دی رِیت ایہہ ہیگی اے پئی کوئی اوپرا اوہنوں نہ کھاوے ۔پر جے کوئی بندہ کسے دا مُل خریدیا نوکر ہووے تے تُوں اوہداختنہ کر دتا ہووے تو اوہ اوہنوں کھاوے ۔پر اوپرا ،تے دیہاڈی دار اوہنوں نہ کھاوے ۔تے اوہنوں اِک ای مکان وچ کھان یعنی اوہدا بھورا وی گوشت توں مکان توں باہر نہ لے جاویں تے نہ تسیں اوہدی کوئی ہڈی توڑنا ۔اِسرائیل دی ساری ٹولی ایہدے اُتے عمل کرے۔ تے جے کوئی اوپرا ،تیرے نال رہندا ہووے تے خُداوند دی فسح نُوں مننا چاہندا ہووے تےاوہدے کول جنے وی بندے نیں سارے اپنا ختنہ کراؤن ۔فیر اوہ کول آکے فسح کرے۔ایس طرحاں اوہ اِنج دا سمجھیا جاوے گا جویں اوہ اوسے ملک وِچ جمیا اے پرکوئی ختنے تو ں اَڈ بندہ اوہنوں نہ کھاوے ۔ دیسی تے اوس اوپرے لئی جیہڑا تُہاڈے کول رہندا ہووے اِکو ای شریعت ہووےگی ۔ “ ایس طرحاں اوہنے ختنہ کراؤن دے بعد اِسرائیلیاں نُوں فسح مناؤن دا حکم دِتا ۔
فسح دے میمنے دا گوشت کھان تے فسح مناؤن دی اجازت کیہڑیاں لوکاں نُوں سی ؟صرف اوہ جنہاں دا ختنہ ہو گیا سی فسح مناسکدے سن۔
فسح دا میمنا ،جویں سانوں پتہ اے ،یسوع مسیح ہیگا اے جنہے جگ دے پاپاں نُوں چُکیا ۔
فیر، پُرانے عہدنامے تے نویں عہد نامے وچ ختنہ کیہ ہیگا اے؟ ختنے دامطلب کھلڑی نوں وڈنا اے ۔ ایس جگ وچ اوہدے جمن دے ۸ دن بعد یسوع مسیح داوی ختنہ کیتاگیا ۔ خُدا حکم دے چُکیا سی پئی اوہ سارے جیہڑے فسح وچ شامل ہوندےسن ، اوہناں نوں ختنہ کراؤنا پینداسی ۔ تے ایس طرحاں ساری گل
نوں کھولیا پئی کوئی وی جیہدا ختنہ نئیں ہویا کدی وی فسح وچ شامل نئیں ہو سکدا سی ۔
ایس لئی، ہر کسے نوں ختنہ کراؤنا سی ۔ جویں خُدا نے اینوں خاص کیتا سی ۔ جے تسیں یسوع اُتے ایمان رکھدے او، تہانوں نویں عہد نامے وچ ختنے دے مطلب نوُں سمجھنا چاہی دااے ۔
ختنہ دی رِیت کی سی جنہوں ادا کرن دا حکم خُدا نے ابرہام نُوں دِتاسی؟
ابرہام تے اوہدی پیڑھی کویں خُدا دے پُتر بن سکدے سن؟
ختنہ کراؤن دے راہیں
پیدائش دی کتاب وچ خُدا نےابرہام نوں وکھالی دِتی تے اوہدے تے اوہدی پیڑھی نال اپنا عہد بنھیا۔ ۱۵ باب وچ ،خُدا نے وعدہ کیتا پئی ابرہام دی پیڑھی اَسمان دے تاریاں وانگر ودھے گی پئی تے اوہ اوہناں نوں کنعان دی دھرتی دا مالک بناوے گا۔
تے ۱۷ باب وچ اوہنے ابرہام نوں دسیا پئی جے اوہ تے اوہدی پیڑھی اوہدے عہد اُتے قائم رہوے تے ختنہ کروائے ،اوہ اوہناں دا خُدا ہووے گا تے اوہ اوہدے لوک بن جان گے ۔ ایہہ خُدا دا ابرہام تے اوہدی پیڑھی نال عہد سی ۔ خُدا نے وعدہ کیتا پئی جدوں اوہناں نے عہد اُتے ایمان رکھیا تے ختنہ کروایا، ایہدا مطلب ایہہ سی پئی اوہ اوہدے لوک بن گئےسن ،تے بِناں شک اوہ اوہناں دا خُدا بن گیا ہووےگا۔
پیدائش ۱۷ : ۷ ۔۸ آکھدی اے ، ”تے میَں اپنے تے تیرے وچکار تے تیرے بعد تیری پیڑھی دے وچکار اوہناں دیاں ساریاں پیڑھیاں لئی اپنا عہد جیہڑا ہمیش دا عہد ہووےگا بنھاں گا تاں پئی میَں تیرا تے تیرے بعدتیری پیڑھی دا خُدا رہواں ۔ تے میَں تینوں تے تیرے بعد تیری پیڑھی نُوں کنعان دا سارا ملک جیہدے وچ تُوں پردیسی ہیگا ایں،اِنج دیواں گا پئی توں اوہدا ہمیشہ لئی مالک ہو جاویں گا۔تے میَں اوہناں دا خُداہوواں گا۔ “
ختنہ ابرہام تے اوہدی پیڑھی نال خُدا دے عہد دا نشان سی ۔
رُوحانی ختنے دے طریقے دا کیہ مطلب اے؟
رُوحانی ختنہ کیہ اے ؟
ایہہ یسوع دے بپتسمہ اُتے ایمان رکھن دے راہیں اپنے دلاں وچوں سارے پاپاں نُوں وڈنا اے
کیوں جے ابرہام نے خُدا دے کلام اُتے ایمان رکھیا ،خُدا نے اوہنوں راستباز بنایا تے اپنا پُتر بنایا۔ ایہہ ختنہ سی جیہڑا خُدا تے ابرہام دے وچکار عہد دا نشان سی ۔
”تے میرا عہد جیہڑا میرے تے تیرے وچکار تے تیرے بعد تیری پیڑھی دے وچکار ہیگا اے تے جنہوں تسیں منو گے اوہ ایہہ ہیگا ہے پئی تہاڈے وچوں ہر کسے نَر پُتر دا ختنہ کیتا جاوےگا۔“ (پیدائش ۱۷ : ۱۰)۔
جسمانی ختنہ دامطلب کھلڑی دا وڈیا جانا اے : روحانی طور اُتے، ایہہ ساڈے سارے پاپاں نُوں اوہدے بپتسمہ اُتے ساڈے ایمان دے راہیں یسوع اُتے لدن نُوں وی ظاہر کردااے ۔ ساڈا رُوحانی طور اُتے ختنہ ہوندااے جدوں اسیں یسوع دے بپتسمہ دی مکتی نوں من لین دے راہیں اپنے سارے پاپاں نُوں وڈدے آں ۔ نویں عہد نامے وچ ختنہ یسوع دے بپتسمہ دے راہیں ساریاں پاپاں نُوں وڈنا اے ۔
ایس لئی پُرانے عہد نامے وچ ختنہ نویں عہد نامے وچ یسوع دابپتسمہ اے ، تے دونویں خُدا دے وعدے ہیگے نیں ۔ جیہڑے سانوں اوہدے لوک دسدے نیں ۔ ایس لئی پُرانے عہد نامے وچ ختنہ تے نویں عہد نامے وچ یسوع دابپتسمہ اِکو ای تے اِکو ای ورگے ہیگے نیں ۔
بالکل جویں ابرہام دی پیڑھی خُدادے لوک بن گئے سن جدوں اوہناں نیں اپنیاں کھڑیاں نُوں وڈیا، اسیں خُدا دے پُتر بن جاندے آں جدوں اسیں اپنے دلاں وچوں سارے پاپاں نُوں وڈدے آں ۔ ایس ایہہ ایمان رکھن دے راہیں کردے آں پئی دنیا وچ کوئی پاپ نئیں ہیگا اے کیوں جے یسوع نے
سارے پاپاں نوں چُک لیا جدوں اوہنے یوحنااصطباغی کولوں بپتسمہ لیا۔
یسوع دابپتسمہ سارے پاپیاں نوں اوہناں دے پاپ وڈن دے راہیں راستباز بناؤندااے ۔بالکل جویں ختنہ دے کم وچ کھلڑی دا اِک ٹوٹا لایا جانداسی ،ایس طرحاں لوکاں دے دلاں وچوں انسانی پیڑھی دے پاپ وڈھے گئے جدوں یردن اُتے یسوع نے یوحنا اصطباغی کولوں بپتسمہ لیا۔ اوہ جیہڑے اوہدے اُتے ایمان رکھدے نیں ،روحانی طور اُتے ختنہ کرواسکدے نیں تے خُدا دے لوک یعنی راستباز بن سکدے نیں ۔
نقلی ایمان جیہڑا لوکاں نُوں خُدا توں وڈ دیندااے
کیہڑی شے نے اِسرائیلیاں نوں خُدا توں وڈ دِتا سی ؟
ختنہ نہ کراؤن نے
خُدا نے ابرہام نوں آکھیا پئی ہر ختنہ دے اَڈ بندے نوں لوکاں وچوں وڈ دے ۔فیر، ختنہ کیہ اے؟ تے رُوحانی ختنہ کیہ اے ؟ جے ختنہ جثے دے اک حصے توں پنڈے دی کھل دا اک نکا ٹوٹا وڈنا اے ،فیر روحانی ختنہ ساڈے دلاں وچوں سارے پاپاں نُوں وڈنا تے اوہناں نُوں بپتسمہ دے راہیں یسوع اُتے لدنا اے ۔
یسوع دا بپتسمہ انسانی پیڑھی دا روحانی ختنہ ہیگا اے ، جیہدے راہیں جگ دے سارے پاپ ساڈے توں وڈھے گئے تے یسوع اُتے لددِتے گئے سن۔ یسوع دے یوحنا اصطباغی کولوں بپتسمہ لین دی وجہ توں ساری انسانی پیڑھی نوں روحانی ختنہ دے راہیں مکتی دتی گئی سی ۔ جیہدے راہیں سارے پاپ چُکے گئے سن۔
انسانی پیڑھی دے سارے پاپ یسوع اُتے لد دِتے گئے سن ۔ خُدا ، ابرہام دا خُدا ،اضحاق دا خُدا،یعقوب دا خُدا،تے اوہناں دی ساری پیڑھی دا خُدا بن کے ، ابرہام تے اوہدی پیڑھی نال اک وعدہ کر چُکیا سی تے نالے اوہناں دیاں کھلڑیاں وڈ چُکیا سی ۔ ایس طرح ،اوہ اوہناں ساریاں دا خُدا ،مکتی داتا بن گیا جیہڑےختنہ دے راہیں اپنے پاپاں نُوں وڈدے نیں۔
ختنہ کیہ اےجیہڑا پاپاں نُوں وڈدااے ؟ ایہہ خُدا داابرہام دے نال تے اوہناں ساریا ں دے نال جیہڑے یسوع دے بپتسمہ تے اوہدی سولی اُتے اپنی مکتی دے طور اُتے ایمان رکھن دے راہیں نویں سریوں جم پیندے نیں ،وعدہ ہیگااے ۔ ایس طرحاں ، اوہنے سانوں اپنے لوک بنن دا حق دِتا ۔ ایس طرحاں اوہ اوہناں دا خُدا ہیگا اے جنہاں دا ختنہ ہوگیا اے ۔
خُدا نے ابرہام نوں آکھیا ، ” تہاڈے وچ پیڑھی او پیڑھی ہر مُنڈے دا ختنہ جدوں اوہ اَٹھاں دناں داہووے ، کیتا جاوے۔ بھانویں اوہ گھر وچ جمیا ہووے بھانویں اوہنوں کسے پردیسی کولوں مُل خریدیا ہووے جیہڑا تیری پیڑھی وچوں نئیں ہیگا۔ لازمی اے پئی تیرے گھر دے لوک تے تیرے مُل خریدے دا ختنہ کیتاجاوے تے میرا وعدہ تہاڈے بدناں وچ ہمیشہ دا وعدہ ہووے گا۔ تے اوہ نَر پُتر جیہداختنہ نہ ہویاہووے اپنے لوکاں وچوں وڈیا جاوے گا کیوں جے اوہنے میرا وعدہ توڑیا ۔ “ (پیدائش ۱۷ : ۱۲ ۔ ۱۴)۔
کوئی وی جیہڑاروحانی ختنہ دے اَڈ یسوع کول آؤن دی کوشش کردااے اپنے لوکاں وچوں وڈیا جاندااے ۔نویں عہد نامے وچ روحانی یسوع دا بپتسمہ اے ،جیہدے راہیں جگ دے سارے پاپ اوہدے اُتے لد دِتے گئے سن ۔
جیہڑا وی یسوع اُتے ایمان رکھدااے اوہنوں پُرانے عہد نامے دے ختنہ تے نویں عہد نامے وچ یسوع د ےبپتسمہ اُتے وی ایمان رکھنا چاہی دااے ،تاں جے پاک رُوح نُوں پا سکے ،ساریاں پاپاں توں مکتی پا سکے ، تے خُدا دا پُتر بن سکے۔ ساڈے لئی جیہڑے یسوع اُتے ایمان رکھدے نیں پرانے عہد نامے وچ ختنہ تے نوں عہد نامے وچ یسوع دا بپتسمہ اِکو جیہے نیں۔
جے اسیں ختنہ دا اصل مطلب سمجھ نئیں سکدے یا روحانی ختنہ دے راہیں اپنے دلاں وچ مکتی نُوں من نئیں سکدے جیہڑی سانوں نویں سریوں جمن دی اجازت دیندی اے ،ساڈے ایمان دا کوئی فائدہ نئیں ہووےگا ۔اسیں خورے سوچ سکدے آں ،اسیں خُدا دا آکھا من دے آں ،پر ایہہ ایس طرحاں ہووے گا جویں اپنے ایمان داگھر ریت اُتے بنایا اے ۔
خُدا اوہناں ساریاں نُوں جیہڑے اوہدے اُتے ایمان رکھدے نیں ختنہ کراؤن لئی آکھدااے ، یسوع دےبپتسمہ ،روحانی ختنہ دے راہیں پاپاں دی معافی اُتے ایمان رکھیے ۔ ختنہ دے اَڈ اسیں اوہدے لوک نئیں بن سکدے آں ۔ ختنہ دے اَڈ ،اسیں اوہدے لوکاں دی عزت والی تھاں وچوں کڈ ھ دِتے جاندے آں ۔ایس لئی خُدا نے مقرر کیتا پئی کوئی وی ،بھانویں اوہ پیسیاں نال خریدیا گیا سی یا اک اوپرا سی ، فسح دی دعوت وچ حصہ لین توں پہلاں اوہدا ختنہ کرنا ضروری سی۔
ایتھوں تیک پئی اِسرائیل دی پیڑھی دے جمے ہوئے نوں لوکاں وچوں وڈ دِتا جانداسی جے اوہدا ختنہ نئیں کیتاجانداسی ۔ اِسرائیل دے لوکاں دے نال خُدا دا وعدہ اوہناں ساریاں اُتے وی لاگُو ہونا چاہی دااے جیہڑے یسوع اُتے ایمان رکھدے نیں ۔
خروج ۱۲ باب وچ،اِسرائیل دے لوک جنہاں نے فسح دا گوشت تے کوڑیاں سبزیاں کھان توں پہلاں ختنہ کراؤنا پینداسی ۔ فسح دا گوشت کھان دا حق صرف اوہناں نوں دِتا جانداسی جنہاں دا ختنہ ہوگیا سی ۔
ایہہ سانوں جانن دی لوڑ ہیگی اے پئی جدوں اِسرائیل دے لوکاں نے فسح دا گوشت کھاہداتے میمنے دا لہو بوہیاں دیاں پلیاں تے اپنے گھراں دیاں چوکھاٹاں اُتے لایا ،اوہ پہلوں ای ختنہ کروا چُکے سن۔
خُدا دے آکھن دے مطابق ، جے کسے بندے دا ختنہ نئیں ہونداسی ،اوہ اپنے لوکوں وچوں وڈیا جاندا تے خُدا داپُتر ہون دا حق کھوالینداسی ۔ ایہدا مطلب اے روحانی ختنہ اُتے ایمان نہ رکھن دا پاپ موت ول ٹور دیندااے ۔صرف اوہ جیہڑے یسوع دےبپتسمہ دے راہیں روحانی طور اُتے ختنہ کرواچُکے نیں ،مکتی یافتہ ہو سکدے نیں۔
”تے اوسے پانی ورگا وی مطلب بپتسمہ ،یسوع مسیح دے جی اُٹھن دے راہیں ہُن تہانوں بچاؤندا اے ۔ “ (۱۔پطرس ۳ : ۲۱)۔کیہ تسیں سچ مُچ ایمان رکھدے او پئی یردن اُتے اوہدے بپتسمہ دے راہیں تہاڈے سارے پاپ یسوع اُتے لد دتے گئے نیں؟جے تسیں سچ مُچ سمجھدے تے حق اُتے ایمان رکھدے او مطلب اے یسوع دےبپتسمہ تے اوہدے لہو اُتے ، تسیں احساس کرو گے پئی تہاڈا روحانی طور اُتے ختنہ ہوگیااے تے تسیں اک راستباز بن گئے او ۔تے تسیں روحانی سچ اُتے وی ایمان رکھو گے پئی سولی اُتے یسوع دا لہو اوہدے بپتسمہ دے اَڈ بے مطلب ہووےگا۔
جے تہانوں یسوع دے بپتسمہ اُتے ایمان دے راہیں روحانی طور اُتے ختنہ کراؤن دے اَڈ یسوع دی سولی اُتے رکھنا سی ، تسیں اپنے آپ نوں خُدا دے فضل توں باہر کڈھیا ہویا پاووگے ۔ تسیں ہن تیک اپنے دل وچ پاپ نوں پاووگے ۔
سانوں حق اُتے ایمان رکھنا اے پئی خُدادی پاپاں دی معافی یسوع مسیح دے بپتسمہ دے نال
دسی گئی اے تے سولی اُتے اوہدے لہو نال پوری ہوئی سی ۔ اِنج کرن لئی ،سانوں حق دے کلام ، یسوع دے بپتسمہ تے اوہدے لہو نوں اپنی مکتی دے طوراُتے اپنے دلاں وچ لینااے ۔
ایس ایمان نال اسیں ہنیرے دی طاقت توں چھُٹ سکدے آں تے نُور دے پُتر بن سکدے آں ۔ ایہہ ایمان روحانی طور اُتے اوہناں نُوں جیہڑے سچ مُچ نویں سریوں جم پئے نیں ،عام ایمانداراں دے رُتبے توں وَکھ کردااے ۔
ساڈاخُداوند یسوع ،سانوں اوہدے نال رَل کے رہن لئی آکھدااے ۔اوہ پہلاں ای اپنے بپتسمہ تے لہو دے نال جگ دے پاپاں نُوں دھو چُکیا اے ۔ایس لئی ، خُدا دے لوک ہون دے نشان نُوں رکھن لئی ،سانوں یسوع دے بپتسمہ اُتے ایمان رکھنا اے ۔ جے اسیں اِنج کرن وچ ناکام ہو جاندے آں ،اسیں اوہدے توں وڈ دِتے جاواں گے ۔
پاپاں دی معافی دی مکتی نویں عہد نامے وچ یسوع دے بپتسمہ تے پُرانے عہد نامےوچ ختنے توں اَڈ کوئی دوجی نہیں ہیگی اے ۔ مکتی صرف اوس ویلے پوری ہوندی اے جدوں اسیں دوواں یسوع دے بپتسمہ(روحانی ختنہ)تے اوہدے صلیبی لہو اُتے (فسح دے میمنے دے لہواُتے )ایمان رکھدے آں ۔
پُرانے عہد نامے وچ بدن دا ختنہ نویں عہد نامے وچ یسوع مسیح دے بپتسمہ نال مِلیا ہوندااے ۔ یسعیاہ ۳۴ : ۱۶ سانوں دسدااے پئی ساری پاک کتاب دیاں ساریاں گلاں اپنے جوڑے رکھدیاں نیں۔ ” تسیں خُداوند دی کتاب وچوں لبھو تے پڑھو۔ایناں وچوں اک وی گھٹ نہ ہووے گا تے کوئی جوڑیوں اَڈ نہ ہووےگا کیوں جے میرےمونہوں ایہوای حکم نکلیا اے تے اوہدی رُوح نے ایناں نُوں اکٹھیاں کیتا اے ۔ “
پُرانے عہد نامےوچ ہر اَکھر نویں عہد نامے دے نال جُڑیا ہویا اے ۔ خُدادا اک اَکھر وی اپنے ساتھی نُوں نئیں گواؤندا۔
اوہناں دے بارے وچ کیہ اے جیہڑے عقل دے گھاٹے دی وجہ توں اک غلط معاملے اُتے ایمان رکھدے نیں ؟
جگ دے سارے ایمانداراں وچوں کیہڑے دوزخ وچ جان گے؟
اوہ جیہڑے روحانی ختنے اُتے ایمان نئیں رکھدے ہیگے۔
اَج بوہت سارے ہیگے نیں جیہڑے صرف فسح دے میمنے دے لہو اُتے ایمان رکھدے نیں ۔ اوہ پُچھدے نیں ، ” تہاڈاختنے توں کیہ مطلب ہیگااے؟ایہہ صرف پُرانے عہد نامے دے دِناں وچ یہودیاں اُتے لاگُو ہونداسی ۔ سانوں نویں عہد نامے دے دِناں وچ اپنی کھلڑی نوں وڈن دی لوڑ نہیں ہیگی اے۔“
بِناں شک ایہہ سچ اے ۔ میَں ایہہ مشورہ نئیں دیندا پئی سانوں بدنی طور اُتے ختنہ کراؤنا چاہی دا اے ۔ پولُس رسول نے بڑی صفائی نال رُوحانی ختنے اُتے گل کیتی اے ،تے ایہہ دل دا ختنہ اے جیہدا میَں ہُنے حوالہ دیندا پیا واں ۔
میَں تہانُوں بدنی طوراُتے ختنہ کراؤن لئی نئیں آکھدا ۔بدن دا ختنہ ساڈے اگے فضول ہیگا اے ۔ پر سانوں یسوع کول آؤنا اے تے اپنے بدن نُوں پاپاں توں مکتی یافتہ ہون دے بارے وچ یسوع دے بپتسمہ اُتے ایمان رکھن دے راہیں روحانی طوراُتے ختنہ کراؤنااے ۔
کسے نُوں نویں سریوں جمن دے سلسلے وچ، اوہنوں روحانی طوراُتے ختنہ کراؤنااے ۔ جیہڑا وی یسوع اُتے ایمان رکھدا اے ،اوہنوں روحانی طور اُتے ختنہ کراؤنا اے ۔ ایہہ ساڈے سارے پاپاں نُوں وڈن دا کلا رستہ ہیگا اے ، مطلب اے،راستباز بنن دا کلا رستہ ہیگااے ۔ صرف ساڈے روحانی ختنے دے بعد اسیں کامل طور اُتے پاپ توں اَڈ ہیگے آں ۔ ایس لئی سانوں یسوع دے بپتسمہ اُتے ایمان رکھن دے راہیں اپنے دلاں وچ روحانی ختنے نوں مننا چاہی دااے ۔
پولُس رسول نے وی روحانی ختنے دی لوڑ اُتے ایمان رکھیا ۔ اوہنے آکھیا ، ” ختنہ اوہو ای اے
جیہڑا دلوں تے روحانی اے نہ پئی اَکھری طور اُتے۔ “ (رومیوں ۲ : ۲۹)ساڈے وچوں ہر کسے نوں پاپ توں چھُٹن لئی روحانی طور اُتے ختنہ کراؤنا اے ۔
کیہ تہاڈے پاپ سچ مُچ تہاڈے توں وڈے جان دے بعد یسوع اُتے لدے گئے نیں ؟ ایتھوں تیک پئی نویں عہد نامے وچ، جیہڑا وی یسوع اُتے ایمان رکھدا اے اوہنوں یسوع دے بپتسمہ اُتے ایمان رکھن دے راہیں اپنے دل دا ختنہ کراؤنا اے ۔
پولُس رسول نے ایہدے اُتے اپنے خط وچ کھُل کے گل کیتی اے ۔ خُدا نے ساری انسانی پیڑھی نُوں جگ دے پاپاں توں مکتی دِتی ،اوہناں نوں اپنے لوک بنایا ۔اِسرائیل دے لوک اپنی کھلڑیاں نُوں وڈن دے راہیں خُدادے لوک بن دے نیں تے اسیں اوہدے پُتر بن دے آں جدوں اسیں اوہدے بپتسمہ اُتے ایمان رکھن دے راہیں اپنے سارے پاپاں نُوں یسوع اُتے لد دیندے آں ۔
خُداسانوں اپنے لوکاں وانگر قبول کردااے جدوں اوہ ساڈے ایمان نوں یسوع دے بپتسمہ تے اوہدے صلیبی لہو اُتے ویکھدااے ۔ ایہہ ایمان ساڈا روحانی طوراُتے ختنہ کراؤندااے تے ساڈی مکتی لئی ساڈی اَگوائی کردااے ۔
پاپیاں لئی مکتی یسوع دے بپتسمہ تے اوہدے لہو دے راہیں ہیگی اے
یسوع دے راہیں مکتی کویں پوری ہوئی سی ؟
اوہدے بپتسمہ تے صلیبی موت دے راہیں
یسوع مسیح دی مکتی جیہڑی اوہدےپانی دے بپتسمہ تے سولی اُتے اوہدے لہودےراہیں پوری ہوئی پاپیاں لئی ہیگی اے ۔ میمنے دا لہو عدالت سی تے یسوع دابپتسمہ روحانی ختنہ سی جنہے ساڈے سارے پاپاں نُوں اوہدے اُتے لددِتاسی ۔
اَج مسیحی کلیسیاواں نوں روحانی ختنہ دے ایس خیال اُتے روشنی نئیں پاؤنی چاہی دی اے ۔ بھانویں ایناں دِناں وچ ساڈے لئی پُرانے عہد نامے دے ختنے دا گھٹ ای مطلب اے ، پر یسوع دا بپتسمہ
کدی وی بھلاؤنا نئیں چاہی دا ۔
میَں تہانوں دسیا اے پئی تہاڈے سارے پاپ یسوع دے بپتسمہ دے راہیں چُک لئے گئےتے یسوع دے بپتسمہ نے تہاڈے سارے پاپاں توں تہانوں مکتی دِتی ۔ کیہ تسیں ایہدے اُتے ایمان رکھدے او؟ جے تسیں یسوع دے بپتسمہ توں اَکھ چُراؤندے او ،تسیں کدی نویں سریوں جمن دے خوشخبری ، مطلب اے، یسوع دے بپتسمہ دے راہیں پاپاں دی معافی دی کامل خوشخبری نوں نئیں جانوگے ۔
اسیں کویں یسوع دے بپتسمہ،روحانی ختنہ نوں جیہدے بارے وچ خُدا سانوں دَسدا اکھیوں اوہلے کر سکدے آں؟ جے اسیں پاک کتاب پڑھدے آں ، اسیں ویکھ سکدے آں ختنہ تے فسح دے میمنے دا لہو ،بڑے نال نال ہیگے نیں ۔ ایہہ روحانی ختنہ ، یسوع دے بپتسمہ دابھیت اے ۔
یوحنا رسول دےراہیں دسی گئی خوشخبری یسوع دے بپتسمہ تے اوہدے صلیبی لہو دی خوشخبری دے اَڈ کوئی دوجی نئیں سی ۔ اُس نے ۱ ۔ یوحنا ۵ : ۶ وچ آکھیا، ” ایہو ای جیہڑا پانی تے لہو دے راہیں آیا سی ،مطلب اے، یسوع مسیح ۔ اوہ نہ صرف پانی دے راہیں سگوں پانی لہو دونواں دے راہیں آیا سی ۔ “
اوہنے آکھیا پئی یسوع پانی ،لہو تے رُوح دے راہیں آیا سی ۔نہ صرف لہو دے راہیں سگوں پانی ، لہو تے رُوح دے راہیں رل کے آیا سی ۔ایہہ تنوں شیواں یسوع دابپتسمہ،سولی اُتے یسوع دا لہو تے مویاں وچوں اوہد ا جی اُٹھنا،ایہہ سارے اک نیں ،مطلب اے ، ساڈی مکتی دا ثبوت ہیگے نیں۔
پاک کتاب یسوع دے بپتسمہ تے اوہدےلہو دے بارے وِچ کیوں دَسدی اے؟
کیہ اِسرائیل دے لوک صرف فسح دے میمنے دے لہو دے راہیں مکتی پاؤندے سن؟
نئیں۔وہ فسح مناؤن توں پہلاں ای ختنہ کراؤندے سن۔
یسوع دا بپتسمہ تے اوہد ا لہو سانوں پانی تے رُوح نال نویں سریوں جمن دے اجازت دیندا اے ۔
خروج ۱۲ باب آکھدااے، ” اپنے لئی اک میمنا لے،تے اوہدا کُجھ لہو لے کے اپنے گھراں دے بوہیاں دیاں دونواں پَلیاں تے چوکھاٹاں اُتے لا۔جدو ں میَں لہو ویکھاں گا ،میَں تہاڈے کولوں لنگھ جانواں گا ۔“
اینوں جان کے ، کیہ سوکھا ہیگا اے پئی اسیں صرف فسح دے میمنے دے لہو اُتے ایمان رکھن دے راہیں اپنے سارے پاپاں توں مکتی یافتہ ہو سکدے آں ؟ فیر نویں عہد نامے وچ یسوع دے بپتسمہ دے بارے وچ کیوں اینی بوہتی گل بات کیتی گئی اے ؟ رسولاں نے آکھیا ، ”تے اوسے دے نال بپتسمے وچ دفن ہوئے۔“ (کلسیوں ۲ : ۱۲)۔” تے تسیں سارے جنہاں نے مسیح وچ آؤن دا بپتسمہ لیا مسیح نُوں لیڑیاں وانگر پا لیا ۔“(گلتیوں ۳ : ۲۷) ” ۔۔۔مطلب اے، بپتسمہ یسوع مسیح دے جی اُٹھن دے راہیں ہُن تہانوں بچاؤندااے ۔“ (۱۔پطرس ۳: ۲۱)۔
پطرس تے پولُس رسول تے یسوع مسیح دےدوجے چیلیاں نے یسوع دے بپتسمہ دے بارے وچ گل کیتی اے ۔ ایہہ یسوع دا اوہ دریائے یردن وچ بپتسمہ ہیگا اے جیہدااوہ حوالہ دیندے پئے سن تے اوہ یسوع دے بپتسمہ تے اوہدے صلیبی لہو اُتے ایمان اے جیہڑا پانی تے رُوح دے راہیں نویں سریوں جمن دا سچ ہیگااے ۔
میَں تہانوں سچ دَسدا ہاں ،میَں یسوع اُتے ایمان رکھدا ساں پر صرف ۱۰ورہیاں لئی اوہدے لہو اُتے ،ایتھوں تیک پئی یسوع دے بپتسمہ نوں منن دے اَڈ ۔پر ایس علم نے اپنے آپ میرے دل وچوں پاپاں نوں نئیں چُکیا ۔ میَں اپنے سارے دل نال یسوع اُتے ایمان رکھیا،پر فیر وی میرادل پاپاں نال بھریاہویاسی ۔
۱۰ ورہیاں دے بعد ،میَں روحانی ختنہ (یسوع دے بپتسمہ)نوں جانیاں تے فیر نویں سریوں جمیا۔ صرف فیر میَں سچ دا احساس کیتا:پُرانے عہد نامے وچ ختنہ نویں عہد نامے وچ یسوع دے بپتسمہ نوں ظاہر کردا اے ۔ میَں ایہدے اُتے ایمان رکھیاتے ہُن تیک رکھدا ہاں ۔
” نویں عہد نامے وچ کیہ یسوع دے لہو تے اوہدے بپتسمہ ،دونواں اُتے ایمان رکھنا ٹھیک اے؟ کیہ میرا ایمان پاک کتاب دے مطابق ٹھیک ہیگا اے؟ “ میرے نویں سریوں جمن دے بعد ،میَں ایناں شیواں دے بارے وچ حیران ہویا ساں ۔
ایتھوں تیک پئی میَں یسوع دے بپتسمہ تے اوہدے لہو دے پیغام اُتے ایمان رکھیا ، میرے دل وچ سوال کھڑے رہے ۔ ” کیہ سچ اُتے ایمان رکھنا ٹھیک اے پئی یسوع اُتےمیرے پاپ لد دِتے گئے سن جدوں اوہنے بپتسمہ لیا یاں کیہ ایہہ ایمان ٹھیک ہیگا اے پئی یسوع نے سانوں صرف سولی اُتے اپنے مرن دے راہیں مکتی دِتی ۔ کیہ صرف ایہہ ایمان رکھنا کافی نئیں ہیگا پئی یسوع میرا خُدا تے مکتی داتا اے؟ “ میَں خروج ۱۲ باب پڑھدے ہویاں ایہدے اُتے غور کیتا ۔
اج بوہت سارے لوک خروج ۱۲ باب پڑھدے نیں تے اعلان کرن دے بارے وچ دوجی واری نئیں سوچدے پئی یسوع مسیح اوہناں دے مکتی داتا وانگر سولی اُتے مرگیا ۔ا وہ سوچدے نیں پئی مسیح دے لہو اُتے ایمان رکھنا ٹھیک اے تے اوہ اپنے کامل ایمان دے سچ دی گواہی دیندے نیں ۔اوہ پِچھاں مُڑیوں اَڈ ایمان رکھ سکدے نیں تے آکھ سکدے نیں پئی خُداوند مسیح تے خُدا دا پُتر ہیگا اے ، پر اوہ اجے تیک پاپی ہیگے نیں ۔اوہ سوچدے نیں جے اوہ ایمان رکھدے نیں پئی یسوع مسیح مکتی داتا اے ،وہ مکتی پا لین گے بھاویں اوہ اپنے دلاں وچ حالے تیک پاپ رکھدے نیں ۔
ایس قِسم دا ایمان نقلی ایمان ہیگااے ۔ایہہ ایمان کلا اوہناں دی نویں سریوں جمن وچ مدد نئیں کر سکدا۔ صرف یسوع دابپتسمہ تے اوہدا لہو سانوں راستباز بناؤندااے ۔
فیر ، خروج ۱۲ باب دا اصل مطلب کیہ ہیگا اے ۔ میَں ایہہ سوچدے ہویاں پاک کتاب وچوں ویکھیا ، ” کیہ صرف یسوع دے لہو اُتے ایمان رکھن وچ جد پئی اوہدا بپتسمے توں اَکھ چُراندیاں ہویاں کوئی مسئلہ موجود نئیں ہیگااے؟ “ ایتھوں تیک پئی خروج دی پڑھائی مکاؤن توں پہلاں ،میَں سچ نوں جانیا پئی مکتی صرف یسوع دے لہو وچ نئیں سگوں اوہدے بپتسمے وچ وی ہیگی اے ۔ پاک کتاب وچ مینوں دلاسہ دِتا گیا پئی ساڈا یسوع دے بپتسمہ توں ایسے طرحاں اوہدے سولی والے لہو دے راہیں ساڈے دلاں دا ختنہ ہوندااے ۔
کیوں بوہتے مسیحی حالے تیک پاپی ہیگے نیں ؟
ایس لئی پئی اوہ یسوع دے بپتسمہ اُتے ایمان نئیں رکھدے ۔
میَں خروج ۱۲ : ۴۷۔ ۴۹ وچ احساس کیتا پئی کسے نوں فسح دا گوشت کھان دی اجازت ملن توں پہلاں ،اوہنوں ختنہ کراؤنا پینداسی ۔ ایہو ای وجہ اے پئی خُدا ۴۹ آیت وچ آکھدااے ، ” دیسی تے اوس اوپرے لئی جیہڑا تہاڈے وچکار رہند ا ہووے اِکو ای شریعت ہووے گی ۔“
ایس لئی کوئی وی جیہدا ختنہ نئیں ہویا سی فسح دا گوشت نئیں کھا سکداسی ،ایہہ اوہ سچ ہیگا اے جیہڑا مینوں ملیا ۔ ایس طرحاں ، جدوں اسیں یسوع اُتے اپنے مکتی داتا وانگر ایمان رکھدے آں، سانوں پہلاں ایس سچ نوں مننا اے پئی ساڈے سارے پاپ یردن اُتے اوہدے بپتسمہ دے راہیں یسوع اُتے لد دِتے گئے سن تے فیر ایس سچ نوں منن پئی یسوع مسیح ایناں پاپاں لئی سولی اُتے مویاسی ۔
جدو ں میَں احساس کیتا پئی یسوع سارے پاپاں لئی جیہڑے اوہنے اپنے بپتسمے دے راہیں چُکے سن ،عدالت ہون دی وجہ توں سولی اُتے مرگیا سی ، میَں روحانی ختنے دے مطلب دا وی احساس کیتا جنہے سانوں سارے پاپاں تے جگ دیاں تقصیراں توں چھڈایا ۔
اوسے ویلے میَں احساس کیتا پئی میرے سارے پاپ مُک گئے سن۔ میرا دل برف وانگر چٹا ہو گیا تے اخیر وچ میَں پانی ، لہو تے رُوح دی خوشخبر ی نُوں اپنے دل وچ لے لیا ۔ میَں احساس کیتا پئی دو شیواں نیں جیہڑیاں سانوں بچاؤندیاں نیں ،پُرانے عہد نامے وچ ختنہ تے میمنے دا لہو ،نویں عہد نامے وچ یسوع دا بپتسمہ تےسولی اُتے اوہدے لہو دے راہیں اوہدے اُتے ساریاں پاپاں نُوں لدنا ۔ پُرانے عہد نامے وچ ختنہ تے نویں عہد نامے وچ یسوع دا بپتسمہ ،اصل وچ اِکو ای تے اِکوجہیے نیں ۔
یسوع مسیح دی ایس لئی عدالت نئیں ہوئی پئی اوہنے آپ کوئی پاپ کیتا سی ،پر کیوں جے اوہنے اپنے بپتسمہ دے راہیں جگ دے سارے پاپاں نُوں چُک لیا سی ۔اوہ جیہڑے ایمان رکھدے نیں پئی یوحنا اصطباغی نے ، انسانی پیڑھی دے نمائندے وانگر یسوع نوں بپتسمہ دِتا تے یسوع اُتے جگ دے سارے پاپاں نوں لددِتا ،دونویں یسوع دے بپتسمہ تے اوہدے صلیبی لہو اُتے وی ایمان رکھدے نیں ۔
کاہدے لئی بوہتے لوک یسوع دےبپتسمہ دا انکار کردے نیں ایتھوں تیک ایہہ پاک کتاب وچ کئی واری دَسیا گیا اے؟ اِنج کرن نال اوہ حالے تیک پاپی نیں بھاویں اوہ یسوع اُتے ایمان رکھدے نیں ۔ اوہ خورے یسوع اُتے ایمان رکھدے نیں پر حالے تیک خُدا توں وَکھ کیتے گئے نیں ۔اوہ ترس دے لائق پاپی نیں جیہڑے دوزخ وچ جان گے ۔بھاویں اوہ یسوع اُتے ایمان رکھدے نیں ۔
اوہ کویں ہن تیک پاپی ہو سکدے نیں جے اوہ یسوع اُتے ایمان رکھدے نیں ؟کیوں اوہ پاپیاں وانگر حیاتی بسر کردے نیں ؟ کیوں اوہ بربادی دے راہ وَل ٹُردے پئے نیں؟ایہہ بوہت منکھ والی گل اے ۔ اوہ پاپی ہُندے رہن گے کیوں جے اوہ سچ اُتے ایمان نئیں رکھدے پئی سارےجگ دے سارے پاپ یسوع مسیح اُتے لد دِتے گئے سن ، جیہڑا سارے لوکاں لئی اپنے رُوحانی بپتسمے دے راہیں ہمیش دی مکتی لیایاسی ۔
لوک سوچدے نیں پئی اوہ یسوع دے لہو اُتے رکھن دے راہیں چُھڈائے جاندے نیں ، پر ایس
قِسم دا ایمان کدی اوہناں نوں کامل نہیں بناؤندا۔کاہدے لئی ؟ کیوں جے اوہ یسوع اُتے اپنے پاپاں نُوں لدن وچ ناکام گئے نیں!
اسیں صرف پانی (مسیح دے بپتسمہ)تےاوہدے لہو اُتے ایمان رکھن دے راہیں جویں خُدا نے مخصوص کیتا : روحانی ختنے دی مکتی توں مکتی یافتہ ہوسکدے نیں ۔ فیر تے صرف فیر ،اسیں خُدا دے پُتر بن سکدے آں ۔
سانوں اپنے آپ نال سوال کرنا اے۔”جے اسیں یسوع دے لہو اُتے روحانی ختنے وانگر ایمان رکھدے آں ، کیہ ساڈے پاپ سارے دے سارے دُھل سکدے نیں ؟ “سانوں جواب لبھن لئی سانوں اپنے دلاں وچ ڈوہنگی نظر مارنی چاہی دی اے ۔
پُرانے عہد نامے وچ ،لوک ختنہ تے فسح دے میمنے دے لہو دے راہیں مکتی یافتہ ہوندے سن بالکل جویں اسیں یسوع دےبپتسمہ تے اوہدے صلیبی لہو دے راہیں مکتی پائی اے ۔ ایس طریقے نال اسیں خُدا دی سزا تے ایس پاپی جگ توں مکتی یافتہ ہوگئے آں ۔ اوہ جیہڑے ایمان رکھدے نیں ،خُدا دے پُتر بن جاندے نیں تے خُدا اوہناں دا پیو بن جاندااے ۔
کوئی بندہ ایناں دونواں گلاں اُتے : ختنہ تے فسح دے میمنے دا لہو ،مطلب اے ، یسوع دے بپتسمہ تے اوہد ےلہو اُتے ایمان رکھن دے راہیں مکتی یافتہ تے خُدادے سکیاں وچوں بن جاندااے ۔ ایہہ یسوع دے مطابق سچ ہیگااے ۔ ایہہ پانی ، لہو تے رُوح دے راہیں نویں سریوں جمن دا اصل مطلب ہیگااے ۔
پاک کتاب وچ وکھائی گئی پانی تے رُوح دی مکتی کیہ ہیگی اے؟
کیہ پاپی صرف یسوع دے لہو اُتے ایمان رکھن دے راہیں راستباز بن سکدےنیں؟
کدی نئیں
یسوع نے اَسمان اُتے اپنا تخت چھڈیا تے ایس جگ وچ آیا ۔ اوہنے جگ دےسارے پاپاں نوں چکن
لئی ۳۰ ورہے دی عمروچ یوحنا اصطباغی کولوں بپتسمہ لیا ۔
سولی اُتے یسوع دا لہو جگ دے سارے پاپیاں لئی اوہدی سزاسی ۔یسوع مسیح ایس جگ وچ مکتی داتا دے وانگر آیا تے سارے پاپیاں نوں پانی تےلہودےراہیں اوہناں دے پاپاں توں مکتی دِتی ۔
کیہ اسیں صرف لہو دے راہیں نویں سریوں جمے آں ؟نئیں ۔ اسیں یسوع دے بپتسمہ تے اوہدے لہو دے راہیں پاپ توں مکتی یافتہ ہوئے آں ۔ میَں اوہناں توں جیہڑے صرف یسوع دے لہو اُتے ایمان رکھدے نیں ،اک سوال پُچھنا چاہواں گا ۔ ” کیہ پاپی صرف مسیح دے لہو اُتے ایمان رکھن دے راہیں راستباز بن سکدے نیں ،یاں کیہ ایہہ دونواں یسوع دے بپتسمہ تے صلیبی لہو دے راہیں ہیگااے؟کیہ ایہہ ایمان دے راہیں ہیگا اے پئی اسیں اپنے پاپاں نوں اوہدے بپتسمہ تے لہو دے راہیں یسوع اُتے لددے آں یاں صرف اوہدےلہو دے راہیں؟ میَں تہاڈے کولوں پُچھدا ہاں ۔ کیہڑی گل سچ ہیگی اے؟“
اصل وچ پانی تے رُوح نال نویں سریوں جمن لئی ،سانوں تھلے دتیاں گئیاں گلاں نوں پورا کرنا پوے گا ۔ سانوں بڑے یقین نال ایمان رکھنا چاہی دااے پئی یسوع ایس جگ وچ انسانی بدن وچ آیا ،مطلب اے ، اپنے بپتسمہ دے نال جگ دے سارے پاپاں نوں اپنے اُتے چُک لیا تے سولی اُتے ساڈے سارے پاپاں دی سزانوں جریا۔یسوع مسیح ،ساڈے سچے مکتی داتا اُتے ، ایمان رکھن دےراہیں ، ایس طریقے نال ، اسیں سچ مُچ نویں سریوں جم سکدے آں ۔
میَں تہاڈے توں فیر پُچھداہاں ۔ ایمان کیہ اے ،جویں پاک کتاب وچ دَسیا گیا اے ؟ کیہ ایہہ یسوع دے لہو اُتے ایمان اے یاں دونواں یسوع دے بپتسمہ تے اوہدے لہو اُتے؟
یسوع دے لہو اُتے ایمان تھلے دتیاں گلاں وانگر ہیگا اے ۔ یسوع نے دُکھ جرے تے جگ دے سارے پاپاں دی سزا چُکی ۔ کیوں جے اوہ ساڈے پاپاں لئی مِدھیا تے زخمی کیتا گیا ، اسیں اک ڈاہڈی سزاتوں بچ گئے آں ۔پر ایہہ پوراسچ نئیں ہیگا۔ ایس دینی تعلیم نوں قبول کرن توں پہلاں ،ساڈے اُتے اک گل کھُل دی اے ۔پئی کیوں یسوع نوں سولی اُتے جان دینی پئی سی ۔
پاک کتا ب گل کھول کے دَسدی اے پئی پاپ دی دیہاڑی موت ہیگی اے ۔ یسوع نے ایس جگ وچ کدی کوئی پاپ نئیں کیِتا ۔ اوہ مریم دی کُکھ وچوں ایک بندے دا بدن لے کے آیا ، پر اوہ اپنے لوکاں دی شکل وچ وکھالی دین لئی پاک خُدا پُتر تے پاپیاں دے مکتی داتا وانگرآیاسی ۔ ایہو وجہ سی پئی اوہنوں سولی اُتے مرن توں پہلا ں یوحنا اصطباغی کولوں بپتسمہ لینا پیا سی ۔ جدوں اوہنے بپتسمہ لیا ، اوہنے ساڈے
سارے پاپ اپنے اُتے چُک لئے ۔ ایس طرحاں بپتسمہ دے اَڈ ،اوہنوں سولی اُتے لہو روڑن دی سزا نئیں مل سکدی سی ۔
پُرانے عہد نامے وچ چڑھاوے دا طریقہ
چڑھاواچڑھاؤن لئی ناگزیر شرطاں کیہ سَن؟
① اک بےقصور جیونداپسُو
② ہتھاں دا رکھیا جانا
③ اوہدا لہو
آؤ اسیں ایس سچ اُتے پاک تنبُو دے بھِیڑ دے چڑھاوے دے طریقے دے راہیں دھیان کریے۔پُرانے عہدنامے وچ ،کیہ اک پاپی یاں وڈاکاہن چڑھاوے دے میمنے یاں بکرے اُتے اپنے آپ دے پاپ یاں اِسرائیل دے پاپاں نُوں اوہدے اُتے لدن لئی اپنے ہتھاں نوں رکھدا سی ۔فیر چڑھاوے چڑھائے جاندے سن تے قربان گاہ دے اگے چڑھائے جاندے سن ۔پُرانا عہد نامے،نویں عہد نامے دا اَگاڑی سی ، یسوع مسیح چڑھاوے دا میمنا سی جنہوں خُدا نے گھلن دا وعدہ کیتا سی ۔
کدوں تہاڈے سارے پاپ یسوع اُتے لددِتے گئے سَن ؟میَں چاہناں واں پئی تسیں ایس سوال دے بارے وچ سوچو،تے جواب دیوو۔پُرانے عہد نامے وچ ، اِسرائیلی ہتھاں دے رکھے جان دے اَڈ (ہتھاں دے رکھے جان دا مطلب پاپ دے چڑھاوے اُتے پاپ نُوں لدنا سی ) چڑھاوے دےپسُوآں نوں قربان نئیں کر سکدے سن ۔ پاپ دے چڑھاوے پہلاں قربان گاہ دے اَگے لیائے جاندےسن ، ہتھاں دے رکھے جان نوں ،چڑھاوے دے پسُوآں اُتے پاپ لدن دے سلسلے وچ واقع ہونا پیندا سی ۔
”تے اوہ سوختنی قربانی دے پسُو دے سِراُتے اپنا ہتھ رکھے۔“ (احبار۱ : ۴)۔ایہہ احبار وچ لکھیا ہویا اے پئی ساریاں قربانیاں نوں ہتھاں دے رکھےجان دی لوڑ ہیگی سی ۔ قربانی دے سِر اُتے اپنے ہتھاں نوں رکھن دے راہیں ، تے خُدا دے اگے ایمان نال اوہدا لہو تے گوشت پیش کرن دے راہیں اِسرائیل دے لوک اوہدے اُتے اپنے پاپاں نوں لدن دے لائق ہوندے سن ۔ اوہ اپنے پاپاں توں مکتی یافتہ ہو سکدے سن ۔ پُرانے عہدنامےدےدِناں وچ اِسرائیلی ایمان دے راہیں وی مکتی یافتہ ہو ندے سن۔
جدوں خُدا دے اگے اک سوختنی قربانی چاڑھی جاندی سی ۔ اک پاپی نوں اپنے پاپ لدن لئی اپنے ہتھ اوہدے سِر اُتے رکھنے پیندےسن۔ فیر قربانی پاپی دی تھاں اُتے ذبح کیتی جاندی سی ۔ ایہدا لہو قربان گاہ دے چاراں سِنگاں اُتے تراؤنکیا جانداسی تے باقی قربان گاہ دی بنیاد اُتے ڈوہلیا جانداسی ۔ ایس طریقے نال پاپی پاپاں توں چھُڈائے جاندےسن ۔
نویں عہد نامے وچ پاپی یسوع دے پانی تے لہو اُتے اپنے ایمان دے راہیں ،اپنے سارے پاپاں توں چھُڈائے جاسکدے نیں۔ ۱۔یوحنا ۵ : ۱ ۔ ۱۰ آکھدااے پئی اک پاپی اوس ویلے چھُڈایا جاندااے جدوں اوہ یسوع دے بپتسمہ اُتے تے میمنے دے لہو اُتے (سولی اُتے)ایمان رکھدا اے ۔
ایس لئی کوئی وی پاپی جدوں تیک اوہ دونواں ،یسوع دے بپتسمہ تے اوہدے صلیبی لہو اُتے ایمان رکھدااے ،چھُڈایا جاسکدااے ۔ یسوع دابپتسمہ تے اوہدا لہو ،پاک رُوح دے نال مل کے ، پانی تے رُوح دے راہیں نویں سریوں جمن لئی بوہت ضروری ہیگااے ۔
جان نالوں سوہنیو،کیہ تسیں صرف یسوع مسیح دے لہو اُتے ایمان رکھن دے راہیں چھُڈائے جا سکدے او؟ اوہ جیہڑے ایہہ سوچدے نیں پئی اوہ صرف صلیبی لہو اُتے ایمان رکھن دے راہیں نویں سریوں جم سکدے نیں حالے تیک اپنے دلاں وچ پاپ رکھدے نیں ۔ پر اسیں نویں عہد نامے دے روحانی ختنے دے وانگر یسوع دے بپتسمہ اُتے ایمان رکھن دے راہیں اپنے سارے پاپاں توں مکتی یافتہ ہو سکدے آں ،جیہڑا پُرانے عہد نامے وچ دسے گئے ختنے دے بعد دے ویلے دے برابرہیگاا ے۔
سارےفِرقے اپنے خُدائی خیال رکھدے نیں ۔ اسیں جان دے آں پئی اوہ سارے دوزخ دا نصیب رکھدے نیں مطلب اے ، جدوں تیک اوہ اپنے جھوٹے عقیدیاں نُوں نئیں چھڈ دے ۔ پریسبٹیرین کلیسیا مقد ر دے خُدائی خیال اُتے ، میتھوڈسٹ کلیسیائی چنگے رویّے مثال طورتےانسانیت اُتے ،بپٹسٹ کلیسیا،بپتسمے اُتے تے ہولینس کلیسیا ،پاک حیاتی ول دھیان دیندی اے ۔ ایہہ سارے سچے کلام توں اُکھڑ گئے نیں ۔
پرنویں سریوں جمن دے بارے وچ پاک کتاب وچ خُدا دے مونہہ دیاں سچیاں گلاں کیہ آکھدیاں نیں ؟ پاک کتاب دَسدی اے پئی سچ یسوع دے بپتسمہ تے اوہدے لہو وچ مِل دا اے کوئی وی
جیہڑا ایمان رکھدااے تے خُدادے کلام دے پِچھے ٹُردااے تے پانی تے رُوح دے راہیں نویں سریوں جمن اُتے ایمان رکھدااے پاپاں دی معافی پاوےگا ۔
یسوع دے بپتسمے دا بھیت کیہ اے؟
نویں عہدنامے وچ رُوحانی ختنہ کیہ اے؟
یسوع دا بپتسمہ
یسوع دا بپتسمہ رُوحانی ختنہ اے۔ پُرانے عہد نامے وچ ،خُدا نے آکھیا پئی کوئی وی جیہداختنہ نئیں ہویا سی اوہنوں اپنے لوکاں وچوں وڈیاجانا چاہی دااے۔
سانوں جاننا تے ایمان رکھنا اے پئی بِناں شک نویں عہد نامے وچ یسوع دا بپتسمہ رُوحانی ختنہ اے ۔کیوں جے یسوع نے اپنی دھرتی اُتے خدمت دے شروع وچ یوحنا اصطباغی کولوں بپتسمہ لیا ، اسیں روحانی طور اُتے اوہدے بپتسمہ اُتے ایمان رکھن دے راہیں ختنہ یافتہ ہو سکدے آں۔سانوں ایناں ساریاں گلاں اُتے بڑے دھیان نال غورکرنا چاہی دااے پئی کیوں یسوع نوں یوحنا اصطباغی کولوں بپتسمہ لینا پیا۔
” اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین آیا ۔پر یوحنا ایہہ آکھ کے اوہنوں منع کرن لگا پئی میَں آپ تیرے کولوں بپتسمہ لین دا محتاج آں تے تُوں میرے کول آیا ایں؟ یسوع نے جواب وچ اوہنوں آکھیا ،ہُن تُوں ہون ای دے کیوں جے سانوں ایسے طرحاں ساری راستباز پوری کرنا چنگااے۔ اِنج اوہنے ہون دتا۔“ (متی ۳:۱۳۔۱۵)۔
یسوع نے یوحنا اصطباغی کولوں یردن ” موت دے دریا “ اُتے بپتسمہ لیا ۔ یوحنا اصطباغی نے یسوع دے سر اُتے اپنے ہتھاں نوں رکھیا تے اوہنے پورا غوطہ لیا ۔ ایہہ بپتسمہ (بپتسمہ :پانی وچ غوطہ لینا) لین دا ٹھیک طریقہ اے ۔ یسوع نوں جگ دے سارے پاپاں نوں چُکن دے سلسلے وچ، اوہنوں ایسے
طریقے نال بپتسمہ لینا پیاسی ۔ہتھاں دے رکھے جان دے نال پُرانے عہد نامے دا حوالہ مِل دا اے ۔
یسوع دابپتسمہ اوہناں دا روحانی ختنہ اےجیہڑےیسوع اُتے ایمان رکھدے نیں۔ ” کیوں جے سانوں ایسے طرحاں ساری راستباز پوری کرنا چنگااے۔“ (متی ۳: ۱۵)۔ ایہہ چنگا سی پئی کہ یسوع نے جگ دے سارے پاپاں نوں چُک لیاتے ساڈا خُدا تے مُکتی داتا بن گیا۔ انج ای ایہہ چنگا سی، جس طرح ایہہ لکھیا سی، پئی اوہ اپنے سر تے ساڈے سارے پاپاں دے نال سولی اُتے مر گیا۔
یسوع دا بپتسمہ سارے پاپیاں نوں نویں سریوں جمن دی قُدرت رکھدااے ۔ ایہہ پانی تے رُوح دی خوشخبری دا بھیت اے ۔
پہلا کم جیہڑایسوع نے اپنی دھرتی اُتے خدمت وچ پاپیاں نوں اوہناں دےسارے پاپاں توں چھُڈاؤن لئی کیتا، یوحنا اصطباغی کولوں بپتسمہ لینا سی ۔ بپتسمہ دا مطلب ” دھوتاجانا،دفن ہونا ،لدیا جانا “ اے۔
خُدا دے مقررکیتے ہوئے خاص کم دے مطابق بپتسمہ لین دے بعد، یسوع نے سارے جگ دا پاپ اپنے اُتے چُک لیا۔ ” ویکھوایہہ خُدا دا میمنااے جیہڑاجگ دا پاپ چُک کے لے جاندااے ۔ “ (یوحنا ۱ : ۲۹)۔ یسوع دے بپتسمہ دا مطلب اے پئی جگ دے سارے لوکاں داجیہڑے اوہدے اُتے ایمان رکھدے نیں ،روحانی طور اُتے ختنہ کیِتاگیااے ۔
بعد وچ ،اوہ خُدا دے میمنے وانگر سولی اُتے چڑھیا ،جنہے جگ دے سارے پاپاں نُوں چُک لیا تے سارے پاپیاں لئی سزانُوں قبول کیِتا ۔ ایس طرحاں ، اوہنےساری انسانی پیڑھی نُوں پاپ توں مکتی دِتی ۔
ایس لئی اوہ سارے جیہڑے یسوع مسیح دے بپتسمہ ، پُرانے عہد نامے دے ختنہ، تے اوہدے صلیبی لہو اُتے اپنی مکتی وانگر ایمان رکھدے نیں ،اپنے سارے پاپاں توں مکتی پاؤندے نیں ۔ یسوع نے اپنےبپتسمہ تے اپنے لہو نال پاپیاں نُوں مکتی دِتی ۔ ایہہ روحانی ختنہ دا سچ اے ۔
کیہ صرف لہو دے راہیں مکتی اے؟ نئیں، اِنج نئیں اے
یسوع کویں جگ وچ آیا؟
پانی تے لہو دےراہیں
۱ ۔ یوحنا ۵ : ۴ ۔ ۸ آکھدااے ، ” جیہڑاوی خُداتوں جمیااے ،اوہ جگ اُتے غالب آوندااے تے اوہ غلبہ جیہدے نال جگ مغلوب ہویا اے ساڈا ایمان اے ۔ جگ دا مغلوب کرن والا کون اے، سِوا اوس بندے دے جیہداایمان اے پئی یسوع خُدا دا پُتراے ؟ایہو ای اے اوہ جیہڑا پانی تے لہو دے راہیں آیا سی مطلب اے ، یسوع مسیح ، اوہ نہ صرف پانی دے راہیں سگوں پانی تے لہو دونواں دے راہیں آیاسی ۔ تے اوہ جیہڑا گواہی دیندااے رُوح اے کیوں جے رُوح سچ اے ۔ تے گواہی دین والے ۳ ہیگے نیں ۔ رُوح تے پانی تے لہو تے ایہہ تِنوں اکو ای گل لئی راضی ہوندے نیں ۔ “
سوہنے مسیحیو، تہاڈی اپنے مکتی داتا دے طوراُتے، اوہدے لئی اپنی گواہی کیہ اے؟ ایہہ خُدا دے پُتر اُتے ایمان دے اَڈ کُجھ نئیں ہیگی اے جیہڑا پانی تے لہودے راہیں آیاسی ۔
کیہ غلبہ اے جیہڑا جگ اُتے غالب آؤندااے؟ ایہہ پانی تے لہو تے ایمان دی قدرت توں اَڈ کُجھ نئیں ہیگااے ۔ایہہ یسوع مسیح اے جیہڑا پانی تے لہودے راہیں آیاتے ایہہ رُوح ہیگااے جیہڑا گواہی دیندااے ،کیوں جے رُوح سچ اے ۔
ایہہ ۳ شیواں ہیگیاں نیں ۔ جیہڑیاں دھرتی اُتے گواہی دیندیاں نیں: پانی تے لہو تے رُوح ۔تے ایہہ ۳ اِک دے وانگر راضی ہوندے نیں ۔ یسوع ایس جگ وچ بدن سمیت آیا سی ،ہمیش دا سزا توں سانوں بچاؤن لئی اوہنے بپتسمہ لیا تے سولی اُتے مرگیاسی ۔
ایہہ ثبوت ہیگا اے پئی خُدا ،سانوں بناؤن والا ، پانی تے رُوح دی خوشخبری جیہڑی سانوں ساریاں نُوں بچاؤندی اے ،ایہدے نال سارے پاپیاں دا مکتی داتا بن گیا سی۔ ایہہ ساڈا ثبوت ہیگا اے پئی یسوع نے ،جیہڑا رُوح وانگر بدن وچ ایس جگ وچ آیا ، ساڈے سارے پاپاں نُوں اپنے اُتے لین لئی اوہنے یردن وچ بپتسمہ لیا ،تےساڈے پاپاں لئی ،سزانوں قبول کردے ہویاں سولی اُتے لہو روڑیا ۔ ایس طرحاں اوہنے ساریاں نُوں مکتی دِتی جیہڑے اوہدے اُتے رکھدے نیں ۔ ایہہ پانی تے رُوح دی سچی خوشخبری ہیگی اے ۔
پانی تے لہو کیہ ہیگے نیں جیہڑے خُدا دی مکتی دی گواہی دیندے نیں؟
پُرانے عہد نامے وچ دَسے گئے ختنے ورگی کیہڑی شے ہیگی اے؟
یسوع دا بپتسمہ
پانی یسوع مسیح دے بپتسمے بارے دَسدااے۔پُرانے عہد نامے وچ، یسوع دےبپتسمہ دا مطلب ختنہ سی ۔ پُرانے عہد نامے وچ ختنےورگا نویں عہد نامے وچ یسوع دا بپتسمہ اے ۔ ایہہ ثبوت ہیگا اے پئی جگ دے سارے پاپ یسوع اُتے لددِتے گئےسن ، یسوع دےبپتسمہ وچ ایہہ موجود ہیگااے ۔
جیہڑا وی ایس سچ اُتے ایمان رکھدااے خُدادے اگے کھلون دے لائق ہیگااے تے اِک چنگے دل نال آکھ سکدااے ، ” تُو میرا مکتی داتا ایں،میرا خُداوند کیوں جے میَں تیرے بپتسمہ تے لہو اُتے ایمان رکھدا ہاں مطلب اے ، پانی تے روح دی خوشخبری اُتے ۔ ایس لئی ،میَں کوئی پاپ نئیں رکھدا ۔میَں خُدا داپُتر ہیگاواں تے تُوں میرا مکتی داتا ایں ۔ “ اسیں ایمان دے نال ایہہ اقرار کرن دے لائق ہیگے آں ۔کیس وجہ توں اسیں ایہہ آکھن دے لائق ہیگے آں ،کیوں جے ساڈا ایمان یسوع دےبپتسمہ تے اوہدے لہو اُتے ہیگاا ے ۔
کیہڑاکلمہ ہیگا اے جیہڑا سانوں نویں سریوں جمن دی اجاز ت دیندااے ؟ ایہہ یسوع دا بپتسمہ تے اوہدا صلیبی لہو اے ،جیہڑاساڈے دلاں وچ مکتی دی گواہی ہیگااے ۔ایہہ پانی تے رُوح دی نویں سریوں جمن دی خوشخبری ہیگی اے ۔
سوہنے مسیحیو!میَں تہاڈے توں فیر پُچھداہاں ،” کیہ اک پاپی صرف مسیح دے لہو اُتے ایمان رکھن دے راہیں مکتی یافتہ ہو سکدااے؟ نئیں۔ مکتی صرف سولی اُتے اوہدی موت دا مطالبہ نئیں کردی ۔ ایہہ صرف دونویں پانی تے لہو اُتے ایمان دے راہیں اے — مطلب اے ، پانی تے رُوح دی خوشخبری —جیہدے نال پاپی نویں سریوں جم سکدے نیں ۔آؤ مینوں تہانوں پاک کتاب وچوں حوالہ دین دیوو،جیہڑا پانی یاں دوجے اَکھراں وچ یسوع دےبپتسمہ دے بارے وچ گل کردااے ۔ “
۱ ۔ پطرس ۳ : ۲۱۔ ۲۲ آکھدااے ، ” تے اوسے پانی ورگاوی مطلب اے ، بپتسمہ یسوع مسیح دے جی اُٹھن دے راہیں ہُن تہانوں بچاؤندااے۔ اوہدے توں بدن دی ناپاکی دُورکرن دا مطلب نئیں ،سگوں صاف نیت نال خُدا دی طلب کرن دا مطلب اے۔ اوہ اَسمان اُتے جاکے خُدا دے سجے ہتھ بیٹھا اے تے فرشتے تے اختیار تے قدرتاں اوہدے آکھا منن گے ۔“
پطرس رسول نے گواہی دتی پئی یسوع دا بپتسمہ اوس ورگا سی جیہڑا سانوں مکتی دیندااے تے ایہہ پاپ توں مکتی داثبوت وی ہیگاسی ۔ یسوع دا بپتسمہ پُرانے عہد نامے وچ ختنے دے برابرہیگااے ۔ بالکل جویں اِسرائیل دے لوکاں نیں خُدادے کلام اُتے ایمان رکھیا تے پُرانے عہدنامے دے دِناں وچ خُدا دے پُتر بنن لئی اپنی کھلڑی نُوں وڈیا ، یسوع دا بپتسمہ سانوں نویں عہدنامے دے دِناں وچ ،ساڈے سارے
پاپاں توں مکتی دیندااے ۔
ایس لئی پُرانے عہد نامے وچ ختنہ تے نویں عہد نامے وچ یسوع دا بپتسمہ اِکو ای تے اِکو جیہے ہیگے نیں ۔ کیہ ہُن تسیں سارے ایمان رکھدے او پئی یسوع دا بپتسمہ ختنہ دے وانگر بےشک اوہو جیہا ای اے؟ جویں ایہہ ۱ ۔ پطرس ۳ : ۲۱ وچ لکھیا ہویااے ،اِک اوہدے ورگا وی جیہڑا ہُن سانوں بچاؤندااے ،مطلب اے ، نام دے طور اُتے بپتسمہ ۔ کیہ تسیں خُدا دے لکھے ہوئے کلام دے نال بحث کر سکدے او ؟
ایہہ کویں ہو سکدا اے پئی اسیں جیہڑے ایس جگ وچ رہندے آں ، پاپ توں چھُڈائے جا سکدے آں؟ ایہہ صرف اِنج ممکن ہیگااے کیوں جے یسوع مسیح نے ساڈے لئی ساری راستبازی پوری کرن لئی بپتسمہ ،مطلب اے ، پاپ توں مکتی بخشی اے ۔ متی ۳ : ۱۵ آکھدااے ، ” کیوں جے سانوں ایسے طرحاں ساری راستبازی پوری کرنا چنگااے۔“
کیوں جے جگ دےسارے پاپ یسوع اُتے لد دِتے گئے سن ،اوہ سارے جیہڑے اوہدے اُتے ایمان رکھدے نیں ،ہُن پاپ توں اَڈ ہیگے نیں ۔ اَسیں سارے سچ نُوں منن دے راہیں راستباز بن سکدے آں پئی ساڈے پاپ اوہدے بپتسمہ دے راہیں یسوع اُتے لد دِتے گئے سن ۔ یسوع مسیح نے ساڈے سارے پاپ اپنے اُتے چُک لئے تے سانوں بچاؤن لئی سزا پاؤن لئی سولی اُتے مرگیا ۔
سوہنے بیلیو،۲شیواں جیہڑیاں سارے پاپیاں نُوں اوہناں دے پاپاں توں چھڈاؤندیاں نیں ، پانی تے لہو ہیگے نیں ۔ اوہدا ساڈے پاپ چُکنا تے ساڈے لئی سولی اُتے مرنا ۲ خاص شیواں ہیگیاں نیں ،جیہڑیاں یسوع مسیح نے ایس جگ وچ اپنی ۳ ورہیاں دی دھرتی اُتے خدمت کردے ہویاں ساڈے لئی کیتیاں ۔
یوحنا ۱ : ۲۹آکھدااے، ” ویکھو! ایہہ خُدا دا میمنا ہیگا اے جیہڑا جگ دا پاپ چُک کے لے جاندا اے !“ یسوع ،مسیح نے جگ دے پاپ چُکن لئی بپتسمہ لیا،تے ساڈیاں بھیڑیاں کرتُوتاں لئی فدیہ دین لئی سولی اُتے مرگیا ۔ یسوع خُدا دا پُتر ہیگااے ،تے جگ نُوں بناؤن والے وانگر ، اوہنے جگ دا پاپ چُکن دے راہیں ختنے داعہد پورا کیتا جیہڑا خُدا نے پُرانے عہد نامے وچ بنھیاسی ۔
کوئی وی جیہڑے اپنے دل وچ یسوع دے بپتسمہ اُتے ایمان رکھدے نیں پانی تے لہو ،پانی تے رُوح نال نویں سریوں جمن گے ۔ تے خُداوند اوہناں ساریاں دا مکتی داتا بن جاوےگا جیہڑے اوہدے اُتے ایمان رکھدے نیں ۔ خُداوند دا شکر ہووے، ہیلیلویاہ !یسوع نے ساڈی مکتی پوری کیتی جویں خُدانے وعدہ کیِتا سی ،تے اوہنے سانوں جگ دے سارے پاپاں توں مکتی دِتی ۔
جیہدے نال بدن دی ناپاکی دُور کرن دا مطلب نئیں ہیگا
کیہ ویلا لنگھن دے نال بدن پا ک ہو جاندااے؟
نئیں ۔ بدن مرن دیہاڑے تیک پاپ وچ وادھا کردارہندااے ۔
۱ ۔ پطرس ۳ : ۲۱ دَسدااے ، ”تے اوسے پانی ورگا وی ،مطلب اے ، بپتسمہ یسوع مسیح دے مویاں وچوں جی اُٹھن دے راہیں ہُن تہانوں بچاؤندااے ۔ اوہدا مطلب ایہہ نئیں پئی بدن دی ناپاکی دُور ہوجاندی اے، سگوں کھری نیت نال خُدا دی طلب کرنا ،مطلب اے ۔“
جدوں کوئی یسوع مسیح اُتے اپنے مکتی وانگر ایمان رکھن لئی آؤندااے ، ایہدا مطلب ایہہ نئیں پئی اوہ بدنی پاپ کرن توں ہٹ جاندااے ۔ اسیں خورے پاپ کردے رہیے،پر یسوع دے بپتسمہ اُتے ایمان رکھن دے راہیں اسیں اپنے سارے جگ دے پاپ یسوع اُتے لد سکدے آں ،جنہے سولی اُتے اپنے لہو نال اوہناں دا مُل تاریا۔ ساڈی مکتی دیاں ناگزیر شیواں دے وانگر ،ایناں دو شیواں اُتے ایمان رکھن دے راہیں ،اسیں اپنے پاپاں توں مکتی یافتہ ہو سکدے آں ۔
نویں سریوں جمن دا مطلب ،یسوع نُوں اپنے دلاں وچ ،انسانی پیڑھی دے مکتی داتا وانگر جی آیا ں
نُوں آکھنا اے ۔ پاپاں دی معافی وی ساڈے دلاں وچ آسکدی اے۔ جدوں اسیں یسوع دے بپتسمہ تے اوہدے صلیبی لہو اُتے ایمان رکھدے آں ،ساڈے دل نویں سریوں جم دے نیں ،پر اسیں اپنے بدن نال پاپ تے غلطیاں کردے رہندے آں ۔ پر،ساڈے بدنی سارے پاپ پہلاں ای معاف ہوگئے نیں ۔
یسوع دابپتسمہ اوہناں ساریاں لئی گواہی ہیگااے جیہڑے مکتی یافتہ ہو گئے نیں ۔اسیں پاپ توں اَڈ ہیگے آں ،جدوں اسیں مسیح دے بپتسمہ دے راہیں پاپاں دی معافی اُتے ایمان رکھدے آں ۔ اسیں نویں سریوں جم دے آں جدوں اپنے دلاں وچ یسوع دے بپتسمہ دے راہیں مکتی دے سچ نُوں من لیندے آں تے پانی تے رُوح دی خوشخبری دے راہیں راستباز بن دے آں ۔
ایہہ پُرانے عہد نامے وچ ابرہام دا ایمان ہیگا اے ، مطلب اے ، راستباز بنن دا ایمان ، جیہدے
بارے وچ پولُوس رسُول گل کردااے ،تے مکتی ورگا ،جیہدے بارے وچ پطرس رسُول نے گواہی دِتی ۔
بالکل جویں ابرہام نے سُنیا تے خُدا دے کلام اُتے ایمان رکھیا تے راستباز بن گیا ، اسیں مکتی یافتہ ہوندے آں جدوں اسیں یسوع دے بپتسمہ تے اوہدی صلیبی موت اُتے ایمان رکھدے آں ۔
یوحنا ۱ : ۱۲ آکھدااے ، ” پر جنیاں نے اوہنوں منیا ،اوہنے اوہناں نُوں خُدا دے پُتر بنن دا حق دِتا ، مطلب اے، اوہناں نوں جیہڑے اوہدے ناں اُتے ایمان لیاؤندے نیں ۔“کیہ تسیں یسوع مسیح نُوں قبول کردے او ، اوہنوں جنہے سانوں اپنے بپتسمہ تے لہو دے راہیں ،ساڈے سارے پاپاں توں تہاڈے مکتی داتا وانگر مکتی دِتی ؟ سانوں بڑے یقین نال خُدا دے پُتر دی، سانوں پانی تے لہو دے راہیں دِتی گئی مکتی نُوں قبول کرنا چاہی دااے ۔
کیہ مکتی صرف یسوع مسیح دے لہو دے راہیں ہیگی اے ؟ نئیں ۔ ایہہ یسوع دے پانی تے لہو دے راہیں ہیگی اے ۔پاک کتاب وچ ، ایہہ گل بڑی کھول کے دَسی گئی اے پئی ،مکتی یسوع دے کلے لہو دے راہیں نئیں ہیگی اے ۔ایہہ یسوع دے بپتسمہ تے اوہدے لہو دے راہیں ہیگی اے ۔
یسوع دا بپتسمہ نویں عہد نامے دا رُوحانی ختنہ ہیگااے ۔ایہہ مکتی دا سچ ہیگا اے ،جیہڑے ساڈے سارے پاپ ،ساڈے توں وڈدااے ۔ ایس سچ دا مطلب ایہہ ہیگا اے پئی ،اوہنے جگ دے پاپاں لئی سزا نُوں جریا ،اوہنے ساڈے ، تُہاڈے تے میرے لئی عدالت نُوں برداشت کیِتا ۔
پاپاں دی معافی دی خوشخبری ،مطلب اے، یسوع دے بپتسمہ تے اوہدے لہو نوں منن دے راہیں اسیں اپنے سارے پاپاں دی سزاتوں چھُڈائے جاندے آں ۔اپنے ایمان دے نال ، اسیں سارے پاپاں توں مکتی یافتہ ہوندے آں،جیہڑے اسیں ایس جگ وچ کرد ے آں ۔ جدوں اسیں یسوع دے بپتسمہ تے اوہدے لہو نُوں اپنی مکتی دے وانگر لیندےآں،ساڈے دلاں دے سارے پاپ دھوتے جاندے نیں ۔کیہ تسیں ایمان رکھدے او؟ تےاہنوں سچ سمجھ دےاو؟ میَں پورے دل نال امیدرکھدا ہاں پئی تسیں سارے پانی تے رُوح دی خوشخبری اُتے ایمان رکھوگے ۔ ایمان رکھو تے ہمیش دی حیاتی لوو۔
پولُس رسُول نے آکھیا، ” ختنہ اوہو اے جیہڑا دل دا تے رُوحانی اے ،نہ پئی مونہہ دیاں گلاں۔“ (رومیوں ۲ : ۲۹)۔کویں ساڈے دلاں دا ختنہ ہوندااے ؟ اسیں روحانی طوراُتے ختنہ کروا سکدے آں جدوں اسیں یسوع مسیح دے ایس جگ وچ بدن لے کے آؤن، جگ دے سارےپاپ نُوں چُکن لئی ،اوہدے بپتسمہ لین،ساڈے پاپاں لئی سولی اُتے اوہدی موت تے مویاں وچوں اوہدے جی اُٹھن اُتے ایمان رکھدے آں ۔
پولُس رسُول نے آکھیا ختنہ اوہو ای اے جیہڑا دل دا ہوندااے ۔ دل دے ختنے دا مطلب اے ، یسوع دے بپتسمہ تے اوہدے لہو اُتے ایمان رکھنا ۔ جے تسیں اپنےدل دا ختنہ کرواؤنا چاہندے او، تہانوں اپنے دل وچ یسوع دے بپتسمہ تے اوہدے لہو دی خوشخبری نُوں لینااے ۔ فیرتے صرف فیر ،تسیں سچ مُچ خُدا دے پُتر بن سکدے او۔
کیہ یوحنا اِصطباغی نُوں خُدا نے گھلیا؟
یوحنا اِصطباغی کون سی ؟
اوہ انسانی پیڑھی دانمائندہ تے ہارون دے خنوادے دے مطابق آخری وڈاکاہن سی ۔
ایتھے ،سانوں پُچھن دی لوڑ ہیگی اے پئی یوحنا اِصطباغی کون سی جنہے یسوع مسیح نوں بپتسمہ دِتاسی ۔ یوحنا اِصطباغی ساری انسانی پیڑھی دا نمائندہ سی ۔ متی ۱۱ : ۱۱ ۔ ۱۴ آکھدااے ، ” میَں تہانوں سچ آکھداہاں پئی جیہڑے زنانیاں وچوں جمے نیں اوہناں وچوں یوحنا بپتسمہ دین والے توں وڈا کوئی نئیں ہویا پر جیہڑا اَسمان دی بادشاہی وچ نکااے اوہ اوہدے توں وڈااے ۔ تے یوحنا بپتسمہ دین والے دے دِناں توں لے کے ہُن تیک اَسمان دی بادشاہی اُتے زور ہونداپیااے تے طاقت والے اوہنو ں کھولیندے نیں ۔کیوں جے سارے نبیاں تے توریت نے یوحنا تیک نبوت کیتی ۔ تے جے چاؤہندے او تے منو ۔ایلیا ہ جیہڑا آؤن والا سی ایہو ای اے ۔“
سوہنے مسیحیو،یسوع آکھدااے پئی زنانیوں وچوں جمن والیاں دے وچکار یوحنا اِصطباغی توں وڈا کوئی نئیں ہیگا ۔ یوحنا اِصطباغی دے جمن توں لے کے ،خُدا دے پہلے عہد دی معیاد، مطلب اے ، پُرانے عہد نامے دی معیاد مُک گئی سی ۔ ایہہ مُک گئی سی کیوں جے یسوع مسیح جنہے خُدا دا عہد پورا کرنا سی ،اخیر اوہ آگیا سی ۔
فیر ایہہ کون سی ، جنہے خُدا دا عہد پوراکرناسی ؟یسوع مسیح تے یوحنا اِصطباغی ۔ یوحنا اِصطباغی نے
جگ دے سارے پاپاں نُوں یسوع اُتے لددِتا ۔ پُرانے عہد نامے دا آخری وڈاکاہن کیہڑاسی ؟ کیہڑاہارون دے خنوادے وچوں سی ؟ یسوع نے آپ گواہی دِتی پئی ایہہ یوحنا اِصطباغی دے اَڈ کوئی دوجا نئیں ہیگاسی ۔ یوحنا اِصطباغی انسانی پیڑھی دا نمائندہ سی ، مطلب اے ، زنانیاں وچوں جمن والیاں دے وچکار ساریاں توں وڈا ۔
آؤ اسیں سچ وَل دھیان لائیے جیہڑاساڈے کول ہیگااے ۔ موسیٰ ، ابرہام ، اضحاق تے یعقوب سارے زنانیوں وچوں جمے سن ۔ پردونواں پُرانے عہد نامے تے نویں عہد نامے دے لوکاں وچوں سارے زنانیاں وچوں جمن والیاں دے وچکار ساریاں توں وڈا کیہڑا اے ؟ ایہہ یوحنا اِصطباغی اے ۔
یوحنا اِصطباغی نے پُرانے عہد نامے دے آخری نبی تے ہارون دے خنوادے وچوں اک وانگر، اوسے طرحاں جویں ہارون پُرانے عہدنامے وچ فدیہ دیہاڑے اُتے اپنے ہتھاں نُوں چڑھاوے دے پسوآں اُتے رکھداسی ۔نویں عہد نامے وچ خُدا دے میمنے نوُں بپتسمہ دِتا ۔ اوہنے یسوع مسیح نوں بپتسمہ دِتا تے جگ دے سارے پاپ اوہدے اُتے لددِتا۔اوہ خُدا دا اک خادم سی ۔ اوہنے یسوع مسیح نُوں بپتسمہ دین دے راہیں ساری انسانی پیڑھی دے دلاں وچ رُوحانی ختنے نُوں پورا کیِتا ۔
یسوع مسیح دے بپتسمہ نال رَل کے ، سانوں بڑے یقین نال اپنی مکتی دی گواہی دے طور اُتے اوہدے لہو اُتے ایمان رکھنا چاہی دااے ۔ یسوع مسیح نے اپنے بپتسمہ دے راہیں جگ دے سارے پاپ چُک لئے تے اوہناں دی سزا نُوں جریاتے ساڈے کرن لئی جیہڑی شے ہیگی اے ، سوکھے طریقے نال اوہدے اُتے ایمان رکھنا اے۔ایہہ خُدا دی مرضی ہیگی اے پئی اسیں ایمان رکھیے پئی یسوع نے کیہ کیِتا ۔
اِک واری جیہڑے اپنے دل وچ پانی تے روح دی نویں سریوں جمن دی خوشخبری نُوں لیندے
نیں ، اوہ آپ ابرہام دی پیڑھی وچوں تے خُدا دے پُتر بن سکدے نیں ۔ صرف تھوڑے جیہے ہیگے نیں جیہڑے مسیح وچ ہیگے نیں جد پئی بوہت سارے ہیگے نیں جنہاں نے حالے تیک اوہنوں اپنے دلاں وچ قبول نئیں کیِتا اے ۔
دن تقریباً مُک گیا اے تے ہنیرا ہونداپیااے ۔ یسوع دےبپتسمہ اُتے ایمان رکھو تے اوہنوں اپنے دل وچ آؤن دی اجازت دیوو۔ تہاڈا، یسوع دےبپتسمہ تے اوہدے لہو اُتے ایمان تہانوں روحانی مکتی نال برکت دیوےگا ۔
سداایہہ یاد رکھو پئی روحانی مسح آؤندااے ،جدوں تسیں مکتی دی خوشخبری ، یسوع دےبپتسمہ تے اوہدے لہو دی خوشخبری اُتے ایمان رکھدے او۔میَں ایہہ دسناں چاہنداواں پئی تسیں روحانی لاٹ (کلیسیا)تے تیل (رُوح)سیانیاں کواریاں وانگر (متی ۲۵ : ۴) یسوع دےبپتسمہ تے اوہدے لہو دی خوشخبری اُتے ایمان رکھن دے راہیں تیار کرسکدے او ۔ اوہ جیہڑے یسوع اُتے ایما ن رکھدے نیں ،اپنے دلاں وچ رُوح دے نال گرجے جاندے نیں ۔
یسوع نےکاہدے لئی بپتسمہ لیا سی؟
کیہڑے مقصد لئی یسوع نے بپتسمہ لیا سی؟
انسانی پیڑھی دے سارے پاپاں نُوں مکان لئی ۔
” میَں آپ تیرے کولوں بپتسمہ لین دا محتاج آں تے تُوں میرے کول آیا ایں؟یسوع نے جواب وچ اوہنوں آکھیا ،ہُن تُوں ہون ای دے کیوں جے سانوں ایسے طرحاں ساری راستبازی پوری کرنا ،چنگااے ۔اِنج اوہنے ہون دِتا ۔ “ (متی ۳ : ۱۴ ۔ ۱۵)۔
یسوع نے انسانی پیڑھی دے سارے پاپ دھون لئی بپتسمہ لیا، یسوع مسیح خُدا دا پُتر تے ساڈ ا مکتی
داتا ہیگااے ۔ اوہ خالق اے جنہے سانوں بنایا اے ۔ یسوع مسیح خُدا پیودی مرضی دے راہیں سانوں اوہدے لوک بناؤن لئی آیا ۔
پُرانے عہد نامے دے سارے نبیاں نیں کیہدے بارے وچ گل کیتی سی ؟ اوہناں نیں یسوع مسیح دے بارے وچ گل کیتی سی ۔پُرانے عہد نامے دے سارے نبیاں نیں یسوع دے ایس جگ وچ آؤن دے بارے وچ مطلب اے ، ساڈے پاپاں نُوں چُکن تے سانوں سدا لئی پاپ توں چھُڈاؤن دے بارے وچ گل کیتی سی ۔
یسوع مسیح ایس جگ وچ آیا جویں پُرانے عہد نامے وچ پیشن گوئی (اگیترے دَسیاگیا سی )کیتی گئی سی ۔ تے انسانی پیڑھی ، آدم تے حوا تو ں لے کے ایس دھرتی اُتے آخری بندے تیک سارے پاپاں نُوں
اوہنے چُک لیا ۔
ہُنےای، مکتی یسوع دے بپتسمہ تے اوہدے لہو دے راہیں اپنے دلاں وچ لوو۔کیہ تسیں ہُن تیک بے یقین جے پئی ایہہ سچ ہیگااے ؟کیہ تسیں ہُن تیک اپنے دل وچ پاپ رکھدے او؟ ” کیوں جے سانوں ایسے طرحاں ساری راستبازی پوری کرنا ،چنگااے ۔“ یسوع نے ساری راستباز ی پوری کرن لئی یوحنا اصطباغی کولوں بپتسمہ لیا ۔
اَکھر” بپتسمہ “ دااپنے آپ وچ مطلب ” دھویاجانا “ اے۔یسوع نے یوحنا اصطباغی توں پُرانے عہد نامے وچ دَسے گئے ہتھاں دے رکھے جان دے طریقے دے مطابق بپتسمہ لیا ۔
انسانی پیڑھی دے سارے پاپاں نُوں چُکن دے بعد، اوہنے اپنے آپ نُوں یردن وچ غوطہ دِتا ۔ دریا،موت تے پاپیاں دی سزا نُوں ظاہر کردااے ۔ مسیح دا پانی وچ غوطہ سولی اُتے اوہدی موت نُوں ظاہرکردااے ۔اوہدا پانی وچوں اُچھلنا ،اوہدے جی اُٹھن نوں وکھاؤندااے ۔ یسوع سولی اُتے مرن دے ۳ دیہاڑےبعد جی اُٹھیاسی ۔
یسوع ساڈا خُدا تے مکتی داتا ہیگااے ۔ ایہہ سچ ہیگااے پئی یسوع ایس جگ وچ آیا ، بپتسمہ لیا ، سولی اُتے مرن تیک لہو روڑھیا ،تیجے دیہاڑے جی اُٹھیا تے ہُن خُدا دے سجے ہتھ بیٹھا ہویا اے ، اک کھرا ثبوت ہیگااے پئی اوہنے ساری انسانی پیڑھی نوں موت توں چھُڈایا۔ کیہ تسیں اپنے سارے دل نال ایس سچ اُتے ایمان رکھدے او ؟
یسوع دا بپتسمہ نویں عہدنامے دا روحانی ختنہ ہیگااے ، ” ختنہ اوہو ای اے جیہڑا دل دا ہووے۔“ دل دا ختنہ مکمل ہوندااے جدوں اسیں یسوع دے بپتسمہ، یسوع اُتے ساڈے سارے پاپاں دے لدے جان دے سچ اُتے ایمان رکھدے آں ۔ دل دا ختنہ یسوع دے بپتسمہ نُوں مننا اے جیہدے راہیں اسیں اپنے پاپ یسوع اُتے لددِتے نیں۔
کیہ تہاڈے دل دا ختنہ ہوگیا اے ؟ جے تسیں دل دےختنہ اُتے ایمان رکھدے او ، تہاڈے پاپ اِکو ای واری تے ہمیش لئی دُھل جان گے ۔ایس مقصد لئی یسوع نے ساری راستبازی قبول کیتی تے سارے پاپیاں نُوں مکتی دا یقین دوایا۔
سوہنے مسیحیو، مکتی دے ایس ثبوت نوں اپنے دلاں تے ذہناں وچ لوو۔ایہہ سچ اے ۔ اِک واری تسیں یسوع د ی مکتی نُوں اپنے دل وچ لیندے او ،تسیں اپنے سارے پاپاں توں چھُڈائے جاووگے ۔ ” پر جنیاں نے اوہنوں قبول کیتا اوہنے اوہناں نُوں خُدا دے پُتر بنن دا حق دِتا ، مطلب اے ، اوہناں
نُوں جیہڑے اوہدے ناں اُتے ایمان لیاؤندے نیں۔“ (یوحنا ۱ : ۱۲)۔
ہُن تسیں کیہ ویکھ سکدے اوکیوں یسوع نُوں جگ وچ آؤنا تے بپتسمہ لینا پیاسی؟ کیہ تسیں ہُن ایہدے اُتے ایمان رکھدے او؟ یسو ع نے ساری انسانی پیڑھی دے پاپاں نُوں چُکن لئی بپتسمہ لیا سی ۔ ایہہ ختنےدا بپتسمہ سی ۔ یسوع دا بپتسمہ سانوں روحانی ختنہ دیندااے۔ایہو ای وجہ اے ، پولُس رسُول سانوں ساڈے دلاں دا ختنہ کراؤن لئی آکھدااے ۔یسوع نے بڑی صفائی نال اپنے بپتسمہ تے لہو دے راہیں سانوں مکتی دتی پئی اَسیں بوہت وچارے آں پر اپنے دلاں وچ ایمان رکھئیے ۔ سانوں اپنے دلاں وچ خُدا دے کلام نُوں ” آہو۔آمین “ آکھنا چاہی دااے ۔ کیہ ایہہ سچ نئیں ہیگا ؟ کیہ تسیں ایہدے اُتے ایمان رکھدے او؟
کیہ تسیں اپنے دل وچ ایس سچ نُوں من دے او؟
یسوع دی وڈیائی کرن توں پہلاں سانوں کیہ کرنا چاہی دااے؟
سانوں اپنے دلاں وچ پانی تے لہو دے سچ نُوں لیناچاہی دااے ۔
تقریباً ۲۰۰۰ ورہے لنگھ گئے نیں جدوں یسوع ایس جگ وچ آیا۔ ایس دیہاڑے تے خُدا دے فضل دے دِناں وچ ،سانوں بڑے یقین نال اپنے دلاں وچ ، سچ ، مطلب اے ، یسوع دے پانی تے لہو نوں لینا چاہی دااے ۔ ساڈے کرن لئی کُجھ ہورنئیں ہیگااے ۔
” ختنہ اوہو ای اے جیہڑا دل دا ہووے۔“سانوں اپنے دلاں وچ ایمان دے راہیں ختنہ کروانا چاہی دااے ۔ اسیں صرف ایمان دے راہیں مکتی یافتہ ہو سکدے آں ۔پُرانے عہد نامے وچ، اِسرائیلی ختنہ تے فسح دے میمنے دے لہو دے راہیں مکتی یافتہ ہوندےسن جیہڑا اوہناں دے بوہیاں دے پَلیاں تے اوہناں دے گھراں دیاں چوکٹھاں اُتے لایاجانداسی ۔
اوہ جیہڑے یسوع دے بپتسمہ تے اوہد ے لہو اُتے اپنی مکتی دے طور اُتے ایمان رکھدے نیں ، خُدا دی عدالت توں ڈردے نئیں کیوں جے ایہہ اوہناں توں اک پاسے لنگھ جاوےگی ، پر خُدادی عدالت اوہناں ساریاں اُتے ورہے گی ،جیہڑے اپنے دلاں وچ سچ نُوں نئیں من دے ۔ بوہت سارے ایہو جیہے ہیگے نیں جیہڑے یسوع اُتے بے فائدہ ایمان رکھدے نیں تے ایس طرحاں حالے تیک اپنے پاپاں دے نوکر ہیگے نیں ۔
اوہ ایس حال تیک کویں اپڑے نیں؟ کیوں اوہ حالے تیک پاپ توں دُکھ سہندے نیں ۔ ایس لئی پئی اوہ یسوع دے بپتسمہ تے اوہدے لہو دے سچ نوں نئیں جان دے ۔اوہ اوہدے بپتسمے نوں کڈھدے ہویاں ،یاں اوہدے توں جان چھڈاؤندے ہویاں، صرف یسوع دے لہو اُتے ایمان رکھدے نیں۔
کیہ صرف یسوع دے لہو اُتے سادہ عقیدے دے راہیں مکتی مِل سکدی اے ؟ کیہ پاک کتاب سانوں دَسدی اے پئی ایہہ اَِنج ای اے ؟ ایہدے بارے وچ پُرانا عہد نامہ تے نواں عہد نامہ کیہ آکھدے نیں ؟ پاک کتاب دے مطابق ، ایہہ صرف خُدا دے میمنے دے لہو نال نئیں اے ، سگوں یسوع دے بپتسمہ دے راہیں وی مطلب اے ، مکتی مِل دی اے (۱ ۔ یوحنا ۵ : ۳ ۔ ۶)۔
کیہ تسیں صرف یسوع دے کلے لہو اُتے ایمان رکھدے او؟اوہ جیہڑے بڑے یقین نال اِنج کردے حالے تیک اپنے دلاں وچ پاپ رکھدے نیں ۔ اوہناں نُوں بڑے یقین نال اپنے غلط ایمان اُتے غالب آؤنا چاہی دااے تے سچی خوشخبری وَل پرتنا چاہی دااے ۔
اوہ جیہڑے ایمان نئیں رکھدے نیں ،اوہناں نوں ایہہ من لینا چاہی دااے پئی اوہناں دی غلط اَگوائی کیتی گئی اے ،وہ نئیں جان دے پئی یسوع نے اپنے بپتسمہ دے راہیں یردن اُتے سارے پاپ چُک لئے سن ۔اوہناں نوں بڑے یقین نال من لینا چاہی دااے پئی اوہ یسوع دے بپتسمہ نُوں اکھاں تو ں اک پاسے کرن ،مطلب اے ، قبول کرن وچ غلط ہوگئےنیں ۔ اوہناں نوں بڑے یقین نال ایس گل نوں اپنے دلاں وچ لینا چاہی دااے پئی یسوع نے اپنے بپتسمہ دے راہیں سارے پاپاں نُوں چُک لیا سی ۔ مکتی صرف اودوں مل دی اے جدوں اسیں دونواں یسوع دے بپتسمہ تے اوہدے لہو اُتے ایمان رکھدے آں ۔ دوجے اَکھراں وچ ،صرف پانی تے رُوح دی خوشخبری دے راہیں اسیں ہمیش دی حیاتی پاؤن دے لائق ہوندے آں ۔
سوہنے مسیحیو، کیہ تسیں حالے تیک صرف یسوع دے لہو اُتے ایمان دا انحصار کردے او ؟ جے
اِنج دی حالت اے ، بڑے پک نال تسیں اپنے دل وچ پاپ رکھدے او۔جے تسیں پاپ کردے او ،فیر تسیں اپنے دل وچ پاپ رکھدے او ۔جے تسیں سوچدے او پئی تسیں پاپ توں چھُڈائے گئے او،جدوں تسیں خُدا دی شریعت دے مطابق حیاتی بسر کردے او، ایہہ صرف اک احساس ہیگا اے جیہڑا تہاڈے دل وچ پیدا ہوندااے ۔ ایہہ کامل ایمان خُدا دے کلام دے وانگر نئیں ہیگا اے ۔
اجے وی بوہتی دیر نئیں ہوئی اے
سچائی سانوں کیہڑی شے توں چھڈاؤندی اے ؟
پاپ تے موت دی شریعت توں
اجے وی بوہتی دیر نئیں ہوئی اے۔تہانوں جیہڑا بڑے پک نال کرنا چاہی دااے ، یسوع دے بپتسمہ تے اوہدے لہو اُتے ایمان رکھنا اے،تے تہاڈے دل دا ختنہ ہوجاوےگاتے تسیں اپنے سارے پاپ توں چھُڈائے جاووگے۔سارے پاپ توں چھُڈائے جان دامطلب اے پئی تسیں یسوع دے بپتسمہ تے اوہدے لہو دی خوشخبری اُتے ایمان رکھن دے راہیں مکتی یافتہ ہوگئے او۔
کیہ تسیں اپنے پاپاں توں مکتی لئی یسوع دے بپتسمہ تے اوہدے لہو اُتے ایمان رکھن دا ارادہ رکھدے او ؟ اک وار ی تسیں ایہدے اُتے ایمان رکھدے او ، تسیں سکھوگے مکتی کیہو جیہی اے ۔ تسیں دلی سکون پاووگے ۔فیر ، تے صرف فیر ، تسیں راستباز بنوگے ۔ اپنے کماں دے راہیں نئیں ، پر خُدا دے کلام اُتے ایمان رکھن دے راہیں ،جے تہاڈے وچوں کوئی مکتی لئی صرف یسوع دے لہو اُتے ایمان رکھدا ، تے اوسے اُتے پکا اے ،میَں تہاڈا دونویں یسوع دے بپتسمہ تے اوہدے لہو اُتے ایمان رکھن وَل دِل لاؤنا چاہواں گا ۔
سوہنے مسیحیو، پاپ توں انسانی پیڑھی دی مکتی یسوع دے بپتسمہ تے اوہدے لہو دی خوشخبری دے راہیں پوری ہوئی سی ۔ رُوح خُدا اے ۔ خُدا ایس جگ وچ اک انسانی بدن وچ آیا سی۔
خُدا نے نبیاں دے راہیں آکھیا پئی سانوں اوہدا ناں یسوع سَدنا چاہی دااے ،کیوں جے اوہنوں اپنے
لوکاں نُوں پاپاں توں مکتی دینی سی ۔ خُدا نے آکھیا ، ”ویکھو اک کواری اُمیدانال ہووےگی تے پُتر جمے گی تے اوہدا ناں عمانوایل رکھن گے ،جیہدامطلب اے ، خُداساڈے نال ۔ “ (متی ۱ : ۲۳)۔
خُدا ایس جگ وچ پاپیاں نُوں مکتی دین لئی آیا۔اوہنے جگ دے سارے پاپاں نُوں چُکن لئی بپتسمہ لیا تے ایس طرحاں سارے پاپیاں نُوں مکتی دِتی ۔ ایہہ سچ ہیگااے تے پانی تے لہو دی مکتی اے ۔ میَں تہانوں ایتھے ایہہ دسن لئی ہیگا واں ۔کیہ اسیں صرف یسوع دے لہو دے راہیں مکتی پائی اے ؟ بے شک نئیں ۔ اسیں یسوع دے بپتسمہ تے اوہدے صلیبی لہو دے راہیں مکتی پائی اے ۔
اج بوہت سارے نقلی نبی تے پُٹھی راہ دے راہی ہیگے نیں ،جیہڑے یسوع دے بپتسمہ اُتے ایمان نئیں رکھدے ۔یسوع نے آکھیا ، ”تے سچیائی نوں جانوگے تے سچیائی تہانوں چھُڈائے گی “ (یوحنا ۸ : ۳۲)۔
سانوں بڑے پک نال سچیائی نوں جاننا چاہی دااے ۔سانوں بڑے یقین نال جاننا چاہی دااے پئی کیوں یسوع نےاپنے بپتسمہ دے بارے وچ گل کیتی تے سانوں کیوں ایہدے اُتے ایمان رکھنا چاہی دااے ۔سانوں جاننا چاہی دااے کیوں خُدا نے اِسرائیل دے لوکاں نوں پُرانے عہد نامے وچ ختنہ کرواؤن لئی آکھیا تے اوہنے کیوں فسح دے میمنے دے لہو دے بارے وچ گل کیتی ۔
جدوں اسیں کہانی دا صرف اک حصہ جان دے آں ،اسیں کدی وی سچ نُوں پچھان نئیں سکدے ۔ یسوع نے آکھیا ، ” پئی میَں تینوں سچ آکھدا ہاں جدوں تیک کوئی بندہ پانی تے رُوح نال جمے نہ ،اوہ خُدا کی بادشاہی وچ جانئیں سکدا۔“ (یوحنا ۳ : ۵)۔
مسیح وچ بپتسمہ لینا
اسیں کویں مسیح دی موت نال اکٹھے ہو سکدے آں؟
اوہدے بپتسمہ دے راہیں ساڈے سارے پاپاں نُوں یسوع اُتے لدن دے راہیں
پاک کتاب نے مکتی دے بھیت دی گواہی دتی اے۔ کیہ ایہہ صرف یسوع دے لہو دے راہیں
اے ؟نئیں ۔ ایہہ اکٹھے اوہدے لہو تے اوہدے بپتسمہ دے راہیں اے ۔ پولُس رسُول نے کئی واری ایہدے بارے وچ رومیوں ۶ باب وچ تے فیر کئی دوجیاں خطاں وچ گل کیتی اے۔
آؤ اسیں رومیوں ۶ : ۳ ۔ ۸ توں پڑھیے، ” کیہ تہانوں نئیں پتہ پئی اسیں جنیاں نے مسیح یسوع وچ شامل ہون دا بپتسمہ لیا تو اوہدی موت وچ شامل ہون دا بپتسمہ لیا ؟ ایس لئی موت وچ شامل ہون دے بپتسمہ دے راہیں اسی اوہدے نال دفن ہوئے تاں پئی جویں مسیح پیودے جلال دے راہیں مویا وچوں جی اُٹھیا ،اوسے طرحاں اسیں وی نویں حیاتی بسر کرئیے۔کیوں جے جدوں اسیں اوہدی موت وانگر اوہدے نال اکٹھے ہوگئے ، تےبے شک اوہدے جی اُٹھن وانگر وی اوہدے نال اکٹھے ہوواں گے ۔ ایس لئی سانوں پتہ اے پئی ساڈی پُرانی انسانیت اوہدے نال ایس لئی سولی اُتے مرگئی پئی پاپ دا بدن نکمہ ہو جاوے تاں پئی اسیں اگانہہ توں پاپ دی غلامی وچ نہ رہیے ۔ کیوں جے جیہڑا مویا اوہ پاپ توں چھُڈایا گیا ۔ ایس لئی جدوں اسیں مسیح دے نال مرے تے سانوں یقین ہیگا اے پئی اوہدے نال حیاتی وی بسر کراں گے۔“
آؤ اسیں آیت ۵ ویکھئے۔ ایہہ آکھدی اے ، ” کیوں جے جدوں اسیں اوہدی موت وانگر اوہدے نال اکٹھے ہوگئے ، تو بے شک اوہدے جی اُٹھن وانگر وی اوہدے نال اکٹھے ہوواں گے ۔ “
اوہدی موت ساڈی موت سی کیوں جے اوہدے بپتسمہ دے راہیں ساڈے سارے پاپ اوہدے اُتے لد دِتے گئے سن ۔ ایس لئی یسوع دا بپتسمہ ساڈے نال اوہدے صلیبی لہو نوں جوڑدااے ۔
ساڈا یسوع دےبپتسمہ تے اوہدے لہو اُتے ایمان سانوں یسوع دے نال اکٹھیاں ہون دی
اجازت دیندااے ۔ ” کیوں جے پاپ دی دیہاڑی موت اے ۔“(رومیوں ۶ : ۲۳)۔ایس لئی سولی اُتے یسوع دی موت ساڈی موت سی ۔ اوہنے اپنے آپ اُتے ساڈے سارے پاپاں نُوں لین لئی بپتسمہ لیا ۔ ایس سچ اُتے ایمان رکھنا یسوع مسیح ،ساڈے مکتی داتا دے نال اپنے آپ نوں اکٹھیاں کرنا اے ۔
سانوں یسوع اُتے صرف اک دینی حیاتی دے اک حصے وانگر ایمان نئیں رکھنا چاہی دا
” اوہ کھرا تے انصاف کرن والا اے“ دا کیہ مطلب اے؟
ایہدا مطلب اے پئی یسوع نے ساڈے پاپ اکو ای واری ہمیش لئی دھودِتے تے ہر کسے نوں بچاؤندااے ، جیہڑا سچ اُتے ایمان رکھدااے ۔
بوہتے لوک یسوع اُتے اک دینی حیاتی وانگر ایمان رکھدے نیں ، ایس لئی اوہ گرجے جاندے تے اپنیاں اکھاں توں دعا تے توبہ کرن لئی رولا پاؤندے نیں ۔ اوہ ہر دیہاڑے اپنے پاپاں دا اقرار کردے تے معافی منگ دے نیں۔ اوہ دُعا کردے نیں ، ” اے یسوع ، میَں جان دا تے ایمان رکھدا ہاں پئی تُوں سولی اُتے میرے لئی مویا۔ آہو ،میَں ایمان رکھداہاں ۔ “
صاف طور اُتے ، اوہ تھلے درج کیتے حوالے نُوں غلط سمجھدے نیں ، ”جے اپنے پاپاں دا اقرار کرئیے تو وہ ساڈے پاپاں نُوں معاف کرن تے سانوں ساری بدی توں پاک کرن وچ کھرا تے انصاف کرن والا اے ۔ “ (۱۔یوحنا ۱: ۹)۔اوہ دعویٰ کردے نیں پئی اوہناں نوں اوہناں دے پاپاں توں ہر دیہاڑے دے اقرار دے راہیں معاف کیتا جانا چاہی دااے ۔ پر اُتلے حوالے وچ پاپ دا مطلب ہر دیہاڑے دیاں نکیا ں غلطیاں نئیں ہیگیاں ۔ حوالے دا مطلب اے ،پئی اسیں اپنے پاپاں توں اکو ای واری تے سدا لئی معاف ہوندے آں ،جدوں اسیں ایس گل نُوں من دے آں پئی ،اسیں حالے تیک مکتی یافتہ نئیں ہوئے آں ۔
” ایس لئی ایمان سُنن نال پیدا ہوندااے تے سُننا مسیح دے کلام نال ۔ “ (رومیوں ۱۰ : ۱۷)، ” تے سچیائی نُوں جانو گے تے سچیائی تہانوں چھُڈائے گی ۔ “ (یوحنا ۸ : ۳۲)۔
سوہنے مسیحیو، سچیائی صاف اے ، جے تسیں ایمان رکھدے او پئی یردن اُتے اپنے بپتسمہ دے راہیں ساڈے سارے پاپ چُکیوں اَڈ یسوع سولی اُتے مریا ، تہاڈا ایمان کسے کم دا نئیں ۔ جے کوئی مسیحی اپنے سارے پاپاں توں چھُٹ جاناچاہندااے ،اوہنوں بڑے پک نال ایمان رکھنا چاہی دا اے پئی اوہدے پاپ یردن اُتے اکو ای واری تے سدالئی اوہدے بپتسمہ دے راہیں یسوع اُتے لد دِتے گئے سن تے ایہہ پئی اوہنے ساڈے سارے پاپاں لئی سولی اُتے سزا جری ۔ دوجے اَکھراں وچ ،سانوں دونویں یسوع دے بپتسمہ تے اوہدے لہو اُتے ایمان رکھنا چاہی دااے ۔
” تے کسے ہو ردے راہیں مکتی نئیں ہیگی کیوں جے اَسمان دے تھلے بندیاں نوں کوئی دوجا ناں نئیں دِتا گیا جیہدے راہیں اسیں مکتی پا سکیے۔“ (اعمال ۴ : ۱۲)۔یسوع مسیح نے اپنے بپتسمہ دے راہیں ساڈے سارے پاپ چُک لئے تے ساڈا مکتی داتا بن گیا ۔ یسوع سانوں ہمیش دی موت توں بچاؤن لئی پانی تے لہو دے راہیں آیا ۔ ” کیوں جے راستبازی لئی ایمان لیاؤنا دل نال ہوندااے تے مکتی لئی اقرار مونہوں کیتا جاندااے ۔“ (رومیوں ۱۰ : ۱۰)۔کیہ تسیں اک راستباز جے یاں پاپی بندے جے ؟
گلتیوں ۳ : ۲۷آکھدا اے ، ” تے تسیں سارے جنیاں نے مسیح وچ شامل ہون دا بپتسمہ لیا مسیح نُوں لیڑیاں وانگر پا لیا۔“ ایہہ آیت سانوں دَسدی اے پئی یسوع اپنےبپتسمہ دے راہیں جگ دے سارے پاپ چُکن دے بعد سولی اُتے مریا سی ۔ اوہ ۳ دن بعد مویاں وچوں جی اُٹھیا تے ہُن خُدا دے سجے ہتھ اُتے بیٹھا ہویااے ۔ اوہ اوہناں ساریاں دا جیہڑے اوہدے اُتے ایمان رکھدے نیں ،مکتی دا مالک بن گیااے ۔
جے یسوع مسیح بپتسمہ نہ لیندا ،جے اوہ ساڈے لئی سولی اُتے لہو نہ روہڑدا ،اوہ ساڈا مکتی داتا وی نہ بن دا ۔اسیں صرف مکتی یافتہ ہو سکدے آں جدوں اسیں پانی تے رُوح دی خوشخبری اُتے ایمان رکھدےآں ۔
بھانویں موسیٰ دا پُتر
اوہدے مصردے راہ اُتے خُدا نے موسیٰ نُوں کیوں مارن دی کوشش کیتی ؟
کیوں جے اوہنے اپنے پُتراں دا ختنہ نئیں کیتا سی ۔
جان توں ودھ سوہنیو،تسیں یسوع دے پانی تے لہو دے راہیں اپنے سارے پاپاں دی معافی دے بھیت نُوں سُن دے پئے او۔ خُدا دے ایناں اَکھراں نوں سُنن دے لائق ہونا اک حیران کرن والی برکت اے ۔
کیہ ایہہ صرف یسوع مسیح دا خون اے؟ پُرانے عہد نامے دے دِناں وچ،لوک ختنہ تے میمنے دے لہو دے راہیں ابرہام دی اولاد بن گئے سن۔ ہُن اسیں یسوع دےبپتسمہ تے اوہدے لہو اُتے ایمان رکھن دے راہیں خُدا دے لوک بن جاندے آں ۔ خُدا سانوں پُرانے عہد نامے وچ موسیٰ دے راہیں ایہدا ثبوت وکھا چُکیا اے ۔
اِسرائیل دے لوکاں نوں مکتی دین لئی خُدا نے موسیٰ نال کلام کیتا تے اوہنوں اوہدے لوکاں نوں
مصرتوں باہر لیان دا حکم دتا ۔ ایس لئی موسیٰ نے ،اپنے سوہرے ،یترو دی اجازت نال مدیان دی دھرتی چھڈ دِتی تے اپنی گھروالی تے پُتراں نال مصر ول ٹُر پیا ۔ جدوں اوہنے اپنے خنوادے نوں اک کھوتے اُتے بٹھایا ،خُداوند اوہنوں اوہدے تنبُو دے نیڑے مِلیا تے اوہنوں مارنا چاہیا۔
پر اوہدی سیانی گھروالی صفورہ ایہدا سبب جان دی سی ۔اوہنے اک تیز پتھر چُکیا تے اپنے پُتر دی کھلڑی نُوں لاہ دتا تے موسیٰ دے پیراں وچ سُٹیا تے آکھیا ، ” تو بےشک میرے لئی قاتل لاڑا ایں ۔“ ایس لئی خُدا نے اوہنوں جان دتا ۔
ایہہ اوہدا آکھن دا طریقہ سی پئی یقیناً اوہ ہرکسے نوں مار دیوےگا، بھانویں موسیٰ دے پُتر نُوں وی ،جے اوہدا ختنہ نہیں ہویا سی ۔ اِسرائیل دے لوکاں لئی ، ختنہ خُدا دے عہد دانشان سی اوہ جان دےسی پئی خُدا یقیناً ہرکسے نوں اپنے لوکاں وچوں وڈ دیوے گا ،بھانویں آگُو دا پُتر وی ہووے ،جے اوہدا ختنہ نئیں ہویا۔ ایس لئی ،ایسے طرحاں اوہدے پُتر نوں وڈن توں بچاؤن لئی ، خُدا نے موسیٰ نوں ایس طریقے نال خبردار کیتا ۔
پاک کتاب سبب دَسدی اے پئی صفورہ نے اپنے پُتر دی کھلڑی نوں لاہ دتا تے ایہہ آکھدے ہویاں موسیٰ دے پیراں وچ اوہنوں سُٹیا، ” تُوں قاتل لاڑا ایں ! “ مطلب اے، ختنہ لئی خُدا دی مرضی نوں پوراکرنا سی (خروج ۴ : ۲۶)۔
کوئی وی جیہدا اِسرائیلیاں دے وچکار ختنہ نئیں ہونداسی اپنے لوکاں وچوں وڈیا جانداسی ۔ صرف اوہناں نوں جنہاں دا ختنہ ہونداسی فسح دے میمنے دا گوشت کھان دی اجازت سی تے خُدادے لوکاں وانگر عبادت وچ شامل ہون دی اجازت سی ۔
پولُس رسُول اک عبرانی سی ۔اوہدا اوہدے جمن دے ۸دن بعد ختنہ ہویاسی ،وڈے اُستاد گملی ایل دے ہتھوں تعلیم سِکھی ۔ تے ٹھیک طوراُتے سمجھیا پئی کیوں یسوع مسیح نے یردن اُتے بپتسمہ لیا سی تے اوہنوں کیوں سولی اُتے مرنا پیا سی ۔ایس لئی پولُس رسُول نے اپنے خطاں وچ یسوع دے بپتسمہ دے بارے وچ لکھیا سی ۔
پولُس رسُول نےبوہتی وار یسوع دے بپتسمہ دے بارے وچ وی ساڈی مکتی دے پورے ہون وانگرگل کیتی ۔لہو صرف اوہدی مکتی دا اخیری ویلا سی ،جد پئی اصل رُوحانی ختنہ یسوع دا بپتسمہ سی ۔اوہدے بپتسمہ دے اَڈ یسوع دے لہو اُتے بوہتا دھیان دین دا کوئی فائدہ نئیں ہیگااے۔
پولُس رسُول نے بوہتی وارسِدھے سانویں یسوع مسیح دے بارے وچ گل کیتی ۔ ایہہ ایس طرحاں کیوں سی ؟کیوں جے ایہہ ساڈی مکتی دا اخیری ثبوت اے ۔ جے یسوع جگ دے سارے پاپاں نُوں اپنے اُتے اُٹھا چُکیا سی تے ساڈے لئی سزا نوں جرن لئی سولی اُتے لہو روڑن وچ ناکام ہو جاندا، اسیں کامل طور اُتے مکتی یافتہ نہ ہوندے ۔ایہو ای سبب اےپولُس رسُول نے بوہتی وار سولی دے بارے وچ گل کیتی ۔ سولی ساڈی مکتی دا اخیری ٹھکانہ اے ۔
جے مکتی دا سچ وگاڑیوں اَڈ ایس پیڑھی دے حوالے کیتا جاندا، ہُن تیک بوہت سارے بوہتے لوک پاپ دے اَڈ ہونے سی ۔ پر بد نصیبی نال ، سچ بڑے چِر توں گواچ گیا اے تے بوہت سارے لوک صرف اوہدے بپتسمے دے سچے مطلب دا احساس کیتے بغیر سولی دے بارے وچ جان دے نیں ۔
کیوں جے اوہ صرف خوشخبری دے ویلے کھوکھے اُتے ایمان رکھدے نیں، اوہ پاپی ای رہن گے کوئی مطلب نئیں رکھدا اوہ کنے ورہیاں توں جوش تے جذبے نال یسوع اُتے ایمان رکھدے نیں ۔ اوہ ۱۰ ورہیاں دے بعد وی ہن تیک پاپی رہن گے ایتھوں تیک پئی ۵۰ ورہیاں دی دینی حیاتی دے بعدوی ۔
میری گواہی
کیہ خُدا پاپیاں نُوں راستباز سمجھدااے ؟
نئیں ۔ اوہ انصاف کرن والا اے۔ راستباز اوہ نیں جیہڑے پاپ توں چھُڈائے گئے نیں ۔ مطلب اے، اوہدے بپتسمہ دے راہیں یسوع اُتے اپنے سارے پاپاں نوں لد چُکے نیں ۔
میَں یسوع اُتے ایمان رکھنا شروع کیتا جدوں میَں ۲۰ ورہیاں داساں۔اوس ویلے توں پہلاں ،مینوں کوئی اندازہ نئیں سی ،میَں اپنی حیاتی وچ کنے پاپ کر چُکیا ساں کیوں جے میَں خُدا دی شریعت نُوں جان دانئیں سا ں اوس ویلے تیک خُدا نوں کدی وی جانے اَڈ میَں اپنے طور طریقیاں نال حیاتی بسرکرچُکیا ساں ۔
فیر میَں بیمارہوگیا ۔میَں اینا بیمار ہوگیا پئی میَں سوچیا ،میَں مرن والا ساں ۔ ایس لئی میَں فیصلہ کیتا پئی گھٹوگھٹ مینوں اپنے مرن توں پہلاں اپنے سارے پاپاں توں چھُٹ جانا چاہی دااے ۔کیوں جے میَں سُنیاں سی پئی یسوع میرے ورگے پاپیاں لئی مریا سی ،میَں اوہدے اُتے ایمان رکھن دا فیصلہ کیتا۔ شروع شروع وچ میَں دلوں خوش خوش تے شکرگزاری نال بوہت بھریاہویاساں ۔
پر کُجھ ویلے دے بعد ایہہ احساس پھِکاپین لگ پیا۔ کُجھ ورہیاں دے بعد ،میَں بچ نہ سکیا سگوں ہر دیہاڑے نویں پاپ کردا۔ میَں گھڑی مُڑی پاپی بن داگیا ۔۱۰ ورہیاں بعد ، میَں فیر وی اک پاپی ساں ،اصل وچ پہلاں توں وڈا بدکار ، میَں ۱۰ ورہیاں توں یسوع اُتے ایمان رکھداساں تے سچ ایہہ سی پئی میَں کدی وی تبدیل ہوئیوں اَڈ اک پاپی ساں ۔ میَں دونویں ایماندار تے پاپی ساں ۔
بھانویں میَں گایا ، ” ♪رونا مینوں نئیں بچاوےگا!بھانویں میرا چہرہ ہنجوآں نال نہا گیا ، جیہڑے میرے خیالاں نوں بجھا نہ سکے ،ورہیاں دے پاپاں نوں دھو نہ سکے ! رونا مینوں نئیں بچاوےگا! ♪“ میَں ہر واری رولا پایا جدوں میَں پاپ کیتا ۔
” سوہنے خُدایا،مہربانی کرکے مینوں اک پاپ توں معاف کردے ۔ مینوں ایہہ اک وار ی معاف کردے ،تے میَں فیر کدی پاپ نئیں کراں گا ۔ “پاپ کرنے دےبعد ،میَں ۳ دناں لئی دعاکردا ساں ۔میَں کمرے دی اک نکر وچ اپنے آپ نوں بند کرلیندا تے دُعا کردا ،جدپئی ۳ دناں داروزہ وی رکھدا ساں ۔ کیوں جے میرا دل ایناں بھاراسی ، میَں رولاپایا تے خُدا توں معافی منگی ۔۳ دناں دے بعد ،میَں چنگا محسوس کردا تے سوچدا ،میَں اوہدے اَگےفیر جا سکداسی ۔
” فیر،میَں اپنے پاپاں نوں دھو چُکیا ہاں ۔ہیلیلویاہ ! “ میَں کُجھ دیر لئی اُچھلدا تے ہوشیاری نال حیاتی بسرکرداساں ۔ پر میَں بڑی چھیتی فیر پاپ کرداتے پریشانی ودھ جاندی سی ۔ میَں ایہہ غمگین کم گھڑی مُڑی کرداہونداسی ۔ شروع شروع وچ ، یسوع اُتے ایمان رکھنا بڑا چنگا محسوس ہویا ،پر جناں بوہتا میَں ایمان رکھیا اونے ای میرے پاپ اک بند کمرے دی دھوڑ وانگر اکٹھے ہو ندے گئے سن۔
۱۰ ورہیاں بعد ،میَں اک بڑاوڈا بدکار بن گیا ،مطلب اے ، جیہڑے وجود نال میَں شروع کیتا سی ۔ ” میَں کیوں اپنی حیاتی دے شروع وچ یسوع اُتے ایمان رکھیا؟ یسوع اُتے ایمان رکھنا بوہتا آسان ہوندا جے میں اُڈیک رکھدا جد پئی میَں ۸۰ورہیاں دا ہو جاندا،مطلب اے بالکل اپنے مرن توں پہلاں ۔فیر ، میَں پاپ دی سیانف نہ رکھدا تے ہر دیہاڑے توبہ کرن دی لوڑ نہ پیندی ۔“ میَں سوچداساں مینوں خُدا دی مرضی دے مطابق حیاتی بسر کرنی چاہی دی اے ، پر ایہہ اوکھا سی ۔ میَں محسوس کیتا ،میَں پاگل ہونداپیا واں !
میَں کھوجیاتے خُدالئی نویں کھوج شروع کیتی ۔ میَں بوہت ویلا خدائی تعلیم نوں پڑھن وچ لنگھایا پر کُجھ ورہیاں بعد ،میرا دل ایتھوں تیک پئی بوہتا بے آس بن گیا ۔ دینی خیالاں اُتے کتاباں پڑھنی شروع کرن توں پہلاں ،میَں آکھدا ہونداسی ،میَں مقدس ڈیمین وانگر، اک گرم بسترے اُتے کدی وی سُکھ دی نیندر نہ سوندیاں ہویا ں حیاتی بسرکراں گا ۔ میَں وعدہ کیتا سی پئی میَں کدی اپنے آپ عیش پرستی نئیں کراں گا ، سگوں اپنے آپ نوں مکمل طور اُتے لوڑ منداں دے نانویں لاواں گا۔
جویں میَں ایس مقدس بندے دی حیاتی بارے پڑھیا سی ، میَں بالکل اوہدے وانگر حیاتی بسرکرن دا وعدہ کیتا سی ۔ میَں اپنے لئی جگ نوں چھڈی ہوئی حیاتی اپناؤن دی کوشش کیتی ۔ میَں سیمنٹ دے سخت فرشاں اُتے گوڈے ٹیک کے دُعا کرداساں تے اک ویلے وچ میَں بوہت گھنٹے دُعاکردا ہونداسی ۔ فیر، میَں محسوس کردا سی پئی جویں میریاں دعاواں بوہت مطلب رکھدیاں سن تے ایہدے بعد،میَں اپنے آپ دے بارے وچ بوہت چنگا محسوس کرداسی ۔
پر ۱۰ ورہیاں بعد،میَں اینوں اگانہہ ہور جاری نہ رکھ سکیا ۔ایس لئی میَں خُدا دے اَگے دُعا منگی ۔ ” اَسمانی سوہنے خُدایا،مہربانی کرکے مینوں بچا۔میَں اپنے سارے دل نال تیرےاُتے ایمان رکھدا ہاں ۔میَں جان دا ہاں پئی میَں تیرے نال اپنے چنگے ہون نوں نئیں بدلاں گا ،بھانویں کوئی میری گردن اُتے چاقو وی رکھ دیوے ۔ پرایتھوں تیک میَں اپنے سارے دل نال تیرے اُتے ایمان رکھداہاں ،میَں کیوں حالے تیک اپنے آپ نوں سکھنا محسوس کرداہاں؟ میَں کیوں ایناں پریشان ہیگاواں؟ میَں کیوں پہلاں توں بوہتا وڈا پاپی بندا پیاواں ؟ میَں پہلوں پاپ دے بارے وچ بوہتا نئیں سوچیا سی ۔ میَں تیرے اُتے ایمان رکھن لئی آیا تے ہُن میَں حیران ہونداواں کیوں میَں تیرے اُتے ورہیاں توں ایمان رکھن دے بعد ایناں بوہتا بدکار بن گیا واں ؟ میرے نال کیہ مسئلہ ہیگا اے؟ “
ایہہ ایس نکتے اُتے سی پئی میَں سبب نُوں جانیا ۔ میَں اپنے پاپاں توں مکتی یافتہ ہوئیوں اَڈ خُدااُتے ایمان رکھ چُکیا ساں ۔ میَں اوس ویلے سچ نُوں نہیں جان داسی تے ،ایہہ مینوں پاگل کرن لئی بوہتا سی ۔
اپنے دل وچ پا پ دے نال ، میَں کویں دوجیاں نُوں خُدا دے فضل دی مکتی دے بارے وچ دَس
سکدا ساں ؟ میَں کویں دوجیاں نوں یسوع اُتے ایمان رکھن دے بارے وچ دَس سکداساں ؟ میَں گھڑی مُڑی دُعا منگی ۔” سوہنے خُدایا ، میَں بڑی چھیتی سیمنری توں گریجوایٹ ہو جانواں گا تے اک خادم وانگر مخصوص کیتا جانواں گا ۔ پر جے میَں پاپ نال لدیاہویا اک خادم بن دا ہاں ، میَں کویں دوجے پاپیاں نُوں پاپاں دی معافی دے بارے وچ دَسن دے لائق ہوواں گا؟ میَں آپ اک پاپی آں تے جدوں میَں پولُس رسُول دے خطاں نُوں پڑھیا مینوں اوتھوں مِلیا پئی جے کوئی مسیح دی رُوح نئیں رکھدا، اوہ خُدا دا پُتر نئیں ہیگا۔ پر کوئی مطلب نئیں رکھدا پئی میَں کناں دِلوں کھوجیا،پاک رُوح میرے اندر نئیں ہیگااے ۔ میَں محسوس کیتا پئی ایہہ شروع وچ موجود ہیگا سی ،پر ہُن ایہہ غائب ہو گیا اے ۔کیہ گل ہوئی اے؟ مہربانی نال یا خُداوندا، مینوں دَس کیوں؟ “
اصل وچ ،سبب ایہہ سی پئی میَں آپ ایس سوچ توں دھوکہ کھا چُکیا ساں پئی میَں یسوع اُتے سوکھا ایمان دے راہیں چھُڈایا گیا ساں ۔ میَں اک چِر تیک ایہدے توں دِلی رُوحانی تکلیف سہی سی ۔
خُدا نے اوہناں نُوں وکھالی دین دا وعدہ کیتا جیہڑے دِلوں اوہنوں کھوج دے نیں ۔ اخیر وچ اوہ مینوں اپنے سچ نال مِلیا ۔ میَں ۱۰ورہیاں دے بعد وی حالے تیک اک پاپی ساں ،جدوں میَں یسوع اُتے ایمان رکھنا شرو ع کیتا ، پرجدوں میَں یسوع دے بپتسمہ تے اوہدے لہو دا بھیت سِکھیا، جدوں میَں پُرانے عہد نامے وچ ختنہ تے نویں عہد نامے وچ روحانی ختنے دا مطلب جانیا، جدوں میَں احساس کیتا تے مسیح دے بپتسمہ دے راہیں مکتی دے بھیت اُتے ایمان رکھیا ، میرے سارے دُکھ مُک گئے ۔میری رُوح برف وانگر چٹی ہوگئی ۔
ایہہ تہاڈے لئی اِنج ای ہو جاوےگا ۔جے تسیں یسوع دے بپتسمہ تے اوہدے لہو دی خوشخبری اُتے ایمان رکھدے او ،تسیں وی بےپاپ بن جاووگے۔تسیں خورے حالے تیک ادھورے ہووو، پر تسیں راستباز ہوووگے ۔جدوں تسیں ایس سچ نُوں اپنے دِلاں وچ لیندے اوتے دوجیاں نوں دَسدے او ،اوہ وی مکتی یافتہ ہوجان گے تے ” ہیلیلویاہ ! “ رولاپاؤندے ہوئے ،خُدادی وڈیائی کرن گے ۔
میَں سارے بھراواں تے بھیناں نُوں مبارک باد ی پیش کرداہاں ،جیہڑے چھُڈائے گئے نیں ۔ سانُوں ساڈے پاپاں توں چھُڈاؤن لئی میَں یسوع دی وڈیائی کردا ہاں ۔ ہیلیلویاہ! اسیں دلوں خوشی دے نال اپنے سارے پاپاں توں چھُڈائے گئے آں
ایہہ اینی وڈی برکت اے پئی اسیں صرف مونہہ دے بولاں نال اپنی ساری خوشی نُوں دَسن دے لائق نئیں ہیگے آں ۔ آؤ اسیں رَل کے اک گیت گائیے۔” ♪اوہدا ناں اک بھیت بن گیا اے کیوں جے اسیں حالے تیک سارے جگ دے اگے اوہناں بھیتاں دی منادی نئیں کیتی اے ۔ اوہ راجاں دے رَدّ کیتے ہوئے پتھروانگر باہر سُٹیا گیا سی ،پر اوہدا ناں میرے دل وچ بوہتے مُل دا موتی بن گیا ♪ “
یسوع دا بپتسمہ تےاوہدا لہو سارے پاپیاں نوں اوہناں دے پاپاں توں مکتی دین لئی بوہت لوڑی دااے
کیہ ساڈے دلاں وچوں سارے پاپاں نُوں دُورکردااے؟
یسوع دا بپتسمہ
یسوع مسیح نے اپنے بپتسمہ تے لہو دے راہیں جگ دے سارے پاپاں نُوں دھودِتا ۔ اوہنے ساڈا روحانی طور اُتے ختنہ کیتا تے سانوں اپنے لوک بنایا۔ اوہ نویں سریوں جمن والیاں دا خُدا ہیگااے ۔
پاپ دی ہمیشہ سزا مِلدی اے ۔ پر یسوع نےبپتسمہ لیا تے سانوں بچاؤن لئی سولی اُتے دُکھ جرے ۔
اپنے لہو دے نال ، اوہنے سانوں ساریاں نوں مکتی دِتی تے ۳ دناں بعد مویاں وچوں جی اُٹھیا ۔ ایہہ خُداپیو سی جنہے یسوع نُوں مویاں وچوں جیونداکیتا۔
یسوع دی حیاتی ساڈی حیاتی اے تے خُدا دے پُتراں وانگر ساڈے ہون دا نشان ہیگااے ۔ اوہدے بپتسمہ نے ساڈے سارے پاپاں نُوں چُکیا تے سولی اُتے یسوع دا مہنگا لہو ثبوت اے پئی اوہنے ساڈےلئی دُکھڑے جرے ۔
سوہنے بیلیو،کیہ تسیں اپنے دلاں وچ یسوع دا بپتسمہ تے اوہدے لہو دا ایہہ ثبوت رکھدے او؟ میَں تہانوں فیرپُچھدا ہاں۔کیہ ساڈی مکتی صرف یسوع دے لہو دے راہیں مِلدی اے ؟نئیں ۔ ایہہ اکٹھی یسوع دےبپتسمہ تے اوہدے لہو دے راہیں مِلدی اے ۔
پُٹھی راہ دا، راہی کیہڑا اے ؟
پُٹھی راہ دا، راہی کیہڑا اے ؟
اوہ جیہڑا یسوع دے بپتسمہ اُتے ایمان رکھن وچ ناکام ہوندیاں ہویاں اپنے آپ نُوں مجرم ٹھہراؤندااے ۔
سوہنے بیلیو ،کیہ تسیں اپنی حیاتی دے ہر دیہاڑے وچ یسوع اُتے اپنے ایمان دا اقرار کرن دے باوجود حالے تیک اک پاپی جے ؟ جے تسیں اک پاپی جے بھانویں تسیں یسوع اُتے وی ایمان رکھدے او، فیر تسیں اِک پُٹھی راہ دے، راہی ہیگے او ۔ خُدا دے سچ اُتے ایمان نہ رکھنا ، پُٹھی راہ دا، راہی ہونا اے ۔ طِطُس ۳ : ۱۰ ۔۱۱، پُٹھی راہ دے، راہی بارے گل کرداے ، ” اک دو واری نصیحت کرکے پُٹھی راہ دے، راہی توں کنارہ کر۔ ایہہ جان دیاں ہویاں پئی ایہو جیہا بندہ راہوں بھٹک گیا اےتے اپنے آپ نوں جرم وار ٹھہراکے پاپ کردارہندااے ۔“
اپنے آپ نوں جرم وار ٹھہراؤن والا بندہ آکھدااے ، ” سوہنے خُدایا!میَں اک پاپی آں ۔ میَں تیرے اُتے ایمان رکھداہاں ، پر حالے تیک اک پاپی آں ۔ کوئی مطلب نئیں رکھدا کوئی کیہ آکھدا اے ، میَں
ایک پاپی آں تے میَں ایہہ جان دا ہاں ایہہ سچ ہیگااے ۔ “
خُدا اوہنوں آکھدااے ، ” کیہ تسیں حالے تیک پاپی ہیگے اوتے اجے تیک میرے پُتر نئیں ہیگے او؟ فیر ، تسیں پُٹھی راہ دے راہی ہیگے او،تےتسیں دوزخ دی اگ وچ سُٹے جاووگے۔“
جے تسیں اپنے دل وچ یسوع دے بپتسمہ دی خوشخبر ی اُتے ایمان رکھن دے اَڈ یسوع اُتے ایمان رکھدے او، جے تسیں اپنے آپ نوں اک پاپی وانگر جرم وار ٹھہراؤندے او ،تےخُدا دے اگے اقرار کردے او پئی تہاڈی رُوح پاپ دے نال ہیگی اے ، تسیں خُدا دے اگے اک پُٹھی راہ دے راہیں ہیگے او ۔
کیہڑےاصلی ایماندار ہیگے نیں؟
مکتی دا بارے وچ خُدا دی گواہی کیہ ہیگی اے؟
پانی ، لہو تے رُوح
اوہ سارے لوک جیہڑے یسوع دے بپتسمہ تے اوہدے لہو دی خوشخبری اُتے ایمان رکھدے نیں ، اوہ سارے جیہڑے خُدا دے لوک بن گئے نیں ،تے اوہ سارے جنہاں دے پاپ دُھل گئے نیں ،راستباز ہیگے نیں ۔تسیں کویں حالے تیک پاپی ہوسکدے او ،جد پئی تسیں یسوع اُتے ایمان رکھدے او؟ اک پاپی خُدادی بادشاہی وچ جا نئیں سکدا ۔
اوہ جیہڑے یسوع اُتے ایمان رکھن دے راہیں راستباز بن گئے نیں ،اپنے دلاں وچ خُدا دی گواہی رکھدے نیں ۔گواہی یسوع دابپتسمہ تے اوہدا لہو ہیگااے۔ ایہہ مکتی دا کم ہیگااے پئی یسوع مسیح نے ایس جگ وچ کیہ کیتا سی ۔
ایس لئی ، کوئی وی جیہڑا بپتسمہ دی خوشخبری اُتے ایمان رکھن توں مُکر دا اے ،جیہدے راہیں یسوع نے ساڈے سارے پاپاں نُوں چُک لیا ،خُدا کولوں وڈیاجاوےگا ۔
ایمان وچ سوہنے بھراؤ تے بھینو ،کیہ تسیں اپنے دلاں وچ خوشخبری نُوں من دے او پئی پاپیاں دی مکتی صرف یسوع دے لہو نال نئیں ہیگی اے ، سگوں پانی نال وی ہیگی اے ،جیہڑا یسوع دابپتسمہ ہیگااے ؟
جیہڑا وی اوس کم اُتے ایمان رکھدااے جیہڑا یسوع نے ایس جگ وچ کیتا،تے جیہڑا وی پانی ، لہو تے رُوح نوں قبول کردا اے ،سارے پاپاں توں مکتی پاوےگا ۔ ایہہ سچیائی تے پانی ،لہو تے رُوح دی دانائی ہیگی اے ۔
یسوع نے سانوں سارے پاپ توں مکمل طور اُتے اپنے بپتسمہ دے راہیں پاک کیِتا تاں پئی ساری انسانی پیڑھی اوہدے راہیں مکتی پاسکے ۔ جے تسیں سچ مُچ یسوع اُتے ایمان رکھدے او ۔ تہاڈے لئی کوئی راہ موجود نئیں ہیگااے پئی تسیں اک پاپی او۔
یسوع نے سانوں مویاں وچوں حیاتی دِتی ۔اوہنے ساریاں جاناں نُوں بچایا ،جیہڑیاں کھسک گئیاں
سن تے شیطان دےدھوکیاں دی وجہ توں خُدا توں دُور چلیاں گئیاں سن ۔ یسوع ساریاں گواچیاں ہوئیاں جاناں نُوں لبھناں چاہندااے ۔ خُدا یسوع دے راہیں پانی ، لہوتے رُوح دی خوشخبری نال کم کردااے ۔ اوہنے سانوں سدیا اے تے ہُن اسیں آزاد تے اوہدے راہیں مکتی یافتہ ہو سکدے آں ۔
کیہ تسیں ایس بوہت وڈے سچ اُتے ایمان رکھدے او؟ میَں تہانوں دسداپیا ہاں پئی مکتی صرف لہو دے راہیں نئیں ہیگی اے ، سگوں دونواں ،یسوع دے بپتسمہ تے اوہدی صلیبی لہو دے راہیں ہیگی اے ۔اوہ جیہڑے آکھدے نیں پئی اوہ صرف لہو دے راہیں مکتی یافتہ ہو گئے نیں ،اوہناں نُوں یقیناً ایہہ پچھاننا چاہی دا اے پئی اوہ اپنے دلاں وچ پاپ رکھدے نیں ۔
اسیں سارے سوچیاکردے ساں پئی اپنی مکتی لئی یسوع دے لہو اُتے ایمان رکھنا ای کافی سی ۔ اسیں بوہت پہلاں سوچیا سی ،پر ہُن سانوں احساس کرنا چاہی دااے پئی ایہہ کافی نئیں ہیگااے ۔ اسیں یسوع اُتے ایمان رکھن دے راہیں ،جیہڑا پانی ، لہو تے رُوح دے راہیں آیا سی ،مکتی یافتہ تے نویں سریوں جم پئے آں ۔
ہر پاپی یسوع دے بپتسمہ تے اوہدے لہو اُتے ایمان رکھن دے راہیں نویں سریوں جم سکدااے (۱ ۔ یوحنا ۵ : ۵ ۔ ۱۰)۔آؤ اسیں خُدا دی وڈیائی کرئیے۔ ہیلیلویاہ !
Copyright © 2021 by The New Life Mission