Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.
Berdoalah agar pandemi ini segera berakhir dan dimulainya kembali layanan pos.
مضمون 10: مُکاشفہ(مُکاشفہ دی کتاب اُتے تفسیر)
[9-1باب] اتھاہ کھڈے دی آفت (مُکاشفہ ۹:۱۔۲۱)
)مُکاشفہ ۹:۱۔۲۱(
”جد پن جیویں فرِشتے تُرہی نُوں پُھوک ماری تے مَیں اسمانوں زمین اُتّے اِک تارا ڈِگّا ہویا ویکھیا تے اوہنوں اتھاہ کھڈے دی کُنجی دِتّی گئی۔تے اوس اتھاہ کھڈا کھولیا۔ تے کھڈے وِچوں اِک وڈّی بھٹّی جِہیا دُھوں نِکلیا تے کُھوہ دے دُھوں دےسببّوں سُورج تے وَا ہنیرے ہوگئے۔تے اوس دُھوں وِچوں زمین اُتّے ٹڈّیاں نِکلیاں تے اوہناں نُوں زمین دے ٹھوہنیاں وانگر طاقت دِتّی گئی۔تے اوہناں نُوں آکھیا گیا پئی اوہناں بندیاں دے بِناں جِنہاں دے مَتّھے اُتّے خُدا دی مُہر نئیں زمین دے گھاہ یا کِسے سبزی یا کِسے بُوٹے نُوں نُقصان نا پُچاؤ۔تے اوہناں نُوں جانوں مارن دا نئیں سگوں پنجاں مہِینیاں تِیکر لوکاں نُوں تڑپان دا اختیار دِتّا گیا تے اوہناں دی پِیڑ اجیہی سی جیویں ٹُھوہاں دے ڈنگ مارن توں بندے نُوں ہوندی اے۔اوہناں دِناں وِچ لوک مَوت لَبّھن گے پرکدی نا مِلے گی۔ تے مرن دی چاہ کرن گے تے مَوت اوہناں توں نسّے گی۔تے ٹڈّیاں دی صُورت اوہناں گھوڑیاں وانگر سی جیہڑے لڑائی دی لئی تیار کِیتے گئے ہون تے اوہناں دیاں سِراں اُتّے سونے دے تاج جیہے سن تے اوہناں دِیاں شکلاں بندیاں وانگر سن۔تے اوہناں دے وال زنانِیاں وانگر سن تے دَند شیر ببّر وانگر سن۔تے اوہناں دے کول لوہے وانگر بکتر سن تے اوہناں دے پَراں دی اواز اینج سی جیویں رَتھاں تے کِنے سارے گھوڑیاں دی جیہڑے لڑائی وِچ بھَجدے ہون۔تے اوہناں دے بُونڈے ٹھوہنیاں وانگر سن تے اوہناں دے وِچ ڈنگ وی ہے سن تے اوہناں دیاں بُونڈیاں وِچ پنج مہینے تِیکر بندیاں نُوں نُقصان پَہُچان دی طاقت سی۔اتھاہ کھڈے دا فرِشتہ اوہناں اُتّے بادشاہ سی اوہدا ناں عِبرانی وِچ ابدّون تے یُونانی وِچ اپُلّیون اے۔پہلا افسوس تے مُک گیا ویکھو ایہدے پِچّھوں دو افسوس ہور آؤن والے نیں۔جد چھیویں فرِشتے تُرہی نُوں پُھوک ماری۔ تے مَیں اوس سونے دی قُربان گا ہ دے سِنگاں وِچوں جیہڑی خُدا دے سامھنے اے اجیہی اواز سُنی۔پئی اوس چھیویں فرِشتے نُوں جِہدے کول تُرہی سی۔ کوئی پیا آکھدا اے۔ پئی وڈّے دریا فرات دے کول جیہڑے چار فرِشتے بَدّھے ہوئے نیں اوہناں نُوں کھول چھڈ۔تے اوہ چارے فرِشتے کُھل گئے جیہڑے مُقرّر کِیتی گئی گھڑی تے دِن تے مہینے تے ورھے دے لئی بندیاں دا ترِیجا حِصّہ مارن نُوں تیار کِیتے گئے سن۔تے گھوڑ چڑھیاندیاں فَوجاں گنتری وِچ وِیہہ کروڑ سن مَیں اوہناں دی گنتری سُنی۔تے مَینُوں ایس رویا وِچ گھوڑے تے اوہناں دے اجیہے سوار وکھالی دِتّے جِنہاں دے بکتر اَگ تے سُنبل تے گندھک وانگر سن تے اوہناں گھوڑیاں دے سِر شیر ببّر وانگر سن تے اوہناں دے مُنھاں وِچوں اَگ تے دُھوں تے گندھک نِکلدی سی۔اوہناں تِنّاں آفتاں یعنی اوس اَگ تے دُھوں تے گندھک نال جیہڑی اوہناں دے مُنھوں نِکلدی سی ترِیجا حِصّہ بندے مر گئے۔ کیوں جو اوہناں گھوڑیاں دی طاقت اوہناں دِیاں پُوشلاں وِچ سی۔ ایسے واسطے پئی اوہناں دِیاں پُوشلاں سپّاں وانگر سن۔ تے پُوشلاں وِچ سِر وی سن۔ اوہناں نال ای اوہ نُقصان کر دے سن۔تے باقی بندیاں جیہڑے ایہناں آفتاں نال نئیں سن موئے اپنیاں ہتّھاں دے کمّاں توں تَوبہ نا کِیتی۔ پئی شیطان تے سونے چاندی تے پِتّل تے پتّھر تے لکڑ دِیاں مُورتاں دی بندگی توں مُڑ جاندے جیہڑیاں نا ویکھ سکدِیاں نیں نا سُن سکدِیاں نا چَل سکدِیاں نیں۔تے خُون تے جادُو تے حرامکاریاں تے چوریاں جیہڑیاں اوہناں کِیتیاں سن اوہناں توں تَوبہ نا کِیتی۔“
تفسیر
آیت۱: جد پن جیویں فرِشتے تُرہی نُوں پُھوک ماری تے مَیں اسمانوں زمین اُتّے اِک تارا ڈِگّا ہویا ویکھیا تے اوہنوں اتھاہ کھڈے دی کُنجی دِتّی گئی۔
اتھاہ کھڈا پاتال وی اکھواؤندا اے ، جیہدا مطلب نا مکن والی ڈوہنگ والی تھاں اے ۔ خُدازمین اُتے زندہ رہن والے مخالفِ مسیح ، اوہدیاں ساتھیاں اُتے ، تے اوہ جیہڑے راستبازاں دے خلاف کھلوندے نیں ، دکھ لیاؤن لئی ، اتھاہ کھڈے نوں کھولے گا ۔ ایس اتھاہ کھڈے دی چابی پنجویں فرشتے نوں دتی گئی سی ۔ ایہہ اک خوفناک آفت اے یعنی اینی ڈراؤنی اے جنی دوزخ اپنے آپ اے ۔
آیت ۲: تے اوس اتھاہ کھڈا کھولیا۔ تے کھڈے وِچوں اِک وڈّی بھٹّی جِہیا دُھوں نِکلیا تے کُھوہ دے دُھوں دا سببّوں سُورج تے وَا ہنیرے ہوگئے۔
جد خُدا نے اتھاہ کھڈے نوں کھول دین دی اجازت دتی ، ساری دنیا آتش فشاں دی سواہ وانگر مٹی
نال ، ہنیرے دی آفت نوں لیاندے ہویاں بھر گئی ۔ ہنیرے دی ایہہ آفت اوہناں لئی سانبھ کے رکھی گئی اے جیہڑے ہنیرے نال محبت کردے نیں ۔ خُدا نور دا خُدا اے جیہڑا ساڈے اُتے ، ہر کسے نوں پانی تےروح دی خوشخبری دیندیاں ہویاں چمکدا اے ۔ اوہناں نوں جیہڑے ایس سچیائی اُتے ایمان رکھدے نیں ، خُدا نے مکتی دا فضل دتا تے اوہناں نوں اپنے چمکدے ہوئے نور وچ جیون دی اجازت دتی ۔ پر اوہ جیہڑےسچیائی نوں قبول نئیں کردے خُدا دی جائز سزا نوں جرن گے ، ایس لئی پئی اوہ اوہناں اُتے ہنیرے تے اپنی جائز عدالت دی آفت لیائے گا۔
لوک مُڈھوں ای پاپی جم دے نیں ،تے اوہ اپنیاں زندگیاں وچ ہنیرے نوں نور نالوں چنگا جان دے نیں ۔ اِنج اوہ خُداوند ولوں دتی گئی پانی تے رُوح دی خوشخبری نوں ردّکرن تے ایمان نا رکھن دے سببوں خُدا ولوں ہنیرے دے آفت نوں پاؤن دے حقدار نیں ۔
آیت ۳: تے اوس دُھوں وِچوں زمین اُتّے ٹڈّیاں نِکلیاں تے اوہناں نُوں زمین دے ٹھوہنیاں وانگر طاقت دِتّی گئی۔
خُداایس زمین اُتے ٹِڈیاں گھلے گا تے اوہناں نوں پاپاں دی سزا دیوے گا جیہڑے اپنے نسلی خیالاں وچ خُدا دی سچیائی دی مخالفت کردے نیں ۔ ٹِڈیاں دی ایہہ آفت اینی بوہتی پیڑ پیدا کرن دے لائق اےجناں پئی ٹھوہنے داڈنگ ہوندا اے ۔ ایس لئی ایس دنیا دے سارے پاپیاں نوں لازمی خُدا دی کھری محبت اُتے ایمان رکھنا چاہی دا اے ۔ تے اوہ جیہڑے نئیں رکھدے ، اوہناں نوں لازمی پہلی فرصت وچ ویکھن دا تجربہ پاؤنا چاہی دا اے پئی اوہناں دا خُدادی محبت نوں ردّ کرنا تے اوہناں دے اوہدے خلاف کھلون دے پاپ صرف کنے وڈے تے پیڑاں والے نیں ۔
خُدانے ایس زمین اُتے ٹِڈیاں نوں گھلیا تے لوکاں نوں اوہناں دے نسلی خیالاں نال سچیائی دے خُدا دے خلاف کھلون دےسبب اپنے پاپاں دا مل اُتارن لئی مجبور کیتا ۔ پاپ دا ایہہ مُل ٹِڈیاں دی آفت دے سبب اوہناں دا دکھ اے ۔
آیت ۴: تے اوہناں نُوں آکھیا گیا پئی اوہناں بندیاں دے بِناں جِنہاں دے مَتّھے اُتّے خُدا دی مُہر نئیں زمین دے گھاہ یا کِسے سبزی یا کِسے بُوٹے نُوں نُقصان نا پُچاؤ۔
جد خُدا ٹِڈیاں دی ڈراؤنی آفت نوں لیاوے گا ، اوہ اوہناں لئی اپنا فضل وکھاؤنا نئیں بھُلے گا جنہاں اُتے اوہدی مہر اے ۔ اوہ ٹِڈیاں نوں فطرت نوں نقصان نا پچاؤن دا حکم وی دیندا اے ۔
آیت ۵: تے اوہناں نُوں جانوں مارن دا نئیں سگوں پنجاں مہِینیاں تِیکر لوکاں نُوں تڑپان دا اختیار دِتّا گیا تے اوہناں دی پِیڑ اجیہی سی جیویں ٹُھوہاں دے ڈنگ مارن توں بندے نُوں ہوندی اے۔
غزل الغزلات۸ :۶وچ ، خُدا اپنی محبت تے غصے دے بارے وچ ،ایہہ آکھدے ہویاں فرماندا اے ، ”ایس لئی پئی عشق موت وانگر ڈاہڈا اے تے غیرت پاتال وانگر ظالم اے ۔اوہدے انگارے اگ دے نگارے نیں تے خُدا وند دے انگاریاں وانگر۔“ایسے طرح ایہہ آیت سانوں دسدی اے پئی ایہہ آفت اوہناں لئی صرف کنی بوہتی ڈراؤنی سزا ہووے گی جیہڑے اوہدی پانی تے رُوح دی خوشخبری دے سبب وکھائی گئی خُدادی محبت نوں ردّ کردے نیں ۔ ایہہ آفت لوکاں نوں پنج مہینیاں تیکردکھ دیوے گی ۔
آیت ۶: اوہناں دِناں وِچ لوک مَوت لَبّھن گے پرکدی نا مِلے گی۔ تے مرن دی چاہ کرن گے تے مَوت اوہناں توں نسّے گی۔
ٹِڈیاں دی آفت اینے وڈے دکھ دیوے گی پئی لوک ایس پیڑ وچ زندہ رہن دی بجائے مرن نوں چنگیاں جانن گے ، تے فیر وی اوہ مرن دے لائق نئیں ہون گے کوئی معنی نئیں رکھدا اوہ کنی بوہتی آس رکھدے نیں۔ ایہہ آفت نازل ہوئی ایس لئی پئی لوکاں نیں خُدا نوں ردّ کر دتا۔ سوچدے ہوئے پئی بدنی زندگی مکنا ساریاں شیواں دا مکنا اے ، اوہناں نیں خُدانوں ردّ کر دتا ۔ جیہڑا دونواں زندگی تے موت اُتے بادشاہی کردا اے ۔ پر ایہناں ٹِڈیاں دی آفت دے سببوں، خُداسانوں وکھاؤندا اے پئی ایتھوں تیکر پئی موت سگوں خُدادی اجازت دے بغیر نئیں آسکدی ۔
آیتاں ۷ ۔ ۱۲: تے ٹڈّیاں دی صُورت اوہناں گھوڑیاں وانگر سی جیہڑے لڑائی دی لئی تیار کِیتے گئے ہون تے اوہناں دیاں سِراں اُتّے سونے دے تاج جیہے سن تے اوہناں دِیاں شکلاں بندیاں وانگر سن۔تے اوہناں دے وال زنانِیاں وانگر سن تے دَند شیر ببّر وانگر سن۔تے اوہناں دے کول لوہے وانگر بکتر سن تے اوہناں دے پَراں دی اواز اینج سی جیویں رَتھاں تے کِنے سارے گھوڑیاں دی جیہڑے لڑائی وِچ بھَجدے ہون۔تے اوہناں دے بُونڈے ٹھوہنیاں وانگر سن تے اوہناں دے وِچ ڈنگ وی ہے سن تے اوہناں دیاں بُونڈیاں وِچ پنج مہینے تِیکر بندیاں نُوں نُقصان پَہُچان دی طاقت سی۔اتھاہ کھڈے دا فرِشتہ اوہناں اُتّے بادشاہ سی اوہدا ناں عِبرانی وِچ ابدّون تے یُونانی وِچ اپُلّیون اے۔پہلا افسوس تے مُک گیا ویکھو ایہدے پِچّھوں دو افسوس ہور آؤن والے نیں۔
اتھاں کھڈے دیاں ٹِڈیاں دی بُونڈیاں لوکاں نوں پنج مہینیاں تیکر ڈنگ مارن دی طاقت رکھدیاں نیں ۔ بھاویں اوہ اپنی ظاہری شکل صورت وچ زنانیاں وانگر نظر آؤندیاں نیں ، ایہہ ٹِڈیاں بوہت خطرناک تے ظالم مخلوق نیں ۔ ایہہ ظاہر کردا اے پئی بندے خُدا توں بوہتا زنانیاں دا پچھا کرن دے سبب کناں وڈا پاپ کر چُکے نیں ۔ سانوں لازمی نئیں بھُلنا چاہی دا اے پئی شطان سانوں جنسی پُٹھیاں راہواں اُتے چلاؤن تے ساڈیاں زندگیاں وچ بدنی ایہو جیہی بھیڑی تمنا پیدا کرن دے راہیں سانوں خُدا توں وکھ کرن لئی لبھدا اے ۔
آیتاں ۱۳ ۔۱۵: جد چھیویں فرِشتے تُرہی نُوں پُھوک ماری۔ تے مَیں اوس سونے دی قُربان گا ہ دے سِنگاں وِچوں جیہڑی خُدا دے سامھنے اے اجیہی اواز سُنی۔پئی اوس چھیویں فرِشتے نُوں جِہدے کول تُرہی سی۔ کوئی پیا آکھدا اے۔ پئی وڈّے دریا فرات دے کول جیہڑے چار فرِشتے بَدّھے ہوئے نیں اوہناں نُوں کھول چھڈ۔تے اوہ چارے فرِشتے کُھل گئے جیہڑے مُقرّر کِیتی گئی گھڑی تے دِن تے مہینے تے ورھے دے لئی بندیاں دا ترِیجا حِصّہ مارن نُوں تیار کِیتے گئے سن۔
خُدا دی پاپ دی عدالت،جیہدا اوہ انساناں دی خاطر بوہت صبر نال انتظار کر چُکیا سی ، اخیریں شروع ہو گئی اے ۔ ہُن جنگ دی آفت دا ویلا اے جیہڑی فرات دے دریااُتے تریجا حصہ لوکاں نوں قتل کردیوے گی ۔
آیت ۱۶: تے گھوڑ چڑھیاندیاں فَوجاں گنتری وِچ وِیہہ کروڑ سن مَیں اوہناں دی گنتری سُنی۔
ایتھے ، فوجاں دے سواراں دی گنتری بارے دسیا گیا اے ۔ ایہہ جنگ جدید برقی جنگ دے میدان نوں بیان کردی اے ۔بھاویں ایس جنگ وچ تریجا حصہ لوک مارے جان گے ، بچن والے لوک فیر وی بُتاں دی پوجا کرن ، خُدا دے خلاف کھلون ، تے اپنے پاپاں توں توبہ دا انکار کرنا جاری رکھن گے ۔ ایہہ ساڈے اُتے ظاہر کردا اے پئی ہر کسے دا دل اخیری زمانے وچ صرف کناں اپنے پاپاں توں سخت ہووے گا ۔
آیت ۱۷: تے مَینُوں ایس رویا وِچ گھوڑے تے اوہناں دے اجیہے سوار وکھالی دِتّے جِنہاں دے بکتر اَگ تے سُنبل تے گندھک وانگر سن تے اوہناں گھوڑیاں دے سِر شیر ببّر وانگر سن تے اوہناں دے مُنھاں وِچوں اَگ تے دُھوں تے گندھک نِکلدی سی۔
یوحنا رسول نے جو ویکھیا اِکویں صدی دے خطرناک تباہ کرن والے ہتھیار سن ، مثال طور ، توپاں ، لڑاکے طیارے ، تے دوجے نویں زمانے دے ہتھیار وغیرہ ۔
آیتاں ۱۸ ۔ ۱۹: اوہناں تِنّاں آفتاں یعنی اوس اَگ تے دُھوں تے گندھک نال جیہڑی اوہناں دے مُنھوں نِکلدی سی ترِیجا حِصّہ بندے مر گئے۔ کیوں جو اوہناں گھوڑیاں دی طاقت اوہناں دِیاں پُوشلاں وِچ سی۔ ایسے واسطے پئی اوہناں دِیاں پُوشلاں سپّاں وانگر سن۔ تے پُوشلاں وِچ سِر وی سن۔ اوہناں نال ای اوہ نُقصان کر دے سن۔
جدید ہتھیاراں نال لڑی جان والی اک وڈی جنگ اخیری زمانے وچ لڑی جاوے گی ۔ تے ایہو جیہے ہتھیاراں توں بنن والی اگ تے دُھوں تے گندھک دی آفت نال تریجا حصہ لوک مرجان گے ۔
آیت ۲۰: تے باقی بندیاں جیہڑے ایہناں آفتاں نال نئیں سن موئے اپنیاں ہتّھاں دے کمّاں توں تَوبہ نا کِیتی۔ پئی شیطان تے سونے چاندی تے پِتّل تے پتّھر تے لکڑ دِیاں مُورتاں دی بندگی توں مُڑ جاندے جیہڑیاں نا ویکھ سکدِیاں نیں نا سُن سکدِیاں نا چَل سکدِیاں نیں۔
ایناں آفتاں دے باوجود ، اوہناں نیں جیہڑے جنگ توں بچ گئے سن ایتھوں تیکر پئی بوہتے بُتاں دی پوجا کیتی تے اوہناں اگے جھک دے رہے ، ایس لئی پئی ایہہ لوک برباد ہون لئی مقرر ہوگئے سن ۔
آیت ۲۱: تے خُون تے جادُو تے حرامکاریاں تے چوریاں جیہڑیاں اوہناں کِیتیاں سن اوہناں توں تَوبہ نا کِیتی۔
ایہہ ساڈے اُتے ظاہر کردا اے پئی اخیری زمانے وچ ، لوک کدی خُدا دے اگے اپنے پاپاں توں توبہ نئیں کرن گے۔ ایس لئی خُدا ایہناں پاپیاں نوں سزا دیوے گا ، پر راستبازاں لئی نویں تے برکت والی دنیا دی اجازت دیوے گا ۔
Copyright © 2021 by The New Life Mission