Search
Indonesia
Indonesia
Karena COVID-19 dan gangguan pada layanansuratinternasional,
untuksementara kami menangguhkan ‘LayananCetakBuku Gratis kami’.
Dalam situasi ini, kami tidak dapat mengirimkan buku-buku tersebut kepada Anda saat ini.
Berdoalah agar pandemi ini segera berakhir dan dimulainya kembali layanan pos.

Pertanyaan dan Jawaban atas Iman Kristen

Pokok 3 : Kitab Wahyu

3-6. نواں یروشلیم دا شہر کیہ اے ؟

نویں یروشلیم دا شہر ، نویں اسمان تے نویں زمین اُتے پاک شہر اے جیہڑا خُدا اوہناں پاک لوکاں لئی بنا چُکیا اے جیہڑے پہلی قیامت وچ شامل ہون گے ۔ ایس زمین اُتے ست پیالیاں دیاں آفتاں مکاؤن دے بعدوں ،  خُدا شیطان  نوں ہزار ورہے تیکر ڈوہنگے کھڈے وچ  بنھے گا ، پاک لوکاں اُتے ہزار ورہیاں دی بادشاہی وچ خُداوند نال بادشاہی کرن دی برکت  گھلے گا جیہڑے پہلی قیامت وچ شامل ہوگئے ہون گے ، تے ہزار ورہیاں دے  مکن دے بعد وں، پہلے اسمان تے پہلی زمین نوں غائب کرے گا تے پاک لوکاں نوں نویں اسمان تے نویں زمین دا انعام دیوے گا ۔
 اوہ جنہاں ایہہ برکتاں پاؤنیاں نیں  ایہو جیہے پاک لوک نیں جیہڑے یسوع مسیح ولوں  دتی گئی پانی تے رُوح دی  پاک خوشخبری اُتے ایمان رکھن دے راہیں اپنے پاپاں دی معافی پا چُکے نیں ۔ خُداوند پاک لوکاں دا لاڑا بن جائے گا تے پاک لوک ،   لیلے دی  ووہٹی وانگر جیہڑا اوہناں دا لاڑا بن گیا اے ، لاڑے دی راکھی ، برکت تے اوہدی جلالی  بادشاہت وچ طاقت دے کپڑے پا کے جلال نال زندہ رہن گے ۔
خُدا ایہناں پاک لوکاں لئی ، نویں اسمان تے نویں زمین اُتے پاک شہر  بناچُکیا اے ۔ایہہ  شہر  نویں
یروشلیم دے شہر توں علاوہ کوئی دوجا شہر نئیں ہیگا ۔ ایہہ صرف خُدا دے پاک لوکاں لئی بنایا گیا اے ۔ تے ایس سارے دا  یسوع مسیح وچ ایتھوں تیکر پئی خُداوند خُدا دے دنیا نوں بنان توں پہلوں پاک لوکاں لئی منصوبہ بنایا گیا اے ۔ اوہ جیہڑے ، خُداوند خُدا دی حیران کرن والی قدرت دے راہیں ، مسیح دی ہزار ورہیاں دی بادشاہت وچ زندہ رہن گے نویں اسمان تے نویں زمین اُتے  جان دے لائق نیں جتھے پاک شہر ہیگا اے ۔
 ایس ویلے توں اگانہہ، پاک لوکاں نوں ہمیش تیکر خُدا دی ہیکل وچ خُداوند نال زندہ رہنا اے ۔ ایس لئی پئی خُدا اوہناں نال اے ، اوتھے کوئی ہور موت ، نا ای غم ، نا ای رونا، نا ای دکھ   ہوئے گا ایس لئی پئی پہلااسمان تے پہلی زمین مک جان گے ، تے خُدا ساریاں شیواں نوں نواں بنا دیوے گا ۔  
نویں یروشلیم دا شہر چمکدا اے ، ایس لئی پئی ایس وچ خُدا دا جلال اے، تے ایہدی روشنی بوہت مہنگے پتھرا وانگر ، یشب دے پتھروانگر ، یعنی شیشے وانگر شفاف اے۔ ایس لئی خُدا دا جلال شہر دے تے اوہناں نال اے جنہاں ایس وچ رہنا اے ۔ پا ک شہر باراں پھاٹکاں نال اک وڈی تے اُچی کندھ والا اے ، ہر پاسے تِن تِن بوہے نیں ؛ باراں فرشتےبوہیاں دی رکھوالی کردے نیں تے اسرائیل دے باراں گھرانیاں دے ناں بوہیاں اُتے لکھے ہوئے نیں ۔ پاک شہر دی کندھ باراں نیہیاں والی اے ، تے اوہناں اُتے    لیلے دے باراں چیلیاں دے ناں لکھے ہوئے نیں ۔
پاک شہر بوہت وڈے چَونکرے تھاں وانگر ہیگا اے ، اک پاسے دی کاچھ باراں ہزار فرلانگ اے —جیہڑی لگ بھگ، دو ہزار دو سو ویہہ کلو میٹر(اِک ہزار تِن سو نبے میل)دے برابر اے ۔ ایہدی کندھ اِک سو چتالی ہتھ ، تقریباً بہتّر میٹر اے ۔ ایہہ کندھ یشب نال بنی ہوئی اے، تے پاک شہر کھرے سونے دا ، صاف شیشے وانگر اے ۔ کندھ دی نیہیاں ہر طرح دے مہنگیاں پتھراں نال شنگاریاں ہویاں نیں ، تے پا ک شہر دے باراں پھاٹک موتی دے بنے ہوئے نیں ۔
ایس لئی پئی خُداوند خُدا تے لیلا پاک شہر وچ نیں ، اوس وچ سورج یا چن دے  چمکن دی لوڑ نیں ہیگی  ۔ ایسے طرح ، حیاتی دے پانی دا دریا خُدا دے    لیلے دے تخت وچوں ، اسمانی بادشاہی نوں پانی دیندا تے ساریاں شیواں نوں نواں کردے ہویاں وگدا اے ۔ دریا دے دونویں پاسے  زندگی دا بوٹا لگیا  ہویا اے ، جیہڑا باراں قِسماں دے پھل دیندا اے تے ہر مہینے اپنا پھل دیندا اے ، تے ایہدے پتے قوماں دی شفا لئی نیں ۔ اوتھے ہور لعنتاں نئیں ہیگیاں ، سگوں اوتھے صرف ہمیش دیاں برکتاں ہیگیاں نیں ۔