کیہ تُسیں سچی مُچی پانی تے رُوح دے راہیں نویں سِریوں جم پئے او؟

2017ءوچ پول سی جونگ دی ایہہ کتاب، ” کیہ تُسیں سچی مُچی پانی تے رُوح دے راہیں نویں سِریوں جم پئےاو؟ “ پڑھن توں پہلاں مَیں اک نکمی زندگی جیوناں پیا ساں۔ مَیں ہر دیہاڑے گُناہ کرن دے بعدوں بوہت ڈھیٹھ ہوندا تے خُدا کولوں میرے ایس گُناہ نوں معاف کرن دی التجا کردا، پر اگلے ای دیہاڑے مَیں فیر اک ہور گُناہ کر دا۔ایہو ای میری زندگی سی: کھوکھلی، تھکی، افسوس نال بھری ہوئی تے ترس دے لائق۔
ایس کتاب نوں پڑھن دے بعدوں، سب توں پہلاں مینوں میرے گُناہاں دا احساس ہویا، مَیں ایہہ جانیا پئی ایہہ میری سوچ توں کدھرے بوہتے خطرناک تے ڈاہڈے سن۔سو، مینوں جد میرے روگ (گُناہ) دا پتا چل گیا تے مینوں اک کامل حکیم (یِسُوع) دی لوڑ سی۔
مَیں ایس کتاب نوں پڑھن دے راہیں جانیا پئی حکیم(یِسُوع) اج توں2000ء ورہے پہلاں جسم وچ ایس دُنیا وچ آیا، تے اوہنے ۳۰ سال دی عمر وچ یوحنا اصطباغی کولوں بپتسمہ لین دے راہیں دریائے یردن اُتے میرے ساریاں روگاں (گُناہاں) نوں چُک لیا۔اخیرلے زمینی سردار کاہن یوحنا اصطباغی نے ہتھاں دے رکھے جان دی شکل وچ سارے جگ دے ساریاں گُناہاں نوں آسمانی سردار کاہن یِسُوع اُتے منتقل کر دتا۔ یِسُوع میرے سارے گُناہاں (حال+ماضی+مستقبل) نوں چُک کے سولی اُتے لَے گیا، تے اپنے لہو دے نال میرے ایہناں ساریاں گُناہاں دا مل تار دِتا۔ ہن مَیں اپنے روگ توں چنگا ہو گیا آں۔ مینوں بس جاننا تے ایہدے اُتے ایمان رکھنا اے جو کجھ حکیم(یِسُوع) مینوں چنگا کرن لئی کر چُکیا اے۔
مینوں میرے گُناہاں توں بچاؤن لئی مَیں خُدا دا شُکر ادا کردا آں۔

ایہہ کتاب جیہدا عنوان ” کیہ تُسیں سچی مُچی پانی تے رُوح دے راہیں نویں سِریوں جم پئے او؟“ ایہنے میری زندگی بدل دِتی ۔ ایس کتاب نال اسی سب توں پہلوں اپنیاں پاپاں دے علم دے بارے وچ سِکھدے آں ۔ ایہہ پئی ہر اِک انسان نے پاپ کیتا تے اوہ اپنے پاپ دے سبب دوزخ وچ جان دے حقدار نیں ، ایس لئی پئی خُدا دا انصاف سچا اے ۔ پر ، اوہنے سانوں ساڈی سزا توں بچاؤن لئی ساڈیاں ساریاں بدکاریاں نوں اپنے پُتر اُتے لد دِتا۔ کلام جسم لَےکے ایس جگ وچ آگیا۔ ساڈے خُداوند یسوع نے سب توں پہلوں یوحنابپتسمہ دین والے کولوں بپتسمہ لیا،تے اوہنے یوحنا ولوں ہتھاں دے رکھے جان دے راہیں جیہڑا پئی پرانے عہد نامے وانگر اے ساڈے سارے دے سارے (ماضی ، حال تے مستقبل)دیاں پاپاں نوں اپنیاں موہڈیاں اُتے چُک لیا ۔ فیر ایہناں پاپاں دا مُل اُتارن لئی اپنا لہووگایا جیہڑا پئی پرانے عہد نامے وچ بے پاپ قربانی دے لہو وگاؤن وانگر اے ۔ ساڈے خُداوند نے ساڈیاں ساریاں پاپاں نوں پانی ، لہو تے رُوح دی خوشخبری دے راہیں معاف کردِتا ۔ ہُن اسی پاپی نئیں ہیگے سگوں راستباز آں ۔ ہیلیلویاہ!