ایہہ پئی بائبل ، صرف پُرانے تے نویں عہد نامہ اُتے مشتمل اے، اکھراں دے سبب پاک رُوح نے اثر کیتا اے، اصلی نسخیاں وچ غلطی توں پاک اے، تے خُدا دا ہمیش اکو جیہا رہن والا تے معتبر کلام اے۔

ایہہ پئی تثلیث دا خُدا تِن لوکاں وچ ہمیش ہمیش لئی ھیگا اے : باپ ، بیٹا تے پاک رُوح ۔

ایہہ پئی، آدم ، خُدا دی شبیہ اُتے بنایا گیا ، ایس جگ دے بادشاہ ، شیطان دے راھیں آزمایا گیا تے ڈِگ پیا۔ آدم دے پاپ دے سبب ، سارے لوکاں نوں قصوروارآکھیا گیا ، سارے دے سارے بدکردار نیں ، تے مکتی لئی پاک رُوح دے راھیں نویں سریوں جمن دی لوڑ ھیگی اے ۔

ایہہ پئی یسوع مسیح خُدا اے ، کنواری توں جمیا سی ،یوحنا بپتسمہ دین والے کولوں یردن دے دریا وچ بپتسمہ لیا، خُدا دے میمنے وانگر سولی اُتے مریا، دوبارہ مویاں وچوں جیوں اُٹھیا ، تے اسمان اُتے چڑھ گیا ، جتھے ایس ویلے اوہ باپ دے سجے ھتھ بوھت شان نال بیٹھا اے۔

ایہہ پئی مکتی پاپاں دی معافی ، مسیح دی راستبازی نال جُڑی ھوئی تے ہمیش دی حیاتی دا انعام ، کماں توں ھٹ کے ، صرف ایمان دے راھیں ملدا اے ۔

ایہہ پئی یسوع مسیح دی واپسی بوھت چھیتی ھون والی اے ، تے ایہہ نظر آؤن والی تے اصل ھووے گی ۔

ایہہ پئی مکتی پاؤن والے ہمیش دی حیاتی لئی تے اسمان اُتے فضل نال اُٹھائے جان گے، تے ایہہ پئی مکتی پاؤن توں اَڈ دوزخ وچ ہمیش لئی تے نہ مُکن والی سزا پاؤن لئی اُٹھائے جان گے ۔

ایہہ پئی کلیسیا ، مسیح دا بدن ، صرف اوھو لوک ای نیں جیہڑے نویں سریوں جمے نیں ،جنہاں نیں پاک رُوح دے راھیں نویں سریوں جم کے مسیح وچ بپتسمہ لیا، جنہاں لئی ھُن اوہ اسماں اُتے شفاعت کردا اے تے جنہاں لئی اوہ دوبارہ آوے گا ۔

ایہہ پئی مسیح نے کلیسیا نوں حکم دتا پئی اوہ ساریاں قوماں وچ جا کے ھر بندے تیک خوشخبری دی منادی کرن، تے جیہڑے لوک ایمان لیاؤندے نیں اوھناں نوں بپتسمہ تے تعلیم دین ۔