خُدا دی راستبازی جیہڑی رومیوں دےخط وچ دِسدی اے - ساڈاخُداوندجیہڑا خُدا دی راستبازی بن گیا (II)

خُدا دی راستبازی ستھری اے تے ایہہ لوکاں دی راستبازی توں فرق اے ۔ خُدا دی راستبازی پانی تے رُوح دی خوشخبری وچ نظر آؤندی اے، جیہڑی یوحنا کولوں یسوع دے بپتسمے تے سولی اُتے اوہدے لہو دے راہیں پوری ہوئی سی۔ سانوں لازمی طور اُتے بوہت چوکھی دیر ہون توں پہلوں خُدا دی راستبازی اُتے ایمان لیاؤنا چاہی دا اے۔

کیہ تہانوں پتہ اے کاہدے لئی یسوع نوں یوحنا بپتسمہ دین والے کولوں بپتسمہ لینا پیا سی؟ جے یوحنا نے یسوع نوں بپتسمہ نہ دتا ہوندا ،تاں ساڈے پاپ اوہدے اُتے لدے نہ جاندے۔ یوحنا بپتسمہ دین والا ساریاں وچوں بوہت وڈا بندہ سی، تے بپتسمہ جیہڑا اوہنے یسوع نوں دتا ساڈے پاپاں نوں ساڈے توں وکھ کرن تے یسوع اُتے لدن لئی خُدا دے اگے خاص مقصد سی۔

ایہہ ساریاں گلاں میری ماضی دی سمجھ نوں ، جدوں میَں صرف صلیبی لہو نوں جان دا ساں کامل طریقے نال بدل چُکیاں نیں پئی نویں سریوں جمنا کیہ اے۔ ہُن خُدا نے تہانوں سکھایا اے اوہدی راستبازی کیہ اے تاں پئی اسیں ٹھیک طریقے نال جان سکیے تے اوہدی راستبازی اُتے ایمان رکھیے۔ میَں ایناں ساریاں برکتاں لئی خُداوند دا شکراداکردا ہاں۔