Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 11: خیمۂ اِجتماع
[11-5] کویں اسرائیلی خیمۂ اجتماع وچ قربانیاں چڑھاؤن لئی آؤندے سن: تاریخی پس منظر <پیدائش ۱۵:۱۔۲۱>
>پیدائش ۱۵:۱۔۲۱<
”ایہناں گلاں پِچھوں خُداوند دا کلام رویا وچ ابرام اُتے نازل ہویا تے اوس فرمایا اے ابرام تُوں نا ڈر ۔ مَیں تیری ڈھال تے تیرا بوہت وڈا پھَل ہاں ۔ ابرام نےآکھیا اے خُداوند خُدا تُوں مینوں کیہ دیویں گا ؟ ایس لئی پئی مَیں تاں بے اولاد ریہا ہاں تے میرے گھر دا مالک دمشقی الیِعزر اے ۔ فیر ابرام نے آکھیا ویکھ تُوں مینوں کوئی اولاد نئیں دتی تے ویکھ میرا نوکر میرا وارِث ہوئے گا۔ فیر خُداوند دا کلام اوس اُتے نازل ہویا تے اوس فرمایا ایہہ تیرا وارِث نا ہوئے گاسگوں اوہ جیہڑا تیری اولا د وچوں جمے گا اوہو ای تیرا وارِث ہوئے گا۔ تے اوہ اوہنوں باہر لَے گیا تے آکھیا پئی ہُن اسمان ول ویکھ تے جےتُوں تاریاں نوں گِن سکدا ایں تاں گِن تے اوہنوں آکھیا پئی تیری اولاد اِنج ای ہوئے گی ۔ تے اوہ خُداونداُتے ایمان لیایا تے ایہنوں اوہنے اوہدے حق وچ راستبازی گِنیا ۔ تے اوہنے اوہنوں آکھیا پئی مَیں خُداوند ہاں جیہڑا تینوں کسدیوں دے پنڈوں کڈھ لیایا پئی تینوں ایہہ ملک مالکی وچ دیاں ۔ تے اوس آکھیا اے خُداوندخُدا ! مینوں کویں پتہ لگے پئی مَیں اوہدا وارِث ہوواں گا۔ اوہنے اوہنوں آکھیا پئی میرے لئی تِناں ورہیاں دی اک وچھی تے تِناں ورہیاں دی اک بکری تے تِناں ورہیاں دا اک لیلا تے اک لالی تے اک کبوتر دا بچہ لَے ۔ اوہنے اوہناں ساریاں نوں لیا تے اوہناں نوں وچوں دوٹوٹے کیتا تے ہر ٹوٹے نوں اوہدے نال دے دوجے ٹوٹے دے برابر رکھیا پر پرندیاں دے ٹوٹے نا کیتے ۔ فیر شکاری پرندے اوہناں ٹوٹیاں اُتے جھپٹن لگے پر ابرام اوہناں نوں روکدا رہیا ۔ سورج ڈُبن ویلے ابرام نوں مِٹھی نیندر آگئی تے ویکھو اک وڈا ڈراؤنا ہنیرا اوس اُتے آ گیا ۔ تے اوہنےابرام نوں آکھیا میرا یقین کر پئی تیری نسل دے لوک ایہو جیہے ملک وچ جیہڑا اوہناں دا نئیں پردیسی ہون گے تے اوتھوں دے لوکاں دی غلامی کرن گے تے اوہ چار سو ورہے تیک اوہناں نوں دُکھ دین گے ۔ پرمَیں اوس قوم دا انصاف کراں گا جیہدی اوہ غلامی کرن گے تے بعدوں اوہ چوکھی دولت لَے کے اوتھوں نکل آؤن گے ۔ تے تُوں صحیح سلامت اپنے باپ دادے نال جا ملیں گا تے بوہت وڈیرا ہو کے مریں گے ۔ تے اوہ چوتھی پیڑھی وچ ایتھے پرت آؤن گے ایس لئی پئی اموریاں دے پاپ حالے تیک پورے نئیں ہوئے ۔ تے جدوں سورج ڈُبیا تے ہنیرا ودھ گیا تاں اک تندُور جیہدے وچوں دُھوں نکلدا سی نظر آیا تے اک بلدا ہویاں بھانبڑ اوہناں ٹوٹیاں دے وچوں ہو کے لنگھیا۔ اوسے دن خُداوند نے ابرام نال وعدہ کیتا تے فرمایا پئی ایہہ ملک مصر دے دریا توں لَے کے اوس وڈے دریا یعنی فرات دے دریاتیک ۔ قینیاں تے قنیزیاں تے قدمُونیاں تے حِتیاں تے فرِزّیاں تے رفائیم تے اموریاں تے کنعانیاں تے جرجاسیاں تے یبوسیاں سمیت مَیں تیری نسل نوں دتا اے ۔ “
خُدا دے کلام اُتے ابرہام دا ایمان
مَیں پاک کتاب وچ وکھائے گئے ابرہام دے ایمان لئی بوہت عزت تے وڈیائی رکھدا ہاں ۔ جد اسیں ابرہام دے ایمان نوں ویکھدے آں ، اسیں اوہدے ایمان دی ساری کوشش ویکھ سکدے آں جیہدے راہیں اوہنے یہوواہ دے کلام نوں منیا ، تے ایس لئی اسیں بچ نئیں سکدے سگوں ابرہام دے ایس ایمان دی وڈیائی کردے آں ۔ خُدا نے وڈے طریقے نال ابرہام نوں برکت دتی ، جویں پیدائش ۱۲ : ۳ وچ وکھایا گیا ، جتھے خُدا نے فرمایا ، ”جیہڑے تینوں مبارک آکھن اوہناں نوں مَیں برکت دیاں گا تے جیہڑا تیرے اُتے لعنت کرے اوس اُتے مَیں لعنت کراں گا تے دھرتی دیاں ساریاں قوماں تیرے راہیں برکت پاؤن گیاں۔ “ایہہ وڈی برکت پیدائش ۱۵ :۱ وچ وی وکھائی گئی اے ، جتھے خُدا نے ابرہام دے اگے اعلان کیتا ، ” مَیں تیری ڈھال تے تیرا بوہت وڈا پھَل ہاں ۔“ ایس طرح خُدا ابرہام لئی خاص محبت رکھدا سی پئی اوہ اوہدا اپنا خُدا بن گیا ۔
ابرہام نوں کسدیوں دے پنڈوں کڈھن دے بعدوں ،خُدا نے اوس اُتے اپنے آپ نوں ظاہر کیتا تے اوہنوں آکھیا ، ” مَیں تیری ڈھال تے تیرا بوہت وڈا پھَل ہاں ۔“ جد خُدا نے ایہہ فرمایا ، ابرہام نے جواب وچ اوہنوں پُچھیا، ” تُوں مینوں کیہ دیویں گے ؟“ ابرہام دے ایہہ بول اک شکی دلوں نکلدیاں ہویاں یعنی سوال کردیاں ہویاں بے ایمانی دے بول نئیں سن پئی خُدا اوہنوں سوکھے طریقے نال کیہ دے سکدا سی ، سگوں ایہناں وچ خُدا ولوں برکت پاؤن دی ابرہام دی بوہتی تمنا سی ۔فیر ، ایہہ برکت کیہ سی جیہڑی ابرہام نے خُدا توں منگی ؟ ایہہ ایس گل توں ظاہر ہوندا اے پئی ابرہام نے خُدا نوں آکھیا : ” تُوں مینوں کیہ دیویں گا ؟ ایس لئی پئی مَیں بے اولاد ہاں ،میرا دمشقی نوکر الیِعزر میرا وارِث اے،جویں اوہ میرا لَے کے پالیا ہویا پُتر بن جائے گا جیہڑا میری ساری مالکی دا مالک ہوئے گا ! تُوں مینوں کیہ دیویں گا ؟ “ ایتھے سانوں سمجھنا چاہی دا اے پئی اوہ اپنے سکے پُتر لئی بوہت چوکھا تڑپ دا پیا سی ۔ اوہ لوک جیہڑے جان دے پچھان دے ہویاں اپنی سکی اولاد نا رکھن دا فیصلہ کردے نیں خورے ابرہام دی بوہت تمنا نال ہمدردی نئیں کر سکدے ، پر، اوہنے اصل وچ اپنے ذاتی پُتر نوں اپنےوارِث وانگر رکھن دی تمنا کیتی ۔
بالکل جویں خُدا اپنیاں بچیاں نوں اپنیاں ساریاں برکتاں دیندا اے جیہڑے اوہدے روپ وانگر بنائے جاندے نیں ،لوک و ی اپنیاں بوہت چنگیاں شیواں اپنےذاتی بچیاں نوں دین دی بوہت تمنا کرد ے نیں ۔ایسے طرح جد ابرہام نے خُدا نوں آکھیا ،”میرا نوکرمیراوارِث ہوئے گا “ اسیں سارے احساس کر سکدے آں اوہنے خُدا توں بوہت چوکھی برکت پاؤن دی تمنا کیتی ، تاں پئی اوہ اپنےوارِث وانگر اپنے ذاتی پُتر نوں رکھ سکے ۔ فیر خُدا نے ابرہام نوں آکھیا ، ”ایہہ سچ نئیں ہیگا ۔ اوہو ای جیہڑا تیرے اپنے بدن وچوں جمے گا تیرا وارث ہوئے گا ۔اوہو ای جیہڑا تیری زنانی دے بدنوں جمے گا تیرا وارث ہوئے گا ، تیرا دمشقی نوکر الِیعزر نئیں ۔ “
فیر خُدا ابرہام نوں باہر لیایا تے اوہنوں اسمان ول ویکھن تے تاریاں نوں گنن لئی آکھیا ۔سو ابرہام نے تاریاں ول ویکھیا ۔ بے گنت تارے تے سوہنیاں کہکشاواں اسمان اُتے سجیاں ہویاں سن ۔ جد خُدا نے ابرہام نوں تاریاں نوں گنن تے ویکھن لئی آکھیا جے اوہ اوہناں نوں گن سکدا سی ، ابرہام نے جواب دتا پئی اوتھے اوہناں ساریاں نوں گنن لئی بوہت ای چوکھے تارے ہیگے سن ۔ فیر خُدا نے ابرہام نال وعدہ کیتا پئی اوہ اوہنوں اینی چوکھی اولاد دیوے گا جنے پئی اسمان وچ تارے نیں ۔
ابرہام نے وعدے دے ایس کلام اُتے ایمان رکھیا جیہڑاخُدا نے اوہنوں دتا ۔ ایس طرح اوہ ایمان دا باپ بن گیا جنہے اصل وچ خُدا دے سارے کلام اُتے ایمان رکھیا ۔ ایس طرح خُدا نے اوہنوں آکھیا ، ”تیرا ایمان ٹھیک اے ۔ تُوں بِنا شک میرے کلام اُتے ایمان رکھدا ایں ۔ ایس لئی مَیں تینوں بوہت چوکھی اولاد جویں اسمان اُتے تارے نیں دین دے راہیں برکت دیواں گا ۔ “
ابرہام دی قربانی تے خُدا دا کنعان دی دھرتی دا وعدہ
خُدا ابرہام نوں کسدیوں دی دھرتی توں باہر لیایا تے اوس نال وعدہ کیتا پئی اوہ اوہنوں تے اوہدی اولاد نوں کنعان دی دھرتی دیوے گا ۔ فیر ، کیہ ثبوت سی پئی خُدا اپنا ایہہ وعدہ پورا کرے گا ؟ ایہہ وکھایا گیا اے خُدا نے ابرہام نوں آکھیا ، ” میرے کول تِناں ورہیاں دی اک وچھی ، تِناں ورہیاں دی اک بکری ، تِناں ورہیاں دا اک لیلا ، اک لالی تے اک کبوتر دا بچہ لیا۔ ایہہ وعدے دے ثبوت نیں جیہڑامَیں تیرے نال تیری اولاد نوں کنعان دی دھرتی دین لئی بنھ چُکیا ہاں ۔ “ ایہہ سانوں وکھاؤندا اے پئی ابرہام دی اولاد اپنے پاپاں توں معافی پاؤن لئی خُدا نوں قربانی دا پشُو دیوے گی ، تے ایہہ خُدا دا وعدہ سی پئی ایس ایمان دے راہیں اوہ کنعان دی دھرتی اُتے جان گے ۔
جد ابرہام قربانیاں چڑھاندیاں ہویاں اک مِٹھی نیندر سوں گیا خُدا اوہدے اگے ظاہر ہویا تے اوس نال وعدہ کیتا ،” تے اوہنےابرام نوں آکھیا میرا یقین کر پئی تیری نسل دے لوک ایہو جیہے ملک وچ جیہڑا اوہناں دا نئیں پردیسی ہون گے تے اوتھوں دے لوکاں دی غلامی کرن گے تے اوہ چار سو ورہے تیک اوہناں نوں دُکھ دین گے ۔ پرمَیں اوس قوم دا انصاف کراں گا جیہدی اوہ غلامی کرن گے تے بعدوں اوہ چوکھی دولت لَے کے اوتھوں نکل آؤن گے ۔ تے تُوں صحیح سلامت اپنے باپ دادے نال جا ملیں گا تے بوہت وڈیرا ہو کے مریں گے ۔ تے اوہ چوتھی پیڑھی وچ ایتھے پرت آؤن گے ایس لئی پئی اموریاں دے پاپ حالے تیک پورے نئیں ہوئے ۔ “(پیدائش ۱۵ : ۱۳۔۱۶)۔
دوجے اکھراں وچ ،خُدا نے وعدہ کیتا پئی اوہ اسرائیلیاں نوں مصر دی دھرتی اُتے ودھائےگا تے فیر اوہناں نوں کنعان دی دھرتی ول لَے جائے گا ؛ تے اِنج کرن لئی ،اوہنے اوہناں لئی قربانیاں چڑھاؤن دا فیصلہ کیتا جیہڑیاں خیمۂ اجتماع وچ اوہناں دے پاپاں نوں مکاؤندیاں نیں ۔ابرہام نوں وکھاؤن لئی پئی اوہ ایہہ وعدہ پورا کرے گا ، خُدا نے ابرہام دے قربانی دیاں پشُوآں وچوں وہڈے ہوئے گوشت دے ٹوٹیاں وچوں اک بلدا ہویا بھانبڑ لنگھایا ۔ ایس طریقے نال ، ابرہام نال خُدا دا وعدہ پئی اوہ اوہنوں تے اوہدی اولاد نوں اپنے خاص لوک بنائے گا ، قربانی دے نظام وچ لاگُو کیتی گئی پاپ دی قربانی دے راہیں ملیا۔ خُدا نے ابرہام نال ایہہ وی وعدہ کیتا ، ” ایہہ ملک مصر دے دریا توں لَے کے اوس وڈے دریا یعنی فرات دے دریاتیک ۔ قینیاں تے قنیزیاں تے قدمُونیاں تے حِتیاں تے فرِزّیاں تے رفائیم تے اموریاں تے کنعانیاں تے جرجاسیاں تے یبوسیاں سمیت مَیں تیری نسل نوں دتا اے ۔ “ ایہہ سبب سی پئی خُدا نے ایہہ وعدہ کیتا وکھانا سی پئی اوہ ابرہام تے اوہدی اولاد دے پاپاں نوں قربانی دے نظام دےراہیں دھوئے گا ۔ کم جیہدے راہیں خُدا نے ابرہام نال وعدے دا ایہہ کلام پورا کیتا پُرانے عہد نامے دی ساری تاریخ وچ وکھایا گیا اے ۔
خُدا نے یوسف نوں مصر دا سب توں وڈا وزیر بنایا تے یعقوب دے سارے خنوادے نوں اوہناں نوں ودھاؤن لئی مصر دی دھرتی اُتے لَے گیا (پیدائش ۴۱ : ۳۷ ۔ ۴۵؛پیدائش ۴۷)۔پر جویں ای ویلا لنگھیا ، اک نواں فرعون ہویا جیہڑا یوسف دی مصر لئی ودھیا لوکاں دی سیوا بارے نئیں جان دا سی ، تے اوہنے اسرائیلیاں نوں تنگ کرنا شروع کیتا ، جیہڑ ے اودوں ، ایس دھرتی اُتے ودھدے پئے سن ۔ چھیتی ای اسرائیلی ایتھوں تیک پئی نوکربن گئے ، یعنی مصر دی قیدوچ کم کرن لئی مجبورکیتے گئے (خروج ۱ : ۸ ۔ ۱۴)۔ ایتھوں تیک پئی ایس طرح ، اسرائیلیاں نے ودھنا جاری رکھیا ، تے ایس طرح فرعون نے اوہناں نوں ایتھوں تیک پئی غلامی دیاں بوہتیاں بھاراں نال دکھی کیتا ۔ اِنج سی جد اسرائیلی ۴۰۰ ورہیاں لئی اپنی غلامی نال مصر وچ دکھ جردے پئے سن پئی اخیری اوہ مکتی داتا دی کھوج وچ آئے ۔
مُوسیٰ دے راہیں ، خُدا نے اوہناں نوں مصر دی دھرتی وچوں ایس قید توں بچن لئی باہر کڈیا(خروج ۱۴: ۲۱ ۔ ۲۵)۔ اسرائیلیاں لئی جیہڑے ایس طرح مصر دی دھرتی وچوں نکلے ، خُدا نے مُوسیٰ دے راہیں خیمۂ اجتماع دی قربانی دا طریقہ دتا ، تے اوہناں نوں اوہناں دیاں قربانیاں چڑھاؤن دے راہیں اوہناں دے پاپاں توں صاف ہون دے لائق بنایا ۔ ایس طرح اسرائیلیاں نیں خُدا کولوں شریعت (خروج ۲۰)تے خیمۂ اجتماع دی قربانی دا طریقہ(احبار ۱ ۔ ۴) لیا ۔ شریعت تے خیمۂ اجتماع دی قربانی دےطریقہ دے راہیں ، اسرائیلی قربانی دے لیلے دے بارے جانن دے لائق ہوئے جیہڑا اوہناں دے پاپاں نوں معاف کرے گا ، تے خُدانے اوہناں لوکاں نوں جیہڑے ایس سچیائی اُتے ایمان رکھدے سن اپنے خاص لوک بنایا ، تے اسرائیل نوں کاہناں دی اک بادشاہی تے خُدا دی اک پاک قوم بنن لئی برکت دتی (خروج ۱۹ : ۶)۔
اخیریں ، اسیں کھوج سکدے آں پئی قربانی دے طریقے دے راہیں ، خُدا نے ابرہام نال اپنا وعدہ
پورا کیتا پئی اوہ اوہنوں بوہت چوکھی اولاد دیوے گا جنے پئی اسمان اُتے تارے نیں تے اوہناں نوں کنعان دی دھرتی دیوے گا ۔ جد اسرائیلیاں نیں مصر نوں چھڈیا ، ۲۰ ورہیاں توں بوہتی عمر دے تے جنگ کرن دے لائق بندیاں دی گنتی ۶ لکھ توں بوہتی سی ۔ خُدا نے بِنا شک بوہتے یقین نال ابرہام نال اپنے وعدے نوں قیم رکھیا ۔
ابرہام دے ایمان نوں ویکھدیاں ہویاں پئی اوہنے اوہدے وعدے دے کلام اُتے ایمان رکھیا ، خُدا نے ابرہام دے ایس ایمان نوں منظور کیتا ۔ خُدا نے ابرہام نوں اوہدے ایمان دے سببوں برکت دتی ۔ دوجے اکھراں وچ ، کیہ سبب اے کیوں خُدا نے ابرہام نال محبت رکھی تے برکت دتی ایہہ سی خُدا دے کلام اُتے اوہدے ایمان دے سببوں ۔ ایس لئی پئی ابرہام نے اوہدے کلام اُتے ایمان رکھیا ، خُدا اوہدے ایمان دے سببوں خوش سی ۔ ایس لئی خُداابرہام تے اوہدی اولاد نوں دتے گئے قربانی دے طریقے دے راہیں ختنے دا وعدہ پورا کرن لئی اسرائیلی قوم نوں بناؤنا چاؤہندا سی ۔
اسیں ویکھدے آں ابرہام دا ایمان خُدا ولوں پسند کیتا گیا جویں ای اوہنے خُدا دے اگے اپنے پشُو دی قربانی چڑھائی ۔ ایہہ ایمان سانوں وی ساڈے سارے پاپاں توں معاف ہون د ی اجازت دے چُکیا اے ساڈے چنگیاں کماں دے سببوں نئیں ، سگوں خُدا دے کلام اُتے ساڈے ایمان دے سببوں ۔ اوہناں نوں جیہڑے روحانی ختنہ لَے چُکے نیں جیہڑا اوہناں دے پاپاں نوں اوہدے کلام اُتے ایمان رکھن دے سببوں قربانی دے لیلے دے راہیں وہڈدا اے جویں ابرہام نے کیتا ، خُدا کنعان دی دھرتی اپنی برکت وانگر دے چُکیا اے ، ایسے طرح ، خُدا ساڈے توں اوہو ای ایمان چاؤہندا اے جویں ابرہام رکھدا سی ۔ اج ، اوہ تہاڈے کولوں تے میرے کولوں اوہدے کلام اُتے ایمان رکھن دے سببوں ساڈے دلاں وچ پاپ توں معافی پاؤن نوں چاؤہندا اے ، بالکل ابرہام وانگر ، تے اِنج خُدا دی بادشاہی دی مالکی وچ رکھنا چاؤہندا اے ۔ خُدا باپ نے ساڈے پاپ یِسُوعؔ مسیح اُتے اوہدے بپتسمے دے راہیں لدے تے اوہنوں ساری انسانی پیِڑھی لئی ”خُدا دا لیلا“بنایا ۔ تے خُدا چاؤہندا اے اسیں سچیائی اُتے ایمان رکھیے جویں ابرہام نے کیتا ۔ اوہ ایہو جیہے ایمانداراں نوں ہمیش لئی اپنے خاص لوک بناؤنا چاؤہندا اے ۔
خُدا سانوں وکھاؤندا اے پئی بالکل جویں ابرہام خُدا دے کلام اُتے اپنے ایمان دے سببوں بوہت وڈا برکت پاؤن والا ہویا ، ایتھوں تیک پئی اَج ، تُسیں تے مَیں وی ایمان رکھن دے راہیں جویں ابرہام رکھدا سی خُدا دیاں ساریاں برکتا ں پا سکدے آں ۔ خُدا نے مُوسیٰ نوں سیِنا دے پہاڑ اُتے بلایا ، اوہنوں شریعت تے قربانی دا طریقہ دتا تے اوہناں نوں برکت دتی جیہڑے اوہدے کلام اُتے اوہدے اپنے لوک بنن لئی ایمان رکھدے نیں ۔
خُدا سانوں خیمۂ اجتماع وچ لاگُو کیتی گئی پاپاں دی معافی دے راہیں وی اپنے لوک بنا چُکیا اے ، ایتھوں تیک پئی بھاویں اسیں اوہدی شریعت اُتے عمل کرن وچ ناکام ہوگئے آں ۔ خیمۂ اجتماع وچ ظاہر کیتی گئی سچیائی وچ ساڈے ایمان دے راہیں ، خُدا سانوں اپنیاں ہمیش دیاں برکتاں پاؤن دے لائق کر چُکیا اے۔ ایس طرح ، سانوں ساریاں نوں لازمی خیمۂ اجتماع وچ وکھائے گئے ایس سچ اُتے ایمان رکھن دے راہیں خُدا دے لوک بننا چاہی دا اے ۔ صرف جدوں اسیں اپنے دلاں وچ ایمان رکھدے آں پئی خُدا سانوں یِسُوعؔ مسیح نوں وکھا چُکیا اے اسیں اوہدیاں چوکھیاں برکتاں پا سکدے آں ۔
بالکل جویں ابرہام نے خُدا دے کلام اُتے ایمان رکھیا ، ایسے طرح سانوں لازمی اوہدے کلام اُتےمبنی خُدا اُتے ایمان رکھنا چاہی دا اے
ابرہام نوں اوہدیاں چنگیاں کماں دے راہیں نئیں ، سگوں خُدا دے کلام اُتے اوہدے ایمان دے سببوں برکت دتی گئی سی ۔ شریعت دے راہیں ، خُدا سانوں اپنیاں پاپاں نوں جانن دے لائق کر چُکیا اے ، تے خیمۂ اجتماع دے قربانی دے طریقے دے راہیں ، اوہ ساڈیاں پاپاں نوں بے پاپ قربانی دے لیلے اُتے لدن تے اوہدا لہو خُدا نوں دین دے سببوں سانوں ساڈیاں ساریاں پاپاں دی معافی پاؤن دے لائق کر چُکیا اے ۔ اوسے طریقے نال ، یِسُوعؔ مسیح نے ، ایس زمین اُتے آ کے اپنے بپتسمے نال ساڈیاں ساریاں پاپاں نوں چُک لیا ، تے سولی اُتے اپنی موت نال ساڈے ایہناں پاپاں دی سزا نوں جریا ، تے سانوں ساڈیاں ساریاں پاپاں توں مویاں وچوں فیر جیوں اُٹھن دے راہیں معاف کر چُکیا اے ۔ ساڈے سارے پاپ معاف ہو سکدے نیں تے اسیں صرف ایس سچیائی اُتے ایمان رکھن دے راہیں خُدا دے پُتر بن سکدے آں ۔ پاک کتاب سانوں دسدی اے پئی صرف اوہ جیہڑے اپنے سچے دلوں ایس سچیائی اُتے ایمان رکھدے نیں خُدا دیاں ساریاں برکتاں نوں پا سکدے نیں ۔ خُدا دے کلام اُتے ایمان رکھن دے راہیں ، سانوں لازمی اوہدے مکتی دے کلام نوں ، بوہت مہنگی برکت نوں جیہڑاسارے جگ وچ کدھرے ہور نئیں پایا جاندا بالکل ساڈا اپنا بنا لینا چاہی دا اے ۔
کیوں ابرہام نے خُدا کولوں چوکھیاں برکتاں پائیاں ؟ اوہ برکتاں والا ہویا ایس لئی پئی اوہنے اوس اُتے ایمان رکھیا جیہڑا خُدا نے اوہنوں دسیا سی ۔ ایتھوں تیک پئی اج ، جے تُسیں تے مَیں پاک کتاب وچ لکھے ہوئے خُدا دے کلام اُتے ایمان رکھدے آں ، اسیں سارے ابرہام ورگا ایمان رکھ سکدے آں تے اسمان دیاں بوہت ساریاں برکتاں پا سکدے آں ۔اِنج کرنا کوئی اوکھا کم نئیں ہیگا ۔جے اسیں ثبوت رکھنا چاؤہندے آں جیہڑا وکھاؤندا اے پئی اسیں خُدا دے لوک آں ، اسیں جو کرنا اے ساڈیاں چنگیاں کماں نال خُدا نوں خوش کرن دی کوشش نئیں ہیگی ، سگوں سچے دلوں اوہدے کلام اُتے ایمان رکھنا اے ۔
خُدا نے اپنے کلام نال ابرہام نال وعدہ کیتا پئی اوہ اوہدی اولاد نوں کنعان دی دھرتی دیوے گا ۔ اج دے زمانے وچ ساڈے وچوں ساریاں زندہ رہن والیاں نوں لازمی ایمان رکھنا چاہی دا اے پئی یِسُوعؔ دیاں چار خدمتاں ، جیہڑیاں خیمۂ اجتماع دے اسمانی ، ارغوانی تے لال دھاگے تے مہین وٹے ہوئے کتان دے راہیں ظاہر تے پیش کیتیاں گئیاں سن ، سانوں ساڈیاں ساریاں پاپاں توں بچا چُکیاں نیں ۔ تے ایس طرح ایمان رکھن دے راہیں ، سانوں لازمی اپنے پاپاں دی معافی پاؤنی ، خُدا دے پُتر بننا تے اسمانی بادشاہی نوں مالکی وچ لینا چاہی دا اے ۔
سانوں لازمی حتمی طور اُتے اوہدے کلام اُتے ایمان رکھنا چاہی دا اے ، ایس لئی پئی خُدا دا اِکو اک بول وی بے فائدہ نئیں ہیگا ، تے ایس لئی پئی اوہدا سارا کلام سچا اے تے ساڈے ایمان لئی بوہت ضروری اے ۔ سانوں لازمی یقین نال اوہدا پانی تے رُوح دا کلام جاننا چاہی دا اے ، تے سانوں لازمی ناکامیوں اڈ ایس اُتے ایمان رکھنا چاہی دا اے ۔ کیوں ؟ ایس لئی پئی ایہہ بوہت سچا اے ! کیہ ہُن تُسیں ایمان رکھدے او ؟ جے تُسیں سچے دلوں سچیائی اُتے ایمان رکھدے او تے اپنے مونہوں ایہدا اقرار کردے او تُسیں خُدا ولوں پسندکیتے جاؤ گے ۔ ”کیوں جو راستبازی لئی دلوں ایمان لیاوی دا اے۔تے نجات لئی مُنھ توں اقرارکری دااے“ (رومیوں ۱۰ : ۱۰)۔ایہہ ہے کیوں ایمان ایناں ضروری اے ۔ تے ایہہ ساڈے سچے دلوں خُدا دے کلام اُتے ایمان رکھن لئی بوہت اہم وی اے ۔ ساڈے لئی کیہ بوہت ضروری اے ایمان رکھنا نئیں اے پئی لوک کیہ کہندے نیں ، سگوں خُدا دے لکھے ہوئے کلام اُتے ایمان رکھنا اے ؛ تے ساڈے لئی کیہ ضروری اے ساڈے اپنے خیالاں یاں جذبیاں نال کلام اُتے ایمان رکھنا نئیں اے ، سگوں ایمان رکھنا اے جویں ایہہ ساڈے سچے دلوں اے ۔ ایس لئی خُدا دے خادم تے اوہ جیہڑے پہلوں مکتی یافتہ ہو گئے نیں خُدا دے کلام دی منادی کردے پئے نیں جویں ایہہ ہیگی اے ۔
ختنے دے نشان نال، خُدا نے اپنا وعدہ ابرہام تے اوہدی اولاد نال کیتا تے اوہناں نوں خیمۂ اجتماع دی قربانی دا طریقہ دتا ، تاں پئی اوہ یِسُوعؔ مسیح ،آؤن والے مسیحا اُتے ایمان رکھ سکن ، جیہڑا اپنے بپتسمے تے سولی اُتے اپنے لہو نال اوہناں نوں ساریاں پاپاں توں معاف کرے گا ،تے ایس طرح ایس ایمان نال اوہ خدا دی بادشاہی وچ جا سکدے سن ۔
مَیں خُدا دے وعدہ دے کلام اُتے ایمان رکھدا ہاں ۔ نا صرف ابرہام خُدا دے کلام اُتے ایمان رکھن دے راہیں برکتا ں والا ہویا ، سگوں اسیں سارے وی ، بالکل اوسے طرح ، اوہدے کلام اُتے ایمان رکھن دے راہیں برکتاں والے ہو سکدے آں ۔ مَیں ایمان رکھدا ہاں پئی خُدا نے سانوں ساڈے سارے پاپاں توں بچاؤن لئی خیمۂ اجتماع نوں بنایا ۔ ایس لئی خُدا نے ابرہام دی اولاددی سیِنا پہاڑ دے سارے راہ وچ اگوائی کیتی تے اوہناں نوں شریعت تے خیمۂ اجتماع دی قربانی دا طریقہ دتا ۔ سانوں ساریاں نوں لازمی احساس کرنا چاہی دا اے پئی ایہہ سچ خُدا دی عاقبت اندیشی اے ۔
Copyright © 2021 by The New Life Mission