Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 11: خیمۂ اِجتماع
[11-7] خیمۂ اِجتماع نوں بناؤن والا سامان جنہے ایمان دی نیہ رکھی <خروج ۲۵:۱۔۹>
> خروج ۲۵:۱۔۹<
”تے خُداوند نے مُوسیٰ نوں فرمایا ۔ بنی اسرائیل نوں ایہہ آکھیں پئی میرے لئی چڑھاوے لیاؤن تے تُوں اوہناں کولوں ای میرا چڑھاوا لویں جیہڑے اپنے دل دی خوشی نال دین ۔تے جنہاں شیواں دا چڑھاوا تہانوں اوہناں کولوں لینا اے اوہ ایہہ نیں:-سونا تےچاندی تے پِتل تےاسمانی تےارغوانی تے لال رنگ دا کپڑا تے مہین کتان تےبکری دی اُنّ ۔تے لیلیاں د یاں لال رنگیاں ہویاں کھلاں تے تخس دیاں کھلاں تے کِکر دی لکڑ ۔ تے چراغ لئی تیل تے مسح کرن والے تیل لئی تے خُوشبو والے بخور لئی مصالح ۔ تے سلیمانی پتھر تے افود تے سینہ بند وچ جڑن والے نگینے ۔ تےاوہ میرے لئی اک ہیکل بناؤن تاں پئی مَیں اوہناں وچکار وساں ۔ تے مسکن تے اوہدے سارے سامان دا جیہڑا نمونہ مَیں تینوں وکھاواں بالکل اوسے دے مطابق تُسیں اوہنوں بناؤنا ۔ “
بے قدریاں زندگیاں
اک نظم جِہدا عنوان ’زندگی دا اک پاک گیت ،‘ وچ،ہینری واڈزورتھ لونگ فیلو نے لکھیا ،”مینوں غم دین والیاں نمبراں ، نال نا دسو، زندگی ہیگی اے پر اک سکھنا سُفنا!“
پر ،جے تُسیں سچ مُچ ایہدے بارے وچ سوچدے او ، لوکاں دیاں زندگیاں بِنا شک بوہت فضول نیں ۔ بھاویں ہر کسے دی زندگی دُنیا دے ایس جنگل وچ اکلیاں تے کچی رہن دے بعد بے فائدہ مٹی وچ واپس مکدی ہوئی نظرآسکدی اے ، زمین اخیری منزل نئیں ہیگی ۔ ہربندے دی زندگی دا اخیری مکا ، پاپ دے سبب ، ہمیش تیک رہن والی ، دوزخ دے ڈاہڈے دکھ ہون گے ۔
فیر وی لوک عام طور اُتے اپنے آپ دی موت تے قبر دے بعد دی دُنیا دی فکر نئیں کردے ۔ جد پئی ایس دُنیا وچ رہندیاں ہویاں ، ایس طرح لوک کسے مقصد دے بغیر رہندے نیں ، یعنی دوزخ ول مُنھ کردیاں ہویاں ، خُدا نوں مِلن دے لائق نئیں ہیگے جیہڑا اوہناں نوں بچا چُکیا اے ۔ ایہہ زندگی اے ۔ پر جے سچ مُچ ایہہ سارا سی جیہڑا زندگی وچ ہوندا اے تاں، اسیں کنے بے قدرے تے ترس دے لائق ہوواں گے ؟
ایہو جیہاں زندگیاں لئی ،مسیحا اُڈیکدا پیا اے ۔ جے لوکاں نوں ایس کھُلی دُنیا وچ بے مقصد صرف پھرن تے ہنیرے وچ غائب ہون لئی بے احتیاطی نال سُٹیاں جانا سی ،اوہ بِنا شک رحم دے لائق تے ترس دے لائق وجود بسر کردے ہون گے ۔ اسیں ایہہ سارا صرف اپنے آلے دوالے دیاں لوکاں نوں ویکھ کے پچھان سکدے آں ۔
تھوڑا چر ای پہلاں، جد مَیں اک کار وچ ساں مَیں اک بُڈھے بندے نوں جیہڑا تقریباً سٹھ ورہیاں دے نیڑے سی ، سڑک اُتے ٹُردیاں ہویاں ویکھیا ۔اپنی کنڈ میرے ول کر کے ٹُردیاں ہویاں اوہدا سِر ہیٹھاں نوں نیواں ہویا سی تے اوہدے موہڈے اکٹھے ہوئے سن ، ہر پاسیوں بالکل اکلا نظر آؤندا پیا سی ۔ جد مَیں ہارن وجایا ، اوہ واپس مُڑیا ، تے مَیں ویکھیاپئی اوہداچہرہ دکھاں نال بھریا ہویا سی ۔ ایس بُڈھے بندے دے تاثر ویکھدیاں ہویاں ، مَیں تھوڑے چر لئی سوچیا ۔ ایہہ بُڈھا بندہ میرا خیال اے محسوس کردا پیا سی اوہدی زندگی کنی سکھنی سی ۔ ڈِگ پین دی بربادی نے خورے ایس سکھنے پن دے احساس وچ ، اوہدی زندگی دی فضولیت نوں اوہنوں بوہتا محسوس کراؤندیاں ہویاں ایتھوں تیک پئی بوہت ودھایا ۔ نا صرف ایس بندے دی زندگی ،سگوں ہر کسے دی زندگی ، اصل وچ ، سچ مُچ ترس دے لائق اے ۔
ویلا لنگھن نال ، لوک ایتھوں تیک پئی احساس نئیں کردے پئی اوہ بُڈھے ہوندے پئے نیں ، ایتھوں تیک پئی اوہ اچانک اپنے ہر پاسے ڈوہنگھے وٹ لبھ لین ۔ اوہناں وچوں بوہت سارے اپنیاں زندگیاں وچ بوہت سارے دُکھ جر چُکے نیں پئی ایتھوں تیک پئی اوہناں نوں رُکن ، مُڑن تے ویکھن دا کوئی موقع نئیں ملیا پئی اوہ کِدھر جاندے پئے سن ۔ بھاویں سارے ماپے اپنیاں بچیاں تے خنوادے لئی زندہ رہ چُکے تے چوکھی محنت کر چُکے سن ، اکھر اوہناں دی پریشانی دس نئیں سکدے ،ایس لئی پئی جدوں اوہ اپنے آپ دے ڈھلن نوں ویکھدے پئے نیں ، اوہناں دیاں زندگیاں وچ کُجھ باقی نئیں رہندا ۔
اپنیاں جذبیاں ہیٹھاں ، اوہ چھیتی نال ہنجوآں وچ پھس جاندے نیں ۔ اینا ں سارا ویلا لنگھن دے بعد تے اینے سارے ورہیاں دے لنگھن دے بعد اوہ اخیری واپس ویکھن دا اک موقع پاندے نیں تے جد اوہ اِنج کردے نیں ، سارا جیہڑا اوہ محسوس کر سکدے نیں صرف اُجاڑ دی بربادی دا ایہہ منظر اوہناں دے اپنیاں پرچھاویاں اُتے کنا پُر اِسرار لگدا اے ۔ اُجاڑ دے نال ،جد سارے پتے ڈِگ پئے نیں ، تے صرف بے سواد ٹھنڈ نوں جردے پئے نیں ، اوہ پچھان دے نیں پئی اوہناں دیاں زندگیاں ، وی ، چھیتی نال ایس طریقے نال غائب ہو جان گئیاں ۔ بِنا شک ،اوہ پچھتان گے پئی ایہدا احساس کرن لئی اوہناں نوں ایناں چر لگیا ۔ ایہہ لوک کیہ آس رکھن گے جد اوہ ایتھوں تیک پئی خُداوند نوں مِلیوں بغیر تقریباً مرن دے نیڑے نیں ؟ ایہو جیہے لوک جیہڑے مسیحا نوں مِلیوں بغیر اپنے اخیر تیک اَپڑدے نیں سدا لئی وچارے نیں ۔
مَیں آپ وی اک وچاریاں والی زندگی بسر کر چُکیا ہوندا جے مَیں خُداوند نال نا مِل چُکیا ہوندا ۔ تہاڈے بارے کیہ اے ؟ ہُن تُسیں کیہڑے پاسے جاندے پئے او ،جے تُسیں بھاویں خُداوند نال نئیں مِل چُکے او ؟ ایس دُنیا وچ بوہت سارے لوک ہیگے نیں جیہڑے ، ایس لئی پئی اوہ خُدا نال مِلن دے لائق نئیں سن ، اپنی دلی پریشانی نوں ودھا چُکے نیں ۔
اِنج میرا دل ٹُٹ دا اے جد مَیں ایہناں لوکاں بارے سوچدا ہاں، پئی بوہت سارے لوک ہیگے نیں جیہڑے اپنی دلی پریشانی نوں ودھا چُکے نیں ۔ سارا کُجھ جیہڑے سُور کردے نیں صرف اپنے آپ نوں کھوانااے جد تیک اوہ اخیر تیک اَپڑ جاندے نیں ، پر ساڈیاں زندگیاں ایہناں سُوراں توں فرق نیں ، ایس لئی پئی سانوں لازمی اج دے ویلے توں اگانہہ آؤن والے ہمیش دے ویلے بارے سوچ وچار کرنی تے ویکھنا چاہی دا اے ۔ بوہت سارے لوک اپنے اخیری دن لئی پچھتاوے نال بھرے ہوئے مِلدے نیں ۔ بھاویں اوہناں نوں پتہ اے پئی اسمانی ہمیش دی بادشاہی ہیگی اے ، اوہ پچھان دے نیں پئی اوہ ایس وچ جان لئی بوہت بے چجے نیں ، ایس لئی پئی اوہ پاپی ای رہے نیں ۔ یعنی بوہت ساریاں ایہو جیہا ں زندگیاں ایہو جیہے پچھتاویاں نال بھریاں ہویاں صرف مینوں اوہناں دی دُکھی قِسمت لئی غم کرن والا تے رون والا بناؤندیاں ہویاں موجودنیں ۔
جد اسیں ایہناں زندگیاں بارے سوچدے آں پئی اوہ خُدا ولوں بنائی گئی چنگی تھاں اُتے جان دے لائق نئیں ہیگیاں ، تے پئی اوہناں نوں اپنیاں زندگیاں دے خاص مقصد نوں پورا کیتیوں بغیر ایس دُنیا توں غائب ہونا اے ، اسیں صرف ایہناں لوکاں لئی ترس کھا سکدے تے ایہناں دے لیکھاں لئی رو سکدے آں ۔ ایس لئی زندگی دی مثال بوہتی وار اک ڈکوڈولے والے تے اوکھے سمندر دے سفر نال دتی جاندی اے ۔ زندگی بارے گل کردیاں ہویاں ، زندگی بارے گل کردیاں ہویاں ، لوک کہندے نیں پئی ایہہ اک ایہو جیہے سمندر اُتے زندہ رہن وانگر اے ، یعنی انسانی دُنیا دی کَوڑ وچ زندہ رہن لئی کوشش کرنا ، یعنی اوہناں دے بالکل جمن توں لے کے اوہناں دے مرن تیک ، اوہناں نوں لازمی دکھ جرنا تے ٹھیڈے کھانا تےصرف زندہ رہن لئی چانگراں مارنیاں تے رونا چاہی دا اے ۔
جد اسیں اپنےآپ نوں چیتا کراؤنے آں پئی زندگی ایسے دے بارے اے ، اسیں بھروسے نال احساس کر سکدے آں پئی ساریاں لوکاں تیک خیمۂ اجتماع دی سچیائی دی وضاحت کرنا تے اوہناں نوں خُداوند نال مِلن وچ مدد کرنا سارے بوہت خاص کم نیں ۔ کیوں ؟ ایس لئی پئی قربانی دے طریقے دے راہیں ، خُدا ایہناں پاپی لوکاں نوں پاپ توں اوہناں دی مکتی اوہناں نوں اپنےذاتی خُدا دے گھر وچ مِلن دے راہیں دیندا اے ۔ خیمۂ اجتماع جنگل وچ بنایا گیا خُدادا گھر اے ۔ خُدا دے ایس گھر، خیمۂ اجتماع وچ ، خُدا پاپی نال قربانی دے طریقے نال پوری کیتی گئی پاپ توں معافی دے فضل دے راہیں مِلدا اے ، خُدا سانوں دسدا اے ، ”مَیں تہانوں اپنا گھر بنان دے لائق بناواں گا جتھے مَیں رہواں گا تے مَیں ایس خیمۂ اجتماع دے اندر ، ایہدی سرپوش وچ تہانوں مِلا ں گا ۔“ صرف خیمۂ اجتماع ، خُدادے گھر وچ ، کسے نوں خُدا نال مِلن دا اک موقع دتا جاندا اے ۔
خیمۂ اجتماع دی سچیائی اُتے ایہہ ایمان ایس دُنیا وچ کسے وی دوجی شے نال بدلیا نئیں جا سکدا ، تے ایہہ بوہت مہنگا اے جیہڑا کسے وی مُل نال خریدیا نئیں جا سکدا ۔ مَیں ایمان رکھدا ہاں پئی ساڈے وچوں اوہناں لئی جیہڑے مسیحی ایمان رکھدے نیں ، جیہڑ ےیِسُوعؔ مسیح نوں اپنے مکتی داتا وانگر من دے نیں ، ایس خیمۂ اجتماع دا بالکل ٹھیک علم تے جائز ایمان رکھنا ایتھوں تیک پئی برکت والے راہ اُتے پیر رکھن دا اک راہ اے ۔
اسیں اپنیاں مبارک زندگیاں بسر کردے آں
میرا دل خوشی دی سوچ نال ، حیران ہو کے بھرجاندا اے جے کوئی دوجا ہیگا اے جیہڑا ایہو جیہی مبارک زندگی بسر کردا پیا اے جویں اسیں بسر کردے پئے آں ۔بھاویں زندگی اک ایہو جیہی وچاری ہوندی اے ، بوہت سارے لوک جد پئی اپنے آپ دے لیکھ توں کامل طریقے نال سُتے رہندیاں ہویاں اپنیاں زندگیاں بسر کردے نیں ۔ پر خُدا اوہناں نوں پچھانن دے لائق بناؤنا ، تے اوہناں دیاں دلاں نوں توبہ دے لائق بناؤنا چاہندا اے پئی اوہناں دیاں زندگیاں اوہدے اگے صرف کنیاں اَڑیل رہ چُکیا سن ۔ دوجے پاسے ، اوہ خوشخبری نوں سُنیوں بغیر اپنیاں زندگیاں بسر کرن دی حالے تیک کوشش کردے پئے نیں جیہڑیاں خُدا نے اوہناں نوں مفت دتیاں نیں ، تے ایتھوں تیک پئی اپنیاں دلاں وچ تھوڑی جیہی تھاں نوں کھولیوں بغیر ۔
خروج سانوں دس آفتاں بارے دسدا اے جیہڑیاں خُدا فرعون اُتے لیایا ۔ دس آفتاں دا اک جھُنڈ مصر دی دھرتی اُتے لیا یاگیا ۔خُدا نے فرعون نوں مصر وچ رہندیاں ہویاں اپنیاں لوکاں نوں جان دی اجازت دین دا حکم دتا ۔ اوہنےفرعون نوں دسیا جے اوہ اوہدا آکھا نئیں منے گا ، اوہ اوس اُتے دس آفتاں گھلے گا ۔ پر فرعون نے نا سُنیا جیہڑا خُدا نے اوہنوں دسیا سی ، اَڑی وچ اوہدے حکم دے خلاف ورزی کیتی ،تے ساریاں دس آفتاں لیندیاں ہویاں برباد ہو گیا جنہاں دا خُدا نے وعدہ کیتا سی ۔ فرعون دا ڈھیٹھ پن پُٹھی راہ سی ۔ اخیریں اوہنے اسرائیلیاں نوں خُدا دیاں ساریاں سزاواں لین دے بعد ای چھڈیا ایہدا سبب ایہہ سی ایس لئی پئی اوہ شیطان دے جال وچ سی ۔ ایہہ ساڈی اپنی اَڑی نوں جیہڑی ساڈے وچوں ہر اک وچ تے ہر کسے وچ ہیگی اے بارے دسدی اے ۔
پر ، ایہو جیہے لوک فیر وی اوہدے خیمۂ اجتماع وچ خُدا ولوں تیار کیتی گئی پاپ دی معافی پا سکدے ، تے ایمان وچ اوہدے نال زندہ رہ سکدے نیں ۔ فیر وی ایہہ لوک اینے ڈھیٹھ نیں پئی اوہ ردّ کرنا تے اک کھوتے وانگر ڈھیٹھ پن نال خُدا دی سچیائی اُتے ایمان نا رکھن نوں جاری رکھدے نیں ۔ ایس لئی بوہت سارے لوک ہیگے نیں جیہڑے سچیائی دے خُدا نوں مِلن وچ ناکام ہوجاندے نیں ، اپنیاں زندگیاں پاپیاں وانگر بسر کردے نیں تے اخیریں اپنے آپ برباد ہو جاندے نیں ۔ ایہہ مینوں پریشانی نال دُکھی کردا اے ۔ بوہت سارے لوک خُدا دے اگے بوہت ڈھیٹھ ہون دی راہ اُتے چلدے پئے نیں ۔
ایس لئی پئی ایہو جیہے لوک تھوڑے چر لئی نیویں ہوندے نیں جد اوہناں اُتے دکھ آؤندے نیں ، پر فیر بالکل واپس جاندے نیں جتھے اوہ پہلوں سن خُدا دی مرضی نوں ردّکردیاں ہویاں تے اک واری فیر اپنیاں ڈھیٹھ راہواں نوں شروع کردیاں ہویاں ، اوہ اپنی دوجی آفت نوں جرن گے ۔ ایس دوجی آفت نال ، اوہ تھوڑا بوہت نیویں ہوندے نیں ۔ پر ایہہ بوہتے چر لئی نئیں رہوے گا ، ایس لئی پئی اوہ اک واری فیر خُدا دا آکھا نا مننا تے اوہنوں للکارنا شروع کرن گے ۔ تے ایس طرح اوہ اپنی تریجی آفت دا نشانہ نیں ، اپنی چوتھی ، پنجویں ، چھیویں ،ستویں ،اَٹھویں تے نوویں آفتاں ول ودھدیاں ہویاں جد تیک اوہ صرف اخیری آفت دے بعد اخیریں ہتھیار سُٹ دیندے نیں تے برباد ہو جاندے نیں ۔
جد اخیری آفت آؤندی اے ، بوہت سارے لوک ہون گے جیہڑے ایمان نا رکھن دے سبب دوزخ دی پیِڑ جرن گے جیہڑا مسیحا اوہناں لئی کیہ کر چُکیا سی ۔ ایہو جیہاں لوکاں دیاں زندگیاں کنیاں کملیاں نیں ؟ ایس لئی ہر کسے دی زندگی اینی وچاری اے ۔
بھاویں لوکاں دی زندگی خُدا دے اگے صرف وچاری اے ،تہانوں لازمی احساس کرنا چاہی دا اے پئی خیمۂ اجتماع وچ خُدا نوں مِلنا تے ایس احساس نال خیمۂ اجتماع دے کلام اُتے غوروخوض کرناتہاڈے لئی اک وڈی برکت اے ۔
قربانیاں جیہڑیاں خُدا ساڈے کولوں منگدا اے
خُدا نے مُوسیٰ نوں سیِنا پہاڑ اُتے آؤن دا حکم دتا تے اپنی شریعت دی اک کامل کڑی دتی ۔ سب توں پہلوں ، اوہنے مُوسیٰ نوں دس حکم دتے : ”تُسیں میرے اگے کوئی دوجا خُدا نا رکھو گے ؛ نا تُسیں پُتلے بناؤ گے نا اوہناں دے اگے سِر نواؤ گے ؛ تُسیں میرا ناں بے فائدہ نئیں لوووگے ؛ تُسیں سبت نوں یاد تے ایہنوں پاک رکھو گے ،تُسیں اپنیاں ماپیاں دی عزت کروگے ،تُسیں قتل نئیں کرو گے؛ تُسیں زناکاری نئیں کروگے؛ تُسیں چوری نئیں کروگے، تُسیں اپنے گوانڈھی دے خلاف جھوٹھی گواہی نئیں دیوگے؛تے تُسیں لالچ نئیں کروگے۔ “ اگانہہ ہور خُدا دوجیاں قانوناں دے بارے وی اوہناں نال بولیا جیہڑے اسرائیلیاں نوں اپنی ہر دیہاڑے زندگی وچ قیم رکھنے سن : اوہ اکٹھیاں کر کے خُدا دے ۶۱۳ حکم تے قانون سن ۔
ایہہ ۶۱۳ قانون ایہو جیہے کماں بار ے سن مثال طور اُتے کیہ کرنا اے جد اسرائیلی اپنے ڈنگر گوا لیندے نیں ، کیہ کرنا اے جد کسے دوجے دا ڈنگر کھڈے وچ ڈِگ جاندااے ، پئی اوہناں نوں جانوں نال زنا نئیں کرنا چاہی دا ، پئی جے اوہناں دےنوکر سن اوہناں نوں اوہنوں ستویں ورہے اُتے چھڈ دینا سی ، پئی جے اوہناں نیں نوکرانی نوں اپنے اِکو بندے نوکر نال ویاہ دین دی اجازت دتی تے اوہدے وچوں کوئی نیانا جم پیا تاں ، اوہناں نوں بندے نوکر نوں ستویں ورہے آپ ای جان دی اجازت دینی چاہی دی اے ، تے اِنج ہور وغیرہ وغیرہ ۔خُدا نے مُوسیٰ نوں سارے ادبی قانون دسے جیہڑے اسرائیلیاں نوں اپنے ہر دیہاڑے زندگی وچ خُدا اگے ایمان دے راہیں قیم رکھنے سن ۔
فیر خُدا نے مُوسیٰ نوں پہاڑ اُتوں ہیٹھاں جان لئی ، بابیاں نوں اکٹھیاں کرن لئی ، تے اوہدیاں حکماں دا اعلان کرن لئی آکھیا ۔ خُدادا کلام سُن کے ، سارے اسرائیلیاں نیں اکٹھ کیتا ، تے اپنے لہو نال قسم کھاہدی پئی اوہ اِنج اوہدیاں ساریاں حکماں نوں منن گے (خروج ۲۴: ۱ ۔۴)
فیر ، خُدا نے اک واری فیر مُوسیٰ نوں پہاڑ اُتے سدیا ، ایس واری اوہنوں خیمۂ اجتماع نوں بناؤن دا حکم دتا ۔
خُدا نے مُوسیٰ نوں فرمایا ،” بنی اسرائیل نوں ایہہ آکھیں پئی میرے لئی چڑھاوے لیاؤن تے تُوں اوہناں کولوں ای میرا چڑھاوا لویں جیہڑے اپنے دل دی خوشی نال دین ۔ “(خروج ۲۵ : ۲)۔فیر اوہنے اوہدے چڑھاوے دی فہرست بنائی : ”تے جنہاں شیواں دا چڑھاوا تہانوں اوہناں کولوں لینا اے اوہ ایہہ نیں :۔سونا تےچاندی تے پِتل تےاسمانی تےارغوانی تے لال رنگ دا کپڑا تے مہین کتان تےبکری دی اُنّ ۔ تے لیلیاں د یاں لال رنگیاں ہویاں کھلاں تے تخس دیاں کھلاں تے کِکر دی لکڑ ۔ تے چراغ لئی تیل تے مسح کرن والے تیل لئی تے خُوشبو والے بخور لئی مصالح ۔ تے سلیمانی پتھر تے افود تے سینہ بند وچ جڑن والے نگینے ۔ “(خروج ۲۵ : ۳ ۔ ۷)۔
خُدا دا ایہناں چڑھاویاں نوں لیاؤن بارے اوہناں نوں آکھن وچ ایہدے پیچھےاک پکا مقصد سی ۔ ایہہ مقصد ایس زمین اُتے خُدا دا چمکداہویا گھر بناؤن دا سی ، جتھے کوئی پاپ نئیں ہیگا تے جتھے خُدا نے رہنا اے ، تاں پئی اوہ اسرائیلیاں نال مِلے تے اوہناں دیاں پاپاں نوں مکائے ۔پر ، ایہدا مطلب ایہہ نئیں ہیگا پئی خُدا نے اوہناں نوں صرف اج دیاں گرجیاں وانگر اک ودھیا یاد رکھن والاگھر بناؤن لئی پیسے لیاؤن لئی آکھیا ۔ اج دی مسیحیت دے جھوٹھے ایس حوالے نوں غلط پاسے لاؤن وچ لگے ہوئے نیں جد اوہ اپنیاں ذاتی تمناواں نوں سکون دین دےسلسلےوچ اپنے گرجےدیاں عمارتاں بناؤن لئی کوشش کردے پئے نیں ۔
ایہدے اُلٹ ، خُدا نے اسرائیلیاں نوں ایہہ چڑھاوے لیاؤن لئی آکھیا تاں پئی اوہ اوہناں نوں اپنا ذاتی گھر بناؤن لئی ورتے تے اوہناں نوں اوتھے بوہت چوکھی برکت دیوے ۔ اصل وچ ،وجہ کیوں خُدا نے ایہہ چڑھاوے لَئے سانوں ساڈیاں پاپاں توں چھڈاؤن تے ساڈی سزا توں سانوں بچاؤنا سی ۔ ایہہ خُدا لئی آپ ای ساڈے نال مِلنا سی ، اسیں جیہڑے وچاریاں زندگیاں بسر کردے آں ، ساڈیاں پاپاں نوں دھون لئی ، ساڈیاں پاپاں نوں غائب کرن تے سانوں اپنے سکے لوک بناؤن لئی سی ۔
چڑھاویاں دے لُکے ہوئے روحانی مطلب جیہڑے خُدا نے اپنے لئی لیاؤن دا حکم دتا
ساڈے ہور اگانہہ ودھن توں پہلوں ، آؤ اسیں پہلوں تھوڑے چرنوں ایہناں چڑھاویاں دے روحانی معنیاں بارے سوچ وچار کرن لئی بسر کرئیے جنہاں نوں خُدا نے اپنے لئی لیاؤن دی حکم دتا ۔ ایہدے بعد ، اسیں لازمی ایہدی روشنی وچ اپنے ایمان نوں جانچاں گے ۔
سونا ، چاندی تے پِتل
سانوں سب توں پہلوں لبھنا چاہی دا اے سونا ، چاندی تے پِتل کتھے ورتے گئے سن ۔ خیمۂ اجتماع وچ سونا پاک تھاں ،بوہتی پاک تھاں ،تے ایہناں وچ ہون والیاں شیواں وچ ، چراغدان، نذر دیاں روٹیاں دی میز ، بخور دی قربانگاہ ، سرپوش ، تے عہد دے صندوق نوں رَلا کے ورتیا گیا سی ۔ خُدا دے کلام وچ سونا ایمان بارے دسدا اے ۔ تے چاندی مکتی دے فضل بارے دسدی اے ۔ ایہہ سانوں دسدی اے پئی سانوں لازمی اوہ ایمان رکھنا چاہی دا اے جیہڑا صرف مسیحا دے راہیں دتے گئے مکتی دے انعام اُتے ایمان رکھدا اے ، تے ایمان جیہڑا یقین رکھدا اے پئی ساڈا خُداوند ساڈیاں ساریاں پاپاں نوں لَے چُکیا اے تے ساڈے بدلے دکھ جرے سن ۔
بدلے وچ ، پِتل خیمۂ اجتماع دیاں ستوناں دیاں خانیاں ، ایہدیاں کِلاں ، حوض تے سوختنی قربانی دی قربانگاہ لئی ورتیا گیا سی ۔ پِتل دیاں ساریاں بھانڈیاں نوں دفن ہونا یا زمین وچ گڈیاں جانا سی ۔ ایہہ لوکاں دیاں پاپاں دی سزا بارے دسدا اے ، تے پِتل سانوں ایہہ وی دسدا اے پئی سانوں شریعت اُتے قیم رہن توں ناکام ہو ن لئی تے ساڈیاں پاپاں دے سبب خُدا ولوں لعنتی ٹھہرائے جانا اے ۔
فیر سونے چاندی تے پِتل دے روحانی مطلب کیہ نیں ؟ اوہ خُدا ولوں دتے گئے مکتی دے انعام نوں پاؤن وچ ایمان دیاں نِیاں بناؤندے نیں ۔ پاک کتاب سانوں دسدی اے پئی اسیں سارے پاپی آں جیہڑے کامل طریقے نال شریعت نوں قیم نئیں رکھ سکدے آں ، ایس لئی یعنی سانوں ساڈیاں پاپاں دے سببوں مرنا اے ، تے پئی ساڈی اپنی موت دی تھاں اُتے خُداوند ایس زمین اُتے آیا تے ساڈیاں پاپاں لئی ساڈی تھاں اُتے پاپ دی قربانی دا لیلا بنن دے راہیں جیہڑا خیمۂ اجتماع وچ دتا گیا سی سزا جری ۔
اپنیاں پاپاں دا مسئلہ حل کرن لئی ، پاپی خیمۂ اجتماع وچ بے پاپ پشُو لیاؤندے سن تے قربانی دے طریقے دے مطابق ، اپنیاں پاپاں نوں اوہدے سِر اُتے اپنیاں ہتھاں نوں رکھن دے راہیں لددے سن ؛ قربانی دا پشُو جیہڑا اوہناں دیاں پاپاں نوں قبول کردا سی فیر اوہد ا لہو وگایا جاندا تے ذبح کیتا جاندا سی ۔ اِنج کرن دے راہیں ، اسرائیلی، جیہڑے دوزخ جان دے حقدار سن (پِتل) ،اپنیاں پاپاں توں معافی پا سکدے سن (چاندی) ،تے ایمان دے راہیں اپنے پاپ دی سزا توں بچ سکدے سن (سونا)۔
اسمانی ، ارغوانی تے لال دھاگہ تے مہین وٹیا ہویا کتان
ایتھے بوہت چوکھیاں ورتیاں گئیاں دوجیاں شیواں ایہہ نیں ؛ اسمانی ، ارغوانی تے لال دھاگہ تے مہین وٹیا ہویا کتان ۔ ایہہ دھاگے خیمۂ اجتماع دے برانڈے دے پھاٹک لئی ، پاک تھاں دے پھاٹک لئی تے بوہتی پاک تھاں وچکار ونڈ پاؤن والے پردے لئی ورتے گئے سن ۔ ایہہ چار دھاگے سانوں سچیائی دسدے نیں پئی بالکل جویں پیدائش ۳ : ۱۵ وچ پیشن گوئی کیتی گئی سی ، پئی خُداوند زنانی دی اولاد وانگر آئے گا ، ساڈا خُداوند بِنا شک ایس زمین اُتے آئے گا تے بپتسمہ لین تے سولی اُتے چڑھن دے راہیں پاپیاں نوں اوہناں دیاں پاپاں توں بچائے گا ،تے پئی خُدا سانوں آپ ای بچائے گا ۔
ایہہ چار دھاگے ناصرف خیمۂ اجتماع دیاں پھاٹکاں لئی ، سگوں وڈے کاہن دیاں کپڑیاں لئی تے خیمۂ اجتماع دے پہلے پردے لئی وی ورتے گئے سن ۔ ایہہ خُدا دا وعدہ سی پئی یِسُوعؔ مسیح ایس زمین اُتے آئے گا تے سانوں اپنے اسمانی ، ارغوانی تے لال دھاگے دے کم پورے کرن دے راہیں ساڈیاں پاپاں توں بچائے گا ۔تے ساڈے خُداوند نے اصل وچ ایس وعدے نوں قیم رکھیا تے بِنا شک سانوں دُنیاں دیاں پاپاں توں بچا چُکیا اے ۔
خیمۂ اجتماع دیاں پھاٹکاں دی سب توں بوہتی خاص گل اسمانی دھاگہ اے ۔ کیوں یِسُوعؔ مسیح نوں ایس زمین اُتے مسیحا وانگر آ کے ، سولی اُتے مرنا سی ؟ سبب ایہہ ہیگا اے ایس لئی پئی اوہنے بپتسمہ لیا سی ۔ اسمانی دھاگہ یِسُوعؔ دے بپتسمے بارے دسدا اے ، ارغوانی دھاگہ سانوں دسدا اے پئی یِسُوعؔ بادشاہ اے تے لال دھاگہ اوہدے سولی اُتے چڑھن تے لہو وگاؤن بارے دسدا اے۔ اسمانی ، ارغوانی تے لال دھاگہ تے مہین وٹیا ہویا کتان خاص تعمیراتی سامان نیں ، جیہڑے مکتی دے انعام نوں بناؤندے نیں جیہڑا یِسُوعؔ مسیح سانوں ایس زمین اُتے مسیحا وانگر آؤن تے اپنے آپ اُتے ساڈیاں ساریاں پاپاں نوں چُکن دے راہیں دے چُکیا اے ۔
ایس دُنیا وچ بوہت سارے لوک صرف زوردیندے نیں پئی یِسُوعؔ مسیح خُدادا پُتر اے تے پئی اوہ خاص کر کے آپ ای خُدا اے ۔ پرخُدا سانوں خیمۂ اجتماع دے راہیں کھُل کے دسدا اے پئی ایہو جیہاں تعلیماں ساری سچیائی نئیں ہو سکدیاں ۔ پطرس رسول نے ۱ ۔ پطرس ۳ : ۲۱ وچ آکھیا ، ”تے ٹھیک اوسے پانی وانگر وی مطلب بپتسمہ یِسُوعؔ مسیح دے جی اُٹھن دی راہیں ہُن تہانوں بچاندااے ۔ اوہدے توں جسم دی مَیل دُور کرنا نئیں پر چنگی نیّت نال خُدا دا طالب ہونا مُراد اے ۔ “
ایہہ سانوں گواہی دیندا اے پئی یسو ع مسیح نے اپنا مکتی داوعدہ پورا کیتا اے تے اپنا بپتسمہ ، یعنی اوہدےوانگر جیہڑا سانوں بچاندا اے پاؤن دے راہیں کامل طریقے نال ایمان دی نیہ رکھی ۔ ساڈا مسیحا کون اے ؟ مسیحا دا مطلب مکتی داتا اے ، جیہڑا سانوں دسدا اے پئی یِسُوعؔ ایس زمین اُتے آیا ، ساڈیاں ساریاں پاپاں تے دُنیا دیاں ساریاں پاپاں نوں اپنے اُتے لین لئی بپتسمہ لیا تے حقیقت وچ اوہناں ساریاں نوں اپنے بپتسمے نال اپنے اُتے چُک لیا ۔
خُدا نے اسرائیلیاں نوں اسمانی ، ارغوانی تے لال دھاگہ تے مہین وٹیا ہویا کتان نال ایہنوں اُنن دے راہیں خیمۂ اجتماع دے برانڈے دا پھاٹک بناؤن لئی آکھیا ۔ تے ساڈے خُداوند دا مقصد ، جیہڑا بادشاہواں دا بادشاہ تے اسمان دا خُداوند اے ، اک بندے دے بدن وچ ایس زمین اُتے آؤنا ایہناں اسمانی ، ارغوانی تے لال دھاگہ تے مہین وٹیا ہویا کتان دے سچ نوں پورا کرنا سی ۔ ساڈا خُداوند اک بندے دے بدن وچ آیا تے یوحنا ، ساریاں لوکاں دے نمائندے کولوں بپتسمہ لیا جیہڑاخُدا دی راستبازی نوں پورا کرے گا ۔
ایہہ پُرانے عہد نامے دی قربانی وانگر سی جیہڑی اسرائیلیاں دیاں پاپاں نوں اوہدے سر اُتے وڈے کاہن دیاں ہتھاں نوں رکھن دے راہیں قبول کردی سی تے اوہ اوہناں دی تھاں اُتے اوہناں دیاں پاپاں لئی سزا جردی سی ۔ دوجیاں اکھراں وچ ، بالکل پُرانے عہد نامے دی قربانی وانگر، یِسُوعؔ ساریاں پاپیاں دے پاپاں لئی قربانی دے لیلے وانگر نویں عہد نامے وچ آیا ، بپتسمہ لیا ، سولی اُتے مویا ، تے اِنج دُنیا دیاں پاپاں دی سزا نوں چُک لیا ۔ یِسُوعؔ نےخُدا دے قربانی دے لیلے وانگر یوحنا کولوں بپتسمہ لین دے راہیں اسمانی دھاگے دا سچ پورا کیتا ۔ ایس بپتسمے نال ، یِسُوعؔ نے اِکو ا ی واری اپنے آپ اُتے ساریاں لوکاں دیاں پاپاں نوں چُک لیا ۔
کیہ وجہ اے کیو ں بوہت سارے مسیحی ایس قِسم دیاں لوکاں وچ بدل گئے نیں جیہڑے ایتھوں تیک پئی دوجیاں دُنیا دیاں دیناں دیاں لوکاں توں بوہتے بھیڑے نیں ایس لئی پئی اوہ ایس اسمانی دھاگے ، یِسُوعؔ دے بپتسمے دے سچ نوں جانن تے ایمان رکھن وچ ناکام ہو گئے نیں ، تے ایس لئی اِکو ای واری اپنیاں پاپاں دی معافی پا نئیں چُکے نیں۔جد مسیحی ایس بپتسمے بارے ٹھیک طریقے نال نئیں جان دے جیہڑا یِسُوعؔ نے اپنے آپ اُتے ساڈے پاپ چُکن لئی لیا ، اوہناں دے ایمان دی اصلی نیہ شروع توں ٹھیک طریقے نال نئیں رکھی جاسکدی ۔
بالکل ٹھیک ہون لئی ، اسمانی دھاگہ طریقہ تے سچ اے جیہدے راہیں مسیحا ایس زمین اُتے آیا تے اپنے آپ اُتے ساڈے پاپ چُک لَئے ۔ تے لال دھاگہ یِسُوعؔ دے لہو بارے دسدااے ۔ وجہ کیوں یِسُوعؔ مسیح سولی اُتے چڑھیا ، اپنا لہو وگایا تے سولی اُتے مر گیا ، ایس لئی پئی ساڈے سارے پاپ اوہدے بپتسمے دے راہیں اوہدے اُتے لدے گئے سن ۔ ایس لئی پئی یِسُوعؔ یوحنا کولوں لَئے گئے بپتسمے نال اپنے آپ اُتے ساڈیاں پاپاں نوں لَے چُکیا سی یعنی ایس لئی اوہ سولی اُتے مر سکدا سی ، تے ایہہ ایس سچیائی دے سببوں سی پئی ساڈے لئی سولی اُتے اوہدی قربانی بے فائدہ نئیں سی ۔ ایس طرح یِسُوعؔ مسیح مسیحا نے اپنے بپتسمےتے سولی اُتے مرن نال کامل طریقے نال ساڈیاں پاپاں دی سزا چُک لئی یعنی اوہ ساڈی مکتی پوری کر سکدا سی ۔
ارغوانی دھاگے دا مطلب اے پئی یِسُوعؔ مسیح خُدا تے بادشاہواں دا بادشاہ اے ۔ بھاویں یِسُوعؔ بادشاہواں دا بادشاہ (ارغوانی دھاگہ) اے، جے اوہنے یوحنا بپتسمہ دین والے ساریاں لوکاں دے نمائندے کولوں ، بپتسمہ نئیں لیا سی ، تے جے ایس لئی اپنے آپ اُتے (اسمانی دھاگے) ساڈے پاپ نئیں چُکے سن ، کوئی معنی نئیں رکھدا ، کنے دُکھ تے پیِڑ نال اوہ سولی اُتے مریا سی (لال دھاگہ)،اوہدی موت بے فائدہ ہوندی ۔ مہین وٹیا ہویاکتان سانوں دسدا پیا اے پئی نبُوّت دا کلام جیہڑ ا خُدا نے پُرانے عہد نامے وچ بولیا سی سارا نویں عہد نامے وچ پورا ہویا اے ۔
اج دی مسیحیت اسمانی دھاگے دا مطلب گواچکی اے
حالے تیک اج دی مسیحیت وچ اک خاص رُجحان اے پئی چونہہ دھاگیاں وچوں اسمانی دھاگے نوں ردّ کرنا تے کسے دا اپنے طریقے نال اپنی مرضی نال خُدا دے کلام دی تشریح کرنا موجود اے — ایس وڈے پاپ دی لازمی سزا دتی جائے گی ۔
خیمۂ اجتماع دے برانڈے دے پھاٹک لئی ورتے گئےاسمانی ، ارغوانی تے لال دھاگہ تے مہین وٹیا ہویا کتان سانوں مکتی دا سچ دسدے نیں ،پئی سانوں ساڈیاں پاپاں توں بچاؤن لئی ، یِسُوعؔ مسیح ساڈے مسیحا نوں اک بندے دے بدن وچ ایس زمین اُتے آؤنا ،تے بپتسمہ لینا تے سولی اُتے مرنا پیا سی ۔ یِسُوعؔ نے ساڈے سارے پاپ اپنے آپ اُتے چُک لَئے ۔
کویں یِسُوعؔ نے ساڈیاں پاپاں نوں اپنے آپ اُتے چُکیا؟ اوہنے اوہناں نوں بپتسمے دے راہیں چُکیا جیہڑا وہنے یوحنا کولوں لیا سی ۔ صرف اپنے آپ اُتے ساڈیاں پاپاں نوں چُکن دے راہیں یِسُوعؔ ساڈا سچا مکتی داتا بن سکدا سی ۔ ایس لئی خیمۂ اجتماع دیاں پھاٹکاں نوں ایہناں چونہہ دھاگیاں نال اُنیا جانا سی ، ایس لئی پئی اوہ سانوں دسدے نیں پئی یِسُوعؔ جیہڑا زمین ایس زمین اُتے آیا ، بپتسمہ لیا ، سولی اُتے اپنا لہو وگایا تے فیر مویاں وچوں جی اُٹھیا ، آپ ای خُدا اے ۔
اِنج ، خیمۂ اجتماع دے برانڈے دا پھاٹک ایہناں اسمانی ، ارغوانی تے لال دھاگے تے مہین وٹے ہوئے کتان دا بنیا ہویا سی ۔ یِسُوعؔ مسیح سانوں اسمانی بادشاہی وچ لَے جاندا ہویا مکتی دا پھاٹک اے ۔ ایہہ پھاٹک اسمانی ، ارغوانی تے لال دھاگہ تے مہین وٹے ہوئے کتان نال اُنیا ہویا اک پھاٹک اے ۔ یِسُوعؔ پاپیاں دا مکتی داتا اے ۔ یِسُوعؔ دا بپتسمہ تے اوہدا سولی اُتے مرنا اوہدے مکتی دے انعام نیں جیہڑے پاپیاں نوں اوہناں دیاں پاپاں توں بچا چُکے نیں ۔
ایس طرح اج دی مسیحیت یِسُوعؔ دے بپتسمے نوں ٹھیک طریقے نال سمجھن وچ ناکام ہو گئی اے یعنی ایہہ اصل خُدا نال ملن دے لائق نئیں اے تے ایہدی بجائے بوہت چوکھے دُنیاوی دیناں وچوں صرف اک وچ بدلدیاں ہویاں مک گئی اے ۔ ایس لئی ، جتھوں تیک ساڈے ایمان دا تعلق اے ، سانوں پہلوں لازمی ایمان دی پکی نیہ اسمانی ، ارغوانی تے لال دھاگےدے سچ اُتے رکھنی چاہی دی اے ۔ ایمان دی ایہہ نیہ سچیائی اے پئی ساڈا خُداوند ایس زمین اُتے آیا تے اپنے اسمانی ، ارغوانی تے لال دھاگے تے مہین وٹے ہوئے کتان دے راہیں دُنیا دیاں پاپاں توں تہانوں تے مینوں بچا چُکیا اے ۔
یِسُوعؔ ایس زمین اُتے آیا تے مکتی دا انعام کامل کر چُکیا اے جیہڑا سانوں اپنےبپتسمےتے صلیبی لہو نال ساڈیاں ساریاں پاپاں توں بچا چُکیا اے ۔ بوہت واضح ہون لئی یِسُوعؔ اک بندے دے بدن وچ ایس زمین اُتے آیا ، اپنے بپتسمے دے راہیں اپنے آپ اُتے دُنیا دیاں پاپاں نوں چُک لیا ، تے اپنے صلیبی لہو نال ساڈیاں ساریاں پاپاں دا فدیہ دتا ، تے اِنج سولی اُتے مرن دے راہیں ساڈیاں پاپاں دی سزا چُک لئی ۔ ایہہ یِسُوعؔ جیہڑا اِنج تہانوں پانی تے لہو دے راہیں بچا چُکیا اے (۱۔ یوحنا ۵ : ۴ ۔۸)خاص طریقے نال جگ نوں بناؤن والا خُداوند اے جنہے سانوں بنایا ، تے اصل اوہ اے جیہڑا سانوں مکتی دا انعام دے چُکیا اےجیہڑا سانوں بچا چُکیا اے ۔ایہہ یِسُوعؔ جیہڑا سانوں ساڈیاں ساریاں پاپاں تے سزا توں بچا چُکیا اے تے ساڈا سچا مکتی داتا بن گیا اے ۔ ایہہ ہےخیمۂ اجتماع دا تعمیری سامان سانوں کیہ دسدا پیا اے ۔
اِنج ، سانوں لازمی ایہناں شیواں اُتے ایمان د ے راہیں پکیاں ہو کے اپنے ایمان نوں قیم کرنا چاہی دا اے ۔ ایس یِسُوعؔ اُتے ایمان وچ جیہڑا ساڈے مسیحا وانگر ساڈے اصل اپنے مکتی داتا وانگر آیا ، سانوں لازمی صاف طریقے نال تے حتمی طور اُتے اپنیاں سچیاں دلاں نال بپتسمے اُتے جیہڑا یِسُوعؔ نے لیا ، ساری سزا اُتے جیہڑی اوہنے ساڈے لئی سولی اُتے چُکی ، تے مویاں وچوں اوہدے جی اُٹھن اُتے ایمان رکھنا چاہی دا اے ۔ مکتی داتا جیہڑا سانوں اپنے بپتسمے تے لہو جیہڑا اوہ سولی اُتے وگا چُکیا سی دے راہیں ساریاں پاپاں توں سانوں ساڈی مکتی داانعام دے چُکیا اے صرف اک بندہ نئیں سی سگوں اوہ اصل جگ نوں بناؤن والا سی جنہے ساریاں لوکاں تے ساری دُنیا نوں بنایا ۔ سانوں لازمی اسمانی ، ارغوانی تے لال دھاگے اُتے اپنے ایمان دا اقرار کرنا چاہی دا اے ۔ ایمان دے اِنج دے اقرار دے بغیر ، سوکھے طریقے نال یِسُوعؔ اُتے مکتی داتا وانگر ایمان رکھنا کچا اے ۔
کیہ تُسیں واری واری چُپ کر کے اک اکھر لکاؤن دی کھیڈ کھیڈ چُکے او ؟ ایہہ کھیڈ اک بندے توں شروع ہوندا اے جنہوں اک کارڈ دتا جاندا اے جیہدے اُتے اک جملہ لکھیا ہویا ہوندا اے ۔ اوہ بندہ پہلوں لُک کے جملہ پڑھدا اے ،تے فیر چُپ کر کے جملے نوں ، صرف بُلاں دے ہَلن نال ظاہر کردا اے ۔ فیر ، اگلا جیہڑا بُلاں نوں پڑھدا اے فیر ایہنوں تریجے بندے تیک گھلدا اے ۔ ایہہ بندہ فیر دوجے بندے دیاں بُلاں نوں پڑھدا اے ، تے فیر ایہنوں اوسے طریقے نال چوتھے بندے تیک گھلدا اے ، جد تیک ایہہ اخیری بندے تیک اَپڑ جاندااے ۔ ایس کھیڈ دا نقطہ اخیری بندے لئی ٹھیک طریقے نال اصل جملے نوں کہنا اے جیہڑا پہلوں گھلیا گیا سی ۔ کیہڑے سببوں ایہہ کھیڈ تفریح اے ایہہ ہیگا اے پئی اصل جملہ سوکھے طریقے نال وگڑ جاندا اے ۔ مثال طور اُتے ، جے کھیڈ اک جملے نال شروع ہویا سی جنہے کہیا ، ”پکھا چلا دیو،“ کُجھ لوکاں تیک ایہدے واری واری جان دے بعد ، ایہہ بدلنا شروع ہو جاندا اے ۔ اخیر وچ ، آخری بندہ ایس طرح کہہ سکدا اے ، ”کھوتے نوں نسا دیو ،“ یعنی مکمل طوراُتے اک فرق جملے نال مکدیاں ہویاں ۔
بالکل جویں ایہہ آخری بندہ مکمل طریقے نال اک فرق جملے نال آؤندا اے ، ایسے طرح اج دی مسیحیت مکمل طریقے نال اک غلط ایمان رکھدی اے ، جویں جے ایہہ واری واری چُپ کر کے اکھر لکاؤن دی کھیڈ کھیڈدی پئی سی ۔ ایہہ صورتِ حال کیوں اے؟ ایہہ ایس لئی اے پئی ایہہ اسمانی ، ارغوانی تے لال دھاگے دے ایمان اُتے ایمان دی نیہ رکھن وچ ناکام ہوگئی اے ۔ اج دی مسیحیت ایس اسمانی ، ارغوانی تے لال دھاگے دے ایمان اُتے اپنی پکی نیہ نئیں رکھ چُکی ، جد ایمان دی نیہ ڈول دی پئی اے ، کوئی معنی نئیں رکھدا اسیں کنی جوش نال یِسُوعؔ اُتے ایمان رکھدے آں تے اسیں اپنیاں زندگیاں وچ اوہدیاں تعلیماں اُتے چلن بارے کناں بوہتا ہتھ پیرماردے آں ، اسیں سوکھے طریقے نال ایہہ نئیں کرسکدے ۔
جد خُداوند نے بنی اسرائیل نوں خیمۂ اجتماع نوں بناؤن لئی اوہدے واسطے اپنے چندے لیاؤن لئی آکھیا ، اوہنے اوہناں نوں پہلوں سونا، چاندی تے پِتل لیاؤن لئی ، تے فیر اسمانی ، ارغوانی ، تے لال دھاگے تے مہین وٹیاہویا کتان لیاؤن لئی آکھیا ۔ ایہہ ساریاں تعمیری شیواں سانوں وکھاؤندیاں نیں پئی یِسُوعؔ سانو ں یوحنا کولوں لَئے گئے اپنے بپتسمے ، سولی اُتے مرن تیک اپنا لہو وگاؤن ، تے اپنے جی اُٹھن دے راہیں بچا چُکیا اے ۔
اسمانی دھاگہ نا صرف خیمۂ اجتماع دیاں ساریاں پھاٹکاں لئی ، سگوں وڈے کاہن دے چولے خیمۂ
اجتماع دیاں پردیاں لئی وی ورتیا گیا سی ۔ ایہہ خوشخبری اے جیہڑی سانوں دسدی پئی اے ساڈا خُداوند ایس زمین اُتے کویں آیاتے صرف کنے ٹھیک طریقے نال اوہ تہانوں تے مینوں پاپاں توں بچا چُکیا اے ۔ ایس طرح ، ایہہ سانوں دسدا اے ایمان دیاں ایہہ چاربنیادی شیواں کنیاں خاص نیں — یعنی ، اسمانی ، ارغوانی ، تے لال دھاگہ تے مہین وٹیاہویا کتان— اصل وچ ساڈے ایمان لئی نیں ۔ ایس کلام دی نیہ اُتے سانوں ساریاں نوں لازمی ساڈے ایمان دی نیہ رکھنی چاہی دی اے ۔ صرف فیر اسیں خُدا اُتے ایمان رکھ سکدے آں تے اپنی پاپ دی معافی پا سکدے آں ، اوہدے خادم بن سکدے آں جیہڑے ایہدے بعد ایہہ کلام ودھاؤندے آں تے جد خُداوند واپس آئے گا ، اِنج ایمان والے ایہو جیہے لوک بن سکدے آں جیہڑے ایس ایمان نال خُدا دے اگے یقین نال کھلو سکدے آں ۔
کوریاوچ ، ایہہ سچ ہیگا اے پئی حالے تیک خوشامد پرستی ہیگی اے جیہڑے کسے وی اوپرے ملک دی شے نوں ودھیا سمجھدی اے ۔ اِنج دا رُجحان ایسےطرحمیرے ملک دیاں خُدائی تعلیم دیاں ماہراں وچکار ہیگا اے ، جیہڑے مغربی علم ِ الٰہیات کیہ کہہ چُکے نیں ، اوہناں دیاں اکھراں اُتے ایتھوں تیک پئی خُدا دے کلام توں بوہتا بھروسہ کردیاں ہویاں بوہت زور دیندے نیں ۔ اوہناں نوں لازمی ایس جہالت توں چھُٹ جانا چاہی دا اے ، تے اوہناں نوں لازمی سچ مُچ خُدا دے کلام اُتے ، اوس اُتے یقین تے بھروسہ کردیاں ہویاں ، ایمان رکھنا چاہی دا اے ، یعنی ساڈے خُداوند دے بپتسمے دی سچیائی اُتے، اوہدے لہو اُتے، تے سچیائی اُتے پئی اوہ آپ ای خُدا بُنیاد ی طور اُتےساڈی مکتی دا پھاٹک بن گیا اے ۔
بالکل جویں پطرس رسول نے اقرار کیتا ، ”تُوں تے مسیح ایں زندہ خُدا دا پُتر “(متی ۱۶ : ۱۶)۔جے تُسیں خُدا اُتے ایمان رکھدے او، تے جے تُسیں ایمان رکھدے او پئی خُداوند سانوں ساڈیاں پاپاں توں بچاؤن لئی ایس زمین اُتے آیا ، فیر تہانوں لازمی ایہہ وی جاننا تے ایمان رکھنا چاہی دا اے پئی خُداوند اپنے بپتسمے ، سولی اُتے مرن ، تے فیر مویاں وچوں جی اُٹھن نال اپنے آپ اُتے ساڈیاں پاپاں نوں چُکن دے راہیں ساڈا مکتی دا سچا خُدا بن گیا ۔ ساڈے خُداوند دا بپتسمہ تے صلیبی لہو سچے ایمان دیاں نِیاں نیں جیہڑیاں سانوں مکتی دا انعام پاؤن دے لائق کردیاں نیں ۔ جےاسیں ایتھوں تیک پئی خُدا دے کلام دے مطابق اسمانی ، ارغوانی ، تے لال دھاگے دے ایمان اُتے بھروسہ نئیں رکھ سکدے ، اسیں کویں کدی ایہنوں سچا ایمان کہہ سکدے آں؟
شریعت آؤن والے زمانے دیاں چنگیاں شیواں دا پرچھاواں اے
خیمۂ اجتماع دا تعمیری سامان سانوں وکھاندا اے پئی ساڈا خُداوند ایس زمین اُتے اک بندے دے بدن وچ آیا ، اپنے بپتسمےنال اپنے آپ اُتے ساڈے پاپاں نوں چُک لیا ، اپنے سولی اُتے مرن نال ساڈیاں پاپاں دی سزا جری ، فیر مویاں وچوں جی اُٹھیا ، تے اِنج ساڈا مکتی داتا بن گیا ۔ اسمانی ، ارغوانی ، تے لال دھاگےنال ،ساڈے خُداوند نے پُرانے عہد نامے وچ وعدہ کیتا پئی اوہ سانوں مکتی دا انعام دیوے گا ۔ اِکو اِک جنہے ساڈے نال ایہہ وعدہ کیتا یسو ع مسیح ،بادشاہواں دا بادشاہ جنہے بپتسمہ لیا تے پاپیاں لئی سولی اُتے مویا ، اوہدے علاوہ کوئی دوجا نئیں سی ۔ دوجیاں اکھراں وچ ، ایہہ خُدا ساڈے کول ساڈے خُدا یعنی مسیحا وانگر آیا ۔ ایس طرح ، سانوں ایس سچیائی نوں کامل طریقے نال جانن تے ایمان رکھن دے راہیں لازمی اپنے ایمان دی نیہ رکھنی چاہی دی اے ۔ پانی تے رُوح دی خوشخبری اُتے ایمان رکھن دے راہیں سانوں ساریاں نوں لازمی مکتی داانعام پاؤنا چاہی دا اے ۔
سونا ، چاندی تے پِتل وی خیمۂ اجتماع لئی ورتیا گیا سامان سی ۔ ایہہ سامان ساڈے ایمان دی نیہ بارے دسدا اے ۔ خُدا دے اگے ، اسیں بچ نئیں سکدے ساں سگوں اپنیاں پاپاں دے سببوں دوزخ وچ سُٹے جا سکدے ساں ۔ پر ایہو جیہیاں لوکاں لئی جویں اسیں آں ، ساڈا خُداوند ساڈے وچوں اوہناں نوں مکتی دا انعام دے چُکیا اے جیہڑے ایمان رکھدے نیں ۔ ساریاں لوکاں لئی قربانی دے لیلے وانگر یِسُوعؔ مسیح نے یوحنا کولوں بپتسمہ لیا، سولی اُتے مویا ، تے اِنج سانوں کامل طریقے نال ساڈیاں پاپاں توں بچا چُکیا اے ۔ ساڈے کول دوزخ توں بچن دا کوئی طریقہ نئیں سی ، ایس لئی پئی اسیں صرف جان دے ساں اسیں اپنیاں پاپاں لئی لعنتی ہون دے لائق ساں ، تے نئیں جان دے ساں کویں اسیں ایمان رکھ سکدے آں جیہڑا ساڈیاں ساریاں پاپاں نوں مکاندا اے ۔ پر خُدا کول مکتی دا انعام ہیگا سی ۔ یعنی یِسُوعؔ ایس زمین اُتے آیا ، اپنے بپتسمے نال اپنے آپ اُتے ساڈیاں ساریاں پاپاں نوں قبول کیتا ، سولی اُتے مر گیا ، تے اِنج ساڈیاں پاپاں دیاں ساریاں مسئلیاں تے سزا نوں حل کر چُکیا اے — ایہہ مکتی دا انعام اے ۔
اسیں اپنے ایمان دے راہیں اپنیاں پاپاں توں ،مکتی یافتہ ہوندے آں ، ایمان رکھن دے راہیں پئی خُدا ساڈی مکتی دا اپنا کم مکمل کر چُکیااے تے سانوں ایس مکتی دا انعام دے چُکیا اے ۔ ایس لئی خُدا نے اوہدے لئی سونے ، چاندی تے پِتل دے ایمان نوں لیاؤن لئی آکھیا ، ایس لئی پئی اوہ کامل طریقے نال اوہناں نوں مکتی دا انعام دین دے راہیں اوہناں نوں بچا چُکیا اے جیہڑے بچ نئیں سکدے سن سگوں دوزخ جان دے لائق سن ۔ ایس لئی پئی ساڈا خُداوند بِنا شک ساڈے کول ایس زمین اُتے آؤن ، اپنےآپ اُتے ساڈیاں ساریاں پاپاں نوں چُکن ، تے ساڈی ساری سزا نو ں جرن دے راہیں بچا چُکیا اے یعنی اسیں خُدا دے اگے مکتی دےایس انعام اُتے ایمان رکھن دے راہیں کامل طریقے نال بچائے گئے آں ۔
یِسُوعؔ مسیح ہُن ساڈا کامل مکتی داتا بن گیا اے ۔ ایس لئی سانوں لازمی اوہدے مکتی دے انعام اتے اپنے ایمان نال پکیاں ہوکے کھلونا چاہی دا اے ، ایس لئی پئی اسمانی ، ارغوانی ، تے لال دھاگہ تے مہین وٹیاہویا کتان ایمان دے انعام نیں ۔ خُدا نئیں چاہندا پئی اسیں کسے وی شے نوں کسے طرح جانیوں بغیر اپنی من مرضی نال تے انھیاں وانگر ایمان رکھیے ۔
بکریاں دی اُنّ لیلیاں دیاں لال رنگیاں ہویاں کھلاں تےتخس دیاں کھلاں
آخری غلاف جیہڑا خیمۂ اجتماع اُتے پایا گیا سی تخس دیاں کھلاں دا سی ۔ سو خیمۂ اجتماع دیاں پردیاں دی سطح اُتے کیہ ظاہر ہوندا سی صرف ایہہ کالیاں تخس دیاں کھلاں سن۔ اک تخس اک سمندری اُودِ بلاؤ اے۔ ایہدی کھل دا سائز تقریباً اک بندے دے سائز جناں یا ں تھوڑا جیہا نکا ہوندا اے ، تے کھلاں وچ پانی نئیں لنگھدا سی ۔ ایہہ ہے کیوں تخس دیاں کھلاں خیمۂ اجتماع دی اُتلی تہہ لئی غلاف وانگر ورتیاں گئیاں سن ۔ ایس سببوں ، خیمۂ اجتماع دا باہرلا وکھالا کُجھ غیر متاثر کُن سی ۔ تے ایہہ لازمی ویکھن لئی اک سوہنا نظارہ نئیں سی ۔ ایہہ سانوں دسدا اے پئی جد یِسُوعؔ ساڈے لئی ایس زمین اُتے آیا ، اوہ بِنا شک اک ایہو جیہےنِکے روپ وچ آیا ، اوہدے وکھا لے وچ کُجھ وی قابلِ فخر نئیں سی ۔
لیلیاں دیاں لال رنگیاں ہویاں کھلاں سانوں دسدیاں نیں پئی یِسُوعؔ مسیح ایس زمین اُتے آئے گا تے ساڈے بدلے سولی اُتے مرے گا ، جد پئی بکری دی اُنّ سانوں دسدی اے پئی اوہ ساڈے قربانی دے لیلے وانگر بپتسمہ لین دے راہیں تے اِنج اپنے آپ اُتے ساڈیاں پاپاں نوں قبول کرن ، تے سولی اُتے قربان ہون دے راہیں بچائے گا ۔
دوجیاں اکھراں وچ ، خیمۂ اجتماع دیاں ایہناں غلافاں دا سامان ، ساڈے ایمان دیاں خاص شیواں نیں۔ ایہہ سچیائیاں ایمان بناؤن دا سامان نیں جیہڑا بالکل وی کسے طرح ضائع نئیں ہو سکدا ۔ سانوں مکتی دا انعام دین لئی ، یسو ع مسیح ساڈے اپنے قربانی دے لیلے وانگر ایس زمین اُتے آیا ۔ پُرانے عہد نامے وچ ، خُدا نے اسرائیلیاں دیاں پاپاں دی معافی لئی قربانی دے طریقے نوں قیم کیتا : بے پاپ قربانی دیاں پشُوآں (بکریاں ،لیلیاں یا بلداں) نیں اسرائیلیاں دیاں ہتھاں دے رکھے جان نال اوہناں اُتے لدے گئے پاپاں نوں قبول کیتا ، تے اوہناں بدلے ذبح کیتے گئے سن ، اپنا لہو وگاؤندیاں ہویاں تے بلدیاں ہویاں تے اِنج اوہناں نوں اوہناں دیاں ساریاں پاپاں توں بچایا ۔
یِسُوعؔ مسیح قربانی دے لیلے وانگر ایس زمین اُتے آیا تے اپنے بپتسمے دے راہیں اپنے آپ اُتے ساڈیاں پاپاں نوں قبول کیتا ، اِنج ،یعنی ہتھاں دے رکھے جان نال ۔بالکل جویں قربانی داپشُو ایہدا لہو وگاؤن دے راہیں ذبح کیتا جاندا سی تے ہتھاں دے رکھے جان نال اسرائیلیاں دے پاپاں نوں قبول کرن لئی سوختنی قربانی دی قربانگاہ اُتے ساڑیا جاندا سی ، ایسے طرح ، یسو ع مسیح نے وی بپتسمہ لین تے سولی اُتے مرن دے راہیں ساڈیاں پاپاں دی ساری سزا جری تے اِنج سانوں دُنیادیاں پاپاں توں بچا چُکیا اے ۔
جویں عدالت دی کتاب وچوں سوختنی قربانی دی قربانگاہ دیاں سنگاں اُتے قربانی دے پشُو دا لہو لاؤن دے راہیں ناواں نوں مٹایا جاندا سی ، ایسے طرح یِسُوعؔ نے بپتسمہ لیا تے اپنا لہو وگایا تے پئی ایس لہو نال اوہنے ساڈے سدا دے فدیے نوں کامل کیتا تے دُنیادیاں ساریاں پاپاں نوں مکا چُکیا اے ۔ ایسے طرح ، خیمۂ اجتماع داسارا سامان ساڈے نال یِسُوعؔ مسیح تے اوہدیاں خدمتاں دے بارے ،سانوں دسدیاں ہویاں بولدا اے پئی ایس طرح اوہ سانوں دُنیادیاں پاپاں توں بچا چُکیا اے ۔ پُرانے عہد نامے توں لَے کے نویں عہد نامے تیک دا کلام پئی یِسُوعؔ سانوں ساڈیاں پاپاں توں بچا چُکیا اے کامل سچیائی اے ، یعنی کامل طریقے نال کسے وی غلطی توں پاک اے ۔
اج دے بوہت سارے مسیحی ایمان نئیں رکھدے پئی یِسُوعؔ مسیح ساڈے قربانی دے لیلے وانگر ایس زمین اُتے آیا تے اپنے بپتسمے نال اپنے آپ اُتے ساڈیاں پاپاں نوں چُک لیا ، پر اوہ ایہدی بجائے شرطوں بغیر طریقے نال صرف اوہدی صلیبی موت اُتے ایمان رکھدے نیں ۔ اِنج دا مسیحی ایمان صرف لال تے ارغوانی دھاگے نال ، اسمانی دھاگے نوں چھڈدیاں ہویاں اُنیا ہویا خیمۂ اجتماع دے برانڈے دا اک غیر قانونی پھاٹک اے ۔ اوہ صرف غلط ایمان رکھدے نیں جیہڑا اسمانی ، ارغوانی ، تے لال دھاگے تے مہین وٹےہوئے کتان نال اُنے ہوئے پردے دی کوئی ضرورت نئیں ویکھدا ، تے ایہدی بجائے ایمان رکھدا اے پئی ساری جیہڑی اوہناں نوں ضرورت اے صرف لیلیاں دیاں رنگیاں ہویاں لال کھلاں تے تخس دیاں کھلاں دے دوغلاف نیں ۔
جد اسیں دُنیا وچ وکھائیاں گئیاں خیمۂ اجتماع دیاں بوہت ساریاں تصویراں نوں ویکھدے آں ، اوہناں وچوں بوہتیاں ایس طریقے نال بنائیاں گئیاں نیں پئی اسیں اسما نی دھاگے دا ایتھوں تیک پئی تھوڑا جیہا نشان وی نئیں لبھ سکدے ۔ ایس لئی پئی لوک جنہاں نیں ایہہ تصویراں بنایاں پانی تے رُوح دی خوشخبری نوں نئیں جان دے ، اوہناں دیاں تصویراں خیمۂ اجتماع دے برانڈے دا پھاٹک سارا لال تے چٹیاں رنگاں نال کجیا ہویا اے ۔ پر اِنج دا ایمان خُدا دے اگے کدی وی ٹھیک ایمان نئیں ہوسکدا ۔
دھاگہ جیہڑا بوہت چوکھا خیمۂ اجتماع دے برانڈے دے پھاٹک لئی ورتیا گیا سی اسمانی دھاگہ سی ، فیر ارغوانی دھاگے، لال دھاگے تے فیر چٹے دھاگے دی پیروی کیتی گئی سی ۔ سو جد اسیں برانڈے دے پھاٹک نوں ویکھدے آں ، تاں ایہناں ساریاں چونہہ رنگاں نوں لازمی اِکو ای واری نظریں آؤنا چاہی دا اے ۔ پر ایس لئی پئی ایس دُنیا وچ بوہت سارے لوک ہیگے نیں جنہاں دا ایمان سارے دا سارا یِسُوعؔ دے بپتسمے دے کسے وی علم توں سکھنا اے ، اوہ سارے خیمۂ اجتماع لئی ورتے گئے چونہہ رنگاں دیاں دھاگیاں نوں ردّ کر چُکے نیں تے ایہدی بجائے صرف دو دھاگیاں نال خیمۂ اجتماع دے اپنے ای پھاٹک بنا چُکے نیں ۔
پر اِنج کرن دے راہیں ، اوہ بوہت ساریاں لوکاں نوں فریب دیندے پئے نیں ، جیہڑے پہلوں ای خُدا دا صرف اک تھوڑا جیہا علم رکھدے نیں تے اوہدے کلام نوں بالکل نئیں جان دے ۔ ایہہ سارے جھوٹھے نبی نیں ۔ ایہناں لوکاں بارے گل کردیاں ہویاں ، یِسُوعؔ نے آپ اوہناں کوڑیاں دانیاں وانگر دسیا جیہڑے شیطان نے کنک وچکار بیج دتے (متی ۱۳ : ۲۵)۔ دوجیاں اکھراں وچ ، اوہ ایہو جیہے لوک بن گئے نیں جیہڑے خیمۂ اجتماع دے برانڈے دے پھاٹک دیاں اپنیاں تصویراں وچوں اسمانی دھاگے نوں چھڈن دے راہیں غلط جھوٹھ نوں ودھاؤندے نیں ۔ ایس لئی بوہت سارے لوک ایتھوں تیک پئی جویں اوہ یِسُوعؔ اُتے ایمان رکھدے نیں پاپی ای رہندے نیں ، تے اِنج یِسُوعؔ اُتے اپنے ایمان دے ہوندیاں ہویاں اوہ اپنیاں ساریاں پاپا ں دے سببوں اپنی بربادی دے لائق نیں ۔
ساڈے ایمان دی نیہ نوں لازمی پکے طریقے نال کھلونا چاہی دا اے ۔ تہاڈیاں روحاں لئی اک لمے چر تیک دینی زندگی گزارن دا کیہ فائدہ ہوئے گا جد پئی ایہہ سارا ایمان دی غیر قانونی نیہ اُتے قیم اے ؟ غلط ایمان اک منٹ دے تبصرے اُتے ٹُٹ سکدا اے تے ٹُٹ جائے گا ۔ کوئی معنی نئیں رکھدا ساڈا گھر کنا سوہنا اے ، جے اسیں ایس گھر نوں ایمان دی کچی نیہ اُتے بناؤندے آں تاں کیہ فائدہ ہوئے گا ؟ ایس توں ہٹ کے پئی تُسیں کنے دل نال خُدا دی سیوا کر چُکے او ، جے تہاڈے ایمان دی نیہ خراب اے ، فیر تُسیں صرف اپنا گھر ریت اُتے بنا چُکے او ؛ جد طوفان آؤندے نیں ، ہواواں چلدیاں نیں تے سیلاب اُٹھدے نیں ، ایہہ اِکو ای پل وچ ٹوٹے ٹوٹے ہو جائے گا ۔
پر اوس ایمان د ے بارے کیہ خیال اے جیہدی نیہ پکی اے ؟ ایہہ کدی ہیٹھاں نئیں ڈِگدا ، کوئی معنی نئیں رکھدا ایہہ کناں ہلایا جاندا اے ۔ خُدا نے سانوں دسیا پئی اسمانی ، ارغوانی ، تے لال دھاگے تے مہین وٹےہوئے کتان نال اُنیا ہویا سچیائی دی چٹان اُتے بنایا گیا اک گھر کدی نئیں ڈِگے گا ۔ ایہہ اصل صورتِ حال اے ۔ چٹانی ایمان کیہ اے ؟ ایہہ ایمان اے جیہڑا اسمانی ، ارغوانی ، تے لال دھاگے تے مہین وٹےہوئے کتان دے سچ اُتے ایمان رکھدا اے ۔ اوہناں دا ایمان جیہڑے ایمان دا اک ایہو جیہا گھر بنا چُکے نیں کدی نئیں ڈِگے گا ۔ایس لئی ساڈے ایمان لئی اک پکی تے تگڑی نیہ بوہت ضروری اے ۔ جے اسیں اصل وچ ٹھیک طریقے نال ایتھوں تیک پئی سمجھیوں بغیر ایمان رکھدے آں پئی خُداوند ساڈے لئی کیہ کر چُکیا اے ، فیر ایہو جیہا ایمان جھوٹھے دینی ایمان وچ بدل جائے گا ، جیہڑا پئی خُدا پسند نئیں کردا ۔
کِکر دی لکڑ ،تیل تے مصالحے
خیمۂ اجتماع دے ستون ، سوختنی قربانی دی قربانگاہ تے تختے تے ہیکل دیاں شیوا ں ساریاں کِکر دی لکڑ نال بنائیا ں گئیاں سن۔ پاک کتاب وچ لکڑ بوہتی واری لوکاں ول اشارہ کردی اے (قضاۃ ۹ : ۸ ۔ ۱۵،مرقس ۸ : ۲۴)۔ ایتھے لکڑ ساڈی انسانی فطرت وچ ساڈے بارے وی گل کردی اے ؛ پئی ایہہ کِکر دی لکڑ ستوناں ، سوختنی قربانی دی قربانگاہ تے آپ ای خیمۂ اجتماع لئی ورتی گئی سی سانوں دسدی اے پئی بالکل جویں کِکر دے رُکھ دیاں جڑاں سدا زمین دے ہیٹھ دفن رہندیاں نیں ، اسیں وی اصل وچ اِنج ای آں پئی اسیں بچ نئیں سکدے سگوں ہر ویلے پاپ کردے آں ۔ ساریاں لوکاں نوں لازمی مننا چاہی دا اے پئی اوہ سوکھے طریقے نال بچ نئیں سکدے سگوں بھیڑیاں کرتُوتاں کردےتے سدا پاپ کردے رہندے نیں ۔
اوسے ویلے ، کِکر دی لکڑ یِسُوعؔ مسیح دے بندے ہون نوں وی ظاہر کردی اے ۔ مسیحا جیہڑا اک بندے دے بدن وچ آیا اوہنے دیاں ساریاں پاپاں نوں چُک لیا ، تے ساریاں لوکاں بدلے فدیہ دے کے سزا جری ۔ اوہ آپ ای خُدا اے ، تے ایس لئی ، عہد دا صندوق ، نذر دیاں روٹیاں دی میز ، بخور دی قربانگاہ تے خیمۂ اجتماع دے سارے تختے کھرے سونے نال مَڑھی ہوئی کِکر دی لکڑ نال بنائے گئے سن ۔
روشنی لئی تیل تے مسح دے تیل لئی تے بخور دی خوشبو لئی مصالحے ساڈے ایمان بارے دسدے نیں جیہڑے اسیں یِسُوعؔ نوں پیش کرد ے آں ۔ یِسُوعؔ مسیحا ہیگا اے جیہڑا تہانوں تے مینوں بچا چُکیا اے ۔ ”یِسُوعؔ “دے ناں دا مطلب اے ”اِکو اِک جیہڑا اپنیاں لوکاں نوں اوہناں دیاں پاپاں توں بچائے گا ۔“تے ”مسیح “دا مطلب اے ”مسح کیتا ہویا “ایس لئی سانوں دسدا اے پئی یِسُوعؔ مسیح آپ ای خُدا تے اسمانی وڈا کاہن اے جیہڑا سانوں بچا چُکیا اے ۔ خُدا دی مرضی نوں من دیاں ہویاں ،ساڈا خُداوند اک بندے دے بدن وچ ایس زمین اُتے آیا ، بپتسمہ لیا ، ساڈے بدلے اپنےآپ نوں سولی اُتے قربان کیتا ، تے اِنج سانوں مکتی دا انعام دے چُکیا اے ۔ یِسُوعؔ دے ولوں کیتاگیا وڈے کاہن دا کم جیہڑا سانوں ساڈی مکتی دے چُکیااے بِنا شک بوہت سوہنا کم سی ۔
وڈے کاہن دے افودتے سینہ بند وچ جڑن لئی سلیمانی پتھر تے دوجے پتھر
ایتھے باراں وکھ وکھ مہنگےپتھرلکھے گئے نیں جیہڑے وڈے کاہن دے افودتے سینہ بند وچ جڑے گئے سن ۔ وڈا کاہن پہلوں چوغہ پاؤندا سی ، فیر اک نیلا چولا تے فیر چولے اُتے افود پاؤندا سی ۔ فیر افود اُتے سینہ بند پایا جاندا سی ، جیہڑا قربانی دی رِیت وچکار پایا جاندا سی ، تے سینہ بند اُتے باراں مہنگے پتھر جڑے ہوئے سن ۔ایہہ سانوں وکھاندا اے وڈے کاہن دا کم اسرائیلیاں دے نال نال ساری دُنیا دیاں لوکاں نوں اپنی گود وچ لینا ، خُدا دے اگے جانا تے اوہنوں اپنیاں قربانیاں چڑھاؤنیاں سن ۔
یِسُوعؔ ،اسمانی ہمیش دے کاہن ، نے وی اپنی گود وچ دُنیادیاں ساریاں قوماں نوں قبول کیتا تے اپنے بپتسمے نال اپنے آپ اُتے ساڈیاں پاپاں نوں لین لئی تے ساڈی بدلے قربان ہون لئی اپنے آپ نوں دتا ، تے اِنج اپنیاں لوکاں نوں خُدا باپ لئی پاک کر چُکیا اے ۔ باراں مہنگے پتھر جیہڑے سینہ بند اُتے جڑے گئے سن ایس دینا دیاں ساریاں قوماں بارے دسدے نیں تے وڈا کاہن جنہے اوہناں نوں پایا یِسُوعؔ مسیح بارے دسدا اے جیہڑا اِنج ای بچا چُکیا اے تے دُنیا دیاں ساریاں قوماں نوں اپنے سینے نال لا چُکیا اے ۔
سو ایہہ چڑھاوے سن جیہڑے ساڈے خُدا نے اسرائیلیاں نوں اوہدے خیمۂ اجتماع نوں بناؤن لئی لیاؤن دا حکم دتا۔ ایس سچیائی دا اک روحانی مطلب ہیگا اے پئی خُدا نے اوہناں نوں خیمۂ اجتماع نوں ، اوہدے رہن دی تھاں نوں ، ایہناں چڑھاویاں نال بناؤن لئی آکھیا ۔ اسرائیلی سدا پاپی ای رہے ، ایس لئی پئی اوہ شریعت نوں قیم نہ رکھ سکے جیہڑی خُدا اوہناں نوں دے چُکیا سی ۔ ایس طرح خُدا نے اوہناں نوں مُوسیٰ دے راہیں خیمۂ اجتماع نوں بناؤن لئی آکھیا تے اوہناں نوں قربانی دا طریقہ دتا ، جیہدے راہیں خیمۂ اجتماع وچ چاھڑیاں گئیاں پشُوآں دیاں قربانیاں دے راہیں پاپ د ی معافی دتی جاندی سی ۔ دوجیاں اکھراں وچ ، خُدا نے اسرائیلیاں دے سارے پاپ اوہناں دیاں قربانیاں نوں قبول کرن ، اپنا گھر بناؤن لئی ایہہ سارے چڑھاوے ورتن ، تے فیر اوہناں نوں قربانی دے طریقے دیاں شرطاں مطابق اوہناں نوں اوہناں دے قربانی دے پشُو دین دا حکم کر ن دے راہیں مکائے ۔ ایس طرح خُدا اسرائیلیاں نال خیمۂ اجتماع وچ رہ سکیا ۔
پر ، ایس زمین اُتے بوہت سارے مسیحی ہیگے نیں جیہڑے صرف اسمانی ، ارغوانی ، تے لال دھاگے تے مہین وٹےہوئے کتان اُتے ایمان نئیں رکھدے ۔ جد خُدا نے اوہناں نوں اپنے لئی سونا ،چاندی تے پِتل لیاؤن لئی آکھیا ، اوہ کیوں ایہناں ہدیاں دے راہیں لاگُو کیتے گئے سچ اُتے ایمان نئیں رکھدے ؟
کیہ اسیں سارے اپنیاں پاپاں دے سببوں دوزخ جان دے لائق نئیں ساں ؟ کیہ تُسیں مسیحیت اُتے ایمان رکھ چُکےاو جویں جے ایہہ ایس دُنیا دیاں بوہت ساریاں دیناں وچوں صرف اک سی کیوں جےتُسیں کدی وی اپنے آپ نوں دوزخ جان دے لائق نئیں منیا اے ؟ جے اِنج اے تُسیں حالے تیک کویں ایمان رکھیا اے ، فیر تہانوں لازمی توبہ کرنی چاہی دی اے تے اسمانی ، ارغوانی ، تے لال دھاگے تے مہین وٹےہوئے کتان والے ایمان ول پرتنا چاہی دا اے ۔ تے تہانوں لازمی خُدا دیاں ڈاہڈیاں حکماں اگے احساس کرنا چاہی دا اے پئی تُسیں پاپاں دا اک ڈھیر او ،تے تُسیں پاپاں دے سببوں دوزخ جا ن دے حقدار جے ، تے تہانوں لازمی پانی تے رُوح دی خوشخبری اُتے ایمان رکھنا چاہی دا اے ۔
ہُن ، تہانوں لازمی سچیائی دی خوشخبری اُتے ایمان رکھنا چاہی دا اے ، یعنی ایتھوں تیک پئی جویں تُسیں دوزخ جان دے حقدار سو ، پر ، ساڈا خُداوند ایس زمین اُتے مسیحا وانگر آیا ، اپنے بپتسمے نال اپنےآپ اُتے تہاڈیاں پاپاں نوں قبول کیتا ، ایہناں پاپاں نوں سولی اُتے لَے گیا تے ایس اُتے اپنا لہو وگاؤن دے راہیں اپنے آپ نوں قربان کیتا ، تے اِنج تہانوں تےمینوں ساڈیاں پاپاں تے ساڈی سزاتوں بچا چُکیا اے ۔ اسمانی ، ارغوانی تے لال دھاگے وچ وکھائی گئی پانی تے رُوح دی خوشخبری اُتے ایمان رکھیوں بغیر ، اسیں کدی وی اپنے ایمان دی نیہ کامل طریقے نال نئیں رکھ سکدے ۔
سانوں لازمی اپنے ایمان دی نیہ بارے سوچنا چاہی دا اے
خُدا سانوں اسمانی ، ارغوانی تے لال دھاگے والا ایمان رکھن لئی کہندا اے ؛ سانوں اپنے آپ توں پچھنا چاہی دا اے کیہ اسیں بِنا شک اسمانی ، ارغوانی تے لال دھاگے والا ایہہ ایمان رکھدے آں ، یا کیہ اسیں اسمانی دھاگے نوں چھڈدیاں ہویاں ، صرف ارغوانی تے لال دھاگے وچ وکھائے گئے سچ اُتے ایمان رکھدے آں۔
سانوں اپنے اُتے دھیان کرن تے ویکھن دی ضرورت اے کیہ اسیں خُدا ول غلط قِسم دا ایمان لَے جاندے پئے آں یا نئیں جیہڑا صرف ساڈی اپنی مرضی مطابق اے۔ جد خُدا سانوں اپنے لئی اسمانی ، ارغوانی تے لال دھاگے لیاؤن لئی آکھدا اے ، کیہ اسیں ، کسے وی طریقے نال ، اوہنوں کالے رنگ دا نائلون دا ھاگہ تاں نئیں دیندے پئے آں ؟ ”اے خُدا ، تُسیں جیہڑا دھاگہ منگیا اے اوہ خیمۂ اجتماع لئی فضول نظر آؤندا اے ۔ ایہہ صرف مینہ نال خراب ہو جائے گا ۔ تے ایہنوں لبھنا تے ایہنوں ہر طریقے نال ایتھے لیاؤنا بوہت تھکاؤن والا اے ۔ ایہدی بجائے ایس نائلون دے دھاگے نوں ازما ۔ مَیں تہانوں ایس گل دی ضمانت دے سکدا ہاں ایہہ گھٹوگھٹ ۵۰ ورہیاں تیک چلے گا ، خورے بھاویں ۱۰۰ورہے وی جے تُسیں ایہنوں چنگے طریقے نال چنگی حالت وچ رکھو گے ۔ تے بھاویں جے تُسیں ایہنوں زمین ہیٹھ نپ دے او ، ایہہ ۲۰۰ ورہیاں لئی خراب نئیں ہوئے گا ۔ کیہ ایہہ صرف حیران کرن والا نئیں ہیگا؟“
کیہ اِنج تاں نئیں ہیگا، جیہڑ ااسیں کسے وی طریقے نال خُدا نوں آکھدے پئے آں ؟ سانوں لازمی اپنے آپ اُتے چنگے طریقے نال دھیان کرنا تے سوچ وچار وی کرنی چاہی دی اے کیہ اسیں بِنا شک خُدا کول ایس طرح اپنی وڈیائی کرن والا تے شک بھریاں ایمان تاں نئیں لَے کے جاندے پئے ۔ تےجے اسیں اِنج دا ایمان رکھدے آں ، سانوں لازمی ہُنے توبہ کرنی چاہی دی اے ۔دوجیاں اکھراں وچ ، سانوں لازمی پرت آؤنا چاہی دا اے ۔
ساڈے وچکار بوہت سارے لوک ہیگے نیں جیہڑے اپنے آپ وچ سوچدے نیں پئی اوہ اصل وچ چنگے مسیحی نیں ، پر نیڑیوں ویکھئے تاں ، اوہناں دا علم غلط اے تے ایسے طرح اوہناں دا ایمان وی اے ۔
صوفی پن جیہڑا اج د ی مسیحیت وچ رِیت اے
صوفی پن اوہ اے جیہدے اُتے بوہت چوکھا مسیحی ساریاں توں بوہتا ایمان رکھدےنیں ۔ ایہناں لوکاں نوں نئیں پتہ پئی خُدا دا اکلام اصل وچ کیہ کہندا پیا اے ۔ ایس لئی پئی اوہ سچیائی دا کلام نئیں جان دے جیہڑا مسیحا اوہناں نوں دے چُکیااے ، اوہ اپنیاں ذاتی سوچا ں تے جذبیاں مطابق خُداوند اُتے ایمان رکھدےتے اوہدے پِچھے چلدے نیں ۔ تے اوہ سکون وچ نیں پئی ایہو جیہاں سوچاں سچیاں نیں ۔ ایس لئی پئی اوہ آپ ای خُدا دے اگے اُچی اُچی رولا پا کے دعا منگد ے نیں ،تے اپنےذاتی جذبیاں تے سوچاں اُتے چلدے نیں جنہوں اوہ اپنیاں دعاواں وچ محسوس کردے نیں ، اوہ پچھان نئیں سکدے خُدا اُتے سچا ایمان ٹھیک طریقے نال کیہ اے ۔
ایس طرح ، کسے دا اپنے ذاتی جذبیاں تے سوچاں مطابق خُدا اُتے ایمان رکھنا جیہڑے کسے دیاں ذاتی خیالاں وچ چوکھا سارا بدلدا رہندا اے صوفی پن دا ایما ن اے ۔ لوک جیہڑے سوچاں دے راہیں خُدا اُتے ایمان رکھدے نیں اوہ ایہنوں پاؤندے نیں جد اوہ روزہ رکھدے نیں ، جد اوہ بھگتی کردے نیں ، جد اوہ ایمان رکھدے نیں ، جد اوہ سرگی ویلے جا گ کے دعاواں منگدے نیں ، تے جد اوہ دعا کرن لئی پہاڑ اُتے چڑھدے نیں ، جد اوہ پاپ کردے نیں ، جد اوہ توبہ دیاں دعاواں منگدے نیں ، تےوغیرہ وغیرہ—ایہہ لوک سارے صوفی خیال والے نیں ۔ دوجیاں اکھراں وچ، کسے دا جذباتی سوچاں وچ رہندیاں ہویاں ایمان دی اک زندگی گزارنا اسمانی ، ارغوانی تے لال دھاگے والا ایمان نئیں ہیگا جیہدے بارے وچ مسیحا نے آکھیا۔
خورے اج دیاں مسیحیاں وچوں ۹.۹۹% توں بوہتے لنگھے ہوئے زمانے وچ صوفی قِسم دے رہ چُکے نیں ۔ دوجیاں اکھراں وچ ، اِنج آکھنا لمی چوڑی گل نئیں اےپئی سوائے مُڈھلی کلیسیا دے ساری مسیحیت صوفی پن دا پِچھا کر چُکی اے ۔ اوہ جیہڑے اسمانی ، ارغوانی تے لال دھاگے والا ایمان نئیں رکھدے اِنج سوچدیاں ہویاں فریب وچ رہندے نیں پئی اوہناں دیاں دلی سوچاں کسے طرح آپ ای ایمان نیں ۔ اوہ اپنیاں دعاواں وچ خُدا نوں ویکھن تے مِلن دا دعویٰ کردے نیں ، تے سانوں دسدے نیں وہ کنی حیرانی محسوس کردے نیں جد اوہ بھگتی کردے نیں ۔
اوہ کہندے نیں ، ”اسیں ایس ستائشی بھگتی وچ اکٹھے ہوئے ، تے اسیں اپنے ہتھ اُتاں چُکے تے رَل کے اپنیاں پاپاں توں توبہ کیتی ۔ اسیں سولی نوں پھڑ لیا تے اوہدے اگے کُجھ رِیتاں کیتیاں ،تے فیر ساڈے دل سارے اگ نال بھر گئے ، تے مسیح بو ہت چوکھا محبت دے لائق بن گیا ۔ اسیں اپنیاں دلاں وچ لہو لئی جیہڑا مسیح نے وگایا بوہت چوکھی شکرگزاری محسوس کیتی ۔ اسیں ایتھوں تیک پئی بوہت شور نال ایمان رکھیا خُداوند ساڈیاں ساریاں پاپاں نوں دھو چُکیا اے ،ایتھوں تیک پئی ایہہ وی بوہت سوچدیاں ہویاں پئی کیوں اوہنے اپنا لہو وگایا ۔ اسیں صرف سارے تجربے نوں پسند کیتا ۔ “پر جد اوہناں دے جذبے اک دن عام طریقے دے ہو جاندے نیں ، اوہ کہندے نیں ، ”پر ایہہ سارا جذبہ ہُنے سُک گیا اے ، تے اسیں اپنیاں دلاں وچ پاپ رکھدے آں۔“ایس طرح دا ایمان صوفی پن دے ایمان توں علاوہ کوئی دوجا نئیں ہیگا ۔
کسے فرقے یا دین توں ہٹ کے ، ہر مسیحی نوں ایمان دی ضرورت اے جیہڑا اسمانی ، ارغوانی تے لال دھاگے دے سچ اُتے یقین رکھدا ہوئے ۔ اوہناں ساریاں دا ایمان جیہڑے اسمانی ، ارغوانی تے لال دھاگے والا ایمان نئیں رکھدے جیہڑا خُدا نے بولیا صوفی قِسم دا تے شک والا اے ۔ ایہہ لوک خُدا نوں اسمانی ، ارغوانی تے لال دھاگے والا ایمان نئیں ، سگوں نائلون دے دھاگے والا دیندے پئے نیں ۔دوجیاں اکھراں وچ ، اوہ خُدا دے اگے اپنا صوفیاں والا ایمان لیاؤندے پئے نیں کوئی شے جیہڑی بوہت گھٹ اے ، ایہو جیہی شے جنہوں خُدا ایتھوں تیک پئی ویکھدا وی نئیں ۔
کیہ تُسیں کدی کشتیاں نوں ستوناں نال بنھن لئی ورتے گئے موٹے رسے ویکھے نیں ؟ صوفی طرح دے لوک خوشی نال سامان دی ایہہ قِسم خُدا اگے پیش کرن گے ۔ جد ساڈا خُداوند سانوں اسمانی ، ارغوانی تے لال دھاگہ تے مہین وٹیا ہویاکتان لیاؤن لئی کہہ چُکیا اے ، کئی لوک خُدا کول ایہہ موٹا رسہ ، اوہنوں ایہہ آکھدیاں ہویاں لَے جاندے نیں ، ”اے خُداوند ایس ایمان نوں قبول کر !“تے کئی لوک اوہدے کول ایتھوں تیک پئی وڈیاں بیڑیاں نوں اک دوجے نال تے بندرگاہ دے نال بنھن لئی ورتے گئے لوہے دے سنگل لَے جاندے نیں ۔ موٹے لوہے دے ایہناں سنگلاں دے اک گچھے نوں لپیٹن دے بعد ، اوہ ایہنوں خُدا وند دے پیراں اگے پیش کردے نیں ، تے ایہنوں قبول کرن لئی کہندے نیں ۔
پر خُدا سانوں اسمانی ، ارغوانی تے لال دھاگے والا ایمان لیاؤن لئی کہہ چُکیا اے ۔ اوہ سانوں اپنےلئی لوہے دے سنگل لیاؤن لئی نئیں کہہ چُکیا ۔ فیر وی بوہت سارے لوک اوہدے ول لے جاندے پئے نیں جیہڑا اوہناں دیاں اپنیاں اکھاں نوں چنگا لگدا اے یاجیہڑا اوہناں نوں لبھن وچ بوہت سوکھا اے ۔ بھاویں لوک ہیگے نیں جیہڑے خُدا دے اگے لوہے دے سنگل ، رسے ، نائلون دے ھاگے یا ایتھوں تیک پئی اراروٹ دیاں وَلاں لے کے جاندے نیں ، خُدا اصل وچ صرف اسمانی ، ارغوانی تے لال دھاگے دے ہدیے نوں قبول کردا اے ۔ خُدا ارادہ کر چُکیا اے پئی صرف ایمان جیہڑا اوہ قبول کرے گا اسمانی ، ارغوانی تے لال دھاگے دا ایمان اے ۔ ایس طرح ، سانوں لازمی ایہہ اسمانی ، ارغوانی تے لال دھاگے دا ایمان خُدا دے اگے لے جانا چاہی دا اے ۔
مسیحا محض کوئی وی ہدیہ قبول نئیں کردا اے
اسرائیلیاں نوں وی خُدا لئی سونا ، چاندی ، پِتل تے افود تے سینہ بند وچ جڑن لئی باراں مہنگے پتھر لے جانے سن ۔ فیر وی کئی لوک ہیگے نیں جیہڑے خُدا دے اگے تانبا یا لوہیا لے جاندے نیں ۔ کیہ یِسُوعؔ دوجی واری ورتیاں جان والیاں شیواں دی کچرا کُنڈی چلاؤندا پیا اے ،پئی اوہ ہر قِسم دیاں شیواں نوں قبول کرے گا ؟ بالکل نئیں !
یِسُوعؔ کوئی اِنج دا نئیں ہیگا جیہڑا صرف کسے وی قِسم دا کوڑاکرکٹ قبول کردا اے ۔ اوہ کوئی دوجی واری ورتیاں جان والیاں شیواں دی کچرا کُنڈی نئیں چلاؤندا، جیہڑا کسے وی قِسم دیاں فضول شیواں تُسیں اوہدے لئی لیاؤندے او ۔ یِسُوعؔ مسیحا اے جیہڑا ساڈے اُتے اپنے اسمانی ، ارغوانی تے لال دھاگے دا فضل ورساؤنا چاہندا اے جیہڑا ساڈیاں پاپاں نوں معاف کردا اے ، تے جیہڑا سانوں اپنی سچی محبت دینا چاہندا اے ۔ ایہو ای سبب اے پئی یِسُوعؔ نوں محبت دا بادشاہ کہیا جاندا اے ۔ ساڈاایالی سچ مُچ محبت دا بادشاہ اے ۔ یِسُوعؔ سچ مُچ ساڈا سچا مسیحا اے ۔ ایہہ مسیحا ایمان مقرر کر چُکیااے جیہڑا اوہ ساڈے کولوں پکیاں خاصیتاں دے حتمی مطالبے وانگر دسدیاں ہویاں ، چاہندا اے ۔ صرف جد اسیں ایس ایمان نال خُدا دے اگے جاندے آں ، اوہ سانوں دیوے گا جیہڑا اوہ ساڈے نال وعدہ کر چُکیا اے ۔
فیر وی اسیں ویکھدے آں پئی اوہناں وچکار جنہاں دا مسیحا اُتے ایمان اوہدے بارے وچ اوہناں دے غلط علم اُتے بنیا اے ، کئی ہیگے نیں جنہاں دی اَڑی دسی نئیں جا سکدی ۔ اوہ صرف بدمعاش تے بدکار نیں ، جناں پئی فرعون سی جیہڑا خُدا دے اگے اوہدا کہنا منن توں اَڑی کر چُکیا سی ۔ جد مُوسیٰ نے اوہنوں آکھیا ، ”یہوواہ اپنے آپ نوں ظاہر کر چُکیا اے ؛ اوہدیا ں لوکاں نوں جان دے ۔“فرعون نے مُنھ توڑ جواب دتا ، ”ایہہ یہوواہ کون اے ؟“
جد ااوس اُتے خُدا دے وجود دی وضاحت کیتی گئی سی ، اوہدے لئی چھیتی نال ہتھیار سُٹنا لازمی طریقے نال بوہت چنگا ہوندا تے اوہ اپنی اَڑی دا مُل تے فائدیاں دا حساب کرن دے بعد اوہدے اگے نیواں ہو جاندا ۔ جے اوہ حالے تیک خاص کر کے ایمان نا رکھ سکدا سی تے اپنے ڈھیٹھ پن اُتے اڑیا رہنداسی ، اوہ تھوڑے چر لئی کھلوتے رہن دی کوشش کر سکدا سی ، پر اک دو آفتاں دے بعدوں ،اوہنوں چھڈ دینا چاہی داسی ۔ فرعون لئی فیر وی ڈھیٹھ پن تے خُدا دے کلام دا کہنا نامنن وچ کھلوتے رہنا ایہہ کنی کملیاں والی تے وچاریاں والی گل سی ۔ ایتھوں تیک پئی جد اوہ اپنی قوم نوں ڈَڈُوآں نال بھرن والی آفت وچ پھسایا سی ۔
ناصرف ڈَڈُو ، سگوں جُوآں نیں وی فرعون دے محل اُتے آفت لیاندی۔سجے تے کھبے ، جتھے وی کوئی پھردا ، مصر دی ساری دھرتی ہر تھاں جُوآں نال بھر گئی ، تے فیر وی فرعون نے ہار نا مَنّی ۔ کویں کوئی رہ سکدا اے جد ہر پاسے جُوآں بھریاں ہویاں نیں ؟ اِنج دی صورتِ حال وچ ، اوہنوں سمجھنا چاہی دا سی ، ”ایس لئی پئی مَیں خُدا دا کہنا نئیں منیا ، اوہ مینوں وکھاؤندا پیا اے پئی اصلی بادشاہی کون اے ۔ مَیں ایس دھرتی اُتے اپنی بادشاہی دا اک بادشاہ ہو سکدا ہاں ، پر مَیں اوہدے مقابلے وچ کُجھ نئیں ہیگا ۔ بھاویں مَیں ایس دھرتی اُتے بوہت وڈی قوم دا بادشاہ ہاں ، تے بھاویں مَیں ساری دُنیا اُتے حکم چلاؤندا ہاں ، خُداایتھوں تیک پئی میرے توں بوہتا تگڑا اے ، تے اوہ میرے اُتے میرے کہنا نا منن دے سببوں ایہہ آفت گھلدا پیا اے ۔“اِنج اوہنوں ہار من لینی چاہی دی سی ۔
فرعون لئی سیانیاں والا کم ایہہ ہوندا پئی اوہ آپ ویکھن دے بعد چھیتی نال ہار من لیندا یعنی اوہدی اَڑی دا مُل کیہ ہوئے گا ۔ ایس توں ہٹ کے پئی فرعون کناں ای تگڑا سی ، جے اوہ ایس نتیجے اُتے اَپڑدا پئی خُدا دے خلاف کھلون وچ اوہدے لئی کوئی راہ نئیں ہیگا ، تاں اوہنوں صرف اوہدے اگے ہار منن دی ضرورت سی ، ایہہ آکھدیاں ہویاں ، ”ٹھیک اے ، اے خُدا ، تُسیں اُچی تھاں اُتے او ؛ مَیں نیویں تھاں اُتے رہواں گا ۔“ پرکیوں جےفرعون نے ایس طرح نیویں ہون توں انکار کیتا ، اوہدی ساری قوم تے لوکاں اُتے جُوآں دی آفت نازل ہوئی ۔
ایہدے سببوں ، کوئی مصری بالکل وی کُجھ نئیں کرسکدا سی ۔ جدہر کوئی جُوآں دی بے ترسی توں دکھاں وچ پھسیا ہوندا سی ، کویں کوئی کُجھ دوجا کم کر سکدا سی سگوں جُوآں توں بچن دی کوشش کردا ؟ اسیں سارے ایہناں غریب مصریاں نوں بھانبڑ نال جُوآں توں بچن دی کوشش وچ سجے کھبے نسدیاں ہویاں سوچ سکدے آں ، خورے ایتھوں تیک پئی ایس کم وچ اوہناں دے اپنے گھر وی سڑ گئے ہون تے سڑدیاں ہویاں جُوآں دی بدبو پِنڈ وچ کھِلر گئی ہوئے ۔
ایہو جیہے کم ہیگے نیں جیہڑے بند ہ کر سکدا اے ،تے ایہو جیہے کم وی ہیگے نیں جیہڑے بند ہ نئیں کر سکدا۔ ایس لئی پئی خُدا فوجاں دا خُداوند اے، ایہہ خُدا اے جیہڑا زندگی تے موت ، خوشی تے غمی تے برکتاں تے لعنتاں اُتے راج کردا اے ۔ جد ایہہ صورتِ حال اے ، اپنے آپ اُتے بھروسہ کرن تے خُدادے خلاف کھلون دی کوشش کرن دی بجائے سانوں ساریاں نوں لازمی عقل نال سوچنا چاہی دا اے تے اپنے ڈھیٹھ پن نوں چھڈن لئی منطقی نتیجے اُتے اَپڑنا چاہی دا اے ۔اپنےآپ وچ ، اسیں خورے اپنے طریقے بارے ضد کر سکدے آں تے دوجیاں توں جِتن دی کوشش کر سکدے آں ، پر جد اسیں مسیحا دی گل کردے آں ایہہ ہور کرن والی نئیں ہیگی اے ۔
سانوں لازمی سوچنا چاہی دا اے سانوں اصل وچ خُدادے اگے کس طرح دا انسان ہونا چاہی دا اے ۔ سانوں ٹھنڈے دلوں ایس گل بارے دھیان کرنا چاہی دا اے پئی سانوں خُدا دے خلاف کھلونا چاہی دا اے ، یا سچ مُچ ساڈے دل کُولے تے فروتن ہونے چاہی دے نیں ۔تے سانوں لازمی حتمی نتیجے اُتے پوہنچنا چاہی دا اے پئی سانوں ساریاں نوں لازمی خُدادے اگے فروتن ہونا چاہی دااے ۔ بندیاں دے اگے ، اسیں اپنی نافرمانی اُتے قیم رہ سکدے آں تے کئی واری ایہدے نتیجے جر سکدے آں ، پر خُدا دے اگے ،ساڈے دل لازمی حتمی طور اُتے فروتن ہونے چاہی دے نیں ۔
”اے خُدا مَیں غلط کیتا اے “—جیہڑے لوک ایس گل نوں من لیندے نیں اوہو ای ٹھیک راہ مَل دے نیں ۔ ایہہ اوہ لوک نیں جیہڑے اپنیاں لعنتی زندگیاں توں مکتی یافتہ ہو سکدے نیں ۔ اوہناں لئی جیہڑے اپنیاں پاپاں دے سببوں خُدا نوں چھڈ چُکے سن ، خُدا دیاں بانہواں وچ قبول ہون تے اوہدے زندگی دین والےپانی نال ودھن پھُلن دا طریقہ پانی تے رُوح دی راہیں نویں سریوں جمنا اے ۔ اسیں اپنیاں زندگیاں توں کدی کیہ آس رکھ سکدے آں ، جد ایہو جیہاں زندگیاں ایس دُنیا دے بیابان وچ ،اپنی سکھنی تے اُجڑی دھرتی اُتے سجے کھبے تردیاں ہویاں یعنی کسے مقصد توں بغیر ، صرف مٹی دی اک نکی جیہی تھاں وچ جان لئی بے پھل گزاردے آں ؟
ساڈے لئی جنہاں مٹی وچ جانا اے تےاگ دے دریاوچ سُٹے جان دے حقدار آں ، مکتی یافتہ ہون لئی اِکو راہ پانی تے رُوح دی خوشخبری اُتے ایمان رکھن دے راہیں ہیگا اے تے اِنج ساڈیاں پاپاں دی معافی پاؤن وچ اے ۔ ایہہ پریشان تے بے آس زندگیاں لئی اے جیہڑیاں خُدا دے خلاف کھلون لئی ہمیش دی بربادی دیاں حقدار سن تے اوہناں دیاں پاپاں دا معجزانہ طریقے نال خُدا دے اگے اوہدے رحم دی محبت ، مکتی دی محبت دے راہیں فیر ہوش وچ آؤنا سی ۔ ایس لئی سانوں ساریاں نوں لازمی ایس مکتی دے کپڑے پاؤنے چاہی دے نیں ۔
کویں کوئی ، بندہ اک فانی ہوندیاں ہویاں ،کدی خُدا نوں للکار سکدا اے ؟ جد خُدا سانوں فلانیاں تے ایہو جیہے ہدیے لیاؤن لئی کہندا اے ، سانوں ساریاں نوں لازمی اوہدا کہنا مننا چاہی دا اے ۔ اُتلے خاص حوالے نوں ویکھدیاں ہویاں ،جتھے خُدا سانوں کہندا اے سانوں اوہدے لئی کیہ ہدیے لیاؤن دی ضرورت اے ، سانوں ساریاں نوں لازمی سمجھنا چاہی دا اے ، ”آہ، تاں ایہہ ایس طرح دا ایمان اے جیہڑا خُدا سانوں اوہدے کول لیاؤن لئی کہندا پیا اے ۔ “
وڈے کاہن دے سینہ بند اُتے ، باراں مہنگے پتھر جڑے گئے سن ۔ تےعدل دے سینہ بند وچ ، اُورِیمؔ اور تُمیّمؔ، جنہاں دا اکھری مطلب روشنیاں تے کاملیتاں نیں ، ایس طرح رکھے جانے سن پئی وڈا کاہن بنی اسرائیل اُتےسچی کچہری دی گواہی دے سکدا سی ۔
ایہہ ایس سچیائی توں علاوہ کسے دوجے بارے گل نئیں کردی اے پئی صرف خُدا دےخادم اپنے ایمان دے روحانی بچیاں وچ اوہناں وچ وسدی ہوئی پاک رُوح دی روشنی ورسان تے خُدا دے کلام دے راہیں سچی کچہری نوں منتقل کرسکدے نیں ۔
ہُن سانوں ساریاں نوں لازمی خُدا دے اگے احساس کرنا چاہی دا اے ، اسمانی ، ارغوانی تے لال دھاگے دی سچیائی اصل سچیائی تے اصلی نجات اے ۔ اسمانی ، ارغوانی تے لال دھاگے دی ایہہ سچیائی اصلی مکتی اے جیہڑی ساڈے کول زندگی لیاؤندی اے ، تے ایس توں وکھ ، کوئی وی دوجی شے ساڈی مکتی نوں نئیں بناؤندی اے ۔ ایہہ سارا خُدا دے کلام اُتے بنیا ،واضح تے سچ اے ۔
خیمۂ اجتماع دا سارا سامان بندے دی پاپ توں مکتی نال میل جول رکھدا اے
پر بے وقوفی نال لوک حالے تیک اڑی کر کے ایمان رکھن توں انکار کردے نیں ۔ فیر اوہناں نال کیہ واقع ہوئے گا؟ اوہ کدی وی ، ہمیش لئی مکتی یافتہ نئیں ہون گے ۔ خُدا دے اگے ،سانوں لازمی اپنی بے وقوفی وی دُور سُٹنی چاہی دی اے ۔ تے سانوں لازمی اپنیاں دلاں نوں سکھنا کرنا چاہی دااے ۔ سانوں لازمی خُدا دے اگے اپنیاں دلی خیالاں تے ڈھیٹھ پن نوں اک پاسے سُٹنا چاہی دا اے ، تے ایہدی بجائے اوہدے کلام پچھے چلنا تے اپنے دل اوہنوں دینے چاہی دے نیں ۔ سانوں لازمی کدی، ساڈیاں اپنیاں باغی راہواں اُتے اڑی کردیاں ہویاں خُدا دے خلاف کھلونا نئیں چاہی دا ۔ اسیں خورے اِنج دوجیاں لوکاں دے اگے کر سکدے آں ، پر مسیحیاں وانگر ،اسیں سوکھے جیہے گھٹوگھٹ خُدا دے اگے اِنج نئیں کر سکدے ۔ تے فیر وی بےوقوف لوک خُدادے خلاف کھلوندے نیں تے صرف دوجیاں بندیاں دے اگے فروتن نیں ۔ ایہہ اوہناں نال غلط اے ۔سانوں لازمی خُدا دے اگے نیویں مُنھ ڈِگنا چاہی دا اےتے مننا چاہی دا اے پئی خُدا ساڈے نال جو بول چُکیا اے سارا ٹھیک اے ۔
تے سانوں لازمی اسمانی ، ارغوانی تے لال دھاگے دے کلام اُتے ایمان رکھنا تے بھروسہ کرناچاہی دا اے ۔ ایمان خُدا دے کلام اُتے بھروسہ کرنا اے ۔ جد اسیں اپنے آپ نوں خُدا دیاں پیراں وچ سُٹ دے آں ،اوہدے اگے اپنیاں ساریاں مصیبتاں دا اقرار کردے آں ، تے اوس توں مدد منگن لئی اوہنوں چمبڑ جاندے آں ، تاں خُدا لازمی سانوں جواب دیوے گا ۔ فیر سانوں لازمی شکر گزاری نال قبول کرنا چاہی دا اے اوہ ساڈے لئی کیہ کر چُکیا اے ۔ ایہو ای ایمان اے ۔ فیر کیہ بے وقوفی تے کملے پن وچ ، اسیں کدی خُدا نوں اسمانی ، ارغوانی تے لال دھاگے توں علاوہ ، اوہدے کول مچھی دے شکار دیاں رسیاں یا لوہے دے سنگل لیاؤندے ہویاں کوئی شے وکھا سکدے آں ؟ خُدا دے اگے کوئی فضول دھاگہ لیاؤندیاں ہویاں تے اوہناں کہنا ، ”ایہہ میرا اپنا ایمان اے ۔ایہہ ہے مَیں کویں بوہت پکے طریقے نال ایمان رکھیا اے ۔ ایہہ پکا ایمان اے جیہڑا مَیں خاص کر کے قیم کر چُکیا یاں ۔“—ایہہ ایمان نئیں ہیگا ، سگوں کسے دا اپنے آپ نوں خُدا دے اگے بےوقوف بنانا اے ۔
کسے نوں لازمی مسیحا دے اگے اپنی اڑی توں باز آؤنا چاہی دا اے ۔ دوجیاں اکھراں وچ ، خُدادے اگے کسے نوں لازمی اپنی مرضی نوں نواؤنا چاہی دا اے ۔ سانوں ساریاں نوں لازمی خُدا دے اگے اپنے آپ نوں پچھاننا چاہی دا اے ۔ سانوں لازمی سانوں خُدا کیہ کہندا اے دے مطابق پچھاننا چاہی دا اے تے اوہ کویں ساڈے لئی فیصلہ کردا اے ۔ ایس توں علاوہ کوئی دوجا مسیحیاں دا ٹھیک ایمان نئیں ہیگا ۔ خُدادے کلام دے مطابق آکھامننا تے ایمان رکھنا ٹھیک طریقہ تے وفادار دا دل اے ۔ ایہہ اوہو اے جیہڑا سانوں خُدا دے اگے ذہن وچ لازمی رکھنا چاہی دا اے ۔
لازمی ، اپنےآپ وچ، اسیں اپنیاں کامیابیاں اُتے فخر کر سکدے آں ، دوجے نال موازنہ کر سکدے آں، اک دوجے دے خلاف مقابلہ کر سکدے آں تے اک دوجے نوں للکار سکدے آں ۔ بھاویں ایہہ ، وی ، کچھنا اک فضول مشق اے جیہڑا خاص کر کے خُدا دے اگے اِکو جیہا اے ، لوکاں وچکار ایہہ ایہو جیہی شے ہیگی اے جیہڑی اسیں بوہت گھٹ چُن دے آں سگوں لگاتار ایس وچ لگے رہنا اے ۔
ایتھوں تیک پئی کتورے پچھان دے نیں اوہناں دے مالک کون نیں ، تے اپنیاں مالکاں دی من دے تے فرمانبرداری کردے نیں ۔ دوجیاں اکھراں وچ ، ایتھوں تیک پئی کُتے اپنیاں مالکاں دی فرمانبرداری کردے ، اوہناں دی اواز نوں پچھان دے تے صرف اپنیاں مالکاں پِچھے چلدے نیں ۔ جد کُتے اپنیاں مالکاں توں جھڑک کھاندے نیں ، اوہ اپنیاں غلطیاں نوں پچھاندے نیں ، فرمانبرداری نال اپنیاں سراں نوں نواؤندے نیں ،تے ہر طرح دے سوہنے نکے نکے کرتب کر کے اپنے مالک نال چنگے فضل ول واپس مُڑن دی کوشش کردے نیں ۔ جد ایتھوں تیک پئی پشُو اِنج کردے نیں ،تے فیر وی لوک اپنیاں دلی خیالاں دے ایمان نوں رکھن دے راہیں خُدا نوں للکار دے رہندے نیں ۔ دوجیاں اکھراں وچ ، اوہ خُدا نال چمبڑے رہندے نیں ایتھوں تیک پئی اوہ اپنیاں دلی رستیاں تے اپنے دلی خیالاں اُتے اڑے رہندے نیں ۔
اپنے اسمانی ، ارغوانی تے لال دھاگے نال ، خُدا ایس طرح ساریاں لوکاں دیاں پاپاں نوں مکا چُکیا اے ، تے سارا جیہڑا اوہ سانوں دس چُکیا اے ایمان رکھنا اے جیہڑا ساڈے خُداوند دیاں کماں اُتے بھروسہ رکھدا اے ۔ فیر وی لوک حالے تیک باغی رہندے تے خُدانوں للکاردے نیں ۔
خُداوند سانوں ساڈے سارے پاپ اوہدے کول لیاؤن لئی کہہ چُکیا اے ، تے اوہناں ساریاں نوں اسمانی ، ارغوانی تے لال دھاگے نال مکاؤن دے راہیں ، اوہ سانوں پاپ توں معافی دے چُکیا اے ۔ جد خُداسانوں اپنے لئی اسمانی ، ارغوانی تے لال دھاگے دا ایمان لیاؤن لئی کہہ چُکیا اے ، لوک حالے تیک ایس اُتے ایمان نئیں رکھدے ، تے اپنے خاص مالک دا انکار کردے پئے نیں ۔ ایہہ لوک لعنتی ٹھہرائے جان گے ۔
جد اوہ مسیحا کول ایمان نئیں لیاؤندے جیہڑا اوہ اوہناں توں چاہندا اے سگوں ایمان جیہڑا اوہ نئیں چاہندا اے ، اوہ صرف غصے وچ آسکدا اے ۔ اوہ خُدادے اگے اپنے ڈھیٹھ پن نوں لیاؤندے رہندے نیں تے اوہنوں کہندے نیں ، ”مَیں اپنا ایمان ایتھوں تیک تے ایہنوں چنگی طرح قیم کر چُکیا ہاں ۔میری تعریف کروایہہ کناں ودھیا کم ہویا اے ! “ کیہ خُدااوہناں دی تعریف کرے گا صرف ایس لئی پئی اوہ اپنے ایمان نوں قیم کر چُکے نیں ، جد اصل وچ ایہہ ایمان ایس سارے ویلے وچ بے فائدہ رہ چُکیا اے ؟
خورے ویلے موجودہون جد اَڑی جائز طریقے نال ساڈیاں زندگیاں وچ ضروری اے ۔ پر غلط ایمان دی اَڑی خُدادے اگے ساری دی ساری بے فائدہ اے ۔ خُدانے ساڈیاں پاپاں نوں مکاؤن لئی اسمانی ، ارغوانی تے لال دھاگے نوں ورتیا ۔ پاک کتاب نئیں کہندی پئی اوہنے صرف ارغوانی دھاگہ ورتیا ، نا ای پئی اوہنے صرف لال دھاگہ ورتیا ، نا ایتھوں تیک پئی اوہنے لوہے دے سنگل ورتے ، بالکل ایسے طرح جویں نائلون دے دھاگے نوں ورتن دی کوئی گل نئیں ہیگی ۔ خُدادے گھر وچ ، اوہ سانوں دتی گئی اوہدی مکتی دی شریعت وچ ، مسیحا ساڈے توں اسمانی ، ارغوانی تے لال دھاگے دے ایمان دا مطالبہ کر چُکیا اے ۔
مسیحی اوہناں نوں بیان کردے نیں جیہڑے یِسُوعؔ مسیح اُتے ایمان رکھدے تے پِچھے چلدے نیں ۔ فیر اسیں وی مسیحی آں ۔ پر ، بوہت سارے لوک ہیگے نیں جیہڑے یِسُوعؔ اُتے اپنے مکتی داتا وانگر ایمان رکھن دے راہیں نویں سریوں نئیں جمے ، جیہڑے پاپاں توں معافی پا نئیں چُکے تے جیہڑے اسمانی ، ارغوانی تے لال دھاگے دا ایمان نئیں رکھدے — ایہہ صرف دوزخ دے حقدار صرف ناں دے مسیحی نیں ، ایس لئی پئی اوہ اپنے دلی طریقیاں مطابق ایمان رکھدے نیں ۔ خُدا ایہناں لوکاں نوں چھڈ دیوے گا ، ایس لئی پئی اوہ صرف دین پرست نیں ، سچے مسیحی نئیں ہیگے ۔
گھٹوگھٹ خُدا دے اگے ، سانوں ساریاں نوں ایماندار ہونا چاہی دا اے ،تے اپنے آپ نوں پچھاننا چاہی دا اے جویں اصل وچ اسیں آں ۔ ہر ویلے ، ہر منٹ تے سیکنڈ ، اُتے سانوں لازمی اقرار کرنا چاہی دا اے پئی اسیں اپنیاں پاپاں دے سببوں دوزخ جان دے حقدار ساں ۔ مسیحا دے اگے ، سانوں ساریاں نوں لازمی ، اسمانی ، ارغوانی تے لال دھاگے دا ایمان رکھنا چاہی دا اے ۔ اِنج ایمان رکھنا کرن لئی ٹھیک شے اے ۔ تے جد کدی اسیں اقرار کردے آں ، سانوں لازمی اپنے آپ نوں چیتا کراؤنا چاہی دا اے مسیحا نے ساڈے لئی کیہ کیتا اے ، یعنی اوہنے سانوں پاپ توں چھڈاؤن لئی بپتسمہ لیا تے سولی اُتے مرن نال ساڈیاں ساریاں پاپاں لئی سزا جری ، تے اپنی مکتی نوں ہر ویلے پچھاننا چاہی دا اے ۔ ایہہ ایمان اے جیہدے لئی خُدا ساڈےکولوں پُچھدا اے ۔
اسیں کدی خُدا نوں خوش نئیں کر سکدے جد تیک اسیں بالکل اوہو ای نئیں کردے جیہڑا مسیحا ساڈے کولوں کروانا چاہندا اے ۔ کیوں ؟ ایس لئی پئی جویں اوہ اپنے اسمانی ، ارغوانی تے لال دھاگے دے راہیں ساڈا ہمیش دا مکتی داتا بن گیا اے ، سانوں ہر ویلے ایمان رکھن دی ضرورت اے خُدا ساڈے لئی کیہ کر چُکیا اے ۔ جویں اسمانی ، ارغوانی تے لال دھاگے دا ایمان سچا اے ، سانوں ایہدی ایتھوں تیک پئی اپنیاں پاپاں دی معافی لئی بوہت ضرورت اے جیہڑے اسیں آپ ای ہر روز کردے آں ۔
کیہ خُدا خوش ہوندا جے اسیں اوہنوں اپنیاں ذاتی کوششاں دی پیداوار پیش کرنی سی ؟
ساڈا ایمان لازمی اوہ ہونا چاہی دا اے جیہڑا خُدا دے کلام اُتے بھروسہ رکھدا ہوئے جویں ایہہ ہیگا اے ، اِکو اِک جیہڑا ٹھیک ہدیے لیندا اے جیہڑے خُدا سانوں کہہ چُکیا اے ۔ مجموعی طریقے نال ، ہر لنگھن والے منٹ نال سانوں ایہہ وی پچھاننا چاہی دا اے پئی خُدا ساڈے لئی کیہ کر چُکیا اے ، تے ایسے طرح سانوں لازمی ساڈیاں اپنیاں کمیاں تے ادھورے پن نوں وی مننا چاہی دا اے ۔ سانوں لازمی چوکھیاں برکتاں نوں یاد رکھنا چاہی دا اے جیہڑیاں خُدا نے ساڈے اُتے ورسائیاں نیں ،تے سانوں لازمی ٹھیک طریقے نال جاننا چاہی دا اےتے ایمان رکھنا چاہی دا اےاوہ ساڈے لئی کیہ کر چُکیا اے ، یعنی اوہ ساڈے نال دلوں مِل چُکیا اے ۔
سانوں لازمی صوفی پن دیاں ساریاں عقیدیاں نوں دُور سُٹنا چاہی دا اے تے سانوں لازمی صرف ایمان رکھناچاہی دا اے جیہڑا خُدا دے بولے ہوئے کلام اُتے ایمان رکھدا اے ۔ ایہہ ایس ایمان دے ہدیے نیں جیہڑے سانوں لازمی خُدا نوں دینے چاہی دے نیں ۔ صرف جدوں اسیں خُدا نوں ٹھیک ایمان دے ہدیے دیندے آں اوہ خوش ہوئے گا ، سانوں ملے گا ، تے ساڈے ایمان نوں قبول کرے گا ۔ تے جد اسیں اِنج کردے آں یعنی خُدا سانوں ساریاں برکتاں دیندا اے جیہڑیاں اوہ خاص کر کے تے ساڈے لئی تیار کر چُکیا اے ۔
جد اسیں کلام اُتے غوروخوض کردے آں ، تاں سانوں لازمی سوچ وچار کرنی چاہی دی اے، ”کیہ ایمان اے جیہڑا خُداساڈے توں اصل وچ چاہندا اے ؟ کس قِسم دی دعا اے جیہڑی اوہ چاہندا اے؟“فیر اسیں احساس کردے آں پئی دعا جیہڑی خُدا ساڈے توں چاہندا اے ایمان نال منگی گئی دعا توں علاوہ کوئی دوجی نئیں اے ۔ ساڈا خُدا ساڈے توں دعاواں چاہندا اے جیہڑیاں اسمانی ، ارغوانی تے لال دھاگے دی مکتی دے ایمان وچ ، ایمان جیہڑا قبول کر چُکیا اے خُدا سانوں کیہ دے چُکیا اے پیش کیتیاں جاندیاں نیں ۔ خُدا ساڈے توں جو چاہندا اے اوہ ایمان وچ منگی گئی ایہہ شکرگزاری دی دعا اے ؛ اوہ کدی وی ساڈی آپ بنائی ہوئی کوئی شے قبول نئیں کرے گا جیہڑی اسیں اوہنوں دین دی کوشش کردے یااوہدیاں پیراں وچ رکھدے آں ۔ سانوں ساریاں نوں لازمی احساس کرنا چاہی دا اے پئی سانوں کدی وی ایہہ نئیں کرنا چاہی دا۔
خُدا سانوں دسدا پیا اے ، ” نئیں ، نئیں ، ایہہ اوہ ایمان نئیں اے جیہڑا مَیں تہاڈے توں چاہندا ہاں ۔ مَیں تہاڈے لئی بپتسمہ لیا تے سولی اُتے چڑھیا ۔ مَیں تہاڈے سارے پاپ مکاؤن لئی بپتسمہ لیا ۔ایہہ ہے ایس لئی پئی مینوں تہاڈیاں پاپاں نوں اپنے آپ اُتے ایہناں پاپاں لئی میرے دکھ جرن تے سولی اُتے مرن توں پہلوں لینا سی ۔ مَیں تہاڈا مکتی داتا ہاں ، پر مَیں تہاڈا مُڈھلےطوراُتے خُدا وی آں ۔ مَیں بادشاہواں دا بادشاہ وی آں ، پر ایس لئی پئی مَیں تہاڈا خُدا وی ہاں ،مَیں ایس اُتے آیاتے سارا کم پورا کیتا ۔ مَیں چاہندا ہاں پئی تُسیں میرے اُتے سچا ایمان رکھو ، تے اپنیاں دلاں وچ میرے اختیار نوں پچھانو تے سچے دلوں اقرار کرو پئی مَیں تہاڈا سچا خُدا ہاں۔ “ ایہہ ایس ارادے نال اے پئی خُدا سانوں اسمانی ، ارغوانی تے لال دھاگہ تے مہین وٹیا ہویا کتان دے چُکیا اے ۔ تے ایہہ اوہ ایمان اے جیہڑا خُدا ساڈے کولوں منگدا اے ۔
سانوں لازمی ٹھیک طریقے نال اسمانی ، ارغوانی تے لال دھاگے دا ایہہ ایمان رکھنا چاہی دا اے ۔ تُسیں خورے اپنےآپ وچ سوچ سکدے او ، ”آہو جی ، ایہہ ہُن تیک بوہت رہن دے لائق اے ۔ مَیں حالے تیک بالکل ٹھیک کردا پیاں ہاں تے کم بالکل ٹھیک چلدے پئے نیں ۔ جے ایہہ ٹُٹیا نئیں اے تاں ایہنوں ٹھیک کیوں کرئیے ؟ مینوں ایس طریقے نال ایمان رکھن دی کیوں ضرورت اے ؟ بھاویں مَیں ایس طریقے یا اوس طریقے نال ایمان رکھدا ہاں ، کیہ اوہ سارے اِکو جیہے نئیں ہیگے ؟ “ نئیں ، اوہ اِکو جیہے نئیں ہیگے !جے تُسیں اپنے دل وچ ایس توں علاوہ کوئی دوجا ایمان رکھدا او ، فیر تُسیں بالکل بچائے نئیں گئے او ۔ ایس لئی پئی ایہو جیہاں دلاں وچ حالے تیک پاپ ہیگا اے ، تہانوں لازمی اپنیاں دلاں نوں بدلنا چاہی دا اے تے ایمان ول پرتنا چاہی دی اے جیہڑا خاص کر کے پانی تے رُوح دی خوشخبری اُتے بھروسہ رکھدا اے ۔
اوہناں دے دل جیہڑے سچی خوشخبری اُتے ایمان رکھدے نیں تے اوہناں دے جیہڑے نئیں رکھدے بالکل اک دوجے توں فرق نیں ۔ خُدا ایہنوں جان دا اے ، تے ایسے طرح اسیں وی جان دے آں ، جیہڑے نویں سریوں جم پئےآں ۔ جد تُسیں اپنے آپ نوں پچھان دے او ، تاں تہانوں لازمی پرتنا چاہی دی اے۔”اے خُدا ، سچ مُچ مَیں پاپی آں ۔ مہربانی کر کے مینوں بچا۔“جد تُسیں ایس طرح اپنیاں دلاں نوں موڑدے او تے اپنی مکتی نوں لبھدے او، خُدا تہانوں اپنی سچیائی نال ملے گا ۔
ساڈاخُداوند سانوں ساڈیاں ساریاں پاپاں توں بچا چُکیا اے
ساڈےخُداوندنے ساڈے لئی بپتسمہ لیا تے سولی اُتے مریا۔ جویں متی ۳ باب وچ لکھیا اے ، ایہہ اوہ ای اے جیہڑا خُداوندنے ساڈے لئی کیتا اے ۔ اسیں ایس اُتے ایمان رکھدےآں ۔ اسیں ایس لئی اوہدا شکر ادا کردے آں ۔ جد یِسُوعؔ نے بپتسمہ لیا ، ساڈے سارے پاپ اوس اُتے لدے گئے ۔ جد اوہ سولی اُتے چڑھیا ایہدا سبب ایہہ سی پئی اوہنے ساڈے سارے پاپ چُک لَئے یعنی اوہ ایہناں پاپاں نوں سولی اُتے لَے جا سکدا سی ۔ اوہنے نا صرف ساڈیاں اپنیاں پاپاں لئی ،سگوں ساری دُنیا دیاں ساریاں پاپاں لئی دکھ جرے سن ۔
جد ساڈا خُداوندسانوں خیمۂ اجتماع لئی بناؤن والیاں شیواں دے ہدیے اوہدے واسطے لیاؤں لئی کہندا اے ، یا جد کدی اوہ سانوں کوئی کم کہندا اے ، اوہ سدا ترتیب نال اگے ودھدا اے ۔ اوہ سدا سانوں کہندا اے ، ”میرے لئی اسمانی ، ارغوانی تے لال دھاگہ لیاؤ۔“اسمانی دھاگہ سدا پہلوں آؤندا اے ۔ تے اوہ ایہدی پیروی مہین وٹے ہوئے کتان نوں اپنے ظاہر کرن نال ، سانوں خُدا دے کلا م اُتے ایمان رکھن لئی دسدیاں ہویاں کردا اے ۔ صلیبی لہو اُتے پہلوں ایمان رکھنا تے فیر یِسُوعؔ دے بپتسمے اُتے ایمان رکھنا خورے پہلی نظر وچ ٹھیک نظر آسکدا اے ، پر ایہہ اصل وچ غلط اے ۔ ایہہ ایس لئی سی پئی یِسُوعؔ نے پہلوں بپتسمہ لیا یعنی سولی اُتے اوہ اپنا لہو وگا سکدا سی ۔ مَیں تہانوں فیر کہندا پیاہاں پئی ایہہ کدی وی پہلوں صلیبی لہو اُتے تے فیر اوہدے بپتسمے اُتے ایمان رکھنا ٹھیک نئیں ہیگا ۔ خُدا کدی ایہو جیہے ایمان دی اجازت نئیں دیندا ۔
ایس زمین اُتے اک بندے دے بدن وچ آؤن دے بعد جد ساڈا خُداوند ۳۰ورہیاں دا ہو گیا ، اوہنے پہلوں اپنے آپ اُتے ساڈیاں ساریاں پاپاں نوں چُکن لئی بپتسمہ لیا ۔ اِنج کرن دے بعد ، اوہ فیر دُنیا دیاں ایہناں پاپاں نوں سولی اُتے لَے گیا ، آپ سولی اُتے چڑھ کے دکھ جرے ، تے فیر اِنج ساڈا مکتی داتا بن دیاں ہویاں فیر مویاں وچوں جی اُٹھیا ۔ ایسے طرح ، سانوں لازمی ساڈا خُداوند ساڈے لئی کیہ کر چُکیا اے دی ترتیب دے مطابق جیہدے نال اوہنے اپنیاں کماں نوں پورا کیتا ایمان رکھنا چاہی دا اے ۔ ایہہ ہے کنج سانوں لازمی ایمان رکھنا چاہی دا اے ۔صرف فیر ساڈا ایمان سارے دا سارا قیم رہ سکدا اے ، کدی وی پریشانی وچ نئیں پھس دا ، ،تے نا ای کدی ڈکو ڈولے کھاندا اے ۔ تے جد اسیں دوجیاں تیک خوشخبری ودھاندے آں ، سانوں لازمی ایہہ ایہدے مطابق کرنا چاہی دا اے ۔ دوجیاں اکھراں وچ ، سانوں لازمی ایمان رکھنا چاہی دی اے خُدا نوں کیہ خوش کرے گا ، ایہدے مطابق ساڈے لئی اوہ کویں مقرر کر چُکیا اے ۔
ایمان دے کیہڑے ہدیے خُدا تہانوں اپنے لئی لیاؤن لئی کہندا پیا اے ؟ کیہ اوہ تہانوں اسمانی ، ارغوانی تے لال دھاگےتے مہین وٹے ہوئے کتان دا ایمان لیاؤن لئی نئیں کہندا پیا اے؟ کیہ تُسیں ایمان رکھدے او؟ کیہ تُسیں ، کسے وی طریقے نال ، پُٹھی ترتیب نال ایمان رکھدے پئے او ؟ ”بھاویں مَیں ایس طریقے نال یا اوس طریقے نال ایمان رکھدا ہاں معنی نئیں رکھدا ۔ مَیں حالے تیک ایمان رکھدا ہاں ، تے بس ایناں ای واھدُو اے ۔ مَیں پہلوں لال دھاگے اُتے ایمان رکھدا ہاں تے بعدوں اسمانی دھاگے اُتے ، تے بعدوں ارغوانی دھاگے اُتے ۔ “ جے تُسیں اِنج ایمان رکھدے او ، فیر تہانوں لازمی دوجی واری ایمان رکھنا چاہی دا اے ۔ خُداوندکدی وی تہاڈا ایہہ پُٹھا ایمان منظور نئیں کرے گا ۔
ساڈاخُداوندانصاف دا خُدا اے تے سچیائی دا خُدا اے ۔ ایس طرح ، اوہ غلط ایمان نوں منظور نئیں کردا ۔ ایس لئی پئی ایمان سدھا کھڑا نئیں رہ سکدا جد ایہدی ساری ترتیب رَل مِل جاندی اے ، خُدا ایس ایمان نوں منظورنئیں کر سکدا ایتھوں تیک پئی جے اوہ چاہندا اے ۔ بالکل جویں اسیں اک گھر دا بناؤنا ختم کرن دے بعد ایہدی نیہ بناؤن دی کوشش نئیں کر سکدے ، ایسے طرح یِسُوعؔ اپنے بپتسمے نال ساڈیاں پاپاں نوں اُٹھا چُکیا سی یعنی اوہ فیر سولی اُتے مر سکدا سی ۔
ایس لئی سانوں لازمی ایہدے مطابق ایمان رکھنا چاہی دی اے جویں خُداوند سانوں دس چُکیا اے ۔ ایہہ ٹھیک ایمان لئی نکر دے سرے دا پتھر رکھنا اے ۔ ایس لئی پئی خُدا سانوں ٹھیک طریقے نال ، سچے طریقے نال ، تے راستبازی دے طریقے نال بچا چُکیا اے ، اسیں آپ اوہدی ترتیب نئیں بدل سکدے ۔ جے اسیں پہلوں صلیبی لہو اُتے ایمان رکھدے آں تے بعدوں یِسُوعؔ دے بپتسمے اُتے ، فیر ایہہ ایمان بالکل غلط اے ۔ تے پاپ حالے تیک اوہناں دیاں دلاں وچ ہیگا اے جیہڑے اِنج دا ایمان رکھدے نیں ، ایس لئی پئی اوہناں دے پاپ اوہناں دے ایمان دی پُٹھی ترتیب دے سببوں دھوئے نئیں گئے سن ۔ ایہہ ٹھیک طریقے نال ودھیا اے ۔ ایہہ حیران کرن والے سچ توں علاوہ کوئی دوجا نئیں ہیگا ۔
مسیحا دے اگے ، ساڈے وچوں بوہت سارے صرف یِسُوعؔ دے صلیبی لہو اُتے ایمان رکھدے ہوندے سن ۔ اسیں ایمان رکھدے آں ، ”یِسُوعؔ نے میریاں ساریاں پاپاں نوں چُک لیا اے تے سولی اُتے اپنا لہو وگاؤن دے راہیں میری ساری سزا چُک لَئی ۔ ایس لئی اسیں سارے دے سارے مکتی یافتہ ہو گئے آں ۔ ساڈی مکتی مسیح توں ملی جیہڑا سولی اُتے ساڈے لئی مر گیا ۔ ہر کوئی جیہڑا ایس اُتے ایمان رکھدا اے ہُن مکتی یافتہ اے ۔ “ فیر اسیں یِسُوعؔ دے بپتسمے دے اصل مطلب دا احساس کیتا ۔ سو ساڈے پہلے ، غلط ایمان اُتے ، اسیں سچے ایمان نوں ودھایا ۔ فیر کیہ واقع ہویا ؟ ساڈے پاپ سچ مُچ غائب نہ ہوئے ۔ ایس لئی پئی ایس قِسم دا ایمان صرف دلی تے خیالی اے ، ایہہ ساڈیاں دلاں دا اصلی تے سچا ایمان نئیں ہو سکدا ۔
جے تہاڈا ایمان ایہدے وانگر اے ، تہانوں لازمی چھیتی نال پھرنا تے ایہنوں بدلنا چاہی دااے ۔ سب توں پہلوں ، تہانوں سچے دلوں مننا اے پئی تہاڈا ایمان ٹھیک نئیں ہیگا ۔ تے فیر ، تہانوں چھیتی نال اپنے ایمان دی نیہ نوں نواں کرنا اے ۔ سارا کُجھ جیہڑا تہانوں کرنا اے دوبارہ ترتیب نوں بدلنا اے ۔ ”ایس زمین اُتے آؤن دے بعد ، جد خُداوندنے یردن دے دریا اُتے یوحنا بپتسمہ دین والے کولوں بپتسمہ لیا ، اوہنے میریاں ساریاں پاپاں نوں چُک لیا ۔ ایس لئی پئی یِسُوعؔ نے بپتسمہ لیا یعنی دُنیا دے سارے پاپ اوس اُتے لددتے گئے ، تےایس لئی پئی دُنیا دے سارے پاپ ایس طرح اوس اُتے لد دتے گئے سن میرے سارے پاپ وی یِسُوعؔ اُتے لد دتے گئے سن ، تے فیر اوہنے میریاں ساریاں پاپاں دا مُل اُتارن لئی سولی اُتے اپنا لہو وگایا ۔“ ایہہ ہے کنج تہانوں ایمان رکھنا چاہی دا اے ۔
”کیہڑا پرواہ کردا اے بھاویں مَیں ایس طریقے نال ایمان رکھدا ہاں یا او س طریقے نال ؟ سب توں خاص گل ایہہ ہیگی اے پئی مَیں خُداونددیاں ایہناں چونہہ خدمتاں اُتے ایمان رکھدا ہاں۔ کیوں ایس ترتیب اُتے ایناں اڑیل ہونا تے زور دینا اے؟ “کیہ تُسیں ، کسے طریقے نال ، حالے تیک ایس خیال نال چمبڑے ہوئے او ؟ فیر تہانوں لازمی ایس سچیائی نوں اپنے دل وچ لینا چاہی دا اے:یِسُوعؔ بپتسمہ لین دے بعدوں ای سولی اُتے مریا ۔ تےایہہ اوہ سچیائی اے جیہدے اُتے تہانوں لازمی ایمان رکھنا چاہی دی اے۔
پاک رُوح کدی بے انصافی نوں منظور نئیں کردا ۔ خُدا پاک رُوح ساڈے ایمان نوں صرف اوس ویلے منطور کردا اے جد اسیں ایس کم اُتے ایمان رکھدے آں جیہڑا مسیح نے ایس زمین اُتے ساڈے لئی کیتا اے ، جویں ایہہ ہیگا اے ۔ پاک رُوح ایہہ نئیں کہندا ، ”سو تُسیں یِسُوعؔ دیاں ایہناں ساریاں چونہہ کما ں اُتے ایمان رکھدے او ۔ آمین ۔ بھاویں تُسیں ٹھیک طریقے نال ایمان رکھدے او یا اک پُٹھی ترتیب نال ، بھاویں تُسیں ایس طریقے نال ایمان رکھدے او یا اوس طریقے نال ، ایہہ ٹھیک اے جے تُسیں صرف کسے طرح وی ایمان رکھدے او ۔ آمین ۔ بالکل ٹھیک ، فیرتُسیں میرے پُتر او۔“
یِسُوعؔ یعنی مسیحا خُدا باپ دی مرضی مطابق ایس زمین اُتے آیا تے باپ دے حکم مطابق کم کیتا ۔ ایس طرح اوہ اپنی زندگی دے ۳۳ ورہیاں وچ ایس زمین اُتے زندہ رہیا ۔ ایس زمین اُتے آ کے ، اوہنے بپتسمہ لین ، سولی اُتے مرن ، تے جی اُٹھن ، تے بعدوں اسمان اُتے جان دے راہیں ساڈی مکتی دا اپنا کم پورا کیتا تے اوہنے ساڈے کول پاک رُوح نوں گھلیا ۔
خُدا پاک رُوح ساڈے وچوں اوہناں دیاں دلاں وچ رہندا اے جیہڑے پاپ دی معافی پا چُکے نیں ، تے اوہ اوہناں دے ایمان نوں منظور کردا اے جیہڑے ایمان رکھدے نیں خُداوند اوہناں لئی کر چُکیا اے جویں ایہہ ہیگا اے ۔ ایہہ ہے کیوں اسیں کدی وی اپنیاں ذاتی خیالاں دے مطابق ایمان نئیں رکھ سکدے ۔ بھاویں تُسیں تے مَیں سچے دلوں یِسُوعؔ اُتے ایمان رکھدے آں ، کیہ تُسیں ،کسے اتفاق نال اک پُٹھی ترتیب نال اُتاں توں ہیٹھ نوں ایمان رکھدے او ؟ جے اِنج اے ، تہانوں لازمی دوبارہ ٹھیک طریقے نال ایمان رکھنا چاہی دا اے ۔
جد تُسیں اِنج کردے او ، پاک رُوح تہاڈیاں دلاں وچ کم کر دا اے ۔ بھاویں اسیں کمیاں بھرے آں ، پاک رُوح ساڈیاں دلاں نوں طاقت نال پھڑدا اے ، ساڈے نال اے ، تے اپنے فضل نال ساڈے اُتے ورساؤندا اے جد اسیں اوہدے اگے ہولے پَے جاندے نیں ۔ پاک رُوح سانوں طاقت دیندا اے ۔ اوہ سانوں زور دیندا اے ۔اوہ سانوں تسلی دیندا اے ۔ او ہ سانوں برکت دیندا اے ۔ اوہ ساڈے نال ودھیا آؤن والیاں دناں دا وعدہ کردا اے ۔ تے ساڈے وچوں اوہناں دی جیہڑے ایمان رکھدے نیں ، اوہ ساڈی ایمان توں ایمان تیک اگوائی کردا اے یعنی اوہدی ہمیش دی بادشاہی وچ جان دی ضرورت نوں نا گوا لیے۔
سانوں ایہدی ضرورت اے جد اسیں ایمان رکھدے آں خُداوند ساڈے لئی کیہ کر چُکیا اے ، یا جد اوہ سانوں اوہدےلئی ساڈے ہدیے لیاؤن لئی کہندا اے —یعنی ، سانوں لازمی ایمان رکھنا چاہی دا اے اوہ سانوں پانی تے لہو نال بچا چُکیا اے ۔ خیمۂ اجتماع دے اندر ساریاں شیواں اہم نیں ایس لئی پئی اوہ ساریاں ہمیش لئی سانوں پانی تے رُو ح نال نویں سریوں جمن دے بھیت بارے دسدیاں نیں ۔ دوجیاں اکھراں وچ ، خیمۂ اجتماع دیاں بوہت ساریاں ایہو جیہاں شیواں دے راہیں ، خُدا سانوں اک شے دے بارے وچ دسنا چاہندا اے — پانی تے رُوح دی خوشخبری۔
ساڈے ایمان لئی ،ایہدی نیہ بوہت خاص اے
جے اسیں پہلوں اپنے ایمان دی نیہ پکے طریقے نال رکھیوں بغیر ایمان دا گھر بناؤندے آں ، جناں لمے چر تیک اسیں یِسُوعؔ اُتے ایمان رکھدے آں ، جنے بوہتے ساڈے پاپ ودھدے جاندے نیں ، اونیاں ای توبہ دیاں دعاواں سانوں منگنیاں پیندیاں نیں ،تے اسیں بوہتے فریبی پاپی بن جاندے آں ۔ پر جد اسیں مکتی دے انعام اُتے ایمان رکھدے آں ، یعنی ساڈا خُداوند سانوں اپنے اسمانی ، ارغوانی تے لال دھاگے تے مہین وٹے ہوئے کتان نال بچا چُکیا اے ، فیر اسیں سارے خُدا دے کامل پُتر بن سکدے آں ۔ ایس لئی ، سانوں ساریاں نوں لازمی اسمانی ، ارغوانی تے لال دھاگے تے مہین وٹے ہوئے کتان دے سچ اُتے ایمان رکھنا چاہی دا اے ، تے ایس طرح سانوں ساریاں نوں لازمی خُدا دےپُتر بننا چاہی دا اے ۔
اوہ جنہاں دے ایمان دی نیہ کامل اے سدا چمکیلی روشنی وچ اپنی کہانت جاری رکھ سکدے نیں ، ایتھوں تیک پئی جد اوہ اپنے آپ کمیاں رکھ سکدے نیں ۔ دوجیاں اکھراں وچ ، اوہ کہانت دے سارے ایہو جیہے کم پورے کر سکدے نیں جویں اصل وچ ایس دُنیا دیاں ساریاں لوکاں نوں اپنے گل نال لاؤنا، خُدا اگے اوہناں دے پاپ توں معافی لئی دعا منگنا ، تے خُدا دے اگے ایس خوشخبری دی سیوا کرنا ۔
مقابلے وچ ، اوہ جنہاں دے ایمان دی نیہ واضح نئیں ہیگی ، جناں بوہتا ویلا لنگھدا اے ، اوہ بوہتے فریبی بن دے جاندے نیں ۔ اوہ بدکار بن دے جاندے نیں ۔ اوہ بوہتے فریبی دین پرست بن جاندے نیں ۔ جویں ساڈےخُداوند نے سانوں دسیا پئی اسیں اک بوٹے نوں ایہدے پھل توں پچھاناں گے ، ایہو جیہیاں لوکاں توں پیدا ہوئے پھل سارے نا بھروسہ کرن دے لائق ، گندے تے فریبی نیں ۔ پر ساڈے وچوں اوہ جیہڑے نویں سریوں جمے نیں کسے طرح فریبی نئیں ہیگے ۔ اوہ سارے سچے نیں ۔ بھاویں اوہ اپنیاں آپ وچ کمیاں رکھدے نیں ، اوہ اصل وچ خلوص بھرے نیں ۔ اوہ اپنے آپ دیاں کمیاں تے غلطیاں نوں پچھان دے نیں ، تے اوہ سدا چمکیلی روشنی وچکار رہندے نیں۔ایس لئی پئی ساڈے خُداوندنے بپتسمہ لیا تے ساڈیاں ساریاں پاپاں نوں مکاؤن لئی سولی اُتے مویا ، تے ایس لئی پئی بِنا شک اِنج اوہ ساڈیاں ساریاں پاپاں نوں مکا چُکیا اے ،ایس سچ اُتے ایمان رکھن دےراہیں اسیں اپنیاں پاپاں دی معافی پا چُکے آں ۔ ایس لئی پئی ساڈے ایمان دی نیہ پکی اے ، بھاویں اسیں ادھورے آں ، بھاویں اسیں پاپ کردے آں تے بھاویں اسیں ماڑے آں ، ساڈیاں زندگیاں فیر وی روشن نیں ، ایس لئی پئی ساڈے دل سدا بے پاپ نیں ۔ اپنیاں کمیاں دے سببوں اسیں کئی واری بھٹک سکدے آں ، پر ایس لئی پئی اسیں اصل وچ بے پاپ آں ، اسیں دوجیاں نوں تے اپنے آپ نوں بربادی ول بھٹکان لئی اگوائی نئیں کردے آں ۔ بھاویں اسیں ادھورے آں ، پر اسیں اوس راہ اُتے چلدے آں جیہڑا خُدا نوں خوش کردا اے ، یعنی پیر پیر اگانہہ ودھدیاں ہویاں تے خوشخبری دی ایتھوں تیک پئی بوہتی سیوا کردیاں ہویاں ۔ ایہہ سارا سوکھا ہو گیا اے ایس لئی پئی یِسُوعؔ سانوں کامل طریقے نال بچا چُکیااے ۔
جے یِسُوعؔ مسیح ،ساڈا مسیحا تے ساڈا مکتی داتا اِنج سانوں چونہہ دھاگیاں نال کامل طریقے نال بچا نئیں چُکیا سی ، اسیں کسے وی طرح کدی وی مکتی یافتہ نئیں ہو سکدے ساں ۔ ایس لئی پئی اوہ سانو ں بچا چُکیا اے یعنی اسیں مکتی یافتہ ہو گئے آں ، تے ایہہ ایس لئی اے پئی اسیں ایمان رکھدے آں ، خوشخبری نوں ودھاؤندے آں ،تے اپنے ایمان نال خُدا دی وڈیائی کردے آں ۔ ایہہ ساڈے ایمان دے راہیں اے پئی اسیں خُدا دا شکر ادا کردے آں ، ساڈے ایمان دے راہیں پئی اسیں اوہدی سیوا کردے آں ، تے اپنے ایمان دے راہیں یعنی اسیں اوہدے پِچھے چلدے آں ۔ایہہ ہے ہُن اسیں کون بن گئے آں ۔ دوجیاں اکھراں وچ ،اسیں اوہ بن گئے آں جیہڑے اپنے ایمان نال خُدا نوں خوش کردے آں ۔ اسیں اوہ بن گئے آں جنہاں دے ایمان دی نیہ پکیائی نال کھلوتی رہندی اے ۔
اوہ جنہاں دے ایمان دی نیہ ٹھیک طریقے نال نئیں رکھی گئی اے اوہناں نوں لازمی ایہنوں دوبارہ رکھنا چاہی دا اے ۔ایہہ ہے کیوں عبرانیوں ۶ : ۱ ۔ ۲ کہندا اے ، ”سومسیح دی تعلیم دیاں مُڈھ والیاں گلاں چھڈ کے تے کمال وّل ودھئیے تےمُردہ کماں توں توبہ کرن تےخُداوند اُتے ایمان لیاؤن دی۔ تےبپتسمیاں تے ہتھ رکھن تے مُردیاں دے جی اُٹھن تے سدا دی عدالت دی تعلیم دی نیہ دوجی واری نادھرئیے۔ “
ایہہ حوالہ سانوں کیہ دسدا اے ؟ ایہہ سانوں جانن تے صاف طریقے نال تصدیق کرن لئی ، تے ایہو جیہے سوالاں دی پکے طریقے نال نیہ رکھن لئی کہندا اےمثال طور : ”یِسُوعؔ نے کیوں بپتسمہ لیا ؟“؛ ”کیہ ایہہ بپتسمہ پُرانے عہد نامے دیاں ہتھاں دے رکھے جان دا پرچھاواں اے ؟ “؛”کیہ اسیں دوبارہ زندہ ہوواں گے ؟ “؛تے ”سدا دی عدالت کیہ اے ؟“ایہہ سانوں کامل ایمان تے ایہدی نیہ نوں پکے طریقے نال مُڈھوں رکھن لئی کہندا اے ، تاں پئی اسیں نا ڈکو ڈولے کھائیےنا ای دوبارہ ایہناں شیواں نال نیہ رکھن لئی مجبور کیتے جائیے ۔ ایمان جیہڑا اسمانی ، ارغوانی تے لال دھاگے تے مہین وٹے ہوئے کتان اُتے بھروسہ رکھدا اے کامل ایمان اے جیہڑا ایمان رکھدا اے پئی ساڈا خُداوند کامل طریقے نال ساڈی مکتی نوں کامل کر چُکیا اے ۔ سانوں لازمی ایمان دی ایس نیہ اُتے پکیاں ہو کے کھلونا چاہی دا اے تے سانوں لازمی اوتھوں چلنا چاہی دااے ۔ سانوں لازمی ایمان دی دَوڑ نسنی چاہی دی اے ۔
کئی لوک عبرانیوں دے اُتلے حوالے دی اِنج کہندے ہویاں تشریح کردے نیں پئی اسیں دوبارہ نئیں کہہ سکدے پئی ساڈے پاپ اوہدے بپتسمے دے راہیں یِسُوعؔ اُتے لدے گئے سن ، تے ایہہ حوالہ سانوں دسدا پیا اے پئی سانوں دوبارہ ایمان دی نیہ نوں بناؤن دی ضرورت نئیں ہیگی ۔ پر کیہ خُدا سانوں ایہہ آکھے گا پئی جے ایہہ ٹھیک طریقے نال پہلی تھاں اُتے بنائی گئی سی تاں اپنے ایمان دی نیہ نوں دوبارہ نا بنائیے ؟ ایہہ حوالہ سانوں دسدا اے پئی اوہ جیہڑے ایمان دی ٹھیک نیہ نئیں رکھدے اوہناں نوں ایہہ نیہ رکھنی چاہی دی اے ، تے اوہ جیہڑے ایمان دی نیہ ٹھیک طریقے نال رکھدے نیں اوہناں نوں ایہنوں ہور پکی تے تگڑی بناؤنی چاہی دی اے تے اگانہہ ودھنا چاہی دا اے ۔
سانوں بچاؤن لئی ،خُدا نے مُوسیٰ نوں خیمۂ اجتماع بناؤن تے اپنیاں لوکاں توں ہدیے قبول کرن دا حکم دتا ۔ اسرائیلیاں نوں ، اوہنے اوہناں نوں اپنے لئی سونا ، چاندی تے پِتل ؛ اسمانی ، ارغوانی تے لال دھاگہ، مہین وٹیاہوئیا کتان تے بکریاں دی اُنّ ؛لیلیاں دی لال رنگیاں ہویاں کھلاں ، تخس دیاں کھلاں تے کِکر دی لکڑ لیاؤن دا حکم دتا ۔ بالکل جویں ایہناں شیواں نال نیہ رکھی گئی ، ساڈا خُداوند بِنا شک سانوں تہانوں تے مینوں دُنیا دیاں پاپاں توں چھڈاؤن دے راہیں مکتی دا انعام دے چُکیا اے ۔ ایس طریقے نال ، خُدا اصل وچ اسرائیلیاں نوں اپنے لئی ایہہ ہدیے لیاون ، خیمۂ اجتماع بناؤن قربانی دا طریقہ مقرر کرن لئی کہہ چُکیا سی ، تے اسرائیلیاں دیاں پاپاں نوں معاف کیتا جیہڑے اوہنوں ایس قربانی دیاں شرطاں مطابق اپنے قربانی دے پشُو پیش کردے سن ۔
ساڈا ایمان اسمانی ، ارغوانی تے لال دھاگے تے مہین وٹے ہوئے کتان اُتے بھروسہ کرن دے راہیں کامل بنایا گیا اے جیہڑا سانوں یِسُوعؔ مسیح دےراہیں ساڈی مکتی دی کامل تکمیل دے بارے پہلوں دسدا اے
جے اسیں ، یِسُوعؔ مسیح دے راہیں پورے کیتے گئے کامل سچ اُتے ایمان رکھن دے لائق نئیں ہیگے ،اِکو ای واری ساڈے ایمان دی نیہ پکے طریقے نال نئیں بناؤندے ، تاں ساڈا ایمان لگاتار ہل دا رہوے گا۔ سچیائی دے علم ، احساس تے ایمان دے بغیر پئی ساڈا خُداوند سانوں کامل طریقے نال بچا چُکیا اے ، اسیں سارے لازمی اپنےآپ دیاں کوششاں دے راہیں ساڈی مکتی تیک اَپڑن لئی کوشش کردیاں ہویاں مک جاواں گے ۔ ایہو جیہا ایمان کامل نئیں ہیگا ، سگوں ایہہ غلط اے ۔
آؤاسیں عبرانیوں ۱۰ : ۲۶ ۔ ۳۱ ول مُڑئیے : ”ایس لئی جے سچیائی نوں پچھانن دے پِچھے جےاسیں جان کے گناہ کرئیے متاں گناہاں دے بدلے کوئی ہور قربانی باقی نئیں رہندی ۔ ہاں عدالت دی ڈران والی اڈیک تے مچی ہوئی اگ باقی اےجیہڑی ویریاں نوں کھاچھڈےگی ۔ جدوں مُوسیٰ دی شریعت دا نا منن والا دُو یاں تن بندیاں دی گواہی نال بناں رحم کیتے ماریاجاندااے۔ تے خیال کروپئی اوس بندے دی سزا کیڈی کُو ہوئےگی جِس خُدا دے پُتر نوں لتاڑیا اے تے عہد دے لہو نوں جِہدے نال اوہ پاک ہویا سی ناپاک جانیا تے فضل دے رُوح دی بےعزتی کیتی ۔ کیوں جو اسی اوہنوں جاننے آں جِس ایہہ آکھیا پئی بدلہ لینا میرا کم اے ۔ مَیں ای بدلہ دیاں گا تے فیر ایہہ وی پئی خُداوند اپنی ا ُمت دی عدالت کرے گا۔جیوندے خُدادے وس وچ پینا بڑی ڈرن والی گل اے۔ “
ایہہ حوالہ سانوں دسدا اے پئی جے اسیں سچیائی دے علم نوں پاؤن دے بعدوں جان کے پاپ کردے آں ، پاپ لئی کوئی ہور قربانی نئیں ہیگی ، سگوں صرف ڈرن والی عدالت اے ۔ ایتھے ، اوہ جیہڑے سچیائی دے علم نوں پاؤن دے بعدوں جان کے پاپ کردےنیں اوہناں بارے گل کردا اے جیہڑے پانی تے رُوح دی خوشخبری اُتے ایمان نئیں رکھدے ایتھوں تیک پئی جویں اوہ ایہنوں جان دے نیں ۔ سانوں لازمی سچیائی اُتے ایمان رکھنا چاہی دا اے پئی خُدا سانوں اپنے اسمانی ، ارغوانی تے لال دھاگےتے مہین وٹےہوئے کتان نال بچا چُکیا اے ، یعنی اوہ سانوں سونے، چاندی تے پِتل نال بچا چُکیا اے تے پئی اوہنے خیمۂ اجتماع دی چھت اسمانی ، ارغوانی لال دھاگےتے مہین وٹےہوئے کتان، بکریاں دی اُنّ ،لیلیاں دیاں لال رنگیاں ہویاں کھلاں تےتخس دیاں کھلاں دے سرپوشاں نال بنائی سی ۔ سانوں ساریاں نوں لازمی ایہہ شیواں واضح طریقے نال جاننیاں چاہی دیاں نیں تے اپنے ایمان دی بوہت پکی نیہ رکھنی چاہی دی اے ۔
ساڈے خُداوند نے ساڈ ے نال وعدہ کیتا پئی اوہ سانوں کامل طریقے نال بچائے گا تے جد ویلا آیا ، اوہنے اپنےآپ اُتے ساڈیاں پاپاں نوں چُکن لئی بپتسمہ لیا ، سولی اُتے مر گیا ، فیر مویاں وچوں جی اُٹھیا ، تے اِنج سچ مُچ سانوں کامل طریقے نال بچا چُکیا اے ۔ ایس لئی اسیں ایس یِسُوعؔ مسیح اُتے ایمان رکھن دے راہیں کامل طریقے نال بچائے گئے آں جنہے ساڈی مکتی دی کامل طریقے نال نیہ رکھی ۔
پر اوہ جیہڑے ایس سچیائی نوں جان دے نیں تے ایس اُتے ایمان رکھن توں فیر وی مکردے نیں سارے لازمی خُدا دی ڈرن والی سزا جرن گے جد اوہناں دی آخری کچہری دا دن آئے گا ۔ اوہناں دے بدن نئیں مرن گے سگوں ہمیش تیک دکھ جرن گے ۔ پاک کتاب سانوں دسدی اے پئی اوہناں لئی صرف بھانبڑ والی سزا ہوئے گی ، تے اوہناں دی دوزخ دی پیِڑ اینی وڈی ہوئے گی پئی اوہ اوہناں بارے اگ نال پکن وانگر دسدی (مرقس ۹: ۴۹)۔ ایہہ سانوں دسدااے پئی صرف عدالت دی اک پکی ڈراؤن والی آس ، تے اگ دی بھٹی جیہڑی ویریاں نوں ساڑ پھوکے گی موجودہوئے گی ۔
جدمحض شریعت نوں قیم رکھن وچ ناکام ہونا ایس ڈراؤنی سزا ول موڑدا اے ، اوہناں لئی کنی وڈی عدالت ہوئے گی جیہڑے خُدا دے پُتر ولوں دتی گئی اپنی مکتی اُتے ایمان نئیں رکھدے؟ ایہہ ہے کیوں سانوں ساریاں نوں لازمی یِسُوعؔ مسیح اُتے ساڈے مکتی داتا وانگر ایمان رکھنا چاہی دی اے، خُداوند اُتے جیہڑا اک بندے دے بدن وچ ایس زمین اُتے آیا ، جنہے اپنے بپتسمے نال اپنے آپ اُتے ساڈیاں ساریاں پاپاں نوں چُک لیا ، جیہڑ ا دُنیا دے ایہناں پاپاں نوں سولی اُتے لَے گیا تے اپنے سولی اُتے مرن نال پاپاں دی ساری سزا چُکی لئی ، جیہڑا فیر مویاں وچوں جی اُٹھیا ، تے جیہڑا ہُن زندہ اے ۔
ایس لئی ساڈے ایمان دی نیہ لازمی پکے طریقے نال رکھی جانی چاہی دی اے
خُدا نے مُوسیٰ نوں خیمۂ اجتماع بناؤن لئی کیوں آکھیا ؟ جد اسیں خیمۂ اجتماع لئی ورتے گئے سارے سامان دی ہر اک شے اُتے دھیان کردے آں ، اسیں ویکھ سکدے آں پئی اوہ سارے سچیائی نوں ظاہر کردے نیں پئی یِسُوعؔ مسیح اک بندے دے بدن وچ ایس زمین اُتے آیا ، یوحنااِصطباغی کولوں لَئے گئے اپنے بپتسمے نال اپنے آپ اُتے ساڈیاں پاپاں نوں چُک لیا ، دُنیا دیاں ایہناں پاپاں نوں سولی اُتے لَے گیا تے ایس اُتے مرگیا ، فیر مویاں وچوں جی اُٹھیا ، اسمان اُتے چڑھ گیا تے خُدا باپ دے تخت دے سجے ہتھ اُتے بیٹھا اے ، تے ہُن ساڈا ہمیش دا خُدا بن گیا اے ۔ ایہدے پھاٹک توں لَے کے ایہدے ستون تیک تے اوہناں دیاں پِتل خانیاں تیک ،خیمۂ اجتماع دیاں ساریاں شیواں سانوں خوشخبری دا سچ وکھاؤندیاں نیں ۔ دوجیاں اکھراں وچ ،سارا پرانا عہد نامہ سانوں یِسُوعؔ مسیح دے بپتسمے ، اوہدی قربانی ، اوہدی پچھان ، تے اوہدیاں مکتی دیاں کماں بارے دسدا پیا اے ۔
پُرانے عہد نامے توں لَے کے نوں عہد نامے تیک ، ایس لئی پئی یِسُوعؔ مسیح ساڈے نال پانی تے رُوح دی خوشخبری دے بارے بولدا اے — یعنی اسمانی ، ارغوانی تے لال دھاگےتے مہین وٹے ہوئے کتان دی خوشخبری—اوہ جیہڑے ایس سچیائی اُتے ایمان رکھدے نیں سدا اسمانی ، ارغوانی تے لال دھاگےتے مہین وٹے ہوئے کتان دے سچ بارے بولدے نیں جد کدی اوہنوں نوں کوئی موقع ملدا اے ۔ ایس لئی پئی اوہناں دی منادی بوہت چوکھی کیتی جاندی تے سُنی جاندی اے ، کئی واری اسیں ایتھوں تیک پئی بھُل سکدے آں پئی ایہہ سچیائی کنی مہنگی اے ۔ پرمحض ایہہ سچ کناں اہم اے ؟ بھاویں جے اسیں سلیمان بادشاہ دی بادشاہی وچ رہندے ہوندے جد مہنگا سونا تے چاندی اینے چوکھے ہوگئے پئی اوہ پتھراں وانگر نظر آؤندے سن ، ایس لئی پئی اسیں سچیائی دا ایہہ کلام خُدا دی کلیسیا وچ ہر روز سُن دے آں ، اسیں کئی واری ایس مکتی نوں معمولی سمجھ سکدے آں ۔پر تہانوں چیتا رکھنا پوے گا : ایہہ سچیائی خُدا دی کلیسیا توں باہر کدھرے وی نئیں سُنی جاسکدی ، تے ایس مکتی دے بغیر کوئی مکتی یافتہ نئیں ہو سکدا ، نا ای ایمان دی نیہ پکے طریقے نال بنا سکدا اے ۔
ایمان جیہدے نال تُسیں تے مَیں مکتی یافتہ ہو گئے آں سچیائی اُتے ایمان اے پئی ساڈا خُداوند سانوں کامل طریقے نال بچا چُکیا اے تے چونہہ دھاگیاں اسمانی ، ارغوانی تے لال دھاگےتے مہین وٹے ہوئے کتان نال پکیائی نال ساڈے ایمان دی نیہ بناچُکیا اے ۔ آؤ مینوں اک واری فیر دُہران دی اجازت دیوو یعنی سانوں ساریاں نوں لازمی اپنیاں دلاں وچ ایس اُتے ایمان رکھنا چاہی دا اے ۔ خُدا نے وعدہ کیتا تے بالکل جویں اوہنے وعدہ کیتا ، اوہ ایس زمین اُتے زنانی دی نسل وانگر آیا (پیدائش ۳ : ۱۵)،اپنے بپتسمے نال اپنے آپ اُتے ساڈیاں ساریاں پاپاں نوں چُک لیا ، سولی اُتے ساڈیاں ساریاں پاپاں دی سزا لَےگیا ، فیر مویاں وچوں جی اُٹھیا ، تے اِنج سانوں کامل طریقے نال بچا چُکیااے ۔ ایس لئی پئی ایہہ اک ایہو جیہا سوکھا سچ اے جیہڑا دسنا تے سمجھنا بوہت سوکھا اے ، اسیں ہر روز ساری دُنیا وچ ایس خوشخبری دی منادی کر سکد ے آں ۔ بِنا شک ،حالے تیک بوہت سارے وچارے لوک ہیگے نیں جیہڑے ایس سچیائی نوں نئیں جان دے ۔ پر ، اوہناں توں ایتھوں تیک پئی بوہتے وچارے جیہڑے ایس سچیائی نوں نئیں جان دے اوہ نیں جیہڑے خُدا دی کلیسیا وچ رہندیاں ہویاں وی ایمان نئیں رکھدے ۔
ایتھوں تیک پئی بھاویں تُسیں سچ مُچ اپنیاں پاپاں توں معافی پا چُکے او ، تہاڈے خیال حالے تیک بھیڑے ہو سکدے نیں ، پر گھٹوگھٹ تہاڈے دل بوہت فروتن بن گئے نیں ۔ پر فریبی جیہڑے اِنج دے نئیں ہیگے ، بھاویں اوہ اپنے آپ اُتے باہرلے پاسیوں فروتن وانگر رنگ کرن دی کوشش کر سکدے نیں ، اپنے اندر دی زندگی وچ اینے بھیڑے نیں پئی اوہ ہر روز خُدا نوں تے بے گنت لوکاں نوں دھوکہ دیندے رہندے نیں ۔تہانوں تے مینوں لازمی پکیائی نال ایمان دی نیہ رکھنی چاہی دی اے ۔ تے ایس مکتی اُتے جیہڑا ساڈا خُداوند ساڈے لئی پکے طریقے نال قیم کر چُکیا اے، سانوں لازمی خُدا دے اگے ایس اُتے ایمان رکھن دےراہیں کھلونا چاہی دا اے ۔
ایمان جیہڑا خیمۂ اجتماع دیاں شیواں وانگر پکیائی نال کھلوتا رہندا اے
خُدا نے سانوں آکھیا اے پئی ایہو جیہے ہدئیے لیائیے تے اوہدا خیمۂ اجتماع بنائیے ۔ تہانوں تے مینوں ساریاں نوں لازمی ایماندار بننا چاہی دی اے جیہڑے ایمان رکھدے نیں پئی یِسُوعؔ مسیح ایس زمین اُتے آیا تے ایس طرح سانوں روحانی طریقے نال بچا چُکیا اے ۔ سانوں اِنج دا ایمان رکھن دے راہیں خُدا دے اگے پکیائی نال لازمی کھلونا چاہی دی اے جیہڑا خیمۂ اجتماع لئی ورتے گئے بناؤن والے سامان وانگر اے ۔ کیہ تُسیں ایمان رکھدے او ؟ کیہ تُسیں سچ مُچ ایس طرح دا ایمان رکھدے او ؟ خُدا دی کلیسیا دے راہیں ، پانی تے رُوح دی خوشخبری دی حالے تیک منادی کیتی جاندی اے ۔ ایس لئی پئی ایہہ سچے ایمان دی اصل نیہ اے ، مَیں ایس بارے بوہت لمی گل نئیں کرسکدا ہاں ۔
ایس دُنیا دیاں بوہت ساریاں کلیسیاواں تے فرقے سچیائی نوں نئیں جان دے پئی یِسُوعؔ نے اپنے بپتسمے نال اپنےآپ اُتے ساریاں پاپاں نوں قبول کیتا تے ایہدی بجائےصرف صلیبی لہو اُتے ایمان رکھدے نیں ۔ ایتھوں تیک پئی ایناں حالاں وچ وی ، ساڈا خُداوند سانوں حالے تیک سچیائی لبھن دی اجازت دے چُکیا اے ۔ کیہڑے سببوں یِسُوعؔ سولی اُتے کِلاں نال جڑیا گیا تے وِنہیا گیا ایہہ سی ایس لئی پئی اوہ یردن دے دریا اُتے یوحنا بپتسمہ دین والے کولوں بپتسمہ لَے چُکیا سی ۔ ایہدا سبب ایہہ سی پئی ایس لئی پئی اوہ اپنے بپتسمے نال اوس اُتے لدے گئے دُنیا دیاں ساریاں پاپاں نوں قبول کر چُکیا سی یعنی اوہ سولی اُتے چڑھیا تے سولی اُتے وِنہیا گیا سی ۔
ایس طرح ، اوہناں دا ایمان جیہڑے صرف صلیبی لہو اُتے ایمان رکھن دے راہیں صرف پاپ توں معافی پاؤن دا دعویٰ کردے نیں اک جھوٹھا ایمان اے جیہڑا ، بے معنی اےبھانویں اوہ کنے ای سچے دلوں کیوں نا ہون سارے اخیریں ٹوٹے ٹوٹے ہو جاندے نیں ۔ ایس توں ہٹ کے پئی اوہ یِسُوعؔ اُتے ایمان رکھن لئی اک اُچی اواز وچ بھیِڑ دے اگے بوہت چوکھی منادی کردے نیں ، اوہناں دا ایمان جیہڑا صرف صلیبی لہو اُتے بھروسہ رکھدا اے ، صرف توبہ دیاں دعاواں پیش کردا اے تے ایتھوں تیک پئی اوہناں دے اپنے پاپ دا مسئلہ حل نئیں کر سکدا اے ، اک کچی نیہ اُتے بنایا گیا اے جیہڑی سوکھی جیہی ڈِگ پوے گا جد مینہ پیندا ، واواں وگدیاں تے سیلاب آؤندے نیں ۔
مَیں آپ ای تقریباً دساں ورہیاں تو ں کسے تفسیر وچ یِسُوعؔ دے بپتسمے بارے نئیں سُنیا سی جدوں توں مَیں یِسُوعؔ اُتے ایمان رکھنا شروع کیتا ۔ پر ، یِسُوعؔ مینوں اپنے سچیائی دے کلام دے نال مِلیا تے مَیں پانی تے رُوح نال نویں سریوں جم سکیا ۔ ہُن ، مَیں جان دا ہاں پئی ساری دُنیا وچ بوہت سارے لوک ہیگے نیں جیہڑے سچیا ئی نوں لبھدے پئے نیں پر حالے تیک ایس تیکر نئیں اَپڑے ۔ مَیں اوہناں نال گل کرنا چاؤہندا ہاں ، تاں پئی اوہ پانی تے رُوح دی سچیائی نوں سُن سکن ، تے ایس طرح اوہ اپنیاں دلاں وچ ایس اُتے ایمان رکھن دے راہیں اپنیاں پاپاں توں معافی پا سکن ۔
تہاڈے نویں سریوں جمن توں پہلوں ، تُسیں ، وی اپنیاں دینی زندگیاں گزاریاں ہون گئیاں ۔ اوس ویلے تُسیں خورے اسمانی ، ارغوانی تے لال دھاگےتے مہین وٹے ہوئے کتان دے بارے وچ نئیں سُنیا سی ۔ ایہو ای نئیں ، تُسیں خورے پانی تے رُوح دی خوشخبری دے بارے وچ نئیں سُنیا سی ، ایس توں کیتےگھٹ پئی ساڈے پاپ یِسُوعؔ اُتے لدے گئے سن جد اوہنے بپتسمہ لیا سی ۔
مسیحیاں لئی اسمانی ، ارغوانی تے لال دھاگےتے مہین وٹے ہوئے کتان دی سچیائی نوں جاننا تے ایس اُتے ایمان رکھنا جویں ایہہ ہیگی اے بوہت ضروری اے ۔ صرف جد ایمان دی نیہ اسمانی ، ارغوانی تے لال دھاگےتے مہین وٹے ہوئے کتان نال رکھی جاندی اے اسیں سارے پکیاں ئی نال تے رَل کے اپنے ایمان نال کھلو سکدے آں ۔ جے تُسیں ایس طرح ایمان نئیں رکھیا اے ، کدی وی چر نئیں ہویا اے— تہانوں ساریاں نوں جیہڑا کرنا اے ایتھوں تیک پئی ہُنے ایمان رکھنا اے ۔ صرف جد تُسیں ایس طرح ایمان رکھدے او تُسیں سارے دے سارے مکتی یافتہ ہو سکدے او اپنے ایمان دی نیہ پکیائی نال بنا سکدے او تے ایس نیہ اُتے اپنے ایمان نوں قیم کر سکدے او ۔
اوہ جیہڑے خُدا دی کلیسیا وچ نیں اوہناں نوں لازمی ایمان دی نیہ وی پکیائی نال رکھنی چاہی دی اے
متی ۲۴: ۴۰ فرماندا اے ،”اوس ویلے دو جنے پَیلی وچ ہون گے اِک لےلِیاتے دُوجا چھڈیا جائے گا ۔ “جد اسیں سارے اوسے سچیائی اُتے ایمان رکھن دا اقرار کردے پئےآں تے ایسے خوشخبری دی رَل کے خُدا دی کلیسیا وچ سیوا کردے پئے آں ، جے ساڈے وچوں کئی بعدوچ پِچھے رہ جان تاں ایس توں بوہتا دکھ والا کم کیہ ہو سکدا اے ؟
ایس لئی پئی خُدا دا کلام سیانا تےشائستہ اے ، ایس لئی ایمان کسے اُتے دابے نال مجبور نئیں کیتا جا سکدا ۔ایس طرح جد تہانوں سنایا گیا خُدا دا کلام نرمی نال سُن دے او ، تہانوں لازمی اک ستھرے دل نال ایس اُتے ، سچیائی ول اپنے دل نوں موڑدیاں ہویاں پئی تُسیں اصل وچ خُدا دا کلام سُن دے پئے او ایمان رکھنا چاہی دی اے ۔جد اسرائیلیاں نے سُنیا جیہڑا مُوسیٰ نے اوہناں نوں آکھیا ،تاں اوہناں نیں ایہنوں اوہدے اپنے بولاں وانگر ناسوچیا سگوں خُدا دے اصل کلام وانگر سمجھیا ۔ ایسے طرح ، جد تہانوں دسیا جاندا اے خُدا دا کلام کیہ کہندا اے ، تہانوں ویکھن لئی جانچن دی ضرورت اے کیہ تُسیں سچ مُچ خُدا دے ایس کلام دے مطابق ایمان رکھدے او یا نئیں ۔ تہانوں کلام اُتے اک ٹھنڈے دل نال دھیان کرن دی ضرورت اے تے فیر ایمان رکھو ایہہ اصل وچ تہانوں کیہ کہندا اے ۔
پاک کتاب نے بیریہ دیاں ایمانداراں دی اوہناں دے خُدا دے کلام دے بارے وچ انصاف بھرے رویے دی تعریف کیتی۔ بیریہ دے ایماندار ”تھِسّلُنیِکے دے لوکاں نالوں بھلے مانس سن۔کیوں جو اوہناں نیں بڑے شوق نال کلام سُن لیا ۔ تے روز روز پاک کتاب وچ لبھدے رہیے ۔پئی ایہہ گلاں ٹھیک ایسے طرح نیں کہ نئیں ۔“(اعمال ۱۷: ۱۱)۔ مختصر ، اوہناں نیں سیانف نال اوہدے کلام اُتے ایمان رکھیا جویں اوہناں نوں سکھایا گیا سی ۔
سچا ایمان سیانے تے بھلے مانس دلوں ملدا اے جیہڑا کلام دی جانچ کردا اے ۔ کیہ تہاڈی مرضی دے خلاف ایمان رکھن لئی مجبور کرنا کوئی سیانف رکھے گا ؟ ایتھوں تیک پئی جے کوئی کسے دوجے نوں ایمان رکھن لئی مجبور کردا اے تاں ، ایہہ اصل وچ سارے دا سارا فضول ہوئے گا ، ایس لئی پئی اِنج کوئی جیہڑا مجبور کیتا جاندا پیا اے خاص کر کے ایمان نئیں رکھے گا اوہنوں کیہ ایمان رکھن لئی کہیا گیا اے ۔ خُدا دے اگے ہر شے دا انحصار ایس گل اُتے ہیگا اے پئی کوئی اپنی من مرضی نال کیہ ایمان رکھدا اے ۔ جے کوئی ایمان نئیں رکھدا جد اوہنوں اوہو ای کہانی بوہتی واری دسی گئی اے ، فیر کوئی دوجا راہ نئیں ہیگا سگوں ایس بندے لئی دوزخ وچ بربادی اے۔
ایس لئی ، ایس ساری دُنیا وچ ہر پاپی ساڈے ترس دا حقدار اے ،پر جے ساڈے وچوں کئی اوہدے کلام اُتے ایمان نئیں رکھدے جویں ایہہ ہیگا اے ایتھوں تیک پئی جویں اسیں سارے خُدا دی کلیسیا دی اکو ای چھت ہیٹھاں ہیگے آں ، فیر ایتھوں تیک پئی اوہ بوہتے ترس دے لائق نیں ۔ ساڈے وچوں اوہناں توں بوہتا کوئی کویں ترس دے لائق ہوسکدا اے جیہڑے دوزخ وچ مک جاندے نیں ، ایتھوں تیک پئی اوہ بدنی طریقے نال ساڈے نال خُدا دی اوسےکلیسیا وچ رہ چُکے نیں ؟
یِسُوعؔ دے باراں چیلے سن ، تے اوہناں وچوں صرف یہوداہ ایمان نئیں رکھدا سی پئی یِسُوعؔ مسیحا تے مکتی داتا سی ۔ ایس لئی یہوداہ نے یِسُوعؔ نوں سدا اک ربی وانگر بلایا ۔ پطرس ، وی یِسُوعؔ نوں کئی واری ربی وانگر بلایا کردا سی ، پر او ہ اخیریں کسے طرح ایمان رکھن لئی آیا تے اقرار کیتا ، ”اے خُداوند تُوں مسیحا تے خُدا دا پُتر ، مکتی داتا ایں جیہڑا میریاں پاپاں نوں مکاؤن لئی آیا ۔ تُوں مکتی دا خُدا ایں ۔ “
دوجیاں اکھراں وچ ، پطرس دا ایمان یہوداہ توں فرق سی ۔ یہوداہ دے یِسُوعؔ توں باغی ہون تے اوہنوں ویچن دے بعدوں ، اوہنے پھا ہ لَے لیا تے اپنے آپ نوں ما ر لیا ۔ بھاویں یہوداہ دوجیاں یاراں چیلیاں نال رہ چُکیا سی ، اخیریں ، اوہ پچھانن وچ ناکام ہو گیا یِسُوعؔ مسیح اصل وچ کون سی ، تے ایس طرح دوزخ وچ مک گیا ۔ایہدے اُلٹ پطرس یِسُوعؔ مسیح نوں پچھانن تے اوس اُتے اپنے مکتی داتا وانگر ایمان رکھن دے راہیں بچایا گیا ،حقیقت دے باوجود پئی اوہ بوہت ساریاں کمیاں رکھن والا بے صبر بندہ سی ۔
ایس طرح ، مکتی انحصار کردی اے کیہ کوئی سچیائی نوں جان دا تے دلوں ایس اُتے ایمان رکھدااے یا نئیں ۔ کوئی سچیائی اُتے ایمان نئیں رکھ سکدا اے جد تیک اوہ ایہنوں جان دا نا ہوئے ۔ پر ، جے لوک سچیائی اُتے ایمان نئیں رکھدے ایتھوں تیک پئی اوہ ایہنوں جان دے وی نیں ، اوہ ایتھوں تیک پئی بوہتی وڈی سزا نوں جرن گے (لوقا ۱۲ : ۴۸)۔ ایہہ ہے کیوں خُدا سانوں دسدا پیا اے پئی ساڈے ایمان دی نیہ لازمی پکی تے سِدھی ہونی چاہی دی اے ۔
ساڈا ایمان کِنج دا اے ؟
کیہ ہُن ساڈے ایمان دی نیہ پکی ہوگئی اے ؟ کیہ ایہہ پکی اے ؟ کیہ تُسیں ایمان رکھدے پئی خُداوند نے تہانوں لازمی طریقے نال بچایا اے؟ پانی تے رُوح دے راہیں ، ساڈا خُدا وند بِنا شک سانوں لازمی طریقے نال بچا چُکیا اے ۔ ایہہ کوئی اچرج شے نئیں اے جِس دی صرف ساڈا فرقہ تعلیم دیندا پیا اے ، سگوں ایہہ اوہو ای اے جہدا خُدانے پُرانے عہد نامے وچ وعدہ کیتا سی تے جیہڑی پئی اصل وچ یِسُوعؔ نویں عہد نامے وچ پوری کر چُکیا اے — ایہہ ہے ، یعنی مسیح کویں پکےطوراُتے سانوں بچا چُکیا اے ۔
یِسُوعؔ بادشاہواں دا بادشاہ(ارغوانی دھاگہ)اے جیہڑا اک بندے دے بدن وچ ایس زمین اُتے آیا ، اپنے بپتسمے (اسمانی دھاگہ )نال اپنے آپ اُتے دُنیا دیاں پاپاں نوں چُک لیا ، ایہناں پاپاں نوں سولی اُتے لَے گیا تے سولی اُتے مرگیا (لال دھاگہ )،فیر مویاں وچوں جی اُٹھیا تے اِنج سانوں بچا چُکیا اے ۔ اوہنے وعدہ کیتا پئی اوہ اِنج پُرانے عہد نامے وچ کرے گا تے اوہ بِنا شک نویں عہد نامے وچ ایہہ وعدہ پورا کرن دے راہیں سانوں بچا چُکیا اے ۔ کیہ تُسیں ایمان رکھدے او ؟ ایس توں علاوہ کوئی وی ایمان دی پکی نیہ نئیں ہیگی ۔
ساری دُنیا وچ اربوں مسیحی ہیگے نیں ، تے حالے تیک اوہناں وچوں بوہتیاں لئی اوہناں دے ایمان دی نیہ ماڑی اے ۔ اسیں بوہت ساریاں مسیحی کتاباں نوں جیہڑیاں پئی ہُن ہیگیاں نیں ، جانچن دے راہیں ایہہ جان سکدے آں پئی لوک ٹھیک ایمان رکھدے نیں یا نئیں ۔ ایہناں کتاباں دے لکھاری مسیحیاں دے آگُو ہون ول رُجحا ن رکھدے نیں، تے اوہناں دیاں کتاباں پڑھن دے راہیں اسیں لبھ سکدے آں کیہ اوہ سچیائی دی ٹھیک تعلیم رکھدے نیں یا نئیں ۔ جے ایتھوں تیک پئی ایہناں آگُوآں وچوں صرف اک وی نئیں جان دا یا سچیائی اُتے ایمان نئیں رکھدا بھاویں اوہ ایہنوں جان دا اے ، فیر ایہو جیہے آگُو پِچھے چلن والے سارے دوزخ جان دے حقدار ہون گے ۔ دکھ والی سچیائی ایہہ ہیگی اے پئی بوہت مشکل کوئی ساری سچیائی نوں جان دا اے ، ایناں گھٹ پئی ۱۰ لکھ وچوں اک ۔ ایہو ای سبب اے پئی ساڈے وچوں تھوڑے جیہڑے سچیائی بارے جان دے نیں اوہناں نوں وفاداری نال ساری دُنیا وچ خوشخبری نوں ودھاؤنا اے ۔
خُدا ساڈے راہیں کم کردا پیا اے ۔ تُسیں تے مَیں بچ نئیں سکدے آں سگوں خوشخبری دی منادی کر سکدے آں ، ایس لئی پئی پانی تے رُوح دی ایس خوشخبری دی ساری دُنیا وچ منادی نہ کرنا خُدا دے اگے اک وڈا پاپ کرن وانگر اے ۔ اصل وچ ، جے اسیں سچ مُچ آکھا نئیں من دے تے ایمان وچ ایس کم دی سیوا نئیں کردے ، فیر اسیں بِنا شک خُدا دے اگے اک وڈا پاپ کردے پئے ہوواں گے ۔ ایہہ لوکاں نوں دوزخ وچ گھلن دا پاپ دااے ایتھوں تیک پئی اسیں جان دے آں اسیں ایہنوں روک سکدے آں ؛ ایہہ صرف اک نامعاف ہون والا پاپ اے پئی لوک اپنے عقل دے گھاٹے وچ دوزخ وچ مک جان گے ایس لئی پئی ساڈے وچوں اوہ جیہڑے سچیائی نوں جان دے نیں اوہناں نیں اپنے مُنھ بند رکھےہوئے نیں ۔
جے اسیں اپنے حوالے کیتا گیا کم پورا نئیں کردے ، ایہہ لوک ساڈے اگے ہڑتال کرن گے ، ایس لئی پئی ایہہ ساڈا ضروری کم اے ۔ پاک کتاب ، سانوں ایہہ آکھدیاں ہویاں خبردار کردی اے ، ”پر جے راکھا تلوار نوں آؤندیاں ویکھے تے تُرہی نہ پھوکے تے لوک ہوشیار نہ کیتے جان تے تلوار آئے تے اوہناں وچکار کسے نوں لَے جائے تاں اوہ تاں اپنی بدکاری وچ مریا پر مَیں راکھے توں اوہدے لہو دی پُچھ گِچھ کراں گا “ (حزقی ایل ۳۳: ۶)۔ اسیں جیہڑے پہلوں جان چُکے تے پہلوں ایمان رکھ چُکے آں سانوں لازمی راکھے دا ایہہ کم کرنا چاہی دا اے ۔
مَیں خُداونددا سانوں ایہہ خوشخبری دین لئی تے سانوں ایس سچ نوں جانن دے لائق کرن لئی شکر ادا کردا ہاں ۔ مَیں ایتھوں تیک پئی اوہدا بوہتا شکر ادا کردا ہاں جد مَیں احساس کردا ہاں پئی اسیں ایس دُنیا وچ تھوڑے جیہے چُنے ہوئے آں جیہڑے ایس سچیائی نوں جان دے آں تے ایس خوشخبری اُتے ایمان رکھدے آں ۔ اسیں ساری دُنیا وچ بوہت ساریاں پادریاں تے دُنیادار ایمانداراں تیک پانی تے رُوح دی خوشخبری دی منادی کر چُکے آں ، پر ہر روز اسیں سچیائی دی تصدیق کر چُکے آں پئی کوئی وی نئیں ہیگا سی جیہڑا اصل وچ جاندا سی تے ایس خوشخبری اُتے پہلوں توں ایمان رکھدا سی ۔ ساڈے راہیں پانی تے رُوح دی سچیائی دی خوشخبری دے مناد ساری دُنیا وچ ودھدے پئے نیں ۔ ساڈے وانگر ، اوہ وی ایمان دی پکی نیہ رکھدے نیں تے ایس پکے ایمان نوں ودھاؤندے پئے نیں ۔
جے ایہو جیہے بوہت سارے لوک نیں جیہڑے خوشخبری نوں ودھاؤندے پئے نیں ، تاں اسیں خورے تھوڑا سُکھ دا ساہ لَے سکدے آں تے اپنی خوشخبری دی منادی وچ تھوڑا آرام کر سکدے آں ، پر دکھ دی گل اے پئی ایس دُنیا وچ حالے تیک اینے لوک نئیں ہیگے جیہڑے جان دے تے ایس سچیائی اُتے ایمان رکھدے نیں ۔ بوہت سارے دُنیا دی تاریخ وچ اِصلاح کاری دیاں کامیابیاں دا غلط حساب کر چُکے نیں ۔ جد اسیں ایہدا تفصیل نال معائنہ کردے آں ، اسیں لبھ سکدے آں پئی اِصلاح کار ،اِصلاح کاری وچکار پاک کتاب دے ایمان دی نیہ دے پہلے بٹن نو ای غلط رکھ چُکے سن، تے ایہدے بعدوں آؤن والی ہر شے نوں وی غلط تھاں اُتے رکھیا گیا سی ۔ ایہناں بعد دیاں غلطیاں نوں ٹھیک کرن توں ہٹ کے ، پہلابٹن حالے وی غلط اے ، ایہہ حالے وی کچا اے ؛ ایس طرح ، مسیحیت دی تاریخ نوں لازمی دوبارہ لکھیا جانا چاہی دا اے ۔
مَیں آس رکھدا تے دعا منگدا ہاں پئی تُسیں سارے خُدا دے اگے اپنے ایمان دی پکی نیہ اُتے کھلوووگے ، تے ایہہ پئی ایمان دی ایس نیہ اُتے ، تُسیں سچی خوشخبری دی سیوا وچ اپنیاں زندگیاں گزاروگے ۔ جد تُسیں خوشخبری لئی زندگی گزاردے او ، تہاڈے دل ربوں خوشی نال بھر جان گے ۔ جد کوئی خوشخبری لئی زندگی گزاردا اے ، اوہدا دل اک روحانی بندے دا دل ہو جاندا اے ۔تے جویں پئی پاک رُوح تہاڈیاں دلاں نوں بھردا اے تے اوہناں وچ کم کردا اے ، اوہ سارے خوشی نال بوہت چوکھے وگدے پئے ہون گے ۔
پر جے تُسیں خوشخبری لئی زندگی نئیں گزاردے سگوں صرف اپنی بدنی تمناواں پِچھے نس دے او ایتھوں تیک پئی تُسیں پاپ توں معافی پا چُکے او تےپانی تے رُوح دی خوشخبری نوں جان چُکے او ، فیر تُسیں بے مقصد ،سکھنیاں زندگیاں گزاردیاں ہویاں مک جاووگے ۔
مَیں خدا دا سانوں ایہہ مہنگی خوشخبری دین لئی تے سانوں مفت ساڈی مکتی دین لئی شکر ادا کردا ہاں ۔ ایہہ میری دعا تے تمنا اے پئی تُسیں سارے اک واری فیر اپنے ایمان دی جانچ کروگے ،تے اسمانی ، ارغوانی تے لال دھاگے تے مہین وٹےہوئے کتان د ے راہیں کامل مکتی دا انعام پاووگے ۔
Copyright © 2021 by The New Life Mission