Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 8: پاک رُوح
[8-16] پاک رُوح پاؤن والیاں دا مقصد <یسعیاہ ۶۱: ۱ ۔ ۱۱>
>یسعیاہ ۶۱: ۱ ۔ ۱۱>
” خُداوند خُدا دی رُوح میرے اندر ہیگی اے کیوں جے اوہنے مینوں مسح کیتا تاں پئی حلیماں نوں خوشخبری سناواں ۔ اوہنے مینوں گھلیا پئی ٹُٹے ہوئے دلاں نوں تسلی دیواں ۔ قیدیاں لئی چھٹکارا تے غلاماں لئی مکتی دا اعلان کراں ۔تاں پئی خُداونددے منے جان دے ورہے دا تے اپنے خُدا دے بدلہ لین والے دیہاڑے دی منادی کراں تے سارے غم دے ماریاں نوں دلاسہ دیواں ۔ صیون دے غم دے ماریاں لئی ایہہ مقرر کر دیواں پئی اوہناں نوں سواہ دی تھاں اُتے سہرا تے ماتم دی تھاں اُتے خوشی دا تیل تے پریشانی دی تھاں اُتے عبادت دی عزت والی پوشاک دیواں تاں پئی سچیائی دے رُکھ تے خُداونددے لائے ہوئے اَکھوان پئی اوہدا جلال وکھالی دیوے ۔ فیر اوہ پُرانے اُجڑے گھراں نوں بناؤن گے تے پُرانی برباد تھاواں نوں فیر آباد کرن گے تے اوہناں اُجڑے شہراں نوں بناؤن گے جیہڑے پیڑھیوں پیڑی اُجڑے پئے سَن ۔ پردیسی آکھلون گے تے تہاڈے ڈنگراں نوں چراؤن گے تے اوپریاں دے پُتر تہاڈے ہل چلاؤن تے انگوردے باغاں دے کامے ہون گے ۔ پر تسیں خُداوند دے کاہن اَکھواؤ گے ۔ اوہ تہانوں ساڈے خُدا دے خادم آکھن گے ۔ تسیں قوماں دا مال کھاووگے تے تسیں اوہناں دی شان اُتے گھمنڈ کروگے ۔ تہاڈی شرمندگی دی تھاں اُتے تہانوں تھوڑاجیہاملے گا ۔اوہ اپنے غصے ہون دی تھاں اُتے اپنے حصے توں خوش ہون گے ۔ ایس لئی اوہ اپنے ملک وچ تھوڑیاں شیواں دے مالک ہون گے تے اوہناں نوں ہمیش دی خوشی ملے گی ۔ کیوں جے میَں خُداوندانصاف کرن نوں چنگیاں جان دا ہاں تے بربادی تے ظلم توں نفرت کردا ہاں ۔ سو میَں انصاف نال اوہناں دے کماں دا مُل دیواں گا تے اوہناں نال ہمیشگی دا وعدہ کراں گا ۔ اوہناں دی نسل لوکاں وچ مشہور ہووے گی تے اوہناں دی اولاد لوکاں وچکار ۔اوہ جیہڑے اوہناں نوں ویکھن گے منن گے پئی ایہہ اوہ نسل ہیگی اے جنہوں خُداوندنے برکت دتی اے ۔ میَں خُداوند توں بوہت خوش ہوواں گا ۔ میرا دل میرے خُداوچ سرور لوے گا کیوں جے اوہنے مینوں مکتی دے لیڑے پوائے ۔ اوہنے راستبازی دی عزت والی پوشاک نال مینوں ڈھکیا جویں لاڑا سہرے نال اپنے آپ نوں سواردااے تے ووہٹی اپنے گہنیاں نال شنگار کردی اے ۔ کیوں جے جویں دھرتی اپنے اندروں گھاہ بوٹیاں پیدا کردی اے تے جویں باغ اوہناں شیواں نوں جیہڑیاں اوہدے وچ بیجیاں گئیاں نیں ،اَگاؤندااے ، اوسے طرحاں خُداوندخُدا سچیائی تے عبادت نوں ساریاں لوکاں اَگے وکھائے گا ۔ “
اوہناں دا مقصد کیہ ہیگا اے جنہاں پاک رُوح پایا اے ؟
جگ دے سارے لوکاں تیک پانی تے رُوح دی خوشخبری دی منادی کرنا ، اوہناں دا مقصد ہیگااے
اک بندہ جنہیں پاک رُوح پایا اے ،اوہنوں کیہ کرنا چاہی دااے ؟ اوہنوں سارے لوکاں تیک پانی تے رُوح دی خوشخبری دی منادی کرنی چاہی دی اے ۔ خُدا نے پانی تے رُوح دی نویں سریوں جمن دی سوہنی خوشخبری او ہناں دے حوالے کیتی اے ،جنہاں پاک رُوح دی بھرپوری پائی اے ۔ اوہ جنہاں خُدا دے اَگے اپنے پاپاں توں معاف پائی سی ، پاک رُوح پاؤندے نیں ۔ فیر تسیں کیوں سوچدے او ، خُدا اوہناں نوں پاک رُوح دا انعام کیوں دیندااے ؟
اوہناں نوں ایہہ پکی ضمانت دین لئی پئی اوہنے اوہناں نوں اپنے پُتر بنا لیااے ، اوہ اوہناں نوں پاک رُوح دا انعام دیندااے ۔ اوہ اوہناں نوں شیطان اُتے فتح پاؤن وچ اوہناں نوں مدد دین دی آس وی رکھدااے ۔اوہ اوہناں نوں جنہاں اپنے پاپاں توں معافی پائی اے تے اوہ جنہاں پاک رُوح دی بھرپوری پائی اے ،ہیٹھاں لکھے ہوئے کم کرن دے لائق بناؤندااے :
اوہ اوہناں نوں غریباں تیک خوشخبری دی منادی کرن دے لائق بناؤندااے
غریباں لئی خوشخبری کیہ ہیگی اے ؟ ایہہ پانی تے رُوح دی خوشخبری ہیگی اے ۔ خُدا نے اوہناں نوں جنہاں نے پاک رُوح دی بھرپوری پائی اے غریباں تیک خوشخبری دی منادی کرن دا حکم دتا اے ۔ اوہ جنہاں نیں پاک رُوح پایا اے ،کیوں جے اوہ بہشت دی آس رکھدے نیں ، اوہناں نوں کدی دھرتی دی شیواں نال کوئی سکون نئیں ملدااے ۔
خُدا نے غریباں نوں پانی تے رُوح دی خوشخبری دتی تے اوہناں دے پاپ معاف کیتے ۔ فیر اوہنے اوہناں نوں پاک رُوح دی بھرپوری دتی تے اوہناں نوں ہمیشگی دی دنیا وچ جان دیندااے۔ خُدا نے راستبازاں نوں غریباں تیک پانی تے رُوح دی خوشخبری دی منادی کرن دا حکم دتا ۔ اوہنے اوہناں نوں خُدا تے یسوع اُتے ایمان رکھن نوں ودھاؤن دی ہدایت وی کیتی ۔ ایس سبب توں خُدا نے سانوں پاک رُوح دتا تاں پئی اسیں جگ دے غریباں تیک بوہتی بوہتی سوہنی خوشخبری دی منادی کریے ۔
اوہ سانوں ٹُٹے دلاں نوں چنگیاں کرن لئی گھلدااے
کویں ساڈاخُداوند ساڈے دلاں نوں چنگیاں کردااے ؟ اوہ ٹُٹے دلاں نوں پانی تے رُوح دی خوشخبری نال چنگیاں کردااے ۔ ٹُٹے ہوئے دلاں والے بوہتے لوک ہیگے نیں ۔ اوہناں لئی ، جندڑی بے مقصد ہیگی اے تے اوہناں دی اپنی راستبازی اُ کا گئی گواتی ہیگی اے ۔ اوہناں دیاں جنڈریاں اوہناں دے پاپاں دے سبب تنگ تے دُکھ بھریاں نیں ۔ایس لئی ،اوہ اپنی جندڑی بارے شکا ں دے سبب بوہت وڈے دُکھڑے سہندے نیں ۔سارے لوک رُعب نال جیون دی آس رکھدے نیں تے اپنے بدن تے رُوح وچ خوشیاں دے مزے لینا چاہندے نیں ، پر ایہہ ایناں سوکھا نئیں ہوندا جویں مطلب اے ،جدوں لوک چوراں توں اپنا سارامال چوری کروا لیندے نیں۔
ایسے طرحاں ، اپنے دل دے پاپاں نال اوہ اپنی ساری راستبازی توں لگاتار لٹیندے رہندے نیں ،تے اخیریں اپنے پاپاں دے سبب دوزخ وچ چلے جاندے نیں ۔ایس سبب توں خُداوند نے ٹُٹے ہوئے دلاں اُتے ترس کھاندیاں ہویاں سانوں اوہناں تیک سوہنی خوشخبری دی منادی کرن دا حکم دتا اے ۔ کیہڑے بول نال خُدا نے اوہناں نوں شفا دتی ؟ اوہنے اِنج پانی تے رُوح دی خوشخبری نال کیتا ۔اوہنے ٹُٹے دلاں نوں چنگیاں کیتا تے اوہناں نوں ہمیش دی حیاتی وی دِتی ۔
اوہ پاپ دے قیدیاں لئی مکتی دا اعلان کردااے
اوہ قیدیاں نوں مکتی دیندااے ۔ ایہدا کیہ مطلب ہیگااے ؟ ایہدا مطلب ہیگااے پئی خُدا نے لوکاں دیاں جاناں نوں جگ دے سارے پاپاں توں مکتی دتی اے ۔ اوہنے ایہہ حق صرف اوہناں نوں دتا اے جنہاں نے پاک رُوح پایا اے ،تے اوہ دوجیاں نوں اوہناں دے پاپاں توں مکتی دے سکدے نیں ۔
اک بندے دا بدن تے جان ہوندی اے ۔تے اوہدا بدن تے جان پاپ تے شریعت دی لعنت دے قیدی ہوکے جیوندے نیں ۔ اوہ کُجھ نئیں کر سکدا سگوں پاپ دے قیدی وانگر جیوندا اے ، ایس توں ہٹ کے اوہ خُدا اُتے ایمان رکھدا اے یاں نئیں ۔ پاپ نال جمیا اوہ بندہ بچ نئیں سکدا سگوں پاپ کردااے ۔ ایس طرحاں ، اوہ اپنی ساری حیاتی پاپ دے قیدی وانگر جیوندے رہن دا لیکھ رکھدااے ۔ اوہ ایس طریقے نال جیوندااے تے اخیریں برباد ہو جاندااے ۔
ایس سبب توں اوہ ایس برباد ہون والی جندڑی وچ جد پئی اپنے ماڑے ہون بارے دلی ترس وچ پھسیا ہویا جنہے اوہنوں ایس حالت وچ پوہنچایا اے ، جیوندااے ۔ خُدا نے اوہناں لئی پاک رُوح نوں گھلیا جیہڑے بچ نئیں سکدے سگوں پاپ کردے تے تباہ ہون دا نصیب رکھدے نیں ،تاں پئی اوہ پاپ وچ رہن والیاں تیک سوہنی خوشخبری دی منادی کر سکن تے قیدیاں نوں اوہناں دے سارے پاپ توں مکتی دے سکن۔
اوہ سارے غم دے ماریاں نوں تسلی دیندااے
خُدا نے اوہناں نوں کیہ دتا جیہڑے ہاڑے پاؤندے نیں ؟ اوہناں نوں معافی دی خوشخبری دے کے ،خُدا جگ دے سارے لوکاں نوں تسلی دیندااے جیہڑے ہاڑے پاؤندے نیں ۔ اوہنے یسوع مسیح نوں ایس دھرتی اُتے انسانی پیڑھی نوں اوہناں دے پاپاں توں مکتی دین لئی گھلیا تے اوہدے اُتے سارے جگ دے پاپاں نوں لدن لئی اوہنے اوہنوں یوحنا کولوں بپتسمہ دِلوایا تے اوہ سولی اُتے مرگیا ۔ایس طرحاں خُدا نے سانوں ساڈے پاپاں توں پاک کیتا ۔ ایس طرحاں خُدا نے سانوں جگ دے سارے پاپاں توں بچایا ۔
ساڈا خُداوند اوہناں ساریاں نوں جیہڑے روندے کُرلاؤندے نیں پانی تے رُوح دی سوہنی خوش
خبری دی منادی کرن دے راہیں تسلی دیندااے ۔ اِنج کر کے اوہ اوہناں نوں برکت دیندااے جیہڑے ادھورے ایمان نال دُکھڑے سہندے نیں ۔ اوہ صرف اوہناں دی ایس سوہنی خوش خبری دی منادی کرن تے ٹُٹے ہوئے دلاں نوں چنگیاں کرن تے پاپ دے قیدیاں نوں مکتی دین لئی اَگوائی کردااے ، جنہاں نیں پاک رُوح پایا اے ۔
ایس جگ وچ ساڈے ہون دا مقصد ،ساڈے خُداوند دے راہیں معافی پاؤنا تے فیر اوہناں تیک سوہنی خوشخبری دی منادی کرنا اے ،جیہڑے پاپ دے قیدی نیں تے پاپ توں مکتی پاؤن دی تسلی دی لوڑ رکھدے نیں ۔ خُدا سانوں دَسدا اے پئی بھاویں ساڈی حیاتیاں تھوڑیاں جیہاں نیں ، اوہ بے مقصد نئیں ہیگیاں ۔ مطلب اے خُدا نے انسانی پیڑھی لئی پاپ توں مکتی تےبوہت ودھیا برکتاں بنایاں نیں ، ایہہ ایس سچ دا ثبوت ہیگے نیں۔
ساڈے خُداوند نے ہاڑے پاؤن والیاں لئی جلال دا اک سہراوی بنایا اے ۔ ایہدا مطلب اے پئی پاپی اپنے اپنے پاپاں توں مکتی پاؤندے نیں ،یسوع دے بپتسمے دا شکر ہووے تے اِنج ای اَسمانی بادشاہی وچ جاندے نیں ۔ جے کوئی اپنے پاپاں توں مکتی پاؤندااے ،اوہدا دل صاف ہو جاندااے تے ایس ودھیا برکت دی وڈیائی کرن لئی آؤندااے ۔ ساڈا خُداونداوہنوں جلالی سہرا دیندااے ۔اوہنے پاپیاں نوں پانی تے رُوح دی خوشخبری دتی تے اوہناں نوں جیہڑے اوہدے اُتے ایمان رکھدے نیں اپنے پُتر بنایا اے ۔ اوہ جیہڑےایس سوہنی خوشخبری اُتے ایمان رکھدے نیں ،پریشانی دی تھاں اُتے خوشی مانن لئی بنائے گئے نیں ۔
بالکل جویں سارے لوک روندیاں ہویاں جمے دے مردے نیں ،خوشی گھڑی پل دی ہیگی اے ۔ تے اوہناں دےدل بوہتے پریشانی نال بھرے ہوئے نیں ۔فیر وی ، خُداوند اوہناں نوں ملیا تے اوہناں لئی آس تے خوشی نال نویں سریوں جمن دا سبب بنیا۔ ایسے طرحاں ، اوہ جیہڑے سوہنی خوشخبری اُتے ایمان رکھن نال نویں سریوں جمدے نیں ،نویں حیاتی بسرکردے تے نویں کم کردے نیں ۔ اگانہہ ہور ،اوہ خُدا دی مرضی مطابق کرن دے لائق ہیگے نیں ،تے جگ دے سارے پاپیاں تیک پانی تے رُوح دی خوشخبری دی منادی کرن ،تے اوہناں دے دلاں وچوں ساری پریشانی نوں کڈھن تے ایہدی تھاں اُتے اوہناں نوں ساریاں کماں وچ ہاسے تے خوشیاں دے مزے لین بارے دَسدے نیں ۔
اوہ جیہڑے خُدا دے راہیں اپنے پاپاں توں مکتی پاؤندے نیں ،اوہنوں جلال دیندے نیں ۔ اوہنے راستبازاں نوں سوہنی خوشخبری دی منادی کرن دا حکم دتااے ۔ اوہنے اوہناں نوں منادی کرن دا حکم دتا ، اوہ کون ہیگے نیں، اوہنے سانوں کیہ خوشخبری دتی اے تے اَسمانی بادشاہی کِنی جلالی ہیگی اے ،جیہڑی اوہنے ساڈے لئی بنائی اے ۔اسیں اوہدے راہیں معاف ہوئے اوہناں لوکاں وچ خُدا دا جلال ویکھ سکدے آں ۔ اوہ جنہاں نیں پاک رُوح دی بھرپوری پاؤن توں پہلاں اپنی جندڑیاں وچ ہاڑے پائے سَن ہُن ہسدے تے خوشیاں مناؤندے نیں ،اوہ جیہڑے پاپ دے قیدی سَن ،ہُن مکتی محسوس کردے نیں ۔ تے اوہ جنہاں نے بے مقصد حیاتی بسر کیتی ہُن اک راستباز حیاتی بسر کردے نیں ۔ ایہہ سارے خُدا دا جلال وکھاؤندے نیں ۔ خُدا نے راستبازاں نوں پُرانے کھنڈر بناؤن والیاں وانگر دسیا اے ۔ تے پُرانیاں برباد تھاواں آباد کرن گےتے اُجڑے شہراں نوں فیر بناؤن گے ۔
اصل وچ ، ایہہ پانی تے رُوح دی سوہنی خوشخبری مُڈھلی کلیسیا دے دناں وچ رسولاں ولوں ودھائی گئی خوشخبری ہیگی سی ۔ یسوع گھٹوگھٹ ۲ ہزار ورہے پہلاں جگ وچ گھلیا گیا سی ۔ایس جگ وچ پانی تے رُوح دی سوہنی خوشخبری دی ۳ سو سال یسوع دے بعدوں منادی کیتی گئی سی۔ راستبازاں دے راہیں ودھائی جان والی خوشخبری اَج اوہو ای پاک رُوح دی خوشخبری ہیگی اے ، جیہدی رسولاں نیں اوس ویلے منادی کیتی سی ۔ فیر وی ، رومی بادشاہی دے مُڈھلے چوتھی صدی دے دناں وچ جدوں روم نیں مسیحیت نوں اک ریاستی دین بنایاسی تے ایہدے وسن والیاں نوں دینی آزادی دتی سی ، یسوع دے بپتسمے دی خوشخبری مٹھی پَے گئی تے ہولی ہولی مُک گئی ۔ایہہ ایہدے بعدوں سی ،جدوں مسیحیت پکے دین وانگر بوہتی بوہتی خوشحال ہو گئی ، مطلب اے اصل لوک جنہاں نیں سچی خوشخبری د ی منادی کیتی غائب ہو گئے سَن۔
کیوں اوہناں دا ایمان جنہاں نے ایمان رکھیا سی تے سچی مسیحیت تےسچی خوشخبری دی منادی کیتی بدل گیا سی ؟ مسیحیت دے رومی بادشاہی دے اک دینی ریاست بن جان دے بعدوں ، مسیحی کئی پابندیاں توں چھُٹ گئے تے اوہناں ای سہولتاں نال ،رومی شہریاں وانگر مزے لین لئی آئے ۔ مسیحی فیر ، روم دے چنگے لوکاں نال ویاہ کرن دے لائق ہوئے سَن تے سرکاری نوکریاں وی کر سکدے سَن ۔ایس سہولت دے سبب ،اوہناں دا ایمان جی اُٹھن دے ایمان توں صرف اک دین دے ایمان وچ گھٹ دا گیا سی ۔ فیر اوہدے بعدوں ، پانی تے رُوح دی سوہنی خوشخبری غائب ہو گئی سی تے دنیاوی مسیحیت دی اک گئی گواتی قِسم ودھن لگ پئی سی ۔
خُدا سانوں اخیری دناں دے مسیحیاں نوں ،اوہدی چھیتی آمد دے ویلے اُتے پانی تے رُوح دی خوشخبری دی منادی کرن دا ، جیہڑی بوہت لمے چِر توں بربادی وچ سُٹی گئی سی ،تے اِنج انسانی پیڑھی نوں اوہناں دےپاپاں توں بچاؤن دا حکم دیندااے ۔ اوہ پانی تے رُوح دی سوہنی خوشخبری وچ دوبارہ جان پاوے گا ،
جیہدی رسولاں دے دناں وچ منادی کیتی جاندی سی ۔ رسولاں دے دناں دی خوشخبری یسوع دے بپتسمے تے اوہدے صلیبی لہو دی سوہنی خوشخبری ہیگی سی ۔ اوہ سانوں ایہو جیہے بندے آکھدااے ،جیہڑے اُجڑے شہراں دی مرمت کردے نیں ۔ اوہنے سانوں پانی تے رُوح دی خوشخبری نوں سکھن تے ایمان رکھن دے لائق بنایا تے سانوں اپنے انگور دے باغاں دے کامے بنایا ۔
خُدا سانوں اوہو ای کم دیندا اے ،جیہڑا اوہنے رسولاں دے راہیں کیتا سی ۔اوہنے تہانوں تے مینوں پانی تے رُوح دی ایس اصل خوشخبری دی منادی کرن لئی بنایا ۔ ” خُداوند خُدا دی رُوح میرے اُتے ہیگی اے ،کیوں جے اوہنے مینوں مسح کیتا ، تاں پئی حلیماں نوں خوشخبری سناواں ۔“ خُدا اوہناں نوں جنہاں نیں پہلاں ای پاک رُوح پایا اے، خوشخبری دی منادی کرن لئی بنایا تے سانوں پاک رُوح دتا ۔
خُدا نے سانوں پھُلا ں والا سہرا دتا ، ساری پریشانی نوں دُور کیتا تے ساڈے وچ خوشی ودھاکے سانوں عبادت دی عزت والا بانا پوایا ۔ اوہ جیہڑے اپنے دلاں وچ پاک رُوح رکھدے نیں ، دوجیاں لئی ، اوہناں پاؤن واسطے ایس سوہنی خوشخبری دے بیج بیوندے نیں ۔ فیر اوہ وی خُدا ولوں دتی گئی خوشخبری نوں منن گے ، مکتی پاؤن گے تے اخیریں پاک رُوح پاؤن گے ۔
اسیں خُدا دے کامے بن گئے آں ۔ تسیں تے میَں اَسمان دی بادشاہی دے جلال نال برکت پائی اے ۔ فیر وی ، خُدا نے اوہناں نوں جنہاں نیں پاک رُوح نئیں پایا ،انھیاں کر دتا ، تاں پئی اوہ ایس سوہنی خوشخبری نوں جان ،ویکھ یاں سمجھ نہ سکن۔اوہ خورے دوجیاں نوں صرف ناں دا ای یسوع اُتے ایمان رکھن دے لائق کر سکدے نیں ،پر کدی اوہناں نوں پاک روح پاؤن دے لائق نئیں کر سکدے ۔
خُدا وند نےاوہناں دے راہیں ہیٹھاں لکھے ہوئے کم کیتے نیں ،جنہاں پاک روح پایا اے ۔ اوہنے اوہناں نوں غریباں لئی خوشخبری دی منادی کرن تے پانی تے رُوح دی خوشخبری نال ٹُٹے دلاں نوں چنگیاں کرن لئی بنایا ۔ اوہنے پاپ دے قیدیاں نوں مکتی دی سچی رہائی وی دتی اے تے اوہناں ساریاں نوں جیہڑے ہاڑے پاؤندے نیں پانی تے رُوح دی سوہنی خوشخبری نال تسلی دتی اے ۔ اوہنے اوہناں نوں مکتی دتی جیہڑے اپنے ماڑے ہون دے سبب پاپاں دی قید وچ سَن ،اوہناں نوں خوشی تے آس دتی تے فیر اَسمان اُتے چلا گیا ۔
ایہدے پِچھے چلدیاں ہویاں پاک روح جیہڑا ساڈے وچ رہندااے ، اوہنے سانوں سارے لوکاں تیک پانی تے رُوح دی خوشخبری دی منادی کرن لئی بنایا اے ۔ یسوع مسیح نے اوہناں نوں جنہاں نیں مکتی پائی اے ، تے اپنے اندر پاک روح پایا اے ، ساریاں پاپیاں نوں اوہناں دے پاپاں توں بچاؤن دا حکم دتا اے ۔ خُداوند نے اوہناں نوں جنہاں نے پاک روح دی بھرپوری پائی اے ،مالک ہون دی طاقت دتی ، اوہنے کیہ کرن دا ارادہ بنایا ۔ اوہنے سارے راستبازاں نوں اپنا کم کرن لئی بنایا ۔اسیں اوہدے کامے ہیگے آں ، مطلب اے اوہ لوک جیہڑے اوہدے انگوراں دے باغ ، خُدا دی کلیسیا وچ کامیاں وانگر مقرر کیتے گئے سَن ۔اسیں اوہدے خادم ہیگے آں ۔ خُدا نے سانوں ایہہ حیران کرن والیاں برکتاں دتیاں نیں ۔
سانوں ساڈے کمیاں گھاٹیاں دا پتہ اے جدوں اسیں اپنے بدن ول ویکھدے آں ، پر کیوں جے خُدا ساڈے نال کم کردااے ،اسیں اوہدے اُتے ایمان رکھدے آں تے ایمان دے راہیں اوہدے خادم بن گئے آں ۔ ساڈا ایمان ہیگااے پئی خُدا ساڈے راہیں بوہتے سارے وڈے کم کرے گا تے اپنی بادشاہی ودھاوے گا ۔
خُدا نے اُجڑے شہراں وچ خوشخبری دے برباد قلعے نوں فیر بناؤن دا فیصلہ کیتا اے ۔ اوہنے وعدہ کیتا پئی اوہ پُرانیاں اُجڑیاں تھاواں نوں وساوے گا ۔ تے برباد شہراں دی مرمت کرے گا ۔ میرا ایمان ہیگااے پئی سارے جگ وچ اک واری فیر خوشخبری دا جاگا ہووے گا !
فیر وی ، ایہہ میری مرضی نئیں ہیگی اے ،میرا ایمان ہیگااے پئی، کیوں جے خُدا نے آکھیا ،ایہہ اِنج ای ہووے گا ۔ساڈے خُداوند نے اوہناں نوں جنہاں نے پاک رُوح پایا اے ،سارے جگ وچ ایس سوہنی خوشخبری دی منادی کرن لئی بنایااے ۔ اوہنے اپنے پُتر نوں ایس جگ وچ گھلیا تے خوشخبری نوں پورا کیتا ،تے میَں ایمان رکھدا ہاں ،اوہ ساڈے وچوں اوہناں دے راہیں فیر اپنی مرضی پوری کردا پیا اے ، جنہاں پاک رُوح پایااے ۔ اوہ جیہڑے ایس سوہنی خوشخبری اُتے ایمان رکھدے نیں ، خُدا دا جلال ویکھن گے ۔ ہیلیلویاہ !
Copyright © 2021 by The New Life Mission