Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 9: رومیوں (رومیوں دی کتاب اُتے تفسیر)
[7-5 باب] بدن پا پ دی شریعت دی سیوا کردا اے <رومیوں ۷:۲۴۔۲۵>
>رومیوں ۷:۲۴۔۲۵<
” ہائے میَں بوہت لیکھاں ماریابندہ ہیگا واں!ایس موت دے بدن توں مینوں کیہڑا چھڈاوے گا ؟ اپنے خُداوند یسوع مسیح دے راہیں خُدا دا شکر کردا ہاں ۔ ایس لئی میَں اپنی عقل نال تاں خُدا دی شریعت دا پر بدن نال پاپ دی شریعت دے حکم ہیٹھا ں ہیگا واں ۔ “
ایہہ شریعت ہیگی اے پئی بدن پاپ دی سیوا کردااے
تہاڈے ایمان دی حیاتی کیہو جیہی ہیگی اے ؟ ” رُوح تاں ہوشیار ہیگا اے پربدن ماڑا ہیگا اے ۔ “(متی ۲۶ : ۴۱)۔کیہ تسیں ایہو جیہے نئیں ہیگے او؟
پاک کتاب سانوں ایہہ وی دسدی اے ، ” ایس لئی میَں اپنی عقل نال تاں خُدا دی شریعت دا پر بدن نال پاپ دی شریعت دے حکم ہیٹھا ں ہیگا واں ۔ “ تے ایہہ شریعت ہیگی اے جیہڑی ساڈے اُتے فتح پاؤندی اے ۔ ساڈے دل خُدا نال محبت کرن تے سچیائی نال محبت کرن لئی بنائے گئے نیں ، پر پا پ دی شریعت دی سیوا کرنا بدن لئی ایہہ اک قدرتی گل ہیگی اے ۔ خُدا دا کلام سانوں دسدا اے پئی دل خوشخبری تے اوہدی راستبازی دی سیوا کردااے ، جد پئی بدن صرف پاپ دی سیوا کردااے ۔
کیہ تہانوں پتہ ہیگااے پئی پاپ دی شریعت کیہ ہیگی اے ؟ اسیں وفادار حیاتیاں بسر کرنی چاؤہندے آں ،ایس طرحاں اسیں ،خُدا دے پاک لوک تے خُدا دے خادماں، شیراں وانگر دلیری محسوس کردے آں ، جدوں ساڈا بدن سچ مُچ پاپ دی سیوا نئیں کردا ۔پر ساڈے کول کوئی طاقت نئیں ہیگی جدوں ساڈا بدن سیواکردا تے پاپ وچ حصہ لیندا اے ۔ اسیں خورے سوچ سکدے آں پئی اسیں ہور پاپ نہ کرن دے راہی خوشی تے حوصلے نال بھر جاواں گے ،پر اصل وچ ، اسیں ہور پاپ نہ کرن دا سچ مُچ بھروسہ نئیں رکھدے ۔ پاک لوکاں دے دل تے خُدا دے خادماں دے دل ایس سبب توں مرجھا جاندے نیں ۔
” ♫میرے سارے پاپ مک گئے ! ♪کلوری دے فضل دے راہیں! ♫ “ بھاویں اسیں مکتی یافتہ ہیگے آں تے ایسے طرحاں خُدا دی وڈیائی کردے آں ،اسیں جیوندے رہن دا ذاتی بھروسہ نئیں رکھدے ، جدوں اسیں اپنی آؤن والے دناں دیاں ایمان والیاں حیاتیاں بارے سوچدے آں ۔ اسیں بدنی کمیاں بارے سوچدے آں تے ایس نتیجے اُتے پوہنچدے آں ؛ ” مینوں آؤن والے دناں وچ ایس طریقے نال جیوندے نئیں رہنا چاہی دا اے ؛ مینوں ہور پاپ نئیں کرنا چاہی دا اے ۔ “ پر جدوں اسیں اک واری فیر خُداوند اُتے بھروسہ کردے آں تے فیر خُداونددی راستبازی اُتے پکے ہوکے کھلوندے آں ،اسیں خُدا نال ایہہ آکھدے ہوئیاں وعدے کردے آں ، ” اے خُداوندتیرا شکر ہووے ۔ ہیلیلویاہ ۔ میَں ایتھوں تیک پئی اپنے مرن دیہاڑے تیک تیرے پچھے چلاں گا ۔ “ فیر اسیں بوہت طاقت نال اگ وانگر خُداونددی خدمت کردے آں ، پر اوہ بوہتا چِر نئیں رہندی ایس لئی پئی اسیں چھیتی نال اپنے آپ توں فیرنااُمیدہو جاندےآں مطلب اے جدوں اسیں دوبارہ پاپ کردے آں ۔اصل وچ ، سارے پاک لوک تے خُدا دے خادم جیہڑے مکتی یافتہ ہوگئےنیں ، ایہو جیہے ای ہیگے نیں ۔ ایس طرحاں اسیں سچیائی دے راہیں دوبارہ دبے جاندے آں پئی بدن صرف پاپ دی سیوا کردااے ۔
میَں جان داہاں پئی خُداوند نئیں چاؤہنداپئی اسیں بدنی کمزوری دے قیدی رہیے ۔ ایہہ سبب وی ہیگا اے پئی کیوں پولُس نے رُوح نوں بدن توں وکھ کیتا ۔ ”ایس لئی میَں اپنی عقل نال تاں خُدا دی شریعت دا پر بدن نال پاپ دی شریعت دے حکم ہیٹھا ں ہیگا واں ۔ “ساڈا بدن ٹھیک نئیں ہو سکدا۔ بدن صرف پاپ دی شریعت دی سیواکردااے ۔پولُس آکھدا اے پئی ایہہ شریعت ہیگی اے ۔ بدن صرف پاپ دے پچھے چلن لئی تے سیوا کرن لئی بنایاگیا اے ۔ کیہ تسیں ایہنوں سمجھدے او ؟ ایہہ شریعت ہیگی اے ۔ کیہڑاشریعت نوں بدل سکدا اے ؟ نہ تسیں نہ ای میَں اِنج کر سکداہاں ۔ فیر سانوں اپنے دلاں نال کیہدی خدمت کرنی چاہی دی اے ؟ سانو ں خُدا دی خدمت کرنی چاہی دی اے ۔ سانوں خُدا ، سچیائی ، جاناں تے اوہدی راستبازی نال ، اپنے سارے دل نال محبت کرنی چاہی دی اے ۔
بدن اُتے بوہتی آس نہ رکھو
بدن بدنی خوشی ، آرام ، سلامتی ، خوشی تے اپنے گھمنڈ نوں ودھاؤنا چاؤہندااے ، خُدا دی راستبازی نوں نئیں ۔ بدن ہر کم کرنا چاؤہندااے جیہدے وچ اینوں خوشی ہوندی اے ۔
بدن اُتے بوہتی آس نہ رکھو، ایہہ آکھدے ہویاں ، ”اے بدن ،سُن ،میَں چاؤہندا ہاں پئی تُوں چنگا کم کریں ۔ “اپنیاں آساں چھڈ دیوو پئی بدن ٹھیک ہوجاوےگا ۔ بالکل نہ سوچو پئی ساڈا بدن خُدا تے اہدی راستبازی نال محبت کردا اے ، یاں اوہ خُدا دی راستبازی دی سیوا تے اوہدے لئی دُکھ جرنا چاوہندااے ۔
اوہ جیہڑے بدن توں کوئی نیکی دی آس رکھدے نیں کملے ہیگے نیں ۔ فیر ،سانوں کیہ کرنا چاہی دا اے ؟ ہر کم خُداوند دی شریعت مطابق ہوندااے ۔ کیہ اسیں خُدا دی شریعت بدل سکدے آں ، بھاویں اسیں اینوں جان دے آں ؟ بے شک اسیں اینوں بدل نئیں سکدے ،ایس لئی پئی ایہہ خُداوند دی شریعت ہیگی اے ۔
خُدادی شریعت جیہڑی بدن نوں پاپ دے حکم ہیٹھاں رکھدی اے ۔ جے اسیں دبا محسوس کردے آں تے ساڈا مونہہ کالا ہیگا اے ،ایہدا سبب ایہہ ہیگا اے پئی اسیں بدن دی غلامی کردے پئے آں ۔ ساڈا بدن چنگا رہنا چاؤہندااے ، ایس لئی بدن ہمیشہ اپنے آپ نوں سکون وچ رکھدا اے ۔ آؤ اسیں اپنے آپ نوں سکون نہ دئیے ؛سگوں بدن نوں اوسے طرحاں چھڈدئیے جویں ایہہ ہیگا اے ۔ میَں تہاڈے اُتے آس رکھدا ہاں پئی تسیں اپنے دل نال خُداوند وچ ایمان دے راہیں جیوندے رہوو۔بدن پاپ کرن توں بچ نئیں سکدا جدوں تیک ایہہ مر نئیں جاندا ، ایس لئی پئی بدن صرف پاپ دی غلامی کردا اے ۔ اسیں اپنے آپ پاپ کرن توں بچ نئیں سکدے ۔ تسیں سوچ سکدے او ، ” بدن خورے ٹھیک ہوجاوے ۔ “ پر ایہہ کدی نئیں ہو سکدا ۔ یاں جدوں تسیں جانیوں بغیر پاپ کردے او ، تسیں خورے سوچ سکدے او ،”ایہہ وگڑے ماحول دے سبب ہیگا اے ۔“ نئیں ! ایہہ بالکل حالات دے سبب نئیں ہیگا اے — بدن بالکل شروع توں ای پاپ دی غلامی دا کم کردا سی !
بدن کدی کوئی نیکی نئیں کردا ۔بدن پاپ کردا اےجدوں تیک ایہہ مر نئیں جاندا ۔ ” کیہ بدن ٹھیک ہوجاوے گا ؟ “ ایہو جیہی آس نہ رکھو ، ایس لئی پئی تسیں بالکل پریشان ہوجاووگے ۔ سب فضول ہیگا اے کناں بوہتا تسیں اپنا ذہن پکا کردے او تے اپنے آپ نوں دسدے او ، ” میَں اِنج نئیں کراں گا ،“ بدن بچ نئیں سکدا سگوں بھیڑے کم کردا اے ، ایتھوں تیک پئی تہاڈیاں آساں دے خلاف ۔ کناں نیں ساڈے وچکار اپنے دلاں وچ پاپ نہ کرن نوں حل نئیں کیتا اے ؟ ہر کسے نے کیتا اے ! پر بدن لئی صرف پاپ دی غلامی کرنا ، ایہہ خُدا شریعت ہیگی اے ۔
کیتھولک خادم دے خادماواں ایسے طرحاں ہر مذہب دے پجاری تے جوگی اپنے بدن نال پاک حیاتیاں بسر کرن دی ہمت کردے نیں ۔ پر عیباں توں اَڈ بدنی حیاتی بسر کرنا بوہت اوکھا ہیگااے ۔ اوہ اپنیاں حیاتیاں ریاکاراں وانگر بسرکردے نیں ۔ ساڈے لئی اپنے بدن نا ل چنگا کرنا اوکھا کم ہیگا اے ۔ بدن پاپ دی شریعت دی غلامی کردا اے ۔ ایہہ شریعت ہیگی اے جیہڑی خُدا نے بنائی اے ۔ جویں کیڑا اُڈ نئیں سکدا ۔ جد پئی ٹڈا اَسمان وچ اُڈ کے مزے لیندااے ۔ ایہہ شریعت ہیگی اے ۔ بالکل جویں کیڑا گندی مٹی کھانا پسند کردااے ، انسانی بدن پاپ کرنا پسند کردا اے ۔ کیہ تسیں ایمان داری نال آکھ سکدے او پئی تسیں اپنے بدن توں کوئی چنگی آس رکھ سکدے او ؟ بے شک نئیں ۔ ایس سبب توں پولُس نے آکھیا ، ” ایس لئی میَں اپنی عقل نال تاں خُدا دی شریعت دا پر بدن نال پاپ دی شریعت دے حکم ہیٹھا ں ہیگا واں ۔ “(رومیوں ۷ : ۲۵)۔
ساڈا بدن پاپ کردااے جدوں تیک مر نئیں جاندا۔ ایہہ پاپ کرن توں رہ نئیں سکدا ۔ کیہ بوہتے چِر دی تربیت دے بعد بدن ہورپاپ نئیں کرے گا ؟ نئیں! بدن ٹھیک نئیں ہو سکدا ۔ فیر کیہ بدن لئی پاپ کرنا جنا ں بوہتا ایہہ چاؤہندااے ٹھیک ہیگا اے ؟ نئیں ! ایہہ گل نئیں ہیگی اے جیہڑی میَں ایتھے کردا پیا ہاں ۔ میرا صرف ایہہ مقصد ہیگا اے پئی بدن بچ نئیں سکدا سگوں پاپ کردا اے ۔ ساڈے پاپ ساڈی مرضیاں یاں خوبیاں اُتے آس نئیں رکھدے ۔ اسیں بچ نئیں سکدے سگوں پاپ کردے آں ، بھاویں اسیں پاپ کرنا نئیں چاؤہندے پرفیر وی اسیں بوہتے پاپ کردے آں بھاویں اسیں پاپ نہ کرن دی بوہت ہمت کردے آں ۔
” پر مینوں اپنے ہڈاں پیراں وچ اک ہو ر طرحاں دی شریعت نظر آؤندی اے جیہڑی میری عقل دی شریعت نال لڑ کے مینوں اوس پاپ دی شریعت دی قید وچ لَے آؤندی اے جیہڑی میرے ہڈاں پیراں وچ ہیگی اے ۔ ہائے میَں بوہت لیکھاں ماریابندہ ہیگا واں!ایس موت دے بدن توں مینوں کیہڑا چھڈاوے گا۔“(رومیوں ۷ : ۲۳ ۔ ۲۴)۔بدن لئی نیکی کرنا بوہت اوکھا کم ہیگا اے، ایس لئی پئی بدن سانوں پاپ دی
شریعت دی قید وچ لیاؤندا اے ۔
لوک ایہہ سچ بولن توں نفرت کردے نیں تے اوہ ایس توں شرماؤندے نیں ، ” تسیں کویں کُھل کے ایہہ آکھ سکدے او ؟ “پر کیہ ایہہ پولُس آپ نئیں ہیگا سی جنہے اینوں بوہت کُھل ڈھل کے آکھیا ؟ بدن پاپ دی شریعت دی غلامی کردا اے ۔ اسیں اپنی مرضی توں ہٹ کے پاپ دی غلامی کردے آں ۔ جدوں تیک اسیں مر نئیں جاندے ۔اسیں صرف پاپ لئی نئیں جمے آں ۔ فیر وی ، ایس توں مکریا نئیں جاسکدا پئی بدن پاپ دا ہتھیار ہیگا اے ۔
خُداوند نے سانوں بوہت چوکھا اپنی خدمت دے لائق بنایااے
سوہنے پاک لوکو ، تسیں کیہ سوچدے او ؟ کیہ تسیں سوچدے او پئی تسیں اپنے بدن نال خُداوند دی خدمت کر سکدے او جے تسیں ہمت کردے رہندے او ؟ کیہ ایہہ سوکھا ہیگا اے ؟ نئیں !
کنہے سانوں ساڈے سارے پاپاں توں بچایا ؟ یسوع نے بچایا ۔فیر کیہ یسوع مسیح نے سانوں بدن دے سارے پاپاں توں چھڈایا جیہڑے پاپ دی شریعت دی غلامی کردے نیں ؟ کیہ یسوع مسیح نے سانوں سچ مُچ بدن دے سارے پاپاں توں بچایا، جیہڑے پاپ دی شریعت دی غلامی کردے نیں تے اپنی ساریاں حیاتیاں وچ پاپ کردے نیں ؟ کیہ خُداوند نے سانوں سچ مُچ ساڈے سارے پاپاں توں بچایا اے؟ جواب ، اک بوہت وڈی ہاں ہیگی اے ! بے شک اوہنے بچایا اے ! بدن لئی پاپ نہ کرنا اوکھا کم ہیگا اے تے تہاڈے لئی اپنے پاپاں توں معافی پاؤنا تے اپنے بدن دے راہیں خُدا دی لعنت توں چھُٹ جانا اوکھا کم ہیگا اے ۔ پر خُداوند نے اینوں سوکھا بنایا ۔خُداوندنے سانوں راستباز بنایا تے سانوں ساڈے پاپاں توں بچایا ۔بھاویں اسیں لگاتارپاپ کردے آں ۔
یسوع مسیح ساڈا خُداوند سانوں بچا چُکیا اے ۔ کیہڑاخُداوندہیگا اے جنہے سانوں بچایا اے ؟ ایہہ یسوع مسیح ہیگااے ۔ فیریسوع کون ہیگااے ؟ اوہ خُدا داپُترہیگااے تے سارے ایمانداراں دا خُداوندہیگااے ۔ اوہ خُداوند ہیگا اے جنہے سانوں بچایااے ۔ یسوع مسیح ساڈے خُداوندنے سانوں سارے پاپاں توں بچا کے کامل کیتا اے ۔ یسوع مسیح نے سانوں اپنی سیوادے لائق بنایا اے ۔
خُداوند نے سانوں پاپ توں اَڈ جیوندے رہن دے لائق کیتا اے ۔ قادرِ مطلق خُداوند جنہے سانوں پیدا کیتا ، سانوں ساڈے سارے پاپاں توں بچایا ۔ ساڈے خُداوند نے سانوں مکمل طور اُتے بچایا تے سانوں راستباز بنایا،بھاویں بدن پاپ دی شریعت دی غلامی کردااے جدوں تیک پئی مرنئیں جاندا۔ ایس سبب توں پولُس نے خُداوندیسوع مسیح دے راہیں خُدا دا شکرادا کیتا ۔ اسیں وی یسوع مسیح ،ساڈے خُداوند نوں گھلن لئی خُدا دا بوہتا شکرادا نہیں کرسکدے ۔
سانوں لازمی طور اُتے پتہ ہونا چاہی دا اے خُداوند دی مکتی کنی حیران کرن والی ہیگی اے ، ایہہ کنی وڈی تے شان والی ہیگی اے ۔ اسیں نئیں کر سکدے سگوں خُداوند دا شکراداکرسکدے آں اوہدی قادرِ مطلق طاقت لئی جنہے ساڈے پاپاں بھرے بدن نوں بچایا اے جیہڑا کُجھ نئیں کردا سگوں پاپ کردااے جدوں تیک ایہہ مر نئیں جاندا ۔ خُداوند نے سانوں اپنی طاقت نال بچایا تے ساڈے ہڈاں پیراں نوں ایمان دے راہیں اوہدی سیوا لئی اپنے ہتھیار بنایااے۔ خُداوندنے سانوں مکمل طور اُتے بچایا تاں پئی اسیں ہور پاپ دے نوکر ہوربوہتے نہ رہیے ۔
کیہ ساڈےخُداوند نے سانوں مکمل طور اُتے نئیں بچایا اے ؟ بے شک اوہنے بچایا اے ! اوہنےسانوں مکمل طور اُتے تے کامل طور اُتے بچایا اے ۔اوہنے سانوں بوہت چوکھا اوہدی خدمت دے لائق بنایااے ۔ کنہے ایہہ وڈا کم کیتااے ؟ ساڈےخُداوند نےکیتا اے ! کیہڑااوہناں نوں راستباز بنن تے خُدا دی خدمت لئی موڑدااے ، جیہڑے بچ نئیں سکدے سگوں اپنے بدن نال پاپ کردے نیں؟ ساڈے خُداوندنے کیتا! خُداوندنے سانوں ساڈے سارے پاپاں توں بچایا ، جیہڑے اپنیاں ساریاں حیاتیاں وچ پاپ کردے آں ۔ اوہنے سانوں بدل وی دتا تاں پئی اسیں اوہدی راستبازی دی سیوا کر سکیے ۔
خُداوندنے سانوں ساڈے سارے پاپاں توں بچایا اے
سانوں لازمی طور اُتے ایہدے بارے سوچنا چاہی دا اے ایس لئی پئی اسیں انسانی پیڑھی ہیگے آں ۔ میَں سوچدا ہاں پئی خُداوند دی مکتی کنی حیران کرن والی ہیگی اے ایس لئی پئی میَں انسانی پیڑھی ہیگا واں ۔ جے مینوں پتہ نہ لگیا ہوندا پئی بدن صرف پاپ دی غلامی کردااے ، میَں سدا ایس توں مایوس ہونا سی،میَں غالباً اپنے پاپاں دے سبب ایمان دی حیاتی چھڈ چُکیا ہوندا، بھاویں میَں پہلاں ای اپنے پاپاں دی معافی پائی سی ۔
” میرے مکتی یافتہ ہون تو ں پہلاں ،میں کھلو سکداساں ،بھاویں میَں پاپ کیتاسی۔ پر جے میَں ہُن وی پاپ کرداہاں ، کوئی فرق نئیں پیندا بھاویں میَں مکتی یافتہ ہیگا ساں یاں نئیں ۔ نویں سریوں جمن دا کیہ فائدہ ہیگا اے ؟ “تسیں خورے سوچ سکدے او پئی تہانوں پہلاں توں چنگیاں ہونا چاہی دا اے ۔ تسیں سوچ سکدے او پئی تہاڈا بدن ، ہُن ،مطلب اے تسیں مکتی یافتہ ہیگے او ، چنگا ہووے گا مطلب اے پئی جدوں تسیں مکتی یافتہ نئیں ہیگے سو ۔ اوہ جیہڑے حالے تیک نویں سریوں نئیں جمے ، اوہ نئیں سمجھ سکدے پئی میَں کیہ آکھدا پیاہاں ۔
اسیں یسوع دا شکر کرسکدے آں صرف جدوں اسیں جان دے تے ایمان رکھدے آں پئی بدن دے سارے پاپ معاف ہوگئے نیں ۔ میَں خُداوند دا شکرکردا ہاں ، جنہے سارے پاپ چُک لَے جیہڑے میَں کردا ہاں جدوں تیک میَں مر نئیں جاندا۔
پہلی کوریادی رُوحانی گیتاں دی کتاب وچ ،اک گیت ہیگا سی جیہدے بول ہیگے نیں ، ” ♪ ہیلیلویاہ ، اوہدی وڈیائی کرو ! ♫ میرے ماضی دے سارے پاپ معاف ہوگئے نیں تے میَں خُداوند یسوع مسیح نال چلدا ہاں ، فیر جتھے وی میَں جاندا ہاں تاں ایہہ اَسمانی بادشاہی ہیگی اے ۔♪ “ایہدا کیہ مطلب ہیگا اے ؟ جے خُداوندنے صرف ساڈے ماضی دے پاپ چُکے سَن ، سانوں اگلیاں نال کیہ کرنا اے ؟ سانوں بدن نال ہور پاپ نئیں کرنا چاہی دا ؛سانوں معافی لئی چنگی طرحاں دعا منگنی چاہی دی اے جدوں کدی اسیں پاپ کردے آں تے سانوں کسے وی طرحاں چنگے کم کرکے جیوندے رہنا چاہی دا اے ۔ پر ایہہ صرف شیطان دی ڈراؤنی چال ہیگی اے ۔
ایس چال توں بوہتی مٹھی کوئی شے نئیں ہیگی اے ۔ شیطان سانوں دھوکہ دیندااے ، ایہہ آکھدے ہویاں ، ” تہاڈے ماضی دے سارے پاپ معاف ہوگئے نیں ۔ایس لئی جے تسیں یسوع دے نال چلدے او تے جے تسیں ہور پاپ نئیں کردے ، تسیں اَسمانی بادشاہی وچ جا سکدے او ۔پرجدوں کدی تسیں آؤن والے دناں وچ پاپ کردے او ،تہانوں لازمی طور اُتے معافی لئی توبہ دیا ں دعاواں منگنیاں چاہی دیاں نیں ، تاں پئی تسیں اَسمانی بادشاہی وچ جا سکو ۔ کیہ تسیں جا سکدے او؟ “ فیر بوہتے ایہدے اُتے ایمان نیں جدوں اوہ پاک کتاب پڑھدے نیں ۔ اوہ، روندیاں ہویاں گیت گاؤندے نیں ، ” ♪ ہیلیلویاہ ! اوہد ی وڈیائی کرو ! ♫میرے ماضی دے سارے پاپ معاف ہوگئے نیں! تے میَں خُداوند یسوع دے نال چلدا ہاں ، فیر جتھے وی میَں جاندا ہاں تاں ایہہ اَسمانی بادشاہی ہیگی اے ♪ “
پر اوہ پاپ کرنا روک نہیں سکدے ۔ایہہ بدن اُتے خُدا دی شریعت ہیگی اے ۔بدن بچ نئیں سکدا سگوں باربارپاپ کردااے ۔ایس لئی اوہ سوچدے نیں اوہناں نوں معافی لئی دعا منگنی ایں ۔ اوہ اپنے ہر دیہاڑے دے پاپاں دی معافی پاؤن لئی جوش نال توبہ دیا ں دعاواں منگدے نیں ۔ اوہ دعاواں دے بعد گیت گاؤندے نیں ،”♪ ہیلیلویاہ !اوہد ی وڈیائی کرو ! ♫میرے ماضی دے سارے پاپ معاف ہوگئے نیں! تے میَں خُداوند یسوع دے نال چلدا ہاں ، فیر جتھے وی میَں جاندا ہاں تاں ایہہ اَسمانی بادشاہی ہیگی اے ۔♪ “ پر کیہ ایہہ ایتھوں تیک پئی دو یاں تِن دناں لئی باقی رہندااے ؟ اوہ تھوڑے گھنٹیاں وچ فیر پاپ کردے نیں ایتھوں تیک پئی دناں وچ نئیں ۔ اوہ خورے معافی لئی دعا تے روزہ رکھ سکدے نیں ، پر اوہ خُدا دی اوس نہ بدلن والی شریعت توں بچ نئیں سکدے ، جدوں تیک اپنے بدن وچ جیوندے نیں ۔
کیہ گیت دے بول سچے ہیگے نیں ؟ کیہ تہاڈے صرف ماضی دے پاپ معاف ہوئے نیں ؟ ساڈا خُداوند نہ صرف ساڈے ماضی دے پاپ ، سگوں ساڈے سارے پاپ لَے چُکیا اے ۔ اسیں ہُن اوہدی وڈیائی کر سکدے آں ، ” ♪ ہیلیلویاہ !اوہد ی وڈیائی کرو !میرے ماضی دے سارے پاپ معاف ہوگئے نیں تے میَں خُداوند یسوع دے نال چلدا ہاں ، فیر جتھے وی میَں جاندا ہاں تاں ایہہ اَسمانی بادشاہی ہیگی اے ۔ ♪ “
اوہ جیہڑے مکتی یافتہ ہوگئے نیں فیر پاپ کرن دے بعد پریشان ہو سکدے نیں ،جدوں اوہناں نوں نئیں پتہ پئی اوہناں دے بدن لئی پاپ کرنا جدوں تیک اوہ مر نئیں جاندے ایہہ خُدا دی شریعت ہیگی اے ۔ اوہ اپنا ذہنی سکون سوکھے طریقے نال گواسکدے نیں جدوں وی اوہ اپنے بدن دی بدی پاؤندے نیں بالکل اوہناں وانگر جیہڑے نویں سریوں نئیں جمے نیں ۔ اوہ سکون وچ ہیگے نیں صرف جدوں اوہ پاپ نئیں کردے ۔ ایہہ اوہ عمل ہیگا اے جیہڑا ہر مسیحی دی حیاتی وچ پایا جا سکدااے جنہے حالے تیک اپنے پاپاں دی معافی نئیں پائی اے ۔اوہ خورے اپنے بُلاں نال گا سکدے نیں ۔ ” ♫میرے سارے پاپ مک گئے نیں ۔ تہاڈے سارے پا پ وی مک گئے نیں ۔ ساڈے سارے پاپ مک گئے نیں ! ♫ “ پر جے اوہ فیر پاپ کردے نیں ، اوہ سوچدے نیں پئی اوہناں نوں اک واری فیر معافی لئی دعامنگنی اے۔ جنے بوہت چوکھے اوہ پاپ کردے نیں ،اونی نرمی نال اوہ گاؤندے نیں ،”♫میرے پاپ مک گئے نیں ۔♫ تہاڈے پا پ وی مک گئے نیں ۔۔۔۔،“ تے اوہ ویلا لنگھن دے نال اپنے آپ توں نااُمیدے ہو جاندے نیں ۔
ساڈے خُداوند نے سانوں کامل طور اُتے ساڈے سارے پاپاں توں بچایا اے ۔ ساڈے خُداوند نے سانوں سارے پاپاں توں بچایا اے تاں پئی اسیں اوہدی وڈیائی کر سکیے تے کسے وی ویلے تے کسے وی حالت وچ اوہدا شکرکرسکیے ۔ اسیں اوہدے نال سکون وچ مزے لَے سکدے آں تے یسوع مسیح دے راہیں ہر ویلے مدد لئی خُدا توں دعا منگ سکدے آں ۔
جے سانوں پتہ ہووے پئی بدن صرف پاپ دی شریعت دی غلامی کردااے ، اسیں ایمان دے راہیں پاپ توں بچ سکدے آں
کیوں تہاڈے ایمان دی حیاتی بوہت اوکھی ہیگی اے ؟ تسیں ایمان دی اوکھی حیاتی وچ پھسے ہوئے او ایس لئی پئی تسیں سچیائی نوں نئیں جان دے ،پئی بدن صرف پاپ دی شریعت دی غلامی کردا اے ؟ سانوں لازمی طور اُتے ایہہ سچیائی جانن دے راہیں رُوحانی حیاتیاں بسر کرنیاں چاہی دیاں نیں ۔
اسیں خُدا دی سچیائی جانن تے بدل جان لئی آؤندے آں ، جدوں اسیں دلوں اوہدا کلام سُن دے تے اک دوجے دے بیلی بن جاندے آں ۔ ” جے تسیں میرے کلام وچ قائم رہووگے تاں اصل وچ میرے چیلے ثابت ہووو گے تے سچیائی نوں جانو گے تے سچیائی تہانوں چھڈاوے گی ۔ “(یوحنا ۸ : ۳۱ ۔ ۳۲)۔ ” اپنے خُداوند یسو ع مسیح دے راہیں خُدا دا شکر کردا ہاں ۔“ خُداوند نے سانوں مکمل طور اُتے ساڈے سارے پاپاں توں بچایا اے تاں پئی اسیں ہر ویلے اوہدا شکر کر سکیے ۔ کیہ تسیں ایہدے اُتے ایمان رکھدے او؟ خُداوند نے سانوں ساڈے سارے پاپاں توں بچایا اے۔
اپنے دلی خیالاں دے سبب کدی ہارے ہوئے تے ہار کھاہدے ہوئے نہ ہووو — اوہ تہانوں کدھرے نئیں لَے کے جان گے ۔ اسیں خُداوندپچھے چل سکدے آں ، اوہداشکر کرسکدے آں ،تے ایمان بھری حیاتی بسرکرسکدے آں صرف جدوں اسیں پاپ دے جال وچ نئیں پھسے آں ۔جے ساڈا ایمان ساڈے کماں دے نال رَلیا ملیا اے تے جے سانوں پتہ ہیگا اے فیر پاپ کراں گے ، اسیں سدا خُداوند دے نال خوش نئیں رہ سکدے تے اوہدے پچھے وی نئیں چل سکدے ۔ جے خُداونددی مکتی بھاویں تھوڑی جیہی ادھوری ہوندی ، اسیں بوہت پکے یقین نال خُداونددے پچھے چلن دے لائق نئیں ہوواں
گے ۔
اسیں خُداوندداشکرکردے آں ایس لئی پئی اوہنے ساڈے سارے پاپ اپنے اُتے چُک لَے ۔ اسیں زور نال اوہدی وڈیائی تے اوہدے پچھے چل دے آں ۔ جے میَں اپنے ذاتی پاپاں دا مسئلہ حل نئیں کر سکدا ، میَں کویں دوجیاں نوں اوہناں دے پاپاں توں بچا سکدا ہاں ؟ میَں کویں دوجیاں تیک خوشخبری دی منادی کر سکدا ہاں ؟ کویں ڈُبدا ہویا بندہ دوجے ڈُبن والے بندیاں نوں بچا سکدا اے ؟ جے اسیں ایہہ من دے آں پئی ساڈا بدن بچ نئیں سکدا سگوں پاپ کردا اے ، اسیں پاپ توں بچ سکدے آں ۔پر جے اسیں ایس سچیائی نوں نئیں من دے ،فیر اسیں دینی جھوٹیاں خُدائی تعلیماں دے راہیں جیہڑا ” مسیحیت“ اکھواندااے ، دے اثر ہیٹھاں ہوواں گے ۔
ایتھے اک ہسن ہساؤن والی کہانی ہیگی اے تے تسیں اینوں جان سکدے او۔ اک واری داذکر ہیگا اے، اک گبھرو جوان کیتھولک کاہن دو خادماواں دے نال دُور پِنڈ وچ اک مردے ہوئے ایماندار نوں ملن لئی اپنے گرجے ولوں بگھی اُتے سوار ہویا ۔ اوہ دو گھوڑیاں نوں ہکاؤن لئی دونواں دے وچکار بیٹھ گیا ۔ سوہنی رج کےجوان خادمہ اوہدے سجے پاسے تے بدصورت بُڈھی خادمہ اوہدے کھبے پاسے بیٹھی ہوئی سی ۔ کوئی مسئلہ نئیں ہیگا سی جدوں بگھی پِنڈ دی ستھری تے کھُلی سڑک اُتے ہیگی سی ، پر جدوں ای اوہ پہاڑاں وچ سَوڑی اُچی نیویں سڑک اُتے سَن ۔ بگھی بھیڑے طریقے نال ہلن لگ پئی ۔ اندازہ لاوو کیتھولک کاہن اپنے ذہن وچ کیہ سوچدا پیا سی ۔ جدوں بگھی سجے پاسے جھُک دی ،اوہ دعا منگدا ، ” اے خُدا مہربانی کرکے ،کر جویں تیری خوشی ہیگی اے ! “ پر جدوں ایہہ دوجے پاسے جُھک دی ، اوہ پریشانی نال اپنے دل وچ روندا ، ” ہائے ، اے خُداوند۔ مینوں نہ پرکھ ! “ اوہنے دو دعاواں منگیاں : ” اے خُداوند۔کر جویں تیری خوشی ہیگی اے ! “ تے ” ہائے ، خُداوند۔ مینوں نہ پرکھ ! “
اسیں سارے اوہدے وانگر ہیگے آں جویں اوہ ہیگا سی ۔ساڈا بدن صرف پاپ دی شریعت دی غلامی کردااے ،پر سانوں لازمی طور اُتے خُداوند دی مرضی جاننی چاہی دی اے تے اوہدی مرضی دے مطابق ایمان نال اوہدے پچھے چلنا چاہی دا اے ،ایس لئی پئی ساڈے کول اپنے آپ اُتے بھروسہ کرن لئی کجھ نئیں ہیگا اے ۔ اسیں مُردے ہیگے آں تے ساڈے بدن دے ٹھیک ہون دیاں کوئی سوکھیاں آساں نئیں ہیگیاں نیں ۔
اسیں خُداوند دے پچھے چلدے آں ایس لئی پئی اوہنے سانوں مکمل طور اُتے بچایا اے
کناں اوکھا سانوں لگے گا جے اسیں چنگیاں کماں دے راہیں اَسمانی بادشاہی وچ جاندے آں ، یاں جے ساڈی مکتی آس رکھدی ،اسیں بوہت چنگے کم کیتے یاں پاپ کیتے ؟ خُداوند سانوں آکھدااے ، ” تسیں اپنی ساری حیاتی وچ پاپ کردے پئے او ۔ پر میَں سارے پاپ چُک لَے نیں جیہڑے تسیں کرن والے او ، جدوں تیک تسیں مر نئیں جاندے ۔میَں تینوں راستباز بنایا ۔میَں تینوں راستباز بندہ بنایا جیہدے وچ کوئی پاپ نئیں ہیگا اے ۔ میَں تہانوں کامل طور اُتے بچایا اے ۔کیہ تسیں میرا شکر کردے او ؟ “ ساڈا جواب کیہ ہیگا اے ؟ ” آہو، اسیں تیرا شکر کردے آں، اے میرا خُداوند ! “اوہ فیرا پچھدا اے ، ” کیہ تسیں میرے پچھے چلوگے ؟ “اسیں کویں جواب دیندے آں ؟ ” آہو ، اسیں کراں گے ۔“
کیہ تسیں خُدا دے پچھے چلناچاؤہندے او ؟ بے شک اسیں خُداوند دے پچھے چلنا چاؤہندے آں ، ایس لئی پئی اوہنے ساڈے سارے پاپ چُکے نیں ۔ جے خُداوندنے تہاڈے صرف نبے (۹۰) فیصد پاپ چُکے سَن ،تسیں اوہدے پچھے چلن دے لائق نئیں ہوووگے ۔ تسیں ایہہ آکھدیاں ہوئیاں خُدا نال گِلہ کر سکدے او ، ”تینوں میرے باقی دس فیصد پاپاں نوں وی چُکنا چاہی دا اے !کویں میَں اپنے آپ ایناں پاپاں دا مسئلہ حل کر سکدا ہاں ؟ کویں میَں تیرے پچھے چل سکدا ہاں جد پئی مینوں اپنی گندگی دھونی اے؟ “ فیر ایناں پاپاں دے سبب ، اسیں خُدا دا پچھا چھڈن تیک اپڑ جاندے آں ۔
پر، ہُن اسیں اپنی مرضی نال خُداونددے پچھے چلنا چاؤہندے آں ایس لئی پئی اوہنے سانوں مکمل طور اُتے ساڈے سارے پاپاں توں بچایا اے ۔ ” آہو ، تُوں مینوں مکمل طور اُتے بچایا اے ۔ میَں ہُن توں تیرے پچھے چل سکدا ہاں !اے خُداوندتیرا شکر ہووے !میَں تیری وڈیائی کر دا ہاں ۔ میَں تینوں جلال دیندا ہاں ۔ میَں تینوں محبت کردا ہاں ! “ اسیں اپنے آپ نوں خُداوند دی سیوا کرن لئی حاضر کردےہاں ایس لئی پئی اسیں اوہدے نال محبت کردے آں تے اسیں اوہدے پچھے چلنا چاؤہندے آں ۔ اپنے دل دی ڈونگھیاں نال خُداونددے پچھے چلنا چاؤہندے آں ،ایس لئی پئی اوہنے سانوں ساڈے سارے پاپاں توں بچایا اے تے ایس لئی اسیں اوہدی محبت دے راہیں چھوئے گئے آں ۔
ایہو ای گرجے جان لئی چنگا ہیگا اے ۔ اتوار دی عبادت وچ گرجے جانا بوہت سوکھا ہیگا اے جے
اسیں جان دی تمنا رکھدے آں ؛ جےاسیں کسے سبب توں جانا چنگا محسوس نہیں کردے ، فیر ایتھوں تیک پئی ہفتے وچ اک واری گرجے جانا ساڈے لئی بوہت اوکھا ہو جاندااے ۔ جے تہانوں ہر گیتاں والی عبادت وچکار اوہو ای دکھی بول سُننے پیندے نیں — ” زنانیو تے بندیو اپنے سارے پاپاں توں توبہ کرو جیہڑے تسیں پچھلے ہفتے وچ کیتے سَن ،“— تسیں کُجھ ورہیاں بعد گرجے جانا چھڈ دیوو گے ۔اوہ جنہاں دا پکا ارادہ ہیگا اے بوہتا چِر جا سکدے نیں ، خورے دس ورہے یاں ایتھوں تیک پئی وی (۲۰)ورہے ،پر اوہ ، وی اخیریں چھڈ دین گے ۔ بوہتے جھوٹے نبی لوکاں نوں توبہ کرن لئی مجبور کردے نیں جیہڑے اپنے پاپاں توں دُکھی ہوندے نیں ۔ ایس سبب توں بوہتے لوک گرجے جانا چھڈ دیندے نیں ، جویں اوہ سوچد ے نیں یسوع اُتے ایمان رکھنا بوہت تنگ کرن والا تےاوکھا ہیگا اے ۔
اسیں اوہدی محبت توں خوش ہوکے ، خُداونددے پچھے چلدے آں ۔ اسیں رہ نہیں سکدے سگوں ایہہ گاؤندے ہویاں خُداونددی وڈئی کردے آں ، ” ♪ میَں یسوع نال محبت کردا ہاں !میَں جگ دی کسے دوجی شے نال یسوع نوں نئیں بدل سکدا ۔♪ “ اسیں یسوع دے پچھے چلدے آں ایس لئی پئی اوہنوں سچ مُچ محبت کردے آں ۔
اوہدی مکتی بوہت حیران کرن والی اے ۔ خُداوندنے سانوں پاپ دے نکے جیہے شائبے توں اَڈ اپنی خدمت دے لائق بنایا اے ۔ ” ایس لئی ہن جیہڑے مسیح یسوع وچ ہیگے نیں اوہناں اُتے سزا دا حکم نئیں ہیگا اے ۔ ایس لئی پئی حیاتی دے رُوح دی شریعت نے مسیح یسوع وچ مینوں پاپ تے موت دی شریعت توں چھڈایا اے ۔ “ (رومیوں ۸ :۱ ۔ ۲)۔ خُداوندسانوں شکر کرن تے اوہدی وڈیائی کرن لئی سدا برکت دیندااے ۔ اوہ چاؤہندااے پئی اسیں خوشی منائیے تے ہر ویلے اوہدے پچھے چلیے ۔اوہنے سانوں بچایا اے ۔ کیہ تسیں اوہدے اُتے ایمان رکھدے او ؟
اپنی کمیاں دے قیدی نہ ہووو۔ خُداوند نے اوہناں دے سارے پاپاں نوں چُک لیاجنہاں دیاں عادتاں بے وس ہیگیاں نیں ۔ اوہنے سارے شہوت پرستاں تے بھیڑیاں عادتاں والیاں لوکاں دے پاپاں نوں وی چُک لیا ۔ ہُن کیہ ایہہ تہانوں خُداونددے پچھے چلن دے لائق نئیں بناؤندا ۔ ایس سبب توں اسیں اپنے خُداوندنال محبت کردے آں ۔ ساڈا خُداوند سانوں اپنے پچھے چلن لئی مجبور نئیں کردا تے نہ ای اوہدی عبادت کرن لئی ڈانٹ دا اے ۔ خُدا نے سانوں برکت دتی اے ۔اوہ ساڈا باپ بن گیا تے اسیں اوہدے پُتر بن گئے آں تے خُداسانوں اپنے پچھے چلن لئی آکھدا اے ۔ اوہ اپنے خادماں نوں اپنی خدمت لئی آکھدا
اے ۔
اوہ سارے جیہڑے خُدا دے راہیں مکتی یافتہ ہو گئے نیں ،اوہدے خادم ہیگے نیں ۔ خُداونداپنے سارے کم کرن والیاں نوں برکت دیندا اے تے اوہناں ساریاں نوں اپنے پچھے چلن بارے آکھدا اے ۔خُداوندسانوں ساڈے چنگے کماں لئی نئیں بلاؤندا ۔خُداوندسانوں دسدااے ، ” میَں تینوں سارے پاپاں توں مکمل طور اُتے بچایا اے ۔ تیریاں عادتاں برداشت نہ کرن والیاں نیں ۔ تیرے اندر شہوت پرستی ہیگی اے ۔تیرے بارے دسنااوکھاہیگا اے ۔ تُوں گھٹ عقل والا ہیگا ایں تینوں اپنے پیو دادیاں دے پاپاں دے سبب لعنتی ہونا چاہی دا اے ۔پر میَں تینوں بچایا تے میَں دوجیاں گلاں دی پرواہ نئیں کردا ۔ تسیں بچ نئیں سکدے سگوں ساری حیاتی پاپ کردے او،پر میَں تہاڈے سارے پاپ چُک لَے ۔ میَں تہاڈے لئی دُکھ جریا سی تے تہاڈے سارے پاپ مکاؤن لئی فیر مویاں وچوں جیوں اُٹھیا ۔ میَں ایہہ کم کیتے ایس لئی پئی میَں تہانوں محبت کردا ہاں ۔میَں تہانوں محبت کرداہاں ۔ کیہ تسیں مینوں محبت کردے او ؟ “ساڈا جواب کیہ ہیگا اے ؟ ” آہو ، میرے خُدوند ،میَں تینوں محبت کردا ہاں ۔ تینوں پتہ ہیگا اے پئی میَں تینوں محبت کردا ہاں ۔ اے خُداوند تیرا شکرہووے! “
”میرے پچھے آجاووتاں میَں تہانوں بندے پھڑن والا بناواں گا ۔ “ ”میَں تہانوں سچ آکھدا ہاں پئی جیہڑا میرے اُتے ایمان رکھدااے ایہہ کم جیہڑے میَں کردا ہاں اوہ وی کرے گا سگوں ایناں توں وی وڈے کم کرے گا ایس لئی پئی میَں باپ دے کول جاندا ہاں ۔“ خُداوند نے آکھیا ۔ کیہ تسیں ایہدے اُتے ایمان رکھدے او ؟ اسیں کنے بھیڑیاں عادتاں والے ہیگے آں !اسیں خُدا دے اگے کنے پاپ کیتے نیں ؟ پاپ نہ کرن دا فریب نہ کرو ۔
اسیں اپنی ساریاں حیاتیاں وچ بے گنت واری پاپ کردے آں ۔ پر خُداوندنےہمیش لئی ساڈے سارے پاپاں نوں مکا یا اے ، بھاویں ساڈے پاپ اینے بوہتے ہیگے نیں جنہے بوہتے اَسمان اُتے ستارے ہیگے نیں ۔خُداوندیسوع نے مکمل طور اُتے تےحدوں بوہتے ساڈے سارے پاپاں نوں چُک لیا اے ۔
خُدا نے سانوں اپنی راستبازی دے لیڑے پوان دے راہیں اپنے خادم بنایا اے
کئی واری اسیں سوچ سکدے آں پئی اسیں ہورخُدا دے پچھے نئیں چل سکدے ،جدوں اسیں اپنے آپ بارے دھیان کردے آں ۔کئی واری ساڈے دل چمکدے ہوئے دن وانگر ،پر دوجیاں ویلیاں اُتے بالکل بُجھے ہوئے نظر آؤندےنیں ۔ کدی کدی اسیں اپنے آپ نوں جد پئی نویں سریوں جمن دے بعدوں خُداونددے پچھے چلدے ہوئیاں ہنیرے وچ پاؤندے آں ۔ اسیں بدل جاندے آں جویں اسیں چونہہ موسماں وچوں لنگھے ساں ۔ خُدا نے نوح نوں اَٹھ قسماں دے موسم دتے جدوں نوح کشتی اُتے سوار ہویا ۔ خُدا نےآکھیا ، ” سگوں جدوں تیک دھرتی قائم ہیگی اے بیج بونا تےفصل وڈہنا ، ٹھنڈتے تپش ، گرمی تے پالا دن تے رات مکائے نہ جان گے ۔ “(پیدا ئش ۸ : ۲۲)۔
ساڈے ایمان دا ودھنا تے گھٹنا کیہ مک دا نئیں ؟ اسیں کئی دیہاڑیاں وچ خوشی نال یسوع دی وڈیائی کردے آں ، پر چھیتی نال غصے وچ بدل جاندے آں جدوں اسیں اوکھے ویلے ویکھدے آں ۔
” فیر اوہ ایہہ آکھدااے پئی اوہناں دیاں پاپاں تے بے دینیاں نوں فیر کدی یاد نہ کراں گا ۔تے جدوں ایہناں دی معافی ہوگئی اے تاں فیر پاپ دی قربانی نئیں رہی۔ “ ایہہ خُداوند نےآکھیا اے (عبرانیوں ۱۰ : ۱۷ ۔ ۱۸)۔
بدن بچ نئیں سکدا سگوں پاپ کردا اے جدوں تیک ایہہ مر نئیں جاندا ۔ ایہہ بدن دی شریعت ہیگی اے ۔ بدن پاپ دی شریعت دی غلامی کردااے ۔ایہدا مطلب ہیگا اے پئی بدن صرف پاپ کر سکدا اے ۔پر خُدا نے اوہناں نوں جیہڑے صرف پاپ کردے نیں ، اپنے ذاتی غلام بنایا اے ۔ کویں خُداسانوں اپنے خادم بنا سکدا اے ؟ لازمی طور اُتے اوہ اوہناں نوں اپنے خادم نئیں بنا سکدا جیہڑے پاپ کردے نیں۔
خُدا نے سارے پاپ چُکن دے راہیں تہانوں اپنے خادم بنایا اے جیہڑےتہاڈا بدن اپنے بالکل اخیری دیہاڑے تیک کردااے تے تہانوں کامل بناؤن لئی تہاڈے پاپاں دا سارا مُل اُتار دتا اے ۔ اوہنے پاک کیتا تے تہانوں اپنے پاک کامے بناؤن لئی سدیا اے ۔ اوہنے سانوں خادم بنایا ۔ بھاویں اسیں ماڑے ہیگے آں ، ہن اسیں زوررکھدےآں ۔ ” کیہ زور“ تسیں پچھ سکدے او ۔ اسیں اوہدی راستبازی دا زور رکھدے آں ۔ اسیں خُدا وند دی راستبازی لیڑیاں وانگر پاؤن دے راہیں کامل طاقت رکھدے آں ۔ دوجے اکھراں وچ ، اسیں کامل کیتے گئے آں ۔ بھاویں اسیں بدن وچ ماڑے ہیگے آں ،اسیں رُوح وچ تگڑے ہیگے آں ۔
کیہڑا خُداوند دی خدمت کر سکدااے ؟
”دکھیاں وانگر ہیگے آں پر سدا خوش رہندے آں ۔ کنگالاں وانگر ہیگے آں پر بتھیریاں نوں دولت مند کر دیندے آں ۔ غریباں وانگر ہیگے آں تاں وی سب کجھ ہیگا اے ۔“(۲ ۔ کرنتھیوں ۶ : ۱۰)۔ اسیں کوئی پاپ نئیں رکھدے بھاویں اسیں پاپی نظرآؤندے آں ۔ اسیں کوئی پاپ نئیں رکھدے ، بھاویں اسیں پاپ کردے آں ۔ ایس لئی اسیں بوہت سارے لوکاں دی پانی تے رُوح دی خوشخبری نال مکتی یافتہ ہون لئی مدد کر سکدے آں ۔ ایہہ مسیح دا بھیت ہیگا اےتے اَسمانی بادشاہی دا راز ہیگا اے ۔
میَں خُداوند دی وڈیائی کردا ہاں جنہے سانوں کامل طور اُتے بچایا اے ۔ کیہڑا خُداونددی خدمت کر سکدا اے ؟ اوہ جیہڑے پاپ نہ کر ن دی ہمت کرن دے راہیں خُداونددی خدمت کرنا چاؤہندے نیں ، یاں اوہ جیہڑے ایمان رکھدے نیں پئی خُداوندنے اوہناں دے سارے پاپاں نوں چُک لیا جیہڑے اوہناں دی ساری حیاتی وچ اوہناں کولوں ہوندے نیں؟ صرف اخیریں دسے گئے خُداوند دی خدمت کر سکدے نیں تے اوہنوں خوش کر سکدے نیں ۔ صرف اوہ جیہڑے ایمان رکھدے نیں پئی خُداوندنے کامل طور اُتے اوہناں دے سارے پاپاں نوں دھودتا اے ،اوہدی خدمت کرسکدے نیں ۔ اوہ اپنی مرضی نال اپنے آپ نوں خُداوندلئی حاضر رکھدے نیں تے اپنا سب کُجھ اوہدے کم وچ لاؤندے نیں ۔اوہ اوہدے خادم ہون دے سبب فخر کردے نیں ،مطلب اے کُجھ کرن دے لائق ہون لئی خُداوندلئی ، بھاویں چھوٹے ہیگے نیں ۔
کئی لوک اپنی دلی راستبازی دے ٹُٹن دے سبب ڈردے نیں ۔ انج اوہ کدی غصے نئیں ہوندے ، بھاویں اوہ ایہو جیہی حالت وچ ہیگے نیں جتھے اوہناں نوں غصے ہونا چاہی دا اے ۔اوہناں دی ذاتی راستبازی ٹُٹنی چاہی دی اے ۔ سانوں اپنی راستبازی گندگی دے ڈبیاں وچ سُٹنی چاہی دی اے ، جتھے اسیں اپناکچرا سُٹ دے آں ۔ ساڈی راستبازی لازمی طور اُتے ٹُٹنی چاہی دی اے ۔سانوں لازمی طور اُتے نشان لاؤنا تے ایہنوں وڈہنا تے ایہنوں گندگی دے ڈبیاں وچ سُٹنا چاہی دا اے ۔ اسیں خُداوند دا شکر کر سکدے آں تے اوہدی راستبازی نوں اُچیا ں کر سکدے آں ، صرف جدوں اسیں اپنی دلی راستبازی نوں کڈھدے آں ۔
ایہو جیہے لوک وڈیائی کرسکدے نیں تے ایہہ گاؤندے ہویاں خُداوند دا شکر کر سکدےآں ، ” شکرگزاری کردے ہوئیاں اوہدے پھاٹکاں وچ تے حمد کردے ہوئیاں اوہدے بوہیاں وچ جاوو۔ اوہدا شکر کرو تے اوہدے نام نوں مبارک آکھو ۔ “(زبور ۱۰۰ : ۴)۔ اوہ جیہڑے اپنی ذاتی راست بازی رکھدے نیں بھاویں اوہ مکتی یافتہ ہو سکدے نیں ،اخیر تیک خدمت نئیں کر سکدے یاں خُداوند نال محبت نئیں کر سکدے ۔ اوہ جیہڑے جان دے نیں پئی بدن اوہناں دیاں ساریاں حیاتیاں وچ صرف پاپ دی خدمت کردا اے تے ایمان رکھدے نیں پئی خُداوند نے اوہناں دے سارے پاپ ،آؤن والے دناں دے نال رلاؤندیاں ہویاں ،چُک لَے نیں ،صبر نال خُداوند نال محبت کرنا تے خدمت کرنا چاوہندے نیں ۔ اوہناں دے دلاں وچ خُداوند نال محبت کرن دی تمنا ہیگی اے ۔
کیہ تسیں دل رکھدے او جیہڑا محبت کردا تے خُداوند دی خدمت کرنا چاؤہندااے ؟ کیہ تسیں دل رکھدے او جیہڑا اوہدا شکر کردااے ؟
خُداوندنے سانوں پاپ توں اَڈ خوشحال حیاتیاں بسرکرن دے لائق بنایا
اسیں خُدادے خادم ، خوشحالی نال رہندے آں تے اوہناں توں بوہتے خوش ہیگے آں جیہڑے اک ورہے وچ دس لکھ ڈالر کماؤندے نیں ۔ اسیں گرمیاں وچ ہدوانا کھاندے آں تے آڑُو تے انگور کھاندے آں ،جدوں اوہ اپنے موسم وچ ہوندےنیں ۔ اسیں ہر شے کھا سکدے آں جنہوں ساڈا دل کردااے ۔ اسیں غریب نئیں ہیگے آں ۔ کیا تسیں مکتی پاؤن دےبعدوں غریبی وچ کدی جیوندے رہ چُکے او ؟ اسیں خوشحالی نال جیوندے رہ چُکے آں ۔
اسیں بوہتا چِر جیوندے رہ سکدے آں جے اسیں خُداوند نال چلد ے آں ۔ اک بندہ جیہڑا خُداوندنال چلدااے ، اوہنوں کوئی گھاٹا نہ ہووے گا ۔کیہ تسیں ایہہ ایمان رکھدے او ؟ اسیں گھاٹے توں اَڈ جیوندے آں ،بھاویں اسیں دنیاوانگر امیر نئیں ہیگے آں ، کیہ تسیں ایہہ ایمان رکھدے او ؟ کیہ تسیں ایتھوں تیک پئی خُداوندنال ملن دے بعدوں ادھوریاں لوڑاں تے آس رکھدے او؟ سانوں کسے شے دا گھاٹا نئیں ۔ ہن اسیں بوہتے امیری وچ رہندے آں جناں کدی اسیں ماضی وچ رہندے ساں ۔ میَں ،اک لئی ، ہُن بوہتا چنگا رہندا تے سوں چُکیا ہاں جناں میَں کدی رہندا ساں ۔
ساڈا خُداوندسانوں کامل طور اُتے بچا چُکیا اے ۔ اَکھر ایس برکت نوں دس نئیں سکدے ۔ ساڈا خُداوند سانوں کامل طور اُتے بچا چُکیا اے تے تہانوں تے مینوں اوہدے راہیں خُدا دا شکر کرن دےلائق بنا چُکیا اے ۔ اوہدا فضل بوہت وڈا ہیگا اے !
اپنے بدن نوں ویکھدے ہوئیاں ، پولُس نے آکھیا ، ” ہائے میَں بوہت لیکھاں ماریابندہ ہیگا واں!ایس موت دے بدن توں مینوں کیہڑا چھڈاوے گا ؟ “ اسیں اپنی ساریاں حیاتیاں پاپ کردے آں ۔ کنے سانوں سارے پاپاں توں بچایا جیہڑے اسیں بدن وچ رہندے ہوئیاں کردے آں ؟ خُداوند یسوع مسیح سانوں بچا چُکیااے ۔ جویں پولُس نے آکھیا ، میَں وی یسوع مسیح ساڈے خُداوند دے راہیں خُدا دا شکراداکردا ہاں ۔ میرے خُداوند ، تیرا شکر ہووے ۔ساڈے سارے پاپ چُکن لئی تیرا شکرہووے ۔
پولُس رسول خُدا دی راستبازی پاؤن دے بعد وں اپنی ذاتی راستبازی نال جیوندانہ رہیا ۔ اوہنے بوہتی وار اقرار کیتا پئی اوہدا بدن پاپ دے ہتھوں وکیا ہویا سی ۔ کئی لوک دعویٰ کردے نیں پئی پولُس نے باب ۷مکتی یافتہ ہون توں پہلاں تے باب ۸ مکتی یافتہ ہون دے بعد لکھیا سی ۔ ایہہ صرف ٹھیک نئیں ہیگا اے ۔
خُدا دا کلام اوہناں دونواں اُتے لاگُو ہوندا اے جیہڑے مکتی یافتہ ہیگے نیں تے اوہ جیہڑے مکتی یافتہ نئیں ہیگے نیں ۔ ایہہ ہر کسے اُتے لاگُو ہوندااے ۔ بوہتے خُدائی تعلیم دے ماہر ، خُدا دے کلام نوں نہ جان دے ہوئیاں ، باب ۷ نوں باب ۸ توں وکھ کرن لئی چالاک ہیگے نیں تے پہلا باب اوہناں اُتے لاگُو کردے نیں ، جیہڑے مکتی یافتہ نئیں ہیگے نیں تے اخیریں دسیا گیا باب اوہناں اُتے جیہڑے مکتی یافتہ ہیگے نیں ۔ اوہ انھے واہ پیریاں وچ خُدا دے کلام نوں ونڈدے نیں ، بھاویں اوہ نئیں جان دے پئی کویں پیریاں نوں ونڈنا اے ۔ایس کم وچ بوہت سارے چالاک تے حالے تیک دھوکے باز بندے ہیگے نیں ۔
خُداوند نے فیصلہ کردے ہوئیاں تے مکمل طور اُتے ساڈے سارے پاپاں نوں چُکیا اے ۔ میَں
چاؤہندا ہاں پئی تسیں ایمان دےراہیں ،خُدا دا شکر کر ن لئی جیوندے رہوو۔ میَں چاؤہندا ہاں پئی تسیں اپنے چہرے توں وٹاں نوں سدھا کر و ۔ خُداوند تہاڈے دلوں سارے کالے پاپاں نوں لَے چُکیا اے ۔ میَں خُداوندداشکر کرداہاں جیہڑاسانوں بدن دے سارے پاپاں توں بچاؤندااے
Copyright © 2021 by The New Life Mission