Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 9: رومیوں (رومیوں دی کتاب اُتے تفسیر)
[15 باب] آؤ اسیں سارے جگ وچ خوشخبری نوں ودھائیے
”ایس لئی پئی سانوں تگڑیاں نوں چاہی دا اے پئی ماڑیاں دیاں کمیاں دی رعایت کرئیے نہ پئی آ پ خوش ہوئیے ۔ ساڈے وچوں ہر بندہ اپنے گوانڈھی نوں اوہدے فائدے لئی خوش کرے تاں پئی اوہدی ترقی ہووے ۔ “(رومیوں ۱۵ : ۱ ۔ ۲)۔
اوہ جیہڑے خُدا دی راستبازی اُتے ایمان رکھدے نیں اوہناں نوں لازمی طور اُتے اپنی دلی راستبازی نئیں لبھنی چاہی دی ،ایس لئی پئی یسوع مسیح نے وی اپنی راستبازی نئیں لبھی ۔ راستبازخُدا دی بادشاہی لئی جیوندے نیں تے دوجیاں دی بھلیائی لئی خوشخبری نوں ودھاؤندے نیں ۔ پولُس نے آکھیا پئی تگڑیاں نوں اپنے آپ نوں خوش کرن دے تھاں اُتے ماڑیاں دیاں کمیاں سہنیاں چاہی دیاں نیں ۔
خُدا دی راستبازی اُتے ایمان رکھن والیاں نوں لازمی طور اُتے خوشخبری نوں ودھاؤنا چاہی دا اے تاں پئی اوہ یسوع مسیح دے بپتسمے تے لہو نال دوجیاں دے پاپاں نوں مکا سکن ۔ ایس لئی پئی خُدا اوہناں توں نفرت کردااے جیہڑے سُست نیں تے پاپیاں نوں بچاؤن لئی خوشخبری نوں نئیں ودھاؤندے ۔ ایس لئی سانوں لازمی طور اُتے اپنی دلی راستبازی نئیں لبھی چاہی دی اے ،سگوں دوجیاں تیک خُدا دی راستبازی نوں ودھاؤنا چاہی دا اے ۔ سانوں لازمی طور اُتے پانی تے رُوح دی خوشخبری نوں ودھاؤنا چاہی دا اے تاں پئی ایمان دے راہیں پاپی مکتی یافتہ ہو سکن ۔ سانوں لازمی طور اُتے اک دوجے دی ترقی وی کرنی چاہی دی اے ۔
دوجے بندے دے نیہ اُتے ایمان دا گھرنہ بناؤ
آیت ۲۰ دسدی اے ، ” تے میَں ایہو ای حوصلہ رکھیا پئی جتھے مسیح دا نام نئیں لیا گیا
اوتھے خوشخبری سناواں تاں پئی دوجے دی نیہ اُتے گھر نہ بناواں ۔ “
خوشخبری وچ کئی خاص شیواں نیں جیہدی پولُس نے منادی کیتی ۔ اوہنے صرف پانی تے رُوح دی خوشخبری ودھاؤن لئی ہتھ پیر مارے ۔ خُدا دی راستبازی اُتے ایمان رکھن والیاں نوں لازمی طور اُتے پانی تے رُوح دی خوشخبری ودھاؤن لئی ہتھ پیر مارنے چاہی دے نیں ، بالکل جویں پولُس نے کیتا ۔ اِنج کرن لئی ، سانوں لازمی طور اُتے اپنی آپ دی تھاں اُتے دوجیاں دی بھلیائی لبھنی چاہی دی اے ۔ اوہ لوک جیہڑے دوجیاں دے فائدے لبھدے نیں اِنج کردے نیں پئی اوہ مسیح نال سولی اُتے مر گئے نیں تے اوہدے نال جیوں وی اُٹھے نیں ۔ اوہ جیہڑے مسیح اُتے ایمان رکھدے نیں موئے ہوئے نئیں ہیگے ، سگوں جیوندے نیں ۔
”ایسے لئی میَں تہاڈے کول آؤن توں کئی واری رُکیا رہیاں ہاں۔ پر ایس لئی مینوں ہُن ایناں ملکاں وچ تھاں باقی نئیں دِسدی تے بوہتے ورہیاں توں تہاڈے کول آؤن دا مینوں شوق وی اے ۔ ایس لئی جدوں اسفانیہ جاواں گا تاں تہاڈے کولوں ہوندا ہویا جاواں گا ایس لئی پئی مینوں یقین اے پئی اوس سفر وچ تہاڈے نال ملاں گا تے جدوں تہاڈے کول رہ کے کجھ کجھ میرا دل رج جاوے گا تاں تُسیں مینوں اوس پاسے ٹور دیوو گے ۔ پر ایس ویلے تاں پاک لوکاں دی سیوا کرن لئی یروشلیم نوں جاندا ہاں ۔ ایس لئی پئی مکُدنیہ تے اخیہ دے لوک یروشلیم دے غریب پاک لوکاں لئی کجھ ہدیہ اکٹھا کرن لئی راضی ہوئے ۔ کیتا تاں دلوں خوش ہو کے پر اوہ اوہناں دے قرضئی وی نیں ایس لئی پئی اوہ جدوں اوپریاں قوماں رُوحانی گلاں وچ اوہناں نال میل جول رکھیا اے تاں ضروری ہیگا اے پئی بدنی گلاں وچ اوہناں دی سیوا کرن ۔ ایس لئی میَں ایس سیوا نوں پورا کر کے تے جو کجھ ملیا اوہناں نوں دے کے تہاڈے کولوں ہوندا ہویا اسفانیہ نوں جاواں گا ۔ تے مینوں پتہ ہیگا اے پئی جدوں تہاڈے کول آواں گا تاں مسیح دی خاص برکت لے کے آواں گا ۔ “(رومیوں ۱۵ : ۲۲۔۲۹)۔
پولُس اک سفر کرن والا مناد تے خُدا دی کلیسیا دا راکھا سی
جدوں پولُس یروشلیم دی کلیسیا دے مسیحیاں دی سیوا کرن لئی اپنے سفر اُتے سی ، اوہنے مکدُنیہ تے اخیہ ولوں دتے جان والے ہدئیے اوہناں نوں دے دتے ۔ پولُس نے ودھایا پئی جے اوپری قوم اپنی رُوحانی گلاں وچ حصہ لین والے ہوگئے نیں ، اوہناں دا فرض پیسے دھیلے والیاں گلاں وچ وی اوہناں دی سیوا کرنا اے ۔ یروشلیم دی کلیسیا دے پاک لوک اوس ویلے دکھاں وچ پھسے ہوئے سن ، تے اپنے آپ نوں پیسے دھیلے دیاں لوڑاں توں نئیں چھڈا سکدے سن ۔ یروشلیم دی کلیسیا نے ، جیہڑی یسوع مسیح اُتے ایمان رکھن دے سبب توں بوہت وڈےدکھ جردی پئی سی ، وڈے طریقے نال اوپری قوم دے بھراواں تے بھیناں ولوں تسلی پائی ۔
تھوڑا چِر پہلوں ا ی جویں پرانیاں ویلیاں وچ سی ،خُدادی کلیسیا لئی اپنے آپ اوس توں سواد لین دی تھاں اُتے لوڑ منداں نال اپنی دولت ونڈنا اک رسم بن گئی اے ۔ رُوح نال بھرے ہوئے ایماندار خاص کر کے اکلے اپنے آپ لئی جیوندے نئیں رہ سکدے ۔ کاہدے لئی ؟ ایس لئی پئی پاک رُوح اوہناں وچ وسدا اے! اوہ نویں سریوں جمے نیں جیہڑے پاک رُوح دے راہیں اگوائی پاؤندے نیں جیہڑا اوہناں وچ وسدا اے ۔
ایہہ حیران کرن والی گل ہیگی اے پئی اوپری قوم دیاں کلیسیاواں نیں مدد کیتی تے یروشلیم دی کلیسیا نوں پیسے دیتے۔ ایہہ پاک رُوح دا کم سی ۔ پاک رُوح نے پانی تے رُوح دی خوشخبری لئی یروشلیم دی کلیسیا دی مدد کیتی ، کسے بندے لئی نئیں ، تے ایسے طرحاں اوہنوں سامان دی مدد وی دتی ۔ اوس ویلے اسرائیل وچ ، بوہتے لوک مارے گئے ، جیل وچ سُٹے گئے ، ایتھوں تیک پئی اپنے مکتی داتا وانگر مسیح اُتے ایمان رکھن دے سبب قتل کیتے گئے ۔
ٹی وی دے دستاویزی پروگراماں وچ ، اسیں کئی واری شہیداں دیاں باقی قبراں تے پہاڑی غاراں وچ اوہناں دے نشان ویکھ سکدے آں ۔ ایہہ اوہ اوکھےحال سن ، جنہاں وچوں یروشلیم دی کلیسیا اوس ویلے لنگھی ۔ سانوں ، وی، لازمی طور اُتے خُدا دیاں کلیسیاواں دی مدد کرنی چاہی دی اے جدوں اوہ اوکھے ویلے وچوں لنگھدیاں ہون۔
اسیں خورے اکٹھے رل کے مدد کرن دی لوڑ نوں اکھیوں اولے کر سکدے آں جیہڑی مڈھلی
کلیسیاواں نیں اک دوجے دی مدد کیتی پر ایہہ ویلا سی جدوں ایمانداراں نوں دکھاں توں بچن لئی لُک کے جیونا پیا ۔ صرف پاک رُوح اوہناں حالاں وچ ونڈن نوں سوکھابنا سکدا سی ۔ ایس لئی پئی یروشلیم دی کلیسیا دکھاں وچ پھسی ہوئی سی ، ایہہ دوجیاں کلیسیاواں لئی اوہدی مدد کرنا قدرتی گل سی ۔ ایس لئی پئی ایہہ پاک رُوح دا کم سی ، ایہہ مناسب تے سوہنا سی ۔
تہانوں خُدا دی راستبازی اُتے ایمان رکھن والیاں نوں ، ایسے طرحاں اِنج دے کماں وچ حصہ لینا چاہی دا اے ۔ دی نیولائف مشن دے کلیسیا دے بندے پیسے اکٹھے کردے نیں تے سارے جگ وچ خوشخبری ودھاؤن لئی پیسے لاؤندے نیں ۔ اوہ ہر طرحاں دی پیسے دھیلے دی مشکل جردے نیں ، پر اوہ فیر وی لوکاں نوں بچاؤن لئی خوشخبری دی منادی کرن لئی جوش بھرے نیں ۔
پولُس نےپانی تے رُوح دی خوشخبری دی منادی کرن لئی تنبُو بناؤن والا کم کیتا ۔ جدوں کوئی ہیگا سی ، اوہنوں جیہڑا کلیسیا دی فکر کر سکدا سی جو کجھ اوہدے کول سی ، اوہنے کلیسیا اوہدے حوالے کیتی ، تے خوشخبری دی منادی کرن لئی دوجے علاقے دے راہ اُتے ٹُر پیا — سارا کجھ جد پئی اوہدے جیوندے رہن دی کمائی تنبُو بناؤن دے راہیں سی ۔
بالکل جویں تُسیں اپنے آپ لئی اکلے نئیں جیوندے ، ساڈے خادم وی اپنے آپ لئی اکلے نئیں جیوندے ۔ اوہ جیہڑے اپنے آپ وچ وسیا ہویا پاک رُوح رکھدے نیں اپنے آپ نوں خُدا دے کم لئی ناویں لا دیندے نیں — ایہہ کم گواچیاں ہویاں نوں اوہناں دے سارے پاپاں توں بچاؤن دا اے ۔ ساڈے مشن دے دونویں خادم تے جگ وچ کم کرن والے ” تنبُو بناؤن دی سیوا “ دے راہیں خوشخبری دی سیوا کردے نیں ۔ جد پئی اوہ اپنے آپ دی مدد لئی اپنیاں نوکریاں کردے نیں تے اوسے ویلے دونویں پیسیاں نال تے رضاکاری نال خوشخبری نوں ودھاؤن لئی حصہ پاؤندے نیں ۔
ایسے طرحاں ، اسیں بوہت چوکھے رَلدے کم پولُس دی سیوا تے مطلب اے اج خُدا دی کلیسیا وچکار ویکھ سکدے آں ۔ ساڈے اوسے طرحاں دے دلی حال نیں ، تے حیاتیاں بسرکردے آں جیہڑیاں پاک رُوح نوں خوش کردیاں نیں ۔ ساڈے دلاں وچ کیہ ہیگا اے جد پئی اوہ سخت ہو کے ٹھنڈے ہوگئے نیں ؟ اسیں لازمی طور اُتے اپنے نال دے مسیحیاں تے خُدا دے خادماں بارے سوچدے آں تے حیران ہوندے آں کیہ اوہ ٹھنڈے ہون دا دکھ جردے پئے نیں ۔ اسیں نویں سریوں جمے ہوئے مسیحی ، فکر کردے تے اک دوجے دی رکھوالی کردے آں ۔ پاک کتاب وچ سارے راستبازاں نوں اک دوجے دی
تے رَل کے خُدا دی راستبازی دی سیوا دی لوڑ سی ۔ ایمان دی ایہہ حیاتی راستبازاں دیاں اصل حیاتیاں نیں ۔
اسیں ایہو جیہے دلی خیالاں نال جیوندے رہ چُکے آں ۔ جدوں اسیں پہلوں پانی تے رُوح دی خوشخبری دی منادی شروع کیتی ، اسیں حصیاں وچ شروع کرنا سی ، جدوں ساڈے کول ککھ نئیں سی ۔ اسیں پیسے دھیلیاں بارے اینے ماڑے ساں پئی اسیں کئی واری گرجے دے مکان دا کرایہ تے بل دین لئی کجھ سو ڈالر اکٹھے کرن لئی بوہت اوکھے ویلے وچ پَے جاندے ساں ۔ پر اسیں فیر وی ایس سارے ملک وچ اپنیاں کتاباں چھاپن دی سیوا لئی اپنے آپ نوں ایس ناویں لایا اے ۔
جدوں اسیں پیسے دھیلے دے گھٹ ہون دا دکھ جریا ، ایہہ خُدا سی جنہے ساڈے دکھ مکائے تے سانوں ساڈی سیوا دے پھل ویکھن دی اجازت دتی ، ایس لئی پئی پاک رُوح ساڈے دلاں وچ وسدااے ، ساڈی خوشخبری نوں ودھاؤن دی آس ساڈے دلاں وچ چمکدی پئی اے ، بھاویں کئی اوکھے ویلے آؤن سارے فضول نیں۔ اسیں پانی تے رُوح دی خوشخبری دی منادی کرن دے راہیں گواچے ہوئے لوکاں نال خُدا دی محبت ونڈنا چاؤندے آں ، بالکل جویں خُدا دی کلیسیاواں تے راستبازاں نیں جویں پاک کتاب وچ لکھیا ہویا اے ،کیتا سی ۔
اسیں ویکھدے آں پئی مُڈھلی کلیسیا دے نویں سریوں جمے ہوئے مسیحیاں نیں اک دوجے دی رکھوالی کیتی تے مطلب اے اسیں وی اِنج ای کردے آں ۔ ایہہ پاک رُوح دی اگوائی توں اڈ کدی ہو نئیں سکدا ۔ پاک رُوح نویں سریوں جمے ہویاں دے دلی خیالاں دے سبب ساری دھرتی اُتے خُدا دی راستبازی نوں ودھاؤندا پیا اے ۔ تے اِنج ای کردا رہوے گا ۔
ایتھوں تیک پئی اسیں اخریں دناں تیک اپڑ گئے آں !
لوک آکھدے نیں پئی ہن اسیں اخیری دناں وچ جیوندے پئے آں ، جدوں پاک کتاب دے وچ لکھے ہوئے سارے اوکھے ویلے پورے ہو جان گے ۔
اخیری دناں وچ طوفان تےتباہیاں ساریاں نوں برباد کردین گئیاں ۔ایمانداراں وانگر ، سانوں لازمی طور اُتے خُدا دی راستبازی اُتے اپنے ایمان وچ بوہت پکے ہو کے کھلونا چاہی دا اے تے ایتھوں تیک پئی بوہت چوکھے شوق نال پانی تے رُوح دی خوشخبری دی منادی کرنی چاہی دی اے ۔ اوہ جیہڑے خُدا دی راستبازی اُتے ایمان رکھدے نیں ، اوہناں نوں لازمی طور اُتے ایناں اخیری دیہاڑیاں وچ اک دوجے دی راکھی کرنی تے پیار بھریا دل رکھنا چاہی دا اے ۔ ساڈے اپنے دل سخت ہو سکدے نیں جویں جگ دے دل سخت نیں ، پر اسیں اخیریں ایس جگ اُتے فتح پا سکدے آں ، ایس لئی پئی اسیں اپنے دل وچ پاک رُوح رکھدے آں ۔ حالات بھاویں کیہو جیہے نیں سب فضول اے ، سانوں خُدا دی کلیسیاواں تے لوکاں دی راکھی کرن دی لوڑ اے ۔ سانوں لازمی طور اُتے اوہنا ں دی راکھی کرنی چاہی دی اے ، جنہاں نوں ساڈی مدد دی لوڑ اے ، اوہناں نال محبت کرو، اپنے نال دے بھراواں تے بھیناں دے بارے سوچو ، تے جگ دے اخیر تیک خوشخبری نوں ودھاوو۔
سانوں لازمی طور اپنے آپ نوں اپنی دلی راستبازی لبھن دی تھاں اُتے دوجیاں دی مکتی لئی ناویں لاؤنا چاہی دا اے ۔ سارے جگ وچوں حالے تیک بوہت چوکھے لوک نیں ، جنہاں نیں پانی تے رُوح دی خوشخبری نئیں سُنی اے ۔ بوہتیاں ملکاں دے لوکاں نیں کدی پانی تے رُوح دی خوشخبری نوں نئیں سُنیا اے ، نہ ای خُدا دی راستبازی بارے جانن دا موقع پایا۔ سانوں لازمی طور اُتے سپاہیاں وانگر دل رکھنے چاہی دے نیں جیہڑے گواچے ہوئے لوکاں تے قوماں نوں پانی تے رُوح دی خوشخبری نال جِتن دی کوشش کردے پئے نیں ۔ ایہہ مشن سختی نال نئیں ملدا ، جویں پئی اسیں طاقت نال مجبور ہیگے آں ، سگوں ایہہ قدرتی طریقے نال ساڈے وچوں اوہناں دے دلاں وچ ودھدااے جنہاں وچ پاک رُوح وسدااے ۔
جگ دے اخیر تیک پانی تے رُوح دی خوشخبری نوں ودھاؤن دا وڈا حکم اج ساڈے دلاں وچ جیوندا اے ۔ میَں تہانوں کیہ دسنا چاؤہنداہاں اوہ ایہہ ہیگا اے پئی جناں بوہتا ایہہ جگ دکھاں وچ پھسدا جاندا اے ، اونا بوہت چوکھا خُدا ساڈے اُتے اپنا پاک رُوح گھلدا اے ۔ اسیں چھاپیاں ہویاں تے برقی کتاباں دے راہیں ، مطلب اے بے مُلی اوہناں نوں دسی گئی خوشخبری ودھاؤندے پئے آں جیہڑے سچیائی دے تریہائے نیں ۔ اسیں پکے ہمیش لئی انٹرنیٹ دے راہیں اپنی سارے جگ وچ سیوا نوں کردے رہواں گے ۔
بھاویں اسیں امریکی یاں یورپی گوریاں توں بوہتے امیر نئیں ہیگے آں ، اسیں فیر وی اوہناں نوں خوشخبری سنا سکدے آں جیہڑی خُدا دی راستبازی نال بھری ہوئی اے ۔ اسیں اوسے طرحاں دی سوچ رکھدے آں جویں پطرس دی سوچ سی جنہے آکھیا ، ”چاندی سونا تاں میرے کول ہے نئیں پر جو کجھ میرے کول اے اوہ تینوں دے دیندا ہاں ۔ یسوع مسیح ناصری دے نام نال ٹُر پھِر ۔“(اعمال ۳ : ۶)۔
اسیں اوہناں نوں بے مُلی خوشخبری سنا سکدے آں جنہے خُدا دی راستبازی نوں پورا کیتا اے ، جیہدا اوہناں نوں پتہ نئیں سی ۔ بھاویں اسیں کسے دوجے توں بوہتے چنگے نئیں آں جدوں جگ دیاں تکڑیاں نال تولے جاندے آں ، اسیں خُدا دے خادم آں جیہڑے خوشخبری سنا سکدے آں جیہڑی خُدا دی راستبازی نال بھری ہوئی اے ۔ اوہ جیہڑے ساڈی سیوا دے راہیں ایس خوشخبری نوں سُنن دے بعدوں ،ایہنوں جانن تے ایس خوشخبری اُتے ایمان رکھن لئی آؤندے نیں بوہت وڈیاں برکتاں پاؤن گے ۔
ایہہ انٹرنیٹ دا زمانہ اے ، تے ایہدے راہیں خُدا نے سانوں سارے جگ کول اپڑن دا راہ دتا اے ۔ اسیں ویکھیا اے بوہت شکرگزار تے خوش رہن والے لوک سن جدوں اسیں اوہناں نوں خوشخبری سنائی جنہے خُدا دی راستبازی پوری کیتی اے ۔ جنہاں بوہتا جگ جہالت دے ہنریاں وچ پھسدا جاندا اے ،اونے شکر گزار تے تگڑے اسیں جد پئی گواچیاں ہویاں تیک خُدا دی راستبازی دی خوشخبری دی منادی کردے رہواں گے ۔ کیہ ایہہ جگ اِنج ای مک جاوے گا ، یاں کیہ خُدا سانوں اپنی خوشخبری نوں سناؤن دے بوہتے موقعے دیوے گا ؟ ایہدے بارے وچ سانوں سوچنا چاہی دا اے تے دعا منگنی چاہی دی اے ۔ ہر شے پاک رُوح دے راہیں کامل طریقے نال پوری ہو جاوے گی ۔
میَں وی اپنے آپ دافائدہ سوچدا ہوندا ساں ، تے صرف نویں سریوں جمن توں پہلوں اپنی حیاتی دی پرواہ کرداساں ، نہ صرف میَں ای ، سگوں اسیں سارے اِنج ای ساں ۔ اوہ جیہڑے صرف بدنی خوشیاں لئی جیوندے نیں ، دعویٰ کرسکدے نیں پئی اوہ محبت رکھدے نیں ، پر اصل وچ اوہ دوجیاں نال اصل محبت نئیں کر سکدے ۔ ایہہ اوہناں وچکار فرق ہیگا اے جیہڑے پاک رُوح رکھدے نیں تے اوہ جیہڑے نئیں رکھدے ۔ پاپی صرف اپنے آپ لئی جیوندے رہ سکدے نیں ، پر اوہ جیہڑے پاک رُوح دے پچھے چلدے نیں کسے دوجے لئی جیون دی طاقت رکھدے نیں ، تے اصل وچ دوجیاں لئی جیوندے نیں ۔ خُدا باپ ،بیٹا پاک رُوح دوجیاں لوکاں لئی اپنے ایماندراں نوں جیوندے رہن دی طاقت دیندااے ۔ ایس لئی پئی خُدا اوہناں دے دلاں وچ رہندااے تے اوہناں دی اگوائی کردااے ایس لئی اوہ اوہدے راستباز کم کر سکدے نیں ۔
بھاویں ایس جگ وچ کنیاں کلیسیاواں نیں، سب فضول اے ، ہُن اوہناں وچوں لگ بھگ
ساریاں صرف جگ دے کم کار والے محکمے بن گئیاں نیں ۔ اوہ اپنی فضول خرچ کلیسیاواں بناؤن لئی کوئی پیسے نئیں بچاؤندے تے اوہ وڈے وڈے خزانے رکھدے نیں جیہڑے لکھاں ڈالراں وچ ہوندے نیں ، تے فیر وی صرف اپنی دولت دی بوہت گھٹ مقدار ، بھاویں اخیریں ، بھلیائی دے کماں لئی دتی جاندی اے ۔ اوہ ایس دھرتی توں بوہتی دولت پاؤن لئی ، پاپ توں لوکاں نوں بچاؤن دے اپنے اصل مقصد نوں گھٹیا تے فضول سمجھدے ہویاں کملے ہوگئے نیں ۔ اوہ خُدا دی کلیسیا دا حصہ نئیں ہو سکدے ، ایس لئی پئی اوہدی کلیسیا خُدا دی اپنی دلی ریجھاں اُتے اگانہہ ودھن دی طالب نئیں ہوندی ۔
خُدا دی اصل کلیسیا کھری تے ایمانداری نا ل گواچے ہوئے لوکاں نوں بچاؤن لئی اپنے طریقے ورتدی اے ۔ جویں پاک کتاب آکھدی اے ، ” برکت والے اوہ نیں جیہڑے ترس کھاندے نیں ایس لئی پئی اوہناں اُتے ترس کھادا جاوےگا۔ “(متی ۵ : ۷)،خُدا سانوں ایس جگ دے لوکاں دی راکھی کرن دا تے اوہناں نوں مکتی تیک لیاؤن دا وعدہ کر چُکیا اے ، تے اوہ ایہہ سارے کم سوکھے بنا چُکیا اے ۔ ہُن پانی تے رُوح دی خوشخبری چھپائی وچ اکٹھی کیتی گئی اے جیہڑی گھٹوگھٹ ۹۹ بولیاں تے ۶۵ توں بوہتیاں سرناویاں وچ ترجمہ کیتی گئی اے، اوہناں وچوں ہر کوئی اوہناں دے اگے خُدا دی راستبازی دی گواہی دیندی پئی اے جیہڑے اپنی رُوحانی موت وچ مردے پئے نیں ۔
خُدا بوہت خوش ہووے گا جے اسیں بوہت دلوں دعا منگیے تے اوہناں نوں بچاؤن لئی بوہتے پاپیاں تیک ،ایس توں پہلوں پئی ایہہ جگ وڈے دکھاں وچ پھس جاوے تے اپنی بربادی تیک اپڑے پانی تے رُوح دی خوشخبری نوں ودھائیے؟ آؤ اسیں ہمت نہ ہارئیے ، سگوں بالکل اخیر تیک وفادار رہیے ۔
پرانیاں ویلیاں وچ ، غریب اک دوجے دی مدد کرن دے راہیں بچ سکدے سن ۔ پر ہُن اسیں بوہت اوکھے ویلے وچ آگئے آں جیہدے وچ صرف تگڑے بچ سکدے نیں ۔ جدوں کدی اسیں ایس نسل نوں ویکھدے آں ، اسیں اپنے فرض ولوں سکون وچ آں سانوں لازمی طور اُتے اوہناں تیک پانی تے رُوح دی خوشخبری ودھاؤنی چاہی دی اے جنہاں نیں حالے تیک ایہنوں نئیں سُنیا ۔ اسیں سارے خوشخبری نوں ودھاؤن داشوق رکھدے آں جیہڑا اوہناں نوں سکون دیوے گا جیہڑے ایس دکھی جگ وچ اپنیاں نہ مکن والیاں کوششاں کر کے تھکے ہوئے تے ہارے ہوئے نیں ۔ آؤ اسیں اوہناں تیک پانی تے رُوح دی خوشخبری دی روحانی برکت پوہنچائیے ۔ اسیں خُدا دی راستبازی اُتے اپنے ایمان نال مسیح لئی جیوندے رہ سکدے آں ، ایس لئی پئی اوہنےساڈے سارے پاپاں نوں چُک لیا اے ۔
خوشخبری جیہڑی خُدا دی راستبازی وچ ہیگی اے ہُن دس حصے ، سو حصے ،ہزار حصے تے لکھ حصے بوہت چھیتی نال ودھے گی ۔ سانوں بوہت چوکھا کم کرنا پوے گا ، ایس لئی آؤ اسیں وفادار ہوئیے ۔ اوہ جیہڑے ذہین نیں ، اوہناں نوں اپنی ذہانت خُداوند نوں دینی چاہی دی اے تے ہر کسے تیک خوشخبری نوں ودھاؤنا چاہی دا اے ۔ سانوں خُدا دی دتی ہوئی صلاحیت دے مطابق خوشخبری نوں ودھاؤن لئی لازمی طور اُتے سارا کم کرنا چاہی دا اے ۔ اسیں اپنی کوئی دلی طاقت نئیں رکھدے ، سگوں میَں ایمان رکھدا ہاں پئی جے پاک رُوح دے مطابق جیہڑا سانوں ہلاؤندا اے خُدا دے اگے دعا منگدے آں ، خُدا ساڈی ساریاں آساں پوریاں کر دیوے گا ۔
مسیح نے سانوں اپنی کھری محبت دتی اے جیہڑی پاپیاں نال محبت کردی اے ۔ اسیں خُدا دی راستبازی اُتے اپنے ایمان دے راہیں ایس جگ دے پاپاں توں مکتی یافتہ ہوگئے آں ۔ ایس لئی سانوں لازمی طور اُتے خوشخبری نوں ودھاؤن لئی بوہت کم کرنا چاہی دا اے ، ایتھوں تیک پئی جویں جویں ایس جگ وچ جیونا بوہتا اوکھا ہوندا جاندا اے ۔ اسیں اوہناں نوں خوشخبری دین دا فرض رکھدے آں جنہاں نیں حالے تیک ایہنوں نئیں سُنیا اے ۔
خُدا نے آکھیا ، ”میَں اپنے لئی ست ہزار بندے بچائے ہوئے نیں جنہاں نیں بعل دے اگے گوڈے نئیں ٹیکے۔ “(رومیوں ۱۱ : ۴)۔ ایس جگ وچ حالے تیک بوہت چوکھے ہیگے نیں جنہاں نوں پانی تے رُوح دی خوشخبری پاؤن دی لوڑ اے ۔ ایس لئی بوہت چوکھے لوک ، بھاویں پادری ، خُدائی تعلیم دے ماہر یاں دنیادار بندے ہُن اُٹھدے پئے نیں ۔
مطلب اے اسیں خوشخبری دا کم کرن دے لائق آں ایہہ مسیح دی محبت دے سبب ہیگا اے ۔ سانوں حالے تیک بوہت چوکھا کم کرنا اے ، تے کئی واری اسیں اوہناں دے ہیٹھاں اپنے آپ نوں محسوس کردے آں ۔ پر سانوں بوہتا وفادار ہونا چاہی دا اے تے ایتھوں تیک بوہت جوش نال خوشخبری نوں ودھاؤنا چاہی دا اے جویں جویں ساڈے اُتے بوہتےاوکھے ویلے آؤندے نیں ۔ ایہہ مسیح دا دل اے ۔ میَں دعامنگداہاں پئی ،تُسیں ،مطلب اے راستباز ، صرف اپنے آپ بارے نہ سوچو ۔ جے تُسیں صرف اپنے آپ دے بارے سوچدے او ،تاں ایمان یاں دعاواں دی کوئی لوڑ نئیں ایس لئی پئی تُسیں صرف اپنے آپ لئی جیون دی کوشش کردے پئے او تے گواچے ہوئے لوکاں بارے کجھ نئیں کردے ۔ پر جے تہانوں اپنی مدد لئی تے ایسے طرحاں دوجیاں لوکاں لئی دیہاڑی لاؤنی اے ، تاں کیہ ہووے گا ؟ تُسیں خُدا
کولوں مدد لئی دعا منگو گے ایس لئی پئی تُسیں ماڑے ہیگے او ۔
ایس طرحاں ساڈا ایمان تے دعاواں ودھدیاں نیں ۔ ایس لئی ساڈا خُدا آکھدا اے ، ” کوئی تاں کھلاردا اے تاں وی ترقی کردااے تے کوئی جائز خرچا کرن توں صرفہ کردا اے پر فیر وی کنگال اے۔“(امثال ۱۱ : ۲۴)۔
دوجیاں نال پانی تے رُوح دی خوشخبری ونڈنا مسیحیاں دی بوہت راستبازحیاتی اے ۔ اک رُوحانی حیاتی ایہو جیہی حیاتی اے جیہڑی کھری خوشخبری نوں ودھاؤندی اے جیہڑی مسیح لئی لوکاں دی اگوائی کردی اے ۔ آؤ اسیں اپنے گوانڈھیاں دی تے اوہناں دیاں جاناں دی راکھی کرئیے ، تے سارے جگ وچ خوشخبری نوں ودھائیے ۔ خُدا دی راستبازی دی برکت سدا تہاڈے نال رہوے ۔
ہیلیلویاہ ! آؤ اسیں اپنے خُداوند دی وڈیائی کرئیے ! میَں اوہدا سانوں اپنا سچا تے چنگا کم کرن دی اجازت دین تے سانوں ہنیرے دی طاقت توں چھڈاؤن تے سانوں اپنے پُتر دی بادشاہی وچ لَے جان لئی اوہدا شکر ادا کردا ہاں ۔
Copyright © 2021 by The New Life Mission