Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.
Módl się, aby ta pandemia wkrótce się skończyła, a usługi pocztowe zostały wznowione.
مضمون 10: مُکاشفہ(مُکاشفہ دی کتاب اُتے تفسیر)
[14-2باب] پاک لوکاں نوں مُخالفِ مسیح دے ظہور اُتے کویں ردِ عمل ظاہر کرنا چاہی دااے؟ (مُکاشفہ۱۴ :۱۔۲۰)
(مُکاشفہ۱۴ :۱۔۲۰)
مُخا لف ِمسیح اُتےجد اوہ بوہت چھیتی آؤن والے دناں وچ نکلے گا فتح پاؤن لئی ، پاک لوکاں نوں لازمی خُداوند اُتے اپنے آپ دے شہید ہون والے ایمان وچ تیار ہونا چاہی دا اے ۔ اِنج کرن لئی ، اوہناں نوں لازمی مُخا لف ِمسیح دیاں ساریاں بھیڑیاں چالاں دے بارے چنگی طرح جاننا چاہی دا اے جیہڑیاں اوہ ایس زمین اُتے چلے گا ۔ صرف فیر پاک لوک اوہدے خلاف کھلو سکدے نیں تے ایمان نال اوہدے اُتے فتح پاسکدے نیں ۔ شیطان اپنے ناں یا عدد دا نشان لوکاں نوں دلواؤن دے راہیں ، مسیحیاں دے ایمان نوں برباد کرن دی کوشش کرے گا ۔
وجہ کیوں اوہ مسیحیاں دے ایمان نوں برباد کرن دی کوشش کرے گا ایہہ ہیگی اے پئی خُدا دے خلاف کھلون تے راستبازاں دے ایمان نوں نواؤن دے راہیں ، اوہ لوکاں نوں پا نی تے روح دی خوشخبری دے سبب اوہناں دے پاپاں دی معافی پاؤن توں روکن دی تمنا کردا اے ۔ مُخا لف ِمسیح لوکاں نوں اپنے نوکر بناوے گا تے اوہناں نوں خُدا دے خلاف کھلارے گا ۔ ایس لئی مُخا لف ِمسیح تے اوہدے نال دے جیہڑے حالے تیکر ایس زمین اُتے ہون گے وڈیاں سزاواں تے آفتاں پاؤن گے ۔
راستبازاں نوں لازمی ست پیالیاں دیاں آفتاں دی کھلی سمجھ بوجھ نال اپنی ایمان دیاں زندگیاں بسر کرنیاں چاہی دیاں نیں جیہڑیاں خُدا اپنے ویریاں اُتے گھلے گا ۔ جویں خُدا اِستِشنا ۳۲: ۳۵ وچ فرماندا اے ، ”تاں انتقام لینا تے بدلہ دینا میرا کم ہووے گا ، “ اوہ اپنے بچیاں دی موت دا انتقام اوہناں اُتے نازل کرے گا ۔ ایسے طرح سانوں لازی اپنے ایمان دی راکھی کرنی چاہی دی اے تے ، اپنے غصے تے ایہدے بے پھل کم کرن تے ایہدے توں مغلوب ہون دی بجائے فتح دی زندگی بسر کرنی چاہی دی اے ۔ سچیائی اُتے ایمان رکھ کے پئی خُدا اوہناں ساریاں نوں برباد کرے گا جیہڑے شہادت دے بعدوں ایس
زمین اُتے باقی ہون گے ، پاک لوکاں نوں لازمی مُخا لف ِمسیح دے خلاف لڑنا چاہی دا اے ۔
سچیائی دا کلام جنہوں کدی نئیں بھلنا چاہی دا
اوہناں ساریاں نوں جیہڑے اپنے پاپاں دی معافی پا چُکے نیں لازمی کیہ یاد رکھنا چاہی دا اے ایہہ ہیگا ا ے پئی صرف بے پاپ پاک لوک زندہ کیتے جان گے تے مُخالفِ مسیح دے ہتھوں شہید ہون دے تھوڑے چر بعدوں چُک لے جان گے ۔ جد مُخالفِ مسیح دے نکلن دا دن تے پاک لوکاں دی شہادت دا دن آوے گا ، سانوں کدی نئیں بھلنا چاہی دا پئی خُدا دا ہر وعدہ پورا ہو جاوے گا ۔
آیت۱۴ توں لے کر اگانہہ ،باب ۱۴وچ خُدا دا کلام سانوں سکھاؤندااے پئی چُکیا جانا بالکل یقینی طریقے نال پاک لوکاں نال واقع ہووے گا ، تے یعنی ایس چُکے جان دا ویلا بالکل اوہناں دی شہاد ت دے بعدوں اے ۔
سانوں لازمی نئیں بھلنا چاہی دا پئی ساڈا جیوں اٹھنا تے چُکیا جانا شیطان دا لوکاں نوں اوہدا نشان لین لئی مجبور کرن دے بعدوں واقع ہووے گا ۔ راستبازاں لئی جیہڑے مُخالفِ مسیح دے ہتھوں شہید ہوندے نیں، پہلے جیوں اٹھن تے چُکے جان دیاں برکتاں اوہناں نوں اڈیکدیاں نیں ۔ راستباز او س ویلے اپنے ایمان دی راکھی لئی اپنی پاک شہادت نوں قبول کرن گے ، ایس لئی پئی اوہ شیطان دا نشان لین توں مکرن گے ۔ شہیدراستباز ایس لئی زمین اُتے اپنیاں محنتاں مطابق اپنا انعام پاؤن گے ، تے اوہناں لئی خُدا دے جلال نوں ودھایا جائے گا ۔
ہاڑے نا پاوو، نا ای ناراض ہووو، جد تُسی ویکھدے او پئی نال دے پاک لوک یاں خادم جیہڑے تہاڈے نیڑے نیں اپنے ایمان دی راکھی لئی شہید ہوندے نیں ۔ ایس توں اُلٹ ، سارے پاک لوکاں نوں لازمی اصل وچ خُدا دا شکر ادا کرنا چاہی دا اےتے اوہناں نوں اپنے ایمان دی راکھی لئی شہید ہون دی اجازت دین لئی اوہنوں جلال دینا چاہی دا اے ، ایس لئی پئی ایہدے تھوڑے چر بعدوں شہید پاک بدناں نال جیوں اٹھن گے تے خُداوند ولوں چُک لے جان گے ۔
ست پیالیاں دیاں آفتاں کیہ نیں جیہڑیاں اوہناں لئی تیار کیتیاں گیاں نیں جیہڑے خُدا دے خلاف کھلوندے نیں ؟
آیت۱۹ فرما ندی اے،” تے اوس فرِشتے اپنی داتری زمین اُتّے واہی تے زمین دے انگوراں دے بُوٹیاں دی فصل وَڈّھ کے خُدا دے قَہر دے وڈّے حوض وِچ پا دِتّی۔“ اوہ جیہڑے سدا خُدا دی محبت دے خلاف کھلوتے ہوئے سن پاک لوکاں دی شہادت دے بعد وں خُداولوں اوہدیاں بربادکرن والیاں آفتاں لین لئی مقرر نیں ، ایس لئی پئی اوہ ، جد ایس زمین اُتے سن ، اپنے دلاں وچ خُداوند ولوں دتی گئی پانی تے رُوح دی خوشخبری نوں قبول کرن توں مکر گئے سن ،تے ایہدی بجائے ایہدے خلاف کھلو گئے سن ۔ ایہہ اوہ لوک نیں جیہڑے یسوع دی مکتی اُتے ایمان نا رکھن دے سبب خُدا دے ویری بن گئے نیں ،جیہڑا اوہناں نوں پاپ توں بچاؤن لئی لہو تے پانی دے سبب آیا سی ۔ اوہناں نوں نا صرف لازمی خُدا ولوں ڈہلیاں گیاں ست پیالیاں دیاں آفتاں لینیاں چاہی دیاں نیں ،سگوں اوہناں نوں لازمی ہمیش تیکر دوزخ دی برباد کرن والی سزا دی آفت وی لینی چاہی دی اے ۔
ایہہ ست آفتاں نیں جیہڑیاں خُدا اوہناں اُتے گھلے گا جیہڑے خُداوند ولوں چُکے نئیں جان گے ۔ پاک لوکاں دی شہاد ت دے بعدوں، خُدا بے ترسی نا ل ست پیالیاں دیاں ایہناں آفتاں نوں ڈوہلے گا جیہڑیاں اوہ اوہناں لئی تیار کر چُکیا سی جیہڑے ، چُکے جان وچ شریک نا ہوندے ہویاں ، اودوں تیکر ایس زمین اُتے شیطان دے نوکراں وانگر باقی رہن گے تے خُدا دے جلال دے خلاف کفر بکدے رہن گے ۔
فیر ، کیوں خُدا راستبازاں نوں شہید ہون دیوے گا ؟ ایس لئی پئی جے راستبازاں نوں ایس زمین اُتے اوہناں نال رہنا سی جیہڑے نویں سریوں نئیں جمے ، اوہ ست پیالیاں دیاں آفتاں گھلن دے لائق نئیں ہووے گا جد اوہناں دا ویلا آوے گا ۔ تے ایس لئی پئی خُدا راستبازاں نال محبت کردا اے ، اوہ اوہناں نوں شہید ہون دی اجازت دیندا اے تاں پئی اوہ اوہدے جلال وچ رَل سکن ۔ ایس لئی خُدا ست پیالیاں دیاں آفتاں گھلن توں پہلوں راستبازاں نوں شہید ہون دیوے گا ۔تے شہید راستبازاں دے جیوں اُٹھن تے چُکے جان دے بعدوں ، اوہ ازادی نال زمین اُتے ایہناں آفتاں نوں گھلے گا ۔ ست پیالیاں دیاں ایہہ آفتاں اخیری آفتاں نیں جیہڑیاں خُدا ایس زمین اُتے سارے لوکاں اُتے گھلے گا ۔
ہزار ورہیاں دی بادشاہی تے پاک لوکاں دا اختیار
ہزار ورہیاں دی بادشاہی دا زمانہ شروع ہوجاوے گا جد خُداوند، اپنے پاک لوکاں نال رَل کے ، ایس زمین اُتے فیر اُتر آوے گا ۔ متی ۵ : ۵ سانوں دسدا اے ، ”دھن نیں اوہ جیہڑے حلیم نیں کیوں جو اوہ زمین دےوارث ہون گے ۔“جد خُداوند پاک لوکاں نال ایس زمین اُتے واپس آوے گا ، زبور ۳۷: ۲۹دا ایہہ کلام ،یعنی ، ”صادق زمین دے وارث ہون گے ۔“ پورا ہو جائے گا ۔
اِنج جدوں خُداوندسارے پاک لوکاں نال ایس زمین اُتے اُتر آوے گا ، اوہ اوہناں نوں ایس زمین نوں اپنا بناؤن دا اختیار دیوے گا ۔ او س ویلے ، اوہ اوہناں نوں دس شہراں تے دوجے پنج ہور شہراں اُتے راج کر ن دا اختیار دیوے گا ۔ خُداوند ایس زمین نوں تے ایہدے وچ ہر شے نوں نواں کر ے گا جد اوہ واپس آوے گا ، تے اوس توں اگانہہ ہزار ورہیاں تیکر پاک لوکاں نوں اپنے نال راج کرن دی اجازت دیوے گا ۔
فیر،اوہ آس کیہ اے یعنی جیہدے نال ایہناں دناں دے راستبازاں نوں لازمی زندہ رہنا چاہی دا اے ؟ اوہناں نوں لازمی اوس دن دی آس اُتے زندہ رہنا چاہی دا اے جد مسیح دی بادشاہی ایس زمین اُتے بنائی جاوے گی ۔ جد خُداوند دی بادشاہی ایس زمین اُتے آوے گی ،تاں سکون ، خوشی ، تے برکتاں جیہڑیاں اوہدی بادشاہی وچ دسدیاں نیں اخیریں ایہدے وچ موجود ہون گیاں ۔ خُداوند دی بادشاہی وچ زندہ رہ کے ،سانوں کسے شے دی تھوڑ نئیں ہووے گی ، سگوں صرف اوہدا نظر آؤن والا ودھیراپن تے کاملیت وچ زندہ رہواں گے ۔
جد خُداوند دی بادشاہی ایس زمین اُتے آوے گی ، ساریاں آساں تے راستبازاں دے سُفنے پورے ہو جان گے ۔اک ہزار ورہے تیکر ایس زمین اُتے زندہ رہن دے بعدوں ، فیر راستبازاسمانی ہمیش دی بادشاہی وچ وڑن گے ، پر اوہ جیہڑے خُدا دے خلاف کھلو چُکے سن ، ایہدے اُلٹ ، ہمیش دی اگ ، تے گندھک دے دریا وچ سُٹے جان گے ، ہمیش تیکر دکھ جرن گے تے دِنے راتیں کوئی سکون نا پاؤن گے ۔
ایس لئی راستبا زاں نوں لازمی ، خُدا وند دے دن اڈیک رکھدے ہویاں آس نال زندہ رہنا چاہی دا اے ۔ سارے راستبا زاں نوں لازمی نئیں بھلنا چاہی دا اے پئی شہادت ، جیوں اُٹھنا ، چُکیاجاناتے ہمیش د ی زندگی سارے اوہناں واسطے نیں ۔ اپنے دل وچ سچیائی دے ایس کلام نوں رکھو تے آس رکھو پئی تُسی ایہنوں
ایتھوں تیکر سُن لیا اے تے ایہدے اُتے پکے ہوجاوو ۔
خُداوند دی واپسی دے دن تیکر ، راستبا ز پا نی تے روح دی خوشخبری دی منا دی کردے ہویاں تے اسمانی بادشاہی اُتے اپنی آس رکھدے ہویاں زندہ رہن گے ۔ راستباز خُدا دی بادشاہی وچ ہمیش تیکر رہن دا اختیار رکھدے نیں ، تے ایس زمین اُتے پا نی تے روح دی خوشخبری دی منا دی کرن دا اختیار رکھدے نیں ۔
پاک لوک نوں جیہڑے ایس ہنیرے دےزمانے وچ زندہ رہندے نیں لازمی کیہ کرنا چاہی دا اے ؟
ایہہ بالکل واضح اے پئی ایہہ زمانہ ہنیرے دا زمانہ اے ، تے یعنی ایہدے وچ زندہ رہنا بوہتاتوں بوہتا اوکھا ہوندا پیا اے ۔ ایسے طرح ، سانوں لازمی پاپیاں تیکر پا نی تے روح دی خوشخبری دی منا دی کرنی چاہی دی اے تے اوہناں دی پالنا کرنی چاہی دی اے ۔ سارے دنیاو چ ، راستبازاں نوں لازمی خُدا دی محبت تے یسوع مسیح ولوں دتی گئی پا نی تے روح دی خوشخبری دے سبب ملن والی اپنی پاپاں دی معافی نوں ودھاؤنا چاہی دا اے ۔ایس لئی راستبازاں نوں لازمی ہُن ایہہ کرنا چاہی دا اے ۔
جے اوہناں نیں ایہہ موجودہ موقع گوا لیا تاں ایہہ کدی دوبارہ اوہناں دے کول نئیں آوے گا ۔ ایس لئی پئی ایس دنیا د ی اخیر بوہت چوکھی دور نئیں ہیگی ، سانوں لازمی سب توں بوہتی پا نی تے روح دی خوش خبری دی منا دی کرنی چاہی دی اے ، تے خُدا دی بادشاہی دی آس رکھ کے گواچے ہوئے لوکاں دی پالنا کرنی چاہی دی اے ۔ ایہہ چنگا کم اے جیہڑا راستبازاں نوں کرنا چاہی دا اے ۔
اج دے دناں وچ ، بوہت سارے لوک ہیگے نیں جیہڑے ، ایتھوں تیکر پئی جویں اوہ پا نی تے روح دی خوشخبری دا کلام نئیں رکھدے ،پر یسوع اُتے ایمان رکھن دا دعویٰ کردے نیں تے اپنی زندگیاں خُداوند دی سیوا وچ گزاردے نیں ۔ پر اوہ جیہڑے دینی زندگیاں اصل سچیائی دے بغیر گزاردے نیں سارے جھوٹے نبی نیں۔ ایہہ جھوٹے دھوکے باز ایہو جیہے دھوکہ دین والے لوک نیں جیہڑے یسوع دے ناں اُتے ایمانداراں کولوں دُنیاوی جائیداداں لُٹ دے نیں۔
ایس لئی سانوں اوہناں اُتے ترس آؤندا اے جیہڑے اپنیاں ایمان دیاں زندگیاں بسرکرن دی
کوشش کردے نیں جد پئی ایہناں جھوٹیاں نبیاں توں دھوکہ کھاندے نیں ۔ اپنیاں ایمان دیاں زندگیاں پا نی تے روح دی خوشخبری دے بغیر بسرکردیاں ہویاں ، ایہہ صرف ناں دے مسیحی حالے تیکر پاپیاں وانگر باقی رہندے نیں تے خُدا دی شریعت دی لعنت دے ہیٹھ جیوندے رہندے نیں ، ایتھوں تیکر پئی بھاویں اوہ یسوع اُتے ایمان رکھن دا دعویٰ کردے نیں ۔ اوہ سدا پاپ وچ زندہ رہندے پئے نیں ، سچیائی تو بے خبر نیں پئی جے اوہناں نیں صرف پا نی تے روح دی خوشخبری اُتے ایمان رکھنا سی ، اوہناں دے دلاں وچو ں سارے پاپ مک جان گے تے اوہناں نوں برف وانگر چٹے بنا دین گے تے پاک رُوح اوہناں لئی انعام وانگر اوہناں نوں دتا جاوے گا ۔
پر ایہدے اُلٹ ، خُدا دے خادم جیہڑے ایمان رکھدے تے پا نی تے روح دی خوشخبری دی منادی کردے نیں سکون نال جیوندے نیں ۔ خُدا دے خادم تے اوہدے لوک پا نی تے روح دی خوشخبری نا ل خوش رہندے نیں ۔اوہ گواہی دیندے نیں : ”یردن وچ یوحنا کولوں اپنے بپتسمے نال اکو ای وار اپنے آپ اُتے دنیا دے سارے پاپاں نوں چُکن دے سبب ،تے سولی اُتے ایہناں پاپاں دی سزا جرن دے سبب ،خُداوند یسوع مسیح دنیا دے سارے پاپاں نوں مکا چُکیا اے ۔ جد میَں فدیہ دی ایس مکتی اُتے ایمان رکھیا ، میرے سارے پاپ وی جنہاں دا ڈاہڈا بھار میرے اُتے سی مک گئے نیں ۔ ہُن میَں راستباز بن گیا ہاں ۔ “
ایہو جیہاں گواہیاں نال ، پاک لوک خُدا دی کلیسیا وچ خُدا نوں جلال دیندے پئے نیں ۔ اوہ جیہڑے ایہو جیہا ایمان رکھدے نیں اخیریں اسمان لئی اپنی آس قیم رکھ سکدے نیں ۔
پہلی قیامت ایہو جیہا واقعہ اے جیہڑا پاک لوکاں لئی سانبھیا اے
بالکل تھوڑی چر وچ ، خُداوند بوہت چھیتی ایس زمین اُتے واپس آوے گا ۔ اوہ ویلا بوہت دور نئیں ہیگا ، کوئی بندہ مخالفِ مسیح بنے گا نکلے گا تے اپنے نشان نال بوہت ساریاں لوکاں دے سجیاں ہتھاں یا متھیاں اُتے نشان لاوے گا ۔
جد ایہہ ویلا آوے گا ، تہانوں احساس کرنا چاہی دا اے پئی خُداوند دی دوجی آمد ، ایسے طرح ،پاک لوکاں دی شہادت ، جیوں اٹھنا ، تے چُکیا جانا ، سارے تہاڈے بوہت نیڑے نیں ۔ جد ایہو جیہا دن تے ویلا آوے گا ، تہانوں احساس کرنا چاہی دا اے پئی ایہہ پاک لوکاں لئی خوشی دا دن اے، پر پاپیاں لئی جیہڑے نویں سریوں نئیں جمے ، ایہہ اوہناں دے پاپ دی سزا دا دن ہووے گا ۔
سارے پاک لوک اپنی شہادت دے بعدوں زندہ کیتے جان گے تے فیر خُداوند نال لیلے دے ویاہ دے جشن وچ شامل ہون گے ۔جد تُسی تے میَں ایس ویلے شہید ہوواں گے ، ساڈے بدن چھیتی نال زندہ کیتے جان گے تے چُک لے جان گے ۔ کوئی معنی نئیں رکھدا پاک لوکاں دے بدناں نال کیہ ہو چُکیا اے جیہڑے ساڈے توں پہلوں گزر چُکے نیں —چاہے اوہناں دے بدن پہلوں ای مٹی وچ بدل گئے نیں یانئیں ، یا اوہ اپنے آپ وچ کوئی شکل باقی رکھدے نیں یانئیں ، ایہہ کسے مسئلے نوں لاگُو نئیں کردا ۔ جد ایہہ ویلا آوے گا ، پاک لوک ایس ویلے دے ماڑیاں بدناں وچ نئیں جیوں اُٹھن دے ، سگوں کامل بدن نال جیوں اُٹھن دگے ۔ راستباز اوس ویلے پاک بدناں نال جیوں اُٹھن گے ، تے ہمیش تیکر خُداوند دے نال رہن گے ۔
ایتھوں تیکر پئی جد اوکھاویلا سانوں اڈیکدا اے ، جد مخالفِ مسیح نکلے گا تے سانوں ستائے گا ، سانوں لازمی خُدا دے کلام اُتے ایمان رکھن دے سبب یسوع مسیح اُتے اپنے ایمان دی راکھی کرنی چاہی دی اے جنہوں ہُن اسیں سُن چُکے آں ۔ ایہہ وی ، سانوں لازمی نئیں بھلنا چاہی دا پئی ایس لئی پئی تُسیں تے میَں پانی تے رُوح دی خوشخبری اُتے ایمان رکھ چُکے آں ، اسیں سارے پاک لوکاں دی شہاد ت وچ ، اوہناں دی پہلی قیامت وچ ، تے اوہناں دے جیوں اُٹھن وچ شامل ہوواں گے ۔
ہُن ، تہانوں لازمی ایس سچیائی اُتوں اپنا ایمان گھٹ نئیں کرنا چاہی دا اے ،تے ایہو جیہی زندگی گزارو جیہڑی مخالفِ مسیح دے خلاف لڑدی تے غالب آوندی اے ۔ جد تیکر ایہہ دن نئیں آجاندا سانوں لازمی اوہناں نال میل جول رکھنا چاہی دا اے جیہڑے ایس سچیائی اُتے ایمان رکھن دے سبب توں ساڈے توں پہلوں مکتی یافتہ ہوئے سن ، تے خُدا دے کلام نوں پھڑنا چاہی دا اے ، تے ایمان نال خُداوند پچھے چلنا چاہی دا اے ۔
ایتھوں تیکر پئی ہُن ، بوہت سارے جھوٹےلوک موجود نیں جیہڑےلوکاں نوں دھوکہ دیندے پئے نیں
ایتھوں تیکر پئی ہُن ، لوکاں دی نا گِنی جان والی گنتری ،شیطان دے نوکراں وانگر ،جھوٹا ایمان سکھاؤندے پئی اے ۔ خاص کر کے، بوہت چوکھے جھوٹے لوک موجودنیں جیہڑے اپنیاں جماعتاں اگے دکھ جرن توں پہلوں چُکے جان دے خُدائی نظریےدی حمایت کردے تے سکھاؤندے نیں ، اوہناں نوں تسلی دیندیاں ہویاں پئی اوہناں دا ست ورہیاں دے وڈے دکھ جرن نال کوئی واسطہ نئیں ہیگا ۔
ایہدےاُلٹ ، پاک کلام ساڈے اگے واضح طور نال گواہی دیندا اے پئی پاک لوکاں دی شہادت تے چُکیا جانا وڈے دکھ جرن دے پہلے ساڈھے تِن ورہیاں دے تھوڑا جیہا لنگھن دے بعد وں واقع ہووے گا ۔ آؤ اسیں ایہو جیہے جھوٹیاں توں دھوکہ نا کھائیے ۔ایہدی بجائے آؤ اسیں جانیے تے ایمان رکھیے پئی جد وڈے دکھ جرن دے ست ورہیاں دے زمانے دے پہلے ساڈھے تِن ورہے ساڈے اُتوں لنگھن گے ، اسیں ساری شہید ہوواں گے ،تے ایہدے تھوڑے چر بعدوں زندہ کیتے جاواں گے تے اوسے ویلے چُک لَئے جاواں گے ۔
ایس لئی تہانوں لازمی جھوٹیاں نبیاں توں دور رہنا چاہی دا اے جیہڑے سکھاؤندے نیں پئی اوہناں نوں وڈے دکھ جرن دے ست ورہیاں نال کوئی کم نئیں ہیگا ۔ کھرے پاک لوک ایمان رکھدے نیں پئی اوہناں دی شہادت ، جیوں اٹھنا تے چُکیا جانا ، تے لیلے دے ویا ہ دا جشن سارے دکھ جرن دے پہلے ساڈھے تِن ورہیاں دے تھوڑا جیہا لنگھن اُتے واقع ہون گے ۔
فیر ، ہُن سانوں ساریاں نوں کویں زندہ رہنا چاہی دا اے ؟
ہُن تیکر ، تہانوں سمجھ لینا چاہی دا اے پئی جے کوئی خُداوند اُتے مکتی داتا وانگر ایمان رکھدا اے —یعنی ، خُداوند جیہڑا ایس زمین اُتے آیا ، یردن اُتے اپنے بپتسمے نال دنیا دے پاپا ں نوں چُک لیا ، سولی اُتے لہو وگایا ،تے فیر مویاں وچوں جیوں اُٹھیا —تاں پاک رُوح ایس ایماندار دے دل وچ اوہدے انعام وانگر آ
جاوے گا ۔
تہانوں لازمی اپنے کناں نال سُننا چاہی دا اے تے اپنےدل نال ایمان رکھنا چاہی دا اے پئی پاک رُوح خُدا دی کلیسیا دے سبب تہانوں کیہ فرماندا اے ، تے خُدا اُتے اپنا ایمان رکھ کے زندہ رہنا چاہی دا اے ۔ سارے پا ک لوکاں نوں لازمی خُدا دی کلیسیا ولوں اگوائی پاؤن والیاں اپنیاں ایمان دیاں زندگیاں بسر کرنیاں چاہی دیاں نیں ۔ اپنے آپ ، کوئی پانی تے رُوح دی خوشخبری دی منادی نئیں کر سکدا ، نا ایہدے اُتے قیم رہ سکدا اے ، نا ای ایہدی سیوا کر سکدا اے ۔ ایہہ ہے کیوں خُدا دی کلیسیا ایتھوں تیکر پئی پاک لوکاں لئی بوہت خاص اے جیہڑے پہلوں نویں سریوں جم چُکے نیں ۔
ایس طرح خُدا ایس زمین اُتے اپنی کلیسیا تے خادماں نوں قیم کر چُکیا اے ۔تے اوہناں دے سبب اوہ اپنے لیلیاں دی پالنا کردا پیا اے ۔ خاص کر کے ، خُدا دے کم ایتھوں تیکر پئی بوہت مہنگے تے خاص بن جاندے نیں جویں ای اخیری ویلا ساڈے بوہت نیڑے نیڑے آؤندا پیا اے، تے ایسے طرح ، میَں دعا منگدا تے آس رکھدا ہاں پئی تُسی پاک رُوح دے سبب بھری ہوئی اک وفادار زندگی گزاروگے ،جویں ای اخیری ویلا ساڈے بوہت نیڑے نیڑے آؤندا پیا اے،راستبازاں نوں لازمی اکٹھیاں ہون ، دعامنگن ، تسلی دین ، ڈٹ کے رہن ، اک دوجے دی مدد کرن ، تے خُداوند لئی زندہ رہن ، اکو اک دل تے اکو اک ارادے وچ اکٹھیاں ہون لئی ایتھوں تیکر پئی بوہت چوکھی محنت کرنی چاہی دی اے ۔
خُدا شہادت ، جیوں اُٹھن ،چُکے جان ، تے پاک لوکاں لئی ہمیش دی زندگی دی اجازت دے چُکیا اے ۔آؤ اسیں سارے زندگی دی اوہ قِسم گزارئیے جیہڑی مخالفِ مسیح دے خلاف لڑدی تے فتح پاؤندی اے ، تے فیر یقین نال خُدا دے اگے کھلوئیے ۔ ہیلیلویاہ!
Copyright © 2021 by The New Life Mission