Search
Polski
Polski
Ze względu na COVID-19 i zakłócenia w międzynarodowych usługach
pocztowych tymczasowo zawiesiliśmy naszą posługę bezpłatnych książek drukowanych.
Z powodu tej sytuacji nie jesteśmy w stanie wysłać Ci książek w tej chwili.
Módl się, aby ta pandemia wkrótce się skończyła, a usługi pocztowe zostały wznowione.

Często Zadawane Pytania na temat Wiary Chrześcijańskiej

Temat 2: Duch Święty

2-4. میَں سوچدا ہاں پاک رُوح ہر دیہاڑے ساڈے نال گل کردااے ۔ایتھوں تیک پئی مُڈھلی کلیسیا دے دناں وچ ، یسوع دے چیلیاں نیں بڑے سارے معجزے کیتے سَن۔میَں سوچدا ہاں پاک رُوح جنہے اوس ویلے کم کیتا سی ،اوسے طریقے نال اج تک کم کرداپیا اے ۔ایس لئی ، خُدا دے بوہتے لوک یسوع ناں نال معجزے کردے نیں ، مثال طور اُتے ، بدرُوحاں نوں کڈھنا یاں روگیاں نوں چنگیاں کرنا تے دوجے کم مطلب اے ، یسوع ول لوکاں نوں واپس لیاؤن دا نشان بناؤنا ۔ میَں سوچدا ہاں ایہہ کم پاک رُوح دے راہیں ہوندے نیں ۔ جے ایہہ سچ نئیں ہیگا اے ، پاک رُوح جنہے اپنی طاقت نال مُڈھلی کلیسیا دے دناں وچ کم کیتا تے اِکلّا جیہڑا اج معجزے کردااے ،ایہدےوچکار کیہ فرق ہیگااے ؟ کیہ خُدا ہمیش لئی ،کل ، اَج تے ہمیش تیکر اِکو جیہا نئیں ہیگا اے ؟

پاک رُوح جنہے مُڈھلی کلیسیا دے دناں وچ کم کیتاتے اِکلّا جیہڑا اَج کم کردااے ،دے وچکار کوئی ہرگزفرق  نئیں ہیگااے ۔اِکلّافرق ایہہ ہیگااے ،کیہ لوک جیہڑے اَج معجزے کردے  نیں ، پانی تے رُوح دی خوشخبری اُتے ایمان رکھدے نیں  ۔ایہدا سبب ایہہ ہیگا اے پئی بھاویں خُدا دا رُوح سدا ویلے توں ہٹ کے اِکو جیہا اے ،فرق ایہہ ہیگااے ، کیہ کوئی بندہ پاک رُوح پاؤن دے طریقے دی ٹھیک تعلیم جان دااے ۔
بوہتے لوک اَج کل پاک رُوح پاؤن لئی پاک کتاب دے مطابق ٹھیک تعلیم جانیوں اَڈ اوّلے کم کردے نیں ۔ پا ک کتاب سانوں اعمال ۲:۳۸ ،۱ ۔ یوحنا ۵:۲ ۔۸ تے ۱ ۔پطرس ۳:۲۱ وچ دَسدی اے پئی پاک رُوح پاؤن دا اِکلّا طریقہ پانی تے رُوح دی خوشخبری اُتے ایمان رکھنا اے۔ ” تے اوسے پانی وانگر وی یعنی بپتسمہ یسوع مسیح دے جی اُٹھن راہیں ہُن تہانوں بچاؤندااے۔“  
بِنا شک پاک رُوح نے جد پئی مُڈھلی کلیسیا دے دناں وچ وسوں کردیاں ہویاں روگیاں نوں چنگیاں کرن تے بدرُوحاں نوں کڈھن والے کم کیتے سَن ۔فیر وی ، اوہناں نیں جد پئی اپنی رُوحانی نعمتاں ورتدیاں ہویاں پیسے نئیں منگے ، یاں شور شرابا نئیں کیتا جویں کئی لوک اَج کل کرن دا دھیان رکھدے نیں ۔ رسولاں نیں اپنے چنگے کماں نوں صرف خوشخبری ودھاؤن دے طریقے وانگر ورتیا ۔ اگانہہ ہور روگیاں نوں چنگیاں کرنا تے بدرُوحاں نوں کڈھنا  مُڈھلی کلیسیا دے دناں وچ  پاک رُوح دے سارے کم نئیں ہیگے سَن ۔ اوہ صرف ایہدا اک چھوٹا جیہا حصہ سی ۔
ایس لئی ، ایہہ سوچنا بوہت خطرے دی گل اے پئی سارے اوّلے کم مثال طور اُتے روگیاں نوں چنگیاں کرنا تے بدرُوحاں نوں کڈھنا تے اوپریاں بولیاں بولنا اَج دی مسیحیت وچ لازمی طور اُتے  پاک رُوح دے کم ہیگے نیں ۔سانوں ایمان رکھنا چاہی دااے پئی سارے خاص کم جیہڑے اَسیں اَج مسیحیت وچ اپنی اکھاں نال ویکھدے آں پاک رُوح دی قدرت نال نئیں ہوندے ۔ ایہدی تھاں اُتے ، سانوں خُدا دے سچے خادماں دی پچھان کرنی چاہی دی اے جیہڑے فریبی خادماں کولوں پاک رُوح دی بھرپوری پا چُکے نیں مطلب اے جیہڑے بدرُوحاں وچ پھسے ہوئے نیں ۔بھاویں جے کوئی بندہ بدرُوحاں کڈھ سکدااے ، روگاں توں شفا دے سکدااے تے اوپریاں بولیاں بول سکدااے ،جے اوہ اپنے دل وچ پاپ رکھدااے تے سچی خوشخبری اُتے ایمان نئیں رکھدا ،اوہ لازمی طوراُتے بدرُوحاں وچ پھسیا ہویا اے ۔
یسوع نے متی ۷:۲۰ ۔ ۲۳  وچ وی آکھیا اے ،  ” ایس لئی اوہناں دے پھلاں توں تسیں اوہناں نوں پچھان لووگے۔جیہڑے مینوں اَے خُداوند ! اَے خُداوند ! آکھدے نیں ،اوہناں وچوں ہر کوئی اَسمانی بادشاہی وچ نئیں جاوےگاپر اوہو ای جیہڑا میرےاَسمانی باپ دی مرضی اُتے چلدا اے ۔اوس دن بتھیرے مینوں آکھن گے اَےخُداوند ! اَے خُداوند ! کیہ اسیں تیرے ناں نال نبوت نئیں کیتی تے تیرے ناں نال بدرُوحاں نئیں کڈھیاں تے تیرے نال نال بوہتے معجزے نئیں وکھائے ؟ اوس ویلے میَں اوہناں نوں صاف آکھ دیاں گا،میَں کدی تہانوں نئیں جانیا ۔ اے بدکارومیرے کولو چلے جاوو۔ “
سانوں ایہہ نئیں سوچنا چاہی دا پئی صرف جے کوئی بندہ معجزے کردااے ، اوہ ایہہ کم پاک رُوح راہیں کردااے ۔ ایہدی تھاں اُتے سانوں نیڑے ہوکے ویکھنا چاہی دااے ، کیہ اوہ پانی تے رُوح دی خوشخبری دی منادی کردااے یاں کیہ اوہ اپنے پاپاں دی کامل معافی پاؤن نال راستباز اے ۔ پاک رُوح کدی کسے ایہو جیہےبندے وچ  نئیں رہندا جیہڑا اپنے دل وچ پاپ رکھدااے۔ پاک رُوح کسے پاپی نال نئیں ہوسکدا۔
مُڈھلی کلیسیا دے دناں وچ پاپ دی معافی پاک رُوح آؤن داثبوت ہیگاسی تے اوہ اوہناں لئی خُدا دا انعام ہیگاسی جنہاں نوں اوہناں دے سارے پاپاں توں معافی ملی سی ۔
فیر وی ، بوہتے لوک فیر وی سوچدے نیں پئی روگیاں نوں چنگیاں کرنا ،اوپریاں بولیا ں بولنا تے یسوع دے ناں نال بدرُوحاں نوں کڈھنا کسے شرط توں اَڈ پاک رُوح دے کم نیں۔ ایہہ غلط تے خطرے بھریاعقیدہ اے ۔سانوں کُھل کے دسن دے لائق ہونا چاہی دااے ،جے اوہ سچ مُچ اوّلے کم کردے پئے نیں ۔بھانویں کوئی بندہ یسوع دے نا ں نال بوہت سارے اوّلے کم کر ن دے لائق اے ، پر جے اوہ پانی تے رُوح دی خوشخبری نوں نئیں جان دا یاں ایمان نئیں رکھدا ،فیر اوہ لازمی طور اُتے جھوٹا اُستا ہیگااے ۔ ایہو جیہے لوک بوہت ساریاں رُوحاں نوں ماردیندے نیں ۔ تے اپنے دُنیاوی لالچ نوں پورا کرن لئی پیسے منگدے نیں ۔
ایس لئی ، اوس بندے دا کم جیہڑا اپنے دل وچ پاپ رکھدااے ،سچ مُچ پاک رُوح دا کم نئیں ہیگا اے ،سگوں بدرُوحاں دا کم ہیگااے ۔ پاک رُوح جنہے مُڈھلی کلیسیا دے دناں وچ کم کیتا تے اِکو جیہڑا ہُن کم کردا پیا اے ،اوہو ای اے ۔ فیر وی ، پاک رُوح دے کم وچکار جیہڑے لوکاں وچ نظر آؤندے نیں جنہاں نیں سچ مُچ پاک رُوح پا لیا اے تے بدرُوحاں دے کم وچکار جیہڑے جھوٹے نبیاں دے راہیں ظاہر ہوندے نیں ، بوہت وڈا فرق ہیگااے ۔