Search
Português
Português
Devido ao COVID-19 e à interrupção do Serviço de Correio Internacional,
suspendemos temporariamente o nosso 'Serviço de Impressão Gratuita de Livros'.
Diante dessa situação, não podemos enviar os livros para você neste momento.
Ore para que esta pandemia termine em breve e retorne o serviço postal.

Sermões

مضمون 9: رومیوں (رومیوں دی کتاب اُتے تفسیر)

[8-3 باب] کیہڑا مسیحی اے ؟ <رومیوں ۸: ۹۔۱۱>

>رومیوں ۸: ۹۔۱۱<
” پر تُسیں  بدنی نئیں سگوں رُوحانی جے پرشرط ہیگی اے پئی  خُدا دا رُوح تُہاڈے  وچ وسیا  ہویا  اے پر جیہدے وچ مسیح دا رُوح نئیں اوہ اوہدا  نئیں ۔ تے جےمسیح تہاڈےوچ اے تاں بدن تاں پاپ دےسبب توں مویا ہویا اے پر رُوح راستبازی دے سبب نال  جیوندی  اے ۔تے جے اوسے دا رُوح تُہاڈے  وچ  وسیا ہویا اے جِنہے یسوع نوں  مویاں وچوں  جوایا تاں جِنہے مسیح یسوع نوں مویاں وچوں  جوایا اوہ تُہاڈے برباد ہون والے بدناں نوں  وی اپنے اوس رُوح دے سبب جواےگا جیہڑا تُہاڈے وچ وسیاہویا اے۔“
 
 
کیہ کوئی مسیحی ہیگا یاں نئیں ایہدے مطابق فرق کردا اے کیہ خُدا دا رُوح اوہدے وچ وسیا ہویا اے  ۔ کویں کوئی مسیحی ہو سکدا اے ،بھاویں اوہ یسوع اُتے ایمان رکھدااے یاں نئیں ، جے اوہ اپنے دل وچ پاک رُوح نئیں رکھدا ؟ پولُس سانوں دسدااے پئی کیہ اسیں یسوع اُتے  ایمان رکھدے آں ، بوہت خاص سوال نئیں ہیگا ، پر کیہ اسیں خُدا دی راستبازی لبھن یاں نہ لبھن دے بعدوں اوہدے اُتے ایمان رکھدے آں ۔ پاک لوکاں دے مطلب دا کھرا ایمان اوہ ایمان اے جیہڑا اوہناں وچ رُوح دے وسن لئی تیار اے  ۔ تہاڈےدل وچ  پاک رُوح دا ہونا فیصلہ کرے گا کیہ تُسیں مسیحی ہیگے او یاں نئیں ۔
ایس طرحاں، پولُس نے آکھیا، ” پر جیہدے وچ مسیح دا رُوح نئیں اوہ اوہدا  نئیں ۔ “اوہنے ، ”جیہدے وچ“ آکھیا ۔ ایہدا کوئی مطلب نئیں ہیگا بھاویں اوہ بندہ خادم ،مناد یاں صلاح مشورے دین والا اے ۔ جے کوئی اپنے دل وچ  پاک رُوح نئیں رکھدا ، اوہ بندہ اوہدا نئیں اے ۔ تہانوں لازمی طور اُتےچیتا رکھنا چاہی دا اے پئی جے تُسیں خُدا دی راستبازی اُتے ایمان نئیں رکھدے جیہڑی پاک رُوح پاؤن لئی تہاڈی اگوائی کردی اے تُسیں اک پاپی جے جیہڑا دوزخ جان دے لائق اے ۔ ایس طرحاں  سانوں پانی تے رُوح دی خوشخبری دے بارے وچ فکر مند ہونا چاہی دا اے جیہڑی خُدا دی راستبازی وچ ہیگی اے ۔
جے پاک رُوح ساڈے وچ وسیا ہویا اے ، ایہدا مطلب ہیگا اے پئی اسیں مسیح دے بپتسمے وچ اپنے ایمان دے راہیں پاپ لئی مرگئے آں۔ پر ساڈی رُوح نویں راستبازی پاؤن دے سبب جیوندی اے ۔ اگانہہ ہور ،اوس دیہاڑے جدوں ساڈا خُدا دوبارہ آوے گا ، ساڈے برباد  ہون والے بدن وی ایسے طرحاں حیاتی پاؤن گے۔ ایس لئی سانوں لازمی طور اُتے اوس اِکودے بارے وچ سوچنا چاہی دا اے جنہے سانوں پاک رُوح دتا اے ۔
جے تُسیں ایمان نئیں رکھدے ، جیہڑا خُدا دی راستبازی اُتے ایمان رکھدا اے ، تسیں مسیح نال رشتہ نئیں رکھدے ۔ دوجے پاسے ، جے تُسیں خُدا دی راستبازی اُتے ایہہ ایمان رکھدے او ، خُدا دا رُوح تہاڈے وچ وسیا ہویا اے ۔ ایس ایمان توں ہٹ کے ، پاک رُوح تہاڈے اُتے بادشاہی نئیں کرے گا ۔ ایس لئی ، تہاڈے کول مکتی دا کلام نئیں جیہڑا خُدا دی راستبازی وچ ہیگا اے ،تہاڈا مسیح نال رشتہ نئیں ہیگا، بھاویں جے تُسیں ، وکھالے طور اُتے اقرار کردے تے ہر اتوار دی عبادت وچ رسولا ں دا عقیدہ دُہراؤندے او ۔ جے تُسیں مسیح نال رشتہ نئیں رکھدے ،تہاڈی رُوح لعنتی ہووے گی تے ایہہ تہانوں ہمیش دی موت ول لَے جاوے گی ، سارا بےمقصداے بھاویں تُسیں بوہت چوکھی نیکی دے کم کرن دی کوشش کیتی ۔   *