Search
Português
Português
Devido ao COVID-19 e à interrupção do Serviço de Correio Internacional,
suspendemos temporariamente o nosso 'Serviço de Impressão Gratuita de Livros'.
Diante dessa situação, não podemos enviar os livros para você neste momento.
Ore para que esta pandemia termine em breve e retorne o serviço postal.

Perguntas Frequentes sobre a Fé Cristã

Assunto 1: Nascendo de Novo da água e do Espírito

1-21. کلامِ مقدّس وِچ بدعتی کون اے؟

بدعتی شخص اوہ اے جیہدے دِل وِچ یسوُع اُتے ایمان رکھن دے باوجود پاپ پایا جاندا اے ۔ طِطس ۳:۱۱  وِچ ایہہ فرمایاگیااے ،” اجیہا شخص اَپنےآپ نُوں مُجرم ٹھہرا کے پاپ کردارہندااے۔“
یسوُع نے اپنے بپتسمہ دے سبب ساڈے سارے پاپ چُک لئے پربدعتی شخص ایس مبارک خوشخبری ،پانی دی خوشخبری  (یسوُع دے بپتسمہ،یعنی  مکتی دے بپتسمہ) ،جیہڑی خدا دے فضل نال بھری ہوئی نعمت اے، ایہدے اُتے ایمان نئیں رکھدا،سگوں ایہدی بجائے اوہ کامل مکتی نُوں رَدّکردے ہویاں  خُود نُوں پاپی ٹھہراندااے۔
کلامِ مقدّس ایس قِسم دے لوکاں نُوں ’ بدعتی ‘ آکھدااے جیہڑے یسوُع اُتے ایمان رکھن دے باوجود خُود نُوں پاپی ٹھہراندے نیں( طِطس ۳:۱۱)۔تُہانوں ضرورای حیران ہونا چاہی دااے پئی تُسیں بدعتی او یاں نہیں ۔ جے تُسیں یسوُع اُتے ایمان رکھدے او، پر ایہدےباوجود خُود نُوں پاپی آکھدے او تے فیر تُسیں پانی تے رُوح دی رُوحانی سچیائی نُوں نئیں جان دے۔
جے تُسیں یسوُع اُتے ایمان رکھن دے باوجود خُود نُوں مایوس پاپی سمجھدے او،تےفیر تُسیں بدعتی شخص او۔ ایہدامطلب اے پئی تُسیں سوچ دے او پئی پانی تے رُوح دی سچی خوشخبری تہاڈے سارےپاپاں نُوں مٹان تے اوہدا پُتر بنان لئی بوہت  کمزور اے۔ جے تُسیں ایہناں لوکاں وِچوں او جیہڑے اپنےپاپاں دا خُدا دے حضُور اِقرار کردے تے ایہہ من دے نیں پئی تُسیں ہُن تیک پاپی او، تے فیر تُہانوں بڑی پکیائی نال اپنے ایمان اُتے دُوبارہ غور کرناچاہی دااے۔
جد یسوُع نے تُہاڈے سارے پاپاں نُوں چُک لیا تے تُسیں کِس طرحاں ہُن وی پاپی ہو سکدے او؟تُسیں کیوں او قرض اداکرن دی کوشش کررہے او جیہڑا یسوُع نے پہلے ای تہاڈے انعام دے طورتے اداکردِتااے؟جےتُسیں خُود توں دُوجی وارقیمت اداکرن تے زور دیندے اوتے تُسیں بدعتی او، ایس لئی پئی تُہاڈا ایمان ایہدے توں اَڈ اے جیہڑا خُدا تہانُوں عطاکرچُکیا اے۔ہر مسیحی جیہڑا یسوُع اُتے ایمان رکھدااے پرنویں سِرے توں پیدا نئیں ہویا ،اوہ بدعتی اے ۔ تُہانوں لازمی طورتے سچیائی نال واقف ہوناچاہی دا  اے۔خُدا نے دُنیا دے سارے پاپ چُک لئے،تے جےتُسیں اوہدی مکتی نُوں پراں سُٹ دے او، تے تُسیں بدعتی شخص او۔
بدعتی شخص او ہ اے جیہڑا  خُود نُوں پاپی آکھدا اے ،دُوجے اَکھراں وِچ ، خُود نُوں مُجرم ٹھہراندا اے۔کیہ  تُسیں سوچ دے او پئی ایہہ ممکن اے پئی پاک خُدا اک پاپی نُوں  اپنا پُترمنَےگا؟ جےتُسیں پاک خُدا اُتے ایمان رکھ کے خُود نُوں پاپی آکھدے اوتے تُسیں بدعتی او۔بدعتی بنن توں بچن لئی ،تُہانوں یسوُع دے بپتسمہ تے اوہدے صلیبی خون اُتے سچیائی دے جوڑے دے طورتے ایمان رکھنا چاہی دااے۔
تُسیں صِرف اوس ویلے مکتی پاسکدےاوجدایہناں دونواں اُتے اِکوویلے: یسوُع دے بپتسمہ تے اوہدے خون اُتے ایمان رکھدے او۔