Devido ao COVID-19 e à interrupção do Serviço de Correio Internacional,
suspendemos temporariamente o nosso 'Serviço de Impressão Gratuita de Livros'.
suspendemos temporariamente o nosso 'Serviço de Impressão Gratuita de Livros'.
Diante dessa situação, não podemos enviar os livros para você neste momento.
Ore para que esta pandemia termine em breve e retorne o serviço postal.
Ore para que esta pandemia termine em breve e retorne o serviço postal.
Assunto 1: Nascendo de Novo da água e do Espírito
1-22. میَں تہاڈے وَلوں سچے دل نال گھلیاں جان والیاں کتاباں دا مطالعہ کردارہیا آں تے یسوُع دے بپتسمہ دے بارے تُہاڈے کُجھ خیال میری دلچسپی دا سبب بنے ۔کیہ تُسیں مینوں دس سکدے او پئی تُسیں یسوُع مسیِح دے بپتسمہ،موت تے مُردیاں وِچوں جی اُٹھن تے ساڈے بپتسمہ دے وِچکار پائے جان والے تعلق دے بارے کیہ تعلیم دیندے او؟
سب توں پہلاں ” بپتسمیاں دیاں تعلیماں “ اُتے توجہ دینی چاہی دی اے جِویں پئی عبرانیوں ۶:۲وِچ درج اے۔کلامِ مقدّس دے مطابق ، تِن مختلف بپتسمے نیں؛توبہ لئی یوحنا اصطباغی دا بپتسمہ،یوحنا اصطباغی دے راہیں یسوُع دا بپتسمہ تے ساڈا یعنی پاک رسم دے طورتےپانی دا بپتسمہ۔
جیہڑا بپتسمہ اَسیں لیندے آں اوہ ساڈے یسوُع دے بپتسمہ اُتے ایمان لیان دا اِقرار اے ۔ یعنی ایویں آکھ لوو،سانُوں بپتسمہ دِتاجاندا اے تاں پئی اَسیں اِقرار کرئیے پئی اَسیں ایمان رکھدے آں پئی یسوُع نُوں ایس لئی بپتسمہ دِتاگیا پئی اوہ ساڈے سارے پاپ چُک لئے تے اوہناں دے کفارہ لئی صلیب اُتے جان قربان کردیوے۔ ہُن تُسیں متی ۳:۱۵ نُوں سمجھ سکدے او جتھے بیان کیتاگیا اے، ” ہُن تُوں ہون ای دے کیوں جے سانُوں ایسے طرحاں ساری راستبازی پوری کرنا مناسب اے۔“ ایتھے، ” ایسے طرحاں “ تو ں مُراد اے پئی یسوُع نے یوحنا اصطباغی کولوں، جیہڑاساری اِنسانی پیِڑھی دا نمائندہ سی بپتسمہ لین دے را ہیں ،دُنیا دے سارے پاپ اپنے اُتے چُک لئے ۔
ایہہ خُدا دا سانُوں پاپ دے پکے پھندے توں بچان دا اِک ڈونگھا منصوبہ سی ۔ خُداوند خُدا نے ”ساڈی سب دی بدکرداری اوہدے تے لد دِتی۔“(یسعیاہ ۵۳:۶)تے سانُوں اپنی راستبازی بخش چُکیااے۔ ایتھے یونانی وِچ، ” راستبازی “ دامطلب ” Δικαίωση( dikaiosune ) “ ایں، جیہڑا ” سچیائی تے انصاف “ وَل وی اِشارہ کردااے۔ ایہہ سانُوں دَسدااے پئی یسوُع نے ساری اِنسانی پیِڑھی دی بدکاری نُوں بوہت سچے تے منصفانہ انداز وِچ ہتھ رکھن دے طریقے نال بپتسمہ لین دے ذریعے چُک لیا۔
اَسیں یسوُع دے بپتسمہ ،صلیبی موت تے مویاں وِچوں جی اُٹھن اُتے پکا ایمان رکھن دے سبب مکتی حاصل کیتی اے ۔اوہدے بپتسمہ دے رُوحانی ختنہ دی قُدرت (رومیوں ۲:۲۹) جیہڑی ساڈے
سارے پاپاں نُوں دِل توں کٹ دیندی اے ،ساڈے دِل وِچ پائے جان والے سارے پاپ دھوچُکی اے۔ ایس لئی پطرس رسوُل نے عید ِ پنتیکوست دے دن لوکاں نُوں آکھیا، ” توبہ کروتے تُہاڈے وِچوں ہر اِک اپنےپاپاں دی معافی لئی یسوُع مسیِح دے ناں اُتے بپتسمہ لوےتےتُسیں رُوح القدّس اِنعام وِچ پاؤگے۔“ (اعمال ۲:۳۸)
سارے پاپیاں نُوں یسوُع دے ناں اُتے ایمان لیان دے ذریعے اپنے دِلاں وِچ پاپاں دی معافی حاصل کرنی چاہی دی اے ۔اوہدے ناں توں کیہ مُراد اے؟ ” توں اوہدا ناں یسوع رکھیں کیوں جےاوہوای اپنے لوکاں نُوں اوہناں دے پاپاں تو ں مکتی دیوے گا۔ “ (متی۱: ۲۱)۔یسوُع ناں دا مطلب ’ مکتی داتا ‘ جیہڑا اپنے لوکاں نُوں اوہناں دے پاپاں توں چھڈاؤندااے ۔ اوہنے کِس طرحاں سانُوں ساڈے سارے پاپاں توں چھڈایا؟ یسوُع اپنے بپتسمہ تے صلیبی موت دے ذریعے سانُوں ساڈے سارے پاپاں توں چھڈاچُکیااے۔
جدیسو ُع مسیِح دے رسوُلاں نے خوشخبری دی منادی کیتی ، تے اوہناں نے یسوُع دے بپتسمہ تے صلیب نُوں ٹھیک طورتے سمجھن دایقین کیتا،ایویں اوہناں نے سچی خوشخبری دی منادی کیتی تے فیر اوہناں نُوں بپتسمہ دِتاگیا جیہڑے ایہدے اُتے ایمان لیائے ۔ ایسے طرحاں ،اَسیں ظاہری طورتے اِقرار کرن لئی بپتسمہ لیندے آں یعنی اپنے ذہناں دی ڈونگھائی وِچ یسوُع دے بپتسمہ تے موت اُتے ایمان رکھدے آں ۔ جد اَسیں بپتسمہ لیندے آں تے اَسیں ایہہ اِقرار کردے آں، ” اے خُداوند تیرا شکر ہووے۔تُوں بپتسمہ دے ذریعے میرے سارے پاپ چُک لئے ،تے مینوں مکتی بخشن لئی مریا تے مویاں وِچوں جی اُٹھیا۔میَں تیری خوشخبری اُتے ایمان رکھداہاں۔“جِس طرحاں یسوُع نے یوحنا اصطباغی کولوں بپتسمہ لیا اوسے طرحاں خادم یسوُع دے بپتسمہ تےموت اُتے ساڈے ایمان رکھن دے نشان دے طورتے سانُوں پانی وِچ بپتسمہ دیندے نیں۔ بالکل اوسے طرح جِویں یسوُع نے یوحنا اصطباغی کولوں بپتسمہ لیا۔ایویں ، مڈھلی کلیسیا دے مقدّسین نُوں اوہناں دےاعتماد دےثبوت دے طورتے بپتسمہ دِتا گیا ،یعنی ایہدے بعد پئی اوہ خوشخبری وَل پَرتے تےمکتی یعنی پاپاں دی معافی حاصل کیتی ۔
بپتسمہ دی رسم مکتی یافتہ ہون لئی ضروری نئیں۔ بے شک ساڈے ایمان نُوں واضح کرن لئی ایہہ بوہت ضروری اے۔ ساڈے پانی دے بپتسمہ نُوں ساڈی مکتی دے نال ایویں کجھ نئیں کرنا ۔ اَسیں صرف پانی تے خون دی خوشخبری اُتے ایمان لیان دے ذریعے مکتی حاصل کر سکدے آں۔کلامِ مقدّس سانُوں دَسدااے پئی سانُوں اوس ویلے یسوُع مسیِح وِچ شامل ہون دابپتسمہ دِتاجاندااے(رومیوں ۶:۳، گلتیوں
۳:۲۷)۔جداَسیں اوہدے بپتسمہ اُتے ایمان رکھدے آں۔
فیر،اَسیں کِس طرحاں ” اوہدے وِچ شریک ہون دا بپتسمہ“ پاسکدے آں؟ایہہ صرف اوسے ویلے ممکن اے جد اَسیں اوہدے بپتسمہ اُتے ایمان لیاندے آے جد پئی جِسم یعنی ساڈی پُرانی اِنسانیت ، یسوُع نال اِک ہو سکدی تے اوہدے بپتسمہ اُتے صِرف ساڈے ایمان دے راہیں اوہدے نال مصلوب ہوسکدی اے۔ نتیجے دے طورتے ،کیوں جے یسوُع نے اپنے بپتسمہ دے ذریعے ساڈےسارےپاپ چُک لئے ، ایس لئی اوہدی موت ساڈی ساری بدکاریاں دی عدالت سی ۔ایویں ، اَسیں وی صلیب اُتے اوہدے نال مرگئے ۔دُوجے لفظاں وِچ، ساڈاجِسم،جیہڑابچ نئیں سکدا سگوں موت تیک پاپ کردااے،پاپ دے اعتبار نال مرگیا تے اَسیں اوہدے بپتسمہ دے راہیں یسوُع دے نال ایکتائی وِچ اپنیاں ساریاں بدکاریاں توں مکتی یافتہ ہوچُکے آں ۔
جیہڑے لوک یسوُع دے بپتسمہ تے موت دے ذریعے یسوُع دے نال اِک ہوئے نیں اوہدے مُردیاں وِچوں جی اُٹھن وِ چ وی اِک ہو سکدے نیں ۔اوہدامُردیاں وِ چوں جی اُٹھنا نہ صرف ساڈاپاپ دے اعتبار نال مرکے مُردیاں وچوں جی اُٹھنا اے،سگوں ایہہ سانُوں خُدا دے پُتراں تے مقدّس کیتے ہویاں دے طورتے نویں سِرے توں پیدا ہون دی اِجازت وی دیندااے ،جیہڑے اوہدے سامنے خالص تے بے پاپ نیں۔
جے اَسیں اوہدے بپتسمہ اُتے ایمان نہ لیا کے اپنے پاپاں نُوں اوہدے اُتے نہ لیا ہوندا، تے
اوہدی موت تے مویاں وِچوں جی اُٹھنا بے معنی ہوسکدے سَن ،جیہداساڈی مکتی نال کوئی تعلق نئیں ہوسکداسی ۔ جِنھاں لوکاں نے ایمان نال اپنے سارےپاپ اوہدے اُتے لددِتے نیں اوہدی صلیبی موت نال اِک نیں، یعنی اوہناں نُوں راستباز شخص دے طورتے نویں سِرے توں پیدا ہون دی اجازت پاؤندے نیں ۔فیروی جِنھاں لوکاں نے اوہدے بپتسمہ اُ تے ایمان نہ لیاکے اپنے پاپ اوہدے اُتے نئیں لدے، اوہناں دااوہدی موت تے جی اُٹھن نال کِسے طرحاں کُجھ واسطہ نئیں ایں۔
ایمانداراں دا بپتسمہ ایہو جیہےطرحاں بھروسے دے قابل اے جِس طرحاں اَسیں شادی دے شگن دے ذریعےخاوندتے بیوی نُوں قانونی جوڑے دی حیثیت نال ویکھدے آں۔ پاک لوکاں دا بپتسمہ ایہو جیہے دِلی ایمان دا ظاہری اعلان اے ۔اَسیں راستباز خُدا تے دُنیا دے سامنےجدوں اوہدے بپتسمہ تے
صلیب اُتے اپنے اعتقاد دا اعلان کردے آں تے ساڈا اعتقاد ہور بوہتا پکاہوجاندا اے۔
یسوُع نے یوحنا اصطباغی کولوں جیہڑا بپتسمہ لیا اوہدے سچے معنے نُوں غلط سمجھ کے سانُوں ایہہ
نہیں سوچنا چاہی داپئی اَسیں اوہدے بپتسمہ تے بپتسمہ دی اہمیت اُتے ایمان لیائے اََڈ بچ سکدے آں۔ایہہ ایویں ابلیس دی خاص چالاکی اے ۔ اَسیں پاپاں دی معافی حاصل کرسکدے آں تے اپنے ذاتی بپتسمہ اُتے ایمان رکھن دی بجائے اپنے دِل وِچ یسوُع دے بپتسمہ اُتے سچا ایمان لیا ن دی وجہ توں سانُوں اَسمان اُتے جی آیاں نُوں آکھیا جا سکدااے ۔
Copyright © 2021 by The New Life Mission