Search
Português
Português
Devido ao COVID-19 e à interrupção do Serviço de Correio Internacional,
suspendemos temporariamente o nosso 'Serviço de Impressão Gratuita de Livros'.
Diante dessa situação, não podemos enviar os livros para você neste momento.
Ore para que esta pandemia termine em breve e retorne o serviço postal.

Perguntas Frequentes sobre a Fé Cristã

Assunto 3: O Apocalipse

3-8. خُدا دے تخت اگے کھلوتے ہوئے چار زندہ جاندار کون یا کیہ نیں ؟

مُکاشفہ   ۴ : ۶ ۔ ۹ ہیٹھ لکھے ہوئے اکھراں وچ چار جانداراں بارے دسدا اے  : ”تے اوس تخت دے ساہمنےشیشے دا سمندر بلور وانگر اے ۔ تے تخت وچ تے آلے دوالے چار جاندار نیں جنہاں دیاں اگے پچھےاکھیاں نیں ۔ پہلاجاندارشیروانگر اے تے دوجاجانداروچھےوانگر تے تریجے جانداردامُنھ بندے وانگر اےتے چوتھا جانداراُڈ دے ہوئے عُقاب وانگر اے۔ ایہناں چوہاں جانداراں دے چھ چھ پَرتے چونہہ پاسے تے اندر اکھیاں ای اکھیاں نیں۔ تے دنے راتیں آرام نئیں کردے ۔ تے ایہو آکھدے رہندے نیں ۔پئی قُدُّوس قُدُّوس قُدُّوس خُداوندخُدا قادرِ مطلق جیہڑا ہےسی تے جیہڑا ہے تے جیہڑا آؤن والا اے ۔ تےجداوہ جاندار اوہدی وڈیائی تے عزت تے شکر گزاری کرن جیہڑا تخت اُتے بیٹھا اے تے سداتیکر زندہ رہوے گا ۔“
چار زندہ جاندارخُدا دے تخت دے آلے دوالے ، چویہہ بزرگاں دے نال نیں ، اوہ خُدا دے وفادار خادم نیں جیہڑے سدا اوہداآکھا من دے تے اوہدی پاکیزگی تے جلال دی وڈیائی کردے نیں۔ جد خُدا کم کردا اے ، تاں اوہ اپنے آپ کم نئیں کردا ، سگوں اوہ سدا اپنے خادماں دے راہیں کم کردا اے ۔ چار زندہ جاندار، خادم جیہڑے خُدادےبوہت نیڑے نیں ، سدا اوہداآکھا منن دی طاقت پا چُکے نیں ۔
چار زندہ جانداراں وچوں ہر اک وکھری شکل والا اے ، ایہہ ظاہر کردے ہویاں پئی چار زندہ جانداروکھ وکھ طاقتاں نال خُدا دی سیوا کردے نیں ۔اوہ اگوں پچھوں اکھاں نال بھرے ہوئے نیں ، مطلب پئی ایہہ زندہ جاندارلگاتار  خُدا دے ارادیاں اُتے خاص دھیان دیندے نیں۔ ایسے طرح ، چار زندہ جاندارخُدا دے وفادار خادم نیں جیہڑے سدا اوہدی سیواکردے تے اوہدی مرضی پوری کردے نیں ۔
اگانہہ ہور ، چار زندہ جاندارخُدا دے جلال  تے پاکیزگی دی وڈیائی کرکے آرام نئیں کردے ، بالکل جویں خُدا کدی نئیں سوندا ۔ اوہ خُدا باپ تے ساڈے خُدا وند یسوع  دی پاکیزگی دی ، تے اوہدی قادرِ مطلق قدرت دی وڈیائی کردے نیں ، جیہڑا ساڈا خُداتے لیلا اے۔  ایس طریقے نال ، چار زندہ جاندارخُدا دے تخت اگے کھلوتے ہوئے  اپنے سچے دلوں اوہدی وڈیائی کردے نیں، یعنی صرف فرض پورا نئیں کردے ۔ کیوں ؟ ایس لئی پئی یسوع مسیح کیہ کر چُکیا اے —یعنی ، اپنے آپ نوں ایتھوں تیکر پئی اک بندے دی شکل وچ اپنی میَں نوں مار کے تے کواری مریم دے بدن راہیں ایس دنیا وچ پیدا ہوکے ؛ یوحنا کولوں بپتسمہ لین دے راہیں  اپنے آپ اُتے لوکاں دے سارے پاپاں نوں  چُکن ؛ ایہناں پاپاں نو ں صلیب اُتے لَے جان تے ایس اُتے مرن نال ؛ تے اِنج  سارے لوکاں نوں پاپ دے بچان دے راہیں—اوہ ہُن خُدا دے تخت اُتے بیٹھا ہویا اے ، تے اپنے  ایہناں سوہنیاں کماں دے سبب ، سارے لوکاں کولوں ہمیش لئی وڈیائی  کران دے لائق اے ۔
اِنج چار زندہ جاندار، چویہہ بزرگاں دے نال نال ، اپنے دل دی ڈوہنگی چانواں بھری بھگتی اوہدے اگے پیش کرن دے راہیں خُدا نوں بوہت اُچیاں جان دے نیں ۔