Из-за COVID-19 и перебоев в работе международной почтовой
службы мы временно приостановили нашу услугу «Бесплатные печатные книги».
службы мы временно приостановили нашу услугу «Бесплатные печатные книги».
В сложившейся ситуации мы сейчас не можем отправлять вам книги по почте.
Молитесь, чтобы эта пандемия скоро закончилась и работа почтовой службы возобновилась.
Молитесь, чтобы эта пандемия скоро закончилась и работа почтовой службы возобновилась.
مضمون 11: خیمۂ اِجتماع
[11-30] خُداوند لئی مُقدّس <خروج ۲۸:۳۶-۴۳>
>خروج ۲۸:۳۶-۴۳>
” تےتُوں کھرےسونے دا اِک پتّر بنا کے اوس اُتےانگشتری دی شکل وانگرا یہہ چھاپیں خُداوند لئی مقدس۔تے اوہنوں نِیلے فِیتے نال بنھنا تاں پئی اوہ پگ اُتے یعنی پگ دے اَگلے حِصّےاُتے ہوئے۔تےا یہہ ہارُونؔ دے مَتھے اُتے رہوےتاں پئی جو کُجھ بنی اِسرائیل اپنیاں پاک ہدیاں دے راہیں مُقدّس ٹھہراؤن اوہناں مُقدّس ٹھہرائیاں ہُوئیاں شیواں دی بدی ہارُونؔ چُکے تےایہہ اوہدے مَتھے اُتے سدا رہوے تاں پئی اوہ خُداوند دے اگےمقبُول ہون۔تے کُرتامہین کتان دا بنیا ہوئےتے چونہہ خانیاں دا ہو ئےتےپگ وی مہین کتان ای دی بناویں تےاِک لک بنھ بناویں جِیہدےاُتےوَل بُوٹے کڈھے ہون۔تےہارُونؔ دیاں پُتراں لئی کُرتے بناویں تے عِزّت تےسِنگھاردے واسطےاوہناں لئی لک بنھ تےپگاں بناویں ۔تے تُوں ا یہہ سارا کُجھ اپنے بھرا ہارُونؔ تےاُوہدے نال اوہدیاں پُتراں نُوں پواویں تے اوہناں نُوں مَسح تےمخصُوص تےپاک کریں تاں پئی ا وہ سارے میرے لئی کاہِن دی خِدمت کرن۔تےتُو ں اوہناں لئی کتان دے پجامے بنا دیویں تاں پئی اوہناں دا بدن کجیا رہوے۔ ایہہ لک توں لَے کے پٹ تیکر دے ہون۔تےہارُونؔ تے اوہدے پُتر جد جد خَیمہ اِجتماع وِچ جان یا خِدمت کرن لئی پاک تھاں دے اندر قُربان گاہ دے نیڑے جان اوہناں نُوں پایا کرن تاں اِنج نا ہوئے پئی پاپی ٹھہرن تے مَر جان۔ا یہہ رِیت اوہدے تے اوہدی نسل لئی سدا رہوے گی۔ ‘‘
خروج ۲۸ :۳۶ ” تےتُوں کھرےسونے دا اِک پتّر بنا کے اوس اُتےانگشتری دی شکل وانگرا یہہ چھاپیں خُداوند لئی مقدس۔ “ ایس پتّر نوں نیلے فیتے نال بنھیا جانداسی تاں پئی ایہہ پگ اُتوں ڈِگ نا پوے ۔
وڈے کاہن دی ایس پگ نال خُداسانوں کیہ وکھاؤندا پیا اے ؟ پگ تے ایہدی جھالر دا مطلب ایہہ ہیگا اے پئی یِسُوعؔ مسیح نے بپتسمے دے راہیں ساڈیاں ساریاں پاپاں نوں چُک لیا جیہڑا اوہنے یوحنا بپتسمہ
دین والے کولوں لیا تے ایس طرح ساڈیاں ساریاں پاپاں نوں صاف کردِتا ۔
خُدا دے اگےاپنے ایمان نوں زندہ رکھن لئی ، سانوںِ سب توں پہلوں ، اوس اُتے سچاایمان رکھنا چاہی دا اے۔ تے سچیائی اُتے ایمان رکھن لئی پہلوں سانوں سچیائی دا ٹھیک پتہ ہونا ضروری اے ۔ ساڈے خُداوند نے سانوں آکھیا،’’ تے تُسی سچیائی نُوں جانو گے تے سچیائی تُہانوں اَزاد کرے گی‘‘(یوحنا ۸ :۳۲)۔ خُدا اُتےایمان کوئی ایہو جیہی شے نئیں اے جنہوں صرف جذبیاں نال کیتا جا سکدا اے ۔ ایس لئی ساڈے ایمان وچ سچیائی دی ایہہ تعلیم ہونی چاہی دی اے ،تے فیر ایہدے بعدوں جذبے ، تے فیر ساڈی ارادے وچ طاقت ہونی چاہی دی اے ۔ اِنج کرن لئی ، ساڈے کول اوہ ایمان ہونا چاہی دا اے جیہڑا وڈے کاہن دے بانے لئی ورتیاں جان والیاں شیواں وچ ظاہر ہون والی سچیائی نوں ٹھیک طریقے نال جان دا تے ایس اُتے ایمان رکھدا اے ۔
وڈے کاہن دے پائی جان والی پگ اُتے، سونےدا پتّر لمکایا جاندا سی تے ایہنوں نیلے فیتے نال بنھیا جاندا سی۔ ایہہ سانوں صاف طریقے نال ایس سچیائی بارے دسدا اے پئی خُداوند نے ایس زمین اُتے آؤن تے بپتسمہ لین دے راہیں ساڈیاں ساریاں پاپاں نوں چُک لیا سی ۔ ایہو ای سبب ہیگا اے پئی اَج دے کلام دا اُتلا حصہ آ کھدا اے ، ” تےا یہہ ہارُونؔ دے مَتھے اُتے رہوےتاں پئی جو کُجھ بنی اِسرائیل اپنیاں پاک ہدیاں دے راہیں مُقدّس ٹھہراؤن اوہناں مُقدّس ٹھہرائیاں ہُوئیاں شیواں دی بدی ہارُونؔ چُکے ‘‘(خروج ۲۸ :۳۸)۔اوہ ایمان جیہڑااسرائیلیاں دے پاپ دے مسئلے نوں حل کرسکدا سی ، اوہ سونے دے پتّروچ جیہڑا وڈے کاہن دی پگ دے اَگلے حصے وچ بنھیا گیا سی تے ایس پتّر دی راکھی کرن والے نیلے فیتے وچ ظاہر ہویا سی ۔
یِسُوعؔ دا بپتسمہ ساریاں لوکاں دی مکتی لئی ضروری اے
جویں پئی وڈے کاہن نے اپنے مَتھے اُتے نیلے فیتے نال بنھے ہوئے سونے دے پتّر نال جُڑی ہوئی پگ پائی سی ، جے تُسی سچ مُچ اَج دے رُوحانی کاہن او ، تاں تہانوں جاننا چاہی دا تے ایمان رکھنا چاہی دا اے پئی خُداوند ایس زمین اُتے آیا ، یوحنا بپتسمہ دین والے کولوں ہتھاں دے رکھے جان دی شکل وچ ، جیہڑا پُرانے عہد نامے دے قربانی دے نظام نال مِلدااے بپتسمہ لیا ، تے ایس طرح تہاڈیاں ساریاں پاپاں نوں صاف کر دِتا۔پُرانے عہد نامےدے زمانے وچ ، وڈے کاہن نوں ایہہ جاننا سی پئی قربانی دے نظام دے مطابق دِتے جان والےقربانی دے پشُو دے راہیں ای ہر پاپ نوں مُکا دِتا گیا سی ۔ دوجے پاسے ، تُسی تے مَیں جیہڑے نویں عہد نامے دے زمانے وچ رہندے پئے آں ، ایہہ جاننا ضروری اے پئی ایس لئی پئی خُداوند نے یوحنا بپتسمہ دین والے دے راہیں بپتسمہ لیا سی جد اوہ ایس زمین اُتے آیا سی ، اوہنے ساڈیاں پاپاں نوں اِکو ای واری تے سدا لئی اپنے اُتے چُک لیا سی ۔ ایس لئی پئی یِسُوعؔ مسیح نے بپتسمہ لیا سی ، ساڈے سارے پاپ اوس اُتے لدے گئے سن تے اوہنے جگ دیاں ساریاں پاپاں نوں اِک ای واری تے سدا لئی اپنے اُتے چُک لیا سی۔
ایس بپتسمہ دے راہیں ، ایس دھرتی دے ہر بندے دے سارے پاپ بِنا کسے ہٹک دے یِسُوعؔ دے حوالے کر دِتے گئے ۔ ایتھوں تیکر پئی یوحنا بپتسمہ دین والے ، اخیری وڈے کاہن تے ساریاں لوکاں دے نمائندے دے پاپ وی یِسُوعؔ دے حوالے کیتے گئے ، جویں پئی سارے جگ دیاں لوکاں دے پاپ کیتے گئے سن ۔
تاں فیر سانوں خُدا دے اگے کس طرح دا ایمان رکھنا چاہی دا اے ؟ ساڈے کول لازمی سچا ایمان ہونا چاہی دا اے جیہڑا ایہہ ایمان رکھدا اے پئی یِسُوعؔ مسیح نے بپتسمہ لیا تے ایس طرح ساریا ں لوکاں دیاں پاپاں نوں ٹھیک طریقے نال چُک لیا ۔ سچیائی نوں جانن دے نال نال ، سانوں لازمی ایہہ ایمان وی رکھنا چاہی دا اے جیہڑا ایس سچیائی اُتے دلوں یقین رکھدا اے ۔ جد ااسی کم کردے آں تےپانی تے رُوح دی خوشخبری نوں ایس ایمان نال ودھاؤندے آں جیہڑا ایس سچیائی اُتے ایمان رکھدا اے ، تاں لوک ایہنوں سُنن گے تے سچے دلوں ایس اُتے ایمان رکھن گے ، تے ایس طرح اوہ اپنیاں ساریاں پاپاں توں برف وانگر چِٹے دھوئے جان گے ۔ یِسُوعؔ مسیح ایہناں ساریاں لوکاں نوں پاپاں دی سچی معافی دے چُکیا جیہڑے ایس سچیائی اُتے سچے دلوں ایمان رکھدے نیں ۔
سب توں ودھ کے، اَج دیاں رُوحانی کاہناں دا لازمی اِک سچا ایمان ہونا چاہی دا اے جیہڑا پانی تے رُوح دی خوشخبری اُتے ایمان رکھدا اے ۔ ایس سچیائی نوں جانن تے ایس اُتے ایمان دے بِنا ، اسی اپنی رُوحانی کہانت دیاں کماں نوں پورا نئیں کرسکدے ۔ دوجیاں اکھراں وچ ، صرف اوہو ای لوک جیہڑے ایہہ عقیدہ رکھدے نیں جیہڑا اسمانی، ارغوانی تےلال رنگ دے دھاگے دی سچیائی اُتے ایمان رکھدا اے —یعنی ، پاپاں دی اصل معافی دی سچیائی اُتے —اوہ اپنی رُوحانی کہانت دے کم کر سکدے نیں ۔ دوجیاں اکھراں وچ ،صرف اوہو ای لوک جنہاں نیں یِسُوعؔ مسیح دے بپتسمے تے اوہدی صلیبی لہو دوآں اُتے ایمان رکھ کے پاپاں دی معافی پائی اے اوہ خوشخبری نوں ودھاؤن دیاں کماں نوں پورا کرسکدے نیں ۔ ایس طرح ، سچیائی دی ٹھیک تعلیم رکھنا ہر اِک رُوحانی کاہن لئی ضروری اے ۔ ایہو ای سبب ہیگا پئی پاک کلام صاف طریقے نال آکھدا اے ، ”میرے لوک تعلیم دے گھاٹے نال فنا ہُوئے۔ایس لئی پئی تُوں خُدائی تعلیم نُوں ردّ کیِتا ایس لئی مَیں وی تینوں ردّ کراں گا تاں پئی تُوں میرے اَگے کاہِن نا ہوویں تےایس لئی پئی تُوں اپنے خُدا دی شرِیعت نُوں بُھل گیا ایں ایس لئی مَیں وی تیری اَولاد نُوں بُھل جاواں گا۔‘‘(ہوسیع ۴ :۶)۔
جد وڈا کاہن فدیے دے دن خُدا دے اگے آؤندا ، تاں اوہ اپنی پگ پائیوں بِنا کدی وی بوہتی پاک تھاں اُتے نئیں آسکدا سی ۔ وڈے کاہن نوں مہین وٹے ہوئے کتان دی پگ پاؤنی پیندی سی تے سونے دے پتّر نوں نیلے فیتے نال ٹھیک ایہدے اگے والے حصے اُتے بنھنا پیندا سی جویں پئی خُدا نے مقرر کیتا سی ۔ جویں پئی تُسی پہلوں ای تصدیق کرچُکے او ، اسمانی دھاگہ بپتسمہ دی گواہی دیندا اے جیہڑا یِسُوعؔ نے یوحنا بپتسمہ دین والے کولوں لیا سی (متی ۳ :۱۵؛ ۱- پطرس ۳: ۲۱)۔
ہر کوئی ہر دن پاپ کرن توں بچ نئیں سکدا ۔ سو ہر کوئی اپنیاں پاپاں لئی سزا جرن ، موت دی سزا جرن ، تے سدا لئی فناہون توں بچ نئیں سکدا ۔ پرخُداوند ایس زمین اُتے آیا ،تے بپتسمے دے راہیں ساریاں لوکاں دیاں پاپاں نوں اپنے پِنڈے اُتے چُک لیا جیہڑا اوہنے یوحنا بپتسمہ دین والے کولوں لیا سی ۔ جویں پئی یِسُوعؔ نےمتی ۳ :۱۵ وِچ آ کھیا، ” حالی تے ہون دے کیوں جو سانُوں چاہیدا ایہہ پئی ایسے طرح ساری راست بازی نُوں پُورا کریئے۔ تَد اوس ہون دِتّا۔ “ ایس بپتسمے دے راہیں خُدا باپ نے ساریاں لوکاں دیاں ساریاں پاپاں نوں اپنے پُتر یِسُوعؔ مسیح اُتے لدنا چاہیا ،تے اِنج ہون دی اجازت دِتی ۔ ایہہ پئی یِسُوعؔ نوں یوحنا بپتسمہ دین والے نے بپتسمہ دِتا ایہدا مطلب ایہہ ہیگا اے پئی یوحنا بپتسمہ دین والے دے راہیں اوہنے جگ دیاں پاپاں نوں اپنے اُتے اِکو ای واری تے سدا لئی قبول کیتا ۔ سو، تہاڈے تے میرے سارے پاپ وی اوس ویلے یِسُوعؔ اُتے لدے گئے سن ۔
ایس لئی پئی ساریاں نے پاپ کیتا ، تے سارے خُدا دے جلال توں وکھ نیں (رومیوں ۳ : ۲۳)۔پاک کلام آکھدا اے ، ’’ کیوں جو جیویں اِک بندے دے حُکم موڑن نال بتھیرے گُناہیں ٹھہرائے گئے‘‘(رومیوں ۵ :۱۹)۔کیہ کوئی ہیگا اے جیہڑا پاپ نا کردا ہوئے ؟ نئیں ، بالکل نئیں ! فیر ساڈا نصیب کیہ ہوئے گا ؟ خُدا نے آکھیا پئی جے ساڈے توں کوئی وی پاپ ہو جائے ، بھاویں ایہہ کویں وی ہو جائے ، بھاویں ساڈے کماں ، دل یا خیالاں توں، اسی سارے فنا ہو جاواں گے ۔ایس لئی پئی خُدا نےآکھیا اے پئی ’’ گُناہ دی مزدُوری مَوت اے ‘‘ (رومیوں ۶ :۲۳)،جے اسی سرہوں دے دانے برابر وی کوئی پاپ رکھدے آں ، تاں فیر وی سانوں ایس پاپ توں بِنا ناکامی دھویا جانا چاہی دا اے ۔ ساریاں لوکاں نیں خُدا دے اگے پاپ کیتا اے ، تے ایس دے سببوں اوہ سارے اپنیاں پاپاں توں بچ نئیں سکدے سگوں سزا پاؤندے نیں ۔ پر ، جویں پئی خُدا نے آکھیا اے پئی ’’ گُناہ دی مزدُوری مَوت اے ‘‘ اوہنے اپنے پُتر نوں بپتسمہ لین لئی پیدا کیتا تے اوہنوں سولی چڑھن دی اجازت دِتی ۔ پاپ دا مُل موت اے ۔ ایتھے موت دا کیہ مطلب اے؟ موت دا مطلب دوزخ اے۔
عبرانیوں ۹ :۲۷ فرماؤندااے، ’’ تے جیویں بندیاں نُوں اِک وار مرنا ہوندا اے تے مگروں عدالت ہوندی اے۔ ‘‘ خُدا سانوں دسدا اے پئی جد اسی مردے آں تاں سزا سانوں اُڈیکدی اے ۔ سارے لوک ، بھاویں راستباز ہون یاپاپی ، اوہ لوک جنہاں نیں پاپ دی معافی پائی اے یا اوہ جنہاں نیں نئیں پائی ، اپنی بدنی موت دے بعدوں سدا لئی زندہ رہن گے ۔ ایہہ پئی بندیاں نوں خُدا د ے اپنے روپ وانگر بنا یا گیا سی سانوں دسدا اے پئی ایس لئی پئی خُدا سدا زندہ رہندا اے ، ایس لئی ہر کسے نوں اپنی مرضی توں ہٹ کے سدا لئی زندہ رہنا اے ۔ پر تہانوں چیتا رکھنا چاہی دا اے پئی سدا دی زندگی دیاں قِسماں نیں :اِک اسمانی بادشاہی وچ مبارک سدا دی زندگی،تے دوجی دوزخ وچ لعنتی زندگی ۔
یِسُوعؔ مسیح اسمانی سدا دا وڈاکاہن اے ۔ اوہ اسمانی بادشاہی دے وڈےکاہن وانگر ایس زمین اُتے آیا ، تے اوہنے بندیاں دیاں ساریاں پاپاں نوں زمینی قربانی دین نال نئیں سگوں اپنے بدن نوں دے کے مُکا دِتا اے (عبرانیوں ۷ : ۲۱ ، ۸ :۱۱ ۔ ۱۲، ۱۰:۱۰) ۔ خُدا اوہو ای اے جیہڑا ایس زمین اُتے آیا تے بپتسمہ لے کے ساڈیاں ساریاں پاپاں نوں چُک لیا ، ایہہ سارا کُجھ ایس لئی ہیگا اے پئی تہانوں تے مینوں جگ دیاں پاپاں توں بچاوے ۔ یِسُوعؔ مسیح، اسمانی بادشاہی دا وڈا کاہن ، اِک بندے دا بدن نال پیدا ہو کے ایس زمین اُتے آیا تے اپنے بپتسمہ دے راہیں ساریاں لوکاں دیاں پاپاں نوں اپنے پِنڈے اُتے قبول کیتا ۔ ایہدے راہیں ، تہاڈے سارے پاپ یِسُوعؔ مسیح اُتے اِک واری تے سدا لئی لدے گئے سن ۔ تے ایس لئی پئی یِسُوعؔ مسیح نے اپنے بپتسمے دے راہیں اپنے پِنڈے اُتے ساڈیاں پاپاں نوں قبول کیتا ،اوہ سولی اُتے جاسکدا سی ، سولی
اُتے مر سکدا سی ،اپنا لہو مرن لئی وگا سکدا سی ۔
ایہو ای سبب ہیگا اے پئی خُدا نے ایہہ قانون بنایاسی پئی وڈےکاہن نوں اپنی پگ والے اَگلے حصے اُتے ”خُداوند لئی مُقدّس “ نال چھاپ کے سونے دا پتّر لاؤنا پیندا سی تے ایہنوں نیلے فیتے نال بنھنا پیندا سی تاں پئی ایہہ ڈِگ نا جائے ۔ ایہہ سانوں دسدا اے پئی ایس لئی پئی یِسُوعؔ نے اپنے بپتسمے نال ساریاں لوکاں دیاں ساریاں پاپاں نوں دھودِتا اے ، ایس لئی جیہڑے لوک ایمان رکھدے نیں اوہ اپنیاں دلاں وچ پاکیزگی لَے سکدے نیں تے خُدا دے اگے آسکدے نیں ۔
سونے دا پتّر پگ دے اَگلے حصے اُتے ہوئے
خروج ۲۸ :۳۷ آکھدا اے، ” تے اوہنوں نِیلے فِیتے نال بنھنا تاں پئی اوہ پگ اُتے یعنی پگ دے اَگلے حِصّےاُتے ہوئے۔“ایس کلام دا مطلب ہیگا اے پئی سانوں اوہدے بپتسمہ اُتے ایمان رکھنا چاہی دا اے ۔ ایہہ جانن تے ایمان رکھن نال پئی جگ دے پاپ یِسُوعؔ مسیح اُتے لدے گئے سن ، سانوں لازمی پاپ دی معافی پاؤنی چاہی دی اے ۔کیہ ایہہ آکھناغلط ہیگا اے پئی جد یِسُوعؔ نے بپتسمہ لیا تاں اوہنے ساڈے سارے پاپ اپنے اُتے چُک لَئے سن؟ لوک کیوں فنا ہوندے نیں؟ ایہہ ایس لئی نئیں ہیگا پئی تُسی تے مَیں پاپ کیتا اے پئی اسی خُداولوں فناتے رَد کیتے جاندے آں ۔ اوہ فنا ہو جاندے نیں ایس لئی پئی اوہ ایس ٹھیک سچیائی اُتے ایمان نئیں رکھدے تے ایس لئی ہُن وی پاپ رکھدے نیں ۔ ایس لئی پئی یِسُوعؔ مسیح ایس زمین اُتے آیا تے یوحنا بپتسمہ دین والے دے راہیں بپتسمہ لےکے ساڈیاں ساریاں پاپاں نوں سدا لئی چُک لیا تے ایس لئی پئی ساڈے پاپ اوس اُتے لدے گئے سن ، ایس لئی ساڈے خُداوند نوں ساڈے بدلے سزا دِتی گئی سی ۔ سانوں لازمی ایہنوں اپنیاں ذہناں نال جاننا چاہی دا اے تے ایسے طرح اپنے سچے دلوں ایس اُتے ایمان رکھنا چاہی دا اے۔ فیر ای یِسُوعؔ دابپتسمہ ساڈیاں دلاں وچ ساڈے ایمان وانگر لایا جا سکدا اے ۔ پاک کلام وچ سونے دا مطلب ایمان اے ۔ سچی خوشخبری اُتے ایمان نال ای اسی اسمان اُتے جا سکدے آں ۔
ایس جگ دے سارے دین عام طوراُتے اپنے پِچھے چلن والیاں نوں اوہناں دی بیداری تیکراَپڑن
دا سبق دیندے نیں ۔ مثال طور اُتے ، بدھ مت اپنیاں منن والیاں نوں سکھاؤندا اے پئی اوہ مکتی وچ جان لئی وکھ ہو کے کرن والیاں مشقاں دے راہیں اپنیاں دلاں نوں صاف کرن ۔ بدھ مت دا مطلب ، دوجیاں اکھراں وچ ، اپنے آپ نوں ساریاں شیواں نوں چھڈ کے اپنے آپ نوں خُداوچ غرق کر کے تے اخیریں آپ ای اِک خُدا بن کے سارے پلیت ، جگ دیاں خیالاں نوں اِک پاسے رکھ دینا اے ۔ پر کوئی وی اِنج نئیں ہیگا جیہڑا ایہنوں پا سکدا اے ۔ کُجھ دین پرست پہاڑاں اُتے وکھ وکھ رہ کے آپ ای خُدا بنن دی کوشش کردے پئے نیں ۔ مثال طور اُتے ، مسیحیت وچ وی مُڈھلے کلیسیائی زمانے دے بالکل بعدوں، ایہو جیہے بوہت سارے گرجے بنے جیہڑے اپنے آپ نوں پاک کرن دی کوشش کردے سن ۔ پر اپنے آپ نوں پہاڑ اُتے وکھ وکھ کرن دا مطلب ایہہ نئیں ہیگا پئی ایس بندے نوں ہور گندے خیال نئیں آؤن گے ۔ اِنج سوچنا بوہت وڈی غلطی اے پئی جے اسی صرف اپنے آپ نوں جگ توں وکھ کر لئِیےتے دوجیاں لوکاں نال میل جول نا رکھئیے تاں اسی اپنیاں ساریاں لالچ دیاں تمناواں تے جذبیاں توں چھُٹ سکدے آں ۔ ایہدے اُلٹ ، ساڈا بدن اِنج دا اے پئی اسی جنہاں بوہتا اپنے آپ نوں وکھ وکھ کردے آں ، اونیاں ای بوہتیاں جگ دیاں لالچ بھریاں تمناواں تے سواد وچ پھسدے آں ۔ ایس لئی پئی اسی اپنیاں دلاں وچ ایہو جیہے پاپ رکھدے آں ، ایس لئی ساڈے لئی اپنیاں پاپاں توں چھُٹنا اوکھا اے بھاویں اسی کِناں ای اِنج کرنا چاہئیے۔ ایہو ای سبب ہیگا اے پئی یِسُوعؔ نے آکھیا ، ’’راہ تےسچیائی تے زِندگی مَیں آں۔‘‘ساڈا خُداوند اسمانی بادشاہی دا اِکلا راہ اے ۔ اوہ سچیائی اے ۔ تے اوہ زندگی اے ۔ یِسُوعؔ زندگی دا خُداوند اے ۔
لوک جیہڑے جاننا چاؤہندے نیں ، اوہ اسمان اُتے جان دا راہ اے ۔ ایس راہ نوں سمجھن لئی جیہڑا اوہناں نوں خُدا دی بادشاہی ول لَے جاندا اے ، اوہناں نوں سچیائی نوں چنگی طرح جاننا تے ایس اُتے ایمان رکھنا چاہی دا اے ۔ سچیائی ایہہ ہیگی اے پئی خُدا آپ ایس زمین اُتے بندے دے وچ آیا تے ایہہ پئی یوحنا بپتسمہ دین والے کولوں بپتسمہ لےکے ؛ ساریاں لوکاں دیاں ساریاں پاپاں نوں اپنے اُتے چُک لیا ۔ اسی سارے ایس سچیائی نوں جا ن کے تے ایہہ ایمان رکھ کے پئی ساڈے سارے پاپ وی یِسُوعؔ اُتے لدے گئے نیں خُدا دی بادشاہی وچ جا سکدے آں ۔
ایہدے اُلٹ ، ایہہ اوکھا ہیگا اے پئی اسی اپنیاں گُناں نال ، دوجیاں اکھراں وچ ، بوہت چوکھے چنگے کم کر کے اسمان اُتے جائیے ۔کیوں ؟ ایس لئی پئی اسی بھاویں کِنے ای چنگے کم کیتے ہون، جے اسی خُدا د ی شریعت دی صرف اِک شِق نوں توڑدے آں ، تاں ایہدا مطلب صرف ایہہ ہیگا اے پئی اسی خُدا دے سارے کلام نوں قیم رکھن وچ ناکام رہے آں ۔ ایس لئی پئی خُدا دی شریعت دی صرف اِک وی شِق نوں توڑن دا مطلب ایہہ ہیگا اے پئی کوئی بندہ خُدا دے اگے پاپی اے ، ایہو جیہے بندے لئی اپنیاں کماں نال اسمان اُتے جانا اوکھا اے ۔ سانوں لازمی ایس سچیائی اُتے ایمان رکھنا چاہی دا اے ، تے سانوں ایہدے راہیں اپنیاں پاپاں نوں یِسُوعؔ مسیح اُتے اوہدے بپتسمے دے راہیں لدنا چاہی دا اے جیہڑا اوہنے یوحنا بپتسمہ دین والے کولوں لیا سی ۔ یِسُوعؔ نے ساریاں لوکاں دیاں ساریاں پاپاں نوں نال ای تہاڈیاں پاپاں نوں وی اپنے بدن اُتے چُک لیا سی ۔ تاں ایہہ تہاڈیاں پاپاں نوں یِسُوعؔ اُتے لدن نال اے پئی تہاڈے سارے پاپ صاف ہو جاندے نیں ۔
ایس مقصد نوں پوراکرن لئی ، تہانوں پہلوں اپنے آپ نوں پرکھنا چاہی دا اے پئی کیہ تہاڈیاں دلاں وچ پاپ ہیگا اے یا نئیں ، تے جد تہانوں پتہ لگ جائے پئی پاپ ہیگا اے ، تاں تہانوں اسمانی، ارغوانی تےلال رنگ دے دھاگے وچ ظاہر ہون والی پاپ دی معافی اُتے ایمان رکھنا چاہی دا اے ، تے ایس طرح اپنے ایمان نوں خُدا ولوں منظور کراؤناچاہی دا ا ے ۔ ایہہ مسیح دے بدن دی قربانی دے چڑھاوے اُتے ایمان رکھن نال اے پئی اسی اِک واری تے سدا لئی پاپ توں مکتی پاؤن دے بعدوں اسمان اُتے جا سکدے آں ۔ ایہہ ایس لئی نئیں اے پئی لوکاں نیں پاپ کیتا اے پئی اوہ اسمان اُتے جان توں وکھ نیں ، سگوں ایہہ ایس لئی ہیگا اے پئی اوہ ٹھیک سچیائی نوں نئیں جان دے تے ایس اُتے ایمان نئیں رکھدے ،خوشخبری جیہڑی اسمانی، ارغوانی تےلال رنگ دے دھاگے وچ ظاہر ہوئی اے ، پئی اوہ اسمان اُتے جان توں وکھ نیں ۔ سانوں صرف ایہہ نئیں آکھنا چاہی دا پئی اسی اپنی تعلیم نا ہون دے سببوں بے خبر آں تے اپنے آپ نوں خُدا دے کلام توں وکھ رکھدے آں ، سگوں سانوں لازمی پانی تے رُوح دی خوشخبری سُن کے تے ایس اُتے ایمان رکھ کے مکتی پاؤنی چاہی دی اے ۔
جویں پئی وڈے کاہن نے اپنیاں لوکاں نوں پاک کرن لئی ایمان نال قربانی چڑھا کے خُدا دی خدمت کیتی ، سانوں ، اَج دیاں شاہی کاہناں نوں وی اپنیاں ذہناں وچ ٹھیک سچیائی نوں جاننا چاہی دا اے تے اپنیاں دلاں وچ خُدا دی پاکیزگی نوں قبول کرنا چاہی دا اے ۔ ایس توں کوئی فرق نئیں پیندا پئی کدوں ، کِتھے تے کیہڑے لوک سانوں اوہناں لئی ایمان دی قربانی چڑھاؤن لئی آکھدے نیں ، سانوں لازمی سب توں پہلوں خُدا دی پاکیزگی دے کپڑے پاؤنے چاہی دے نیں ۔ ”خُداوند لئی مُقدّس “دے جملے نال چھاپیا سونے دا پتّر ساڈے ، اَج دیاں وڈیاں کاہناں دے مَتھے اُتے سدا لئی رہوے گا ۔
پاپ دی ٹھیک تے صاف معافی دی سچیائی اوہ خوشخبری اے جیہڑی اسمانی، ارغوانی تےلال رنگ دے دھاگےتےمہین وٹے ہوئے کتان وچ ظاہر ہوندی اے ۔ ایس خوشخبری نے ساڈیاں ساریاں پاپاں نوں صاف کر دِتا اے تے سانوں بے پاپ ، پاک تے مقدس بنا دِتا اے ۔ ایہہ بالکل ٹھیک اے پئی ساڈے پاپ یِسُوعؔ مسیح اُتے لدے گئے جد اوہنے بپتسمہ لیا سی ۔ ایہہ ایس لئی اے پئی یِسُوعؔ مسیح نےبپتسمہ لےکے ساڈیاں پاپاں نوں اِکو ای واری سدا لئی دھو دِتا پئی جیہڑے لوک اوس اُتے ایمان رکھدے نیں اوہ پاپاں دی معافی پا سکدے نیں تے اپنے ایمان نوں زندہ رکھ سکدے نیں ۔ ایس توں علاوہ ، جویں پئی اسی اپنیاں پاپاں دی معافی پاؤن دے بعدوں اپنی ایمان والیاں زندگیاں نوں جاری رکھدے آں ، سانوں ایس گل اُتے وی دھیان کرنا چاہی دااے تے سچے دلوں ایمان رکھنا چاہی دا اے پئی ایہہ خوشخبری صرف کِنی خاص تے ضروری اے ، تے بپتسمے دی خوشخبری جیہڑا یِسُوعؔ نے یوحنا بپتسمہ دین والے کولوں لیا سی ، ایہدے بارے کِنے ودھیا طریقے نال ساڈیاں رُوحانی زندگیاں کولوں پُچھیا گیا اے ۔
پانی تے رُوح دی خوشخبری دا کلام سدا ساڈیاں دلاں وچ رہنا چاہی دا اے ۔ کیوں ؟ سانوں اِنج کرنا چاہی دا اے ایس لئی پئی اسی ہر ویلے تے ہر دن پاپ کردے آں ۔ میریاں کتاباں نوں پڑھن والیاں وچ ، خورے ای کوئی ایہو جیہا ہوئے جیہڑا ایہہ نا جان دا ہوئے پئی یِسُوعؔ نے بپتسمہ لے کے تے سولی اُتے چڑھ کے ساڈیاں ساریاں پاپاں دی سزا جری ۔ پر جے اسی ایس سچیائی نوں صرف تعلیم سمجھدے آں تاں ایہدا کوئی فائدہ نئیں ۔ سانوں جِناں بوہتا ہوسکے اوہدے بپتسمہ اُتے دھیان کرنا چاہی دا اے ، کیوں جو اسی ہر دن پاپاں نال داغی ہوندے آں ۔ ایہہ عقیدہ رکھنا بھڑولے وچ اکٹھے کیتے ہوئے دانیاں نوں اپنے کھان لئی لیاؤن وانگر اے۔ دوجیاں اکھراں وچ ،پانی تے لہو دی سچی خوشخبری دے بارے وچ غور تے فکر کرنا ساڈیاں رُوحاں دا رُوحانی کھانا اے ۔ ایسے لئی یِسُوعؔ نے آکھیا ، ’’ مَیں تُہانوں سَچ سَچ آکھنا آں۔ جے تُسی اِبنِ آدم دا گوشت نا کھاؤ تے اوہدا لہو نا پِیو تُہاڈے اپنے وِچ زِندگی اے نئیں۔ اوہ جیہڑا میرا گوشت کھاندا تے میرا لہو پَیندا اے سدا دی زِندگی اوہدی اے۔ تے اخِیری دِن مَیں اوہنوں زِندہ کراں گا‘‘(یوحنا ۶ :۵۳-۵۴)۔
سانوں لازمی ہر دن یِسُوعؔ دے بپتسمے اُتے اپنے ایمان دا پک کرنا چاہی دا اے ۔ ساریاں کاہناں لئی ، ایہہ ایمان ایتھوں تیکر پئی ہور وی پکیائی نال قیم ہونا چاہی دا اے ۔ صرف ایس صورت وچ جد اوہناں کول ایہہ ٹھیک تے پکا ایمان ہوئے اوہ اپنی مکتی نوں قیم رکھ سکدے نیں ،تے نال ای دوجیاں پاپیاں نوں وی سکھا سکدے نیں تاں پئی اوہ وی مکتی پاؤن۔ کیہ اِنج نئیں ہیگا ؟ لازمی اِنج ای اے !سانوں ہر دن جیہڑی شے دی ضرورت اے اوہ ایمان اے جیہڑا یِسُوعؔ دے بپتسمے اُتے یقین رکھدا اے ،تے اوہ ایمان جیہڑا یِسُوعؔ اُتے یقین رکھدا اے جنہے ساڈیاں ساریا ں پاپاں د ی سزا جری ۔
وڈےکاہن دی پائی جان والی پگ ایس جگ وچ نئیں پائی جاندی ۔ کیہ ایس جگ وچ کوئی ایہو جیہی پگ اے جیہدے اُتے سونے دا پتّر لمکیا ہوئے تے نیلے فیتے نال بنھیا ہوئے ؟ ایہو جیہی صرف اِکو ای پگ اے ، تے اوہ وڈےکاہن دی پگ اے ۔ ایہہ اَج ساڈے لئی ڈوہنگی سچیائی دی گل کردی اے : شاہی کاہناں نوں یِسُوعؔ دے بپتسمے اُتے ایمان نال ڈٹ کے رہنا چاہی دا اے ۔ تے ایہہ سانوں ایہہ وی وکھاؤندی اے پئی تُسی تے مَیں اپنی کہانت دیاں کماں نوں صرف اوسے ویلے پورا کر سکدے آں جد ساڈا ایس سچیائی اُتے پکا ایمان ہوئے ۔
یِسُوعؔ دے بپتسمے اُتے ساڈا ایمان ہر دن ٹھیک تے چوکھا ہونا چاہی دا اے ۔ یِسُوعؔ سولی اُتے چڑھیا ایس لئی پئی اوہنے ساڈیاں پاپاں نوں اپنے اُتے چُک لیا سی ۔ ایس لئی پئی اوہنے ساڈیاں پاپاں نوں چُک لیا جد اوہنے بپتسمہ لیا سی ، اوہ سولی اُتے مرن توں ٹھیک پہلوں آکھ سکدا سی ،” پُورا ہویا“(یوحنا ۱۹ : ۳۰)۔ تے فیر اوہ مویاں وچوں جیوں پیا تے دوجی واری زندہ ہوگیا ۔ ایہناں راستباز کماں نوں کرن نال ، یِسُوعؔ نے ساڈیاں ساریاں پاپاں نوں بالکل مُکا دِتا اے تے اوہناں ساریاں لوکاں دا سدا دا مکتی داتا بن گیا اے جیہڑے اوس اُتے ایمان رکھدے نیں ۔
سانوں لازمی ہر دن یِسُوعؔ دے بپتسمے نوں یاد رکھنا چاہی دا اے ۔ کیوں؟ ایہدا سبب ایہہ ہیگا اے پئی ساڈی زندگی غلطیاں تے پاپاں نال بھری ہوئی اے ۔ تہاڈے وچ کمیاں نیں یا نئیں ؟ جِناں بوہتا ویلا لنگھدا اے ، اونا ں ای اسی اپنیاں ادھوریاں تے ماڑیاں زندگیاں نوں ویکھدے آں ۔ کیہ تُسی فیر وی یِسُوعؔ دے بپتسمے تے سولی والے لہو اُتے ایمان نئیں رکھو گے ؟
”خُداوند لئی مُقدّس“نال چھاپیا ہویاسونے داپتّر
اوہ ایمان کس قِسم دا ایمان اے جیہڑا سانوں بے پاپ تے پاک بنن دے لائق بناؤندا اے ؟ ایہہ اسمانی دھاگے دا ایمان اے جیہڑا بپتسمے اُتے ایمان رکھدا اے جیہڑا یِسُوعؔ نے یوحنا بپتسمہ دین والے کولوں لیا سی ۔ ایہہ ایس لئی اے پئی یِسُوعؔ نے یوحنا دے راہیں بپتسمہ لے کے ساریاں لوکاں دیاں پاپاں نوں قبول کیتا پئی ساڈے سارے پاپ اوہدے حوالے کر دِتے گئے ۔ جد اسی یِسُوعؔ دے بپتسمے اُتے ایمان رکھدے آں پئی اوہنے ساڈیاں ساریاں پاپاں نوں بدن اُتے لین لئی بپتسمہ لیا سی ، تاں ایہو جیہا ایمان سانوں اپنیاں ساریاں پاپاں نوں ایمان دے راہیں مکاؤن دااِک ودھیا تجربہ دیندا اے ۔ جد یِسُوعؔ نوں یوحنا بپتسمہ دین والے نے بپتسمہ دِتا ،تاں ساریاں لوکاں دے پاپ اوس اُتے لدے گئے ۔ سو ایس لئی ہر کسے دے پاپ یِسُوعؔ اُتے لدے گئے سن ، جیہڑے لوک ایس سچیائی اُتے ایمان رکھدے نیں اوہ اِکو واری تے سدا لئی اپنیاں ساریاں پاپاں توں دُھل گئے نیں ۔ اوہناں دے پاپ ایمان رکھن نال پاک ہوگئے نیں ۔ پاپ دی ایہہ دُھلائی خیمۂ اِجتماع دے نظام دے اسمانی رنگ وچ لُکی اے ۔ دوجیاں اکھراں وچ ، تہاڈیاں دلاں دے پاپ ایمان دے راہیں مُک جاندے نیں جد تُسی اوہدے بپتسمے اُتے ایمان رکھدے او تے اقرار کردے او ، ”واہ میرے پاپ ، تہاڈے پاپ ، تے سارے جگ دیاں ساریاں لوکاں دے پاپ یِسُوعؔ مسیح اُتے لدے گئے سن۔“جے تُسی ایہہ ایمان رکھدے او تاں تہاڈےپاپ وی سارے دے سارے دُھل گئے نیں ۔
ایس توں پہلوں پئی تُسی ایس بپتسمے نوں جان دے جیہڑا یِسُوعؔ نے یوحنا بپتسمہ دین والے کولوں لیا سی ، تہاڈیاں دلاں وچ نظر آؤن والا پاپ سی ۔ ایس دھرتی اُتے کوئی وی اِنج دا نئیں ہیگا جیہڑا ایس سچیائی نوں جانن توں پہلوں بے پاپ منیا گیا ہوئے ۔ ہر کوئی پاپ رکھدا اے، تے ایس طرح اوہدا نصیب دوزخ اے ۔ پر ساڈیاں ساریاں پاپاں نوں مُکاؤن لئی ، یِسُوعؔ ایس زمین اُتے آیا تے بپتسمہ لے کے ساڈیاں ساریاں پاپاں نوں اپنے اُتے قبول کر لیا ۔ یِسُوعؔ نے جیہڑا بپتسمہ لیا سی اوہ پرانے عہد نامے دے قربانی دے نظام دیاں ہتھاں دے رکھے جان وانگر اے ؛ اسرائیلیاں دے پاپ قربانی دے پشُو دے سِر اُتے اوہناں دیاں ہتھاں دے رکھے جان نال ایس اُتے لدے جاندے سن ۔ ایس طرح ، اسی پرانے عہد نامےوچ ، خاص کر کے احبار وچ ’اوہدے (یا اوہناں دے)ہتھاں دے رکھے جان‘ دے بوہت سارے جملے لبھ سکدےآں ۔
کیہ تہاڈے پاپ یِسُوعؔ اُتے لدے گئے سن جد اوہنے بپتسمہ لیا ؟ جد یِسُوعؔ نے بپتسمہ لیا ، تاں اوہنے آکھیا ، ’’ حالی تے ہون دے کیوں جو سانُوں چاہیدا ایہہ پئی ایسے طرح ساری
راست بازی نُوں پُورا کریئے‘‘(متی ۳: ۱۵)۔ ایتھے اکھر ”ایسے طرح“ یونانی وچ ”ہوٹوس“اے ، جیہدا مطلب اے ’ایسے طریقے نال‘، ’سب توں بوہتا ٹھیک ‘،یا ’ایہدے علاوہ کوئی دوجا راہ نئیں ہیگا ۔‘ایہہ اکھر ظاہر کردے نیں پئی یِسُوعؔ نے ساریاں لوکاں دیاں ساریاں پاپاں نوں یوحنا بپتسمہ دین والے کولوں لَئے گئے بپتسمے دے راہیں اپنے آپ اُتے نا اُتارن لئی چُک لیا سی۔ ایس لئی پئی جیہڑے ویلے یِسُوعؔ نے بپتسمہ لےکے ساڈیاں ساریاں پاپاں نوں چُک لیا اوہ فیصلے والا ویلا اے ، مَیں ایس ویلے نوں کدی نئیں بھُل سکدا ۔ تہانوں لازمی اپنے ذہن وچ ایہہ کلام یاد رکھنا چاہی دا اے جیہڑا اصل لکھائی وچ وی صاف لکھیا ہویا اے ۔ تے پانی تے رُوح دی ایس خوشخبری اُتے ہر دن دھیان کرن نال ، تہانوں اپنیاں دلاں وچ ایمان رکھنا چاہی دا اے ۔
اسی بے پاپ بن سکدے آں تے اپنیاں دلاں وچ ایمان رکھ کے اسمانی بادشاہی وچ جا سکدے آں پئی یِسُوعؔ نے ساڈیاں ساریاں پاپاں نوں قبول کیتا تے اپنے بپتسمے دے راہیں اوہناں نوں دھو دِتا ۔ کیہ اسی کسے ہور طریقے نال اسمان اُتے جا سکدے آں؟ تُسی سوچ سکدے او پئی جد تُسی بُڈھے ہو جاؤ گے تاں تُسی نرم تے قانون قائدے دے پابند ہوجاؤگے ، پر تُسی ویکھدےاو پئی تہاڈی عمر جِنی بوہتی ہوندی جائے گی، تُسی اونے ای بے تمیز ہوندے جاؤ گے ۔ جے تُسی سوچدے او پئی تُسی ویلا لنگھن دے نال نال مہربان تے بوہتے صبر کرن والے بن سکدے او ، تاں تہانوں چھیتی نال اپنے آپ نوں من لینا چاہی دا اے پئی تُسی اِنج بنن دے لائق نئیں ہیگے ۔ سچیائی ایہہ ہیگی اے پئی جویں جویں اسی وڈے ہوندے جاندے آ ں ، اسی ہو ر وی بے صبرے ہوندے جاندے آں تے ایتھوں تیکر پئی اپنے غصے نوں روکن دے لائق وی گھٹ ای ہوندے آں ۔ جے ساڈے وچ اِنج کرن دی ہمت ہوندی تاں خورے اسی اپنیاں چنگیاں کماں نال شریعت نوں قیم رکھدیاں ہویاں اسمانی بادشاہی وچ جا سکدے ۔ پر ایس لئی پئی ساڈے وچ ایہو جیہے گُن نئیں ہیگے ، ایس لئی ساڈے وچوں صرف پاپ ، بدی تے غصہ پیدا ہوندا اے ۔
جو کُجھ مَیں تہانوں ایتھے دسن دی کوشش کردا پیاں ہاں اوہ ایہہ ہیگا اے پئی مکتی چنگیاں کماں نال نئیں مِل سکدی ، سگوں صرف ایمان نال ۔ عبرانیوں ۱۱ : ۱ دسدا اے ، ’’ ہُن اِیمان آس کِیتیاں ہویاں شیواں دا پَکّ تے اَن ڈِٹھ شیواں دا ثبُوت اے۔ “ بھاویں اسی اوہنوں نئیں ویکھیا ، خُدا فیر وی ہیگا اے ، تے ایس لئی پئی ایہہ خُدازندہ اے ، اوہ ساڈیاں زندگیاں وچ کم کردا اے ۔ خُدا نے ایس جگ نوں ساڈے ویکھن توں پہلوں بنایا اے ، تے اوہنے اپنے کلام دے راہیں سانوں مکتی دی سچیائی وکھائی اے۔ اپنیاں دلاں وچ مکتی دی ایس سچیائی اُتے ایمان رکھ کے ، اسی پاپ توں بچ سکدے آں تے اپنیاں دلاں دیاں ساریاں پاپاں نوں صاف کرسکدے آں ، تے ایہہ ایتھوں تیکر پئی ہُن وی ہو سکدا اے ۔ سو ، پاپیاں نوں ہُن لازمی ایس سچیائی اُتےاپنیاں دلاں وچ ایمان رکھ کے مکتی پاؤنی چاہی دی اے ، نا پئی اپنیاں چنگیاں کماں نال اپنیاں پاپاں توں مکتی پاؤنس دی کوشش کرنی چاہی دی اے ۔
ایہداکیہ مطلب ہیگا اے پئی وڈےکاہن دی پگ دے اگلے حصے اُتے سونے دا پتّر لا کے نیلے فیتے نال بنھی جاندی سی ؟ ایہدا مطلب ایہہ ہیگا اے پئی سانوں پانی تے رُوح دی خوشخبری نوں جاننا چاہی دا تے ایس اُتے ایمان رکھنا چاہی دا اے۔ بپتسمہ لےکے ، یِسُوعؔ نے ساریاں دے ساریاں پاپاں نوں چُک لیا، نال ای تہاڈے تے میرے۔ یِسُوعؔ اپنی مرضی دے مالک نے ایس طرح ساڈیاں ساریاں پاپاں نوں چُک لیا سی ۔ سانوں لازمی ایہہ جاننا چاہی دا تے ایس اُتے ایمان رکھنا چاہی دا اے ۔ ایس لئی جد اسی خُدا دے کلام نوں اپنیاں کناں نال سُن دے آں ، ایہنوں اپنیاں ذہناں نال جان دے آں تے اپنیاں دلاں نال ایس اُتے ایمان رکھدے آں پئی ساڈے دل صاف ہو جاندے نیں ۔ایس لئی پئی اسی پہلوں وی پاپ کیتے نیں تے بچ نئیں سکدے سگوں ہُن ہور آؤن والے زمانے وچ وی ہور پاپ کردے آں ، سانوں ساڈیاں ساریاں پاپاں توں بچاؤن لئی ، خُداوند ایس زمین اُتے آیا تے بپتسمہ لے کے ساڈیاں پاپاں نوں اپنے اُتے چُک لیا ۔
جد یِسُوعؔ نے ساریاں لوکاں دیاں پاپاں نوں قبول کیتا تے ایہناں ساریاں نوں دھودِتا ، تاں تہاڈے پاپ وی اوس اُتے لدے گئے سن ۔ ایس سچیائی اُتے ایمان رکھ کے تُسی اپنیاں ساریاں پاپاں توں معافی پا سکدے او ۔ جد اسی بپتسمہ اُتے ایمان رکھدے آں جیہڑا یِسُوعؔ مسیح نے جیہڑا پانی تے رُوح دے راہیں آیا سی لیا ، تاں تُسی تے مَیں ساڈیاں دلاں دیاں ساریاں پاپاں توں دُھل سکدے آں ، تے ایہہ ایمان رکھ کے پئی یِسُوعؔ مسیح نے ساڈیاں پاپاں دی ساری سزا وی جری ، اسی خُدا دے اپنے نیانے بن سکدے آں ۔ سو ، پانی تے رُوح دی خوشخبری اُتے یقین رکھن والے ایمان نال ای اسی نویں سریوں جم سکدے آں تے خُدا دے پُتر بن سکدے آں ۔ ساڈا خُداوند سانوں ایس قِسم دا ایمان دے چُکیا اے ۔
وڈےکاہن دے کتان دے پجامے
خُدا نے مُوسیٰ نوں حکم دِتا پئی اوہ وڈےکاہن لئی کتان دے پجامے بنائے تے اوہنوں ایہہ پوائے ۔ اوہ لک توں لے کے پٹاں تیکر اَپڑ کے کاہناں دے ننگ نوں کج دے سن ۔ تے خُدا نے آکھیا پئی موت توں بچن لئی ، ہارون تے اوہدیاں پُتراں نوں لازمی اوہناں نوں پاؤنا چاہی دا اے ۔ جد اوہ ملاقات لئی خیمۂ اِجتماع وچ آؤن یا خیمۂ اِجتماع دے برانڈے دے اندر خدمت کرن لئی قربان گاہ دے کول آؤن ، تے اوہنے ایہہ وی آکھیا پئی ایہہ ہارون تے اوہدے بعدوں اوہدیاں نیانیاں لئی سدا لئی اِک رِیت ہونی چاہی دی اے ۔
اوہ کاہناں دے ننگ نوں کجن لئی پائے جان والے ہیٹھلے پجامے سن ۔ خُدا دے اگے ننگ نوں ظاہر کرنا اوہدے اگے پلیتی نوں ظاہر کرنا اے ، تے ایس طرح جِہدے پاپ خُدا دے اگے ظاہر ہوندے نیں اوہنوں مار دین دی سزا دِتی جاندی اے ۔ایہو ای سبب ہیگا اے پئی خُدا نے اپنیاں کاہناں نوں حکم دِتا پئی اوہ اپنے ننگ نوں کجن۔ خُدا ، دوجیاں اکھراں وچ ، سانوں دس چُکیا اے پئی اسی اپنیاں پاپاں تے اپنی پلیتی نوں ایس ایمان نال کجیے جیہڑا اوہدی راستبازی دی ایس کامل خوشخبری اُتے ایمان رکھدا اے ۔
فیر وڈےکاہن دے چٹے کتان دے پجامے کیہ نیں؟ اوہ ایمان نیں جیہڑا خُدا دی راستبازی اُتے ایمان رکھدا اے ۔ اوہ کامل مکتی دی سچیائی نیں پئی خُدا نے سانوں بے پاپ بنا دِتا اے ۔ یِسُوعؔ مسیح جیہڑا آپ خُدا اے (ارغوانی دھاگہ)ایس زمین اُتے آیا ، بپتسمہ لیا (اسمانی دھاگے)، اپنا لہو وگایا تے سولی اُتے مرگیا (لال دھاگہ)، دوجی واری مویاں وچوں جیوں پیا ، تے ایس کامل طریقے نال ساڈی مکتی نوں کامل کر چُکیا اے ۔ ایمان رکھنا پئی خُدا نے اپنے بپتسمے نال ساڈیاں ساریاں پاپاں نوں مُکا دِتا اے تے ساڈی تھاں اُتے ایہناں ساریاں پاپاں دی مزدوری ادا کرن لئی اوہنوں سزا دِتی گئی سی ، ساڈیاں دلاں وچ ، ساڈیاں دلاں وچ مکتی دے پجامے پاؤنے نیں ۔ ایہہ ساڈیاں دلاں وچ ایمان رکھن نال اے پئی اسی کامل طریقے نال پاپ توں بچ سکدے آں تے ایہہ پئی اسی خُدا دے پُتر بن سکدے آں تے اوہدی بادشاہی وچ جاسکدے آں ۔
ساڈیاں دلاں دی ساری گندگی نوں وکھ کرن دا اِکو طریقہ ایہہ ہیگا اے پئی یِسُوعؔ دے لَئے ہوئے بپتسمے تے اوہدے صلیبی لہو اُتے ایمان رکھیے ۔ خاص کر کے ، اسمانی دھاگے دا ایمان ، پئی یِسُوعؔ نے اپنے بپتسمے نال ساریاں پاپاں نوں قبول کیتا، ساڈی مکتی دی خاص سچیائی اے جیہڑی ساڈیاں ساریاں پاپاں نوں دھو دیندی اے ، تے ایہہ ایمان رکھن نال ای اسی اپنی ساری پلیتی نوں کج سکدے آں ۔ اسی اپنیاں کمیاں تے پاپاں توں ہٹ کے بِنا کسے جھاکے دے خُدا دے اگے کویں جا سکدے آں ؟ ایہہ اودوں ای ہو سکدا اے جد اسی خُدا دی راستبازی اُتے ایمان رکھدے آں جیہڑی ساڈی ساری گندگی نوں کامل طریقے نال کج دی اے ۔ ایس ایمان نال جیہڑا ایہہ یقین رکھدا اے پئی خُدا نے سانوں پانی تے لہو نال بچایا اے ،یعنی اسمانی، ارغوانی تےلال رنگ دے دھاگےنال ، اسی اپنی ساری پلیتی نوں کج سکدے آں ۔یِسُوعؔ ایس زمین اُتے آیا ، سانوں اپنیاں چنگیاں کماں نال بالکل راستباز بنا دِتا ، تے ایس طرح ساڈی سدا دی مکتی دا خُداوند بن گیا ۔ ایس اُتے ایمان رکھ کے ای اسی اِک بے پاپ حال تیکر اَپڑ سکدے آں ۔ خُدا دیاں اوہناں چنگیاں کماں اُتے ایمان رکھ کے ، جنہاں نال اوہ ساڈے نال محبت کردا اے تے اوہنے سانوں بے پاپ بنا دِتا اے ، اسی پاپ دی سزاتوں بچ سکدے آں ۔ اپنیاں دلاں وچ خُدا دی ایس سچی مکتی اُتے ایمان رکھ کے ، اسی سدا دی زندگی پا سکدے آں ۔
اسی ہردن پاپ کردے آں۔ سو سانوں ایہہ سمجھنا چاہی دا اے پئی جیہڑا وی خُدا دی مکتی دے چٹے کتانی پجامےنوں پائیوں بِنا خُدا دے کول آؤندا اے جنہے اسمانی، ارغوانی تےلال رنگ دے دھاگے نال ساڈیاں ساریاں پاپاں نوں مُکا دِتا اے ، اوس بندے نوں جانوں مار دِتا جائے گا ۔ خُدا دے اگے آؤن ویلے جیہڑا ایمان سانوں مرن توں روکدا اے اوہ ایس ایمان دے علاو ہ کوئی نئیں ہیگا جیہڑا اوہدی راستبازی اُتے ایمان رکھدا اے ۔ ایہہ ایمان جیہڑا خُدا دی راستبازی اُتے یقین رکھدا اے اوہ ایمان اےجیہڑاپانی تے رُوح دی خوشخبری اُتے یقین رکھدا اے ۔ ایس لئی پئی خُدا نے سانوں آکھیا اے پئی چٹے کتانی پجامے پائیے ، سانوں لازمی ایہنوں لینا چاہی دا تے اپنیاں دلاں وچ ایمان دے راہیں پاپ دی سچی معافی دے پجامے پاؤنے چاہی دے نیں ۔
جد اسی ایس ایمان نال خُدا دے اگے آؤندے آں تاں اسی مارے نئیں جاواں گے ۔ایس طرح، وڈےکاہن دیاں ایہناں بانیاں وچ جیہڑا کُجھ ظاہر ہوندا اے اوہ پانی تے رُوح دی خوشخبری دی سچیائی دے بارے ہیگا اے ۔ وڈیاں کاہناں دا کوئی وی بانا کسے رُوحانی مطلب توں وکھ نئیں ہیگا ۔ اسی، اَج دے وڈےکاہن،ایہناں بانیاں وچوں کسے نوں وی نئیں چھڈ سکدے جنہاں نوں پاؤن لئی خُدا نے سانوں حکم دِتا اے ۔ کیہ ہوئے گا جے وڈا کاہن دوجے سارے بانے پا لوے پر کتان دے پجامے دے بِنا؟ اوہنوں لازمی جانوں مارن دی سزا دِتی جائے گی ۔ عام لوک ایہہ کتان دے بانے پاؤن یا نا پاؤن ایہہ اوہناں دی مرضی اے ،پر جے وڈے کاہن ایہناں نوں نا پاؤندے ، تاں اوہ مارے جان گے ، اوہناں شرم والے ننگے پن— یعنی ، جے اوہناں دیاں پاپاں تے ناپاکیاں نوں—ٹھیک طریقے نال نئیں کجیا جاندا ۔
کیہ ہوئے گا جے ساڈے کول ایس طرح دا ایمان نا ہوئے جیہڑ ا خُدا دے اگے اپنے سچے دلوں اوہدی کامل مکتی اُتے ایمان رکھدا ہوئے ؟ کیہ ہوئےگا جے اسی اپنیاں دلاں وچ ایہہ ایمان رکھیوں بِنا پئی اوہنے سانوں بے پاپ بنایا اے ، مکتی دا بانا ساڈیاں دلاں اُتے پائیوں بِنا خُدا دے اگے حاضر ہوندےآں؟اسی پاپی ای رہواں گے ۔ ایس لئی پئی ”پاپ دی مزدوری موت اے ،“ایہو جیہے پاپیاں نوں جیہڑے پاپاں دی معافی نئیں پا چُکے ، سزا دِتی جانی چاہی دی اے ،موت دی سزا دِتی جانی چاہی دی اے تے دوزخ دی سدا دی اگ وچ سُٹیا جانا چاہی دا اے ۔ ایس لئی تہاڈیاں دلاں نوں لازمی مکتی دا بانا پاؤنا چاہی دا اے جیہڑا خُدا نے تہاڈے لئی بنایااے ۔ اسمانی، ارغوانی تےلال رنگ دے دھاگےوچ ظاہر ہون والی سچیائی اُتے ایمان رکھ کے ای اسی خُدا دی بادشاہی وچ جان دے لائق ہوندےآں ۔
ایہو ای سبب ہیگا اے پئی پاک کلام آکھدا اے پئی سونا ، بے زنگ تے سب توں مہنگی دھات ، ”ایمان“ نوں ظاہر کردا اے ۔ پاک کلام وچ سونے دا مطلب ایمان اے ، جد پئی پِتل دامطلب سزا اے ۔ اسی ایس سچیائی نوں پا سکدے آں پئی وڈےکاہن دے بانے بناؤن لئی سونے دی دھات بوہت چوکھی ورتی جاندی سی ۔ ایہدا مطلب ایہہ ہیگا اے پئی سانوں کامل مکتی دی ایس خوشخبری اُتے سدا پکا ایمان رکھنا اے ۔ ایس سچیائی اُتے ایمان رکھیےجیہڑی اسمانی، ارغوانی تےلال رنگ دے دھاگے وچ ظاہر ہوندی اے ۔ خُدا نے آکھیا پئی ایہہ اِک پکی رِیت ہونی چاہی دی اے جنہوں سانوں سدا لئی قیم رکھنا چاہی دا اے ۔
ساڈیاں ذہناں تے دلاں وچ ، تہانوں تے مینوں ایس سچیائی اُتے بِنا شک ایمان رکھنا چاہی دا اے ۔ سچے ایمان نال سچی تعلیم ، احساس ، تے چنگے کم ہونا ضروری اے ۔ کیہ تُسی ایس طرح دا ایمان تے سچیائی رکھدےاو؟ کیہ تُسی سچ مُچ ایس سچیائی اُتے ایمان رکھدے او جیہڑی تہاڈیاں سچیاں دلاں نال اسمانی، ارغوانی تےلال رنگ دے دھاگے وچ ظاہر ہوندی اے ؟ کیہ تُسی ایمان رکھدے او پئی خُدا تہانوں محبت کردا اے ، پئی اوہنے بپتسمہ لےکے ،اپنا لہو وگا کے ، تے مویاں وچوں دوجی واری جیوں کے تہاڈے سارے پاپ مُکا دِتے ؟ جے تُسی سچ مُچ ایس سچیائی اُتے ایمان رکھدے او تاں ایہدا مطلب ایہہ ہیگا اے پئی تُسی اپنیاں دلاں تے رُوحاں نوں مکتی دے کپڑے پوا چُکے او ۔
خُدا نے پَولُس رسول دے راہیں اسرائیلیاں نوں ایہہ آکھدیاں ہویاں جھِڑکیا،’’ کیوں جو خُدا دی راستبازی توں نا واقف ہو کے تے اپنی ای راستبازی نُوں قیم کرن دے شَوق نال۔ اوہ خُدا دی راستبازی دے تابعیاں نا ہوئے‘‘(رومیوں ۱۰ :۳)۔خُدا اوہناں لوکاں نوں پسند نئیں کردا جیہڑے اپنے وکھالے دیاں چنگیاں کماں نال اپنی راستبازی قیم کرن تے ایس اُتے فخر کرن د ی کوشش کردے نیں ۔ جیہڑے لوک اوہناں چنگیاں کماں اُتے ایمان نئیں رکھدے جیہڑے خُدا نے ساڈے لئی اپنی محبت نال کیتے نیں اوہ سارے فنا ہو جان گے ۔ تہانوں کیہڑی شے اُتے بھروسہ اے ؟ کیہ تُسی خُدا دی راستبازی اُتے بھروسہ کردے او ، یا تہاڈی اپنی راستبازی اُتے ؟ کیہ تُسی سچ مُچ اپنے سچے دلوں ایمان رکھدے او پئی خُدا تہانوں محبت کردا اے ، تے ایہہ پئی اوہنے تہاڈیاں ساریاں پاپاں نوں یِسُوعؔ دے بپتسمےتے صلیبی لہو دوآں نال مُکا دِتا اے ؟ کیہ تُسی ایس سچیائی اُتے ایمان رکھدے او، تے کیہ اے جیہدے حوالے تُسی اپنے آپ نوں کردے او ؟ کیہ تُسی سچ مُچ ایس سچیائی نوں اپنیاں دلاں وچ پھڑیاہویا اے تے ایمان رکھدےاو ؟ یا کیہ تُسی ہُن وی اپنیاں پاپاں دی معافی پاؤن دی کوشش کردے پئے او تے اپنے طریقے نال اپنیاں زندگیاں نوں چنگے کم کر کے گزارن دی کوشش کردے پئے او؟
تہانوں ، لازمی ، چنگے کم کرکے جینا چاہی دا اے ۔ نویں سریوں جمن دے بعدوں ، تہانوں لازمی ہو ر وی بوہتا بھلیائی کر کے جینا چاہی دا اے ۔ پر ، پاک رُوح وچ ، تہانوں پہلوں پچھاننا چاہی دا اے پئی نیک زندگی اصل وچ کیہ اے ۔ پاک کلام آکھدا اے ،’’ پر تُسی اِک چُنی ہوئی نسل تے بادشاہی کاہِناں دا فِرقہ پاک قوم تے اجیہی اُمّت ہو جیہڑی خُدا دی خاص ملکیّت اے۔ تاں جو اوہدیاں خُوبِیاں ظاہر کرو۔ جِس تُہانوں ہنیرے وِچوں اپنے عجب چانن وِچ سدّیا اے‘‘(۱۔پطرس ۲: ۹ )۔خُدا دیاں اَج دیاں کاہناں لئی ، بھلیائی کرن والی زندگی گزارن دا مطلب سچی خوشخبری دی خدمت کرنا اے ۔
کِنے وچارے نیں اوہ لوک جیہڑے خوشخبری اُتے تے ساڈے لئی خُدا دی محبت اُتے ایمان نئیں رکھدے ، جیہڑے ایہہ نئیں من دے پئی خُدا نے اوہناں دیاں ساریاں پاپاں نوں یِسُوعؔ دے بپتسمےتے اوہدے صلیبی لہو دوآں نال کامل طریقے نال مُکا دِتا اے !
اِک واری فنا ہویاں مچھیریاں دا اِک ٹولا سی جیہڑا ۱۰ دناں دے بعدوں حدوں ودھ سمندر دے طوفان تے چھلاں دے اَگے ہتھ پیَر مارن دے بعدوں ایمیزون دریا دے مُنھ اُتے اَپڑیا۔ اوہ سارے ۱۰ دناں توں پانی نا پین دے سبب تھک گئے سن۔ اخیریں اوہ اِک ایہو جیہے حصےوچ اَپڑے جِتھے مِٹھا پانی سی ۔ پر دریا دا مُنھ ایناں وڈا سی پئی اوہناں وچوں کوئی وی ایس نا منن دے لائق سچیائی نوں پچھان نا سکیا پئی اوہ اصل وچ پین دے لائق پانی اُتے تردے پئے سن ۔ نتیجے طور اُتے ، اوہ سارے دے سارے اخیریں بوہت چوکھے پانی اُتے تھک کے مر گئے ۔ اوہ کِنے وچارے سن ! ایہنوں رُوحانی طریقے نال ویکھیے تاں ایس نسل دے تقریباً سارے لوک رُوحانی طریقے نال اپنیاں پاپاں دے اَگے بوہت ہمت نال ہتھ پیَر ماردے پئے نیں، جد پئی ایہہ نئیں جان دے پئی اوہناں دے پاپ پہلوں ای سدا لئی یِسُوعؔ دے بپتسمے تے سولی اُتے اوہدے لہو وگاؤن نال مُکائے گئے سن ۔
ایس لئی پئی خُدا تہانوں تے مینوں محبت کردا اے ، ایس لئی اوہ ساڈیاں ساریاں پاپاں نوں مُکاؤن دے راست کماں نوں کامل کر چُکیا اے۔ ایس سچیائی اُتے ایمان رکھ کے اسی خُدا دی بادشاہی وچ جا سکدے آں ۔ ایہہ ایمان سانوں نویں سریوں جمن دے لائق بناؤندا اے ۔ نویں سریوں جمن دا مطلب اے خُدا دے پُتر وانگر اِک واری فیر پیدا ہونا ؛بھاویں اسی اِک واری پاپی وانگر پیدا ہوئے ساں ، اسی پاک رُوح دے کم نال راستباز بن جاندے آں جد اسی پانی تے رُوح دی خوشخبری اُتے ایمان رکھن دا اقرار کردے آں ۔ ایس طرح دے بے پاپ وانگر نویں سریوں جمن نال ای اسی خُدا دی بادشاہی وچ جا سکدے آں ۔
کیہ تُسی اپنیاں رُوحاں نوں مکتی دے خُدا دے چنگے تے سچے کپڑے پوائے نیں؟ کیہ تُسی اپنیاں رُوحاں نوں سچ مُچ ایس خوشخبری اُتے ایمان دِلوایا اے ؟ سب توں خاص گل ایہہ ہیگی اے پئی کیہ تُسی اپنیاں دلاں وچ ایس سچی خوشخبری اُتے ایمان رکھدے او یا نئیں ۔ اپنے طریقے نال سچیائی نوں سمجھن دی کوشش کرن یا ایس دُنیا دار زمانے دیاں تعلیماں اُتے پکیاں ہو کے قیم رہن دی بجائے ، تہانوں خُدا دے کلام اُتے ایمان رکھنا چاہی دا اے جیہڑا تہانوں اوہناں لوکاں دے راہیں سکھایا جاندا اے جنہاں نوں تہاڈے توں پہلوں پاپاں دی معافی مِل گئی اے۔ سچی خوشخبری ایہو جیہی شے نئیں ہیگی جنہوں تُسی صرف اپنے دماغ نال جان سکدے او ، سگوں ایہو جیہی شے اے جیہدے اُتے تہانوں اپنیاں دلاں نال سچ مُچ ایمان رکھنا چاہی دا اے۔ تہانوں لازمی اسمان اُتے ایس اُتے سچا ایمان رکھ کے جانا چاہی دا اے۔ بھراؤ تے بھینو، خُدا نے اپنے پُتر یِسُوعؔ مسیح دے راہیں سانوں کیہ نعمتاں دِتیاں نیں؟ اپنے اِکلے پُتر دی قربانی دے راہیں ساڈیاں ساریاں پاپاں نوں مُکا کے ، خُدا نے سانوں اپنے نیانے بنایا اے ۔
ایس جگ دے لوک اوہو ای کرنا چاؤہندے نیں جیہڑا راست اے تے اوہ اوہناں لوکاں دی عزت
وی کردے نیں جیہڑے ٹھیک کم کردے نیں ۔ کیہ یِسُوعؔ دے کم جنہے ساریاں لوکاں لئی اپنے آپ نوں قربان کیتا اوہ ساریاں توں بوہتے راست نئیں ہیگے ؟ پانی تے رُوح دی خوشخبری لوکاں نیں نئیں بنائی ۔ ایہہ سب توں بوہتا نیک تے راست کم اے جنہوں خُدا نے خاص کر کے ساڈے لئی پورا کیتا اے ۔ ایس لئی پئی یِسُوعؔ نے بپتسمہ لیا سی تے جگ دیاں ساریاں لوکاں لئی سولی اُتے اپنےآپ نوں قربان کیتا سی ، اسی اوہنوں اپنے سچے مکتی داتا وانگر پچھان دے آں ۔ ایس توں کوئی فرق نئیں پیندا پئی کدوں تے کِتھے ، صرف اِکو ای راستباز بندہ اے تے اوہ اِکلا یِسُوعؔ مسیح اے ۔ ایس دھرتی اُتے یِسُوعؔ مسیح توں علاوہ کوئی ہور نئیں جیہڑا آپ ای راستباز ہوئے ۔
کیہ تُسی راستبازبننا چاؤہندے او ؟ خُدا نے تہاڈے لئی جیہڑے راست کم کیتے نیں ایس اُتے ایمان رکھ کے تُسی سارے ایہہ راستبازلوک بن سکدے او ۔ خُدا دا راست کم پانی تے رُوح دی خوشخبری توں علاوہ کوئی نئیں ہیگا ۔ یِسُوعؔ اُتے ایمان رکھو جنہے ایہہ سچا کم کیتا اے ۔ خُدا نے ساڈیاں ساریاں پاپاں نوں مُکا دِتا اے ایس لئی پئی اوہنے ساڈے نال محبت کیتی اے ۔ جد اسی ایس سچیائی نال اوہدی محبت نوں ایمان نال قبول کردے آں ، تاں اسی وی پاک ہو جاندے آں ، جویں پئی خُدا پاک اے ۔ خُدا نے آکھیا ، ’’ایس لئی تُسی پاک ہونا کیوں جو مَیں پاک آں‘‘(احبار ۱۱: ۴۵)۔خُدا نے سانوں آکھیا اے پئی اسی سچ مُچ اپنیاں زندگیاں نوں ایمان نال گزار ئیے ۔ کیہ تُسی سچے دلوں یِسُوعؔ دے ایس راست کم اُتے ایمان رکھدے او جنہے تہانوں تہاڈیاں ساریاں پاپاں توں کامل طریقے نال بچایااے ؟ میرا ایمان ہیگا اے پئی جگ دا سب توں بوہتا راست کم ساڈے خُداوند دی سداقیم رہن والی قربانی نال پورا ہویا اے ۔ میرا ایمان اے پئی ایہہ سارا کُجھ اوس بپتسمے دے راہیں جیہڑا یِسُوعؔ نے لیا سی ، اوہدے صلیبی لہو ، تے اوہدے مرکے جیوں اُٹھن نال پورا ہویا اے ۔
مَیں اپنے ایمان نال خُدا دا شکر ادا کردا ہاں جیہڑا اوہنے مینوں اپنے سچیائی دے کلام دے راہیں دِتا اے ۔
Copyright © 2021 by The New Life Mission