Из-за COVID-19 и перебоев в работе международной почтовой
службы мы временно приостановили нашу услугу «Бесплатные печатные книги».
службы мы временно приостановили нашу услугу «Бесплатные печатные книги».
В сложившейся ситуации мы сейчас не можем отправлять вам книги по почте.
Молитесь, чтобы эта пандемия скоро закончилась и работа почтовой службы возобновилась.
Молитесь, чтобы эта пандемия скоро закончилась и работа почтовой службы возобновилась.
مضمون 9: رومیوں (رومیوں دی کتاب اُتے تفسیر)
[6-3 باب] اپنے ہڈاں پیراں نوں راستبازی دے ہتھیار ہون لئی حوالے کرو (رومیوں ۶: ۱۲ ۔۱۹)
)رومیوں ۶: ۱۲ ۔۱۹)
” ایس لئی پاپ تہاڈے برباد ہون والے بدن وچ بادشاہی نہ کرے پئی تسیں اوہدیاں آساں دے پچھے چلو ۔تے اپنے ہڈھ پیر بدی دے ہتھیار بنن لئی پاپ دے حوالے نہ کرو سگوں اپنے آپ نوں مویاں وچوں جیونداجان کےخُدا دے حوالے کرو تے اپنے ہڈ ھ پیر راستبازی دے ہتھیار بنن لئی خُدا دے حوالے کرو۔ایس لئی پئی پاپ دی تہاڈے اُتے کوئی حکومت نہ ہووے گی ایس لئی پئی تسیں شریعت ہیٹھاں نئیں سگوں فضل ہیٹھاں ہیگے او۔ایس لئی کیہ ہویا ؟ کیہ اسیں ایس لئی پاپ کریے پئی شریعت ہیٹھاں نئیں ہیگے سگوں فضل ہیٹھاں ہیگے آں ؟ بالکل نئیں ۔ کیہ تہانوں نئیں پتہ جیہدا آکھا منن لئی تسیں اپنے آپ نوں نوکراں وانگر حوالے کر دیندے او ،اوسے دے نوکر ہیگے او جیہدا آکھا من دے او ،بھاویں پاپ دے جیہدی اخیر موت ہیگی اے ،بھاویں آکھا منن دے جیہدی اخیر راستبازی ہیگی اے ۔ پر خُدا دا شکر ہیگا اے پئی بھاویں تسیں پاپ دے نوکر ہیگے سو ،تاں وی دلوں اوس تعلیم نوں منیا جیہدے سچے وچ تسیں بنائے گئے سو ۔ تے پاپ توں مکتی پا کے راستبازی دے نوکر ہو گئے ۔ میَں تہاڈی بدنی کمی دے سبب انسان ہوندیاں ہوئیاں آکھدا ہاں ۔ جویں تسیں اپنے ہڈ پیر بدکاری کرن لئی پلیتی تے بدکاری دی قید دے حوالے کیتے سَن ،ایسے طرحاں ہُن اپنے ہڈ پیر پاک ہون لئی راستبازی دی قید دے حوالے کر دیوو۔ “
اسیں فضل نوں ودھاؤن لئی ہور بوہتے پاپ نئیں کرسکدے
پولُس رسول رومیوں ۶ باب وچ سانوں دسدااے پئی راستبازاں نوں پاپ توں مکتی پاؤن دے بعد کویں رہنا چاہی دااے ۔ اوہ اک وار فیر یسوع مسیح دے بپتسمے اُتے ’ ایمان ‘ نوں کھول دا اے ۔ ساڈے پاپ یسوع دے بپتسمے، سولی تے مویاں وچوں جیون اُتے ایمان لیاؤن دے سبب اِکو ای وار ہمیش لئی معاف ہوگئے سَن ۔ اسیں یسوع دے بپتسمے توں اَڈ خُدا دی مکتی تے راستبازی نال بھر نئیں سکدے ۔جدو ں یسوع نے بپتسمہ لیا سی تاں جے ساڈے پاپ نہ چُکے ہوندے ، تاں اسیں ایس لائق نہ ہوندے پئی پاپاں توں مکتی پاؤن دے بعد وی راستباز اکھوا سکدے ۔
اسیں بوہت یقین نال آکھ سکدے آں پئی اسیں راستباز ہیگے آں ، ایس لئی پئی ساڈے سارے یسوع اُتے لدے گئے سَن تے ایس لئی پئی ساڈے ساریاں دے پاپاں لئی اوہنے سزا جری سی تے اوہ سولی اُتے مر گیا سی ۔رومیوں ۶ باب سانوں ایمان دے راہیں مکتی تے راستبازی دے کم کرن والی حیاتی ، دونواں دی تعلیم سکھاؤندااے ۔ اوہ آکھدااے ، ” ایس لئی اسیں کیہ آکھیے ؟ کیہ پاپ کردے رہیے تاں پئی فضل بوہتا ہووے۔ “ (رومیوں ۶:۱)۔اوہ پچھلی عبارت وچ آکھدااے ، ” تے وچکار شریعت آن پوہنچی تاں پئی پاپ بوہتا ہو جاوے ،پر جتھے پاپ بوہتا ہویا اوتھے فضل اوہدے توں وی بوہت چوکھا ہویا ۔ تاں پئی جویں پاپ نے موت دے سبب بادشاہی کیتی اوسے طرحاں فضل وی ساڈے خُداوند یسوع مسیح دے راہیں ہمیش دی حیاتی لئی راستبازی دے راہیں بادشاہی کرے “(رومیوں ۵:۲۰ ۔ ۲۱)۔ جگ دے پاپ خُدا دی محبت تے راستبازی توں ودھیرے نئیں ہو سکدے ، پر ایہہ مر سکدے نیں ۔ ساڈے پاپ سچے کلام اُتے ایمان لیاؤن دے راہیں خُدا دی محبت تےراستبازی دے راہیں مکائے گئے سَن ۔
پاک بائبل فرماؤندی اے پئی اسیں پاپ صرف ایس سبب توں نئیں کر سکدے پئی فضل بوہتا ہووے بھاویں اسیں جیہڑے بدن وچ جیوندے آں اپنے سارے پاپاں توں معافی پا چُکے آں ۔” اسیں جیہڑے پاپ ولوں مرگئے ،کویں اوہدے وچ آئندہ لئی حیاتی بسر کرئیے ؟ کیہ تہانوں نئیں پتہ پئی اسیں جنیاں نیں مسیح یسوع وچ رَلن دا بپتسمہ لیا تاں اوہدی موت وچ رَلن دا بپتسمہ لیا ؟ ایس لئی موت وچ رَلن دے بپتسمے راہیں اسیں اوہدے نال دفن ہوئے ،تاں پئی جویں مسیح باپ دے جلال دے راہیں مویاں وچو ں جوایا گیا ،اوسے طرحاں اسیں وی نویں حیاتی وچ چلیے “ (رومیوں ۶: ۲۔۴)
اسیں بپتسمے دے سبب یسوع دی موت وچ دفن ہوئے آں
ساڈی پچھلی حیاتی مسیح نال سولی اُتے مرگئی ۔ایہدا مطلب ہیگا اے پئی اسیں پاپ ولوں موئے آں ۔ ساڈے سارے پاپاں نوں یسوع نے چُک لیا تے ساڈے لئی اپنی جان دتی ۔ ایس لئی ، یسوع دی موت ساڈے پاپ دی موت ہیگی اے ۔ ” ایس لئی اسیں اوہدے نال بپتسمے دے راہیں اوہدی موت وچ دفن ہوئے آں ۔ “ ساڈی پُرانی انسانیت اوہدی موت وچ بپتسمے دے سبب دفن ہوئی اے ۔
خُداوند نے ساڈے سارے پاپ اپنے بپتسمے راہیں اپنے اُتے چُک لَے تے پاپیاں دی تھاں اُتے اوہنے سولی اُتے اپنی جان دے دتی ۔ اوہ عادت ولوں پاپ توں اَڈ ہیگا سی ۔ پر، اوہنے ساڈے پاپیاں دے سارے پاپ چُک لَے تے اوہناں لئی اوہنے سزا جری سی ۔ کیہ تہاڈا ایمان ایہدے اُتے ہیگا اے ؟ اوہنوں آپ نوں دُکھ سہن دی کوئی لوڑ نئیں ہیگی سی ،پر اسیں جیہڑے پاپی ہیگے ساں اوہدے وچ ساڈا فیصلہ ہویا ، ایس لئی اسیں مسیح یسوع وچ رَلن دا بپتسمہ لیا ۔
پولُس رسول یسوع دے بپتسمہ دی بوہت گل کردااے ۔ اسیں وی یسوع دے بپتسمے دی منادی کردے آں ۔ ایمان دی اکھ نال اوہدے بپتسمے دی منادی غلط نئیں ہیگی اے ۔ یسوع نے پاپیاں دے پاپاں نوں بپتسمے دے راہیں چُک لیا تے اوہناں لئی بالکل اوسے طرحاں قربان ہو گیا جویں پُرانے عہد نامے وچ پاپیاں دے قربانی دے پسُو دے سر اُتے ہتھ رکھ کے اپنے پاپ اوہدے اُتے لددے سَن تے فیر پاپاں دے فدیےلئی ایہنوں قربان کردے سَن ۔
یوحنا بپتسمہ دین والے نے یسوع نوں ، جیہڑا خُدا دا میمنا ہیگا اے بپتسمہ دتا۔ جدوں اوہنے پاپ دی قربانی لئی بپتسمہ لیا تاں اوہنے سارے جگ دے پاپاں نوں اپنے اُتے چُک لیا سی ۔ ایس لئی، اوہدی موت ساڈی موت ہیگی سی تے سارے ایمانداراں دی موت ہیگی سی ۔ جنیاں نیں مسیح یسوع وچ رَلن دا بپتسمہ لیا تاں اوہدی موت وچ اوہدے نال دفن وی ہوئے ۔ جیہڑے یسوع وچ رَلن دا بپتسمہ نئیں لیندے اوہ نہ ای مکتی پاسکدے ، نہ ایمان لیاسکدے ، نہ اپنے آپ دا انکار کردے تے نہ ای جگ اُتے فتح پا سکدے نیں ۔
صرف اوہ بندہ جیہڑا یسوع مسیح دے بپتسمے اُتے ایمان رکھدااے ،اوہنوں پتہ ہیگا اے پئی اوہ سولی اُتے اوہدی موت وچ رَل گیا سی ۔ ایہو جیہے بندے نے اپنے آپ دا انکار کر کے جگ اُتے حکومت تے فتح پائی اے ۔ اوہ خُدا دے کلام اُتے بھروسہ تے یقین رکھ سکدا اے ۔ صرف اوہ جیہڑے ایمان رکھدے نیں پئی یسوع دابپتسمہ جگ دے پاپاں دا بھار سہن لئی لازمی طریقہ ہیگا اے ، پاپاں توں معافی پاؤندے
نیں مطلب اے اوہدی کامل مکتی نوں ۔
پاپاں توں معافی دے راہیں مکتی دا خلاصہ یسوع دا لہو تے بپتسمہ ہیگا اے ۔ جے یسوع نے پاپیاں دےپاپاں نوں بپتسمے دے راہیں اوہناں توں وکھ نہ کیتا ہوندا تاں اوہدی موت ساڈی مکتی لئی کجھ نئیں کر سکدی سی ۔ مکتی دا خاص نقطہ یسوع دابپتسمہ ہیگا اے ۔ جدوں یوحنا نے یسوع نوں بپتسمہ دتا تاں سارے جگ دے پاپاں نوں اوہدے اُتے لد دتا سی ۔
اسیں خُدا وچ جیوندے تے نویں حیاتی وچ چلدے آں
پولُس رسول فرماؤندااے، ” ایس لئی موت وچ رَلن دے بپتسمے راہیں اسیں اوہدے نال دفن ہوئے “ (رومیوں ۶:۴)۔اوہ سارے جنہاں نیں مسیح یسوع وچ بپتسمہ لیا ،ایمان دے ر اہیں مکتی پاچُکے نیں ،اوہدے وچ دفن ہوئے تے اوہدے وچ نویں حیاتی پا چُکے نیں ۔ ایہہ ایمان اک وڈا ایمان ہیگا اے ۔ اوہدے بپتسمے اُتے ایمان ایہو جیہا ایمان ہیگاا ے جیہڑا پکی نیہ اُتے بنیا اے ۔
” ایس لئی موت وچ رَلن دے بپتسمے راہیں اسیں اوہدے نال دفن ہوئے ،تاں پئی جویں مسیح باپ دے جلال دے راہیں مویاں وچو ں جوایا گیا ،اوسے طرحاں اسیں وی نویں حیاتی وچ چلیے ۔ ایس لئی پئی جدوں اسیں اوہدی موت وانگر اوہدے نال جُڑ گئے تاں بے شک اوہدے زندہ ہون وانگر وی اوہدے نال جُڑاں گے ۔ “ (رومیوں ۶:۴ ۔۵)۔ اسیں یسوع دے بپتسمے اُتےایمان لیا کے خُدا دے نال اِک ہو گئے آں ۔
ہُن جیہڑے یسوع مسیح اُتے ایمان رکھدے نیں نویں حیاتی وچ چل سکدے نیں ۔ساڈے نویں سریوں جمن نال ،ساڈی پہلوں والی حیاتی مر گئی اے تے اسیں نویں بن گئے آں ،تے ہُن نویں کم کرن ،نویاں راہواں اُتے چلن تے نویں ایمان دے راہیں حیاتی بسر کرن دے لائق ہیگے آں ۔ نویں سریوں جمن والا بندہ پرانے جیون دے طریقے تے سوچن دے انداز وچ نئیں جیوندا۔ ایس لئی پئی سانوں اپنے پُرانے خیالاں دا انکار کرنا چاہی دا اے ،ایہدا سبب ایہو ای ہیگا اے پئی ،ایس لئی پئی ساڈی پُرانی حیاتی مسیح یسوع وچ سولی اُتے مر گئی سی۔
۲۔کرنتھیوں ۵ : ۱۷ دسدااے ، ” پُرانیا ں شیواں مک گئیاں ویکھو اوہ نویاں ہو گئیاں
۔“ خُداوند نے ساڈے پاپاں نوں مکاؤن لئی یردن دے دریا اُتے بپتسمہ لیا ، سولی اُتے مرگیا ، تے فیر تیجے دیہاڑے مویاں وچوں جیوں اُٹھیا ۔ ایس طرحاں ، اوہنے سارے پاپیاں نوں اوہناں دے پاپاں توں مکتی دتی تے اوہناں نوں ایس لائق بنایا پئی نویں حیاتی وچ چل سکن ۔ ساڈیاں پُرانیاں’ شیواں‘ جویں پئی بے نصیبی ، مشکل ، ویر ، پھٹر دل ساریاں مک گئیاں نیں ۔ ہُن ساڈیاں نویاں حیاتیاں شروع ہو گئیاں نیں ۔ مکتی پاؤن دے نال ای ساڈیاں حیاتیاں نویاں ہو جاندیاں نیں ۔
خُدا نے اِسرائیل دے لوکاں نوں دسیا پئی جیہڑے دن اوہ مصر وچوں نکلے سَن تے کنعان دے ملک وچ گئے اوس دن اوہ فسح کرن ۔ مصر وچوں نکلنا ، پاپاں توں مکتی دا نشان اے ۔ خُدا نے اِسرائیلی لوکاں نوں دسیا ، ” فیر خُداوند نے مصر دے ملک وچ موسیٰ تے ہارون نوں آکھیا پئی ، ایہہ مہینہ تہاڈے لئی مہینیاں دا شروع تے ورہے دا پہلا مہینہ ہووے ۔ ایس لئی اِسرائیلیاں دے سارے لوکاں نوں آکھ دیوو پئی ایسے مہینے دے دسویں دن ہر بندہ اپنے پئودادیاں دے خنوادے مطابق گھر دے پچھے اک میمنا لوے ، تے جے کسے دے خنوادے وچ میمنا نوں کھا ن لئی بندے گھٹ ہون تاں اوہ تے اوہدا گوانڈھی جیہڑا اوہدے گھر دے نال رہندا ہووے ، دونویں رَل کے دیہاڑی دی گنتی مطابق اک میمنا لَے کے رکھن ۔تسیں ہر بندے دے کھانے دی مقدار مطابق میمنے دا حساب کرنا ۔تہاڈا میمنا بے پاپ تے اک ورہے دا نَر ہووے تے ایہو جیہا بچہ یاں تاں بھیڈا ں وچوں وکھ کرکے لینایاں بکریاں وچوں ۔ تے تسیں اینوں ایس مہینے دی چودھویں تیک رکھ چھڈنا تے اِسرائیلیاں دے قبیلیاں دے سارے لوک شام ویلے اوہنوں قربان کرن ۔تے تھوڑا جیہا لہو لَے کے جنہاں گھراں وچ اوہ اینوں کھان اوہناں دے بوہیاں دیاں دونواں پلیاں تے اُتلی چوکھاٹ اُتے لا دین ۔ تے اوہدے گوشت نوں اوسے رات اَگ اُتے بھُن کے بے خمیری روٹی تے کوڑے ساگ دے پتیاں نال کھا لین ۔ اوہنوں کچا یاں پانی وچ اُبال کے بالکل نہ کھان سگوں اوہنوں سر تے پاوے تے اندروالے آندر پیٹے سمیت اگ اُتے بھُن کے کھان ۔ تے اوہدے وچوں کُجھ وی صبح تیک باقی نہ چھڈنا تے جے کُجھ اوہدے وچوں صبح تیک بچیا رہ جاوے تاں اوہنوں اگ وچ ساڑ دین ۔ تے تسیں اینوں ایس طرحاں کھانا ،اپنا لک بنھ کے تے اپنیاں جُتیاں پیراں وچ پا کے تے اپنی سوٹی ہتھ وچ لَے کے ۔ تسیں اوہنوں چھیتی چھیتی کھانا ،ایس لئی پئی ایہہ فسح خُداوند دا ہیگا اے ۔ “(خروج ۱۲:۱ ۔۱۱)۔لازمی ہیگا اے پئی اسیں یاد رکھیے پئی خُداوند نے اوہناں نوں حکم دتا پئی فسح دے دیہار اُتے میمنے
دے گوشت نوں بے خمیری روٹی تے کوڑے ساگ دے پتیاں نال کھان۔
پاپاں توں مکتی دے بعد ایتھے بوہت ساریاں کوڑیاں شیواں آؤندیاں نیں ۔کوڑا ساگ دے پتے اپنے آپ دا انکار کرن بارے دسدااے ۔ایتھے لازمی طور اُتے بوہت ساریاں مشکلاں ہیگیاں نیں ، تاں وی سانوں یادرکھنا چاہی دا اے پئی اسیں مسیح نال دفن ہوئے آں ۔” ایس لئی پئی مسیح جیہڑا مویا پاپ ولوں اک وار مویا پر ہُن جیہڑا جیوندااے تاں خُداولوں جیوندااے ۔ ایسے طرحاں تسیں وی اپنے آپ نوں پاپ ولوں مرے پر خُدا ولوں مسیح یسوع وچ جیوندے سمجھو۔“ (رومیوں ۶: ۱۰ ۔ ۱۱)۔
ایہو ای اوہ دل ہیگا اے جیہڑا سانوں یسوع نال جوڑدا اے ۔ اسیں اوہدے بپتسمے ،سولی تے مویاں وچوں جیون اُتے ایمان لیا کے یسوع نال جُڑدے آں جنہوں اوہنے پورا کیتا ۔ اوہدی خدمت وچ اوہدا جمنا ، یوحنا بپتسمہ دین والے کولوں بپتسمہ لینا ، سولی اُتے مرنا ،مویاں وچوں جیونا ،اَسمان اُتے جان ، تے مویاں دا انصاف تے دوبارہ جگ وچ آون اُتے ہیگی اے ۔ ایناں ساریاں شیواں اُتے ایمان لیاؤنا مطلب اے مکتی ، عدالت تے خُدا دی راستبازی اُتے ایمان لیاؤنا ہیگا اے ۔
رومیوں ۶:۱۰وچ لکھیا اے، ” ایس لئی پئی مسیح جیہڑا مریا پاپ ولوں اِک وار مریا۔ “ یسوع نے دو وکھ وکھ حصیاں وچ ساڈے پاپاں نوں نئیں دھویا اے ۔ یسوع نے جگ دے پاپاں نوں اِکو ا ی وار مکا دتا اے ۔ رومیوں ۶:۱۰ ۔ ۱۱ وچ لکھیا اے ، ” پر ہُن جیہڑا جیوندااے تاں خُداولوں جیوندااے ۔ ایسے طرحاں تسیں وی اپنے آپ نوں پاپ ولوں مرے پر خُدا ولوں مسیح یسوع وچ جیوندے سمجھو۔“ اسیں بے شک پاپ وچ موئے پر خُداوچ جیوندے آں ۔ہُن اسیں خُداوچ جیوندے آں ۔اسیں نویں حیاتی پالئی اے تے نویں لوک بن گئے آں۔
” ایس لئی پاپ تہاڈے برباد ہون والے بدن وچ بادشاہی نہ کرے پئی تسیں اوہدی آساں دے پچھے چلو ۔تے اپنے ہڈھ پیر بدی دے ہتھیار بنن لئی پاپ دے حوالے نہ کرو سگوں اپنے آپ نوں مویاں وچوں جیونداجان کےخُدا دے حوالے کرو تے اپنے ہڈ ھ پیر راستبازی دے ہتھیار بنن لئی خُدا دے حوالے کرو۔ایس لئی پاپ دی تہاڈے اُتے کوئی حکومت نہ ہووے گی ایس لئی پئی تسیں شریعت ہیٹھاں نئیں سگوں فضل ہیٹھاں ہیگے او۔“ (رومیوں۶: ۱۲ ۔۱۴)۔
” ایس لئی پاپ دی تہاڈے اُتے کوئی حکومت نہ ہووے گی ایس لئی پئی تسیں
شریعت ہیٹھاں نئیں سگوں فضل ہیٹھاں ہیگے او۔“ ایس توں دھیان ہٹا کے پئی ساڈی حیاتیاں وچ کمیاں ہون پر مکتی پاؤن دے بعد اسیں پاک ہیگے آں ۔ اسیں لازمی طوراُتے ماڑے ہیگے آں ،ایس لئی پئی اسیں حالے تیک بدن دے تنبو وچ رہندے آں ۔ پر، پاپ ساڈے اُتے حکومت نہ کرے گا ۔ بھاویں اسیں ماڑے ای ہوئیے ،ایس لئی پئی اسیں یسوع دے بپتسمے اُتے ایمان لیاؤن دے راہیں تے اوہدے لہو دے سبب اوہدی پاپاں دی سزا اُتے ایمان دے راہیں پاپاں توں معافی پائی اے ۔ ایس لئی ساڈے اُتے سزا دا حکم نئیں ہیگا اے ۔ساڈی بدیاں وی پاپاں وچ رَلیاں نیں ۔
ایہہ سچ ہیگا اے پئی پاپ ساڈے اُتے حکم نئیں چلا سکدا ۔خُدا نے ایس لئی سانوں راستباز نئیں بنایا پئی اسیں پاپ دے شکنجے وچ رہیے ۔ خُداوند نے یسوع دے بپتسمے دے راہیں اِکو ای وار ساڈے سارے پاپاں نوں دھو دتا اے ،ایس لئی پئی بھاویں اسیں ماڑے ای ہوئیے تاں وی پاپ ساڈے اُتے حکم نہ چلاوے ۔ اوہنے سولی اُتے پاپ دا مُل اُتار دتا اے ۔ ایماندار بے پاپ ہیگے نیں ایس لئی پئی خُداوند نے پاپاں دا مُل اُتاردتا اے ۔
راستباز دھیان کردے نیں پئی اوہناں وچ بوہت ساریاں بدیاں تے کمیاں ظاہر ہوندیاں نیں پر ایس لئی پئی اوہ خُداوند اُتے ایمان لَے آئے نیں تے اوہدے اُتے بھروسہ کیتا اے ،ایس لئی ہُن اوہناں لئی نہ تاں کوئی سزا ہیگی اے تے نہ ای پاپ اوہناں اُتے حکم چلا سکدا اے ۔ ایس لئی ، اسیں ہمیشہ نویں حیاتی وچ چل سکدے آں ۔
اپنے ہڈاں پیراں نوں راستبازی دے ہتھیار ہون لئی حوالے کرو
خُداوندنے راستبازاں نوں ایہہ برکت دتی اے پئی ہر دن نویں حیاتی وچ چلن ۔ پر ،کیہ اوہ پاپ کردے رہندے نیں ؟ نئیں ۔بالکل نئیں ۔ رومیوں ۶:۱۳دسدا اے ، ” تے اپنے ہڈھ پیر بدی دے ہتھیار بنن لئی پاپ دے حوالے نہ کرو سگوں اپنے آپ نوں مویاں وچوں جیونداجان کے خُدا دے حوالے کرو تے اپنے ہڈ ھ پیر راستبازی دے ہتھیار بنن لئی خُدا دے حوالے کرو۔ “
” پر خُدا دا شکر ہیگا اے پئی بھاویں تسیں پاپ دے نوکر ہیگے سو ،تاں وی دلوں اوس تعلیم نوں منیا جیہدے سچے وچ تسیں بنائے گئے سو ۔ تے پاپ توں مکتی پا کے راستبازی دے
نوکر ہو گئے ۔ “ (رومیوں ۶:۱۷ ۔ ۱۸)۔
اسیں جیہڑے فضل دے راہیں راستبازبن گئے آں ،اسیں پاپاں توں چُھٹ کے خُدا دے راستبازی دے قیدی ہوگئے آں ۔ اسیں کامل طور اُتے پاپاں توں رہا تے راستباز بنن دے لائق ہو گئے آں ۔ اسیں جیہڑے راستباز بنائے جاندے آں اوہدی راستبازی لئی کم کر سکدے آں ۔
پر مکتی پاؤن دے بعد سانوں اپنے بدن نال کیہ کرنا چاہی دا اے ؟ مکتی پاؤن دے بعد سانوں اپنے بدن نال کویں دا رویہ رکھنا چاہی دا اے؟ پاک بائبل دسدی اے ، ” اپنے ہڈ پیر پاک ہون لئی راستبازی دی قید دے حوالے کر دیوو۔ “(رومیوں ۶:۱۹)۔بھاویں اسیں پاپاں توں مکتی پالئی اے تاں وی بدن کیہ کردااے ؟ جے ساڈے دل وچ پاپ نئیں ہیگا اے تاں وی بدن کئی واری پاپ وچ ڈِگ پیندااے ۔ ایس لئی ، اسیں اپنے ہڈاں پیراں نوں راستبازی دی قید دے حوالے کر کے پاپاں توں بچ سکدے آں ۔ ایہدا مطلب ایہہ وی ہیگااے پئی سانوں اپنے بدن نوں چنگے کماں دے حوالے کرنا چاہی دااے ،ایس لئی پئی اسیں راستباز بن گئے آں ۔
سانوں اپنے آپ وچ دین داری ول ہمت کرن دی لوڑ ہیگی اے
مکتی پاؤن دے بعد، بھاویں بدن ماڑا ہیگا اے تاں وی ، کیہ اسیں پا ک ہیگے آں ؟ لازمی طور اُتے جیہڑے یسوع د ے بپتسمے ، سولی ، مویاں وچوں جی اُٹھن ، اوہدی آمد ، تے اخیر وچ یسوع دے انصاف کرن اُتے ایمان رکھدے نیں اوہ پاپ تو ں اڈ ہیگے نیں ۔ اوہ پاک ہیگے نیں ۔ اسیں صرف اپنے بدن نوں چنگیاں کماں دے حوالے کیتا تے ساڈا دل وی چنگے کم کرنا چاؤہندااے ۔ پر بدن راستبازی دے ایناں کماں نوں کرن لئی ٹھیک نئیں ہیگا اے ۔ ۱ ۔تیمُتھیس ۴ : ۷ دسدا اے ، ” دین داری لئی ہمت کرو۔ “سانوں اپنے آپ وچ دین داری ول ہمت کرنی چاہی دی اے ۔
ایہہ تھوڑے چِر وچ نئیں ہووے گا ۔جدوں اسیں دوجے لوکاں نوں خوشخبری دیاں نکیاں کتاباں دیندے آں ،تاں جے اسیں اپنے جانن والیاں نوں ملدے آں تاں ہو سکدا اے سانوں شرم آوے ۔ خورے اسیں ایناں توں اکھ چُرا کے جھٹ پٹ گھر واپس آجاندے ،ایس لئی پئی سانوں شرم آؤندی اے ۔پر،جے اسیں ایہہ سوچدے ہوئیاں اِنج گھڑی مُڑی کرن دی ہمت کردےآں پئی ، ’ساڈی پُرانی انسانیت پہلوں ای مرگئی اے ‘ تاں فیر ایہہ آکھن دا حوصلہ تہاڈے وچ آجاندااے ، ” پئی جے تسیں مکتی نہ پائی تاں تسیں دوزخ وچ سُٹے جاوو گے ، ایس لئی ایس نکی کتاب نوں لوو تے مکتی پاؤن لئی اینوں پڑھو ! “جدوں تسیں ایہہ کم کردے او تاں تسیں اپنے بدن نوں راستبازی لئی پیش کردے او ۔
رومیوں ۶ باب سانوں دسدا اے پئی اپنے ہڈ پیر پاک کرن لئی راستبازی دے قیدی ہون لئی حوالے کر دیوو۔ سانوں لازمی طور اُتے اپنے ہڈ پیر راستبازی دے قیدی ہون لئی حوالے کرنے چاہی دے نیں ۔ سانوں گھڑی مُڑی ایہدی ہمت کرنی چاہی دی اے ۔ ایہہ تھوڑے چِر وچ نئیں ہووے گا ۔ سانوں گھڑی مُڑی ہمت کرنی چاہی دی اے۔ سانوں ایہہ جانن دی لوڑی ہیگی اے پئی ایہہ کناں دل نوں چنگا لگدا اے پئی جے اسیں گرجے جان دی ہمت کرئیے تے گرجے چلے جائیے ۔ سانو ں ایہہ کدی نئیں سوچنا چاہی دا ، ” میَں ایہدے اُتے ایمان رکھدا ہاں ، پر میَں گھر بیٹھیاں ای ہر شے اُتے ایمان لیاؤنا پسند کراں گا ۔ جیہڑا وی میرا پادری کلام سناوے گا میَں اوہنوں چنگی طرحاں جان دا ہاں ۔“ بدن تے دل دونویں گرجے وچ موجود ہونے چاہی دے نیں ۔ ایمان دل وچ صرف اوس ویلے ودھدا اے جدوں اسیں اپنے ہڈاں پیراں نوں راستبازی دے قیدی ہون لئی حوالے کر دیندے آں ۔
سانوں اپنے ہڈاں پیراں نوں راستبازی دے کماں دے حوالے کرن دی لوڑ ہیگی اے ۔کیہ تسیں سمجھدے او جو کُجھ میَں آکھدا ہاں ؟ سانوں آپس وچ اکٹھے ہون تے اپنے گرجے دے آگُواں توں وکھ نئیں ہونا چاہی دا ۔ جیہڑا ویلاتسیں بازار جان وچ اُجاڑدے او اوہ ویلا گرجے وچ جانا تہاڈے لئی چنگا ہووے گا۔جدوں تسیں اپنا بوہا کھولدے او تاں تہانوں فیصلہ کرنا چاہی دا اے پئی گرجے جانا ایں یاں بازار ، کیہ ایہہ ساری گل تہاڈے اُتے نئیں مُکدی ؟ گرجے جانا اِنج ہیگا اے جویں بوہتا تسیں اپنے ہڈاں پیراں نوں راستبازی دے قیدی ہون لئی حوالے کر دیندے او ۔
فیر اک آگُو تہانوں آکھے گا پئی ، ” بھین ، میرے ول دھیان کر، کیہ تسیں اینوں صاف کر سکدےاو ؟ “
” ٹھیک ہیگا اے “
” تے، مہربانی کرکے اج شا م نوں فیر گرجے آیا جے “
” کاہدے لئی ؟“
” اسیں اج شام یوتھ فیلو شپ (جواناں دی میٹنگ)دا انتظام کراں گے ۔“
” ٹھیک ہیگا اے میَں شام نوں آجاواں گی ۔“
اسیں جگ وچ بوہت مصروف ہیگے آں ، پر جدوں جگ دے لوک سانوں آکھدے نیں پئی اسیں اوہناں دے جلسے وچ رَلیے تاں سانوں پہلاں کتھے اپنے بدناں نوں پیش کرنا چاہی دا اے ؟
لازمی ہیگا اے پئی اسیں اپنے آپ نوں گرجے دے حوالے کرئیے ۔سانوں گرجے وچ جانا چاہی دا اے ،بھاویں ساڈے توں ساڈی کمپنی دے ساتھیاں نال کھانا کھان لئی پچھیا جاندا اے ۔ سانوں اپنے بدن نوں کسے ریسٹورنٹ وچ نئیں جان دینا چاہی دا ،بھاویں ساڈے دل گرجے وچ ہیگے نیں ۔ جے اسیں اپنے بدن نوں جگ توں وکھ کر لیندے آں تے اینوں گرجے وچ لَے آؤندے آں تاں ساڈا دل تے بدن دونواں نوں سکون ملے گا ۔
تسیں کیہ سوچدے او ؟ جے تہاڈا بدن بوہتا دوجے نفسانی تھانواں اُتے جاندااے ، تاں تسیں اپنی مرضی دے خلاف خُدا دے مخالف بن دے او ،ایتھوں تیک پئی تہاڈا دل کلیسیا نال جُڑنا چاؤہندا اے ۔
سانوں رُوح نال چنگی طرحاں بدن دی مشق کرنی چاہی دی اے
سانوں اپنے بدن نوں راستبازی دی قید دے حوالے کرنا چاہی دا اے ، پر ایہدا مطلب ایہہ نئیں ہیگا اے ساڈا بدن کامل ہیگا اے ۔ بھاویں ساڈے بدن دا جھکا اپنی آساں نوں پورا کرن وچ لگیا ہوندا اے تاں وی لازمی ہیگا اے پئی اسیں اپنے ہڈ پیر گھڑی مُڑی چنگیاں کماں لئی پیش کرئیے ۔ بوہتی وار اسیں اک جانے پچھانے راہ اُتے چل دے آں ۔ ایہہ ایس گل اُتے مک دا پئی کیہ اسیں اپنے بدن نوں قیدی ہون لئی حوالے کردے آں۔
پولُس آکھدااے ، ” اپنے ہڈ ھ پیر پاکیزگی لئی راستبازی دی قید دے حوالے کر دیوو۔اپنے ہڈ پیر راستبازی دے ہتھیار بنن لئی خُدا دے حوالے کرو۔ “ ایہہ ایس گل اُتے مکدا اے پئی تسیں اپنے بدن نوں کناں قابو وچ رکھدے او ۔ جے تسیں اپنے بدن دے قابووچ ہو کے آکھدے او شراب پین لئی چل ، تاں تہاڈا بدن اپنے آپ شراب پین لئی ٹُر پیندا اے ۔اخیر تہاڈا بدن اک شراب خانے ول جان لئی چھیتی کر دا اے جد پئی تسیں گرجے وچ ہیگے او ۔ جے تسیں شراب خانے وچ بیٹھے او تاں دل نوں پیڑ ہوندی اے ۔ پر جے تسیں گرجے وچ بیٹھے او تاں بدن نوں تکلیف ہوندی اے پر دل نوں سکون ملدا اے ۔
بدن اک شخصیت وی رکھدااے ۔ بدن دی گل ایتھے مک دی اے پئی ایہہ کناں دل دے قابو
وچ ہیگا اے ۔جدوں اسیں گھڑی مُڑی شراب پیندے آں تاں بدن آکھدااے پئی ، ” مینوں شراب پسند ہیگی اے ۔“ پر جدوں اسیں شراب نئیں پیندے تاں بدن آکھدااے پئی ، ” میَں ایہدے توں نفرت کردا ہاں “ کیوں ؟ ایس لئی پئی بدن بے وس ہیگا اے ۔ بھاویں دل پاک ہیگا اے تاں ایہدی گل ایتھے مک دی اے پئی اسیں کناں بدن نوں وس وچ رکھدے آں ۔ پاک رُوح ساڈے دلاں دا راکھا ہیگا اے ۔ بھاویں اسیں گرجے تو باہر ہوئیے تاں وی پاک رُوح سانوں سنبھال دا اے ۔ پر سانوں اپنے ہڈ اں پیراں نوں پاک کرن لئی راستبازی دی قید دے حوالے کرنا چاہی دا اے ۔ ایس لئی ہر طریقے توں سانوں گھڑی مُڑی گرجے جانا چاہی دا اے ۔
اوہ جنہاں نیں مکتی پا لئی اے اوہناں نوں چاہی دا اے پئی اوہ دین داری دی مشق وچ ودھن ۔ پاک بائبل سانوں دسدی اے پئی خُدا دے کلام دا آکھا منیے تے ایہدے مطابق چلیے ۔ کاہدے لئی سانوں خُدا دے کلام پچھے چلنا چاہی دا اے ،ایس لئی پئی اسیں ہمیشہ ایہہ سوچ کے بدن نوں خوش کردے آں پئی ایہہ ساڈا اپنا بدن ہیگا اے ۔ ایس پئی اسیں بدن نوں خوش کرن لئی شاپنگ ،ناچ رنگ تے شراب پیندے تے اینوں خوش کردے آں ، ساڈے لئی گرجے وچ بیٹھنا تے دعائیہ عبادت ول دھیان کرنا بوہت اوکھا ہوندا اے ۔ ” تہانوں ایتھے بہہ کے خُدا دے کلام نوں سُننا چاہی دا اے ۔“
” ٹھیک اے۔ “
بھاویں اسیں کلام سُن کے اَک جائیے ،سانوں ایہہ سوچ کے صبر کرنا چاہی دا اے ، ” مینوں صبر نال ایتھے بہنا چاہی دا اے ۔ کیوں میَں ایناں اَک گیا واں ، بھاویں میَں شراب خانے وچ ۳ گھنٹے تیک بہہ کے شراب پی سکدا ہاں ۔ کیوں میَں گرجے وچ اک گھنٹے لئی نئیں بہہ سکدا؟ صرف اک گھنٹے لئی گزارے ہوئے ویلے وچ پہلاں میَں کلام سُنیا اے ! میَں ۵ گھنٹیاں تیک شراب خانے وچ بہہ کے شراب پیتی اے تے ایتھوں تیک پئی میَں ۲۰ گھنٹیاں تیک کسے وقفے توں اَڈ تاش کھیڈی اے ۔ “
ایہہ سارا کُجھ بدن نوں وس وچ رکھن اُتے ہیگا اے ۔ عام طور اُتے اوہ بدن جیہڑا گرجے وچ جا کے بہندا اے ،اوہ شراب خانے وچ جان توں نفرت کردااے ۔ پر اک بندہ جیہڑا شراب پین دی قید وچ ہیگا اے تے شراب وی پیندااے ،اوہدے لئی گرجے جا کے بہنا ،اوہنوں دوزخ لگدا اے ۔ میَں چاؤہندا ہاں پئی تسیں تھوڑے دناں لئی گرجے جان دی ہمت کرو تاں فیر تسیں برداشت کرنا سکھ جاوو گے ۔ جدوں تیک تہاڈا بدن تہاڈے وس وچ نہ ہووے ایہہ بوہت اوکھا کم ہیگا اے ۔ اسیں اپنا وقت دوجیاں کماں وچ اُجاڑنا چاؤہندے آں پر لازمی ہیگا اے پئی اسیں اپنا وقت گرجے وچ بسر کرئیے ۔
سانوں اپنے آپ نوں وس وچ رکھن لئی گرجے وچ دینی آگُواں ، بھراواں تے بھیناں نال گل بات کردیاں ہوئیاں ویلا بسر کرنا چاہی دااے ۔ میَں گرجے وچ بوہت سکون وچ ہیگا واں تے ایتھے ایہو جیہا کُجھ نئیں ہیگا جیہڑا مینوں پُٹھے پاسے لاؤندا ہووے ۔ پر ،جدوں میں گلیاں وچ پھردا ہاں تاں بوہت ساریاں شیواں مینوں پُٹھے پاسے لاؤندیاں نیں ! ایتھے بوہت ساریاں اَزمائشاں ہیگیاں نیں جویں پئی لیڑیاں دیاں دکاناں اُتے شو کیس وچ پئے ہوئے بانے ۔ جدوں میَں ایناں ساریاں شیواں نوں جیہڑیاں میرے آلے دوالے ہیگیاں نیں ،دھیان کیتا جنہاں نوں میَں ویکھنا چاؤہندا ساں تے اوہناں وچ گواچ گیا ، تاں مینوں گھر اپڑن لئی ۲ گھنٹے لگ گئے ۔
جے ایتھے کُجھ اولی شے ہووے تاں میَں ایس اولی شے نوں ویکھن چلا جاندا ہاں ۔ بعدوں مینوں خیال آؤندااے ، ’ میَں گھر کدوں پوہنچاں گا؟ میَں چاؤہندا ہاں پئی کوئی مینوں گھر پوہنچاوے ۔ ‘ ایس لئی اپنے گھر دے راہ وچ کسے وی تھاں اُتے نہ کھلووو ۔ لازمی ہیگا اے پئی اسیں عبادت دے بعد سدھے گھر جاوو ۔ گرجے دی بس اُتے سوار ہووو، تے سدھے اپنے گھر ول سفر کرو۔ جے تسیں سوچدے او ، ’مینوں گرجے جان لئی بس دی لوڑنئیں ہیگی ۔میَں اکلا ای گرجے چلا جاواں گا ۔میریاں دو تگڑیاں لتاں ہیگیاں نیں ،ایس طرحاں میرے لئی کوئی سبب نئیں ہیگا پئی میَں گرجےدی بس اُتے گرجےجانواں ،‘ تسیں اَزمائش وچ پھس کے بھٹک سکدے او ۔ تہانوں شکر گزار ہونا چاہی دا اے پئی تسیں گرجے دی بس وچ بہہ کے گرجے جا سکدے او تے جیہڑے ویلے گرجے دی گیتاں دی عبادت مک جاوے ،تسیں چھیتی واپس گھر سکدے او ، ایس لئی نکمیاں گلاں بارے فکر کرن دی لوڑ نئیں ہیگی اے ۔ تسیں چنگی طرحاں بائبل پڑھدے ، دعاکردے تے اپنے بسترے اُتے سوندے او ،جدوں تسیں گھر پوہنچدے او ۔
ایہو ای تہاڈے لئی چنگا ہووے گا پئی ایس طرحاں حیاتی بسر کرو۔ اک بندہ خورے سوچے پئی ’میرا ایمان بوہت پکا ہیگا اے ۔میَں پاپ توں اَڈ ہیگا واں ۔میَں ایہہ سب کُجھ اپنے آپ توں ثابت کراں گا ۔جے میَں شراب خانے جانواں تاں وی میَں شراب نئیں پیواں گا ۔جتھے پاپ بوہتا ہویا اوتھے فضل اوس توں وی بوہتا ہویا ۔ میَں فضل نال بھریا ہویا واں۔‘جے اوہ اِنج سوچدا تے شراب خانے جاندااے ،تاں اوہدے بیلی آکھن گے ، ” کیہ حال اے ، شراب پیویں گا ؟ “
” نئیں، کیہ تسیں مینوں کدی شراب پیندیاں ویکھیا اے ؟ میَں شراب پینی چھڈ دتی اے ۔“
” پر فیر وی شراب پیوو۔ “
” نئیں “
” تسیں صرف اک گلاس شراب کیوں نئیں پیندے ؟ “
اوہد ا بیلی شراب گلاس وچ پاؤنداتے اوہنوں پھڑادیندااے ۔ پر اوہ سوچدا اے پئی ، ’ میَں سوڈا پیندا پیا واں ،پر تسیں مینوں شراب پین دا لالچ دیندے او ۔ فیر اوہنوں یاد آؤندااے پئی ،اوہنے بوہت چِر پہلاں شراب پیتی سی تے سوچدااے پئی ، ایہہ کنا چنگا ہووے گا ۔ اک وار فیر تسیں مینوں شراب پیش کیوں نئیں کردے؟ میَں صرف اِک وار پیواں گا ۔‘ اوہ چھیتی نال سوڈا مکاؤندااے ۔
فیر ،اوہدے بیلیاں نوں پتہ لگدااے پئی اوہ شراب پینا چاؤہندااے تے خالی گلاس وچ شراب پاؤندے نیں ۔
” ایہہ ہولی ہیگی اے ، تسیں اینوں کسے پھل دے شربت وانگر پی سکدے او ۔ “
” نئیں ،میَں اِنج نئیں کرنا چاوہندا ،کیہ تہانوں نئیں پتہ پئی میَں یسوع اُتے ایمان رکھدا ہاں ؟“ پر اخیریں اوہ شراب دااک گلاس پی ای لیندا اے تے اوہدے بیلیاں نوں پتہ ہیگا اے پئی اوہ بوہت پیندااے ۔
” صرف اَج شراب پی لَے ۔“
” ٹھیک اے ، میَں اج شراب پی تاں لواں گا ،پر تہانوں یسوع اُتے ایمان لیاؤنا چاہی دا اے ، ٹھیک اے ؟بھاویں میَں پینداواں تاں وی میَں پاپ نئیں کردا۔پر کیہ تسیں پاپ کردے او؟ تہانوں اپنے پاپاں توں مکتی پاؤنی چاہی دی اے ۔ “
خاص کم ایہہ ہیگا اے پئی اسیں اپنے بدن نوں کتھے لَے کے جاندے آں
بندے بالکل ایسے طرحاں ہیگے نیں۔اوہ کُجھ وکھرے نئیں ہیگے ۔ خاص گل ایہہ ہیگی اے پئی اسیں اپنے بدن نوں کتھے لَے کے جاندے آں ۔ اپنے ہڈ پیر پاک ہون لئی راستبازی دی قید دے حوالے کردیوو۔ اپنے بدن نوں پاکیزگی دے حوالے کردیوو ایس لئی بدن پاک نئیں ہیگا اے ۔میَں ایتھے شراب پین دی اک مثال ورتی اے ۔ پر دوجیاں گلاں وی بالکل ایسے طرحاں ہیگیاں نیں ۔ ایہہ گل ایتھے آن کے مک دی اے پئی اسیں کنے اپنے بدن نوں وس وچ رکھدے آں ۔
اسیں اِکو ای ساہ وچ ایمان دے راہیں مکتی پائی اے ، تے ایہہ مکتی ہمیشہ لئی ہیگی اے ۔ پر ساڈے
دلاں تے بدناں دی پاکیزگی ایتھے آن کے مک دی اے پئی کتھےاسیں اپنے بدن نوں حوالے کردے آں ۔ اسیں سوچدےآں پئی جدوں اسیں اپنے بدن نوں گندگی دے حوالے کر دیندے آں تاں بھاویں دل پاک ہیگا اے تاں وی ایہہ گندہ ہو جاندااے ۔ فیر، اسیں اپنے ایمان نوں چھڈ دیندے آں ، گرجے توں پُٹھے پاس ٹُر پیندے،خُدا دا نام بے فائدہ لیندے تے شیطان کولوں دھوکہ کھا کے خُدا دے اگوں ،بوہت دُور چلدے جاندے آں ۔اسیں اخیریں برباد ہو جاندے آں ۔
ایس لئی ، ایس توں پہلاں پئی تسیں برباد ہوجاوو ، اپنے آپ ول ویکھو ۔تہانوں ایہدے بارے احتیاط کرن دی لوڑ ہیگی اے ۔پاپ توں مکتی پاؤن دے بعد کویں اسیں اپنے روزانہ دے پاپاں نال نبڑ سکدے آں؟ ” جتھے پاپ بوہتا ہویا اوتھےفضل اوس توں وی بوہتا ہویا ۔“ خُداوند نے ساڈے روزانہ دے پاپاں نوں وی مکا دتا اے تاں پئی اسیں فیر پاپی نہ بن سکیے ،بھاویں بوہتی وار پاپ ساڈے توں ہو جاندااے ۔
پر جے ساڈا بدن گھڑی مُڑی بدی ول جاندا رہوے تاں اسیں اوکھے ہو سکدے آں ۔ کتھے سانوں اپنے بدن نوں حوالے کرنا چاہی دا اے ؟ بدن نوں ٹھیک راہ اُتے چلنا چاہی دا اے ۔میَں تہانوں سمجھاؤن لئی ہُن تیک ایہہ گل کیتی اے ۔
جویں پئی دل پاک ہیگا اے اوسے طرحاں بدن وی پا ک ہو سکدااے تے جدوں اسیں اوہنوں راستبازی دے قیدی ہون لئی حوالے کردیندے آں تاں ایہہ خُدا دے اَگے راستبازی دا قیدی ہو جاندااے ۔جے سانوں نئیں پتہ پئی مکتی پاؤن دے بعد سانوں کیویں جیوندے رہنا چاہی دا اے ،تاں سانوں چاہی دا اے پئی اپنی حیاتی وچ کلیسیا وچ آنا جاناشروع کر دئیے ۔ پاک بائبل دسدی اے پئی کلیسیا اک سراں وانگر ہیگی اے ۔ جویں پئی اسیں سراں وچ کھاندے پیندے آں ،اوسے طرحاں اسیں کلیسیا وچ رُوحانی پانی پیندے ،رُوحانی کھانا کھاندے تے آپس وچ میل جول کردے رہندے آں ۔
کلیسیا بالکل اک سراں وانگر ہیگی اے ۔ سانوں کلیسیا وچ اک دوجے نال میل جول تے گل بات کردے رہنا چاہی دا اے ،ایس لئی عام طور اُتے ساریاں نوں گرجے جانا چاہی دا اے ۔اک بندہ جیہڑا عام طور اُتے گرجے جاندااے ، اک رُوحانی بندہ بن جاندااے ۔ اوہ بندہ جیہڑا عام طور اُتے گرجے نئیں جاندا ، بھاویں اوہ ایمان وچ پکا ای ہووے ،اوہ رُوح وچ نئیں چل سکدا ۔ اک بندہ جیہڑا گرجے آؤندااے ،بھاویں اوہ کناں ای ماڑا ہووے اوہ اپنے آپ ای روحانی طور اُتے ترقی کردا رہندا اے ۔مکتی پاؤن دے بعد اِنج رُوحانی میل جول دے سبب ہوندا اے ۔
ساڈے لئی گرجے توں ہٹ کے ایتھے رہن لئی ہور کوئی تھاں نئیں ہیگی اے ۔ میَں چاؤہندا ہاں پئی تسیں خُدا دی کلیسیا وچ آوو جناں پئی تسیں بوہتا بوہتا آسکدے او تے اوہدے لوکاں نال میل جول کردے رہوو ۔ گرجے وچ جانا ، ہر عبادت وچ حصہ لینا ، خُدا دے کلام نوں سُننا تے جو کُجھ تسیں کرنا چاؤہندے او ، کلیسیائی آگُواں نال اوہدے بارے گل بات کرنی چاہی دی اے ۔
سانوں خُدا دے کلام نوں اپنی حیاتی دے رہن دی تھاں تے اپنے آپ نوں اک تھاں اُتے اکٹھیاں کرنا چاہی دا اے ۔ فیر، اسیں ناکام ہوئیوں اَڈ اپنی ایمان دی حیاتی کامیابی نال بسرکر سکدے آں ۔ اسیں بوہت خاص ہو سکدے تے خُداوند دے راہیں مبارک ثابت ہو واں گے ۔ میَں چاؤہندا ہاں پئی تسیں اپنے بدن تے دل دونواں نوں خُدا دی راستبازی دے ہتھیار بنن لئی حوالے کر دیوو۔
Copyright © 2021 by The New Life Mission