Из-за COVID-19 и перебоев в работе международной почтовой
службы мы временно приостановили нашу услугу «Бесплатные печатные книги».
службы мы временно приостановили нашу услугу «Бесплатные печатные книги».
В сложившейся ситуации мы сейчас не можем отправлять вам книги по почте.
Молитесь, чтобы эта пандемия скоро закончилась и работа почтовой службы возобновилась.
Молитесь, чтобы эта пандемия скоро закончилась и работа почтовой службы возобновилась.
مضمون 9: رومیوں (رومیوں دی کتاب اُتے تفسیر)
[8-2 باب] خُدا دی راستبازی ، شریعت دی جائز لوڑ دا پورا ہونا اے <رومیوں۸: ۱۔۴>
> رومیوں۸: ۱۔۴<
” ایس لئی ہُن جیہڑے مسیح یسوع وچ نیں اوہناں لئی سزاداحکم نئیں ہیگا۔ایس لئی پئی حیاتی دے رُوح دی شریعت نے مسیح یسوع وچ مینوں پاپ تے موت دی شریعت توں چھڈادتااے۔ایس لئی پئی جیہڑاکم شریعت بدن دے راہیں ماڑے ہوندیاں ہویاں نہ کر سکی اوہ خُدا نے کیِتامطلب اے اوہنے اپنےپُترنوں پاپ بھرے بدن دے روپ وچ تے پاپ دی قربانی لئی گھل کے بدن وچ پاپ دی سزا دا حکم دتا ۔تاں پئی شریعت دی لوڑ ساڈے وچ پوری ہووے جیہڑے بدن دے مطابق نئیں سگوں رُوح وچ رہندے ہویاں چلدے نیں۔“
رومیوں ۸ :۱۔۴سانوں دسدا اے پئی اوہ جیہڑے یسوع وچ نیں، کِنج دا ایمان رکھدے نیں ۔ ایس حوالے دا بھیت ایہہ ہیگا اے پئی اسیں خُدا دی راستبازی اُتے اپنے ایمان رکھن نال شریعت دیاں ساریاں لوڑاں پوریاں کر سکدے آں ۔
فیر ، اوہ کنج دا ایمان اے جیہڑا خُدا دی راستبازی اُتے ایمان رکھدا اے ؟ ایہہ ایہو جیہا ایمان اے جیہڑا یسوع دے بپتسمے تے اوہدی لہو اُتے ایمان رکھن دے راہیں پاپاں توں معافی پا چُکیا اے ، جیہدے راہیں ساڈے خُداوند نے جگ دے سارے پاپ چُک لَے ۔ ایس لئی اسیں یسوع اُتے ایمان رکھن دے راہیں پاپ اُتے فتح پا سکدے آں ، جیہڑا ساڈے مکتی داتا وانگر خُدا دی راستبازی پچھےچلن دے راہیں ساری راستبازی پوری کر چُکیا اے ۔ ایہہ اوہ ایمان اے جیہڑا خُدا دی راستبازی پچھے چلدا اے تے ایمان وچ ساڈی فتح ہیگی اے ۔
سب توں پہلوں ، رومیوں۸ :۱ سانوں دسدا اے ،” ایس لئی ہُن جیہڑے مسیح یسوع وچ نیں
اوہناں لئی سزاداحکم نئیں ہیگا۔“ اوہ جیہڑے خُدا دی راستبازی اُتے ایمان رکھن دے راہیں یسوع مسیح وچ جیوندے نیں لازمی طور اُتے کوئی پاپ نئیں رکھدے ۔ ایہو جیہا ایمان یسوع دے بپتسمے تے اوہدے لہو اُتے نیہ رکھدا اے جیہڑا شریعت دی ساری جائز لوڑ نوں پوریاں کر چُکیا اے ۔ خُدا دی راستبازی اُتے ایمان نویں سریوں جمے ہوئے پاک لوکاں لئی بوہت چوکھاخاص ایمان اے ۔ کویں صرف کوئی چنگے کم کرکے بے پاپ بن سکدا اے ؟ پر یسوع مسیح دے راہیں خُدا دی راستبازی اُتے اپنے نہ ڈولن والے ایمان نال ، اوہناں دے سارے پاپ مُک گئے نیں ، ایس لئی پئی یسوع نے اپنے بپتسمے دے راہیں جگ دے سارے پاپاں نوں اپنے پِنڈے اُتے چُک لیا ، مطلب اے اوہناں بدلے جیہڑے خُدا دی راستبازی اُتے ایمان رکھدے نیں ۔
رومیوں ۸ : ۳ سانوں دسدااے پئی خُدا نے ، ” اپنےپُترنوں پاپ بھرے بدن دے روپ وچ تے پاپ دی قربانی لئی گھلیا “ مطلب اے ”پِنڈے اُتے پاپ دی سزا دا حکم دتا۔“دوجے اکھراں وچ ،یسوع دے ، ”پِنڈے“ اُتے پاپ دی سزا دین دے راہیں ، خُدا باپ نے جگ دے سارے پاپ اپنے اِکواکلے پُتر اُتے لد دتے ۔ ایہہ کھر اکلام متی ۳ :۱۳ ۔۱۷وچ وکھایا گیا اے (ایس سرنانویں اُتےبوہتی کھول کےگل بات میری کتاب،” کیہ تُسیں سچی مُچی پانی تے رُوح دے راہیں نویں سِریوں جم پئے او؟ “وچ مل سکدی اے)۔اوہ جیہڑے ایس سچیائی اُتے ایمان رکھدے نیں کوئی پاپ نئیں رکھدے ، ایس لئی پئی خُدا نے اپنی راستبازی نال جگ دے سارے پاپ معاف کیتے نیں ۔
” ہائے مَیں بوہت لیکھاں ماریا بندہ ہیگا واں! “
رومیوں ۷: ۲۴ توں لَے کے ۸: ۶ تیک دو بوہت رَلدے ہوئے حوالیاں اُتے مبنی اے ۔ دوجے اکھراں وچ ، اوہناں وچوں اک وچ پاپ دے مسئلے دی گل بات کیتی گئی اے ، اپنے ذاتی بدن دیاں آساں دے سبب خُدا دی نافرمانی ، تے دوجا پاپ دے اوس مسئلے دے حل دی گل بات اے جیہڑا اوہنوں یسوع مسیح وچ لبھیا ۔
رومیوں ۷ : ۲۴۔ ۲۵ آکھدا اے ، ” ہائے میَں بوہت لیکھاں ماریاں بندہ ہیگا واں !
ایس مرن والے بدن توں مینوں کیہڑا چھڈاوےگا؟ اپنے خُداوند یسوع مسیح دے راہیں خُدا دا شکر کردا ہاں ۔بھاویں میَں آپ اپنی عقل نال تاں خُدا دی شریعت دا پر بدن ولوں پاپ دی شریعت دا قیدی آں۔“ پولُس نے رولا پایا پئی اوہ بے نصیبا سی جدوں اوہنے اپنے ذاتی بدن ول دھیان کیتا، پر اوہنے خُدا دا شکر ادا کیتا ایس لئی پئی اوہ یسوع مسیح دے راہیں اپنے بدن ولوں چھڈایا گیا سی ۔ اسیں ایہہ وی سوچ سکدے آں پئی بھاویں پولُس نے اپنے دلوں خُدا دی شریعت دی سیوا کیتی ، پر اپنے بدن وچ اوہنے پاپ دی شریعت دی سیوا کیتی ۔
پولُس نے ایس گل نوں منیا پئی اوہدا بدن ،خُدا نوں ناراض کردے ہویاں ، اوہنوں خوش کرن لئی حیاتی بسر کرن دی تھاں اُتے ،پا پ دی شریعت دے پچھے چلدا پیا سی ۔ تے فیر وی اوہنے آکھیا پئی اپنے دل وچ اوہ حالے تیک خُدا دے رُوح دی شریعت پچھے چلدا سی ۔ ایناں دو شریعتاں وچکار پھس کے ، پولُس نے بے نصیبی تے پریشانی محسوس کیتی ، پر اوہنے یسوع مسیح خُدا دی راستبازی دے پچھے چلن وچ اپنے ایمان دے راہیں اپنے پاپاں توں چھُٹ جان لئی خُدا دا شکر ادا کرن دے راہیں ایمان دی فتح دا اعلان کیتا ۔
پولُس ایہو جیہا شکر ادا کرسکدا سی صرف ایس لئی پئی اوہ ایمان رکھدا سی پئی یسوع مسیح اوہدے سارے پاپاں دا ایسے طرحاں سارے لوکاں دے پاپاں دا فدیہ دے چُکیا اے ۔ جگ دے ایہہ پاپ چُکن لئی ، یسوع نے یوحنا کولوں بپتسمہ لین دے راہیں سارے لوکاں دے سارے پاپاں نوں اپنے پِنڈے اُتے چُک لیا تے سولی اُتے پاپ دے سبب دکھ جرن دے راہیں ، اوہناں ساریاں نوں بچایا اے جیہڑے جگ دے سارے پاپاں توں بچاؤن لئی اوہدے اُتے ایمان رکھدے نیں ۔ ایہو ای سبب ہیگا اے جیہدے راہیں پولُس نے رومیوں ۸: ۱ وچ اعلان کیتا ، ”ایس لئی ہُن جیہڑے مسیح یسوع وچ نیں اوہناں لئی سزا دا حکم نئیں ہیگا۔ “مطلب اے اوہناں لئی کوئی سزا نئیں اےدا سبب اے پئی اوہناں وچ بالکل کوئی پاپ نئیں ہیگا اے جیہڑے خُدا دی راستبازی اُتے ایمان رکھدے نیں۔ اوہ جیہڑے خُدا دی راستبازی اُتے ایمان رکھن دے سبب مسیح یسوع وچ نیں اپنے دلاں وچ کدی پاپ نئیں رکھ سکدے ۔ اوہ بھاویں اپنے بدن وچ ماڑے ہوسکدے نیں ، پر اوہ کسے وی طرحاں پاپ نئیں رکھدے ۔
برابری وچ ، سزا دا مطلب پاپ دا ہونا اے ،جیہڑی سزا پاؤن دی حالت اے ۔ جدوں کوئی بندہ کوئی بھیڑا کم کردا اے ، اسیں کئی وار ایہنوں پاپ آکھدے آں ۔ ایس لئی پئی اوہ خُدا دی راستبازی اُتے ایمان نئیں رکھدے مطلب اے اوہ پاپی نیں ۔ پر اُتلا حوالہ سانوں دسدااے پئی اوہناں لئی سزا نئیں ہیگی
اے جیہڑے مسیح یسوع وچ ہیگے نیں ۔
پر ایہہ اعلان نام دی پاکیزگی دے خُدائی خیال وچ نئیں ہیگا اے ، جیہدا جگ دے دین قائم رہن دا دعویٰ کردے نیں ۔ ’ عقیدہ دے راہیں راستباز وانگر سمجھے جان دے شک ‘ دامطلب خیالی دعویٰ ہیگا اے پئی خُدا کسے نوں یسوع اُتے صرف اپنے ایمان دے سبب راستباز سمجھدااے بھاویں اوہ اصل وچ راستباز نئیں ہیگا تے اپنے دل وچ پاپ رکھدااے ۔ پر ایہہ غلط خیال اے ۔ خُدا کویں جھوٹ بول سکدا اے تے پاپی نوں بے پاپ دے آکھ سکدا اے ؟ اِنج اوہ کدی نئیں کردا ۔اوہ ایہدی تھاں اُتے اِنج آکھن دے راہیں پاپی نوں آکھے گا ، ”تُسیں اپنے پاپاں دے سبب اپنی پکی موت وچ مردے پئے او؛ پانی تے رُوح دی خوشخبری وچ ظاہر کیتی گئی میری راستبازی اُتے ایمان رکھو ! “
اج کل بوہتے لوک اپنے نقلی ایمان نال دھوکہ دین دی کوشش کردے نیں تے ایہو جیہے خُدائی خیالاں نال چمبڑن دے راہیں خُدا دی راستبازی پاؤن دی کوشش کردے نیں ۔ پر ایس طرحاں دا ایمان بوہت خراب تے خطرے والا اے ۔ جے یسوع سچیائی دا خُدا نئیں سی ، اوہ خورے کسے پاپی نوں اپنا منن والا آکھ سکدا سی ۔ پر تہانوں لازمی طور اُتے سوچنا چاہی دا اے پئی یسوع ، جیہڑا سچیائی اے ، پاپی نوں راستباز تے بے پاپ نئیں آکھ سکدا ۔ خُدا دی راستبازی ، اوہدے انصاف تے پاکیزگی دے اگے پاپی نوں راستباز تے بے پاپ بلاؤنا ،کدی ہو نئیں سکدا ۔
تہانوں لازمی سوچنا چاہی دا اے پئی تہاڈی پاپ توں مکتی صرف یسوع اُتے ایمان رکھن دے راہیں نئیں ملدی ،سگوں خُدا دی راستبازی اُتے ایمان رکھن دے راہیں ملدی اے ، فیر جیہڑی تہاڈی اپنی بن جاندی اے ۔ بھاویں جے تُسیں یسوع اُتے ایمان رکھدے او ، خُدا تہانوں راستباز نئیں آکھے گا جے تہانوں نئیں پتہ تے ایس طرحاں خُدا دی راستبازی اُتے ایمان نئیں رکھدے ۔ پر اج دی سچیائی ایہہ ہیگی اے پئی ایہو جیہے خُدائی خیال جویں ہولی ہولی پاکیزگی دا خُدائی خیال تے توجیہ دا خُدائی خیال ، نوں بوہتے لوک کھرےعقیدے خُدائی خیال وانگر من دے نیں ۔ پر کجھ سوچدے نیں پئی ایہو جیہے صرف نام دے ای کھرےعقیدے مسیحی خُدائی خیال اصل وچ کسے نوں خُدا دی راستبازی نوں جانن یاں پاؤن توں روک سکدے نیں۔ایہناں خیالاں اُتے ایمان رکھن دے راہیں ایہہ سوچیوں بغیر پئی اوی اصل وچ خُدا دی راستبازی دے خلاف نیں ، بوہتے لوک خُدا دی راستبازی نوں پاؤن وچ ناکام ہو گئے نیں ، ایہو جیہے خُدا ئی خیال اپنے ذاتی ٹھیڈا لاؤن والے پتھر بن کے مُک گئے نیں ۔
جے تُسیں کھرے مسیحی بننا چاؤہندے او ، تہانوں لازمی طور اُتے ویکھن لئی خُدا دے کلام نال اپنے آپ نوں ناپنا چاہی دا اے پئی کیہ تُسیں سچ مُچ مسیح وچ ہیگے او یاں نئیں ۔ تے اِنج کرن لئی ، تہانوں لازمی طور اُتے پانی تے رُوح دا کلام، ویکھنا تے سمجھنا چاہی دا اے ۔ اپنے آپ کولوں پچھو، ”کیہ میرا یسوع اُتے ایمان ٹھیک اے ؟ جدوں میَں آکھدا ہاں پئی میَں یسوع اُتے ایمان رکھدا ہاں ، کیہ میَں صرف دین اُتے تےعمل نئیں کردا پیا ؟ کیہ میں ادھیاں لتاں کھلاریاں ہویاں نیں ، نہ اندر نہ ای یسوع توں باہر ؟ “ ہُن تہاڈے لئی ایہدے اُتے ایمان رکھن دے راہیں خُدا دی راستبازی نوں پاؤن دا ویلا اے تے سچیائی دے ایمان اُتے جیوندے رہن دا پئی ”ایس لئی ہُن جیہڑے مسیح یسوع وچ نیں اوہناں لئی سزادا حکم نئیں ہیگا۔ “
افسیوں دے خط وچ، اسیں بوہتی وار ایہہ حوالہ ویکھ سکدے آں ، ”مکتی دے راہیں جیہڑی یسوع وچ اے ۔ “ ایہدا مطلب ہیگا اے پئی خُدا سانوں ساڈے سارے پاپاں توں بچاؤن لئی پہلوں توں تیار تے مسیح یسوع وچ وکھ کر چُکیا اے ۔ اوہ جنہاں دا یسوع وچ خُدا دی راستبازی دے راہیں فدیہ دتا گیا اے تے مسیح وچ رَل گئے نیں ایہہ اوہ نیں جنہاں دے پاپ سارے دے سارے مکائے گئے نیں ۔ اوہ جیہڑے ساڈے خُداولوں دتی گئی پانی تے رُوح دی خوشخبری اُتے ایمان رکھدے نیں ، ایس لئی ، یسوع مسیح وچ کوئی سزا نئیں جردے ۔ جدوں کوئی بندہ پانی تے رُوح دی خوشخبری اُتے ایمان رکھدا اے ، اوہ ایہو جیہا بندہ بن جاندا اے جنہے خُدا دی راستبازی پالئی اے تے جیہڑا ایس خوشخبری دی منادی کردااے۔
اوہ جیہڑے یسوع مسیح وچ خُدا دی راستبازی اُتے ایمان رکھدے نیں تے اوہدیاں کُھلیاں بانہواں وچ چلے گئے نیں، کوئی پاپ نئیں رکھدے ۔ ایہہ سچ تے ٹھیک جواب اے ۔ ایس لئی پئی یسوع دا بپتسمہ تے سولی اُتے اوہدا لہو اوہناں لئی ساریاں پاپاں نوں مکا چُکے نیں جیہڑے خُدا دی راستبازی اُتےایمان رکھن دے راہیں مسیح وچ نیں ، اوہناں لئی پاپ نوں رکھنا بوہت اوکھا اے ۔ ایس لئی اوہ جیہڑے مسیح وچ نیں سچ مُچ پاپ نئیں رکھدے ۔ ایہہ سچ اے— پئی اوہناں لئی کوئی پاپ نئیں اے جیہڑے مسیح وچ نیں — جیہڑا ہُن پانی تے رُوح دے کلام وچ ہیگا اے تے ایسے طرحاں پاپ دے مسئلے بارے کوئی اوکھی گل نئیں اے ۔ جدوں تُسیں پانی تے رُوح دی خوشخبری دے راہیں وکھائی گئی خُدا دی راستبازی اُتے ایمان رکھدے او ، تُسیں وی سچ مُچ راستباز بن سکدے او ۔ پانی تے رُوح دی خوشخبری نوں جانو تے ایمان رکھو جیہڑی اپنے آپ وچ خُدا دی راستبازی رکھدی اے ۔ فیر تُسیں پاک راستباز بن جاوو
گے جیہڑے مسیح وچ جیوندے نیں ۔
فرض کرو پئی ساڈے اُتے کوئی اوکھا مسئلہ آجاندا اے ۔ جے اسیں سچ مُچ اوس مسئلے دا حل لبھنا چاؤہندے آں ، سانوں لازمی طور اُتے دکھاں تے مصیبتاں توں ہٹ کے جواب لبھدیاں رہنا چاہی دا اے جنہاں نوں اسیں جردے آں ۔ ایسے طرحاں ، اوہ جیہڑے یسوع اُتے ایمان رکھدے نیں تے حالے تیک اوہدے وچ نئیں رلے ، اوہناں نوں لازمی طور اُتے پانی تے رُوح دی خوشخبری وچ وکھائی گئی خُدا دی راستبازی لبھنی چاہی دی اے ۔
کئی لوک مسیحیت نوں جگ دے بوہتیاں دیناں وانگر سمجھدے نیں ،تے اپنے پاپاں دا حل ایہو جیہے خُدائی خیالاں مثال طور اُتے ہولی ہولی پاکیزگی دے خُدائی خیال نوں جانن تے ایمان رکھن دے راہیں لبھن دی کوشش کردے نیں۔ پر اوہ بوہت چھیتی سوچن گے پئی نہ ایہو جیہے خُدائی خیال نہ ای اوہناں دی ذاتی راستبازی اوہناں نوں پاپ توں پاک کر سکدی اے ۔ ایہدی تھاں اُتے اوہناں نوں لبھ جاوے گا پئی اوہناں دا پاپاں دا مسئلہ سوکھے طریقے نال پانی تے رُوح دی خوشخبری اُتے ایمان رکھن دے راہیں حل ہو سکدا اے ۔
جے تُسیں کھرے مسیحی بننا چاؤہندے او، تہانوں لازمی طور اُتے اپنے دل وچ پانی تے رُوح دی خوشخبری اُتے ایمان رکھن دے راہیں خُدا دی راستبازی نوں پاؤنا چاہی دا اے ۔ پر دینی لوک ایہو جیہے خیال مثال طور اُتے ہولی ہولی پاکیزگی دے خُدائی خیال تے توجیہ دے خُدائی خیال نوں مِنن دے راہیں مطلب اے اپنے نیکی دے کماں نال اپنے پاپ دے سارےمسئلیاں نوں حل کرن دی کوشش وچ خُدا دی راستبازی نوں پاؤن دی کوشش کردے نیں ۔ ایس طرحاں دا ایمان توبہ دیاں دعاواں اُتے بھروسہ کردا اے، جیہڑا اخیریں اوہناں نوں اوہناں دی پکی بربادی توں چھڈا نئیں سکدا ایس لئی پئی اوہ بوہتےتوں بوہتے پاپی بن جاندے نیں ، جدوں کدی اوہ اپنے پاپاں نوں ویکھدے نیں جد پئی ایہو جیہاں دعاواں نوں وسیلہ بناؤندے نیں ۔
پر اوہ جیہڑے پانی تے رُوح دی خوشخبری اُتے ایمان رکھدے نیں ، بھاویں اوہ اپنے بدن وچ ماڑے ہوسکدے نیں ، خُدا دی راستبازی اُتے ایمان رکھن دے راہیں پاپ دے سارے مسئلے حل کر چُکے نیں ۔ اوہ جیہڑے ایمان رکھن دے راہیں خُدا دی راستبازی پا چُکے نیں ، اِنج اپنے دلاں وچ کوئی پاپ نئیں رکھدے تے ایس طرحاں اوہناں دے خلاف کوئی سزا نئیں ہیگی ۔
ایس لئی پئی خُدا دی راستبازی یسوع وچ اے
آیت ۲آکھدی اے ،” ایس لئی پئی حیاتی دے رُوح دی شریعت نے مسیح یسوع وچ مینوں پاپ تے موت دی شریعت توں چھڈادتااے۔ “ خُدا بندے نوں دو قانون دے چُکیا اے ، یسوع وچ حیاتی دی رُوح دی شریعت تے پاپ تے موت دی شریعت ۔ جویں پولُس سانوں دسدااے ، حیاتی دی رُوح دی شریعت سانوں ساڈے سارے پاپاں توں، پاپ تے موت دی شریعت توں چھڈا چُکی اے ۔ تہانوں لازمی طور اُتے نویں حیاتی پاؤن لئی پولُس دے راہیں دسی گئی ایس سچیائی دا احساس کرنا تے ایہنوں سمجھنا چاہی دا اے ۔ ایہہ سچیائی ایس جگ وچ ہر کسے اُتے برابری نال لاگُو ہوندی اے ۔
اسیں، وی ،حیاتی دی رُوح دی شریعت اُتے ایمان رکھن دے راہیں پاپ تے موت دی شریعت توں چھٹ گئے آں ؛ نئیں تاں ، اسیں پاپ تے موت دی شریعت ہیٹھاں اپنی پکی بربادی تیک اپڑ گئے ہوندے ۔ پر اپنے دلاں وچ یسوع وچ خُدا دی راستبازی اُتے ایمان رکھن دے راہیں — جیہڑا یسوع دا بپتسمہ تے سولی اُتے اوہدا لہو اے — اسیں اوہدی راستبازی پا چُکے آں ، حیاتی دی رُوح دی شریعت دے ہیٹھاں آ گئے آں ، تے اپنے لئی بنائی گئی ہمیش دی حیاتی پا چُکے آں ۔ فیر ، تُسیں کتھے پانی تے رُوح دی خوشخبری لبھ سکدے او جیہڑی تہاڈے سارے پاپ معاف کر سکدی اے ؟ ایہہ بپتسمے وچ ہیگی اے جیہڑا یسوع نے یوحنا کولوں لیا تے سولی وچ جیہدے اُتے اوہنے اپنا لہو وگایا ۔ دوجے اکھراں وچ ، خُدا دی راستبازی پانی تے رُوح دی خوش خبری وچ ہیگی اے ۔
فیر خُدا دی راستبازی دی خوشخبری کیہ اے جیہڑی سانوں موت تے پاپ دی شریعت توں چھڈاؤندی اے ؟ ایہہ خوشخبری ہیگی اے پئی ساڈا خُداوند ایس دھرتی اُتے جمیا ، تیس ورہے دی عمر وچ اپنے آپ اُتے جگ دے سارے پاپ چُکن لئی یوحنا کولوں بپتسمہ لیا ، سولی اُتے مرگیا ، تے مویاں وچوں جیوں اُٹھیا ، سارا کجھ سانوں ساڈے پاپاں توں چھڈاؤن لئی — ایہہ خُدا دی راستبازی اُتے مبنی خوشخبری اے ۔
خُدا ، جان دے ہویاں پئی سارے لوک اپنی کمی دے سبب پاپ کرن دے قیدی سن ، سارے پاییاں نوں اوہناں دے پاپاں توں بچاؤن لئی مکتی دی خوشخبری اوہناں نوں دین دے سبب ارادہ بنا چُکیا اے جیہڑی اوہناں نوں موت دے پاپ دی شریعت توں چھڈا سکدی اے ۔ ایہہ مختصر طور تے یوحنا کولوں یسوع دے بپتسمے تے سولی اُتے اوہدے لہو وچ پائی جان والی فدیہ دی خوشخبری اے ۔ ایس خوشخبری اُتے ایمان رکھن دے راہیں ، سارے لوک پاپاں دی موت دی شریعت توں چھٹ سکدے نیں — خُدا دی ایہہ راستبازی حیاتی دی شریعت اے جیہڑی سارے لوکاں نوں اوہناں دے سارے پاپاں توں چھڈا چُکی اے ۔
خُدا نے لوکاں نوں شریعت دا کلام دتا تے تیار کر چُکیا اے پئی اوہدی شریعت دے مطابق جیوندے رہن دی کوئی وی ناکامی پاپ ہووےگی ۔ اوسے ویلے ، خُدا نے اک شریعت وی تیار کیتی اے جیہڑی پاپیاں نوں اوہناں دے پاپاں توں چھڈا سکدی اے ۔ مکتی دی ایہہ شریعت خُدا دی راستبازی وچ لُکی ہوئی سچیائی اے ، فضل دی شریعت جیہڑی اوہناں ساریاں نوں ہمیش دی حیاتی دیندی اے جیہڑے اوہدے اُتے ایمان رکھدے نیں ۔ فدیہ دی شریعت جیہڑی خُدا نے سارے لوکاں لئی بنا ئی اے پانی تے رُوح دی خوشخبری وچ ایمان دی شریعت اے— ایہو ای سبب ہیگا اے پئی ، یسوع دا بپتسمہ تے اوہدا صلیبی لہو — تےایہہ ایمان حیاتی دی شریعت اے جیہڑی اوہناں نوں خُدا دی راستبازی پوا سکدی اے ۔
فیر کیہڑا ایس حیاتی دی شریعت دے خلاف کھلو سکدا اے؟ ہر کوئی جیہڑا خُدا ولوں دتی گئی پانی تے رُوح دی خوشخبری اُتے ایمان رکھدا اے ، جگ دے سارے پاپاں توں چھٹ جاوے گا تے ایس ایمان دے سبب اوہ خُدا دی راستبازی پاوے گا ۔
کویں خُدا تہانوں حیاتی دی رُوح دی شریعت دے چُکیا اے ؟ ایس دھرتی اُتے اپنے پُتر یسوع نوں گھلن دے سبب ، اک کواری توں جمن ، یوحنا کولوں اوہدے بپتسمے دے راہیں اوہدے اُتے جگ دے سارے پاپ لدن دے راہیں ، ایہناں پاپاں دی دیہاڑی دے بدلے اوہنوں سولی اُتے مارن دے راہیں ،تے اوہدے مویاں وچوں جیوں اُٹھن دے سبب— اِنج جگ دے سارے پاپاں نوں مکاؤندے ہویاں تے یسوع نوں پاپیاں دا مکتی داتا بناؤندے ہویاں خُدا نے حیاتی دی رُوح دی شریعت دتی اے ۔ اوہناں ساریاں لئی جیہڑے ایس سچیائی اُتے ایمان رکھدے نیں ، خُدا معافی تے نویں حیاتی دے چُکیا اے تے ایہہ حیاتی دی رُوح دی شریعت اے جیہڑی سانوں دتی گئی اے ۔
فیر ،پاپ تے موت دی شریعت کیہ اے؟ ایہہ حکم نیں جیہڑے خُدا نے لوکاں نوں دتے نیں ۔ خُداولوں تیار کیتی گئی شریعت ”کروتے نہ کرو“ اُتے اوہدے حکم کھول کے دسدی اے تے ایہناں حکماں نوں نہ منن دی کوئی حرکت اوہنو ں اک پاپی بناوے گی ، جیہدے مرن دی دیہاڑی دوزخ وچ سزا دے
راہیں دتی جانی چاہی دی اے ۔
ایس طرحاں ہر کوئی موت دی شریعت دے ہیٹھاں رکھیا گیا سی ، پر یسوع مسیح اپنے بپتسمے تے سولی اُتے وگائے گئے لہو نال سانوں موت دی ایس شریعت توں چھڈا چُکیا ۔کوئی اک وی نئیں ہیگا پر یسوع جیہڑا پاپیاں نوں اوہناں دے پاپاں توں بچا سکدا اے ،ہو ر کوئی دوجا طریقہ نئیں ہیگا سگوں اوہدے راہیں دتی گئی پانی تے رُوح دی خوشخبری دے راہیں جیہڑی سانوں ساڈے سارے پاپاں توں چھڈا سکدی اے۔ ایس لئی تہانوں لازمی طور اُتے جاننا تے ایمان رکھنا چاہی دا اے پئی یسوع کویں تہانوں بچاؤن لئی ایس دھرتی اُتے آیااے ، تے خُدا دی راستبازی کیہ اے ۔
اج کل ، پر ، بوہتے لوک ہیگے نیں جیہڑے یسوع اُتے ایمان دا اقرار کردے نیں تے شریعت دی بوہت چوکھی کھلی تعلیم جان دے نیں — جیہڑی، پاپ تے موت دی شریعت اے — تے فیر وی پانی تے رُوح دی خوشخبری نوں اُکا نئیں جان دے جیہڑی اوہناں نوں اوہناں دے سارے پاپاں توں چھڈا چُکی اے ۔ بوہتے حالے تیک ایس تعلیم دے گھاٹے وچ یسوع اُتے ایمان رکھدے رہندے نیں ۔ ایہدے توں سانوں دِسدا اے پئی صرف کنے چِر تیک پانی تے رُوح دی خوشخبری لُکی رہی اے ۔ پانی تے رُوح دی ایہہ خوشخبری اوس توں وکھری اے جیہڑی صرف صلیبی ایمان اُتے مبنی اے ۔ بوہتے لوک صرف یسوع دے صلیبی لہو نوں بوہت خاص سمجھدے نیں ، پر پاک کتاب سانوں دسدی اے پئی یسوع نے سولی اتے لہووگایا ایس لئی پئی اوہنے جگ دے سارے پاپاں نوں جدوں اوہنے یوحنا کولوں بپتسمہ لیا چُک لیا سی، تے جدوں اوہ سولی اُتے چڑھیا اوس ویلے نئیں چُکیا سی ۔
تہانوں لازمی طور اُتے سوچنا چاہی دا اے پئی تعلیم وچ ایہہ فرق اسمان تے دوزخ وچ جان وچکار سارافرق بناؤندااے ۔ ایہہ خورے اک نکے جیہے فرق وانگر نظر آسکدااے ، پر دو سوچاں ڈونگھیائی وچ اک دوجے توں فرق نیں ، خاص کرکے وکھ وکھ نتیجے رکھدیاں نیں ۔ جدوں تُسیں اپنے مکتی داتا وانگر یسوع اُتے ایمان رکھن دی آس رکھدے او ، تہانوں لازمی طور اُتے اپنے ایمان نوں پانی تے رُوح دی خوشخبری دا مرکز بناؤنا چاہی دا اے ۔ صرف اِنج کر کے تُسیں اپنے سارے پاپاں توں چھٹ سکدے او ۔ تے حالے تیک سارے بوہت چوکھے لوک جیہڑے یسوع اُتے اپنے ایمان دا اقرار کردے نیں اج کل خُدا دی راستبازی توں انجان ای رہندے نیں ۔
ایہو جیہے لوک خُدا دے اگے سارے دے سارے مطلب اے اینے گھٹ پاپ کرن د ی
کوشش کرن دے سبب جنہے ہو سکدے نیں تے اپنے آپ پاک ہون دی کوشش کرن دے سبب کھلون دی کوشش کردے نیں ۔ پر خُدا دی راستبازی ایہو جیہی شے نئیں ہیگی اے جیہڑی بندے دے اپنے خیالاں ، کوششاں یاں کماں دے راہیں مل سکدی اے ۔ صرف فدیہ دی سچیائی اُتے ایمان رکھن دے سبب جیہڑی پانی تے رُوح دی خوشخبری وچ لُکی ہوئی اے، کوئی بندہ خُدا دی راستبازی پا سکدا اے ۔ اوہناں دا ایمان جیہڑے شریعت دے پچھے چلن دے راہیں اپنے آپ نوں پاک کرن دی کوشش کردے نیں ،بے عقلیاں والا ایمان اے ۔ کوئی بندہ نئیں ہیگا اے جیہڑا شریعت دیاں ساریاں شرطاں پوریاں کر سکدا اے ۔
یسوع دے بدن وچ پاپ نوں سزا دین دے سبب
آیت ۳ آکھدی اے،” ایس لئی پئی جیہڑاکم شریعت بدن دے راہیں ماڑے ہوندیاں ہویاں نہ کر سکی اوہ خُدا نے کیِتامطلب اے او ہنے اپنےپُترنوں پاپ بھرے بدن دے روپ وچ تے پاپ دی قربانی لئی گھل کے بدن وچ پاپ دی سزا دا حکم دتا ۔ “ سانوں ایس حوالے وچوں پتہ لگدااے پئی صرف کنی وضاحت نال پولُس دی پانی تے رُوح دی شریعت دی گواہی اے ۔ ایتھے ، پولُس سانوں دسدا اے پئی کویں خُدا باپ نے جگ دے سارے پاپ یسوع اُتے رکھے : ” مطلب اے اوہنے اپنے پُترنوں پاپ بھرے بدن دے روپ وچ تے پاپ دی قربانی لئی گھل کے بدن وچ پاپ دی سزا دا حکم دتا ۔ “
ایہدا مطلب ہیگا اے پئی جدوں ایہہ آکھدی اے پئی خُدا نے بدن وچ پاپ دی سزادا حکم دتا؟ ایہدا مطلب ہیگا اے پئی خُداباپ نے اپنے اکلے پُتر نوں ایس دھرتی اُتے گھلیا، یوحنا کولوں اوہنوں بپتسمہ دلوایا ، اوہدے بدن اُتے جگ دے سارے پاپ لدن لئی ، تے اِنج ہمیش لئی ایمانداراں دے سارے پاپ مکا دتے ۔ ایسے لئی ایہہ آکھدی اے پئی ” ایس لئی پئی جیہڑاکم شریعت ۔۔۔۔۔ نہ کر سکی اوہ خُدا نے کیِتا “ خُدا نے جگ دے سارے پاپاں نوں اوہناں نوں اپنے پُتر اُتے لدن دے سبب مکا دتا ۔ تے اوہنوں سولی اُتے مرن لئی چھڈن تے اپنی موت توں جیوں اُٹھن دے راہیں ،سارے پاپ مک گئے ۔
ایہہ سچیائی دی خوشخبری اے جیہڑی تہانوں بچاؤندی اے ،تے ایہہ خوشخبری پانی تے رُوح دی
خوشخبری اے ۔ ساڈے خُدا نے یوحنا ۳: ۵ وچ نیکُدیمس نوں کیہ آکھیا ، ”جدوں تیک کوئی بندہ پانی تے رُوح نال نہ جمے اوہ خُدا دی بادشاہی وچ جا نئیں سکدا ۔ “مختصر ایہہ خوشخبری اے ۔ ایہہ خوشخبری جیہڑی خُدا دی راستبازی وکھاؤندی اے اوس ویلے ظاہر ہوئی سی جدوں یسوع نے یوحنا کولوں بپتسمہ لیا،سولی اُتے لہو وگایا تے مویاں وچوں جیوں اُٹھیا ۔
متی ۳ : ۱۵ آکھدا اے ،”یسوع نے جواب وچ اوہنوں (یوحنا بپتسمہ دین والے)نوں آکھیا، ’ ہُن توں ہون ای دے ایس لئی پئی ساڈے لئی ایسے طرحاں ساری راستبازی نوں پوریاں کرنا چنگا اے ۔‘ ایس طرحاں اوہنے ہون دتا ۔ “ ایہہ حوالہ خُدا دی راستبازی دی تے یسوع وچ ایہدے وچ وکھالی دین دی گواہی دیندا اے ۔ جدوں یسوع گلیل توں یردن دے دریا اُتے آیا تے یوحنا بپتسمہ دین والے کولوں بپتسمہ لین دی کوشش کیتی ، یوحنا پہلوں ، ایہہ پچھدے ہویاں ، اِنج کرن توں مُکر گیا ، ” میَں آپ تیرے کولوں بپتسمہ لین دی آس رکھدا ہاں تے تُوں میرے کول آیا ایں؟ “ پر یسوع نے اُتلے حوالے دے راہیں کرخت بولی وچ یوحنا نوں حکم دتا ، ” ہُن توں ہون ای دے ایس لئی پئی ساڈے لئی ایسے طرحاں ساری راستبازی نوں پوریاں کرنا چنگا اے ۔“
فیر ،” ساری راستبازی نوں پوریاں کرنا “ دا کیہ مطلب اے ؟ ایہدا مطلب ہیگا اے پئی یسو ع نے اپنے آپ اُتے یوحنا کولوں لَئے گئے اپنے بپتسمے دے راہیں جگ دے سارے پاپاں نوں چُک لیا ۔ جدوں یسوع آپ بپتسمہ لین دے بعد پانی وچوں اُتے آیا ،اسمان اوہدے لئی کھُل گیا تے خُدا دا رُوح کبوتر وانگر اُتریا۔ فیر، ”تے ویکھو اسمان وچوں ایہہ آواز آئی پئی ایہہ میرا سوہنا پُتر اے جیہدے توں میَں خوش آں ۔ “خُدا یسوع دے بپتسمے توں خوش سی جیہدے راہیں اوہنے اپنے آپ اُتے جگ دے سارے پاپ چُک لَے ۔ ایتھے اسیں خُدا باپ ، بیٹا ،پاک رُوح دے تِنے لوک اکٹھے ویکھدے آں ، باپ ،بیٹا تے پاک رُوح ،جیہڑے سارے لوکاں نوں اوہناں دے پاپاں توں بچاؤن تے ایہہ وعدہ پورا کرن دا فیصلہ کر چُکے نیں ۔
پاک کتاب سانوں دسدی اے پئی اسمان یسوع لئی کھُل گیا جدوں اوہنے بپتسمہ لیا ، مطلب اے اسمانی آواز نے ایہہ اعلان کیتا ، ” ایہہ میرا سوہنا پُتر اے جیہدے توں میَں خوش آں ۔ “ایہہ آکھنا اے پئی ، خُدا باپ ایس سچیائی توں خوش سی پئی اوہدے پُتر نے اپنے آپ اُتے یوحنا کولوں بپتسمہ لین دے راہیں اکو ای وار جگ دے سارے پاپاں نوں چُک لیا ۔ ایس لئی پئی یسوع نے ایس طرحاں بپتسمہ لیا سی ، تے ایس لئی پئی اوہدے بپتسمے دے راہیں جگ دے سارے پاپ اوہدے پِنڈے اُتے لدے گئے سن ،اوہنے سولی اُتے مرن تے مویاں وچوں جیوں اُٹھن دے راہیں ساری راستبازی نوں پورا کیتا ۔
دوجے اکھراں وچ ، یسوع نے خُدادی ساری راستبازی پوری کرن لئی یوحنا کولوں بپتسمہ لیا ۔فیر اوہ سولی اُتے مرگیا ۔ ایہہ بپتسمہ تے ایہہ موت خُدا دی ساری راستبازی پوری کرن لئی بوہت لوڑی دے سن۔ یسوع نے اپنے آپ اُتے بپتسمہ لَے کے جگ دے سارے پاپ چُک لَے ۔ تے ایہہ اوہ سبب ہیگا اے پئی کویں اوہ سولی اُتے لہو وگا سکدا سی ۔ تے مویاں وچوں جیوں اُٹھن دے راہیں ، اوہنے خُدا دی ساری مرضی پوری کیتی ۔
” خُدا دی ساری راستبازی“دا مطلب سارے لوکاں نوں اوہدے سارے پاپاں توں چھڈاؤن دا کم اے ۔ ایہہ راستبازی دا کم پورا کرن لئی ، یسوع نے اپنے بپتسمے نال سارے لوکاں دے پاپ چُک لَے تے سولی اُتے لہو وگایا ۔ خُدا دی ساری راستبازی سب توں چنگے تے ودھیا طریقے دے راہیں پوری ہوئی سی ۔ بپتسمہ ،لہوتے یسوع دا جیوں اُٹھنا خُدا دی راستبازی کیہ اے ، پورا کردے نیں ۔ تے خُدا دی ایہہ راستبازی، ساڈے دلاں وچ خُدا دی چوکھی راستبازی رکھدےہویاں سانوں بے پاپ بنا چُکی اے ۔ خُدا باپ ، بیٹا، پاک رُوح نے ایہدا ارادہ بنایا، یسوع نے ایہنوں پورا کیتا ،تے پاک رُوح ایتھوں تیک پئی حالے تیک ایس راستبازی دی گواہی دیندااے ۔ تہانوں لازمی طور اُتے کلام اُتے ایمان رکھنا چاہی دااے پئی خُدا نے گھلیا ، ” مطلب اے اوہنے اپنے پُترنوں پاپ بھرے بدن دے روپ وچ تے پاپ دی قربانی لئی گھل کے بدن وچ پاپ دی سزا دا حکم دتا ۔ “
اپنے آپ کولوں پُچھو۔ اپنے آپ کولوں پُچھوکیہ تُسیں سوچدے او تُسیں سچ مُچ سارے دے سارے اپنی بقایا حیاتی وچ شریعت دے سارے حکماں پچھے چل سکدے او ۔ بنا ں شک ، تُسیں اوہناں نوں منن دی اپنی بوہت کوشش کروگے ، پر تُسیں ساری دے ساری شریعت دے مطابق جیوندے رہن دے کدی لائق نئیں ہوووگے ۔ جدوں تُسیں شریعت دے نکے جیہے حکم نوں توڑدے او ، تُسیں ساری شریعت نوں توڑدے پئے او (یعقوب ۲: ۱۰)،تے ایہو ای سبب ہیگا اے پئی ہر کوئی کسے چارے توں اڈ شریعت دے ہیٹھاں اک پورے پاپی وانگر مُک جاندا اے ۔
تُسیں خورے شریعت پچھے چلن لئی اپنی آس وچ پکے ہو سکدے او تے اپنے چوکھی کوشش کردے او ، پر خُدا دی راستبازی جیہڑی اوہ ساڈے توں چاؤہندا اےکدی شریعت پچھے چلن دے راہیں نئیں مل سکدی ۔ تہانوں لازمی طور اُتے سوچنا چاہی دا اے پئی اکلا سبب ،کاہدے لئی خُدا نے سانوں اپنی شریعت دتی ایہہ ہے،ایس لئی پئی اسیں اپنے پاپاں نوں پچھان سکیے ۔ ایس لئی پئی اسیں اپنے بدن وچ ماڑے آں ، کوئی وی ایہدی پوری حد تیک خُدا دی شریعت پچھے نئیں چل سکدا ۔
ایہہ سبب ہیگا اے پئی خُدانے سانوں ساڈے پاپاں دی ڈونگھیائی تیک چھڈاؤن لئی ، ایس دھرتی اُتے اپنا پُتر گھلیا تے ساریاں دے پاپ چُکن لئی یوحنا کولوں اوہنوں بپتسمہ دلوایا۔ دوجے اکھراں وچ ،اوہدے بدن وچ اوہنوں بپتسمہ دلواؤن دے راہیں ، جگ دے سارے پاپ اوہدے پِنڈے اُتے رکھ دتے گئے ۔ ایس لئی پاک کتاب سانوں دسدی اے پئی خُدا نے یسوع دے ، ”بدن وچ پاپ دی سزا د ا حکم دتا ۔“تے ایہہ اوہ سبب ہیگا اے پئی کویں خُدا نےسانوں بے پاپ بنایا اے ۔
سانوں لازمی طور اُتے جاننا تے ایمان رکھنا چاہی دا اے پئی خُدا نے ساڈے پاپاں نوں کویں مکایا اے ۔ اپنے پُتر نوں یوحنا ، سارے لوکاں دے نمائندے کولوں ، بپتسمہ دلواؤن دے راہیں خُدا نے ساڈے سارے پاپ یسوع اُتے لد دتے ۔ فیر اوہ جگ دے سارے پاپاں نوں سولی اُتے لَے گیا ،تے ساڈی تھاں اُتے اوہناں دا مُل اتارن لئی ،لہو وگایا تے ایہدے اُتے مرگیا ۔ تے مویاں وچوں اپنے جیوں اُٹھن دے راہیں ، اوہنے اوہناں ساریاں لئی مکتی داراہ کھول دتا جیہڑے اوہدے اُتے ایمان رکھدے نیں ۔ ایس طرحاں خُدا نے ارادہ بنایا اے تے اِنج پاپ توں ساڈی مکتی نوں پورا کیتا اے ۔
ایس لئی سانوں لازمی طور اُتے اپنے دلاں وچ ایمان رکھنا چاہی دا اے پئی یسوع دا بپتسمہ تے سولی اُتے اوہدا لہو ساڈے چھٹکارے لئی لوڑی دے سن ۔ اوہ جیہڑے خُدا دی راستبازی اُتے ایمان رکھدے نیں اوہناں نوں لازمی طور اُتے بوہت یقین نال یسوع دے بپتسمے تے اوہدی صلیبی لہو اُتے ایمان رکھنا چاہی دا اے ۔
تہانوں وی ، لازمی طور اُتے ایہدے مطابق اپنے سارے پاپاں دی معافی پاؤن لئی تے سارے دے سارے راستباز بنن تے بے پاپ بنن لئی ایمان رکھنا چاہی دا اے ۔تہانوں لازمی طور اُتے ٹھیک طریقے نال سمجھنا چاہی دا اے پئی کویں خُدا نے تہاڈے پاپاں نوں معاف کیتا اے ،تے اوہدی مرضی دےپچھے چلو تے خُدا دے اگے اپنیاں ذاتی کوششاں اُتے ایمان رکھن دی تھاں اُتے ایہدے اُتے ایمان رکھو ۔
Copyright © 2021 by The New Life Mission