Search
Pусский
Pусский
Из-за COVID-19 и перебоев в работе международной почтовой
службы мы временно приостановили нашу услугу «Бесплатные печатные книги».
В сложившейся ситуации мы сейчас не можем отправлять вам книги по почте.
Молитесь, чтобы эта пандемия скоро закончилась и работа почтовой службы возобновилась.

Вопрсы о Христианской Вере

Тема 3: Откровение

3-9. کیہڑا نظریہ ٹھیک اے: دکھ جرن توں پہلوں چُکے جان دا نظریہ،یا دکھ جرن توں بعدوں چُکے جان دا نظریہ؟ کیہ پاک لوک وڈے دکھ جرن وچکار اودوں تیکر زمین اُتے ہون گے ؟

مسیحیت دی تاریخ ول دھیان کردے ہویاں ، اسیں ویکھ سکدے آں پئی جھوٹھیاں دی بوہت وڈی بھیِڑ موجودہ زمانے تیکر کھلو چُکی اے ۔ مُکاشفہ دی کتاب دی تشریح کرن تے اپنے دلی طریقیاں نال چُکے جان دے ویلے دا حساب کردے ہویاں ، ایہہ جھوٹھے  لوک چُکے جان دے دن دی اک خاص تاریخ مقرر کر چُکے نیں تے سکھان لئی  ورت چُکے نیں پئی خُداوند واپس آئے گا تے پاک لوک اوہناں دے چُنے ہوئے ایس دن وچ چُک لَئے جان گے ۔
پر ، ایہوجیہے سارے دعوے  فضول طریقے نال مک گئے ۔ اوہناں ساریاں وچوں اک  سانجھی خوبی ایہہ ہیگی اے پئی معاشرے دے سارے طبقیاں لئی اوہ سارے دکھ جرن توں پہلوں چُکے جان دے نظریے دی وکالت  کردے نیں ۔ اپنے پچھے چلن والیاں نوں ایہہ آکھدیاں ہویاں پئی اوہناں دی دنیا وچ جائیداداں بالکل کسے کم نئیں آؤن گئیاں ایس لئی پئی اوہ سارے چُک لَئے جان والے نیں تے دکھ جرن توں پہلوں وَا وِچ چُک لَئے جان گے ، ایہناں جھوٹھیاں نیں بوہت ساریاں لوکاں نوں دھوکہ دتا تے اوہناں دیاں پیسے دھیلے والیاں جائیداداں نوں اوہناں کولوں کھوہ لیا ۔
سانوں  لازمی سوچنا چاہی دااے پئی ایہہ ، ایس دنیا دے سارے لوکاں نوں دھوکہ دین تے اوہناں نوں ایہناں جھوٹھیاں دے راہیں اپنے خادم بنان دی کوشش کردے ہویاں  شیطان دی چالاکی والا طریقہ اے ۔
پاک لوکاں لئی سب توں بوہتا کیہ اہم اے ،تے  کیہدے بارے وچ  سب توں بوہتے  حیران نیں ، ایہہ سوال ہیگا اے پئی پاک لوکاں دا چُکیا جانا کدوں واقع ہوئے گا ۔ مُکاشفہ   ۱۰ : ۷سانوں دسدااے ،  ” سگوں ستویں فرِشتے دی اواز دین دے سَمے وِچ جد اوہ تُرہی پُھوکن لگّے گا۔ تے خُدا دا بھیت اوس خُوشخبری دے سببّوں جیہڑی اوس اپنے بندیاں نبیاں نُوں دِتّی سی پُورا ہوئے گا۔“ ایہدا ایہہ مطلب ہیگا اے پئی جد پئی ایہہ ایتھے فرماندا اے ، ”خُدا دا بھیت ۔۔۔پورا ہوئے گا “؟  ”خُدا دا بھیت “پاک لوکاں دے  چُکے جان توں علاوہ کسے دوجی گل بارے  نئیں دسدا ۔
خُدا دیاں ست تُرہیاں دیاں آفتاں وچوں چھیویں دے مکن دے بعدوں ، مُخالفِ مسیح زمین  اُتے
نکلے گا ، دنیا اُتے راج کرے گا تے ہر کسے نوں پشُو دا ٹھپہ لوان بارے آکھے گا ۔ اوہدے دکھ دین نال پاک لوک شہید ہون گے ۔ ایہہ ستویں تُرہی دے پھوکن دے تھوڑے چر بعدوں ہوئے گا ، جیہڑے نکتے اُتے دونویں شہید ہون والے پاک لوکاں تے بچ جان والے پاک لوک جنہاں نیں اپنے ایمان دی راکھی کیتی ،جیوں اٹھن گے تے چُکے جان گے ۔
جد ستویں تُرہی پھوکی جائے گی ، تاں خُدا ایس زمین اُتے آفت نئیں لیائے گا ؛ سگوں ایہدی بجائے ، ایہہ اوہ زمانہ اے جد پاک لوکاں دا چُکیا جانا واقع ہوئے گا ۔ چُکے جان دے  بعدوں ، خُدا فوراً ایس زمین اُتے ست پیالیاں دیاں آفتاں لُدن لئی اُٹھے گا ۔ ایس طرح ، جد خُدا دے ست پیالیاں دیاں آفتاں دا زمانہ آئے گا، پاک لوک ایس زمین اُتے نئیں ہون گے ،سگوں خُداوند نال وَا  وِچ ہون گے ۔ سانوں ساریاں نوں لازمی سوچنا چاہی دا اے پئی پاک لوک  دا چُکیا جانا  واقع ہوئے گا جد ستواں فرشتہ  اخیری تُرہی پھوکے گا ۔
پر ، ایتھوں تیکر پئی ہُن بوہت سارے مسیحی  دکھ جرن توں پہلوں چُکے جان دے نظریے اُتے ایمان رکھنا جاری رکھدے نیں ۔ ایس لئی پئی اوہناں دا ایمان قدرتی بربادیاں دے آؤن مُخالفِ مسیح دے نکلن لئی تیار نئیں ہوئے گا ، اوہ اخیریں شیطان تے مُخالفِ مسیح دے خلاف اپنی روحانی جنگ ہار جان گے ، اوہدے قیدی ہو جان گے ، تے دنیا دے نال نال برباد ہو جان گے ۔
وڈے دکھاں دے ست ورہیاں دے زمانے دا پہلاساڈھے تِن ورہیاں دا زمانہ ست  تُرہیاں دیاں  آفتاں دا زمانہ اے ، جد ایہہ دنیا قدرتی بربادیاں نال  فناہ ہو جائے گی ۔ تریجا حصہ سورج تے تریجا حصہ تارے ہنیرا ہو جان گے ؛ ایس زمین دے تریجا حصہ جنگل سڑ جان گے ؛ تے تریجا حصہ سمندرلہو بن جائے گا ، ایس وچ زندگی دیاں تریجا حصہ شیواں نوں  مکاندے ہویاں ؛ اسمانوں شہاب ِ ثاقب ڈِگن گے ، تریجا حصہ پانی نوں ناگ دَونا بنا دین گے ؛تے بوہت سارے لوک ، نتیجے طور نال ، ایس سب دے سببوں مر جان گے ۔ دنیا ایہناں آفتاں نال  ویران ہو جائے گی ، یعنی قوماں اُتے قوماں ، ریاستاں اُتے ریاستاں حملے کرن گئیاں ، تے جنگاں ہر تھاں ہوندیاں رہن گئیاں ۔
ایسے طرح ، جد مُخالفِ مسیح نکلے گا تے ایہو جیہے بے ڈہنگے حالاں وچ ایہناں ساریاں مسئلیاں نوں حل کرے گا ، بوہت سارے لوک اوہدے پچھے چلن گے تے اِنج ایس زمین اُتے بوہت خطرناک آفت لیاؤن گے ۔
ایس لئی ایہہ دنیا اک سیاسی طور نال اکٹھی بین الاقوامی تنظیم ،یعنی اک انتظامی نظام دے وجود نوں ویکھے گی جیہڑی قوماں دیاں اکٹھیاں دلچسپیاں دا رواج بنائے گی ۔ ایہہ بین الاقوامی طور نال اکٹھا راج مُخالفِ مسیح دے نکلن نال شیطان دے وس  پَے جائے گی ، تے ایہو جیہاراج ہو جائے گا جیہڑا خُدا تے اوہدے پاک لوکاں دے خلاف  کھلوئےگا ۔ ایس بین الاقوامی اکٹھے راج دا راجا ساریاں قوماں اُتے  بادشاہی تے راج کرے گا ،تے اخیریں مُخالفِ مسیح وانگر کم کرے گا ۔ اوہ ،جیہڑا شیطانی طاقت نال کم کردا اے ، خُدا دا ویری ،تے ابلیس دا قیدی اے ۔
شیطان ہُن ، لوکاں نوں سچے خُدا اُتے ایمان رکھن توں روکدیاں ہویاں تے لوکاں نوں ایہدی بجائے اپنے آپ نوں خُداوانگر پوجا کرن لئی مجبور کردیاں ہویاں اپنے اصلی رنگ وکھائے گا ۔ایس سببوں ، اوہ اوہناں اگے بوہت سارے نشان وکھائے گا ، تے دنیا دے بے وس تے بے ترتیب بادشاہی دے معاملیاں نوں اکو ہتھ وچ شیطانی طاقت نال حل کرے گا ،تے اِنج ہر کسے دا دل بنھ لوے گا ۔
اخیر وچ، اوہ اپنی شکل وانگر بُت بنائے گا تے لوکاں نوں ایہدی خُداوانگر پوجا کرن لئی آکھے گا ۔ تے دکھ جرن دے ایس زمانے وچ  ہر کسے نوں  اپنے راج ہیٹھ  لیاؤن لئی ، اوہ لوکاں نوں  چاہےاوہناں دے سجے ہتھاں یا متھیاں اُتے اپنا ٹھپہ لوان لئی مجبور کرے گا ، تے اوہناں ساریاں نوں سوداگری توں روکے گا جیہڑے ایہہ   ٹھپہ نئیں لواندے ۔ اوہ اوہناں ساریاں نوں قتل وی کرے گا جیہڑے اوہدی پوجا کرن توں مکر دے نیں ،کوئی معنی نئیں رکھدا اوہ کنے سارے ہو سکدے نیں ۔ ایسے طرح ، ہرکوئی جیہدا ناں حیاتی دی کتاب وچ نئیں لکھیاہویا سارے پشُو دا ٹھپہ لواندے ہویاں تے پوجا کردے ہویاں مک جان گے ۔
پر ، پاک لوک نا مُخالفِ مسیح دے اگے جھکن گے نا ای اوہدا ٹھپہ لوان گے ۔ایس لئی پئی پاک رُوح اوہناں دے دلاں وچ رہندا اے ، کوئی نئیں سگوں قادرِ مطلق خُدا ہمیشہ اوہناں دی پوجا دا مقصد تے اوہناں دا خُدا ہو سکدا اے ۔ ایس لئی پاک لوک شیطان تے مُخالفِ مسیح دی پوجا کرن تے اوہدے قیدی بنن توں مکرن گے ، ایہدی بجائے اپنے ایمان وچ شہید ہون گے تے اِنج اوہناں اُتے فتح پاؤن گے ۔
جویں مُکاشفہ۱۳: ۱۰ سانوں دسدا اے ، ” جِہنُوں قید ہون والی اے اوہ قید وِچ پَوے گا۔ جیہڑا تلوار نال قتل کرے گا اوہ ضرُور تلوار نال قتل کِیتا جائے گا۔ پاک لوکاں دے صبر تے اِیمان دا ایہو ویلا اے۔ “ جد مُخالفِ مسیح اپنے آپ نوں ظاہر کردا اے تے لوکاں نوں اپنا ٹھپہ لوان لئی مجبور کردا اے ، وڈے دکھ جرن دے پہلے ساڈھے تِن ورہے لنگھ گئے ہون گے ، تے دوجے ساڈھے تِن ورہے شروع ہوگئے ہون گے ۔ اودوں پاک لوک مُخالفِ مسیح دے ہتھوں تنگ کیتے جان گے تے شہید ہون گے ۔
پر مُخالفِ مسیح دا طاقت ودھانا تے اوہدا پاک لوکاں نوں تنگ کرنا صرف تھوڑے  چر لئی خُدا دی اجازت نال اے ، ایس لئی پئی خُداوند اپنے پاک لوکاں لئی دکھ جرن دے زمانے نوں  گھٹ کرے گا ۔ ایس ویلے ، پاک لوک اپنے ایمان دی راکھی لئی مُخالفِ مسیح دے خلاف لڑن تے اپنی شہاد ت نال اوہدے اُتے فتح پاؤن دے راہیں خُدا نوں جلال دین گے ۔
وڈے دکھ جرن دے پہلے ساڈھے تِن ورہیاں وچوں لنگھن دے بعدوں ، نویں سریوں جمے ہوئے پاک لوکاں نوں ایس زمین اُتے اپنی شہادت دے ویلے تیکر زندہ رہنا اے جد دکھ جرن دا دوجا ادھا حصہ شروع ہوئے گا ۔ ایس لئی اوہناں نوں لازمی شیطان تے مُخالفِ مسیح دے خلاف لڑنا چاہی دا اے تے اپنے ایمان نال اوہناں نوں فتح پاؤنی چاہی دی اے ۔ ایس لئی مُکاشفہ  سانوں دسدا اے پئی خُدا اوہناں نوں بہشت دیوے گا جیہڑے فتح پاؤندے نیں ۔ ایسے طرح ، وڈے دکھ جرن دے پہلے ساڈھے تِن ورہے لنگھن تے مُخالفِ مسیح دے نکلن توں  پہلوں ، پاک لوکاں نوں لازمی خُدا دی کلیسیا وچ، ساڈے خُدا وند دی راکھی تے اگوائی وچ ودھیرا ایمان رکھنا چاہی دا اے ۔
ایس لئی لوکاں نوں لازمی مسیحی جماعتاں وچ ودھائی ہوئی شیطان دی ایس جھوٹھی تعلیم توں چھٹنا چاہی دا اے ، جیہڑی دکھاں نوں جرن توں پہلوں چُکے جان دا نظریہ اکھواؤندی اے ،تے ہُن پانی تے رُوح دی خوشخبری اُتے ایمان رکھن دے راہیں ،اوہناں ساریاں نوں لازمی اپنے پاپاں توں معافی پاؤنی چاہی دی اے ، نویں سریوں جمناچاہی دا اے ، تے خُدا دی کلیسیا وچ رَلنا چاہی دا اے ۔ صرف تاں اوہناں دا ایمان وڈے دکھاں  نوں جرن دے پہلے ساڈھے تِن ورہیاں لئی خُدا دی کلیسیا دے راہیں ودھے پھُلے گا ، تے صرف اوس  ویلے اوہ ایس طرح دا ایمان رکھن دے لائق ہون گے جیہدے نال اوہ مُخالفِ مسیح نال لڑ سکدے نیں تے اپنی شہادت نوں قبول کرسکدے نیں جد ڈاہڈے دکھاں نوں جرن دا  زمانہ آئے گا ۔