[11-18] តុតាំងនំប៉័ង (ក្ខមនំ ៣៧:១០-១៦)

យើងត្រូវតែធ្វើជាអ្នកបរិភោគនំប៉័ងជីវិត ដោយការដាក់គែមមួយនៅក្នុងចិត្តរបស់យើង

តុតាំងនំប៉័ង ដែលជាប្រដាប់ប្រដាមួយនៅក្នុងរោងឧបោសថ ត្រូវបានធ្វើពីឈើនាងនួន និងស្រោបដោយមាសសុទ្ធ។ វាមានបណ្តោយប្រវែង២ហត្ថ (៩០ សង់ទីម៉ែត្រ) ទទឹងប្រវែង១ហត្ថ (៤៥ សង់ទីម៉ែត្រ) និងកម្ពស់១.៥ហត្ថ (៦៧.៥ សង់ទីម៉ែត្រ)។ គេតែងតែដាក់នំប៉័ងចំនួនដប់ពីរដុំនៅលើតុតាំងនំប៉័ង ជានិច្ច ហើយមានតែពួកសង្ឃប៉ុណ្ណោះ ដែលអាចបរិភោគនំប៉័ងនេះបាន (លេវីវិន័យ ២៤:៥-៩)។ 
លក្ខណៈពិសេសនៃតុតាំងនំប៉័ងមានដូចជា៖ វាមានគែមកម្ពស់មួយទះនៅជុំវិញ មានកែមមាសព័ទ្ធជុំវិញគែមនេះ និងកងមាសចំនួន៤ត្រូវបានដាក់នៅជ្រុងទាំងបួន ហើយកងមាសទាំងនោះសម្រាប់ស៊កឈើស្នែងដែលត្រូវបានធ្វើពីឈើនាងនួន និងស្រោបដោយមាស ដើម្បីសែងតុនេះ។ ហើយប្រដាប់ប្រដានៅលើតុនេះមានដូចជា ចាន ផ្តិល ប៉ាន់ និងពែងថ្វាយតង្វាយច្រូច ដែលត្រូវបានធ្វើពីមាសទាំងអស់។ 
និក្ខមនំ ៣៧:១១-១២ កត់ត្រាថា «ក៏ស្រោបដោយមាសសុទ្ធ ហើយធ្វើកែមមាសនៅជុំវិញ គាត់ក៏ធ្វើគែមកំពស់១ទះនៅជុំវិញតុនោះ ហើយនៅគែមនោះក៏ធ្វើកែមមាសនៅជុំវិញដែរ»។ តុតាំងនំប៉័ងនៅក្នុងទីបរិសុទ្ធនៃព្រះ មានគែមមួយកម្ពស់មួយទះ ហើយនៅជុំវិញគែមនេះត្រូវបានដាក់កែមមាសមួយ។ ហេតុអ្វីព្រះបានបង្គាប់ឲ្យលោកម៉ូសេដាក់គែមនេះ? គែមដែលមានកម្ពស់មួយទះនេះ គឺប្រហែល ១០ សង់ទីម៉ែត្រ សម្រាប់ការពារនំប៉័ងមិនឲ្យធ្លាក់ពីតុ។ 
ដោយសារមានតែពួកសង្ឃប៉ុណ្ណោះ ដែលអាចបរិភោគនំប៉័ងនៅលើតុតាំងនំប៉័ងនេះបាន យើងត្រូវតែធ្វើជាអ្នកដែលអាចបរិភោគនំប៉័ងនេះខាងវិញ្ញាណបានវិញ។ ហើយមានតែអ្នកដែលបានសង្រ្គោះចេញពីបាប និងទទួលបានជីវិតអស់កល្បជានិច្ច ដោយការជឿលើបុណ្យជ្រមុជរបស់ព្រះយេស៊ូវគ្រីស្ទ និងព្រះលោហិតទ្រង់នៅលើឈើឆ្កាងប៉ុណ្ណោះ ដែលអាចបរិភោគនំប៉័ងនេះបាន។ នៅក្នុងន័យផ្សេង មានតែអ្នកដែលជឿតាមដំណឹងល្អអំពីទឹក និងព្រះវិញ្ញាណប៉ុណ្ណោះ ដែលអាចបរិភោគនំប៉័ងនេះបាន។
ដោយសារគែមមួយដែលមានកម្ពស់មួយទះ ត្រូវបានដាក់ជាពិសេសនៅជុំវិញតុតាំងនំប៉័ងនៅក្នុងរោងឧបោសថ វាធានាថា នំប៉័ងនឹងមិនធ្លាក់ចុះពីតុឡើយ។ ហើយនៅរៀងរាល់ថ្ងៃសាប្ប័ទ គេដាក់នំប៉័ងទើបតែធ្វើហើយក្តៅៗនៅលើតុនោះ។ ដូច្នេះ យើងត្រូវតែយកចិត្តទុកដាក់ជាពិសេសចំពោះការពិតថា គែមកម្ពស់មួយទះនៅជុំវិញតុតាំងនំប៉័ង ហើយថា គែមនោះត្រូវបានស្រោបដោយកែមមាសមួយ។
គែមនៃតុតាំងបំប៉័ងកំពុងតែបង្រៀនយើងថា យើងត្រូវតែប្រកាសខ្ជាប់នៅក្នុងចិត្តតាមព្រះបន្ទូលនៃសេចក្តីពិត ដែលផ្តល់សេចក្តីសង្រ្គោះដល់យើង និងជីវិតអស់កល្បជានិច្ច។ វាប្រាប់យើងថា យើងអាចមានសេចក្តីជំនឿខាងវិញ្ញាណលើសំពត់ខ្លូតទេសវេញយ៉ាងខ្មាញ់ និងអំបោះពណ៌ផ្ទៃមេឃ ពណ៌ស្វាយ និងពណ៌ក្រហម ដែលត្រូវបានប្រើសម្រាប់ទ្វាររោងឧបោសថបាន លុះត្រាតែយើងជឿលើបុណ្យជ្រមុជរបស់ព្រះយេស៊ូវគ្រីស្ទ និងព្រះលោហិតរបស់ទ្រង់នៅលើឈើឆ្កាង។ ហើយការបើកសម្តែងនេះប្រាប់យើងថា មានតែអ្នកដែលជឿតាម សេចក្តីពិតដែលត្រូវបានបើកសម្តែងនៅក្នុងសំពត់ខ្លូតទេសវេញយ៉ាងខ្មាញ់ និងអំបោះពណ៌ផ្ទៃមេឃ ពណ៌ស្វាយ និងពណ៌ក្រហមនេះប៉ុណ្ណោះ ទើបអាចធ្វើជាកូនរបស់ព្រះបាន។ 
ដោយសារបើសិនយើងមិនជឿតាមរបៀបនេះទេ យើងមិនអាចមានទំនាក់ទំនងជាមួយព្រះអម្ចាស់បានឡើយ ទើបយើងដែលចង់បរិភោគនំប៉័ងជីវិត ត្រូវតែមានសេចក្តីជំនឿដែលជឿតាមដំណឹងល្អអំពីទឹក និងព្រះវិញ្ញាណ ដែលត្រូវបានបើកសម្តែងនៅក្នុងសំពត់ខ្លូតទេសវេញយ៉ាងខ្មាញ់ និងអំបោះពណ៌ផ្ទៃមេឃ ពណ៌ស្វាយ និងពណ៌ក្រហម។ ហើយយើងត្រូវតែជឿថា មានតែដំណឹងល្អអំពីទឹក និងព្រះវិញ្ញាណនេះប៉ុណ្ណោះ ដែលជាសេចក្តីពិតនៃសេចក្តីសង្រ្គោះដ៏ពិតប្រាកដ។ សរុបមក ព្រះកំពុងតែបង្គាប់ឲ្យយើងដាក់គែមនៃសេចក្តីជំនឿនៅក្នុងចិត្តរបស់យើង ដើម្បីកុំឲ្យព្រះបន្ទូលនៃសេចក្តីសង្រ្គោះរសាត់ចេញពីយើង។ 
ដំណឹងល្អអំពីទឹក និងព្រះវិញ្ញាណនេះត្រូវបានផ្តល់ឲ្យយើង តាំងពីសម័យពួកជំនុំដំបូងមកម៉្លេះ។ ចាប់ពីសម័យពួកជំនុំដំបូងមកដល់បច្ចុប្បន្ននេះ ព្រះបានលាងសម្អាតអំពើបាបរបស់អ្នកដែលជឿតាមដំណឹងល្អនេះ។ ឥឡូវនេះ ដូចពីមុនដែរ យើងអាចមើលឃើញថា ព្រះសង្រ្គោះព្រលឹងរបស់អ្នកដែលជឿតាមសេចក្តីពិតនៃដំណឹងល្អអំពីទឹក និងព្រះវិញ្ញាណនេះ។ យើងបានសង្រ្គោះ ដោយការជឿតាមសេចក្តីពិត ដែលមាននៅក្នុងទ្វាររោងឧបោសថ ហើយព្រះបានជួយឲ្យយើងអាចរស់នៅខាងវិញ្ញាណ ដោយដាក់គែមមួយនៅក្នុងចិត្តរបស់យើង។
តាមរយៈសេចក្តីជំនឿរបស់យើងតាមដំណឹងល្អអំពីទឹក និងព្រះវិញ្ញាណ ដែលព្រះអម្ចាស់បានប្រទានឲ្យ យើងបានទទួលជីវិតអស់កល្បជានិច្ច ដោយតាមរយៈដំណឹងល្អនៃសេចក្តីពិតនេះ យើងអាចបរិភោគនំប៉័ងជីវិតជាមួយអ្នកដទៃបាន ហើយយើងក៏អាចបម្រើព្រះរាជកិច្ចដ៏បរិសុទ្ធរបស់ព្រះបានផងដែរ។ ទោះបីជាយើងជឿតាមដំណឹងល្អអំពីទឹក និងព្រះវិញ្ញាណក៏ដោយ បើសិនយើងមិនប្រកាន់ខ្ជាប់តាមសេចក្តីពិតនៃដំណឹងល្អនេះ ហើយបាត់បង់វា នោះយើងក៏នឹងបាត់បង់ជីវិតរបស់យើងដែរ។ ដូច្នេះ យើងត្រូវតែដាក់គែមនៃសេចក្តីជំនឿនៅក្នុងចិត្តរបស់យើង ដោយការបន្តសញ្ជឹងគិតអំពីដំណឹងល្អអំពីទឹក និងព្រះវិញ្ញាណ ដោយសេចក្តីជំនឿជានិច្ច។ 

នៅក្នុងចិត្តរបស់យើង ត្រូវតែមានសេចក្តីជំនឿដែលជឿតាមដំណឹងល្អដែលមាននៅក្នុងអំបោះពណ៌ផ្ទៃមេឃ ពណ៌ស្វាយ និងពណ៌ក្រហម

ពួកព្ធយុកោនៃសេចក្តីជំនឿរបស់យើងក៏បានជឿតាមដំណឹងល្អដែលយើងជឿតាមនៅពេលនេះដែរ

សាច់របស់ព្រះអម្ចាស់គឺជានំប៉័ងជីវិត និងនំប៉័ងនៃការអត់ទោសបាប