Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
مضمون 9: رومیوں (رومیوں دی کتاب اُتے تفسیر)
[8-10 باب] غلط خُدائی تعلیم <رومیوں ۸: ۲۹ ۔۳۰>
>رومیوں ۸: ۲۹ ۔۳۰<
”ایس لئی جنہاں نوں اوہنے پہلوں تو ں جانیاں اوہناں نوں پہلوں تو ں مقرروی کیتا پئی اوہدے پُتر وانگر ہون تاں پئی اوہ بوہتیاں بھراواں وچ پلیٹھی دا ٹھہرے ۔ تے جنہاں نوں اوہنے پہلوں توں مقرر کیتا اوہناں نوں بلایا وی ،تے جنہاں نوں بلایا اوہناں نوں راستباز وی ٹھہرایا تے جنہاں نوں راستباز ٹھہرایا اوہناں نوں جلال وی دتا۔“
ایہہ حوالے سانوں دسدے نیں پئی خُدا لوکاں نوں یسوع مسیح وچ بچاؤن لئی پہلوں توں مقررکر چُکیا اے ۔ اِنج کرن لئی ،خُدااوہناں نوں مسیح وچ بُلاچُکیا اے ، اوہناں نوں راستباز ٹھہرایا ، جنہاں نوں اوہنے بلایا ،تے اوہناں نوں جلال دتا جنہاں نوں اوہنے راستباز ٹھہرایا ۔ پاک کتاب دی ساری نیہ دا ارادہ بنایا گیا اے تے یسوع مسیح دے اندرکم کیتا گیا اے ۔رومیوں دا خط سانوں ایہہ دسدااے ،پر بوھت سارے خُدائی تعلیم دے ماہر تے جھوٹے خادم ایس کھری تے سدھی سچیائی نوں جھوٹی خُدائی تعلیم وچ بدل چُکے نیں ، جیہڑی اوہناں دے دلی خیالاں تے دل دیاں ریجھاں وچ ہیگی اے تے ریجھاں نال اینوں ودھاؤندے نیں ۔ ہُن اسیں اپنا دھیان جانچن ول لاؤندے آں پئی کنے سارے ایس سچیائی نوں غلط سمجھدے نیں ۔
کئی خُدائی تعلیم دے ماہر ایس حوالے وچوں ۵ خاص خیالاں نوں پیش کردے نیں : ۱)سائنس توں پہلوں ، ۲)پہلوں توں مقرر کرنا ،۳)اثر کرن والا بلاوا،۴)توجیہ، تے۵)جلال ۔ ایہہ پنج خُدائی خیال ”مکتی دی سونے والی کڑی “وانگر جانے جاندے نیں تے سچیائی وانگر دونواں ایمانداراں تے بے ایماناں وچ اِکو جیہے ودھائے گئے نیں ۔ پر اوہنے دے دعوے غلطیاں بھرے نیں ۔
سارے پنج خُدائی خیال بولدے نیں پئی خُدانے کیہ کیتا اے۔ ” خُدا نوں پہلوں ای پتہ سی ، اوہنے پہلوں ای چُنیا ، پہلوں ای بلایا ، راستباز ٹھہرایا تے کسے نوں جلال دتا ۔ “ پر پہلوں توں مقرر کرن والا خُدائی خیال ایہو جیہا خُدا ئی خیال اے جیہڑا دعویٰ کردااے پئی خُدا نے شرطوں اَڈ اوہناں نوں چُن چکیا اے جنہاں نوں اوہ ایتھوں تیک پئی اوہناں دے جمن توں پہلوں بچاوےگا ۔ پر پاک کتاب دی پہلوں توں مقررکرن دی سچیائی سکھاؤندی اے پئی خُدا پاپیاں نوں اوہناں اُتے اپنی محبت برساؤن دے راہیں اپنے پُتر بنا چُکیااے ۔ اِنج اوہناں نوں چُنن دے بعدوں ،خُدا اوہناں نوں بلا چُکیا ،راستبازٹھہرا چُکیاتے اوہناں نوں جلال دے چُکیا اے ۔
پہلوں توں مقررکرن تے چُنن دی خُدائی تعلیم بارے وچ غلطی
مسیحی خُدائی تعلیم وچ ،اسیں جون کیلون دے راہیں ودھائے گئے کیلون پرستی دے ” پنج وڈے خُدائی خیال “ویکھ سکدے آں ۔ اوہناں وچوں پہلوں توں مقرر کرن والا خُدائی خیال تے چُنن دا خُدائی خیال ا ے ۔ ہیٹھاں والی گل بات وچ ،میَں ایناں خُدائی خیالاں دی پاک کتاب مطابق غلطیاں دساں گا تے پانی تے رُوح دی خوشخبری دی گواہی دیواں گا ۔
چُنن دا خُدائی خیال اک خُدائی تعلیم دے ماہر جیہدانام جان کیلون سی ، اوہدے توں شروع ہویا ۔ بنا شک خُدا کیلون دے ویلے توں بوہت پہلوں یسوع مسیح وچ چُنن دے بارے وچ بولیا ، پراوہدی چناؤ دی خُدائی تعلیم نے بوہتیاں نوں پریشان کیتا اے ۔ ایہہ جھوٹی خُدائی تعلیم خُدا دی محبت دیاں حداں بناؤندی اے تے اوہدےبارے انھے وابےچجے طریقے نال دسدی اے ۔ خاص گل کردے ہویاں ، خُدا دی محبت وچ نہ تاں حداں تے نہ ای قیداں نیں ، تے ایسے طرحاں ، پہلوں توں مقرر کرن والی خُدائی تعلیم جیہڑی خُدا دی محبت اُتے ایہو جیہاں حداں بناؤندی اے پئی کُجھ نئیں ہو سکدی سگوں غلط اے ۔ پر سچ ایہہ ہیگا اے پئی اج یسوع دے بوہت سارے ایماندار ایس خُدائی تعلیم نوں قدرتی تے برباد کرن والی وانگر قبول کر چُکے نیں ۔
پہلوں تو ں مقرر کرن والی ایس خُدائی تعلیم دے خیالاں نے بوہتیاں دلاں اُتے حکومت کیتی اے ، جویں ایہہ خُدائی تعلیم اوہناں لئی چنگی اے جیہڑے فلاسفی نوں پسند کردے نیں ،تے ، ایسے طرحاں ،اوہناں دے دلاں اُتے ،ایہنوں اوہناں لئی ایمان دے لائق بناؤندے ہویاں اوہناں اُتے حکومت کردی اے ۔ خُدائی تعلیم دعویٰ کردی اے پئی جگ نوں بناؤن توں پہلوں ، خُدا نے شرطوں اڈ لوکاں نوں پہلوں تو ں مقرر کیتا تے چُنیا ، جد پئی دوجے ایس چُنےجان وچ پہلوں توں مقررہون لئی چھڈ دتے گئے سَن ۔ جے ایہہ خُدائی تعلیم سچی اے تاں اوہ لوک جیہڑےچُنے نئیں کیتے گئے ، خُدا دے خلاف احتجاج کرن دی نیہ رکھن گے ،تے اوہ اک ناانصاف تے ظالم خُدا وچ بدل جاوےگا ۔
ایہناں خُدائی تعلیماں دے سبب ، اج دی مسیحیت پریشانی وچ ڈِگ پئی اے ۔ نتیجہ دے طور اُتے ، بوھتے مسیحی دکھڑے جردے پئے نیں جد پئی حیران ہوندے ہویاں ، ” کیہ میَں چُنیا گیا ہاں ؟ جے خُدا مینوں جگ بناؤن توں پہلوں مقررکرچُکیا سی ، یسوع اُتے ایمان رکھن دا کیہ فائدہ اے؟ “ اوہ بوھتی دلچسپی لین وچ مُک جاندے نیں کیہ اوہ خُدا دے چُنے جان وچ شامل سَن یاں کڈھے گئے سَن ۔ ایس سبب توں پہلوں توں مقررکرن والی خُدائی تعلیم یسوع اُتے ایمان رکھن والیاں وچ بوہت چوکھی پریشانی بنا چُکی اے ، جویں اوہ پانی تے رُوح دی سچی خوشخبری جیہڑی خُدا ولوں دتی گئی اے ، دی تھاں اُتے اپنے چُنے جان دے سوال لئی بوہت چوکھی لوڑ دسدے نیں ۔
ایہہ خُدائی تعلیم مسیحیت دی سچیائی نوں صرف جگ دے دوجے دیناں وچ بدل چُکی اے ۔ پر ساڈے لئی ہُن ایہناں جھوٹیاں تعلیماں نوں مسیحیت وچوں خوشخبری نال باہر کڈھن داویلا اے جنہے خُدا دی راستبازی دے گواہی دتی اے ۔ایسے طرحاں ، تہانوں لازمی طوراُتے پہلوں اپنے آپ وچ ویکھنا چاہی دا اے پئی کیہ پہلوں توں مقرر کرن والی خُدائی تعلیم ٹھیک ہیگی اے یاں نئیں ، تے اپنے سارے پاپاں توں پانی تے رُوح دی خوشخبری نوں جان کے ایمان رکھن دے راہیں مکتی پاوو۔ اوہ جیہڑے سچ مُچ خُدا دے راہیں چُنے گئے نیں اوہ نیں جیہڑے اوہدی راستبازی نوں جان دے تے ایمان رکھدے نیں۔
سچیائی دے راہیں بولیا گیا مقررہونا تے چُنیا جانا
افسیوں ۱ : ۳۔ ۵آکھدااے ، ”ساڈے خُداوند یسوع مسیح دے خُدا تے باپ دی وڈیائی ہووے جنہے سانوں مسیح وچ اسمانی تھاواں اُتے ہر طرحاں دی رُوحانی برکت دتی ۔ ایس لئی اوہنے سانوں جگ بناؤن توں پہلاں اوہدے وچ چُن لیا تاں پئی اسیں اوہدے نیڑے محبت وچ پاک تے بے پاپ ہوئیے ۔ تے اوہنے اپنی مرضی دے چنگے ارادے مطابق سانوں اپنے لئی مُڈھوں مقررکیتا پئی یسوع مسیح دے راہیں اوہدے لَے کے پالے پُتر بنئے ۔ “ ایس حوالے وچ دسیا گیا چناؤافسیوں وچوں ایہو جیہاچُنیاہویا ”اوہنے سانوں جگ بناؤن توں پہلاں اوہدے وچ(مسیح وچ) چُن لیا“ (افسیوں ۱: ۴ ) چناؤ اے ۔ ایہہ سانوں ایہہ وی دسدا اے پئی یسوع مسیح اک اکلے بندے نوں وی پاپ توں مکتی دے فضل توں کڈھ نئیں چُکیا اے ۔
ایس حوالے توں ، سانوں لازمی طور اُتے نتیجہ پاؤنا چاہی دا اے پئی پہلوں توں مقرر کرن دی خُدائی تعلیم نال بالکل کیہ غلط اے ۔ ایس خُدائی تعلیم دی خاص غلطی ایہہ ہیگی اے پئی ایہہ خُدا دے چُنے جان دی نیہ دے خلاف اے ۔ ایہدی نیہ کیہڑا مکتی یافتہ ہیگا اے یاں نئیں ، خُدا دے کلام وانگر نئیں سگوں ایہدی تھاں اُتے اوہدے انھےوا تے شرطوں اڈفیصلے اُتے بھروسہ کردی اے ۔
جے سانوں ایہو جیہے شرطوں اڈمقررہون تے چُنے جان دے منطق اُتے یسوع اُتے اپنے ایمان دی نیہ رکھنی سی ، کویں اسیں کدی اپنے ہڈاں پیراں دیاں بے یقینیاں تے پریشانیاں وچ یسوع اُتے ایمان رکھ سکدے ساں؟ کیلون پرستی جھوٹی خُدائی تعلیم دی منادی کردی اے جیہڑی منصف خُدا نوں غیر منصف تے نا انصاف خُدا وچ بدل دی اے ۔ کاہدے لئی کیلون نے ایہو جیہی غلطی کیتی ۔ ایس لئی پئی اوہنے خُدا دے پہلوں توں مقرر کرن وچوں ”یسوع مسیح وچ “ دی شرط کڈھ دتی ، تے غلطی بوھت پریشانی تے بوھتیاں دی غلط اگوائی کرن لئی ہوچکی اے ۔ پر پاک کتاب سانوں بالکل کھرا دسدی اے ، ”خُدا نے سانوں اپنے پُتر یسوع مسیح دے راہیں چُن لیا۔ “ (افسیوں ۱ : ۴)۔
جے، جویں ماہر کیلون پرست دعویٰ کردے نیں ، خُدا نے شرطوں اڈ کئیاں نوں اوہناں دا خُدا ہون دے سلسلے وچ چُنیا جد پئی دوجیاں نوں بغیر کسے سبب دے چھڈ دتا ، ایہدے توں بوھتا کیہ فضول کم ہو سکدا سی ؟ کیلون نے خُدا نوں بوھتیاں لوکاں دے دلاں وچ اک نا انصاف خُداوچ بدل دتا ۔پر پاک کتاب سانوں رومیوں ۳ : ۲۹ وچ دسدی اے ، ” کیہ خُدا صرف یہودیاں داای اے اوپریاں قوماں دا نئیں ؟ بنا شک اوپریاں قوماں دا وی اے ۔ “ خُدا ہر کسے دا خُداتے ساریاں دا مکتی داتا اے ۔
یسوع ساریاں دا مکتی داتا اے ۔ اوہنے اپنے آپ اُتے یوحناکولوں اپنے بپتسمے تے سولی اُتے اپنے لہو نال سارے لوکاں دے سارے پاپاں نوں چُکن دے راہیں ہر کسے نوں مکتی دتی (متی ۳ : ۱۵)۔پاک کتاب سانوں دسدی اے پئی مسیح نے اپنے بپتسمے نال جگ دے سارے پاپاں نوں چُکن تے اوہناں پاپاں نوں سولی اُتے لَے جان دے راہیں ہر پاپی نوں مکتی دتی ۔ (یوحنا ۱ : ۲۹)،مطلب اے ساڈی تھاں اُتے اوہناں پاپاں دی سزا پاؤن دے راہیں (یوحنا ۱۹)۔ یوحنا ۳ :۱۶سانوں ایہہ وی دسدااے ، ”ایس لئی پئی خُدا نے جگ نال اینی محبت رکھی پئی اوہنے اپنا اکلا پُتر دے دتا تاں پئی جیہڑا وی اوہدے اُتے ایمان لیاوے برباد نہ ہووے سگوں ہمیش دی حیاتی پاوے۔ “یسوع مسیح نے اپنے بپتسمے نال ہر کسے د ے پاپ چُک لَے ، سولی اُتے مرگیا ،تے خُدا دی راستبازی وچ سارے لوکاں لئی مویاں وچوں جیوں اُٹھیا ۔
ساڈی سُدھ بُدھ نوں پئی خُدا نے کناں نوں سدیااے نوں لازمی طور اُتے اوہدے کلام اُتے بھروسہ رکھنا چاہی دا اے ۔ اِنج کرن لئی ، آؤ اسیں رومیوں ۹ : ۱۰ ۔ ۱۱ دے حوالے اُتے دھیان کریے ، ”تے صرف ایہو ای نئیں سگوں رِبقہ وی اک بندے مطلب اے ساڈے باپ اضحاق توں حاملہ سی ۔ تے حالے تیک نہ تاں پُتر جمے سَن تے نہ اوہناں نیں نیکی یاں بدی کیتی سی پئی اوہنوں آکھیا گیا پئی وڈا نکے دی سیوا کرے گا ۔ تاں پئی خُدا دا ارادہ جیہڑا چُنےجان اُتےموقوف اے چنگے کماں اُتے بنیاد نہ رکھے سگوں سدے جان اُتے ۔ “
ایتھے اوہ آکھدااے پئی خُدا دا ارادہ قائم رہوے ”مطلب اے اوہدے اُتے جیہڑا سددا اے ۔ “ فیر ،کناں نوں خُدایسوع مسیح وچ بلا چُکیااے ؟ اوہ مختصر پاپی نیں جنہاں نوں خُدا بُلا چُکیااے ۔ عیسو تے یعقوب وچوں کہیدے نال خُدا نے محبت کیتی ؟ اوہنے یعقوب نال محبت کیتی ۔ خُدا عیسو ورگے لوکاں نال محبت نئیں کردا جیہڑا اپنی ذاتی راستبازی نال بھریاہویا سی ، پر اوہنے یعقوب ورگے پاپیاں نوں بلایا تے اوہناں نوں پانی تے رُوح دی خوشخبری دے راہیں نویں سریوں جمن دی اجازت دتی ۔ ایہہ خُدا دی راستبازی دی اصل مرضی سی جنہے یعقوب ورگے پاپیاں نوں محبت کرن تے یسوع مسیح دے راہیں بلاؤن لئی چُنیا ۔
ایس لئی پئی آدم ہر کسے دا وڈ وڈیرہ سی ، ایس لئی سارے پاپیاں دی اولاد وانگر پیدا ہوئے ۔ زبور ۵۱ و چ ،داؤد آکھدااے پئی اوہ پاپ وچ جمیا جدو ں اوہ اپنی ماں دے پیٹ وچ سی ۔ ایس لئی پئی لوک پاپیاں وانگر جم دے نیں ،اوہ اپنے ارادیاں دے مطابق پاپ کردے نیں ۔ اپنی ساریاں حیاتیاں وچ ، اوہ پاپ دے پھل پیداکردے رہندے نیں ، ایتھوں تیک پئی جدوں تیک اوہ مُک نئیں جاندے ۔مرقس ۷: ۲۱ ۔ ۲۷ سانوں دسدااے ، جویں سیب دا بوٹا سیب پیدا کردااے ، ناشپاتی دا بوٹا ناشپاتی پیدا کردااے ،اوسے طرحاں سارے لوک اپنی ساری حیاتیاں وچ پاپ وچ جیون دے پابندنیں ایس لئی پئی اوہ پاپ نال جم دے نیں ۔
تہانوں لازمی طور اُتے اپنی تمناواں دے خلاف پاپ کرن دا تجربہ پاؤنا چاہی دا اے ۔ایس لئی پئی شروع توں ،تسیں پاپی جمے سو ۔ لوک بھیڑے خیالاں دے نال رَل کے زناکاری ،حرامکاری ،خون ،چوری ، لالچ ، بدکاری ، دھوکے دینا ، گندے کم تے اپنے دلاں وچ دوجے ایہو جیہے پاپاں نال جم دے نیں ۔ ایس لئی ہر کوئی پاپ وچ اپنی حیاتی بسر کردااے ۔پاپ مالکی وچ ملدا اے ۔ایس لئی پئی اسیں پاپاں نال جمے ساں جیہڑے ساڈے وڈ وڈیریاں نے سانوں دتے سَن ، اسیں خاص طور اُتے پاپ وچ جیون لئی تیار کیتے گئے آں ۔ ایس سبب توں سانوں اپنے مکتی داتا وانگر یسوع اُتے ایمان رکھن دی تے خُدا دی راستبازی اُتے ایمان رکھن دی لوڑ اے ۔
فیر کیہ ایہدا مطلب اے پئی خُدا دا پہلاکم ، آدم ، ناکامی وچ مک گیا ؟ نئیں ، اوہ نئیں مکیا ۔ خُدا نے لوکاں نوں اپنے پُتر بناؤن دا فیصلہ کیتا ، ایس لئی اوہنے پہلاں بندے نوں پاپ وچ ڈگن دی اجازت دتی ۔ اوہنے خاص طور اُتے سانوں خُدا لئی بچاؤن دے سلسلے وچ پاپی بنن دی تے یسوع مسیح دے بپتسمے تے اوہدے لہو نال اپنے پُتر بنن دی اجازت دتی ۔ ایس لئی ، سانوں لازمی طور اُتے جاننا چاہی دا اے پئی اسیں کسے چارے توں اڈ پاپیاں وانگر جمے ساں ۔
ایس لئی خُدا نے جگ نوں بناؤن توں پہلوں ایس دھرتی اُتے یسوع مسیح نوں گھلن دا فیصلہ کیتا ، ایہہ جان دے ہویاں پئی سارے لوک پاپی بن جان گے ۔ فیر اوہنے یسوع اُتے بپتسمے دے راہیں جیہڑا یسوع نے یوحنا کولوں لیا ،اوہدے اُتے جگ دے سارے پاپ رکھے تے سولی اُتے مرن دتا ۔ دوجے اکھراں وچ ، اوہنے ہر کسے اُتے ایہہ اُنڈیلن دا فیصلہ کیتا جیہڑا پاپ توں مکتی دی برکت تے خُدا دے پُتر بنن اُتے ایمان رکھدا سی ۔ ایہہ خُدا دا منصوبہ اے تے لوکاں نوں پیداکرن لئی اوہدا مقصداے ۔
کئی لوک خورے اپنیاں غلط فہمیاں نال پُچھ سکدے نیں، ”یعقوب تے عیسو ول ویکھو ، کیہ اک نئیں چُنیا گیا تے دوجے نوں خُدا نے چھڈدتا ؟ “ پر خُدا نے شرطوں اڈ نئیں چُنیا جنہاں نیں یسوع مسیح توں باہر مکتی یافتہ ہون تے زور دیتا ۔ اوہنے خاص کر کے ہر کسے نوں یسوع مسیح دے راہیں اپنے پُتر بناؤن لئی چُنیا ۔ جدوں صرف پُرانے عہد نامے ول دھیان کردے پئے آں ،اسیں خورےتاثر لَے سکدے آں پئی خُدا نے صرف اک پاسے نوں چُنیا ، پر نویں عہد نامے نال ،اسیں غلطیوں اڈ ویکھ سکدے آں پئی اوہنے یعقوب وانگر لوکاں نوں یسوع مسیح دے راہیں سارے پاپیاں نوں بچاؤن لئی چُنیا ۔ سانوں لازمی طور اُتے کھلی سُدھ بُدھ رکھنی چاہی دی اے تے ایمان رکھنا چاہی دا اے پئی کنہاں نوں خُدا نے اپنے کلام نال بلایا اے ۔
عیسو تے یعقوب وچوں ، خُدا نے کنہوں بلایا تے محبت کیتی ؟ اوہنے یعقوب توں ہٹ کے کسے نوں نہ بلایا ، اک ایہو جیہا بندہ جیہڑا غلطیاں ، دھوکیاں تے بدیاں نال بھریا سی ، اوہدے نال محبت کرن تے اوہنوں خُدا دی راستبازی وچ بچاؤن لئی بلایا ۔ تہانوں وی ، لازمی طور اُتے ایس سچیائی اُتے ایمان رکھنا چاہی دا اے پئی ،خُدا باپ تہانوں اپنی راستبازی وچ یسوع مسیح دے راہیں بُلا چُکیا اے ۔ تہانوں لازمی طور اُتے سچیائی اُتے وی ایمان رکھنا چاہی دا اے پئی یسوع مسیح وچ پانی تے رُوح دی خوشخبری خُدا دی اصل راستبازی اے ۔
فیر کیوں، خُدا نے یعقوب وانگر ایہو جیہے لوکاں نوں چُنیا ؟ خُدا نے یعقوب نوں چُنیاایس لئی پئی اوہ سارے لوکاں دی ساری بدی دا نمائندہ سی ۔ خُدا دے راہیں یعقوب دا بلاوا اوہدی مرضی نال ٹھیک ملداہویا بلاوا سی ؛ خُدا دے کلام دے مطابق بلاوا مطلب اے ”اسیں یسوع مسیح وچ چُنے گئےساں ۔ “ ایہہ بلاوا سچیائی دے کلام نال پکا وی اے مطلب اے ”تاں پئی خُدا دا ارادہ جیہڑا چُنے جان اُتے چھڈیاگیا اے چنگے کماں اُتے بنیاد نہ رکھے سگوں سدے جان اُتے ۔ “
یسوع مسیح دے راہیں پاپیاں نوں بچاؤن دا طریقہ کامل طریقے نال اپنی محبت نال خُدا دی راستبازی نوں پورا کرنا سی ۔ ایہہ پاپیاں لئی خُدا دی راستبازی دے راہیں تیار کیتی گئی مکتی دی شریعت سی ۔ اوہناں نوں اپنی راستبازی دے لیڑے پوان لئی خُدا نے یعقوب وانگر لوکاں نوں سدیا جیہڑے بالکل اپنی راستبازی نئیں رکھدے سَن ،تے اوہ جنہاں نیں یسوع مسیح دے راہیں اوہدے بلاوے دا جواب دتا ۔
کیہ خُدا نے اوہناں نوں بلایا جیہڑے اپنے طور اُتے راستبازسَن تے جیہڑے صرف چنگے نظر آئے ، یاں کیہ اوہنے اوہناں نوں بلایا جیہڑے کوئی ذاتی راستبازی نئیں رکھدے سَن جیہڑے غلطیاں نال بھرے ہوئے سَن ؟ اوہ جنہاں نوں خُدا نے بلایا یعقوب وانگر لوک سَن ۔ خُدا نے بلایا تے اوہناں دے پاپاں دے سبب دوزخ لئی قید پاپیاں نوں بچایا ۔ تہانوں لازمی طور اُتے احساس کرنا چاہی دا اے بالکل اپنے جمن ویلے توں تُسیں وی پاپی رہ چُکے او ، جیہڑے خُدا دے جلال توں وکھ ہوگئے نیں تے ایسے طرحاں دوزخ لئی قید سَن ۔ دوجے اکھراں وچ ، تہانوں اوہدی سچی ذات نوں جانن دی لوڑ اے ۔ خُدا نے سارے پاپیاں نوں
یسوع مسیح دے راہیں بلایا تے اوہناں نوں اپنی راستبازی نال بچایا ۔
خُدا دے لوک اوہ نیں جیہڑے اوہدی راستبازی اُتے ایمان رکھن دے راہیں راستبازبنائے گئے نیں ۔ خُدا نے سارے پاپیاں نوں پہلوں توں مقررکرن لئی بلایا تے اوہناں نوں یسوع وچ چھڈاؤندااے ، تے اوہنے پورا کیتا پئی اوہ کیہ پہلوں توں مقررکر چُکیا سی ۔ ایہہ پہلوں توں مقررہونا اے تے یسوع مسیح وچ سچا چُنیا جانا اے جیہدے بارے وچ خُدا بولدا اے ۔
خُدا دے سچے چُنے جان نوں سمجھن لئی ، سانوں پہلوں لازمی طور اُتے چُنےجان دی ایس سچیائی نوں اگوں پچھوں سمجھن دی لوڑ اے ، جویں پُرانے عہد نامے وچ دسیا گیااے ۔
پُرانے عہد نامے وچوں خُدا دے چُنے جان دی وضاحت
پیدائش ۲۵ : ۲۱ ۔ ۲۶ سانوں یعقوب تے عیسو دی کہانی بارے دسدااے جدوں پئی اوہ حالے اپنی ماں ،ربقہ دے پیٹ وچ نیں ، دونواں وچوں خُدا نے یعقوب نوں چُنیا ۔ کیلون نے اپنے چُنے جان دے خُدائی خیال دی نیہ ایس حوالے اُتے رکھی ، پر اسیں چھیتی نال لبھاں گے پئی اوہدی دانائی خُدا دی مرضی توں وکھ ہو جاندی اے ۔ اک سبب ہیگا سی پئی کیوں خُدا نے عیسو توں بوہتی ، یعقوب نال محبت کیتی ۔ ایس سبب توں عیسو ورگے لوک خُدا اُتے بھروسہ کرن دی تھاں اُتے اپنے آپ اُتے بھروسہ کردے ہویاں ، اپنی آپ دی طاقتاں اُتے ایمان رکھن دے راہیں جیوندے نیں ، جد پئی یعقوب وانگر لوک خُدا دی راست بازی اُتے توکل تے بھروسے دے سبب جیوندے نیں ۔ جدوں اوہ آکھدا اے خُدا نے عیسو توں بوہتی یعقوب نال محبت کیتی ، ایہدا مطلب ہیگا اے پئی خُدا نے یعقوب ورگیاں لوکاں نال محبت کیتی ۔ ایس سبب توں اسیں ”یسوع مسیح دے راہیں“(افسیوں ۱ :۴)چُنے گئے ساں ۔
یسوع دے بغیر ”شرطوں اڈ چناؤ“تے خُدا دی راستبازی توں باہر ہونا صرف اک جھوٹی مسیحی خُدائی تعلیم اے ۔ ایہہ خیال مسیحیت وچ لیکھاں دے دیوتا نوں لیاؤن تے ایمان رکھن وانگر اے ۔ پر سچیائی سانوں دسدی اے پئی خُدا نے سارے پاپیاں نوں یسوع مسیح وچ چُنیا۔ ایس لئی پئی خُدا نے سارے پاپیاں نوں ”یسوع مسیح وچ“ بچاؤن لئی چُنیا ، اوہدا چناؤسچا چناؤ سی ۔ جے خُدا نےیعقوب نوں شرطوں اڈ طریقے نال چُنیا ہوندا تے عیسو نوں بے بنیاد طریقے نال رد کیتا ہوندا ،تاں اوہ ناانصاف خُدا بن گیا ہوندا ،پر اوہنے سانوں یسوع مسیح وچ بلایا تے بچاؤن لئی جنہاں نوں اوہنے بلایا ، اوہنے ایس دھرتی اُتے یسوع نوں ، اپنے بپتسمے نال جگ دے پاپاں نوں چُکن لئی ، جنہے خُدا دی راستبازی نوں پورا کیتا اے تے سولی اُتے اپنا مہنگالہو وگاؤن لئی گھلیا گیا ۔ ایس سبب توں خُدا نے سانوں چُنیا تے ساڈے نال یسوع مسیح دے راہیں محبت کیتی ۔
سانوں اپنے انسانی خیال رد کرن دی لوڑ اے تے پاک کلام اُتے ایمان رکھنا اے ، کتاب والا ایمان نئیں ، سگوں اپنے رُوحانی عقیدیاں اُتے ایمان رکھنا اے ۔ دوجے اکھراں وچ ، خُدا باپ نے ، سانوں یسوع مسیح دے راہیں چُنیا ۔ پر کویں کیلون خُدا دے چناؤ بارے گل کردا اے ؟ سچا ایمان پایاجاندااے جدوں کوئی جان دا تے خُدادی راستبازی اُتے ایمان رکھدااے ۔ بندیاں دے خیال اُتے سچے طریقے نال ایمان رکھنا بالکل اک بتاں نوں پوجن والے وانگر اے ، خُدا دی عبادت نئیں ۔
یسوع مسیح دے راہیں خُدا دی راستبازی اُتے ایمان رکھنا واضح طریقے نال پہلوں توں مقررکرن والی غلط خُدائی تعلیم اُتے ایمان رکھن توں فرق اے ۔ جے اسیں خُدا دے لکھے ہوئے کلام دے راہیں یسوع نوں نئیں جان دے تے ایمان نئیں رکھدے ، اسیں تکرار دے لائق صرف پسوآں توں وکھ نئیں ہوواں گے ۔ اسیں خُدا دے پُتراں وانگر ”یسوع مسیح وچ“ خُدا دی راستبازی دی مہر دے سبب چُنے گئے آں ۔ سانوں خُدا دے لکھے ہوئے کلام دے مطابق اپنے عقیدیاں نوں جانچنا چاہی دا اے ۔
کیلون پرستی دے پنج خُدائی خیالاں وچوں اک ”حدبندی دا فدیہ“ دے بارے وچ بولدااے ۔ ایہہ خُدائی خیال دعویٰ کردا اے پئی جگ دے بوہتیاں لوکاں وچوں ، کئی خُدا دی مکتی توں رد کیتے گئے نیں ۔ پر خُدا دی محبت تے اوہدی راستبازی اینی نا انصاف نئیں ہو سکدی ۔ پاک کتاب دسدی اے پئی خُدا ”چاؤہندااے پئی سارے لوک مکتی پاؤن تے سچیائی دی پچھان تیک اپڑن ۔“ (۱ ۔ تیمتھیس ۲ : ۴)۔جے مکتی دی برکت حد والی برکت سی جیہڑی کئیاں نوں دتی جاندی اے پر دوجیاں نوں اجازت نئیں ، بوہت سارے لوک ہون گے جیہڑے یسوع اُتے اپنے ایمان نوں چھڈ دین گے ۔اوہ جیہڑے ایہو جیہے جھوٹے خُدائی خیال اُتے ایمان رکھدے نیں ،اوہناں نوں لازمی پانی تے رُوح دی خوشخبری ول مُڑنا چاہی دا اے ، اپنے پاپاں توں مکتی پاؤنی چاہی دی اے تے اپنے مکتی داتا وانگر یسوع مسیح نوں جانن تے ایمان رکھن دے راہیں ہمیش دیاں حیاتیاں پاؤنیاں چاہی دیاں نیں ۔ خُدا ہر کسے نوں اپنی
راستبازی نال یسوع مسیح دے راہیں مکتی دے چُکیا اے ۔
جے بنا شک خُدا کئیاں نال محبت کر چُکیا اے تے دوجیاں نال نفرت کر چُکیا سی ، لوک خُدا ولوں کنڈ کر لین گے ۔ آؤ اسیں فرض کریے پئی خُدا ایتھے خُدا ہُنے کھلوتا ہویا اے ۔ جے خُدا نے کسے سبب توں اڈ اوہناں ساریاں نوں مکتی دین لئی چُنیا جیہڑے اوہدے سجے پاسے تے دوزخ لئی جیہڑے اوہدے کھبے پاسے کھلوتے سَن ، کیہ ایہہ انصاف ہووےگا ؟ اوہ جیہڑے اوہدے کھبے پاسے نیں کُجھ چُن نئیں سکدے سگوں خُدا دے خلاف ہوندے نیں ۔ جے خُدا ایہو جیہا سی ، فیر کیہڑا ایس جگ وچ اوہدی سیوا تے عبادت سچے خُدا وانگر کرے گا ؟ اوہ سارے جیہڑے شرطوں اَڈ طریقے نال خُدا لئی نفرت بھرے سَن ، احتجاج کرن گےتے جواب وچ ، اوہ وی خُدا نال نفرت کرن گے ۔ایتھوں تیک پئی ایس جگ دے جرم کرن والے لوک اپنے آپ دے اخلاق تے ضابطے رکھن لئی منے جاندے نیں ۔ فیر ، کویں ساڈا بناؤن والا ایناں ناانصاف ہو سکدااے ، تے کیہڑا ایہو جیہے نا انصاف خُدا اُتے ایمان رکھے گا ؟
ساڈے باپ نے اپنے پُتر یسوع مسیح وچ پائی جان والی خُدا دی راستبازی نال سارے پاپیاں نوں بچاؤن دا فیصلہ کیتا ۔ ایس سبب توں کیلون پرستی دی محدود فدیہ دی خُدائی تعلیم نوں خُدا دی راستبازی نال کوئی کم نئیں ہیگا اے۔ پر ایہو جیہی غلط خُدائی تعلیمات دے سبب ، بوھتے لوک بے نصیبی نال ، غلطی نال خُدا اُتے ایمان رکھدے ہویاں یاں اوس توں وکھ ہوندے ہویاں ، سارے اپنی دلی سُدھ بُدھ دے سبب بھٹکدے پئے نیں ۔
اک جھوٹی فلم
سٹیفن کنگز دا ناول جیہداسرنانواں ،”داسٹینڈ“ کُجھ ورہے پہلوں ٹی وی دی نکیاں لڑیاں وچ فلمایاگیاسی ،تے سارے جگ وچ بوہت پسند کیتا گیا ۔ ناول دی خاص کہانی ایس طرحاں کھلدی اے : ۱۹۹۱دے ورہے وچ ،اک دکھ امریکہ وچ آؤندااے ، صرف کُجھ ہزار لوکاں نوں جیوندے چھڈدے ہویاں ، جیہڑے خطرناک بیماری توں ”وکھ کیتے گئے“ نیں ۔ بچن والیاں وچوں ، اوہ جیہڑےبوھت پک نال خُدا دی سیوا کردے نیں بولڈر ، کلوریڈو، وچ ملدے نیں ، جدپئی اوہ جیہڑے ” کالے بندے“دی عبادت کردے نیں لاس ویگاس ، نیواڈا وچ کھچے جاندے نیں ۔ دونویں جھُنڈ دوجی وار وکھ وکھ معاشرے بناؤندے نیں ، جدوں تیک پئی اک نوں لازمی طور اُتے ، دوجے نوں برباد کرنا چاہی دا اے ۔
بچن والیاں وچکار ، اک گھبرو بندہ جیہدا نام سٹورٹ کئی واری سفنا ویکھدا اے پئی جگ دا اخیر آگیا اے ، تے اک وڈیری زنانی جیہدا نام ابیجیل اوہنوں اوہدے سفنیاں وچ خاص تھاں اُتے جان دے بارے وچ دسدی اے ، اوہنوں یا د کراؤندیاں ہویاں پئی خُدا نے اوہنوں پہلوں ای چُن لیا اے ۔ ایس فلم وچ ، خُدا نے اوس گھبرو بندے نوں بچایا ایس لئی پئی اوہنے اوہنوں بناؤن توں پہلوں مقرر کیتا ، ایتھوں تیک پئی جدوں اوہ خُدا یاں یسوع اُتے ایمان نئیں رکھدا سی ۔
فیر ، کیہ خُدا ، شرطوں اڈ طریقے نال اوہناں نوں بچاؤندااے جیہڑے بھاویں یسوع اُتے ایمان نئیں رکھدے ؟ بنا شک نئیں ۔ خُدا ہر کسے نوں اوہناں نوں بچاؤن لئی یسوع مسیح وچ پہلوں ای مقرر کر چُکیا اے جیہڑے اپنے پاپاں وچ اوہدی راستبازی اُتے ایمان رکھدے نیں۔
ایس کہانی دا مرکز کیلون دے پہلوں توں مقرر ہون تے چُنے جان دے خُدائی خیال اُتے نیہ رکھدا اے ۔ ایہہ فلم صرف اک کہانی اے جیہڑی صرف خُدائی خیال دے ماہر دے خُدائی خیال دا اک حصہ دسدی اے ۔ کویں خُدا انھے وا دوزخ گھلن دا تے فیر دوجیاں نوں مکتی دین لئی چُنن دا فیصلہ کرسکدا اے ؟ ایس لئی پئی خُدا انصاف کردا اے ،اوہ ہر کسے نوں یسوع مسیح دے راہیں پہلوں ای مقرر کر چُکیا تے چُن چُکیا اے تے کوئی وی نئیں ہیگا اے جیہڑا اوہدی راستبازی دی مکتی تو ں سکھنا اے ۔ یسوع مسیح توں اَڈ خُدا دا پہلوں توں مقررکرنا تے چناؤ کرنا بے مطلب تے بائبل مقدس دے مطابق نئیں اے ۔ ایہہ بے نصیبی اے پئی بوھتے خُدائی تعلیم دے ماہر دعوے کردے رہندے نیں پئی خُدا نے کئیاں نوں چُنیا جد پئی اوہنے دوجیاں نوں چھڈ دتا ۔
ایتھوں تیک پئی جگ نوں بناؤن توں پہلوں ، خُدا نے سارے پاپیاں نوں بچاؤن تے یسوع مسیح دے راہیں اپنی راستبازی نال اوہناں نو ں اپنے پُتر بناؤن دا ارادہ کیتا ۔ دوجے اکھراں وچ ، اوہنے سارے پاپیاں نوں یسوع دی خوشخبری دے راہیں چُنیا ، فیر تُسیں کویں ایمان رکھدے او ؟
کیہ تُسیں ایمان رکھدے او پئی بُدھ مت دے آگُو پہاڑاں اُتے بوھتی بھگتی کردیاں ہویاں خُدا دے چُنے جان توں باہر نیں؟ جے خُدا داپہلوں توں مقرر کرنا تے چناؤکرنا یسوع مسیح توں بغیر شرطوں اڈ ہوندا ، اوہدے کلام دی منادی کرنا ، نہ ای ایہدے اُتے ایمان رکھنا ساڈے لئی کوئی ضروری نئیں ہووے گا ۔ جے ، مکتی داتا یسوع مسیح توں اڈ ، کئی لوک مکتی یافتہ ہون دا نصیب رکھدے سَن تے دوجے نئیں رکھدے سَن ، تاں پاپیاں نوں یسوع اُتے ایمان رکھن دی بالکل وی کوئی لوڑ نئیں ہووے گی ۔ مطلب اے یسوع سانوں اپنے بپتسمے تے صلیبی لہو دے راہیں سانوں پاپاں توں بچا چُکیا اے ، اخیر وچ، ایہہ وی بے مطلب ہو جاوے گا ۔ پر خُدا دی راستبازی وچ جیہڑی یسوع مسیح وچ پائی جاندی اے ، خُدا نے ایتھوں تیک پئی اوہناں بُدھ مت دے آگُوآں نوں مکتی دی اجازت دتی جیہڑے یسوع اُتے ایمان نئیں رکھدے ، صرف جے اوہ توبہ کردے تے اپنے دلاں نوں خُدا ول موڑدے نیں ۔
جگ و چ بوہت سارے لوک ہیگے نیں جیہڑے یسوع اُتے ایمان رکھدے ہویاں اپنی حیاتیاں بسر کردے نیں ۔ اسیں اوہناں نوں دو جھُنڈاں وچ ونڈاں گے ، اک جھُنڈ وچ اوہ ہون گے جیہڑے عیسو وانگر نیں تے دوجے وچ اوہ ہون گے جیہڑے یعقوب وانگر نیں ۔ یعقوب وانگر لوک اپنے آپ نوں دوزخ دے حقدار پاپیاں وانگر پچھان دے نیں ، تے ایسے طرحاں یسوع دے راہیں دتی گئی پانی تے رُوح دی خوشخبری اُتے ایمان رکھن دے سبب اپنے پاپاں توں مکتی یافتہ ہوندے نیں ۔دوجا جھُنڈ عیسو وانگر لوکاں اُتے مشتمل اے ، جیہڑے اسمان دے بوہیاں وچوں جان لئی یسوع اُتے اپنے عقیدیاں نال اپنیاں ذاتی ہمتاں کرکے ہتھ پیر ماردے نیں ۔
تُسیں کیہدے وانگر جے ؟ یعقوب یاں عیسو ؟ کیہ تُسیں خُدا دی راستبازی اُتے ایمان رکھدے او ؟ یاں کیہ تُسیں پہلوں توں مقرر ہون والی غلط خُدائی تعلیم اُتے ایمان رکھدے او ؟ ایناں دو عقیدیاں وچوں تہاڈا انتخاب فیصلہ کرے گا پئی تُسیں کتھے مکو گے — اسمان اُتے یاں دوزخ وچ ۔ تہانوں لازمی طوراُتے ایہہ غلط خُدائی تعلیماں چھڈ دینیاں چاہی دیاں نیں تے خُدا دی راستبازی دے راہیں دسی گئی ، پانی تے رُوح دی خوش خبری اُتے ایمان رکھن دے راہیں اوہدے نال صلح قائم کرن لئی خُدا دی راستبازی پاؤنی چاہی دی اے ۔ صرف ایہہ ایمان ساڈے پاپاں توں سانوں کامل مکتی تے ہمیش دیاں حیاتیاں دیندااے ۔
Copyright © 2021 by The New Life Mission