Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
مضمون 9: رومیوں (رومیوں دی کتاب اُتے تفسیر)
[10-1 باب] باب ۱۰ دا تعارف
کیہ لوک ہیگے نیں جیہڑے جدوں پئی اپنی راستبازی دا پِچھا کردے ہوئے ، پانی تے رُوح دی خوشخبری اُتے ایمان نئیں رکھدے نیں ؟ پاک کتاب آکھدی اے پئی ایہو جیہے لوک ، خُدادی راستبازی اُتے ایمان نہ رکھن تے اوہدی تھاں اُتے اپنی دلی راستبازی دے پچھے چلدے ہویاں ، اوہ نیں جیہڑےخُدا د ے خلاف ہو جاندے نیں ۔ ایہہ لوک کیہ کرن گے ؟
کیہ خُدا نے سارے لوکاں نوں اپنی مکتی دین دا ارادہ نئیں بنایا ، جیہڑی خُدادی راستبازی اے ، تے اسرائیلیاں دے راہیں یسوع نوں گھلیا ؟ بنا شک اوہنے گھلیا ! یسوع بوہت پیارنال ہر پاپی نوں اوہدے پاپاں توں بچاؤنا چاؤہندا سی پئی اوہ ایس دھرتی اُتے آیا ، سولی اُتے مرگیا تے مویاں وچوں جیوں اُٹھیا ۔ دوجے اکھراں وچ ، اوہ اوہناں ساریاں نوں بچاؤن لئی آیا جیہڑے اوہدے اُتے ایمان رکھدے نیں ۔
خُدا باپ نے اسرائیلیاں کول اوہناں نوں اوہناں دے پاپاں توں بچاؤن لئی یسوع مسیح نوں گھلیا ، تے فیر وی اِسرائیلیاں نیں یسوع نوں مطلب اے خُدادی راستبازی قبول نہ کیتا ۔ایہدی تھاں اُتے ، اوہ اپنی دلی راستبازی دیاں ریجھاں وچ پھسے ہوئے سَن ۔ایتھوں تیک حالے تیک اوہ اوہناں لوکاں دے مسیحا تے اپنیاں جاناں دے مکتی داتا وانگر اوہنوں قبول کرن دے لائق نئیں ہیگے ۔
پولُس نے آکھیا پئی اوہ لوک موجودہیگے نیں جیہڑے خُدا ولوں گھلے جاندے نیں ، تے ایہہ اوہناں دے راہیں ہیگا اے پئی سوہنی خوشخبری سُنی جا سکدی اے ۔ اوہدے گھلے ہوئے خادماں کولوں سُنی جان والی خوشخبری اوہ خوشخبری ہیگی اے جیہدے وچ خُدادی راستبازی ہیگی اے ۔ تُسیں ایس موقعے نوں ضائع نہیں کر سکدے ۔ صرف پانی تے رُوح دی ایہہ خوشخبری سُنن دے راہیں ،جیہدی خُدا دے خادم جیہڑے جان دے تے اوہدی راستبازی اُتے ایمان رکھن دے راہیں منادی کیتی جاندی اے ، تُسیں ایمان رکھن سکدے اوہ پئی خُدا تہانوں پاپاں توں معافی تے اپنی راستبازی دے چُکیا اے ۔
پانی تے رُوح دی خوشخبری جگ وچ ودھیا تےبوہت سوہنی خبر ہیگی اے ۔ ایہہ چنگی تے سوہنی خوشخبری ہیگی اے جیہڑی پاپیاں نوں اوہناں دے پاپاں توں بچا چُکی اے ۔ ایہہ سوہنی خوشخبر ی لوکاں دیاں جاناں نوں رجاؤندی اے ایس لئی پئی خُدا ولوں دتی گئی پانی تے رُوح دی خوشخبری لوکاں دیاں جاناں
لئی اصل خوراک ہیگی اے ۔
خُدا ولوں دتی گئی مکتی دی سوہنی خوشخبری وچ ہر کسے دے پاپاں نوں معاف کرن دی طاقت ہیگی اے ۔ پانی تے رُوح دی خوشخبری ساڈے پاپاں دی معافی دے راہیں ساڈے دلاں وچ سانوں سلامت رکھن لئی برکت دی طاقت رکھدی اے ۔
خُدا دی شریعت اُتے دھیان رکھدے ہوئے ، اسرائیلی اپنی دلی راستبازی دے پچھے چلدے سَن ۔ ایس لئی پئی اوہناں نیں سوچیا پئی اوہناں دی دلی راستبازی شریعت وچ اوہناں دی فرمانبرداری نال بوہتی سی ، اوہناں نیں یسوع نوں اپنے مکتی داتا وانگر قبول نہ کیتا ۔ اوہ اپنے شریعت دے کماں پچھے چلدیاں ہویاں اینے گرم جوش سن پئی اوہ ایتھوں تیک پئی خُدادی راستبازی نوں برداشت نہ کر سکے ۔ اوہ ایتھوں تیک پئی حالے اپنی دلی راستبازی پچھے چلدے ہوئے اپنے مکتی داتا وانگر خُداوند نوں قبول کرن وچ ناکام ہوگئے ۔
کیہ پاک کتاب سانوں دسدی اے پئی اِسرائیلی اپنی دلی راستبازی قائم کرن لئی خُدادی راستبازی دے خلاف ہوگئے ؟ اِسرائیلیاں دے بارے وچ گل کردیاں ہویاں جیہڑے شریعت وچ پاگل سن ، پولُس نے اوہناں دے ایمان نوں ایہہ آکھدے ہویاں رد کیتا ، ”ایس لئی پئی ہر اک ایمان لیاؤن والے دی راستبازی لئی مسیح شریعت دی اخیر ہیگا اے ۔ “(رومیوں ۱۰: ۴)۔
اک شریعت والا ایمان جیہڑا اپنی دلی راستبازی پچھے چلدا اے خُدا دے اگے ٹھیک ایمان نئیں ہیگا اے ۔ جد پئی اسرائیلی پہلوں ای صرف پُرانے عہد نامے پچھے چلن وچ بنھے ہوئے سن ، اوہ سوچن وچ ناکام ہوگئے پئی یسوع نوں، جیہڑا خُدادی راستبازی بن گیا سی ، اوہنا ں دا مکتی داتابننا سی تے ایہدی تھاں اُتے اوہدے خلاف ہوگئے ۔ فخر کرن دے اپنے خیال وچ اوہ چُنے ہوئے لوک سن جنہاں نوں خُدا دا کلام دتا گیا تے جنہاں نیں اوہدے پچھے چلنا سی ، اسرائیلی ایہو جیہی قوم وانگر برباد ہو گئے جیہڑی خُدادی راستبازی دے خلاف ہو گئی سی ۔
کیہ تُسیں اپنی دلی راستبازی قائم کر ن نال بنھے ہوئے جے ؟
شریعت لئی اسرائیلیاں دے جذبے دا مسئلہ ایہہ سی پئی اوہناں دے خیال اپنی دلی راستبازی قائم
کرن وچ سن ۔ اپنی دلی راستبازی دے سبب ، ساڈے خُداوند دے راہیں بنائی گئی خُدادی راستبازی ساری دی ساری اک پاسے کر دتی گئی ۔
اِسرائیلیاں دے شریعت والے ایمان دا نتیجہ ایہہ سی پئی اوہ خُدادی راستبازی دے خلاف ہوندے ہویاں برباد ہوگئے ؛ ایس طرحاں ، اوہناں نیں حالے تیک احساس نئیں کیتا پئی کویں ،نہ دُہرائے جان دے لائق ، برباد کرن والا ایہہ نتیجہ بن گیا اے ۔ اوہناں دے شریعت دے کماں دا طریقہ اوہناں لئی کیہ چنگیائی یاں فائدہ لیاؤندی اے ؟ اوہناں دے خُدا دے کلام پچھے چلن لئی ریجھ صرف خُدادی راستبازی نوں جانن تے ایمان رکھن وچ رکاوٹاں وانگر برباد ہوگئے ۔ ایک واری فیر ، سانوں لازمی طوراُتے سوچناچاہی دا اے پئی اوہناں دی ”ریجھ“ جیہڑے شریعت دی ٹھیک دانائی نئیں رکھدے صرف اوہناں نوں اخیر وچ خُدادی راستبازی دے خلاف پھرن ول اگوائی کرے گی ۔
پاک کتاب سانوں صاف صاف دسدا اے پئی ،ہر کسے لئی جیہڑا ایمان رکھدا اے ، یسوع راستبازی لئی شریعت دی اخیر بن گیا ۔ساڈے خُدا نے اپنے بپتسمے تے سولی اُتے لہو وگا کے جگ دے سارے پاپاں نوں اپنے اُتے چُکن دے راہیں خُدادی راستبازی پوری کیتی،ایہہ سب کُجھ اِسرائیلیاں تے اوپریاں قوماں دونواں دے پاپاں نوں مکاؤندااے ۔ ایسے طرحاں ، پانی تے رُوح دی خوشخبری جیہڑی خُدادی راستبازی وچ ہیگی اے ، شریعت وچ نئیں ، ساریاں پاپاں لئی ریتلے علاقے وچ کھجوراں دا جنگل بن گئی اے ۔ ایہہ پانی تے رُوح دی خوشخبری اے جیہڑی ساڈے پاپاں نوں مکا چُکی اے تے سانوں اصل پاکیزگی دیندی اے ۔ کویں کوئی سگوں پانی تے رُوح دی خوشخبری دے راہیں تے کیہ جگ دے سارے پاپی اپنے دلاں وچ اصل پاکیزگی لبھ سکدے سَن ؟
ایتھے رومیوں دے خط وچ ، پولُس سانوں دسدااے پئی خُدادی راستبازی اُتے ایمان رکھن توں اڈ کسے دا اپنی راستبازی نوں قائم کرنا ڈاہڈا پاپ اے ۔ اسیں اوپریاں قوماں لئی خوشخبری دی کیہڑی قسم سوہنی خوشخبری بن گئی اے؟ ایہہ خوشخبری ہیگی اے جنہے سانوں دسیا اے پئی ساڈے خُداوند نے اپنے نال جگ دے سارے پاپاں نوں چُک لیا ا ے ۔
ایہہ خوشخبری اوہ خوشخبری ہیگی اے جیہڑی متی ۳ : ۱۳ ۔ ۱۷ وچ دسی گئی اے ، جیہڑی جگ دے سارے پاپاں نوں چُکن بارے یسوع دی گواہی دسدی اے : ”اوس ویلے یسوع گلیل توں یردن دے کنارے یوحنا کول اوہدے کولوں بپتسمہ لین آیا ۔ پر یوحنا ایہہ آکھ کے اوہنوں منع کردا رہیا پئی میَں آپ تیرے کولوں بپتسمہ لین دی تمنا کردا ہاں تے تُوں میرے کول آیا ایں ؟ یسوع نے جواب دیندیاں ہویاں اوہنوں آکھیا ہُن توں ہون ای دے ایس لئی پئی ساڈے لئی ایسے طرحاں ساری راستبازی نوں پوریاں کرنا چنگا اے ۔ اِنج اوہنے ہون دتا ۔ تے یسوع بپتسمہ لَے کے اوسے ویلے پانی کولوں اُتے گیا تے ویکھو اوہدے لئی اسمان کھُل گیا تے اوہنے خُدا دے رُوح نوں کبوتر وانگر اُتردیاں تے اپنے اُتے آؤندیاں ویکھیا ۔ تے ویکھو اسمان وچوں ایہہ آواز آئی پئی ایہہ میرا سوہنا پُتر ہیگا اے جیہدے توں میَں خوش ہیگا واں۔ “انج ایس طریقے نال یسوع نے یوحنا کولوں اپنے بپتسمہ نال اپنے آپ اُتےجگ دے سارے پاپاں نوں چُک لیا ۔
پولُس نے اوہناں شریعت نوں منن والیاں نوں لعن طعن کیتی جیہڑے ایہہ آکھدے ہویاں خُدادی راست بازی اُتے ایمان نئیں رکھدے ، ”آہو اسمان اُتے کیہڑا چڑھے گا ؟ (مطلب اے مسیح نوں ہیٹھاں لیاؤن لئی)“وکھ طریقے نال ویکھدیاں ہویاں ، ایہہ سوال پُچھدا اے ، ”کیہڑا صرف شریعت نوں منن دے راہیں اپنے پاپاں توں مکتی یافتہ ہو سکدااے ؟ “ پولُس دے سوال دا مقصد ایس گل نوں ودھاؤنا سی پئی شریعت نوں مننا کدی پاپ توں مکتی نئیں دیوے گا ۔ دوجے اکھراں وچ ، اوہ سانوں دسدا پیا اے ، ککھ نئیں ہیگا اے جیہڑا اسیں اپنے آپ نوں پاپ توں چھڈاؤن لئی کر سکدے آں ۔
پولُس بوہتی وار اپنے خطاں وچ خُدادی راستبازی بارے بولیا اے ۔ پولُس دا سچے ایمان لئی جواب رومیوں ۱۰ : ۱۰ وچ ہیگا اے ، جتھے ایہہ آکھیا گیا اے ، ”ایس لئی پئی راستبازی لئی ایمان لیاؤنا دلوں ہوندا اے تے مکتی لئی اقرار مونہوں کیتا جاندااے ۔ “پولُس دے راہیں ودھائی گئی خوشخبری اوہ ہیگی سی جیہڑی سانوں دسدی اے پئی اسیں اپنے خُداوند دے بپتسمے تے اوہدے صلیبی لہو اُتے ایمان رکھن دے راہیں خُدادی راستبازی پا سکدے آں ، جیہدے راہیں خُدادی ایہہ راستبازی ظاہر کیتی گئی اے ۔ سانوں لازمی طور اُتے ایمان رکھنا چاہی دا اے پئی خُداوند نے سانوں پانی تے رُوح دی خوشخبری دتی ، تے مطلب اے اوہنے اوہناں نوں اجازت دتی جیہڑے ایس خوشخبری اُتے ، سچے دلی سکون نال ایمان رکھدے نیں۔
سچا ایمان خُدا دا کلام سُنن نال ملدا اے
پولُس سانوں سچے ایمان دے بارے کیہ دسدااے ؟ رومیوں۱۰ : ۱۷ آکھدااے، ”ایس لئی ایمان سُنن نال ودھدااے تے سُننا مسیح دے کلام توں ۔“دوجے اکھراں وچ سچا ایمان ملدا اے جدوں اسیں خوش خبری سُن دے آں جیہڑی اوہدے خادم ، جنہاں دے راہیں خُدا بولدا اے ، اوہدے کلام دے نال منادی کردے نیں ۔
ساڈے کھرے ایمان دی کامل پختگی خُدا دا کلام سُنن نال ملدی اے ، تے ایسے طرحاں سچے ایمان دے لوک بننا اے ۔ سانوں لازمی طور اُتے اوہدے کلام نوں سُننا تے ایمان رکھنا چاہی دا اے ۔ صرف خُدا دا کلام سُنن دے راہیں اسیں کھراایمان رکھد سکدے آں تے صرف اوسے دےراہیں ساڈا ایمان ترقی کر سکدا اے ۔ ایس لئی خُدا ساڈے کول اپنے خاد م گھل چُکیا اے ،جیہڑے اوہدی راستبازی دی منادی کردے نیں ۔
جدوں اسیں خُدا ولوں لوکاں نوں دتی گئی پانی تے رُوح دی خوشخبری اُتے ایمان رکھدے آں ، اسیں اپنے پاپاں توں معافی پا سکدے آں تے اپنے دلاں وچ سکون نال جیوندے رہ سکدے آں ۔ پاپ توں مکتی صرف خُدادی راستبازی اُتے ایمان رکھن نال ملدی اے ، جیہدے توں اسیں اپنا دلی سکون پاواں گے ۔
کیہ سانوں نئیں دسیا گیا پئی ساڈے خُداونددی راستبازی ساڈے ہنجو پوہنجھ دیوے گی تے ساڈیاں ساریاں پیڑاں تے دکھاں توں چھڈاوے گی ؟ بنا شک سانوں دسیا گیا اے ۔ خُدا ولوں دتی گئی پانی تے رُوح دی خوش خبری دی راستبازی اُتے ایمان دے راہیں ، ساڈیاں ساریاں پیڑاں مُک جان گئیاں ۔ پانی تے رُوح دی خوشخبری جگ وچ بوہت سوہنی خبرتے خُدادی راستبازی دا پورا ہونا اے ۔
خُدا نے ساڈے خُداوند نوں گھلیا ، جنہے اوہدی راستبازی پوری کیتی ، اسرائیلیاں نے ، پر اپنی دلی راستبازی اُتے چلدے ہویاں ، اوہناں نیں اوہدے پاسے دھیان کرن توں انکار کر دتا ۔ فیر ، خُدا نے کیہ کیتا؟ اسرائیلیاں دے ساڑ نوں مکاؤن لئی ، خُدا نے خوشخبری ، اوہدی راستبازی دا پوراہونا، اوپریاں قوماں نوں ایمان رکھن لئی دتی ۔ فیر ، کیہ خُدا نے اوپریاں قوماں نوں پانی تے رُوح دی خوشخبری اُتے ایمان رکھن دے موقعے دی اجازت دتی ؟ بنا شک ، اوہنے اوہناں نوں پانی تے رُوح دی خوشخبری اُتے ایمان رکھن دا موقع دتا ، ایتھوں تیک پئی جدوں اوہناں نیں نہ اوہنوں لبھیا ،نہ اوہنوں سدیا ، تے اسرائیلیاں توں بوہت گھٹ اوہدی وڈیائی کیتی ۔
ایس سبب توں اوپریاں قوماں اوہدی راستبازی دے پورا ہون دی سوہنی خوشخبری اُتے ایمان رکھن دے راہیں خُدا دے پُتر بنن دے لائق سَن ۔ ایس لئی پاک کتاب سانوں دسدی اے پئی خُدادی راستبازی نوں اسرائیل توں باہر عزت تے جلال دتا گیا ۔
کنے سارے لوک اصل وچ پانی تے رُوح دی خوشخبری سب دین لئی خُدا دا شکر کردے نیں جنہےخُدادی راستبازی پوری کیتی اے ؟ ساڈا خُداوند نےپانی تے رُوح دی سوہنی خوشخبری نال جگ دے سارے پاپاں نوں چُکیا اے ۔ پر حالے ، بوہتے مسیحی ہیگے نیں جیہڑے ایس سچیائی اُتے ایمان نئیں رکھدے ۔ فیر کیہ اسیں کوئی راستبازی رکھدے آں جیہڑی اسیں خُدا دے اگےمقرر کر سکدے آں ؟ نئیں ، اسیں نئیں رکھدے !ایس لئی پئی سانوں نئیں پتہ ہیگا پئی خوشخبری جنہے خُدادی راستبازی پوری کیتی اے ، کی اے ؟ پر ایس خوشخبر ی نوں جاننا بوہت سوکھا اے !
اسیں وی ایس طرحاں دے لوک ہیگے آں جیہڑے اپنی دلی راستبازی اُتے چلے ہوئے ہوندے ،بالکل جویں اسرائیلیاں نیں کیتا سی ، پر خُدا نے سانوں پانی تے رُوح دی سوہنی خوشخبری دین دے راہیں ساڈے سارے پاپاں توں بچایا ۔ اسیں سانوں پانی تے رُوح دی خوشخبری دین ، مطلب اے خُدا دی راستبازی دے پورے ہون اُتے اپنے ایمان لئی خُداوند دا شکر ادا کردے آں ۔
بالکل نہ آکھو، ”اسمان اُتے کیہڑا چڑھےگا ؟ “
آیت ۶ آکھدی اے ، پر جیہڑی راستبازی ایمان نال اے اوہ اِنج آکھدی اے ، ” تُوں اپنے دل وچ ایہہ نہ آکھ پئی اسمان اُتے کیہڑا چڑھے گا ؟ (مطلب اے مسیح نوں ہیٹھاں لیاؤن لئی )۔“دونویں ساڈی مکتی تے ساڈی کھری خوشخبری دی سیوا کرنا پانی تے رُوح دی خوشخبری اُتے ساڈے ایمان دے راہیں سوکھا اے ، ساڈے کماں دے سبب نئیں ۔ جے ایہہ سچ مُچ ساڈے ایمان لئی نئیں سی جنہے خُدا دی راستبازی پوری کیتی ، اسیں کُجھ نئیں ساں سگوں پاپی جنہاں نیں اپنی دلی راستبازی پچھے چلن
والے شریعت نوں منن والیاں وانگر ، صرف خُدا نوں تنگ کیتا سی ۔
بالکل جویں ساڈی مکتی خُدادی راستبازی اُتے ایمان رکھن نال ملی ، اسیں اپنے خُداوند لئی ایس راستبازی اُتے ایمان رکھن دے سبب وی جیوندے رہ سکدے آں ۔ اپنی حیاتیاں نوں جاری رکھن لئی ساڈے لئی طاقت ، خُدادی راستبازی اُتے ساڈے ایمان توں ملدی اے ، جویں ساڈی ایس راستبازی دی تعلیم پانی تے رُوح دی خوشخبری اُتے ساڈے ایمان دے راہیں پیدا ہوئی اے ۔
کیہ اوہناں لئی خُدادی راستبازی اُتے ایمان توں ہٹ کے کوئی دوجی سچیائی ہیگی اے جنہاں نوں چھڈایا جانا اے؟ کوئی وی نئیں ہیگی اے ۔ مسیحیت دا وجود ایمان اُتے بھروسہ کردا اے ، تے ایہہ آکھنا جھوٹ موٹھ نئیں ہیگا پئی خُدادی راستبازی ساری مسیحی ایمان دے بارے وچ ہیگی اے۔ اوہ جیہڑے راستباز بنائے گئے نیں جیوندے رہ سکدے نیں تے ایس راستبازی اُتے اپنے ایمان دے راہیں خوشخبری دی منادی کر سکدے نیں ۔ فیر ، کیہ اوہ جیہڑے خُدادی راستبازی اُتے ایمان رکھدے نیں ، ایسے طرحاں دُکھڑے جردے نیں ؟ اوہ جردے نیں ۔ پر خُدادی راستبازی اُتے ایمان دے راہیں اوہ ساریاں دُکھاں اُتے فتح پا سکدے نیں ، جویں اوہ ایمان رکھدے تے بھروسہ کردے نیں پئی خُدا اوہناں دیاں مسئلیاں دی فکر کرے گا ۔ ایہو جیہے عقیدے خُدادی راستبازی اُتے ایمان رکھن نال پیدا ہوندے نیں ۔
دوجے ایمان دے بارے وچ کیہ ہیگا اے جیہدے وچ خُدادی راستبازی نئیں ہیگی اے؟ کیہ اوہ سارے بندیاں دے کماں اُتے نیہ ، غلط قِسم دا ایمان نئیں ہیگا ؟ بنا شک ، اوہ غلط اے ۔ اوہناں دا ایمان جیہڑے یسوع اُتے ایمان رکھدے نیں ، خُدادی راستبازی اُتے ایمان رکھن توں اڈ کھراایمان نئیں ہیگا اے ۔
کیہ تُسیں تے میَں پہلوں خُدادی راستبازی اُتے ایمان رکھن توں اڈ اپنے پاپاں توں چھُٹ سکدے آں ؟ کیہ اسیں اوہدی راستبازی اُتے ایمان رکھن توں اڈ خُدا اُتے اپنے ایمان دے راہیں جیوندے رہ سکدےآں؟ ایہہ وی سوکھا نئیں ہووے گا ۔ خُداوند دی سیوا کرن لئی راستبازاں دی طاقت پاک رُوح دی طاقت نال ملدی اے ، اوہناں نوں خُدادی راستبازی اُتے اوہناں دے ایمان دے انعام وانگر طاقت دتی گئی اے ۔ کیہ تُسیں صرف اپنی موہڈیاں دیاں طاقتاں یاں اپنیاں زمینی جائیداداں نال ایس جگ وچ جیوندے رہ سکدے او ؟
اسیں خُدادی راستبازی اُتے ایمان رکھن دے راہیں سلامتی نال خوشخبری دی سیوا کر سکد ے
آں ۔ اوہ جیہڑے پانی تے رُوح دی خوشخبری دی سیوا کردے نیں ایمان ، حوصلہ ، طاقت تے سلامتی رکھدے نیں ۔ راستباز لوک جیہڑے پانی تے رُوح دی خوشخبری،خُدادی راستبازی دے پورے ہون دی سیوا نئیں کر دے ، اوہ نہ سلامتی نہ ای حوصلہ رکھدے نیں ۔ کیہ راستبازاں دے دلاں نوں سلامتی دی لوڑ ہیگی اے ؟ بنا شک اوہ لوڑ مند نیں ۔ اوہ نہ صرف پانی تے رُوح دی خوشخبری ودھاؤن لئی ، سگوں بوہتیاں حداں تیک اپنیاں حیاتیاں بسر کرن لئی وی سلامتی دے لوڑ مند نیں ۔
کیہ تہاڈے دل وچ سلامتی ہیگی اے ؟ جے تہانوں صرف اپنے لئی جیوندے رہنا سی ، تہاڈے دل وچ سلامتی دے ودھن دا کوئی سبب نئیں ہووے گا ۔ تہانوں کیوں ہور کسے سلامتی یاں ایمان دی لوڑ ہووے گی جدوں صرف تُسیں بدن وچ جیوندے رہن لئی بدنی آساں نوں پوریاں کرن دے لوڑ مندجے ؟ پر جے تُسیں خُدا دی سیوا کرنی اے ، تہاڈے دل وچ سلامتی نوں وی ودھن دی لوڑ ہیگی اے ۔ خوشخبری دی سیوا لئی جنہے خُدادی راستبازی پوری کیتی اے ، تہاڈا ایمان تے سلامتی لازمی لوڑی دیاں نیں تے ودھن گے ۔
اوہ جیہڑے خُدادی راستبازی دی خوشخبری اُتے ایمان رکھدے نیں سارے جگ وچ اپنی سلامتی نوں ودھاؤن دے ذمہ دار نیں ۔ ایس لئی پئی ایہہ صرف اپنی اپنی فکراں دا معاملہ نئیں ہیگا اے ، سگوں ہر کسے تیک یسوع مسیح دے راہیں دتے گئے دلی سکون نوں ودھاؤن دی لوڑاے ،سانوں سارے جگ وچ خُدادی راستبازی نوں ودھاؤن دی لوڑ اے ۔ خُدا دی سلامتی حالے تیک دوجیاں لئی ، ایسے طرحاں ساڈے لئی وی خاص اے ۔ سانوں دوجیاں تیک ایس سلامتی نوں ودھاؤن دی کوشش وچ خُدا توں بوہتیاں منتاں کرن دی لوڑ اے ۔جدوں اسیں خُدادی راستبازی ودھاؤن لئی جیوندے آں ، صرف اوس ویلے ساڈی دلی سلامتی ودھے گی ، تےاسیں اپنی حیاتیاں دا واضح تے مہنگا ارادہ پاواں گے ۔
جے تُسیں خُدا ولوں دتے گئے سچے سکون نوں سکھنا چاؤہندے او ، تہانوں جانن تے خوشخبری اُتے ایمان رکھن دی لوڑ اے جنہوں اوہدی راستبازی نے پورا کیتا اے۔ تہانوں اپنے آپ لئی دلی سکون دا تجربہ کرن دی لوڑ اے جیہڑا خُدا نے تہاڈے لئی تیار کیتا اے ۔
تُسیں حالے تیک خُداوند دی ودھیا سیوا کیتی اے ، پر تہانوں چنگی طرحاں اوہدی سیوا کردیاں رہن دی لوڑ اے ، جدوں تیک تُسیں اوہدے اگے سد لَے نئیں جاندے ، تاں پئی دوجے لوک تہاڈے سکون نوں ونڈ سکن ۔ جدوں تُسیں خُدادی راستبازی اُتے اپنے ایمان نال سلامتی تیک اپڑدے او ، اوہ ایماندار جیہڑے مکتی لئی تہاڈے پچھے چلدے پئے نیں ، اوہ وی دوجے دے سکون لئی جیوندے رہ سکدے نیں ۔
اوہ جیہڑے اپنے ایمان وچ اجے نویں نویں نیں ایمان دی بادشاہی وچ بچے ہیگے نیں ، تے ایہنوں سمجھن لئی اپنے گُناں وچ حد وچ نیں ۔ پر جدوں اسیں اپنے ایمان دے مطابق جیوندے آں ،اوہ جیہڑے ساتھوں پچھے نیں ، بھاویں کُجھ ویلا لگ سکدا اے ، اخیریں ساڈے ایمان دے پچھے چلدیاں ہویاں ایس دانائی تیک اپڑن گے ، کویں چھڈائے ہوئے سکون نال اپنی حیاتیاں بسر کردے نیں ۔
کیہ تُسیں ایہہ اوہناں نوں سکھاؤنا اوکھا سمجھدے او جیہڑے تہاڈی اگوائی پچھے چلدے نیں کویں ایمان دے راہیں جیونا اے؟ سکھاؤن والی ایہو جیہی حیاتی راتوں رات پوری نئیں ہوندی ۔ خور ے بوہت وڈا چر لگ سکدا اے ایس توں پہلوں پئی تُسیں سکون نال جیون لئی ایمان دی ایس خاص قِسم لئی اوہناں دی اگوائی کرسکو ۔ پر ویلے دے نال ، اوہ جیہڑے خُدادی راستبازی اُتے ایمان رکھن دے راہیں چھڈائے گئے نیں اخیریں ایماندار لوکاں وانگر سکون نال جیونا سکھن گے ، بالکل جویں پہلوں ایمانداراں نیں خُدا دی سیوا کردے ہویاں اوہدے توں اپنا دلی سکون پایا ، مطلب اے اوہناں توں سکھن دے راہیں جیہڑے ساڈے وچوں اگانہہ نیں ۔
تُسیں تے میَں ، سانوں ساریاں نوں لازمی طور اُتے خُدادی راستبازی اُتے ایمان رکھن دے راہیں جیونا چاہی دا اے ۔ راستبازاں نوں لازمی طور اُتے کلام اُتے اپنے ایمان دے راہیں جیونا چاہی دا اے ۔ دونواں ساڈی ہُن والیاں تے آؤن والے دناں دی حیاتیاں نوں لازمی طور اُتے ایمان دے راہیں مِنیا جانا چاہی دا اے ۔ پاک کتاب ساتھوں پُچھدی اے ،”تے بِنا ں منادی کرن والے دے کویں سُنن؟ “ ایس لئی پئی اسیں خُدادی راستبازی اُتے ایمان رکھدے آں ، سانوں لازمی طور اُتے جگ تیک خوشخبری دی منادی کرنی چاہی دی اے ۔ جدوں اسیں خوشخبری ودھاؤندے پئے آں تاں ایمان دے راہیں ، اسیں ساریاں مشکلاں نال نبڑ سکدے آں جیہڑیاں ساڈے اُتے آسکدیاں نیں ۔
راستبازاں دیاں حیاتیاں جیہڑے ایمان دے راہیں جیوندے نئیں ہیگے اوہ نیں جنہاں دا دلی سکون گواچ گیا اے ۔ خُدادی راستبازی اُتے ایمان رکھنا لوکاں نوں اوہناں دا دلی سکون پاؤن دی اجازت دیندا ا ے ۔ جدوں اسیں ساریاں شیواں لئی خُدا دے کلام تے اوہدی راستبازی اُتے ایمان رکھدے آں ، سانوں ساڈا سکون دتا جاوے گا ۔
تہانوں لازمی طور اُتے اپنے سکون تے ایمان وچ خُدادی راستبازی اُتے ایمان رکھن دے راہیں پکیاں ہوکے کھلونا چاہی دا اے ۔ تہانوں لازمی طور اُتے خُدا دی وڈیائی وی کرنی چاہی دی اے ،ایس لئی پئی خُداوند اپنی راستبازی تے سکون دی مکتی دے راہیں جیون لئی ، تہانوں اجازت دے چُکیااے ۔ خُدا کرے تہاڈی خوشخبری دی منادی کرن دے راہیں ،خُدا اُتے ایمان رکھ کے ، جیہدے توں تُسیں اپنا سکون پایا اے اپنیاں حیاتی بسرکرو ۔
کیہ اسیں رومیوں دے خط وچوں سکھن دے لائق ہوگئے آں خُدادی راستبازی کنی کامل اے ؟ رومیوں دا خط کھول کے دسدااے پئی خُدادی ایہہ راستبازی کیہ ہیگی اے ۔خُدادی راستبازی جیہدے بارے وچ اسیں گل کردے آں بندیاں دی نئیں سگوں خُدا ، اپنے آپ اکلے نے بنائی اے ۔ خُدادی راستبازی کامل ہیگی اے تے سانوں ساڈے پاپاں توں بچاؤن لئی حدوں بوہتی اے ۔ اپنے بپتسمے دے راہیں جگ دے سارے پاپاں نوں ، یسوع نے اوہناں نال کیتی ہوئی کاملیت نال پرواہ کیتی ۔ مطلب اے اسیں یسوع اُتے ایمان رکھ سکد ے آں ایس سچیائی دے سبب ہیگا اے پئی خُدادی راستبازی کامل ہیگی اے ۔ ایس لئی پئی خُدا دی ایس راستبازی نے سانوں ساڈے سارے پاپاں توں کامل طریقے نال مکتی دتی ، ایس خوشخبری اُتے ایمان رکھنا ساڈے لئی کامل طریقے نال خاص ہیگا اے جیہڑا اوہدی راستبازی نے پورا کیتا اے ۔
خُدادی راستبازی اُتے ایمان رکھن دے راہیں ، اسیں اپنیاں حیاتیاں تعریف کردیاں ،شکر کردیاں تے اوہدی وڈیائی کردے ہویاں بسر کر سکد ے آں ۔ لوک خُدا دی پاکیزگی وچ صرف اوہدی راستبازی اُتے ایمان رکھن دے راہیں رہ سکدے نیں ۔ ایس راستبازی اُتے ایمان رکھن دے راہیں ،ساڈے دل پا ک ہوندے نیں ، اسیں خُدا دی وڈیائی کر سکدے آں تے ساڈیاں حیاتیاں اوہدے جلال لئی جیوندیاں رہ سکدیاں نیں ۔
جےخُدادی راستبازی پوری نئیں ہوئی سی ، اسیں اپنے پاپاں توں چھڈائے جان دے لائق نہ ہوئے ہوندے ، بھاویں ساڈا نسلی پاپ خورے یسوع اُتے ایمان رکھن دے راہیں معاف ہوسکدااے ، ایہدے بعدوں ساڈے اپنے اندر دے ہر دیہاڑے دی نیہ اُتے کیتے گئے ہر پاپ نوں روزانہ توبہ دیاں دعاواں دی لوڑ ہووے گی ۔
پر خُدا دی راستبازی اُتے ایمان رکھن دے راہیں ساڈ ے چھڈائے جان دے بعدوں ، اوہ جیہڑا
پانی تے رُوح دی خوشخبری وچ وکھایا گیا اے ، فیر اسیں احساس کر سکدے آں پئی خُدا دی ایہہ راستبازی حتمی سی ۔ ایس لئی میَں ایس سچیائی لئی حدوں ودھ کے شکرگزار ہونا آں پئی خُدا دی راستبازی ہمیش تیک ایمان رکھن لائق تے کامل اے ۔ایس لئی پئی خُدا دی راستبازی سارے ہو سکن والے پاپاں توں سانوں چھڈا چُکی اے جیہڑے اسیں اپنی ساریاں حیاتیاں وچ کر سکدے ساں ،اسیں اوہدی راستبازی اُتے ایمان رکھن دے راہیں پاپ توں مکتی یافتہ ہوسکدے آں ۔
اوہ جیہڑے خُدا دی راستبازی دا موازنہ ساڈی بدنی گندگی دے نال نئیں کردے اوہدی راستبازی اُتے ایمان نئیں رکھ سکدے ایس لئی پئی اوہ سوکھے طریقے نال احساس نئیں کردےپئی ایہہ کنی وڈی اے ۔ایتھوں تیک پئی بوہتا کامل بندہ کجھ وی نئیں ہیگاجدوں خُدا دی راستبازی نال موازنہ کیتا جاوے، ایس لئی اسیں اوہدی راستبازی اُتے ایمان رکھدے آں تے اِنج اوہدی پاکیزگی وچ رہن دی اجازت پاؤندے آں ۔ دوجے اکھراں وچ اسیں اوہ بن جاندے آں جیہڑے اوہدی راستبازی اُتے ایمان رکھن تے رہن دے راہیں خُدا نوں جلال دیندے آں ۔
سانوں اپنے دلاں وچ خُدا دی راستبازی دی ٹھیک سُدھ بُدھ رکھن دی لوڑ اے جیہڑی ایہہ ہیگی اے پئی ، سانوں لازمی طور اُتے ایہہ سوچنا چاہی دا اے پئی خُدا دی راستبازی کامل طریقے نال تے سارے دی ساری سانوں ساڈے پاپاں توں چھڈا سکدی اے ۔ کیہ اسیں اپنیاں حیاتیاں وچ بے گنت پاپ نئیں کردے ؟ فیر کیوں خُدا نے راستباز کم نوں کامل کیتا جیہڑا سانوں ایہو جیہے بے گنت پاپاں توں چھڈا چُکیا اے ۔ اوہنے ساڈے بدناں وانگر ایس دھرتی اُتے آؤن دے راہیں ایہنوں کامل کیتا ، ساڈے سارے پاپاں نوں یوحنا کولوں بپتسمہ لین دے راہیں چُک کے ،سولی اُتے مر کے تے مویاں وچوں جیوں کے – مختصر خُدا دی ساری راستبازی پوری کر دتی ۔
ہر کوئی ، جوان تے بُڈھے ،امیرتے غریب ، تگڑے تے ماڑے پا پ کردے نیں ۔ فیر ، کنہے سانوں جگ دے ایہناں سارے پاپاں توں بچایا؟ ایہہ یسوع مسیح سی جنہے خُدا دی راستبازی پوری کر کے سانوں ساڈے سارے پاپاں توں چھڈایا ۔ مطلب اے خُدا نے کامل طریقے نال ساڈے سارے پاپ چُکن تے کامل طریقے نال اوہناں نوں مکاؤن لئی یسوع نوں گھلیا جیہڑا خُدا دی اصلی راستبازی اے ۔
کُجھ اوہدے توں ہٹ کے مختصرطورتے خُدا دی راستبازی نئیں اے جیہڑی سانوں ساڈے ساریاں پاپاں توں بچا چُکی اے ۔ خُدا دی راستبازی اکو ای وار سانوں جگ دے سارے پاپاں توں چھڈا چُکی اے ۔ کیہ اوہدی راست بازی کامل طریقے نال تے مکمل طریقے نال کامل نئیں اے؟ اسیں اوہدی محبت نوں بلاؤندے آں جیہڑی خُدا نے سانوں دتی اے جیہڑی نہ صرف ساڈیاں حیاتیاں وچ سگوں خُدا دی راستبازی مطلب ا ے ساری ہمیشگی تیک وی نئیں مکے گی ۔
جویں یوحنا بپتسمہ دین والے نیں اعلان کیتا جدوں اوہنے اوہنوں بپتسمہ دین دے بعد اگلے دیہاڑے یسوع نوں ویکھیا ، ”ویکھو ایہہ خُدا دا میمنا اے جیہڑا جگ دا پاپ چُک کے لَے جاندااے ۔ “ جویں پئی یسوع نے یوحنا نوں دسیا جدوں اوہ پہلوں اوہنوں بپتسمہ دین توں مُکر گیا ، ”ہُن تُوں ہون ای دے ایس لئی پئی ساڈے لئی ایسے طرحاں ساری راستبازی نوں پوریاں کرنا چنگااے۔ “(متی۳ : ۱۵)۔ایہناں حوالیاں دا کیہ مطلب اے ؟ اوہ سچیائی توں گھٹ مطلب نئیں رکھدے پئی یسوع دا بپتسمہ تے اوہدی صلیبی موت خُدا دی کھری راستبازی نیں ۔ خُدا دی ایہہ راستبازی سانوں نئیں چھڈ دی جدوں اسیں ماڑے تے اوہدے جلال دے اگے ہولے پیندے آں ۔
اسیں صرف خُدا دی وڈیائی کر سکدے آں تے اوہنوں جلال دے سکدے آں اوس حدوں ودھ محبت لئی جنہے سانوں بچایا اے تے اوہدی راستبازی وچ رہن لئی سانوں اجازت دے چُکی اے ۔ اوہ جیہڑے خُدا دی راستبازی اُتے ایمان رکھدے نیں ، اپنی باقی دیاں حیاتیاں وچ اوہدی راستبازی لئی جیون لئی آؤندے نیں ۔ لوکاں یاں جگ اُتے ایمان رکھن توں ساڈے لئی خُدا اُتے ایمان بوہت چنگا اے ۔اک سوہنی حیاتی ایہو جیہی حیاتی اے جیہڑی پاپ توں کامل مکتی دی خوشخبری دی منادی کردی اے ۔ ایس لئی سانوں کامل طریقے نال لازمی طور اُتے خُدا دی راستبازی نوں جاننا تے ایمان رکھنا چاہی دا اے ۔
اوہ جنہاں نیں پاپاں توں معافی پائی اے گواہی دین گے ، ”یسوع نے یوحنا کولوں بپتسمہ لَے کے ساڈے سارے پاپاں نوں چُکیا اے ! تے اوہنے جگ دے سارے پاپاں لئی میری تھاں اُتے دُکھڑے جرے سَن ! “جدوں اسیں خُدا دی راستبازی اُتے ایمان رکھدے آں، اسیں صرف ایہو جیہاں برکتاں لئی اوہدا شکر ادا کرسکدے آں ۔
جدوں تُسیں اپنی کمیاں دے سبب ڈکوڈولے کھاندے او ، بدن دے سبب پا پ وچ ڈگدے او ، یاں جدوں تُسیں اپنے پاپاں دے سبب حوصلہ ہاردے تے دُکھی ہوندے او ، خُدا دی راستبازی ول ویکھو جنہے تہانوں کامل کیتا اے ۔ کیہ خُدا دی راستبازی نے سانوں وی راستباز بنایا ؟کیہ یسوع نے اپنے بپتسمے دے راہیں کامل طریقے نال ساڈے پاپاں نوں نئیں چُکیا ؟ کیہ اوہدی مکتی نے سانوں ساڈے سارے پاپاں
توں نئیں بچایا ، اوہناں پاپاں نوں رلاؤندیاں ہویاں جیہڑے اسیں آؤن والے دناں وچ وی کراں گے ؟
صرف جدوں اسیں ایمان رکھدے آں پئی یسوع مسیح سانوں مکمل طور اُتے تے کامل طور اُتے بچا چُکیا اے اسیں خُدا دی راستبازی اُتے ایمان رکھدے آں ۔ صرف جدوں اسیں خُدا دی راستبازی اُتے ایمان رکھدے آں اسیں راستباز بن دے آں ۔ اوہ جیہڑے خُدا دی راستبازی اُتے ایمان رکھدے نیں اوہدی راستبازی لئی ہتھیار بن سکدے نیں۔ خُدا دی راستبازی دی کاملیت خاص ہیگی اے ۔ اوہ جیہڑے اپنی دلی راستبازی دا جد پئی خُدا دی راستبازی توں انجان رہ کے پچھا کردے نیں ، صرف خُدا ولوں لعنتی ہون لئی ، اپنی بربادی اُتے اَڑے ہوئے نیں ۔
پولُس دی گل اُتے دھیان کرو، ” اوہ خُدا دے بارے وچ غیرت تاں رکھدے نیں پر سمجھ نال نئیں“
کویں اسیں ایمان دی چھڈائی ہوئی حیاتی بسرکرسکدے آں تے خُدا دے لوک بن سکدےآں، جے اسیں اوہدی راستبازی نوں نئیں جان دے ؟اوہ جیہڑے شریعت دے پچھے چل د ے نیں، اوہناں نوں لازمی طور اُتے جاننا چاہی دا اے پئی اوہناں دے پاپ اوہناں دی بربادی لئی اگوائی کرن گے ،تے شکر گزار ہون پئی خُدا دی راستبازی نے اوہناں نوں کامل طریقے نال بچایا اے ۔ مطلب اے یسوع ساڈا مکتی داتا بن گیا اے ،مطلب اے، اسیں اوہدے اُتے ایمان رکھدے آں تے مطلب اے اسیں اوہنوں جلال دیندے آں ایس لئی پئی اسیں جان دے آں تے خُدا دی راستبازی اُتے ایمان رکھدے آں ۔ صرف اوہدی راستبازی اُتے ایمان رکھن دے راہیں اسیں اوہدے پُتر ، بے پاپ بن دے آں ، تے ہمیش دی حیاتی پاؤندے آں ۔ اوہ لوک جیہڑے یسوع اُتے ایمان رکھن دا اقرار کردے نیں تے تابع دار حیاتیاں بسر کردے نیں ، پر خُدا دی راستبازی نوں نئیں جان دے ، اوہناں نیں لعنتی بننا اے ۔
پولُس نے رومیوں وچ گواہی دتی پئی اسرائیلیاں نیں ، جدپئی خُدا دی راستبازی نوں نہ جان دے ہویاں اپنی دلی راستبازی نوں قائم کرنا لبھیا، تے ایس طرحاں ، خُدا دی راستبازی دا آکھا نہ منیا ۔ اوہناں نوں وی لازمی طور اُتے خُدا دی راستبازی اُتے ایمان رکھنا چاہی دا اے ۔
سانوں لازمی طور اُتے ایمان رکھنا چاہی دا اے پئی خُدا نے سانوں جگ دے پاپاں توں چھڈایا اے ۔ ساڈے سارے پاپ جگ دےاوہناں پاپاں وچ رَلے نیں ۔ اوہناں وچوں سارے پاپ خُدا دی راستبازی دے پورے ہون نال مُک گئے نیں ۔ کیہ تُسیں ایس سچیائی اُتے ایمان رکھدے او ؟
”ایس لئی پئی ہر اک ایمان لیاؤن والے دی راستبازی لئی مسیح شریعت دی اخیر اے “
خُدا دی راستبازی شریعت دی اخیر اے ۔ سبب ایہہ ہیگا اے پئی یسوع مسیح نے اپنے بپتسمے تے سولی اُتے مرن نال جگ دے سارے پاپاں نوں چکُن دے راہیں شریعت دیاں ساریاں شرطاں دا جواب دتا ۔
لازمی طور اُتے پاپ دا اخیر موت اے ، پر ایہہ لکھیا ہویا اے پئی خُدا دی راستبازی شریعت دی اخیر اے ۔ کاہدے لئی ؟ ایس لئی پئی خُدا باپ نے اپنے اکلے پُتر نوں دھرتی اُتے بپتسمہ لین ، لوکاں دے سارے پاپ چُکن، سولی اُتے مرن تے مویاں وچوں جیون لئی گھل کے کامل طریقے نال سانوں بچایا اے ۔
اپنے دلوں خُدا دی راستبازی اُتے ایمان رکھنا تے شریعت دی راستبازی پچھے چلنا دو وکھ وکھ شیواں نیں ۔ کیہ تُسیں اپنے چنگے کماں دے راہیں پاپاں توں معافی پائی اے ؟ کیہ تُسیں اپنے دلی چنگے کماں دے راہیں اپنی مکتی پائی اے ؟ ایس جگ وچ سارے دوجے دین سکھاؤندے نیں پئی اپنے پاپاں توں نبڑن داطریقہ چنگے کم کرن دے راہیں ہیگا اے ۔ مثال دے طور اُتے ، بُدھ مت دی تعلیم پاپ دے بارے وچ دانائی دسدی اے پئی تُسیں اپنی بسر کیتی ہوئی حیاتی دے پاپاں توں اپنی موجودہ حیاتی وچ چنگے کم کرن دے راہیں چھُٹ سکدے او ۔ کیہ ایہہ تہانوں کوئی مت دیندااے ؟
اک بندہ صرف اکو وارجم دا اے تے صرف اکو وار مردااے ، تے اوہدے بعد انصاف ہووےگا ۔ ایس لئی پئی ہر کوئی ایس جگ وچ صرف اکو وار جم داتے ایس لئی خُدا ول مُڑدا اے ، کوئی بندہ حیاتی دے دوجے گھیرے وچ دھرتی اُتے نئیں مُڑ سکدا ۔ ایس لئی لوکاں نوں لازمی طور اُتے جد پئی دھرتی اُتے رہندے ہویاں خُدا دی راستبازی اُتے ایمان رکھن دے راہیں مکتی پاؤنی چاہی دی اے ۔ کرما دی بُدھ مت
دی ایہہ تعلیم کیہڑی قِسم دا عقل دا گھاٹا اے ؟
ایمان رکھنا پئی اسیں اپنے پاپاں توں چھُٹ جاندے آں ، خُدا دی راستبازی اُتے ایمان رکھنا اے۔ خُدا دی راستبازی اُتے ایمان رکھنا صرف اکلا اوہدی راستبازی اُتے ایمان رکھنااے، ساڈے دلی چنگیاں کماں اُتے ایمان رکھنا نئیں اے ۔ فیر کویں ، خُدا دی ایمان دی راستبازی بولدی اے ؟ جویں رومیوں دے خط وچ لکھیا گیا اے ، ایس طریقے نال اِنج آکھدااے ،” تُوں اپنے دل وچ ایہہ نہ آکھ پئی اسمان اُتے کیہڑا چڑھے گا؟ “ ایس لئی پئی خُدا دی راستبازی کسے دے دل وچ ایمان رکھن نال دِسدی اے ، کسے بدنی طاقت دی قِسم دے راہیں نئیں دِسدی اے ۔
اسیں خُدا دے پُتر تے بے پاپ لوک بن دے آں جیہڑےخُدا دی راستبازی اُتے ایمان رکھن دے راہیں ہمیش دیاں حیاتیاں پاؤندے آں ۔ ایس لئی پئی اسیں اپنے دلی پاپ اپنے آپ حل نئیں کر سکدے ، سب کُجھ فضول اے پئی اسیں کنے چنگے کم کردے آں ، ساڈیا ں کوششاں صرف خُدا دے اگے ہور پاپاں وانگر مُک جاندیاں نیں ۔ ایس لئی سانوں اپنے آپ اُتوں ایہو جیہے ایمان نوں چھڈنا چاہی دا اے تے ایہدی تھاں اُتے اوہدی راستبازی اُتے چلدے ہویاں راستباز خُدا اُتے ایمان رکھنا چاہی دا اے ۔ کئی لوک پُچھدے نیں ، ” کیہ اسیں صرف یسوع اُتے ایمان رکھن نال مکتی یافتہ نئیں ہو سکدے بھاویں اسیں خُدا دی راستبازی نوں نئیں جان دے ؟کیہ ایہہ نئیں لکھیا پئی جیہڑا وی خُداوند دا نام لوے گا مکتی پاوے گا ؟ “پر مکتی صرف یسوع دا نام لین دے راہیں نئیں ملدی ، سگوں خُدا دی راستبازی نوں جانن تے کامل طریقے نال ایمان رکھن نال ملدی اے ۔
جیہڑا وی خُدا دی راستبازی اُتے ایمان رکھدا اے کدی شرمندہ نئیں ہوندا
آیت ۱۱ آکھدی اے ، ” جیہڑا وی اوہدے اُتے ایمان رکھےگا اوہ شرمندہ نئیں ہووےگا۔“ ایس حوالے دا کیہ مطلب اے ؟ جیہڑا وی اوہدے اُتے ایمان رکھدااےاوہ شرمندہ نئیں ہوندا ایس لئی پئی اوہ خُدا دی راستبازی اُتے ایمان رکھدااے ۔ ” جیہڑا وی اوہدے اُتے ایمان رکھےگا “ اوہدی راستبازی اُتے ایمان رکھن والیاں بارے دسدااے ۔
ایس حوالے دے بارے کیہ خیال اے ، ” جیہڑا وی خُداوند دا نام لوے گا مکتی پاوے گا ؟ “ ایہدا مطلب ہیگا اے پئی اوہ جیہڑے پانی تے رُوح دی خوشخبری نوں جان دے تے اوہدے اُتے ایمان رکھدے نیں ،یسوع نوں بلاؤندے نیں ، جیہڑے ویلے ای اوہ اوہدے اُتے مکتی داتا خُدا وانگر ایمان رکھدے نیں ۔ جویں اسیں خُدا دی راستبازی دے راہیں اپنی مکتی پاؤندے آں ، اسیں ایمان رکھدے آں پئی ساڈی مکتی ایس سچیائی اُتے ایمان رکھن دے راہیں سانوں ملی اے ۔
دوجے اکھراں وچ ، ایس ایمان توں ہٹ کے ، سب فضول اے پئی اسیں کنی وار بے فائدہ یسوع دانام بلاؤندے آں ، اسیں اپنے پاپاں توں مکتی یافتہ نئیں ہوواں گے ۔ایس لئی پاک کتاب کامل طریقے نال یسوع وچ خُدا دی راستبازی دے بارے وچ گل کردی اے ، خُدا وند دے نام نوں بلاؤنا اکلا سانوں ساڈی مکتی نئیں دیوے گا ۔
پاک کتاب بالکل مُڈھوں سانوں خُدا دی راستبازی دے بارے دسدی اے ۔جویں پیدائش دی کتاب وچ لکھیا ہویا اے ، خُدا نے عدن دے باغ وچ حیاتی دا رُکھ تے نیکی تے بدی دی پچھان دا رُکھ لایا ،تے آدم تے حوا نوں نیکی تے بدی دی پچھان دے رُکھ وچوں نہ کھان دا حکم دتا ۔ خُدا نے اوہناں نال کیہ مطالبہ کرنا سی ، اوہدے کلام اُتے اوہناں دا ایمان سی ۔ایہنوں وکھ طریقے نال رکھدے ہویاں ، خُدا نے اوہناں نوں ہمیش دی حیاتی پاؤن لئی حیاتی دے رُکھ وچوں کھان دا حکم دتا ۔
خُدا دا کلام آکھدااے ، ”راستباز ایمان نال جیوندارہوےگا۔“اسیں وی ، اپنیاں ساریاں حیاتیاں وچ خُدا دی راستبازی اُتے اپنے ایمان دے راہیں جیوندے آں— جدوں توں اسیں مکتی یافتہ ہون لئی پہلوں اوہدے اُتے ایمان رکھیا مطلب اے جدوں اسیں اپنی مکتی پاؤندے آں، تے اخیریں ، جدوں تیک اسیں خُدا دی بادشاہی وچ نئیں اپڑ جاندے ایمان رکھدے آں ۔
ایس جگ وچ بوہتے مسیحی آکھدے نیں پئی پاپ توں مکتی یسوع اُتے ایمان رکھن نال ملدی اے ، پر اصل وچ ، اوہناں وچوں بوہتے اپنے پاپاں توں چھڈائے ہوئے نئیں ہیگے ایس لئی پئی اوہ خُدا دی راستبازی نوں نئیں جان دے ۔ کیہ نتیجہ نکلے گا جدوں لوک خُدا دی راستبازی جانن توں اڈ یسوع اُتے ایمان رکھدے نیں ؟ ایہو جیہے لوک وکھالے دیاں نشانیاں وکھا سکدے نیں پئی اوہ اپنی عبادت تے دعاواں دے سبب ترس بھرے ایماندارنیں ۔ پر ایس لئی پئی اوہ خُدا دی راستبازی نوں نئیں جان دے ، اوہ صرف دین اُتے عمل کرن والیاں وانگر ،ایسے طرحاں نہ چھڈائے گئے پاپی ای رہن گے ۔
بوہت سارے دونویں مسیحی جھُنڈ تے اسرائیلیاں وچوں لوک خُدا دی راستبازی نوں نئیں جان دے ،تے ایس طرحاں اوہدی راستبازی دی فرمانبرداری نئیں کردے پئے ۔ اوہ جیہڑے یسوع اُتے ایمان رکھدے نیں ، حالے تیک خُدا دی راستبازی اُتے ایمان نئیں رکھدے ، ایس کھری راستبازی اُتے نشانی لا دیندے نیں ۔ ایہہ چنگے کم کرن ، بوہتے چندے دین یاں خُدا دے اگے اپنے دلی دوجے کماں دے راہیں نئیں اے پئی یسوع اُتے ایمان رکھن والے جنے چِر تیک اوہ خُدا دی راستبازی نوں نئیں جان دے ،راستبازی پاؤندے نیں ۔
اوہ جیہڑے خُدا دی راستبازی اُتے ایمان رکھدے نیں اوہدے اُتے ایمان رکھدے نیں ، ایس توں ہٹ کے اوہ اپنے آپ وچ کیہو جیہے حالات ویکھدے نیں ، تے ایس طرحاں بھگتی دیاں حیاتیاں بسر کردے نیں تے خُدا دے جلال لئی شکر کردے نیں ۔ ساڈے وچوں اوہناں دی جیہڑے خُدا دی راستبازی اُتے ایمان رکھدے نیں ، بوہتیاں غلطیاں دِسدیاں نیں ، اینیاں بوہتیاں پئی اوہدی راستبازی ساڈیاں اکھیاں دے اگے بوہت چوکھی چمکدی اے ۔ میَں دعا منگدا ہاں پئی تُسیں وی ایہو جیہی بیداری پاوو۔
کیہ اسیں خُدا دی راستبازی پا سکدے آں ایس لئی پئی اسیں کسے طرحاں اپنے بدن وچ کجھ انصاف رکھدے آں ؟ بنا شک نئیں ! کجھ نئیں ہیگا اے جیہڑا ساڈے وچ چنگا ہووے ، جیہڑا خُدا دی راستبازی تو ں ہٹ کے ہیگا اے۔ ایس لئی پئی خُدا سانوں مکمل طریقے نال اپنی راستبازی نال ساڈے پاپاں توں بچا چکیا اے ، اسیں ایمان رکھدے تے اوہدی راستبازی دی وڈیائی کردے آں ۔ اوہدی راستبازی سانوں کامل طریقے نال ساڈے پاپاں توں بچا چُکی اے ۔
اپنے کماں اُتے بھروسہ کرن والے ایمان وچ نہ ڈِگو جدوں تُسیں اپنی حیاتی دے ڈوہنگے ٹوئے وچ ڈِگ پیندے او ، سگوں اپنے حالات توں ہٹ کے،سدا خُدا دی راستبازی اُتے ایمان رکھو ۔ خُدا دی راست بازی ہمیش تیک کامل ہیگی اے ۔ ایس جگ وچ ہر کسے نوں اوہدی راستبازی جاننی چاہی دی اے ،تے اوہناں نوں لازمی طور اُتے پانی تے رُوح دی خوشخبری اُتے چلدے ہویاں اوہدے وچ جیونا چاہی دا اے ۔ ایس لئی پئی بوہتے جیہڑے یسوع اُتے ایمان رکھن دے اقرار کردے نیں صرف حالے تیک شریعت دی راستبازی دے راہیں جیوندے نیں ، اوہناں نوں یقین کرنا چاہی دا اے پئی اوہ خُدا دی راستبازی نوں جان دے نیں ۔
پولُس ایہہ آکھدے ہویاں نتیجہ کڈھدا اے پئی خُدا دی راستبازی اوہدی راستبازی پوری کر دی
اے ۔ خُدا دی کھری خوشخبری نوں جانن توں اڈ کوئی وضاحت نئیں کر سکدا پئی اوہدی راستبازی کیہ اے ۔ ایہو جیہے لوک خورے آکھ سکدے نیں ، جدوں خُدا دی راستبازی دا کیہ مطلب اے بارے گل بات کرن لئی پچھیا جاوے ، ”یسوع میرا مکتی داتا اے جیہڑا سولی اُتے مرگیا ، مویاں وچوں جیوں اُٹھیا تے مینوں میرے پاپاں توں بچا لیا۔ “پر اوہ ودھاؤن گے پئی اوہناں نوں لازمی طور اُتے اپنے ہر دیہاڑے دے پاپاں لئی توبہ دیاں دعاواں منگنیاں چاہی دیاں نیں ،تے مطلب اے کامل ہون لئی ، اوہناں نوں لازمی طور اُتے ہولی ہولی پاک ہونا چاہی دا اے ۔
تہانوں لازمی طور اُتے خُدا دی راستبازی جانن لئی پہلوں اپنے آپ نوں جاننا چاہی دا اے ۔ جے تُسیں دونویں اپنے آپ نوں تے خُدا دی راستبازی نوں جان دے او، تُسیں کوئی فیصلہ نئیں کروگے سگوں اوہدی راستبازی اُتے ایمان رکھنا،ایس لئی پئی جدوں تہاڈی ذات نال موازنہ کیتا جاوے، تُسیں احساس کروگے پئی کنی اُچی ، وڈی تے مہنگی خُدا دی راستبازی اے ۔پر جے تُسیں اوہدی راستبازی نوں نئیں جان دے ، تُسیں اپنی دلی راستبازی پچھے چل کے خوش ہوووگے ۔ اوہ جیہڑے اپنی دلی راستبازی توں خوش نیں خُدا دی راستبازی دے پچھے نئیں چلدے ، جویں اوہ صرف اپنی دلی ترقیاں دا پچھا کرن دی آس رکھدے نیں ۔
سانوں لازمی طور اُتے اوہدے اُتے ایمان رکھن تے اوہدا شکر ادا کرن توں پہلوں خُدا دی راستبازی نوں جاننا چاہی دا اے ۔ خُدا دی راستبازی جان کے ، اسیں ایمان رکھ سکدےآں پئی یسوع نے اپنے بپتسمے تے سولی اُتے مر کے اپنے آپ اُتے اوہناں نوں چُکن دے راہیں جگ دے سارے پاپاں نوں چُک لیا ۔ جے اسیں اپنے آپ دے چنگیاں کماں نال راستبازہو سکدے ساں ،سانوں خُدا دی راستبازی دے راہیں مکتی دی لوڑ نئیں ہونی سی ۔ پر جدوں اسیں سوچدے آں پئی ایہہ سوکھا نئیں اے ، اسیں اوہدی راستبازی دی وڈیائی بھاویں بوہتی کر سکدے آں ایس لئی پئی خُدا نے سانوں بچایا اے ، جیہڑے اپنیاں حیاتیاں چنگیاں کماں وچ رہندیاں ہویاں نئیں بسر کرسکدے ساں ۔
کیہ تہاڈیاں سوچاں تے کم سارے چنگے نیں ؟ بنا شک نئیں ۔ ایس لئی پئی اسیں بوہت چوکھیاں غلطیاں کردے آں مطلب اے خُدا سانوں اپنی راستبازی دے راہیں کامل طریقے نال بچا چُکیا اے ۔ ایس لئی پئی خُدا دی راستبازی اُتے ایمان نے سانوں بچایا اے ، ایس جگ وچ اوہناں ساریاں تیک اسیں اوہدی راست بازی دی منادی دی آس رکھدے آں جیہڑے ایہنوں نئیں جان دے ۔
اوہ جیہڑا اپنے آپ ایہنوں نئیں جان دا دوجیاں وچ عیب لبھدا اے تے اوہناں دے بارے وچ مندا بولدا اے ۔ پر جے اوہ خُدا دی راستبازی اُتے ایمان رکھن والا ہوندا ، اوہنوں لازمی طور اُتے فخر نال ایس راست بازی دی منادی کرنی چاہی دی اے ، تے لازمی طور اُتے اپنی دلی راستبازی اُتے گھمنڈ نئیں کرنا چاہی دا ۔ پر اوہ جیہڑے خُدا دی راستبازی اُتے ایمان نئیں رکھدے اوہدی راستبازی نوں نندن دا پاپ کردے نیں ۔ خُدا اوہناں دے پاپاں دی اوہناں نوں سزادیوےگا ۔
خُدا نے ایس دھرتی اُتے اپنے پُتر نوں گھلیا تے اپنے آپ نوں اوہدی راستبازی دے چُکیا اے ۔ جویں جویں اسیں اخیری دیہاڑے تیک اپڑدے پئے آں ، سانوں اک دوجے نال بحث نئیں کرنی چاہی دی اے پئی کناں دی شریعت دی راستبازی ودھیا یاں گئی گواتی اے ۔ اوہ جیہڑے خُدا دی راستبازی اُتے ایمان رکھدے نیں ، اوہناں نوں اپنے بدن وچ رہندیاں ہویاں اپنے آپ دی فکر نئیں کرنی چاہی دی اے ، سگوں صرف اوہدی راستبازی اُتے ایمان رکھن دے راہیں خُدا دا شکر اداکرنا چاہی دا اے ۔
آؤ اسیں اپنے خُدا دا شکر ادا کریے جیہڑا سانوں کامل طریقے نال اپنی راستبازی دے راہیں بچا چُکیا اے ۔ ایس لئی پئی خُدا دی راستبازی تہاڈے سارے پاپاں نوں معاف کر چُکی اے ، تہانوں لازمی طور اُتے اوہناں وانگر نئیں بننا چاہی دا اے جیہڑے اپنی دلی راستبازی پچھے چلن دے راہیں خُدا دے خلاف ہو جاندے نیں ۔
Copyright © 2021 by The New Life Mission