Kwa sababu ya Changamoto ya COVID-19 na usumbufu kwa huduma ya utumaji barua kimataifa, tumesimamisha kwa muda huduma yetu ya 'Utumaji wa Vitabu vya Bure viyilivyo chapishwa.
Kwa kuzingatia hali hii hatuwezi kukutumia vitabu hivi kwa wakati huu.
Omba kwamba janga hili litamalizika hivi karibuni na kuanza tena kwa huduma ya posta.
Omba kwamba janga hili litamalizika hivi karibuni na kuanza tena kwa huduma ya posta.
مضمون 9: رومیوں (رومیوں دی کتاب اُتے تفسیر)
[12 باب] خُدا دے اگے اپنا دل نواں کرو
”ایس لئی اے بھراوو ۔میَں خُدا دیاں رحمتاں یاد کراکے تہاڈی منت کرداہاں پئی اپنے بدن ایہو جیہی قربانی ہون لئی پیش کرو جیہڑی جیوندی تے پاک تے خُدا نوں چنگی لگے ۔ ایہو ای تہاڈی جائز بھگتی اے ۔ “(رومیوں ۱۲ : ۱)۔
”ایہو ای جائز بھگتی“ کیہ ہیگی اے ، جیہڑی نویں انٹرنیشنل ورژن (NIV)وچ ”وڈیائی دےرُوحانی کم“وانگر ترجمہ کیتی گئی اے ، جیہڑی سانوں لازمی طور اُتے خُدا دے اگے لیاؤنی چاہی دی اے ؟ خُدا دے اگے جائز بھگتی کرن دا مطلب اوہدے راستباز کم کرن لئی اوہدے اگے اپنے بدن لیاؤنے نیں ۔ ایس لئی پئی اسیں مکتی یافتہ ہیگے آں ، سانوں اپنے بدن پیش کرن تے سچی خوشخبری ودھاؤن لئی خُدا دے اگے قابلِ قبول ہون دی لوڑ اے ۔ جائز بھگتی جیہڑی سانوں لازمی طور اُتے خُدا دے اگے پیش کرنی چاہی دی اے ، پاکیزگی وچ اپنے بدن پیش کرن لئی مخصوص کرنا اے ۔
باب ۱۲ وچ،پولُس گل کردااے پئی ساڈی رُوحانی بھگتی کیہ اے ۔ایس جگ دے روپ وانگر نئیں بننا اے ، سگوں اپنے دلاں نوں نویاں کرن دے راہیں بدلنا اے ، مطلب اے اسیں ثابت کر سکیے پئی خُدا دی چنگی ،خوش تے کامل مرضی کیہ ہیگی اے ۔
جائز بھگتی اپنے سارے بدناں تے دلاں نوں خُدا دے نانویں لاؤنا اے ۔ فیر ،کویں، راستباز خُدا دے اگے ایہو جیہی حیاتی بسرکر سکدے نیں ؟پولُس آکھدا اے پئی سانوں ایس جگ دے روپ وانگر نئیں بننا چاہی دا ، سگوں اپنے دلاں نوں نویاں کرن دے راہیں بدلنا چاہی دا اے ، تے مطلب اے سانوں اپنے بدن خُدا دے سچے کماں لئی حاضر کرنے چاہی دے نیں ۔ خُدا دی راستبازی اُتے ایمان رکھنا ، جد پئی اپنے دل تے بدن حاضر کرنا ،وی خُدا دے اگے جائز بھگتی ہیگی اے ۔
ایہہ حوالہ بوہت خاص ہیگا اے ایس لئی پئی ایہہ سانوں دسدااے پئی سانوں ایس جگ دے روپ وانگر نئیں بننا چاہی دا ،تے مطلب اے ایہدی تھاں اُتے ، سانوں خُدا دے کم کرنے چاہی دے نیں تے اپنے دلاں نوں نویاں کرن دے راہیں بدلنا چاہی دا اے ۔
اسیں پہلوں اپنے دلاں نوں نویاں کرن توں اڈ رُوحانی بھگتی نئیں کر سکدے ۔ ایتھوں تیک پئی
راستباز خُدا دے اگے اپنے بدن یاں دل نئیں دے سکدے جے اوہ اوہدی راستبازی اُتے ایمان رکھن توں رُک جاندے نیں ۔
اسیں ایس نسل توں متاثر ہو سکدے آں ، جویں اِنج ای پولُس دی نسل وچ ہویا سی ۔ ایس لئی پئی اسیں ایس پاپی نسل دے تلکن دے بہاؤ وچکار رہندے آں ، جے اسیں خُدا دی راستبازی اُتے ایمان نہ رکھیا ہونداتاں اسیں نہ بچدےہویاں ایس دور دے موجودہ حالاں وانگر چلدے رہنا سی ۔ ایتھوں تیک پئی راستباز جیہڑے خُدا دی راستبازی اُتے ایمان رکھدے نیں ، جگ دےبہاؤ توں متاثر ہون توں سارے دے سارے نئیں بچ سکدے ، جدوں اوہ اپنیاں حیاتیاں جگ دے لوکاں نال بسر کردے نیں ۔ ایس لئی پاک کتاب سانوں ایس جگ دے روپ وانگر بنن توں روکدی اے ۔
فیر ،کویں ، راستباز اپنےسارے دلاں تے بدناں نال خُدا دے اگے پاک قربانی ، جد پئی ایس جگ اُتے ظاہر ہوکے جائز بھگتی کرسکدے نیں ؟ ایہہ ہو سکدا اے صرف پانی تے رُوح دی خوشخبری اُتے ایمان رکھن دے راہیں جیہڑی ہمیش لئی ساڈے دلاں نوں نویاں کردی اے ۔ راستبازخُدا دی چنگی تے کامل مرضی نوں جان سکدے تے اوہدے پچھے چل سکدے نیں جدوں اوہ اپنے دلاں نوں نویاں کردے نیں تے اوہدی راستبازی دے راہیں بدل جاندے نیں ۔
ایہہ گل پولُس اپنے جگ دے معاملیاں داجانوں نہ ہون دے سبب نئیں آکھدا پیا ۔ نہ ای اوہ ایہہ آکھن دے راہیں ایمانداراں نوں دینی سبق دیندا پیا اے ، ” آؤ اسیں چنگے بنیے “جد پئی اپنے حالاں تے گُناں توں انجان ہوئیے ۔ کیہدے سبب توں پولُس ساڈے اگے اپنے دلاں نوں نویاں کرن دی حوصلہ افزائی کردا پیا اے ، ایس سبب توں کیوں جے چنگی طرحاں جان دا اے پئی ایماندار وی ، ایس جگ دے طریقیاں توں متاثر ہو سکدےنیں ۔
بھاویں نویں سریوں جمے ہوئے یاں نئیں ، بندیاں دے بدن اک دوجے توں بالکل فرق نئیں ہیگے ۔ پراوہناں وچکار جیہڑے نویں سریوں جمے نیں تے جیہڑے نئیں جمے نیں ، بوہت وڈا فرق ہیگا اے — ایہہ خُد ادی راستبازی اُتے ایمان ہیگا اے ۔ صرف راستباز اپنے دلاں نوں ہمیش لئی نویں کرن دے راہیں جد پئی پانی تےرُوح دی خوشخبری اُتے ایمان رکھ کے خُداوند دے پچھے چل سکدے نیں ۔
فیر ، ساڈے دلاں نوں کیہڑی شے نویاں کر سکدی اے ؟ خوشخبری دے کلام اُتےایمان جیہڑا پاپ توں ساڈے کامل چھٹکارے دی منادی کردااے مطلب اے جیہڑ ا ساڈے دلاں نوں نواں کردا اے ۔ خُدا وند نے سارے پاپاں نوں معاف کیتا اے جیہڑے اسیں اپنیاں کمیاں تے بدنی غلطیاں نال اپنے بدناں تے دلاں نال کیتے سن ۔ راستبازاں دے دل نویں ہو سکدے نیں ایس لئی پئی ساڈا خُداوند اپنے بپتسمے تے اپنے صلیبی لہو نال جگ دے سارے پاپاں نوں معاف کر چُکیا اے ۔ دوجے اکھراں وچ ، ساڈے دل ، نویں بن گئے نیں ایس لئی پئی اسیں خُد ادی راستبازی اُتے ایمان رکھیا ۔
ہُن ، سانوں ٹھیک تعلیم رکھن دی لوڑہیگی اے پئی اسیں خُدا دے اگے کیہ کرنا اے ۔ سانوں لازمی طور اُتے پچھاننا چاہی دا اے پئی اوہدی خاص مرضی کیہ ہیگی اے پئی ،اوہ ساڈے کولوں کیہ چاؤہندا اے ، اوہنے سانوں کیہ مقصد دتا اے ، تے نویں سریوں جمے ہوئے راستباز نوں لازمی طور کیہ کرنا چاہی دا اے ۔ سانوں لازمی طور اُتے ایناں حصیاں وچ اپنے دلاں نوں نواں کرنا چاہی دا اے تے اوہدی سیوا کرنی چاہی دی اے ۔ساڈے لئی خُدادی مرضی اپنے بدن تے دل نوں اوہدے لئی پاک قربانی وانگر اپنے آپ نوں ایس پاسے لاؤندے ہویاں پیش کرنا اے ۔ اسیں اپنے آپ نوں اوہدے اگے قربانیاں وانگر دے سکدے آں جدوں اسیں اپنے دلاں نوں نواں کردے آں ۔ اپنے دلاں نوں نواں کرنا ایمان رکھن نال ملدا اے پئی خُدا نے ساڈے سارے پاپ چُک لَے نیں ۔
اوہناں وچکار فرق اے ، اوہ جیہڑے نویں سریوں جمے نیں تے اوہ جیہڑے نئیں جمے ۔ صرف راستباز خُد ا دی راستبازی اُتے ایمان رکھن دے راہیں اپنے دلاں نوں نواں کرسکدے نیں ۔ اسیں ، راستباز ، سدا مطلب اے ایمان وچ اپنے دلاں نوں پاک کرن تے نواں کرن دے راہیں تے بدنی جگ دیاں آساں نوں رد کر کے اوہ کم کر سکدے آں ، جیہڑے خُدا نوں خوش کردے نیں ۔ راستباز پاپیاں توں فرق نیں ایس لئی پئی اوہ اپنے دل نویں کر سکدے نیں تے سدا سیوا کرسکدے تے خُداوند نال چل سکدے نیں ۔
تہانوں لازمی طور اُتےاپنے دل نوں ایمان نال نواں کرنا چاہی دا اے
ٹیلی ویژن اُتے بوہت مشہور لوک ہیگے نیں۔ ایس جگ دے لوک ایناں مشہور لوکاں دے طریقیاں تے فیشناں دی نقل کرن دی کوشش وچ لگے ہوئے نیں ۔ اسیں سوکھے طریقے نال ٹی وی ویکھ کے نویں نویں شوقاں بارے جان سکدے آں ۔ اسیں ریموٹ کنٹرول نال جگ نوں ویکھ سکدے آں ۔ کیہ تہاڈی حیاتی ایس جگ دے روپ وانگر بدلی نئیں اے ؟
میَں محسوس کر دا ہاں پئی ایہہ جگ بوہت چھیتی بدلدا پیا اے ۔ بھاویں ہُن اسیں بل لَے کے جاندے آں ، پر اخیریں اسیں بجلی والے پیسے تے بجلی والا کارڈ لَے کے جاواں گے ۔ جے ایہہ بجلی والا کارڈ گواچنا پریشان کر دیندااے ، سانوں اپنے ہتھاں یاں متھیاں اُتے ودھیا ضمانت لئی پکا کوڈ لین لئی آکھیا جاوےگا ۔ میَں ایہہ وی سوچدا ہاں پئی اوسے ویلے بوہت ساریاں آفتاں وی آؤن گئیاں ۔ آؤ اسیں اپنے دلاں نوں اپنے ذہناں وچ تازے کریے تے ایہو جیہے ویلے دے آؤن توں پہلوں خُد ادی راستبازی ودھاؤن لئی تیار کریے تاں پئی اسیں ، راستباز ، ایس جگ دے روپ وانگر نہ بنیے ۔
میَں ہر جاگن والے ویلے وچکار خُدا دی سیوا بارے سوچداہاں ۔ میَں سچےدلوں خوشخبری ودھاؤن دی آس رکھدا ہاں جیہڑی ہُن اوہدی راستبازی وچ ہیگی اے ، ایس لئی پئی جدوں ساڈے ہتھاں تے متھیاں اُتے پکا کوڈ لاؤن دا ویلا آوے گا تاں اوہدے کلام نوں ودھاؤنا ، سوکھا نئیں ہووےگا ۔ میَں تھکیوں بغیر خُدا دی مرضی دے پچھے چلن لئی کم کردا پیاہاں ۔ خورے میَں آرام کرن دے لائق ہوواں گا صرف جدوں اوہ دیہاڑا آوےگا مطلب اے میَں ہورکم نئیں کر سکا ں گا ۔ میَں لازمی طور اُتے ایتھوں تیک پئی لوڑ منداں نوں اپنی ساری جائیداد دیواں گا جدوں اوہ ویلا آوے گا ۔
پر ہُن تیک ، میَں صرف خُدا دی مرضی دے پچھے چلنا ، جگ توں وکھریاں تے اوہدے وانگر نہ بن کے کر سکدا ہاں ۔ روم وچ بوہتے راستباز جیہڑے پولُس دے راہیں ودھائی گئی خوشخبری دے سبب مکتی یافتہ ہوئے سن ۔ ویلا لنگھن دے نال ،جگ وانگر بن دے پئے سن تے ساڈے خُداوند توں دُور کھسکدے پئے سن ۔ سانوں لازمی طور اُتے اوہناں پچھے چلن ول دھیان نئیں کرنا چاہی دا ۔
پولُس نے ایہہ حوالہ بے سکونی وچ لکھیا ، جیہڑے ویلے روم دے ایماندار ایس جگ وانگر بن دے پئے سن ۔ ”تہاڈے بدن ایس جگ دے روپ وانگر بدل دے پئے نیں ، پر اک مہنگی شے ہیگی اے جیہڑی تُسیں کر سکدے او ۔ اپنے دلاں نوں نواں کرو۔ کیہ خُدا نے تہاڈے سارے پاپاں نوں مکایا اے ؟ خُد ادی سچی خوشخبری نوں یاد رکھو تے سوچو اوہدی خوشی کاہدے وچ اے ۔ اپنے دلاں نوں نواں کرو ، رُوحانی طریقے وچ سوچن دے راہیں تے بدنی طریقے نال نئیں کامل تے جائز کم کرو۔ “جویں پولُس نے روم دے ایمان داراں نوں نصیحت کیتی ، ایسے طرحاں ساڈے لئی اج تیک اے ۔
بھاویں اسیں ایس جگ دی شکل وانگر وکھالے طور اُتے نہ بنن دا فریب کردے آں ،اسیں اصل وچ بدل جاندے آں ۔ایتھوں تیک پئی ایسے طرحاں حالے تیک اپنے دلاں نوں نواں کرن دے راہیں خُداوند دی سیوا کر سکدے آں ۔ اپنی کمیاں دے سبب اسیں ایس جگ دےروپ وانگر نہ بننا اوکھا سمجھدے آں ، اسیں حالے تیک ایمان رکھدے آں پئی ساڈا خُداوند ، خُد ادی راستبازی دے راہیں ساڈے سارے پاپاں نوں مکا چُکیا اے ۔ ایس لئی اسیں ہمیشہ اوہدی راستبازی اُتے اپنے ایمان رکھن نال خُدا دے راستباز کماں دی سیوا کرسکدے آں ۔ اسیں کامل طریقے نال خُدا دی سچی تے کامل مرضی دے پچھے اوہدے اُتے ایمان رکھن دے راہیں چل سکدے آں ۔
لازمی طور اُتے ہر ویلے اپنے دلاں نوں نواں کرنا چاہی دا اے ۔ ایس لئی پئی راستباز جیہڑے ایس جگ لئی موئے نیں ، جگ دے لوکاں توں بوہتے کھرے نیں ، اوہ جگ دے لوکاں توں بوہتے غلط سوچاں توں ، دلاں تے بدناں وچ ڈِگن دے بوہتے خطرے وچ ہوندے نیں ۔ ایس لئی سانوں لازمی طور اُتے خُد ا دی راستبازی اُتے اپنے ایمان رکھ کے اپنے دلاں دی راکھی کرنی چاہی دی اے ۔
ایس لئی پئی مسیح نے ساڈے سارے پاپ مکا دتے نیں ، سانوں صرف سچیائی نال اپنے آپ نوں تسلی دیندے ہویاں ایمان وچ پکیاں ہوکے کھلون دی لوڑ ہیگی اے پئی ساڈا ایمان کامل کیتا گیا اے ۔کیہ تُسیں ایمان رکھدے او پئی تہاڈا خُداوند خُد ادی راستبازی دے راہیں تہاڈے سارے پاپاں نوں مکا چُکیا اے ؟ جے تُسیں ایمان رکھدے او ،فیر تُسیں ایمان نال ،اپنی پرانی ساری بدی توہٹ کے اپنے خُداوند دے کم کر سکدے او ، ایس لئی پئی خُداوند تہانوں تہاڈےسارے دکھاں تے تہاڈے پاپاں دی سزا توں چھڈا چُکیا اے ۔
سانوں لازمی طور اُتے پانی تےرُوح دی خوشخبری اُتے ایمان رکھن دے راہیں اپنے دلاں نوں نواں کرنا چاہی دا اے ۔ ایہہ بوہت خاص ہیگا اے ۔ اسیں سارے اخیریں کلیسیا نوں چھڈدیواں گے تے مرجانواں گے ، جے اسیں ایناں اخیری دناں وچ پانی تےرُوح دی خوشخبری اُتے ایمان دے راہیں اپنے دلاں نوں نواں نئیں کردے ۔
لگاتار نواں کرن دی ایمان دی حیاتی جیونا پہاڑی اُتے سائیکل نال چڑھن وانگر اے ۔کسے دا اپنے دل نوں نواں نہ کرنا ، اُتے پہاڑی اُتے رُکن تے پیڈلاں نوں نہ چلاؤن وانگر اے ۔ جے تُسیں پیڈلاں نوں نئیں چلاؤندے ، نہ صرف تُسیں رُک جاووگے سگوں تُسیں اصل وچ پچھاں ول تلکو گے تے پہاڑی توں
ہیٹھاں ڈگ پووگے ۔
ایہو ای اصول خُد ادی راستبازی اُتے ساڈے ایمان اُتے عائد ہوندا اے ۔ اسیں سائیکلاں نال اُتاں پہاڑی اُتے چڑھدے پئے آں ۔ اپنی طاقت تے مرضی دے راہیں صرف چوٹی اُتے اپڑنا اوکھا ہیگا اے ۔ سانوں خُد ا دی راستبازی نوں پکے ہتھاں نال پھڑن دی لوڑ اے ، جدوں تیک اسیں اپنے بدن وچ ہیگے آں ۔ اک وی منٹ بدنی خیالاں دے اڈ نئیں بسر ہوندا ۔
بدن وچ ساڈی مرضی سوکھے طریقے نال چھڈن لئی تیار اے جدوں اسیں اپنی طاقت وچ مٹھے ہوندے آں ۔” میَں ایہہ نئیں کرسکدا ۔ میَں ایہنوں اختیار نال نئیں کر سکدا ۔ میری اندر والی طاقت بوہت گھٹ ہیگی اے ، پراوس بھرادی اندروالی طاقت سچ مُچ تگڑی اے ۔ میَں ماڑا ہیگا واں ، پر اوہ بھین بوہتی طاقت والی اے ۔ میَں اوہناں بھراواں تے بھیناں دے برابربوہت ماڑا ہیگا واں ۔ اوہ خُدا دی سیوا لئی ٹھیک لگدے نیں ، پر میَں نئیں ۔“ کوئی وی جیہڑا ایمان نئیں رکھدا تے خُد ادی راستبازی نوں نئیں پھڑدا اخیریں پیڈلاں نوں چلاؤنا روک دیوےگا تے پہاڑی توں ہیٹھاں ڈِگ پوےگا ۔
کیہ ایہہ لوکاں دے صرف اک دستے اُتے لاگُو ہوندااے ؟ بنا شک نئیں ۔ ایہہ ہر کسے اُتے لاگُو ہوندااے ۔ اک ٹھیک سکھیا ہویا سائیکل سوار بوہتا سوکھا پہاڑی اُتے چڑھ سکدا اے ،پر ماڑے بندےاُتے اوکھا ویلا آجاوے گا ۔ پر ، راستبازاں لئی مسئلہ اوہناں دی بدنی طاقت وچ نئیں ہیگا — ایہہ پانی تےرُوح دی خوشخبری اُتے اپنے ایمان نوں پکیائی نال پھڑنا اے۔ صرف بدنی طاقت نال رُوحانی چوٹی تیک اپڑنا اوکھا ہیگا اے ۔ بدنی طور اُتے ماڑے یاں تگڑے ہون دا ایہدے نال کوئی تعلق نئیں ۔
یاد رکھو پئی کوئی وی ایمان والی حیاتی نئیں بسرکرسکدا صرف ایس لئی پئی اوہ پکے ارادے رکھدااے ۔ تہانوں لازمی طور اُتے اپنے آپ نوں دوجیاں نال برابری نئیں کرنی چاہی دی تے حوصلہ نئیں ہارنا چاہی دا ۔
صرف خُد ادی راستبازی نوں پھڑ لوو ۔ خُدا وند سانوں اُتاں کھچے گا جے اسیں پکے طریقے نال خُد ا دی راستبازی اُتے ایمان رکھ کے اپنے دلاں نوں نواں کردے آں ۔ مکتی دی خوشخبری جیہڑی سانوں ملی ساڈے دلاں وچ پیوند کیتی جاوےگی تے خُداوند سانوں تھام لوے گا جے اسیں ہر دیہاڑے اپنے دلاں نوں جانچدے آں ۔ سانوں لازمی طور اُتے خُد ادی راستبازی اُتے ایمان رکھن نال اپنے پلید دلاں نوں پاک تے خُداوند دا کم کرن وچ لائی رکھنا چاہی دا اے ۔
میَں اوہدے فضل لئی اپنے خُداوند دا شکر کردا ہاں جیہڑا ساڈے دل نویں کرن دے راہیں سانوں اوہدی سیوا دی اجازت دے چُکیا اے ۔ ساڈے دلاں نوں نواں کرن دے راہیں ، ساڈا خُداوند سانوں سدا ساڈے ایمان نال اوہدے اگے چلن د ی اجازت دے چُکیا اے ۔
ایس لئی پئی مینوں پتہ ہیگا پئی میرے اندر کوئی نیکی وسی ہوئی نئیں ہیگی اے
پولُس رومیوں ۷: ۱۸ وچ آکھدا اے ،” ایس لئی پئی مینوں پتہ ہیگا پئی میرے اندر کوئی نیکی وسی ہوئی نئیں پر ارارہ تاں میرے اندر ہیگا اے پر نیکی دے کم میرے کولوں نئیں ہوندے ۔“ پولُس نوں چنگی طرحاں پتہ سی پئی اوہدے بدن وچ کوئی نیکی نئیں ہیگی سی ۔ مطلب اے بدن وچ کوئی نیکی نئیں وسدی ایہہ اصول ہیگا اے ۔
پولُس نے اقرار کیتا پئی اوہدے بدن وچ کوئی نیکی وسی ہوئی نئیں سی ۔ اوہنوں پتہ ہیگا سی پئی سب فضول ہیگا اے ، اوہنے شریعت نال کنی محبت کیتی تے اوہنے کنی ایہدے مطابق جیون دی کوشش کیتی ، اوہ صرف اوہنوں پورا نئیں کر سکدا سی ۔ دل خُداوند دے پچھے چلن لئی اپنے آپ نواں ہونا چاہندا اے ، پر بدن رُوحانی جنگ دے میداناں وچوں مسلسل بھجنا چاؤہندااے ۔
ایس لئی پولُس نے رومیوں۷: ۲۱ ۔ ۲۴ وچ ہاڑے پائے ، ”ایس لئی مینوں ایہو جیہی شریعت ملی ہوئی اے پئی جدوں نیکی کرن داارادہ کردا ہاں تاں بدی میرے کول آن اپڑدی اے ۔ ایس لئی پئی بندیاں وانگر تاں میَں خُدا دی شریعت نوں بوہت پسند کردا ہاں ۔ پر مینوں اپنے ہڈاں پیراں وچ اک ہور طرحاں دی شریعت وکھالی دیندی اے جیہڑی میری عقل دی شریعت نال لڑکے مینوں اوس پاپ دی شریعت دی قید وچ لَے آؤندی اے جیہڑی میرے ہڈا ں پیراں وچ ہیگی اے ۔ ہائے میَں بوہت لیکھاں ماریابندہ ہیگا واں ! ایس موت دے بدن کولوں مینوں کیہڑا چھڈاوے گا ؟ “
پولُس نے کویں اپنے بدن بارے دسیا؟ اوہنے ایہدے بارے”موت دے بدن“وانگر دسیا ۔ تہاڈے بدن بارے کیہ خیال اے؟ کیہ ایہہ وی مرن والا بدن نئیں ہیگا اے ؟ بنا شک ایہہ ہیگا اے! بدن اپنے آپ مرن والا بدن ہیگا اے ۔ ایہہ صرف پاپ کرنا چاؤہندااے تے جاندااے جتھے وی پاپ ہوندا اے ۔ ” ہائے میَں بوہت لیکھاں ماریابندہ ہیگا واں ! ایس موت دے بدن کولوں مینوں کیہڑا چھڈاوے گا ؟ “تے ایس لئی پولُس نے آکھیا ، ”اپنے خُداوند یسوع مسیح دے راہیں خُدا دا شکر کردا ہاں ۔ ایس لئی میَں آپ اپنی دانائی نال تاں خُدا دی شریعت داپر بدن ولوں پاپ دی شریعت داقیدی آں ۔“(رومیوں ۷ : ۲۵)۔
پولُس سمجھاؤندااے پئی دو شریعتاں نیں ۔ پہلی بدنی شریعت اے ۔ ایہہ صرف بدنی آساں دے پچھے چلدی اے تے بدنی سوچاں وچ وسی ہوئی اے جیہڑی مکمل طریقے نال مخالف اے پئی خُدا کویں خوش ہوندا اے ۔
دوجی حیاتی دی رُوح دی شریعت اے ۔ رُوح دی شریعت سانوں چنگی راہ اُتے لَے جانا چاؤہندی اے جویں خُدا ساڈی پیروی لئی ساڈے کولوں چاؤہندااے ۔ رُوح دی شریعت آس رکھدی اے پئی بدنی شریعت دے خلاف کیہ اے ۔ اسیں مسیحی دونواں وچکار ، فیصلہ کرن دی کوشش کردے ہویاں پئی کتھے جانا اے ، پھسے ہوئے آں ۔
اسیں کئی واری اُنج ای کردے رہندے آں پئی ساڈا بدن کیہ چاؤہندا اے ، پرجدوں اسیں اپنے دلاں نوں نواں کردے آں ، اسیں رُوح دے راہیں آس رکھے گئے خُدا دے کم پچھے چلدے آں ۔ اسیں کاہدے لئی اِنج کردے آں — سبب ایہہ ہیگا اے ، اپنے بدن خُدا دے اگے قربانی وانگر پیش کرن لئی تے فیر چھیتی نال بدن دے کم کردے آں — ایس لئی پئی اسیں بدن وچ آں ۔ سانوں لازمی طور اُتے ایسے طرحاں پاک رُوح دے راہیں اپنے دلاں نوں نواں کرنا چاہی دا اے ۔
بھاویں اسیں مکتی یافتہ لوک ، چھیتی نال ایس جگ دے روپ وانگر ہوندے آں ایس لئی پئی اسیں حالے تیک بدن وچ آں ۔ ایس لئی پئی ہر باقی رہن والا بندہ ایس جگ وچ جگ دے رُوپ وانگر بدلن لئی حیاتی بسر کردا اے ، اسیں چھیتی نال اوہناں دا اثر لیندے آں ۔ ایسے طرحاں، صرف اک طریقہ ہیگا اے جیہدے راہیں اسیں خُدا پچھے چل سکدے آں ، تے ایہہ پئی اپنے دلاں نوں نویاں کرنا اے ۔ اسیں سدا ایمان وچ اپنے دلاں نوں نویاں کرن دے راہیں جیوندے رہ سکدے آں ۔ ایس طرحاں اسیں سدا اپنے خُداوند دے پچھے چل سکدے آں ، جدوں تیک اوہ فیر نئیں آجاندا ۔
صرف اپنے بدن نوں ویکھدے ہویاں ،ساڈے وچوں کوئی وی خُداوند دے راستباز کماں وچ
نئیں رہ سکدا تے اسیں سارےبربادی دے حقدار آں ۔ پراسیں اپنے دلاں نوں نویاں کرن تے اپنے سچے دل نال اوہدی راستبازی اُتے قائم رہن دے راہیں خُداوند دے پچھے چل سکدے آں ۔ سانوں لازمی طور اُتے اپنے دل نویں کرنے تے اوہدے پچھے چلنا چاہی دا اے ۔ ایس لئی پولُس نے رومیوں ۸ : ۲وچ آکھیا ، ”ایس لئی پئی حیاتی دے رُوح دی شریعت نے مسیح یسوع وچ مینوں پاپ تے موت دی شریعت توں چھڈایا اے ۔ “
شریعت اوہدے وچ جوکجھ نہ کر سکی ، مطلب اے بدن دے راہیں ماڑی سی ، اوہ مسیح خُدا دی راستبازی دے راہیں کرچُکیا اے ۔ جویں رومیوں ۸ : ۳ دسدااے ، ”ایس لئی پئی جیہڑا کم شریعت بدن دے سبب ماڑی ہو کے نہ کرسکی اوہ خُدا نے کیتا مطلب اے اوہنے اپنے پُتر نوں پاپ بھرے بدن دے روپ وچ تے پاپ دی قربانی لئی گھل کے بدن وچ پاپ دی سزا دا حکم دتا۔“
خُدا نے اپنے اکلے پُتر یسوع مسیح نوں ایس جگ وچ گھلیا تے اوہدے بدن نوں ساڈے پاپاں دی سزا دتی ۔ مطلب اے ” بدن وچ پاپ دی سزا دا حکم دتا۔“دا مطلب ہیگا اے پئی ساڈےسارے پاپ چُک لَے گئے سن تے اِنج اسیں راستباز بنائے گئے ساں ۔ اسیں خُدا دی راستبازی اُتے ایمان رکھن دے راہیں اپنے پاپاں توں چھُٹ گئے ساں ۔ شریعت دے انصاف دیاں لوڑاں پوریاں کرن دے بارے وچ ، خُدا نے اپنے پُتر نوں اپنے بپتسمے تے صلیبی لہو دے راہیں ساڈے سارے پاپاں نوں چُکن لئی تے سانوں جگ دے سارے پاپاں توں بچاؤن لئی گھلیا ۔
ایہہ مکتی پاؤن دے بعدوں ، دو قسماں دے لوک وکھالی دیندے نیں : اوہ جیہڑے بدن وچ جیوندے نیں تے اپنے دل بدنی کماں اُتے لاؤندے نیں ، تے اوہ جیہڑے رُوح دے مطابق جیوندے نیں تے اپنے دل رُوح دے کماں اُتے لاؤندے نیں ۔ تہانوں لازمی طور اُتے سمجھنا چاہی دا اے پئی بدنی خیال تہانوں موت ول لَے جاندے نیں ، پر رُوح دی خیال تہانوں حیاتی تے سکون ول لَے جاندے نیں ۔ بدنی نیت خُدا دے خلاف ویر اے ۔
اسیں خُدا دی شریعت اُتے قائم نئیں رہ سکدے ، نہ ای کدی انج کر سکدے آں (رومیوں ۸ : ۷)۔ ایتھوں پئی نویں سریوں جمے ہوئے راستباز بدنی خیالاں وچ ڈِگ پین گے جے اوہ اپنے دلاں نوں نواں نئیں کردے ۔ جے اسیں ایمان نئیں رکھدے پئی خُدا نے ساڈے سارے پاپاں نوں چُک لیا اے ، تے ایس طرحاں اپنے دلاں نوں نواں نئیں کردے ۔ اسیں چھیتی نال بدنی کماں وچ ڈِگ سکدے آں تے خُداوند دے پچھے نئیں چل سکدے ۔ ایس لئی سانوں لازمی طور اُتے سدا اپنے دلاں نوں نواں کرنا چاہی دا اے ۔
پولُس نے آکھیا پئی اسیں ، نویں سریوں جمے ہوئے راستباز ، کیہ بدنی خیالاں پچھے چلن دے راہیں بدن وچ ڈِگ سکدے آں ، یاں اپنے دلاں نوں نواں کرن دے سبب رُوح دے خیالاں پچھے چل سکدے آں ۔ اسیں دونواں وچکار لمکدے پئے آں ۔ پر پولُس نے فیر وی آکھیا ، ”پر تُسیں بدنی نئیں سگوں رُوحانی جے پر شرط ایہہ ہیگی اے پئی خُدا دا رُوح تہاڈے وچ وسیا ہویا اے ۔ پر جیہدے وچ مسیح دا رُوح نئیں اوہ اوہدا نئیں۔“(رومیوں ۸ :۹)۔
اسیں خُدا دے روحانی لوک ہیگے آں ۔ دوجے اکھراں وچ ، اسیں اوہدے لوک ہیگے آں ۔ بھاویں اسیں جگ دیاں آساں پچھے چلدے آں تے اپنے ماڑے ہون وچ اوہناں دے روپ وانگر بن دے آں ، اسیں فیر وی نویں سریوں جمے ہوئے آں ۔ اسیں بدن وچ ڈگدے آں جدوں اسیں اپنے دلاں نوں بدنی کماں ول لاؤندے آں ، پر ایس لئی پئی اسیں اپنے اندر وسیا ہویا پاک رُوح رکھدے آں ، اسیں مسیح دے لوک آں ، وکھ طریقے نال ویکھدیاں ہویاں ، اسیں راستباز مطلب اے خُدا دے لوک بن گئے آں ۔
پولُس نے آکھیا ، ”ساڈے بدن مسیح دے راہیں مر گئے نیں۔“ تے اوہنے ہورودھایا ، ”تے جے مسیح تہاڈے وچ ہیگا اے تاں بدن تاں پاپ دے سبب مویا اے پر رُوح راستبازی دے سبب جیوندی اے ۔“(رومیوں ۸ : ۱۰)۔ ساڈے رُوحانی خیالاں نوں لازمی طور اُتے جاگنا چاہی دا اے ۔ اسیں حالے تیک ماڑے ہیگے آں ، تے ساڈے بدن ساڈے مرن ویلے تیک چھیتی نال بھٹک جان گے ۔پر ساڈے دلاں تے خیالاں نوں لازمی طور اُتے خُدا دی راستباز ی اُتے ایمان رکھن دے راہیں سدا نواں ہونا چاہی دا اے ۔
آؤ اسیں خُدا دی راستباز ی اُتے اپنا دھیان کریے جدوں کدی اسیں اپنے دل وچ پاپ دی آس بارے سوچدے آں۔ اسیں فیر جان سکدے آں پئی خُدا دی راستباز ی نےساڈے سارے پاپاں نوں چُکیااے ۔ خُدا دی راستباز ی ول ویکھو تے ایمان رکھو۔ ساڈے سارے پاپاں نوں چُکن لئی اوہدا شکر ادا کرو تے خُدا دے کماں بارے سوچو ۔ سوچوخُدا دی کامل تے اوہنوں خوش کرن والی مرضی کیہ اے ۔ تہاڈا دل
فیر سدا نواں رہوے گا ۔
سانوں لازمی طور اُتے ایمان دے راہیں اپنے دلاں نوں نویاں کرنا چاہی دا اے تے اپنے دلاں نوں ایہو جیہاں شیواں ول لاؤنا چاہی دا اے جیہڑیاں خُدا نوں خوش کردیاں نیں ۔ ایس طرحاں راستبازاں نوں جیونا چاہی دا اے ۔ صرف اِنج ای کرن دے راہیں مطلب اے اوہدے جگ اُتے دوبارہ آؤن تیک ، اسیں خُداوند دے پچھے چل سکدے آں ۔ مینوں پتہ ہیگا اے پئی اسیں سارے اپنیاں ہر دیہاڑیاں دیاں حیاتیاں توں تھکے ہوئے آں ۔ کم کرنا اوکھا اے ، تے گرجے آؤنا اوکھا اے ۔ ہر کوئی اوکھا ہیگا اے ۔ کئی واری ، میَں ایتھوں تیک پئی یسوع اُتے فخر کردا ہاں جدوں اوہنے اپنے مرن ویلے رولا پایا ، ”ساراکم مُک گیا “مینوں پکا یقین ہیگا اے پئی اسیں وی ، ” ساراکم مُک گیا “ آکھن دے لائق ہوواں گے تے ایناں ساریاں دکھاں توں چھُٹ جاواں گے۔
ساڈے خُداوند دی دوجی آمد نیڑے ہیگی اے ۔ اودوں تیک ، آؤ اسیں ایس جگ دے روپ وانگر بنن توں اڈ اپنے دلاں نوں نواں کریے ۔ خُداوند دے پچھے چلن دے سبب ساڈے دلاں نوں خُدادی راستبازی اُتے قائم رہن دی لوڑ اے ، ساڈے دلاں نوں لازمی طور ہر ویلے نواں ہونا چاہی دا اے ۔ ایس طرحاں اسیں اوہدے واپس پرتن تیک خُداوند دے پچھے چل سکدے آں ۔ویلا نیڑے اے ۔
میَں تھوڑے دن پہلوں ای اک اخباری مکالمہ پڑھیا جنہے رپورٹ دتی پئی انٹارکٹک اوزون دا مورا وڈے خشک علاقے امریکہ دے حساب توں تِن حصے وڈا سی ۔ میَں بچاؤن والے میزائل دے اگے آؤن بارے وچ وی اک ہور مکالمہ پڑھیا ۔ ایہہ سسٹم بیلسٹک میزائلاں نوں ہوا وچکار برباد کرن دا ارادہ رکھدا اے ، تے ایہدے بنیادی تجربے کامیاب ہوئے نیں ۔ ایس ترقی داآؤنا بالکل صاف اے : ماحول بوہت چھیتی برباد ہوجاوے گا ایتھوں تیک پئی جویں فوجی طاقت دی بربادی دی گنجائش بوہتے لوکاں دے راہیں ودھدی جاندی اے ۔
جے اک ملک اپنی فوجی طاقت نوں ودھاؤندااے ، کیہ اوہدے ویری ایس ترقی دے برابر اپنی فوجی طاقت نوں نئیں ودھاؤن گے ؟ جگ دیاں ساریاں قوماں صرف کسے ملک دی ودھدی ہوئی اوہدی طاقت نوں ویکھن لئی بے کار نئیں کھلوون گئیاں ۔ کیہ ہووے گا جے ایناں وڈیاں طاقتاں وچکار جنگ شروع ہوجاوے ؟
جدوں کئی قوماں نیں نیوکلیائی ہتھیار بناؤن دی کوشش کیتی ، وڈیاں طاقتاں نیں اوہناں نوں
نیوکلیائی گُن سکھن توں روکن دی بوہت کوشش کیتی ۔ پر سانوں آکھن دیوو پئی اِنج روکن والیاں کوششاں ناکام ہو گئیاں نیں تے مطلب اے سوال وچ ملک بوہت بربادی دے ہتھیار پاؤن دے لائق سی تے اوہناں نوں ورتن دی دھمکی دتی ۔فیر ، باقی جگ لازمی طور اُتے ایناں حالاں نال نبڑن لئی نویں ہتھیار بناؤن دی کوشش کرے گا ۔
ایہو جیہے نویں ہتھیار گرمائش نال ، ایس جگ نوں نیوکلیائی ہتھیاراں توں بوہت چوکھا برباد کردین گے ۔ جنگ ہُن ہور بندوقاں نال نئیں لڑی جاندی جویں پہلیاں ویلیاں وچ ہوند ا سی ، لوکاں نوں مارنا کوئی اوکھا کم نئیں ہووےگا ؛سارے شہر یاں سارے ملک اک سیکنڈ وچ برباد ہو جان گے ۔ نیوکلیائی جنگ کسے تھاں اُتے نئیں ہووے گی ،سگوں سارے جگ وچ لڑائی دی اگوائی کرےگی ۔ ایہو جیہی جنگ دے راہیں پہلوں ای بربادی ، ایتھوں تیک پئی بوہت وڈی بربادی قدرتی بربادیاں دے روپ وچ جگ دی اُڈیک رکھے گی ۔ اوزون دی تہہ بوہت چھیتی برباد ہووےگی ، تے مدوجزر دیاں لہراں تے طوفان بوہتے جنگلاں دے وڈھن نال ودھن گے ۔ فیر مسیح دا مخالف بوہت طاقت نال وکھالی دیوے گا تے ایس جگ نوں فتح کریگا ۔
تُسیں خورے آکھ سکدے او پئی میَں ایس واقعےبارے مکن تیک گل کرداپیاہاں ، پر سارے لوک اپنی بدی دے بنیادی موڑ اُتے کھلوتے نیں ۔ قوماں ، فوجاں تے نویں ہتھیار بناؤندیاں پئیاں نیں ، جیہڑے کدی چنگیاں کماں لئی ورتے نیں جا سکدے ۔ نیوکلیائی ہتھیاردا مقابلہ صرف وڈی بربادی دے ہتھیاراں دی ایسے قِسم دے راہیں ہو سکدا اے ۔ ملک اک دوجے نال کھین گے تاں پئی اوہ اپنے آپ بچ جان ۔ دوجیاں قوماں کسے اک ملک دے خلاف اک ہون دی کوشش کرن گئیاں جیہڑا جگ اُتے بادشاہی کرنا چاؤہندا اے ۔ سب فضول اے مڈھلے ارادے کیہ سن ، اک واری ، بنائے گئے نیوکلیائی ہتھیارتے فوجی گُن صرف بھیڑیاں کماں لئی ورتے جاسکدے نیں ۔
بوہت چر پہلوں ، پولُس نے روم دے ایمانداراں نوں ایس جگ دے روپ وانگر نہ بنن سگوں اپنے دلاں نوں نواں کرن دے راہیں خُداوند دے پچھے چلن لئی آکھیا ۔ ایہہ ساڈے لئی بوہت چنگا حوالہ اے جیہڑے ایناں دناں وچ جیوندے نیں ۔ ایناں اخیری دیہاڑیاں وچ ، سانوں لازمی طور اُتے پچھاننا چاہی دا اے ، خُدا دی چنگی ، خوش کرن والی تے کامل مرضی کیہ اے تے اپنے ایمان نال خُداوند دے پچھے چلیے ۔
بھاویں ساڈے اندر بوہت کمیاں نیں ، ساڈاخُداوندقادرِ مطلق خُدا ہیگا اے ۔ قادرِ مطلق ساڈے اندر پاک رُوح دے رُوپ وچ رہندا اے ۔ بھاویں ساڈے فناہ ہون والے بدن ماڑے ہو سکدے نیں، پر ساڈے اندر پاک رُوح بوہت تگڑا اے ۔ ایہہ پاک رُوح کلام اُتے ایمان رکھن دے راہیں ساڈے دلاں نوں نواں کردااے تاں پئی اسیں خُداوند دے پچھے چلن دے لائق ہوسکیے ۔
آؤ اسیں سارے پاک رُوح دی طاقت اُتے بھروسہ کریے ۔ اپنے دلاں نوں نواں کریے تے خداوند دی سیوا کریے ۔ جے خُدا ساڈے ول مُڑدا اے جدوں اسیں اوہدی سیوا کردے پئے آں ، تاں فیر آؤاسیں اوہدے نال ٹُردے چلیے ۔ مسیح دے واپس مُڑن دے اوس دیہاڑے تیک ، اسیں خُدا دی راستبازی ودھاؤن لئی جیوندے رہواں گے ۔ اپنے دلاں نوں خُدا دی راستبازی اُتے ایمان رکھن دے راہیں نواں کرو ۔
Copyright © 2021 by The New Life Mission